UzbekAI

Ўзбекистон Республикаси Президентининг

қарори

ТАРКИБИ

Креатив иқтисодиёт бўйича IV Бутунжаҳон анжуманининг Тошкент шаҳрида ўтказилишига тайёргарлик кўришга оид чора-тадбирлар тўғрисида

[Кўчирма]

Креатив иқтисодиётнинг дунё миқёсида иқтисодий ўсиш, аҳолини иш билан таъминлаш, маданий-ижтимоий ва инновациялар тараққиётидаги роли тобора ортиб бораётганини эътиборга олиб, мамлакатимизда бу соҳани миллий қадриятимизни инобатга олган ҳолда жадал ривожлантиришга алоҳида эътибор қаратилмоқда.

Жаҳоннинг илғор тажрибалари, замонавий ижодий ва инновацион ютуқларини ҳаётга самарали татбиқ этишни ҳамда креатив иқтисодиёт бўйича халқаро миқёсда ўзаро фикр-мулоҳаза алмашиш ва ҳамкорликни қўллаб-қувватлаш, шунингдек, Тошкент шаҳрининг глобал мулоқотлар ва маданий марказ сифатидаги нуфузини янада ошириш мақсадида:

1. 2024 йил 2 — 4 октябрь кунлари Тошкент шаҳрида Креатив иқтисодиёт бўйича IV Бутунжаҳон анжумани (кейинги ўринларда — Бутунжаҳон анжумани) юқори савияда ўтказилсин.

2. Тошкент шаҳрида Креатив иқтисодиёт бўйича IV Бутунжаҳон анжуманига тайёргарлик кўриш ва уни ўтказиш бўйича ташкилий қўмита (кейинги ўринларда — Ташкилий қўмита) 1-иловага мувофиқ таркибда тузилсин.

Ташкилий қўмита (А.Н. Арипов) Бутунжаҳон анжуманини юқори даражада ўтказишга ҳар жиҳатдан пухта тайёргарлик кўрсин, вазирлик ва идоралар томонидан бу борадаги чора-тадбирларни ўз вақтида ва сифатли бажарилиши ҳамда уларнинг фаолияти мувофиқлаштирилишини таъминласин.

3. Бутунжаҳон анжумани доирасида Маданият ва санъатни ривожлантириш жамғармаси (кейинги ўринларда — Жамғарма):

а) Тошкент шаҳрида:

Замонавий санъат маркази ҳузуридаги Арт-резиденцияларнинг тантанали фойдаланишга топширилишини ташкил қилсин;

Француз маданият маркази, Миллий реставрация маркази лойиҳалари, шунингдек, Абулқосим мадрасаси ва «Оҳунгузар» маданий мерос объектида креатив иқтисодиёт кластерларини яратиш лойиҳалари тақдимотларини ўтказсин;

б) Бутунжаҳон анжуманига таклиф этилган иштирокчилар, халқаро экспертлар, соҳа вакиллари ва кенг жамоатчиликни жалб этган ҳолда:

Стратегик ислоҳотлар агентлиги билан биргаликда «Креатив иқтисодиёт тўғрисида»ги қонун лойиҳасини такомиллаштиришни ташкил этсин;

Ўзбекистон Республикасида 2030 йилгача креатив иқтисодиётни ривожлантириш концепцияси ҳамда уни 2025-2026 йилларда амалга ошириш бўйича давлат дастури лойиҳаси Бутунжаҳон анжумани якуни бўйича ишлаб чиқилишини таъминласин.

4. Бутунжаҳон анжумани дастурига мувофиқ:

а) Жамғарма:

креатив соҳа бўйича Вазирлар йиғилишини (Ministerial meeting);

дунё ва мамлакатимиз креатив соҳа вакилларининг салоҳиятини намойиш этишга қаратилган махсус кўргазмани;

креатив иқтисодиёт, унинг аҳамияти ва Бутунжаҳон анжумани ҳақида аҳолини хабардор қилишга қаратилган семинар ва давра суҳбатлари, маслаҳат учрашувлари, амалий машғулотлар, тақдимотлар, тантанали тақдирлаш маросимлари каби тадбирларни ўтказсин;

б) Маданият вазирлиги юксак байрамона руҳда маданий-маърифий, концерт-томоша, шоу дастурлар, фильмлар намойишларини ташкил этсин;

