📅 2024-yil 13-avgust · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 13 август · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 13 августа 2024 г. · Законы и кодексы
Официальный текст. Официальный документ. Редакционные примечания не включены.
📅 13 August 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
Юридик шахс мақомига эга бўлмаган касаба уюшмалари ташкилотларини ҳисобга қўйиш тартиби белгиланаётганлиги муносабати билан Ўзбекистон Республикасининг айрим қонун ҳужжатларига қўшимчалар ва ўзгартириш киритиш тўғрисида
Қонунчилик палатаси томонидан 2024 йил 9 апрелда қабул қилинган Сенат томонидан 2024 йил 21 июнда маъқулланган
Кейинги йилларда мамлакатимизда касаба уюшмалари ташкилотлари ишининг самарадорлигини оширишга, улар аъзоларининг ҳуқуқлари ҳимоя қилинишини таъминлашга, шунингдек касаба уюшмалари ташкилотларининг фаолиятини тартибга солувчи ҳуқуқий базани ривожлантиришга қаратилган чора-тадбирлар амалга оширилди.
Шу билан бирга амалиётда юридик шахс мақомига эга бўлмаган касаба уюшмаларининг бўлинмалари ва бошланғич касаба уюшмалари ташкилотлари томонидан банк ҳисобварақларини очиш билан боғлик муаммолар мавжуд бўлиб, бунинг учун солиқ тўловчининг идентификация рақами олиниши тақозо этилади.
Ушбу Қонун билан Ўзбекистон Республикасининг Солиқ кодексига юридик шахс мақомига эга бўлмаган касаба уюшмаларининг бўлинмаларига ва бошланғич касаба уюшмалари ташкилотларига солиқ тўловчининг идентификация рақами берилишини назарда тутувчи қўшимча киритилмоқда.
Бундан ташқари «Касаба уюшмалари тўғрисида»ги Ўзбекистон Республикаси Қонунига юридик шахс мақомига эга бўлмаган касаба уюшмалари бўлинмаларининг ва бошланғич касаба уюшмалари ташкилотларининг адлия органларида ҳисобга қўйилиши мумкинлигини ва ушбу тартиб Ўзбекистон Республикаси Вазирлар Маҳкамаси томонидан белгиланишини назарда тутувчи қўшимчалар киритилмоқда.
Мазкур Қонун юридик шахс мақомига эга бўлмаган касаба уюшмаларининг бўлинмалари ва бошланғич касаба уюшмалари ташкилотлари томонидан молиявий фаолиятнинг тўлақонли амалга оширилишини таъминлашга хизмат қилади.
1-модда. Ўзбекистон Республикасининг 2019 йил 6 декабрда қабул қилинган «Касаба уюшмалари тўғрисида»ги ЎРҚ-588-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2019 йил, № 12, 882-модда; 2021 йил, 4-сонга илова; 2022 йил, № 5, 464-модда; 2023 йил, № 11, 923-модда) 19-моддаси куйидаги мазмундаги саккизинчи ва тўққизинчи қисмлар билан тўлдирилсин:
«Юридик шахс мақомига эга бўлмаган касаба уюшмаларининг бўлинмалари ва бошланғич касаба уюшмалари ташкилотлари ўз ихтиёрига кўра адлия органларида ҳисобга қўйилади.
Юридик шахс мақомига эга бўлмаган касаба уюшмаларининг бўлинмаларини ва бошланғич касаба уюшмалари ташкилотларини ҳисобга қўйиш тартиби Ўзбекистон Республикаси Вазирлар Маҳкамаси томонидан белгиланади».
2-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодекси (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда; 2023 йил, № 6, 444, 446-моддалар, № 7, 540-модда, № 12, 1011-модда; 2024 йил, № 2, 106, 110, 111-моддалар) 127-моддасига куйидаги қўшимча ва ўзгартириш киритилсин:
куйидаги мазмундаги иккинчи қисм билан тўлдирилсин:
«Адлия органларида ҳисобга қўйилган, юридик шахс мақомига эга бўлмаган касаба уюшмаларининг бўлинмаларига ва бошланғич касаба уюшмалари ташкилотларига солиқ тўловчининг идентификация рақами уларнинг ихтиёрига кўра берилади»;
иккинчи — олтинчи қисмлар тегишинча учинчи — еттинчи қисмлар деб ҳисоблансин.
