UzbekAI

Ўзбекистон Республикаси Президентининг

Қарори

ТАРКИБИ

Имом Термизий таваллудининг 1200 йиллигини кенг нишонлаш тўғрисида

Муқаддас ислом дини илмлари ривожига беқиёс ҳисса қўшган буюк олим, ватандошимиз Имом Абу Исо Муҳаммад Термизийнинг (кейинги ўринларда — Имом Термизий) улкан илмий меросини янада чуқур ўрганиш, халқимиз ва жаҳон жамоатчилиги ўртасида кенг тарғиб этиш, ушбу йўналишда олиб борилаётган тадқиқотларни қўллаб-қувватлаш, ёш авлоднинг маънавий-руҳий оламини бойитиш, уларнинг қалбида миллий ифтихор, Ватанга муҳаббат ва садоқат туйғусини янада кучайтириш мақсадида:

1. Дин ишлари бўйича қўмита, Ўзбекистон мусулмонлари идораси, Сурхондарё вилояти ҳокимлиги, Имом Термизий халқаро илмий-тадқиқот марказининг 2024 йил октябрь ойида Имом Термизий таваллудининг 1200 йиллигини кенг нишонлаш тўғрисидаги таклифи маъқуллансин.

2. Имом Термизий таваллудининг 1200 йиллигига бағишланган тадбирларни ўтказиш ва давлат органлари фаолиятини мувофиқлаштириш бўйича ташкилий қўмита (кейинги ўринларда — Ташкилий қўмита) тузилсин ҳамда унинг таркиби иловага мувофиқ тасдиқлансин.

3. Ташкилий қўмита (А. Арипов) бир ҳафта муддатда Имом Термизий таваллудининг 1200 йиллигини юқори савияда нишонлаш бўйича, жумладан, қуйидагиларни назарда тутувчи чора-тадбирлар дастурини тасдиқласин:

Имом Термизийнинг «Аш-Шамоил ал-Муҳаммадийя» ва «Сунани Термизий» асарларини мотуридийлик ақидаси ва ҳанафийлик мазҳабига таянган кўп жилдлик академик таржима ва шарҳини тайёрлаш ҳамда уларни нашр этиш;

Имом Термизий ҳаёти ва илмий меросининг моҳиятини ва бугунги кундаги аҳамиятини очиб берувчи илмий-оммабоп ҳужжатли фильм яратиш ва саҳналаштирилган спектакль намойишини ташкил этиш;

Имом Термизий таваллудининг 1200 йиллигига бағишланган эсдалик сувенирларини муомалага чиқариш ҳамда почта маркалари, тақвимлар, унинг ҳаёти ва илмий меросини ёритиб берувчи бошқа кўргазмали ахборот воситалари туркумини яратиш;

2024 йил октябрь ойида Тошкент шаҳрида «Ислом — тинчлик ва эзгулик дини» мавзусида халқаро илмий-амалий конференция ҳамда конференция доирасида Термиз шаҳрида «Имом Термизий илмий меросининг ислом цивилизациясида тутган ўрни» мавзусида халқаро илмий-амалий анжуман ўтказиш;

Имом Термизий зиёратгоҳига олиб борувчи йўл инфратузилмаларини яхшилаш, жумладан, ёдгорлик мажмуаси ва унга туташ ҳудудларни ободонлаштириш;

Сурхондарё вилояти Шеробод туманидаги Имом Абу Исо ат-Термизий мажмуасида Имом Термизий ва термизий алломаларнинг ҳаёти, илмий ва ижодий фаолиятига бағишланган асарларнинг нодир қўлёзма ва нашр нусхалари ҳамда китобларининг кўргазмасини ташкил этиш.