в) Савдо-саноат палатаси, «Ҳунарманд» уюшмаси ҳунармандчилик, амалий ва тасвирий санъат маҳсулотлари, эсдалик совғалари кўргазма-савдоларини ўтказсин;

г) Туризм қўмитаси меҳмонхоналарда зарур жойларни банд қилсин, ихтисослаштирилган саёҳатлар дастурларини амалга оширсин;

д) Қорақалпоғистон Республикаси Вазирлар Кенгаши, Тошкент шаҳар, Бухоро ва Самарқанд вилоятлари ҳокимликлари:

Бутунжаҳон анжумани ва унинг доирасидаги тадбирлар ўтказиладиган жойларда ободонлаштириш ва кўкаламзорлаштириш ишларини амалга оширсин, саҳна майдонлари ва жойларни юқори даражада тайёрласин;

реклама билбордлари ва экранларида Бутунжаҳон анжумани тўғрисидаги маълумотларнинг ижтимоий ахборот сифатида бепул жойлаштирилишини ташкил этсин.

5. Креатив иқтисодиёт бўйича IV Бутунжаҳон анжуманининг Тошкент шаҳрида ўтказилишига тайёргарлик кўриш юзасидан чора-тадбирлар режаси 2-иловага * мувофиқ тасдиқлансин.

6. Ташқи ишлар вазирлиги Жамғарманинг виза талабномаларига биноан, Бутунжаҳон анжуманида иштирок этадиган хорижий иштирокчиларга Ўзбекистон Республикасига кириш визалари консуллик йиғимлари ва ҳақиқий харажатларнинг ўрнини қоплаш ҳисобидан йиғимларни ундирмасдан (бепул), зарур ҳолларда Ислом Каримов номидаги «Тошкент» халқаро аэропортида расмийлаштирилишини таъминласин.

7. Бутунжаҳон анжумани ва унинг доирасидаги тадбирлар ўтказиладиган жойларда:

Миллий гвардия, Ички ишлар вазирлиги, Фавқулодда вазиятлар вазирлиги — жамоат тартиби ва хавфсизликни таъминлаш;

Соғлиқни сақлаш вазирлиги — тиббий ёрдам кўрсатиш ҳамда санитария қоидалари, нормалари ва гигиена нормативларига риоя этилиши бўйича чораларни кўрсин.

8. Ахборот ва оммавий коммуникациялар агентлиги Жамғарма билан биргаликда бир ҳафта муддатда оммавий ахборот воситалари учун барча зарур шарт-шароитларга эга бўлган Бутунжаҳон анжуманининг матбуот маркази фаолиятини самарали йўлга қўйсин, шунингдек, тадбирни юксак савияда халқаро миқёсда кенг ёритиш учун хорижий оммавий ахборот воситаларини жалб қилсин.

9. Белгилансинки:

Маданият ва санъатни ривожлантириш жамғармаси Ташкилий қўмитанинг Ишчи органи ҳисобланади;

«ИнтерФорум» давлат унитар корхонаси Бутунжаҳон анжуманини ташкил этишга тайёргарлик кўриш ва уни ўтказиш бўйича Бош оператор ҳисобланади;

вазирликлар ва идораларнинг биринчи раҳбарлари ушбу қарорда назарда тутилган топшириқлар, шунингдек, Ташкилий қўмита ҳамда Ишчи органнинг бошқа тезкор кўрсатмалари ўз вақтида ва сифатли бажарилиши учун шахсан жавобгар ҳисобланади.

10. Божхона қўмитаси Жамғарма буюртмаларига мувофиқ Бутунжаҳон анжуманини ўтказишни ташкил этиш учун олиб кириладиган ва олиб чиқиладиган вақтинчалик ва доимий юклар, асбоб-ускуналар, шунингдек, тарғибот-ташвиқот маҳсулотларининг божхона ҳужжатлари соддалаштирилган тарзда божхона божини ундирмаган ҳолда расмийлаштирилишини таъминласин.

11. Вазирлар Маҳкамаси бир ҳафта муддатда Бутунжаҳон анжуманини ташкил этиш ва ўтказиш бўйича ишларни жадаллаштириш, унинг молиялаштириш манбаларини белгилаш ҳамда харажатлар сметасини тасдиқлаш бўйича қарор қабул қилсин.

12. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон миллий медиа ассоциацияси, «Дунё» ахборот агентлиги ва бошқа оммавий ахборот воситаларига Бутунжаҳон анжуманининг мамлакатимизда ўтказилишининг аҳамияти, ушбу халқаро тадбирга тайёргарлик кўриш ва уни ўтказиш, унинг доирасидаги тадбирларни ҳамда мазкур қарор юзасидан амалга оширилаётган ишларни кенг ёритиб бориш тавсия этилсин.

13. Мазкур қарор ижросини самарали ташкил қилишга масъул ва шахсий жавобгар этиб Маданият ва санъатни ривожлантириш жамғармаси раиси Г.О. Умерова ҳамда Тошкент шаҳар ҳокими Ш.Б. Умурзақов белгилансин.

Қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрациясининг Ижтимоий ривожланиш департаменти раҳбари О.Қ. Абдурахмонов зиммасига юклансин.

Ўзбекистон Республикаси Президентининг 2024 йил 23 августдаги ПҚ-301-сон қарорига 1-ИЛОВА

Креатив иқтисодиёт бўйича IV Бутунжаҳон анжуманига тайёргарлик кўриш ва уни ўтказиш бўйича ташкилий қўмита

1. А.Н. Арипов — Ўзбекистон Республикаси Бош вазири, Ташкилий қўмита раиси 2. С.Ш. Мирзиёева — Ўзбекистон Республикаси Президенти ёрдамчиси, Ташкилий қўмита раиси ўринбосари 3. Г.О. Умерова — Ўзбекистон Республикаси Президенти Администрациясининг Ижтимоий ривожланиш департаменти раҳбари ўринбосари, Маданият ва санъатни ривожлантириш жамғармаси раиси 4. Ш.Б. Умурзаков — Тошкент шаҳар ҳокими 5. Б.О. Саидов — ташқи ишлар вазири 6. П.Р. Бобожонов — ички ишлар вазири 7. Л.Ш. Қудратов — инвестициялар, саноат ва савдо вазири 8. К.А. Шарипов — олий таълим, фан ва инновациялар вазири 9. Ш.Х. Шерматов — рақамли технологиялар вазири 10. И.Р. Махкамов — транспорт вазири 11. А.Б. Таджиханов — маданият вазирининг биринчи ўринбосари 12. А.А. Ходжаев — Ахборот ва оммавий коммуникациялар агентлиги директори 13. Б.А. Зуфаров — «ИнтерФорум» ДУК директори 14. А.А. Маннопов — Маданият ва сан ъ атни ривожлантириш жамғармаси раиси ўринбосари, Ташкилий қўмита котиби

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 23 август,

ПҚ-301-сон

(Қонунчилик маълумотлари миллий базаси, 27.08.2024 й., 07/24/301/0650-сон)

lex.uz

Oʻzbekiston Respublikasi Prezidentining

qarori

TARKIBI

Kreativ iqtisodiyot boʻyicha IV Butunjahon anjumanining Toshkent shahrida oʻtkazilishiga tayyorgarlik koʻrishga oid chora-tadbirlar toʻgʻrisida

[Koʻchirma]

Kreativ iqtisodiyotning dunyo miqyosida iqtisodiy oʻsish, aholini ish bilan taʼminlash, madaniy-ijtimoiy va innovatsiyalar taraqqiyotidagi roli tobora ortib borayotganini eʼtiborga olib, mamlakatimizda bu sohani milliy qadriyatimizni inobatga olgan holda jadal rivojlantirishga alohida eʼtibor qaratilmoqda.

Jahonning ilgʻor tajribalari, zamonaviy ijodiy va innovatsion yutuqlarini hayotga samarali tatbiq etishni hamda kreativ iqtisodiyot boʻyicha xalqaro miqyosda oʻzaro fikr-mulohaza almashish va hamkorlikni qoʻllab-quvvatlash, shuningdek, Toshkent shahrining global muloqotlar va madaniy markaz sifatidagi nufuzini yanada oshirish maqsadida:

1. 2024-yil 2 — 4-oktabr kunlari Toshkent shahrida Kreativ iqtisodiyot boʻyicha IV Butunjahon anjumani (keyingi oʻrinlarda — Butunjahon anjumani) yuqori saviyada oʻtkazilsin.

2. Toshkent shahrida Kreativ iqtisodiyot boʻyicha IV Butunjahon anjumaniga tayyorgarlik koʻrish va uni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) 1-ilovaga muvofiq tarkibda tuzilsin.

