📅 2024-yil 15-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 15 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 августа 2024 г. · Постановления Президента
Официальный текст. Официальный документ. Редакционные примечания не включены.
📅 15 August 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Шоли етиштирувчилар фаолиятини қўллаб-қувватлашнинг қўшимча чора-тадбирлари тўғрисида
Сўнгги йилларда қишлоқ хўжалиги маҳсулотларини етиштиришни кўпайтириш ва республикада озиқ-овқат нархлари барқарорлигини таъминлаш, шунингдек, соҳага замонавий технологияларни жорий этиш бўйича тизимли ишлар амалга оширилмоқда.
Шу билан бирга, бугунги кунда тобора кучайиб бораётган сув тақчиллиги ва қишлоқ хўжалиги маҳсулотларига бўлган талабнинг кенгайиши сувни кўп истеъмол қиладиган экинларни етиштиришда сувни тежайдиган технологияларни кенг қўллаш заруратини юзага келтирмоқда.
Республикада шоли етиштириш, сақлаш, қайта ишлашнинг узлуксиз ва самарали тизимини жорий этиш, ички истеъмол бозорини гуруч маҳсулотлари билан барқарор таъминлаш, шунингдек, соҳада илмий-тадқиқот ишларини кенгайтириш мақсадида:
1. Шундай тартиб ўрнатилсинки, унга мувофиқ:
а) 2024 йил 1 сентябрдан бошлаб фермер, деҳқон хўжаликлари ва бошқа маҳсулот етиштирувчиларга шоли етиштириш ва харид қилиш харажатларини молиялаштириш учун Ўзбекистон Республикаси Президентининг 2021 йил 15 декабрдаги «Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида»ги ПҚ-52-сон қарорида белгиланган шартларда имтиёзли кредитлар ажратилади.
Бунда шоли харид қилиш бўйича шартномалар шоличилик кластерлари билан фермер хўжаликлари ўртасида Қишлоқ хўжалиги вазирлигининг «Агроплатформа» ахборот тизими орқали тузилади;
б) 2025-2026 йилларда қишлоқ хўжалиги корхоналари томонидан шоли экиш учун харид қилинган ва ишлаб чиқарилганига бир йилдан ошмаган янги уруғ сеялкалари ҳамда кўчатлаб экиш ускуналари қийматининг 20 фоизи Давлат бюджетидан субсидиялар ажратиш орқали қоплаб берилади;
в) Хоразм вилоятида шоли етиштирувчи қишлоқ хўжалиги корхоналари фаолиятини қўллаб-қувватлаш учун Давлат бюджетидан уларга қуйидаги қўшимча субсидиялар ажратилади:
шоли етиштириш учун ҳар бир гектар лазерли текисланган майдонга сарфланган ёқилғи-мойлаш материаллари харажатларининг 100 фоизини, бироқ бир гектар учун умумий харажат миқдорининг 1 млн сўмдан ортиқ бўлмаган қисмини қоплаш учун;
Ўзбекистон Республикаси Президентининг 2022 йил 1 мартдаги «Қишлоқ хўжалигида сувни тежайдиган технологияларни жорий этишни янада такомиллаштириш чора-тадбирлари тўғрисида»ги ПҚ-144-сон қарорида белгиланган миқдорларда замонавий сув тежовчи технологияларни жорий қилиш билан боғлиқ харажатларнинг бир қисмини қоплаш учун.
2. Қишлоқ хўжалиги вазирлиги ва Хоразм вилояти ҳокимлиги икки ой муддатда Корея Республикасининг «KOPIA» маркази билан ҳамкорликда Гурлан туманида масъулияти чекланган жамиятлар шаклида шоли элита уруғчилик марказлари (кейинги ўринларда — уруғчилик марказлари) ташкил этилишини таъминласин.
