📅 2024-yil 26-avgust · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 26 август · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 26 августа 2024 г. · Законы и кодексы
Официальный текст. Официальный документ. Редакционные примечания не включены.
📅 26 August 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
Баҳолаш фаолияти янада такомиллаштирилиши муносабати билан Ўзбекистон Республикасининг айрим қонун ҳужжатларига қўшимчалар ва ўзгартириш киритиш тўғрисида
Қонунчилик палатаси томонидан 2024 йил 27 февралда қабул қилинган Сенат томонидан 2024 йил 18 майда маъқулланган
Кейинги йилларда мамлакатимизда суд-экспертлик ва баҳолаш фаолиятини янада ривожлантиришга, қонун устуворлигини таъминлашга ҳамда инсоннинг ҳуқуқ ва эркинликларини ҳимоя қилишга, шунингдек мамлакатимизнинг халқаро рейтинглар ва индекслардаги кўрсаткичларини яхшилашга қаратилган кенг кўламли ислоҳотлар амалга оширилмоқда.
Шу билан бирга бугунги кунда амалдаги қонунчилик ҳужжатларида баҳолаш фаолиятини тартибга солувчи айрим бўшлиқларнинг мавжудлиги уларнинг қайта кўриб чиқилишини талаб этмоқда.
Хусусан, суд экспертлари ва баҳоловчи ташкилотлар учун баҳолашнинг умумий қоидалари ҳамда тартиб-таомиллари белгиланмаган бўлиб, бу тегишли норматив-ҳуқуқий ҳужжатларга ўзгартириш ва қўшимчалар киритиш заруратини юзага келтирмоқда.
Ушбу Қонун билан «Баҳолаш фаолияти тўғрисида»ги Ўзбекистон Республикаси Қонунига баҳоловчи назорат қилувчи ёки ҳуқуқни муҳофаза қилувчи органлар томонидан ўтказиладиган текширишларда ва бошқа тадбирларда фақат баҳоловчи ташкилот ҳамда ушбу органлар ўртасида тузилган шартнома асосида эксперт сифатида ҳам иштирок этиши мумкинлигини назарда тутувчи ўзгартириш киритилмоқда.
Бундан ташқари «Суд экспертизаси тўғрисида»ги Ўзбекистон Республикаси Қонунига қўшимча киритилиб, унга мувофиқ камида уч йил иш стажига эга бўлган суд экспертлари баҳолаш тўғрисидаги ҳисоботларда қўлланилган усулларнинг илмий жиҳатдан асосланганлиги нуқтаи назаридан суд экспертизасини ўтказиши мумкин. Шунингдек суд экспертининг текширишларни ўтказишда унинг хулосасига нисбатан белгиланган талабларга, шунингдек тегишли соҳадаги қонунчилик ҳужжатларига риоя этиш бўйича мажбурияти назарда тутилмоқда.
Ушбу Қонун баҳолаш тўғрисидаги ҳисоботларнинг ишончлилигини текшириш чоғида муаммоларни бартараф этишга, фуқароларнинг ортиқча харажатларини камайтиришга, шунингдек республикамизда мол-мулкнинг ҳақиқий қийматини аниқлашга доир ягона ёндашувни жорий этишга хизмат қилади.
1-модда . Ўзбекистон Республикасининг 1999 йил 19 августда қабул қилинган «Баҳолаш фаолияти тўғрисида»ги 811-I-сонли Қонуни (Ўзбекистон Республикаси Олий Мажлисининг Ахборотномаси, 1999 йил, № 9, 208-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 4, 154-модда; 2009 йил, № 4, 135-модда; 2014 йил, № 5, 130-модда; 2015 йил, № 8, 312-модда; 2017 йил, № 6, 300-модда; 2021 йил, 4-сонга илова, № 10, 968-модда; 2022 йил, № 6, 577-модда) 4 2 -моддасининг тўртинчи қисми «мутахассис» деган сўздан кейин «ёки эксперт» деган сўзлар билан тўлдирилсин.
2-модда. Ўзбекистон Республикасининг 2010 йил 1 июнда қабул қилинган «Суд экспертизаси тўғрисида»ги ЎРҚ-249-сонли Қонунига (Ўзбекистон Республикаси Олий Мажлиси палаталарининг Ахборотномаси, 2010 йил, № 6, 230-модда; 2016 йил, № 9, 276-модда; 2017 йил, № 9, 510-модда; 2019 йил, № 5, 261, 267-моддалар; 2021 йил, 4-сонга илова) қуйидаги қўшимчалар ва ўзгартириш киритилсин:
1) 11-модда қуйидаги мазмундаги учинчи қисм билан тўлдирилсин:
«Баҳолаш тўғрисидаги ҳисоботларда қўлланилган усулларнинг илмий жиҳатдан асосланганлиги нуқтаи назаридан суд экспертизаси камида уч йил иш стажига эга бўлган суд экспертлари томонидан ўтказилишига йўл қўйилади»;
2) 16-модданинг биринчи қисми :
қуйидаги мазмундаги саккизинчи хатбоши билан тўлдирилсин:
«текширишларни ўтказишда суд экспертининг хулосасига нисбатан белгиланган талабларга, шунингдек тегишли соҳадаги қонунчилик ҳужжатларига риоя этиши»;
саккизинчи хатбошиси тўққизинчи хатбоши деб ҳисоблансин.