4. Олий таълим, фан ва инновациялар вазирлиги:

Дин ишлари бўйича қўмита билан биргаликда 2024 йил сентябрь-октябрь ойларида Термиз давлат университети ва Ўзбекистон халқаро ислом академиясида Олий таълим муассасаларини ривожлантириш жамғармаси маблағлари ҳисобидан «Термизий алломаларнинг илмий-маънавий мероси: ўтмиш ва бугун» мавзусида республика илмий-амалий конференциясини ҳамда Имом Термизий ҳаёти ва илмий фаолиятига оид илмий мақолалар танловини ўтказсин;

аллома ва муҳаддис олимларимизнинг илмий мероси ва ноёб қўлёзма асарларини ўрганиш бўйича Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан амалга ошириладиган илмий-тадқиқот ишларига давлат буюртмасини белгиланган тартибда шакллантириб борсин.

5. Ўзбекистон мусулмонлари идорасига имом-хатиблар ва диний таълим муассасалари талабалари ўртасида «Имом Термизий асарлари бўйича ҳадислар билимдони» танловини ўтказиш ва ғолибларни муносиб тақдирлаш тавсия этилсин.

6. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита, Республика Маънавият ва маърифат маркази, Ёшлар ишлари агентлиги, Ўзбекистон Ёзувчилар уюшмаси билан биргаликда жойларда 2024 йил давомида Имом Термизийнинг илмий меросига бағишланган давра суҳбатларини ташкил этсин.

7. Ўзбекистондаги Ислом цивилизацияси маркази ва Имом Термизий халқаро илмий-тадқиқот маркази Маданий мерос агентлиги билан биргаликда:

Имом Термизий илмий меросига мансуб қўлёзма, қадимий китоблар, ноёб асарлар ва бошқа маданий бойликлар реставрация қилинишини ҳамда уларнинг лозим даражада сақланишини таъминласин;

хорижий мамлакатларда сақланаётган Имом Термизийнинг ҳаёти, илмий мероси ҳамда у яшаган даврга оид ноёб қўлёзма асарлар ва бошқа маданий бойликларни аниқлаш, уларнинг нусхаларини Ўзбекистонга олиб келиш ва тадқиқ қилишни тизимли равишда ташкил этсин;

Имом Термизийнинг ҳаёти ва илмий фаолиятига бағишланган юқори сифатли медиа маҳсулотлар ҳамда аудиовизуал асарлар яратиш, уларни маҳаллий ва хорижий оммавий ахборот воситаларида эълон қилиш, Интернет жаҳон ахборот тармоғи ва ижтимоий тармоқларда кенг тарғиб қилиш чораларини кўрсин.

8. Сурхондарё вилояти ҳокимлиги:

Кадастр агентлиги ва манфаатдор ташкилотлар билан биргаликда икки ой муддатда Термиз шаҳри, Шимолий дарвоза кўчаси, 3-уй манзилида жойлашган Имом Термизий халқаро илмий-тадқиқот маркази илмий ходимлари учун ҳомийлар маблағи ҳисобидан қуриб битказилган 5 та хизмат уйларининг қонунчиликда белгиланган тартибда марказга мулк ҳуқуқи асосида бепул берилишини;

Қурилиш ва уй-жой коммунал хўжалиги вазирлиги билан биргаликда Термиз шаҳрида Имом Термизий халқаро илмий-тадқиқот марказига туташ ҳудудда жойлашган диний таълим муассасалари учун ўқув ва бошқа зарур биноларнинг қурилиб, фойдаланишга топширилишини таъминласин.

9. Ўзбекистон Миллий ахборот агентлиги, Ўзбекистон Миллий телерадиокомпанияси ва «Дунё» ахборот агентлигига Имом Термизий таваллудининг 1200 йиллигини нишонлаш билан боғлиқ тадбирларни оммавий ахборот воситаларида кенг ёритиб бориш тавсия этилсин.

10. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг маслаҳатчиси М.М. Камилов зиммасига юклансин.

