📅 2024-yil 12-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 12 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 августа 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 12 August 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
Қарори
ВАҚТИНЧАЛИК НИЗОМ
СХЕМАСИ
Тўсиқсиз туризм орқали туризм имкониятларини янада кенгайтириш бўйича қулай шарт-шароитлар яратиш чора-тадбирлари тўғрисида
Республикада туризм инфратузилмасидаги мавжуд муаммоларни ҳал этиш, соҳада кўрсатилаётган хизматлар сифатини ошириш ва тўсиқсиз туризм йўналишида давлат томонидан ногиронлиги бўлган фуқароларга қўшимча рағбатлантиришлар яратиш ҳамда Ўзбекистон Республикаси Президентининг «Ўзбекистон Республикасида тўсиқсиз туризм инфратузилмасини ривожлантириш ва уни рағбатлантириш чора-тадбирлари тўғрисида» 2024 йил 12 январдаги ПҚ-20-сон қарорига мувофиқ Вазирлар Маҳкамаси қарор қилади:
1. Қуйидагиларни назарда тутувчи Меҳмонхона хизматларини кўрсатаётган тадбиркорлик субъектларига инфратузилмани ногиронлиги бўлган шахслар учун мослаштириш харажатларининг бир қисмини қоплаб бериш тартиби тўғрисидаги вақтинчалик низом (кейинги ўринларда — Вақтинчалик низом) иловага мувофиқ тасдиқлансин:
меҳмонхона хизматини кўрсатувчи тадбиркорлик субъектларининг субсидия олиш учун мурожаат қилиш тартиби;
мурожаатларни кўриб чиқиш ва субсидия ажратиш тартиби;
субсидия ажратишни рад этиш асослари.
2. Ўзбекистон Республикаси Туризм қўмитаси (кейинги ўринларда — Туризм қўмитаси) 2027 йил 1 январга қадар Туризмни қўллаб-қувватлаш жамғармаси маблағлари ҳисобидан:
Қорақалпоғистон Республикаси, вилоятлар ва Тошкент шаҳрида минг нафар I ва II гуруҳ ногиронлиги бўлган фуқарога Ўзбекистон бўйлаб саёҳат қилиш харажатларининг 50 фоизи, бироқ 500 минг сўмдан ошмаган қисмини;
эшитиш қобилиятини йўқотган ногиронлиги бўлган шахслар учун сурдогидлар тайёрлаш курслари харажатларининг 50 фоизини қоплаб бериш тартибини бир ой муддатда ишлаб чиқсин ҳамда тасдиқласин.
3. Туризм қўмитаси ва Ўзбекистон Республикаси Рақамли технологиялар вазирлиги икки ой муддатда:
ушбу қарор билан тасдиқланган Вақтинчалик низомга мувофиқ давлат хизмати Ягона интерактив давлат хизматлари портали (кейинги ўринларда — ЯИДХП) орқали жорий этилишини таъминласин;
ЯИДХПда давлат хизматлари кўрсатилишининг ҳар бир босқичида мурожаатлар кўриб чиқилишини кузатиб бориш имкониятини яратсин.
4. Ўзбекистон Республикаси Адлия вазирлиги ва Туризм қўмитаси томонидан давлат хизматларини кўрсатишнинг белгиланган тартибига риоя этилиши юзасидан, шу жумладан, ЯИДХП орқали доимий назорат ўрнатилсин.
5. Мазкур қарорнинг бажарилишини назорат қилиш Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири А.А. Абдухакимов ҳамда адлия вазири А.Ж. Ташкулов зиммасига юклансин.
Вазирлар Маҳкамасининг 2024 йил 12 августдаги 498-сон қарорига ИЛОВА
Меҳмонхона хизматларини кўрсатаётган тадбиркорлик субъектларига инфратузилмани ногиронлиги бўлган шахслар учун мослаштириш харажатларининг бир қисмини қоплаб бериш тартиби тўғрисида
1-боб. Умумий қоидалар
1. Ушбу Вақтинчалик низом меҳмонхона хизматларини кўрсатаётган тадбиркорлик субъектларига (кейинги ўринларда — тадбиркорлик субъектлари) меҳмонхона хоналарини ногиронлиги бўлган шахслар учун мослаштириш бўйича харажатларнинг бир қисмини Ўзбекистон Республикаси Туризм қўмитасининг (кейинги ўринларда — Туризм қўмитаси) бюджетдан ташқари Туризмни қўллаб-қувватлаш жамғармаси (кейинги ўринларда — Жамғарма) маблағлари ҳисобидан қоплаб беришнинг вақтинчалик тартибини белгилайди ҳамда бу Низом 2027 йил 1 январга қадар амал қилади.
2. Тадбиркорлик субъектларига субсидия Давлат хизматлари марказлари ёки Ўзбекистон Республикасининг Ягона интерактив давлат хизматлари портали (кейинги ўринларда — ЯИДХП) орқали Туризм қўмитаси томонидан ажратилади.