Белгилансинки:
Шоличилик илмий-тадқиқот институти билан ҳамкорликда уруғчилик марказларида юқори авлодли уруғликни кўпайтириш йўлга қўйилади;
уруғчилик марказлари юқори авлодли уруғликларни карантин назоратидан ўтказилган хорижий компаниялардан ёки Шоличилик илмий-тадқиқот институтидан қабул қилади ва кўпайтиришни ташкил этади;
уруғчилик марказларига шолининг элита авлодли уруғчилигини етиштириш учун қонунчилик ҳужжатларида белгиланган тартибда ер майдонлари ажратилади;
уруғчилик марказлари томонидан уруғлик шолини тозалаш, саралаш ва қадоқлаш ишлари амалга оширилади.
3. Қишлоқ хўжалиги вазирлиги уч ой муддатда Қишлоқ хўжалигида билим ва инновациялар миллий маркази билан Филиппин Халқаро шоличилик илмий-тадқиқот институти ўртасида доимий ҳамкорлик алоқаларини ўрнатган ҳолда, шолининг шўрга, қурғоқчиликка чидамли эртапишар линиялар ва халқаро стандартларга мос навлар уруғларини олиб келиб, Хоразм вилоятининг тупроқ-иқлим шароитида мунтазам синовлар ўтказилишини йўлга қўйсин. Бунда:
хорижий ва маҳаллий генофонддан самарали фойдаланган ҳолда, шолининг янги навларини яратиш тизими янада такомиллаштирилиб, ушбу соҳага илғор халқаро тажрибалар жорий этилади;
хорижий шоли навлари бўйича икки йил давомида синовлар ўтказилиб, тезпишар, кам сув талаб қиладиган, юқори ҳосилли навлар танлаб олинади ҳамда 2027 йилга қадар танлаб олинган навларнинг бирламчи уруғчилиги йўлга қўйилади;
шоличилик йўналишидаги халқаро экспертларни жалб қилган ҳолда, уруғчилик хўжаликлари мутахассисларининг малакаси ошириб борилади.
4. 2024 йил ҳосилидан бошлаб, истисно тариқасида, Хоразм вилоятидаги 120 центнер ва ундан юқори ҳосил олган қишлоқ хўжалиги корхоналарига етиштирилган шолининг 50 фоиздан ошмаган гуруч маҳсулотини экспортга йўналтиришга рухсат берилсин.
Бунда олинган ҳосил миқдори шолини ўриб-йиғиб олувчи комбайнларга ўрнатилган GPS ускуналари маълумоти асосида аниқланади.
5. Агросаноат мажмуи устидан назорат қилиш инспекцияси шоли майдонларида агротехник тадбирларнинг ўз вақтида ўтказилиши, давлат эҳтиёжлари учун етиштирилган шолини қабул қилиш, сақлаш ва қайта ишлаш устидан доимий назорат ўрнатсин.
6. Қишлоқ хўжалиги вазирлиги Иқтисодиёт ва молия вазирлиги билан биргаликда икки ҳафта муддатда қуйидагиларни назарда тутувчи Вазирлар Маҳкамаси қарори лойиҳасини киритсин:
Хоразм вилоятида шоли етиштириш учун ҳар бир гектар лазерли текисланган майдонга сарфланган ёқилғи-мойлаш материаллари харажатларининг 100 фоизи, бироқ бир гектар учун умумий харажат миқдорининг 1 млн сўмдан ортиқ бўлмаган қисмини қоплаб бериш тартиби;
2025-2026 йилларда қишлоқ хўжалиги корхоналарига шоли экиш учун харид қилинган замонавий уруғ сеялкалари ва кўчатлаб экиш ускуналари қийматининг 20 фоизини қоплаб беришнинг вақтинчалик тартиби.
7. Белгилансинки, ушбу қарорни амалга ошириш билан боғлиқ харажатлар:
2024 йилда Ўзбекистон Республикасининг «2024 йил учун Ўзбекистон Республикасининг Давлат бюджети тўғрисида»ги Қонуни билан Қишлоқ хўжалиги вазирлигига ажратилган маблағлар ҳамда қонунчиликда тақиқланмаган бошқа манбалар ҳисобидан молиялаштирилади;
2025 йилдан бошлаб бюджет қонунчилигида белгиланган тартибда Давлат бюджети параметрларида назарда тутилади.
8. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.
9. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Ходжаев ва қишлоқ хўжалиги вазири И.Ю. Абдурахмонов белгилансин.
Қарор ижросини назорат қилиш, ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 15 августдаги ПҚ-290-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2021 йил 15 декабрдаги «Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида»ги ПҚ-52-сон қарори 1-бандининг «а» кичик бандидаги «ва мойли» сўзлари «, мойли ва шоли» сўзлари билан алмаштирилсин.
2. Ўзбекистон Республикаси Президентининг 2022 йил 1 мартдаги «Қишлоқ хўжалигида сувни тежайдиган технологияларни жорий этишни янада такомиллаштириш чора-тадбирлари тўғрисида»ги ПҚ-144-сон қарорига 2-илованинг III бўлим 2-банди қуйидаги таҳрирда баён этилсин:
«2. Субсидияларнинг базавий ҳисоблаш миқдорлари тизим жорий этилган экин майдонининг ҳар бир гектари учун қуйидагича белгиланади:
минг сўм Сувни тежайдиган суғориш тизими тури Пахта Донли экинлар Сабзавот экинлари ва картошка Полиз экинлари Озуқабоп, мойли, дуккакли экинлар ва доривор ўсимликлар Мевали экинлар Узум Шоли Томчилатиб суғориш 8 000 * х 8 000 1 300 2 500 *** 6 000 8 000 х Кенг қамровли ва мобиль суғориш тизими х 8 000 ** 8 000 х 2 500 *** х х 8 000 **** «Спринклер» тизими х 8 000 ** 8 000 х 2 500 *** х х 8 000 **** Дискретли суғориш 4 000 х х х х х х х
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 15 август,
ПҚ-290-сон
Oʻzbekiston Respublikasi Prezidentining
Qarori
Sholi yetishtiruvchilar faoliyatini qoʻllab-quvvatlashning qoʻshimcha chora-tadbirlari toʻgʻrisida
Soʻnggi yillarda qishloq xoʻjaligi mahsulotlarini yetishtirishni koʻpaytirish va respublikada oziq-ovqat narxlari barqarorligini taʼminlash, shuningdek, sohaga zamonaviy texnologiyalarni joriy etish boʻyicha tizimli ishlar amalga oshirilmoqda.
Shu bilan birga, bugungi kunda tobora kuchayib borayotgan suv taqchilligi va qishloq xoʻjaligi mahsulotlariga boʻlgan talabning kengayishi suvni koʻp isteʼmol qiladigan ekinlarni yetishtirishda suvni tejaydigan texnologiyalarni keng qoʻllash zaruratini yuzaga keltirmoqda.
Respublikada sholi yetishtirish, saqlash, qayta ishlashning uzluksiz va samarali tizimini joriy etish, ichki isteʼmol bozorini guruch mahsulotlari bilan barqaror taʼminlash, shuningdek, sohada ilmiy-tadqiqot ishlarini kengaytirish maqsadida:
1. Shunday tartib oʻrnatilsinki, unga muvofiq:
a) 2024-yil 1-sentabrdan boshlab fermer, dehqon xoʻjaliklari va boshqa mahsulot yetishtiruvchilarga sholi yetishtirish va xarid qilish xarajatlarini moliyalashtirish uchun Oʻzbekiston Respublikasi Prezidentining 2021-yil 15-dekabrdagi “Meva-sabzavotchilik sohasini davlat tomonidan qoʻllab-quvvatlash, tarmoqda klaster va kooperatsiya tizimini yanada rivojlantirish chora-tadbirlari toʻgʻrisida”gi PQ-52-son qarorida belgilangan shartlarda imtiyozli kreditlar ajratiladi.