Ўзбекистон Республикаси Президентининг 2024 йил 15 августдаги ПҚ-292-сон қарорига ИЛОВА

Имом Термизий таваллудининг 1200 йиллигига бағишланган тадбирларни ўтказиш ва давлат органлари фаолиятини мувофиқлаштириш бўйича ташкилий қўмитанинг

1. А.Н. Арипов — Ўзбекистон Республикаси Бош вазири, Ташкилий қўмита раиси 2. Х.М. Султонов — Ўзбекистон Республикаси Президенти маслаҳатчиси — Спичрайтери 3. М.М. Камилов — Ўзбекистон Республикаси Президенти маслаҳатчиси 4. Ж.А. Қўчқоров — Ўзбекистон Республикаси Бош вазирининг ўринбосари — иқтисодиёт ва молия вазири 5. У.Б. Қосимов — Сурхондарё вилояти ҳокими 6. Б.О. Саидов — ташқи ишлар вазири 7. П.Р. Бобожонов — ички ишлар вазири 8. И.Р. Махкамов — транспорт вазири 9. О.А. Назарбеков — маданият вазири 10. С.Д. Тошбоев — Дин ишлари бўйича қўмита раиси 11. У.Р. Шадиев — Туризм қўмитаси раиси 12. Ф.Ф. Абдухаликов — Ўзбекистондаги Ислом цивилизацияси маркази директори 13. А.А. Ходжаев — Ахборот ва оммавий коммуникациялар агентлиги директори 14. Б.А. Абдуҳалимов — Фанлар академияси вице-президенти 15. Н. Холиқназар — Ўзбекистон мусулмонлари идораси раиси, муфтий 16. О.А. Хасанов — Республика Маънавият ва маърифат маркази раҳбари 17. С.С. Саидов — Ўзбекистон Ёзувчилар уюшмаси раиси 18. А.А. Джурабаев — Ўзбекистон Миллий телерадиокомпанияси раиси 19. У.Т. Ғафуров — Ўзбекистон халқаро ислом академияси ректори 20. М.Ф. Жониев — Имом Термизий халқаро илмий-тадқиқот маркази директори, Ташкилий қўмита котиби

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 15 август,

ПҚ-292-сон

(Қонунчилик маълумотлари миллий базаси, 19.08.2024 й., 07/24/292/0629-сон)

lex.uz

Oʻzbekiston Respublikasi Prezidentining

Qarori

TARKIBI

Imom Termiziy tavalludining 1200-yilligini keng nishonlash toʻgʻrisida

Muqaddas islom dini ilmlari rivojiga beqiyos hissa qoʻshgan buyuk olim, vatandoshimiz Imom Abu Iso Muhammad Termiziyning (keyingi oʻrinlarda — Imom Termiziy) ulkan ilmiy merosini yanada chuqur oʻrganish, xalqimiz va jahon jamoatchiligi oʻrtasida keng targʻib etish, ushbu yoʻnalishda olib borilayotgan tadqiqotlarni qoʻllab-quvvatlash, yosh avlodning maʼnaviy-ruhiy olamini boyitish, ularning qalbida milliy iftixor, Vatanga muhabbat va sadoqat tuygʻusini yanada kuchaytirish maqsadida:

1. Din ishlari boʻyicha qoʻmita, Oʻzbekiston musulmonlari idorasi, Surxondaryo viloyati hokimligi, Imom Termiziy xalqaro ilmiy-tadqiqot markazining 2024-yil oktabr oyida Imom Termiziy tavalludining 1200-yilligini keng nishonlash toʻgʻrisidagi taklifi maʼqullansin.

2. Imom Termiziy tavalludining 1200-yilligiga bagʻishlangan tadbirlarni oʻtkazish va davlat organlari faoliyatini muvofiqlashtirish boʻyicha tashkiliy qoʻmita (keyingi oʻrinlarda — Tashkiliy qoʻmita) tuzilsin hamda uning tarkibi ilovaga muvofiq tasdiqlansin.