Субсидия тадбиркорлик субъектлари меҳмонхоналарни ногиронлиги бўлган шахслар учун мослаштиргандан бошлаб, меҳмонхона хизматларини кўрсатувчи тадбиркорлик субъектларига тегишли чорак якунига кўра меҳмонхоналарни ногиронлиги бўлган шахслар учун мослаштириш мақсадида хоналарни зарур қурилмалар билан жиҳозлаш харажатлари ўрнининг бир қисмини қоплаш учун Жамғармага ўтказилган туристик (меҳмонхона) йиғимлар суммаси ҳисобидан қоплаб берилади.
3. Субсидия олиш учун мурожаат қилган тадбиркорлик субъектлари (кейинги ўринларда — мурожаат этувчи) томонидан меҳмонхонанинг камида учта хонаси ногиронлиги бўлган шахслар учун мослаштирилган, жумладан, ногиронлиги бўлган шахслар ўриндиқли аравачадан фойдаланиши учун қулай тарзда жиҳозланган, шунингдек, эшитиш ва кўриш учун дисплей ҳамда овозли қурилмалар ўрнатилган бўлиши шарт.
4. Субсидия олиш учун мурожаат қилган тадбиркорлик субъектлари тўловга қобилиятсизлик (банкротлик) ва тугатиш жараёнида бўлмаслиги лозим.
5. Тадбиркорлик субъектларига субсидия ушбу Вақтинчалик низомга 1-иловага мувофиқ схема бўйича ажратилади.
2-боб. Тадбиркорлик субъектларининг субсидия олиш учун мурожаат қилиш тартиби
6. Тадбиркорлик субъектлари субсидия ажратилиши учун Давлат хизматлари марказига ёки ЯИДХП орқали ушбу Вақтинчалик низомга 2-иловага мувофиқ шаклда субсидия олиш тўғрисида ариза (кейинги ўринларда — ариза) билан мурожаат қилади.
7. Аризага мурожаат этувчи тўғрисида маълумотлар киритилгандан сўнг мурожаат этувчи уни идентификация қилишнинг замонавий воситалари билан (электрон рақамли имзо, дактилоскопия, ягона идентификация тизимидаги логин ва пароль, мобил-ID ва бошқалар) тасдиқлайди.
Тадбиркорлик субъектлари аризани ЯИДХП орқали тўлдирганда, электрон рақамли имзо талаб этилмайди.
8. Мурожаат этувчи Давлат хизматлари марказига келиб субсидия олиш учун мурожаат қилганда, унинг аризаси Давлат хизматлари маркази ходими томонидан тўлдирилиб, мурожаат этувчи тасдиқлагандан сўнг Туризм қўмитасига электрон шаклда юборилади.
ЯИДХП орқали мурожаат қилинганда эса, ариза автоматик тарзда тегишлилиги бўйича Туризм қўмитасига юборилади.
9. Давлат хизматлари кўрсатилгани учун йиғим ундирилмайди.
3-боб. Мурожаатларни кўриб чиқиш ва субсидия ажратиш тартиби
10. Туризм қўмитаси ариза келиб тушган кундан бошлаб ўн иш кунида тадбиркорлик субъекти меҳмонхона хоналари Вақтинчалик низомда белгиланган талабларга мос эканлигини жойига чиққан ҳолда ўрганиб чиқади.
Туризм қўмитаси мурожаат этувчи юридик шахс бўлган тадбиркорлик субъектларининг номи, жойлашган жойи (почта манзили), рўйхатдан ўтиш рақами, санаси, гувоҳнома берган орган номи, СТИР ва тижорат банкидаги ҳисобварағи реквизитлари, меҳмонхонага ёки меҳмонхона ишончли бошқарувга берилган ҳолларда — ишончли бошқарувчига тақдим этилган меҳмонхонанинг юлдуз тоифаси кўрсатилган (мавжуд бўлса) мувофиқлик сертификати нусхаси ҳамда кўчмас мулк объектига бўлган ҳуқуқларнинг давлат реестридан кўчирмани масъул давлат органлари ва ташкилотларидан мустақил равишда, шу жумладан, «Электрон ҳукумат» тизимининг идоралараро интеграция платформаси орқали онлайн текшириб олади.
11. Туризм қўмитаси аризани ўрганиб чиқиб, беш иш кунида субсидия бериш ёки беришни рад этиш тўғрисида қарор қабул қилади ва қарор нусхасини ушбу муддат ичида Давлат хизматлари маркази (ўзи келган ҳолда мурожаат қилинганда) ёки ЯИДХП (электрон шаклда мурожаат қилинганда) орқали мурожаат этувчига юборади.
