UzbekAI

Ўзбекистон Республикаси Вазирлар Маҳкамасининг

қарори

НИЗОМ

ШАКЛИ

СХЕМАЛАРИ

НИЗОМ

ШАКЛИ

НИЗОМ

СХЕМАСИ

СХЕМАСИ

РЎЙХАТИ

Маҳсулотларни давлат рўйхатидан ўтказиш ва мувофиқликни баҳолаш тартибларига оид низомларни тасдиқлаш тўғрисида

Ўзбекистон Республикасининг «Техник жиҳатдан тартибга солиш тўғрисида»ги Қонуни , Ўзбекистон Республикаси Президентининг «Техник жиҳатдан тартибга солиш соҳасидаги давлат бошқарувини янада такомиллаштиришга доир чора-тадбирлар тўғрисида» 2024 йил 27 февралдаги ПФ-41-сон Фармони ижросини таъминлаш, шунингдек, техник жиҳатдан тартибга солиш соҳасида давлат бошқарувини самарали ташкил этиш, рақамли технологияларни жорий этиш орқали ушбу соҳани шаффоф тизимга айлантириш мақсадида Вазирлар Маҳкамаси қарор қилади:

1. Қуйидагиларни назарда тутувчи:

б) Маҳсулотларни сертификатлаштириш тартиби тўғрисидаги низом 2-иловага мувофиқ:

маҳсулотларнинг интеллектуал мулк объектларига бўлган ҳуқуқларини ўрганиш ва текшириш;

сертификатлаштириш ишларини амалга ошириш;

маҳсулотларни сертификатлаштириш схемаларини қўллаш;

сертификатлаштирилган маҳсулотларни даврий баҳолаш;

мувофиқлик сертификатига ўзгартириш киритиш тартиби;

г) Менежмент тизимларини сертификатлаштириш тартиби тўғрисидаги низом 4-иловага мувофиқ:

сертификатлаштириш ишларини амалга ошириш;

сертификатлаштиришга аризани қабул қилишни рад этиш учун асослар;

мувофиқлик сертификатини тасдиқлаш, унинг амал қилишини тўхтатиб туриш, тугатиш ва уни бекор қилиш;

сертификатлаштириш соҳасини кенгайтириш ёки қисқартириш;

менежмент тизимларини жорий этиш ҳамда ўқитиш бўйича ишлар ва хизматлар тўлови, уни ҳисоблаш тартиби;

д) Маҳсулотларнинг техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотлар рўйхатини юритиш, уларни эркин муомаладан чиқариш ва утилизация қилиш тартиби тўғрисидаги низом 5-иловага мувофиқ тасдиқлансин:

техник жиҳатдан тартибга солиш соҳасидаги норматив ва бошқа норматив-ҳуқуқий ҳужжатлар талабларига маҳсулотларни номувофиқлигини аниқлаш;

номувофиқ деб топилган маҳсулотларни савдодан чақириб олиш, утилизация қилиш ҳамда уларнинг рўйхатини юритиш;

маҳсулотларни олиб киришни қайта тиклаш тартиби.

2. Мувофиқликни тасдиқловчи ҳужжатларни расмийлаштиришда қуйидаги тартиб ўрнатилганлиги маълумот учун қабул қилинсин:

Ўзбекистон Республикасининг резиденти ҳисобланган аккредитациядан ўтган мувофиқликни баҳолаш органлари томонидан хавф даражаси юқори бўлмаган маҳсулотга мувофиқлик тўғрисидаги декларация рўйхатга олинганда (амал қилиш муддатидан қатъи назар), ушбу мувофиқлик тўғрисидаги декларация асосида маҳсулот йигирма тўрт ой давомида импорт қилиниши мумкин. Мазкур тартиб мувофиқлик тўғрисидаги декларацияда келтирилган айнан бир ишлаб чиқарувчининг бир турдаги маҳсулотига нисбатан амал қилади;

мувофиқлиги декларациялаш йўли билан тасдиқланиши лозим бўлган маҳсулотлар Ўзбекистон Республикасига импорт қилинганда, уларнинг мувофиқлигини учинчи томон тасдиқлайди.

3. Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси бир ой муддатда:

мазкур қарор билан белгиланган соддалаштирилган тартиб асосида олиб кирилган товарлар импорти тўғрисида идоралараро назоратни амалга ошириш мақсадида Вазирлар Маҳкамаси ҳузуридаги Солиқ қўмитаси ва Ўзбекистон техник жиҳатдан тартибга солиш агентлигига тегишли маълумотларни доимий тақдим этиб бориш тизимини йўлга қўйсин;

ушбу қарор билан тасдиқланган тартиблардан келиб чиқиб, «Ягона дарча» божхона ахборот тизимига тегишли ўзгартиришлар киритсин.

4. Хавф даражаси юқори бўлган маҳсулотларни мажбурий тартибда давлат рўйхатидан ўтказиладиган, мажбурий тартибда сертификатланадиган, хавф даражаси юқори бўлмаган маҳсулотларнинг мувофиқлигини декларациялаш тартибининг амалиётга татбиқ этилиши муносабати билан Ўзбекистон Республикаси Ҳукуматининг 6-иловага мувофиқ айрим қарорларига ўзгартириш ва қўшимчалар киритилсин.

5. Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

6. Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги манфаатдор вазирликлар ва идоралар билан биргаликда техник регламент лойиҳаларини ишлаб чиқишда мазкур регламентларнинг объекти ҳисобланган маҳсулотларнинг мувофиқлигини баҳолаш қисми мазкур қарорнинг 1 — 3-иловалари билан тасдиқланган низомларга мувофиқлаштирилишини таъминласинлар.

7. Ушбу қарор расмий эълон қилинган кундан эътиборан уч ой ўтгач кучга киради.

8. Мазкур қарорнинг бажарилишини назорат қилиш Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директори А.Р. Жуманазаров зиммасига юклансин.

Вазирлар Маҳкамасининг 2024 йил 14 августдаги 502-сон қарорига 2-ИЛОВА

Маҳсулотларни сертификатлаштириш тартиби тўғрисида

1-боб. Умумий қоидалар

1. Ушбу Низом Ўзбекистон Республикасининг техник жиҳатдан тартибга солиш соҳасидаги норматив ҳужжатларида (кейинги ўринларда — техник регламентлар) белгиланган маҳсулотларнинг мувофиқлигини сертификатлаштириш йўли билан тасдиқлаш тартибини белгилайди.

Ушбу Низом маҳсулотлар ёки маҳсулот талабларига боғлиқ лойиҳалаштириш жараёнлари (шу жумладан, тадқиқотлар), ишлаб чиқариш, қурилиш, монтаж, созлаш, фойдаланиш, сақлаш, ташиш, сотиш ва утилизация қилиш (кейинги ўринларда — маҳсулот) учун техник регламентларда ва стандартларда (ихтиёрий) белгиланган талабларга мувофиқлигини тасдиқлашнинг сертификатлаштириш схемаларини ўз ичига олади.

Мазкур Низом талаблари мажбурий ва ихтиёрий сертификатлаштиришга татбиқ этилади.

2. Мажбурий тартибда сертификатлаштириладиган маҳсулотлар турлари рўйхати Ҳукумат қарорлари ҳамда техник регламентларда белгиланади.

Маҳсулотларни сертификатлаштиришнинг схема, усул ва тартиблари техник регламентлар ҳамда ушбу Низом талабларига мувофиқ белгиланади.

Маҳсулотларни сертификатлаштириш белгиланган тартибда аккредитациядан ўтган маҳсулотларни сертификатлаштириш органлари (кейинги ўринлардан — МСО) томонидан уларнинг аккредитация соҳаси доирасида амалга оширилади.

Ҳукумат қарорлари ҳамда техник регламентларда белгиланган маҳсулотлар турларига мувофиқлик сертификати расмийлаштирилгандан сўнг Ўзбекистон Республикаси ҳудудига эркин муомалага чиқарилади. Бунда:

республика ҳудудида ишлаб чиқарилган маҳсулотларни сертификатлаштириш ушбу маҳсулотларни реализация қилишдан аввал амалга оширилади;

республика ҳудудига олиб кирилаётган маҳсулот, ариза берувчи танловига асосан божхона ҳудудига келгунга қадар ёки келгандан сўнг сертификатлаштирилади. Бунда республика ҳудудига етиб келгунга қадар расмийлаштирилган мувофиқлик сертификати «Ягона дарча» божхона ахборот тизимига ва Ташқи савдо операцияларининг ягона электрон ахборот тизимига импорт қилувчи томонидан жойлаштирилиши лозим.

3. Маҳсулотга хос хавфли омиллар ва хатарларни умумлаштириш ва таҳлил қилиш, шунингдек, техник регламентда ва ушбу Низомда белгиланган сертификатлаштириш схемаларини ҳисобга олган ҳолда сертификатлаштирилади.

Техник регламентларда маҳсулотнинг ўзига хос хусусиятларини ҳисобга олган ҳолда, мувофиқликни тасдиқлашнинг ушбу ҳужжатда кўзда тутилмаган бошқа схема, усул ва тартиблари белгиланган бўлиши мумкин.

Агар маҳсулотга нисбатан илгари қабул қилинган техник регламентда сертификатлаштиришнинг схема, усул ва тартиблари белгиланган бўлса янги ишлаб чиқилаётган техник регламентларда ҳам ушбу маҳсулотга нисбатан сертификатлаштиришнинг худди шундай схема, усул ва тартиблари белгиланади.

4. Ариза берувчига маълум бир маҳсулот турига сертификатлаштиришнинг мақбул схемасини танлаш ҳуқуқини бериш мақсадида техник регламентда сертификатлаштиришнинг бир нечта схемалари белгиланиши мумкин.

5. Маҳсулотларни сертификатлаштиришда бир нечта аккредитациядан ўтган МСО мавжуд бўлса, ариза берувчи ўз танловига биноан улардан бирига мурожаат қилиш ҳуқуқига эга.

2-боб. Асосий тушунчалар

6. Ушбу Низомда қуйидаги асосий тушунчалар қўлланилади:

аккредитациядан ўтган синов лабораторияси — аккредитация органи томонидан расман тан олинган ва мувофиқликни баҳолаш органлари ягона давлат реестрига киритилган, синов ва ўлчашларни амалга оширадиган Ўзбекистон Республика қонунчилигига мувофиқ рўйхатдан ўтган юридик шахс ёки унинг номидан ҳаракат қилувчи ушбу юридик шахснинг таркибий бўлинмаси;

ишлаб чиқаришни баҳолаш — МСО томонидан туркум ишлаб чиқарилган маҳсулотлар мувофиқлигини тасдиқлашда ишлаб чиқарилаётган маҳсулотнинг техник регламент талабларига доимий (барқарор) мувофиқлигини таъминлаш учун зарурий шароитлар мавжуд эканлигини аниқлаш

мақсадида ўтказиладиган амаллар тўпламини ўзида ифодаловчи маҳсулотни сертификатлаштиришнинг бир босқичи;

ягона буюм — донабай маҳсулотнинг алоҳида якка нусхаси;

импорт қилувчи — маҳсулот етказиб берувчи хорижий ишлаб чиқарувчи (сотувчи) билан ташқи савдо битимини тузиб, ушбу маҳсулотни республика ҳудудида муомалага чиқарадиган ва унинг техник регламент талабларига мувофиқлиги учун жавобгар бўлган, қонунчиликда белгиланган тартибда рўйхатдан ўтган юридик ёки жисмоний шахс;

менежмент тизимларини сертификатлаштириш органи — қонунчиликда белгиланган тартибда рўйхатдан ўтган, Ўзбекистон Республикаси резиденти бўлган ва белгиланган тартибда менежмент тизимларини сертификатлаштириш бўйича фаолиятни амалга оширувчи орган сифатида аккредитациядан ўтган юридик шахс;

маҳсулот тўпи — мувофиқликни тасдиқлаш учун ариза берувчи томонидан тақдим этилган юк ҳужжатига мувофиқ бир турдаги, бир номли ва белгили маҳсулот бирлиги;

сертификатлаштирилган маҳсулотларни даврий баҳолаш — сертификатланган маҳсулотнинг сертификатлаштирилаётганда белгиланган талабларга мувофиқлигини тасдиқлаш мақсадида амалга ошириладиган даврий, такрорий баҳолаш тартиб-таомили;

сотувчи — ишлаб чиқарувчи бўлмаган ҳолда маҳсулотларни шартнома бўйича муомалага чиқарувчи, республика қонунчилигида белгиланган тартибда тадбиркор сифатида рўйхатдан ўтган юридик ёки жисмоний шахс;

серияли ишлаб чиқариладиган маҳсулот — ягона техник ҳужжатларга мувофиқ ягона технологик жараён бўйича ишлаб чиқариладиган ва республика ҳудудида даврий ёки пайдар-пай муомалага чиқариладиган маҳсулот тўпи;

ишлаб чиқарувчининг ўз синов лабораторияси — ишлаб чиқарувчининг синов ва ўлчашларни қонунчиликда белгиланган тартибда амалга оширувчи таркибий бўлинмаси;

сертификатлаштириш схемаси — маҳсулотнинг техник регламент талабларига мувофиқлиги далили сифатида кўриб чиқиладиган ҳаракатлар мажмуи;

юкка илова қилинадиган ҳужжатлар — маҳсулот номенклатураси ва миқдорини белгиловчи ҳужжатлар;

ишлаб чиқарувчининг филиали — ишлаб чиқарувчининг юридик шахс бўлмаган, ҳудудидан ташқарида жойлашган ва унинг барча функциялари ёки уларнинг бир қисмини бажарадиган алоҳида бўлинмаси;

ариза берувчи — ишлаб чиқарувчи, ишлаб чиқарувчининг ваколатли вакили, сотувчи ёки импорт қилувчи;

МХИК — Маҳсулотлар (товар ва хизматларнинг) Ягона электрон миллий каталогидаги идентификация коди.

3-боб. Сертификатлаштириш тартиби

7. Маҳсулотлар ушбу Низомга 1-иловада келтирилган схемага мувофиқ сертификатлаштирилади. Бунда ушбу Низомнинг 19-бобида келтирилган сертификатлаштириш схемаларининг қўлланилиши ҳисобга олинади.

Сертификатлаштириш схемалари кетма-кет бажариладиган қуйидаги тартибларни ўз ичига олади:

а) ариза берувчи ёки унинг расмий вакили МСОга маҳсулотларни сертификатлаштириш учун ушбу Низомнинг 9-бандида назарда тутилган маълумотлар киритилган аризани Низомнинг 10-бандида келтирилган ҳужжатларни илова қилган ҳолда тақдим этиш;

б) маҳсулотларга сертификат расмийлаштиришда, интеллектуал мулк объектларига (товар белгилари, товар келиб чиққан жой номлари ва географик кўрсаткичлар) (кейинги ўринларда — ИМО) ҳуқуқларига риоя этилганлигини ўрганиш ва текшириш;

в) МСО томонидан ариза ва унга илова қилинган ҳужжатларни кўриб чиқиш ва таҳлил қилиш, сертификатлаштириш ишларини амалга ошириш ёки сертификатлаштириш ишларини амалга оширишни рад қилиш юзасидан қарор қабул қилиш ва ариза берувчига қарор тўғрисида хабар (бевосита ёки электрон кўринишда) бериш;

г) агар сертификатлаштириш схемасида назарда тутилган бўлса, МСО томонидан синов ва ўлчашлар ўтказиш учун маҳсулот намуналарини (нусхаларини) идентификация қилиш ва (ёки) танлаш;

д) агар сертификатлаштириш схемасида синов ва ўлчашлар ўтказиш назарда тутилган бўлса, МСО томонидан синов ва ўлчашларни ўтказиш учун (зарур бўлганда) шартнома асосида ўзи ҳамкорлик қиладиган аккредитациядан ўтган синов лабораториясини (марказини) (кейинги ўринларда — СЛ) жалб қилиш, агар ариза берувчи бирор сабабга кўра синов ва ўлчашларни жалб қилинган СЛда ўтказиш мумкин эмас деб ҳисобласа, бу ҳақда МСОга (рад этиш сабабларини кўрсатган ҳолда) маълум қилиши шарт. Бу ҳолда, МСО синов ва ўлчашларни ўтказиш учун ўзи ҳамкорлик қиладиган бошқа СЛни жалб қилади;

е) агар сертификатлаштириш схемасида назарда тутилган бўлса, СЛ томонидан танланган маҳсулот намуналари синов ва ўлчашларини ўтказиш;

ж) агар сертификатлаштириш схемасида назарда тутилган бўлса, МСО томонидан маҳсулот тури тадқиқотини ўтказиш;

з) агар сертификатлаштириш схемасида назарда тутилган бўлса, МСО томонидан маҳсулот лойиҳаси тадқиқотини ўтказиш;

и) агар сертификатлаштириш схемасида назарда тутилган бўлса, МСО томонидан ишлаб чиқаришни жойнинг ўзида баҳолаш;

к) МСО томонидан маҳсулотининг сертификатлаштириш ишлари натижаларини таҳлил қилиш ва мувофиқлик сертификатини бериш ёки беришни рад этиш юзасидан қарор қабул қилиш;

л) МСО томонидан мувофиқлик сертификатини расмийлаштириш ва тақдим қилиш;

м) давлат реестрига расмийлаштирилган мувофиқлик сертификатлари ҳақидаги маълумотларни киритиш;

н) агар сертификатлаштириш схемасида назарда тутилган бўлса, ариза берувчи томонидан маҳсулот белгиланган тартибда мувофиқлик белгиси билан тамғаланиши (маркировкаланиши);

о) агар сертификатлаштириш схемасида назарда тутилган бўлса, МСО томонидан сертификатлаштирилган маҳсулотларни даврий баҳолаш.

8. Сертификатлаштириш ишлари ариза берувчининг ташаббуси билан МСО ва ариза берувчи ўртасида тузилган шартнома асосида амалга оширилади.

4-боб. Ариза тақдим қилиш

9. Маҳсулотларни сертификатлаштириш учун ариза берувчи, мазкур Низомга 3-иловада келтирилган шаклда аризани тегишли МСОга тегишли электрон тизим орқали юборади.

Аризада қуйидаги маълумотлар кўрсатилади:

а) МСОнинг тўлиқ номи, унинг жойлашган жойи (юридик шахснинг манзили);

б) юридик шахс учун — ариза берувчининг тўлиқ номи, унинг жойлашган жойи (юридик шахснинг манзили) ва фаолият жойи (жойлари) (манзиллари турлича бўлса), ёки якка тартибдаги тадбиркор сифатида рўйхатдан ўтган жисмоний шахс учун — фамилияси, исми ва отасининг исми, яшаш ва фаолият жойлари (манзиллар турлича бўлса) ҳамда ариза берувчининг юридик ёки республика қонунчилигига мувофиқ жисмоний шахс сифатида давлат рўйхатига олинаётган пайтда бериладиган шахсий ёки бухгалтерия (жисмоний шахс, идентификация) рақами, банк реквизитлари, телефон рақами ва электрон почта манзили;

в) юридик шахс ёки республика қонунчилигига мувофиқ МСОга ариза билан мурожаат қилишга ваколатли (ваколат берувчи ҳужжатнинг номи ва тафсилотлари кўрсатилган ҳолда) ташкилот раҳбарининг лавозими, фамилияси, исми ва отасининг исми (мавжуд бўлса);

г) юридик шахс учун ишлаб чиқарувчи ва унинг филиалларининг тўлиқ номи, унинг жойлашган жойи (юридик шахснинг манзили) ва маҳсулот ишлаб чиқариш жойи манзили (агар манзиллари турлича бўлса) ёки якка тартибдаги тадбиркор сифатида рўйхатга олинган шахс учун фамилияси, исми ва отасининг исми, яшаш ва маҳсулот ишлаб чиқариш жойи манзили (агар манзиллари турлича бўлса);

д) маҳсулот идентификациясини таъминловчи маълумотлар, жумладан:

маҳсулотга ишлаб чиқарувчи томонидан қўйилган ном ва бошқача (мавжуд бўлса) ифодаланиши (техник регламентларда назарда тутилган ҳолларда);

маҳсулот номи ва МХИК (қонунчиликда белгиланган маҳсулот турига) коди (техник регламентларда назарда тутилган ҳолларда) (мавжуд бўлса);

маҳсулот ҳақида унинг идентификациясини таъминлайдиган бошқа маълумотлар (мавжуд бўлса);

Ўзбекистон Республикаси ташқи иқтисодий фаолиятининг товар номенклатурасига мувофиқ маҳсулот коди (кодлари) (кейинги ўринларда — Ўзбекистон Республикасининг ТИФ ТН кодлари);

маҳсулот ишлаб чиқарилишига асос бўлган ҳужжат(лар)нинг белгиланиши ва номи (Ўзбекистон Республикасининг миллий стандарти, халқаро стандарт, минтақавий ёки хорижий мамлакатларнинг стандарти ёки қонунчиликда белгиланган бошқа норматив ҳужжатлар);

сертификатлаштириш объектининг номи (серияли ишлаб чиқариш, тўп ёки ягона маҳсулот). Туркум ишлаб чиқариш учун «туркум ишлаб чиқариш» ёзуви амалга оширилади. Маҳсулот тўпи учун тўп ҳажми, битта маҳсулот учун маҳсулотнинг завод рақами (мавжуд бўлса) кўрсатилади. Завод рақами бўлмаса «бир нусхада» ёки «ягона маҳсулот» ёзуви билан белгиланади;

битта маҳсулот ёки маҳсулот тўпи, шу жумладан, унинг ҳажмини (маҳсулот тўпи ва битта маҳсулот учун) белгилайдиган шартнома (етказиб бериш шартномаси) тафсилотлари ва юкка илова қилинадиган ҳужжатлар;

е) ариза берувчи томонидан танланган сертификатлаштириш схемаси;

ж) маҳсулотнинг мувофиқлиги баҳоланадиган техник регламент номи;

з) агар ишлаб чиқарувчи ўз номидан маҳсулот ишлаб чиқариш (тайёрлаш) учун буюртмани бошқа юридик шахсларнинг, шу жумладан, республикадан ташқарида бўлган ва республиканинг қонунчилигига мувофиқ якка тартибдаги тадбиркор сифатида рўйхатдан ўтган жисмоний шахслар ишлаб чиқариш майдонларига (кейинги ўринларда — ишлаб чиқариш майдончалари), жойлаштирадиган бўлса буюртма ижрочисининг тўлиқ номи, жойлашган жойи (юридик шахснинг манзили) ва маҳсулот ишлаб чиқариш бўйича фаолият юритиладиган жой манзили (манзиллари);

и) жорий этилган менежмент тизимини тасдиқловчи тегишли мувофиқлик сертификати ҳақидаги маълумотлар (сертификатлаштириш схемасида кўзда тутилганда);

й) маҳсулотлар тўпининг хос хусусиятлари, шу жумладан, таркиби ва ҳажми (тўпга киритилган маҳсулот бирликлари сони) (сертификатлаштириш схемасида кўзда тутилганда);

к) ягона эканлигини белгиловчи маълумотлар (сертификатлаштириш схемасида кўзда тутилганда).

10. Аризага қуйидаги ҳужжатлар илова қилинади:

маҳсулотнинг техник (лойиҳавий ва (ёки) конструкторлик ва (ёки) технологик ва (ёки) фойдаланиш) ҳужжатлари нусхалари;

стандартлар рўйхати (уларнинг белгиланиши ва номлари, агар техник регламент талабларига риоя қилиниши халқаро ва минтақавий стандартлар рўйхатига киритилган стандартларнинг тўлиқ қўлланиши билан эмас, балки уларнинг алоҳида бўлимлари (боб, бандлар)ни қўллаш орқали таъминланадиган бўлса, ушбу стандартларнинг алоҳида бўлимлари (боблари, бандлари). Улар (Ўзбекистон Республикасининг миллий стандартлари ва халқаро стандартлар) мавжуд бўлмаган ҳолларда минтақавий ёки хорижий мамлакатларнинг стандарти, уларни ихтиёрий равишда қўллаш (улар ариза берувчи томонидан қўлланилса) натижасида техник регламентлар талабларига мувофиқлиги таъминланади;

агар техник регламентлар талабларига риоя қилинишини таъминлайдиган, ихтиёрий равишда қўлланиладиган стандартлар қўлланилмаган ёки мавжуд бўлмаса, техник регламентлар талабларига мувофиқликни тасдиқловчи қабул қилинган техник ечимлар ва хавфни баҳолаш натижалари тавсифи (зарур бўлганда);

маҳсулотни тамғалаш (маркировкалаш) намунаси (маҳсулот тўғрисида ахборот), четдан олиб келинаётган маҳсулотни сертификатлаштириш учун маҳсулотни тамғалаш (маркировкалаш) намунаси (давлат тилида ёрлиқланиши шарт бўлган маҳсулот тўғрисида ахборот лотин ёзувига асосланган ўзбек алифбосида кўрсатилади) (нотижорат мақсадлар учун мўлжалланган маҳсулотлар бундан мустасно);

маҳсулот ишлаб чиқаришга асос бўлувчи ҳужжат(лар) нусхаси (Ўзбекистон Республикасининг миллий стандарти, халқаро стандарт, минтақавий ёки хорижий мамлакатларнинг стандарти ёки бошқа ҳужжат);

сертификатлаштирилган маҳсулотлар ишлаб чиқаришга татбиқ этиладиган, ишлаб чиқарувчи томонидан жорий этилган менежмент тизимининг тегишли менежмент тизими стандарти талабларига мувофиқлигини тасдиқловчи ва менежмент тизимини сертификатлаш органи томонидан расмийлаштирилган мувофиқлик сертификати нусхаси (кейинги ўринларда — менежмент тизими мувофиқлик сертификати) (сертификатлаштириш схемасида назарда тутилган ҳолларда);

маҳсулотнинг мураккаб таркибий қисмлари, материаллари, бутловчи буюмлари ёки таркибий қисмларининг мувофиқлик сертификатлари нусхалари (мавжуд бўлса);

республика ҳудудига етказиб берилган маҳсулотнинг техник регламент талабларига мувофиқлиги таъминланиши ва бундай маҳсулотларнинг белгиланган талабларга мос келмаслиги учун жавобгарлик кўзда тутилган (ишлаб чиқарувчи ваколат берган шахс учун) ишлаб чиқарувчи (шу жумладан, хорижий ишлаб чиқарувчи) билан тузилган шартнома нусхаси;

ИМО рўйхатдан ўтказилганлиги тўғрисидаги муҳофаза ҳужжати (гувоҳнома ёки патент) ёки ИМОдан фойдаланиш тўғрисида лицензия (мавжуд бўлса);

маҳсулот техник регламент талабларига мувофиқлигини тасдиқловчи ариза берувчи томонидан тақдим этилган бошқа ҳужжатлар (мавжуд бўлса);

четдан келтирилаётган маҳсулот тўпи (партия) ёки ягона (битта) маҳсулот тури учун унинг ҳажмини белгиловчи шартнома (етказиб бериш шартномаси) ва юкка илова қилинадиган ҳужжатлар нусхаси;

менежмент тизими мувофиқлик сертификати нусхаси (сертификатлаштириш схемасида кўзда тутилганда);

маҳсулотда ўтказилган тадқиқот ҳақида маълумот (сертификатлаштириш схемасида кўзда тутилганда);

ишлаб чиқарувчи ёки СЛ томонидан ўтказилган синов ва ўлчашлар баённомалари (сертификатлаштириш схемасида кўзда тутилганда).

11. Аризага илова қилинган ва чет тилида ёзилган ҳужжатлар Ўзбекистон Республикасининг давлат тилидаги таржимаси билан тақдим этилиши шарт.

Ариза берувчи МСОга белгиланган ҳужжатларни илова қилган ҳолда тегишли электрон тизим орқали ариза беради. Бунда аризага илова қилинадиган ҳужжатларнинг ҳаққонийлигига ариза берувчи жавобгар ҳисобланади.

5-боб. Интеллектуал мулк объектларига бўлган ҳуқуқларни ўрганиш ва текшириш

12. Маҳсулотларни сертификатлаштириш жараёнида МСО томонидан тегишли маҳсулотда қўлланилган ном, қадоқ ва бошқа реквизитларда ИМОга бўлган ҳуқуқларга риоя этилганлигини аниқлаш мақсадида ўрганиш ва текширишлар амалга оширилади.

Ушбу ўрганиш ва текширишлар сертификатлаштириш синовларини ўтказиш учун танлаб олинган маҳсулот намуналарида (ёрлиқ ва қадоқларда) қўлланилган белги, ном ва бошқа реквизитларни Ўзбекистон Республикаси Адлия вазирлигининг «Интеллектуал мулк муҳофазаси портали»даги мавжуд маълумотлар билан солиштириш орқали ўтказилади.

13. Тегишли маҳсулотда қўлланилган ИМО рўйхатдан ўтказилганлиги тўғрисидаги муҳофаза ҳужжати (гувоҳнома, патент ёки уларга илова) нусхаси ёки ИМОдан фойдаланиш тўғрисидаги шартнома нусхаси мавжуд бўлганда, бундай ўрганиш ва текширишлар амалга оширилмайди.

Ўрганиш ва текшириш натижасида тегишли маҳсулотда ИМОнинг қонунга хилоф равишда қўлланилганлиги (контрафактлиги) аниқланганда, МСО сертификатлаштириш ишларини тўхтатади ва ариза берувчига асосланган рад жавобини беради.

Бунда маҳсулотда ИМОнинг қонунга хилоф равишда қўлланилганлигини (контрафактлигини) аниқлаган МСО тегишли маълумотни Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги (кейинги ўринларда — Агентлик) ва Адлия вазирлигига бир кун муддатда киритиши шарт.

6-боб. Сертификатлаштиришга тақдим этилган ариза ва ҳужжатлар тўпламини кўриб чиқиш ва таҳлил қилиш

14. Ариза берувчи томонидан сертификатлаштириш учун тақдим этилган ариза ва унга илова қилинган ҳужжатлар тўплами, шу жумладан, техник ҳужжатларни кўриб чиқиш ва таҳлил қилиш, маҳсулот идентификациясини таъминлаш ва кўрсатилган ҳужжатларнинг маҳсулот мувофиқлигини тасдиқлаш учун яроқлилигини белгилаш ва улар ичидан маҳсулотга мувофиқлик сертификати бериш учун асос бўлиши мумкин бўлганини аниқлаш мақсадида ўтказилади.

МСО ариза берувчи томонидан тақдим этилган ариза ва унга илова қилинган ҳужжатларни қуйидаги нуқтаи назардан кўриб чиқади ва таҳлил қилади:

а) аризанинг тўғри тўлдирилганлиги;

б) ариза билан бирга тақдим этилган ҳужжатлар тўпламида материаллар тўлиқ ва етарлилиги.

Ариза берувчи томонидан тақдим этилган ариза ва унга илова қилинган ҳужжатларни кўриб чиқиш ва таҳлил қилишнинг ижобий натижалари бўйича МСО мазкур Низомга 4-иловада келтирилган шаклда ариза берилган кундан бошлаб икки иш куни мобайнида қарор қабул қилади, сертификатлаштириш ишларига ҳақ тўлаш бўйича шартнома билан (илгари тузилган шартнома бўлмаса) ариза берувчига қабул қилинган қарор ҳақида сертификатлаштиришни ўтказиш шартлари, шу жумладан, намуна (нусха)лар танлаш тартиблари ва синов ва ўлчашлар дастурини кўрсатган ҳолда ёзма равишда маълум қилади (бевосита ёки электрон почта орқали).

Ариза берувчи томонидан тақдим этилган ариза ва унга илова қилинган ҳужжатларни кўриб чиқиш ва таҳлил қилишнинг салбий натижалари бўйича МСО ариза берилган кундан бошлаб бир иш куни мобайнида ариза берувчига аризанинг камчилиги кўрсатган ҳолда, сертификатлаштириш ишларини ўтказишни рад этиш тўғрисида электрон тизим орқали хабар беради.

МСОнинг сертификатлаштириш ишларини ўтказишни рад этиш ҳақидаги қарори аризани қабул қилишни рад етиш учун асос бўлиб хизмат қилган камчиликликларни бартараф этилганда, ариза берувчи томонидан ариза ва ҳужжатлар тўпламини ушбу органга қайта юборишига тўсқинлик қилмайди.

7-боб. Маҳсулотларни идентификация қилиш, намуна (нусха) олиш, синов ва ўлчашларини ўтказиш

15. Маҳсулотларнинг мувофиқлигини сертификатлаштириш орқали тасдиқлашда уларнинг синов ва ўлчашларини ўтказиш мақсадида мувофиқликни баҳолаш объекти бўлган маҳсулотларнинг намуна (нусха)лари олинади.

Маҳсулотнинг намуна (нусха)ларини танлаш, синов ва ўлчашларини ўтказишда қоида ҳамда услубларини ўз ичига олган Ўзбекистон Республикасининг миллий стандарти ёки халқаро стандартлар рўйхатига киритилган стандартлар, улар бўлмаган ҳолда минтақавий ёки хорижий мамлакатларнинг стандарти қўлланилади (кейинги ўринларда — қоида ва услублар ифодаланган стандартлар рўйхати).

Маҳсулот конструкцияси, таркиби ва ишлаб чиқариш технологияси бўйича танланган намуна (нусха)лар истеъмолчига (сотиб олувчига) сотиш учун мўлжалланган маҳсулотлар билан бир хил бўлиши керак.

Маҳсулотни Ўзбекистон Республикаси ҳудудига кириб келгунга қадар сертификатлаштиришда етказиб берилаётган маҳсулот тўпидан танлаб олинган намуналар уларни олиш жараёнлари акс этган фотосурат ва видеотасвирлар билан бирга тақдим этилиши лозим.

Маҳсулотнинг танланган намуна (нусха)лари қолган маҳсулотдан ажратиб олинади, ўров-идишга жойланади ёки танлаш жойида муҳрланади.

16. Маҳсулот намуна (нусха)ларини танлаш қуйидагича амалга оширилади:

а) туркум ишлаб чиқарилган маҳсулотлар учун — ишлаб чиқарувчининг тайёр маҳсулот омборида (ишлаб чиқарувчи томонидан ваколат берилган шахс), вақтинча сақлаш омбори, божхона омбори, юк ташиш воситаси сиғимида ёки тайёр маҳсулот ишлаб чиқариш линиясида;

б) маҳсулот тўпи учун — ишлаб чиқарувчи тайёр маҳсулот омборида (ишлаб чиқарувчи томонидан ваколат берилган шахс), вақтинча сақлаш омбори, божхона омбори ёки сақлашга олган жавобгар омборида, юк ташиш воситаси сиғимида ёки тайёр маҳсулот ишлаб чиқариш линиясида);

в) ягона буюм учун — маҳсулот бирлиги жойлашган жойда (ёки ариза берувчи томонидан тақдим этилади).

17. Маҳсулот намуна (нусха)ларини олиш маҳсулотни идентификация қилиш билан бир вақтда ўтказилади. Бунинг ёрдамида маҳсулот тавсифлари ушбу маҳсулот (маҳсулот тури ёки гуруҳи) учун техник регламентда ҳамда Низомнинг 10-бандида кўрсатилган бошқа ҳужжатларда маҳсулотни сўзсиз техник регламентнинг техник тартибга солиш объекти сифатида нисбатлашга имкон берадиган маҳсулот ҳақидаги маълумотда кўрсатилган аломатлар билан бир хиллиги аниқланади.

Маҳсулотни сертификатлаштиришда, маҳсулотни идентификация қилиш ва намуна (нусха) танлаш МСО томонидан ариза берувчи ҳузурида Низомга 5-иловага мувофиқ намуналарни идентификация қилиш ва намуна (нусха) олиш далолатномасини расмийлаштирган ҳолда амалга оширилади. Бунда маҳсулотни идентификация қилиш ва намуна (нусха) танлаш ариза бўйича қабул қилинган қарор ҳамда сертификатлаштириш ишларига ҳақ тўлангандан сўнг икки иш кунидан кечиктирилмаган муддатда МСО томонидан жойига чиққан ҳолда амалга оширилади.

Ариза берувчи билан келишилган ҳОлда маҳсулотдан намуна (нусха) танлаш МСО ёки бошқа МСО (шартномага асосан) ва (ёки) агар техник регламентда бошқача белгиланмаган бўлса, аккредитация соҳасига тегишли маҳсулот киритилган СЛ томонидан ўтказилиши мумкин.

Маҳсулотдан намуна (нусха)лар танлаш натижалари маҳсулотдан намуна (нусха)лар олиш жойи ва санаси, маҳсулот намуна (нусха)ларини сақлаш шароитлари ҳамда танланган маҳсулотнинг бир хиллиги кўрсатилган тегишли далолатнома(лар) билан расмийлаштирилади. Маҳсулотдан намуна (нусха)лар танлаш далолатномаси(лари) қўлланган сертификатлаштириш схемасига қараб, агар техник регламентда бошқача белгиланмаган бўлса, маҳсулот синов ва ўлчашларини ўтказадиган СЛга бир кун мобайнида жўнатилади.

18. Маҳсулотнинг идентификация белгилари унинг тури (хили)га қараб (техник регламентда бошқача белгиланмаган бўлса), қуйидагиларни ичига олади:

а) маҳсулот ишлаб чиқарувчи юридик шахс ва унинг филиаллари (ишлаб чиқариш майдончалари) учун — ишлаб чиқарувчининг тўлиқ номи, унинг жойлашган жойи (юридик шахснинг манзили) ва маҳсулот ишлаб чиқариш жойи (манзиллари, агар турлича бўлса), республика қонунчилигига мувофиқ якка тартибдаги тадбиркор сифатида рўйхатдан ўтган жисмоний шахс учун — фамилияси, исми ва отасининг исми (мавжуд бўлса), яшаш жойи ва манзил(лар)и, агар турлича бўлса), ишлаб чиқариш фаолияти амалга ошириладиган жойнинг манзил(лар)и, агар турлича бўлса);

б) юридик шахс учун — ариза берувчининг тўлиқ номи, унинг жойлашган жойи (юридик шахснинг манзили) ва фаолият жойи манзили (манзиллари, агар турлича бўлса); ёки якка тартибдаги тадбиркор сифатида рўйхатдан ўтган жисмоний шахс учун — фамилияси, исми ва отасининг исми (мавжуд бўлса), яшаш ва фаолият жойи манзили (манзиллари, агар турлича бўлса);

в) маҳсулотнинг номи ва МХИК (қонунчиликда белгиланган маҳсулот турига) коди (маҳсулот тури ёки гуруҳлари) ва маҳсулотнинг белгиланиши (техник регламентда назарда тутилган ҳолларда) ва ишлаб чиқарувчи томонидан тайинланган бошқа шартли белгилар (мавжуд бўлса);

г) маҳсулот номи ва МХИК (қонунчиликда белгиланган маҳсулот турига) коди (техник регламентда назарда тутилган ҳолларда);

д) маҳсулот ишлаб чиқарилишига асос бўлган ҳужжатларнинг ифодаланиши (Ўзбекистон Республикасининг миллий стандарти, халқаро стандарт, минтақавий ёки хорижий мамлакатларнинг стандарти ёки бошқа ҳужжат) (мавжуд бўлса);

е) маҳсулотнинг вазифаси, маҳсулотдан фойдаланиш бўйича тавсиялар, маҳсулотнинг техник регламентда техник жиҳатдан тартибга солиш объекти бўлган маҳсулотлар жумласига сўзсиз киритиш учун асос бўладиган бошқа асосий хусусиятлари;

ж) маҳсулотнинг техник регламентларда белгиланган идентификация қилинишини таъминловчи бошқа маълумотлар;

з) штрих код ёки QR коди (мавжуд бўлса);

и) ишлаб чиқарилган сана;

к) сақлаш муддати (техник регламентда назарда тутилган ҳолларда), хизмат муддати (яроқлилик) ёки маҳсулот ресурси (техник регламентда назарда тутилган ҳолларда);

л) тўп ҳажми (тўп учун);

м) ўров-идиш, идиш, истеъмол ўров-идиш бирлигидаги номинал миқдори (зарур бўлса), соф оғирлиги ва ҳажми (зарур бўлса);

н) техник ҳужжатлар ва (ёки) юк ташиш ҳужжатларида кўрсатилган бошқа маълумотлар (мавжуд бўлса).

19. Маҳсулотни идентификат қилиш натижалари, намуналарни идентификация қилиш ва намуна (нусха) олиш далолатномасида акс эттирилади.

Намуналарни идентификация қилиш, намуна (нусха) олиш далолатномаси:

ишлаб чиқариладиган маҳсулотлар учун икки нусхада расмийлаштирилади ва уларнинг биттаси бевосита ариза берувчига берилади;

божхонада сақланаётган маҳсулотлар учун уч нусхада расмийлаштирилади ва иккинчи нусхасини бевосита божхона идорасига тақдим этилади.

Маҳсулотни идентификация қилиш ва намуна олиш вақтида маҳсулотнинг тамғаланиши (маркировкаси), сақлаш шароитлари текширилади.

Эксплуатация қилиш жойида ўтказилган синов натижаларига асосан мувофиқлик сертификати расмийлаштирилиши лозим бўлган технологик ускуналар ва уларнинг таркибий қисмларига аккредитация соҳасида ушбу ускуна ёки унинг таркибий қисми мавжуд бўлган МСО томонидан хулоса (хат) тақдим қилинади, мазкур хулоса асосида технологик ускуналар ва уларнинг таркибий қисмлари муомалага чиқарилади.

Бунда ариза берувчи технологик ускуналар ва уларнинг таркибий қисмлари тўлиқ йиғиб созлангандан сўнг, уларни сертификатлаштириш мақсадида қайта ариза бериш мажбуриятини олади.

Маҳсулотнинг синов ва ўлчаш ишлари агар техник регламентда назарда тутилган бўлса, синов ва ўлчаш жараёнлари ва натижалари фотосурат ва/ёки видеотасвир билан амалга оширилади.

Маҳсулотнинг ўтказилган синов ва ўлчашлари натижалари синов ва ўлчашлар баённомасида расмийлаштирилади.

Олинган синов ва ўлчаш натижалари намуналарни идентификация қилиш ва намуна (нусха) олиш далолатномасида келтирилган маҳсулотларнинг барчасига тааллуқлидир.

СЛ томонидан синов ва ўлчашлари натижаларидан қатъи назар, маҳсулотнинг синов ва ўлчашлар баённомасини ариза берувчига бевосита ёки электрон ахборот тизими орқали тақдим қилинади, шунингдек, маҳсулотни сертификатлаштиришда баённома қўшимча равишда МСОга ҳам юборилади.

Синов ва ўлчашлар даврида бутунлай ёки қисман бузилган, шунингдек, бузилмаган маҳсулот бўйича ҳисобдан чиқарилганлиги (қайтариб берилганлиги) тўғрисидаги далолатнома ариза берувчи (ёки унинг вакили) иштирокида ушбу Низомга 6-иловага мувофиқ МСО томонидан тузилади.

Сертификатлаштириш тартиботларининг умумий муддатлари ушбу турдаги маҳсулотнинг техник регламентлари билан белгиланадиган услубларга мувофиқ синовлардан ўтказишнинг умумий давом этиш вақтидан келиб чиқиб белгиланади.

20. Маҳсулотнинг синов ва ўлчашларининг салбий натижаларида маҳсулотларнинг мувофиқлигини тасдиқлаш ишлари тўхтатилади ёки тугатилади.

21. Агар камчиликларни тузатишга қаратилган тадбирларни амалга ошириш орқали синов ва ўлчашларнинг салбий натижаларига сабаб бўлган номувофиқликларни бартараф этиш имкони мавжуд бўлса, маҳсулот мувофиқлигини тасдиқлаш ишлари тўхтатилади, агар камчиликларни тузатишга қаратилган тадбирларни амалга ошириш орқали синов ва ўлчашларнинг салбий натижаларига сабаб бўлган номувофиқликларни бартараф этиш имкони мавжуд бўлмаса, маҳсулот мувофиқлигини тасдиқлаш ишлари тугатилади ва ариза бекор қилинади.

22. МСО маҳсулотни сертификатлаштириш ишларини тўхтатилиши ёки тугатилиши тўғрисидаги асосланган қарорни ариза берувчига бевосита ёки электрон ахборот тизими орқали етказади.

8-боб. Маҳсулот тури тадқиқоти

23. Маҳсулот турини ўрганиш деганда, берилган турдаги маҳсулотнинг параметрлари ва хусусиятларини ўхшаш маҳсулот ишлаб чиқаришда техник регламент ва техник ҳужжатлар талабларига мувофиқлигини таҳлил қилиш тушунилади.

24. Маҳсулот тури (агар техник регламентда бошқа тартиб белгиланмаган бўлса) қуйидагича ўрганилади:

а) хавфли ишлаб чиқариш объектларда ишлатиладиган маҳсулот учун;

б) маҳсулотни фойдаланиш жойига ўрнатишдан (монтаж қилишдан) олдин тўлиқ ҳажмда синов ва ўлчашларни ўтказиш мумкин бўлмаса;

в) агар ариза берувчи маҳсулотнинг мувофиқлигини тасдиқлашда ихтиёрий равишда қўлланилиши натижасида техник регламент талабларига риоя қилиниши таъминланадиган стандартларни қўлламаса (шу жумладан, инновацион маҳсулотлар учун).

25. Маҳсулот тури қуйидаги усуллардан бирида ўрганилади:

а) маҳсулот намунасини режалаштирилган ишлаб чиқариш учун барча келажакдаги маҳсулотларнинг намунавий шакли сифатида синаш;

б) техник ҳужжатларни таҳлил қилиш, маҳсулот намунасини ёки маҳсулотнинг муҳим таркибий қисмларини синаш.

26. Маҳсулот тури МСО томонидан (зарур ҳолларда СЛ иштирокида) ўрганилади.

27. Агар техник регламентда бошқа тартиб белгиланмаган бўлса маҳсулот турини ўрганиш натижалари МСО томонидан хулоса тарзида расмийлаштирилади.

Маҳсулот турини ўрганиш бўйича хулоса икки нусхада расмийлаштирилади ва унинг бир нусхаси ариза берувчига юборилади.

Кўрсатилган хулосанинг шакли МСОнинг сифат бўйича қўлланма ва сифат менежменти тизими тартиб-тамойил ҳужжатлари билан белгиланади.

28. Маҳсулот мувофиқлигини мувофиқлик декларацияси шаклида тасдиқлашда, агар маҳсулот турини ўрганишнинг ижобий натижалари мавжуд бўлса, МСО томонидан маҳсулот тури учун белгиланган ягона шаклдаги сертификат берилади.

9-боб. Маҳсулот лойиҳасини ўрганиш

29. Маҳсулот лойиҳаси тадқиқоти деганда маҳсулот ишлаб чиқарилишига асос бўлган техник ҳужжатлар таҳлили, шунингдек, ўтказилган ҳисоб-китоблар, тадқиқот ва синовлар натижалари таҳлили ҳамда маҳсулот чизмалари, моделлари, тажриба нусхалари ўлчашлари тушунилади.

30. Маҳсулот лойиҳаси тадқиқоти МСО томонидан ариза берувчи тақдим этган, маҳсулотни лойиҳалаштириш, ишлаб чиқариш фойдаланиш босқичларини ўз ичига олган ва хавфсизлик талабларини белгилайдиган техник ҳужжатларни кўриб чиқиш орқали амалга оширилади.

Техник ҳужжатлар ариза берувчи томонидан маҳсулот лойиҳасини маҳсулотга техник регламентда белгиланган талабларга мувофиқлигини текширишга етарли ҳажмда тақдим этилади.

31. Маҳсулот лойиҳасини ўрганиш натижалари МСО томонидан хулоса шаклида расмийлаштирилади.

Кўрсатилган хулосанинг шакли МСОнинг сифат бўйича қўлланма ва сифат менежменти тизими тартиб-тамойил ҳужжатлари билан белгиланади.

Маҳсулот лойиҳасини ўрганиш бўйича хулоса икки нусхада расмийлаштирилади. Хулосанинг бир нусхаси ариза берувчига юборилади.

10-боб. Ишлаб чиқариш назорати

32. Ишлаб чиқарувчи ўзи ишлаб чиқарган маҳсулотларнинг техник регламентда белгиланган талабларга мувофиқлигини доимий равишда таъминлаб боришга масъулдир ҳамда мазкур бобда белгиланган талаблар бўйича Ишлаб чиқариш назоратини амалга оширади.

33. Ишлаб чиқарувчи томонидан ишлаб чиқараётган маҳсулотнинг техник регламент ва техник ҳужжатларда белгиланган талабларга барқарор мувофиқлигини таъминлаш қуйидагиларни ўз ичига олади:

хомашё, материал ва бутловчи буюмларнинг кириш назорати;

маҳсулот ишлаб чиқариш технологияси жараёнли назорати;

тайёр маҳсулотларни қабул (қабул қилиш-топшириш) назорати;

техник регламентда белгиланган талабларга жавоб бермайдиган маҳсулот назорати;

асбоб-ускуналар назорати;

ўлчаш воситалари ва синов ускуналари назорати;

техник ҳужжатларни ишлаб чиқиш ва юритиш назорати;

иш ўринларида атроф-муҳит кўрсаткичлари назорати;

ходимлар ва ишлаб чиқариш хавфсизлик назорати (мавжуд бўлса);

тайёр маҳсулотларнинг даврий назорати.

Шунингдек, ишлаб чиқарувчида жорий этилган ва сертификатлаштирилган менежмент тизими фаолияти мавжуд бўлганда, унинг барқарорлигини таъминлайди.

11-боб. Ишлаб чиқаришни баҳолаш

34. Ишлаб чиқаришни баҳолаш МСО томонидан туркум ишлаб чиқарилган маҳсулотлар мувофиқлигини тасдиқлашда, ишлаб чиқарувчида, чиқарилаётган маҳсулотнинг техник регламент талабларига доимий (барқарор) мувофиқлигини таъминлаш учун зарур шароитлар мавжуд эканлигини аниқлаш мақсадида ўтказилади.

Сертификатлаштириш схемасига қараб, ишлаб чиқаришни баҳолаш маҳсулот мувофиқлигини сертификатлаштириш схемасида тасдиқлашда ёки сертификатланган маҳсулотни даврий баҳолашдан ўтказишда амалга оширилади.

Ишлаб чиқаришни баҳолаш маҳсулотни идентификация қилиш, намуна (нусха) танлаш ҳамда синов ва ўлчашлари билан бир вақтда ўтказишга йўл қўйилади.

35. Ишлаб чиқариш МСО буйруғи билан тасдиқланган комиссия томонидан баҳоланади.

Буйруқда ишлаб чиқаришни баҳолаш комиссияси таркиби (комиссия раҳбари ва мутахассислар), ишлаб чиқаришни баҳолашнинг аниқ муддатлари кўрсатилади. Бунда ишлаб чиқаришни баҳолаш муддати ўн иш кунидан ошмаслиги керак.

36. Ишлаб чиқаришни баҳолаш комиссияси таркиби ишлаб чиқариш ҳажми, технологик жараёнлар, маҳсулотларнинг мураккаблиги ва бошқалардан келиб чиқиб беш кишидан ошмаган мутахассислардан иборат бўлади.

Ишлаб чиқариш ва маҳсулотнинг ўзига хос хусусиятлари билан боғлиқ малакали баҳолашни таъминлаш учун маҳсулот тури, унга техник регламентда белгиланган талаблар ва ишлаб чиқариш технологияси бўйича асосий билимларга эга мутахассислар ишлаб чиқаришни баҳолаш комиссияси таркибига киритилиши керак.

37. Ишлаб чиқариш МСО раҳбари (раҳбар ўринбосари) ишлаб чиққан ва тасдиқлаган ишлаб чиқаришни баҳолаш дастурига мувофиқ маҳсулот ишлаб чиқариш (жойида) манзилида баҳоланади.

Ишлаб чиқаришни баҳолаш қуйидагиларни баҳолаш орқали ўтказилади:

маҳсулотнинг техник (лойиҳавий ва (ёки) конструкторлик ва (ёки) технологик ва (ёки) фойдаланиш) ҳужжатлари;

маҳсулотни ишлаб чиқарувчи ва назорат қилувчи мутахассисларнинг мавжудлиги;

ишлаб чиқариш инфратузилмаси (ишлаб чиқарувчи ҳудудида жойлашган ва ишлаб чиқаришни ташкил этиш учун зарур бўлган объектлар мажмуи (ишлаб чиқариш объектлари, юк ташиш машиналари ва бошқалар));

ускуналар (технологик жиҳозлаш воситалари), шунингдек, уларга техник хизмат кўрсатиш ва таъмирлаш;

назорат, ўлчаш ва синов ускуналарини бошқариш, уларга техник хизмат кўрсатиш ва таъмирлаш;

маҳсулотнинг техник регламентда белгиланган талабларга мувофиқлигини таъминлаш учун зарур бўлган ўлчаш воситалари;

сертификатлаштирилган маҳсулотлар (хомашё, материаллар, бутловчи буюмлар)нинг хавфсизлик кўрсаткичларига таъсир этувчи, сотиб олинган маҳсулотларнинг кириш назорати;

технологик жараёнлар, шу жумладан, махсус (агар техник регламентда тегишли талаблар мавжуд бўлса);

тайёр маҳсулотнинг техник регламентда белгиланган хусусиятларини назорат қилиш билан боғлиқ қабул қилиш назорати ва даврий синовлар;

тайёр маҳсулотларни тамғалаш (маркировкалаш), сақлаш, ўраб жойлаш ва консервациялаш шартлари;

истеъмолчи билан ўзаро ҳамкорлик (жумладан, ушбу ишлаб чиқарувчининг маҳсулотлари ҳақида шикоят ва норозиликларини кўриб чиқиш);

техник регламентда белгиланган талабларга номувофиқ маҳсулот назорати;

маҳсулотни идентификация қилиш ва кузатилувчанлиги;

тузатувчи ва профилактик чора-тадбирлар.

38. Ишлаб чиқаришни баҳолаш натижалари якунига кўра комиссия томонидан уч иш кунида МСОнинг сифат бўйича қўлланма ва сифат менежменти тизими тартиб-тамойил ҳужжатида белгиланган шаклда таҳлил натижалари, тасдиқловчи ҳужжат ва материалларга ҳаволалар ҳамда зарурат бўлганда аниқланган номувофиқликларни бартараф қилиш муддатлари кўрсатилган далолатнома икки нусхада тузилади, унинг бир нусхаси ишлаб чиқарувчига топширилади, иккинчи нусхаси МСОга тақдим қилинади.

Бунда ишлаб чиқаришни баҳолаш натижасида аниқланган номувофиқликларни бартараф қилиш бир ойдан ошмаслиги лозим.

Ишлаб чиқаришни баҳолаш натижалари тўғрисидаги далолатномада чиқарилаётган маҳсулотнинг техник регламент талабларига доимий (барқарор) мувофиқлигини таъминлаш учун ишлаб чиқарувчида зарур шароитлар мавжуд эканлигини ҳақидаги хулосалар бўлиши керак.

Ишлаб чиқаришни баҳолаш далолатномаси комиссиянинг барча аъзолари ва ишлаб чиқарувчи томонидан имзоланади. Бунда ишлаб чиқарувчи ишлаб чиқаришни баҳолаш натижаларидан норози бўлган тақдирда, ўз фикрини далолатномада баён қилиши мумкин.

МСО маҳсулотни сертификатлаштириш ишларини ишлаб чиқаришни баҳолаш натижалари асосида тўхтатиши ёки тугатиши мумкин.

Ариза берувчи аниқланган номувофиқликлар ва уларнинг сабабларини белгиланган муддатларда бартараф этиши мумкин бўлса, сертификатлаштириш ишларини тўхтатиб туриш тўғрисидаги қарор қабул қилинади.

Агар аниқланган номувофиқликларни тузатиш тадбирлари билан бартараф этиш имконияти мавжуд бўлмаса ёки тузатиш тадбирларини белгиланган муддатда амалга оширилмаса, сертификатлаштириш ишларини тугатиш тўғрисидаги қарор қабул қилинади.

Сертификатлаштириш ишларини тўхтатиш тўғрисида қарор қабул қилинган тақдирда, МСО бу ҳақда ариза берувчига маълум қилади.

Сертификатлаштириш ишларини қайта тиклаш мақсадида:

Ариза берувчи аниқланган номувофиқликлар ва уларнинг сабабларини бартараф этишга қаратилган тузатиш чора-тадбирларини ишлаб чиқади, унинг бажарилишини таъминлайди ва бу ҳақда МСОга маълум қилади;

МСО ариза берувчи томонидан амалга ошириладиган тузатиш тадбирларини таҳлил қилади ва натижалари ижобий бўлса, сертификатлаштириш ишларини қайта бошлашга қарор қабул қилади.

Агар ариза берувчи белгиланган камчиликларни ва уларнинг сабабларини белгиланган муддатда бартараф эта олмаса, маҳсулотни сертификатлаштириш ишлари тугатилади.

Агар маҳсулот ишлаб чиқарувчининг бир неча филиалларида ишлаб чиқарилса, ишлаб чиқаришни баҳолаш энг мураккаб ва кўп ҳажмда маҳсулот чиқариладиган филиалида, ишлаб чиқарувчи барча филиалларида ишлаб чиқарилган маҳсулотларнинг хавфсизлиги ва ишлаб чиқаришнинг барқарорлиги учун масъулияти таъминлаш шарти билан ўтказилади.

Ишлаб чиқаришни баҳолашнинг ижобий натижаларида МСО сертификатлаштирилган маҳсулотларни даврий баҳолаш режаси доирасида ишлаб чиқарувчининг бошқа ишлаб чиқариш филиалларида ишлаб чиқаришни баҳолашнинг кейинги жадвали (баҳолаш саналари кўрсатилган ҳолда)ни тузади ва ишлаб чиқарувчи билан келишади.

39. Агар МСОга олдин сертификатлаштирилган маҳсулотдан конструкцияси (таркиби, рецептураси) ёки ишлаб чиқариш технологиясида бироз фарқ бўлган янги маҳсулотни сертификатлаштириш бўйича ариза тушса, МСОнинг қарорига мувофиқ қуйидаги барча шартлар бажарилганда ишлаб чиқаришни баҳолашнинг олдинги таҳлили натижалари ушбу маҳсулотларга қисман ёки тўлиқ жорий этилиши мумкин:

маҳсулотни сертификатлаштириш бўйича ишлар ишлаб чиқаришни баҳолашдан ўтказган ва ишлаб чиқаришни баҳолаш натижалари бўйича далолатнома тузган комиссия таркибини тасдиқлаган МСО томонидан амалга оширилса;

ишлаб чиқарувчи томонидан маҳсулот конструкцияси (таркиби, рецептураси) ёки ишлаб чиқариш технологиясига киритилган ўзгаришлар маҳсулотнинг техник регламент талабларига мувофиқлигига таъсир қилмаса;

ариза берувчи янги маҳсулотларни сертификатлаштириш учун аризани ишлаб чиқаришни баҳолашдан ўтказган, ишлаб чиқаришни баҳолаш натижалари ҳақидаги далолатномани ёки илгари сертификатлаштирилган маҳсулотларни даврий баҳолашдан ўтказиш ва рўйхатга олиш бўйича далолатнома расмийлаштирилган санадан бошлаб бир йилдан ошмаган муддатда тақдим этган бўлса.

12-боб. Маҳсулотга мувофиқлик сертификатини расмийлаштириш

40. МСО ариза берувчи томонидан тақдим этилган ҳужжатлар тўплами ҳамда маҳсулотнинг техник регламент талабларига мувофиқлигини тасдиқлайдиган ҳужжат (синов ва ўлчашлар баённомалари (сертификатлаштириш схемасида кўзда тутилган ҳолларда)), ишлаб чиқаришни баҳолаш далолатномаси (сертификатлаштириш схемасида кўзда тутилган ҳолларда), маҳсулот лойиҳаси тадқиқоти хулосаси (сертификатлаштириш схемасида кўзда тутилган ҳолларда), маҳсулот тури тадқиқоти хулосаси (сертификатлаштириш схемасида кўзда тутилган ҳолларда))ни таҳлилдан ўтказади.

Ўтказилган таҳлилнинг ижобий натижалари асосида МСО маҳсулотга мувофиқлик сертификатини бериш тўғрисида мазкур Низомга 7-иловага мувофиқ қарорни икки иш куни мобайнида қабул қилади.

41. Маҳсулотни сертификатлаштиришда баҳолашнинг салбий натижалари мавжуд бўлса, МСО асосли сабабларни кўрсатган ҳолда маҳсулотга мувофиқлик сертификатини беришни рад этиш бўйича қарор қилади ҳамда бу ҳақда ариза берувчига, Агентликка, Солиқ қўмитаси, Божхона қўмитаси ҳамда тегишли вазирлик ва идораларга қарор қабул қилинган куннинг ўзида бевосита ёки электрон тизим орқали маълум қилади.

42. Маҳсулотларнинг мувофиқлик сертификати Низомга 8-иловага мувофиқ ягона электрон шаклда расмийлаштирилади.

Мувофиқлик сертификати МСО раҳбари томонидан электрон имзо билан тасдиқланади.

Мувофиқлик сертификати:

Маҳсулот тўпига — маҳсулотнинг яроқлилик ёки кафолат муддатига;

серияли ишлаб чиқариладиган маҳсулотга — уч йил муддатга расмийлаштирилади.

Бунда серияли ишлаб чиқариладиган маҳсулотлар учун расмийлаштирилган мувофиқлик сертификатининг амал қилиш даврида ишлаб чиқарилган маҳсулотлар сертификатланган ҳисобланади ва қайта сертификатлаштирилмайди.

Маҳсулот сертификатлаштирилганлигини тасдиқловчи асос сифатида мувофиқлик белгиси ва маҳсулотга қўшиб юбориладиган ҳамда эксплуатация ҳужжатлардаги ишлаб чиқариш санаси хизмат қилади.

Мувофиқлик сертификатини қўллаш ва мувофиқлик белгисидан фойдаланиш ҳуқуқини ариза берувчи (мувофиқлик сертификатининг эгаси) бошқа юридик ёки жисмоний шахсга бериши ман этилади.

43. Агар менежмент тизими мувофиқлик сертификатининг амал қилиш муддати маҳсулот мувофиқлик сертификатининг амал қилиш муддатидан аввал тугаса, сертификатлаштирилган маҳсулот ишлаб чиқарувчиси маҳсулот мувофиқлик сертификатининг амал қилиш муддати давомида амал қиладиган менежмент тизими мувофиқлик сертификатининг мавжуд бўлишини таъминлайди.

44. Техник регламентнинг техник тартибга солиш объекти бўлган серияли ишлаб чиқариладиган мувофиқлик сертификати танлаб олинган ҳамда синов ва ўлчашлардан ўтган намуна (нусха)лар ишлаб чиқарилган санасидан бошлаб ушбу маҳсулотга жорий қилинади. Бу ҳолда танлаб олинган ҳамда синов ва ўлчашлардан ўтган намуна (нусха)ларнинг ишлаб чиқарилган санаси ҳақидаги маълумот ва ахборотлар мувофиқлик сертификатининг «алоҳида ёзувлар» бандида кўрсатилиши мумкин.

Мувофиқлик сертификати уни бериш тўғрисида қарор қабул қилинган кундан бошлаб икки иш куни мобайнида расмийлаштирилади ва давлат реестрида рўйхатдан ўтказилади.

Расмийлаштирилган мувофиқлик сертификати ҳамда МСО ва ариза берувчи ўртасида тузилган келишув асосида мувофиқлик сертификатининг эгаси маҳсулотни белгиланган тартибда мувофиқлик белгиси билан тамғалашни (маркировкалашни) таъминлайди.

Маҳсулотга мувофиқлик сертификати бир марта расмийлаштирилади, ушбу маҳсулот учун қайта мувофиқлик сертификати расмийлаштирилмайди.

13-боб. Расмийлаштирилган мувофиқлик сертификатлари тўғрисидаги маълумотларни ягона давлат реестрга киритиш

45. Мувофиқлик сертификатининг амал қилиш санаси унинг Мувофиқлик сертификатлари давлат реестрида рўйхатга олинган кундан бошлаб ҳисобланади.

46. Мувофиқлик сертификатлари давлат реестри белгиланган тартибда юритилади.

47. Сертификатлаштириш жараёнида расмийлаштирилган қуйидаги ҳужжатлар расмийлаштирилган куннинг ўзида МСО томонидан тегишли электрон дастурга киритилади:

ариза бўйича қарор;

ИМО тўғрисидаги маълумотлар;

намуна танлаш ва идентификация қилиш далолатномаси;

синов баённомалари;

ишлаб чиқаришни баҳолаш далолатномаси;

мувофиқ сертификатини бериш ёки уни беришни рад этиш қарори;

намунанинг ҳисобдан чиқарилганлиги (қайтариб берилганлиги) тўғрисидаги далолатнома;

мувофиқлик сертификати.

14-боб. Мувофиқлик сертификатига ўзгартириш киритиш

48. Мувофиқлик сертификати ва (ёки) унинг иловаларига (қўлланилган сертификатлаштириш схемасига боғлиқ ҳолда) ушбу Низомнинг 7-банди «а» — «и» кичик бандларида назарда тутилган тартиб-таомилларни бажармасдан, қуйидаги ҳолларда ўзгартириш киритишга рухсат этилади:

маҳсулот мувофиқлик сертификати ва унинг иловаларида хатоликка, имловий хатоларга йўл қўйилганда;

ишлаб чиқарувчининг ташкилий-ҳуқуқий шакли ўзгарганда;

ТИФ ТН Ўзбекистон Республикаси коди ўзгарганда (ушбу код МСОнинг аккредитация соҳасида мавжуд бўлганда).

49. Ушбу Низомнинг 48-бандида назарда тутилган ҳолларда мувофиқлик сертификатининг эгаси МСОга мувофиқлик сертификатига ўзгартириш киритиш тўғрисида мувофиқлик сертификати ва (ёки) унинг иловаларига ўзгартириш киритиш учун асос бўлган ҳужжатларни илова қилиб ёзма равишда мурожаат қилади.

Мувофиқлик сертификатини расмийлаштирган МСО мурожаатни ва ушбу банднинг биринчи хатбошисида назарда тутилган ҳужжатларни кўриб чиқади, мувофиқлик сертификатига ўзгартириш киритиш тўғрисида қарор қабул қилади ҳамда бевосита мувофиқлик сертификатининг эгасига юборади.

50. Ушбу Низомнинг 48-бандида назарда тутилган ҳолларда маҳсулотга мувофиқлик сертификатини расмийлаштирган МСО ариза олинган кундан бошлаб ўн иш куни мобайнида мувофиқлик сертификатига ва давлат реестрига тегишли ахборотларни киритади.

Электрон дастурда маҳсулотга мувофиқлик сертификатини расмийлаштирган МСО ўзгартириш киритилган мувофиқлик сертификатига «Ўзгартирилган» белгисини қўяди.

51. Ушбу Низомнинг 48-бандида назарда тутилмаган ҳолларда маҳсулотга мувофиқлик сертификати расмийлаштирган МСО қўлланилган сертификатлашшриш схемасига қараб, ушбу Низомнинг 7-бандида назарда тутилган тартиботни амалга ошириш зарурлиги тўғрисида қарор қабул қилади.

Агар мувофиқлик сертификатининг эгаси ушбу Низомнинг 7-бандида назарда тутилган тартиботни амалга ошириш шартларига рози бўлса, МСО қўлланилган сертификатлаштириш схемасига қараб мазкур Низомнинг 39-бандини ҳисобга олган ҳолда ушбу тартиботларни бажаради.