3-модда. Ўзбекистон Республикаси Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 26 август,
ЎРҚ-945-сон
Oʻzbekiston Respublikasining Qonuni
Baholash faoliyati yanada takomillashtirilishi munosabati bilan Oʻzbekiston Respublikasining ayrim qonun hujjatlariga qoʻshimchalar va oʻzgartirish kiritish toʻgʻrisida
Qonunchilik palatasi tomonidan 2024-yil 27-fevralda qabul qilingan Senat tomonidan 2024-yil 18-mayda maʼqullangan
Keyingi yillarda mamlakatimizda sud-ekspertlik va baholash faoliyatini yanada rivojlantirishga, qonun ustuvorligini taʼminlashga hamda insonning huquq va erkinliklarini himoya qilishga, shuningdek mamlakatimizning xalqaro reytinglar va indekslardagi koʻrsatkichlarini yaxshilashga qaratilgan keng koʻlamli islohotlar amalga oshirilmoqda.
Shu bilan birga bugungi kunda amaldagi qonunchilik hujjatlarida baholash faoliyatini tartibga soluvchi ayrim boʻshliqlarning mavjudligi ularning qayta koʻrib chiqilishini talab etmoqda.
Xususan, sud ekspertlari va baholovchi tashkilotlar uchun baholashning umumiy qoidalari hamda tartib-taomillari belgilanmagan boʻlib, bu tegishli normativ-huquqiy hujjatlarga oʻzgartirish va qoʻshimchalar kiritish zaruratini yuzaga keltirmoqda.
Ushbu Qonun bilan “Baholash faoliyati toʻgʻrisida”gi Oʻzbekiston Respublikasi Qonuniga baholovchi nazorat qiluvchi yoki huquqni muhofaza qiluvchi organlar tomonidan oʻtkaziladigan tekshirishlarda va boshqa tadbirlarda faqat baholovchi tashkilot hamda ushbu organlar oʻrtasida tuzilgan shartnoma asosida ekspert sifatida ham ishtirok etishi mumkinligini nazarda tutuvchi oʻzgartirish kiritilmoqda.
Bundan tashqari “Sud ekspertizasi toʻgʻrisida”gi Oʻzbekiston Respublikasi Qonuniga qoʻshimcha kiritilib, unga muvofiq kamida uch yil ish stajiga ega boʻlgan sud ekspertlari baholash toʻgʻrisidagi hisobotlarda qoʻllanilgan usullarning ilmiy jihatdan asoslanganligi nuqtai nazaridan sud ekspertizasini oʻtkazishi mumkin. Shuningdek sud ekspertining tekshirishlarni oʻtkazishda uning xulosasiga nisbatan belgilangan talablarga, shuningdek tegishli sohadagi qonunchilik hujjatlariga rioya etish boʻyicha majburiyati nazarda tutilmoqda.
Ushbu Qonun baholash toʻgʻrisidagi hisobotlarning ishonchliligini tekshirish chogʻida muammolarni bartaraf etishga, fuqarolarning ortiqcha xarajatlarini kamaytirishga, shuningdek respublikamizda mol-mulkning haqiqiy qiymatini aniqlashga doir yagona yondashuvni joriy etishga xizmat qiladi.
1-modda . Oʻzbekiston Respublikasining 1999-yil 19-avgustda qabul qilingan “Baholash faoliyati toʻgʻrisida”gi 811-I-sonli Qonuni (Oʻzbekiston Respublikasi Oliy Majlisining Axborotnomasi, 1999-yil, № 9, 208-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda; 2009-yil, № 4, 135-modda; 2014-yil, № 5, 130-modda; 2015-yil, № 8, 312-modda; 2017-yil, № 6, 300-modda; 2021-yil, 4-songa ilova, № 10, 968-modda; 2022-yil, № 6, 577-modda) 4 2 -moddasining toʻrtinchi qismi “mutaxassis” degan soʻzdan keyin “yoki ekspert” degan soʻzlar bilan toʻldirilsin.
