📅 2024-yil 4-iyul · Vazirlik va idoralar hujjatlari · Istiqbolli loyihalar milliy agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 июль · Вазирлик ва идоралар ҳужжатлари · Истиқболли лойиҳалар миллий агентлиги директори
Расмий матн. Расмий ҳужжат. Таҳририй изоҳлар киритилмаган.
📅 4 июля 2024 г. · Документы министерств и ведомств · Директор Национального агентства перспективных проектов
Официальный текст. Официальный документ. Редакционные примечания не включены.
📅 4 July 2024 · Ministry and agency documents · Istiqbolli loyihalar milliy agentligi direktori
Official text. Official document. Editorial notes are not included.
Ўзбекистон Республикаси Истиқболли лойиҳалар миллий агентлиги директорининг
буйруғи
НИЗОМ
РЎЙХАТИ
Суғурталовчилар томонидан харажатлар таркиби ва молиявий натижаларни шакллантиришнинг ўзига хос хусусиятлари тўғрисидаги низомни тасдиқлаш ҳақида
Ўзбекистон Республикаси «Суғурта фаолияти тўғрисида»ги Қонунига мувофиқ буюраман:
1. Суғурталовчилар томонидан харажатлар таркиби ва молиявий натижаларни шакллантиришнинг ўзига хос хусусиятлари тўғрисидаги низом 1-иловага мувофиқ тасдиқлансин.
2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.
3. Мазкур буйруқ Ўзбекистон Республикаси Иқтисодиёт ва молия вазирлиги, Ўзбекистон Республикаси Вазирлар Маҳкамаси ҳузуридаги Солиқ қўмитаси, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ҳамда Ўзбекистон Республикаси Савдо-саноат палатаси билан келишилган.
4. Мазкур буйруқ расмий эълон қилинган кундан кучга киради.
Келишилди:
Ўзбекистон Республикаси Истиқболли лойиҳалар миллий агентлиги директорининг 2024 йил 4 июлдаги 7-сон буйруғига 1-ИЛОВА
Суғурталовчилар томонидан харажатлар таркиби ва молиявий натижаларни шакллантиришнинг ўзига хос хусусиятлари тўғрисида
Мазкур Низом суғурта хизматларини кўрсатиш таннархига киритиладиган харажатлар таркиби ҳамда суғурта фаолиятининг ўзига хос хусусиятларини инобатга олган ҳолда суғурталовчи ёки қайта суғурталовчи (бундан буён матнда суғурталовчи деб юритилади) фаолиятининг молиявий натижаларини шакллантириш тартибини белгилайди.
1-боб. Умумий қоидалар
1. Суғурталовчилар суғурта хизматлари таннархини шакллантириш ва молиявий натижаларни аниқлашда суғурта соҳасининг ўзига хос хусусиятларини инобатга олган ҳолда Ўзбекистон Республикаси Вазирлар Маҳкамасининг 1999 йил 5 февралдаги 54-сон қарори билан тасдиқланган Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисидаги низомга амал қилади.
2. Мазкур Низом мулкчилик шаклидан қатъий назар барча суғурталовчиларга нисбатан қўлланилади.
2-боб. Суғурта фаолияти бўйича молиявий натижаларни шакллантириш ва харажатлар таркибининг ўзига хос хусусиятлари
3. Суғурталовчиларнинг харажатлари таркиби Ўзбекистон Республикаси Вазирлар Маҳкамасининг 1999 йил 5 февралдаги 54-сон қарори билан тасдиқланган Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисидаги низомга мувофиқ аниқланади, бунда суғурта хизматлари таннархи таркибига қуйидаги қўшимча (махсус) харажатлар киради:
суғурта (биргаликдаги суғурта) ва қайта суғурта (суғурталовчига тегишли улуши) шартномалари бўйича суғурта товонлари (суғурта тўлови) миқдори;
суғурта ҳодисаларини бартараф этиш ва улар бўйича тўловларни амалга ошириш билан боғлиқ харажатлар;
қайта суғурта операциялари бўйича тантьемалар, қайта суғурта қилиш комиссияси ҳамда суғурта агенти учун воситачилик ҳақи.
4. Харажатлар моддалари рўйхати ва уларнинг таснифланиши бошқарув ҳисобини юритиш мақсадида суғурталовчининг ҳисобот йилидаги Ҳисоб сиёсатида акс эттирилиши лозим.