12. Тадбиркорлик субъектлари томонидан меҳмонхонанинг камида учта хонаси ногиронлиги бўлган шахслар ўриндиқли аравачасидан фойдаланиши учун қулай тарзда жиҳозланганда, шунингдек, эшитиши ва кўриши учун дисплей ҳамда овозли қурилмалар ўрнатилганда, ушбу тадбиркорлик субъектларига ҳар бир махсус жиҳозланган хона учун қуйидаги миқдорларда субсидия ажратилади:
юлдуз тоифасини олган меҳмонхоналарга — 2 миллион сўм;
юлдуз тоифасини олмаган меҳмонхоналарга — 1 миллион сўм.
13. Мурожаат қилган тадбиркорлик субъектларига субсидия ажратиш тўғрисидаги қарорда субсидия миқдори, меҳмонхона номи, юлдуз тоифаси (мавжуд бўлса) ва ногиронлиги бўлган шахслар учун жиҳозланган хоналар сони, меҳмонхона жойлашган жой (почта манзили) ва унинг кадастр рақами, субсидия олаётган тадбиркор — юридик шахс номи ва СТИР рақами ҳамда тижорат банкидаги ҳисобварағи реквизитлари кўрсатилади.
14. Субсидия ажратиш тўғрисида қарор қабул қилинган кундан бошлаб ўн иш куни мобайнида Туризм қўмитаси тадбиркорлик субъектларининг хизмат кўрсатувчи тижорат банкларидаги ҳисобварақларига маблағларни ўтказиб беради.
15. Субсидия ажратиш рад этилган тақдирда, рад этиш учун асос бўлган сабаблар аниқ кўрсатиб ўтилган субсидия ажратишни рад этиш тўғрисидаги қарор мурожаат этувчига ушбу қарор қабул қилинган куннинг ўзида Давлат хизматлари маркази (ўзи келган ҳолда мурожаат қилинганда) ёки ЯИДХП (электрон шаклда мурожаат қилинганда) орқали юборилади.
Мурожаат этувчи қарорни олган кундан бошлаб қарорда кўрсатиб ўтилган камчиликларни бартараф этиб, Туризм қўмитасига такроран ариза билан мурожаат этиши мумкин.
Такроран юборилган ариза янги топширилган ҳисобланади ва Туризм қўмитаси томонидан умумий асосларда кўриб чиқилади.
4-боб. Субсидия ажратишни рад этиш асослари
16. Субсидия ажратиш қуйидаги асосларга кўра рад этилиши мумкин:
субсидия олиш тўғрисидаги аризада кўрсатиб ўтилган маълумотлар тўлиқ акс эттирилмаганда;
мурожаат этувчи мазкур Вақтинчалик низомнинг 3 ва 4-бандларида назарда тутилган талабларга жавоб бермаганда.
Субсидия ажратишни ушбу бандда кўрсатиб ўтилмаган асослар бўйича рад этишга йўл қўйилмайди.
5-боб. Якунловчи қоидалар
17. Жамғарма ҳисобидан субсидия ажратилган тадбиркорлик субъектлари рўйхати (реестри) Туризм қўмитасининг расмий веб-сайтига жойлаштирилади.
18. Субсидия олиш мақсадида тақдим этилган маълумотлар, ҳужжатларнинг тўғрилиги ва ҳақиқийлигига тадбиркорлик субъектлари масъул ҳисобланади.
19. Туризм қўмитаси субсидия ажратиш ишларини ташкил этиш, мувофиқлаштириш ва мониторинг қилиш, Жамғарма ҳисобидан ажратилган маблағларнинг тадбиркорлик субъектларига етказилиши юзасидан масъул ҳисобланади.
20. Тадбиркорлик субъектлари Туризм қўмитасининг субсидия ажратишни рад этиш тўғрисидаги қароридан норози бўлган тақдирда, қонунчиликда белгиланган тартибда судга шикоят қилиши мумкин.
21. Субсидия олган тадбиркорлик субъектлари субсидия ажратилган даврдан бошлаб беш йилдан кам бўлмаган муддат давомида меҳмонхона хизматини кўрсатиши лозим.
Тадбиркорлик субъектлари беш йил мобайнида меҳмонхона хизматини ташкил қила олмаган ёки меҳмонхонанинг тоифаси пасайган тақдирда, ажратилган субсидияни фаолият юритган даврига мутаносиб равишда чегирган ҳолда, қолган қисмини Жамғармага қайтаради.
Жамғармага қайтариладиган маблағлар Туризм қўмитасининг қарорига мувофиқ тадбиркорлик субъектлари томонидан Жамғарманинг махсус ҳисобварақларига ўтказилади.
Туризм қўмитаси Жамғарманинг махсус ҳисобварағига қайтариладиган маблағлар тадбиркорлик субъектлари томонидан белгиланган муддатда тўлиқ ўтказилмаган тақдирда, уларни ундириш бўйича қонунчилик ҳужжатларида белгиланган чораларни кўради.
