📅 2024-yil 16-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 16 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 августа 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 16 August 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
«Ўзбекистон темир йўллари» АЖ ва унинг таркибидаги корхоналар томонидан ер участкаларидан янада самарали фойдаланиш чора-тадбирлари тўғрисида
Ўзбекистон Республикаси Президентининг «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида» 2021 йил 8 июндаги ПФ-6243-сон Фармони ҳамда «Ўзбекистон Республикаси темир йўл транспорти соҳасини тубдан ислоҳ қилиш чора-тадбирлари тўғрисида» 2023 йил 10 октябрдаги ПҚ-329-сон қарори ижросини таъминлаш, шунингдек, Тошкент вилояти ва Тошкент шаҳри ҳудудида жойлашган «Ўзбекистон темир йўллари» АЖ ва унинг таркибидаги корхоналари томонидан фойдаланилаётган ҳамда кадастр ҳужжатлари мавжуд бўлмаган умумий фойдаланишдаги темир йўллар, уларга ажратилган минтақа чегараларида жойлашган объектларнинг ер майдонларини доимий фойдаланиш ҳуқуқи асосида расмийлаштириш мақсадида Вазирлар Маҳкамаси қарор қилади:
1. «Ўзбекистон темир йўллари» АЖ ва унинг таркибидаги корхоналар томонидан фойдаланилаётган ва давлат рўйхатидан ўтмаган умумий фойдаланишдаги темир йўллар эгаллаган ер участкалари рўйхати иловага мувофиқ тасдиқлансин.
2. Тошкент вилояти ва Тошкент шаҳар ҳокимликлари бир ой муддатда Тошкент вилояти ҳамда Тошкент шаҳар ҳудудида жойлашган «Ўзбекистон темир йўллари» АЖ ва унинг таркибидаги корхоналар томонидан фойдаланилаётган ҳамда ҳуқуқни белгиловчи ҳужжатлари мавжуд бўлмаган умумий фойдаланишдаги темир йўллар, уларга амалдаги ажратилган минтақа чегараларида жойлашган объектлар бўйича ер участкалари иловага мувофиқ доимий фойдаланиш ҳуқуқи асосида Давлат активларини бошқариш агентлигига ажратилишини таъминласин.
Бунда темир йўл транспортининг тупроқ кўтармаси, сунъий иншоотлари, йўл бинолари, темир йўл алоқаси ва электр таъминоти қурилмалари, темир йўл бекатлари, бошқа бинолар, иншоотлар ва йўл қурилмалари, шунингдек, иҳота дарахтзорлари эгаллаган ерлар ўз мақомини сақлаб қолади ҳамда бошқа мақсадларга ажратилишига йўл қўйилмайди.
3. Давлат активларини бошқариш агентлиги:
умумий фойдаланишдаги темир йўллар, шу жумладан, тупроқ кўтармаси, сунъий иншоотлар, йўл бинолари, темир йўл алоқаси ва электр таъминоти қурилмалари, темир йўл бекатлари, бошқа бинолар, иншоотлар ва йўл қурилмалари эгаллаган ерлар;
темир йўллар қурилиши, темир йўлларни реконструкция қилиш ва капитал таъмирлаш мақсадларида ажратилиши лозим бўлган ерлар «Ўзбекистон темир йўллари» АЖ ҳамда унинг таркибидаги корхоналарга белгиланган тартибда ижара ҳуқуқи асосида берилишини таъминласин.
4. Белгилансинки, Давлат активларини бошқариш агентлиги билан тузилган ер участкасининг ижара шартномаси асосида «Ўзбекистон темир йўллари» АЖ ҳамда унинг таркибидаги корхоналарга ижарага берилган ер участкалари учун ер солиғи «Ўзбекистон темир йўллари» АЖ томонидан Давлат бюджетига тўланади.
Бунда «Ўзбекистон темир йўллари» АЖ ҳамда унинг таркибидаги корхоналар томонидан Давлат бюджетига тўланадиган солиқлар ижара тўловига тенглаштирилади.
Ажратилган ер участкалари солиқ солиш мақсадида ушбу қарор 2-бандининг иккинчи хатбошисида кўрсатиб ўтилган мақом сақлаб қолинади ва мол-мулк ҳамда ер солиқларини ҳисоблашда Солиқ Кодексига мувофиқ камайтирувчи коэффициентлар қўлланилиши татбиқ этилади.