3. Tashkiliy qoʻmita (A. Aripov) bir hafta muddatda Imom Termiziy tavalludining 1200-yilligini yuqori saviyada nishonlash boʻyicha, jumladan, quyidagilarni nazarda tutuvchi chora-tadbirlar dasturini tasdiqlasin:

Imom Termiziyning “Ash-Shamoil al-Muhammadiyya” va “Sunani Termiziy” asarlarini moturidiylik aqidasi va hanafiylik mazhabiga tayangan koʻp jildlik akademik tarjima va sharhini tayyorlash hamda ularni nashr etish;

Imom Termiziy hayoti va ilmiy merosining mohiyatini va bugungi kundagi ahamiyatini ochib beruvchi ilmiy-ommabop hujjatli film yaratish va sahnalashtirilgan spektakl namoyishini tashkil etish;

Imom Termiziy tavalludining 1200-yilligiga bagʻishlangan esdalik suvenirlarini muomalaga chiqarish hamda pochta markalari, taqvimlar, uning hayoti va ilmiy merosini yoritib beruvchi boshqa koʻrgazmali axborot vositalari turkumini yaratish;

2024-yil oktabr oyida Toshkent shahrida “Islom — tinchlik va ezgulik dini” mavzusida xalqaro ilmiy-amaliy konferensiya hamda konferensiya doirasida Termiz shahrida “Imom Termiziy ilmiy merosining islom sivilizatsiyasida tutgan oʻrni” mavzusida xalqaro ilmiy-amaliy anjuman oʻtkazish;

Imom Termiziy ziyoratgohiga olib boruvchi yoʻl infratuzilmalarini yaxshilash, jumladan, yodgorlik majmuasi va unga tutash hududlarni obodonlashtirish;

Surxondaryo viloyati Sherobod tumanidagi Imom Abu Iso at-Termiziy majmuasida Imom Termiziy va termiziy allomalarning hayoti, ilmiy va ijodiy faoliyatiga bagʻishlangan asarlarning nodir qoʻlyozma va nashr nusxalari hamda kitoblarining koʻrgazmasini tashkil etish.

4. Oliy taʼlim, fan va innovatsiyalar vazirligi:

Din ishlari boʻyicha qoʻmita bilan birgalikda 2024-yil sentabr-oktabr oylarida Termiz davlat universiteti va Oʻzbekiston xalqaro islom akademiyasida Oliy taʼlim muassasalarini rivojlantirish jamgʻarmasi mablagʻlari hisobidan “Termiziy allomalarning ilmiy-maʼnaviy merosi: oʻtmish va bugun” mavzusida respublika ilmiy-amaliy konferensiyasini hamda Imom Termiziy hayoti va ilmiy faoliyatiga oid ilmiy maqolalar tanlovini oʻtkazsin;

alloma va muhaddis olimlarimizning ilmiy merosi va noyob qoʻlyozma asarlarini oʻrganish boʻyicha Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan amalga oshiriladigan ilmiy-tadqiqot ishlariga davlat buyurtmasini belgilangan tartibda shakllantirib borsin.

5. Oʻzbekiston musulmonlari idorasiga imom-xatiblar va diniy taʼlim muassasalari talabalari oʻrtasida “Imom Termiziy asarlari boʻyicha hadislar bilimdoni” tanlovini oʻtkazish va gʻoliblarni munosib taqdirlash tavsiya etilsin.

6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Din ishlari boʻyicha qoʻmita, Respublika Maʼnaviyat va maʼrifat markazi, Yoshlar ishlari agentligi, Oʻzbekiston Yozuvchilar uyushmasi bilan birgalikda joylarda 2024-yil davomida Imom Termiziyning ilmiy merosiga bagʻishlangan davra suhbatlarini tashkil etsin.

7. Oʻzbekistondagi Islom sivilizatsiyasi markazi va Imom Termiziy xalqaro ilmiy-tadqiqot markazi Madaniy meros agentligi bilan birgalikda:

Imom Termiziy ilmiy merosiga mansub qoʻlyozma, qadimiy kitoblar, noyob asarlar va boshqa madaniy boyliklar restavratsiya qilinishini hamda ularning lozim darajada saqlanishini taʼminlasin;

xorijiy mamlakatlarda saqlanayotgan Imom Termiziyning hayoti, ilmiy merosi hamda u yashagan davrga oid noyob qoʻlyozma asarlar va boshqa madaniy boyliklarni aniqlash, ularning nusxalarini Oʻzbekistonga olib kelish va tadqiq qilishni tizimli ravishda tashkil etsin;

Imom Termiziyning hayoti va ilmiy faoliyatiga bagʻishlangan yuqori sifatli media mahsulotlar hamda audiovizual asarlar yaratish, ularni mahalliy va xorijiy ommaviy axborot vositalarida eʼlon qilish, Internet jahon axborot tarmogʻi va ijtimoiy tarmoqlarda keng targʻib qilish choralarini koʻrsin.