3-модда. Ўзбекистон Республикаси Вазирлар Маҳкамаси ҳузуридаги Солиқ қўмитаси ва бошқа манфаатдор ташкилотлар ушбу Қонуннинг ижросини, ижрочиларга етказилишини хамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;
ушбу Қонун 1-моддасининг учинчи хатбошисида назарда тутилган тартибни ушбу Қонун кучга кирганидан кейин икки ой ичида белгиласин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 13 август,
ЎРҚ-942-сон
Oʻzbekiston Respublikasining Qonuni
Yuridik shaxs maqomiga ega boʻlmagan kasaba uyushmalari tashkilotlarini hisobga qoʻyish tartibi belgilanayotganligi munosabati bilan Oʻzbekiston Respublikasining ayrim qonun hujjatlariga qoʻshimchalar va oʻzgartirish kiritish toʻgʻrisida
Qonunchilik palatasi tomonidan 2024-yil 9-aprelda qabul qilingan Senat tomonidan 2024-yil 21-iyunda maʼqullangan
Keyingi yillarda mamlakatimizda kasaba uyushmalari tashkilotlari ishining samaradorligini oshirishga, ular aʼzolarining huquqlari himoya qilinishini taʼminlashga, shuningdek kasaba uyushmalari tashkilotlarining faoliyatini tartibga soluvchi huquqiy bazani rivojlantirishga qaratilgan chora-tadbirlar amalga oshirildi.
Shu bilan birga amaliyotda yuridik shaxs maqomiga ega boʻlmagan kasaba uyushmalarining boʻlinmalari va boshlangʻich kasaba uyushmalari tashkilotlari tomonidan bank hisobvaraqlarini ochish bilan bogʻlik muammolar mavjud boʻlib, buning uchun soliq toʻlovchining identifikatsiya raqami olinishi taqozo etiladi.
Ushbu Qonun bilan Oʻzbekiston Respublikasining Soliq kodeksiga yuridik shaxs maqomiga ega boʻlmagan kasaba uyushmalarining boʻlinmalariga va boshlangʻich kasaba uyushmalari tashkilotlariga soliq toʻlovchining identifikatsiya raqami berilishini nazarda tutuvchi qoʻshimcha kiritilmoqda.
Bundan tashqari “Kasaba uyushmalari toʻgʻrisida”gi Oʻzbekiston Respublikasi Qonuniga yuridik shaxs maqomiga ega boʻlmagan kasaba uyushmalari boʻlinmalarining va boshlangʻich kasaba uyushmalari tashkilotlarining adliya organlarida hisobga qoʻyilishi mumkinligini va ushbu tartib Oʻzbekiston Respublikasi Vazirlar Mahkamasi tomonidan belgilanishini nazarda tutuvchi qoʻshimchalar kiritilmoqda.
Mazkur Qonun yuridik shaxs maqomiga ega boʻlmagan kasaba uyushmalarining boʻlinmalari va boshlangʻich kasaba uyushmalari tashkilotlari tomonidan moliyaviy faoliyatning toʻlaqonli amalga oshirilishini taʼminlashga xizmat qiladi.
1-modda. Oʻzbekiston Respublikasining 2019-yil 6-dekabrda qabul qilingan “Kasaba uyushmalari toʻgʻrisida”gi OʻRQ-588-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2019-yil, № 12, 882-modda; 2021-yil, 4-songa ilova; 2022-yil, № 5, 464-modda; 2023-yil, № 11, 923-modda) 19-moddasi kuyidagi mazmundagi sakkizinchi va toʻqqizinchi qismlar bilan toʻldirilsin:
“Yuridik shaxs maqomiga ega boʻlmagan kasaba uyushmalarining boʻlinmalari va boshlangʻich kasaba uyushmalari tashkilotlari oʻz ixtiyoriga koʻra adliya organlarida hisobga qoʻyiladi.
Yuridik shaxs maqomiga ega boʻlmagan kasaba uyushmalarining boʻlinmalarini va boshlangʻich kasaba uyushmalari tashkilotlarini hisobga qoʻyish tartibi Oʻzbekiston Respublikasi Vazirlar Mahkamasi tomonidan belgilanadi”.