5. Мазкур қарор бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов зиммасига юклансин.
Вазирлар Маҳкамасининг 2024 йил 16 августдаги 511-сон қарорига ИЛОВА
«Ўзбекистон темир йўллари» АЖ ва унинг таркибидаги корхоналар томонидан фойдаланилаётган ва давлат рўйхатидан ўтмаган умумий фойдаланишдаги темир йўллар эгаллаган ер участкалари
Т/р Туман (шаҳар) Жойлашган манзил Объект номи Ер участкаси, (гектар) Тошкент шаҳри 1. Олмазор тумани Чуқурсой — Салар темир йўл йўналиши Чуқурсой — Салар темир йўл бекатлари оралиғидаги ҳудуд ҳамда Чуқурсой темир йўл бекатидаги ер майдонлари 50,14 2. Мирзо Улуғбек тумани Чуқурсой — Салар — Нурҳаёт темир йўл йўналиши Чуқурсой — Салар ва Салар — Нурҳаёт темир йўл бекатлари оралиғидаги ҳудуд ҳамда Салар ва Нурҳаёт темир йўл бекатидаги ер майдонлари 24,63 3. Сергели тумани Тўқимачи — Сергели, Тўқимачи — Ҳамза ва Тўқимачи — Раҳимова темир йўл йўналиши Тўқимачи — Сергели, Тўқимачи — Ҳамза ва Тўқимачи — Раҳимова темир йўл бекатлари оралиғидаги ҳудуд ҳамда Рахимова ва Тошкент-Жанубий темир йўл бекатидаги ер майдонлари 37,72 4. Яккасарой тумани Тўқимачи — Сергели ва Тўқимачи — Тошкент темир йўл йўналиши Тўқимачи — Сергели ва Тошкент — Тўқимачи темир йўл бекатлари оралиғидаги ҳудуд ҳамда Тошкент-Жанубий темир йўл бекатидаги ер майдонлари 17,1 5. Миробод тумани Салар — Тўқимачи ва Тўқимачи — Ҳамза темир йўл йўналиши Салар — Тошкент-йўловчи, Тошкент-йўловчи — Тўқимачи ва Тўқимачи — Ҳамза темир йўл бекатлари оралиғидаги ҳудуд ҳамда Салар, Тошкент-йўловчи ва Ҳамза темир йўл бекатларидаги ер майдонлари 23,5 6. Яшнобод тумани Салар — Тошкент йўловчи ва Тошкент -Ҳамза темир йўл йўналиши Тошкент — Ҳамза ва Салар — Тошкент-йўловчи темир йўл бекатлари оралиғидаги ҳудуд ҳамда Салар, Ҳамза, Тошкент-йўловчи ва Тошкент темир йўл бекатларидаги ер майдонлари 29,3 7. Чилонзор тумани Тошкент — Жанубий ва Тошкент шаҳар чегараси темир йўл йўналиши Тошкент — Рахимова темир йўл бекатлари оралиғидаги ҳудуд ҳамда Рахимова ва Тошкент-Жанубий темир йўл бекатларидаги ер майдонлари 9,7 8. Янгиҳаёт тумани Тўқимачи — Сергели темир йўл йўналиши Тўқимачи — Сергели темир йўл бекатлари оралиғидаги ҳудуд ҳамда Сергели темир йўл бекатидаги ер майдонлари 10,5 9. Юнусобод тумани Чуқурсой — Салар темир йўл йўналиши Чуқурсой — Салар ва Салар — Нурҳаёт темир йўл бекатлари оралиғидаги ҳудуд ҳамда Чуқурсой темир йўл бекатидаги ер майдонлари 39,39 Тошкент вилояти 1. Нурафшон шаҳри Кучлук — Озодлик темир йўл йўналиши Кучлик — Тўйтепа ва Тўйтепа — Озодлик темир йўл бекатлари оралиғидаги ҳудуд ҳамда Тўйтепа темир йўл бекатидаги ер майдонлари 5,4 2. Чиноз тумани Янгийўл — Янги Чиноз темир йўл йўналиши Янгийўл — Пахта, Олмазор — Чиноз ва Чиноз — Янги Чиноз темир йўл бекатлари оралиғидаги ҳудуд ҳамда Янгийўл, Пахта, Олмазор, Чиноз ва Янги Чиноз темир йўл бекатларидаги ер майдонлари 143,9 3. Бекобод шаҳри