5. Суғурталовчиларнинг даромадлари таркиби Ўзбекистон Республикаси Вазирлар Маҳкамасининг 1999 йил 5 февралдаги 54-сон қарори билан тасдиқланган Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисидаги низомга мувофиқ аниқланади, бунда суғурта хизматларини амалга оширишдан олинган соф тушум:
тўғридан-тўғри ва биргаликдаги суғурта бўйича мукофотларнинг умумий миқдоридан (суғурталовчининг биргаликдаги суғурта шартномасида белгиланган улуши миқдорида) қайта суғуртага берилган шартномалар бўйича суғурта мукофотлари (бадаллари)ни чегирган ҳолда;
қайта суғуртага қабул қилинган шартномалар бўйича суғурта мукофотларини қўшиш;
ишлаб топилмаган мукофотлар захирасидаги (бундан буён матнда ИМЗ деб юритилади) қайта суғурталовчиларнинг улуши миқдорида тузатиш киритилган ҳолдаги ИМЗ ўзгаришининг натижасини қўшиш/айириш;
хабар қилинган, лекин бартараф этилмаган зарарлар захирасидаги (бундан буён матнда ХЗЗ деб юритилади) қайта суғурталовчиларнинг улуши миқдорида тузатиш киритилган ҳолдаги ХЗЗ ўзгаришининг натижасини қўшиш/айириш;
содир бўлган, лекин хабар қилинмаган зарарлар захирасидаги (бундан буён матнда СХЗЗ деб юритилади) қайта суғурталовчиларнинг улуши миқдорида тузатиш киритилган ҳолдаги СХЗЗ ўзгаришининг натижасини қўшиш/айириш;
ҳаёт суғуртаси бўйича захиралардаги (бундан буён матнда ҲЗ деб юритилади) қайта суғурталовчиларнинг улуши миқдорида тузатиш киритилган ҳолдаги ҲЗ ўзгаришининг натижасини қўшиш/айириш;
бошқа техник захиралардаги қайта суғурталовчиларнинг улуши миқдорида тузатиш киритилган ҳолдаги, тегишли захиралар ўзгаришининг натижасини қўшиш/айириш;
воситачилик хизматларини кўрсатганлик учун ҳисобланган воситачилик ҳақи ва бошқа мукофотларни қўшиш;
қайта суғурта бўйича зарарлар улушининг қопланиши бўйича даромадларни қўшиш;
қайта суғуртага берилган шартномалар бўйича ҳисобланган қайта суғурта қилиш комиссиясини қўшиш;
суғурта сюрвейери ва аджастер (аджастерлик ташкилоти) хизматларини кўрсатганлик учун мукофотларни қўшиш;
суғурта хизматларини кўрсатишдан бевосита олинган бошқа даромадларни қўшиш/айириш йўли билан аниқланади.
6. Суғурталовчиларнинг молиявий фаолиятидан олинадиган даромадлар таркибига инвестиция фаолиятидан, шу жумладан суғурта захиралари маблағларини инвестиция қилишдан олинадиган даромадлар ҳам киради.
Ўзбекистон Республикаси Истиқболли лойиҳалар миллий агентлиги директорининг 2024 йил 4 июлдаги 7-сон буйруғига 2-ИЛОВА
Ўз кучини йўқотган деб топилаётган идоравий норматив-ҳуқуқий ҳужжатлар
1. Ўзбекистон Республикаси молия вазирининг 2005 йил 20 июлдаги 65-сон «Суғурта ташкилотлари томонидан харажатлар таркиби ва молиявий натижаларни шакллантиришнинг ўзига хос хусусиятлари тўғрисида низомни тасдиқлаш ҳақида»ги буйруғи (рўйхати рақами 1517, 2005 йил 18 октябрь) (Ўзбекистон Республикаси қонун ҳужжатлари тўплами, 2005 й., 41-42-сон, 326-модда).
2. Ўзбекистон Республикаси молия вазирининг 2007 йил 31 майдаги 64-сон «Суғурта ташкилотлари томонидан харажатлар таркиби ва молиявий натижаларни шакллантиришнинг ўзига хос хусусиятлари тўғрисидаги низомга ўзгартиришлар киритиш ҳақида»ги буйруғи (рўйхат рақами 1517-1, 2007 йил 21 июнь) (Ўзбекистон Республикаси қонун ҳужжатлари тўплами, 2007 й., 25-26-сон, 273-модда).