Bunda sholi xarid qilish boʻyicha shartnomalar sholichilik klasterlari bilan fermer xoʻjaliklari oʻrtasida Qishloq xoʻjaligi vazirligining “Agroplatforma” axborot tizimi orqali tuziladi;
b) 2025-2026-yillarda qishloq xoʻjaligi korxonalari tomonidan sholi ekish uchun xarid qilingan va ishlab chiqarilganiga bir yildan oshmagan yangi urugʻ seyalkalari hamda koʻchatlab ekish uskunalari qiymatining 20 foizi Davlat budjetidan subsidiyalar ajratish orqali qoplab beriladi;
v) Xorazm viloyatida sholi yetishtiruvchi qishloq xoʻjaligi korxonalari faoliyatini qoʻllab-quvvatlash uchun Davlat budjetidan ularga quyidagi qoʻshimcha subsidiyalar ajratiladi:
sholi yetishtirish uchun har bir gektar lazerli tekislangan maydonga sarflangan yoqilgʻi-moylash materiallari xarajatlarining 100 foizini, biroq bir gektar uchun umumiy xarajat miqdorining 1 mln soʻmdan ortiq boʻlmagan qismini qoplash uchun;
Oʻzbekiston Respublikasi Prezidentining 2022-yil 1-martdagi “Qishloq xoʻjaligida suvni tejaydigan texnologiyalarni joriy etishni yanada takomillashtirish chora-tadbirlari toʻgʻrisida”gi PQ-144-son qarorida belgilangan miqdorlarda zamonaviy suv tejovchi texnologiyalarni joriy qilish bilan bogʻliq xarajatlarning bir qismini qoplash uchun.
2. Qishloq xoʻjaligi vazirligi va Xorazm viloyati hokimligi ikki oy muddatda Koreya Respublikasining “KOPIA” markazi bilan hamkorlikda Gurlan tumanida masʼuliyati cheklangan jamiyatlar shaklida sholi elita urugʻchilik markazlari (keyingi oʻrinlarda — urugʻchilik markazlari) tashkil etilishini taʼminlasin.
Belgilansinki:
Sholichilik ilmiy-tadqiqot instituti bilan hamkorlikda urugʻchilik markazlarida yuqori avlodli urugʻlikni koʻpaytirish yoʻlga qoʻyiladi;
urugʻchilik markazlari yuqori avlodli urugʻliklarni karantin nazoratidan oʻtkazilgan xorijiy kompaniyalardan yoki Sholichilik ilmiy-tadqiqot institutidan qabul qiladi va koʻpaytirishni tashkil etadi;
urugʻchilik markazlariga sholining elita avlodli urugʻchiligini yetishtirish uchun qonunchilik hujjatlarida belgilangan tartibda yer maydonlari ajratiladi;
urugʻchilik markazlari tomonidan urugʻlik sholini tozalash, saralash va qadoqlash ishlari amalga oshiriladi.
3. Qishloq xoʻjaligi vazirligi uch oy muddatda Qishloq xoʻjaligida bilim va innovatsiyalar milliy markazi bilan Filippin Xalqaro sholichilik ilmiy-tadqiqot instituti oʻrtasida doimiy hamkorlik aloqalarini oʻrnatgan holda, sholining shoʻrga, qurgʻoqchilikka chidamli ertapishar liniyalar va xalqaro standartlarga mos navlar urugʻlarini olib kelib, Xorazm viloyatining tuproq-iqlim sharoitida muntazam sinovlar oʻtkazilishini yoʻlga qoʻysin. Bunda:
xorijiy va mahalliy genofonddan samarali foydalangan holda, sholining yangi navlarini yaratish tizimi yanada takomillashtirilib, ushbu sohaga ilgʻor xalqaro tajribalar joriy etiladi;
xorijiy sholi navlari boʻyicha ikki yil davomida sinovlar oʻtkazilib, tezpishar, kam suv talab qiladigan, yuqori hosilli navlar tanlab olinadi hamda 2027-yilga qadar tanlab olingan navlarning birlamchi urugʻchiligi yoʻlga qoʻyiladi;
sholichilik yoʻnalishidagi xalqaro ekspertlarni jalb qilgan holda, urugʻchilik xoʻjaliklari mutaxassislarining malakasi oshirib boriladi.