Tashkiliy qoʻmita (A.N. Aripov) Butunjahon anjumanini yuqori darajada oʻtkazishga har jihatdan puxta tayyorgarlik koʻrsin, vazirlik va idoralar tomonidan bu boradagi chora-tadbirlarni oʻz vaqtida va sifatli bajarilishi hamda ularning faoliyati muvofiqlashtirilishini taʼminlasin.

3. Butunjahon anjumani doirasida Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma):

a) Toshkent shahrida:

Zamonaviy sanʼat markazi huzuridagi Art-rezidensiyalarning tantanali foydalanishga topshirilishini tashkil qilsin;

Fransuz madaniyat markazi, Milliy restavratsiya markazi loyihalari, shuningdek, Abulqosim madrasasi va “Ohunguzar” madaniy meros obyektida kreativ iqtisodiyot klasterlarini yaratish loyihalari taqdimotlarini oʻtkazsin;

b) Butunjahon anjumaniga taklif etilgan ishtirokchilar, xalqaro ekspertlar, soha vakillari va keng jamoatchilikni jalb etgan holda:

Strategik islohotlar agentligi bilan birgalikda “Kreativ iqtisodiyot toʻgʻrisida”gi qonun loyihasini takomillashtirishni tashkil etsin;

Oʻzbekiston Respublikasida 2030-yilgacha kreativ iqtisodiyotni rivojlantirish konsepsiyasi hamda uni 2025-2026-yillarda amalga oshirish boʻyicha davlat dasturi loyihasi Butunjahon anjumani yakuni boʻyicha ishlab chiqilishini taʼminlasin.

4. Butunjahon anjumani dasturiga muvofiq:

a) Jamgʻarma:

kreativ soha boʻyicha Vazirlar yigʻilishini (Ministerial meeting);

dunyo va mamlakatimiz kreativ soha vakillarining salohiyatini namoyish etishga qaratilgan maxsus koʻrgazmani;

kreativ iqtisodiyot, uning ahamiyati va Butunjahon anjumani haqida aholini xabardor qilishga qaratilgan seminar va davra suhbatlari, maslahat uchrashuvlari, amaliy mashgʻulotlar, taqdimotlar, tantanali taqdirlash marosimlari kabi tadbirlarni oʻtkazsin;

b) Madaniyat vazirligi yuksak bayramona ruhda madaniy-maʼrifiy, konsert-tomosha, shou dasturlar, filmlar namoyishlarini tashkil etsin;

v) Savdo-sanoat palatasi, “Hunarmand” uyushmasi hunarmandchilik, amaliy va tasviriy sanʼat mahsulotlari, esdalik sovgʻalari koʻrgazma-savdolarini oʻtkazsin;

g) Turizm qoʻmitasi mehmonxonalarda zarur joylarni band qilsin, ixtisoslashtirilgan sayohatlar dasturlarini amalga oshirsin;

d) Qoraqalpogʻiston Respublikasi Vazirlar Kengashi, Toshkent shahar, Buxoro va Samarqand viloyatlari hokimliklari:

Butunjahon anjumani va uning doirasidagi tadbirlar oʻtkaziladigan joylarda obodonlashtirish va koʻkalamzorlashtirish ishlarini amalga oshirsin, sahna maydonlari va joylarni yuqori darajada tayyorlasin;

reklama bilbordlari va ekranlarida Butunjahon anjumani toʻgʻrisidagi maʼlumotlarning ijtimoiy axborot sifatida bepul joylashtirilishini tashkil etsin.

5. Kreativ iqtisodiyot boʻyicha IV Butunjahon anjumanining Toshkent shahrida oʻtkazilishiga tayyorgarlik koʻrish yuzasidan chora-tadbirlar rejasi 2-ilovaga * muvofiq tasdiqlansin.

6. Tashqi ishlar vazirligi Jamgʻarmaning viza talabnomalariga binoan, Butunjahon anjumanida ishtirok etadigan xorijiy ishtirokchilarga Oʻzbekiston Respublikasiga kirish vizalari konsullik yigʻimlari va haqiqiy xarajatlarning oʻrnini qoplash hisobidan yigʻimlarni undirmasdan (bepul), zarur hollarda Islom Karimov nomidagi “Toshkent” xalqaro aeroportida rasmiylashtirilishini taʼminlasin.