2-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda, № 12, 1011-modda; 2024-yil, № 2, 106, 110, 111-moddalar) 127-moddasiga kuyidagi qoʻshimcha va oʻzgartirish kiritilsin:
kuyidagi mazmundagi ikkinchi qism bilan toʻldirilsin:
“Adliya organlarida hisobga qoʻyilgan, yuridik shaxs maqomiga ega boʻlmagan kasaba uyushmalarining boʻlinmalariga va boshlangʻich kasaba uyushmalari tashkilotlariga soliq toʻlovchining identifikatsiya raqami ularning ixtiyoriga koʻra beriladi”;
ikkinchi — oltinchi qismlar tegishincha uchinchi — yettinchi qismlar deb hisoblansin.
3-modda. Oʻzbekiston Respublikasi Vazirlar Mahkamasi huzuridagi Soliq qoʻmitasi va boshqa manfaatdor tashkilotlar ushbu Qonunning ijrosini, ijrochilarga yetkazilishini xamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;
ushbu Qonun 1-moddasining uchinchi xatboshisida nazarda tutilgan tartibni ushbu Qonun kuchga kirganidan keyin ikki oy ichida belgilasin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 13-avgust,
OʻRQ-942-son
Закон Республики Узбекистан
О внесении дополнений и изменения в некоторые законодательные акты Республики Узбекистан в связи с определением порядка постановки на учет профсоюзных организаций, не имеющих статуса юридического лица
Принят Законодательной палатой 9 апреля 2024 года Одобрен Сенатом 21 июня 2024 года
В последние годы в нашей стране реализованы меры, направленные на повышение эффективности работы профсоюзных организаций, обеспечению защиты прав их членов, а также развитие правовой базы регулирующей деятельность профсоюзных организаций.
Вместе с тем на практике имеются проблемы с открытием банковских счетов подразделениями профсоюзов и первичными профсоюзными организациями, не имеющими статуса юридического лица, поскольку для этого требуется получение идентификационного номера налогоплательщика.
Настоящим Законом вносится дополнение в Налоговый кодекс Республики Узбекистан, предусматривающее присвоение идентификационного номера налогоплательщика подразделениям профсоюзов и первичным профсоюзным организациям, не имеющим статуса юридического лица.
Кроме того, в Закон Республики Узбекистан «О профессиональных союзах» вносятся дополнения, предусматривающие возможность постановки на учет в органах юстиции подразделений профсоюзов и первичных профсоюзных организаций, не имеющих статуса юридического лица, и определение данного порядка Кабинетом Министров Республики Узбекистан.
Данный Закон послужит обеспечению полноценного осуществления финансовой деятельности подразделениями профсоюзов и первичными профсоюзными организациями, не имеющим статуса юридического лица.
Статья 1. Статью 19 Закона Республики Узбекистан от 6 декабря 2019 года № ЗРУ-588 «О профессиональных союзах» (Ведомости палат Олий Мажлиса Республики Узбекистан, 2019 г., № 12, ст. 882; 2021 г., приложение к № 4; 2022 г., № 5, ст. 464; 2023 г., №11, ст. 923) дополнить частями восьмой и девятой следующего содержания:
«Подразделения профсоюзов и первичные профсоюзные организации, не имеющие статуса юридического лица, по их усмотрению ставятся на учет в органах юстиции.
Порядок постановки на учет подразделений профсоюзов и первичных профсоюзных организаций, не имеющих статуса юридического лица, определяется Кабинетом Министров Республики Узбекистан».
Статья 2. Внести в статью 127 Налогового кодекса Республики Узбекистан, утвержденного в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1199; 2022 г., № 2, ст. 79, № 3, ст.ст. 215, 216, № 5, ст.ст. 461, 464, 467, № 6, ст. 570, № 7, ст.ст. 664, 666, № 12, ст. 1190; 2023 г., № 6, ст.ст. 444, 446, № 7, ст. 540, № 12, ст. 1011; 2024 г., № 2, ст.ст. 106, 110, 111), следующие дополнение и изменение:
дополнить частью второй следующего содержания:
«Подразделениям профессиональных союзов и первичным профсоюзным организациям, не имеющим статуса юридического лица, поставленным на учет в органах юстиции, присваивается идентификационный номер налогоплательщика по их усмотрению»;
части вторую — шестую считать соответственно частями третьей — седьмой.
Статья 3. Налоговому комитету при Кабинете Министров Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону;
в течение двух месяцев после вступления в силу настоящего Закона определить порядок, предусмотренный абзацем третьим статьи 1 настоящего Закона.
Статья 5. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
13 августа 2024 г.,
№ ЗРУ-942