4. 2024-yil hosilidan boshlab, istisno tariqasida, Xorazm viloyatidagi 120 sentner va undan yuqori hosil olgan qishloq xoʻjaligi korxonalariga yetishtirilgan sholining 50 foizdan oshmagan guruch mahsulotini eksportga yoʻnaltirishga ruxsat berilsin.
Bunda olingan hosil miqdori sholini oʻrib-yigʻib oluvchi kombaynlarga oʻrnatilgan GPS uskunalari maʼlumoti asosida aniqlanadi.
5. Agrosanoat majmui ustidan nazorat qilish inspeksiyasi sholi maydonlarida agrotexnik tadbirlarning oʻz vaqtida oʻtkazilishi, davlat ehtiyojlari uchun yetishtirilgan sholini qabul qilish, saqlash va qayta ishlash ustidan doimiy nazorat oʻrnatsin.
6. Qishloq xoʻjaligi vazirligi Iqtisodiyot va moliya vazirligi bilan birgalikda ikki hafta muddatda quyidagilarni nazarda tutuvchi Vazirlar Mahkamasi qarori loyihasini kiritsin:
Xorazm viloyatida sholi yetishtirish uchun har bir gektar lazerli tekislangan maydonga sarflangan yoqilgʻi-moylash materiallari xarajatlarining 100 foizi, biroq bir gektar uchun umumiy xarajat miqdorining 1 mln soʻmdan ortiq boʻlmagan qismini qoplab berish tartibi;
2025-2026-yillarda qishloq xoʻjaligi korxonalariga sholi ekish uchun xarid qilingan zamonaviy urugʻ seyalkalari va koʻchatlab ekish uskunalari qiymatining 20 foizini qoplab berishning vaqtinchalik tartibi.
7. Belgilansinki, ushbu qarorni amalga oshirish bilan bogʻliq xarajatlar:
2024-yilda Oʻzbekiston Respublikasining “2024-yil uchun Oʻzbekiston Respublikasining Davlat budjeti toʻgʻrisida”gi Qonuni bilan Qishloq xoʻjaligi vazirligiga ajratilgan mablagʻlar hamda qonunchilikda taqiqlanmagan boshqa manbalar hisobidan moliyalashtiriladi;
2025-yildan boshlab budjet qonunchiligida belgilangan tartibda Davlat budjeti parametrlarida nazarda tutiladi.
8. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
9. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev va qishloq xoʻjaligi vaziri I.Y. Abduraxmonov belgilansin.
Qaror ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 15-avgustdagi PQ-290-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2021-yil 15-dekabrdagi “Meva-sabzavotchilik sohasini davlat tomonidan qoʻllab-quvvatlash, tarmoqda klaster va kooperatsiya tizimini yanada rivojlantirish chora-tadbirlari toʻgʻrisida”gi PQ-52-son qarori 1-bandining “a” kichik bandidagi “va moyli” soʻzlari “, moyli va sholi” soʻzlari bilan almashtirilsin.
2. Oʻzbekiston Respublikasi Prezidentining 2022-yil 1-martdagi “Qishloq xoʻjaligida suvni tejaydigan texnologiyalarni joriy etishni yanada takomillashtirish chora-tadbirlari toʻgʻrisida”gi PQ-144-son qaroriga 2-ilovaning III boʻlim 2-bandi quyidagi tahrirda bayon etilsin:
“2. Subsidiyalarning bazaviy hisoblash miqdorlari tizim joriy etilgan ekin maydonining har bir gektari uchun quyidagicha belgilanadi:
ming soʻm Suvni tejaydigan sugʻorish tizimi turi Paxta Donli ekinlar Sabzavot ekinlari va kartoshka Poliz ekinlari Ozuqabop, moyli, dukkakli ekinlar va dorivor oʻsimliklar Mevali ekinlar Uzum Sholi Tomchilatib sugʻorish 8 000 * x 8 000 1 300 2 500 *** 6 000 8 000 x Keng qamrovli va mobil sugʻorish tizimi x 8 000 ** 8 000 x 2 500 *** x x 8 000 **** “Sprinkler” tizimi x 8 000 ** 8 000 x 2 500 *** x x 8 000 **** Diskretli sugʻorish 4 000 x x x x x x x
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 15-avgust,
PQ-290-son
Президента Республики Узбекистан
Постановление
О дополнительных мерах поддержки деятельности рисоводов
В последние годы осуществляется системная работа по увеличению производства сельскохозяйственной продукции и обеспечению стабильности цен на продовольствие в республике, а также внедрению современных технологий в сферу.