7. Butunjahon anjumani va uning doirasidagi tadbirlar oʻtkaziladigan joylarda:

Milliy gvardiya, Ichki ishlar vazirligi, Favqulodda vaziyatlar vazirligi — jamoat tartibi va xavfsizlikni taʼminlash;

Sogʻliqni saqlash vazirligi — tibbiy yordam koʻrsatish hamda sanitariya qoidalari, normalari va gigiyena normativlariga rioya etilishi boʻyicha choralarni koʻrsin.

8. Axborot va ommaviy kommunikatsiyalar agentligi Jamgʻarma bilan birgalikda bir hafta muddatda ommaviy axborot vositalari uchun barcha zarur shart-sharoitlarga ega boʻlgan Butunjahon anjumanining matbuot markazi faoliyatini samarali yoʻlga qoʻysin, shuningdek, tadbirni yuksak saviyada xalqaro miqyosda keng yoritish uchun xorijiy ommaviy axborot vositalarini jalb qilsin.

9. Belgilansinki:

Madaniyat va sanʼatni rivojlantirish jamgʻarmasi Tashkiliy qoʻmitaning Ishchi organi hisoblanadi;

“InterForum” davlat unitar korxonasi Butunjahon anjumanini tashkil etishga tayyorgarlik koʻrish va uni oʻtkazish boʻyicha Bosh operator hisoblanadi;

vazirliklar va idoralarning birinchi rahbarlari ushbu qarorda nazarda tutilgan topshiriqlar, shuningdek, Tashkiliy qoʻmita hamda Ishchi organning boshqa tezkor koʻrsatmalari oʻz vaqtida va sifatli bajarilishi uchun shaxsan javobgar hisoblanadi.

10. Bojxona qoʻmitasi Jamgʻarma buyurtmalariga muvofiq Butunjahon anjumanini oʻtkazishni tashkil etish uchun olib kiriladigan va olib chiqiladigan vaqtinchalik va doimiy yuklar, asbob-uskunalar, shuningdek, targʻibot-tashviqot mahsulotlarining bojxona hujjatlari soddalashtirilgan tarzda bojxona bojini undirmagan holda rasmiylashtirilishini taʼminlasin.

11. Vazirlar Mahkamasi bir hafta muddatda Butunjahon anjumanini tashkil etish va oʻtkazish boʻyicha ishlarni jadallashtirish, uning moliyalashtirish manbalarini belgilash hamda xarajatlar smetasini tasdiqlash boʻyicha qaror qabul qilsin.

12. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston milliy media assotsiatsiyasi, “Dunyo” axborot agentligi va boshqa ommaviy axborot vositalariga Butunjahon anjumanining mamlakatimizda oʻtkazilishining ahamiyati, ushbu xalqaro tadbirga tayyorgarlik koʻrish va uni oʻtkazish, uning doirasidagi tadbirlarni hamda mazkur qaror yuzasidan amalga oshirilayotgan ishlarni keng yoritib borish tavsiya etilsin.

13. Mazkur qaror ijrosini samarali tashkil qilishga masʼul va shaxsiy javobgar etib Madaniyat va sanʼatni rivojlantirish jamgʻarmasi raisi G.O. Umerova hamda Toshkent shahar hokimi Sh.B. Umurzaqov belgilansin.

Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasining Ijtimoiy rivojlanish departamenti rahbari O.Q. Abduraxmonov zimmasiga yuklansin.

Oʻzbekiston Respublikasi Prezidentining 2024-yil 23-avgustdagi PQ-301-son qaroriga 1-ILOVA

Kreativ iqtisodiyot boʻyicha IV Butunjahon anjumaniga tayyorgarlik koʻrish va uni oʻtkazish boʻyicha tashkiliy qoʻmita

1. A.N. Aripov — Oʻzbekiston Respublikasi Bosh vaziri, Tashkiliy qoʻmita raisi 2. S.Sh. Mirziyoyeva — Oʻzbekiston Respublikasi Prezidenti yordamchisi, Tashkiliy qoʻmita raisi oʻrinbosari 3. G.O. Umerova — Oʻzbekiston Respublikasi Prezidenti Administratsiyasining Ijtimoiy rivojlanish departamenti rahbari oʻrinbosari, Madaniyat va sanʼatni rivojlantirish jamgʻarmasi raisi 4. Sh.B. Umurzakov — Toshkent shahar hokimi 5. B.O. Saidov — tashqi ishlar vaziri 6. P.R. Bobojonov — ichki ishlar vaziri 7. L.Sh. Qudratov — investitsiyalar, sanoat va savdo vaziri 8. K.A. Sharipov — oliy taʼlim, fan va innovatsiyalar vaziri 9. Sh.X. Shermatov — raqamli texnologiyalar vaziri 10. I.R. Maxkamov — transport vaziri 11. A.B. Tadjixanov — madaniyat vazirining birinchi oʻrinbosari 12. A.A. Xodjayev — Axborot va ommaviy kommunikatsiyalar agentligi direktori 13. B.A. Zufarov — “InterForum” DUK direktori 14. A.A. Mannopov — Madaniyat va san ʼ atni rivojlantirish jamgʻarmasi raisi oʻrinbosari, Tashkiliy qoʻmita kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 23-avgust,