3. Ўзбекистон Республикаси Молия вазирининг 2017 йил 19 июлдаги 109-сон «Суғурта ташкилотлари томонидан харажатлар таркиби ва молиявий натижаларни шакллантиришнинг ўзига хос хусусиятлари тўғрисидаги низомни тасдиқлаш ҳақида»ги буйруққа ўзгартиришлар ва қўшимча киритиш тўғрисида»ги буйруғи (рўйхат рақами 1517-2, 2017 йил 9 август) (Ўзбекистон Республикаси қонун ҳужжатлари тўплами, 2017 й., 32-сон, 824-модда).
Директор Д. ЛИ
Солиқ қўмитаси раиси Ш. КУДБИЕВ
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Д. КАСИМОВ
Савдо-саноат палатаси раиси Д. ВАХАБОВ
Иқтисодиёт ва молия вазири Д. КУЧКАРОВ
Тошкент ш.,
2024 йил 4 июль,
2024 йил 10 июнь
2024 йил 3 июль
2024 йил 25 июнь
2024 йил 3 июль
7-сон
Oʻzbekiston Respublikasi Istiqbolli loyihalar milliy agentligi direktorining
buyrugʻi
NIZOM
ROʻYXATI
Sugʻurtalovchilar tomonidan xarajatlar tarkibi va moliyaviy natijalarni shakllantirishning oʻziga xos xususiyatlari toʻgʻrisidagi nizomni tasdiqlash haqida
Oʻzbekiston Respublikasi “Sugʻurta faoliyati toʻgʻrisida”gi Qonuniga muvofiq buyuraman:
1. Sugʻurtalovchilar tomonidan xarajatlar tarkibi va moliyaviy natijalarni shakllantirishning oʻziga xos xususiyatlari toʻgʻrisidagi nizom 1-ilovaga muvofiq tasdiqlansin.
2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.
3. Mazkur buyruq Oʻzbekiston Respublikasi Iqtisodiyot va moliya vazirligi, Oʻzbekiston Respublikasi Vazirlar Mahkamasi huzuridagi Soliq qoʻmitasi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil hamda Oʻzbekiston Respublikasi Savdo-sanoat palatasi bilan kelishilgan.
4. Mazkur buyruq rasmiy eʼlon qilingan kundan kuchga kiradi.
Kelishildi:
Oʻzbekiston Respublikasi Istiqbolli loyihalar milliy agentligi direktorining 2024-yil 4-iyuldagi 7-son buyrugʻiga 1-ILOVA
Sugʻurtalovchilar tomonidan xarajatlar tarkibi va moliyaviy natijalarni shakllantirishning oʻziga xos xususiyatlari toʻgʻrisida
Mazkur Nizom sugʻurta xizmatlarini koʻrsatish tannarxiga kiritiladigan xarajatlar tarkibi hamda sugʻurta faoliyatining oʻziga xos xususiyatlarini inobatga olgan holda sugʻurtalovchi yoki qayta sugʻurtalovchi (bundan buyon matnda sugʻurtalovchi deb yuritiladi) faoliyatining moliyaviy natijalarini shakllantirish tartibini belgilaydi.
1-bob. Umumiy qoidalar
1. Sugʻurtalovchilar sugʻurta xizmatlari tannarxini shakllantirish va moliyaviy natijalarni aniqlashda sugʻurta sohasining oʻziga xos xususiyatlarini inobatga olgan holda Oʻzbekiston Respublikasi Vazirlar Mahkamasining 1999-yil 5-fevraldagi 54-son qarori bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi toʻgʻrisidagi nizomga amal qiladi.