22. Субсидия ажратилган даврдан бошлаб меҳмонхонанинг беш йилдан кам бўлмаган муддат давомида фаолият юритиши тадбиркорлик субъектлари томонидан таъминланишини Туризм қўмитаси мониторинг қилиб боради.
23. Ушбу Вақтинчалик низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.
Меҳмонхона хизматларини кўрсатаётган тадбиркорлик субъектларига инфратузилмани ногиронлиги бўлган шахслар учун мослаштириш харажатларининг бир қисмини қоплаб бериш тўғрисидаги вақтинчалик низомга 1-ИЛОВА
Меҳмонхона хизматларини кўрсатаётган тадбиркорлик субъектларига инфратузилмани ногиронлиги бўлган шахслар учун мослаштириш харажатларининг бир қисмини қоплаб бериш учун субсидия ажратиш
Босқичлар Субъектлар Тадбирлар Бажариш муддатлари 1-босқич Ариза берувчи Ушбу Вақтинчалик низомда назарда тутилган ҳужжатларни тайёрлайди ва Туризм қўмитасига Давлат хизматлари марказлари ёки ЯИДХП орқали субсидия олиш тўғрисидаги ариза билан мурожаат қилади. Ўз хоҳишига кўра 2-босқич Туризм қўмитаси Аризадаги маълумотлар нотўғри киритилган ёки тўлиқ киритилмаган тақдирда, мурожаат этувчига аризадаги хатоликларни бартараф этиш тўғрисида хабарнома юборади 1 иш кунида 3-босқич Ариза берувчи Аризадаги хатоликларни бартараф этиб, Туризм қўмитасига Давлат хизматлари марказлари ёки ЯИДХП орқали субсидия олиш тўғрисидаги ариза билан мурожаат қилади. 2 иш кунида 4-босқич Туризм қўмитаси Аризанинг Вақтинчалик низомда белгиланган талабларга мос эканлигини жойига чиққан ҳолда ўрганиб чиқади. 10 иш кунида 5-босқич Туризм қўмитаси Субсидия ажратиш ёки ажратишни рад этиш тўғрисида қарор қабул қилади ва қарор нусхасини Давлат хизматлари маркази (ўзи келган ҳолда мурожаат қилинганда) ёки ЯИДХП (электрон шаклда мурожаат қилинганда) орқали ариза берувчига юборади. 5 иш кунида 6-босқич Туризм қўмитаси Субсидия ажратиш тўғрисида қарор қабул қилингандан сўнг маблағларни ўтказиб беради. 10 иш кунида
Меҳмонхона хизматларини кўрсатаётган тадбиркорлик субъектларига инфратузилмани ногиронлиги бўлган шахслар учун мослаштириш харажатларининг бир қисмини қоплаб бериш тартиби тўғрисидаги вақтинчалик низомга 2-ИЛОВА
Ўзбекистон Республикаси Туризм қўмитасига Субсидия олиш тўғрисида АРИЗА _________________________________________________________________________________________ (юридик шахсни рўйхатдан ўтказиш тўғрисидаги гувоҳномага биноан мурожаат этувчининг тўлиқ номи) _________________________________________________________________________________________ ишончли бошқарувчи _________________________________________________________ шахс номидан (мурожаат этувчи раҳбарининг лавозими, Ф.И.О.) _____________________________________________________________________ манзилида жойлашган (вилоят, туман, шаҳар, кўча, бино рақами) инфратузилмани (меҳмонхонани) ногиронлиги бўлган шахслар учун мослаштириш мақсадида хоналарни зарур қурилмалар билан жиҳозлаш бўйича Туризмни қўллаб-қувватлаш жамғармасидан субсидия ажратишингизни сўрайман. Ногиронлиги бўлган шахслар учун мослаштирилган меҳмонхона хоналари сони: ______________________________________ Мувофиқлик сертификати олинган сана ва рақами: _________________________ Юридик шахс жойлашган жойи (почта манзили): __________________________ Банк ҳисобварағи: ________________________ ________________________ ________________________ ________________________ Электрон почта манзили: ____________________________________________________ Телефон: ________________________ СТИР: ________________________ ___________________________________________ (мурожаат этувчининг лавозими, Ф.И.О) 20___ йил _______________
Ўзбекистон Республикасининг Бош вазири А. АРИПОВ
Тошкент ш.,
2024 йил 12 август,
498-сон
Oʻzbekiston Respublikasi Vazirlar Mahkamasining
Qarori
VAQTINCHALIK NIZOM
SXEMASI
Toʻsiqsiz turizm orqali turizm imkoniyatlarini yanada kengaytirish boʻyicha qulay shart-sharoitlar yaratish chora-tadbirlari toʻgʻrisida
Respublikada turizm infratuzilmasidagi mavjud muammolarni hal etish, sohada koʻrsatilayotgan xizmatlar sifatini oshirish va toʻsiqsiz turizm yoʻnalishida davlat tomonidan nogironligi boʻlgan fuqarolarga qoʻshimcha ragʻbatlantirishlar yaratish hamda Oʻzbekiston Respublikasi Prezidentining “Oʻzbekiston Respublikasida toʻsiqsiz turizm infratuzilmasini rivojlantirish va uni ragʻbatlantirish chora-tadbirlari toʻgʻrisida” 2024-yil 12-yanvardagi PQ-20-son qaroriga muvofiq Vazirlar Mahkamasi qaror qiladi:
1. Quyidagilarni nazarda tutuvchi Mehmonxona xizmatlarini koʻrsatayotgan tadbirkorlik subyektlariga infratuzilmani nogironligi boʻlgan shaxslar uchun moslashtirish xarajatlarining bir qismini qoplab berish tartibi toʻgʻrisidagi vaqtinchalik nizom (keyingi oʻrinlarda — Vaqtinchalik nizom) ilovaga muvofiq tasdiqlansin:
mehmonxona xizmatini koʻrsatuvchi tadbirkorlik subyektlarining subsidiya olish uchun murojaat qilish tartibi;
murojaatlarni koʻrib chiqish va subsidiya ajratish tartibi;
subsidiya ajratishni rad etish asoslari.