2-modda. Oʻzbekiston Respublikasining 2010-yil 1-iyunda qabul qilingan “Sud ekspertizasi toʻgʻrisida”gi OʻRQ-249-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2010-yil, № 6, 230-modda; 2016-yil, № 9, 276-modda; 2017-yil, № 9, 510-modda; 2019-yil, № 5, 261, 267-moddalar; 2021-yil, 4-songa ilova) quyidagi qoʻshimchalar va oʻzgartirish kiritilsin:
1) 11-modda quyidagi mazmundagi uchinchi qism bilan toʻldirilsin:
“Baholash toʻgʻrisidagi hisobotlarda qoʻllanilgan usullarning ilmiy jihatdan asoslanganligi nuqtai nazaridan sud ekspertizasi kamida uch yil ish stajiga ega boʻlgan sud ekspertlari tomonidan oʻtkazilishiga yoʻl qoʻyiladi”;
2) 16-moddaning birinchi qismi :
quyidagi mazmundagi sakkizinchi xatboshi bilan toʻldirilsin:
“tekshirishlarni oʻtkazishda sud ekspertining xulosasiga nisbatan belgilangan talablarga, shuningdek tegishli sohadagi qonunchilik hujjatlariga rioya etishi”;
sakkizinchi xatboshisi toʻqqizinchi xatboshi deb hisoblansin.
3-modda. Oʻzbekiston Respublikasi Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 26-avgust,
OʻRQ-945-son
Закон Республики Узбекистан
О внесении дополнений и изменения в некоторые законодательные акты Республики Узбекистан в связи с дальнейшим совершенствованием оценочной деятельности
Принят Законодательной палатой 27 февраля 2024 года Одобрен Сенатом 18 мая 2024 года
В последние годы в нашей стране осуществляются широкомасштабные реформы, направленные на дальнейшее развитие судебно-экспертизы и оценочной деятельности, обеспечение верховенства закона и защиты прав и свобод человека, а также улучшение показателей нашей страны в международных рейтингах и индексах.
Вместе с тем на сегодняшний день наличие некоторых пробелов в действующих актах законодательства, регулирующих оценочную деятельность, требует их пересмотра.
В частности, не установлены общие правила и процедуры оценки для судебных экспертов и оценочных организаций, что создает необходимость внесения изменений и дополнений в соответствующие нормативно-правовые акты.
Настоящим Законом в Закон Республики Узбекистан «Об оценочной деятельности» вносится изменение, предусматривающее возможность оценщика принимать участие также в качестве эксперта в проводимых контролирующими или правоохранительными органами проверках и других мероприятиях только на основании договора, заключенного между оценочной организацией и этими органами.
Кроме того в Закон Республики Узбекистан «О судебной экспертизе» вносится дополнение, в соответствии с которым судебные эксперты, имеющие стаж работы не менее трех лет, могут проводить судебную экспертизу на предмет научной обоснованности методов, примененных в отчетах об оценке. Также, предусматривается обязанность судебного эксперта по соблюдению установленных требований к его заключению при проведении проверок, а также актов законодательства в соответствующей области.
Настоящий Закон послужит устранению проблем при проверке достоверности отчетов об оценке, сокращению излишних расходов граждан, а также внедрению единого подхода к определению реальной стоимости имущества в республике.
Статья 1. Часть четвертую статьи 4 2 Закона Республики Узбекистан от 19 августа 1999 года № 811-I «Об оценочной деятельности» (Ведомости Олий Мажлиса Республики Узбекистан, 1999 г., № 9, ст. 208; Ведомости палат Олий Мажлиса Республики Узбекистан, 2006 г., № 4, ст. 154; 2009 г., № 4, ст. 135; 2014 г., № 5, ст. 130; 2015 г., № 8, ст. 312; 2017 г., № 6, ст. 300; 2021 г., приложение к № 4, № 10, ст. 968; 2022 г., № 6, ст. 577) после слова «специалиста» дополнить словами «или эксперта».
Статья 2. Внести в Закон Республики Узбекистан от 1 июня 2010 года № ЗРУ-249 «О судебной экспертизе» (Ведомости палат Олий Мажлиса Республики Узбекистан, 2010 г., № 6, ст. 230; 2016 г., № 9, ст. 276; 2017 г., № 9, ст. 510; 2019 г., № 5, ст.ст. 261, 267; 2021 г., приложение к № 4) следующие дополнения и изменение:
1) статью 11 дополнить частью третьей следующего содержания:
«Судебную экспертизу на предмет научной обоснованности методов, примененных в отчетах об оценке, допускается проводить судебными экспертами, имеющими стаж работы не менее трех лет»;
2) в части первой статьи 16:
дополнить абзацем восьмым следующего содержания:
«соблюдать установленные требования к заключению судебного эксперта при проведении проверок, а также акты законодательства в соответствующей области»;
абзац восьмой считать абзацем девятым.
Статья 3. Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 5. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
26 августа 2024 г.,
№ ЗРУ-945