2. Mazkur Nizom mulkchilik shaklidan qatʼiy nazar barcha sugʻurtalovchilarga nisbatan qoʻllaniladi.
2-bob. Sugʻurta faoliyati boʻyicha moliyaviy natijalarni shakllantirish va xarajatlar tarkibining oʻziga xos xususiyatlari
3. Sugʻurtalovchilarning xarajatlari tarkibi Oʻzbekiston Respublikasi Vazirlar Mahkamasining 1999-yil 5-fevraldagi 54-son qarori bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi toʻgʻrisidagi nizomga muvofiq aniqlanadi, bunda sugʻurta xizmatlari tannarxi tarkibiga quyidagi qoʻshimcha (maxsus) xarajatlar kiradi:
sugʻurta (birgalikdagi sugʻurta) va qayta sugʻurta (sugʻurtalovchiga tegishli ulushi) shartnomalari boʻyicha sugʻurta tovonlari (sugʻurta toʻlovi) miqdori;
sugʻurta hodisalarini bartaraf etish va ular boʻyicha toʻlovlarni amalga oshirish bilan bogʻliq xarajatlar;
qayta sugʻurta operatsiyalari boʻyicha tantyemalar, qayta sugʻurta qilish komissiyasi hamda sugʻurta agenti uchun vositachilik haqi.
4. Xarajatlar moddalari roʻyxati va ularning tasniflanishi boshqaruv hisobini yuritish maqsadida sugʻurtalovchining hisobot yilidagi Hisob siyosatida aks ettirilishi lozim.
5. Sugʻurtalovchilarning daromadlari tarkibi Oʻzbekiston Respublikasi Vazirlar Mahkamasining 1999-yil 5-fevraldagi 54-son qarori bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi toʻgʻrisidagi nizomga muvofiq aniqlanadi, bunda sugʻurta xizmatlarini amalga oshirishdan olingan sof tushum:
toʻgʻridan-toʻgʻri va birgalikdagi sugʻurta boʻyicha mukofotlarning umumiy miqdoridan (sugʻurtalovchining birgalikdagi sugʻurta shartnomasida belgilangan ulushi miqdorida) qayta sugʻurtaga berilgan shartnomalar boʻyicha sugʻurta mukofotlari (badallari)ni chegirgan holda;
qayta sugʻurtaga qabul qilingan shartnomalar boʻyicha sugʻurta mukofotlarini qoʻshish;
ishlab topilmagan mukofotlar zaxirasidagi (bundan buyon matnda IMZ deb yuritiladi) qayta sugʻurtalovchilarning ulushi miqdorida tuzatish kiritilgan holdagi IMZ oʻzgarishining natijasini qoʻshish/ayirish;
xabar qilingan, lekin bartaraf etilmagan zararlar zaxirasidagi (bundan buyon matnda XZZ deb yuritiladi) qayta sugʻurtalovchilarning ulushi miqdorida tuzatish kiritilgan holdagi XZZ oʻzgarishining natijasini qoʻshish/ayirish;
sodir boʻlgan, lekin xabar qilinmagan zararlar zaxirasidagi (bundan buyon matnda SXZZ deb yuritiladi) qayta sugʻurtalovchilarning ulushi miqdorida tuzatish kiritilgan holdagi SXZZ oʻzgarishining natijasini qoʻshish/ayirish;
hayot sugʻurtasi boʻyicha zaxiralardagi (bundan buyon matnda HZ deb yuritiladi) qayta sugʻurtalovchilarning ulushi miqdorida tuzatish kiritilgan holdagi HZ oʻzgarishining natijasini qoʻshish/ayirish;
boshqa texnik zaxiralardagi qayta sugʻurtalovchilarning ulushi miqdorida tuzatish kiritilgan holdagi, tegishli zaxiralar oʻzgarishining natijasini qoʻshish/ayirish;
vositachilik xizmatlarini koʻrsatganlik uchun hisoblangan vositachilik haqi va boshqa mukofotlarni qoʻshish;
qayta sugʻurta boʻyicha zararlar ulushining qoplanishi boʻyicha daromadlarni qoʻshish;
qayta sugʻurtaga berilgan shartnomalar boʻyicha hisoblangan qayta sugʻurta qilish komissiyasini qoʻshish;
sugʻurta syurveyeri va adjaster (adjasterlik tashkiloti) xizmatlarini koʻrsatganlik uchun mukofotlarni qoʻshish;
sugʻurta xizmatlarini koʻrsatishdan bevosita olingan boshqa daromadlarni qoʻshish/ayirish yoʻli bilan aniqlanadi.
6. Sugʻurtalovchilarning moliyaviy faoliyatidan olinadigan daromadlar tarkibiga investitsiya faoliyatidan, shu jumladan sugʻurta zaxiralari mablagʻlarini investitsiya qilishdan olinadigan daromadlar ham kiradi.