Бекобод — Фарҳод темир йўл йўналиши Бекобод — Тожикистон Республикаси чегараси ва Бекобод — Фарҳод темир йўл бекатлари оралиғидаги ҳудуд ҳамда Бекобод темир йўл бекатидаги ер майдонлари 44,1 4. Янгийўл шаҳри Ўзбекистон — Пахта темир йўл йўналиши Ўзбекистон — Янгийўл ва Янгийўл — Пахта темир йўл бекатлари оралиғидаги ҳудуд ҳамда Янгийўл темир йўл бекатидаги ер майдонлари 21,6 5. Янгийўл тумани Ўзбекистон — Пахта темир йўл йўналиши Ўзбекистон — Янгийўл ва Янгийўл — Пахта темир йўл бекатлари оралиғидаги ҳудудлардаги ер майдонлар 40 6. Зангиота тумани Раҳимова — Ўзбекистон ва Ўзбекистон — Янгийўл темир йўл йўналиши Рахимова — Ўзбекистон ва Ўзбекистон — Янгийўл темир йўл бекатлари оралиғидаги ҳудуд ҳамда Ўрта Овул темир йўл бекатидаги ер майдонлар 290,2 7. Қибрай тумани Нурҳаёт — Чирчиқ темир йўл йўналиши Нурҳаёт — Қодирия, Қодирия — Байтқўрғон ва Байтқўрғон — Бозсу темир йўл бекатлари оралиғидаги ҳудуд ҳамда Қодирия, Байтқўрғон, Бозсу ва Чирчиқ темир йўл бекатларидаги ер майдонлари 50,4 8. Чирчиқ шаҳри Бозсу — Аранчи темир йўл йўналиши Бозсу — Чирчиқ ва Чирчиқ — Аранчи темир йўл бекатлари оралиғидаги ҳудуд ҳамда Бозсу ва Чирчиқ темир йўл бекатларидаги ер майдонлари 36,4 9. Бўстонлиқ тумани Чирчиқ — Хожикент темир йўл йўналиши Чирчиқ — Аранчи, Аранчи — Бараж ва Бараж — Хожикент темир йўл бекатлари оралиғидаги ҳудуд ҳамда Аранчи, Бараж ва Хожикент темир йўл бекатидаги ер майдонлари 46,6 10. Ўртачирчиқ тумани Жалоир — Тўйтепа темир йўл йўналиши Жалоир — Кучлик ва Кучлик — Тўйтепа темир йўл бекатлари оралиғидаги ҳудуд ҳамда Кучлик темир йўл бекатидаги ер майдонлари 107,7 11. Тошкент тумани Чуқурсой — Келес, Келес — Оқ кўприк ва Оқ кўприк — Назарбек темир йўл йўналиши Чуқурсой — Келес, Келес — Оқ кўприк ва Оқ кўприк — Назарбек темир йўл бекатлари оралиғидаги ҳудуд ҳамда Келес темир йўл бекатидаги ер майдонлари 64,6 12. Оҳангарон тумани Озодлик — Облиқ темир йўл йўналиши Озодлик — Оҳангарон, Оҳангарон — Ақча ва Ақча — Облиқ темир йўл бекатлари оралиғидаги ҳудуд ҳамда Оҳангарон, Ақча ва Облиқ темир йўл бекатидаги ер майдонлари 174,8 13. Ангрен шаҳри Облиқ — Кўл темир йўл йўналиши Облиқ — Ангрен ва Ангрен — Кўл темир йўл бекатлари оралиғидаги ҳудуд ҳамда Ангрен темир йўл бекатидаги ер майдонлари 79,5 ЖАМИ 1 347,18
Ўзбекистон Республикасининг Бош вазири А. АРИПОВ
Тошкент ш.,
2024 йил 16 август,
511-сон
Oʻzbekiston Respublikasi Vazirlar Mahkamasining
qarori
ROʻYXATI
“Oʻzbekiston temir yoʻllari” AJ va uning tarkibidagi korxonalar tomonidan yer uchastkalaridan yanada samarali foydalanish chora-tadbirlari toʻgʻrisida