8. Surxondaryo viloyati hokimligi:

Kadastr agentligi va manfaatdor tashkilotlar bilan birgalikda ikki oy muddatda Termiz shahri, Shimoliy darvoza koʻchasi, 3-uy manzilida joylashgan Imom Termiziy xalqaro ilmiy-tadqiqot markazi ilmiy xodimlari uchun homiylar mablagʻi hisobidan qurib bitkazilgan 5 ta xizmat uylarining qonunchilikda belgilangan tartibda markazga mulk huquqi asosida bepul berilishini;

Qurilish va uy-joy kommunal xoʻjaligi vazirligi bilan birgalikda Termiz shahrida Imom Termiziy xalqaro ilmiy-tadqiqot markaziga tutash hududda joylashgan diniy taʼlim muassasalari uchun oʻquv va boshqa zarur binolarning qurilib, foydalanishga topshirilishini taʼminlasin.

9. Oʻzbekiston Milliy axborot agentligi, Oʻzbekiston Milliy teleradiokompaniyasi va “Dunyo” axborot agentligiga Imom Termiziy tavalludining 1200-yilligini nishonlash bilan bogʻliq tadbirlarni ommaviy axborot vositalarida keng yoritib borish tavsiya etilsin.

10. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi M.M. Kamilov zimmasiga yuklansin.

Oʻzbekiston Respublikasi Prezidentining 2024-yil 15-avgustdagi PQ-292-son qaroriga ILOVA

Imom Termiziy tavalludining 1200-yilligiga bagʻishlangan tadbirlarni oʻtkazish va davlat organlari faoliyatini muvofiqlashtirish boʻyicha tashkiliy qoʻmitaning

1. A.N. Aripov — Oʻzbekiston Respublikasi Bosh vaziri, Tashkiliy qoʻmita raisi 2. X.M. Sultonov — Oʻzbekiston Respublikasi Prezidenti maslahatchisi — Spichrayteri 3. M.M. Kamilov — Oʻzbekiston Respublikasi Prezidenti maslahatchisi 4. J.A. Qoʻchqorov — Oʻzbekiston Respublikasi Bosh vazirining oʻrinbosari — iqtisodiyot va moliya vaziri 5. U.B. Qosimov — Surxondaryo viloyati hokimi 6. B.O. Saidov — tashqi ishlar vaziri 7. P.R. Bobojonov — ichki ishlar vaziri 8. I.R. Maxkamov — transport vaziri 9. O.A. Nazarbekov — madaniyat vaziri 10. S.D. Toshboyev — Din ishlari boʻyicha qoʻmita raisi 11. U.R. Shadiyev — Turizm qoʻmitasi raisi 12. F.F. Abduxalikov — Oʻzbekistondagi Islom sivilizatsiyasi markazi direktori 13. A.A. Xodjayev — Axborot va ommaviy kommunikatsiyalar agentligi direktori 14. B.A. Abduhalimov — Fanlar akademiyasi vitse-prezidenti 15. N. Xoliqnazar — Oʻzbekiston musulmonlari idorasi raisi, muftiy 16. O.A. Xasanov — Respublika Maʼnaviyat va maʼrifat markazi rahbari 17. S.S. Saidov — Oʻzbekiston Yozuvchilar uyushmasi raisi 18. A.A. Djurabayev — Oʻzbekiston Milliy teleradiokompaniyasi raisi 19. U.T. Gʻafurov — Oʻzbekiston xalqaro islom akademiyasi rektori 20. M.F. Joniyev — Imom Termiziy xalqaro ilmiy-tadqiqot markazi direktori, Tashkiliy qoʻmita kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 15-avgust,