15-боб. Мувофиқлик сертификатининг амал қилишини тўхтатиб туриш ёки тугатиш

52. Мувофиқлик сертификатининг амал қилиши қуйидаги ҳолларда МСО томонидан тўхтатилади:

а) инсон ҳаёти ва (ёки) саломатлиги, мол-мулки, атроф-муҳит, ҳайвон ва (ёки) ўсимлик дунёси хавфсизлигига маҳсулот сабаб таҳдид юзага келганда;

б) маҳсулот техник регламент талабларига номувофиқ бўлганда;

в) сертификатлаштирилган маҳсулотларни даврий баҳолашнинг салбий натижалари мавжудлигида;

г) мувофиқлик сертификатининг эгаси сертификатлаштирилган маҳсулотларни даврий баҳолашни ўтказишдан бош тортганда;

д) маҳсулотнинг сертификатлаштириш вақтида тасдиқланган хавфсизлик кўрсаткичларига таъсир қилиши мумкин бўлган конструкцияси (таркиби) ёки уни ишлаб чиқариш (тайёрлаш) технологиясига ўзгартиришлар киритилганда, агар мувофиқлик сертификатининг эгаси бундай маҳсулотларни муомалага чиқаришдан олдин маҳсулотга мувофиқлик сертификатини расмийлаштирган МСОга ёзма равишда бундай ўзгаришларни тасдиқловчи ҳужжатлар (конструкторлик ҳужжатлари, чизмалар, спецификациялар)ни илова қилган ҳолда хабар бермаганда;

е) мувофиқлик сертификати эгасининг ёзма аризаси мавжуд бўлганда;

ж) мувофиқлик сертификатининг эгасида менежмент тизимининг амалдаги мувофиқлик сертификати мавжуд бўлмаганда (сертификатлаштириш схемасида назарда тутилган ҳолларда);

з) Агентликнинг Техник жиҳатдан тартибга солиш соҳасида назорат инспекцияси томонидан мувофиқлик сертификатини расмийлаштирган МСОга уларнинг амал қилишини тўхтатиб туриш тўғрисида тақдимнома киритилганда.

Қуйидаги ҳолларда тугатилади:

а) инсон ҳаёти ва (ёки) саломатлиги, мол-мулки, атроф-муҳит, ҳайвон ва (ёки) ўсимлик дунёси хавфсизлигига маҳсулот сабаб таҳдид туғдириши тасдиқланганда;

б) маҳсулотнинг техник регламент талабларига номувофиқлиги қайта баҳолашда тасдиқланганда;

в) сертификатлаштирилган маҳсулотларни даврий баҳолашнинг салбий натижалари қайта мавжудлиги тасдиқланганда;

г) маҳсулотнинг сертификатлаштириш вақтида тасдиқланган хавфсизлик кўрсаткичларига таъсир қилиши мумкин бўлган конструкцияси (таркиби) ёки уни ишлаб чиқариш (тайёрлаш) технологиясига ўзгартиришлар киритилганда, агар мувофиқлик сертификатининг эгаси бундай маҳсулотларни муомалага чиқаришдан олдин маҳсулотга мувофиқлик сертификатини расмийлаштирган МСОга ёзма равишда бундай ўзгаришларни тасдиқловчи ҳужжатлар (конструкторлик ҳужжатлари, чизмалар, спецификациялар)ни илова қилган ҳолда хабар бермаганда;

д) мувофиқлик сертификати эгасининг ёзма аризаси мавжуд бўлганда;

е) мувофиқлик сертификатининг эгасида мавжуд менежмент тизимининг амалдаги мувофиқлик сертификати янгиланмаганда (сертификатлаштириш схемасида назарда тутилган ҳолларда);

ж) мувофиқлик сертификатининг эгаси ва (ёки) ишлаб чиқарувчи ташкилот тугатилиши ёки сертификат эгасининг ташаббуси билан маҳсулот серияли ишлаб чиқаришдан тўхтатилганда;

з) маҳсулотга тааллуқли бўлган техник регламент ўзгарганда, амал қилиши тугатилганда ёки бекор қилинганда;

и) Агентликнинг Техник жиҳатдан тартибга солиш соҳасида назорат инспекцияси томонидан мувофиқлик сертификатини расмийлаштирган МСОга уларнинг амал қилишини тугатиш тўғрисида тақдимнома киритилганда.

53. Агентлик қонунчилик нормалари бузилганлиги учун маҳсулотларга расмийлаштирилган мувофиқлик сертификатлари ва мувофиқлик белгиларининг амал қилишини тўхтатиш ёки тугатиш ваколатига эга.

54. Маҳсулотга мувофиқлик сертификати уни расмийлаштирган МСО билан келишилган камчиликни тузатиш тадбирларини ишлаб чиқиш ва амалга ошириш даврида маҳсулот мувофиқлик сертификатининг амал қилишини тўхтатиб туриш тўғрисидаги қарор мувофиқлик сертификатининг эгаси тузатиш ишларини ўтказиб, аниқланган камчиликларни бартараф этиши ва маҳсулотнинг техник регламент талабларига мувофиқлигини тасдиқлаш мумкин бўлса, қабул қилинади. Агар бунинг имкони бўлмаса мувофиқлик сертификатининг амал қилиши тугатилади.

55. Мувофиқлик сертификатининг амал қилиш тўхтатилган тақдирда, маҳсулотга мувофиқлик сертификати расмийлаштирган МСО:

а) мувофиқлик сертификатини амал қилишини тўхтатиш тўғрисида қарор қабул қилади ва мувофиқлик белгисини қўллашни вақтинча тақиқлайди;

б) мувофиқлик сертификати амал қилишини тўхтатиш тўғрисида давлат реестрига маълумот киритади;

в) мувофиқлик сертификатининг эгасига камчиликларни тузатиш чораларини кўриш муддатини белгилайди;

г) мувофиқлик сертификатининг эгаси тузатиш чора-тадбирларининг бажарилишини назорат қилади.

56. Мувофиқлик сертификатининг амал қилиши тўхтатилганда мувофиқлик сертификатининг эгаси:

а) техник регламент талабларига жавоб бермайдиган маҳсулот миқдорини идентификация қилади ва аниқлайди;

б) аниқланган камчиликларни бартараф этиш бўйича тузатиш чора-тадбирларини ишлаб чиқади ва амалга оширилишини таъминлайди;

в) республика қонунчилигида белгиланган тартибда истеъмолчиларни маҳсулотлардан фойдаланиш (қўллаш) хавфи ҳақида хабардор қилади;

г) МСОга тузатиш тадбирлари бажарилганлиги тўғрисида ёзма равишда маълум қилади.

57. Мувофиқлик сертификатининг эгаси тузатиш тадбирларини якунлагандан сўнг маҳсулотга мувофиқлик сертификати расмийлаштирган МСО:

а) мувофиқлик сертификатининг амал қилишини қайта тиклаш тўғрисида қарор қабул қилади ва мувофиқлик белгисидан фойдаланишга рухсат беради;

б) мувофиқлик сертификатини қайта тиклаш ҳақида давлат реестрига маълумот киритади.

58. Агар мувофиқлик сертификатининг эгаси аниқланган камчиликларни ва уларнинг сабабларини бартараф эта олмаса ҳамда маҳсулотдан фойдаланиш (қўллаш) хавфи мавжуд бўлса, маҳсулотга мувофиқлик сертификати расмийлаштирган МСО томонидан мувофиқлик сертификатини тугатиш тўғрисида қарор қабул қилинади.

59. Агар ишлаб чиқарилган маҳсулот мувофиқлик сертификатининг эгаси унинг амал қилишини тўхтатиб туриш (қайта тиклаш) ёки тугатиш ташаббусини билдирса, сертификатни расмийлаштирган МСОга сабабларини кўрсатган ҳолда ариза беради.

Бунда ариза билан биргаликда мувофиқлик сертификати ва мувофиқлик сертификатини тўхтатиб туриш (қайта тиклаш) ёки тугатиш учун асос бўлган ҳужжатлар тақдим этилади.

60. МСО расмийлаштирилган мувофиқлик сертификатини тўхтатиб туриш (қайта тиклаш) ёки тугатиш тўғрисида қарор қабул қилади.

61. Агар маҳсулот мувофиқлик сертификатининг эгаси амал қилиши тўхтатилган мувофиқлик сертификатини қайта тиклашни талаб қилса, МСО сертификатлаштирилган маҳсулотни даврий баҳолашдан ўтказгандан сўнг мувофиқлик сертификатини қайта тиклаш тўғрисида қарор қабул қилади.

62. МСО мувофиқлик сертификатини тўхтатиб туриш (қайта тиклаш) ёки тугатиш тўғрисида давлат реестрига тегишли ёзув кириш учун Агентликка маълумот киритади.

63. Мувофиқлик сертификатининг амал қилиши давлат реестрига тегишли ахборот киритилган кундан эътиборан тўхтатилади (қайта тикланади) ёки тугатилади.

16-боб. Маҳсулотлар конструкцияси (таркиби)га ўзгартиришлар киритиш

64. Мувофиқлик сертификати расмийлаштирилган маҳсулотнинг конструкцияси (таркиби)га ёки уни ишлаб чиқариш технологиясига техник регламент талабларига мувофиқлигига таъсир қилиши мумкин бўлган ўзгартиришлар киритилганда, мувофиқлик сертификатининг эгаси ушбу маҳсулот муомалага чиқарилишидан ўттиз кун олдин мувофиқлик сертификатини расмийлаштирган МСОга киритилган ўзгартишларни тасдиқловчи ҳужжатларни илова қилган ҳолда ёзма равишда маълум қилади.

МСО мувофиқлик сертификатининг эгаси томонидан тақдим этилган ҳужжатларни таҳлил қилиш асосида хабарнома олинган кундан бошлаб ўн иш куни мобайнида маҳсулот намуна (нусха)лари синов ва ўлчашларини ўтказиш ва (ёки) ишлаб чиқаришни баҳолаш зарурлиги тўғрисида (бундай маҳсулотлар учун ишлаб чиқаришни баҳолаш сертификатлаштириш схемасида назарда тутилган бўлса) ёки бундай эҳтиёж йўқлиги тўғрисида қарор қабул қилади. МСОнинг қарори мувофиқлик сертификатининг эгасига бевосита ёки электрон почта орқали юборилади.

65. Агар МСО маҳсулот намуна (нусха)лари ва (ёки) ишлаб чиқаришни баҳолаш учун синов ва ўлчашларни ўтказишга ҳожат йўқлиги юзасидан қарор қабул қилса, мувофиқлик сертификатининг эгасига бундай қарорни олгандан кейингина конструкцияси (таркиби) ёки ишлаб чиқариш технологиясига ўзгартиришлар киритилган маҳсулотларни муомалага чиқарилишига рухсат этилади.

66. Агар МСО маҳсулот намуна (нусха)ларини синов ва ўлчашлари ва (ёки) ишлаб чиқаришни баҳолаш (ишлаб чиқаришни баҳолаш бундай маҳсулотлар учун сертификатлаштириш схемасида назарда тутилган бўлса) зарурлиги тўғрисида қарор қабул қилинса, бу ишларни амалга ошириш учун мувофиқлик сертификатининг эгаси ва МСО ўртасида шартнома тузилади (илгари шартнома тузилмаган бўлса).

Амалга оширилган ишлар натижалари бўйича МСО маҳсулот техник регламент талабларига мувофиқлиги (номувофиқлиги) тўғрисида қарор қабул қилади. Бу қарор мувофиқлик сертификатининг эгасига бевосита ёки электрон почта орқали юборилади.

Маҳсулотнинг техник регламентда белгиланган талабларга мувофиқлиги тўғрисидаги қарорда МСО ушбу маҳсулотни амалдаги мувофиқлик сертификати асосида муомалага чиқариш мумкинлиги ҳақида хабардор қилади.

Маҳсулотнинг техник регламент талабларига номувофиқлиги тўғрисидаги қарорда МСО маҳсулотни амалдаги мувофиқлик сертификати асосида муомалага чиқариш мумкин эмаслиги тўғрисида хабардор қилади ва мувофиқЛик сертификатининг эгаси МСО билан келишилган муддатларда тузатиш чораларини кўргунга қадар ушбу сертификатнинг амал қилишини тўхтатиб туради.

67. Агар мувофиқлик сертификатининг эгаси тузатиш чораларини белгиланган муддатларда амалга оширмаса, МСО мувофиқлик сертификатини тугатишга қарор қилади. Қарор мувофиқлик сертификатининг эгасига бевосита ёки электрон почта орқали юборилади.

68. МСО томонидан ушбу Низомнинг 65 — 67-бандларида назарда тутилган фаолият натижалари асосида берилган ҳужжатлар далилий ашёлар тўпламига киритилади ва мувофиқлик сертификатининг эгаси томонидан давлат назорат органларига (талабига биноан) ҳамда қонунчиликка мувофиқ бошқа манфаатдор шахсларга тақдим этилади.

17-боб. Сертификатлаштирилган маҳсулотларни даврий баҳолаш

69. Сертификатлаштирилган маҳсулотларни даврий баҳолаш — унинг мувофиқлик сертификатининг амал қилиш муддати давомида техник регламентда белгиланган ва сертификатлаштиришда тасдиқланган талабларга мувофиқ бўлиб қолишини белгилаш мақсадида ўтказиладиган тизимли баҳолашдан иборат.

70. Сертификатлаштирилган маҳсулотлар, агар бу сертификатлаштириш схемасида назарда тутилган бўлса, мувофиқлик сертификатини расмийлаштирган МСО томонидан сертификатнинг тўлиқ амал қилиш муддатида қуйидаги усулларнинг бир ёки бир нечтасида даврий баҳоланади:

а) сертификатлаштирилган маҳсулот намуна (нусха)ларини идентификация қилиш, синов ва ўлчашларини ўтказиш;

б) ишлаб чиқаришни баҳолаш.

Биринчи даврий баҳолаш маҳсулотлар сертификатлаштирилган санадан бошлаб ўн икки ойдан кечикмай ўтказилади. Кейинги даврий баҳолаш ҳар йили МСО раҳбари томонидан тасдиқланадиган даврий баҳолаш режа-жадвалига мувофиқ даврий, бироқ аввалги даврий баҳолаш ўтказилган вақтдан бошлаб ўн икки ойдан кечикмай ўтказилади.

71. Менежмент тизими мавжуд бўлиши назарда тутилган сертификатлаштириш схемалари учун сертификатлаштирилган маҳсулот МСО томонидан маҳсулот намуна (нусха)ларини синов ва ўлчашлардан ўтказиш орқали даврий баҳоланади.

72. Сертификатлаштирилган маҳсулотлар МСО томонидан СЛни жалб қилган ҳолда (зарур ҳолларда) даврий баҳоланади.

73. Сертификатлаштирилган маҳсулотлар МСО томонидан ишлаб чиқилган ва тасдиқланган сертификатлаштирилган маҳсулотларни даврий баҳолаш дастурига мувофиқ даврий баҳоланади.

74. Сертификатлаштирилган маҳсулотларни даврий баҳолаш, агар техник регламентда бошқача белгиланган бўлмаса, қуйидаги барча босқичларни ўз ичига олади:

а) сертификатлаштирилган маҳсулотларни даврий баҳолаш бўйича ишларни бажариш учун шартнома тузиш;

б) сертификатлаштирилган маҳсулотларни даврий баҳолаш учун экспертлар гуруҳи (комиссия)ни шакллантириш;

в) сертификатлаштирилган маҳсулотларни даврий баҳолаш дастурини ишлаб чиқиш ва тасдиқлаш;

г) сертификатлаштирилган маҳсулотлар ҳақидаги маълумотларни доимий таҳлил қилиш;

д) сертификатлаштирилган маҳсулотларни техник регламентда белгиланган талаблар бўйича синов дастурини ишлаб чиқиш;

е) маҳсулотни идентификация қилиш;

ж) маҳсулот намуна (нусха)ларини олиш ва уларда синов ўтказиш;

з) ишлаб чиқаришни баҳолаш (сертификатлаштириш схемасида назарда тутилган ҳолларда);

и) сертификатлаштирилган маҳсулотларни даврий баҳолаш натижалари асосида далолатномани расмийлаштириш;

к) сертификатлаштирилган маҳсулотларни даврий баҳолаш натижалари асосида қарор қабул қилиш.

75. Сертификатлаштирилган маҳсулотларни даврий баҳолаш режали ёки режадан ташқари бўлиши мумкин.

76. Сертификатлаштирилган маҳсулотлар сертификатлаштириш шаклларига мувофиқ маҳсулот намуна (нусха)ларини идентификация қилиш, уларни синов ва ўлчашлардан ўтказиш, ишлаб чиқаришни баҳолаш йўли билан режали даврий баҳоланади.

77. Сертификатлаштирилган маҳсулотларни даврий баҳолаш давомида маҳсулотлар ушбу Низомнинг 4-бобига мувофиқ идентификация қилинади ва ундан намуна (нусха) олинади.

78. Сертификатлаштирилган маҳсулотларни даврий баҳолаш даврида ушбу Низомнинг 9-бобига мувофиқ ишлаб чиқариш баҳоланади.

79. Сертификатлаштирилган маҳсулотларни ишлаб чиқариш тўхтатилганда ва (ёки) синов ва ўлчашларни ўтказиш учун маҳсулот намуна(нусха)лари етарли бўлмаганда, мувофиқлик сертификатининг эгаси бу ҳақда МСОни ёзма равишда хабардор қилади.

МСО олинган хабарнома асосида сертификатлаштирилган маҳсулотни белгиланган тартибда даврий баҳолашдан ўтказиш учун шарт-шароит яратилгунга қадар мувофиқлик сертификатининг амал қилиш муддатини тўхтатиш юзасидан уч иш кунида қарор қабул қилади, бу ҳақда мувофиқлик сертификатининг эгаси, Агентлик ва тегишли идораларни хабардор қилади.

80. Сертификатлаштирилган маҳсулотларни даврий баҳолаш натижалари тегишли далолатнома билан расмийлаштирилади ва бир нусхаси мувофиқлик сертификатининг эгасига берилади.

81. Сертификатлаштирилган маҳсулотларни даврий баҳолаш натижалари асосида МСО қуйидаги қарорлардан бирини қабул қилади:

а) мувофиқлик сертификатининг амал қилиши тасдиқлаш;

б) мувофиқлик сертификатининг амал қилишини тўхтатиб туриш;

в) мувофиқлик сертификатининг амал қилишини тугатиш.

82. Мувофиқлик сертификатининг амал қилишини тасдиқлаш тўғрисидаги қарор, сертификатлаштирилган маҳсулотларни даврий баҳолаш натижалари ижобий бўлганда қабул қилинади ва мувофиқлик сертификатининг эгаси ушбу қарор билан таништирилади.

83. Қуйидагилар маҳсулот мувофиқлик сертификатининг амал қилишини тўхтатиб туриш тўғрисидаги қарор қабул қилишга асос ҳисобланади:

ишлаб чиқарувчининг ёзма мурожаати;

ишлаб чиқарувчининг режали даврий баҳолаш ўтказиш бўйича ишларга ҳақ тўлашдан бош тортиши;

мувофиқлик сертификати эгаси томонидан белгиланган тартибда даврий баҳолаш ўтказиш учун шарт-шароит яратилмаслиги;

даврий баҳолашдан ўтказиш жараёнида аниқланган номувофиқликлар.

МСО мувофиқлик сертификатининг амал қилишини тўхтатиш тўғрисида қарор қабул қилганда мувофиқлик сертификати эгаси МСО билан келишган ҳолда, маҳсулот техник регламент талабларига номувофиқлиги сабабларини бартараф этиш бўйича тузатиш тадбирлари режасини ишлаб чиқади ва уни амалга ошириш муддатларини белгилайди.

84. Мувофиқлик сертификати эгаси томонидан тузатиш тадбирларини амалга ошириши ва ушбу номувофиқликлар амалда бартараф этилганлиги МСО томонидан тасдиқланганда, мувофиқлик сертификатининг амал қилиши белгиланган тартибда тасдиқланади.

85. Қуйидагилар МСО томонидан мувофиқлик сертификатининг амал қилишини тугатиш тўғрисида қарор қабул қилишга асосан бўлади:

мувофиқлик сертификати эгаси томонидан тузатиш тадбирларида келтирилган номувофиқликлар белгиланган муддатларда бартараф этилмаганлиги;

ишлаб чиқарувчининг ёзма мурожаати;

синов натижасига кўра сертификатланган маҳсулот техник регламентларда белгиланган талабларга номувофиқлиги;

маҳсулот ишлаб чиқариш жойи ўзгариши;

мувофиқлик сертификати расмийлаштирилган маҳсулотнинг (товарнинг), техник регламенти ўзгариши;

даврий баҳолаш жараёнида тўғрилаб бўлмас камчиликлар аниқланиши.

Мувофиқлик сертификатининг амал қилишини тугатиш тўғрисида қарор қабул қилинганда, МСО мувофиқлик сертификатининг эгасини, Агентликни ва тегишли идораларни ушбу қарор билан таништиради.

86. МСО томонидан мувофиқлик сертификатини тўхтатиб туриш, қайта тиклаш ёки тугатиш тўғрисидаги маълумотлар 2 иш кунида мувофиқлик сертификатининг эгасига етказилади ва давлат реестрга маълумот киритиш учун Агентликка ҳамда маълумот тариқасида солиқ ва божхона органларига, шунингдек, оммавий ахборот воситалари ва тегишли вазирлик, идораларга бевосита ёки электрон почта орқали ёки тегишли электрон тизим орқали юборади.

87. Сертификатлаштирилган маҳсулотлар истеъмолчилар ва (ёки) давлат назорати органларидан маҳсулот хавфсизлигига эътироз мавжудлиги тўғрисидаги маълумотлар олинганда МСО томонидан режадан ташқари даврий баҳоланади.

Амал қилиш муддати якунига етаётган мувофиқлик сертификатини қайта расмийлаштириш юзасидан ушбу сертификатни расмийлаштирган МСОга ариза йўлланганда, МСО ушбу маҳсулотни мувофиқлигини баҳолашда сўнгги даврий баҳолашнинг ижобий натижаларини, агар унинг амалга оширилганига бир йилдан ошмаган бўлса, ҳисобга олиши мумкин.

18-боб. Мувофиқлик сертификатини расмийлаштириш учун асос бўлган ҳужжатларни шакллантириш ва сақлаш

88. МСОлар расмийлаштирилган мувофиқлик сертификати ҳақидаги маълумотларни давлат реестрига киритгандан сўнг МСО ва мувофиқлик сертификатининг эгаси маҳсулотнинг техник регламент талабларига мувофиқлигини тасдиқловчи (техник регламентда бошқа тартиб белгиланган бўлмаса), қўлланилган сертификатлаштириш схемасига қараб, қуйидагиларни ўз ичига оладиган ҳужжатлар тўпламини электрон дастурда шакллантиради;

а) маҳсулотларга техник ҳужжатлар (лойиҳавий ва (ёки) конструкторлик ва (ёки) технологик ва (ёки) фойдаланиш ҳужжатлари ва (ёки) техник тавсифлар нусхалари);

б) стандартлар тўпламига киритилган стандартлар рўйхати (уларнинг номи ва белгиланиши, агар техник регламент талабларига риоя қилиш стандартни тўлиқ эмас балки алоҳида бўлим, боб ва бандларини қўллаш орқали таъминланадиган бўлса, ушбу бўлим, боб ва бандлар) (ариза берувчи томонидан қўлланилса);

в) агар техник регламентлар талабларига риоя қилинишини таъминлайдиган, ихтиёрий равишда қўлланиладиган стандартлар қўлланмаган ёки улар мавжуд бўлмаса, техник регламентлар талабларига мувофиқликни тасдиқловчи қабул қилинган техник ечимлар ва хавфни баҳолаш натижалари тавсифи;

г) маҳсулот намуна(нусха)ларини идентификация қилиш ва (ёки) танлаш тўғрисидаги далолатнома(лар);

д) маҳсулотнинг техник регламент талабларига мувофиқлигини тасдиқловчи синов ва ўлчашларнинг баённомалари (сертификатлаштириш схемасида назарда тутилган ҳолларда) ҳамда агар техник регламентда назарда тутилган бўлса тегишли фотосурат ва (ёки) видеотасвирлар;

е) менежмент тизимининг мувофиқлик сертификатИ нусхаси (сертификатлаштириш схемасида назарда тутилган ҳолларда);

ж) маҳсулот ишлаб чиқаришда қўлланиладиган муҳим компонентлар, хомашё, материаллар ёки бутловчи буюмларнинг мувофиқлик сертификатлари ёки синов ва ўлчашларининг баённомалари (мавжуд бўлса);

з) шартнома (келишув) ва юкка илова қилинадиган ҳужжатларнинг нусхалари (сертификатлаштириш схемасида назарда тутилган ҳолларда);

и) республика ҳудудига етказиб берилган маҳсулотнинг техник регламент талабларига мувофиқлигининг таъминланиши ва бундай маҳсулотларнинг белгиланган талабларга мос келмаслиги учун жавобгарлик кўзда тутилган (ишлаб чиқарувчи ваколатлаган шахс учун) ишлаб чиқарувчи (шу жумладан, хорижий ишлаб чиқарувчи) билан келишув нусхаси;

к) ишлаб чиқаришни баҳолаш натижалари тўғрисида далолатнома (сертификатлаштириш схемасида назарда тутилган ҳолларда);

л) ариза берувчи томонидан тақдим этилган маҳсулотнинг техник регламент талабларига мувофиқлигининг тасдиқловчи бошқа ҳужжатлар;

м) мувофиқлик сертификати;

н) ариза берувчининг қонунчиликка мувофиқ давлат рўйхатидан ўтиш пайтида юридик шахс ёки якка тартибдаги тадбиркор сифатида рўйхатдан ўтган жисмоний шахсга тайинланган рўйхатга олиш ёки ҳисобга олиш (жисмоний шахс, идентификация) рақами тўғрисидаги маълумотлар.

89. Электрон дастурга киритилмаган ҳужжатлар тўплами чоп этилган шаклда мазкур Низомнинг 91-бандида белгиланган муддатларда МСОда сақланиши таъминланади.

90. Маҳсулотнинг мувофиқлигини тасдиқловчи ҳужжатлар тўплами билан биргаликда сақлаш муддатлари техник регламентларда белгиланади.

91. Агар мувофиқлик сертификати уни расмийлаштириш асос бўлган ҳужжатлар тўпламлари билан биргаликда сақлаш муддатлари техник регламентларда белгиланмаган бўлса, мувофиқлик сертификатининг амал қилиш муддати тугаган кундан бошлаб камида бир йил давомида МСО сақланади.

92. Мувофиқлик сертификати ҳужжатлар тўплами ариза берувчи ва (ёки) МСО томонидан республикада давлат назоратини ўтказиш, шунингдек, техник регламент талабларига риоя қилиниши устидан назорат учун масъул бўлган давлат назорати органларига ҳамда бошқа манфаатдор шахсларга уларнинг асосли талабига биноан тақдим этилади.

19-боб. Маҳсулотларни сертификатлаштириш схемалари қўлланиши

93. Маҳсулотлар куйидаги келтирилган сертификатлаштириш схемаларига асосан, мазкур Низомга 2-иловада келтирилган амалларни бажариш асосида сертификатлаштирилади:

1С схема — серияли ишлаб чиқариладиган маҳсулотларни сертификатлаштиришда қўлланилади. Бунда ариза берувчи ишлаб чиқарувчи (ишлаб чиқарувчи ваколатлаган шахс) ҳисобланади ва сертификатланган маҳсулотларни мувофиқлик белгиси билан тамғаланишини таъминлайди;

2С схема — ишлаб чиқарувчида менежмент тизимларининг сертификати мавжуд бўлган туркум ишлаб чиқарилган маҳсулотлар учун қўлланилади. Бунда ариза берувчи ишлаб чиқарувчи (ишлаб чиқарувчи ваколатлаган шахс) ҳисобланади ва сертификатланган маҳсулотларни мувофиқлик белгиси билан тамғаланишини таъминлайди;

3С схема — маҳсулотлар тўпи учун қўлланилади. Бунда ариза берувчи ишлаб чиқарувчи (ишлаб чиқарувчи ваколатлаган шахс) ёки сотувчи (импорт қилувчи) ҳисобланади ва сертификатланган маҳсулотларни мувофиқлик белгиси билан (импорт қилинган маҳсулотлар ариза берувчига қулай шаклда) тамғаланишини таъминлайди. Маҳсулотлар Ўзбекистон Республикаси ҳудудига кириб келгунга қадар мазкур схема орқали сертификатлаштирилиши мумкин. Бунда сертификатлаштирилаётган маҳсулотнинг танлаб олинган намуналарига ва уларни сертификатлаштириш органига етказиб беришга ариза берувчи масъул ҳисобланади.

3А схема — айнан бир хил товарларга битта ташқи савдо шартномаси (контракти) доирасида келтирилган маҳсулотни (транспорт воситаларидан ташқари) сертификатлаштиришда мувофиқлик сертификати бир календарь йилдан ошмаган муддатга бир маротаба тақдим этишда қўлланилади ва сертификатланган маҳсулотларнинг мувофиқлик белгиси билан (импорт қилинган маҳсулотлар ариза берувчига қулай шаклда) тамғаланишини таъминлайди;

4С схема — ягона (битта) буюм учун, техник регламентда белгиланган синов ва ўлчашларни ўтказиш жараёнида ушбу буюмга путур етказилмаса қўлланилади. Бунда ариза берувчи ишлаб чиқарувчи (ишлаб чиқарувчи ваколатлаган шахс) ёки сотувчи (импорт қилувчи) ҳисобланади;

5С схема — тайёр маҳсулотнинг синов ва ўлчашларда техник регламент талабларига мувофиқлигини тўлиқ тасдиқлаш имкони мавжуд бўлмаган туркум ишлаб чиқариладиган маҳсулотлар учун қўлланилади. Бунда ариза берувчи ишлаб чиқарувчи (ишлаб чиқарувчи ваколатлаган шахс) ҳисобланади ва сертификатланган маҳсулотларни мувофиқлик белгиси билан тамғаланишини таъминлайди;

6С схема — тайёр маҳсулотнинг синов ва ўлчашларида техник регламент талабларига мувофиқлигини тўлиқ тасдиқлаш имкони мавжуд бўлмаганда ҳамда ишлаб чиқарувчида менежмент тизимларининг сертификати мавжуд бўлган туркум ишлаб чиқарилган маҳсулотлар учун қўлланилади. Бунда ариза берувчи ишлаб чиқарувчи (ишлаб чиқарувчи ваколатлаган шахс) ҳисобланади ва сертификатланган маҳсулотларни мувофиқлик белгиси билан тамғаланишини таъминлайди;

7С схема-серияли ишлаб чиқаришга мўлжалланган маҳсулотлар учун маҳсулот модификацияларини чиқариш режалаштирилган ҳолларда қўлланилади. Бунда ариза берувчи ишлаб чиқарувчи (ишлаб чиқарувчи ваколатлаган шахс) ҳисобланади ва сертификатланган маҳсулотларни мувофиқлик белгиси билан тамғаланишини таъминлайди;

8С схема — серияли ишлаб чиқариш учун мўлжалланган маҳсулот модификацияларини чиқариш режалаштирилган ва ишлаб чиқарувчида менежмент тизимларининг сертификати мавжуд бўлган туркум ишлаб чиқарилган маҳсулотлар учун қўлланилади. Бунда ариза берувчи ишлаб чиқарувчи (ишлаб чиқарувчи ваколатлаган шахс) ҳисобланади ва сертификатланган маҳсулотларни мувофиқлик белгиси билан тамғаланишини таъминлайди;

9С схема — республика ҳудудидаги корхоналарни жиҳозлаш учун мўлжалланган ягона (битта) буюмларга қўлланилади. Мазкур схема бўйича сертификатлаштириш техник ҳужжатларни таҳлил қилиш асосида амалга оширилади. Бунда ариза берувчи ишлаб чиқарувчи (ишлаб чиқарувчи ваколатлаган шахс) ёки сотувчи (импорт қилувчи) ҳисобланади.

20-боб. Ахборот таъминоти

94. МСО расмийлаштирилган, тасдиқланган, амал қилиши тўхтатилган ва тугатилган сертификатларни, шунингдек, сертификат беришни рад этилган ҳолатларни ҳисобини олиб боради ҳамда улар тўғрисидаги ахборотни ҳар ойда Агентликка тақдим этади. МСО манфаатдор ташкилотларни ўз фаолияти ҳамда расмийлаштирилган сертификатлар тўғрисида хабардор қилади.

95. Агентлик қуйидаги маълумотларни ўз веб-сайтида жойлаштиради:

мувофиқлик сертификати берилган маҳсулотлар Давлат реестри;

амал қилиши тўхтатилган ва тугатилган мувофиқлик сертификатлари.

21-боб. Аппеляцияларни кўриб чиқиш

96. Манфаатдор томонлар сертификатлаштириш натижаларидан норози бўлган тақдирда, Агентликнинг Аппеляция кенгашига ёки бевосита судга мурожаат қилишга ҳақли.

97. Агентликнинг Аппеляция кенгаши МСО ва СЛ қарорларига нисбатан норозиликларни кўриб чиқади. Апелляция комиссияси таркиби ва тартиби Агентлик раҳбарининг буйруғи билан тасдиқланади.

Апелляция комиссияси берилган апелляцияни кўриб чиқади ва қабул қилинган қарор тўғрисида ариза берувчига ёзма равишда маълум қилади.

98. Манфаатдор томонлар Агентликнинг Апеляция кенгаши қарори бўйича қонунда белгиланган тартибда судга шикоят этишлари мумкин.

22-боб. Якунловчи қоидалар

99. Агентлик ёки Техник жиҳатдан тартибга солиш соҳасида назорат инспекцияси МСОлардан мувофиқлик сертификати ва уни расмийлаштириш учун асос бўлган ҳужжатлар тўпламларини сўраб олиши мумкин.

Агентлик электрон тизим орқали МСО томонидан расмийлаштирилган ва (ёки) расмийлаштирилаётган мувофиқлик сертификатлари мониторингини доимий амалга ошириб боради, номувофиқликлар аниқланганда улар бартараф қилингунга қадар тегишли МСОларни электрон тизимдан узиб қўйиш ваколатига эга.

100. Мувофиқлик сертификатида кўрсатилган маълумотларнинг ҳаққонийлигига ва мазкур Низом талабларининг бузилишига жавобгарлик МСОга юкланади.

101.Ушбу Низомнинг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Маҳсулотларни сертификатлаштириш тартиби тўғрисида низомга 1-ИЛОВА

Маҳсулотларни сертификатлаштиришдан ўтказиш

Босқичлар Субъектлар Тадбирлар Бажариш муддатлари 1-босқич Ариза берувчи Маҳсулотни сертификатлаштиришдан ўтказиш учун ҳужжатлар тўпламини шакллантиради. Сертификатлаштириш органига маҳсулотни сертификатлаштиришдан ўтказиш учун ариза беради. Ариза берувчининг хоҳишига кўра 2-босқич Сертификатлаштириш органи 1. Тақдим этилган ҳужжатлар ҳамда маълумотларнинг тўлиқлиги юзасидан аризани қуйидагича ўрганади: а) ижобий натижа бўлганда маҳсулотни сертификатлаштириш юзасидан қарор қабул қилади ва шартнома тузади; 1 иш куни мобайнида б) ҳужжатлар тўлиқ бўлмаганда ҳужжатларни қайтаради. 1 иш куни мобайнида 2. Маҳсулотни сертификатлаштириш учун шартномага асосан ҳақ тўлангандан кейин маҳсулотларни идентификация қилади, намуна олади ҳамда ИМОга бўлган ҳуқуқларни ўрганади, текширади (сертификатлаштириш чизмасида белгиланганда). 1 иш куни мобайнида 3. Маҳсулот лойиҳаси тадқиқотини ўтказади (сертификатлаштириш чизмасида белгиланганда). 3 иш куни мобайнида 4. Маҳсулот турини ўрганиш бўйича тадқиқот ўтказади (сертификатлаштириш чизмасида белгиланганда). 10 иш куни мобайнида 5. Идентификация қилиш ва намуна олиш, ИМО ёки маҳсулот лойиҳаси тадқиқотини ўтказиш ёки маҳсулот турини ўрганиш жараёнларида, номувофиқлик аниқланган тақдирда, бу ҳақда ариза берувчини уларни бартараф этиш учун хабардор қилади. 10 иш куни мобайнида 6. Идентификация қилиш ва намуна олиш, ИМО ёки маҳсулот лойиҳаси тадқиқотини ўтказиш ёки маҳсулот турини ўрганиш жараёнлари бўйича аниқланган номувофиқликлар бартараф этилмаган тақдирда, рўйхатга олиш ишини тўхтатиб туради. 1 ойгача (ариза берувчи тайёрлиги натижалари бўйича) 7. Белгиланган муддатларда номувофиқликлар бартараф этилганлиги ҳақида маълумот ва тасдиқловчи ҳужжатлар тақдим этилмаганда сертификатлаштириш органи ариза берувчига сертификатлаштириш ишларини тугатиш тўғрисида хабарнома юборади. 3 иш куни мобайнида 3-босқич Сертификатлаштириш органи Идентификация қилиш ва намуна олиш жараёнида камчиликлар аниқланмаганда, шунингдек, белгиланган муддатларда камчиликлар бартараф этилганлиги ҳақида маълумот ва тасдиқловчи ҳужжатлар тақдим этилганда танлаб олинган намуналар, далолатнома билан аккредитация қилинган синов лабораториясига юборади. 1 иш куни мобайнида Синов лабораторияси Танлаб олинган намуналарни техник регламентларда белгиланган тартибда, синовдан ўтказади. Синовлар давомийлигидан келиб чиқиб Олинган синов натижаларини баённома кўринишида расмийлаштириб, сертификатлаштириш органига тақдим қилади. 1 иш куни мобайнида Сертификатлаштириш органи Ишлаб чиқариш баҳолашдан ўтказади ва натижалар бўйича далолатнома расмийлаштиради (сертификатлаштириш чизмасида белгиланганда). 10 иш куни мобайнида Ишлаб чиқаришни баҳолаш жараёнида номувофиқлик аниқланса, аниқланган номувофиқликларни бартараф этиш тўғрисида ариза берувчига хабарнома юборади. 2 иш куни мобайнида Ишлаб чиқаришни баҳолаш жараёнида аниқланган камчиликлар бартараф этилмаган тақдирда, сертификатлаштиришни тўхтатиб туради. 1 ой мобайнида (ариза берувчи хоҳишига кўра) Белгиланган муддатларда камчиликлар бартараф этилганлиги ҳақида маълумот ва тасдиқловчи ҳужжатлар тақдим этилганда, сертификатлаштириш органи уни кўриб чиқади ҳамда ариза бўйича ишларни, тўхтатиш ёки давом эттириш юзасидан қарор қабул қилади. 2 иш куни мобайнида Белгиланган муддатларда камчиликлар бартараф этилмаганда сертификатлаштириш органи ариза берувчига сертификатлаштириш ишлари тугатилганлиги тўғрисида хабарнома юборади. 2 иш куни мобайнида Ариза берувчи Ишлаб чиқаришни баҳолаш жараёнида номувофиқликлар аниқланганда, номувофиқликни бартараф этади ва тасдиқловчи ҳужжатлар билан сертификатлаштириш органига маълумотларни тақдим этади. 1 ой мобайнида (ариза берувчи хоҳишига кўра) 4-босқич Сертификатлаштириш органи Сертификатлаштириш органи, идентификация қилиш ва намуна олиш далолатномаси, маҳсулот лойиҳаси тадқиқотини ўтказиш бўйича хулоса, маҳсулот турини ўрганиш бўйича хулоса, синов баённомалари, ишлаб чиқаришни баҳолаш далолатномаси ҳамда тақдим қилинган ҳужжатлар мажмуи асосида мувофиқлик сертификатини бериш тўғрисида қарор қилади. 2 иш куни мобайнида Маҳсулотнинг синов ва ўлчашлар даврида бутунлай ёки қисман бузилган, шунингдек, синаш даврида бузилмаган маҳсулот бўйича ҳисобдан чиқарилганлиги (қайтариб берилганлиги) тўғрисидаги далолатномани расмийлаштирилади. 2 иш куни мобайнида Ижобий қарор қабул қилинса маҳсулотларга мувофиқлик сертификати расмийлаштирилади ва реестрга маълумотлар киритади. 3 иш куни мобайнида

Маҳсулотларни сертификатлаштириш тартиби тўғрисида низомга 2-ИЛОВА

Маҳсулотларни сертификатлаштириш

Схема рақами Маҳсулотни идентификация қилиш Маҳсулотдан намуна (нусха) танлаб олиш Маҳсулотнинг ИМОга бўлган ҳуқуқларни ўрганиш ва текшириш Маҳсулотнинг синов ва ўлчашларини ўтказиш Маҳсулот лойиҳасини ўрганиш бўйича тадқиқот Маҳсулот турини ўрганиш бўйича тадқиқот Ишлаб чиқариш назорати (ариза берувчи томонидан) Ишлаб чиқаришни баҳолаш (сертификатлаштириш органи томонидан) Сертификатлаштирилган маҳсулотни даврий баҳолаш 1С + + + + + + + 2С + + + + + + + 3С + + * + + * 4С + + 5С + + + + + + 6С + + + + + + 7С + + + + + 8С + + + + + 9С + +

Маҳсулотларни сертификатлаштириш тартиби тўғрисида низомга 3-ИЛОВА

__________________________________ (сертификатлаштириш органи номи) __________________________________ (сертификатлаштириш органи манзили) Маҳсулотни сертификатлаштириш учун АРИЗА __________________________________________________________________________________________ (ариза берувчининг номи (ишлаб чиқарувчи, етказиб берувчи ёки якка тартибдаги тадбиркорнинг Ф.И.О.)) ___________________________________________________________________________________________ (ариза берувчининг манзили) номидан ____________________________ шуни маълум қиладики, __________________________________ (раҳбарнинг Ф.И.О.) ___________________________________________________________________________________________ (маҳсулотнинг номи, тури, ТИФ ТН коди, серияли ёки туркум ишлаб чиқарилган, ҳар бир маҳсулот (битта ишлаб чиқариш учун) ___________________________________________________________________________________________ __________________________________________________________________ га асосан ишлаб чиқарилади, (ишлаб чиқарувчи ҳужжатларининг номи) ___________________________________________________________________ талабларига жавоб беради (норматив ҳужжатнинг номи ва рақами) ва ушбу маҳсулотларни кўрсатилган ҳужжатлар талабларига мувофиқлигини қўйидаги схемага асосан сертификатлаштиришни сўрайди: ___________________________________________________________________________________________ (сертификатлаштириш схемаси рақами) Қўшимча маълумотлар ______________________________________________________________________ (хулосалар ва бошқа ҳужжатларнинг мавжудлиги кўрсатилади) Ариза берувчи ____________________ ___________________________ (имзо) (Ф.И.О.) Сана

Маҳсулотларни сертификатлаштириш тартиби тўғрисида низомга 4-ИЛОВА

_______________________________________ (сертификатлаштириш органи номи) _______________________________________ (сертификатлаштириш органи манзили) «ТАСДИҚЛАЙМАН» Сертификатлаштириш органи раҳбари ___________ __ _____________________ (имзо) ____________ (Ф.И.О.) ______ 20____ й. ____ ____________ муҳр Сертификатлаштириш бўйича ариза юзасидан ҚАРОР 20 ___ й., ___ __________даги ____-сон Аризани кўриб чиқиб ________________________________________________ сертификатлаштириш учун (ишлаб чиқарувчининг, етказиб берувчининг номи) ____________________________________________________________________________ маълум қиламиз: (маҳсулот номи, ТИФ ТН код) 1. Сертификатлаштириш қуйидаги схемага мувофиқ амалга оширилади ____________________________ ; (схемаси рақами) 2. Сертификатлаштириш учун синовлар _______________________________________________________ ________________________________________________________________________ да ўтказилиши керак; (аккредитациядан ўтган синов лабораторияси номи) ___________________________________________________________________________________________ (манзили) 3. Сертификатлаштириш ______________________________________ талабларига мувофиқ ўтказилади; (НҲнинг номланиши ва белгиланиши) 4. Ишлаб чиқаришни баҳолаш ____________________________________________________ да ўтказилади; (корхонанинг номи) _____________________________ ___________ __________________________________________________ _______ (манзили) _______________________________________ (ишлаб чиқаришни баҳолаш тури) _________ 5. Иш учун тўлов шакли _____________________________________________________________________ ; (тадбиркорлик шартномаси, тарифлар ва бошқа тўлов турлари бўйича) 6. Сертификатлаштириш мақсадида ________________________________________ ни топшириш керак. (зарур ҳужжатлар кўрсатилиши керак)

Маҳсулотларни сертификатлаштириш тартиби тўғрисида низомга 5-ИЛОВА

(Олд тарафи) Намуналарни идентификация қилиш ва танлаб олиш ДАЛОЛАТНОМАСИ 20___ й. «____» ___________ Ишлаб чиқарувчининг (ариза берувчининг) номи __________________________________________________ ___________________________________________________________________________________________ Намуналар олинган ташкилотнинг номи ва манзили ______________________________________________ ___________________________________________________________________________________________ Маҳсулот турининг номи ва МХИК коди (қонунчилик белгиланган маҳсулот турига) __________________ ___________________________________________________________________________________________ Ўлчов бирлиги ______________________________________________________________________________ Партия ҳажми _____________________________________________________________________________ Партияни ташқи текшириш натижаси ________________________________________________________ (қадоқлаш, ёрлиқлаш ҳолати) ___________________________________________________________________________________________ Ишлаб чиқарилган сана ______________________________________________________________________ Олинган намуналар сони _____________________________________________________________________ (бирликни қадоқлаш ҳолати) (синов учун) ________________________________________________________________________________ (назорат намуналари учун) ___________________________________________________________________ Намуна олиш мақсади: норматив ҳужжатларда белгиланган талабларга мувофиқ маҳсулотларни хавфсизлик кўрсаткичлари бўйича синовдан ўтказиш. Намуна олиш жойи ва санаси _________________________________________________________________ ___________________________________________________________________________________________ Имзолар: Ишлаб чиқарувчидан (ариза берувчидан) _______________ _____________________ имзо Ф.И.О. Сертификатлаштириш органидан _______________ _____________________ имзо Ф.И.О. Божхона пости инспектори _______________ _____________________ имзо Ф.И.О.

(Орқа тарафи) МАҲСУЛО Г ИДЕНТИФИКАЦИЯСИ: Номи (марка, модель, тур, синф мавжуд бўлса) __________________________________________________ ___________________________________________________________________________________________ Ишлаб чиқарувчи (мамлакат ва корхона) _______________________________________________________ ___________________________________________________________________________________________ Қадоқ ва ёрлиқ ҳақида маълумот ______________________________________________________________ __________________________________________________________________________________________ Мақсад / мўлжалланган _____________________________________________________________________ ___________________________________________________________________________________________ Асосий хусусиятлари ________________________________________________________________________ ___________________________________________________________________________________________ Сақлаш шартлари __________________________________________________________________________ ___________________________________________________________________________________________ Ишлаб чиқарилган сана ______________________________________________________________________ ___________________________________________________________________________________________ Сақлаш муддати ____________________________________________________________________________ ___________________________________________________________________________________________ Қўшимча маълумотлар (мавжуд бўлганда) ______________________________________________________ ___________________________________________________________________________________________ Имзолар: Сертификатлаштириш органидан _______________ _____________________ имзо Ф.И.О. Божхона пости инспектори _______________ _____________________ имзо Ф.И.О. Ишлаб чиқарувчидан (ариза берувчидан) _______________ _____________________ имзо Ф.И.О.

Маҳсулотларни сертификатлаштириш тартиби тўғрисида низомга 6-ИЛОВА

МАҲСУЛОТЛАРНИ ҲИСОБДАН ЧИҚАРИШ (ҚАЙТАРИШ) ТЎҒРИСИДА ДАЛОЛАТНОМА 20 ____ й. «____» __________дан _________________________________________________________________________________________ (юридик ва жисмоний шахснинг номи) _________________________________________________________________________________________ (аризанинг санаси ва рақами) Бу далолатнома 20___ й., «___» ___________ даги ____________-сон намуналарни танлаб олиш далолатномасига мувофиқ танлаб олинган маҳсулот намуналари:  синов даврида бутунлай бузилган;  синов даврида йўқ қилинмаган ёки қисман бузилган, ариза берувчига қайтарилганлиги тўғрисида тузилган. Ишлаб чиқарувчидан (ариза берувчидан) _____________ _______________________ имзо Ф.И.О. Сертификатлаштириш органидан _____________ _______________________ имзо Ф.И.О.

Маҳсулотларни сертификатлаштириш тартиби тўғрисида низомга 7-ИЛОВА

__________________________________ (Сертификатлаштириш органи номи) __________________________________ (Сертификатлаштириш органи манзили) «ТАСДИҚЛАЙМАН» Сертификатлаштириш органи раҳбари ___________ _ ___________________ ____ (имзо) __________ (Ф.И.О.) _______ 20____ й. ____ __________ муҳр Сертификатлаштириш натижаси юзасидан ҚАРОР 20____ й. «_____» ____________ _____-сонли 1. Сертификатлаштирилаётган маҳсулотларнинг синов баённомаларини таҳлилли. 2. Ишлаб чиқаришни баҳолаш бўйича хулосалар (агар сертификатлаштириш схемасида назарда тутилган бўлса). 3. Ҳужжатларнинг тўлиқлиги асосида мувофиқлик сертификати бериш / рад этиш (тегишлиги тагига чизинг) ___________________________________________________________________________________________ (маҳсулот(лар) номи) ___________________________________________________________________________________________ (жисмоний ёки юридик шахс номи) Рад этиш сабаби ____________________________________________________________________________ ___________________________________________________________________________________________ ___________________________________________________________________________________________ ___________________________________________________________________________________________ Эксперт _______________ _________________________ (имзо) (Ф.И.О.)

Маҳсулотларни сертификатлаштириш тартиби тўғрисида низомга 8-ИЛОВА

ЎЗБЕКИСТОН РЕСПУБЛИКАСИ СЕРТИФИКАТЛАШТИРИШ МИЛЛИЙ ТИЗИМИ (Сертификатлаштириш идорасининг номи, манзили, Давлат реестридаги рақами) МУВОФИҚЛИК СЕРТИФИКАТИ йилдан сон билан (миллий мувофиқлик белгиси) Давлат реестрида рўйхатга олинган Амал қилиш муддати йилгача ТИФ ТН коди (маълумот учун) (ташкилот номи, ишлаб чиқарувчи мамлакат) Ушбу сертификат тегишли равишда идентификация қилинган маҳсулот: (номи, тури, хили, русуми) (миқдори ёки серияли ишлаб чиқарилиши) норматив ҳужжат талабларига мувофиқлигини тасдиқлайди. Сертификатлаштириш схемаси: Мурожаатчи (ишлаб чиқарувчи, сотувчи): (кераклиси тагига чизилсин) (амалдаги ва юридик манзили) Сертификат қуйидагиларга асосан берилди: а) ҳужжатлар б) намуналар синови в) ишлаб чиқаришни текшириш далолатномаси Инспекцион назоратни даврийлик билан амалга оширади. Алоҳида ёзувлар: Мувофиқлик белгиси қўйилади: Сертификатлаштириш органи раҳбари (электрон имзо) (Ф.И.О.) Эксперт (электрон имзо) (Ф.И.О.)

Вазирлар Маҳкамасининг 2024 йил 14 августдаги 502-сон қарорига 4-ИЛОВА

Менежмент тизимларини сертификатлаштириш тартиби тўғрисида

1-боб. Умумий қоидалар

1. Ушбу Низом Ўзбекистон Республикасининг « Техник жиҳатдан тартибга солиш тўғрисида » ва « Мувофиқликни баҳолаш органларини аккредитация қилиш тўғрисида » қонунларига асосан менежмент тизимларини сертификатлаштириш тартибини белгилайди.

2. Менежмент тизимларини сертификатлаштиришнинг схемалари, услублари ва тартиблари техник жиҳатдан тартибга солиш соҳасидаги норматив ҳужжатлар ҳамда ушбу Низом талабларига мувофиқ белгиланади.

Менежмент тизимларининг мувофиқлигини баҳолаш ишларини амалга оширишда ушбу Низомда белгиланган тартиб билан бир қаторда менежмент тизимларини сертфикатлаштириш фаолиятини тартибга солувчи халқаро стандартлар туркумида назарда тутилган талаблар, муайян менежмент тизими учун белгиланган алоҳида қоидалар, менежмент тизимларини сертификатлаштириш соҳасида халқаро ташкилотлар томонидан умумэътироф этилган тамойиллар инобатга олинади.

3. Менежмент тизимлари белгиланган тартибда аккредитациядан ўтган менежмент тизимларини сертификатлаштириш органлари (кейинги ўринларда — МТСО) томонидан уларнинг аккредитацияси доирасида сертификатлаштирилади.

Менежмент тизимларини сертификатлаштиришда ариза берувчи, бир нечта МТСО мавжуд бўлса, ўз танловига биноан улардан бирига мурожаат қилиш ҳуқуқига эга.

2-боб. Асосий тушунчалар

4. Ушбу Низомда қуйидаги асосий тушунчалардан фойдаланилади:

ариза берувчи — менежмент тизимларини сертификатлаштиришга талабгор бўлган юридик шахс;

ахборот тизими — маҳсулот ва хизматларга мувофиқлик сертификатини расмийлаштириш ва электрон реестрни юритиш ахборот тизими;

менежмент тизимларини сертификатлаштириш органи (МТСО) — қонунчиликда белгиланган тартибда рўйхатдан ўтган Ўзбекистон Республикаси резиденти, менежмент тизимларини сертификатлаштириш фаолиятини амалга оширувчи орган сифатида аккредитациядан ўтган юридик шахс;

менежмент тизимларини сертификатлаштириш — менежмент тизимларининг сертификатлаштириш схемасига асосан халқаро стандартларда белгиланган талабларга мувофиқлигини баҳолаш бўйича фаолият;

мувофиқлик сертификати — сертификатлаштирилган менежмент тизимларининг белгиланган талабларга мувофиқлигини тасдиқлаш мақсадида сертификатлаштириш тизими қоидаларига биноан расмийлаштириладиган ҳужжат;

назорат аудити — белгиланган талабларнинг бажарилиши даражасини аниқлаш мақсадида ёзувларни олиш, далиллар ёки бошқа тегишли ахборотни қайдлаш ва уларни холисона баҳолаш бўйича мунтазам, мустақил, шунингдек, ҳужжатлаштирилган тарзда олиб бориладиган жараён.

3-боб. Менежмент тизимларини сертификатлаштириш тартиби

5. Менежмент тизимларини сертификатлаштириш (кейинги ўринларда — сертификатлаштириш) қуйидаги босқичларни ўз ичига олади:

а) муайян менежмент тизимига белгиланган талабларга мувофиқ ахборот тизими орқали сертификатлаштириш учун ариза бериш;

б) сертификатлаштириш учун берилган аризани кўриб чиқиш ва қарор қабул қилиш;

в) сертификатлаштириш учун шартнома тузиш;

г) сертификатлаштириш учун етарли ваколатга эга аудит гуруҳини шакллантириш;

д) менежмент тизимлари аудитини белгиланган босқичларда ўтказиш ва унинг натижалари бўйича ҳисобот тузиш;

е) мувофиқлик сертификатини бериш ёки беришни рад этиш тўғрисида қарор қабул қилиш;

ж) мувофиқлик сертификатини ахборот тизимида рўйхатдан ўтказиш.

6. Ариза берувчи томонидан мустақил танланган МТСО аризага мувофиқ сертификатлаштириш ишларини амалга оширади.

4-боб. Ариза тақдим қилиш

7. Ариза берувчи халқаро стандартларда белгиланган талабларга мувофиқ сертификатлаштиришга ушбу Низомга 4-иловага мувофиқ аризани Низомнинг 9-бандидаги маълумотларни илова қилган ҳолда МТСОга йўллайди.

8. Ариза берувчи сертификатлаштириш учун аризани унга зарур ҳужжатлар ва маълумотларни илова қилган ҳолда ахборот тизими орқали юборади.

9. Сертификатлаштириш учун тақдим қилинадиган аризада қуйидаги маълумотлар акс эттирилади:

а) менежмент тизим(лар)и билан қамраб олинган сертификатлаштириш сўралган соҳа (сертификатлаштириш соҳаси);

б) менежмент тизим(лар)ининг мувофиқлигини баҳолашга оид техник жиҳатдан тартибга солиш соҳасидаги норматив ҳужжат(лар)га ҳавола;

в) ариза берувчининг фаолияти тавсифи;

г) сертификатлаштириш билан қамраб олиш назарда тутилган ариза берувчининг доимий ва/ёки вақтинча фаолият кўрсатиш жой(лар)и сони ҳамда ушбу жой(лар)нинг тўлиқ номи, манзили ва уларда олиб бориладиган фаолият тавсифи;

д) ариза берувчининг пудрат асосида амалга оширадиган фаолияти (жараёнлари) тавсифи;

е) ариза берувчининг фаолиятига оид жараёнлар ҳамда унга боғлиқ инсон ва техника ресурслар тафсилоти;

ж) менежмент тизим(лар)ини жорий этиш билан боғлиқ консалтинг хизмати жалб қилинганлиги тўғрисида маълумот (жалб этилган бўлса);

з) аввалги сертификатлаштириш тўғрисида маълумот (амалга оширилган бўлса).

Ариза берувчи ўз ихтиёрига кўра қўшимча маълумот ва/ёки ҳужжатларни тақдим қилиши мумкин.

10. Сертификатлаштириш учун ариза ва унга илова қилинган ҳужжатларда кўрсатилган маълумотларнинг тўғрилиги ва ҳаққонийлиги учун ариза берувчи жавобгар.

5-боб. Сертификатлаштириш учун тақдим этилган ариза ва ҳужжатлар тўпламини кўриб чиқиш тартиби

11. МТСО тақдим этилган ариза ва маълумотларни кўриб чиқиб таҳлил қилади, таҳлил натижалари бўйича 3 иш куни мобайнида сертификатлаштириш учун аризани қабул қилиш ёки рад этиш тўғрисида қарор қабул қилади. Ариза берувчига 1 иш куни мобайнида қабул қилинган қарор тўғрисида хабарнома ёки асослантирилган рад жавобини (бевосита ёки электрон почта орқали ёки тегишли электрон тизим орқали) юборади.

12. Сертификатлаштириш учун аризани қабул қилишни рад этиш учун қуйидагилар асос бўлади:

ушбу Низомнинг 9-бандида кўрсатилган маълумотларнинг тўлиқ тақдим этилмаганлиги;

сертификатлаштириш учун аризага илова қилинган ҳужжат ва маълумотларнинг сохталиги ёки нотўғрилиги аниқланганлиги;

сертификатлаштириш учун МТСОда сўралган сертификатлаштириш соҳасида зарур компетентлик тасдиқланмаганлиги;

сертификатлаштириш учун аризанинг ушбу Низом билан белгиланган бошқа талабларга номувофиқлиги.

13. Сертификатлаштириш учун аризани қабул қилиш рад этилганда, ҳужжатлар ариза берувчига қайтарилади.

14. Ариза берувчи қайд этилган рад этиш сабабларини бартараф этгандан сўнг сертификатлаштириш учун қайта ариза бериш ҳуқуқига эга.

15. Сертификатлаштириш учун ариза қабул қилинган тақдирда, ариза, уни қабул қилиб олинган кундан бошлаб 3 иш куни ичида МТСО ва ариза берувчи ўртасида сертификатлаштириш тўғрисида шартнома тузилади.

16. Менежмент тизимларини сертификатлаштириш, жорий этиш ва ўқитиш ишлари учун харажат мазкур Низомга 2-иловага мувофиқ тартибда тўланади.

17. Менежмент тизимларини сертификатлаштириш бўйича кўрсатилган хизматлар учун, унинг натижаларидан қатъи назар, ариза берувчи томонидан сертификатлаш тўғрисидаги шартномада кўрсатилган миқдорда тўланиши шарт. Бунда сертификатлаштириш бўйича ишлар қиймати сертификатлаштириш бўйича қарор қабул қилингунга қадар тўлаб берилиши керак.

18. Менежмент тизимларини ишлаб чиқиш ва жорий этиш мақсадида ариза берувчи томонидан консультантни жалб этиш очиқ танлов асосида амалга оширилганда, кўрсатилган хизматларнинг умумий қиймати ҳақиқий сарфларни ҳисобга олган ҳолда, базавий ҳисоблаш миқдорининг 100 бараваридан ошмаслиги лозим.

6-боб. Сертификатлаштириш учун етарли ваколат — малака даражасига эга аудит гуруҳини шакллантириш тартиби

19. Сертификатлаштириш бўйича ишлар қийматининг биринчи тўлови амалга оширилгандан сўнг МТСО 5 иш куни ичида, бироқ шартнома тузилгандан сўнг 10 иш кунидан кечиктирмай сертификатлаштириш бўйича аудиторлар гуруҳини шакллантиради.

20. МТСО мазкур Низомнинг 9-бандида келтирилган маълумотларга таяниб, менежмент тизимларини сертификатлаштириш бўйича халқаро стандартларда белгиланган тартибда тузиладиган аудит дастури асосида сертификатлаштиради.

21. МТСО аудит дастурида менежмент тизим(лар)ини дастлабки сертификатлаштиришдаги биринчи ҳамда иккинчи босқич аудитида мувофиқлик сертификати амал қилиш даврида ўтказиладиган назорат ва қайта сертификатлаштириш аудитида амалга ошириладиган тадбирларни аниқ акс эттириши шарт.

22. МТСО томонидан менежмент тизими аудитини режалаштириш ва аудит вақтини ҳисоблаш учун қуйидагилар асос бўлади:

МТСО аудит жараёнида қамраб олинадиган менежмент тизим(лар)ининг мураккаблик ва интеграциялашув даражаси;

ариза берувчининг фаолияти натижалари (мисол учун, фаолият самарадорлиги кўрсаткичлари (KPI), шикоятлар ва бошқалар);

сертификатлаштириш билан қамраб олинадиган фаолият юритиш жой(лар) сони, жараён(лар), инсон ва техник ресурслар кўлами;

менежмент тизимини баҳолаш учун менежмент тизимларини сертификатлаштириш соҳасида халқаро ташкилотлар томонидан қабул қилинган ва умумэътироф этилган мезонлар;

қонунчиликда назарда тутилган алоҳида талаблар.

23. Сертификатлаштириш бўйича аудит гуруҳининг таркиби, сертификатлаштириш муддатлари ва жойи МТСО томонидан ариза берувчи билан келишилган ҳолда белгиланади.

24. МТСО ариза берувчи билан тузиладиган юридик кучга эга келишув асосида зарур ҳолларда аудит гуруҳи таркибида кузатувчилар, аккредитация органи баҳоловчилари ва бошқа иштирокчиларнинг аудит жараёнида қатнашишини таъминлайди.

7-боб, Менежмент тизимлари аудитини белгиланган босқичларда ўтказиш ва унинг натижалари бўйича ҳисобот

25. Менежмент тизим(лар)ининг норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатларнинг талабларига мувофиқлигини аниқлаш мақсадида аудитлар белгиланган босқичларда ўтказилади.

26. Ўтказилган биринчи босқич аудити натижасида менежмент тизимлари ҳужжатларининг таҳлили, аудит мақсадларига эришилганлик ва ариза берувчининг кейинги босқич аудитига тайёрлик даражаси юзасидан хулоса ҳамда менежмент тизимларини сертификатлаштириш фаолиятини тартибга солувчи тегишли халқаро стандартлар туркумида назарда тутилган маълумотларни ўзида жамлаган ҳисобот 15 иш кунидан ортиқ бўлмаган муддатда тузилади ва ариза берувчига тақдим қилинади.

Ҳисоботда қўшимча равишда сертификатлаштириш учун аҳамиятга эга бошқа маълумотлар акс эттирилиши мумкин.

27. Менежмент тизимларининг иккинчи босқич аудити сертификатлаштириш билан қамраб олиниши назарда тутилган жой(лар)да ўтказилади. Бундай жойлар сирасига ариза берувчининг доимий ва/ёки вақтинчалик фаолият кўрсатиш жойлари, филиаллари, виртуал мақсаддаги жойлари киритилиши мумкин.

28. Менежмент тизимларининг иккинчи босқич аудити натижалари бўйича ҳисобот менежмент тизим(лар)ини сертификатлаштириш фаолиятини тартибга солувчи халқаро стандартлар туркумида талаб қилинган маълумотларни ва аудит хулосаларини жамлаган ҳолда 20 иш кунидан ортиқ бўлмаган муддатда тузилади ва ариза берувчига тақдим қилинади.

29. Менежмент тизим(лар)ини сертификатлаштириш фаолиятини тартибга солувчи халқаро стандартларга кўра талаб қилинган маълумотлар билан бирга ҳисоботда қуйидагилар акс эттирилади:

муайян менежмент тизим(лар)и доирасида қонунчилик ҳужжатларида назарда тутилган талабларнинг бажарилганлик ҳолати (тегишли ҳолларда);

жорий қилинган менежмент тизимининг натижадорлиги ва техник жиҳатдан тартибга солиш соҳасидаги норматив ҳужжатларнинг талабларига мувофиқлиги юзасидан хулоса;

номувофиқликларни бартараф этиш учун 25 иш кунидан ошмайдиган муддат (номувофиқликлар баённомаси расмийлаштирилганда).

Ҳисоботда қўшимча равишда сертификатлаштириш учун аҳамиятга эга бошқа маълумотлар акс эттирилиши мумкин.

30. Менежмент тизимларининг норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатларнинг талабларига номувофиқлиги аниқланган ҳолларда, ариза берувчига 1 иш куни мобайнида менежмент тизимлари аудити натижалари бўйича ҳисобот билан биргаликда тақдим этиладиган номувофиқликлар баённомаси расмийлаштирилади.

8-боб. Сертификатлаштириш бўйича қарор қабул қилиш ва мувофиқлик сертификатини ахборот тизими орқали рўйхатдан ўтказиш

31. Ўтказилган сертификатлаштириш натижалари бўйича МТСО томонидан мувофиқлик сертификатини бериш ёки беришни рад этиш тўғрисида қарор қабул қилинади.

32. Мувофиқлик сертификатини тасдиқлаш ҳақидаги қарор назорат аудити натижалари ижобий бўлганда қабул қилинади.

33. Мувофиқлик сертификатини бериш тўғрисида қарор қабул қилинганда, ушбу қарор қабул қилинган кундан эътиборан 3 иш куни ичида ахборот тизими орқали мувофиқлик сертификати расмийлаштирилиб, давлат реестрида рўйхатдан ўтказилади ва ариза берувчига тақдим қилинади.

34. МТСО томонидан бир вақтнинг ўзида бир нечта менежмент тизимини сертификатлаштириш ишлари амалга оширилганда, ҳар бир сертификатлаштирилган менежмент тизими учун алоҳида мувофиқлик сертификати расмийлаштирилади.

35. МТСО ўзи томонидан сертификатланган менежмент тизим(лар)ининг сертификатлаштириш мақоми (сертификатлаштириш соҳасини кенгайтириш, қисқартириш, тасдиқлаш, амал қилишини тўхтатиб туриш, тугатиш ва уни бекор қилиш) қайд этиб бориладиган очиқ маълумотлар ресурсини юритади ва унда келтирилган маълумотларнинг долзарблигини таъминлайди.

36. Мувофиқлик сертификати Давлат реестрида рўйхатдан ўтказилган кундан бошлаб 3 йил муддатга амалга қилади.

37. Менежмент тизимининг мувофиқлик сертификати ушбу Низомга 1-иловага мувофиқ шаклда расмийлаштирилади.