Oʻzbekiston Respublikasi Istiqbolli loyihalar milliy agentligi direktorining 2024-yil 4-iyuldagi 7-son buyrugʻiga 2-ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
1. Oʻzbekiston Respublikasi moliya vazirining 2005-yil 20-iyuldagi 65-son “Sugʻurta tashkilotlari tomonidan xarajatlar tarkibi va moliyaviy natijalarni shakllantirishning oʻziga xos xususiyatlari toʻgʻrisida nizomni tasdiqlash haqida”gi buyrugʻi (roʻyxati raqami 1517, 2005-yil 18-oktabr) (Oʻzbekiston Respublikasi qonun hujjatlari toʻplami, 2005-y., 41-42-son, 326-modda).
2. Oʻzbekiston Respublikasi moliya vazirining 2007-yil 31-maydagi 64-son “Sugʻurta tashkilotlari tomonidan xarajatlar tarkibi va moliyaviy natijalarni shakllantirishning oʻziga xos xususiyatlari toʻgʻrisidagi nizomga oʻzgartirishlar kiritish haqida”gi buyrugʻi (roʻyxat raqami 1517-1, 2007-yil 21-iyun) (Oʻzbekiston Respublikasi qonun hujjatlari toʻplami, 2007-y., 25-26-son, 273-modda).
3. Oʻzbekiston Respublikasi Moliya vazirining 2017-yil 19-iyuldagi 109-son “Sugʻurta tashkilotlari tomonidan xarajatlar tarkibi va moliyaviy natijalarni shakllantirishning oʻziga xos xususiyatlari toʻgʻrisidagi nizomni tasdiqlash haqida”gi buyruqqa oʻzgartirishlar va qoʻshimcha kiritish toʻgʻrisida”gi buyrugʻi (roʻyxat raqami 1517-2, 2017-yil 9-avgust) (Oʻzbekiston Respublikasi qonun hujjatlari toʻplami, 2017-y., 32-son, 824-modda).
Direktor D. LI
Soliq qoʻmitasi raisi Sh. KUDBIYEV
Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV
Savdo-sanoat palatasi raisi D. VAXABOV
Iqtisodiyot va moliya vaziri D. KUCHKAROV
Toshkent sh.,
2024-yil 4-iyul,
2024-yil 10-iyun
2024-yil 3-iyul
2024-yil 25-iyun
2024-yil 3-iyul
7-son
Директора Национального агентства перспективных проектов Республики Узбекистан
Приказ
ПОЛОЖЕНИЯ
ПЕРЕЧЕНЬ
Об утверждении Положения об особенностях состава затрат и формирования финансовых результатов страховщиками
В соответствии с Законом Республики Узбекистан «О страховой деятельности» приказываю:
1. Утвердить Положение об особенностях состава затрат и формирования финансовых результатов страховщиками согласно приложению № 1 .
2. Признать утратившими силу некоторые ведомственные нормативно-правовые акты согласно приложению № 2 .
3. Настоящий приказ согласован с Министерством экономики и финансов Республики Узбекистан, Налоговым комитетом при Кабинете Министров Республики Узбекистан, Уполномоченным при Президенте Республики Узбекистан по защите прав и законных интересов субъектов предпринимательства и Торгово-промышленной палатой Республики Узбекистан.
4. Настоящий приказ вступает в силу со дня его официального опубликования.
Согласовано:
ПРИЛОЖЕНИЕ № 1 к приказу директора Национального агентства перспективных проектов Республики Узбекистан от 4 июля 2024 года № 7
об особенностях состава затрат и формирования финансовых результатов страховщиками
Настоящее Положение определяет состав затрат, включаемых в производственную себестоимость страховых услуг и порядок формирования финансовых результатов деятельности страховщиков или перестраховщиков (далее — страховщик) с учетом особенностей страховой деятельности.
Глава 1. Общие положения
1. Страховщики при формировании себестоимости страховых услуг и определении финансовых результатов руководствуются Положением о составе затрат по производству и реализации продукции (работ, услуг) и о порядке формирования финансовых результатов, утвержденным постановлением Кабинета Министров Республики Узбекистан от 5 февраля 1999 года № 54, с учетом особенностей сферы страхования.
2. Действие настоящего Положения распространяется на всех страховщиков независимо от форм собственности.