2. Oʻzbekiston Respublikasi Turizm qoʻmitasi (keyingi oʻrinlarda — Turizm qoʻmitasi) 2027-yil 1-yanvarga qadar Turizmni qoʻllab-quvvatlash jamgʻarmasi mablagʻlari hisobidan:
Qoraqalpogʻiston Respublikasi, viloyatlar va Toshkent shahrida ming nafar I va II guruh nogironligi boʻlgan fuqaroga Oʻzbekiston boʻylab sayohat qilish xarajatlarining 50 foizi, biroq 500 ming soʻmdan oshmagan qismini;
eshitish qobiliyatini yoʻqotgan nogironligi boʻlgan shaxslar uchun surdogidlar tayyorlash kurslari xarajatlarining 50 foizini qoplab berish tartibini bir oy muddatda ishlab chiqsin hamda tasdiqlasin.
3. Turizm qoʻmitasi va Oʻzbekiston Respublikasi Raqamli texnologiyalar vazirligi ikki oy muddatda:
ushbu qaror bilan tasdiqlangan Vaqtinchalik nizomga muvofiq davlat xizmati Yagona interaktiv davlat xizmatlari portali (keyingi oʻrinlarda — YIDXP) orqali joriy etilishini taʼminlasin;
YIDXPda davlat xizmatlari koʻrsatilishining har bir bosqichida murojaatlar koʻrib chiqilishini kuzatib borish imkoniyatini yaratsin.
4. Oʻzbekiston Respublikasi Adliya vazirligi va Turizm qoʻmitasi tomonidan davlat xizmatlarini koʻrsatishning belgilangan tartibiga rioya etilishi yuzasidan, shu jumladan, YIDXP orqali doimiy nazorat oʻrnatilsin.
5. Mazkur qarorning bajarilishini nazorat qilish Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov hamda adliya vaziri A.J. Tashkulov zimmasiga yuklansin.
Vazirlar Mahkamasining 2024-yil 12-avgustdagi 498-son qaroriga ILOVA
Mehmonxona xizmatlarini koʻrsatayotgan tadbirkorlik subyektlariga infratuzilmani nogironligi boʻlgan shaxslar uchun moslashtirish xarajatlarining bir qismini qoplab berish tartibi toʻgʻrisida
1-bob. Umumiy qoidalar
1. Ushbu Vaqtinchalik nizom mehmonxona xizmatlarini koʻrsatayotgan tadbirkorlik subyektlariga (keyingi oʻrinlarda — tadbirkorlik subyektlari) mehmonxona xonalarini nogironligi boʻlgan shaxslar uchun moslashtirish boʻyicha xarajatlarning bir qismini Oʻzbekiston Respublikasi Turizm qoʻmitasining (keyingi oʻrinlarda — Turizm qoʻmitasi) budjetdan tashqari Turizmni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan qoplab berishning vaqtinchalik tartibini belgilaydi hamda bu Nizom 2027-yil 1-yanvarga qadar amal qiladi.
2. Tadbirkorlik subyektlariga subsidiya Davlat xizmatlari markazlari yoki Oʻzbekiston Respublikasining Yagona interaktiv davlat xizmatlari portali (keyingi oʻrinlarda — YIDXP) orqali Turizm qoʻmitasi tomonidan ajratiladi.