38. МТСО ўз фаолияти доирасида расмийлаштирилган ҳар қандай шаклдаги мувофиқлик сертификати, сертификатлаштириш белгиси ва сертификатлаштирилган менежмент тизимига ишора қилувчи ахборотдан халқаро стандартларда рухсат берилган ҳолатларга зид ва ноўрин қўлланишдан ҳимоялаш чораларини кўриши шарт.

39. Мувофиқлик сертификатида акс эттирилган ҳар қандай маълумотнинг ҳаққонийлиги учун уни расмийлаштирган МТСО жавобгар ҳисобланади.

40. Аввал берилган мувофиқлик сертификатининг амал қилиш муддати тугагунга қадар 30 кун аввал сертификатлаштириш учун ариза берилганда, менежмент тизими ҳужжатларининг таҳлили ва унинг натижалари бўйича ҳисобот тузишдан ташқари ушбу Низомда белгиланган тартибда қайта сертификатлаштириш ўтказилади.

9-боб. Мувофиқлик сертификатини беришни рад этиш

41. Мувофиқлик сертификатини беришни рад этиш учун қуйидагилар асос бўлади:

менежмент тизимлари ҳужжатларининг таҳлили ёки менежмент тизимлари аудити доирасида аниқланган номувофиқликларнинг тегишли ҳисоботларда белгиланган муддатларда бартараф этилмаганлиги;

сертификатлаштириш бўйича бажарилган ишлар учун белгиланган қийматда тўланмаганлиги;

менежмент тизимларининг ушбу Низом билан белгиланган бошқа талабларга номувофиқлиги.

42. МТСО томонидан 1 иш кунида мувофиқлик сертификати беришни рад этиш тўғрисида қарорини қабул қилинади ҳамда ахборот тизими орқали фойдаланувчининг шахсий кабинетига хабар юборилади.

10-боб. Сертификатлаштириш соҳасини кенгайтириш ёки қисқартириш

43. Сертификатлаштириш соҳасини кенгайтиришга талабгор ташкилот мувофиқлик сертификатини берган МТСОга ахборот тизими орқали ариза беради.

44. Сертификатлаштириш соҳаси ушбу Низомда белгиланган тартибда кенгайтирилади.

45. Сертификатлаштириш соҳаси мувофиқлик сертификатини берган МТСО томонидан ташкилотнинг сертификатлаштириш соҳаси назорат аудити натижаларига асосан қисқартирилади.

46. Сертификатлаштириш соҳасини қисқартириш учун тўлов ундирилмайди.

47. Сертификатлаштириш соҳасини кенгайтириш ёки қисқартиришда аввал берилган мувофиқлик сертификатининг қолган муддатига янги мувофиқлик сертификати расмийлаштирилади. Янги мувофиқлик сертификати аввал берилган мувофиқлик сертификати уни берган МТСОга қайтарилгандан сўнг берилади.

48. МТСОнинг сертификатлаштириш соҳасини кенгайтириш ёки қисқартириш ҳақидаги қарори ташкилотга қарор қабул қилинган кундан эътиборан 3 иш кунидан кечиктирмасдан ахборот тизими орқали етказилади.

49. Ташкилот МТСОнинг сертификатлаштириш соҳасини кенгайтириш ёки қисқартириш ҳақидаги қарорини олган кундан эътиборан 3 иш куни ичида аввалги мувофиқлик сертификати уни берган МТСОга кейинчалик Ўзбекистон техник жиҳатдан тартибга солиш агентлигида Давлат реестридан чиқариш ва йўқ қилиб юбориш учун қайтарилишини таъминлайди.

11-боб. Мувофиқлик сертификатининг амал қилишини тўхтатиб туриш, тугатиш ва бекор қилиш

50. Мувофиқлик сертификатининг амал қилиши мувофиқлик сертификатини берган МТСО, Ўзбекистон техник жиҳатдан тартибга солиш агентлиги ёки суд томонидан қуйидаги ҳолларда олти ойдан кўп бўлмаган муддатга тўхтатиб турилади:

менежмент тизими сертификатлаштирилган ташкилот (кейинги ўринларда — ташкилот) томонидан назорат аудити давомида аниқланган номувофиқликлар бартараф этилмаганда;

ташкилот томонидан норматив-ҳуқуқий ҳужжатлар, шунингдек, техник жиҳатдан тартибга солиш соҳасидаги норматив ҳужжатларда белгиланган талаблар бузилганда;

ташкилот назорат аудитини ўтказиш учун зарур шарт-шароит таъминланмаганда;

ташкилот томонидан ихтиёрий равишда сертификатнинг амал қилишини тўхтатиб туриш ҳақида ариза билан мурожаат қилганда.

51. Мувофиқлик сертификатининг амал қилиши мувофиқлик сертификатини берган МТСО, Ўзбекистон техник жиҳатдан тартибга солиш агентлиги ёки суд томонидан қуйидаги ҳолларда тугатилади:

назорат аудити натижаларига кўра;

ташкилот томонидан мувофиқлик сертификатининг амал қилишини тугатиш ҳақида ариза билан мурожаат қилганда;

ташкилот тугатилганда;

тугатилган ёки фаолияти тўхтатилган вақтдан бошлаб, қайта ташкил этилиши натижасида;

мувофиқлик сертификатини амал қилиши тўхтатиб турилишига сабаб бўлган ҳолатлар МТСО, Ўзбекистон техник жиҳатдан тартибга солиш агентлиги ёки суд томонидан белгиланган муддатда ташкилот томонидан бартараф этилмаганда;

норматив-ҳуқуқий ҳужжатларда, шунингдек, техник жиҳатдан тартибга солиш соҳасидаги норматив ҳужжатларда белгиланган талаблар ташкилот томонидан мунтазам тарзда бузилганда ёки бир марта қўпол тарзда бузилганда;

МТСОнинг мувофиқлик сертификатини бериш ҳақидаги қарори ноқонуний эканлиги аниқланганда;

мувофиқлик сертификатининг амал қилиш муддати тугаганда.

52. Мувофиқлик сертификатининг амал қилиши уни тугатиш ҳақида қарор қабул қилинган санадан эътиборан тугатилади.

53. Мувофиқлик сертификати мувофиқлик сертификатини берган МТСО, Ўзбекистон техник жиҳатдан тартибга солиш агентлиги ва суд томонидан қуйидаги ҳолатларда бекор қилинади:

аудит назорати натижаларига кўра;

мувофиқлик сертификати қалбакилаштирилган ҳужжатлардан фойдаланган ҳолда олинганлиги аниқланганда.

54. МТСО, Ўзбекистон техник жиҳатдан тартибга солиш агентлиги ва суд томонидан мувофиқлик сертификатини бекор қилиш ҳақида қарор қабул қилинган ҳолларда мувофиқлик сертификати мазкур қарор ташкилотга берилган санадан эътиборан бекор қилинган ҳисобланади.

55. МТСОнинг мувофиқлик сертификатининг амал қилишини тўхтатиб туриш, тугатиш ёки уни бекор қилиш ҳақидаги қарори ташкилотга мазкур қарор қабул қилинган кундан эътиборан 3 иш кунидан кечиктирмасдан етказилади.

Ўзбекистон техник жиҳатдан тартибга солиш агентлигининг мувофиқлик сертификати амал қилишини тўхтатиб туриш, тугатиш ёки уни бекор қилиш ҳақидаги қарори ташкилотга ва мувофиқлик сертификатини берган МТСОга қарор қабул қилинган кундан эътиборан 3 иш кунидан кечиктирмасдан етказилади.

Суднинг мувофиқлик сертификатининг амал қилишини тўхтатиб туриш, тугатиш ёки уни бекор қилиш ҳақидаги қарори ташкилотга ва мувофиқлик сертификатини берган МТСОга қонунчилик ҳужжатларида белгиланган муддатларда етказилади.

Ташкилот МТСО, Ўзбекистон техник жиҳатдан тартибга солиш агентлиги ёки суднинг мувофиқлик сертификатининг амал қилишини тугатиш ёки уни бекор қилиш ҳақидаги қарорини олган кундан эътиборан 3 иш куни ичида мувофиқлик сертификати уни берган МТСО кейинчалик Ўзбекистон техник жиҳатдан тартибга солиш агентлигига Давлат реестридан чиқариш ва йўқ қилиб юбориш учун қайтарилиши шарт.

56. Ташкилот МТСО ёки Ўзбекистон техник жиҳатдан тартибга солиш агентлигининг мувофиқлик сертификатининг амал қилишини тўхтатиб туриш, тугатиш ёки уни бекор қилиш ҳақидаги қарорлари устидан судга шикоят қилиши мумкин.

57. Ташкилот мувофиқлик сертификатининг амал қилиши тўхтатиб турилганда, тугатилганда ёки у бекор қилинганда сертификатлаштирилган менежмент тизими мавжудлигига ишора қилувчи белги, матнли ҳавола ва ҳар қандай шаклдаги ахборотдан фойдаланиш ва тарқатиш ҳуқуқига эга эмас.

12-боб. Сертификатлаштирилган менежмент тизимларини даврий баҳолаш

58. Сертификатлаштирилган менежмент тизимлари устидан назорат аудитлари мувофиқлик сертификатининг амал қилиш даврида, сертификатлаштиришда белгиланган талабларга мувофиқлигини тасдиқлаш мақсадида мувофиқлик сертификатини берган МТСО томонидан ўтказилади.

59. Сертификатлаштирилган менежмент тизимлари қуйидаги даврийликда назорат аудитларидан ўтказилади:

биринчи назорат аудити — мувофиқлик сертификати расмийлаштирилган кундан бошлаб 12 ойдан кечикмаган муддатда;

иккинчи назорат аудити — биринчи назорат аудити ўтказилган санадан 12 ойдан кечикмаган муддатда.

60. МТСО сертификатлаштирилган менежмент тизим(лар)и махсус аудитлардан ўтказилиши учун қуйидаги келтирилган ҳолатлар асос бўлиши мумкин:

менежмент тизимига нисбатан техник жиҳатдан тартибга солиш соҳасидаги норматив ҳужжатларда белгиланган талабларнинг ўзгариши;

сертификатлаштириш шартларининг ўзгариши;

шикоят;

менежмент тизимининг натижадорлигига таъсир қилувчи бошқа ҳолатлар.

61. Ўтказилган аудит натижалари бўйича мувофиқлик сертификатини тасдиқлаш, унинг амал қилишини тўхтатиб туриш, тугатиш ёки уни бекор қилиш тўғрисида қарор қабул қилиниши мумкин.

13-боб. Аппеляцияларни кўриб чиқиш

62. Манфаатдор томонлар мувофиқликни баҳолаш натижаларидан норози бўлган тақдирда, Ўзбекистон техник жиҳатдан тартибга солиш агентлигининг Аппеляция кенгашига ёки бевосита судга мурожаат қилишлари мумкин.

63. Ўзбекистон техник жиҳатдан тартибга солиш агентлигининг Аппеляция кенгаши сертификатлаштириш органининг қарорларига нисбатан норозиликларни кўриб чиқади. Апелляция комиссиясининг таркиби ва фаолият олиб бориш тартиби Ўзбекистон техник жиҳатдан тартибга солиш агентлигининг раҳбари буйруғи билан тасдиқланади.

Апелляция комиссияси берилган апелляцияни кўриб чиқади ва қабул қилинган қарор тўғрисида ариза берувчини ёзма равишда хабардор қилади.

64. Манфаатдор томонлар Ўзбекистон техник жиҳатдан тартибга солиш агентлигининг Аппеляция кенгаши қарори бўйича қонунчилик ҳужжатларида белгиланган тартибда судга шикоят этишлари мумкин.

14-боб. Якунловчи қоидалар

65. МТСО берилган ва бекор қилинган мувофиқлик сертификатлари, амал қилиши тўхтатиб турилган ва тугатилган мувофиқлик сертификатлари, мувофиқлик сертификатларини беришни рад этиш ҳолатлари ҳисобини юритади, шунингдек, ҳар ойда Ўзбекистон техник жиҳатдан тартибга солиш агентлигига мазкур маълумотларни тақдим қилиб боради.

66. Ариза берувчининг менежмент тизимини сертификатлаштириш билан боғлиқ ҳужжатлар, маълумотлар ва ёзувлар, шу жумладан, берилган мувофиқлик сертификатлари, сертификатлаштириш соҳасининг кенгайтириш (қисқартириш), амал қилишини тўхтатиб туриш, тугатиш ва бекор қилиш бўйича қарорлар ва бошқа сертификатлаштириш фаолиятига тегишли маълумотлар берилган мувофиқлик сертификатининг амал қилиш муддати ва яна тўлиқ 3 йил давомида сақланади.

67. Ўзбекистон техник жиҳатдан тартибга солиш агентлиги зарурат бўлганда, МТСОдан сертификатлаштириш бўйича ҳужжатлар нусхаларини сўраб олиши мумкин. Бунда МТСО ташкилотни ёзма равишда хабардор қилган ҳолда сўралган сертификатлаштиришга доир ҳужжатлар ва маълумотларнинг нусхаларини тақдим этади.

68. МТСО ўз фаолиятини амалга ошириш натижасида ариза берувчи ёки ташкилот тўғрисида олинган маълумотларнинг сир сақланишини таъминлаши керак.

69. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Менежмент тизимларини сертификатлаштириш тартиби тўғрисидаги низомга 1-ИЛОВА

ЎЗБЕКИСТОН РЕСПУБЛИКАСИ СЕРТИФИКАТЛАШТИРИШ МИЛЛИЙ ТИЗИМИ (менежмент тизимларини сертификатлаштириш органининг номи ва манзили, мувофиқликни баҳолаш органларининг давлат реестридаги рақами) МУВОФИҚЛИК СЕРТИФИКАТИ (миллий мувофиқлик белгиси) Сертификатлаштириш миллий тизими давлат реестрида қуйидаги рақам билан рўйхатдан ўтказилди: берилган сана: амал қилиш муддати: Мувофиқлик сертификати менежмент тизимининг мувофиқлигини тасдиқлайди (ташкилот номи) манзили: қўшимча маълумот: Менежмент тизимига қўйилган талаб (норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатларда) белгиланган талабларга мувофиқлигини тасдиқлайди. ва қуйидаги соҳаларда татбиқ этилади: Менежмент тизимларини сертификатлаштириш органининг раҳбари __________ _______________________ (имзо) (Ф.И.О.) М.Ў. Махсус белгилар учун

Менежмент тизимларини сертификатлаштириш тартиби тўғрисидаги низомга 2-ИЛОВА

2а-жадвал Ходимлар сони Менежмент тизимларини ишлаб чиқиш, жорий этиш ва ўқитиш вақти (кун) Менежмент тизимларини сертификатлаштириш харажатлари 1 — 5 1.5 Жалб қилинган ходимлар сонидан қатъи назар 1 иш куни учун базавий ҳисоблаш миқдорининг 2,5 баравари 6 — 10 2 11 — 15 2.5 16 — 25 3 26 — 45 4 46 — 65 5 66 — 85 6 86 — 125 7 126 — 175 8 176 — 275 9 276 — 425 10 426 — 625 11 626 — 875 12 876 — 1 175 13 1 176 — 1 550 14 1 551 — 2 025 15 2 026 — 2 675 16 2 676 — 3 450 17 3 451 — 4 350 18 4 351 — 5 450 19 5 451 — 6 800 20 6 801 — 8 500 21 8 501 — 10 700 22 > 10 700 Кузатиш юқоридаги прогрес

2б-жадвал Менежмент тизимларини жорий этиш ва ўқитиш вақти (кун) Менежмент тизимларини жорий этиш ва ўқитиш харажатлари 10 Жалб қилинган ходимлар сонидан қатъи назар, 1 иш куни учун базавий ҳисоблаш миқдорининг 2,5 баравари

Менежмент тизимларини сертификатлаштириш тартиби тўғрисидаги низомга 3-ИЛОВА

Менежмент тизимларини сертификатлаштиришдан ўтказиш

Босқичлар Субъектлар Тадбирлар Бажариш муддатлари 1-босқич Ариза берувчи Менежмент тизимларини сертификатлаштириш учун ҳужжатлар тўпламини шакллантиради. Сертификатлаштириш органига менежмент тизимларини сертификатлаштириш учун ариза беради. Ариза берувчининг хоҳишига кўра 2-босқич Сертификатлаштириш органи 1. Тақдим этилган ҳужжатлар ва маълумотларнинг тўлиқлиги юзасидан аризани қуйидагича ўрганади: а) аризани кўриб чиқади ва тақдим этилган маълумотларни таҳлил қилади; 3 иш куни мобайнида б) сертификатлаштириш учун аризани қабул қилиш тўғрисида қарор қабул қилади; 3 иш куни мобайнида б) ҳужжатлар тўлиқ бўлмаган тақдирда уларни қайтаради. 1 иш куни мобайнида 2. Сертификатлаштириш учун ариза қабул қилинган ҳолатда уни қабул қилган кундан бошлаб МТСО ва ариза берувчи ўртасида сертификатлаштириш тўғрисида шартнома тузади. 3 иш куни мобайнида 3. Аудиторлар гуруҳини шакллантиради. 10 иш куни мобайнида 4. Биринчи босқич аудити натижалари бўйича ҳисобот тузади. 15 иш кундан ортиқ бўлмаган муддатда 5. Иккинчи босқич аудити натижалари бўйича ҳисобот тузади. 20 иш кундан ортиқ бўлмаган муддатда 6. Менежмент тизимларининг норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатларнинг талабларига номувофиқлиги аниқланганда, ариза берувчига менежмент тизимлари аудити натижалари бўйича ҳисобот билан биргаликда тақдим этиладиган номувофиқликлар баённомасини расмийлаштиради. 1 иш куни мобайнида 7. Белгиланган муддатларда номувофиқликлар бартараф этилганлиги ҳақида маълумот ва тасдиқловчи ҳужжатлар тақдим этилмаганда сертификатлаштириш органи ариза берувчига сертификатлаштириш ишларини тугатиш тўғрисида хабарнома юборади. 3 иш куни мобайнида 8. Назорат аудити натижалари ижобий бўлганда мувофиқлик сертификатини тасдиқлаш ҳақидаги қарорни қабул қилади, мувофиқлик сертификатини расмийлаштиради. 3 иш куни мобайнида 3-босқич Ариза берувчи Ишлаб чиқаришни баҳолаш жараёнида номувофиқликлар аниқланганда, номувофиқликни бартараф этади, тасдиқловчи ҳужжатлар билан сертификатлаштириш органига маълумотларни тақдим этади. 25 иш кунидан ошмайдиган муддат 4-босқич Сертификатлаштириш органи Менежмент тизимлари ҳужжатларининг таҳлили ёки менежмент тизимлари аудитида аниқланган номувофиқликларнинг тегишли ҳисоботларда белгиланган муддатларда бартараф этилмаган ҳолларда МТСО томонидан мувофиқлик сертификатини беришни рад этиш тўғрисида қарор қабул қилади. 1 иш куни мобайнида

Менежмент тизимларини сертификатлаштириш тартиби тўғрисидаги низомга 4-ИЛОВА

Менежмент тизимларини сертификатлаштириш органи раҳбарига _________________________ Менежмент тизимларини сертификатлаштиришга (Менежмент тизимларини сертификатлаштириш соҳасини кенгайтиришга) АРИЗА _______________________________________________________________________________________да (норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатлар) ўрнатилган талабларга мувофиқлиги юзасидан _________________________________________________________________________________________ (ташкилий тузилманинг жойлашиши кўрсатилган ҳолда менежмент тизимининг сўралган соҳаси номи) менежмент тизимини сертификатлаштиришингизни сўрайман. Менежмент тизимларини сертификатлаштиришга талабгор бўлган юридик шахс тўғрисидаги маълумотлар тўлиқ номи: қисқартирилган номи: юқори турувчи ташкилотнинг номи, шу жумладан мазкур юридик шахс унинг таркибига кирса: почта манзили: телефон: электрон почта манзили: СТИР: ИФУТ: банк реквизитлари банк номи: банк ҳисобрақами: хизмат кўрсатувчи банкнинг МФО: штат бирликларининг умумий сони: шу жумладан бошқарув ходимлари: хизмат кўрсатувчи ходимлар: техник ходимлар: менежмент тизимига масъул бўлган шахснинг Ф.И.О., лавозими, боғланиш маълумотлари: Менежмент тизими ҳақидаги умумий маълумотлар менежмент тизимини ишлаб чиқиш ва жорий этиш санаси: менежмент тизими татбиқ этиладиган маҳсулот ёки хизматлар: ишлаб чиқарилаётган маҳсулот ёки кўрсатилаётган хизматлар юзасидан техник жиҳатдан тартибга солиш соҳасидаги норматив ҳужжатлар номи: аввал ўтказилган менежмент тизимини сертификатлаштириш тўғрисидаги маълумотлар менежмент тизимларини сертификатлаштириш органининг номи: менежмент тизимларини сертификатлаштиришда асос бўлган норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатларнинг номи: мувофиқлик сертификатининг бланк рақами ва рўйхатга олиш рақами: мувофиқлик сертификати берилган сана: мувофиқлик сертификатининг амал қилиш муддати: Ариза берувчи ______________ ____ ______________________ ___ ____________ (имзо) (Ф.И.О.) (сана)

Вазирлар Маҳкамасининг 2024 йил 14 августдаги 502-сон қарорига 5-ИЛОВА

Маҳсулотларнинг техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотлар рўйхатини юритиш, уларни эркин муомаладан чиқариш ва утилизация қилиш тартиби тўғрисида

1-боб. Умумий қоидалар

1. Ушбу Низом маҳсулотларни техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар билан белгиланган мажбурий талабларга номувофиқ деб топилган маҳсулотларни аниқлаш ва улар тўғрисидаги маълумотларнинг рўйхатини юритиш, бундай маҳсулотларни эркин муомаладан чиқариш ҳамда утилизация қилиш тартибини белгилайди.

Низом талаблари Ўзбекистон Республикаси ҳудудида эркин муомалада бўлган (реализация қилинадиган) маҳсулотларга нисбатан татбиқ этилади.

Мазкур Низом санитария, ветеринария, ветеринария-санитария, фитосанитария қоидалари ва нормалари, шаҳарсозлик нормалари ҳамда қоидалари, экологик нормалар ва қоидаларга номувофиқ деб топилган маҳсулотларни аниқлаш, эркин муомаладан чиқариш ва утилизация қилиш талабларига татбиқ этилмайди.

2. Мазкур Низомда қуйидаги асосий тушунчалардан фойдаланилади:

ваколатли орган — Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги ёки унинг тузилмасидаги ваколатли ташкилот;

номувофиқ деб топилган маҳсулотлар — ваколатли органлар томонидан техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотлар;

номувофиқ деб топилган маҳсулотлар рўйхати — техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар билан белгиланган мажбурий талабларга номувофиқ деб топилган маҳсулотлар тўғрисидаги маълумотларнинг электрон шаклда юритиладиган рўйхати (кейинги ўринларда — электрон рўйхат);

маҳсулот эгаси (ишлаб чиқарувчи, сотувчи ва импорт қилувчи) — эгалик ҳуқуқи ёки бошқа ҳуқуқий асосларда маҳсулотларга эгалик қилувчи юридик ва жисмоний шахс;

маҳсулотларни савдодан чақириш — эгаси томонидан мустақил равишда ёки назорат қилувчи идораларнинг талабига биноан техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотларни муомаладан чақириб олиш;

маҳсулотларни утилизация қилиш — истеъмолчилар саломатлиги ва осойишталиги, ҳайвонлар, ўсимликлар ва атроф-муҳитга хавф туғдирадиган ҳамда барча истеъмол хусусиятларининг йўқолиши ва тўлиқ яроқсизлиги сабабли кейинчалик бошқа мақсадларда ишлатиш ёки қайта ишлаш имкони бўлмаган, техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотларни утилизация қилиш, шунингдек, маҳсулотнинг инсон ҳаёти ва соғлиғига, атроф-муҳитга, ҳайвонот ва ўсимлик дунёсига салбий таъсирини истисно қилишга қаратилган ҳаракатлар.

3. Маҳсулотлар техник жиҳатдан тартибга солиш соҳасидаги норматив ҳужжатлар билан белгиланган мажбурий талабларга номувофиқлиги тасдиқланганда, ваколатли орган томонидан қонунчиликда белгиланган тартибда маъмурий ва молиявий жарималарни қўллашдан озод этилмайди.

2-боб. Техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига маҳсулотларни номувофиқ деб топиш тартиби

4. Техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига маҳсулотларни номувофиқ деб топиш ваколатли орган томонидан аниқланади.

5. Қуйидагилар маҳсулотлар тасдиқланган талабларга номувофиқ деб топилиши учун асосли ҳолатлар ҳисобланади:

мувофиқликни баҳолаш ҳужжатлари (мувофиқлик сертификатлари, санитария хулосаси, синов баённомалари) мавжуд бўлмаганида;

танлаб олинган намуналарнинг аккредитациядан ўтган синов лабараторияларида ўтказилган текширув натижалари салбий бўлганда;

маҳсулот қалбакилаштирилганда;

истеъмол қадоғи шикастланганда;

давлат рўйхатидан ўтказиш, сертификатлаш, мувофиқлик декларацияси ва бошқалар таҳлилининг натижалари салбий бўлганда;

сақлаш, ташиш ва сотиш талаблари бузилганда;

яроқлилик муддати тугаганда;

ташқи кўриниши ва ёрлиқлашда ишлаб чиқарувчи корхона (сотувчи) ва маҳсулот номи ҳамда маҳсулотлар (товарлар ва хизматларнинг) идентификация коди (қонунчилик белгиланган маҳсулот турига), меъёрий ҳужжатларга ҳаволаси, ишлаб чиқарилган санаси, таркиби, сақлаш муддатини аниқлаш ва (ёки) белгилашга имконини бермайдиган тамғалаш белгилари мавжуд ёки етарли бўлмаганда.

6. Қуйидаги ҳолатлар маҳсулотлар ваколатли орган томонидан қонунчиликда белгиланган тартибга норматив-ҳуқуқий ҳужжатлар талабларига номувофиқ деб топилиши ва электрон киритилиши учун асос бўлади:

аккредитациядан ўтган синов лабораторияларида амалга оширилган синов (тадқиқот) натижаларининг салбий бўлиши;

ташқи кўрик натижалари бўйича техник жиҳатдан тартибга солиш соҳасидаги норматив ҳужжатларига номувофиқлиги тўғрисида расмийлаштирилган ҳужжатларнинг мавжудлиги;

3-боб Маҳсулотларни савдодан чақириб олиш

7. Ваколатли орган томонидан номувофиқ деб топилган маҳсулотларни савдодан чақириб олиш чораларини кўриш доирасида маҳсулот эгасига тақдимнома киритилади.

8. Тадбиркорлик субъекти тақдимномани олганидан сўнг кўпи билан ўн иш куни мобайнида номувофиқ деб топилган маҳсулотни техник регламентлар талабларига мувофиқлаштириш имкониятини аниқлайди ва қабул қилинган қарор тўғрисида ваколатли органга ёзма (электрон) шаклда хабар беради.

9. Маҳсулот номувофиқ деб топилган ва у мазкур Низомнинг 8-бандида белгиланган муддат ичида техник регламентларнинг талаблари билан уйғунлаштирилиши имкони бўлмаган ҳолатларда маҳсулот йўқ қилинади ёки чақириб олинади.

10. Тадбиркорлик субъекти номувофиқ деб топилган маҳсулотни Ўзбекистон Республикаси синов марказлари (лабораториялари) ва аккредитациядан ўтган идораларида мувофиқлигини баҳолашни амалга ошириш ёрдамида техник регламентларнинг талаблари билан уйғунлаштириш натижасини тасдиқлаши ҳамда бу ҳақида ваколатли органни кечи билан 3 иш куни муддатда хабардор қилади.

11. Ўзбекистон Республикасида тегишли аккредитация соҳаси бўлган синов марказлари (лабораториялар) ва (ёки) аккредитациядан ўтган идоралар мавжуд бўлмаганда, тадбиркорлик субъекти хорижий синов марказлари (лабораториялар) ва (ёки) аккредитациядан ўтган идораларга мурожаат қилиш ҳуқуқига эга.

12. Тадбиркорлик субъекти тақдимнома олганидан сўнг қуйидагиларни таъминлаши шарт:

номувофиқ деб топилган маҳсулотларнинг олиб кирилишини ва (ёки) муомаласини зудлик билан тўхтатиш;

номувофиқ деб топилган маҳсулотларни тақдимнома олинган кундан бошлаб 7 иш кунидан кечиктирмасдан муомаладан чақириб олиши;

тақдимнома олганидан сўнг 7 иш кунидан кечиктирмасдан, харидорларни (истеъмолчиларни) номувофиқ деб топилган маҳсулотлар тўғрисида, шу жумладан, буюртма олинган кундан бошлаб 7 иш кунидан кечиктирмасдан оммавий ахборот воситалари орқали хабардор қилиш чораларини кўриш;

номувофиқ деб топилган маҳсулотга нисбатан кўрилган чоралар тўғрисида ваколатли органни ёзма (электрон) равишда хабардор қилиши, шу жумладан:

тақдимнома олинган кундан бошлаб 7 иш кунидан кечиктирмасдан, номувофиқ деб топилган маҳсулотлар тадбиркорлик субъектларидан маҳсулот реализациядан чақириб олинганлиги тўғрисида хабардор қилиш;

тақдимнома олинган кундан бошлаб 10 иш кунидан кечиктирмасдан номувофиқ деб топилган маҳсулотни, у ортиб жўнатилган барча тадбиркорлик субъектларидан муомаладан чақириб (қайтариб) олиш.

13. Номувофиқ деб топилган маҳсулотларни реализация қилиш ҳолатлари ваколатли орган томонидан аниқланганда, маҳсулотни қайтариб олиш учун қуйидагилар асос бўлади:

техник регламентлар ва стандартларда белгиланган хавфсизлик талабларига номувофиқ бўлган ва саломатлик учун жиддий хавф туғдирадиган;

саломатлик учун жиддий хавф туғдирадиган маҳсулотнинг келиб чиқишини кузатиш имконияти (маҳсулотнинг кузатилувчанлигини таъминловчи ҳужжатлар) мавжуд бўлмаганда.

14. Техник регламентларнинг талабларига номувофиқ деб топилган маҳсулотни қайтариб олиш икки нусхада ушбу Низомга 1-иловага мувофиқ, техник регламентларнинг талабларига номувофиқ бўлган маҳсулотни чақириб олиш далолатномаси билан расмийлаштирилади. Далолатноманинг бир нусхаси савдо объектининг эгаси ёки сотувчига тақдим этилади, иккинчи нусхаси ишлаб чиқарувчида ёки ишлаб чиқарувчининг ваколатли вакилида сақланади.

15. Чақириб олинган маҳсулот уни қайта ишлаш ёхуд утилизация қилиш тўғрисида қарор қабул қилингунга қадар ишлаб чиқарувчи (ишлаб чиқарувчининг ваколатли вакили), етказиб берувчи, импорт қилувчи ёки сотувчининг ҳудудида (алоҳида тартибда), унга тегиш мумкин бўлмайдиган шароит таъминланиб аниқ кўрсатилган жойда, «Чақириб олинган, реализация қилинмайди» огоҳлантириш ёзуви кўрсатилган ҳолда сақланади.

16. Агарда техник регламентларнинг талабларига номувофиқ деб топилган маҳсулот реализация қилинган тақдирда, ишлаб чиқарувчи (ишлаб чиқарувчининг ваколатли вакили), етказиб берувчи, импорт қилувчи 3 иш куни мобайнида маҳсулотни қайтариш усуллари, қабул қилиш пунктларининг жойлашган жойи ҳамда маҳсулотнинг чақириб олиниши натижасида юзага келган зарарларни қоплаш бўйича батафсил ахборот олиш учун уларнинг масъул шахслар тўғрисида алоқа маълумотлари кўрсатилган ҳолда республика даврий босма нашриётлари ва (ёки) теле-, радиоканаллар орқали маҳсулотнинг истеъмолчилардан чақириб олиниши тўғрисида хабардор қилади.

17. Ишлаб чиқарувчи (ишлаб чиқарувчининг ваколатли вакили), етказиб берувчи (импорт қилувчи) ва сотувчи чақириб олинган маҳсулотни самарали қабул қилиб олишнинг таъминланиши учун ўзаро иш олиб боради.

18. Ишлаб чиқарувчи (ишлаб чиқарувчининг ваколатли вакили), етказиб берувчи (импорт қилувчи) ва сотувчи техник регламентларнинг талабларига номувофиқ бўлган маҳсулотни истеъмолчидан қабул қилиб олади ҳамда икки нусхада ушбу Низомга 2-иловага мувофиқ шакл бўйича далолатнома тузилади, техник регламентларнинг талабларига номувофиқ деб топилиб, чақириб олинган маҳсулотни қабул қилиш-топшириш далолатномаси билан расмийлаштиради. Далолатноманинг бир нусхаси истеъмолчига тақдим этилади, иккинчи нусхаси ишлаб чиқарувчи (ишлаб чиқарувчининг ваколатли вакили) ва/ёки сотувчида сақланади.

19. Ишлаб чиқарувчи ёки ишлаб чиқарувчининг ваколатли вакили, етказиб берувчи (импорт қилувчи) техник регламентларнинг талабларига номувофиқ деб топилган маҳсулот чақириб ва (ёки) қайтариб олингандан кейин 1 иш куни мобайнида маҳсулотни чақириб ва (ёки) қайтариб олиш бўйича кўрилган чоралар, уларнинг натижалари тўғрисида ваколатли органни хабардор қилади.

20. Техник регламентларнинг талабларига номувофиқ деб топилган маҳсулотни чақириб ва (ёки) қайтариб олиш ҳолатлари тўғрисидаги ахборот ваколатли органнинг расмий сайтида жойлаштирилади.

4-боб. Техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотларни утилизация қилиш тартиби

21. Номувофиқ деб топилган маҳсулотларни утилизация қилиш чораларини кўриш бўйича ваколатли орган томонидан маҳсулот эгасига тақдимнома киритилади.

22. Тадбиркорлик субъекти томонидан тақдимнома олинганидан сўнг қуйидагилар таъминланиши шарт:

номувофиқ деб топилган маҳсулотлар олиб кирилишини ва (ёки) муомаласини зудлик билан тўхтатиш;

номувофиқ деб топилган маҳсулотларни тақдимнома олинган кундан бошлаб 7 иш кунидан кечиктирмасдан муомаладан чақириб олиш;

харидорларни (истеъмолчиларни) тақдимнома олганидан сўнг 7 иш кунидан кечиктирмасдан номувофиқ деб топилган маҳсулотлар тўғрисида, жумладан, буюртма олинган кундан бошлаб 7 иш кунидан кечиктирмасдан оммавий ахборот воситалари орқали хабардор қилиш бўйича чоралар кўриш;

йўқ қилинган кундан бошлаб 3 иш кунидан кечиктирмасдан утилизация қилишнинг усули, жойи, вақти ва шартларини кўрсатган ҳолда номувофиқ деб топилган маҳсулотни утилизация қилиш бўйича қарор қабул қилиш;

тасдиқловчи ҳужжатларни тақдим этиш билан 5 иш кунидан кечиктирмасдан утилизация қилишнинг танланган усули, жойи, вақти ва шартларини кўрсатган ҳолда номувофиқ деб топилган маҳсулотни утилизация қилиш;

олиб чиқилган ва (ёки) қайтарилган кунидан бошлаб 5 иш кунидан кечиктирмасдан тасдиқловчи ҳужжатларни тақдим этган ҳолда номувофиқ деб топилган маҳсулотни Ўзбекистон Республикаси ҳудудидан олиб чиқиш ёки қайтариш.

23. Номувофиқ деб топилган маҳсулотнинг эгаси мустақил равишда ёки давлат назорати идораларининг тақдимномаси асосида маҳсулотни муомаладан чақириб олиши ҳамда уларнинг вақтинча сақланишини таъминлаши шарт.

24. Агар номувофиқ деб топилган маҳсулот эгаси уни муомаладан чақириб олиш бўйича чоралар кўрмаган тақдирда, давлат назорати идоралари бундай маҳсулотни муомаладан қайтариб олиш тўғрисида ва уни кейинчалик утилизация қилиш тўғрисида ариза билан судга мурожаат қилади.

25. Номувофиқ деб топилган маҳсулотни вақтинчалик сақлаш шартлари, уни утилизация қилиш учун зарур бўлган муддат мобайнида бундай маҳсулотга ижозатсиз тегилиши имконияти истисно қилиниши керак.

26. Вақтинча сақлашда бўлган номувофиқ деб топилган маҳсулотнинг ҳисобга олиниши сифатли ва хавфсиз маҳсулотни ҳисобга олишдан алоҳида, қоғоз ва электрон шаклда олиб борилади.

27. Муомаладан чақириб олинган номувофиқ деб топилган маҳсулот утилизация қилиниши мумкинлигини аниқлаш мақсадида барча ҳолатларда ушбу маҳсулотнинг экспертизаси ўтказилади.

28. Экспертиза ўтказмасдан фақат қуйидаги номувофиқ деб топилган маҳсулотлар йўқ қилиниши мумкин:

органолептик кўрсаткичлари бўйича номувофиқ деб топилган;

тақдим этилган ахборотларга номувофиқ бўлган;

белгиланган яроқлилик муддатлари мавжуд бўлмаган ёки яроқлилик муддати ўтган;

кўрсаткичлари Ўзбекистон Республикаси қонунчилиги билан белгиланган талабларга, техник регламентларга, стандартлаштириш ҳужжатларига, техник ҳужжатларга номувофиқ бўлган.

29. Экспертиза давлат назоратини амалга оширувчи мансабдор шахслар томонидан ўтказилади.

30. Экспертиза бундай маҳсулотнинг товарга илова қилинадиган ҳужжатларнинг тўғри расмийлаштирилганлиги, уларда кўрсатилган маълумот кўрсаткичларнинг қўйилган талабларига мувофиқлиги, қадоқланиш, тамғаланиш ҳолатини баҳолаш, ташқи кўздан кечириш ва лаборатория текширувларини (синовлар) ўз ичига олади.

31. Экспертиза тайинланган номувофиқ деб топилган маҳсулотнинг намуналари (проба) бундай маҳсулот бўйича лаборатория текширувлари (синовлари) ўтказишнинг эгасини иштирокида қуйидагилар томонидан танланиши мумкин:

давлат назорати идорасининг ваколатли вакили;

белгиланган тартибда аккредитациядан ўтказилган мувофиқликни баҳолаш идоралари вакиллари (экспертизани ўтказиш учун маҳсулот эгасининг мустақил равишда мурожаат қилинган).

32. Ўтказилган экспертизанинг натижалари бўйича номувофиқ деб топилган маҳсулотнинг белгиланган тартибда кейинги йўқ қилиниши мумкинлиги тўғрисида хулоса расмийлаштирилади.

33. Номувофиқ деб топилган маҳсулотлар унинг эгаси томонидан ёки маҳсулот эгаси утилизация ишларини бажаришни шартнома асосида топширадиган ташкилотлар томонидан комиссия иштирокида утилизация қилинади. Комиссия таркибига маҳаллий ижро этувчи ҳокимияти органлари, Инспекция, Санитария-эпидемиологик осойишталик ва жамоат саломатлиги хизмати, солиқ органларининг ҳамда жамоатчилик вакиллари киради.

34. Номувофиқ деб топилган маҳсулотларни утилизация қилиш жойини белгилашда экология ва атроф-муҳитни муҳофаза қилиш соҳасидаги ваколатли давлат органининг утилизация қилишни амалга ошириш усули бўйича хулосаси инобатга олинади.

35. Таркибида ифлослантирувчи моддаларни ўз ичига олган номувофиқ деб топилган маҳсулотлар йўқ қилинишидан олдин уларни ҳар қандай ишлатиш ва қўллаш учун яроқсиз қилувчи, шунингдек, уларнинг инсонлар, ҳайвонлар ва атроф-муҳитга салбий таъсирини истисно қилувчи ҳолатга келтирилиши лозим.

36. Номувофиқ деб топилган маҳсулот атроф-муҳитни муҳофаза қилиш бўйича норматив ва техник ҳужжатларнинг талабларига риоя қилган ҳолда техник жиҳатдан қулай ҳар қандай усулда утилизация қилинади.

37. Экспертиза натижалари бўйича унинг инсонлар ва ҳайвонларнинг касалликлари ёки заҳарланишини юзага келтириш ва тарқатиш хавфини, шунингдек, атроф-муҳитни ифлослантириш хавфини туғдириши аниқланиб, номувофиқ деб топилган маҳсулот бундай маҳсулотни утилизация қилиш тўғрисида тақдимнома чиқарган давлат назорати идорасининг вакили иштирокида утилизация қилинади, бунда ушбу вакилнинг иштироки видеоалоқа орқали масофадан туриб ҳам таъминланиши мумкин бўлади.

38. Номувофиқ деб топилиб утилизация қилиш учун қайтарилган маҳсулотлар эгаси бўлган тадбиркорлик субъекти ваколатли органнинг сўровига биноан уни 5 иш кунидан кечиктирмасдан, мажбурий тартибда танланган утилизация усули, жойи, вақти ва утилизация қилиш шартлари кўрсатилган тасдиқловчи ҳужжатларни тақдим этган ҳолда номувофиқ деб топилган маҳсулотлар йўқ қилинганлиги тўғрисида, номувофиқ деб топилган маҳсулотлар Ўзбекистон Республикаси ҳудудидан олиб чиқиб кетилганлиги ёки уни қайтариб берилганлиги тўғрисида хабардор қилиши шарт.

39. Муомаладан чақириб олинган номувофиқ деб топилган маҳсулотларни утилизация қилиш усуллари ва шартлари қонунчиликка, халқаро шартномаларга ва (ёки) қонунчилик ҳужжатларига мувофиқ тадбиркорлик субъекти томонидан белгиланади.

40. Номувофиқ деб топилган маҳсулотларни муомаладан чақириб олиш (қайтариб олиш), қайтариб бериш, сақлаш, ташиш (олиб чиқиш), утилизация қилиш билан боғлиқ харажатлар тақдимнома берилган ёки чоралар кўриш учун номувофиқ деб топилган маҳсулот қайтариб берилган тадбиркорлик субъекти маблағлари ҳисобидан молиялаштирилади.

5-боб. Техник жиҳатдан тартибга солиш, стандартлаштириш, мувофиқликни баҳолаш ва метрология соҳасидаги қонунчилик талабларига номувофиқ деб топилган маҳсулотлар рўйхатини юритиш тартиби

41. Давлат назорати натижаларига асосан техник жиҳатдан тартибга солиш, стандартлаштириш, мувофиқликни баҳолаш ва метрология соҳасидаги қонунчилик талабларига номувофиқ деб топилган маҳсулотлар тўғрисидаги маълумотлар ваколатли орган томонидан рўйхатга олинади ва электрон дастурга жойлаштирилади.

42. Маҳсулотлар техник регламентлар ва стандартлар талабларига номувофиқ деб топилган ҳолларда, ваколатли орган томонидан 1 иш куни муддатда, камчиликлар тўғирлангунга қадар ушбу маҳсулотлар, шунингдек, уларни ишлаб чиқарувчилар сотуви вақтинча тўхтатиб туриладиган маҳсулотлар рўйхатига, истеъмолчиларнинг саломатлиги ва осойишталигига хавф туғдирадиган хавфсизлик талаблари бузилган ҳолатларда сотиш тақиқланган маҳсулотлар рўйхатига киритилади.

43. Техник регламентлар ва стандартлар талабларига номувофиқ деб топилган маҳсулотлар рўйхатига қуйидаги маълумотлар киритилади:

маҳсулот (товар) номи;

ишлаб чиқарувчи корхона номи;

ишлаб чиқарувчи СТИРи;

ишлаб чиқарувчи корхона расмий вакилининг СТИРи;

ишлаб чиқарувчи мамлакат номи;

маҳсулот тўпи (партияси);

ташқи иқтисодий фаолият товар номенклатураси код рақами;

маҳсулот суммаси;

маҳсулот ишлаб чиқарилган вақт (кун, ой, йил);

маҳсулотнинг эгаси тўғрисида маълумотлар;

номувофиқ бўлган маҳсулот аниқланган савдо объектининг номи ва манзили;

маҳсулотда аниқланган номувофиқликлар;

мувофиқлик сертификати ва синов баённомалари мавжудлиги тўғрисидаги ахборот;

маҳсулот импортига тақиқ қўйилган сана;

маҳсулот импортига қўйилган тақиқнинг тугаш санаси.

44. Техник регламентлар ижросини таъминлашда масъул этиб белгиланган давлат ва хўжалик бошқаруви органлари томонидан тасдиқланган тартибда маҳсулотларни номувофиқлигини аниқланганда ваколатли органга мазкур низомнинг 48-бандида назарда тутилган маълумотлар киритади.

45. Ваколатли орган тегишли маълумотлар асосида техник жиҳатдан тартибга солиш соҳасидаги норматив ҳужжатлар талабларига номувофиқлик аниқланган куннинг ўзида рўйхатга олади.

46. Мазкур рўйхатга киритилган импорт билан боғлиқ номувофиқ деб топилган маҳсулотлар тўғрисидаги маълумотлар Иқтисодиёт ва молия вазирлиги ҳузуридаги Божхона қўмитасига реал вақт режимида электрон тарзда тақдим этилади.

47. Техник регламентлар, стандартлар ва қонун ҳужжатлари билан белгиланган мажбурий талабларга номувофиқ деб топилган маҳсулотлар рўйхатига киритилган маҳсулотларнинг улар рўйхатга олинган кундан бошлаб олти ой муддатга рўйхатдан чиқарилиши, номувофиқ деб топилган тегишли маҳсулотни ишлаб чиқарувчи (унинг расмий вакили) томонидан Ўзбекистон Республикаси ҳудудига олиб кирилиши, эркин муомалага чиқарилиши тақиқланади.

48. Тадбиркорлик субъектлари мазкур Низомда кўрсатилган олти ойлик тақиқ муддатидан сўнг номувофиқ деб топилган маҳсулотнинг янги тўпларини амалдаги техник регламент ва стандартлар талаблари асосида синовлардан ўтказиб, маҳсулотнинг мувофиқлиги тасдиқлангандан сўнг тегишли ҳужжатлар (синов баённомалари, фото ва видео материаллар, технологик жараён ҳужжатлари) билан ваколатли органга мурожаат этади.

49. Тақдим этилган ҳужжатларни ўрганиш жараёнида заруратга кўра корхона мурожаатига асосан ваколатли орган томонидан жойига чиққан ҳолда ишлаб чиқариш шароитлари ўрганилади.

50. Маҳсулот эгаси сотишни тақиқлаш тўғрисидаги қарордан норози бўлган тақдирда, қонунчиликда белгиланган тартибда судга шикоят қилиш ҳуқуқига эга.

6-боб. Маҳсулотларни олиб киришни/савдога чиқаришни қайта тиклаш тартиби

51. Номувофиқ деб топилган маҳсулотни ишлаб чиқарувчи ёки Ўзбекистон Республикаси ҳудудида ишлаб чиқарувчининг манфаатларини қонунчиликка мувофиқ ифодалаш ваколати берилган шахс ёки импорт қилувчи (кейинги ўринларда — тадбиркорлик субъекти) номувофиқ деб топилган маҳсулотларни техник регламентлар талабларига риоя этилиши ва мажбурий бўлган стандартлар талабларига мувофиқлаштириш имконияти аниқлаганидан сўнг техник регламентлар талабларига номувофиқ деб топилган маҳсулотларни муомалага чиқаришга йўл қўймаслик мақсадида тузатиш чораларини кўрганда ҳамда техник регламент ва амалдаги стандартлар талаблари асосида синовлардан ўтказиб, маҳсулотнинг мувофиқлиги тасдиқлангандан сўнг тегишли ҳужжатлар (синов баённомалари, фото ва видео материаллар, технологик жараён ҳужжатлари) билан ушбу маҳсулотларни олиб киришни ва муомалага чиқаришни тиклаш имкониятини кўриб чиқиш учун ваколатли органга мурожаат қилиши мумкин.

52. Ваколатли орган томонидан тақдим этилган ҳужжатлар тўплами қонунчиликда белгиланган муддатларда таҳлил қилинади ҳамда маҳсулотларни олиб киришни ва муомалага чиқаришни тиклаш юзасидан қабул қилинган қарор тўғрисида ариза берувчини хабардор қилади.

53. Тақдим этилган маҳсулот учун техник регламентларда ва талабларига риоя этилиши мажбурий бўлган стандартларда санитария-эпидемиология, ветеринария, фитосанитария ёки экологик талаблар мавжуд бўлган ҳолда, ваколатли орган томонидан санитария-эпидемиология ва ветеринария экспертизаларини, фитосанитария назорати ёки экологик экспертизадан ўтказиш зарурлигини белгилайди.

Тадбиркорлик субъекти давлат санитария назорати идораларидан, давлат ветеринария назорати идораларидан ва ўсимликлар карантини бўйича давлат идораларидан, шунингдек, табиатни муҳофаза қилиш давлат идораларидан барча зарур хулосаларни олишни ва ваколатли органга тақдим этишни таъминлайди.

Синовларни ўтказиш билан боғлиқ харажатлар ариза берувчи томонидан қопланади.

54. Ҳужжатлар тўпламини ўрганишнинг натижалари ижобий бўлган ҳолда ариза берувчи ваколатли орган томонидан маҳсулотларни олиб кириш ва муомалага чиқариш мумкинлиги тўғрисида хабардор қилинади.

55. Ваколатли орган тузатиш чораларининг самарадорлигини баҳолаш учун кўрсатилган рўйхатга киритилмаган қўшимча маълумотларни сўрашга ҳақлидир.

7-боб. Корхоналар томонидан ишлаб чиқарилган маҳсулотларни Ўзбекистон Республикаси ҳудудига олиб кириш ва муомалага чиқаришни қайта тиклаш

56. Корхоналар томонидан ишлаб чиқарилган маҳсулотларни Ўзбекистон Республикаси ҳудудига олиб кириш ва муомалага чиқаришни қайта тиклаш тўғрисидаги масалани кўриб чиқиш учун қуйидаги маълумотлар тақдим этилади:

техник регламентлар талабларига номувофиқ деб топилган маҳсулотларнинг муомалага чиқарилишига йўл қўймаслик мақсадида ишлаб чиқарувчи томонидан бажарилган тузатиш чоралари тўғрисидаги. Тузатиш чоралари тўғрисидаги маълумотлар ўз ичига тадбиркорлик субъекти томонидан кўрилган чеклаш чораларини қўллаш учун асос ҳисобланган кўрсаткичлар бўйича белгиланган талабларга мувофиқ бўлган маҳсулотлар ишлаб чиқарилишини кафолатлайдиган аниқ чора-тадбирларни ишлаб чиқилган бўлиши керак;

чеклаш чоралари кўрилган, шу жумладан, бузилган кўрсаткичлар бўйича маҳсулотларга нисбатан техник регламентлар талаблари билан белгиланган барча хавфсизлик кўрсаткичлари бўйича аккредитациядан ўтган синов лабораторияларида (марказларида) ўтказилган синов натижалари тўғрисида. Маҳсулотларнинг синовлари, бажарилган тузатиш чораларининг самарадорлигини тасдиқлаш мақсадида тегишли тузатиш ишлари бажарилгандан сўнг янги ишлаб чиқарилган маҳсулотлар тўпида ўтказилиши шарт. Агар чеклаш чораларини қўллаш учун асос сифатида микробиологик хавфсизлик кўрсаткичлари бўйича номувофиқлик хизмат қилган ҳолларда, маҳсулот ишлаб чиқарилганидан сўнг ҳам унинг яроқлилик муддати тугашида ўтказилиши керак;

маҳсулот техник регламентлар талабларига мажбурий мувофиқлигини тасдиқлаш амалга оширилиши тўғрисида. Мажбурий мувофиқлигини тасдиқлаш тўғрисидаги ахборот тегишли маҳсулотнинг мувофиқлигини баҳолаш (тасдиқлаш) ҳужжатларининг тасдиқланган нусхаси тақдим этилади;

агар чеклаш чораларини киритиш учун микробиологик хавфсизлик кўрсаткичларининг номувофиқлиги асос бўлган бўлса ёхуд тузатиш чора-тадбирларининг ўтказилишини инструментал назорат билан тасдиқлаш имконияти бўлмаса, ишлаб чиқариш (тайёрлаш), сақлаш, ташиш (транспортда ташиш) жараёнларининг хавфсиз маҳсулотнинг муомалага чиқарилишини таъминлайдиган талабларга ишлаб чиқариш (тайёрлаш), сақлаш, ташиш (транспортда ташиш) жараёнларининг мувофиқлиги тўғрисида. Ахборот давлат назорати (текширув) идорасининг ҳудудий бўлинмаси томонидан ўтказилган назорат (текширув) тадбири, текшируви, экспертизаси ва бошқалар натижалари бўйича тасдиқланган ижобий хулосаси тақдим этилади;

тамғани белгиланган талабларга мувофиқлаштирилганлиги тўғрисидаги чеклаш чораларини қўллаш учун маҳсулот тўғрисида ишончли маълумотларни тақдим этилиши қисмида тамғаланиш бўйича номувофиқлик хизмат қилган бўлса тамға бўйича кўрилган тузатиш чоралари тўғрисидаги маълумот, шунингдек, ишлаб чиқарувчи томонидан тасдиқланган тамғанинг намунаси (макети) билан тақдим этилади;

технологик ҳужжатларга ўзгартиришлар киритилганлиги тўғрисидаги, агар ишлаб чиқарувчи томонидан маҳсулот таркибига кирувчи маҳсулот компонентларини, уни ишлаб чиқариш технологиясини, номланиши қисмида маҳсулот тамғасини, таркибини, яроқлилик муддатини, озуқавий қиймат кўрсаткичларини, гени модификацияланган организмларнинг мавжудлиги тўғрисидаги маълумотларни ўзгартириш (чиқариб ташлаш) тўғрисида қарор қабул қилинган тақдирда. Технологик ҳужжатларга нисбатан қўлланган тузатиш чоралари тўғрисидаги ахборот технологик ҳужжатларни (техникавий шартлар, технологик йўриқнома, рецептура ва бошқа) тасдиқланган нусхалари тақдим этилади.

8-боб. Ўзбекистон Республикаси ҳудудига импорт маҳсулотларнинг олиб кирилиши ва муомалага чиқарилишини қайта тиклаш учун импорт қилувчининг ҳаракатлар алгоритми

57. Маҳсулотни импорт қилувчи Ўзбекистон Республикаси ҳудудида синовларни ўтказиш мақсадида маҳсулотлар тўпини олиб киришга рухсат олиш учун ваколатли органга мурожаат қилади. Мурожаатга техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотларни муомалага чиқарилишига йўл қўймаслик мақсадида ишлаб чиқарувчи томонидан амалга оширилган тузатиш чоралари тўғрисидаги ахборотлар ва маҳсулотларни ишлаб чиқарувчи ҳудудидаги белгиланган тартибда аккредитациядан ўтказилган лаборатория (марказ) томонидан маҳсулотларни хавфсизлик кўрсаткичлари бўйича тақдим этилган текшириш натижалари илова қилинади.

58. Ваколатли орган тақдим этилган материалларни кўриб чиқади, импорт қилувчи синовларни Ўзбекистон Республикаси ҳудудида ўтказиш учун маҳсулотлар тўпини олиб кириши мумкинлиги тўғрисида хабардор қилинади.

59. Импорт қилувчи синовларни Ўзбекистон Республикаси ҳудудида ўтказиш учун маҳсулотлар тўпини олиб кирган пайтдан бошлаб маҳсулотга тегишли ҳужжатларни тақдим этган ҳолда 2 иш куни мобайнида олиб кирилган маҳсулотлар тўғрисида ваколатли органни хабардор қилади.

60. Синовлар ўтказилганидан сўнг, импорт қилувчи маҳсулотларни олиб кирилишини ва муомалага чиқарилишини қайта тиклаш имкониятини кўриб чиқилиши юзасидан ваколатли органга мурожаат қилади.

61. Тузатиш чораларининг самарадорлигини тасдиқлаш учун импорт қилувчи корхоналар ишлаб чиқарилган маҳсулотларни Ўзбекистон Республикаси ҳудудига олиб кирилиши ва муомалага чиқарилишини қайта тиклашга асос бўлувчи ҳужжатларни ваколатли органга тақдим этади.

9-боб. Якунловчи қоидалар

62. Маҳсулотларни техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига мувофиқлигини аниқлаш, уларнинг рўйхатини юритиш, эркин муомаладан чиқариш, утилизация қилиш ушбу Низомга 3-иловага мувофиқ схема бўйича юритилади.

63. Ваколатли орган номувофиқ деб топилган маҳсулотлар рўйхатини қуйидаги маълумотлар асосида юритади:

техник регламентлар ижросини таъминлашда масъул этиб белгиланган давлат ва хўжалик бошқаруви органлари томонидан аниқланган техник жиҳатдан тартибга солиш соҳасидаги норматив ҳужжатларга, шу жумладан, техник регламентлар талабларига номувофиқ деб топилган маҳсулотлар тўғрисидаги маълумотлар;

Соғлиқни сақлаш вазирлиги, Қурилиш ва уй-жой коммунал хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги томонидан номувофиқ деб топилган маҳсулотлар тўғрисидаги маълумотлар.

Мазкур бандда келтирилган идоралар томонидан Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигига ҳар ойда кейинги ойнинг 5 санасига қадар Низомга 4-иловага мувофиқ маълумотларни электрон кўринишда тақдим этади.

64. Ваколатли орган уч иш куни муддатда ўзининг расмий веб-сайти ёки оммавий ахборот воситалари ҳамда ижтимоий тармоқлар орқали маҳсулотларда аниқланган номувофиқликлар тўғрисида жамоатчиликни ва истеъмолчиларни хабардор қилади.

65. Ваколатли органга тақдим этилган ахборот ва ҳужжатларнинг ҳаққонийлиги ва тўғрилиги учун уларни тақдим этган ваколатли давлат органлари жавобгар ҳисобланади.

66. Ваколатли орган тақдим этилган маълумотларнинг ҳаққонийлиги ва рўйхатга тўғри киритилиши учун жавобгар ҳисобланади.

67. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Маҳсулотларнинг техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотлар рўйхатини юритиш, уларни эркин муомаладан чиқариш ва утилизация қилиш тартиби тўғрисидаги низомга 1-ИЛОВА

Техник регламентларнинг талабларига номувофиқ деб топилган маҳсулотни қайтариб олиш ДАЛОЛАТНОМАСИ Номувофиқ деб топилган маҳсулотлар қайтариб олинган жой _____________________________________ ___________________________________________________________________________________________ Ишлаб чиқарувчи (ишлаб чиқарувчининг ваколатли шахси), етказиб берувчи (импорт қилувчи) __________ ___________________________________________________________________________________________ (ишлаб чиқарувчи /импорт қилувчи Ф.И.О. лавозими, манзили) ___________________________________________________________________________________________ ______________________________________________________ техник регламентлар талабларига асосан (Техник регламент номи) номувофиқ деб топилган ушбу маҳсулотларни олиб қўйиш_________________________________________. (маҳсулот номи, серия рақами) Бунда техник регламент талабларига номувофиқ бўлган маҳсулотлар сони __________. Т/р Техник регламентлар талабларига номувофиқ бўлган маҳсулот номи ва МХИК коди (қонунчилик белгиланган маҳсулот турига) Тўп рақами Маҳсулотни ишлаб чиқарган давлат Тўп ўлчами Қайтариб олинган маҳсулот миқдори (дона/кг) 1 2 3 4 5 6 __________________________________________________ ________ ____ __________________ (Ишлаб чиқарувчи (ишлаб чиқарувчининг ваколатли шахси), етказиб берувчи (импорт қилувчи)) (сана) _ _______ ____ (имзо) ____ ___________________________________________________ ________ ____ __________________ (Савдо объекти ёки сотувчининг Ф.И.О.) (сана) _ _______ ____ (имзо) ____

Маҳсулотларнинг техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотлар рўйхатини юритиш, уларни эркин муомаладан чиқариш ва утилизация қилиш тартиби тўғрисидаги низомга 2-ИЛОВА

Техник регламентларнинг талабларига номувофиқ деб топилган маҳсулотни қабул қилиш ва топшириш ДАЛОЛАТНОМАСИ Номувофиқ деб топилган маҳсулотлар қабул қилинган жой ________________________________________ ___________________________________________________________________________________________ Техник регламент талабларига номувофиқ бўлган маҳсулотларни қабул қилишнинг бошланиш вақти ____ ___________________________________________________________________________________________ Техник регламент талабларига номувофиқ бўлган маҳсулотларни қабул қилишнинг тугаш вақти ________ ___________________________________________________________________________________________ Қабул қилиш белгиланган муддатни бузган ҳолда амалга оширилганда _______________________________ ___________________________________________________________________________________________ (агар бўлса) Жойи ______________________________________________________________________________________ (кечиктириш сабаблари) Қабул қилиш ________________________________________________________________________________ (маҳсулотларнинг келтирилиши ва йўқ қилиниши вақти) Ишлаб чиқарувчи (ишлаб чиқарувчининг ваколатли шахси), етказиб берувчи сотувчи (импорт қилувчи)вакили _____________________________________________________________________________ (Ф.И.О, лавозими манзили) ___________________________________________________________________________________________ Техник регламент талабларига номувофиқ бўлган қуйидаги маҳсулотлар қайтариб олинди _____________ ___________________________________________________________________________________________ (маҳсулот номи, серияси ва ишлаб чиқарилган санаси) Истеъмолчи вакили __________________________________________________________________________ (Ф.И.О.) асосида ____________________________________________________________________________________ (техник регламентлар номи) Бунда техник регламент талабларига номувофиқ маҳсулотлар умумий сони _________. Т/р Техник регламент талабларига номувофиқ бўлган маҳсулот номи ва МХИК коди (қонунчилик белгиланган маҳсулот турига) Тўп рақами Маҳсулотни ишлаб чиқарган давлат Тўп ўлчами Қайтариб олинган маҳсулот миқдори (дона/кг) 1 2 3 4 5 6 _________________________________________________ _________ _____ __________________ (Ишлаб чиқарувчи (ишлаб чиқарувчининг ваколатли шахси), етказиб берувчи (импорт қилувчи)) __ (сана) _____________ (имзо) ______ ____________________________________________ _________ _____ _________________ (Савдо объекти ёки сотувчининг Ф.И.О.) __ (сана) _____________ (имзо) ______

Маҳсулотларнинг техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотлар рўйхатини юритиш, уларни эркин муомаладан чиқариш ва утилизация қилиш тартиби тўғрисидаги низомга 3-ИЛОВА

Техник регламентлар, стандартлар ва бошқа қонунчилик талабларига маҳсулотларни номувофиқлигини аниқлаш ва уларни рўйхатини юритиш, эркин муомаладан чиқариш ва утилизация қилиш тартиби

Босқичлар Субъектлар Тадбирлар Муддатлар 1-босқич Ваколатли орган Техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига маҳсулотни номувофиқлиги аниқланади. Доимий 2-босқич Ваколатли орган Номувофиқ деб топилган маҳсулотни савдодан чақириб олиш чораларини кўриш юзасидан маҳсулот эгасига тақдимнома киритилади. Доимий 3-босқич Тадбиркорлик субъекти Тақдимномани олгандан сўнг номувофиқ деб топилган маҳсулотни техник регламентлар талабига мувофиқлаштириш имкониятини аниқлаш, қабул қилинган қарор тўғрисида ваколатли идорага ёзма (электрон) шаклда хабар беради. 10 иш куни муддатда 4-босқич Тадбиркорлик субъекти Номувофиқ деб топилган маҳсулотнинг Ўзбекистон Республикаси синов марказлари (лабораториялари) ва аккредитациядан ўтган идораларда мувофиқлигини баҳолаш ёрдамида техник регламентларнинг талаблари билан уйғунлаштириш натижасини тасдиқлайди ҳамда бу ҳақида ваколатли органи хабардор қилади. 3 иш куни муддатда 5-босқич Тадбиркорлик субъекти Номувофиқ деб топилган маҳсулотлар олиб кирилишини ва (ёки) муомаласини зудлик билан тўхтатади ҳамда номувофиқ деб топилган маҳсулотларни муомаладан чақириб олади. 7 иш куни муддатда 6-босқич Тадбиркорлик субъекти Харидорларни (истеъмолчиларни) номувофиқ деб топилган маҳсулотлар тўғрисида оммавий ахборот воситалари орқали хабардор қилиш бўйича чоралар кўради. 7 иш куни муддатда 7-босқич Тадбиркорлик субъекти Номувофиқ деб топилган маҳсулотга нисбатан кўрилган чоралар тўғрисида ваколатли идорани ёзма (электрон) равишда хабардор қилади, шу жумладан: тақдимнома олинган кундан бошлаб номувофиқ деб топилган маҳсулот тадбиркорлик субъектларидан реализациядан чақириб олиниши тўғрисида хабардор қилади; тақдимнома олинган кундан бошлаб номувофиқ деб топилган маҳсулотни у ортиб жўнатилган барча тадбиркорлик субъектларидан муомаладан чақириб (қайтариб) олишади. 10 иш куни муддатда 8-босқич Ваколатли орган Номувофиқ деб топилган маҳсулотни утилизация қилиш чораларини кўриш юзасидан маҳсулот эгасига тақдимнома киритади. Доимий 9-босқич Тадбиркорлик субъекти Номувофиқ деб топилган маҳсулотни олиб кирилишини ва (ёки) муомаласини зудлик билан тўхтатиш ва номувофиқ деб топилган маҳсулотларни тақдимнома олинган кундан бошлаб муомаладан чақириб олади; олиб чиқилган ва (ёки) қайтарилган кунидан бошлаб беш иш кунидан кечиктирмасдан тасдиқловчи ҳужжатларни тақдим этиш билан номувофиқ деб топилган маҳсулотни Ўзбекистон Республикаси ҳудудидан олиб чиқади ёки уни қайтаради. 7 иш куни муддатда 10-босқич Тадбиркорлик субъекти Харидорларни (истеъмолчиларни) тақдимнома олганидан сўнг номувофиқ деб топилган маҳсулотлар тўғрисида оммавий ахборот воситалари орқали хабардор қилиш бўйича чоралар кўради. 7 иш куни муддатда 11-босқич Тадбиркорлик субъекти Номувофиқ деб топилган маҳсулотни утилизация қилиш бўйича қарор қабул қилади. 3 иш куни муддатда 12-босқич Тадбиркорлик субъекти Тасдиқловчи ҳужжатларни тақдим этиш билан утилизация қилишнинг танланган усули, жойи, вақти ва шартларини кўрсатиш билан номувофиқ деб топилган маҳсулотни йўқ қилади. 5 иш куни муддатда 13-босқич Ваколатли орган Агар номувофиқ деб топилган маҳсулот эгаси уни муомаладан чақириб олиш бўйича чоралар кўрмаган тақдирда, маҳсулотни муомаладан қайтариб олиш тўғрисида ва уни кейинчалик утилизация қилиш тўғрисида ариза билан судга мурожаат қилади. Доимий 14-босқич Ваколатли орган Муомаладан чақириб олинган номувофиқ деб топилган маҳсулотни утилизация қилиш мумкинлигини аниқлаш мақсадида барча ҳолатларда уни экспертизадан ўтказади. Норматив ҳужжатда белгиланган муддатда 15-босқич Ваколатли орган Ўтказилган экспертиза натижалари бўйича бундай маҳсулотнинг кейинги йўқ қилиниши мумкинлиги тўғрисида хулоса расмийлаштиради. 2 иш куни муддатда 16-босқич Ваколатли органлар, Тадбиркорлик субъекти Номувофиқ деб топилган маҳсулотни унинг эгаси томонидан ёки маҳсулот эгаси шу ишларни бажаришни шартнома бўйича топширадиган ташкилотлар томонидан комиссия иштирокида утилизация қилади. Доимий 17-босқич Ваколатли орган Давлат назорати натижаларига асосан техник жиҳатдан тартибга солиш соҳасидаги норматив ҳужжатлар талабларига номувофиқ деб топилган маҳсулотлар тўғрисидаги маълумотларни рўйхатга олади ва электрон дастурга жойлаштирилади. 1 иш куни муддатда 18-босқич Ваколатли орган Техник жиҳатдан тартибга солиш соҳасидаги норматив ҳужжатлар талабларига номувофиқ деб топилган маҳсулотлар рўйхатига киритилган маҳсулотларни рўйхатга олинган кундан бошлаб олти ой муддатга рўйхатдан чиқариш, номувофиқ деб топилган тегишли маҳсулотни ишлаб чиқарувчи (унинг расмий вакили) томонидан Ўзбекистон Республикаси ҳудудига олиб кирилиши, эркин муомалага чиқаришни тақиқлайди. 1 иш куни муддатда 19-босқич Тадбиркорлик субъекти Номувофиқ деб топилган тегишли маҳсулотни янги тўпларини амалдаги техник регламент ва стандартлар талаблари асосида синовлардан ўтказиб, маҳсулотнинг мувофиқлиги тасдиқлангандан сўнг тегишли ҳужжатлар (синов баённомаси, фото, видео материаллар, технологик жараён ҳужжатлари) билан ваколатли органга мурожаат этади. Доимий 20-босқич Тадбиркорлик субъекти Маҳсулотни импорт қилувчи Ўзбекистон Республикаси ҳудудида синовларни ўтказиш учун маҳсулотлар тўпини олиб киришга рухсат олиш учун ваколатли органга мурожаат қилади. Доимий 21-босқич Тадбиркорлик субъекти Ваколатли идора тақдим этилган материалларни кўриб чиқади, импорт қилувчи синовларни Ўзбекистон Республикаси ҳудудида ўтказиши учун маҳсулотлар тўпини олиб кириши мумкинлиги тўғрисида хабардор қилади. Доимий 22-босқич Тадбиркорлик субъекти Импорт қилувчи синовларни Ўзбекистон Республикаси ҳудудида ўтказиш учун маҳсулот тўпини олиб кирган пайтдан бошлаб илова ҳужжатларини тақдим этиб маҳсулотларни олиб кирганлиги тўғрисида ваколатли органни хабардор қилади. 2 иш куни муддатда 23-босқич Тадбиркорлик субъекти Синовлар ўтказилганидан сўнг, импорт қилувчи маҳсулотларни олиб кирилиши ва муомалага чиқарилиши, қайта тиклаш имкониятини кўриб чиқилиши юзасидан ваколатли органга мурожаат қилади. Доимий

Маҳсулотларнинг техник жиҳатдан тартибга солиш соҳасидаги норматив ҳужжатлар ва бошқа норматив-ҳуқуқий ҳужжатлар талабларига номувофиқ деб топилган маҳсулотлар рўйхатини юритиш, уларни эркин муомаладан чиқариш ва утилизация қилиш тартиби тўғрисидаги низомга 4-ИЛОВА

Техник жиҳатдан тартибга солиш соҳасидаги норматив ҳужжатларга, шу жумладан, техник регламентлар талабларига номувофиқ деб топилган маҳсулотлар тўғрисидаги маълумотларни тақдим этиш

Босқичлар Субъектлар Тадбирлар Муддатлар 1-босқич Ўзбекистон Республикаси Соғлиқни сақлаш вазирлиги, Қурилиш ва уй-жой коммунал хўжалиги вазирлиги, Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги маҳсулот (товар) номи; ишлаб чиқарувчи корхона номи; ишлаб чиқарувчи СТИР рақами; ишлаб чиқарувчи корхонанинг расмий вакили СТИР рақами; ишлаб чиқарувчи мамлакат номи; маҳсулот тўпи (партияси); ташқи иқтисодий фаолият товар номенклатураси код рақами; маҳсулот суммаси; маҳсулот ишлаб чиқарилган вақти (кун, ой, йил); маҳсулотнинг эгаси тўғрисида маълумотлар; номувофиқ бўлган маҳсулот аниқланган савдо объектининг номи ва манзили; маҳсулотда аниқланган номувофиқликлар; мувофиқлик сертификати ва синов баённомалари мавжудлиги тўғрисидаги ахборот; Ушбу маълумотларни ваколатли органга ёзма (электрон) шаклда хабар беради. Ҳар ойнинг 5-санасига қадар 2-босқич Ваколатли орган Ўзининг расмий веб-сайти ёки оммавий ахборот воситалари ҳамда ижтимоий тармоқлар орқали маҳсулотларда аниқланган номувофиқликлар тўғрисида жамоатчиликни ва истеъмолчиларни хабардор қилади. 3 иш куни муддатда

Вазирлар Маҳкамасининг 2024 йил 14 августдаги 502-сон қарорига 6-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимчалар

2. Вазирлар Маҳкамасининг «Сертификатлаштириш тартиботларини ва сифат менежменти тизимларини жорий этишни такомиллаштиришга доир қўшимча чора-тадбирлар тўғрисида» 2011 йил 28 апрелдаги 122-сон қарорининг 2-банди ва қарор билан тасдиқланган Ўзбекистон Республикасида ишлаб чиқарилаётган маҳсулотларнинг сифат ва хавфсизлик талабларига мувофиқлигини ишлаб чиқарувчи томонидан маълум қилиш тартиби тўғрисидаги низом чиқариб ташлансин.