PQ-301-son

(Qonunchilik maʼlumotlari milliy bazasi, 27.08.2024-y., 07/24/301/0650-son)

lex.uz

Президента Республики Узбекистан

Постановление

СОСТАВ

О мерах по подготовке к проведению IV Всемирной конференции по креативной экономике в городе Ташкенте

[Извлечение]

Принимая во внимание возрастающую роль креативной экономики в экономическом росте в мировом масштабе, обеспечении занятости населения, социально-культурном и инновационном развитии, в нашей стране уделяется особое внимание ускоренному развитию данной сферы с учетом национальных ценностей.

В целях поддержки эффективного внедрения в жизнь передового мирового опыта, современных творческих и инновационных достижений, взаимного обмена мнениями и сотрудничества в сфере креативной экономики на международном уровне, а также дальнейшего повышения авторитета города Ташкента в качестве глобального центра диалога и культуры:

1. Провести IV Всемирную конференцию по креативной экономике (далее — Всемирная конференция) 2 — 4 октября 2024 года в городе Ташкенте на высоком уровне.

2. Создать Организационный комитет по подготовке и проведению IV Всемирной конференции по креативной экономике в городе Ташкенте (далее — Организационный комитет) в составе согласно приложению № 1 .

Организационному комитету (А.Н. Арипов) обеспечить всестороннюю тщательную подготовку к проведению Всемирной конференции на высоком уровне, своевременную и качественную реализацию мер со стороны министерств и ведомств, а также координацию их деятельности в данном направлении.

3. Фонду развития культуры и искусства (далее — Фонд) в рамках проведения Всемирной конференции обеспечить:

а) в городе Ташкенте:

торжественную сдачу в эксплуатацию арт-резиденций при Центре современного искусства;

организацию презентаций проектов Французского культурного центра, Национального центра реставрации, а также проектов по созданию кластеров креативной экономики в медресе «Абулкосим» и на объекте культурного наследия «Охунгузар»;

б) с привлечением приглашенных на Всемирную конференцию участников, международных экспертов, представителей сферы и широкой общественности:

организацию работы по совершенствованию проекта закона «О креативной экономике» совместно с Агентством стратегических реформ;

разработку проектов Концепции развития креативной экономики в Республике Узбекистан до 2030 года и Государственной программы по ее реализации в 2025-2026 годах по итогам Всемирной конференции.

4. В соответствии с программой Всемирной конференции:

а) Фонду провести:

Встречу министров в сфере креативной экономики (Ministerial meeting);

специальную выставку, демонстрирующую потенциал представителей сферы креативной экономики мира и нашей страны;

семинары и «круглые столы», консультативные встречи, практические занятия, презентации, торжественные церемонии награждения и другие мероприятия, направленные на информирование населения о креативной экономике, ее значении и Всемирной конференции;

б) Министерству культуры организовать в высоком праздничном духе культурно-просветительские, концертно-зрелищные и шоу-программы, а также показ фильмов;

в) Торгово-промышленной палате и Ассоциации «Хунарманд» провести выставки-продажи продукции ремесленничества, прикладного и изобразительного искусства, памятных подарков;

г) Комитету по туризму обеспечить бронирование необходимого количества номеров в гостиницах, осуществление программ специализированных туров;

д) Совету Министров Республики Каракалпакстан, хокимиятам города Ташкента, Бухарской и Самаркандской областей:

осуществить работы по благоустройству и озеленению мест проведения Всемирной конференции и мероприятий в ее рамках, подготовить сценические площадки и места на высоком уровне;

организовать размещение на рекламных билбордах и экранах сведений о Всемирной конференции в качестве социальной информации на бесплатной основе.