Глава 2. Особенности состава затрат и формирования финансовых результатов по страховой деятельности
3. Состав затрат страховщиков определяется в соответствии с Положением о составе затрат по производству и реализации продукции (работ, услуг) и о порядке формирования финансовых результатов, утвержденным постановлением Кабинета Министров Республики Узбекистан от 5 февраля 1999 года № 54, при этом в состав себестоимости страховых услуг входят дополнительные (специфические) расходы:
сумма выплат страховых возмещений по договорам страхования (сострахования) и перестрахования (в части доли, относящейся к страховщику);
расходы, связанные с урегулированием и выплатой по страховым случаям;
комиссионные вознаграждения и тантьемы, начисленные по операциям перестрахования и комиссионные вознаграждения страховых агентов.
4. Перечень статей расходов и их классификация для целей управленческого учета должен быть отражен в Учетной политике страховщика в отчетном году.
5. Состав доходов страховщиков определяется в соответствии с Положением о составе затрат по производству и реализации продукции (работ, услуг) и о порядке формирования финансовых результатов, утвержденным постановлением Кабинета Министров Республики Узбекистан от 5 февраля 1999 года № 54, при этом чистая выручка от реализации страховых услуг определяется как:
общая сумма премий по прямому страхованию и сострахованию (в части доли страховщика, установленной в договоре сострахования) за вычетом страховых премий (взносов) по договорам, переданным в перестрахование;
плюс страховые премии по договорам, принятым в перестрахование;
плюс/минус результат изменения резерва незаработанной премии (далее — РНП), скорректированный на долю перестраховщиков в РНП;
плюс/минус результат изменения резерва заявленных, но неурегулированных убытков (далее — РЗУ), скорректированный на долю перестраховщиков в РЗУ;
плюс/минус результат изменения резерва произошедших, но не заявленных убытков (далее — РПНУ), скорректированный на долю перестраховщиков в РПНУ;
плюс/минус результат изменения резерва по страхованию жизни (далее — РЖ), скорректированный на долю перестраховщиков в РЖ;
плюс/минус результат изменения других технических резервов, скорректированный на долю перестраховщиков в соответствующих резервах;
плюс начисленные комиссионные и иные вознаграждения за оказание посреднических услуг;
плюс доходы по возмещениям доли убытков по перестрахованию;
плюс начисленные комиссионные вознаграждения по договорам, переданным в перестрахование;
плюс вознаграждения за оказание услуг страхового сюрвейера и аджастера (аджастерской организации);
плюс другие доходы, полученные непосредственно от оказания страховых услуг.
6. В состав доходов от финансовой деятельности страховщиков также включаются доходы от инвестиционной деятельности, в том числе от инвестирования средств страховых резервов.
ПРИЛОЖЕНИЕ № 2 к приказу директора Национального агентства перспективных проектов Республики Узбекистан от 4 июля 2024 года № 7
ведомственных нормативно-правовых актов, признаваемых утратившими силу
1. Приказ Министра финансов Республики Узбекистан от 20 июля 2005 года № 65 «Об утверждении положения об особенностях состава затрат и формирования финансовых результатов страховщиками» (рег. № 1517 от 18 октября 2005 года) (Собрание законодательства Республики Узбекистан, 2005 г., № 41-42, ст. 326).
2. Приказ Министра финансов Республики Узбекистан от 31 мая 2007 года № 64 «О внесении изменений в положение об особенностях состава затрат и формирования финансовых результатов страховыми организациями» (рег. № 1517-1 от 21 июня 2007 года) (Собрание законодательства Республики Узбекистан, 2007 г., № 25-26, ст. 273).
3. Приказ Министра финансов Республики Узбекистан от 19 июля 2017 года № 109 «О внесении изменений и дополнения в приказ «Об утверждении положения об особенностях состава затрат и формирования финансовых результатов страховыми организациями» (рег. № 1517-2 от 9 августа 2017 года) (Собрание законодательства Республики Узбекистан, 2017 г., № 32, ст. 824).
Директор Д. ЛИ
Председатель Налогового комитета Ш. КУДБИЕВ
Уполномоченный при Президенте Республики Узбекистан по защите прав и законных интересов субъектов предпринимательства Д. КАСИМОВ
Председатель Торгово-промышленной палаты Д. ВАХАБОВ
Министр экономики и финансов Д. КУЧКАРОВ
г. Ташкент,
4 июля 2024 г.,
10 июня 2024 г.
3 июля 2024 г.
25 июня 2024 г.
3 июля 2024 г.
№ 7