3. Вазирлар Маҳкамасининг «Ўзбекистон Республикасида мувофиқлиги тасдиқланиши лозим бўлган мувофиқликни баҳолаш объектлари рўйхатларини тасдиқлаш тўғрисида» 2021 йил 30 январдаги 43-сон қарорида :

а) 2-банднинг бешинчи хатбошиси қуйидаги таҳрирда баён этилсин:

«Мажбурий тартибда мувофиқлиги баҳоланиши лозим бўлган маҳсулотлар рўйхати 4-иловага мувофиқ тасдиқлансин».

б) 4-илова қуйидаги таҳрирда баён этилсин:

«Вазирлар Маҳкамасининг 2021 йил 30 январдаги 43-сон қарорига 4-ИЛОВА

Мажбурий тартибда мувофиқлиги баҳоланиши лозим бўлган маҳсулотлар

Т/р Маҳсулот номи ТИФ ТН коди Мувофиқлик сертификати расмийлаштирилиши лозим бўлган маҳсулотлар 1. Кўчатлар (узумнинг экиш материаллари, ниҳоллар, уруғли ва данакли мевали экинлар, навдор атиргул ва сирен, эфир-мойли атиргул, эфир-мойли геран) 0601 — 0602 2. Фақат экиш учун мўлжалланган сабзавот ва айрим ейиладиган илдизмева, тубмевали ва туганак мевали ўсимликлар 0701, 0703, 0712 90 110 0, 0713 3. Зираворлар (уруғлик мақсадида) 0909 — 0910 4. Донлар (барча турлари, уруғлик ва товар донлар) 1001 — 1008 5. Тегирмончилик-ёрма саноати маҳсулотлари: солод, крахмал, инулин, буғдой клейковинаси. 1101 00 — 1109 00 000 0* 6. Фақат экиш учун мўлжалланган мева уруғлари ва бошқа уруғлар 1201, 1202, 1204 — 1207, 1209 7. Алкоголь ичимликлари 2203 — 2208 8. Тамаки ва саноат тамакининг ўрнини босувчи маҳсулотлар 2401 — 2404 9. Инфузория ерлари, цемент 2512 00 000 0, 2523 10. Минерал ёқилғи, нефть ва уларни ҳайдаш маҳсулотлари; битуминоз моддалар; минерал мумлар 2701 — 2703 00 000 0, 2705 00 000 0, 2707, 2710 — 2712 (2711 12 940 0 дан ташқари), 2714 10 000 0, 2715 00 000 0 11. Сувда аралашган аммиак, аммоний хлориди, калий нитрати, нитратлар, водородфосфат кальция (фосфат дикальция), кальций фосфатлари, сулфатлар, хлоридлар, калий фосфати, борат кислота, бор оксидлари, молибдатлар 2814 20 000 0, 2827 10 000 0 2827 39 850 0, 2834 29 800 0, 2835 24 000 0, 2835 25 000 0, 2835 26 000 0, 2833 29 800 0, 2810 дан, 2827 дан, 2833 дан, 2840 дан, 2841 70 12. Ноциклик ва циклик углеводородлар (фақат ёқилғи сифатида ишлатиладиган маҳсулотлар учун) 2901 — 2902 (2901 10 000 1 дан ташқари) 13. Фармацевтика маҳсулотлари (инсон ва ҳайвон организмидан олинган ва трансплантация учун мўлжалланган безлар ва органлардан ташқари) 3001 — 3006 (3002 90 100 0, 3002 90 300 0, 3006 50 000 0, 3006 92 000 0 дан ташқари) 14. Минерал ўғитлар 3102-3105 15. Инсон ва ҳайвонлар учун қўлланиладиган эфир мойлари ва резиноидлар; инсон ва ҳайвонлар учун қўлланиладиган парфюмерия, косметик ёки пардоз-андоз воситалари; ветеринария мақсадлари учун қўлланиладиган антисептик, дезинфекцияловчи ва инсектоакарицид воситалари 3301 — 3307 16. Гугуртлар 3605 00 000 0 17. Инсектицидлар, родентицидлар, фунгицидлар, гербицидлар 3808 18. Оловбардош цемент 3816 00 000 0 19. Гидравлик тормоз суюқлиги ва гидравлик узаткич учун бошқа тайёр суюқликлар, антифризлар ва музлашга қарши тайёр суюқликлар 3819 00 000 0, 3820 00 000 0 20. Озиқ-овқат маҳсулотлари учун емакхона ва ошхона идиш товоқлари 3924 10 000 0 21. Резинали камералар, гигиеник ёки фармацевтик маҳсулотлар (шунингдек, сўрғичлар, жарроҳлик қўлқоплари), ҳовуз учун йўлакча; темир йўл ҳаракатдаги таркибининг пневматик тормозлаш тизимлари учун зичловчи резина маҳсулотлар (диафрагма, манжетлар, ёқалар, клапанларнинг зичлагичлари, қистирмалар, втулкалар) 4013, 4014, 4015 11 000 0, 4016 91 000 0, 4016 93 000 8 22. Табиий чармдан қилинган ёнғин қутқарув камарлари 4203 30 000 0 23. Сунъий мўйна ва ундан тайёрланган маҳсулотлар 4304 00 000 0 24. Темир йўл ёки трамвай йўллари учун ёғоч шпаллар 4406 25. Гигиеник қоғоз маҳсулотлари, сульфитли ўрама қоғоз, фильтрлаш ва қадоқлашда ишлатиладиган қоғоз ва картон, ёғ ўтказмайдиган қоғоз ва пергамент, озиқ-овқат маҳсулотлари учун қоғоз идишлар ва патнислар, тухумларни қадоқлаш учун қутилар. 4803 00, 4805 30, 4805 40 000 0, 4806, 4823 61 000 0, 4823 70 100 0 26. Босма китоблар, рисолалар, варақалар ва шу каби босма материаллар, Болалар учун расмли китоблар, чизилган китоблар ёки рангли китоблар, газеталар, журналлар ва бошқа даврий нашрлар, тасвирланган ёки тасвирланмаган, ўз ичига олган ёки ўз ичига олмаган реклама материаллари. 4901 10 000 0 — 4901 99 000 0, 4903 00 000 0, 4902 10 000 0 — 4902 90 000 0 27. Ипак ипидан ёки ипак қолдиғидан газлама 5007 28. Тароқ билан йигирилган ипак тўқимадан газламалар, ҳайвонларнинг ингичка ёки қалин толасидан тароқ билан йигирилган ипдан газламалар 5111, 5112, 5113 00 000 0 29. Зиғир толали газлама; жутдан олинган тола ёки 5303-товар позициясидаги бошқа пўстлоқ толалари; бошқа ўсимлик толалардан қилинган газлама; қоғоз йигирилган ипдан газламалар 5309 — 5311 30. Синтетик комплекс ипдан газламалар, жумладан, 5404-товар позицияси материаллардан ишлаб чиқарилган газламалар; сунъий комплекс ипдан газламалар, шу жумладан, 5405 товар позицияси материаллардан ишлаб чиқарилган газламалар. 5407 — 5408 31. Оғирлиги 85% ёки ундан кўп ушбу толалардан ташкил топган синтетик толали газламалар; ушбу толаларнинг оғирлиги 85% дан кам бўлган синтетик толали газламалар, асосан ёки мустасно сифатида пахта толаси билан аралаштирилади, сирт зичлиги 170 g/m² дан ошмайди; ушбу толаларнинг оғирлиги 85% дан кам бўлган синтетик толали газламалар, асосан ёки мустасно сифатида пахта толаси билан аралаштирилган, сирт зичлиги 170 g/m² дан ортиқ; бошқа синтетик толали газламалар; сунъий толали газламалар 5512 — 5516 32. Гигиеник мақсадларда ва тиббиётда фойдаланиш учун тўқимачилик материалларидан ва маҳсулотларидан тайёрланган пахта. 5601 21-5601 22 33. Йигирилган ёки йигирилмаган газлама бўлмаган материаллар, қопламали ёки қопламасиз, қайта ишланадиган ёки қайта ишланмайдиган. 5603 34. Тўқилган гиламлар ва бошқа тўқима пол қопламалари, тайёр ёки тайёр бўлмаган; гилам газлама ва бошқа полга тўшаладиган тўқима қопламалар, тафтингсиз ёки флокировкасиз, тайёр ёки тайёр бўлмаган, шу жумладан, «килим», «сумах», «кермани» ва қўлда тайёрланган ўхшаш гиламлар; гиламлар ва бошқа полга тўшаладиган тафтингли тўқима қопламалар, тайёр ёки тайёр бўлмаган; гиламлар ва бошқа полга тўшаладиган кигиз ёки фетрдан қилинган тўқима қопламалар, тафтингсиз ёки флокировкасиз, тайёр ёки тайёр бўлмаган; гиламлар ва бошқа полга тўшаладиган тўқима қопламалар, тайёр ёки тайёр бўлмаган 5701 — 5705 35. Тукли газлама ва бахмал ипдан қилинган газлама; сочиқбоп пахмоқ газламалар ва ўхшаш пахмоқ газламалар, тафтинг қилинган тўқима материаллар; эшиб тўқилган газламалар; тюль ва бошқа тўрсимон мато, тўқилган матолар бундан мустасно; тўпдаги тўр, тасмалар ёки алоҳида орнаментлар турида; Бельгия, обьюссон, бовэ туридаги қўлда тўқилган гобеленлар ва ўхшаш гобеленлар ва гобеленлар, кашта игналари (мисол учун, ироқи, крест шаклидаги), тайёр ёки тайёр бўлмаган; ингичка тўқилмаган газламалар, бириктирилган елимлаб уланиш (болдюк); металл иплардан газламалар ва 5605 товар позициясидаги кийимларда ишлатиладиган металл билан ишлов берилган иплар, мебелбоп газлама сифатида ёки ўхшаш мақсадларда, бошқа жойда келтирилмаган ёки қўшилмаган; юмшоқ қатлам билан тикиш ёки бошқа усуллар орқали уланган бир неча тўқима материаллар қатламидан иборат бўлакдаги қавилган тўқима материаллар 5801 — 5803, 5809 00 000 0, 5811 00 000 0 36. Пластмассага тўйинган, қопланган ёки бир-бирини такрорлайдиган тўқимачилик материаллари; резиналанган тўқимачилик материаллари 5903, 5906 37. Линолеум, тўқимачилик материаллари асосидаги полга тўшаладиган қопламалар 5904 38. Машинада ёки қўлда тўқилган трикотаж тукли матолар, шу жумладан, узун тукли матолар ва пахмоқ матолар; эни 30 см дан кўп бўлмаган, 5% ёки ундан кўп эластик ёки резинали ипларни ўз ичига олган машинада ёки қўлда тўқилган трикотаж матолар; эни 30 см дан кўп бўлмаган, 5% ёки ундан кўп эластик ёки резинали ипларни ўз ичига олган машинада ёки қўлда тўқилган трикотаж матолар; асосда тўқилган матолар (шунингдек, галунларни тайёрлаш учун трикотаж машиналарида тўқилган); машинада ёки қўлда тўқилган бошқа трикотаж матолари 6001, 6004 — 6006 39. Эркаклар ёки ўғил болалар учун кўйлаклар машина ёки қўлда тўқилган трикотаж маҳсулотлардан; эркаклар ёки ўғил болалар учун кальсонлар, трусиклар, тунги кўйлак, пижамалар, чўмилишдан кейин кийиладиган халатлар, уйда кийиладиган халатлар ва ўхшаш маҳсулотлар, машина ёки қўлда тўқилган трикотаж маҳсулотлар; аёллар ёки қиз болалар учун комбинациялар, пастки юбкалар, трусиклар, панталонлар, тунги кўйлаклар, пижамалар, пеньюарлар, чўмилишдан кейин кийиладиган халатлар, уйда кийиладиган халатлар ва ўхшаш маҳсулотлар, машина ёки қўлда тўқилган трикотаж маҳсулотлардан; майкалар, енгли фуфайкалар ва бошқа ички фуфайкалар машина ёки қўлда тўқилган трикотаж маҳсулотлардан; болалар кийимлари ва болалар кийимларига керакли нарсалар, машина ёки қўлда тўқилган трикотаж маҳсулотлар; колоткалар, чулкилар, гольфилар ва подследниклар ва бошқалар, пайпоқ маҳсулотлари, тақсимланган босим билан компрессияли пайпоқ маҳсулотлари (масалан, веналарнинг варикоз кенгайишидан қийналаётганлар учун) ва тагликсиз оёқ-кийим, машина ёки қўлда тўқилган трикотаждан; 6105 — 6109, 6111, 6115 40. Эркаклар ёки ўғил болалар учун кўйлаклар; аёллар ёки қиз болалар учун блузкалар, блузкалар ва блузонлар; эркаклар ёки ўғил болалар учун майкалар ва бошқа ички фуфайкалар, кальсонлар, трусиклар, тунги кўйлак,пижамалар, чўмилишдан кейин кийиладиган халатлар, уйда кийиладиган халатлар ва ўхшаш маҳсулотлар; аёллар ва қиз болалар учун майкалар ва бошқа ички фуфайкалар, комбинациялар, пастки юбкалар, трусиклар, панталонлар, тунги кўйлаклар, пижамалар, пеньюарлар, чўмилишдан кейин кийиладиган халатлар, уйда кийиладиган халатлар ва ўхшаш маҳсулотлар; болалар кийимлари ва болалар кийимларига керакли нарсалар; бюстгальтерлар, белбоғ, корсетлар, тортгичлар, боғичлар ва ўхшаш маҳсулотлар ва уларнинг машина ёки қўлда тўқилган трикотажёки нотрикотаж қисмлари; 6205 — 6209, 6212 41. Чойшаб, ётаржой, емакхона, ҳожатхона ва ошхона чойшаблари; ўт ўчирувчилар учун газламадан тайёрланган қутқарув пояслари 6302, 6305, 6307 20 000 0 42. Ёнғин каскалари ва шлемлари; 6506 10 43. Оёқ кийим ва ўхшаш маҳсулотлар (фақат тайёр оёқ кийим) 6401 — 6405 44. Бетон ва асбоцемент маҳсулотлари 6810 45. Ғиштлар, блоклар, плиткалар ва шу каби оловга чидамли керамик маҳсулотлар; қўрилиш ғиштлари, қаватлар учун блоклар, Лаборатория, кимёвий ёки бошқа техник мақсадлар учун керамик буюмлар. 6902, 6904, 6909 46. Автотранспорт воситалари учун хавфсиз шиша, озиқ-овқат маҳсулотлари ва дориларни қадоқлаш учун шиша идиш, емакхона ва ошхона идишлари, лаборатория, гигиеник ва фармацевтик вазифалар учун шиша идиш, ойналар 7003 12 — 7003 30 000 0, 7004 20 — 7004 90, 7005 10 — 7005 30 000 0, 7006 00 100 0, 7006 00 900 0, 7007, 7008 00, 7009 91 000 0 , 7009 92 000 0, 7010, 7013, 7016 10 — 7016 90 700 9 , 7017, 7019 47. Кенглиги 600 мм дан кам ёки кўп бўлган темир ёки легирланмаган пўлатдан текис прокат, иссиқлайин ёйилган, совуқлайин ёйилган (совуқ ҳолда сиқилган), қопланган ёки қопланмаган, галваник ёки бошқа қоплама билан ёки у сиз; темир ёки легирланмаган пўлатдан эркин ўралган бухталардаги иссиқлайин ёйилган чивиқлар; Фақат болғалаш, иссиқ прокатлаш, иссиқлигича чўзиш ёки иссиқлигича экструдерлаш йўли билан ва кейинчалик ишлов беришсиз темир ёки легирланмаган пўлатдан чивиқлар; темир ёки легирланмаган пўлатдан бошқа чивиқлар; темир ёки легирланмаган пўлатдан бурчаклар, шаклдор ва махсус профиллар: швеллерлар, қўштаврлар ёки кенг токчали қўштаврлар, бурчак профиллари, таврли профиллар, бурчаклар, шаклдор ва махсус профиллар, с-, z-, омегасимон ёки туташтирилмаган профиллар, профилланган (қовурғали) листлар; темир ёки легирланмаган пўлатдан сим; қуймалар ёки бошқа бирламчи шаклдаги коррозияга барқарор пўлат; коррозияга барқарор пўлатдан ярим тайёр маҳсулотлар; кенглиги 600 мм дан кам ёки кўп бўлган коррозияга барқарор пўлатдан текис прокат; коррозияга барқарор пўлатдан бухталарга эркин ўралган, иссиқлайин ёйилган чивиқлар; коррозияга барқарор пўлатнинг бошқа турларидан чивиқлар; коррозияга барқарор пўлатдан бурчак, шаклдор ва махсус профиллар; коррозияга барқарор пўлатдан сим; қуймалар ёки бошқа бирламчи шаклдаги легирланган пўлатнинг бошқа турлари, легирланган пўлатнинг бошқа турларидан ярим тайёр маҳсулотлар; кенглиги 600 mm дан кам ёки кўп бўлган легирланган пўлатнинг бошқа турларидан текис прокат; легирланган пўлатнинг бошқа турларидан бухталарга эркин ўралган иссиқлайин ёйилган чивиқлар; легирланган пўлатнинг бошқа турларидан чивиқлар, бошқалар; легирланган пўлатнинг бошқа турларидан бурчак, шаклдор ва махсус профиллар; легирланган ёки легирланмаган пўлатдан бурғилаш ишлари учун кавак чивиқлар; легирланган пўлатнинг бошқа турларидан сим 7208, 7209, 7210, 7211, 7212, 7213 — 7217, 7218, 7219, 7220, 7221, 7222, 7223, 7224, 7225, 7226, 7227, 7228, 7229 48. Қора металлардан шпунтланган конструкциялар, пармаланган ёки пармаланмаган,тешилган ёки тешилмаган, яхлит ёки йиғилган элементлардан ишлаб чиқарилган; қора металлардан пайвандланган бурчак, шаклдор ва махсус профиллар; газлар ва ёқилғилар учун қора металлардан резервуарлар, цистерналар, идишлар, газ плитаси, қуюқ ва суюқ ёқилғида иситиш печлари (фритюрницалар, манқаллар), овқатни тайёрлаш ва истеъмол қилиш учун емакхона ва ошхона идишлари, ноэлектрик қиздириш билан марказий иситиш учун радиаторлар ва қора металлар, уларнинг қисмлари, темир йўл ёки трамвай йўллари — рельслар, барча турдаги рельслар ва 1520 мм (янги) кенгликдаги излар учун стрелкали учликлар учун ишлатиладиган қора металлардан қисмлар, йиғилган стрелкали ўтказмалар; икки бошли рельсли накладкалар; алоҳида бириктириш тагликлари; костил бириктириш тагликлари; алоҳида темир йўл рельслари бирикмаларининг қисқичлари; темир йўл рельсларига пружинали рельс маҳкамлагичлар; йўлнинг эгилувчан пружинали элементлари (икки ўрамли шайбалар, тарелкасимон пружиналар, эгилувчан қисқичлар); рельсли бирикмалар учун қисқичли болтлар; рельсли бирикмалар учун қисқичли болтлар учун гайкалар; рельсли туташмалар учун туташ болтлар; рельсли туташмалар учун туташтириш болтлари учун гайкалар; рельсли бирикмалар учун ўрнатиш болтлари; рельсли бирикмалар учун ўрнатиш болтлари учун гайкалар; локомотив рессорлари 7301, 7302, 7309 00 — 7310, 7311 00, 7318, 7320, 7321 (7321 90 000 0 дан ташқари), 7322, 7323 (7323 10 000 0 дан ташқари), 7324 10 000 0 (фуқаролик авиациясидан ташқари), 7324 21 000 0, 7324 29 000 0, 7324 90 000 0 (қисмларидан ташқари) 49. Прокатка, штамповка кесиш усули билан легирланмаган пўлатдан тайёрланган, икки томонлама рух қопламали томбоп металл черепица (гофрланган) ва листли рух билан қопланган пўлат прокатдан тайёрланган томбоп элементлар (фурнитура, аксессуарлар, ясси прокатдан тайёрланган том учун бутловчи материаллар) 7308 90 590 0 50. Изоляцияловчи тўлдирувчили гофрланган (қовурғасимон) листдан тайёрланган икки деворли панеллар ва деворбоп ва томбоп сэндвич-панеллар) 7308 90 510 0 51. Фақат ўт ўчириш карабинлари 7326 90 920 9, 7326 90 940 0, 7326 90 980 7 52. Ўт ўчириш қурилмалари учун бириктириш каллаклари 7609 00 000 0 53. Марказий иситиш учун алюминий ва биметалл радиаторлар 7616 99 100 2 7616 99 100 3 54. Буғ қозонлари, марказий иситиш қозонлари, газгенераторлар ёки тозалаш қурилмалари билан ёки уларсиз сувли газ генераторлари; ацителенли газгенераторлари ва тозалаш ускуналари билан ёки уларсиз шунга ўхшаш газ генераторлари; куч қурилмалари, суюқлик ва ҳаво насослари, компрессорлар, ҳаво тортиш вентиляторлари ва шкафлари, ҳавони кондиционерлаш учун қурилмалар, ёқиш горелкалари, совитгичлар ва музлатгичлар, стерилизаторлар, дистилляторлар (электр ва электр бўлмаган иситиш билан саноат ёки лаборатория машиналари, ускуналари), марказга интилма қуритгичлар билан центрифугалар; суюқликлар ёки газларни филтрлаш ва тозалаш учун ускуналар ва қурилмалар, идиш-товоқ ювиш машиналари; бутилкалар ки бошқа сиғимларни ювиш ёки қуритиш учун ускуналар; бутилкалар, банкалар, яшикларни, қопларни ёки бошқа сиғимларни ёпиш, тўлдириш, тиқинлаш учун ускуналар, уларни тамғалаш ёки этикеткалаш учун; бутилкалар, банкалар, тубиклар ва шунга ўхшаш сиғимларни қалпоқлар ёки қопқоқлар билан зичлаб тиқинлаш учун ускуналар; қадоқлаш ёки тиқинлаш учун ускуналар (термик сиқиш йўли билан маҳсулотларни ўраш учун ишлатиладиган ускуналар); ичимликларни газлантириш учун ускуналар: (олдин фойдаланилган, кемалар ва фуқаролик авиациясида ишлатиладиганларидан ташқари), буғоқимли ёки қумоқимли ва шунга ўхшаш ускуналар: кўтариш талилари ва кўтаргичлар, турли хилдаги кўтариш кранлари, автоюклагичлар, юкларни кўчириш учун машиналар ва ускуналар, қишлоқ хўжалиги, чорвачилик ва овқат тайёрлаш учун қурилмалар ва аппаратлар, тўқувчилик станоклари, савдо автоматлари 8402 11 000 — 8402 20000 9 8403 10, 8405 10 000 0, 8410 11 000 0, 8410 12 000 0, 8410 13 000 0, 8412 10 — 8412 80, 8413 11 000 0 — 8413 81 000 0 (8413 20 000 0, 8413 30 200 1, 8413 30 800 1 дан ташқари), 8414 10 — 8414 80 (8414 30 200 1, 8414 30 810 1, 8414 30 810 5, 8414 30 890 1, 8414 80 110 0, 8414 80 190 0 дан ташқари), 8415 20 — 8415 83 0000 (8415 20 000 1 дан ташқари), 8416 10 — 8416 20 800 0, 8418 30 — 8418 69 000, 8419 11 000 0 — 8419 89 (8419 81 200 0 8419 81 800 0 дан ташқари), 8421 11 000 0 — 8421 39, 8422 19 000 0 — 8422 40 000 8, 8425 (8425 39 000 2 дан ташқари), 8427, 8428 (8428 20 800 1, 8428 33 000 0, 8428 90 дан ташқари), 8429, 8430, 8433 11 — 8433 60 000 0 (8433 30 000 0, 8433 40 000, 8433 51 000, 8433 52 000 0, 8433 59 дан ташқари), 8434 10 000 0, 8434 20 000 0, 8435 10 000 0, 8436 10 0000 — 8436 80 900 0, 8437 10 000 0, 8437 80 000 0, 8438 10 — 8438 80 990 0, 8450 20 000 0, 8452 10 900 0 — 8452 29 000 0 (фақат двигателли машиналар), 8471 30 000 0, 8471 41 000 0, 8471 49 000 0, 8471 50 000 0 8472 10 000 0, 8476 21 000 0 — 8476 89 000 0, 8481 10 050 0 — 8481 80 990 7 55. Назорат-касса машиналари (ичига ўрнатилган босиб чиқарувчи ускуналар ва касса аппаратлари билан электрон ҳисоблаш машиналари) 8470 21 000 0, 8470 50 000 56. Электр машиналар ва ускуналар; двигателлар (фуқаролик авиацияси учун мўлжалланганларидан ташқари) ва генераторлар, электргенераторли қурилмалар ва айланадиган электр ўзгартирувчилар, ўзгарувчан ток электр трансформаторлари, аккумуляторлар, печлар ва саноат камералари, овоз ёзувчи ва овоз акс эттирувчи аппаратлар, телевизион тасвир ва овозни акс эттириш ва ёзиш учун аппаратлар, электр лампалар ва қувурчалар, қиздириш лампалари (12w дан юқори), учлик (терминал) ускуна, шунингдек, телекоммуникациялар тармоғи ускуналарида оператив-қидирув тизимининг тадбирларини бажариш учун техник (аппарат-дастурий) воситалар, изоляцияловчи арматура, телекоммуникацияларнинг техник воситалари; ахборотнинг техник ва криптографик ҳимояси воситалари, спорт мақсадлари учун ишлатиладиган жадвалча ва электрон сигареталар ва шунга ўхшаш индивидуал электр буғлаштиргичлар. 8501 — 8502, (8501 20 000 1, 8501 32 000 1, 8501 33 000 1, 8501 40 200 1, 8501 40 800 1, 8501 52 900 1 дан ташқари), 8504 10 — 8504 50 950 0 (8504 40 300 03, 8504 40 300 4 дан ташқари), 8507 10 — 8507 80 000 0 (8507 10 200 1, 8507 10 200 2, 8507 10 800 1 дан ташқари), 8514 10 — 8514 40 000 0, 8515 11 000 0 — 8515 80 900 0, 8516 31 — 8516 80 800 0, 8517 11 000 0 — 8517 69 900 0, 8518 21 000 0, 8518 22 000 0, 8518 29 960 0, 8519 20 — 8519 81 110 0, 8521, 8525 50 000 0, 8526 — 8528 73 000 0 (8526 10 000 1, 8528 42 100 0 8528 52 100 0, 8528 52 300 0 8528 52 900 0, 8528 59 100 0 8528 59 900 0, 8528 71 110 0 8528 71 150 0, 8528 71 190 0 8528 71 910 0, 8528 71 990 0 8528 72 100 0, 8528 72 200 1 8528 72 200 9, 8528 72 300 1 8528 72 300 2, 8528 72 300 3 8528 72 300 9, 8528 72 400 0 8528 72 600 0, 8528 72 800 0 дан ташқари), 8530 10 000 0, 8530 80 000 0, 8531 10 — 8531 10 950 0, 8531 20 200 0, 8535 — 8537, 8539 10 000 — 8539 52 900 0 (8539 10 000 1, 8539 21 300 1, 8539 29 300 1 дан ташқари), 8540 11 000 — 8540 89 000 0, 8543 40 000 0, 8546 57. Қуёш панеллари 8501 71 000 0, 8501 72 000 0 8501 80 000 0, 8541 42 000 0, 8541 43 000 0 58. Локомотивлар ва мотор вагонли ҳаракатдаги составлар; балласт тозалаш машиналари; балласт призмасини шакллантириш, балластни режалаштириш ва қайта тақсимлаш учун машиналар; рельсларни кирдан тозалаш учун ва шпал яшикларида балластни кесиш учун машиналар; икки йўл оралиғида балластни кесиш учун машиналар; рельс пайвандлаш машиналари; шпалларни алмаштириш учун машиналар ва механизмлар; рельс бириктиргичларини маҳкамлаш ва мойлаш учун машиналар; рельс сайқаллаш машиналари ва поездлари; автомотрисалар, мотодрезиналар, мотовозлар; локомотив билан тортиладиган йўловчи вагонлари (янги), шу жумладан, почта-багаж ва багаж; ёпиқ (янги) юк вагонлари (универсал); дон, минерал ўғитлар ҳамда минерал ўғитлар хомашёси, аппатит концентрати, автомобиллар, қора мол, цемент, гранулаланган қурум, ун, қоғоз, гранулаланган полимерлар, техник углерод, совуқлайин ёйилган пўлатни ташиш учун; ярим ёпиқ вагонлар универсал; қиздирилган бўлаклар ва агломерат; битум; кокс; сочилувчан металлургия юклари; торф; вагон-думпкарлар ва хоппер-дозаторларни ташиш учун; цистерналар (нефть-бензин учун); саккиз ўқли нефть бензин учун; қуюшқоқ нефть маҳсулотларини ташиш учун; 4 ва 8 — ўқли цистерналар кислоталарни ташиш учун (олтингугурт, суперфосфат, сиркали, олеум); яхшиланган олтингугурт кислотасини ташиш учун; меланжни ташиш учун; спирт ва озиқ-овқат маҳсулотларини ташиш учун (спирт, виноматериаллар, мева-сабзавотли шарбатлар, сутни ташиш учун); пропан, аммиак, углеводород газларни ташиш учун; хлор, этил суюқликлар, ацеталдегид, винилхлорид, пентан, сариқ фосфорни ташиш учун; калцийланган сода, поливинилхлорид, капролактам, суюқ пек, сулфанол пастаси, олтингугурт, эритилган олтингугуртни ташиш учун; бензол, заҳарли кимёвий моддалар, метанолни ташиш учун; цементни ташиш учун; оғир кукунсимон юкларни ташиш учун; платформалар (универсал); катта юкли контейнерларни, катта тоннажли контейнерларни ва ғилдиракли техникани ташиш учун; икки қаватли автомобилларни ташиш учун; рулонли пўлатни ташиш учун; ҳавозани хлистларда ташиш учун; ёғоч-тахталарни ташиш учун; универсал ВО-118 турдаги металл стойкаларни бутликлари билан; тележка; ғилдирак жуфти; яхлит ёйилган ғилдираклар; ўқлар; ўралган пружиналар; рессорлар; гидравлик тебраниш сўндиргичлар; рессор усти тўсини; ён рама; тележка рамаси; ҳаво тақсимлагичлар, электр ҳаво тақсимлагичлар (йиғилган ҳолдаги) билан бирга; бириктирув шланглари; триангелллар; тормоз бошмоқлари, тормоз колодкалари; тормоз цилиндрлари; автосцепка (йиғилган ҳолда) (автосцепка корпуси, сўндирувчи аппарат, хомут, олд ва орқа тиргаклар, пона); ўрта тоннажли контейнерлар (янги) (универсал, махсус, жумладан, хавфли юкларни ташиш учун); тепловозлар ва дизел-поездларнинг бош юритувчисининг (привод) кардан валлари; локомотив ғилдираклари жуфтлари; локомотивнинг ғилдирак ўқлари; генераторлар юритувчисининг (привод) кардан валлари; стрелкали назорат қулфлари; горка секинлаштиргичлари 8601 10 000 0, 8601 20 000 0, 8602 10 000 0 8602 90 000 0 8603 10, 8603 90 000 0, 8604 00 000 0, 8605 00 000, 8606 10 000 0, 8606 30 000 0, 8606 91 100 0, 8606 91 800 0, 8606 92 000 0, 8606 99 000 0, 8607 11 000 0, 8607 12 000 0, 8607 19 100 9, 8607 19 900 0, 8607 21, 8607 29 000 0, 8607 30 000 0, 8607 91 100 0, 8607 91 900 0, 8607 99 100 0, 8607 99 800 0, 8608 00 000 1, 8608 00 000 9, 8609 00 59. Ер усти транспорти воситалари (тракторлар, одамлар ва юкларни ташиш учун автотранспорт воситалари, велосипедлар, мотоцикллар, мопедлар, коляскалар, тиркамалар ва ярим тиркамалар), эҳтиёт қисмлари. 8701 — 8706 (8701 91 500 0, 8701 92 500 0, 8701 93 500 0, 8701 94 500 0, 8701 95 500 0, 8702 10 19, 8702 10 99, 8702 20 19, 8702 20 99, 8702 30 19, 8702 30 99, 8702 90 19, 8702 90 39, 8703 21 90, 8703 22 90, 8703 23 90, 8703 24 90, 8703 31 90, 8703 32 90, 8703 33 90, 8703 40 20, 8703 40 40, 8703 40 60, 8703 40 80, 8703 50 20, 8703 50 40, 8703 50 60, 8703 60 20, 8703 60 40, 8703 60 60, 8703 60 80, 8703 70 20, 8703 70 40, 8703 70 60, 8704 21 380, 8704 21 980, 8704 22 980, 8704 23 980, 8704 31 380, 8704 31 980, 8704 32 980 дан ташқари), 8708 10 (эҳтиёт қисмларидан ташқари), 8708 21, 8708 30 (эҳтиёт қисмларидан ташқари), 8708 70 (эҳтиёт қисмларидан ташқари), 8708 94 350 9, 8709 11 — 8709 19 900 0, 8711 — 8713, 8715 00 100 0, 8716 10 — 8716 80 000 0 (8716 39 800 дан ташқари) 60. Оптик, прецизион, тиббиёт ёки жарроҳлик ва лаборатория асбоб-ускуналари ва аппаратлари (сарф ва назорат материалларининг эҳтиёт қисмларидан ташқари); ўлчаш ва назорат қилиш қурилмалари, баландликни ўлчагичлар ва спорт рулеткалари, автоматик тартибга солиш ва назорат қилиш учун ускуналар, геодезия ёки топографик (фотограмметриклар билан бирга), гидрографик, океонографик, гидрологик, метеорологик ёки геофизик, компаслардан ташқари қурилмалар ва асбоб-ускуналар; масофа ўлчагичлар, 0,05 г ёки ундан кўп сезувчанликдаги тарозилар, микрометрлар, кронциркуллар, штангенциркуллар ва калибрлар, нафас олиш аппаратураси ва ускуналари, асосий вазифаси рақамли нусха кўчириш бўлган, асл нусхасини сканерлаб ва нусхаларини электростатик усулда босиб чиқарувчи машиналар 9008 50 000 0 (фақат слайдлар учун проекторлар), 9015 10 — 9015 80 990 0, 9016 00 100 0, 9017 30 000 0, 9017 80 100 0, 9018 — 9020 00 000 0 (9018 32 — 9018 49 9000 дан ташқари), 9022 (9022 90 000 0 дан ташқари), 9024 10 — 9024 80 900 0, 9025 11 — 9025 80 800 0, 9026 10 — 9026 80800 0, 9027 (9027 90 500 0, 9027 90 800 0 дан ташқари), 9028 10 000 0 — 9028 30 900 0, 9029 10 000 — 9029 20 900 0, 9030 10 000 0 — 9030 89 900 9, 9031 10 000 0 — 9031 80 980 0, 9032 10 — 9032 89 000 61. Ўқотар хизмат қуроли; Фуқаролар қуроли: пистолетлар ва тўппончалар, механик газ пуркагич, аэрозол ва бошқа мосламалар, кўзни ёшлантирувчи ёки аччиқлантирувчи таъсирга эга моддаларга шайланган газ балонлари, электрошокли мосламалар ва учқун разрядли сигналли қурол; ўқ-дорилар: ўқотар хизмат қуроли учун ўқлар; газ ва сигнал қуроллари учун бўш ўқлар, газ қуроллар учун газли ўқлар; қурол ва ўқ-дориларга ташқи кўриниши ўхшаш муляжлар ва макетлар; конструктив жиҳатдан 0,5 J дан катта бўлган, 3 J дан катта бўлмаган ствол энергияли пневматик қуролга яқин бўлган; спорт анжомлари, конструкцияси қуролга яқин; саноат ва махсус мосламалар учун ўқлар; дам олишга ва ўйин-кулги учун арбалетлар ва камонлар; сув ости ови учун милтиқлар ва тўппончалар; пейнтбол ўйини учун маркерлар; қиличлар, шамширлар (сабли), шпагалар, найзалар (пики) ва шуларга ўхшаш қуроллар, санаб ўтилган қуролларнинг қисмлари, қинлар (ножны) ва уларга ғилофлар 9302 00 000 0, 9303, 9304 00 000 0, 9306, 9307 00 000 0, 62. Ўйинчоқлар 9503 00 63. Ўйинлар, шашкалар, шахматлар; каруселлар, арғимчоқлар ва бошқа аттракционлар 9504 90 800 9, 9508 21 — 9508 29 64. Термослар ва вакуум сиғимлар 9617 00 000 65. Машқ қилиш манекени, гигиеник аёллар қистирмалари ва тампонлари, болалар йўргаклари ва тагликлари ва ҳар қандай материалдан шунга ўхшаш маҳсулотлар 9618 00 000 0, 9619 00 Хавф даражаси юқори бўлмаган мувофиқлик тўғрисидаги декларация расмийлаштирилиш лозим бўлган маҳсулотлар 66. Чақмоқтош, мармар, гранит, шағал, асбест 2506 10 000 0, 2508 10 000 0, 2509 00 000 0, 2515, 2516, 2517 10 100 0, 2517 10 200 0, 2520, 2524, 2526 20 000 0 67. Ўт ўчириш кукунлари (натрий бикарбонат асосидаги), озиқ-овқат содаси 2836 30 000 0 68. Антибиотиклар, келиб чиқиши ўсимликларга тегишли бўлган сулфонамидлар, провитаминлар, витаминлар, гормонлар, гликозидлар ва алкалоидлар 2935 — 2939, 2941 69. Бўёқлар ва локлар (фақат ўтдан сақлайдиганлар) 3209 90 000 0 70. Совун, юзаки-фаол органик моддалар, ювиш воситалари, мойлаш материаллари, сунъий ва тайёр мумлар, тозалаш ёки сайқаллаш учун таркиблар, шамлар ва шунга ўхшаш маҳсулотлар, ясаш учун пасталар, пластилин, «тиш даволаш муми» ва гипс асосидаги тиш даволаш таркиблари 3401 — 3407 00 000 0 71. Казеинлар, казеинатлар ва бошқа козеин ясамалари; альбуминлар, альбуминатлар ва бошқа альбумин ясамалари; желатин ва бошқа желатин ясамалари; пептонлар ва уларнинг ясамалари; оқсилли моддалари ва бошқа уларнинг ясамалари; декстринлар ва бошқа модификацияланган крахмаллар; ферментлар; ферментли препаратлар. 3501 10 900 0, 3502 11 900 0, 3502 19 900 0, 3503 00 100, 3504 00, 3505 10 900 0, 3507 72. Портловчи моддалар; зарбли ёки детонацияловчи пистонлар; пилталар; электрдетонаторлар; пиротехник маҳсулотлар; 3601 00 000 0, 3602 00 000 0, 3604 73. Ўт ўчиргичлар учун таркиблар ва зарядлар 3813 00 000 0 74. Пластмассадан маҳсулотлар (қувурлар, трубкалар, фитинглар, пол учун қопламалар, плиталар, листлар, плёнкалар, санитар-техник маҳсулотлар, озиқ-овқат маҳсулотларига тегиб турувчи қадоқ, озиқ-овқат маҳсулотлари учун емакхона ва ошхона идиш товоқлари) 3917 — 3923 30 909 0, 3923 50 75. Қувурлар, трубкалар, шланглар, шиналар ва пневматик покришкалар. 4009, 4011 76. Йирик шохли қорамол (шунингдек, буйволлар) ёки отсимонлар оиласига кирувчи ҳайвонлар терисидан ошланган чарм ёки чарм красти, юнг қопламасисиз, қатланган ёки қатланмаган, лекин кейинги ишлов беришларсиз; қўй терилари ёки қўзичоқ териларидан олинган ошланган чарм ёки чарм красти, юнг қопламасисиз, қатланган ёки қатланмаган, лекин кейинги ишлов беришларсиз; бошқа ҳайвонлар терисидан олинган ошланган чарм ёки чарм краст, юнг ёки тук қопламасисиз, қатланган ёки қатланмаган, лекин кейинги ишлов беришларсиз; йирик шохли қорамол (шунингдек, буйволлар) ёки отсимонлар оиласига кирувчи ҳайвонлар териларидан ёки терининг қобиғи шаклида қўшимча равишда ишлов берилган теридан чарм красти, шу жумладан, пергамент остида ишлов берилган қорамол терисидан, юнг қопламасисиз, қатланган ёки қатланмаган; қўй терисидан ёки терининг қобиғи шаклида қўшимча равишда ишлов берилган чарм красти, шу жумладан, қўй терисидан ёки қўзиларнинг терисидан тайёрланган чарм, юнг қопламасисиз, қатланган ёки қатланмаган; теридан ёки терининг қобиғи шаклидаги қайта ишланган, шу жумладан, пергамент остида ишлов берилган бошқа ҳайвонларнинг терисидан чарм, юнг ёки тук қопламасисиз, қатланган ёки қатланмаган; замш (шунингдек, комбинацияланган замшлар); локли чарм ва ламинацияланган локли чарм; металлизация қилинган чарм; табиий чарм асосидаги композицион чарм ёки пластиналар, листлар ёки тасмалар, ёки ленталар, ўрамларда ёки ўрамларда бўлмаган чарм толалар 4104 11 100 0 — 4114 20 000 0 77. Сафар сандиқлари, жамадонлар, пардоз-андоз воситалари ёки шахсий гигиена тўпламлари учун жамадонча, иш қоғозлари учун кейслар, портфеллар, мактаб сумкалари ва сафар халталари, кўзойнак, дурбинлар, фотоаппаратлар, мусиқа асбоблари, милтиқлар, тўппонча қини ва ўхшаш маҳсулотлар учун ғилофлар; сафар сумкалари, озиқ-овқат маҳсулотлари ёки ичимликлар учун термос-сумкалар, пардоз-андоз воситалари ёки шахсий гигиена тўпламлари учун сумкачалар, рюкзаклар, аёллар ва эркаклар сумкалари, хўжалик сумкалари, ҳамён, кармонлар, география харитаси, портсигарлар, тамаки халталар учун ғилофлар, иш асбоб-ускуналари учун сумкалар, спорт сумкалари, бутилкалар учун қутилар, заргарлик буюмлари учун қутича, упадонлар, кесувчи ёки шунга ўхшаш маҳсулотлар учун табиий ёки композицион чармлардан қилинган ғилофлар; қайишдан қилинган эгар маҳсулотлари ва барча ҳайвонлар учун абзаллар (шунингдек, постромкалар, тизмалар, тиззабандлар, тумшуқбоғлар, ёпинчиқлар, йиғилган халталар, ит ёпинчиқлари ва ўхшаш маҳсулотлар), ихтиёрий материаллардан тайёрланади; Кийим предметлари ва кийимга алоқадор табиий чарм ёки композицион чармлар 4201 00 000 0, 4202, 4203 78. Темир йўл ёки трамвай йўллари учун ёғоч шпаллар; буриш стрелкалари учун ёғоч бруслар; пол, девор ва шифт учун ёғоч толали қопламалар ва шуларга ўхшаш қатрон (смола) билан тўйинмаган ёки тўйинган плиталар, елимланган фанер, фанер қопланган ва ёғоч қатламларидан қилинган (ёки ўхшаш материаллардан) панеллар 4410, 4411 12 900 0 4411 13 900 0 4411 14 900 0 4411 92 900 0 4411 93 900 0 4411 94 900 0 4412 79. Емакхона ва ошхонага алоқадор ёғоч бочкалар, бочкачалар, чанлар, кадкалар ва бошқа бочка маҳсулотлари (озиқ-овқат маҳсулотлари билан алоқада бўладиган) 4416 00 000 0, 4419 80. Табиий пўкаклардан қилинган маҳсулотлар 4503 10 81. Қоғоздан тайёрланган филтр блоклари, плиталар ва плиталар, папирос қоғози, гулқоғозлар, гигиеник қоғозлар, Картонлар, қутилар, қутилар, сумкалар, сумкалар ва бошқа қадоқлаш идишлари, фильтр учун қоғоз ва картон, қоғоздан ошхона идишлар. 4812 00 000 0, 4813, 4814, 4818, 4819, 4823 20 000 4823 69 82. Кундаликлар; дафтарлар 4820 10 500 0, 4820 20 000 0 83. Пахта толаси, пахта толасидан газламалар 5201 00, 5203 00 000 0, 5208 — 5212 84. Арқонлар (фақат ўт ўчирувчиларни сақлаш учун фойдаланиладиган) 5607 49 190 0 — 5607 90 900 0 85. Ёнғин босим шланглари 5909 00 100 0, 5909 00 900 0 86. Эркаклар ёки ўғил болалар учун пальтолар, калта пальтолар, ёпинғичлар, плашлар, курткалар (шунингдек, чангиларга оид), ветровкалар, штормовкалар ва шунга ўхшаш маҳсулотлар, машина ёки қўлда тўқилган трикотаж маҳсулотлар; аёллар ёки қиз болалар учун пальтолар, аёлларнинг калта ёпинғичлари, плашлар, курткалар (шунингдек, чангиларга оид), ветровкалар, штормовкалар ва ўхшаш маҳсулотлар, машина ёки қўлда тўқилган трикотаж маҳсулотлар; эркаклар ёки ўғил болалар учун костюмлар, комплектлар, пиджаклар, блайзерлар, шимлар, кўкракпеч ва елка тасма билан комбинезонлар, бриджи ва шортилар (чўмилиш кийимидан ташқари) машина ёки қўлда тўқилган трикотаж маҳсулотлар; аёллар ёки қиз болалар учун костюмлар, комплектлар, жакетлар, блайзерлар, кўйлаклар, юбкалар, юбка-шимлар, шимлар, кўкракпеч ва елка тасма билан комбинезонлар, бриджи ва шортилар (чўмилиш кийимидан ташқари) машина ёки қўлда тўқилган трикотаж маҳсулотлар; свитерлар, пуловерлар, кардиганлар, жилетлар ва ўхшаш маҳсулотлар машина ёки қўлда тўқилган трикотаж маҳсулотлардан; спорт, чанғичилар ва чўмилиш кастюмлари машина ёки қўлда тўқилган трикотаж маҳсулотлардан; 5903, 5906 ёки 5907 товар позицияларидан машина ёки қўлда тўқилган трикотаж матодан кийим предметлари; машина ёки қўлда тўқилган трикотаждан бошқа кийим предметлари; машина ёки қўлда тўқилган трикотаждан қўлқоплар, митенкалар; машина ёки қўлда тўқилган трикотаждан бошқа тайёр кийимларга керакли нарсалар; машина ёки қўлда тўқилган трикотаждан кийим қисмлари ёки кийимларга керакли нарсалар 6101, 6102, 6103, 6104, 6110, 6112, 6113, 6114, 6116 87. Пальто, калта пальто, накидкалар, плашлар, курткалар (шунингдек, чанғичиларга оид), ветровкалар, штормовкалар ва ўхшаш маҳсулотлар эркаклар ёки ўғил болалар учун; пальто, калта пальто, накидкалар, плашлар, курткалар (шунингдек, чанғичиларга оид), ветровкалар, штормовкалар ва ўхшаш маҳсулотлар аёллар ёки қиз болалар учун; эркаклар ёки ўғил болалар учун костюмлар, комплектлар, пиджаклар, блайзерлар, шимлар, кўкракпеч ва елка тасма билан комбинезонлар, бриджи ва шортилар (чўмилиш кийимидан ташқари) эркаклар ёки ўғил болалар учун; аёллар ёки қиз болалар учун костюмлар, комплектлар, жакетлар, блайзерлар, кўйлаклар, юбкалар, юбка-шимлар, шимлар,кўкракпеч ва елка тасма билан комбинезонлар, брижи шортилар (чўмилиш кийимидан ташқари); 5602, 5603, 5903, 5906 ёки 5907 товар позицияли материаллардан ишлаб чиқарилган кийимлар предметлари; спорт, чанғичилар ва чўмилиш кастюмлари; бошқа кийимлар предметлари; рўмоллар; шолрўмол, шарфлар, кашнелар, мантильялар, енгил шаффоф газламалар ва ўхшаш маҳсулотлар; бўйинбоғлар, бабочка-бўйинбоғлар ва бўйин рўмоли, қўлқоплар ва митенкалар; бошқа тайёр кийимларга керакли нарсалар; кийимлар қисмлари ёки кийимларга керакли нарсалар 6201, 6202, 6203, 6204, 6210, 6211, 6213, 6214, 6215, 6216 88. Спорт учун тўқимачилик байроқлари 6307 90 980 0 89. Ёнғин каскалари ва шлемлари; Спорт учун бош кийимлар 6506 10 800 0 6506 91 000 0 90. Панеллар, плиталар, минерал боғловчи моддалар билан алгомерланган плиткалар, гипсли плиталар ва панеллар, тормоз накладкаси, темир-бетон шпаллар ва темир-бетон стрелкали бруслар 6808 00 000 0, 6809, 6811, 6813 20 000 0 (фақат тормоз колодкалари накладкалари), 6813 81 000 0 91. Сопол маҳсулотлар (ғиштлар, блоклар, плиталар, сопол қувурлар, поллар ва печкалар учун плиталар, ванналар, раковиналар, унитазлар, емакхона ва ошхона идишлари) 6901 00 000 0, 6903, 6905, 6906 00 000 0, 6907, 6910, 6911, 6912 00 92. Рафинирланган мис ва ишлов берилмаган мис қотишмалар 7403 93. Мисдан маҳсулотлар (овқат тайёрлаш учун маиший қурилмалар, овқат тайёрлаш ва истеъмол қилиш учун ошхона идишлари) 7418 94. Ишлов берилмаган никел; плиталар, листлар, тилимлар ёки ленталар ва никел фолга 7502, 7506 95. Ишлов берилмаган алюминий; алюминий чивиқлар ва профиллар; қалинлиги 0,2 мм дан кўп бўлган плиталар, листлар, тилимлар ёки ленталар 7601 10 000 0 — 7601 20 800 9, 7604 10 100 1 — 7604 29 900 0, 7606 11 100 0 — 7606 92 000 0 96. Овқат тайёрлаш ва истеъмол қилиш учун алюминийдан ошхона маҳсулотлари, санитар-техник ускуна (ошхона идишларини тозалаш учун мочалкалар, тозалаш ёки сайқаллаш учун ёстиқчалар, қўлқоплар ва шунга ўхшаш маҳсулотлар) 7615 — 7615 20 000 0 97. Қайта ишлов берилмаган рух 7901 98. Ишлов берилмаган қалай, қалай чивиқлар, профиллар ва сим 8001, 8003 00 000 0 99. Ишлов берилмаган магний; кобалт штейни ва кобалт металлургиясининг бошқа оралиқ маҳсулотлари; кобалт ва ундан ясалган маҳсулотлар, чиқиндилар ва ломни билан бирга; ишлов берилмаган висмут; чиқиндилар ва лом; кадмий ва ундан ясалган маҳсулотлар, чиқиндилар ва ломни билан бирга; титан ва ундан ясалган маҳсулотлар, чиқиндилар ва лом қўшилгани 8106 10 000 0, 8105 20 000 1 — 8105 90 000 9, 8107 20 000 0 — 8107 90 000 0, 8104 11 000 0 — 8104 19 000 0, 8108 8112 61 000 0-8112 69 000 9 100. Пичоқ маҳсулотлари, қошиқлар ва санчқилар, ошхона тўпламлари ва бошқа ошхона жиҳозлари 8215 101. Ички ёниш двигателлари турбореактив гидротурбиналар, саноат ёки лаборатория печкалари ва камералари, маҳсулотларни тортиш учун ускуналар; суюқликлар ёки кукунларни супуриш, сепиш ёки сочиш учун механик қурилмалар (қўлда бошқариш ёки усиз); ўқланган ёки ўқланмаган ўт ўчиргичлар; пулверизаторлар ва шунга ўхшаш ускуналар; буғоқимли ёки қумоқимли ва шунга ўхшаш ускуналар: қишлоқ хўжалиги ва автойўл техникаси, Толали селлюлоза материалларидан бошқа маҳсулотлар ишлаб чиқариш ускуналари, нусха олиш-кўпайтириш машиналари, Кимёвий тўқимачилик материалларини экструдировка қилиш, тортиб олиш, текстура қилиш ёки кесиш учун машиналар, Тўқимачилик толаларини тайёрлаш машиналари, тўқув машиналари. 8407 (8407 10 000, 8407 21, 8407 34 100 0, 8407 34 300, 8407 90 500 0 дан ташқари), 8417 10 000 0 — 8417 80 700 0, 8423 — 8424 89 000 9, 8432 10 000 0 — 8432 80 000 0, 8439 10 000 — 8439 30 000 0, 8443 31 — 8443 39 390 0 (8443 32 100 дан ташқари), 8444 00 — 8447 90 000 9 102. Лампа учун патронлар 8536 61 103. Ер усти транспортлари учун кузовлар. 8707 (8707 90 100 0, 8707 90 900 9 дан ташқари) 104. Оптик толалар, тўпламлар ва оптик-толали кабеллар, Тиббий игналар, эшитиш ускуналари. 9001 10, 9018 32 — 9018 49 900 0, 9021 40 000 0 105. Намойиш қилиш учун мўлжалланган ва бошқа соҳада фойдаланиш учун яроқсиз бўлган ускуналар, аппаратлар ва моделлар (мисол учун, ўқитишда ёки кўргазмада кўрсатишда) 9023 00 106. Фақат электрон секундомерлар, шахмат соатлари 9102 99 000 0, 9106 90 000 0 107. Мебель (шахсий буюртмалар бўйича ишлаб чиқариладиган мебеллардан ташқари); бошқа жойда номма-ном саналмаган ёки киритилмаган лампалар ва ёритиш ускуналари 9401 10 000 0 — 9401 80 000, 9403 10 — 9403 89 000 0, 9405 11 — 9405 69 000 9 108. Спорт инвентари 9506

4. Вазирлар Маҳкамасининг 2020 йил 14 майдаги 283-сон қарори билан тасдиқланган Ташқи савдо операциялари амалга оширилиши мониторингини олиб бориш ва назорат қилиш тартиби тўғрисидаги низомда :

а) 4-банднинг «б» кичик банди иккинчи хатбошиси қуйидаги таҳрирда баён этилсин:

«Бунда товарнинг умумий қабул қилинган халқаро стандартлари, Ўзбекистон Республикасида амал қилувчи товар (хизмат) стандартлари, шунингдек, хусусияти бўйича унинг типи, модели, маркаси, нави, тури ва давлат рўйхатидан ўтганлик гувоҳномаси (мувофиқлик сертификати мавжуд бўлса) тўғрисида маълумотлар ҳам кўрсатилиши лозим»;

б) 2-илованинг 1-босқичи «Тадбирлар» устуни қуйидаги таҳрирда баён этилсин:

« Ташқи савдо операцияларининг ягона электрон ахборот тизимига (ТСОЯЭАТ):

1. Тузилган ташқи савдо контрактлари ва инвойслар ҳамда давлат рўйхатидан ўтганлик гувоҳномалари (мувофиқлик сертификатлари мавжуд бўлса);

2. Биржа (ярмарка)да тузилган контрактларни киритиш».

5. Вазирлар Маҳкамасининг 2017 йил 25 апрелдаги 237-сон қарори билан тасдиқланган Муомалага чиқарилаётган ғилдиракли транспорт воситаларининг хавфсизлиги тўғрисидаги умумий техник регламентга 5-илова рус тилидаги матни:

10-бандидаги «выпуск в обращение такого вида транспортного средства, осуществляется в порядке, установленном законодательством» сўзлари «в одобрении типа транспортного средства или сертификате соответствия делается запись о необходимости оформления специального разрешения для передвижения такого транспортного средства по дорогам общего пользования» сўзлари билан алмаштирилсин;

қуйидаги таҳрирдаги 20-банд билан тўлдирилсин:

«20. При превышении весовых параметров транспортного средства значений, указанных в пунктах 14 — 19 настоящего приложения, в одобрении типа транспортного средства или сертификате соответствия делается запись о необходимости оформления специального разрешения для передвижения такого транспортного средства по дорогам общего пользования».

Ўзбекистон Республикасининг Бош вазири А. АРИПОВ

Тошкент ш.,

2024 йил 14 август,

502-сон

(Қонунчилик маълумотлари миллий базаси, 24.08.2024 й., 09/24/502/0644-сон; 08.11.2024 й., 09/24/727/0905-сон; 02.09.2025 й., 09/25/554/0797-сон; 14.11.2025 й., 09/25/720/1052-сон; 29.12.2025 й., 09/25/831/1227-сон; 13.07.2026 й., 09/26/375/0726-сон; 09.09.2026 й., 09/26/472/0908-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SHAKLI

SXEMALARI

NIZOM

SHAKLI

NIZOM

SXEMASI

SXEMASI

ROʻYXATI

Mahsulotlarni davlat roʻyxatidan oʻtkazish va muvofiqlikni baholash tartiblariga oid nizomlarni tasdiqlash toʻgʻrisida

Oʻzbekiston Respublikasining “Texnik jihatdan tartibga solish toʻgʻrisida”gi Qonuni , Oʻzbekiston Respublikasi Prezidentining “Texnik jihatdan tartibga solish sohasidagi davlat boshqaruvini yanada takomillashtirishga doir chora-tadbirlar toʻgʻrisida” 2024-yil 27-fevraldagi PF-41-son Farmoni ijrosini taʼminlash, shuningdek, texnik jihatdan tartibga solish sohasida davlat boshqaruvini samarali tashkil etish, raqamli texnologiyalarni joriy etish orqali ushbu sohani shaffof tizimga aylantirish maqsadida Vazirlar Mahkamasi qaror qiladi:

1. Quyidagilarni nazarda tutuvchi:

b) Mahsulotlarni sertifikatlashtirish tartibi toʻgʻrisidagi nizom 2-ilovaga muvofiq:

mahsulotlarning intellektual mulk obyektlariga boʻlgan huquqlarini oʻrganish va tekshirish;

sertifikatlashtirish ishlarini amalga oshirish;

mahsulotlarni sertifikatlashtirish sxemalarini qoʻllash;

sertifikatlashtirilgan mahsulotlarni davriy baholash;

muvofiqlik sertifikatiga oʻzgartirish kiritish tartibi;

g) Menejment tizimlarini sertifikatlashtirish tartibi toʻgʻrisidagi nizom 4-ilovaga muvofiq:

sertifikatlashtirish ishlarini amalga oshirish;

sertifikatlashtirishga arizani qabul qilishni rad etish uchun asoslar;

muvofiqlik sertifikatini tasdiqlash, uning amal qilishini toʻxtatib turish, tugatish va uni bekor qilish;

sertifikatlashtirish sohasini kengaytirish yoki qisqartirish;

menejment tizimlarini joriy etish hamda oʻqitish boʻyicha ishlar va xizmatlar toʻlovi, uni hisoblash tartibi;

d) Mahsulotlarning texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlar roʻyxatini yuritish, ularni erkin muomaladan chiqarish va utilizatsiya qilish tartibi toʻgʻrisidagi nizom 5-ilovaga muvofiq tasdiqlansin:

texnik jihatdan tartibga solish sohasidagi normativ va boshqa normativ-huquqiy hujjatlar talablariga mahsulotlarni nomuvofiqligini aniqlash;

nomuvofiq deb topilgan mahsulotlarni savdodan chaqirib olish, utilizatsiya qilish hamda ularning roʻyxatini yuritish;

mahsulotlarni olib kirishni qayta tiklash tartibi.

2. Muvofiqlikni tasdiqlovchi hujjatlarni rasmiylashtirishda quyidagi tartib oʻrnatilganligi maʼlumot uchun qabul qilinsin:

Oʻzbekiston Respublikasining rezidenti hisoblangan akkreditatsiyadan oʻtgan muvofiqlikni baholash organlari tomonidan xavf darajasi yuqori boʻlmagan mahsulotga muvofiqlik toʻgʻrisidagi deklaratsiya roʻyxatga olinganda (amal qilish muddatidan qatʼi nazar), ushbu muvofiqlik toʻgʻrisidagi deklaratsiya asosida mahsulot yigirma toʻrt oy davomida import qilinishi mumkin. Mazkur tartib muvofiqlik toʻgʻrisidagi deklaratsiyada keltirilgan aynan bir ishlab chiqaruvchining bir turdagi mahsulotiga nisbatan amal qiladi;

muvofiqligi deklaratsiyalash yoʻli bilan tasdiqlanishi lozim boʻlgan mahsulotlar Oʻzbekiston Respublikasiga import qilinganda, ularning muvofiqligini uchinchi tomon tasdiqlaydi.

3. Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi bir oy muddatda:

mazkur qaror bilan belgilangan soddalashtirilgan tartib asosida olib kirilgan tovarlar importi toʻgʻrisida idoralararo nazoratni amalga oshirish maqsadida Vazirlar Mahkamasi huzuridagi Soliq qoʻmitasi va Oʻzbekiston texnik jihatdan tartibga solish agentligiga tegishli maʼlumotlarni doimiy taqdim etib borish tizimini yoʻlga qoʻysin;

ushbu qaror bilan tasdiqlangan tartiblardan kelib chiqib, “Yagona darcha” bojxona axborot tizimiga tegishli oʻzgartirishlar kiritsin.

4. Xavf darajasi yuqori boʻlgan mahsulotlarni majburiy tartibda davlat roʻyxatidan oʻtkaziladigan, majburiy tartibda sertifikatlanadigan, xavf darajasi yuqori boʻlmagan mahsulotlarning muvofiqligini deklaratsiyalash tartibining amaliyotga tatbiq etilishi munosabati bilan Oʻzbekiston Respublikasi Hukumatining 6-ilovaga muvofiq ayrim qarorlariga oʻzgartirish va qoʻshimchalar kiritilsin.