Вместе с тем растущий в настоящее время дефицит воды и расширяющийся спрос на сельскохозяйственную продукцию способствует возникновению необходимости широкого применения водосберегающих технологий при выращивании водолюбивых культур.
В целях внедрения непрерывной и эффективной системы выращивания, хранения и переработки риса в республике, стабильного обеспечения внутреннего потребительского рынка рисовой продукцией, а также расширения научно-исследовательских работ в сфере:
1. Установить порядок, в соответствии с которым:
а) с 1 сентября 2024 года для финансирования затрат на выращивание и закупку риса фермерам, дехканским хозяйствам и другим производителям продукции будут выделены льготные кредиты на условиях, определенных в постановлении Президента Республики Узбекистан от 15 декабря 2021 года № ПП-52 «О мерах по государственной поддержке сферы плодоовощеводства, дальнейшему развитию системы кластера и кооперации в отрасли».
При этом контракты на закупку риса между рисоводческими кластерами и фермерскими хозяйствами будут заключаться через информационную систему «Агроплатформа» Министерства сельского хозяйства;
б) в 2025-2026 годах 20 процентов стоимости новых семенных сеялок и оборудования рассадного метода посева, закупленных сельскохозяйственными предприятиями для посева риса, сроком выпуска не более одного года, будут покрыты за счет выделения субсидий из Государственного бюджета;
в) в целях поддержки деятельности рисоводческих сельскохозяйственных предприятий в Хорезмской области из Государственного бюджета им будут выделены дополнительные субсидии на:
покрытие 100 процентов расходов на горюче-смазочные материалы, использованные на каждый гектар площади, на которой произведена лазерная планировка, для выращивания риса, но не превышающих 1 миллиона сумов общего объема расходов;
покрытие части расходов на внедрение современных водосберегающих технологий, в размерах, предусмотренных постановлением Президента Республики Узбекистан от 1 марта 2022 года № ПП-144 «О мерах по дальнейшему совершенствованию внедрения водосберегающих технологий в сельском хозяйстве».
2. Министерству сельского хозяйства и хокимияту Хорезмской области в двухмесячный срок в сотрудничестве с центром «KOPIA» Республики Корея обеспечить создание в Гурленском районе элитных семеноводческих центров риса (далее — семеноводческие центры) в форме обществ с ограниченной ответственностью.
Установить, что:
совместно с Научно-исследовательским институтом рисоводства в семеноводческих центрах будет налажено размножение семян высокого поколения;
семеноводческие центры получают от иностранных компаний, прошедших карантинный контроль, или Научно-исследовательского института рисоводства семена высокого поколения и организовывают их размножение;
семеноводческим центрам в установленном законодательством порядке будут выделены земельные площади для выращивания семенного риса элитного поколения;
семеноводческие центры будут осуществлять очистку, сортировку и упаковку семенного риса.
3. Министерству сельского хозяйства в трехмесячный срок установить связи постоянного сотрудничества Национального центра знаний и инноваций в сельском хозяйстве с Филиппинским международным научно-исследовательским институтом рисоводства, наладить поставку солеустойчивых, засухоустойчивых раннеспелых сортов семян риса, соответствующих международным стандартам, и проводить их регулярные испытания в почвенно-климатических условиях Хорезмской области. При этом:
за счет эффективного использования зарубежного и отечественного генофонда в данную сферу будет внедрен передовой международный опыт путем дальнейшего совершенствования системы создания новых сортов риса;
за счет проведения в течение двух лет испытаний зарубежных сортов риса будут отобраны раннеспелые, маловодолюбивые, высокоурожайные сорта и до 2027 года будет внедрено первичное семеноводство отобранных сортов;
с привлечением международных экспертов в рисоводческом направлении будет повышаться квалификация специалистов семеноводческих хозяйств.