Oʻzbekiston Respublikasi Prezidentining “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida” 2021-yil 8-iyundagi PF-6243-son Farmoni hamda “Oʻzbekiston Respublikasi temir yoʻl transporti sohasini tubdan isloh qilish chora-tadbirlari toʻgʻrisida” 2023-yil 10-oktabrdagi PQ-329-son qarori ijrosini taʼminlash, shuningdek, Toshkent viloyati va Toshkent shahri hududida joylashgan “Oʻzbekiston temir yoʻllari” AJ va uning tarkibidagi korxonalari tomonidan foydalanilayotgan hamda kadastr hujjatlari mavjud boʻlmagan umumiy foydalanishdagi temir yoʻllar, ularga ajratilgan mintaqa chegaralarida joylashgan obyektlarning yer maydonlarini doimiy foydalanish huquqi asosida rasmiylashtirish maqsadida Vazirlar Mahkamasi qaror qiladi:
1. “Oʻzbekiston temir yoʻllari” AJ va uning tarkibidagi korxonalar tomonidan foydalanilayotgan va davlat roʻyxatidan oʻtmagan umumiy foydalanishdagi temir yoʻllar egallagan yer uchastkalari roʻyxati ilovaga muvofiq tasdiqlansin.
2. Toshkent viloyati va Toshkent shahar hokimliklari bir oy muddatda Toshkent viloyati hamda Toshkent shahar hududida joylashgan “Oʻzbekiston temir yoʻllari” AJ va uning tarkibidagi korxonalar tomonidan foydalanilayotgan hamda huquqni belgilovchi hujjatlari mavjud boʻlmagan umumiy foydalanishdagi temir yoʻllar, ularga amaldagi ajratilgan mintaqa chegaralarida joylashgan obyektlar boʻyicha yer uchastkalari ilovaga muvofiq doimiy foydalanish huquqi asosida Davlat aktivlarini boshqarish agentligiga ajratilishini taʼminlasin.
Bunda temir yoʻl transportining tuproq koʻtarmasi, sunʼiy inshootlari, yoʻl binolari, temir yoʻl aloqasi va elektr taʼminoti qurilmalari, temir yoʻl bekatlari, boshqa binolar, inshootlar va yoʻl qurilmalari, shuningdek, ihota daraxtzorlari egallagan yerlar oʻz maqomini saqlab qoladi hamda boshqa maqsadlarga ajratilishiga yoʻl qoʻyilmaydi.
3. Davlat aktivlarini boshqarish agentligi:
umumiy foydalanishdagi temir yoʻllar, shu jumladan, tuproq koʻtarmasi, sunʼiy inshootlar, yoʻl binolari, temir yoʻl aloqasi va elektr taʼminoti qurilmalari, temir yoʻl bekatlari, boshqa binolar, inshootlar va yoʻl qurilmalari egallagan yerlar;
temir yoʻllar qurilishi, temir yoʻllarni rekonstruksiya qilish va kapital taʼmirlash maqsadlarida ajratilishi lozim boʻlgan yerlar “Oʻzbekiston temir yoʻllari” AJ hamda uning tarkibidagi korxonalarga belgilangan tartibda ijara huquqi asosida berilishini taʼminlasin.
4. Belgilansinki, Davlat aktivlarini boshqarish agentligi bilan tuzilgan yer uchastkasining ijara shartnomasi asosida “Oʻzbekiston temir yoʻllari” AJ hamda uning tarkibidagi korxonalarga ijaraga berilgan yer uchastkalari uchun yer soligʻi “Oʻzbekiston temir yoʻllari” AJ tomonidan Davlat budjetiga toʻlanadi.
Bunda “Oʻzbekiston temir yoʻllari” AJ hamda uning tarkibidagi korxonalar tomonidan Davlat budjetiga toʻlanadigan soliqlar ijara toʻloviga tenglashtiriladi.
Ajratilgan yer uchastkalari soliq solish maqsadida ushbu qaror 2-bandining ikkinchi xatboshisida koʻrsatib oʻtilgan maqom saqlab qolinadi va mol-mulk hamda yer soliqlarini hisoblashda Soliq Kodeksiga muvofiq kamaytiruvchi koeffitsiyentlar qoʻllanilishi tatbiq etiladi.