5. Vazirlar Mahkamasi huzuridagi Oʻzbekiston texnik jihatdan tartibga solish agentligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

6. Vazirlar Mahkamasi huzuridagi Oʻzbekiston texnik jihatdan tartibga solish agentligi manfaatdor vazirliklar va idoralar bilan birgalikda texnik reglament loyihalarini ishlab chiqishda mazkur reglamentlarning obyekti hisoblangan mahsulotlarning muvofiqligini baholash qismi mazkur qarorning 1 — 3-ilovalari bilan tasdiqlangan nizomlarga muvofiqlashtirilishini taʼminlasinlar.

7. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.

8. Mazkur qarorning bajarilishini nazorat qilish Vazirlar Mahkamasi huzuridagi Oʻzbekiston texnik jihatdan tartibga solish agentligi direktori A.R. Jumanazarov zimmasiga yuklansin.

Vazirlar Mahkamasining 2024-yil 14-avgustdagi 502-son qaroriga 2-ILOVA

Mahsulotlarni sertifikatlashtirish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasining texnik jihatdan tartibga solish sohasidagi normativ hujjatlarida (keyingi oʻrinlarda — texnik reglamentlar) belgilangan mahsulotlarning muvofiqligini sertifikatlashtirish yoʻli bilan tasdiqlash tartibini belgilaydi.

Ushbu Nizom mahsulotlar yoki mahsulot talablariga bogʻliq loyihalashtirish jarayonlari (shu jumladan, tadqiqotlar), ishlab chiqarish, qurilish, montaj, sozlash, foydalanish, saqlash, tashish, sotish va utilizatsiya qilish (keyingi oʻrinlarda — mahsulot) uchun texnik reglamentlarda va standartlarda (ixtiyoriy) belgilangan talablarga muvofiqligini tasdiqlashning sertifikatlashtirish sxemalarini oʻz ichiga oladi.

Mazkur Nizom talablari majburiy va ixtiyoriy sertifikatlashtirishga tatbiq etiladi.

2. Majburiy tartibda sertifikatlashtiriladigan mahsulotlar turlari roʻyxati Hukumat qarorlari hamda texnik reglamentlarda belgilanadi.

Mahsulotlarni sertifikatlashtirishning sxema, usul va tartiblari texnik reglamentlar hamda ushbu Nizom talablariga muvofiq belgilanadi.

Mahsulotlarni sertifikatlashtirish belgilangan tartibda akkreditatsiyadan oʻtgan mahsulotlarni sertifikatlashtirish organlari (keyingi oʻrinlardan — MSO) tomonidan ularning akkreditatsiya sohasi doirasida amalga oshiriladi.

Hukumat qarorlari hamda texnik reglamentlarda belgilangan mahsulotlar turlariga muvofiqlik sertifikati rasmiylashtirilgandan soʻng Oʻzbekiston Respublikasi hududiga erkin muomalaga chiqariladi. Bunda:

respublika hududida ishlab chiqarilgan mahsulotlarni sertifikatlashtirish ushbu mahsulotlarni realizatsiya qilishdan avval amalga oshiriladi;

respublika hududiga olib kirilayotgan mahsulot, ariza beruvchi tanloviga asosan bojxona hududiga kelgunga qadar yoki kelgandan soʻng sertifikatlashtiriladi. Bunda respublika hududiga yetib kelgunga qadar rasmiylashtirilgan muvofiqlik sertifikati “Yagona darcha” bojxona axborot tizimiga va Tashqi savdo operatsiyalarining yagona elektron axborot tizimiga import qiluvchi tomonidan joylashtirilishi lozim.

3. Mahsulotga xos xavfli omillar va xatarlarni umumlashtirish va tahlil qilish, shuningdek, texnik reglamentda va ushbu Nizomda belgilangan sertifikatlashtirish sxemalarini hisobga olgan holda sertifikatlashtiriladi.

Texnik reglamentlarda mahsulotning oʻziga xos xususiyatlarini hisobga olgan holda, muvofiqlikni tasdiqlashning ushbu hujjatda koʻzda tutilmagan boshqa sxema, usul va tartiblari belgilangan boʻlishi mumkin.

Agar mahsulotga nisbatan ilgari qabul qilingan texnik reglamentda sertifikatlashtirishning sxema, usul va tartiblari belgilangan boʻlsa yangi ishlab chiqilayotgan texnik reglamentlarda ham ushbu mahsulotga nisbatan sertifikatlashtirishning xuddi shunday sxema, usul va tartiblari belgilanadi.

4. Ariza beruvchiga maʼlum bir mahsulot turiga sertifikatlashtirishning maqbul sxemasini tanlash huquqini berish maqsadida texnik reglamentda sertifikatlashtirishning bir nechta sxemalari belgilanishi mumkin.

5. Mahsulotlarni sertifikatlashtirishda bir nechta akkreditatsiyadan oʻtgan MSO mavjud boʻlsa, ariza beruvchi oʻz tanloviga binoan ulardan biriga murojaat qilish huquqiga ega.

2-bob. Asosiy tushunchalar

6. Ushbu Nizomda quyidagi asosiy tushunchalar qoʻllaniladi:

akkreditatsiyadan oʻtgan sinov laboratoriyasi — akkreditatsiya organi tomonidan rasman tan olingan va muvofiqlikni baholash organlari yagona davlat reyestriga kiritilgan, sinov va oʻlchashlarni amalga oshiradigan Oʻzbekiston Respublika qonunchiligiga muvofiq roʻyxatdan oʻtgan yuridik shaxs yoki uning nomidan harakat qiluvchi ushbu yuridik shaxsning tarkibiy boʻlinmasi;

ishlab chiqarishni baholash — MSO tomonidan turkum ishlab chiqarilgan mahsulotlar muvofiqligini tasdiqlashda ishlab chiqarilayotgan mahsulotning texnik reglament talablariga doimiy (barqaror) muvofiqligini taʼminlash uchun zaruriy sharoitlar mavjud ekanligini aniqlash

maqsadida oʻtkaziladigan amallar toʻplamini oʻzida ifodalovchi mahsulotni sertifikatlashtirishning bir bosqichi;

yagona buyum — donabay mahsulotning alohida yakka nusxasi;

import qiluvchi — mahsulot yetkazib beruvchi xorijiy ishlab chiqaruvchi (sotuvchi) bilan tashqi savdo bitimini tuzib, ushbu mahsulotni respublika hududida muomalaga chiqaradigan va uning texnik reglament talablariga muvofiqligi uchun javobgar boʻlgan, qonunchilikda belgilangan tartibda roʻyxatdan oʻtgan yuridik yoki jismoniy shaxs;

menejment tizimlarini sertifikatlashtirish organi — qonunchilikda belgilangan tartibda roʻyxatdan oʻtgan, Oʻzbekiston Respublikasi rezidenti boʻlgan va belgilangan tartibda menejment tizimlarini sertifikatlashtirish boʻyicha faoliyatni amalga oshiruvchi organ sifatida akkreditatsiyadan oʻtgan yuridik shaxs;

mahsulot toʻpi — muvofiqlikni tasdiqlash uchun ariza beruvchi tomonidan taqdim etilgan yuk hujjatiga muvofiq bir turdagi, bir nomli va belgili mahsulot birligi;

sertifikatlashtirilgan mahsulotlarni davriy baholash — sertifikatlangan mahsulotning sertifikatlashtirilayotganda belgilangan talablarga muvofiqligini tasdiqlash maqsadida amalga oshiriladigan davriy, takroriy baholash tartib-taomili;

sotuvchi — ishlab chiqaruvchi boʻlmagan holda mahsulotlarni shartnoma boʻyicha muomalaga chiqaruvchi, respublika qonunchiligida belgilangan tartibda tadbirkor sifatida roʻyxatdan oʻtgan yuridik yoki jismoniy shaxs;

seriyali ishlab chiqariladigan mahsulot — yagona texnik hujjatlarga muvofiq yagona texnologik jarayon boʻyicha ishlab chiqariladigan va respublika hududida davriy yoki paydar-pay muomalaga chiqariladigan mahsulot toʻpi;

ishlab chiqaruvchining oʻz sinov laboratoriyasi — ishlab chiqaruvchining sinov va oʻlchashlarni qonunchilikda belgilangan tartibda amalga oshiruvchi tarkibiy boʻlinmasi;

sertifikatlashtirish sxemasi — mahsulotning texnik reglament talablariga muvofiqligi dalili sifatida koʻrib chiqiladigan harakatlar majmui;

yukka ilova qilinadigan hujjatlar — mahsulot nomenklaturasi va miqdorini belgilovchi hujjatlar;

ishlab chiqaruvchining filiali — ishlab chiqaruvchining yuridik shaxs boʻlmagan, hududidan tashqarida joylashgan va uning barcha funksiyalari yoki ularning bir qismini bajaradigan alohida boʻlinmasi;

ariza beruvchi — ishlab chiqaruvchi, ishlab chiqaruvchining vakolatli vakili, sotuvchi yoki import qiluvchi;

MXIK — Mahsulotlar (tovar va xizmatlarning) Yagona elektron milliy katalogidagi identifikatsiya kodi.

3-bob. Sertifikatlashtirish tartibi

7. Mahsulotlar ushbu Nizomga 1-ilovada keltirilgan sxemaga muvofiq sertifikatlashtiriladi. Bunda ushbu Nizomning 19-bobida keltirilgan sertifikatlashtirish sxemalarining qoʻllanilishi hisobga olinadi.

Sertifikatlashtirish sxemalari ketma-ket bajariladigan quyidagi tartiblarni oʻz ichiga oladi:

a) ariza beruvchi yoki uning rasmiy vakili MSOga mahsulotlarni sertifikatlashtirish uchun ushbu Nizomning 9-bandida nazarda tutilgan maʼlumotlar kiritilgan arizani Nizomning 10-bandida keltirilgan hujjatlarni ilova qilgan holda taqdim etish;

b) mahsulotlarga sertifikat rasmiylashtirishda, intellektual mulk obyektlariga (tovar belgilari, tovar kelib chiqqan joy nomlari va geografik koʻrsatkichlar) (keyingi oʻrinlarda — IMO) huquqlariga rioya etilganligini oʻrganish va tekshirish;

v) MSO tomonidan ariza va unga ilova qilingan hujjatlarni koʻrib chiqish va tahlil qilish, sertifikatlashtirish ishlarini amalga oshirish yoki sertifikatlashtirish ishlarini amalga oshirishni rad qilish yuzasidan qaror qabul qilish va ariza beruvchiga qaror toʻgʻrisida xabar (bevosita yoki elektron koʻrinishda) berish;

g) agar sertifikatlashtirish sxemasida nazarda tutilgan boʻlsa, MSO tomonidan sinov va oʻlchashlar oʻtkazish uchun mahsulot namunalarini (nusxalarini) identifikatsiya qilish va (yoki) tanlash;

d) agar sertifikatlashtirish sxemasida sinov va oʻlchashlar oʻtkazish nazarda tutilgan boʻlsa, MSO tomonidan sinov va oʻlchashlarni oʻtkazish uchun (zarur boʻlganda) shartnoma asosida oʻzi hamkorlik qiladigan akkreditatsiyadan oʻtgan sinov laboratoriyasini (markazini) (keyingi oʻrinlarda — SL) jalb qilish, agar ariza beruvchi biror sababga koʻra sinov va oʻlchashlarni jalb qilingan SLda oʻtkazish mumkin emas deb hisoblasa, bu haqda MSOga (rad etish sabablarini koʻrsatgan holda) maʼlum qilishi shart. Bu holda, MSO sinov va oʻlchashlarni oʻtkazish uchun oʻzi hamkorlik qiladigan boshqa SLni jalb qiladi;

e) agar sertifikatlashtirish sxemasida nazarda tutilgan boʻlsa, SL tomonidan tanlangan mahsulot namunalari sinov va oʻlchashlarini oʻtkazish;

j) agar sertifikatlashtirish sxemasida nazarda tutilgan boʻlsa, MSO tomonidan mahsulot turi tadqiqotini oʻtkazish;

z) agar sertifikatlashtirish sxemasida nazarda tutilgan boʻlsa, MSO tomonidan mahsulot loyihasi tadqiqotini oʻtkazish;

i) agar sertifikatlashtirish sxemasida nazarda tutilgan boʻlsa, MSO tomonidan ishlab chiqarishni joyning oʻzida baholash;

k) MSO tomonidan mahsulotining sertifikatlashtirish ishlari natijalarini tahlil qilish va muvofiqlik sertifikatini berish yoki berishni rad etish yuzasidan qaror qabul qilish;

l) MSO tomonidan muvofiqlik sertifikatini rasmiylashtirish va taqdim qilish;

m) davlat reyestriga rasmiylashtirilgan muvofiqlik sertifikatlari haqidagi maʼlumotlarni kiritish;

n) agar sertifikatlashtirish sxemasida nazarda tutilgan boʻlsa, ariza beruvchi tomonidan mahsulot belgilangan tartibda muvofiqlik belgisi bilan tamgʻalanishi (markirovkalanishi);

o) agar sertifikatlashtirish sxemasida nazarda tutilgan boʻlsa, MSO tomonidan sertifikatlashtirilgan mahsulotlarni davriy baholash.

8. Sertifikatlashtirish ishlari ariza beruvchining tashabbusi bilan MSO va ariza beruvchi oʻrtasida tuzilgan shartnoma asosida amalga oshiriladi.

4-bob. Ariza taqdim qilish

9. Mahsulotlarni sertifikatlashtirish uchun ariza beruvchi, mazkur Nizomga 3-ilovada keltirilgan shaklda arizani tegishli MSOga tegishli elektron tizim orqali yuboradi.

Arizada quyidagi maʼlumotlar koʻrsatiladi:

a) MSOning toʻliq nomi, uning joylashgan joyi (yuridik shaxsning manzili);

b) yuridik shaxs uchun — ariza beruvchining toʻliq nomi, uning joylashgan joyi (yuridik shaxsning manzili) va faoliyat joyi (joylari) (manzillari turlicha boʻlsa), yoki yakka tartibdagi tadbirkor sifatida roʻyxatdan oʻtgan jismoniy shaxs uchun — familiyasi, ismi va otasining ismi, yashash va faoliyat joylari (manzillar turlicha boʻlsa) hamda ariza beruvchining yuridik yoki respublika qonunchiligiga muvofiq jismoniy shaxs sifatida davlat roʻyxatiga olinayotgan paytda beriladigan shaxsiy yoki buxgalteriya (jismoniy shaxs, identifikatsiya) raqami, bank rekvizitlari, telefon raqami va elektron pochta manzili;

v) yuridik shaxs yoki respublika qonunchiligiga muvofiq MSOga ariza bilan murojaat qilishga vakolatli (vakolat beruvchi hujjatning nomi va tafsilotlari koʻrsatilgan holda) tashkilot rahbarining lavozimi, familiyasi, ismi va otasining ismi (mavjud boʻlsa);

g) yuridik shaxs uchun ishlab chiqaruvchi va uning filiallarining toʻliq nomi, uning joylashgan joyi (yuridik shaxsning manzili) va mahsulot ishlab chiqarish joyi manzili (agar manzillari turlicha boʻlsa) yoki yakka tartibdagi tadbirkor sifatida roʻyxatga olingan shaxs uchun familiyasi, ismi va otasining ismi, yashash va mahsulot ishlab chiqarish joyi manzili (agar manzillari turlicha boʻlsa);

d) mahsulot identifikatsiyasini taʼminlovchi maʼlumotlar, jumladan:

mahsulotga ishlab chiqaruvchi tomonidan qoʻyilgan nom va boshqacha (mavjud boʻlsa) ifodalanishi (texnik reglamentlarda nazarda tutilgan hollarda);

mahsulot nomi va MXIK (qonunchilikda belgilangan mahsulot turiga) kodi (texnik reglamentlarda nazarda tutilgan hollarda) (mavjud boʻlsa);

mahsulot haqida uning identifikatsiyasini taʼminlaydigan boshqa maʼlumotlar (mavjud boʻlsa);

Oʻzbekiston Respublikasi tashqi iqtisodiy faoliyatining tovar nomenklaturasiga muvofiq mahsulot kodi (kodlari) (keyingi oʻrinlarda — Oʻzbekiston Respublikasining TIF TN kodlari);

mahsulot ishlab chiqarilishiga asos boʻlgan hujjat(lar)ning belgilanishi va nomi (Oʻzbekiston Respublikasining milliy standarti, xalqaro standart, mintaqaviy yoki xorijiy mamlakatlarning standarti yoki qonunchilikda belgilangan boshqa normativ hujjatlar);

sertifikatlashtirish obyektining nomi (seriyali ishlab chiqarish, toʻp yoki yagona mahsulot). Turkum ishlab chiqarish uchun “turkum ishlab chiqarish” yozuvi amalga oshiriladi. Mahsulot toʻpi uchun toʻp hajmi, bitta mahsulot uchun mahsulotning zavod raqami (mavjud boʻlsa) koʻrsatiladi. Zavod raqami boʻlmasa “bir nusxada” yoki “yagona mahsulot” yozuvi bilan belgilanadi;

bitta mahsulot yoki mahsulot toʻpi, shu jumladan, uning hajmini (mahsulot toʻpi va bitta mahsulot uchun) belgilaydigan shartnoma (yetkazib berish shartnomasi) tafsilotlari va yukka ilova qilinadigan hujjatlar;

e) ariza beruvchi tomonidan tanlangan sertifikatlashtirish sxemasi;

j) mahsulotning muvofiqligi baholanadigan texnik reglament nomi;

z) agar ishlab chiqaruvchi oʻz nomidan mahsulot ishlab chiqarish (tayyorlash) uchun buyurtmani boshqa yuridik shaxslarning, shu jumladan, respublikadan tashqarida boʻlgan va respublikaning qonunchiligiga muvofiq yakka tartibdagi tadbirkor sifatida roʻyxatdan oʻtgan jismoniy shaxslar ishlab chiqarish maydonlariga (keyingi oʻrinlarda — ishlab chiqarish maydonchalari), joylashtiradigan boʻlsa buyurtma ijrochisining toʻliq nomi, joylashgan joyi (yuridik shaxsning manzili) va mahsulot ishlab chiqarish boʻyicha faoliyat yuritiladigan joy manzili (manzillari);

i) joriy etilgan menejment tizimini tasdiqlovchi tegishli muvofiqlik sertifikati haqidagi maʼlumotlar (sertifikatlashtirish sxemasida koʻzda tutilganda);

y) mahsulotlar toʻpining xos xususiyatlari, shu jumladan, tarkibi va hajmi (toʻpga kiritilgan mahsulot birliklari soni) (sertifikatlashtirish sxemasida koʻzda tutilganda);

k) yagona ekanligini belgilovchi maʼlumotlar (sertifikatlashtirish sxemasida koʻzda tutilganda).

10. Arizaga quyidagi hujjatlar ilova qilinadi:

mahsulotning texnik (loyihaviy va (yoki) konstruktorlik va (yoki) texnologik va (yoki) foydalanish) hujjatlari nusxalari;

standartlar roʻyxati (ularning belgilanishi va nomlari, agar texnik reglament talablariga rioya qilinishi xalqaro va mintaqaviy standartlar roʻyxatiga kiritilgan standartlarning toʻliq qoʻllanishi bilan emas, balki ularning alohida boʻlimlari (bob, bandlar)ni qoʻllash orqali taʼminlanadigan boʻlsa, ushbu standartlarning alohida boʻlimlari (boblari, bandlari). Ular (Oʻzbekiston Respublikasining milliy standartlari va xalqaro standartlar) mavjud boʻlmagan hollarda mintaqaviy yoki xorijiy mamlakatlarning standarti, ularni ixtiyoriy ravishda qoʻllash (ular ariza beruvchi tomonidan qoʻllanilsa) natijasida texnik reglamentlar talablariga muvofiqligi taʼminlanadi;

agar texnik reglamentlar talablariga rioya qilinishini taʼminlaydigan, ixtiyoriy ravishda qoʻllaniladigan standartlar qoʻllanilmagan yoki mavjud boʻlmasa, texnik reglamentlar talablariga muvofiqlikni tasdiqlovchi qabul qilingan texnik yechimlar va xavfni baholash natijalari tavsifi (zarur boʻlganda);

mahsulotni tamgʻalash (markirovkalash) namunasi (mahsulot toʻgʻrisida axborot), chetdan olib kelinayotgan mahsulotni sertifikatlashtirish uchun mahsulotni tamgʻalash (markirovkalash) namunasi (davlat tilida yorliqlanishi shart boʻlgan mahsulot toʻgʻrisida axborot lotin yozuviga asoslangan oʻzbek alifbosida koʻrsatiladi) (notijorat maqsadlar uchun moʻljallangan mahsulotlar bundan mustasno);

mahsulot ishlab chiqarishga asos boʻluvchi hujjat(lar) nusxasi (Oʻzbekiston Respublikasining milliy standarti, xalqaro standart, mintaqaviy yoki xorijiy mamlakatlarning standarti yoki boshqa hujjat);

sertifikatlashtirilgan mahsulotlar ishlab chiqarishga tatbiq etiladigan, ishlab chiqaruvchi tomonidan joriy etilgan menejment tizimining tegishli menejment tizimi standarti talablariga muvofiqligini tasdiqlovchi va menejment tizimini sertifikatlash organi tomonidan rasmiylashtirilgan muvofiqlik sertifikati nusxasi (keyingi oʻrinlarda — menejment tizimi muvofiqlik sertifikati) (sertifikatlashtirish sxemasida nazarda tutilgan hollarda);

mahsulotning murakkab tarkibiy qismlari, materiallari, butlovchi buyumlari yoki tarkibiy qismlarining muvofiqlik sertifikatlari nusxalari (mavjud boʻlsa);

respublika hududiga yetkazib berilgan mahsulotning texnik reglament talablariga muvofiqligi taʼminlanishi va bunday mahsulotlarning belgilangan talablarga mos kelmasligi uchun javobgarlik koʻzda tutilgan (ishlab chiqaruvchi vakolat bergan shaxs uchun) ishlab chiqaruvchi (shu jumladan, xorijiy ishlab chiqaruvchi) bilan tuzilgan shartnoma nusxasi;

IMO roʻyxatdan oʻtkazilganligi toʻgʻrisidagi muhofaza hujjati (guvohnoma yoki patent) yoki IMOdan foydalanish toʻgʻrisida litsenziya (mavjud boʻlsa);

mahsulot texnik reglament talablariga muvofiqligini tasdiqlovchi ariza beruvchi tomonidan taqdim etilgan boshqa hujjatlar (mavjud boʻlsa);

chetdan keltirilayotgan mahsulot toʻpi (partiya) yoki yagona (bitta) mahsulot turi uchun uning hajmini belgilovchi shartnoma (yetkazib berish shartnomasi) va yukka ilova qilinadigan hujjatlar nusxasi;

menejment tizimi muvofiqlik sertifikati nusxasi (sertifikatlashtirish sxemasida koʻzda tutilganda);

mahsulotda oʻtkazilgan tadqiqot haqida maʼlumot (sertifikatlashtirish sxemasida koʻzda tutilganda);

ishlab chiqaruvchi yoki SL tomonidan oʻtkazilgan sinov va oʻlchashlar bayonnomalari (sertifikatlashtirish sxemasida koʻzda tutilganda).

11. Arizaga ilova qilingan va chet tilida yozilgan hujjatlar Oʻzbekiston Respublikasining davlat tilidagi tarjimasi bilan taqdim etilishi shart.

Ariza beruvchi MSOga belgilangan hujjatlarni ilova qilgan holda tegishli elektron tizim orqali ariza beradi. Bunda arizaga ilova qilinadigan hujjatlarning haqqoniyligiga ariza beruvchi javobgar hisoblanadi.

5-bob. Intellektual mulk obyektlariga boʻlgan huquqlarni oʻrganish va tekshirish

12. Mahsulotlarni sertifikatlashtirish jarayonida MSO tomonidan tegishli mahsulotda qoʻllanilgan nom, qadoq va boshqa rekvizitlarda IMOga boʻlgan huquqlarga rioya etilganligini aniqlash maqsadida oʻrganish va tekshirishlar amalga oshiriladi.

Ushbu oʻrganish va tekshirishlar sertifikatlashtirish sinovlarini oʻtkazish uchun tanlab olingan mahsulot namunalarida (yorliq va qadoqlarda) qoʻllanilgan belgi, nom va boshqa rekvizitlarni Oʻzbekiston Respublikasi Adliya vazirligining “Intellektual mulk muhofazasi portali”dagi mavjud maʼlumotlar bilan solishtirish orqali oʻtkaziladi.

13. Tegishli mahsulotda qoʻllanilgan IMO roʻyxatdan oʻtkazilganligi toʻgʻrisidagi muhofaza hujjati (guvohnoma, patent yoki ularga ilova) nusxasi yoki IMOdan foydalanish toʻgʻrisidagi shartnoma nusxasi mavjud boʻlganda, bunday oʻrganish va tekshirishlar amalga oshirilmaydi.

Oʻrganish va tekshirish natijasida tegishli mahsulotda IMOning qonunga xilof ravishda qoʻllanilganligi (kontrafaktligi) aniqlanganda, MSO sertifikatlashtirish ishlarini toʻxtatadi va ariza beruvchiga asoslangan rad javobini beradi.

Bunda mahsulotda IMOning qonunga xilof ravishda qoʻllanilganligini (kontrafaktligini) aniqlagan MSO tegishli maʼlumotni Vazirlar Mahkamasi huzuridagi Oʻzbekiston texnik jihatdan tartibga solish agentligi (keyingi oʻrinlarda — Agentlik) va Adliya vazirligiga bir kun muddatda kiritishi shart.

6-bob. Sertifikatlashtirishga taqdim etilgan ariza va hujjatlar toʻplamini koʻrib chiqish va tahlil qilish

14. Ariza beruvchi tomonidan sertifikatlashtirish uchun taqdim etilgan ariza va unga ilova qilingan hujjatlar toʻplami, shu jumladan, texnik hujjatlarni koʻrib chiqish va tahlil qilish, mahsulot identifikatsiyasini taʼminlash va koʻrsatilgan hujjatlarning mahsulot muvofiqligini tasdiqlash uchun yaroqliligini belgilash va ular ichidan mahsulotga muvofiqlik sertifikati berish uchun asos boʻlishi mumkin boʻlganini aniqlash maqsadida oʻtkaziladi.

MSO ariza beruvchi tomonidan taqdim etilgan ariza va unga ilova qilingan hujjatlarni quyidagi nuqtai nazardan koʻrib chiqadi va tahlil qiladi:

a) arizaning toʻgʻri toʻldirilganligi;

b) ariza bilan birga taqdim etilgan hujjatlar toʻplamida materiallar toʻliq va yetarliligi.

Ariza beruvchi tomonidan taqdim etilgan ariza va unga ilova qilingan hujjatlarni koʻrib chiqish va tahlil qilishning ijobiy natijalari boʻyicha MSO mazkur Nizomga 4-ilovada keltirilgan shaklda ariza berilgan kundan boshlab ikki ish kuni mobaynida qaror qabul qiladi, sertifikatlashtirish ishlariga haq toʻlash boʻyicha shartnoma bilan (ilgari tuzilgan shartnoma boʻlmasa) ariza beruvchiga qabul qilingan qaror haqida sertifikatlashtirishni oʻtkazish shartlari, shu jumladan, namuna (nusxa)lar tanlash tartiblari va sinov va oʻlchashlar dasturini koʻrsatgan holda yozma ravishda maʼlum qiladi (bevosita yoki elektron pochta orqali).

Ariza beruvchi tomonidan taqdim etilgan ariza va unga ilova qilingan hujjatlarni koʻrib chiqish va tahlil qilishning salbiy natijalari boʻyicha MSO ariza berilgan kundan boshlab bir ish kuni mobaynida ariza beruvchiga arizaning kamchiligi koʻrsatgan holda, sertifikatlashtirish ishlarini oʻtkazishni rad etish toʻgʻrisida elektron tizim orqali xabar beradi.

MSOning sertifikatlashtirish ishlarini oʻtkazishni rad etish haqidagi qarori arizani qabul qilishni rad yetish uchun asos boʻlib xizmat qilgan kamchilikliklarni bartaraf etilganda, ariza beruvchi tomonidan ariza va hujjatlar toʻplamini ushbu organga qayta yuborishiga toʻsqinlik qilmaydi.

7-bob. Mahsulotlarni identifikatsiya qilish, namuna (nusxa) olish, sinov va oʻlchashlarini oʻtkazish

15. Mahsulotlarning muvofiqligini sertifikatlashtirish orqali tasdiqlashda ularning sinov va oʻlchashlarini oʻtkazish maqsadida muvofiqlikni baholash obyekti boʻlgan mahsulotlarning namuna (nusxa)lari olinadi.

Mahsulotning namuna (nusxa)larini tanlash, sinov va oʻlchashlarini oʻtkazishda qoida hamda uslublarini oʻz ichiga olgan Oʻzbekiston Respublikasining milliy standarti yoki xalqaro standartlar roʻyxatiga kiritilgan standartlar, ular boʻlmagan holda mintaqaviy yoki xorijiy mamlakatlarning standarti qoʻllaniladi (keyingi oʻrinlarda — qoida va uslublar ifodalangan standartlar roʻyxati).

Mahsulot konstruksiyasi, tarkibi va ishlab chiqarish texnologiyasi boʻyicha tanlangan namuna (nusxa)lar isteʼmolchiga (sotib oluvchiga) sotish uchun moʻljallangan mahsulotlar bilan bir xil boʻlishi kerak.

Mahsulotni Oʻzbekiston Respublikasi hududiga kirib kelgunga qadar sertifikatlashtirishda yetkazib berilayotgan mahsulot toʻpidan tanlab olingan namunalar ularni olish jarayonlari aks etgan fotosurat va videotasvirlar bilan birga taqdim etilishi lozim.

Mahsulotning tanlangan namuna (nusxa)lari qolgan mahsulotdan ajratib olinadi, oʻrov-idishga joylanadi yoki tanlash joyida muhrlanadi.

16. Mahsulot namuna (nusxa)larini tanlash quyidagicha amalga oshiriladi:

a) turkum ishlab chiqarilgan mahsulotlar uchun — ishlab chiqaruvchining tayyor mahsulot omborida (ishlab chiqaruvchi tomonidan vakolat berilgan shaxs), vaqtincha saqlash ombori, bojxona ombori, yuk tashish vositasi sigʻimida yoki tayyor mahsulot ishlab chiqarish liniyasida;

b) mahsulot toʻpi uchun — ishlab chiqaruvchi tayyor mahsulot omborida (ishlab chiqaruvchi tomonidan vakolat berilgan shaxs), vaqtincha saqlash ombori, bojxona ombori yoki saqlashga olgan javobgar omborida, yuk tashish vositasi sigʻimida yoki tayyor mahsulot ishlab chiqarish liniyasida);

v) yagona buyum uchun — mahsulot birligi joylashgan joyda (yoki ariza beruvchi tomonidan taqdim etiladi).

17. Mahsulot namuna (nusxa)larini olish mahsulotni identifikatsiya qilish bilan bir vaqtda oʻtkaziladi. Buning yordamida mahsulot tavsiflari ushbu mahsulot (mahsulot turi yoki guruhi) uchun texnik reglamentda hamda Nizomning 10-bandida koʻrsatilgan boshqa hujjatlarda mahsulotni soʻzsiz texnik reglamentning texnik tartibga solish obyekti sifatida nisbatlashga imkon beradigan mahsulot haqidagi maʼlumotda koʻrsatilgan alomatlar bilan bir xilligi aniqlanadi.

Mahsulotni sertifikatlashtirishda, mahsulotni identifikatsiya qilish va namuna (nusxa) tanlash MSO tomonidan ariza beruvchi huzurida Nizomga 5-ilovaga muvofiq namunalarni identifikatsiya qilish va namuna (nusxa) olish dalolatnomasini rasmiylashtirgan holda amalga oshiriladi. Bunda mahsulotni identifikatsiya qilish va namuna (nusxa) tanlash ariza boʻyicha qabul qilingan qaror hamda sertifikatlashtirish ishlariga haq toʻlangandan soʻng ikki ish kunidan kechiktirilmagan muddatda MSO tomonidan joyiga chiqqan holda amalga oshiriladi.

Ariza beruvchi bilan kelishilgan hOlda mahsulotdan namuna (nusxa) tanlash MSO yoki boshqa MSO (shartnomaga asosan) va (yoki) agar texnik reglamentda boshqacha belgilanmagan boʻlsa, akkreditatsiya sohasiga tegishli mahsulot kiritilgan SL tomonidan oʻtkazilishi mumkin.

Mahsulotdan namuna (nusxa)lar tanlash natijalari mahsulotdan namuna (nusxa)lar olish joyi va sanasi, mahsulot namuna (nusxa)larini saqlash sharoitlari hamda tanlangan mahsulotning bir xilligi koʻrsatilgan tegishli dalolatnoma(lar) bilan rasmiylashtiriladi. Mahsulotdan namuna (nusxa)lar tanlash dalolatnomasi(lari) qoʻllangan sertifikatlashtirish sxemasiga qarab, agar texnik reglamentda boshqacha belgilanmagan boʻlsa, mahsulot sinov va oʻlchashlarini oʻtkazadigan SLga bir kun mobaynida joʻnatiladi.

18. Mahsulotning identifikatsiya belgilari uning turi (xili)ga qarab (texnik reglamentda boshqacha belgilanmagan boʻlsa), quyidagilarni ichiga oladi:

a) mahsulot ishlab chiqaruvchi yuridik shaxs va uning filiallari (ishlab chiqarish maydonchalari) uchun — ishlab chiqaruvchining toʻliq nomi, uning joylashgan joyi (yuridik shaxsning manzili) va mahsulot ishlab chiqarish joyi (manzillari, agar turlicha boʻlsa), respublika qonunchiligiga muvofiq yakka tartibdagi tadbirkor sifatida roʻyxatdan oʻtgan jismoniy shaxs uchun — familiyasi, ismi va otasining ismi (mavjud boʻlsa), yashash joyi va manzil(lar)i, agar turlicha boʻlsa), ishlab chiqarish faoliyati amalga oshiriladigan joyning manzil(lar)i, agar turlicha boʻlsa);

b) yuridik shaxs uchun — ariza beruvchining toʻliq nomi, uning joylashgan joyi (yuridik shaxsning manzili) va faoliyat joyi manzili (manzillari, agar turlicha boʻlsa); yoki yakka tartibdagi tadbirkor sifatida roʻyxatdan oʻtgan jismoniy shaxs uchun — familiyasi, ismi va otasining ismi (mavjud boʻlsa), yashash va faoliyat joyi manzili (manzillari, agar turlicha boʻlsa);

v) mahsulotning nomi va MXIK (qonunchilikda belgilangan mahsulot turiga) kodi (mahsulot turi yoki guruhlari) va mahsulotning belgilanishi (texnik reglamentda nazarda tutilgan hollarda) va ishlab chiqaruvchi tomonidan tayinlangan boshqa shartli belgilar (mavjud boʻlsa);

g) mahsulot nomi va MXIK (qonunchilikda belgilangan mahsulot turiga) kodi (texnik reglamentda nazarda tutilgan hollarda);

d) mahsulot ishlab chiqarilishiga asos boʻlgan hujjatlarning ifodalanishi (Oʻzbekiston Respublikasining milliy standarti, xalqaro standart, mintaqaviy yoki xorijiy mamlakatlarning standarti yoki boshqa hujjat) (mavjud boʻlsa);

e) mahsulotning vazifasi, mahsulotdan foydalanish boʻyicha tavsiyalar, mahsulotning texnik reglamentda texnik jihatdan tartibga solish obyekti boʻlgan mahsulotlar jumlasiga soʻzsiz kiritish uchun asos boʻladigan boshqa asosiy xususiyatlari;

j) mahsulotning texnik reglamentlarda belgilangan identifikatsiya qilinishini taʼminlovchi boshqa maʼlumotlar;

z) shtrix kod yoki QR kodi (mavjud boʻlsa);

i) ishlab chiqarilgan sana;

k) saqlash muddati (texnik reglamentda nazarda tutilgan hollarda), xizmat muddati (yaroqlilik) yoki mahsulot resursi (texnik reglamentda nazarda tutilgan hollarda);

l) toʻp hajmi (toʻp uchun);

m) oʻrov-idish, idish, isteʼmol oʻrov-idish birligidagi nominal miqdori (zarur boʻlsa), sof ogʻirligi va hajmi (zarur boʻlsa);

n) texnik hujjatlar va (yoki) yuk tashish hujjatlarida koʻrsatilgan boshqa maʼlumotlar (mavjud boʻlsa).

19. Mahsulotni identifikat qilish natijalari, namunalarni identifikatsiya qilish va namuna (nusxa) olish dalolatnomasida aks ettiriladi.

Namunalarni identifikatsiya qilish, namuna (nusxa) olish dalolatnomasi:

ishlab chiqariladigan mahsulotlar uchun ikki nusxada rasmiylashtiriladi va ularning bittasi bevosita ariza beruvchiga beriladi;

bojxonada saqlanayotgan mahsulotlar uchun uch nusxada rasmiylashtiriladi va ikkinchi nusxasini bevosita bojxona idorasiga taqdim etiladi.

Mahsulotni identifikatsiya qilish va namuna olish vaqtida mahsulotning tamgʻalanishi (markirovkasi), saqlash sharoitlari tekshiriladi.

Ekspluatatsiya qilish joyida oʻtkazilgan sinov natijalariga asosan muvofiqlik sertifikati rasmiylashtirilishi lozim boʻlgan texnologik uskunalar va ularning tarkibiy qismlariga akkreditatsiya sohasida ushbu uskuna yoki uning tarkibiy qismi mavjud boʻlgan MSO tomonidan xulosa (xat) taqdim qilinadi, mazkur xulosa asosida texnologik uskunalar va ularning tarkibiy qismlari muomalaga chiqariladi.

Bunda ariza beruvchi texnologik uskunalar va ularning tarkibiy qismlari toʻliq yigʻib sozlangandan soʻng, ularni sertifikatlashtirish maqsadida qayta ariza berish majburiyatini oladi.

Mahsulotning sinov va oʻlchash ishlari agar texnik reglamentda nazarda tutilgan boʻlsa, sinov va oʻlchash jarayonlari va natijalari fotosurat va/yoki videotasvir bilan amalga oshiriladi.

Mahsulotning oʻtkazilgan sinov va oʻlchashlari natijalari sinov va oʻlchashlar bayonnomasida rasmiylashtiriladi.

Olingan sinov va oʻlchash natijalari namunalarni identifikatsiya qilish va namuna (nusxa) olish dalolatnomasida keltirilgan mahsulotlarning barchasiga taalluqlidir.

SL tomonidan sinov va oʻlchashlari natijalaridan qatʼi nazar, mahsulotning sinov va oʻlchashlar bayonnomasini ariza beruvchiga bevosita yoki elektron axborot tizimi orqali taqdim qilinadi, shuningdek, mahsulotni sertifikatlashtirishda bayonnoma qoʻshimcha ravishda MSOga ham yuboriladi.

Sinov va oʻlchashlar davrida butunlay yoki qisman buzilgan, shuningdek, buzilmagan mahsulot boʻyicha hisobdan chiqarilganligi (qaytarib berilganligi) toʻgʻrisidagi dalolatnoma ariza beruvchi (yoki uning vakili) ishtirokida ushbu Nizomga 6-ilovaga muvofiq MSO tomonidan tuziladi.

Sertifikatlashtirish tartibotlarining umumiy muddatlari ushbu turdagi mahsulotning texnik reglamentlari bilan belgilanadigan uslublarga muvofiq sinovlardan oʻtkazishning umumiy davom etish vaqtidan kelib chiqib belgilanadi.

20. Mahsulotning sinov va oʻlchashlarining salbiy natijalarida mahsulotlarning muvofiqligini tasdiqlash ishlari toʻxtatiladi yoki tugatiladi.

21. Agar kamchiliklarni tuzatishga qaratilgan tadbirlarni amalga oshirish orqali sinov va oʻlchashlarning salbiy natijalariga sabab boʻlgan nomuvofiqliklarni bartaraf etish imkoni mavjud boʻlsa, mahsulot muvofiqligini tasdiqlash ishlari toʻxtatiladi, agar kamchiliklarni tuzatishga qaratilgan tadbirlarni amalga oshirish orqali sinov va oʻlchashlarning salbiy natijalariga sabab boʻlgan nomuvofiqliklarni bartaraf etish imkoni mavjud boʻlmasa, mahsulot muvofiqligini tasdiqlash ishlari tugatiladi va ariza bekor qilinadi.

22. MSO mahsulotni sertifikatlashtirish ishlarini toʻxtatilishi yoki tugatilishi toʻgʻrisidagi asoslangan qarorni ariza beruvchiga bevosita yoki elektron axborot tizimi orqali yetkazadi.

8-bob. Mahsulot turi tadqiqoti

23. Mahsulot turini oʻrganish deganda, berilgan turdagi mahsulotning parametrlari va xususiyatlarini oʻxshash mahsulot ishlab chiqarishda texnik reglament va texnik hujjatlar talablariga muvofiqligini tahlil qilish tushuniladi.

24. Mahsulot turi (agar texnik reglamentda boshqa tartib belgilanmagan boʻlsa) quyidagicha oʻrganiladi:

a) xavfli ishlab chiqarish obyektlarda ishlatiladigan mahsulot uchun;

b) mahsulotni foydalanish joyiga oʻrnatishdan (montaj qilishdan) oldin toʻliq hajmda sinov va oʻlchashlarni oʻtkazish mumkin boʻlmasa;

v) agar ariza beruvchi mahsulotning muvofiqligini tasdiqlashda ixtiyoriy ravishda qoʻllanilishi natijasida texnik reglament talablariga rioya qilinishi taʼminlanadigan standartlarni qoʻllamasa (shu jumladan, innovatsion mahsulotlar uchun).

25. Mahsulot turi quyidagi usullardan birida oʻrganiladi:

a) mahsulot namunasini rejalashtirilgan ishlab chiqarish uchun barcha kelajakdagi mahsulotlarning namunaviy shakli sifatida sinash;

b) texnik hujjatlarni tahlil qilish, mahsulot namunasini yoki mahsulotning muhim tarkibiy qismlarini sinash.

26. Mahsulot turi MSO tomonidan (zarur hollarda SL ishtirokida) oʻrganiladi.

27. Agar texnik reglamentda boshqa tartib belgilanmagan boʻlsa mahsulot turini oʻrganish natijalari MSO tomonidan xulosa tarzida rasmiylashtiriladi.

Mahsulot turini oʻrganish boʻyicha xulosa ikki nusxada rasmiylashtiriladi va uning bir nusxasi ariza beruvchiga yuboriladi.

Koʻrsatilgan xulosaning shakli MSOning sifat boʻyicha qoʻllanma va sifat menejmenti tizimi tartib-tamoyil hujjatlari bilan belgilanadi.

28. Mahsulot muvofiqligini muvofiqlik deklaratsiyasi shaklida tasdiqlashda, agar mahsulot turini oʻrganishning ijobiy natijalari mavjud boʻlsa, MSO tomonidan mahsulot turi uchun belgilangan yagona shakldagi sertifikat beriladi.

9-bob. Mahsulot loyihasini oʻrganish

29. Mahsulot loyihasi tadqiqoti deganda mahsulot ishlab chiqarilishiga asos boʻlgan texnik hujjatlar tahlili, shuningdek, oʻtkazilgan hisob-kitoblar, tadqiqot va sinovlar natijalari tahlili hamda mahsulot chizmalari, modellari, tajriba nusxalari oʻlchashlari tushuniladi.

30. Mahsulot loyihasi tadqiqoti MSO tomonidan ariza beruvchi taqdim etgan, mahsulotni loyihalashtirish, ishlab chiqarish foydalanish bosqichlarini oʻz ichiga olgan va xavfsizlik talablarini belgilaydigan texnik hujjatlarni koʻrib chiqish orqali amalga oshiriladi.

Texnik hujjatlar ariza beruvchi tomonidan mahsulot loyihasini mahsulotga texnik reglamentda belgilangan talablarga muvofiqligini tekshirishga yetarli hajmda taqdim etiladi.

31. Mahsulot loyihasini oʻrganish natijalari MSO tomonidan xulosa shaklida rasmiylashtiriladi.

Koʻrsatilgan xulosaning shakli MSOning sifat boʻyicha qoʻllanma va sifat menejmenti tizimi tartib-tamoyil hujjatlari bilan belgilanadi.

Mahsulot loyihasini oʻrganish boʻyicha xulosa ikki nusxada rasmiylashtiriladi. Xulosaning bir nusxasi ariza beruvchiga yuboriladi.

10-bob. Ishlab chiqarish nazorati

32. Ishlab chiqaruvchi oʻzi ishlab chiqargan mahsulotlarning texnik reglamentda belgilangan talablarga muvofiqligini doimiy ravishda taʼminlab borishga masʼuldir hamda mazkur bobda belgilangan talablar boʻyicha Ishlab chiqarish nazoratini amalga oshiradi.

33. Ishlab chiqaruvchi tomonidan ishlab chiqarayotgan mahsulotning texnik reglament va texnik hujjatlarda belgilangan talablarga barqaror muvofiqligini taʼminlash quyidagilarni oʻz ichiga oladi:

xomashyo, material va butlovchi buyumlarning kirish nazorati;

mahsulot ishlab chiqarish texnologiyasi jarayonli nazorati;

tayyor mahsulotlarni qabul (qabul qilish-topshirish) nazorati;

texnik reglamentda belgilangan talablarga javob bermaydigan mahsulot nazorati;

asbob-uskunalar nazorati;

oʻlchash vositalari va sinov uskunalari nazorati;

texnik hujjatlarni ishlab chiqish va yuritish nazorati;

ish oʻrinlarida atrof-muhit koʻrsatkichlari nazorati;

xodimlar va ishlab chiqarish xavfsizlik nazorati (mavjud boʻlsa);

tayyor mahsulotlarning davriy nazorati.

Shuningdek, ishlab chiqaruvchida joriy etilgan va sertifikatlashtirilgan menejment tizimi faoliyati mavjud boʻlganda, uning barqarorligini taʼminlaydi.

11-bob. Ishlab chiqarishni baholash

34. Ishlab chiqarishni baholash MSO tomonidan turkum ishlab chiqarilgan mahsulotlar muvofiqligini tasdiqlashda, ishlab chiqaruvchida, chiqarilayotgan mahsulotning texnik reglament talablariga doimiy (barqaror) muvofiqligini taʼminlash uchun zarur sharoitlar mavjud ekanligini aniqlash maqsadida oʻtkaziladi.

Sertifikatlashtirish sxemasiga qarab, ishlab chiqarishni baholash mahsulot muvofiqligini sertifikatlashtirish sxemasida tasdiqlashda yoki sertifikatlangan mahsulotni davriy baholashdan oʻtkazishda amalga oshiriladi.

Ishlab chiqarishni baholash mahsulotni identifikatsiya qilish, namuna (nusxa) tanlash hamda sinov va oʻlchashlari bilan bir vaqtda oʻtkazishga yoʻl qoʻyiladi.

35. Ishlab chiqarish MSO buyrugʻi bilan tasdiqlangan komissiya tomonidan baholanadi.

Buyruqda ishlab chiqarishni baholash komissiyasi tarkibi (komissiya rahbari va mutaxassislar), ishlab chiqarishni baholashning aniq muddatlari koʻrsatiladi. Bunda ishlab chiqarishni baholash muddati oʻn ish kunidan oshmasligi kerak.

36. Ishlab chiqarishni baholash komissiyasi tarkibi ishlab chiqarish hajmi, texnologik jarayonlar, mahsulotlarning murakkabligi va boshqalardan kelib chiqib besh kishidan oshmagan mutaxassislardan iborat boʻladi.

Ishlab chiqarish va mahsulotning oʻziga xos xususiyatlari bilan bogʻliq malakali baholashni taʼminlash uchun mahsulot turi, unga texnik reglamentda belgilangan talablar va ishlab chiqarish texnologiyasi boʻyicha asosiy bilimlarga ega mutaxassislar ishlab chiqarishni baholash komissiyasi tarkibiga kiritilishi kerak.

37. Ishlab chiqarish MSO rahbari (rahbar oʻrinbosari) ishlab chiqqan va tasdiqlagan ishlab chiqarishni baholash dasturiga muvofiq mahsulot ishlab chiqarish (joyida) manzilida baholanadi.

Ishlab chiqarishni baholash quyidagilarni baholash orqali oʻtkaziladi:

mahsulotning texnik (loyihaviy va (yoki) konstruktorlik va (yoki) texnologik va (yoki) foydalanish) hujjatlari;

mahsulotni ishlab chiqaruvchi va nazorat qiluvchi mutaxassislarning mavjudligi;

ishlab chiqarish infratuzilmasi (ishlab chiqaruvchi hududida joylashgan va ishlab chiqarishni tashkil etish uchun zarur boʻlgan obyektlar majmui (ishlab chiqarish obyektlari, yuk tashish mashinalari va boshqalar));

uskunalar (texnologik jihozlash vositalari), shuningdek, ularga texnik xizmat koʻrsatish va taʼmirlash;

nazorat, oʻlchash va sinov uskunalarini boshqarish, ularga texnik xizmat koʻrsatish va taʼmirlash;

mahsulotning texnik reglamentda belgilangan talablarga muvofiqligini taʼminlash uchun zarur boʻlgan oʻlchash vositalari;

sertifikatlashtirilgan mahsulotlar (xomashyo, materiallar, butlovchi buyumlar)ning xavfsizlik koʻrsatkichlariga taʼsir etuvchi, sotib olingan mahsulotlarning kirish nazorati;

texnologik jarayonlar, shu jumladan, maxsus (agar texnik reglamentda tegishli talablar mavjud boʻlsa);

tayyor mahsulotning texnik reglamentda belgilangan xususiyatlarini nazorat qilish bilan bogʻliq qabul qilish nazorati va davriy sinovlar;

tayyor mahsulotlarni tamgʻalash (markirovkalash), saqlash, oʻrab joylash va konservatsiyalash shartlari;

isteʼmolchi bilan oʻzaro hamkorlik (jumladan, ushbu ishlab chiqaruvchining mahsulotlari haqida shikoyat va noroziliklarini koʻrib chiqish);

texnik reglamentda belgilangan talablarga nomuvofiq mahsulot nazorati;

mahsulotni identifikatsiya qilish va kuzatiluvchanligi;

tuzatuvchi va profilaktik chora-tadbirlar.

38. Ishlab chiqarishni baholash natijalari yakuniga koʻra komissiya tomonidan uch ish kunida MSOning sifat boʻyicha qoʻllanma va sifat menejmenti tizimi tartib-tamoyil hujjatida belgilangan shaklda tahlil natijalari, tasdiqlovchi hujjat va materiallarga havolalar hamda zarurat boʻlganda aniqlangan nomuvofiqliklarni bartaraf qilish muddatlari koʻrsatilgan dalolatnoma ikki nusxada tuziladi, uning bir nusxasi ishlab chiqaruvchiga topshiriladi, ikkinchi nusxasi MSOga taqdim qilinadi.

Bunda ishlab chiqarishni baholash natijasida aniqlangan nomuvofiqliklarni bartaraf qilish bir oydan oshmasligi lozim.

Ishlab chiqarishni baholash natijalari toʻgʻrisidagi dalolatnomada chiqarilayotgan mahsulotning texnik reglament talablariga doimiy (barqaror) muvofiqligini taʼminlash uchun ishlab chiqaruvchida zarur sharoitlar mavjud ekanligini haqidagi xulosalar boʻlishi kerak.

Ishlab chiqarishni baholash dalolatnomasi komissiyaning barcha aʼzolari va ishlab chiqaruvchi tomonidan imzolanadi. Bunda ishlab chiqaruvchi ishlab chiqarishni baholash natijalaridan norozi boʻlgan taqdirda, oʻz fikrini dalolatnomada bayon qilishi mumkin.

MSO mahsulotni sertifikatlashtirish ishlarini ishlab chiqarishni baholash natijalari asosida toʻxtatishi yoki tugatishi mumkin.

Ariza beruvchi aniqlangan nomuvofiqliklar va ularning sabablarini belgilangan muddatlarda bartaraf etishi mumkin boʻlsa, sertifikatlashtirish ishlarini toʻxtatib turish toʻgʻrisidagi qaror qabul qilinadi.

Agar aniqlangan nomuvofiqliklarni tuzatish tadbirlari bilan bartaraf etish imkoniyati mavjud boʻlmasa yoki tuzatish tadbirlarini belgilangan muddatda amalga oshirilmasa, sertifikatlashtirish ishlarini tugatish toʻgʻrisidagi qaror qabul qilinadi.

Sertifikatlashtirish ishlarini toʻxtatish toʻgʻrisida qaror qabul qilingan taqdirda, MSO bu haqda ariza beruvchiga maʼlum qiladi.

Sertifikatlashtirish ishlarini qayta tiklash maqsadida:

Ariza beruvchi aniqlangan nomuvofiqliklar va ularning sabablarini bartaraf etishga qaratilgan tuzatish chora-tadbirlarini ishlab chiqadi, uning bajarilishini taʼminlaydi va bu haqda MSOga maʼlum qiladi;

MSO ariza beruvchi tomonidan amalga oshiriladigan tuzatish tadbirlarini tahlil qiladi va natijalari ijobiy boʻlsa, sertifikatlashtirish ishlarini qayta boshlashga qaror qabul qiladi.

Agar ariza beruvchi belgilangan kamchiliklarni va ularning sabablarini belgilangan muddatda bartaraf eta olmasa, mahsulotni sertifikatlashtirish ishlari tugatiladi.

Agar mahsulot ishlab chiqaruvchining bir necha filiallarida ishlab chiqarilsa, ishlab chiqarishni baholash eng murakkab va koʻp hajmda mahsulot chiqariladigan filialida, ishlab chiqaruvchi barcha filiallarida ishlab chiqarilgan mahsulotlarning xavfsizligi va ishlab chiqarishning barqarorligi uchun masʼuliyati taʼminlash sharti bilan oʻtkaziladi.

Ishlab chiqarishni baholashning ijobiy natijalarida MSO sertifikatlashtirilgan mahsulotlarni davriy baholash rejasi doirasida ishlab chiqaruvchining boshqa ishlab chiqarish filiallarida ishlab chiqarishni baholashning keyingi jadvali (baholash sanalari koʻrsatilgan holda)ni tuzadi va ishlab chiqaruvchi bilan kelishadi.

39. Agar MSOga oldin sertifikatlashtirilgan mahsulotdan konstruksiyasi (tarkibi, retsepturasi) yoki ishlab chiqarish texnologiyasida biroz farq boʻlgan yangi mahsulotni sertifikatlashtirish boʻyicha ariza tushsa, MSOning qaroriga muvofiq quyidagi barcha shartlar bajarilganda ishlab chiqarishni baholashning oldingi tahlili natijalari ushbu mahsulotlarga qisman yoki toʻliq joriy etilishi mumkin:

mahsulotni sertifikatlashtirish boʻyicha ishlar ishlab chiqarishni baholashdan oʻtkazgan va ishlab chiqarishni baholash natijalari boʻyicha dalolatnoma tuzgan komissiya tarkibini tasdiqlagan MSO tomonidan amalga oshirilsa;

ishlab chiqaruvchi tomonidan mahsulot konstruksiyasi (tarkibi, retsepturasi) yoki ishlab chiqarish texnologiyasiga kiritilgan oʻzgarishlar mahsulotning texnik reglament talablariga muvofiqligiga taʼsir qilmasa;

ariza beruvchi yangi mahsulotlarni sertifikatlashtirish uchun arizani ishlab chiqarishni baholashdan oʻtkazgan, ishlab chiqarishni baholash natijalari haqidagi dalolatnomani yoki ilgari sertifikatlashtirilgan mahsulotlarni davriy baholashdan oʻtkazish va roʻyxatga olish boʻyicha dalolatnoma rasmiylashtirilgan sanadan boshlab bir yildan oshmagan muddatda taqdim etgan boʻlsa.

12-bob. Mahsulotga muvofiqlik sertifikatini rasmiylashtirish

40. MSO ariza beruvchi tomonidan taqdim etilgan hujjatlar toʻplami hamda mahsulotning texnik reglament talablariga muvofiqligini tasdiqlaydigan hujjat (sinov va oʻlchashlar bayonnomalari (sertifikatlashtirish sxemasida koʻzda tutilgan hollarda)), ishlab chiqarishni baholash dalolatnomasi (sertifikatlashtirish sxemasida koʻzda tutilgan hollarda), mahsulot loyihasi tadqiqoti xulosasi (sertifikatlashtirish sxemasida koʻzda tutilgan hollarda), mahsulot turi tadqiqoti xulosasi (sertifikatlashtirish sxemasida koʻzda tutilgan hollarda))ni tahlildan oʻtkazadi.

Oʻtkazilgan tahlilning ijobiy natijalari asosida MSO mahsulotga muvofiqlik sertifikatini berish toʻgʻrisida mazkur Nizomga 7-ilovaga muvofiq qarorni ikki ish kuni mobaynida qabul qiladi.

41. Mahsulotni sertifikatlashtirishda baholashning salbiy natijalari mavjud boʻlsa, MSO asosli sabablarni koʻrsatgan holda mahsulotga muvofiqlik sertifikatini berishni rad etish boʻyicha qaror qiladi hamda bu haqda ariza beruvchiga, Agentlikka, Soliq qoʻmitasi, Bojxona qoʻmitasi hamda tegishli vazirlik va idoralarga qaror qabul qilingan kunning oʻzida bevosita yoki elektron tizim orqali maʼlum qiladi.

42. Mahsulotlarning muvofiqlik sertifikati Nizomga 8-ilovaga muvofiq yagona elektron shaklda rasmiylashtiriladi.

Muvofiqlik sertifikati MSO rahbari tomonidan elektron imzo bilan tasdiqlanadi.

Muvofiqlik sertifikati:

Mahsulot toʻpiga — mahsulotning yaroqlilik yoki kafolat muddatiga;

seriyali ishlab chiqariladigan mahsulotga — uch yil muddatga rasmiylashtiriladi.

Bunda seriyali ishlab chiqariladigan mahsulotlar uchun rasmiylashtirilgan muvofiqlik sertifikatining amal qilish davrida ishlab chiqarilgan mahsulotlar sertifikatlangan hisoblanadi va qayta sertifikatlashtirilmaydi.

Mahsulot sertifikatlashtirilganligini tasdiqlovchi asos sifatida muvofiqlik belgisi va mahsulotga qoʻshib yuboriladigan hamda ekspluatatsiya hujjatlardagi ishlab chiqarish sanasi xizmat qiladi.

Muvofiqlik sertifikatini qoʻllash va muvofiqlik belgisidan foydalanish huquqini ariza beruvchi (muvofiqlik sertifikatining egasi) boshqa yuridik yoki jismoniy shaxsga berishi man etiladi.

43. Agar menejment tizimi muvofiqlik sertifikatining amal qilish muddati mahsulot muvofiqlik sertifikatining amal qilish muddatidan avval tugasa, sertifikatlashtirilgan mahsulot ishlab chiqaruvchisi mahsulot muvofiqlik sertifikatining amal qilish muddati davomida amal qiladigan menejment tizimi muvofiqlik sertifikatining mavjud boʻlishini taʼminlaydi.

44. Texnik reglamentning texnik tartibga solish obyekti boʻlgan seriyali ishlab chiqariladigan muvofiqlik sertifikati tanlab olingan hamda sinov va oʻlchashlardan oʻtgan namuna (nusxa)lar ishlab chiqarilgan sanasidan boshlab ushbu mahsulotga joriy qilinadi. Bu holda tanlab olingan hamda sinov va oʻlchashlardan oʻtgan namuna (nusxa)larning ishlab chiqarilgan sanasi haqidagi maʼlumot va axborotlar muvofiqlik sertifikatining “alohida yozuvlar” bandida koʻrsatilishi mumkin.

Muvofiqlik sertifikati uni berish toʻgʻrisida qaror qabul qilingan kundan boshlab ikki ish kuni mobaynida rasmiylashtiriladi va davlat reyestrida roʻyxatdan oʻtkaziladi.

Rasmiylashtirilgan muvofiqlik sertifikati hamda MSO va ariza beruvchi oʻrtasida tuzilgan kelishuv asosida muvofiqlik sertifikatining egasi mahsulotni belgilangan tartibda muvofiqlik belgisi bilan tamgʻalashni (markirovkalashni) taʼminlaydi.

Mahsulotga muvofiqlik sertifikati bir marta rasmiylashtiriladi, ushbu mahsulot uchun qayta muvofiqlik sertifikati rasmiylashtirilmaydi.

13-bob. Rasmiylashtirilgan muvofiqlik sertifikatlari toʻgʻrisidagi maʼlumotlarni yagona davlat reyestrga kiritish

45. Muvofiqlik sertifikatining amal qilish sanasi uning Muvofiqlik sertifikatlari davlat reyestrida roʻyxatga olingan kundan boshlab hisoblanadi.

46. Muvofiqlik sertifikatlari davlat reyestri belgilangan tartibda yuritiladi.

47. Sertifikatlashtirish jarayonida rasmiylashtirilgan quyidagi hujjatlar rasmiylashtirilgan kunning oʻzida MSO tomonidan tegishli elektron dasturga kiritiladi:

ariza boʻyicha qaror;

IMO toʻgʻrisidagi maʼlumotlar;

namuna tanlash va identifikatsiya qilish dalolatnomasi;

sinov bayonnomalari;

ishlab chiqarishni baholash dalolatnomasi;

muvofiq sertifikatini berish yoki uni berishni rad etish qarori;

namunaning hisobdan chiqarilganligi (qaytarib berilganligi) toʻgʻrisidagi dalolatnoma;

muvofiqlik sertifikati.

14-bob. Muvofiqlik sertifikatiga oʻzgartirish kiritish

48. Muvofiqlik sertifikati va (yoki) uning ilovalariga (qoʻllanilgan sertifikatlashtirish sxemasiga bogʻliq holda) ushbu Nizomning 7-bandi “a” — “i” kichik bandlarida nazarda tutilgan tartib-taomillarni bajarmasdan, quyidagi hollarda oʻzgartirish kiritishga ruxsat etiladi:

mahsulot muvofiqlik sertifikati va uning ilovalarida xatolikka, imloviy xatolarga yoʻl qoʻyilganda;

ishlab chiqaruvchining tashkiliy-huquqiy shakli oʻzgarganda;

TIF TN Oʻzbekiston Respublikasi kodi oʻzgarganda (ushbu kod MSOning akkreditatsiya sohasida mavjud boʻlganda).

49. Ushbu Nizomning 48-bandida nazarda tutilgan hollarda muvofiqlik sertifikatining egasi MSOga muvofiqlik sertifikatiga oʻzgartirish kiritish toʻgʻrisida muvofiqlik sertifikati va (yoki) uning ilovalariga oʻzgartirish kiritish uchun asos boʻlgan hujjatlarni ilova qilib yozma ravishda murojaat qiladi.

Muvofiqlik sertifikatini rasmiylashtirgan MSO murojaatni va ushbu bandning birinchi xatboshisida nazarda tutilgan hujjatlarni koʻrib chiqadi, muvofiqlik sertifikatiga oʻzgartirish kiritish toʻgʻrisida qaror qabul qiladi hamda bevosita muvofiqlik sertifikatining egasiga yuboradi.

50. Ushbu Nizomning 48-bandida nazarda tutilgan hollarda mahsulotga muvofiqlik sertifikatini rasmiylashtirgan MSO ariza olingan kundan boshlab oʻn ish kuni mobaynida muvofiqlik sertifikatiga va davlat reyestriga tegishli axborotlarni kiritadi.

Elektron dasturda mahsulotga muvofiqlik sertifikatini rasmiylashtirgan MSO oʻzgartirish kiritilgan muvofiqlik sertifikatiga “Oʻzgartirilgan” belgisini qoʻyadi.

51. Ushbu Nizomning 48-bandida nazarda tutilmagan hollarda mahsulotga muvofiqlik sertifikati rasmiylashtirgan MSO qoʻllanilgan sertifikatlashshrish sxemasiga qarab, ushbu Nizomning 7-bandida nazarda tutilgan tartibotni amalga oshirish zarurligi toʻgʻrisida qaror qabul qiladi.

Agar muvofiqlik sertifikatining egasi ushbu Nizomning 7-bandida nazarda tutilgan tartibotni amalga oshirish shartlariga rozi boʻlsa, MSO qoʻllanilgan sertifikatlashtirish sxemasiga qarab mazkur Nizomning 39-bandini hisobga olgan holda ushbu tartibotlarni bajaradi.

15-bob. Muvofiqlik sertifikatining amal qilishini toʻxtatib turish yoki tugatish

52. Muvofiqlik sertifikatining amal qilishi quyidagi hollarda MSO tomonidan toʻxtatiladi:

a) inson hayoti va (yoki) salomatligi, mol-mulki, atrof-muhit, hayvon va (yoki) oʻsimlik dunyosi xavfsizligiga mahsulot sabab tahdid yuzaga kelganda;

b) mahsulot texnik reglament talablariga nomuvofiq boʻlganda;

v) sertifikatlashtirilgan mahsulotlarni davriy baholashning salbiy natijalari mavjudligida;

g) muvofiqlik sertifikatining egasi sertifikatlashtirilgan mahsulotlarni davriy baholashni oʻtkazishdan bosh tortganda;

d) mahsulotning sertifikatlashtirish vaqtida tasdiqlangan xavfsizlik koʻrsatkichlariga taʼsir qilishi mumkin boʻlgan konstruksiyasi (tarkibi) yoki uni ishlab chiqarish (tayyorlash) texnologiyasiga oʻzgartirishlar kiritilganda, agar muvofiqlik sertifikatining egasi bunday mahsulotlarni muomalaga chiqarishdan oldin mahsulotga muvofiqlik sertifikatini rasmiylashtirgan MSOga yozma ravishda bunday oʻzgarishlarni tasdiqlovchi hujjatlar (konstruktorlik hujjatlari, chizmalar, spetsifikatsiyalar)ni ilova qilgan holda xabar bermaganda;

e) muvofiqlik sertifikati egasining yozma arizasi mavjud boʻlganda;

j) muvofiqlik sertifikatining egasida menejment tizimining amaldagi muvofiqlik sertifikati mavjud boʻlmaganda (sertifikatlashtirish sxemasida nazarda tutilgan hollarda);

z) Agentlikning Texnik jihatdan tartibga solish sohasida nazorat inspeksiyasi tomonidan muvofiqlik sertifikatini rasmiylashtirgan MSOga ularning amal qilishini toʻxtatib turish toʻgʻrisida taqdimnoma kiritilganda.