PQ-292-son

(Qonunchilik maʼlumotlari milliy bazasi, 19.08.2024-y., 07/24/292/0629-son)

lex.uz

Президента Республики Узбекистан

Постановление

СОСТАВ

О широком праздновании 1200-летия со дня рождения Имама Термизи

В целях дальнейшего глубокого изучения и широкой пропаганды среди нашего народа и мировой общественности богатого научного наследия великого ученого, нашего соотечественника Имама Исо Мухаммада Термизи (далее — Имам Термизи), внесшего безграничный вклад в развитие науки о священной религии ислам, поддержку проводимых в этом направлении исследований, обогащение духовно-нравственного мира молодого поколения, дальнейшего усиления в сердцах молодежи чувства национальной гордости, любви и преданности Родине:

1. Одобрить предложение Комитета по делам религий, Управления мусульман Узбекистана, хокимията Сурхандарьинской области, Международного научно-исследовательского центра Имама Термизи о широком праздновании в октябре 2024 года 1200-летия со дня рождения Имама Термизи.

2. Создать Организационный комитет по проведению мероприятий, посвященных 1200-летию со дня рождения Имама Термизи, и координации деятельности государственных органов (далее — Организационный комитет) и утвердить его состав согласно приложению .

3. Организационному комитету (А. Арипов) в недельный срок утвердить Программу мер по празднованию на высоком уровне 1200-летия со дня рождения Имама Термизи, предусматривающую:

подготовку и издание многотомного академического перевода и комментариев произведений Имама Термизи «Аш-Шамоил ал-Мухаммадийя» и «Сунани Термизий», основываясь на учении мотуридия и толковании ханафия;

создание научно-популярного документального фильма и организацию показа инсценированного спектакля, раскрывающих жизнь Имама Термизи, суть и нынешнее значение его научного наследия;

выпуск в обращение памятных сувениров, посвященных 1200-летию со дня рождения Имама Термизи, а также создание почтовых марок, календарей и серии других наглядных информационных средств, освещающих его жизнь и научное наследие;

проведение в октябре 2024 года в городе Ташкенте международной научно-практической конференции на тему «Ислам — религия мира и добра», а также в рамках конференции — в городе Термезе международной научно-практической конференции на тему «Роль научного наследия Имама Термизи в исламской цивилизации»;

улучшение дорожной инфраструктуры, ведущей к месту паломничества Имама Термизи, в частности благоустройство мемориального комплекса и прилегающей к нему территории;

организацию в комплексе Имама Абу Исо ат-Термизи в Шерабадском районе Сурхандарьинской области выставки редких рукописей произведений, копий изданий и книг, посвященных жизни, научной и творческой деятельности Имама Термизи и ученых-термизидов.

4. Министерству высшего образования, науки и инноваций:

совместно с Комитетом по делам религий в сентябре — октябре 2024 года провести в Термезском государственном университете и Международной исламской академии Узбекистана республиканскую научно-практическую конференцию на тему «Научно-духовное наследие ученых-термизидов: прошлое и настоящее», а также конкурс научных статей о жизни и научной деятельности Имама Термизи за счет средств Фонда развития высших образовательных учреждений;

формировать в установленном порядке государственный заказ на научно-исследовательские работы по изучению научного наследия и уникальных рукописных произведений ученых-мыслителей и хадисоведов, осуществляемые за счет средств Фонда финансирования науки и поддержки инноваций.

5. Рекомендовать Управлению мусульман Узбекистана проведение среди имам-хатибов и студентов религиозных образовательных учреждений конкурса «Знаток хадисов по произведениям Имама Термизи» и достойное награждение его победителей.

6. Совету Министров Республики Каракалпакстан, хокимиятам областей и города Ташкента совместно с Комитетом по делам религий, Республиканским центром духовности и просветительства, Агентством по делам молодежи, Союзом писателей Узбекистана организовать на местах в течение 2024 года беседы за «круглым столом», посвященные научному наследию Имама Термизи.