5. Mazkur qaror bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov zimmasiga yuklansin.
Vazirlar Mahkamasining 2024-yil 16-avgustdagi 511-son qaroriga ILOVA
“Oʻzbekiston temir yoʻllari” AJ va uning tarkibidagi korxonalar tomonidan foydalanilayotgan va davlat roʻyxatidan oʻtmagan umumiy foydalanishdagi temir yoʻllar egallagan yer uchastkalari
T/r Tuman (shahar) Joylashgan manzil Obyekt nomi Yer uchastkasi, (gektar) Toshkent shahri 1. Olmazor tumani Chuqursoy — Salar temir yoʻl yoʻnalishi Chuqursoy — Salar temir yoʻl bekatlari oraligʻidagi hudud hamda Chuqursoy temir yoʻl bekatidagi yer maydonlari 50,14 2. Mirzo Ulugʻbek tumani Chuqursoy — Salar — Nurhayot temir yoʻl yoʻnalishi Chuqursoy — Salar va Salar — Nurhayot temir yoʻl bekatlari oraligʻidagi hudud hamda Salar va Nurhayot temir yoʻl bekatidagi yer maydonlari 24,63 3. Sergeli tumani Toʻqimachi — Sergeli, Toʻqimachi — Hamza va Toʻqimachi — Rahimova temir yoʻl yoʻnalishi Toʻqimachi — Sergeli, Toʻqimachi — Hamza va Toʻqimachi — Rahimova temir yoʻl bekatlari oraligʻidagi hudud hamda Raximova va Toshkent-Janubiy temir yoʻl bekatidagi yer maydonlari 37,72 4. Yakkasaroy tumani Toʻqimachi — Sergeli va Toʻqimachi — Toshkent temir yoʻl yoʻnalishi Toʻqimachi — Sergeli va Toshkent — Toʻqimachi temir yoʻl bekatlari oraligʻidagi hudud hamda Toshkent-Janubiy temir yoʻl bekatidagi yer maydonlari 17,1 5. Mirobod tumani Salar — Toʻqimachi va Toʻqimachi — Hamza temir yoʻl yoʻnalishi Salar — Toshkent-yoʻlovchi, Toshkent-yoʻlovchi — Toʻqimachi va Toʻqimachi — Hamza temir yoʻl bekatlari oraligʻidagi hudud hamda Salar, Toshkent-yoʻlovchi va Hamza temir yoʻl bekatlaridagi yer maydonlari 23,5 6. Yashnobod tumani Salar — Toshkent yoʻlovchi va Toshkent -Hamza temir yoʻl yoʻnalishi Toshkent — Hamza va Salar — Toshkent-yoʻlovchi temir yoʻl bekatlari oraligʻidagi hudud hamda Salar, Hamza, Toshkent-yoʻlovchi va Toshkent temir yoʻl bekatlaridagi yer maydonlari 29,3 7. Chilonzor tumani Toshkent — Janubiy va Toshkent shahar chegarasi temir yoʻl yoʻnalishi Toshkent — Raximova temir yoʻl bekatlari oraligʻidagi hudud hamda Raximova va Toshkent-Janubiy temir yoʻl bekatlaridagi yer maydonlari 9,7 8. Yangihayot tumani Toʻqimachi — Sergeli temir yoʻl yoʻnalishi Toʻqimachi — Sergeli temir yoʻl bekatlari oraligʻidagi hudud hamda Sergeli temir yoʻl bekatidagi yer maydonlari 10,5 9. Yunusobod tumani Chuqursoy — Salar temir yoʻl yoʻnalishi Chuqursoy — Salar va Salar — Nurhayot temir yoʻl bekatlari oraligʻidagi hudud hamda Chuqursoy temir yoʻl bekatidagi yer maydonlari 39,39 Toshkent viloyati 1. Nurafshon shahri Kuchluk — Ozodlik temir yoʻl yoʻnalishi Kuchlik — Toʻytepa va Toʻytepa — Ozodlik temir yoʻl bekatlari oraligʻidagi hudud hamda Toʻytepa temir yoʻl bekatidagi yer maydonlari 5,4 2. Chinoz tumani