Quyidagi hollarda tugatiladi:

a) inson hayoti va (yoki) salomatligi, mol-mulki, atrof-muhit, hayvon va (yoki) oʻsimlik dunyosi xavfsizligiga mahsulot sabab tahdid tugʻdirishi tasdiqlanganda;

b) mahsulotning texnik reglament talablariga nomuvofiqligi qayta baholashda tasdiqlanganda;

v) sertifikatlashtirilgan mahsulotlarni davriy baholashning salbiy natijalari qayta mavjudligi tasdiqlanganda;

g) mahsulotning sertifikatlashtirish vaqtida tasdiqlangan xavfsizlik koʻrsatkichlariga taʼsir qilishi mumkin boʻlgan konstruksiyasi (tarkibi) yoki uni ishlab chiqarish (tayyorlash) texnologiyasiga oʻzgartirishlar kiritilganda, agar muvofiqlik sertifikatining egasi bunday mahsulotlarni muomalaga chiqarishdan oldin mahsulotga muvofiqlik sertifikatini rasmiylashtirgan MSOga yozma ravishda bunday oʻzgarishlarni tasdiqlovchi hujjatlar (konstruktorlik hujjatlari, chizmalar, spetsifikatsiyalar)ni ilova qilgan holda xabar bermaganda;

d) muvofiqlik sertifikati egasining yozma arizasi mavjud boʻlganda;

e) muvofiqlik sertifikatining egasida mavjud menejment tizimining amaldagi muvofiqlik sertifikati yangilanmaganda (sertifikatlashtirish sxemasida nazarda tutilgan hollarda);

j) muvofiqlik sertifikatining egasi va (yoki) ishlab chiqaruvchi tashkilot tugatilishi yoki sertifikat egasining tashabbusi bilan mahsulot seriyali ishlab chiqarishdan toʻxtatilganda;

z) mahsulotga taalluqli boʻlgan texnik reglament oʻzgarganda, amal qilishi tugatilganda yoki bekor qilinganda;

i) Agentlikning Texnik jihatdan tartibga solish sohasida nazorat inspeksiyasi tomonidan muvofiqlik sertifikatini rasmiylashtirgan MSOga ularning amal qilishini tugatish toʻgʻrisida taqdimnoma kiritilganda.

53. Agentlik qonunchilik normalari buzilganligi uchun mahsulotlarga rasmiylashtirilgan muvofiqlik sertifikatlari va muvofiqlik belgilarining amal qilishini toʻxtatish yoki tugatish vakolatiga ega.

54. Mahsulotga muvofiqlik sertifikati uni rasmiylashtirgan MSO bilan kelishilgan kamchilikni tuzatish tadbirlarini ishlab chiqish va amalga oshirish davrida mahsulot muvofiqlik sertifikatining amal qilishini toʻxtatib turish toʻgʻrisidagi qaror muvofiqlik sertifikatining egasi tuzatish ishlarini oʻtkazib, aniqlangan kamchiliklarni bartaraf etishi va mahsulotning texnik reglament talablariga muvofiqligini tasdiqlash mumkin boʻlsa, qabul qilinadi. Agar buning imkoni boʻlmasa muvofiqlik sertifikatining amal qilishi tugatiladi.

55. Muvofiqlik sertifikatining amal qilish toʻxtatilgan taqdirda, mahsulotga muvofiqlik sertifikati rasmiylashtirgan MSO:

a) muvofiqlik sertifikatini amal qilishini toʻxtatish toʻgʻrisida qaror qabul qiladi va muvofiqlik belgisini qoʻllashni vaqtincha taqiqlaydi;

b) muvofiqlik sertifikati amal qilishini toʻxtatish toʻgʻrisida davlat reyestriga maʼlumot kiritadi;

v) muvofiqlik sertifikatining egasiga kamchiliklarni tuzatish choralarini koʻrish muddatini belgilaydi;

g) muvofiqlik sertifikatining egasi tuzatish chora-tadbirlarining bajarilishini nazorat qiladi.

56. Muvofiqlik sertifikatining amal qilishi toʻxtatilganda muvofiqlik sertifikatining egasi:

a) texnik reglament talablariga javob bermaydigan mahsulot miqdorini identifikatsiya qiladi va aniqlaydi;

b) aniqlangan kamchiliklarni bartaraf etish boʻyicha tuzatish chora-tadbirlarini ishlab chiqadi va amalga oshirilishini taʼminlaydi;

v) respublika qonunchiligida belgilangan tartibda isteʼmolchilarni mahsulotlardan foydalanish (qoʻllash) xavfi haqida xabardor qiladi;

g) MSOga tuzatish tadbirlari bajarilganligi toʻgʻrisida yozma ravishda maʼlum qiladi.

57. Muvofiqlik sertifikatining egasi tuzatish tadbirlarini yakunlagandan soʻng mahsulotga muvofiqlik sertifikati rasmiylashtirgan MSO:

a) muvofiqlik sertifikatining amal qilishini qayta tiklash toʻgʻrisida qaror qabul qiladi va muvofiqlik belgisidan foydalanishga ruxsat beradi;

b) muvofiqlik sertifikatini qayta tiklash haqida davlat reyestriga maʼlumot kiritadi.

58. Agar muvofiqlik sertifikatining egasi aniqlangan kamchiliklarni va ularning sabablarini bartaraf eta olmasa hamda mahsulotdan foydalanish (qoʻllash) xavfi mavjud boʻlsa, mahsulotga muvofiqlik sertifikati rasmiylashtirgan MSO tomonidan muvofiqlik sertifikatini tugatish toʻgʻrisida qaror qabul qilinadi.

59. Agar ishlab chiqarilgan mahsulot muvofiqlik sertifikatining egasi uning amal qilishini toʻxtatib turish (qayta tiklash) yoki tugatish tashabbusini bildirsa, sertifikatni rasmiylashtirgan MSOga sabablarini koʻrsatgan holda ariza beradi.

Bunda ariza bilan birgalikda muvofiqlik sertifikati va muvofiqlik sertifikatini toʻxtatib turish (qayta tiklash) yoki tugatish uchun asos boʻlgan hujjatlar taqdim etiladi.

60. MSO rasmiylashtirilgan muvofiqlik sertifikatini toʻxtatib turish (qayta tiklash) yoki tugatish toʻgʻrisida qaror qabul qiladi.

61. Agar mahsulot muvofiqlik sertifikatining egasi amal qilishi toʻxtatilgan muvofiqlik sertifikatini qayta tiklashni talab qilsa, MSO sertifikatlashtirilgan mahsulotni davriy baholashdan oʻtkazgandan soʻng muvofiqlik sertifikatini qayta tiklash toʻgʻrisida qaror qabul qiladi.

62. MSO muvofiqlik sertifikatini toʻxtatib turish (qayta tiklash) yoki tugatish toʻgʻrisida davlat reyestriga tegishli yozuv kirish uchun Agentlikka maʼlumot kiritadi.

63. Muvofiqlik sertifikatining amal qilishi davlat reyestriga tegishli axborot kiritilgan kundan eʼtiboran toʻxtatiladi (qayta tiklanadi) yoki tugatiladi.

16-bob. Mahsulotlar konstruksiyasi (tarkibi)ga oʻzgartirishlar kiritish

64. Muvofiqlik sertifikati rasmiylashtirilgan mahsulotning konstruksiyasi (tarkibi)ga yoki uni ishlab chiqarish texnologiyasiga texnik reglament talablariga muvofiqligiga taʼsir qilishi mumkin boʻlgan oʻzgartirishlar kiritilganda, muvofiqlik sertifikatining egasi ushbu mahsulot muomalaga chiqarilishidan oʻttiz kun oldin muvofiqlik sertifikatini rasmiylashtirgan MSOga kiritilgan oʻzgartishlarni tasdiqlovchi hujjatlarni ilova qilgan holda yozma ravishda maʼlum qiladi.

MSO muvofiqlik sertifikatining egasi tomonidan taqdim etilgan hujjatlarni tahlil qilish asosida xabarnoma olingan kundan boshlab oʻn ish kuni mobaynida mahsulot namuna (nusxa)lari sinov va oʻlchashlarini oʻtkazish va (yoki) ishlab chiqarishni baholash zarurligi toʻgʻrisida (bunday mahsulotlar uchun ishlab chiqarishni baholash sertifikatlashtirish sxemasida nazarda tutilgan boʻlsa) yoki bunday ehtiyoj yoʻqligi toʻgʻrisida qaror qabul qiladi. MSOning qarori muvofiqlik sertifikatining egasiga bevosita yoki elektron pochta orqali yuboriladi.

65. Agar MSO mahsulot namuna (nusxa)lari va (yoki) ishlab chiqarishni baholash uchun sinov va oʻlchashlarni oʻtkazishga hojat yoʻqligi yuzasidan qaror qabul qilsa, muvofiqlik sertifikatining egasiga bunday qarorni olgandan keyingina konstruksiyasi (tarkibi) yoki ishlab chiqarish texnologiyasiga oʻzgartirishlar kiritilgan mahsulotlarni muomalaga chiqarilishiga ruxsat etiladi.

66. Agar MSO mahsulot namuna (nusxa)larini sinov va oʻlchashlari va (yoki) ishlab chiqarishni baholash (ishlab chiqarishni baholash bunday mahsulotlar uchun sertifikatlashtirish sxemasida nazarda tutilgan boʻlsa) zarurligi toʻgʻrisida qaror qabul qilinsa, bu ishlarni amalga oshirish uchun muvofiqlik sertifikatining egasi va MSO oʻrtasida shartnoma tuziladi (ilgari shartnoma tuzilmagan boʻlsa).

Amalga oshirilgan ishlar natijalari boʻyicha MSO mahsulot texnik reglament talablariga muvofiqligi (nomuvofiqligi) toʻgʻrisida qaror qabul qiladi. Bu qaror muvofiqlik sertifikatining egasiga bevosita yoki elektron pochta orqali yuboriladi.

Mahsulotning texnik reglamentda belgilangan talablarga muvofiqligi toʻgʻrisidagi qarorda MSO ushbu mahsulotni amaldagi muvofiqlik sertifikati asosida muomalaga chiqarish mumkinligi haqida xabardor qiladi.

Mahsulotning texnik reglament talablariga nomuvofiqligi toʻgʻrisidagi qarorda MSO mahsulotni amaldagi muvofiqlik sertifikati asosida muomalaga chiqarish mumkin emasligi toʻgʻrisida xabardor qiladi va muvofiqLik sertifikatining egasi MSO bilan kelishilgan muddatlarda tuzatish choralarini koʻrgunga qadar ushbu sertifikatning amal qilishini toʻxtatib turadi.

67. Agar muvofiqlik sertifikatining egasi tuzatish choralarini belgilangan muddatlarda amalga oshirmasa, MSO muvofiqlik sertifikatini tugatishga qaror qiladi. Qaror muvofiqlik sertifikatining egasiga bevosita yoki elektron pochta orqali yuboriladi.

68. MSO tomonidan ushbu Nizomning 65 — 67-bandlarida nazarda tutilgan faoliyat natijalari asosida berilgan hujjatlar daliliy ashyolar toʻplamiga kiritiladi va muvofiqlik sertifikatining egasi tomonidan davlat nazorat organlariga (talabiga binoan) hamda qonunchilikka muvofiq boshqa manfaatdor shaxslarga taqdim etiladi.

17-bob. Sertifikatlashtirilgan mahsulotlarni davriy baholash

69. Sertifikatlashtirilgan mahsulotlarni davriy baholash — uning muvofiqlik sertifikatining amal qilish muddati davomida texnik reglamentda belgilangan va sertifikatlashtirishda tasdiqlangan talablarga muvofiq boʻlib qolishini belgilash maqsadida oʻtkaziladigan tizimli baholashdan iborat.

70. Sertifikatlashtirilgan mahsulotlar, agar bu sertifikatlashtirish sxemasida nazarda tutilgan boʻlsa, muvofiqlik sertifikatini rasmiylashtirgan MSO tomonidan sertifikatning toʻliq amal qilish muddatida quyidagi usullarning bir yoki bir nechtasida davriy baholanadi:

a) sertifikatlashtirilgan mahsulot namuna (nusxa)larini identifikatsiya qilish, sinov va oʻlchashlarini oʻtkazish;

b) ishlab chiqarishni baholash.

Birinchi davriy baholash mahsulotlar sertifikatlashtirilgan sanadan boshlab oʻn ikki oydan kechikmay oʻtkaziladi. Keyingi davriy baholash har yili MSO rahbari tomonidan tasdiqlanadigan davriy baholash reja-jadvaliga muvofiq davriy, biroq avvalgi davriy baholash oʻtkazilgan vaqtdan boshlab oʻn ikki oydan kechikmay oʻtkaziladi.

71. Menejment tizimi mavjud boʻlishi nazarda tutilgan sertifikatlashtirish sxemalari uchun sertifikatlashtirilgan mahsulot MSO tomonidan mahsulot namuna (nusxa)larini sinov va oʻlchashlardan oʻtkazish orqali davriy baholanadi.

72. Sertifikatlashtirilgan mahsulotlar MSO tomonidan SLni jalb qilgan holda (zarur hollarda) davriy baholanadi.

73. Sertifikatlashtirilgan mahsulotlar MSO tomonidan ishlab chiqilgan va tasdiqlangan sertifikatlashtirilgan mahsulotlarni davriy baholash dasturiga muvofiq davriy baholanadi.

74. Sertifikatlashtirilgan mahsulotlarni davriy baholash, agar texnik reglamentda boshqacha belgilangan boʻlmasa, quyidagi barcha bosqichlarni oʻz ichiga oladi:

a) sertifikatlashtirilgan mahsulotlarni davriy baholash boʻyicha ishlarni bajarish uchun shartnoma tuzish;

b) sertifikatlashtirilgan mahsulotlarni davriy baholash uchun ekspertlar guruhi (komissiya)ni shakllantirish;

v) sertifikatlashtirilgan mahsulotlarni davriy baholash dasturini ishlab chiqish va tasdiqlash;

g) sertifikatlashtirilgan mahsulotlar haqidagi maʼlumotlarni doimiy tahlil qilish;

d) sertifikatlashtirilgan mahsulotlarni texnik reglamentda belgilangan talablar boʻyicha sinov dasturini ishlab chiqish;

e) mahsulotni identifikatsiya qilish;

j) mahsulot namuna (nusxa)larini olish va ularda sinov oʻtkazish;

z) ishlab chiqarishni baholash (sertifikatlashtirish sxemasida nazarda tutilgan hollarda);

i) sertifikatlashtirilgan mahsulotlarni davriy baholash natijalari asosida dalolatnomani rasmiylashtirish;

k) sertifikatlashtirilgan mahsulotlarni davriy baholash natijalari asosida qaror qabul qilish.

75. Sertifikatlashtirilgan mahsulotlarni davriy baholash rejali yoki rejadan tashqari boʻlishi mumkin.

76. Sertifikatlashtirilgan mahsulotlar sertifikatlashtirish shakllariga muvofiq mahsulot namuna (nusxa)larini identifikatsiya qilish, ularni sinov va oʻlchashlardan oʻtkazish, ishlab chiqarishni baholash yoʻli bilan rejali davriy baholanadi.

77. Sertifikatlashtirilgan mahsulotlarni davriy baholash davomida mahsulotlar ushbu Nizomning 4-bobiga muvofiq identifikatsiya qilinadi va undan namuna (nusxa) olinadi.

78. Sertifikatlashtirilgan mahsulotlarni davriy baholash davrida ushbu Nizomning 9-bobiga muvofiq ishlab chiqarish baholanadi.

79. Sertifikatlashtirilgan mahsulotlarni ishlab chiqarish toʻxtatilganda va (yoki) sinov va oʻlchashlarni oʻtkazish uchun mahsulot namuna(nusxa)lari yetarli boʻlmaganda, muvofiqlik sertifikatining egasi bu haqda MSOni yozma ravishda xabardor qiladi.

MSO olingan xabarnoma asosida sertifikatlashtirilgan mahsulotni belgilangan tartibda davriy baholashdan oʻtkazish uchun shart-sharoit yaratilgunga qadar muvofiqlik sertifikatining amal qilish muddatini toʻxtatish yuzasidan uch ish kunida qaror qabul qiladi, bu haqda muvofiqlik sertifikatining egasi, Agentlik va tegishli idoralarni xabardor qiladi.

80. Sertifikatlashtirilgan mahsulotlarni davriy baholash natijalari tegishli dalolatnoma bilan rasmiylashtiriladi va bir nusxasi muvofiqlik sertifikatining egasiga beriladi.

81. Sertifikatlashtirilgan mahsulotlarni davriy baholash natijalari asosida MSO quyidagi qarorlardan birini qabul qiladi:

a) muvofiqlik sertifikatining amal qilishi tasdiqlash;

b) muvofiqlik sertifikatining amal qilishini toʻxtatib turish;

v) muvofiqlik sertifikatining amal qilishini tugatish.

82. Muvofiqlik sertifikatining amal qilishini tasdiqlash toʻgʻrisidagi qaror, sertifikatlashtirilgan mahsulotlarni davriy baholash natijalari ijobiy boʻlganda qabul qilinadi va muvofiqlik sertifikatining egasi ushbu qaror bilan tanishtiriladi.

83. Quyidagilar mahsulot muvofiqlik sertifikatining amal qilishini toʻxtatib turish toʻgʻrisidagi qaror qabul qilishga asos hisoblanadi:

ishlab chiqaruvchining yozma murojaati;

ishlab chiqaruvchining rejali davriy baholash oʻtkazish boʻyicha ishlarga haq toʻlashdan bosh tortishi;

muvofiqlik sertifikati egasi tomonidan belgilangan tartibda davriy baholash oʻtkazish uchun shart-sharoit yaratilmasligi;

davriy baholashdan oʻtkazish jarayonida aniqlangan nomuvofiqliklar.

MSO muvofiqlik sertifikatining amal qilishini toʻxtatish toʻgʻrisida qaror qabul qilganda muvofiqlik sertifikati egasi MSO bilan kelishgan holda, mahsulot texnik reglament talablariga nomuvofiqligi sabablarini bartaraf etish boʻyicha tuzatish tadbirlari rejasini ishlab chiqadi va uni amalga oshirish muddatlarini belgilaydi.

84. Muvofiqlik sertifikati egasi tomonidan tuzatish tadbirlarini amalga oshirishi va ushbu nomuvofiqliklar amalda bartaraf etilganligi MSO tomonidan tasdiqlanganda, muvofiqlik sertifikatining amal qilishi belgilangan tartibda tasdiqlanadi.

85. Quyidagilar MSO tomonidan muvofiqlik sertifikatining amal qilishini tugatish toʻgʻrisida qaror qabul qilishga asosan boʻladi:

muvofiqlik sertifikati egasi tomonidan tuzatish tadbirlarida keltirilgan nomuvofiqliklar belgilangan muddatlarda bartaraf etilmaganligi;

ishlab chiqaruvchining yozma murojaati;

sinov natijasiga koʻra sertifikatlangan mahsulot texnik reglamentlarda belgilangan talablarga nomuvofiqligi;

mahsulot ishlab chiqarish joyi oʻzgarishi;

muvofiqlik sertifikati rasmiylashtirilgan mahsulotning (tovarning), texnik reglamenti oʻzgarishi;

davriy baholash jarayonida toʻgʻrilab boʻlmas kamchiliklar aniqlanishi.

Muvofiqlik sertifikatining amal qilishini tugatish toʻgʻrisida qaror qabul qilinganda, MSO muvofiqlik sertifikatining egasini, Agentlikni va tegishli idoralarni ushbu qaror bilan tanishtiradi.

86. MSO tomonidan muvofiqlik sertifikatini toʻxtatib turish, qayta tiklash yoki tugatish toʻgʻrisidagi maʼlumotlar 2 ish kunida muvofiqlik sertifikatining egasiga yetkaziladi va davlat reyestrga maʼlumot kiritish uchun Agentlikka hamda maʼlumot tariqasida soliq va bojxona organlariga, shuningdek, ommaviy axborot vositalari va tegishli vazirlik, idoralarga bevosita yoki elektron pochta orqali yoki tegishli elektron tizim orqali yuboradi.

87. Sertifikatlashtirilgan mahsulotlar isteʼmolchilar va (yoki) davlat nazorati organlaridan mahsulot xavfsizligiga eʼtiroz mavjudligi toʻgʻrisidagi maʼlumotlar olinganda MSO tomonidan rejadan tashqari davriy baholanadi.

Amal qilish muddati yakuniga yetayotgan muvofiqlik sertifikatini qayta rasmiylashtirish yuzasidan ushbu sertifikatni rasmiylashtirgan MSOga ariza yoʻllanganda, MSO ushbu mahsulotni muvofiqligini baholashda soʻnggi davriy baholashning ijobiy natijalarini, agar uning amalga oshirilganiga bir yildan oshmagan boʻlsa, hisobga olishi mumkin.

18-bob. Muvofiqlik sertifikatini rasmiylashtirish uchun asos boʻlgan hujjatlarni shakllantirish va saqlash

88. MSOlar rasmiylashtirilgan muvofiqlik sertifikati haqidagi maʼlumotlarni davlat reyestriga kiritgandan soʻng MSO va muvofiqlik sertifikatining egasi mahsulotning texnik reglament talablariga muvofiqligini tasdiqlovchi (texnik reglamentda boshqa tartib belgilangan boʻlmasa), qoʻllanilgan sertifikatlashtirish sxemasiga qarab, quyidagilarni oʻz ichiga oladigan hujjatlar toʻplamini elektron dasturda shakllantiradi;

a) mahsulotlarga texnik hujjatlar (loyihaviy va (yoki) konstruktorlik va (yoki) texnologik va (yoki) foydalanish hujjatlari va (yoki) texnik tavsiflar nusxalari);

b) standartlar toʻplamiga kiritilgan standartlar roʻyxati (ularning nomi va belgilanishi, agar texnik reglament talablariga rioya qilish standartni toʻliq emas balki alohida boʻlim, bob va bandlarini qoʻllash orqali taʼminlanadigan boʻlsa, ushbu boʻlim, bob va bandlar) (ariza beruvchi tomonidan qoʻllanilsa);

v) agar texnik reglamentlar talablariga rioya qilinishini taʼminlaydigan, ixtiyoriy ravishda qoʻllaniladigan standartlar qoʻllanmagan yoki ular mavjud boʻlmasa, texnik reglamentlar talablariga muvofiqlikni tasdiqlovchi qabul qilingan texnik yechimlar va xavfni baholash natijalari tavsifi;

g) mahsulot namuna(nusxa)larini identifikatsiya qilish va (yoki) tanlash toʻgʻrisidagi dalolatnoma(lar);

d) mahsulotning texnik reglament talablariga muvofiqligini tasdiqlovchi sinov va oʻlchashlarning bayonnomalari (sertifikatlashtirish sxemasida nazarda tutilgan hollarda) hamda agar texnik reglamentda nazarda tutilgan boʻlsa tegishli fotosurat va (yoki) videotasvirlar;

e) menejment tizimining muvofiqlik sertifikatI nusxasi (sertifikatlashtirish sxemasida nazarda tutilgan hollarda);

j) mahsulot ishlab chiqarishda qoʻllaniladigan muhim komponentlar, xomashyo, materiallar yoki butlovchi buyumlarning muvofiqlik sertifikatlari yoki sinov va oʻlchashlarining bayonnomalari (mavjud boʻlsa);

z) shartnoma (kelishuv) va yukka ilova qilinadigan hujjatlarning nusxalari (sertifikatlashtirish sxemasida nazarda tutilgan hollarda);

i) respublika hududiga yetkazib berilgan mahsulotning texnik reglament talablariga muvofiqligining taʼminlanishi va bunday mahsulotlarning belgilangan talablarga mos kelmasligi uchun javobgarlik koʻzda tutilgan (ishlab chiqaruvchi vakolatlagan shaxs uchun) ishlab chiqaruvchi (shu jumladan, xorijiy ishlab chiqaruvchi) bilan kelishuv nusxasi;

k) ishlab chiqarishni baholash natijalari toʻgʻrisida dalolatnoma (sertifikatlashtirish sxemasida nazarda tutilgan hollarda);

l) ariza beruvchi tomonidan taqdim etilgan mahsulotning texnik reglament talablariga muvofiqligining tasdiqlovchi boshqa hujjatlar;

m) muvofiqlik sertifikati;

n) ariza beruvchining qonunchilikka muvofiq davlat roʻyxatidan oʻtish paytida yuridik shaxs yoki yakka tartibdagi tadbirkor sifatida roʻyxatdan oʻtgan jismoniy shaxsga tayinlangan roʻyxatga olish yoki hisobga olish (jismoniy shaxs, identifikatsiya) raqami toʻgʻrisidagi maʼlumotlar.

89. Elektron dasturga kiritilmagan hujjatlar toʻplami chop etilgan shaklda mazkur Nizomning 91-bandida belgilangan muddatlarda MSOda saqlanishi taʼminlanadi.

90. Mahsulotning muvofiqligini tasdiqlovchi hujjatlar toʻplami bilan birgalikda saqlash muddatlari texnik reglamentlarda belgilanadi.

91. Agar muvofiqlik sertifikati uni rasmiylashtirish asos boʻlgan hujjatlar toʻplamlari bilan birgalikda saqlash muddatlari texnik reglamentlarda belgilanmagan boʻlsa, muvofiqlik sertifikatining amal qilish muddati tugagan kundan boshlab kamida bir yil davomida MSO saqlanadi.

92. Muvofiqlik sertifikati hujjatlar toʻplami ariza beruvchi va (yoki) MSO tomonidan respublikada davlat nazoratini oʻtkazish, shuningdek, texnik reglament talablariga rioya qilinishi ustidan nazorat uchun masʼul boʻlgan davlat nazorati organlariga hamda boshqa manfaatdor shaxslarga ularning asosli talabiga binoan taqdim etiladi.

19-bob. Mahsulotlarni sertifikatlashtirish sxemalari qoʻllanishi

93. Mahsulotlar kuyidagi keltirilgan sertifikatlashtirish sxemalariga asosan, mazkur Nizomga 2-ilovada keltirilgan amallarni bajarish asosida sertifikatlashtiriladi:

1S sxema — seriyali ishlab chiqariladigan mahsulotlarni sertifikatlashtirishda qoʻllaniladi. Bunda ariza beruvchi ishlab chiqaruvchi (ishlab chiqaruvchi vakolatlagan shaxs) hisoblanadi va sertifikatlangan mahsulotlarni muvofiqlik belgisi bilan tamgʻalanishini taʼminlaydi;

2S sxema — ishlab chiqaruvchida menejment tizimlarining sertifikati mavjud boʻlgan turkum ishlab chiqarilgan mahsulotlar uchun qoʻllaniladi. Bunda ariza beruvchi ishlab chiqaruvchi (ishlab chiqaruvchi vakolatlagan shaxs) hisoblanadi va sertifikatlangan mahsulotlarni muvofiqlik belgisi bilan tamgʻalanishini taʼminlaydi;

3S sxema — mahsulotlar toʻpi uchun qoʻllaniladi. Bunda ariza beruvchi ishlab chiqaruvchi (ishlab chiqaruvchi vakolatlagan shaxs) yoki sotuvchi (import qiluvchi) hisoblanadi va sertifikatlangan mahsulotlarni muvofiqlik belgisi bilan (import qilingan mahsulotlar ariza beruvchiga qulay shaklda) tamgʻalanishini taʼminlaydi. Mahsulotlar Oʻzbekiston Respublikasi hududiga kirib kelgunga qadar mazkur sxema orqali sertifikatlashtirilishi mumkin. Bunda sertifikatlashtirilayotgan mahsulotning tanlab olingan namunalariga va ularni sertifikatlashtirish organiga yetkazib berishga ariza beruvchi masʼul hisoblanadi.

3A sxema — aynan bir xil tovarlarga bitta tashqi savdo shartnomasi (kontrakti) doirasida keltirilgan mahsulotni (transport vositalaridan tashqari) sertifikatlashtirishda muvofiqlik sertifikati bir kalendar yildan oshmagan muddatga bir marotaba taqdim etishda qoʻllaniladi va sertifikatlangan mahsulotlarning muvofiqlik belgisi bilan (import qilingan mahsulotlar ariza beruvchiga qulay shaklda) tamgʻalanishini taʼminlaydi;

4S sxema — yagona (bitta) buyum uchun, texnik reglamentda belgilangan sinov va oʻlchashlarni oʻtkazish jarayonida ushbu buyumga putur yetkazilmasa qoʻllaniladi. Bunda ariza beruvchi ishlab chiqaruvchi (ishlab chiqaruvchi vakolatlagan shaxs) yoki sotuvchi (import qiluvchi) hisoblanadi;

5S sxema — tayyor mahsulotning sinov va oʻlchashlarda texnik reglament talablariga muvofiqligini toʻliq tasdiqlash imkoni mavjud boʻlmagan turkum ishlab chiqariladigan mahsulotlar uchun qoʻllaniladi. Bunda ariza beruvchi ishlab chiqaruvchi (ishlab chiqaruvchi vakolatlagan shaxs) hisoblanadi va sertifikatlangan mahsulotlarni muvofiqlik belgisi bilan tamgʻalanishini taʼminlaydi;

6S sxema — tayyor mahsulotning sinov va oʻlchashlarida texnik reglament talablariga muvofiqligini toʻliq tasdiqlash imkoni mavjud boʻlmaganda hamda ishlab chiqaruvchida menejment tizimlarining sertifikati mavjud boʻlgan turkum ishlab chiqarilgan mahsulotlar uchun qoʻllaniladi. Bunda ariza beruvchi ishlab chiqaruvchi (ishlab chiqaruvchi vakolatlagan shaxs) hisoblanadi va sertifikatlangan mahsulotlarni muvofiqlik belgisi bilan tamgʻalanishini taʼminlaydi;

7S sxema-seriyali ishlab chiqarishga moʻljallangan mahsulotlar uchun mahsulot modifikatsiyalarini chiqarish rejalashtirilgan hollarda qoʻllaniladi. Bunda ariza beruvchi ishlab chiqaruvchi (ishlab chiqaruvchi vakolatlagan shaxs) hisoblanadi va sertifikatlangan mahsulotlarni muvofiqlik belgisi bilan tamgʻalanishini taʼminlaydi;

8S sxema — seriyali ishlab chiqarish uchun moʻljallangan mahsulot modifikatsiyalarini chiqarish rejalashtirilgan va ishlab chiqaruvchida menejment tizimlarining sertifikati mavjud boʻlgan turkum ishlab chiqarilgan mahsulotlar uchun qoʻllaniladi. Bunda ariza beruvchi ishlab chiqaruvchi (ishlab chiqaruvchi vakolatlagan shaxs) hisoblanadi va sertifikatlangan mahsulotlarni muvofiqlik belgisi bilan tamgʻalanishini taʼminlaydi;

9S sxema — respublika hududidagi korxonalarni jihozlash uchun moʻljallangan yagona (bitta) buyumlarga qoʻllaniladi. Mazkur sxema boʻyicha sertifikatlashtirish texnik hujjatlarni tahlil qilish asosida amalga oshiriladi. Bunda ariza beruvchi ishlab chiqaruvchi (ishlab chiqaruvchi vakolatlagan shaxs) yoki sotuvchi (import qiluvchi) hisoblanadi.

20-bob. Axborot taʼminoti

94. MSO rasmiylashtirilgan, tasdiqlangan, amal qilishi toʻxtatilgan va tugatilgan sertifikatlarni, shuningdek, sertifikat berishni rad etilgan holatlarni hisobini olib boradi hamda ular toʻgʻrisidagi axborotni har oyda Agentlikka taqdim etadi. MSO manfaatdor tashkilotlarni oʻz faoliyati hamda rasmiylashtirilgan sertifikatlar toʻgʻrisida xabardor qiladi.

95. Agentlik quyidagi maʼlumotlarni oʻz veb-saytida joylashtiradi:

muvofiqlik sertifikati berilgan mahsulotlar Davlat reyestri;

amal qilishi toʻxtatilgan va tugatilgan muvofiqlik sertifikatlari.

21-bob. Appelyatsiyalarni koʻrib chiqish

96. Manfaatdor tomonlar sertifikatlashtirish natijalaridan norozi boʻlgan taqdirda, Agentlikning Appelyatsiya kengashiga yoki bevosita sudga murojaat qilishga haqli.

97. Agentlikning Appelyatsiya kengashi MSO va SL qarorlariga nisbatan noroziliklarni koʻrib chiqadi. Apellyatsiya komissiyasi tarkibi va tartibi Agentlik rahbarining buyrugʻi bilan tasdiqlanadi.

Apellyatsiya komissiyasi berilgan apellyatsiyani koʻrib chiqadi va qabul qilingan qaror toʻgʻrisida ariza beruvchiga yozma ravishda maʼlum qiladi.

98. Manfaatdor tomonlar Agentlikning Apelyatsiya kengashi qarori boʻyicha qonunda belgilangan tartibda sudga shikoyat etishlari mumkin.

22-bob. Yakunlovchi qoidalar

99. Agentlik yoki Texnik jihatdan tartibga solish sohasida nazorat inspeksiyasi MSOlardan muvofiqlik sertifikati va uni rasmiylashtirish uchun asos boʻlgan hujjatlar toʻplamlarini soʻrab olishi mumkin.

Agentlik elektron tizim orqali MSO tomonidan rasmiylashtirilgan va (yoki) rasmiylashtirilayotgan muvofiqlik sertifikatlari monitoringini doimiy amalga oshirib boradi, nomuvofiqliklar aniqlanganda ular bartaraf qilingunga qadar tegishli MSOlarni elektron tizimdan uzib qoʻyish vakolatiga ega.

100. Muvofiqlik sertifikatida koʻrsatilgan maʼlumotlarning haqqoniyligiga va mazkur Nizom talablarining buzilishiga javobgarlik MSOga yuklanadi.

101.Ushbu Nizomning buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Mahsulotlarni sertifikatlashtirish tartibi toʻgʻrisida nizomga 1-ILOVA

Mahsulotlarni sertifikatlashtirishdan oʻtkazish

Bosqichlar Subyektlar Tadbirlar Bajarish muddatlari 1-bosqich Ariza beruvchi Mahsulotni sertifikatlashtirishdan oʻtkazish uchun hujjatlar toʻplamini shakllantiradi. Sertifikatlashtirish organiga mahsulotni sertifikatlashtirishdan oʻtkazish uchun ariza beradi. Ariza beruvchining xohishiga koʻra 2-bosqich Sertifikatlashtirish organi 1. Taqdim etilgan hujjatlar hamda maʼlumotlarning toʻliqligi yuzasidan arizani quyidagicha oʻrganadi: a) ijobiy natija boʻlganda mahsulotni sertifikatlashtirish yuzasidan qaror qabul qiladi va shartnoma tuzadi; 1 ish kuni mobaynida b) hujjatlar toʻliq boʻlmaganda hujjatlarni qaytaradi. 1 ish kuni mobaynida 2. Mahsulotni sertifikatlashtirish uchun shartnomaga asosan haq toʻlangandan keyin mahsulotlarni identifikatsiya qiladi, namuna oladi hamda IMOga boʻlgan huquqlarni oʻrganadi, tekshiradi (sertifikatlashtirish chizmasida belgilanganda). 1 ish kuni mobaynida 3. Mahsulot loyihasi tadqiqotini oʻtkazadi (sertifikatlashtirish chizmasida belgilanganda). 3 ish kuni mobaynida 4. Mahsulot turini oʻrganish boʻyicha tadqiqot oʻtkazadi (sertifikatlashtirish chizmasida belgilanganda). 10 ish kuni mobaynida 5. Identifikatsiya qilish va namuna olish, IMO yoki mahsulot loyihasi tadqiqotini oʻtkazish yoki mahsulot turini oʻrganish jarayonlarida, nomuvofiqlik aniqlangan taqdirda, bu haqda ariza beruvchini ularni bartaraf etish uchun xabardor qiladi. 10 ish kuni mobaynida 6. Identifikatsiya qilish va namuna olish, IMO yoki mahsulot loyihasi tadqiqotini oʻtkazish yoki mahsulot turini oʻrganish jarayonlari boʻyicha aniqlangan nomuvofiqliklar bartaraf etilmagan taqdirda, roʻyxatga olish ishini toʻxtatib turadi. 1 oygacha (ariza beruvchi tayyorligi natijalari boʻyicha) 7. Belgilangan muddatlarda nomuvofiqliklar bartaraf etilganligi haqida maʼlumot va tasdiqlovchi hujjatlar taqdim etilmaganda sertifikatlashtirish organi ariza beruvchiga sertifikatlashtirish ishlarini tugatish toʻgʻrisida xabarnoma yuboradi. 3 ish kuni mobaynida 3-bosqich Sertifikatlashtirish organi Identifikatsiya qilish va namuna olish jarayonida kamchiliklar aniqlanmaganda, shuningdek, belgilangan muddatlarda kamchiliklar bartaraf etilganligi haqida maʼlumot va tasdiqlovchi hujjatlar taqdim etilganda tanlab olingan namunalar, dalolatnoma bilan akkreditatsiya qilingan sinov laboratoriyasiga yuboradi. 1 ish kuni mobaynida Sinov laboratoriyasi Tanlab olingan namunalarni texnik reglamentlarda belgilangan tartibda, sinovdan oʻtkazadi. Sinovlar davomiyligidan kelib chiqib Olingan sinov natijalarini bayonnoma koʻrinishida rasmiylashtirib, sertifikatlashtirish organiga taqdim qiladi. 1 ish kuni mobaynida Sertifikatlashtirish organi Ishlab chiqarish baholashdan oʻtkazadi va natijalar boʻyicha dalolatnoma rasmiylashtiradi (sertifikatlashtirish chizmasida belgilanganda). 10 ish kuni mobaynida Ishlab chiqarishni baholash jarayonida nomuvofiqlik aniqlansa, aniqlangan nomuvofiqliklarni bartaraf etish toʻgʻrisida ariza beruvchiga xabarnoma yuboradi. 2 ish kuni mobaynida Ishlab chiqarishni baholash jarayonida aniqlangan kamchiliklar bartaraf etilmagan taqdirda, sertifikatlashtirishni toʻxtatib turadi. 1 oy mobaynida (ariza beruvchi xohishiga koʻra) Belgilangan muddatlarda kamchiliklar bartaraf etilganligi haqida maʼlumot va tasdiqlovchi hujjatlar taqdim etilganda, sertifikatlashtirish organi uni koʻrib chiqadi hamda ariza boʻyicha ishlarni, toʻxtatish yoki davom ettirish yuzasidan qaror qabul qiladi. 2 ish kuni mobaynida Belgilangan muddatlarda kamchiliklar bartaraf etilmaganda sertifikatlashtirish organi ariza beruvchiga sertifikatlashtirish ishlari tugatilganligi toʻgʻrisida xabarnoma yuboradi. 2 ish kuni mobaynida Ariza beruvchi Ishlab chiqarishni baholash jarayonida nomuvofiqliklar aniqlanganda, nomuvofiqlikni bartaraf etadi va tasdiqlovchi hujjatlar bilan sertifikatlashtirish organiga maʼlumotlarni taqdim etadi. 1 oy mobaynida (ariza beruvchi xohishiga koʻra) 4-bosqich Sertifikatlashtirish organi Sertifikatlashtirish organi, identifikatsiya qilish va namuna olish dalolatnomasi, mahsulot loyihasi tadqiqotini oʻtkazish boʻyicha xulosa, mahsulot turini oʻrganish boʻyicha xulosa, sinov bayonnomalari, ishlab chiqarishni baholash dalolatnomasi hamda taqdim qilingan hujjatlar majmui asosida muvofiqlik sertifikatini berish toʻgʻrisida qaror qiladi. 2 ish kuni mobaynida Mahsulotning sinov va oʻlchashlar davrida butunlay yoki qisman buzilgan, shuningdek, sinash davrida buzilmagan mahsulot boʻyicha hisobdan chiqarilganligi (qaytarib berilganligi) toʻgʻrisidagi dalolatnomani rasmiylashtiriladi. 2 ish kuni mobaynida Ijobiy qaror qabul qilinsa mahsulotlarga muvofiqlik sertifikati rasmiylashtiriladi va reyestrga maʼlumotlar kiritadi. 3 ish kuni mobaynida

Mahsulotlarni sertifikatlashtirish tartibi toʻgʻrisida nizomga 2-ILOVA

Mahsulotlarni sertifikatlashtirish

Sxema raqami Mahsulotni identifikatsiya qilish Mahsulotdan namuna (nusxa) tanlab olish Mahsulotning IMOga boʻlgan huquqlarni oʻrganish va tekshirish Mahsulotning sinov va oʻlchashlarini oʻtkazish Mahsulot loyihasini oʻrganish boʻyicha tadqiqot Mahsulot turini oʻrganish boʻyicha tadqiqot Ishlab chiqarish nazorati (ariza beruvchi tomonidan) Ishlab chiqarishni baholash (sertifikatlashtirish organi tomonidan) Sertifikatlashtirilgan mahsulotni davriy baholash 1S + + + + + + + 2S + + + + + + + 3S + + * + + * 4S + + 5S + + + + + + 6S + + + + + + 7S + + + + + 8S + + + + + 9S + +

Mahsulotlarni sertifikatlashtirish tartibi toʻgʻrisida nizomga 3-ILOVA

__________________________________ (sertifikatlashtirish organi nomi) __________________________________ (sertifikatlashtirish organi manzili) Mahsulotni sertifikatlashtirish uchun ARIZA __________________________________________________________________________________________ (ariza beruvchining nomi (ishlab chiqaruvchi, yetkazib beruvchi yoki yakka tartibdagi tadbirkorning F.I.O.)) ___________________________________________________________________________________________ (ariza beruvchining manzili) nomidan ____________________________ shuni maʼlum qiladiki, __________________________________ (rahbarning F.I.O.) ___________________________________________________________________________________________ (mahsulotning nomi, turi, TIF TN kodi, seriyali yoki turkum ishlab chiqarilgan, har bir mahsulot (bitta ishlab chiqarish uchun) ___________________________________________________________________________________________ __________________________________________________________________ ga asosan ishlab chiqariladi, (ishlab chiqaruvchi hujjatlarining nomi) ___________________________________________________________________ talablariga javob beradi (normativ hujjatning nomi va raqami) va ushbu mahsulotlarni koʻrsatilgan hujjatlar talablariga muvofiqligini qoʻyidagi sxemaga asosan sertifikatlashtirishni soʻraydi: ___________________________________________________________________________________________ (sertifikatlashtirish sxemasi raqami) Qoʻshimcha maʼlumotlar ______________________________________________________________________ (xulosalar va boshqa hujjatlarning mavjudligi koʻrsatiladi) Ariza beruvchi ____________________ ___________________________ (imzo) (F.I.O.) Sana

Mahsulotlarni sertifikatlashtirish tartibi toʻgʻrisida nizomga 4-ILOVA

_______________________________________ (sertifikatlashtirish organi nomi) _______________________________________ (sertifikatlashtirish organi manzili) “TASDIQLAYMAN” Sertifikatlashtirish organi rahbari ___________ __ _____________________ (imzo) ____________ (F.I.O.) ______ 20____ y. ____ ____________ muhr Sertifikatlashtirish boʻyicha ariza yuzasidan QAROR 20 ___ y., ___ __________dagi ____-son Arizani koʻrib chiqib ________________________________________________ sertifikatlashtirish uchun (ishlab chiqaruvchining, yetkazib beruvchining nomi) ____________________________________________________________________________ maʼlum qilamiz: (mahsulot nomi, TIF TN kod) 1. Sertifikatlashtirish quyidagi sxemaga muvofiq amalga oshiriladi ____________________________ ; (sxemasi raqami) 2. Sertifikatlashtirish uchun sinovlar _______________________________________________________ ________________________________________________________________________ da oʻtkazilishi kerak; (akkreditatsiyadan oʻtgan sinov laboratoriyasi nomi) ___________________________________________________________________________________________ (manzili) 3. Sertifikatlashtirish ______________________________________ talablariga muvofiq oʻtkaziladi; (NHning nomlanishi va belgilanishi) 4. Ishlab chiqarishni baholash ____________________________________________________ da oʻtkaziladi; (korxonaning nomi) _____________________________ ___________ __________________________________________________ _______ (manzili) _______________________________________ (ishlab chiqarishni baholash turi) _________ 5. Ish uchun toʻlov shakli _____________________________________________________________________ ; (tadbirkorlik shartnomasi, tariflar va boshqa toʻlov turlari boʻyicha) 6. Sertifikatlashtirish maqsadida ________________________________________ ni topshirish kerak. (zarur hujjatlar koʻrsatilishi kerak)

Mahsulotlarni sertifikatlashtirish tartibi toʻgʻrisida nizomga 5-ILOVA

(Old tarafi) Namunalarni identifikatsiya qilish va tanlab olish DALOLATNOMASI 20___ y. “____” ___________ Ishlab chiqaruvchining (ariza beruvchining) nomi __________________________________________________ ___________________________________________________________________________________________ Namunalar olingan tashkilotning nomi va manzili ______________________________________________ ___________________________________________________________________________________________ Mahsulot turining nomi va MXIK kodi (qonunchilik belgilangan mahsulot turiga) __________________ ___________________________________________________________________________________________ Oʻlchov birligi ______________________________________________________________________________ Partiya hajmi _____________________________________________________________________________ Partiyani tashqi tekshirish natijasi ________________________________________________________ (qadoqlash, yorliqlash holati) ___________________________________________________________________________________________ Ishlab chiqarilgan sana ______________________________________________________________________ Olingan namunalar soni _____________________________________________________________________ (birlikni qadoqlash holati) (sinov uchun) ________________________________________________________________________________ (nazorat namunalari uchun) ___________________________________________________________________ Namuna olish maqsadi: normativ hujjatlarda belgilangan talablarga muvofiq mahsulotlarni xavfsizlik koʻrsatkichlari boʻyicha sinovdan oʻtkazish. Namuna olish joyi va sanasi _________________________________________________________________ ___________________________________________________________________________________________ Imzolar: Ishlab chiqaruvchidan (ariza beruvchidan) _______________ _____________________ imzo F.I.O. Sertifikatlashtirish organidan _______________ _____________________ imzo F.I.O. Bojxona posti inspektori _______________ _____________________ imzo F.I.O.

(Orqa tarafi) MAHSULO G IDENTIFIKATSIYASI: Nomi (marka, model, tur, sinf mavjud boʻlsa) __________________________________________________ ___________________________________________________________________________________________ Ishlab chiqaruvchi (mamlakat va korxona) _______________________________________________________ ___________________________________________________________________________________________ Qadoq va yorliq haqida maʼlumot ______________________________________________________________ __________________________________________________________________________________________ Maqsad / moʻljallangan _____________________________________________________________________ ___________________________________________________________________________________________ Asosiy xususiyatlari ________________________________________________________________________ ___________________________________________________________________________________________ Saqlash shartlari __________________________________________________________________________ ___________________________________________________________________________________________ Ishlab chiqarilgan sana ______________________________________________________________________ ___________________________________________________________________________________________ Saqlash muddati ____________________________________________________________________________ ___________________________________________________________________________________________ Qoʻshimcha maʼlumotlar (mavjud boʻlganda) ______________________________________________________ ___________________________________________________________________________________________ Imzolar: Sertifikatlashtirish organidan _______________ _____________________ imzo F.I.O. Bojxona posti inspektori _______________ _____________________ imzo F.I.O. Ishlab chiqaruvchidan (ariza beruvchidan) _______________ _____________________ imzo F.I.O.

Mahsulotlarni sertifikatlashtirish tartibi toʻgʻrisida nizomga 6-ILOVA

MAHSULOTLARNI HISOBDAN CHIQARISH (QAYTARISH) TOʻGʻRISIDA DALOLATNOMA 20 ____ y. “____” __________dan _________________________________________________________________________________________ (yuridik va jismoniy shaxsning nomi) _________________________________________________________________________________________ (arizaning sanasi va raqami) Bu dalolatnoma 20___ y., “___” ___________ dagi ____________-son namunalarni tanlab olish dalolatnomasiga muvofiq tanlab olingan mahsulot namunalari:  sinov davrida butunlay buzilgan;  sinov davrida yoʻq qilinmagan yoki qisman buzilgan, ariza beruvchiga qaytarilganligi toʻgʻrisida tuzilgan. Ishlab chiqaruvchidan (ariza beruvchidan) _____________ _______________________ imzo F.I.O. Sertifikatlashtirish organidan _____________ _______________________ imzo F.I.O.

Mahsulotlarni sertifikatlashtirish tartibi toʻgʻrisida nizomga 7-ILOVA

__________________________________ (Sertifikatlashtirish organi nomi) __________________________________ (Sertifikatlashtirish organi manzili) “TASDIQLAYMAN” Sertifikatlashtirish organi rahbari ___________ _ ___________________ ____ (imzo) __________ (F.I.O.) _______ 20____ y. ____ __________ muhr Sertifikatlashtirish natijasi yuzasidan QAROR 20____ y. “_____” ____________ _____-sonli 1. Sertifikatlashtirilayotgan mahsulotlarning sinov bayonnomalarini tahlilli. 2. Ishlab chiqarishni baholash boʻyicha xulosalar (agar sertifikatlashtirish sxemasida nazarda tutilgan boʻlsa). 3. Hujjatlarning toʻliqligi asosida muvofiqlik sertifikati berish / rad etish (tegishligi tagiga chizing) ___________________________________________________________________________________________ (mahsulot(lar) nomi) ___________________________________________________________________________________________ (jismoniy yoki yuridik shaxs nomi) Rad etish sababi ____________________________________________________________________________ ___________________________________________________________________________________________ ___________________________________________________________________________________________ ___________________________________________________________________________________________ Ekspert _______________ _________________________ (imzo) (F.I.O.)

Mahsulotlarni sertifikatlashtirish tartibi toʻgʻrisida nizomga 8-ILOVA

OʻZBEKISTON RESPUBLIKASI SERTIFIKATLASHTIRISH MILLIY TIZIMI (Sertifikatlashtirish idorasining nomi, manzili, Davlat reyestridagi raqami) MUVOFIQLIK SERTIFIKATI yildan son bilan (milliy muvofiqlik belgisi) Davlat reyestrida roʻyxatga olingan Amal qilish muddati yilgacha TIF TN kodi (maʼlumot uchun) (tashkilot nomi, ishlab chiqaruvchi mamlakat) Ushbu sertifikat tegishli ravishda identifikatsiya qilingan mahsulot: (nomi, turi, xili, rusumi) (miqdori yoki seriyali ishlab chiqarilishi) normativ hujjat talablariga muvofiqligini tasdiqlaydi. Sertifikatlashtirish sxemasi: Murojaatchi (ishlab chiqaruvchi, sotuvchi): (keraklisi tagiga chizilsin) (amaldagi va yuridik manzili) Sertifikat quyidagilarga asosan berildi: a) hujjatlar b) namunalar sinovi v) ishlab chiqarishni tekshirish dalolatnomasi Inspeksion nazoratni davriylik bilan amalga oshiradi. Alohida yozuvlar: Muvofiqlik belgisi qoʻyiladi: Sertifikatlashtirish organi rahbari (elektron imzo) (F.I.O.) Ekspert (elektron imzo) (F.I.O.)

Vazirlar Mahkamasining 2024-yil 14-avgustdagi 502-son qaroriga 4-ILOVA

Menejment tizimlarini sertifikatlashtirish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasining “ Texnik jihatdan tartibga solish toʻgʻrisida ” va “ Muvofiqlikni baholash organlarini akkreditatsiya qilish toʻgʻrisida ” qonunlariga asosan menejment tizimlarini sertifikatlashtirish tartibini belgilaydi.

2. Menejment tizimlarini sertifikatlashtirishning sxemalari, uslublari va tartiblari texnik jihatdan tartibga solish sohasidagi normativ hujjatlar hamda ushbu Nizom talablariga muvofiq belgilanadi.

Menejment tizimlarining muvofiqligini baholash ishlarini amalga oshirishda ushbu Nizomda belgilangan tartib bilan bir qatorda menejment tizimlarini sertfikatlashtirish faoliyatini tartibga soluvchi xalqaro standartlar turkumida nazarda tutilgan talablar, muayyan menejment tizimi uchun belgilangan alohida qoidalar, menejment tizimlarini sertifikatlashtirish sohasida xalqaro tashkilotlar tomonidan umumeʼtirof etilgan tamoyillar inobatga olinadi.

3. Menejment tizimlari belgilangan tartibda akkreditatsiyadan oʻtgan menejment tizimlarini sertifikatlashtirish organlari (keyingi oʻrinlarda — MTSO) tomonidan ularning akkreditatsiyasi doirasida sertifikatlashtiriladi.

Menejment tizimlarini sertifikatlashtirishda ariza beruvchi, bir nechta MTSO mavjud boʻlsa, oʻz tanloviga binoan ulardan biriga murojaat qilish huquqiga ega.

2-bob. Asosiy tushunchalar

4. Ushbu Nizomda quyidagi asosiy tushunchalardan foydalaniladi:

ariza beruvchi — menejment tizimlarini sertifikatlashtirishga talabgor boʻlgan yuridik shaxs;

axborot tizimi — mahsulot va xizmatlarga muvofiqlik sertifikatini rasmiylashtirish va elektron reyestrni yuritish axborot tizimi;

menejment tizimlarini sertifikatlashtirish organi (MTSO) — qonunchilikda belgilangan tartibda roʻyxatdan oʻtgan Oʻzbekiston Respublikasi rezidenti, menejment tizimlarini sertifikatlashtirish faoliyatini amalga oshiruvchi organ sifatida akkreditatsiyadan oʻtgan yuridik shaxs;

menejment tizimlarini sertifikatlashtirish — menejment tizimlarining sertifikatlashtirish sxemasiga asosan xalqaro standartlarda belgilangan talablarga muvofiqligini baholash boʻyicha faoliyat;

muvofiqlik sertifikati — sertifikatlashtirilgan menejment tizimlarining belgilangan talablarga muvofiqligini tasdiqlash maqsadida sertifikatlashtirish tizimi qoidalariga binoan rasmiylashtiriladigan hujjat;

nazorat auditi — belgilangan talablarning bajarilishi darajasini aniqlash maqsadida yozuvlarni olish, dalillar yoki boshqa tegishli axborotni qaydlash va ularni xolisona baholash boʻyicha muntazam, mustaqil, shuningdek, hujjatlashtirilgan tarzda olib boriladigan jarayon.

3-bob. Menejment tizimlarini sertifikatlashtirish tartibi

5. Menejment tizimlarini sertifikatlashtirish (keyingi oʻrinlarda — sertifikatlashtirish) quyidagi bosqichlarni oʻz ichiga oladi:

a) muayyan menejment tizimiga belgilangan talablarga muvofiq axborot tizimi orqali sertifikatlashtirish uchun ariza berish;

b) sertifikatlashtirish uchun berilgan arizani koʻrib chiqish va qaror qabul qilish;

v) sertifikatlashtirish uchun shartnoma tuzish;

g) sertifikatlashtirish uchun yetarli vakolatga ega audit guruhini shakllantirish;

d) menejment tizimlari auditini belgilangan bosqichlarda oʻtkazish va uning natijalari boʻyicha hisobot tuzish;

e) muvofiqlik sertifikatini berish yoki berishni rad etish toʻgʻrisida qaror qabul qilish;

j) muvofiqlik sertifikatini axborot tizimida roʻyxatdan oʻtkazish.

6. Ariza beruvchi tomonidan mustaqil tanlangan MTSO arizaga muvofiq sertifikatlashtirish ishlarini amalga oshiradi.

4-bob. Ariza taqdim qilish

7. Ariza beruvchi xalqaro standartlarda belgilangan talablarga muvofiq sertifikatlashtirishga ushbu Nizomga 4-ilovaga muvofiq arizani Nizomning 9-bandidagi maʼlumotlarni ilova qilgan holda MTSOga yoʻllaydi.

8. Ariza beruvchi sertifikatlashtirish uchun arizani unga zarur hujjatlar va maʼlumotlarni ilova qilgan holda axborot tizimi orqali yuboradi.

9. Sertifikatlashtirish uchun taqdim qilinadigan arizada quyidagi maʼlumotlar aks ettiriladi:

a) menejment tizim(lar)i bilan qamrab olingan sertifikatlashtirish soʻralgan soha (sertifikatlashtirish sohasi);

b) menejment tizim(lar)ining muvofiqligini baholashga oid texnik jihatdan tartibga solish sohasidagi normativ hujjat(lar)ga havola;

v) ariza beruvchining faoliyati tavsifi;

g) sertifikatlashtirish bilan qamrab olish nazarda tutilgan ariza beruvchining doimiy va/yoki vaqtincha faoliyat koʻrsatish joy(lar)i soni hamda ushbu joy(lar)ning toʻliq nomi, manzili va ularda olib boriladigan faoliyat tavsifi;

d) ariza beruvchining pudrat asosida amalga oshiradigan faoliyati (jarayonlari) tavsifi;

e) ariza beruvchining faoliyatiga oid jarayonlar hamda unga bogʻliq inson va texnika resurslar tafsiloti;

j) menejment tizim(lar)ini joriy etish bilan bogʻliq konsalting xizmati jalb qilinganligi toʻgʻrisida maʼlumot (jalb etilgan boʻlsa);

z) avvalgi sertifikatlashtirish toʻgʻrisida maʼlumot (amalga oshirilgan boʻlsa).

Ariza beruvchi oʻz ixtiyoriga koʻra qoʻshimcha maʼlumot va/yoki hujjatlarni taqdim qilishi mumkin.

10. Sertifikatlashtirish uchun ariza va unga ilova qilingan hujjatlarda koʻrsatilgan maʼlumotlarning toʻgʻriligi va haqqoniyligi uchun ariza beruvchi javobgar.

5-bob. Sertifikatlashtirish uchun taqdim etilgan ariza va hujjatlar toʻplamini koʻrib chiqish tartibi

11. MTSO taqdim etilgan ariza va maʼlumotlarni koʻrib chiqib tahlil qiladi, tahlil natijalari boʻyicha 3 ish kuni mobaynida sertifikatlashtirish uchun arizani qabul qilish yoki rad etish toʻgʻrisida qaror qabul qiladi. Ariza beruvchiga 1 ish kuni mobaynida qabul qilingan qaror toʻgʻrisida xabarnoma yoki asoslantirilgan rad javobini (bevosita yoki elektron pochta orqali yoki tegishli elektron tizim orqali) yuboradi.

12. Sertifikatlashtirish uchun arizani qabul qilishni rad etish uchun quyidagilar asos boʻladi:

ushbu Nizomning 9-bandida koʻrsatilgan maʼlumotlarning toʻliq taqdim etilmaganligi;

sertifikatlashtirish uchun arizaga ilova qilingan hujjat va maʼlumotlarning soxtaligi yoki notoʻgʻriligi aniqlanganligi;

sertifikatlashtirish uchun MTSOda soʻralgan sertifikatlashtirish sohasida zarur kompetentlik tasdiqlanmaganligi;

sertifikatlashtirish uchun arizaning ushbu Nizom bilan belgilangan boshqa talablarga nomuvofiqligi.

13. Sertifikatlashtirish uchun arizani qabul qilish rad etilganda, hujjatlar ariza beruvchiga qaytariladi.

14. Ariza beruvchi qayd etilgan rad etish sabablarini bartaraf etgandan soʻng sertifikatlashtirish uchun qayta ariza berish huquqiga ega.

15. Sertifikatlashtirish uchun ariza qabul qilingan taqdirda, ariza, uni qabul qilib olingan kundan boshlab 3 ish kuni ichida MTSO va ariza beruvchi oʻrtasida sertifikatlashtirish toʻgʻrisida shartnoma tuziladi.

16. Menejment tizimlarini sertifikatlashtirish, joriy etish va oʻqitish ishlari uchun xarajat mazkur Nizomga 2-ilovaga muvofiq tartibda toʻlanadi.

17. Menejment tizimlarini sertifikatlashtirish boʻyicha koʻrsatilgan xizmatlar uchun, uning natijalaridan qatʼi nazar, ariza beruvchi tomonidan sertifikatlash toʻgʻrisidagi shartnomada koʻrsatilgan miqdorda toʻlanishi shart. Bunda sertifikatlashtirish boʻyicha ishlar qiymati sertifikatlashtirish boʻyicha qaror qabul qilingunga qadar toʻlab berilishi kerak.

18. Menejment tizimlarini ishlab chiqish va joriy etish maqsadida ariza beruvchi tomonidan konsultantni jalb etish ochiq tanlov asosida amalga oshirilganda, koʻrsatilgan xizmatlarning umumiy qiymati haqiqiy sarflarni hisobga olgan holda, bazaviy hisoblash miqdorining 100 baravaridan oshmasligi lozim.

6-bob. Sertifikatlashtirish uchun yetarli vakolat — malaka darajasiga ega audit guruhini shakllantirish tartibi

19. Sertifikatlashtirish boʻyicha ishlar qiymatining birinchi toʻlovi amalga oshirilgandan soʻng MTSO 5 ish kuni ichida, biroq shartnoma tuzilgandan soʻng 10 ish kunidan kechiktirmay sertifikatlashtirish boʻyicha auditorlar guruhini shakllantiradi.

20. MTSO mazkur Nizomning 9-bandida keltirilgan maʼlumotlarga tayanib, menejment tizimlarini sertifikatlashtirish boʻyicha xalqaro standartlarda belgilangan tartibda tuziladigan audit dasturi asosida sertifikatlashtiradi.

21. MTSO audit dasturida menejment tizim(lar)ini dastlabki sertifikatlashtirishdagi birinchi hamda ikkinchi bosqich auditida muvofiqlik sertifikati amal qilish davrida oʻtkaziladigan nazorat va qayta sertifikatlashtirish auditida amalga oshiriladigan tadbirlarni aniq aks ettirishi shart.

22. MTSO tomonidan menejment tizimi auditini rejalashtirish va audit vaqtini hisoblash uchun quyidagilar asos boʻladi:

MTSO audit jarayonida qamrab olinadigan menejment tizim(lar)ining murakkablik va integratsiyalashuv darajasi;

ariza beruvchining faoliyati natijalari (misol uchun, faoliyat samaradorligi koʻrsatkichlari (KPI), shikoyatlar va boshqalar);

sertifikatlashtirish bilan qamrab olinadigan faoliyat yuritish joy(lar) soni, jarayon(lar), inson va texnik resurslar koʻlami;

menejment tizimini baholash uchun menejment tizimlarini sertifikatlashtirish sohasida xalqaro tashkilotlar tomonidan qabul qilingan va umumeʼtirof etilgan mezonlar;

qonunchilikda nazarda tutilgan alohida talablar.

23. Sertifikatlashtirish boʻyicha audit guruhining tarkibi, sertifikatlashtirish muddatlari va joyi MTSO tomonidan ariza beruvchi bilan kelishilgan holda belgilanadi.

24. MTSO ariza beruvchi bilan tuziladigan yuridik kuchga ega kelishuv asosida zarur hollarda audit guruhi tarkibida kuzatuvchilar, akkreditatsiya organi baholovchilari va boshqa ishtirokchilarning audit jarayonida qatnashishini taʼminlaydi.

7-bob, Menejment tizimlari auditini belgilangan bosqichlarda oʻtkazish va uning natijalari boʻyicha hisobot

25. Menejment tizim(lar)ining normativ-huquqiy hujjatlar va texnik jihatdan tartibga solish sohasidagi normativ hujjatlarning talablariga muvofiqligini aniqlash maqsadida auditlar belgilangan bosqichlarda oʻtkaziladi.

26. Oʻtkazilgan birinchi bosqich auditi natijasida menejment tizimlari hujjatlarining tahlili, audit maqsadlariga erishilganlik va ariza beruvchining keyingi bosqich auditiga tayyorlik darajasi yuzasidan xulosa hamda menejment tizimlarini sertifikatlashtirish faoliyatini tartibga soluvchi tegishli xalqaro standartlar turkumida nazarda tutilgan maʼlumotlarni oʻzida jamlagan hisobot 15 ish kunidan ortiq boʻlmagan muddatda tuziladi va ariza beruvchiga taqdim qilinadi.

Hisobotda qoʻshimcha ravishda sertifikatlashtirish uchun ahamiyatga ega boshqa maʼlumotlar aks ettirilishi mumkin.

27. Menejment tizimlarining ikkinchi bosqich auditi sertifikatlashtirish bilan qamrab olinishi nazarda tutilgan joy(lar)da oʻtkaziladi. Bunday joylar sirasiga ariza beruvchining doimiy va/yoki vaqtinchalik faoliyat koʻrsatish joylari, filiallari, virtual maqsaddagi joylari kiritilishi mumkin.

28. Menejment tizimlarining ikkinchi bosqich auditi natijalari boʻyicha hisobot menejment tizim(lar)ini sertifikatlashtirish faoliyatini tartibga soluvchi xalqaro standartlar turkumida talab qilingan maʼlumotlarni va audit xulosalarini jamlagan holda 20 ish kunidan ortiq boʻlmagan muddatda tuziladi va ariza beruvchiga taqdim qilinadi.

29. Menejment tizim(lar)ini sertifikatlashtirish faoliyatini tartibga soluvchi xalqaro standartlarga koʻra talab qilingan maʼlumotlar bilan birga hisobotda quyidagilar aks ettiriladi:

muayyan menejment tizim(lar)i doirasida qonunchilik hujjatlarida nazarda tutilgan talablarning bajarilganlik holati (tegishli hollarda);

joriy qilingan menejment tizimining natijadorligi va texnik jihatdan tartibga solish sohasidagi normativ hujjatlarning talablariga muvofiqligi yuzasidan xulosa;

nomuvofiqliklarni bartaraf etish uchun 25 ish kunidan oshmaydigan muddat (nomuvofiqliklar bayonnomasi rasmiylashtirilganda).

Hisobotda qoʻshimcha ravishda sertifikatlashtirish uchun ahamiyatga ega boshqa maʼlumotlar aks ettirilishi mumkin.

30. Menejment tizimlarining normativ-huquqiy hujjatlar va texnik jihatdan tartibga solish sohasidagi normativ hujjatlarning talablariga nomuvofiqligi aniqlangan hollarda, ariza beruvchiga 1 ish kuni mobaynida menejment tizimlari auditi natijalari boʻyicha hisobot bilan birgalikda taqdim etiladigan nomuvofiqliklar bayonnomasi rasmiylashtiriladi.

8-bob. Sertifikatlashtirish boʻyicha qaror qabul qilish va muvofiqlik sertifikatini axborot tizimi orqali roʻyxatdan oʻtkazish

31. Oʻtkazilgan sertifikatlashtirish natijalari boʻyicha MTSO tomonidan muvofiqlik sertifikatini berish yoki berishni rad etish toʻgʻrisida qaror qabul qilinadi.

32. Muvofiqlik sertifikatini tasdiqlash haqidagi qaror nazorat auditi natijalari ijobiy boʻlganda qabul qilinadi.

33. Muvofiqlik sertifikatini berish toʻgʻrisida qaror qabul qilinganda, ushbu qaror qabul qilingan kundan eʼtiboran 3 ish kuni ichida axborot tizimi orqali muvofiqlik sertifikati rasmiylashtirilib, davlat reyestrida roʻyxatdan oʻtkaziladi va ariza beruvchiga taqdim qilinadi.

34. MTSO tomonidan bir vaqtning oʻzida bir nechta menejment tizimini sertifikatlashtirish ishlari amalga oshirilganda, har bir sertifikatlashtirilgan menejment tizimi uchun alohida muvofiqlik sertifikati rasmiylashtiriladi.

35. MTSO oʻzi tomonidan sertifikatlangan menejment tizim(lar)ining sertifikatlashtirish maqomi (sertifikatlashtirish sohasini kengaytirish, qisqartirish, tasdiqlash, amal qilishini toʻxtatib turish, tugatish va uni bekor qilish) qayd etib boriladigan ochiq maʼlumotlar resursini yuritadi va unda keltirilgan maʼlumotlarning dolzarbligini taʼminlaydi.

36. Muvofiqlik sertifikati Davlat reyestrida roʻyxatdan oʻtkazilgan kundan boshlab 3 yil muddatga amalga qiladi.

37. Menejment tizimining muvofiqlik sertifikati ushbu Nizomga 1-ilovaga muvofiq shaklda rasmiylashtiriladi.

38. MTSO oʻz faoliyati doirasida rasmiylashtirilgan har qanday shakldagi muvofiqlik sertifikati, sertifikatlashtirish belgisi va sertifikatlashtirilgan menejment tizimiga ishora qiluvchi axborotdan xalqaro standartlarda ruxsat berilgan holatlarga zid va nooʻrin qoʻllanishdan himoyalash choralarini koʻrishi shart.