Subsidiya tadbirkorlik subyektlari mehmonxonalarni nogironligi boʻlgan shaxslar uchun moslashtirgandan boshlab, mehmonxona xizmatlarini koʻrsatuvchi tadbirkorlik subyektlariga tegishli chorak yakuniga koʻra mehmonxonalarni nogironligi boʻlgan shaxslar uchun moslashtirish maqsadida xonalarni zarur qurilmalar bilan jihozlash xarajatlari oʻrnining bir qismini qoplash uchun Jamgʻarmaga oʻtkazilgan turistik (mehmonxona) yigʻimlar summasi hisobidan qoplab beriladi.
3. Subsidiya olish uchun murojaat qilgan tadbirkorlik subyektlari (keyingi oʻrinlarda — murojaat etuvchi) tomonidan mehmonxonaning kamida uchta xonasi nogironligi boʻlgan shaxslar uchun moslashtirilgan, jumladan, nogironligi boʻlgan shaxslar oʻrindiqli aravachadan foydalanishi uchun qulay tarzda jihozlangan, shuningdek, eshitish va koʻrish uchun displey hamda ovozli qurilmalar oʻrnatilgan boʻlishi shart.
4. Subsidiya olish uchun murojaat qilgan tadbirkorlik subyektlari toʻlovga qobiliyatsizlik (bankrotlik) va tugatish jarayonida boʻlmasligi lozim.
5. Tadbirkorlik subyektlariga subsidiya ushbu Vaqtinchalik nizomga 1-ilovaga muvofiq sxema boʻyicha ajratiladi.
2-bob. Tadbirkorlik subyektlarining subsidiya olish uchun murojaat qilish tartibi
6. Tadbirkorlik subyektlari subsidiya ajratilishi uchun Davlat xizmatlari markaziga yoki YIDXP orqali ushbu Vaqtinchalik nizomga 2-ilovaga muvofiq shaklda subsidiya olish toʻgʻrisida ariza (keyingi oʻrinlarda — ariza) bilan murojaat qiladi.
7. Arizaga murojaat etuvchi toʻgʻrisida maʼlumotlar kiritilgandan soʻng murojaat etuvchi uni identifikatsiya qilishning zamonaviy vositalari bilan (elektron raqamli imzo, daktiloskopiya, yagona identifikatsiya tizimidagi login va parol, mobil-ID va boshqalar) tasdiqlaydi.
Tadbirkorlik subyektlari arizani YIDXP orqali toʻldirganda, elektron raqamli imzo talab etilmaydi.
8. Murojaat etuvchi Davlat xizmatlari markaziga kelib subsidiya olish uchun murojaat qilganda, uning arizasi Davlat xizmatlari markazi xodimi tomonidan toʻldirilib, murojaat etuvchi tasdiqlagandan soʻng Turizm qoʻmitasiga elektron shaklda yuboriladi.
YIDXP orqali murojaat qilinganda esa, ariza avtomatik tarzda tegishliligi boʻyicha Turizm qoʻmitasiga yuboriladi.
9. Davlat xizmatlari koʻrsatilgani uchun yigʻim undirilmaydi.
3-bob. Murojaatlarni koʻrib chiqish va subsidiya ajratish tartibi
10. Turizm qoʻmitasi ariza kelib tushgan kundan boshlab oʻn ish kunida tadbirkorlik subyekti mehmonxona xonalari Vaqtinchalik nizomda belgilangan talablarga mos ekanligini joyiga chiqqan holda oʻrganib chiqadi.
Turizm qoʻmitasi murojaat etuvchi yuridik shaxs boʻlgan tadbirkorlik subyektlarining nomi, joylashgan joyi (pochta manzili), roʻyxatdan oʻtish raqami, sanasi, guvohnoma bergan organ nomi, STIR va tijorat bankidagi hisobvaragʻi rekvizitlari, mehmonxonaga yoki mehmonxona ishonchli boshqaruvga berilgan hollarda — ishonchli boshqaruvchiga taqdim etilgan mehmonxonaning yulduz toifasi koʻrsatilgan (mavjud boʻlsa) muvofiqlik sertifikati nusxasi hamda koʻchmas mulk obyektiga boʻlgan huquqlarning davlat reyestridan koʻchirmani masʼul davlat organlari va tashkilotlaridan mustaqil ravishda, shu jumladan, “Elektron hukumat” tizimining idoralararo integratsiya platformasi orqali onlayn tekshirib oladi.
11. Turizm qoʻmitasi arizani oʻrganib chiqib, besh ish kunida subsidiya berish yoki berishni rad etish toʻgʻrisida qaror qabul qiladi va qaror nusxasini ushbu muddat ichida Davlat xizmatlari markazi (oʻzi kelgan holda murojaat qilinganda) yoki YIDXP (elektron shaklda murojaat qilinganda) orqali murojaat etuvchiga yuboradi.