5. Утвердить План мер по подготовке к проведению IV Всемирной конференции по креативной экономике в городе Ташкенте согласно приложению № 2 * .

6. Министерству иностранных дел в соответствии с визовыми заявками Фонда обеспечить оформление въездных виз в Республику Узбекистан зарубежным участникам Всемирной конференции без взимания консульских сборов и сборов в счет возмещения фактических расходов (на бесплатной основе), при необходимости — в Международном аэропорту «Ташкент» имени Ислама Каримова.

7. В местах проведения Всемирной конференции и мероприятий в ее рамках:

Национальной гвардии, Министерству внутренних дел, Министерству по чрезвычайным ситуациям — принять меры по обеспечению общественного порядка и безопасности;

Министерству здравоохранения — принять меры по оказанию медицинской помощи, соблюдению санитарных правил и норм, гигиенических нормативов.

8. Агентству информации и массовых коммуникаций совместно с Фондом в недельный срок эффективно организовать деятельность Пресс-центра Всемирной конференции, имеющего все условия, необходимые для средств массовой информации, а также обеспечить привлечение зарубежных средств массовой информации к широкому освещению данного мероприятия на высоком уровне в международном масштабе.

9. Установить, что:

Фонд развития культуры и искусства является Рабочим органом Организационного комитета;

Государственное унитарное предприятие «ИнтерФорум» является Главным оператором по подготовке организации и проведения Всемирной конференции;

первые руководители министерств и ведомств несут персональную ответственность за своевременное и качественное выполнение поручений, предусмотренных настоящим постановлением, а также других оперативных указаний Организационного комитета и Рабочего органа.

10. Таможенному комитету в соответствии с заявками Фонда обеспечить оформление в упрощенном порядке таможенной документации грузов, оборудования и рекламно-разъяснительной продукции, ввозимых и вывозимых на временной и постоянной основе в целях организации проведения Всемирной конференции, без взимания таможенной пошлины.

11. Кабинету Министров в недельный срок принять постановление, предусматривающее ускорение работ по организации и проведению Всемирной конференции, определение источников ее финансирования и утверждение сметы расходов.

12. Рекомендовать Национальному информационному агентству Узбекистана, Национальной телерадиокомпании Узбекистана, Национальной медиа-ассоциации Узбекистана, Информационному агентству «Дунё» и другим средствам массовой информации широко освещать значимость проведения Всемирной конференции в нашей стране, подготовку и проведение данного международного мероприятия, мероприятий в его рамках и работу, проводимую во исполнение настоящего постановления.

13. Возложить на председателя Фонда развития культуры и искусства Г.О. Умерову и хокима города Ташкента Ш.Б. Умурзакова персональную ответственность за эффективную организацию исполнения настоящего постановления.

Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахмонова.

ПРИЛОЖЕНИЕ № 1 к постановлению Президента Республики Узбекистан от 23 августа 2024 года № ПП-301

Организационного комитета по подготовке и проведению IV Всемирной конференции по креативной экономике

1. А.Н. Арипов — Премьер-министр Республики Узбекистан, председатель Организационного комитета 2. С.Ш. Мирзиёева — помощник Президента Республики Узбекистан, заместитель председателя Организационного комитета 3. Г.О. Умерова — заместитель руководителя Департамента социального развития Администрации Президента Республики Узбекистан, председатель Фонда развития культуры и искусства 4. Ш.Б. Умурзаков — хоким города Ташкента 5. Б.О. Саидов — министр иностранных дел 6. П.Р. Бобожонов — министр внутренних дел 7. Л.Ш. Кудратов — министр инвестиций, промышленности и торговли 8. К.А. Шарипов — министр высшего образования, науки и инноваций 9. Ш.Х. Шерматов — министр цифровых технологий 10. И.Р. Махкамов — министр транспорта 11. А.Б. Таджиханов — первый заместитель министра культуры 12. А.А. Ходжаев — директор Агентства информации и массовых коммуникаций 13. Б.А. Зуфаров — директор ГУП «ИнтерФорум» 14. А.А. Маннопов — заместитель председателя Фонда развития культуры и искусства, секретарь Организационного комитета

Президент Республики Узбекистан Ш. МИРЗИЁЕВ

г. Ташкент,

23 августа 2024 г.,

№ ПП-301

(Национальная база данных законодательства, 27.08.2024 г., № 07/24/301/0650)

lex.uz