Yangiyoʻl — Yangi Chinoz temir yoʻl yoʻnalishi Yangiyoʻl — Paxta, Olmazor — Chinoz va Chinoz — Yangi Chinoz temir yoʻl bekatlari oraligʻidagi hudud hamda Yangiyoʻl, Paxta, Olmazor, Chinoz va Yangi Chinoz temir yoʻl bekatlaridagi yer maydonlari 143,9 3. Bekobod shahri Bekobod — Farhod temir yoʻl yoʻnalishi Bekobod — Tojikiston Respublikasi chegarasi va Bekobod — Farhod temir yoʻl bekatlari oraligʻidagi hudud hamda Bekobod temir yoʻl bekatidagi yer maydonlari 44,1 4. Yangiyoʻl shahri Oʻzbekiston — Paxta temir yoʻl yoʻnalishi Oʻzbekiston — Yangiyoʻl va Yangiyoʻl — Paxta temir yoʻl bekatlari oraligʻidagi hudud hamda Yangiyoʻl temir yoʻl bekatidagi yer maydonlari 21,6 5. Yangiyoʻl tumani Oʻzbekiston — Paxta temir yoʻl yoʻnalishi Oʻzbekiston — Yangiyoʻl va Yangiyoʻl — Paxta temir yoʻl bekatlari oraligʻidagi hududlardagi yer maydonlar 40 6. Zangiota tumani Rahimova — Oʻzbekiston va Oʻzbekiston — Yangiyoʻl temir yoʻl yoʻnalishi Raximova — Oʻzbekiston va Oʻzbekiston — Yangiyoʻl temir yoʻl bekatlari oraligʻidagi hudud hamda Oʻrta Ovul temir yoʻl bekatidagi yer maydonlar 290,2 7. Qibray tumani Nurhayot — Chirchiq temir yoʻl yoʻnalishi Nurhayot — Qodiriya, Qodiriya — Baytqoʻrgʻon va Baytqoʻrgʻon — Bozsu temir yoʻl bekatlari oraligʻidagi hudud hamda Qodiriya, Baytqoʻrgʻon, Bozsu va Chirchiq temir yoʻl bekatlaridagi yer maydonlari 50,4 8. Chirchiq shahri Bozsu — Aranchi temir yoʻl yoʻnalishi Bozsu — Chirchiq va Chirchiq — Aranchi temir yoʻl bekatlari oraligʻidagi hudud hamda Bozsu va Chirchiq temir yoʻl bekatlaridagi yer maydonlari 36,4 9. Boʻstonliq tumani Chirchiq — Xojikent temir yoʻl yoʻnalishi Chirchiq — Aranchi, Aranchi — Baraj va Baraj — Xojikent temir yoʻl bekatlari oraligʻidagi hudud hamda Aranchi, Baraj va Xojikent temir yoʻl bekatidagi yer maydonlari 46,6 10. Oʻrtachirchiq tumani Jaloir — Toʻytepa temir yoʻl yoʻnalishi Jaloir — Kuchlik va Kuchlik — Toʻytepa temir yoʻl bekatlari oraligʻidagi hudud hamda Kuchlik temir yoʻl bekatidagi yer maydonlari 107,7 11. Toshkent tumani Chuqursoy — Keles, Keles — Oq koʻprik va Oq koʻprik — Nazarbek temir yoʻl yoʻnalishi Chuqursoy — Keles, Keles — Oq koʻprik va Oq koʻprik — Nazarbek temir yoʻl bekatlari oraligʻidagi hudud hamda Keles temir yoʻl bekatidagi yer maydonlari 64,6 12. Ohangaron tumani Ozodlik — Obliq temir yoʻl yoʻnalishi Ozodlik — Ohangaron, Ohangaron — Aqcha va Aqcha — Obliq temir yoʻl bekatlari oraligʻidagi hudud hamda Ohangaron, Aqcha va Obliq temir yoʻl bekatidagi yer maydonlari 174,8 13. Angren shahri Obliq — Koʻl temir yoʻl yoʻnalishi Obliq — Angren va Angren — Koʻl temir yoʻl bekatlari oraligʻidagi hudud hamda Angren temir yoʻl bekatidagi yer maydonlari 79,5 JAMI 1 347,18
Oʻzbekiston Respublikasining Bosh vaziri A. ARIPOV
Toshkent sh.,
2024-yil 16-avgust,
511-son