39. Muvofiqlik sertifikatida aks ettirilgan har qanday maʼlumotning haqqoniyligi uchun uni rasmiylashtirgan MTSO javobgar hisoblanadi.

40. Avval berilgan muvofiqlik sertifikatining amal qilish muddati tugagunga qadar 30 kun avval sertifikatlashtirish uchun ariza berilganda, menejment tizimi hujjatlarining tahlili va uning natijalari boʻyicha hisobot tuzishdan tashqari ushbu Nizomda belgilangan tartibda qayta sertifikatlashtirish oʻtkaziladi.

9-bob. Muvofiqlik sertifikatini berishni rad etish

41. Muvofiqlik sertifikatini berishni rad etish uchun quyidagilar asos boʻladi:

menejment tizimlari hujjatlarining tahlili yoki menejment tizimlari auditi doirasida aniqlangan nomuvofiqliklarning tegishli hisobotlarda belgilangan muddatlarda bartaraf etilmaganligi;

sertifikatlashtirish boʻyicha bajarilgan ishlar uchun belgilangan qiymatda toʻlanmaganligi;

menejment tizimlarining ushbu Nizom bilan belgilangan boshqa talablarga nomuvofiqligi.

42. MTSO tomonidan 1 ish kunida muvofiqlik sertifikati berishni rad etish toʻgʻrisida qarorini qabul qilinadi hamda axborot tizimi orqali foydalanuvchining shaxsiy kabinetiga xabar yuboriladi.

10-bob. Sertifikatlashtirish sohasini kengaytirish yoki qisqartirish

43. Sertifikatlashtirish sohasini kengaytirishga talabgor tashkilot muvofiqlik sertifikatini bergan MTSOga axborot tizimi orqali ariza beradi.

44. Sertifikatlashtirish sohasi ushbu Nizomda belgilangan tartibda kengaytiriladi.

45. Sertifikatlashtirish sohasi muvofiqlik sertifikatini bergan MTSO tomonidan tashkilotning sertifikatlashtirish sohasi nazorat auditi natijalariga asosan qisqartiriladi.

46. Sertifikatlashtirish sohasini qisqartirish uchun toʻlov undirilmaydi.

47. Sertifikatlashtirish sohasini kengaytirish yoki qisqartirishda avval berilgan muvofiqlik sertifikatining qolgan muddatiga yangi muvofiqlik sertifikati rasmiylashtiriladi. Yangi muvofiqlik sertifikati avval berilgan muvofiqlik sertifikati uni bergan MTSOga qaytarilgandan soʻng beriladi.

48. MTSOning sertifikatlashtirish sohasini kengaytirish yoki qisqartirish haqidagi qarori tashkilotga qaror qabul qilingan kundan eʼtiboran 3 ish kunidan kechiktirmasdan axborot tizimi orqali yetkaziladi.

49. Tashkilot MTSOning sertifikatlashtirish sohasini kengaytirish yoki qisqartirish haqidagi qarorini olgan kundan eʼtiboran 3 ish kuni ichida avvalgi muvofiqlik sertifikati uni bergan MTSOga keyinchalik Oʻzbekiston texnik jihatdan tartibga solish agentligida Davlat reyestridan chiqarish va yoʻq qilib yuborish uchun qaytarilishini taʼminlaydi.

11-bob. Muvofiqlik sertifikatining amal qilishini toʻxtatib turish, tugatish va bekor qilish

50. Muvofiqlik sertifikatining amal qilishi muvofiqlik sertifikatini bergan MTSO, Oʻzbekiston texnik jihatdan tartibga solish agentligi yoki sud tomonidan quyidagi hollarda olti oydan koʻp boʻlmagan muddatga toʻxtatib turiladi:

menejment tizimi sertifikatlashtirilgan tashkilot (keyingi oʻrinlarda — tashkilot) tomonidan nazorat auditi davomida aniqlangan nomuvofiqliklar bartaraf etilmaganda;

tashkilot tomonidan normativ-huquqiy hujjatlar, shuningdek, texnik jihatdan tartibga solish sohasidagi normativ hujjatlarda belgilangan talablar buzilganda;

tashkilot nazorat auditini oʻtkazish uchun zarur shart-sharoit taʼminlanmaganda;

tashkilot tomonidan ixtiyoriy ravishda sertifikatning amal qilishini toʻxtatib turish haqida ariza bilan murojaat qilganda.

51. Muvofiqlik sertifikatining amal qilishi muvofiqlik sertifikatini bergan MTSO, Oʻzbekiston texnik jihatdan tartibga solish agentligi yoki sud tomonidan quyidagi hollarda tugatiladi:

nazorat auditi natijalariga koʻra;

tashkilot tomonidan muvofiqlik sertifikatining amal qilishini tugatish haqida ariza bilan murojaat qilganda;

tashkilot tugatilganda;

tugatilgan yoki faoliyati toʻxtatilgan vaqtdan boshlab, qayta tashkil etilishi natijasida;

muvofiqlik sertifikatini amal qilishi toʻxtatib turilishiga sabab boʻlgan holatlar MTSO, Oʻzbekiston texnik jihatdan tartibga solish agentligi yoki sud tomonidan belgilangan muddatda tashkilot tomonidan bartaraf etilmaganda;

normativ-huquqiy hujjatlarda, shuningdek, texnik jihatdan tartibga solish sohasidagi normativ hujjatlarda belgilangan talablar tashkilot tomonidan muntazam tarzda buzilganda yoki bir marta qoʻpol tarzda buzilganda;

MTSOning muvofiqlik sertifikatini berish haqidagi qarori noqonuniy ekanligi aniqlanganda;

muvofiqlik sertifikatining amal qilish muddati tugaganda.

52. Muvofiqlik sertifikatining amal qilishi uni tugatish haqida qaror qabul qilingan sanadan eʼtiboran tugatiladi.

53. Muvofiqlik sertifikati muvofiqlik sertifikatini bergan MTSO, Oʻzbekiston texnik jihatdan tartibga solish agentligi va sud tomonidan quyidagi holatlarda bekor qilinadi:

audit nazorati natijalariga koʻra;

muvofiqlik sertifikati qalbakilashtirilgan hujjatlardan foydalangan holda olinganligi aniqlanganda.

54. MTSO, Oʻzbekiston texnik jihatdan tartibga solish agentligi va sud tomonidan muvofiqlik sertifikatini bekor qilish haqida qaror qabul qilingan hollarda muvofiqlik sertifikati mazkur qaror tashkilotga berilgan sanadan eʼtiboran bekor qilingan hisoblanadi.

55. MTSOning muvofiqlik sertifikatining amal qilishini toʻxtatib turish, tugatish yoki uni bekor qilish haqidagi qarori tashkilotga mazkur qaror qabul qilingan kundan eʼtiboran 3 ish kunidan kechiktirmasdan yetkaziladi.

Oʻzbekiston texnik jihatdan tartibga solish agentligining muvofiqlik sertifikati amal qilishini toʻxtatib turish, tugatish yoki uni bekor qilish haqidagi qarori tashkilotga va muvofiqlik sertifikatini bergan MTSOga qaror qabul qilingan kundan eʼtiboran 3 ish kunidan kechiktirmasdan yetkaziladi.

Sudning muvofiqlik sertifikatining amal qilishini toʻxtatib turish, tugatish yoki uni bekor qilish haqidagi qarori tashkilotga va muvofiqlik sertifikatini bergan MTSOga qonunchilik hujjatlarida belgilangan muddatlarda yetkaziladi.

Tashkilot MTSO, Oʻzbekiston texnik jihatdan tartibga solish agentligi yoki sudning muvofiqlik sertifikatining amal qilishini tugatish yoki uni bekor qilish haqidagi qarorini olgan kundan eʼtiboran 3 ish kuni ichida muvofiqlik sertifikati uni bergan MTSO keyinchalik Oʻzbekiston texnik jihatdan tartibga solish agentligiga Davlat reyestridan chiqarish va yoʻq qilib yuborish uchun qaytarilishi shart.

56. Tashkilot MTSO yoki Oʻzbekiston texnik jihatdan tartibga solish agentligining muvofiqlik sertifikatining amal qilishini toʻxtatib turish, tugatish yoki uni bekor qilish haqidagi qarorlari ustidan sudga shikoyat qilishi mumkin.

57. Tashkilot muvofiqlik sertifikatining amal qilishi toʻxtatib turilganda, tugatilganda yoki u bekor qilinganda sertifikatlashtirilgan menejment tizimi mavjudligiga ishora qiluvchi belgi, matnli havola va har qanday shakldagi axborotdan foydalanish va tarqatish huquqiga ega emas.

12-bob. Sertifikatlashtirilgan menejment tizimlarini davriy baholash

58. Sertifikatlashtirilgan menejment tizimlari ustidan nazorat auditlari muvofiqlik sertifikatining amal qilish davrida, sertifikatlashtirishda belgilangan talablarga muvofiqligini tasdiqlash maqsadida muvofiqlik sertifikatini bergan MTSO tomonidan oʻtkaziladi.

59. Sertifikatlashtirilgan menejment tizimlari quyidagi davriylikda nazorat auditlaridan oʻtkaziladi:

birinchi nazorat auditi — muvofiqlik sertifikati rasmiylashtirilgan kundan boshlab 12 oydan kechikmagan muddatda;

ikkinchi nazorat auditi — birinchi nazorat auditi oʻtkazilgan sanadan 12 oydan kechikmagan muddatda.

60. MTSO sertifikatlashtirilgan menejment tizim(lar)i maxsus auditlardan oʻtkazilishi uchun quyidagi keltirilgan holatlar asos boʻlishi mumkin:

menejment tizimiga nisbatan texnik jihatdan tartibga solish sohasidagi normativ hujjatlarda belgilangan talablarning oʻzgarishi;

sertifikatlashtirish shartlarining oʻzgarishi;

shikoyat;

menejment tizimining natijadorligiga taʼsir qiluvchi boshqa holatlar.

61. Oʻtkazilgan audit natijalari boʻyicha muvofiqlik sertifikatini tasdiqlash, uning amal qilishini toʻxtatib turish, tugatish yoki uni bekor qilish toʻgʻrisida qaror qabul qilinishi mumkin.

13-bob. Appelyatsiyalarni koʻrib chiqish

62. Manfaatdor tomonlar muvofiqlikni baholash natijalaridan norozi boʻlgan taqdirda, Oʻzbekiston texnik jihatdan tartibga solish agentligining Appelyatsiya kengashiga yoki bevosita sudga murojaat qilishlari mumkin.

63. Oʻzbekiston texnik jihatdan tartibga solish agentligining Appelyatsiya kengashi sertifikatlashtirish organining qarorlariga nisbatan noroziliklarni koʻrib chiqadi. Apellyatsiya komissiyasining tarkibi va faoliyat olib borish tartibi Oʻzbekiston texnik jihatdan tartibga solish agentligining rahbari buyrugʻi bilan tasdiqlanadi.

Apellyatsiya komissiyasi berilgan apellyatsiyani koʻrib chiqadi va qabul qilingan qaror toʻgʻrisida ariza beruvchini yozma ravishda xabardor qiladi.

64. Manfaatdor tomonlar Oʻzbekiston texnik jihatdan tartibga solish agentligining Appelyatsiya kengashi qarori boʻyicha qonunchilik hujjatlarida belgilangan tartibda sudga shikoyat etishlari mumkin.

14-bob. Yakunlovchi qoidalar

65. MTSO berilgan va bekor qilingan muvofiqlik sertifikatlari, amal qilishi toʻxtatib turilgan va tugatilgan muvofiqlik sertifikatlari, muvofiqlik sertifikatlarini berishni rad etish holatlari hisobini yuritadi, shuningdek, har oyda Oʻzbekiston texnik jihatdan tartibga solish agentligiga mazkur maʼlumotlarni taqdim qilib boradi.

66. Ariza beruvchining menejment tizimini sertifikatlashtirish bilan bogʻliq hujjatlar, maʼlumotlar va yozuvlar, shu jumladan, berilgan muvofiqlik sertifikatlari, sertifikatlashtirish sohasining kengaytirish (qisqartirish), amal qilishini toʻxtatib turish, tugatish va bekor qilish boʻyicha qarorlar va boshqa sertifikatlashtirish faoliyatiga tegishli maʼlumotlar berilgan muvofiqlik sertifikatining amal qilish muddati va yana toʻliq 3 yil davomida saqlanadi.

67. Oʻzbekiston texnik jihatdan tartibga solish agentligi zarurat boʻlganda, MTSOdan sertifikatlashtirish boʻyicha hujjatlar nusxalarini soʻrab olishi mumkin. Bunda MTSO tashkilotni yozma ravishda xabardor qilgan holda soʻralgan sertifikatlashtirishga doir hujjatlar va maʼlumotlarning nusxalarini taqdim etadi.

68. MTSO oʻz faoliyatini amalga oshirish natijasida ariza beruvchi yoki tashkilot toʻgʻrisida olingan maʼlumotlarning sir saqlanishini taʼminlashi kerak.

69. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Menejment tizimlarini sertifikatlashtirish tartibi toʻgʻrisidagi nizomga 1-ILOVA

OʻZBEKISTON RESPUBLIKASI SERTIFIKATLASHTIRISH MILLIY TIZIMI (menejment tizimlarini sertifikatlashtirish organining nomi va manzili, muvofiqlikni baholash organlarining davlat reyestridagi raqami) MUVOFIQLIK SERTIFIKATI (milliy muvofiqlik belgisi) Sertifikatlashtirish milliy tizimi davlat reyestrida quyidagi raqam bilan roʻyxatdan oʻtkazildi: berilgan sana: amal qilish muddati: Muvofiqlik sertifikati menejment tizimining muvofiqligini tasdiqlaydi (tashkilot nomi) manzili: qoʻshimcha maʼlumot: Menejment tizimiga qoʻyilgan talab (normativ-huquqiy hujjatlar va texnik jihatdan tartibga solish sohasidagi normativ hujjatlarda) belgilangan talablarga muvofiqligini tasdiqlaydi. va quyidagi sohalarda tatbiq etiladi: Menejment tizimlarini sertifikatlashtirish organining rahbari __________ _______________________ (imzo) (F.I.O.) M.Oʻ. Maxsus belgilar uchun

Menejment tizimlarini sertifikatlashtirish tartibi toʻgʻrisidagi nizomga 2-ILOVA

2a-jadval Xodimlar soni Menejment tizimlarini ishlab chiqish, joriy etish va oʻqitish vaqti (kun) Menejment tizimlarini sertifikatlashtirish xarajatlari 1 — 5 1.5 Jalb qilingan xodimlar sonidan qatʼi nazar 1 ish kuni uchun bazaviy hisoblash miqdorining 2,5 baravari 6 — 10 2 11 — 15 2.5 16 — 25 3 26 — 45 4 46 — 65 5 66 — 85 6 86 — 125 7 126 — 175 8 176 — 275 9 276 — 425 10 426 — 625 11 626 — 875 12 876 — 1 175 13 1 176 — 1 550 14 1 551 — 2 025 15 2 026 — 2 675 16 2 676 — 3 450 17 3 451 — 4 350 18 4 351 — 5 450 19 5 451 — 6 800 20 6 801 — 8 500 21 8 501 — 10 700 22 > 10 700 Kuzatish yuqoridagi progres

2b-jadval Menejment tizimlarini joriy etish va oʻqitish vaqti (kun) Menejment tizimlarini joriy etish va oʻqitish xarajatlari 10 Jalb qilingan xodimlar sonidan qatʼi nazar, 1 ish kuni uchun bazaviy hisoblash miqdorining 2,5 baravari

Menejment tizimlarini sertifikatlashtirish tartibi toʻgʻrisidagi nizomga 3-ILOVA

Menejment tizimlarini sertifikatlashtirishdan oʻtkazish

Bosqichlar Subyektlar Tadbirlar Bajarish muddatlari 1-bosqich Ariza beruvchi Menejment tizimlarini sertifikatlashtirish uchun hujjatlar toʻplamini shakllantiradi. Sertifikatlashtirish organiga menejment tizimlarini sertifikatlashtirish uchun ariza beradi. Ariza beruvchining xohishiga koʻra 2-bosqich Sertifikatlashtirish organi 1. Taqdim etilgan hujjatlar va maʼlumotlarning toʻliqligi yuzasidan arizani quyidagicha oʻrganadi: a) arizani koʻrib chiqadi va taqdim etilgan maʼlumotlarni tahlil qiladi; 3 ish kuni mobaynida b) sertifikatlashtirish uchun arizani qabul qilish toʻgʻrisida qaror qabul qiladi; 3 ish kuni mobaynida b) hujjatlar toʻliq boʻlmagan taqdirda ularni qaytaradi. 1 ish kuni mobaynida 2. Sertifikatlashtirish uchun ariza qabul qilingan holatda uni qabul qilgan kundan boshlab MTSO va ariza beruvchi oʻrtasida sertifikatlashtirish toʻgʻrisida shartnoma tuzadi. 3 ish kuni mobaynida 3. Auditorlar guruhini shakllantiradi. 10 ish kuni mobaynida 4. Birinchi bosqich auditi natijalari boʻyicha hisobot tuzadi. 15 ish kundan ortiq boʻlmagan muddatda 5. Ikkinchi bosqich auditi natijalari boʻyicha hisobot tuzadi. 20 ish kundan ortiq boʻlmagan muddatda 6. Menejment tizimlarining normativ-huquqiy hujjatlar va texnik jihatdan tartibga solish sohasidagi normativ hujjatlarning talablariga nomuvofiqligi aniqlanganda, ariza beruvchiga menejment tizimlari auditi natijalari boʻyicha hisobot bilan birgalikda taqdim etiladigan nomuvofiqliklar bayonnomasini rasmiylashtiradi. 1 ish kuni mobaynida 7. Belgilangan muddatlarda nomuvofiqliklar bartaraf etilganligi haqida maʼlumot va tasdiqlovchi hujjatlar taqdim etilmaganda sertifikatlashtirish organi ariza beruvchiga sertifikatlashtirish ishlarini tugatish toʻgʻrisida xabarnoma yuboradi. 3 ish kuni mobaynida 8. Nazorat auditi natijalari ijobiy boʻlganda muvofiqlik sertifikatini tasdiqlash haqidagi qarorni qabul qiladi, muvofiqlik sertifikatini rasmiylashtiradi. 3 ish kuni mobaynida 3-bosqich Ariza beruvchi Ishlab chiqarishni baholash jarayonida nomuvofiqliklar aniqlanganda, nomuvofiqlikni bartaraf etadi, tasdiqlovchi hujjatlar bilan sertifikatlashtirish organiga maʼlumotlarni taqdim etadi. 25 ish kunidan oshmaydigan muddat 4-bosqich Sertifikatlashtirish organi Menejment tizimlari hujjatlarining tahlili yoki menejment tizimlari auditida aniqlangan nomuvofiqliklarning tegishli hisobotlarda belgilangan muddatlarda bartaraf etilmagan hollarda MTSO tomonidan muvofiqlik sertifikatini berishni rad etish toʻgʻrisida qaror qabul qiladi. 1 ish kuni mobaynida

Menejment tizimlarini sertifikatlashtirish tartibi toʻgʻrisidagi nizomga 4-ILOVA

Menejment tizimlarini sertifikatlashtirish organi rahbariga _________________________ Menejment tizimlarini sertifikatlashtirishga (Menejment tizimlarini sertifikatlashtirish sohasini kengaytirishga) ARIZA _______________________________________________________________________________________da (normativ-huquqiy hujjatlar va texnik jihatdan tartibga solish sohasidagi normativ hujjatlar) oʻrnatilgan talablarga muvofiqligi yuzasidan _________________________________________________________________________________________ (tashkiliy tuzilmaning joylashishi koʻrsatilgan holda menejment tizimining soʻralgan sohasi nomi) menejment tizimini sertifikatlashtirishingizni soʻrayman. Menejment tizimlarini sertifikatlashtirishga talabgor boʻlgan yuridik shaxs toʻgʻrisidagi maʼlumotlar toʻliq nomi: qisqartirilgan nomi: yuqori turuvchi tashkilotning nomi, shu jumladan mazkur yuridik shaxs uning tarkibiga kirsa: pochta manzili: telefon: elektron pochta manzili: STIR: IFUT: bank rekvizitlari bank nomi: bank hisobraqami: xizmat koʻrsatuvchi bankning MFO: shtat birliklarining umumiy soni: shu jumladan boshqaruv xodimlari: xizmat koʻrsatuvchi xodimlar: texnik xodimlar: menejment tizimiga masʼul boʻlgan shaxsning F.I.O., lavozimi, bogʻlanish maʼlumotlari: Menejment tizimi haqidagi umumiy maʼlumotlar menejment tizimini ishlab chiqish va joriy etish sanasi: menejment tizimi tatbiq etiladigan mahsulot yoki xizmatlar: ishlab chiqarilayotgan mahsulot yoki koʻrsatilayotgan xizmatlar yuzasidan texnik jihatdan tartibga solish sohasidagi normativ hujjatlar nomi: avval oʻtkazilgan menejment tizimini sertifikatlashtirish toʻgʻrisidagi maʼlumotlar menejment tizimlarini sertifikatlashtirish organining nomi: menejment tizimlarini sertifikatlashtirishda asos boʻlgan normativ-huquqiy hujjatlar va texnik jihatdan tartibga solish sohasidagi normativ hujjatlarning nomi: muvofiqlik sertifikatining blank raqami va roʻyxatga olish raqami: muvofiqlik sertifikati berilgan sana: muvofiqlik sertifikatining amal qilish muddati: Ariza beruvchi ______________ ____ ______________________ ___ ____________ (imzo) (F.I.O.) (sana)

Vazirlar Mahkamasining 2024-yil 14-avgustdagi 502-son qaroriga 5-ILOVA

Mahsulotlarning texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlar roʻyxatini yuritish, ularni erkin muomaladan chiqarish va utilizatsiya qilish tartibi toʻgʻrisida

1-bob. Umumiy qoidalar

1. Ushbu Nizom mahsulotlarni texnik jihatdan tartibga solish sohasidagi normativ hujjatlar va boshqa normativ-huquqiy hujjatlar bilan belgilangan majburiy talablarga nomuvofiq deb topilgan mahsulotlarni aniqlash va ular toʻgʻrisidagi maʼlumotlarning roʻyxatini yuritish, bunday mahsulotlarni erkin muomaladan chiqarish hamda utilizatsiya qilish tartibini belgilaydi.

Nizom talablari Oʻzbekiston Respublikasi hududida erkin muomalada boʻlgan (realizatsiya qilinadigan) mahsulotlarga nisbatan tatbiq etiladi.

Mazkur Nizom sanitariya, veterinariya, veterinariya-sanitariya, fitosanitariya qoidalari va normalari, shaharsozlik normalari hamda qoidalari, ekologik normalar va qoidalarga nomuvofiq deb topilgan mahsulotlarni aniqlash, erkin muomaladan chiqarish va utilizatsiya qilish talablariga tatbiq etilmaydi.

2. Mazkur Nizomda quyidagi asosiy tushunchalardan foydalaniladi:

vakolatli organ — Vazirlar Mahkamasi huzuridagi Oʻzbekiston texnik jihatdan tartibga solish agentligi yoki uning tuzilmasidagi vakolatli tashkilot;

nomuvofiq deb topilgan mahsulotlar — vakolatli organlar tomonidan texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlar;

nomuvofiq deb topilgan mahsulotlar roʻyxati — texnik jihatdan tartibga solish sohasidagi normativ hujjatlar va boshqa normativ-huquqiy hujjatlar bilan belgilangan majburiy talablarga nomuvofiq deb topilgan mahsulotlar toʻgʻrisidagi maʼlumotlarning elektron shaklda yuritiladigan roʻyxati (keyingi oʻrinlarda — elektron roʻyxat);

mahsulot egasi (ishlab chiqaruvchi, sotuvchi va import qiluvchi) — egalik huquqi yoki boshqa huquqiy asoslarda mahsulotlarga egalik qiluvchi yuridik va jismoniy shaxs;

mahsulotlarni savdodan chaqirish — egasi tomonidan mustaqil ravishda yoki nazorat qiluvchi idoralarning talabiga binoan texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlarni muomaladan chaqirib olish;

mahsulotlarni utilizatsiya qilish — isteʼmolchilar salomatligi va osoyishtaligi, hayvonlar, oʻsimliklar va atrof-muhitga xavf tugʻdiradigan hamda barcha isteʼmol xususiyatlarining yoʻqolishi va toʻliq yaroqsizligi sababli keyinchalik boshqa maqsadlarda ishlatish yoki qayta ishlash imkoni boʻlmagan, texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlarni utilizatsiya qilish, shuningdek, mahsulotning inson hayoti va sogʻligʻiga, atrof-muhitga, hayvonot va oʻsimlik dunyosiga salbiy taʼsirini istisno qilishga qaratilgan harakatlar.

3. Mahsulotlar texnik jihatdan tartibga solish sohasidagi normativ hujjatlar bilan belgilangan majburiy talablarga nomuvofiqligi tasdiqlanganda, vakolatli organ tomonidan qonunchilikda belgilangan tartibda maʼmuriy va moliyaviy jarimalarni qoʻllashdan ozod etilmaydi.

2-bob. Texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga mahsulotlarni nomuvofiq deb topish tartibi

4. Texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga mahsulotlarni nomuvofiq deb topish vakolatli organ tomonidan aniqlanadi.

5. Quyidagilar mahsulotlar tasdiqlangan talablarga nomuvofiq deb topilishi uchun asosli holatlar hisoblanadi:

muvofiqlikni baholash hujjatlari (muvofiqlik sertifikatlari, sanitariya xulosasi, sinov bayonnomalari) mavjud boʻlmaganida;

tanlab olingan namunalarning akkreditatsiyadan oʻtgan sinov labaratoriyalarida oʻtkazilgan tekshiruv natijalari salbiy boʻlganda;

mahsulot qalbakilashtirilganda;

isteʼmol qadogʻi shikastlanganda;

davlat roʻyxatidan oʻtkazish, sertifikatlash, muvofiqlik deklaratsiyasi va boshqalar tahlilining natijalari salbiy boʻlganda;

saqlash, tashish va sotish talablari buzilganda;

yaroqlilik muddati tugaganda;

tashqi koʻrinishi va yorliqlashda ishlab chiqaruvchi korxona (sotuvchi) va mahsulot nomi hamda mahsulotlar (tovarlar va xizmatlarning) identifikatsiya kodi (qonunchilik belgilangan mahsulot turiga), meʼyoriy hujjatlarga havolasi, ishlab chiqarilgan sanasi, tarkibi, saqlash muddatini aniqlash va (yoki) belgilashga imkonini bermaydigan tamgʻalash belgilari mavjud yoki yetarli boʻlmaganda.

6. Quyidagi holatlar mahsulotlar vakolatli organ tomonidan qonunchilikda belgilangan tartibga normativ-huquqiy hujjatlar talablariga nomuvofiq deb topilishi va elektron kiritilishi uchun asos boʻladi:

akkreditatsiyadan oʻtgan sinov laboratoriyalarida amalga oshirilgan sinov (tadqiqot) natijalarining salbiy boʻlishi;

tashqi koʻrik natijalari boʻyicha texnik jihatdan tartibga solish sohasidagi normativ hujjatlariga nomuvofiqligi toʻgʻrisida rasmiylashtirilgan hujjatlarning mavjudligi;

3-bob Mahsulotlarni savdodan chaqirib olish

7. Vakolatli organ tomonidan nomuvofiq deb topilgan mahsulotlarni savdodan chaqirib olish choralarini koʻrish doirasida mahsulot egasiga taqdimnoma kiritiladi.

8. Tadbirkorlik subyekti taqdimnomani olganidan soʻng koʻpi bilan oʻn ish kuni mobaynida nomuvofiq deb topilgan mahsulotni texnik reglamentlar talablariga muvofiqlashtirish imkoniyatini aniqlaydi va qabul qilingan qaror toʻgʻrisida vakolatli organga yozma (elektron) shaklda xabar beradi.

9. Mahsulot nomuvofiq deb topilgan va u mazkur Nizomning 8-bandida belgilangan muddat ichida texnik reglamentlarning talablari bilan uygʻunlashtirilishi imkoni boʻlmagan holatlarda mahsulot yoʻq qilinadi yoki chaqirib olinadi.

10. Tadbirkorlik subyekti nomuvofiq deb topilgan mahsulotni Oʻzbekiston Respublikasi sinov markazlari (laboratoriyalari) va akkreditatsiyadan oʻtgan idoralarida muvofiqligini baholashni amalga oshirish yordamida texnik reglamentlarning talablari bilan uygʻunlashtirish natijasini tasdiqlashi hamda bu haqida vakolatli organni kechi bilan 3 ish kuni muddatda xabardor qiladi.

11. Oʻzbekiston Respublikasida tegishli akkreditatsiya sohasi boʻlgan sinov markazlari (laboratoriyalar) va (yoki) akkreditatsiyadan oʻtgan idoralar mavjud boʻlmaganda, tadbirkorlik subyekti xorijiy sinov markazlari (laboratoriyalar) va (yoki) akkreditatsiyadan oʻtgan idoralarga murojaat qilish huquqiga ega.

12. Tadbirkorlik subyekti taqdimnoma olganidan soʻng quyidagilarni taʼminlashi shart:

nomuvofiq deb topilgan mahsulotlarning olib kirilishini va (yoki) muomalasini zudlik bilan toʻxtatish;

nomuvofiq deb topilgan mahsulotlarni taqdimnoma olingan kundan boshlab 7 ish kunidan kechiktirmasdan muomaladan chaqirib olishi;

taqdimnoma olganidan soʻng 7 ish kunidan kechiktirmasdan, xaridorlarni (isteʼmolchilarni) nomuvofiq deb topilgan mahsulotlar toʻgʻrisida, shu jumladan, buyurtma olingan kundan boshlab 7 ish kunidan kechiktirmasdan ommaviy axborot vositalari orqali xabardor qilish choralarini koʻrish;

nomuvofiq deb topilgan mahsulotga nisbatan koʻrilgan choralar toʻgʻrisida vakolatli organni yozma (elektron) ravishda xabardor qilishi, shu jumladan:

taqdimnoma olingan kundan boshlab 7 ish kunidan kechiktirmasdan, nomuvofiq deb topilgan mahsulotlar tadbirkorlik subyektlaridan mahsulot realizatsiyadan chaqirib olinganligi toʻgʻrisida xabardor qilish;

taqdimnoma olingan kundan boshlab 10 ish kunidan kechiktirmasdan nomuvofiq deb topilgan mahsulotni, u ortib joʻnatilgan barcha tadbirkorlik subyektlaridan muomaladan chaqirib (qaytarib) olish.

13. Nomuvofiq deb topilgan mahsulotlarni realizatsiya qilish holatlari vakolatli organ tomonidan aniqlanganda, mahsulotni qaytarib olish uchun quyidagilar asos boʻladi:

texnik reglamentlar va standartlarda belgilangan xavfsizlik talablariga nomuvofiq boʻlgan va salomatlik uchun jiddiy xavf tugʻdiradigan;

salomatlik uchun jiddiy xavf tugʻdiradigan mahsulotning kelib chiqishini kuzatish imkoniyati (mahsulotning kuzatiluvchanligini taʼminlovchi hujjatlar) mavjud boʻlmaganda.

14. Texnik reglamentlarning talablariga nomuvofiq deb topilgan mahsulotni qaytarib olish ikki nusxada ushbu Nizomga 1-ilovaga muvofiq, texnik reglamentlarning talablariga nomuvofiq boʻlgan mahsulotni chaqirib olish dalolatnomasi bilan rasmiylashtiriladi. Dalolatnomaning bir nusxasi savdo obyektining egasi yoki sotuvchiga taqdim etiladi, ikkinchi nusxasi ishlab chiqaruvchida yoki ishlab chiqaruvchining vakolatli vakilida saqlanadi.

15. Chaqirib olingan mahsulot uni qayta ishlash yoxud utilizatsiya qilish toʻgʻrisida qaror qabul qilingunga qadar ishlab chiqaruvchi (ishlab chiqaruvchining vakolatli vakili), yetkazib beruvchi, import qiluvchi yoki sotuvchining hududida (alohida tartibda), unga tegish mumkin boʻlmaydigan sharoit taʼminlanib aniq koʻrsatilgan joyda, “Chaqirib olingan, realizatsiya qilinmaydi” ogohlantirish yozuvi koʻrsatilgan holda saqlanadi.

16. Agarda texnik reglamentlarning talablariga nomuvofiq deb topilgan mahsulot realizatsiya qilingan taqdirda, ishlab chiqaruvchi (ishlab chiqaruvchining vakolatli vakili), yetkazib beruvchi, import qiluvchi 3 ish kuni mobaynida mahsulotni qaytarish usullari, qabul qilish punktlarining joylashgan joyi hamda mahsulotning chaqirib olinishi natijasida yuzaga kelgan zararlarni qoplash boʻyicha batafsil axborot olish uchun ularning masʼul shaxslar toʻgʻrisida aloqa maʼlumotlari koʻrsatilgan holda respublika davriy bosma nashriyotlari va (yoki) tele-, radiokanallar orqali mahsulotning isteʼmolchilardan chaqirib olinishi toʻgʻrisida xabardor qiladi.

17. Ishlab chiqaruvchi (ishlab chiqaruvchining vakolatli vakili), yetkazib beruvchi (import qiluvchi) va sotuvchi chaqirib olingan mahsulotni samarali qabul qilib olishning taʼminlanishi uchun oʻzaro ish olib boradi.

18. Ishlab chiqaruvchi (ishlab chiqaruvchining vakolatli vakili), yetkazib beruvchi (import qiluvchi) va sotuvchi texnik reglamentlarning talablariga nomuvofiq boʻlgan mahsulotni isteʼmolchidan qabul qilib oladi hamda ikki nusxada ushbu Nizomga 2-ilovaga muvofiq shakl boʻyicha dalolatnoma tuziladi, texnik reglamentlarning talablariga nomuvofiq deb topilib, chaqirib olingan mahsulotni qabul qilish-topshirish dalolatnomasi bilan rasmiylashtiradi. Dalolatnomaning bir nusxasi isteʼmolchiga taqdim etiladi, ikkinchi nusxasi ishlab chiqaruvchi (ishlab chiqaruvchining vakolatli vakili) va/yoki sotuvchida saqlanadi.

19. Ishlab chiqaruvchi yoki ishlab chiqaruvchining vakolatli vakili, yetkazib beruvchi (import qiluvchi) texnik reglamentlarning talablariga nomuvofiq deb topilgan mahsulot chaqirib va (yoki) qaytarib olingandan keyin 1 ish kuni mobaynida mahsulotni chaqirib va (yoki) qaytarib olish boʻyicha koʻrilgan choralar, ularning natijalari toʻgʻrisida vakolatli organni xabardor qiladi.

20. Texnik reglamentlarning talablariga nomuvofiq deb topilgan mahsulotni chaqirib va (yoki) qaytarib olish holatlari toʻgʻrisidagi axborot vakolatli organning rasmiy saytida joylashtiriladi.

4-bob. Texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlarni utilizatsiya qilish tartibi

21. Nomuvofiq deb topilgan mahsulotlarni utilizatsiya qilish choralarini koʻrish boʻyicha vakolatli organ tomonidan mahsulot egasiga taqdimnoma kiritiladi.

22. Tadbirkorlik subyekti tomonidan taqdimnoma olinganidan soʻng quyidagilar taʼminlanishi shart:

nomuvofiq deb topilgan mahsulotlar olib kirilishini va (yoki) muomalasini zudlik bilan toʻxtatish;

nomuvofiq deb topilgan mahsulotlarni taqdimnoma olingan kundan boshlab 7 ish kunidan kechiktirmasdan muomaladan chaqirib olish;

xaridorlarni (isteʼmolchilarni) taqdimnoma olganidan soʻng 7 ish kunidan kechiktirmasdan nomuvofiq deb topilgan mahsulotlar toʻgʻrisida, jumladan, buyurtma olingan kundan boshlab 7 ish kunidan kechiktirmasdan ommaviy axborot vositalari orqali xabardor qilish boʻyicha choralar koʻrish;

yoʻq qilingan kundan boshlab 3 ish kunidan kechiktirmasdan utilizatsiya qilishning usuli, joyi, vaqti va shartlarini koʻrsatgan holda nomuvofiq deb topilgan mahsulotni utilizatsiya qilish boʻyicha qaror qabul qilish;

tasdiqlovchi hujjatlarni taqdim etish bilan 5 ish kunidan kechiktirmasdan utilizatsiya qilishning tanlangan usuli, joyi, vaqti va shartlarini koʻrsatgan holda nomuvofiq deb topilgan mahsulotni utilizatsiya qilish;

olib chiqilgan va (yoki) qaytarilgan kunidan boshlab 5 ish kunidan kechiktirmasdan tasdiqlovchi hujjatlarni taqdim etgan holda nomuvofiq deb topilgan mahsulotni Oʻzbekiston Respublikasi hududidan olib chiqish yoki qaytarish.

23. Nomuvofiq deb topilgan mahsulotning egasi mustaqil ravishda yoki davlat nazorati idoralarining taqdimnomasi asosida mahsulotni muomaladan chaqirib olishi hamda ularning vaqtincha saqlanishini taʼminlashi shart.

24. Agar nomuvofiq deb topilgan mahsulot egasi uni muomaladan chaqirib olish boʻyicha choralar koʻrmagan taqdirda, davlat nazorati idoralari bunday mahsulotni muomaladan qaytarib olish toʻgʻrisida va uni keyinchalik utilizatsiya qilish toʻgʻrisida ariza bilan sudga murojaat qiladi.

25. Nomuvofiq deb topilgan mahsulotni vaqtinchalik saqlash shartlari, uni utilizatsiya qilish uchun zarur boʻlgan muddat mobaynida bunday mahsulotga ijozatsiz tegilishi imkoniyati istisno qilinishi kerak.

26. Vaqtincha saqlashda boʻlgan nomuvofiq deb topilgan mahsulotning hisobga olinishi sifatli va xavfsiz mahsulotni hisobga olishdan alohida, qogʻoz va elektron shaklda olib boriladi.

27. Muomaladan chaqirib olingan nomuvofiq deb topilgan mahsulot utilizatsiya qilinishi mumkinligini aniqlash maqsadida barcha holatlarda ushbu mahsulotning ekspertizasi oʻtkaziladi.

28. Ekspertiza oʻtkazmasdan faqat quyidagi nomuvofiq deb topilgan mahsulotlar yoʻq qilinishi mumkin:

organoleptik koʻrsatkichlari boʻyicha nomuvofiq deb topilgan;

taqdim etilgan axborotlarga nomuvofiq boʻlgan;

belgilangan yaroqlilik muddatlari mavjud boʻlmagan yoki yaroqlilik muddati oʻtgan;

koʻrsatkichlari Oʻzbekiston Respublikasi qonunchiligi bilan belgilangan talablarga, texnik reglamentlarga, standartlashtirish hujjatlariga, texnik hujjatlarga nomuvofiq boʻlgan.

29. Ekspertiza davlat nazoratini amalga oshiruvchi mansabdor shaxslar tomonidan oʻtkaziladi.

30. Ekspertiza bunday mahsulotning tovarga ilova qilinadigan hujjatlarning toʻgʻri rasmiylashtirilganligi, ularda koʻrsatilgan maʼlumot koʻrsatkichlarning qoʻyilgan talablariga muvofiqligi, qadoqlanish, tamgʻalanish holatini baholash, tashqi koʻzdan kechirish va laboratoriya tekshiruvlarini (sinovlar) oʻz ichiga oladi.

31. Ekspertiza tayinlangan nomuvofiq deb topilgan mahsulotning namunalari (proba) bunday mahsulot boʻyicha laboratoriya tekshiruvlari (sinovlari) oʻtkazishning egasini ishtirokida quyidagilar tomonidan tanlanishi mumkin:

davlat nazorati idorasining vakolatli vakili;

belgilangan tartibda akkreditatsiyadan oʻtkazilgan muvofiqlikni baholash idoralari vakillari (ekspertizani oʻtkazish uchun mahsulot egasining mustaqil ravishda murojaat qilingan).

32. Oʻtkazilgan ekspertizaning natijalari boʻyicha nomuvofiq deb topilgan mahsulotning belgilangan tartibda keyingi yoʻq qilinishi mumkinligi toʻgʻrisida xulosa rasmiylashtiriladi.

33. Nomuvofiq deb topilgan mahsulotlar uning egasi tomonidan yoki mahsulot egasi utilizatsiya ishlarini bajarishni shartnoma asosida topshiradigan tashkilotlar tomonidan komissiya ishtirokida utilizatsiya qilinadi. Komissiya tarkibiga mahalliy ijro etuvchi hokimiyati organlari, Inspeksiya, Sanitariya-epidemiologik osoyishtalik va jamoat salomatligi xizmati, soliq organlarining hamda jamoatchilik vakillari kiradi.

34. Nomuvofiq deb topilgan mahsulotlarni utilizatsiya qilish joyini belgilashda ekologiya va atrof-muhitni muhofaza qilish sohasidagi vakolatli davlat organining utilizatsiya qilishni amalga oshirish usuli boʻyicha xulosasi inobatga olinadi.

35. Tarkibida ifloslantiruvchi moddalarni oʻz ichiga olgan nomuvofiq deb topilgan mahsulotlar yoʻq qilinishidan oldin ularni har qanday ishlatish va qoʻllash uchun yaroqsiz qiluvchi, shuningdek, ularning insonlar, hayvonlar va atrof-muhitga salbiy taʼsirini istisno qiluvchi holatga keltirilishi lozim.

36. Nomuvofiq deb topilgan mahsulot atrof-muhitni muhofaza qilish boʻyicha normativ va texnik hujjatlarning talablariga rioya qilgan holda texnik jihatdan qulay har qanday usulda utilizatsiya qilinadi.

37. Ekspertiza natijalari boʻyicha uning insonlar va hayvonlarning kasalliklari yoki zaharlanishini yuzaga keltirish va tarqatish xavfini, shuningdek, atrof-muhitni ifloslantirish xavfini tugʻdirishi aniqlanib, nomuvofiq deb topilgan mahsulot bunday mahsulotni utilizatsiya qilish toʻgʻrisida taqdimnoma chiqargan davlat nazorati idorasining vakili ishtirokida utilizatsiya qilinadi, bunda ushbu vakilning ishtiroki videoaloqa orqali masofadan turib ham taʼminlanishi mumkin boʻladi.

38. Nomuvofiq deb topilib utilizatsiya qilish uchun qaytarilgan mahsulotlar egasi boʻlgan tadbirkorlik subyekti vakolatli organning soʻroviga binoan uni 5 ish kunidan kechiktirmasdan, majburiy tartibda tanlangan utilizatsiya usuli, joyi, vaqti va utilizatsiya qilish shartlari koʻrsatilgan tasdiqlovchi hujjatlarni taqdim etgan holda nomuvofiq deb topilgan mahsulotlar yoʻq qilinganligi toʻgʻrisida, nomuvofiq deb topilgan mahsulotlar Oʻzbekiston Respublikasi hududidan olib chiqib ketilganligi yoki uni qaytarib berilganligi toʻgʻrisida xabardor qilishi shart.

39. Muomaladan chaqirib olingan nomuvofiq deb topilgan mahsulotlarni utilizatsiya qilish usullari va shartlari qonunchilikka, xalqaro shartnomalarga va (yoki) qonunchilik hujjatlariga muvofiq tadbirkorlik subyekti tomonidan belgilanadi.

40. Nomuvofiq deb topilgan mahsulotlarni muomaladan chaqirib olish (qaytarib olish), qaytarib berish, saqlash, tashish (olib chiqish), utilizatsiya qilish bilan bogʻliq xarajatlar taqdimnoma berilgan yoki choralar koʻrish uchun nomuvofiq deb topilgan mahsulot qaytarib berilgan tadbirkorlik subyekti mablagʻlari hisobidan moliyalashtiriladi.

5-bob. Texnik jihatdan tartibga solish, standartlashtirish, muvofiqlikni baholash va metrologiya sohasidagi qonunchilik talablariga nomuvofiq deb topilgan mahsulotlar roʻyxatini yuritish tartibi

41. Davlat nazorati natijalariga asosan texnik jihatdan tartibga solish, standartlashtirish, muvofiqlikni baholash va metrologiya sohasidagi qonunchilik talablariga nomuvofiq deb topilgan mahsulotlar toʻgʻrisidagi maʼlumotlar vakolatli organ tomonidan roʻyxatga olinadi va elektron dasturga joylashtiriladi.

42. Mahsulotlar texnik reglamentlar va standartlar talablariga nomuvofiq deb topilgan hollarda, vakolatli organ tomonidan 1 ish kuni muddatda, kamchiliklar toʻgʻirlangunga qadar ushbu mahsulotlar, shuningdek, ularni ishlab chiqaruvchilar sotuvi vaqtincha toʻxtatib turiladigan mahsulotlar roʻyxatiga, isteʼmolchilarning salomatligi va osoyishtaligiga xavf tugʻdiradigan xavfsizlik talablari buzilgan holatlarda sotish taqiqlangan mahsulotlar roʻyxatiga kiritiladi.

43. Texnik reglamentlar va standartlar talablariga nomuvofiq deb topilgan mahsulotlar roʻyxatiga quyidagi maʼlumotlar kiritiladi:

mahsulot (tovar) nomi;

ishlab chiqaruvchi korxona nomi;

ishlab chiqaruvchi STIRi;

ishlab chiqaruvchi korxona rasmiy vakilining STIRi;

ishlab chiqaruvchi mamlakat nomi;

mahsulot toʻpi (partiyasi);

tashqi iqtisodiy faoliyat tovar nomenklaturasi kod raqami;

mahsulot summasi;

mahsulot ishlab chiqarilgan vaqt (kun, oy, yil);

mahsulotning egasi toʻgʻrisida maʼlumotlar;

nomuvofiq boʻlgan mahsulot aniqlangan savdo obyektining nomi va manzili;

mahsulotda aniqlangan nomuvofiqliklar;

muvofiqlik sertifikati va sinov bayonnomalari mavjudligi toʻgʻrisidagi axborot;

mahsulot importiga taqiq qoʻyilgan sana;

mahsulot importiga qoʻyilgan taqiqning tugash sanasi.

44. Texnik reglamentlar ijrosini taʼminlashda masʼul etib belgilangan davlat va xoʻjalik boshqaruvi organlari tomonidan tasdiqlangan tartibda mahsulotlarni nomuvofiqligini aniqlanganda vakolatli organga mazkur nizomning 48-bandida nazarda tutilgan maʼlumotlar kiritadi.

45. Vakolatli organ tegishli maʼlumotlar asosida texnik jihatdan tartibga solish sohasidagi normativ hujjatlar talablariga nomuvofiqlik aniqlangan kunning oʻzida roʻyxatga oladi.

46. Mazkur roʻyxatga kiritilgan import bilan bogʻliq nomuvofiq deb topilgan mahsulotlar toʻgʻrisidagi maʼlumotlar Iqtisodiyot va moliya vazirligi huzuridagi Bojxona qoʻmitasiga real vaqt rejimida elektron tarzda taqdim etiladi.

47. Texnik reglamentlar, standartlar va qonun hujjatlari bilan belgilangan majburiy talablarga nomuvofiq deb topilgan mahsulotlar roʻyxatiga kiritilgan mahsulotlarning ular roʻyxatga olingan kundan boshlab olti oy muddatga roʻyxatdan chiqarilishi, nomuvofiq deb topilgan tegishli mahsulotni ishlab chiqaruvchi (uning rasmiy vakili) tomonidan Oʻzbekiston Respublikasi hududiga olib kirilishi, erkin muomalaga chiqarilishi taqiqlanadi.

48. Tadbirkorlik subyektlari mazkur Nizomda koʻrsatilgan olti oylik taqiq muddatidan soʻng nomuvofiq deb topilgan mahsulotning yangi toʻplarini amaldagi texnik reglament va standartlar talablari asosida sinovlardan oʻtkazib, mahsulotning muvofiqligi tasdiqlangandan soʻng tegishli hujjatlar (sinov bayonnomalari, foto va video materiallar, texnologik jarayon hujjatlari) bilan vakolatli organga murojaat etadi.

49. Taqdim etilgan hujjatlarni oʻrganish jarayonida zaruratga koʻra korxona murojaatiga asosan vakolatli organ tomonidan joyiga chiqqan holda ishlab chiqarish sharoitlari oʻrganiladi.

50. Mahsulot egasi sotishni taqiqlash toʻgʻrisidagi qarordan norozi boʻlgan taqdirda, qonunchilikda belgilangan tartibda sudga shikoyat qilish huquqiga ega.

6-bob. Mahsulotlarni olib kirishni/savdoga chiqarishni qayta tiklash tartibi

51. Nomuvofiq deb topilgan mahsulotni ishlab chiqaruvchi yoki Oʻzbekiston Respublikasi hududida ishlab chiqaruvchining manfaatlarini qonunchilikka muvofiq ifodalash vakolati berilgan shaxs yoki import qiluvchi (keyingi oʻrinlarda — tadbirkorlik subyekti) nomuvofiq deb topilgan mahsulotlarni texnik reglamentlar talablariga rioya etilishi va majburiy boʻlgan standartlar talablariga muvofiqlashtirish imkoniyati aniqlaganidan soʻng texnik reglamentlar talablariga nomuvofiq deb topilgan mahsulotlarni muomalaga chiqarishga yoʻl qoʻymaslik maqsadida tuzatish choralarini koʻrganda hamda texnik reglament va amaldagi standartlar talablari asosida sinovlardan oʻtkazib, mahsulotning muvofiqligi tasdiqlangandan soʻng tegishli hujjatlar (sinov bayonnomalari, foto va video materiallar, texnologik jarayon hujjatlari) bilan ushbu mahsulotlarni olib kirishni va muomalaga chiqarishni tiklash imkoniyatini koʻrib chiqish uchun vakolatli organga murojaat qilishi mumkin.

52. Vakolatli organ tomonidan taqdim etilgan hujjatlar toʻplami qonunchilikda belgilangan muddatlarda tahlil qilinadi hamda mahsulotlarni olib kirishni va muomalaga chiqarishni tiklash yuzasidan qabul qilingan qaror toʻgʻrisida ariza beruvchini xabardor qiladi.

53. Taqdim etilgan mahsulot uchun texnik reglamentlarda va talablariga rioya etilishi majburiy boʻlgan standartlarda sanitariya-epidemiologiya, veterinariya, fitosanitariya yoki ekologik talablar mavjud boʻlgan holda, vakolatli organ tomonidan sanitariya-epidemiologiya va veterinariya ekspertizalarini, fitosanitariya nazorati yoki ekologik ekspertizadan oʻtkazish zarurligini belgilaydi.

Tadbirkorlik subyekti davlat sanitariya nazorati idoralaridan, davlat veterinariya nazorati idoralaridan va oʻsimliklar karantini boʻyicha davlat idoralaridan, shuningdek, tabiatni muhofaza qilish davlat idoralaridan barcha zarur xulosalarni olishni va vakolatli organga taqdim etishni taʼminlaydi.

Sinovlarni oʻtkazish bilan bogʻliq xarajatlar ariza beruvchi tomonidan qoplanadi.

54. Hujjatlar toʻplamini oʻrganishning natijalari ijobiy boʻlgan holda ariza beruvchi vakolatli organ tomonidan mahsulotlarni olib kirish va muomalaga chiqarish mumkinligi toʻgʻrisida xabardor qilinadi.

55. Vakolatli organ tuzatish choralarining samaradorligini baholash uchun koʻrsatilgan roʻyxatga kiritilmagan qoʻshimcha maʼlumotlarni soʻrashga haqlidir.

7-bob. Korxonalar tomonidan ishlab chiqarilgan mahsulotlarni Oʻzbekiston Respublikasi hududiga olib kirish va muomalaga chiqarishni qayta tiklash

56. Korxonalar tomonidan ishlab chiqarilgan mahsulotlarni Oʻzbekiston Respublikasi hududiga olib kirish va muomalaga chiqarishni qayta tiklash toʻgʻrisidagi masalani koʻrib chiqish uchun quyidagi maʼlumotlar taqdim etiladi:

texnik reglamentlar talablariga nomuvofiq deb topilgan mahsulotlarning muomalaga chiqarilishiga yoʻl qoʻymaslik maqsadida ishlab chiqaruvchi tomonidan bajarilgan tuzatish choralari toʻgʻrisidagi. Tuzatish choralari toʻgʻrisidagi maʼlumotlar oʻz ichiga tadbirkorlik subyekti tomonidan koʻrilgan cheklash choralarini qoʻllash uchun asos hisoblangan koʻrsatkichlar boʻyicha belgilangan talablarga muvofiq boʻlgan mahsulotlar ishlab chiqarilishini kafolatlaydigan aniq chora-tadbirlarni ishlab chiqilgan boʻlishi kerak;

cheklash choralari koʻrilgan, shu jumladan, buzilgan koʻrsatkichlar boʻyicha mahsulotlarga nisbatan texnik reglamentlar talablari bilan belgilangan barcha xavfsizlik koʻrsatkichlari boʻyicha akkreditatsiyadan oʻtgan sinov laboratoriyalarida (markazlarida) oʻtkazilgan sinov natijalari toʻgʻrisida. Mahsulotlarning sinovlari, bajarilgan tuzatish choralarining samaradorligini tasdiqlash maqsadida tegishli tuzatish ishlari bajarilgandan soʻng yangi ishlab chiqarilgan mahsulotlar toʻpida oʻtkazilishi shart. Agar cheklash choralarini qoʻllash uchun asos sifatida mikrobiologik xavfsizlik koʻrsatkichlari boʻyicha nomuvofiqlik xizmat qilgan hollarda, mahsulot ishlab chiqarilganidan soʻng ham uning yaroqlilik muddati tugashida oʻtkazilishi kerak;

mahsulot texnik reglamentlar talablariga majburiy muvofiqligini tasdiqlash amalga oshirilishi toʻgʻrisida. Majburiy muvofiqligini tasdiqlash toʻgʻrisidagi axborot tegishli mahsulotning muvofiqligini baholash (tasdiqlash) hujjatlarining tasdiqlangan nusxasi taqdim etiladi;

agar cheklash choralarini kiritish uchun mikrobiologik xavfsizlik koʻrsatkichlarining nomuvofiqligi asos boʻlgan boʻlsa yoxud tuzatish chora-tadbirlarining oʻtkazilishini instrumental nazorat bilan tasdiqlash imkoniyati boʻlmasa, ishlab chiqarish (tayyorlash), saqlash, tashish (transportda tashish) jarayonlarining xavfsiz mahsulotning muomalaga chiqarilishini taʼminlaydigan talablarga ishlab chiqarish (tayyorlash), saqlash, tashish (transportda tashish) jarayonlarining muvofiqligi toʻgʻrisida. Axborot davlat nazorati (tekshiruv) idorasining hududiy boʻlinmasi tomonidan oʻtkazilgan nazorat (tekshiruv) tadbiri, tekshiruvi, ekspertizasi va boshqalar natijalari boʻyicha tasdiqlangan ijobiy xulosasi taqdim etiladi;

tamgʻani belgilangan talablarga muvofiqlashtirilganligi toʻgʻrisidagi cheklash choralarini qoʻllash uchun mahsulot toʻgʻrisida ishonchli maʼlumotlarni taqdim etilishi qismida tamgʻalanish boʻyicha nomuvofiqlik xizmat qilgan boʻlsa tamgʻa boʻyicha koʻrilgan tuzatish choralari toʻgʻrisidagi maʼlumot, shuningdek, ishlab chiqaruvchi tomonidan tasdiqlangan tamgʻaning namunasi (maketi) bilan taqdim etiladi;

texnologik hujjatlarga oʻzgartirishlar kiritilganligi toʻgʻrisidagi, agar ishlab chiqaruvchi tomonidan mahsulot tarkibiga kiruvchi mahsulot komponentlarini, uni ishlab chiqarish texnologiyasini, nomlanishi qismida mahsulot tamgʻasini, tarkibini, yaroqlilik muddatini, ozuqaviy qiymat koʻrsatkichlarini, geni modifikatsiyalangan organizmlarning mavjudligi toʻgʻrisidagi maʼlumotlarni oʻzgartirish (chiqarib tashlash) toʻgʻrisida qaror qabul qilingan taqdirda. Texnologik hujjatlarga nisbatan qoʻllangan tuzatish choralari toʻgʻrisidagi axborot texnologik hujjatlarni (texnikaviy shartlar, texnologik yoʻriqnoma, retseptura va boshqa) tasdiqlangan nusxalari taqdim etiladi.

8-bob. Oʻzbekiston Respublikasi hududiga import mahsulotlarning olib kirilishi va muomalaga chiqarilishini qayta tiklash uchun import qiluvchining harakatlar algoritmi

57. Mahsulotni import qiluvchi Oʻzbekiston Respublikasi hududida sinovlarni oʻtkazish maqsadida mahsulotlar toʻpini olib kirishga ruxsat olish uchun vakolatli organga murojaat qiladi. Murojaatga texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlarni muomalaga chiqarilishiga yoʻl qoʻymaslik maqsadida ishlab chiqaruvchi tomonidan amalga oshirilgan tuzatish choralari toʻgʻrisidagi axborotlar va mahsulotlarni ishlab chiqaruvchi hududidagi belgilangan tartibda akkreditatsiyadan oʻtkazilgan laboratoriya (markaz) tomonidan mahsulotlarni xavfsizlik koʻrsatkichlari boʻyicha taqdim etilgan tekshirish natijalari ilova qilinadi.

58. Vakolatli organ taqdim etilgan materiallarni koʻrib chiqadi, import qiluvchi sinovlarni Oʻzbekiston Respublikasi hududida oʻtkazish uchun mahsulotlar toʻpini olib kirishi mumkinligi toʻgʻrisida xabardor qilinadi.

59. Import qiluvchi sinovlarni Oʻzbekiston Respublikasi hududida oʻtkazish uchun mahsulotlar toʻpini olib kirgan paytdan boshlab mahsulotga tegishli hujjatlarni taqdim etgan holda 2 ish kuni mobaynida olib kirilgan mahsulotlar toʻgʻrisida vakolatli organni xabardor qiladi.

60. Sinovlar oʻtkazilganidan soʻng, import qiluvchi mahsulotlarni olib kirilishini va muomalaga chiqarilishini qayta tiklash imkoniyatini koʻrib chiqilishi yuzasidan vakolatli organga murojaat qiladi.

61. Tuzatish choralarining samaradorligini tasdiqlash uchun import qiluvchi korxonalar ishlab chiqarilgan mahsulotlarni Oʻzbekiston Respublikasi hududiga olib kirilishi va muomalaga chiqarilishini qayta tiklashga asos boʻluvchi hujjatlarni vakolatli organga taqdim etadi.

9-bob. Yakunlovchi qoidalar

62. Mahsulotlarni texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga muvofiqligini aniqlash, ularning roʻyxatini yuritish, erkin muomaladan chiqarish, utilizatsiya qilish ushbu Nizomga 3-ilovaga muvofiq sxema boʻyicha yuritiladi.

63. Vakolatli organ nomuvofiq deb topilgan mahsulotlar roʻyxatini quyidagi maʼlumotlar asosida yuritadi:

texnik reglamentlar ijrosini taʼminlashda masʼul etib belgilangan davlat va xoʻjalik boshqaruvi organlari tomonidan aniqlangan texnik jihatdan tartibga solish sohasidagi normativ hujjatlarga, shu jumladan, texnik reglamentlar talablariga nomuvofiq deb topilgan mahsulotlar toʻgʻrisidagi maʼlumotlar;

Sogʻliqni saqlash vazirligi, Qurilish va uy-joy kommunal xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi tomonidan nomuvofiq deb topilgan mahsulotlar toʻgʻrisidagi maʼlumotlar.

Mazkur bandda keltirilgan idoralar tomonidan Vazirlar Mahkamasi huzuridagi Oʻzbekiston texnik jihatdan tartibga solish agentligiga har oyda keyingi oyning 5 sanasiga qadar Nizomga 4-ilovaga muvofiq maʼlumotlarni elektron koʻrinishda taqdim etadi.

64. Vakolatli organ uch ish kuni muddatda oʻzining rasmiy veb-sayti yoki ommaviy axborot vositalari hamda ijtimoiy tarmoqlar orqali mahsulotlarda aniqlangan nomuvofiqliklar toʻgʻrisida jamoatchilikni va isteʼmolchilarni xabardor qiladi.

65. Vakolatli organga taqdim etilgan axborot va hujjatlarning haqqoniyligi va toʻgʻriligi uchun ularni taqdim etgan vakolatli davlat organlari javobgar hisoblanadi.

66. Vakolatli organ taqdim etilgan maʼlumotlarning haqqoniyligi va roʻyxatga toʻgʻri kiritilishi uchun javobgar hisoblanadi.

67. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Mahsulotlarning texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlar roʻyxatini yuritish, ularni erkin muomaladan chiqarish va utilizatsiya qilish tartibi toʻgʻrisidagi nizomga 1-ILOVA

Texnik reglamentlarning talablariga nomuvofiq deb topilgan mahsulotni qaytarib olish DALOLATNOMASI Nomuvofiq deb topilgan mahsulotlar qaytarib olingan joy _____________________________________ ___________________________________________________________________________________________ Ishlab chiqaruvchi (ishlab chiqaruvchining vakolatli shaxsi), yetkazib beruvchi (import qiluvchi) __________ ___________________________________________________________________________________________ (ishlab chiqaruvchi /import qiluvchi F.I.O. lavozimi, manzili) ___________________________________________________________________________________________ ______________________________________________________ texnik reglamentlar talablariga asosan (Texnik reglament nomi) nomuvofiq deb topilgan ushbu mahsulotlarni olib qoʻyish_________________________________________. (mahsulot nomi, seriya raqami) Bunda texnik reglament talablariga nomuvofiq boʻlgan mahsulotlar soni __________. T/r Texnik reglamentlar talablariga nomuvofiq boʻlgan mahsulot nomi va MXIK kodi (qonunchilik belgilangan mahsulot turiga) Toʻp raqami Mahsulotni ishlab chiqargan davlat Toʻp oʻlchami Qaytarib olingan mahsulot miqdori (dona/kg) 1 2 3 4 5 6 __________________________________________________ ________ ____ __________________ (Ishlab chiqaruvchi (ishlab chiqaruvchining vakolatli shaxsi), yetkazib beruvchi (import qiluvchi)) (sana) _ _______ ____ (imzo) ____ ___________________________________________________ ________ ____ __________________ (Savdo obyekti yoki sotuvchining F.I.O.) (sana) _ _______ ____ (imzo) ____

Mahsulotlarning texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlar roʻyxatini yuritish, ularni erkin muomaladan chiqarish va utilizatsiya qilish tartibi toʻgʻrisidagi nizomga 2-ILOVA

Texnik reglamentlarning talablariga nomuvofiq deb topilgan mahsulotni qabul qilish va topshirish DALOLATNOMASI Nomuvofiq deb topilgan mahsulotlar qabul qilingan joy ________________________________________ ___________________________________________________________________________________________ Texnik reglament talablariga nomuvofiq boʻlgan mahsulotlarni qabul qilishning boshlanish vaqti ____ ___________________________________________________________________________________________ Texnik reglament talablariga nomuvofiq boʻlgan mahsulotlarni qabul qilishning tugash vaqti ________ ___________________________________________________________________________________________ Qabul qilish belgilangan muddatni buzgan holda amalga oshirilganda _______________________________ ___________________________________________________________________________________________ (agar boʻlsa) Joyi ______________________________________________________________________________________ (kechiktirish sabablari) Qabul qilish ________________________________________________________________________________ (mahsulotlarning keltirilishi va yoʻq qilinishi vaqti) Ishlab chiqaruvchi (ishlab chiqaruvchining vakolatli shaxsi), yetkazib beruvchi sotuvchi (import qiluvchi)vakili _____________________________________________________________________________ (F.I.O, lavozimi manzili) ___________________________________________________________________________________________ Texnik reglament talablariga nomuvofiq boʻlgan quyidagi mahsulotlar qaytarib olindi _____________ ___________________________________________________________________________________________ (mahsulot nomi, seriyasi va ishlab chiqarilgan sanasi) Isteʼmolchi vakili __________________________________________________________________________ (F.I.O.) asosida ____________________________________________________________________________________ (texnik reglamentlar nomi) Bunda texnik reglament talablariga nomuvofiq mahsulotlar umumiy soni _________. T/r Texnik reglament talablariga nomuvofiq boʻlgan mahsulot nomi va MXIK kodi (qonunchilik belgilangan mahsulot turiga) Toʻp raqami Mahsulotni ishlab chiqargan davlat Toʻp oʻlchami Qaytarib olingan mahsulot miqdori (dona/kg) 1 2 3 4 5 6 _________________________________________________ _________ _____ __________________ (Ishlab chiqaruvchi (ishlab chiqaruvchining vakolatli shaxsi), yetkazib beruvchi (import qiluvchi)) __ (sana) _____________ (imzo) ______ ____________________________________________ _________ _____ _________________ (Savdo obyekti yoki sotuvchining F.I.O.) __ (sana) _____________ (imzo) ______

Mahsulotlarning texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlar roʻyxatini yuritish, ularni erkin muomaladan chiqarish va utilizatsiya qilish tartibi toʻgʻrisidagi nizomga 3-ILOVA

Texnik reglamentlar, standartlar va boshqa qonunchilik talablariga mahsulotlarni nomuvofiqligini aniqlash va ularni roʻyxatini yuritish, erkin muomaladan chiqarish va utilizatsiya qilish tartibi

Bosqichlar Subyektlar Tadbirlar Muddatlar 1-bosqich Vakolatli organ Texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga mahsulotni nomuvofiqligi aniqlanadi. Doimiy 2-bosqich Vakolatli organ Nomuvofiq deb topilgan mahsulotni savdodan chaqirib olish choralarini koʻrish yuzasidan mahsulot egasiga taqdimnoma kiritiladi. Doimiy 3-bosqich Tadbirkorlik subyekti Taqdimnomani olgandan soʻng nomuvofiq deb topilgan mahsulotni texnik reglamentlar talabiga muvofiqlashtirish imkoniyatini aniqlash, qabul qilingan qaror toʻgʻrisida vakolatli idoraga yozma (elektron) shaklda xabar beradi. 10 ish kuni muddatda 4-bosqich Tadbirkorlik subyekti Nomuvofiq deb topilgan mahsulotning Oʻzbekiston Respublikasi sinov markazlari (laboratoriyalari) va akkreditatsiyadan oʻtgan idoralarda muvofiqligini baholash yordamida texnik reglamentlarning talablari bilan uygʻunlashtirish natijasini tasdiqlaydi hamda bu haqida vakolatli organi xabardor qiladi. 3 ish kuni muddatda 5-bosqich Tadbirkorlik subyekti Nomuvofiq deb topilgan mahsulotlar olib kirilishini va (yoki) muomalasini zudlik bilan toʻxtatadi hamda nomuvofiq deb topilgan mahsulotlarni muomaladan chaqirib oladi. 7 ish kuni muddatda 6-bosqich Tadbirkorlik subyekti Xaridorlarni (isteʼmolchilarni) nomuvofiq deb topilgan mahsulotlar toʻgʻrisida ommaviy axborot vositalari orqali xabardor qilish boʻyicha choralar koʻradi. 7 ish kuni muddatda 7-bosqich Tadbirkorlik subyekti Nomuvofiq deb topilgan mahsulotga nisbatan koʻrilgan choralar toʻgʻrisida vakolatli idorani yozma (elektron) ravishda xabardor qiladi, shu jumladan: taqdimnoma olingan kundan boshlab nomuvofiq deb topilgan mahsulot tadbirkorlik subyektlaridan realizatsiyadan chaqirib olinishi toʻgʻrisida xabardor qiladi; taqdimnoma olingan kundan boshlab nomuvofiq deb topilgan mahsulotni u ortib joʻnatilgan barcha tadbirkorlik subyektlaridan muomaladan chaqirib (qaytarib) olishadi. 10 ish kuni muddatda 8-bosqich Vakolatli organ Nomuvofiq deb topilgan mahsulotni utilizatsiya qilish choralarini koʻrish yuzasidan mahsulot egasiga taqdimnoma kiritadi. Doimiy 9-bosqich Tadbirkorlik subyekti Nomuvofiq deb topilgan mahsulotni olib kirilishini va (yoki) muomalasini zudlik bilan toʻxtatish va nomuvofiq deb topilgan mahsulotlarni taqdimnoma olingan kundan boshlab muomaladan chaqirib oladi; olib chiqilgan va (yoki) qaytarilgan kunidan boshlab besh ish kunidan kechiktirmasdan tasdiqlovchi hujjatlarni taqdim etish bilan nomuvofiq deb topilgan mahsulotni Oʻzbekiston Respublikasi hududidan olib chiqadi yoki uni qaytaradi. 7 ish kuni muddatda 10-bosqich Tadbirkorlik subyekti Xaridorlarni (isteʼmolchilarni) taqdimnoma olganidan soʻng nomuvofiq deb topilgan mahsulotlar toʻgʻrisida ommaviy axborot vositalari orqali xabardor qilish boʻyicha choralar koʻradi. 7 ish kuni muddatda 11-bosqich Tadbirkorlik subyekti Nomuvofiq deb topilgan mahsulotni utilizatsiya qilish boʻyicha qaror qabul qiladi. 3 ish kuni muddatda 12-bosqich Tadbirkorlik subyekti Tasdiqlovchi hujjatlarni taqdim etish bilan utilizatsiya qilishning tanlangan usuli, joyi, vaqti va shartlarini koʻrsatish bilan nomuvofiq deb topilgan mahsulotni yoʻq qiladi. 5 ish kuni muddatda 13-bosqich Vakolatli organ Agar nomuvofiq deb topilgan mahsulot egasi uni muomaladan chaqirib olish boʻyicha choralar koʻrmagan taqdirda, mahsulotni muomaladan qaytarib olish toʻgʻrisida va uni keyinchalik utilizatsiya qilish toʻgʻrisida ariza bilan sudga murojaat qiladi. Doimiy 14-bosqich Vakolatli organ Muomaladan chaqirib olingan nomuvofiq deb topilgan mahsulotni utilizatsiya qilish mumkinligini aniqlash maqsadida barcha holatlarda uni ekspertizadan oʻtkazadi. Normativ hujjatda belgilangan muddatda 15-bosqich Vakolatli organ Oʻtkazilgan ekspertiza natijalari boʻyicha bunday mahsulotning keyingi yoʻq qilinishi mumkinligi toʻgʻrisida xulosa rasmiylashtiradi. 2 ish kuni muddatda 16-bosqich Vakolatli organlar, Tadbirkorlik subyekti Nomuvofiq deb topilgan mahsulotni uning egasi tomonidan yoki mahsulot egasi shu ishlarni bajarishni shartnoma boʻyicha topshiradigan tashkilotlar tomonidan komissiya ishtirokida utilizatsiya qiladi. Doimiy 17-bosqich Vakolatli organ Davlat nazorati natijalariga asosan texnik jihatdan tartibga solish sohasidagi normativ hujjatlar talablariga nomuvofiq deb topilgan mahsulotlar toʻgʻrisidagi maʼlumotlarni roʻyxatga oladi va elektron dasturga joylashtiriladi. 1 ish kuni muddatda 18-bosqich Vakolatli organ Texnik jihatdan tartibga solish sohasidagi normativ hujjatlar talablariga nomuvofiq deb topilgan mahsulotlar roʻyxatiga kiritilgan mahsulotlarni roʻyxatga olingan kundan boshlab olti oy muddatga roʻyxatdan chiqarish, nomuvofiq deb topilgan tegishli mahsulotni ishlab chiqaruvchi (uning rasmiy vakili) tomonidan Oʻzbekiston Respublikasi hududiga olib kirilishi, erkin muomalaga chiqarishni taqiqlaydi. 1 ish kuni muddatda 19-bosqich Tadbirkorlik subyekti Nomuvofiq deb topilgan tegishli mahsulotni yangi toʻplarini amaldagi texnik reglament va standartlar talablari asosida sinovlardan oʻtkazib, mahsulotning muvofiqligi tasdiqlangandan soʻng tegishli hujjatlar (sinov bayonnomasi, foto, video materiallar, texnologik jarayon hujjatlari) bilan vakolatli organga murojaat etadi. Doimiy 20-bosqich Tadbirkorlik subyekti Mahsulotni import qiluvchi Oʻzbekiston Respublikasi hududida sinovlarni oʻtkazish uchun mahsulotlar toʻpini olib kirishga ruxsat olish uchun vakolatli organga murojaat qiladi. Doimiy 21-bosqich Tadbirkorlik subyekti Vakolatli idora taqdim etilgan materiallarni koʻrib chiqadi, import qiluvchi sinovlarni Oʻzbekiston Respublikasi hududida oʻtkazishi uchun mahsulotlar toʻpini olib kirishi mumkinligi toʻgʻrisida xabardor qiladi. Doimiy 22-bosqich Tadbirkorlik subyekti Import qiluvchi sinovlarni Oʻzbekiston Respublikasi hududida oʻtkazish uchun mahsulot toʻpini olib kirgan paytdan boshlab ilova hujjatlarini taqdim etib mahsulotlarni olib kirganligi toʻgʻrisida vakolatli organni xabardor qiladi. 2 ish kuni muddatda 23-bosqich Tadbirkorlik subyekti Sinovlar oʻtkazilganidan soʻng, import qiluvchi mahsulotlarni olib kirilishi va muomalaga chiqarilishi, qayta tiklash imkoniyatini koʻrib chiqilishi yuzasidan vakolatli organga murojaat qiladi. Doimiy

Mahsulotlarning texnik jihatdan tartibga solish sohasidagi normativ hujjatlar va boshqa normativ-huquqiy hujjatlar talablariga nomuvofiq deb topilgan mahsulotlar roʻyxatini yuritish, ularni erkin muomaladan chiqarish va utilizatsiya qilish tartibi toʻgʻrisidagi nizomga 4-ILOVA

Texnik jihatdan tartibga solish sohasidagi normativ hujjatlarga, shu jumladan, texnik reglamentlar talablariga nomuvofiq deb topilgan mahsulotlar toʻgʻrisidagi maʼlumotlarni taqdim etish

Bosqichlar Subyektlar Tadbirlar Muddatlar 1-bosqich Oʻzbekiston Respublikasi Sogʻliqni saqlash vazirligi, Qurilish va uy-joy kommunal xoʻjaligi vazirligi, Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi mahsulot (tovar) nomi; ishlab chiqaruvchi korxona nomi; ishlab chiqaruvchi STIR raqami; ishlab chiqaruvchi korxonaning rasmiy vakili STIR raqami; ishlab chiqaruvchi mamlakat nomi; mahsulot toʻpi (partiyasi); tashqi iqtisodiy faoliyat tovar nomenklaturasi kod raqami; mahsulot summasi; mahsulot ishlab chiqarilgan vaqti (kun, oy, yil); mahsulotning egasi toʻgʻrisida maʼlumotlar; nomuvofiq boʻlgan mahsulot aniqlangan savdo obyektining nomi va manzili; mahsulotda aniqlangan nomuvofiqliklar; muvofiqlik sertifikati va sinov bayonnomalari mavjudligi toʻgʻrisidagi axborot; Ushbu maʼlumotlarni vakolatli organga yozma (elektron) shaklda xabar beradi. Har oyning 5-sanasiga qadar 2-bosqich Vakolatli organ Oʻzining rasmiy veb-sayti yoki ommaviy axborot vositalari hamda ijtimoiy tarmoqlar orqali mahsulotlarda aniqlangan nomuvofiqliklar toʻgʻrisida jamoatchilikni va isteʼmolchilarni xabardor qiladi. 3 ish kuni muddatda

Vazirlar Mahkamasining 2024-yil 14-avgustdagi 502-son qaroriga 6-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimchalar

2. Vazirlar Mahkamasining “Sertifikatlashtirish tartibotlarini va sifat menejmenti tizimlarini joriy etishni takomillashtirishga doir qoʻshimcha chora-tadbirlar toʻgʻrisida” 2011-yil 28-apreldagi 122-son qarorining 2-bandi va qaror bilan tasdiqlangan Oʻzbekiston Respublikasida ishlab chiqarilayotgan mahsulotlarning sifat va xavfsizlik talablariga muvofiqligini ishlab chiqaruvchi tomonidan maʼlum qilish tartibi toʻgʻrisidagi nizom chiqarib tashlansin.

3. Vazirlar Mahkamasining “Oʻzbekiston Respublikasida muvofiqligi tasdiqlanishi lozim boʻlgan muvofiqlikni baholash obyektlari roʻyxatlarini tasdiqlash toʻgʻrisida” 2021-yil 30-yanvardagi 43-son qarorida :

a) 2-bandning beshinchi xatboshisi quyidagi tahrirda bayon etilsin:

“Majburiy tartibda muvofiqligi baholanishi lozim boʻlgan mahsulotlar roʻyxati 4-ilovaga muvofiq tasdiqlansin”.

b) 4-ilova quyidagi tahrirda bayon etilsin:

“Vazirlar Mahkamasining 2021-yil 30-yanvardagi 43-son qaroriga 4-ILOVA

Majburiy tartibda muvofiqligi baholanishi lozim boʻlgan mahsulotlar

T/r Mahsulot nomi TIF TN kodi Muvofiqlik sertifikati rasmiylashtirilishi lozim boʻlgan mahsulotlar 1. Koʻchatlar (uzumning ekish materiallari, nihollar, urugʻli va danakli mevali ekinlar, navdor atirgul va siren, efir-moyli atirgul, efir-moyli geran) 0601 — 0602 2. Faqat ekish uchun moʻljallangan sabzavot va ayrim yeyiladigan ildizmeva, tubmevali va tuganak mevali oʻsimliklar 0701, 0703, 0712 90 110 0, 0713 3. Ziravorlar (urugʻlik maqsadida) 0909 — 0910 4. Donlar (barcha turlari, urugʻlik va tovar donlar) 1001 — 1008 5. Tegirmonchilik-yorma sanoati mahsulotlari: solod, kraxmal, inulin, bugʻdoy kleykovinasi. 1101 00 — 1109 00 000 0* 6. Faqat ekish uchun moʻljallangan meva urugʻlari va boshqa urugʻlar 1201, 1202, 1204 — 1207, 1209 7. Alkogol ichimliklari 2203 — 2208 8. Tamaki va sanoat tamakining oʻrnini bosuvchi mahsulotlar 2401 — 2404 9. Infuzoriya yerlari, sement 2512 00 000 0, 2523 10. Mineral yoqilgʻi, neft va ularni haydash mahsulotlari; bituminoz moddalar; mineral mumlar 2701 — 2703 00 000 0, 2705 00 000 0, 2707, 2710 — 2712 (2711 12 940 0 dan tashqari), 2714 10 000 0, 2715 00 000 0 11. Suvda aralashgan ammiak, ammoniy xloridi, kaliy nitrati, nitratlar, vodorodfosfat kalsiya (fosfat dikalsiya), kalsiy fosfatlari, sulfatlar, xloridlar, kaliy fosfati, borat kislota, bor oksidlari, molibdatlar 2814 20 000 0, 2827 10 000 0 2827 39 850 0, 2834 29 800 0, 2835 24 000 0, 2835 25 000 0, 2835 26 000 0, 2833 29 800 0, 2810 dan, 2827 dan, 2833 dan, 2840 dan, 2841 70 12. Notsiklik va siklik uglevodorodlar (faqat yoqilgʻi sifatida ishlatiladigan mahsulotlar uchun) 2901 — 2902 (2901 10 000 1 dan tashqari) 13. Farmatsevtika mahsulotlari (inson va hayvon organizmidan olingan va transplantatsiya uchun moʻljallangan bezlar va organlardan tashqari) 3001 — 3006 (3002 90 100 0, 3002 90 300 0, 3006 50 000 0, 3006 92 000 0 dan tashqari) 14. Mineral oʻgʻitlar 3102-3105 15. Inson va hayvonlar uchun qoʻllaniladigan efir moylari va rezinoidlar; inson va hayvonlar uchun qoʻllaniladigan parfyumeriya, kosmetik yoki pardoz-andoz vositalari; veterinariya maqsadlari uchun qoʻllaniladigan antiseptik, dezinfeksiyalovchi va insektoakaritsid vositalari 3301 — 3307 16. Gugurtlar 3605 00 000 0 17. Insektitsidlar, rodentitsidlar, fungitsidlar, gerbitsidlar 3808 18. Olovbardosh sement 3816 00 000 0 19. Gidravlik tormoz suyuqligi va gidravlik uzatkich uchun boshqa tayyor suyuqliklar, antifrizlar va muzlashga qarshi tayyor suyuqliklar 3819 00 000 0, 3820 00 000 0 20. Oziq-ovqat mahsulotlari uchun yemakxona va oshxona idish tovoqlari 3924 10 000 0 21. Rezinali kameralar, gigiyenik yoki farmatsevtik mahsulotlar (shuningdek, soʻrgʻichlar, jarrohlik qoʻlqoplari), hovuz uchun yoʻlakcha; temir yoʻl harakatdagi tarkibining pnevmatik tormozlash tizimlari uchun zichlovchi rezina mahsulotlar (diafragma, manjetlar, yoqalar, klapanlarning zichlagichlari, qistirmalar, vtulkalar) 4013, 4014, 4015 11 000 0, 4016 91 000 0, 4016 93 000 8 22. Tabiiy charmdan qilingan yongʻin qutqaruv kamarlari 4203 30 000 0 23. Sunʼiy moʻyna va undan tayyorlangan mahsulotlar 4304 00 000 0 24. Temir yoʻl yoki tramvay yoʻllari uchun yogʻoch shpallar 4406 25. Gigiyenik qogʻoz mahsulotlari, sulfitli oʻrama qogʻoz, filtrlash va qadoqlashda ishlatiladigan qogʻoz va karton, yogʻ oʻtkazmaydigan qogʻoz va pergament, oziq-ovqat mahsulotlari uchun qogʻoz idishlar va patnislar, tuxumlarni qadoqlash uchun qutilar. 4803 00, 4805 30, 4805 40 000 0, 4806, 4823 61 000 0, 4823 70 100 0 26. Bosma kitoblar, risolalar, varaqalar va shu kabi bosma materiallar, Bolalar uchun rasmli kitoblar, chizilgan kitoblar yoki rangli kitoblar, gazetalar, jurnallar va boshqa davriy nashrlar, tasvirlangan yoki tasvirlanmagan, oʻz ichiga olgan yoki oʻz ichiga olmagan reklama materiallari. 4901 10 000 0 — 4901 99 000 0, 4903 00 000 0, 4902 10 000 0 — 4902 90 000 0 27. Ipak ipidan yoki ipak qoldigʻidan gazlama 5007 28. Taroq bilan yigirilgan ipak toʻqimadan gazlamalar, hayvonlarning ingichka yoki qalin tolasidan taroq bilan yigirilgan ipdan gazlamalar 5111, 5112, 5113 00 000 0 29. Zigʻir tolali gazlama; jutdan olingan tola yoki 5303-tovar pozitsiyasidagi boshqa poʻstloq tolalari; boshqa oʻsimlik tolalardan qilingan gazlama; qogʻoz yigirilgan ipdan gazlamalar 5309 — 5311 30. Sintetik kompleks ipdan gazlamalar, jumladan, 5404-tovar pozitsiyasi materiallardan ishlab chiqarilgan gazlamalar; sunʼiy kompleks ipdan gazlamalar, shu jumladan, 5405 tovar pozitsiyasi materiallardan ishlab chiqarilgan gazlamalar. 5407 — 5408 31. Ogʻirligi 85% yoki undan koʻp ushbu tolalardan tashkil topgan sintetik tolali gazlamalar; ushbu tolalarning ogʻirligi 85% dan kam boʻlgan sintetik tolali gazlamalar, asosan yoki mustasno sifatida paxta tolasi bilan aralashtiriladi, sirt zichligi 170 g/m² dan oshmaydi; ushbu tolalarning ogʻirligi 85% dan kam boʻlgan sintetik tolali gazlamalar, asosan yoki mustasno sifatida paxta tolasi bilan aralashtirilgan, sirt zichligi 170 g/m² dan ortiq; boshqa sintetik tolali gazlamalar; sunʼiy tolali gazlamalar 5512 — 5516 32. Gigiyenik maqsadlarda va tibbiyotda foydalanish uchun toʻqimachilik materiallaridan va mahsulotlaridan tayyorlangan paxta. 5601 21-5601 22 33. Yigirilgan yoki yigirilmagan gazlama boʻlmagan materiallar, qoplamali yoki qoplamasiz, qayta ishlanadigan yoki qayta ishlanmaydigan. 5603 34. Toʻqilgan gilamlar va boshqa toʻqima pol qoplamalari, tayyor yoki tayyor boʻlmagan; gilam gazlama va boshqa polga toʻshaladigan toʻqima qoplamalar, taftingsiz yoki flokirovkasiz, tayyor yoki tayyor boʻlmagan, shu jumladan, “kilim”, “sumax”, “kermani” va qoʻlda tayyorlangan oʻxshash gilamlar; gilamlar va boshqa polga toʻshaladigan taftingli toʻqima qoplamalar, tayyor yoki tayyor boʻlmagan; gilamlar va boshqa polga toʻshaladigan kigiz yoki fetrdan qilingan toʻqima qoplamalar, taftingsiz yoki flokirovkasiz, tayyor yoki tayyor boʻlmagan; gilamlar va boshqa polga toʻshaladigan toʻqima qoplamalar, tayyor yoki tayyor boʻlmagan 5701 — 5705 35. Tukli gazlama va baxmal ipdan qilingan gazlama; sochiqbop paxmoq gazlamalar va oʻxshash paxmoq gazlamalar, tafting qilingan toʻqima materiallar; eshib toʻqilgan gazlamalar; tyul va boshqa toʻrsimon mato, toʻqilgan matolar bundan mustasno; toʻpdagi toʻr, tasmalar yoki alohida ornamentlar turida; Belgiya, obyusson, bove turidagi qoʻlda toʻqilgan gobelenlar va oʻxshash gobelenlar va gobelenlar, kashta ignalari (misol uchun, iroqi, krest shaklidagi), tayyor yoki tayyor boʻlmagan; ingichka toʻqilmagan gazlamalar, biriktirilgan yelimlab ulanish (boldyuk); metall iplardan gazlamalar va 5605 tovar pozitsiyasidagi kiyimlarda ishlatiladigan metall bilan ishlov berilgan iplar, mebelbop gazlama sifatida yoki oʻxshash maqsadlarda, boshqa joyda keltirilmagan yoki qoʻshilmagan; yumshoq qatlam bilan tikish yoki boshqa usullar orqali ulangan bir necha toʻqima materiallar qatlamidan iborat boʻlakdagi qavilgan toʻqima materiallar 5801 — 5803, 5809 00 000 0, 5811 00 000 0 36. Plastmassaga toʻyingan, qoplangan yoki bir-birini takrorlaydigan toʻqimachilik materiallari; rezinalangan toʻqimachilik materiallari 5903, 5906 37. Linoleum, toʻqimachilik materiallari asosidagi polga toʻshaladigan qoplamalar 5904 38. Mashinada yoki qoʻlda toʻqilgan trikotaj tukli matolar, shu jumladan, uzun tukli matolar va paxmoq matolar; eni 30 sm dan koʻp boʻlmagan, 5% yoki undan koʻp elastik yoki rezinali iplarni oʻz ichiga olgan mashinada yoki qoʻlda toʻqilgan trikotaj matolar; eni 30 sm dan koʻp boʻlmagan, 5% yoki undan koʻp elastik yoki rezinali iplarni oʻz ichiga olgan mashinada yoki qoʻlda toʻqilgan trikotaj matolar; asosda toʻqilgan matolar (shuningdek, galunlarni tayyorlash uchun trikotaj mashinalarida toʻqilgan); mashinada yoki qoʻlda toʻqilgan boshqa trikotaj matolari 6001, 6004 — 6006 39. Erkaklar yoki oʻgʻil bolalar uchun koʻylaklar mashina yoki qoʻlda toʻqilgan trikotaj mahsulotlardan; erkaklar yoki oʻgʻil bolalar uchun kalsonlar, trusiklar, tungi koʻylak, pijamalar, choʻmilishdan keyin kiyiladigan xalatlar, uyda kiyiladigan xalatlar va oʻxshash mahsulotlar, mashina yoki qoʻlda toʻqilgan trikotaj mahsulotlar; ayollar yoki qiz bolalar uchun kombinatsiyalar, pastki yubkalar, trusiklar, pantalonlar, tungi koʻylaklar, pijamalar, penyuarlar, choʻmilishdan keyin kiyiladigan xalatlar, uyda kiyiladigan xalatlar va oʻxshash mahsulotlar, mashina yoki qoʻlda toʻqilgan trikotaj mahsulotlardan; maykalar, yengli fufaykalar va boshqa ichki fufaykalar mashina yoki qoʻlda toʻqilgan trikotaj mahsulotlardan; bolalar kiyimlari va bolalar kiyimlariga kerakli narsalar, mashina yoki qoʻlda toʻqilgan trikotaj mahsulotlar; kolotkalar, chulkilar, golfilar va podsledniklar va boshqalar, paypoq mahsulotlari, taqsimlangan bosim bilan kompressiyali paypoq mahsulotlari (masalan, venalarning varikoz kengayishidan qiynalayotganlar uchun) va tagliksiz oyoq-kiyim, mashina yoki qoʻlda toʻqilgan trikotajdan; 6105 — 6109, 6111, 6115 40. Erkaklar yoki oʻgʻil bolalar uchun koʻylaklar; ayollar yoki qiz bolalar uchun bluzkalar, bluzkalar va bluzonlar; erkaklar yoki oʻgʻil bolalar uchun maykalar va boshqa ichki fufaykalar, kalsonlar, trusiklar, tungi koʻylak,pijamalar, choʻmilishdan keyin kiyiladigan xalatlar, uyda kiyiladigan xalatlar va oʻxshash mahsulotlar; ayollar va qiz bolalar uchun maykalar va boshqa ichki fufaykalar, kombinatsiyalar, pastki yubkalar, trusiklar, pantalonlar, tungi koʻylaklar, pijamalar, penyuarlar, choʻmilishdan keyin kiyiladigan xalatlar, uyda kiyiladigan xalatlar va oʻxshash mahsulotlar; bolalar kiyimlari va bolalar kiyimlariga kerakli narsalar; byustgalterlar, belbogʻ, korsetlar, tortgichlar, bogʻichlar va oʻxshash mahsulotlar va ularning mashina yoki qoʻlda toʻqilgan trikotajyoki notrikotaj qismlari; 6205 — 6209, 6212 41. Choyshab, yotarjoy, yemakxona, hojatxona va oshxona choyshablari; oʻt oʻchiruvchilar uchun gazlamadan tayyorlangan qutqaruv poyaslari 6302, 6305, 6307 20 000 0 42. Yongʻin kaskalari va shlemlari; 6506 10 43. Oyoq kiyim va oʻxshash mahsulotlar (faqat tayyor oyoq kiyim) 6401 — 6405 44. Beton va asbotsement mahsulotlari 6810 45. Gʻishtlar, bloklar, plitkalar va shu kabi olovga chidamli keramik mahsulotlar; qoʻrilish gʻishtlari, qavatlar uchun bloklar, Laboratoriya, kimyoviy yoki boshqa texnik maqsadlar uchun keramik buyumlar. 6902, 6904, 6909 46. Avtotransport vositalari uchun xavfsiz shisha, oziq-ovqat mahsulotlari va dorilarni qadoqlash uchun shisha idish, yemakxona va oshxona idishlari, laboratoriya, gigiyenik va farmatsevtik vazifalar uchun shisha idish, oynalar 7003 12 — 7003 30 000 0, 7004 20 — 7004 90, 7005 10 — 7005 30 000 0, 7006 00 100 0, 7006 00 900 0, 7007, 7008 00, 7009 91 000 0 , 7009 92 000 0, 7010, 7013, 7016 10 — 7016 90 700 9 , 7017, 7019 47. Kengligi 600 mm dan kam yoki koʻp boʻlgan temir yoki legirlanmagan poʻlatdan tekis prokat, issiqlayin yoyilgan, sovuqlayin yoyilgan (sovuq holda siqilgan), qoplangan yoki qoplanmagan, galvanik yoki boshqa qoplama bilan yoki u siz; temir yoki legirlanmagan poʻlatdan erkin oʻralgan buxtalardagi issiqlayin yoyilgan chiviqlar; Faqat bolgʻalash, issiq prokatlash, issiqligicha choʻzish yoki issiqligicha ekstruderlash yoʻli bilan va keyinchalik ishlov berishsiz temir yoki legirlanmagan poʻlatdan chiviqlar; temir yoki legirlanmagan poʻlatdan boshqa chiviqlar; temir yoki legirlanmagan poʻlatdan burchaklar, shakldor va maxsus profillar: shvellerlar, qoʻshtavrlar yoki keng tokchali qoʻshtavrlar, burchak profillari, tavrli profillar, burchaklar, shakldor va maxsus profillar, s-, z-, omegasimon yoki tutashtirilmagan profillar, profillangan (qovurgʻali) listlar; temir yoki legirlanmagan poʻlatdan sim; quymalar yoki boshqa birlamchi shakldagi korroziyaga barqaror poʻlat; korroziyaga barqaror poʻlatdan yarim tayyor mahsulotlar; kengligi 600 mm dan kam yoki koʻp boʻlgan korroziyaga barqaror poʻlatdan tekis prokat; korroziyaga barqaror poʻlatdan buxtalarga erkin oʻralgan, issiqlayin yoyilgan chiviqlar; korroziyaga barqaror poʻlatning boshqa turlaridan chiviqlar; korroziyaga barqaror poʻlatdan burchak, shakldor va maxsus profillar; korroziyaga barqaror poʻlatdan sim; quymalar yoki boshqa birlamchi shakldagi legirlangan poʻlatning boshqa turlari, legirlangan poʻlatning boshqa turlaridan yarim tayyor mahsulotlar; kengligi 600 mm dan kam yoki koʻp boʻlgan legirlangan poʻlatning boshqa turlaridan tekis prokat; legirlangan poʻlatning boshqa turlaridan buxtalarga erkin oʻralgan issiqlayin yoyilgan chiviqlar; legirlangan poʻlatning boshqa turlaridan chiviqlar, boshqalar; legirlangan poʻlatning boshqa turlaridan burchak, shakldor va maxsus profillar; legirlangan yoki legirlanmagan poʻlatdan burgʻilash ishlari uchun kavak chiviqlar; legirlangan poʻlatning boshqa turlaridan sim 7208, 7209, 7210, 7211, 7212, 7213 — 7217, 7218, 7219, 7220, 7221, 7222, 7223, 7224, 7225, 7226, 7227, 7228, 7229 48. Qora metallardan shpuntlangan konstruksiyalar, parmalangan yoki parmalanmagan,teshilgan yoki teshilmagan, yaxlit yoki yigʻilgan elementlardan ishlab chiqarilgan; qora metallardan payvandlangan burchak, shakldor va maxsus profillar; gazlar va yoqilgʻilar uchun qora metallardan rezervuarlar, sisternalar, idishlar, gaz plitasi, quyuq va suyuq yoqilgʻida isitish pechlari (frityurnitsalar, manqallar), ovqatni tayyorlash va isteʼmol qilish uchun yemakxona va oshxona idishlari, noelektrik qizdirish bilan markaziy isitish uchun radiatorlar va qora metallar, ularning qismlari, temir yoʻl yoki tramvay yoʻllari — relslar, barcha turdagi relslar va 1520 mm (yangi) kenglikdagi izlar uchun strelkali uchliklar uchun ishlatiladigan qora metallardan qismlar, yigʻilgan strelkali oʻtkazmalar; ikki boshli relsli nakladkalar; alohida biriktirish tagliklari; kostil biriktirish tagliklari; alohida temir yoʻl relslari birikmalarining qisqichlari; temir yoʻl relslariga prujinali rels mahkamlagichlar; yoʻlning egiluvchan prujinali elementlari (ikki oʻramli shaybalar, tarelkasimon prujinalar, egiluvchan qisqichlar); relsli birikmalar uchun qisqichli boltlar; relsli birikmalar uchun qisqichli boltlar uchun gaykalar; relsli tutashmalar uchun tutash boltlar; relsli tutashmalar uchun tutashtirish boltlari uchun gaykalar; relsli birikmalar uchun oʻrnatish boltlari; relsli birikmalar uchun oʻrnatish boltlari uchun gaykalar; lokomotiv ressorlari 7301, 7302, 7309 00 — 7310, 7311 00, 7318, 7320, 7321 (7321 90 000 0 dan tashqari), 7322, 7323 (7323 10 000 0 dan tashqari), 7324 10 000 0 (fuqarolik aviatsiyasidan tashqari), 7324 21 000 0, 7324 29 000 0, 7324 90 000 0 (qismlaridan tashqari) 49. Prokatka, shtampovka kesish usuli bilan legirlanmagan poʻlatdan tayyorlangan, ikki tomonlama rux qoplamali tombop metall cherepitsa (gofrlangan) va listli rux bilan qoplangan poʻlat prokatdan tayyorlangan tombop elementlar (furnitura, aksessuarlar, yassi prokatdan tayyorlangan tom uchun butlovchi materiallar) 7308 90 590 0 50. Izolyatsiyalovchi toʻldiruvchili gofrlangan (qovurgʻasimon) listdan tayyorlangan ikki devorli panellar va devorbop va tombop sendvich-panellar) 7308 90 510 0 51. Faqat oʻt oʻchirish karabinlari 7326 90 920 9, 7326 90 940 0, 7326 90 980 7 52. Oʻt oʻchirish qurilmalari uchun biriktirish kallaklari 7609 00 000 0 53. Markaziy isitish uchun aluminiy va bimetall radiatorlar 7616 99 100 2 7616 99 100 3 54. Bugʻ qozonlari, markaziy isitish qozonlari, gazgeneratorlar yoki tozalash qurilmalari bilan yoki ularsiz suvli gaz generatorlari; atsitelenli gazgeneratorlari va tozalash uskunalari bilan yoki ularsiz shunga oʻxshash gaz generatorlari; kuch qurilmalari, suyuqlik va havo nasoslari, kompressorlar, havo tortish ventilyatorlari va shkaflari, havoni konditsionerlash uchun qurilmalar, yoqish gorelkalari, sovitgichlar va muzlatgichlar, sterilizatorlar, distillyatorlar (elektr va elektr boʻlmagan isitish bilan sanoat yoki laboratoriya mashinalari, uskunalari), markazga intilma quritgichlar bilan sentrifugalar; suyuqliklar yoki gazlarni filtrlash va tozalash uchun uskunalar va qurilmalar, idish-tovoq yuvish mashinalari; butilkalar ki boshqa sigʻimlarni yuvish yoki quritish uchun uskunalar; butilkalar, bankalar, yashiklarni, qoplarni yoki boshqa sigʻimlarni yopish, toʻldirish, tiqinlash uchun uskunalar, ularni tamgʻalash yoki etiketkalash uchun; butilkalar, bankalar, tubiklar va shunga oʻxshash sigʻimlarni qalpoqlar yoki qopqoqlar bilan zichlab tiqinlash uchun uskunalar; qadoqlash yoki tiqinlash uchun uskunalar (termik siqish yoʻli bilan mahsulotlarni oʻrash uchun ishlatiladigan uskunalar); ichimliklarni gazlantirish uchun uskunalar: (oldin foydalanilgan, kemalar va fuqarolik aviatsiyasida ishlatiladiganlaridan tashqari), bugʻoqimli yoki qumoqimli va shunga oʻxshash uskunalar: koʻtarish talilari va koʻtargichlar, turli xildagi koʻtarish kranlari, avtoyuklagichlar, yuklarni koʻchirish uchun mashinalar va uskunalar, qishloq xoʻjaligi, chorvachilik va ovqat tayyorlash uchun qurilmalar va apparatlar, toʻquvchilik stanoklari, savdo avtomatlari 8402 11 000 — 8402 20000 9 8403 10, 8405 10 000 0, 8410 11 000 0, 8410 12 000 0, 8410 13 000 0, 8412 10 — 8412 80, 8413 11 000 0 — 8413 81 000 0 (8413 20 000 0, 8413 30 200 1, 8413 30 800 1 dan tashqari), 8414 10 — 8414 80 (8414 30 200 1, 8414 30 810 1, 8414 30 810 5, 8414 30 890 1, 8414 80 110 0, 8414 80 190 0 dan tashqari), 8415 20 — 8415 83 0000 (8415 20 000 1 dan tashqari), 8416 10 — 8416 20 800 0, 8418 30 — 8418 69 000, 8419 11 000 0 — 8419 89 (8419 81 200 0 8419 81 800 0 dan tashqari), 8421 11 000 0 — 8421 39, 8422 19 000 0 — 8422 40 000 8, 8425 (8425 39 000 2 dan tashqari), 8427, 8428 (8428 20 800 1, 8428 33 000 0, 8428 90 dan tashqari), 8429, 8430, 8433 11 — 8433 60 000 0 (8433 30 000 0, 8433 40 000, 8433 51 000, 8433 52 000 0, 8433 59 dan tashqari), 8434 10 000 0, 8434 20 000 0, 8435 10 000 0, 8436 10 0000 — 8436 80 900 0, 8437 10 000 0, 8437 80 000 0, 8438 10 — 8438 80 990 0, 8450 20 000 0, 8452 10 900 0 — 8452 29 000 0 (faqat dvigatelli mashinalar), 8471 30 000 0, 8471 41 000 0, 8471 49 000 0, 8471 50 000 0 8472 10 000 0, 8476 21 000 0 — 8476 89 000 0, 8481 10 050 0 — 8481 80 990 7 55. Nazorat-kassa mashinalari (ichiga oʻrnatilgan bosib chiqaruvchi uskunalar va kassa apparatlari bilan elektron hisoblash mashinalari) 8470 21 000 0, 8470 50 000 56. Elektr mashinalar va uskunalar; dvigatellar (fuqarolik aviatsiyasi uchun moʻljallanganlaridan tashqari) va generatorlar, elektrgeneratorli qurilmalar va aylanadigan elektr oʻzgartiruvchilar, oʻzgaruvchan tok elektr transformatorlari, akkumulyatorlar, pechlar va sanoat kameralari, ovoz yozuvchi va ovoz aks ettiruvchi apparatlar, televizion tasvir va ovozni aks ettirish va yozish uchun apparatlar, elektr lampalar va quvurchalar, qizdirish lampalari (12w dan yuqori), uchlik (terminal) uskuna, shuningdek, telekommunikatsiyalar tarmogʻi uskunalarida operativ-qidiruv tizimining tadbirlarini bajarish uchun texnik (apparat-dasturiy) vositalar, izolyatsiyalovchi armatura, telekommunikatsiyalarning texnik vositalari; axborotning texnik va kriptografik himoyasi vositalari, sport maqsadlari uchun ishlatiladigan jadvalcha va elektron sigaretalar va shunga oʻxshash individual elektr bugʻlashtirgichlar. 8501 — 8502, (8501 20 000 1, 8501 32 000 1, 8501 33 000 1, 8501 40 200 1, 8501 40 800 1, 8501 52 900 1 dan tashqari), 8504 10 — 8504 50 950 0 (8504 40 300 03, 8504 40 300 4 dan tashqari), 8507 10 — 8507 80 000 0 (8507 10 200 1, 8507 10 200 2, 8507 10 800 1 dan tashqari), 8514 10 — 8514 40 000 0, 8515 11 000 0 — 8515 80 900 0, 8516 31 — 8516 80 800 0, 8517 11 000 0 — 8517 69 900 0, 8518 21 000 0, 8518 22 000 0, 8518 29 960 0, 8519 20 — 8519 81 110 0, 8521, 8525 50 000 0, 8526 — 8528 73 000 0 (8526 10 000 1, 8528 42 100 0 8528 52 100 0, 8528 52 300 0 8528 52 900 0, 8528 59 100 0 8528 59 900 0, 8528 71 110 0 8528 71 150 0, 8528 71 190 0 8528 71 910 0, 8528 71 990 0 8528 72 100 0, 8528 72 200 1 8528 72 200 9, 8528 72 300 1 8528 72 300 2, 8528 72 300 3 8528 72 300 9, 8528 72 400 0 8528 72 600 0, 8528 72 800 0 dan tashqari), 8530 10 000 0, 8530 80 000 0, 8531 10 — 8531 10 950 0, 8531 20 200 0, 8535 — 8537, 8539 10 000 — 8539 52 900 0 (8539 10 000 1, 8539 21 300 1, 8539 29 300 1 dan tashqari), 8540 11 000 — 8540 89 000 0, 8543 40 000 0, 8546 57. Quyosh panellari 8501 71 000 0, 8501 72 000 0 8501 80 000 0, 8541 42 000 0, 8541 43 000 0 58. Lokomotivlar va motor vagonli harakatdagi sostavlar; ballast tozalash mashinalari; ballast prizmasini shakllantirish, ballastni rejalashtirish va qayta taqsimlash uchun mashinalar; relslarni kirdan tozalash uchun va shpal yashiklarida ballastni kesish uchun mashinalar; ikki yoʻl oraligʻida ballastni kesish uchun mashinalar; rels payvandlash mashinalari; shpallarni almashtirish uchun mashinalar va mexanizmlar; rels biriktirgichlarini mahkamlash va moylash uchun mashinalar; rels sayqallash mashinalari va poyezdlari; avtomotrisalar, motodrezinalar, motovozlar; lokomotiv bilan tortiladigan yoʻlovchi vagonlari (yangi), shu jumladan, pochta-bagaj va bagaj; yopiq (yangi) yuk vagonlari (universal); don, mineral oʻgʻitlar hamda mineral oʻgʻitlar xomashyosi, appatit konsentrati, avtomobillar, qora mol, sement, granulalangan qurum, un, qogʻoz, granulalangan polimerlar, texnik uglerod, sovuqlayin yoyilgan poʻlatni tashish uchun; yarim yopiq vagonlar universal; qizdirilgan boʻlaklar va aglomerat; bitum; koks; sochiluvchan metallurgiya yuklari; torf; vagon-dumpkarlar va xopper-dozatorlarni tashish uchun; sisternalar (neft-benzin uchun); sakkiz oʻqli neft benzin uchun; quyushqoq neft mahsulotlarini tashish uchun; 4 va 8 — oʻqli sisternalar kislotalarni tashish uchun (oltingugurt, superfosfat, sirkali, oleum); yaxshilangan oltingugurt kislotasini tashish uchun; melanjni tashish uchun; spirt va oziq-ovqat mahsulotlarini tashish uchun (spirt, vinomateriallar, meva-sabzavotli sharbatlar, sutni tashish uchun); propan, ammiak, uglevodorod gazlarni tashish uchun; xlor, etil suyuqliklar, atsetaldegid, vinilxlorid, pentan, sariq fosforni tashish uchun; kalsiylangan soda, polivinilxlorid, kaprolaktam, suyuq pek, sulfanol pastasi, oltingugurt, eritilgan oltingugurtni tashish uchun; benzol, zaharli kimyoviy moddalar, metanolni tashish uchun; sementni tashish uchun; ogʻir kukunsimon yuklarni tashish uchun; platformalar (universal); katta yukli konteynerlarni, katta tonnajli konteynerlarni va gʻildirakli texnikani tashish uchun; ikki qavatli avtomobillarni tashish uchun; rulonli poʻlatni tashish uchun; havozani xlistlarda tashish uchun; yogʻoch-taxtalarni tashish uchun; universal VO-118 turdagi metall stoykalarni butliklari bilan; telejka; gʻildirak jufti; yaxlit yoyilgan gʻildiraklar; oʻqlar; oʻralgan prujinalar; ressorlar; gidravlik tebranish soʻndirgichlar; ressor usti toʻsini; yon rama; telejka ramasi; havo taqsimlagichlar, elektr havo taqsimlagichlar (yigʻilgan holdagi) bilan birga; biriktiruv shlanglari; triangelllar; tormoz boshmoqlari, tormoz kolodkalari; tormoz silindrlari; avtossepka (yigʻilgan holda) (avtossepka korpusi, soʻndiruvchi apparat, xomut, old va orqa tirgaklar, pona); oʻrta tonnajli konteynerlar (yangi) (universal, maxsus, jumladan, xavfli yuklarni tashish uchun); teplovozlar va dizel-poyezdlarning bosh yurituvchisining (privod) kardan vallari; lokomotiv gʻildiraklari juftlari; lokomotivning gʻildirak oʻqlari; generatorlar yurituvchisining (privod) kardan vallari; strelkali nazorat qulflari; gorka sekinlashtirgichlari 8601 10 000 0, 8601 20 000 0, 8602 10 000 0 8602 90 000 0 8603 10, 8603 90 000 0, 8604 00 000 0, 8605 00 000, 8606 10 000 0, 8606 30 000 0, 8606 91 100 0, 8606 91 800 0, 8606 92 000 0, 8606 99 000 0, 8607 11 000 0, 8607 12 000 0, 8607 19 100 9, 8607 19 900 0, 8607 21, 8607 29 000 0, 8607 30 000 0, 8607 91 100 0, 8607 91 900 0, 8607 99 100 0, 8607 99 800 0, 8608 00 000 1, 8608 00 000 9, 8609 00 59. Yer usti transporti vositalari (traktorlar, odamlar va yuklarni tashish uchun avtotransport vositalari, velosipedlar, mototsikllar, mopedlar, kolyaskalar, tirkamalar va yarim tirkamalar), ehtiyot qismlari. 8701 — 8706 (8701 91 500 0, 8701 92 500 0, 8701 93 500 0, 8701 94 500 0, 8701 95 500 0, 8702 10 19, 8702 10 99, 8702 20 19, 8702 20 99, 8702 30 19, 8702 30 99, 8702 90 19, 8702 90 39, 8703 21 90, 8703 22 90, 8703 23 90, 8703 24 90, 8703 31 90, 8703 32 90, 8703 33 90, 8703 40 20, 8703 40 40, 8703 40 60, 8703 40 80, 8703 50 20, 8703 50 40, 8703 50 60, 8703 60 20, 8703 60 40, 8703 60 60, 8703 60 80, 8703 70 20, 8703 70 40, 8703 70 60, 8704 21 380, 8704 21 980, 8704 22 980, 8704 23 980, 8704 31 380, 8704 31 980, 8704 32 980 dan tashqari), 8708 10 (ehtiyot qismlaridan tashqari), 8708 21, 8708 30 (ehtiyot qismlaridan tashqari), 8708 70 (ehtiyot qismlaridan tashqari), 8708 94 350 9, 8709 11 — 8709 19 900 0, 8711 — 8713, 8715 00 100 0, 8716 10 — 8716 80 000 0 (8716 39 800 dan tashqari) 60. Optik, pretsizion, tibbiyot yoki jarrohlik va laboratoriya asbob-uskunalari va apparatlari (sarf va nazorat materiallarining ehtiyot qismlaridan tashqari); oʻlchash va nazorat qilish qurilmalari, balandlikni oʻlchagichlar va sport ruletkalari, avtomatik tartibga solish va nazorat qilish uchun uskunalar, geodeziya yoki topografik (fotogrammetriklar bilan birga), gidrografik, okeonografik, gidrologik, meteorologik yoki geofizik, kompaslardan tashqari qurilmalar va asbob-uskunalar; masofa oʻlchagichlar, 0,05 g yoki undan koʻp sezuvchanlikdagi tarozilar, mikrometrlar, kronsirkullar, shtangensirkullar va kalibrlar, nafas olish apparaturasi va uskunalari, asosiy vazifasi raqamli nusxa koʻchirish boʻlgan, asl nusxasini skanerlab va nusxalarini elektrostatik usulda bosib chiqaruvchi mashinalar 9008 50 000 0 (faqat slaydlar uchun proyektorlar), 9015 10 — 9015 80 990 0, 9016 00 100 0, 9017 30 000 0, 9017 80 100 0, 9018 — 9020 00 000 0 (9018 32 — 9018 49 9000 dan tashqari), 9022 (9022 90 000 0 dan tashqari), 9024 10 — 9024 80 900 0, 9025 11 — 9025 80 800 0, 9026 10 — 9026 80800 0, 9027 (9027 90 500 0, 9027 90 800 0 dan tashqari), 9028 10 000 0 — 9028 30 900 0, 9029 10 000 — 9029 20 900 0, 9030 10 000 0 — 9030 89 900 9, 9031 10 000 0 — 9031 80 980 0, 9032 10 — 9032 89 000 61. Oʻqotar xizmat quroli; Fuqarolar quroli: pistoletlar va toʻpponchalar, mexanik gaz purkagich, aerozol va boshqa moslamalar, koʻzni yoshlantiruvchi yoki achchiqlantiruvchi taʼsirga ega moddalarga shaylangan gaz balonlari, elektroshokli moslamalar va uchqun razryadli signalli qurol; oʻq-dorilar: oʻqotar xizmat quroli uchun oʻqlar; gaz va signal qurollari uchun boʻsh oʻqlar, gaz qurollar uchun gazli oʻqlar; qurol va oʻq-dorilarga tashqi koʻrinishi oʻxshash mulyajlar va maketlar; konstruktiv jihatdan 0,5 J dan katta boʻlgan, 3 J dan katta boʻlmagan stvol energiyali pnevmatik qurolga yaqin boʻlgan; sport anjomlari, konstruksiyasi qurolga yaqin; sanoat va maxsus moslamalar uchun oʻqlar; dam olishga va oʻyin-kulgi uchun arbaletlar va kamonlar; suv osti ovi uchun miltiqlar va toʻpponchalar; peyntbol oʻyini uchun markerlar; qilichlar, shamshirlar (sabli), shpagalar, nayzalar (piki) va shularga oʻxshash qurollar, sanab oʻtilgan qurollarning qismlari, qinlar (nojni) va ularga gʻiloflar 9302 00 000 0, 9303, 9304 00 000 0, 9306, 9307 00 000 0, 62. Oʻyinchoqlar 9503 00 63. Oʻyinlar, shashkalar, shaxmatlar; karusellar, argʻimchoqlar va boshqa attraksionlar 9504 90 800 9, 9508 21 — 9508 29 64. Termoslar va vakuum sigʻimlar 9617 00 000 65. Mashq qilish manekeni, gigiyenik ayollar qistirmalari va tamponlari, bolalar yoʻrgaklari va tagliklari va har qanday materialdan shunga oʻxshash mahsulotlar 9618 00 000 0, 9619 00 Xavf darajasi yuqori boʻlmagan muvofiqlik toʻgʻrisidagi deklaratsiya rasmiylashtirilish lozim boʻlgan mahsulotlar 66. Chaqmoqtosh, marmar, granit, shagʻal, asbest 2506 10 000 0, 2508 10 000 0, 2509 00 000 0, 2515, 2516, 2517 10 100 0, 2517 10 200 0, 2520, 2524, 2526 20 000 0 67. Oʻt oʻchirish kukunlari (natriy bikarbonat asosidagi), oziq-ovqat sodasi 2836 30 000 0 68. Antibiotiklar, kelib chiqishi oʻsimliklarga tegishli boʻlgan sulfonamidlar, provitaminlar, vitaminlar, gormonlar, glikozidlar va alkaloidlar 2935 — 2939, 2941 69. Boʻyoqlar va loklar (faqat oʻtdan saqlaydiganlar) 3209 90 000 0 70. Sovun, yuzaki-faol organik moddalar, yuvish vositalari, moylash materiallari, sunʼiy va tayyor mumlar, tozalash yoki sayqallash uchun tarkiblar, shamlar va shunga oʻxshash mahsulotlar, yasash uchun pastalar, plastilin, “tish davolash mumi” va gips asosidagi tish davolash tarkiblari 3401 — 3407 00 000 0 71. Kazeinlar, kazeinatlar va boshqa kozein yasamalari; albuminlar, albuminatlar va boshqa albumin yasamalari; jelatin va boshqa jelatin yasamalari; peptonlar va ularning yasamalari; oqsilli moddalari va boshqa ularning yasamalari; dekstrinlar va boshqa modifikatsiyalangan kraxmallar; fermentlar; fermentli preparatlar. 3501 10 900 0, 3502 11 900 0, 3502 19 900 0, 3503 00 100, 3504 00, 3505 10 900 0, 3507 72. Portlovchi moddalar; zarbli yoki detonatsiyalovchi pistonlar; piltalar; elektrdetonatorlar; pirotexnik mahsulotlar; 3601 00 000 0, 3602 00 000 0, 3604 73. Oʻt oʻchirgichlar uchun tarkiblar va zaryadlar 3813 00 000 0 74. Plastmassadan mahsulotlar (quvurlar, trubkalar, fitinglar, pol uchun qoplamalar, plitalar, listlar, plyonkalar, sanitar-texnik mahsulotlar, oziq-ovqat mahsulotlariga tegib turuvchi qadoq, oziq-ovqat mahsulotlari uchun yemakxona va oshxona idish tovoqlari) 3917 — 3923 30 909 0, 3923 50 75. Quvurlar, trubkalar, shlanglar, shinalar va pnevmatik pokrishkalar. 4009, 4011 76. Yirik shoxli qoramol (shuningdek, buyvollar) yoki otsimonlar oilasiga kiruvchi hayvonlar terisidan oshlangan charm yoki charm krasti, yung qoplamasisiz, qatlangan yoki qatlanmagan, lekin keyingi ishlov berishlarsiz; qoʻy terilari yoki qoʻzichoq terilaridan olingan oshlangan charm yoki charm krasti, yung qoplamasisiz, qatlangan yoki qatlanmagan, lekin keyingi ishlov berishlarsiz; boshqa hayvonlar terisidan olingan oshlangan charm yoki charm krast, yung yoki tuk qoplamasisiz, qatlangan yoki qatlanmagan, lekin keyingi ishlov berishlarsiz; yirik shoxli qoramol (shuningdek, buyvollar) yoki otsimonlar oilasiga kiruvchi hayvonlar terilaridan yoki terining qobigʻi shaklida qoʻshimcha ravishda ishlov berilgan teridan charm krasti, shu jumladan, pergament ostida ishlov berilgan qoramol terisidan, yung qoplamasisiz, qatlangan yoki qatlanmagan; qoʻy terisidan yoki terining qobigʻi shaklida qoʻshimcha ravishda ishlov berilgan charm krasti, shu jumladan, qoʻy terisidan yoki qoʻzilarning terisidan tayyorlangan charm, yung qoplamasisiz, qatlangan yoki qatlanmagan; teridan yoki terining qobigʻi shaklidagi qayta ishlangan, shu jumladan, pergament ostida ishlov berilgan boshqa hayvonlarning terisidan charm, yung yoki tuk qoplamasisiz, qatlangan yoki qatlanmagan; zamsh (shuningdek, kombinatsiyalangan zamshlar); lokli charm va laminatsiyalangan lokli charm; metallizatsiya qilingan charm; tabiiy charm asosidagi kompozitsion charm yoki plastinalar, listlar yoki tasmalar, yoki lentalar, oʻramlarda yoki oʻramlarda boʻlmagan charm tolalar 4104 11 100 0 — 4114 20 000 0 77. Safar sandiqlari, jamadonlar, pardoz-andoz vositalari yoki shaxsiy gigiyena toʻplamlari uchun jamadoncha, ish qogʻozlari uchun keyslar, portfellar, maktab sumkalari va safar xaltalari, koʻzoynak, durbinlar, fotoapparatlar, musiqa asboblari, miltiqlar, toʻpponcha qini va oʻxshash mahsulotlar uchun gʻiloflar; safar sumkalari, oziq-ovqat mahsulotlari yoki ichimliklar uchun termos-sumkalar, pardoz-andoz vositalari yoki shaxsiy gigiyena toʻplamlari uchun sumkachalar, ryukzaklar, ayollar va erkaklar sumkalari, xoʻjalik sumkalari, hamyon, karmonlar, geografiya xaritasi, portsigarlar, tamaki xaltalar uchun gʻiloflar, ish asbob-uskunalari uchun sumkalar, sport sumkalari, butilkalar uchun qutilar, zargarlik buyumlari uchun quticha, upadonlar, kesuvchi yoki shunga oʻxshash mahsulotlar uchun tabiiy yoki kompozitsion charmlardan qilingan gʻiloflar; qayishdan qilingan egar mahsulotlari va barcha hayvonlar uchun abzallar (shuningdek, postromkalar, tizmalar, tizzabandlar, tumshuqbogʻlar, yopinchiqlar, yigʻilgan xaltalar, it yopinchiqlari va oʻxshash mahsulotlar), ixtiyoriy materiallardan tayyorlanadi; Kiyim predmetlari va kiyimga aloqador tabiiy charm yoki kompozitsion charmlar 4201 00 000 0, 4202, 4203 78. Temir yoʻl yoki tramvay yoʻllari uchun yogʻoch shpallar; burish strelkalari uchun yogʻoch bruslar; pol, devor va shift uchun yogʻoch tolali qoplamalar va shularga oʻxshash qatron (smola) bilan toʻyinmagan yoki toʻyingan plitalar, yelimlangan faner, faner qoplangan va yogʻoch qatlamlaridan qilingan (yoki oʻxshash materiallardan) panellar 4410, 4411 12 900 0 4411 13 900 0 4411 14 900 0 4411 92 900 0 4411 93 900 0 4411 94 900 0 4412 79. Yemakxona va oshxonaga aloqador yogʻoch bochkalar, bochkachalar, chanlar, kadkalar va boshqa bochka mahsulotlari (oziq-ovqat mahsulotlari bilan aloqada boʻladigan) 4416 00 000 0, 4419 80. Tabiiy poʻkaklardan qilingan mahsulotlar 4503 10 81. Qogʻozdan tayyorlangan filtr bloklari, plitalar va plitalar, papiros qogʻozi, gulqogʻozlar, gigiyenik qogʻozlar, Kartonlar, qutilar, qutilar, sumkalar, sumkalar va boshqa qadoqlash idishlari, filtr uchun qogʻoz va karton, qogʻozdan oshxona idishlar. 4812 00 000 0, 4813, 4814, 4818, 4819, 4823 20 000 4823 69 82. Kundaliklar; daftarlar 4820 10 500 0, 4820 20 000 0 83. Paxta tolasi, paxta tolasidan gazlamalar 5201 00, 5203 00 000 0, 5208 — 5212 84. Arqonlar (faqat oʻt oʻchiruvchilarni saqlash uchun foydalaniladigan) 5607 49 190 0 — 5607 90 900 0 85. Yongʻin bosim shlanglari 5909 00 100 0, 5909 00 900 0 86. Erkaklar yoki oʻgʻil bolalar uchun paltolar, kalta paltolar, yopingʻichlar, plashlar, kurtkalar (shuningdek, changilarga oid), vetrovkalar, shtormovkalar va shunga oʻxshash mahsulotlar, mashina yoki qoʻlda toʻqilgan trikotaj mahsulotlar; ayollar yoki qiz bolalar uchun paltolar, ayollarning kalta yopingʻichlari, plashlar, kurtkalar (shuningdek, changilarga oid), vetrovkalar, shtormovkalar va oʻxshash mahsulotlar, mashina yoki qoʻlda toʻqilgan trikotaj mahsulotlar; erkaklar yoki oʻgʻil bolalar uchun kostumlar, komplektlar, pidjaklar, blayzerlar, shimlar, koʻkrakpech va yelka tasma bilan kombinezonlar, bridji va shortilar (choʻmilish kiyimidan tashqari) mashina yoki qoʻlda toʻqilgan trikotaj mahsulotlar; ayollar yoki qiz bolalar uchun kostumlar, komplektlar, jaketlar, blayzerlar, koʻylaklar, yubkalar, yubka-shimlar, shimlar, koʻkrakpech va yelka tasma bilan kombinezonlar, bridji va shortilar (choʻmilish kiyimidan tashqari) mashina yoki qoʻlda toʻqilgan trikotaj mahsulotlar; sviterlar, puloverlar, kardiganlar, jiletlar va oʻxshash mahsulotlar mashina yoki qoʻlda toʻqilgan trikotaj mahsulotlardan; sport, changʻichilar va choʻmilish kastyumlari mashina yoki qoʻlda toʻqilgan trikotaj mahsulotlardan; 5903, 5906 yoki 5907 tovar pozitsiyalaridan mashina yoki qoʻlda toʻqilgan trikotaj matodan kiyim predmetlari; mashina yoki qoʻlda toʻqilgan trikotajdan boshqa kiyim predmetlari; mashina yoki qoʻlda toʻqilgan trikotajdan qoʻlqoplar, mitenkalar; mashina yoki qoʻlda toʻqilgan trikotajdan boshqa tayyor kiyimlarga kerakli narsalar; mashina yoki qoʻlda toʻqilgan trikotajdan kiyim qismlari yoki kiyimlarga kerakli narsalar 6101, 6102, 6103, 6104, 6110, 6112, 6113, 6114, 6116 87. Palto, kalta palto, nakidkalar, plashlar, kurtkalar (shuningdek, changʻichilarga oid), vetrovkalar, shtormovkalar va oʻxshash mahsulotlar erkaklar yoki oʻgʻil bolalar uchun; palto, kalta palto, nakidkalar, plashlar, kurtkalar (shuningdek, changʻichilarga oid), vetrovkalar, shtormovkalar va oʻxshash mahsulotlar ayollar yoki qiz bolalar uchun; erkaklar yoki oʻgʻil bolalar uchun kostumlar, komplektlar, pidjaklar, blayzerlar, shimlar, koʻkrakpech va yelka tasma bilan kombinezonlar, bridji va shortilar (choʻmilish kiyimidan tashqari) erkaklar yoki oʻgʻil bolalar uchun; ayollar yoki qiz bolalar uchun kostumlar, komplektlar, jaketlar, blayzerlar, koʻylaklar, yubkalar, yubka-shimlar, shimlar,koʻkrakpech va yelka tasma bilan kombinezonlar, briji shortilar (choʻmilish kiyimidan tashqari); 5602, 5603, 5903, 5906 yoki 5907 tovar pozitsiyali materiallardan ishlab chiqarilgan kiyimlar predmetlari; sport, changʻichilar va choʻmilish kastyumlari; boshqa kiyimlar predmetlari; roʻmollar; sholroʻmol, sharflar, kashnelar, mantilyalar, yengil shaffof gazlamalar va oʻxshash mahsulotlar; boʻyinbogʻlar, babochka-boʻyinbogʻlar va boʻyin roʻmoli, qoʻlqoplar va mitenkalar; boshqa tayyor kiyimlarga kerakli narsalar; kiyimlar qismlari yoki kiyimlarga kerakli narsalar 6201, 6202, 6203, 6204, 6210, 6211, 6213, 6214, 6215, 6216 88. Sport uchun toʻqimachilik bayroqlari 6307 90 980 0 89. Yongʻin kaskalari va shlemlari; Sport uchun bosh kiyimlar 6506 10 800 0 6506 91 000 0 90. Panellar, plitalar, mineral bogʻlovchi moddalar bilan algomerlangan plitkalar, gipsli plitalar va panellar, tormoz nakladkasi, temir-beton shpallar va temir-beton strelkali bruslar 6808 00 000 0, 6809, 6811, 6813 20 000 0 (faqat tormoz kolodkalari nakladkalari), 6813 81 000 0 91. Sopol mahsulotlar (gʻishtlar, bloklar, plitalar, sopol quvurlar, pollar va pechkalar uchun plitalar, vannalar, rakovinalar, unitazlar, yemakxona va oshxona idishlari) 6901 00 000 0, 6903, 6905, 6906 00 000 0, 6907, 6910, 6911, 6912 00 92. Rafinirlangan mis va ishlov berilmagan mis qotishmalar 7403 93. Misdan mahsulotlar (ovqat tayyorlash uchun maishiy qurilmalar, ovqat tayyorlash va isteʼmol qilish uchun oshxona idishlari) 7418 94. Ishlov berilmagan nikel; plitalar, listlar, tilimlar yoki lentalar va nikel folga 7502, 7506 95. Ishlov berilmagan aluminiy; aluminiy chiviqlar va profillar; qalinligi 0,2 mm dan koʻp boʻlgan plitalar, listlar, tilimlar yoki lentalar 7601 10 000 0 — 7601 20 800 9, 7604 10 100 1 — 7604 29 900 0, 7606 11 100 0 — 7606 92 000 0 96. Ovqat tayyorlash va isteʼmol qilish uchun aluminiydan oshxona mahsulotlari, sanitar-texnik uskuna (oshxona idishlarini tozalash uchun mochalkalar, tozalash yoki sayqallash uchun yostiqchalar, qoʻlqoplar va shunga oʻxshash mahsulotlar) 7615 — 7615 20 000 0 97. Qayta ishlov berilmagan rux 7901 98. Ishlov berilmagan qalay, qalay chiviqlar, profillar va sim 8001, 8003 00 000 0 99. Ishlov berilmagan magniy; kobalt shteyni va kobalt metallurgiyasining boshqa oraliq mahsulotlari; kobalt va undan yasalgan mahsulotlar, chiqindilar va lomni bilan birga; ishlov berilmagan vismut; chiqindilar va lom; kadmiy va undan yasalgan mahsulotlar, chiqindilar va lomni bilan birga; titan va undan yasalgan mahsulotlar, chiqindilar va lom qoʻshilgani 8106 10 000 0, 8105 20 000 1 — 8105 90 000 9, 8107 20 000 0 — 8107 90 000 0, 8104 11 000 0 — 8104 19 000 0, 8108 8112 61 000 0-8112 69 000 9 100. Pichoq mahsulotlari, qoshiqlar va sanchqilar, oshxona toʻplamlari va boshqa oshxona jihozlari 8215 101. Ichki yonish dvigatellari turboreaktiv gidroturbinalar, sanoat yoki laboratoriya pechkalari va kameralari, mahsulotlarni tortish uchun uskunalar; suyuqliklar yoki kukunlarni supurish, sepish yoki sochish uchun mexanik qurilmalar (qoʻlda boshqarish yoki usiz); oʻqlangan yoki oʻqlanmagan oʻt oʻchirgichlar; pulverizatorlar va shunga oʻxshash uskunalar; bugʻoqimli yoki qumoqimli va shunga oʻxshash uskunalar: qishloq xoʻjaligi va avtoyoʻl texnikasi, Tolali sellyuloza materiallaridan boshqa mahsulotlar ishlab chiqarish uskunalari, nusxa olish-koʻpaytirish mashinalari, Kimyoviy toʻqimachilik materiallarini ekstrudirovka qilish, tortib olish, tekstura qilish yoki kesish uchun mashinalar, Toʻqimachilik tolalarini tayyorlash mashinalari, toʻquv mashinalari. 8407 (8407 10 000, 8407 21, 8407 34 100 0, 8407 34 300, 8407 90 500 0 dan tashqari), 8417 10 000 0 — 8417 80 700 0, 8423 — 8424 89 000 9, 8432 10 000 0 — 8432 80 000 0, 8439 10 000 — 8439 30 000 0, 8443 31 — 8443 39 390 0 (8443 32 100 dan tashqari), 8444 00 — 8447 90 000 9 102. Lampa uchun patronlar 8536 61 103. Yer usti transportlari uchun kuzovlar. 8707 (8707 90 100 0, 8707 90 900 9 dan tashqari) 104. Optik tolalar, toʻplamlar va optik-tolali kabellar, Tibbiy ignalar, eshitish uskunalari. 9001 10, 9018 32 — 9018 49 900 0, 9021 40 000 0 105. Namoyish qilish uchun moʻljallangan va boshqa sohada foydalanish uchun yaroqsiz boʻlgan uskunalar, apparatlar va modellar (misol uchun, oʻqitishda yoki koʻrgazmada koʻrsatishda) 9023 00 106. Faqat elektron sekundomerlar, shaxmat soatlari 9102 99 000 0, 9106 90 000 0 107. Mebel (shaxsiy buyurtmalar boʻyicha ishlab chiqariladigan mebellardan tashqari); boshqa joyda nomma-nom sanalmagan yoki kiritilmagan lampalar va yoritish uskunalari 9401 10 000 0 — 9401 80 000, 9403 10 — 9403 89 000 0, 9405 11 — 9405 69 000 9 108. Sport inventari 9506

4. Vazirlar Mahkamasining 2020-yil 14-maydagi 283-son qarori bilan tasdiqlangan Tashqi savdo operatsiyalari amalga oshirilishi monitoringini olib borish va nazorat qilish tartibi toʻgʻrisidagi nizomda :

a) 4-bandning “b” kichik bandi ikkinchi xatboshisi quyidagi tahrirda bayon etilsin:

“Bunda tovarning umumiy qabul qilingan xalqaro standartlari, Oʻzbekiston Respublikasida amal qiluvchi tovar (xizmat) standartlari, shuningdek, xususiyati boʻyicha uning tipi, modeli, markasi, navi, turi va davlat roʻyxatidan oʻtganlik guvohnomasi (muvofiqlik sertifikati mavjud boʻlsa) toʻgʻrisida maʼlumotlar ham koʻrsatilishi lozim”;

b) 2-ilovaning 1-bosqichi “Tadbirlar” ustuni quyidagi tahrirda bayon etilsin:

“ Tashqi savdo operatsiyalarining yagona elektron axborot tizimiga (TSOYAEAT):

1. Tuzilgan tashqi savdo kontraktlari va invoyslar hamda davlat roʻyxatidan oʻtganlik guvohnomalari (muvofiqlik sertifikatlari mavjud boʻlsa);

2. Birja (yarmarka)da tuzilgan kontraktlarni kiritish”.

5. Vazirlar Mahkamasining 2017-yil 25-apreldagi 237-son qarori bilan tasdiqlangan Muomalaga chiqarilayotgan gʻildirakli transport vositalarining xavfsizligi toʻgʻrisidagi umumiy texnik reglamentga 5-ilova rus tilidagi matni:

10-bandidagi “vipusk v obrasheniye takogo vida transportnogo sredstva, osushestvlyayetsya v poryadke, ustanovlennom zakonodatelstvom” soʻzlari “v odobrenii tipa transportnogo sredstva ili sertifikate sootvetstviya delayetsya zapis o neobxodimosti oformleniya spetsialnogo razresheniya dlya peredvijeniya takogo transportnogo sredstva po dorogam obshego polzovaniya” soʻzlari bilan almashtirilsin;

quyidagi tahrirdagi 20-band bilan toʻldirilsin:

“20. Pri previshenii vesovix parametrov transportnogo sredstva znacheniy, ukazannix v punktax 14 — 19 nastoyashego prilojeniya, v odobrenii tipa transportnogo sredstva ili sertifikate sootvetstviya delayetsya zapis o neobxodimosti oformleniya spetsialnogo razresheniya dlya peredvijeniya takogo transportnogo sredstva po dorogam obshego polzovaniya”.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 14-avgust,

502-son

(Qonunchilik maʼlumotlari milliy bazasi, 24.08.2024-y., 09/24/502/0644-son; 08.11.2024-y., 09/24/727/0905-son; 02.09.2025-y., 09/25/554/0797-son; 14.11.2025-y., 09/25/720/1052-son; 29.12.2025-y., 09/25/831/1227-son; 13.07.2026-y., 09/26/375/0726-son; 09.09.2026-y., 09/26/472/0908-son)

lex.uz