12. Tadbirkorlik subyektlari tomonidan mehmonxonaning kamida uchta xonasi nogironligi boʻlgan shaxslar oʻrindiqli aravachasidan foydalanishi uchun qulay tarzda jihozlanganda, shuningdek, eshitishi va koʻrishi uchun displey hamda ovozli qurilmalar oʻrnatilganda, ushbu tadbirkorlik subyektlariga har bir maxsus jihozlangan xona uchun quyidagi miqdorlarda subsidiya ajratiladi:
yulduz toifasini olgan mehmonxonalarga — 2 million soʻm;
yulduz toifasini olmagan mehmonxonalarga — 1 million soʻm.
13. Murojaat qilgan tadbirkorlik subyektlariga subsidiya ajratish toʻgʻrisidagi qarorda subsidiya miqdori, mehmonxona nomi, yulduz toifasi (mavjud boʻlsa) va nogironligi boʻlgan shaxslar uchun jihozlangan xonalar soni, mehmonxona joylashgan joy (pochta manzili) va uning kadastr raqami, subsidiya olayotgan tadbirkor — yuridik shaxs nomi va STIR raqami hamda tijorat bankidagi hisobvaragʻi rekvizitlari koʻrsatiladi.
14. Subsidiya ajratish toʻgʻrisida qaror qabul qilingan kundan boshlab oʻn ish kuni mobaynida Turizm qoʻmitasi tadbirkorlik subyektlarining xizmat koʻrsatuvchi tijorat banklaridagi hisobvaraqlariga mablagʻlarni oʻtkazib beradi.
15. Subsidiya ajratish rad etilgan taqdirda, rad etish uchun asos boʻlgan sabablar aniq koʻrsatib oʻtilgan subsidiya ajratishni rad etish toʻgʻrisidagi qaror murojaat etuvchiga ushbu qaror qabul qilingan kunning oʻzida Davlat xizmatlari markazi (oʻzi kelgan holda murojaat qilinganda) yoki YIDXP (elektron shaklda murojaat qilinganda) orqali yuboriladi.
Murojaat etuvchi qarorni olgan kundan boshlab qarorda koʻrsatib oʻtilgan kamchiliklarni bartaraf etib, Turizm qoʻmitasiga takroran ariza bilan murojaat etishi mumkin.
Takroran yuborilgan ariza yangi topshirilgan hisoblanadi va Turizm qoʻmitasi tomonidan umumiy asoslarda koʻrib chiqiladi.
4-bob. Subsidiya ajratishni rad etish asoslari
16. Subsidiya ajratish quyidagi asoslarga koʻra rad etilishi mumkin:
subsidiya olish toʻgʻrisidagi arizada koʻrsatib oʻtilgan maʼlumotlar toʻliq aks ettirilmaganda;
murojaat etuvchi mazkur Vaqtinchalik nizomning 3 va 4-bandlarida nazarda tutilgan talablarga javob bermaganda.
Subsidiya ajratishni ushbu bandda koʻrsatib oʻtilmagan asoslar boʻyicha rad etishga yoʻl qoʻyilmaydi.
5-bob. Yakunlovchi qoidalar
17. Jamgʻarma hisobidan subsidiya ajratilgan tadbirkorlik subyektlari roʻyxati (reyestri) Turizm qoʻmitasining rasmiy veb-saytiga joylashtiriladi.
18. Subsidiya olish maqsadida taqdim etilgan maʼlumotlar, hujjatlarning toʻgʻriligi va haqiqiyligiga tadbirkorlik subyektlari masʼul hisoblanadi.
19. Turizm qoʻmitasi subsidiya ajratish ishlarini tashkil etish, muvofiqlashtirish va monitoring qilish, Jamgʻarma hisobidan ajratilgan mablagʻlarning tadbirkorlik subyektlariga yetkazilishi yuzasidan masʼul hisoblanadi.
20. Tadbirkorlik subyektlari Turizm qoʻmitasining subsidiya ajratishni rad etish toʻgʻrisidagi qaroridan norozi boʻlgan taqdirda, qonunchilikda belgilangan tartibda sudga shikoyat qilishi mumkin.
21. Subsidiya olgan tadbirkorlik subyektlari subsidiya ajratilgan davrdan boshlab besh yildan kam boʻlmagan muddat davomida mehmonxona xizmatini koʻrsatishi lozim.
Tadbirkorlik subyektlari besh yil mobaynida mehmonxona xizmatini tashkil qila olmagan yoki mehmonxonaning toifasi pasaygan taqdirda, ajratilgan subsidiyani faoliyat yuritgan davriga mutanosib ravishda chegirgan holda, qolgan qismini Jamgʻarmaga qaytaradi.
Jamgʻarmaga qaytariladigan mablagʻlar Turizm qoʻmitasining qaroriga muvofiq tadbirkorlik subyektlari tomonidan Jamgʻarmaning maxsus hisobvaraqlariga oʻtkaziladi.