4. Начиная с урожая 2024 года разрешить сельскохозяйственным предприятиям Хорезмской области с урожайностью 120 центнеров и более, в порядке исключения, экспорт рисовой продукции, не превышающей 50 процентов выращенного риса.
При этом объем полученного урожая определяется на основе информации GPS-оборудования, установленного на рисоуборочных комбайнах.
5. Инспекции по контролю за агропромышленным комплексом установить постоянный контроль за своевременным проведением агротехнических мероприятий на рисовых площадях, приемкой, хранением и переработкой риса, выращенного для государственных нужд.
6. Министерству сельского хозяйства совместно с Министерством экономики и финансов в двухнедельный срок внести проект постановления Кабинета Министров, предусматривающего:
порядок покрытия 100 процентов расходов на горюче-смазочные материалы, использованные на каждый гектар площади, на которой произведена лазерная планировка, для выращивания риса, но не превышающих 1 миллиона сумов общего объема расходов;
временный порядок покрытия 20 процентов стоимости современных семенных сеялок и оборудования рассадного метода посева, закупленных сельскохозяйственными предприятиями для посева риса в 2025-2026 годах.
7. Определить, что расходы, связанные с реализацией настоящего постановления:
в 2024 году будут финансироваться за счет средств, выделенных Министерству сельского хозяйства в соответствии с Законом Республики Узбекистан «О Государственном бюджете Республики Узбекистан на 2024 год» и других источников, не запрещенных законодательством.
начиная с 2025 года будут предусматриваться в параметрах Государственного бюджета в порядке, установленном бюджетным законодательством.
8. Внести изменения в некоторые постановления Президента Республики Узбекистан согласно приложению .
9. Возложить на заместителя Премьер-министра Ж.А. Ходжаева и министра сельского хозяйства И.Ю. Абдурахмонова персональную ответственность за эффективную организацию исполнения настоящего постановления.
Контроль за исполнением настоящего постановления, осуществление координации деятельности ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 15 августа 2024 года № ПП-290
Изменения, вносимые в некоторые постановления Президента Республики Узбекистан
1. В подпункте «а» пункта 1 постановления Президента Республики Узбекистан от 15 декабря 2021 года № ПП-52 «О мерах по государственной поддержке сферы плодоовощеводства, дальнейшему развитию системы кластера и кооперации в отрасли» слова «и масленичных культур» заменить словами «, масленичных культур и риса».
2. Пункт 2 раздела III приложения № 2 к постановлению Президента Республики Узбекистан от 1 марта 2022 года № ПП-144 «О мерах по дальнейшему совершенствованию внедрения водосберегающих технологий в сельском хозяйстве» изложить в следующей редакции:
«2. Базовые расчетные суммы субсидий определяются из расчета на каждый гектар посевной площади, на которой внедрена система следующим образом:
тысяч сумов Вид водосберегающей системы орошения Хлопок Зерновые культуры Овощные культуры и картофель Бахчевые культуры Кормовые, масличные, бобовые и лекарственные растения Плодовые культуры Виноград Рис Капельное орошение 8 000 * х 8 000 1 300 2 500 *** 6 000 8 000 х Широкозахватная и мобильная система орошения х 8 000 ** 8 000 х 2 500 *** х х 8 000 **** Система «спринклер» х 8 000 ** 8 000 х 2 500 *** х х 8 000 **** Дискретное орошение 4 000 х х х х х х х
Президент Республики Узбекистан Ш. МИРЗИЁЕВ
г. Ташкент,
15 августа 2024 г.,
№ ПП-290