7. Центру исламской цивилизации в Узбекистане и Международному научно-исследовательскому центру Имама Термизи совместно с Агентством культурного наследия:

обеспечить реставрацию и хранение на должном уровне рукописей, древних книг, уникальных произведений и других культурных ценностей, относящихся к научному наследию Имама Термизи;

организовать на системной основе выявление уникальных рукописных произведений и других культурных ценностей о жизни, научном наследии Имама Термизи и других рукописей его эпохи, хранящихся в зарубежных странах, а также ввоз их копий в Узбекистан и исследование;

принять меры по созданию высококачественной медиапродукции и аудиовизуальных произведений, посвященных жизни и научной деятельности Имама Термизи, опубликованию их в отечественных и зарубежных средствах массовой информации, широкой пропаганде во Всемирной информационной сети Интернет и социальных сетях.

8. Хокимияту Сурхандарьинской области:

совместно с Агентством по кадастру и заинтересованными организациями в двухмесячный срок обеспечить передачу Международному научно-исследовательскому центру Имама Термизи 5 служебных домов, построенных за счет средств спонсоров для научных работников центра, расположенных по адресу: город Термез, улица Шимолий дарвоза, дом 3, в установленном законодательством порядке безвозмездно на основе права собственности;

совместно с Министерством строительства и жилищно-коммунального хозяйства обеспечить строительство и сдачу в эксплуатацию учебных и других необходимых зданий для религиозных образовательных учреждений, расположенных на территории, прилегающей к Международному научно-исследовательскому центру Имама Термизи в городе Термезе.

9. Рекомендовать Национальному информационному агентству Узбекистана, Национальной телерадиокомпании Узбекистана и Информационному агентству «Дунё» широкое освещение в средствах массовой информации мероприятий, посвященных празднованию 1200-летия со дня рождения Имама Термизи.

10. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан М.М. Камилова.

ПРИЛОЖЕНИЕ к постановлению Президента Республики Узбекистан от 15 августа 2024 года № ПП-292

Организационного комитета по проведению мероприятий, посвященных 1200-летию со дня рождения Имама Термизи, и координации деятельности государственных органов

1. А.Н. Арипов — Премьер-министр Республики Узбекистан, председатель Организационного комитета 2. Х.М. Султонов — советник Президента Республики Узбекистан — Спичрайтер 3. М.М. Камилов — советник Президента Республики Узбекистан 4. Д.А. Кучкаров — заместитель Премьер-министра Республики Узбекистан — министр экономики и финансов 5. У.Б. Косимов — хоким Сурхандарьинской области 6. Б.О. Саидов — министр иностранных дел 7. П.Р. Бобожонов — министр внутренних дел 8. И.Р. Махкамов — министр транспорта 9. О.А. Назарбеков — министр культуры 10. С.Д. Тошбоев — председатель Комитета по делам религий 11. У.Р. Шадиев — председатель Комитета по туризму 12. Ф.Ф. Абдухаликов — директор Центра исламской цивилизации в Узбекистане 13. А.А. Ходжаев — директор Агентства информации и массовых коммуникаций 14. Б.А. Абдухалимов — вице-президент Академии наук 15. Н. Холикназар — председатель Управления мусульман Узбекистана, муфтий 16. О.А. Хасанов — руководитель Республиканского центра духовности и просветительства 17. С.С. Саидов — председатель Союза писателей Узбекистана 18. А.А. Джурабаев — председатель Национальной телерадиокомпании Узбекистана 19. У.Т. Гафуров — ректор Международной исламской академии Узбекистана 20. М.Ф. Жониев — директор Международного научно-исследовательского центра Имама Термизи, секретарь Организационного комитета

Президент Республики Узбекистан Ш. МИРЗИЁЕВ

г. Ташкент,

15 августа 2024 г.,

№ ПП-292

(Национальная база данных законодательства, 19.08.2024 г., № 07/24/292/0629)

lex.uz