Turizm qoʻmitasi Jamgʻarmaning maxsus hisobvaragʻiga qaytariladigan mablagʻlar tadbirkorlik subyektlari tomonidan belgilangan muddatda toʻliq oʻtkazilmagan taqdirda, ularni undirish boʻyicha qonunchilik hujjatlarida belgilangan choralarni koʻradi.
22. Subsidiya ajratilgan davrdan boshlab mehmonxonaning besh yildan kam boʻlmagan muddat davomida faoliyat yuritishi tadbirkorlik subyektlari tomonidan taʼminlanishini Turizm qoʻmitasi monitoring qilib boradi.
23. Ushbu Vaqtinchalik nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.
Mehmonxona xizmatlarini koʻrsatayotgan tadbirkorlik subyektlariga infratuzilmani nogironligi boʻlgan shaxslar uchun moslashtirish xarajatlarining bir qismini qoplab berish toʻgʻrisidagi vaqtinchalik nizomga 1-ILOVA
Mehmonxona xizmatlarini koʻrsatayotgan tadbirkorlik subyektlariga infratuzilmani nogironligi boʻlgan shaxslar uchun moslashtirish xarajatlarining bir qismini qoplab berish uchun subsidiya ajratish
Bosqichlar Subyektlar Tadbirlar Bajarish muddatlari 1-bosqich Ariza beruvchi Ushbu Vaqtinchalik nizomda nazarda tutilgan hujjatlarni tayyorlaydi va Turizm qoʻmitasiga Davlat xizmatlari markazlari yoki YIDXP orqali subsidiya olish toʻgʻrisidagi ariza bilan murojaat qiladi. Oʻz xohishiga koʻra 2-bosqich Turizm qoʻmitasi Arizadagi maʼlumotlar notoʻgʻri kiritilgan yoki toʻliq kiritilmagan taqdirda, murojaat etuvchiga arizadagi xatoliklarni bartaraf etish toʻgʻrisida xabarnoma yuboradi 1 ish kunida 3-bosqich Ariza beruvchi Arizadagi xatoliklarni bartaraf etib, Turizm qoʻmitasiga Davlat xizmatlari markazlari yoki YIDXP orqali subsidiya olish toʻgʻrisidagi ariza bilan murojaat qiladi. 2 ish kunida 4-bosqich Turizm qoʻmitasi Arizaning Vaqtinchalik nizomda belgilangan talablarga mos ekanligini joyiga chiqqan holda oʻrganib chiqadi. 10 ish kunida 5-bosqich Turizm qoʻmitasi Subsidiya ajratish yoki ajratishni rad etish toʻgʻrisida qaror qabul qiladi va qaror nusxasini Davlat xizmatlari markazi (oʻzi kelgan holda murojaat qilinganda) yoki YIDXP (elektron shaklda murojaat qilinganda) orqali ariza beruvchiga yuboradi. 5 ish kunida 6-bosqich Turizm qoʻmitasi Subsidiya ajratish toʻgʻrisida qaror qabul qilingandan soʻng mablagʻlarni oʻtkazib beradi. 10 ish kunida
Mehmonxona xizmatlarini koʻrsatayotgan tadbirkorlik subyektlariga infratuzilmani nogironligi boʻlgan shaxslar uchun moslashtirish xarajatlarining bir qismini qoplab berish tartibi toʻgʻrisidagi vaqtinchalik nizomga 2-ILOVA
Oʻzbekiston Respublikasi Turizm qoʻmitasiga Subsidiya olish toʻgʻrisida ARIZA _________________________________________________________________________________________ (yuridik shaxsni roʻyxatdan oʻtkazish toʻgʻrisidagi guvohnomaga binoan murojaat etuvchining toʻliq nomi) _________________________________________________________________________________________ ishonchli boshqaruvchi _________________________________________________________ shaxs nomidan (murojaat etuvchi rahbarining lavozimi, F.I.O.) _____________________________________________________________________ manzilida joylashgan (viloyat, tuman, shahar, koʻcha, bino raqami) infratuzilmani (mehmonxonani) nogironligi boʻlgan shaxslar uchun moslashtirish maqsadida xonalarni zarur qurilmalar bilan jihozlash boʻyicha Turizmni qoʻllab-quvvatlash jamgʻarmasidan subsidiya ajratishingizni soʻrayman. Nogironligi boʻlgan shaxslar uchun moslashtirilgan mehmonxona xonalari soni: ______________________________________ Muvofiqlik sertifikati olingan sana va raqami: _________________________ Yuridik shaxs joylashgan joyi (pochta manzili): __________________________ Bank hisobvaragʻi: ________________________ ________________________ ________________________ ________________________ Elektron pochta manzili: ____________________________________________________ Telefon: ________________________ STIR: ________________________ ___________________________________________ (murojaat etuvchining lavozimi, F.I.O) 20___ yil _______________
Oʻzbekiston Respublikasining Bosh vaziri A. ARIPOV
Toshkent sh.,
2024-yil 12-avgust,
498-son