📅 2024-yil 27-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 27 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 августа 2024 г. · Постановления Президента
Официальный текст. Официальный документ. Редакционные примечания не включены.
📅 27 August 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
Ўзбекистон Республикаси миллий инвестиция жамғармасини ташкил этиш тўғрисида
Мамлакатимиз инвестицион жозибадорлигини ошириш, тўғридан-тўғри хорижий инвестицияларни жалб қилиш ҳажмини кўпайтириш, замонавий корпоратив бошқарув механизмларини жорий этган ҳолда давлат улуши устун бўлган йирик компаниялар ва тижорат банкларининг трансформация жараёнларини жадаллаштириш мақсадида:
1. Иқтисодиёт ва молия вазирлиги ҳамда Давлат активларини бошқариш агентлигининг Ўзбекистон Республикаси миллий инвестиция жамғармасини (кейинги ўринларда — Жамғарма) ташкил этиш тўғрисидаги таклифига розилик берилсин.
2. Белгилансинки:
Жамғарма акциядорлик жамияти шаклида ташкил этилади ва акциялари оммавий жойлаштирилгунга қадар унинг ягона акциядори Иқтисодиёт ва молия вазирлиги ҳисобланади;
Жамғарманинг устав капитали корхоналар ва тижорат банкларидаги давлат акция пакетларининг бир қисми (кейинги ўринларда — инвестиция активлари)ни баҳоланган бозор қиймати бўйича ўтказиш йўли билан шакллантирилади;
Жамғарма акциядорларининг умумий йиғилиши қарори асосида Жамғармага инвестиция активларининг ишончли бошқарувчиси (кейинги ўринларда — Ишончли бошқарувчи)ни жалб қилишга рухсат берилади.
3. «Ўзбекистон Республикаси миллий инвестиция жамғармаси» АЖ устав капиталини шакллантириш учун давлат улуши ўтказиладиган корхона ва тижорат банкларининг рўйхати иловага мувофиқ тасдиқлансин.
4. Қуйидагилар Жамғарманинг асосий вазифалари этиб белгилансин:
Жамғарма соф активларининг бозор қийматини ошириш;
Жамғарма акцияларини етакчи хорижий фонд биржасида жойлаштириш;
Жамғарма активларига инвестицияларни жалб қилиш ҳамда уларни хусусийлаштириш жараёнларида иштирок этиш учун етакчи халқаро институционал инвесторларни жалб қилиш;
Жамғарма инвестиция активларида Иқтисодий ҳамкорлик ва тараққиёт ташкилоти корпоратив бошқарув стандартларини жорий этиш, халқаро молиявий ҳисобот стандартларига ўтиш, экологик, ижтимоий ва корпоратив бошқарув (ESG) стандартларини жорий этишда иштирок этиш.
5. Иқтисодиёт ва молия вазирлиги Давлат активларини бошқариш агентлиги билан биргаликда Жамғармани ишончли бошқарувга бериш бўйича тажрибали бошқарув компаниясини жалб қилиш чораларини кўрсин ҳамда мазкур бошқарув компаниясининг асосий мажбуриятлари сифатида, шу жумладан, қуйидагиларни назарда тутсин:
2026 йил якунига қадар Жамғарма акцияларини Тошкент ва халқаро, шу жумладан Лондон фонд биржаларида жойлаштириш;
инвестиция активларида трансформация жараёнларини фаоллаштириш, жумладан, ҳар бир компаниянинг самарадорлиги ва шаффофлигини оширишга қаратилган технологик тизимларни жорий этиш, бизнес, операцион ва тижорат фаолиятини яхшилаш;
Жамғармада замонавий таваккалчиликларни бошқариш тизимини жорий қилиш.
6. Белгилансинки, Жамғарманинг 2030 йилгача инвестиция активлари соф фойдасининг камида 50 фоизи тегишли йил якунларига кўра дивидендлар тўлашга йўналтирилади.
7. Эксперимент тариқасида шундай тартиб ўрнатилсинки, унга кўра:
а) Жамғарма устав капиталининг 100 фоизигача акциялари қийматини қимматли қоғозлар билан тўлашга рухсат этилади;
б) Ишончли бошқарувчига нисбатан қуйидагилар қўлланмайди:
ўзи бошқарадиган инвестиция активларининг ўртача йиллик қийматининг камида 5 фоизи миқдорида устав капиталига эга бўлиши бўйича талаб;
Жамғарма фаолиятига нисбатан соф активлар қийматидан келиб чиққан ҳолда қимматли қоғозларга инвестициялар ҳажмига чекловлар.
Иқтисодиёт ва молия вазирлиги манфаатдор вазирлик ва идоралар билан биргаликда 2025 йил 1 сентябрга қадар эксперимент ўтказиш натижалари бўйича таҳлилий маълумот ва тегишли таклифларни Вазирлар Маҳкамасига киритсин.
8. Мазкур қарорнинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2024 йил 27 августдаги ПҚ-303-сон қарорига ИЛОВА
«Ўзбекистон Республикаси миллий инвестиция жамғармаси» АЖ устав капиталини шакллантириш учун давлат улуши ўтказиладиган корхона ва тижорат банкларининг
Т/р Номланиши Ўтказиладиган улуш, (фоизда) 1. «Ҳудудий электр тармоқлари» АЖ 40 2. «Иссиқлик электр станциялари» АЖ 25 3. «Ўзбекгидроэнерго» АЖ 40 4. «Ўзбектелеком» АЖ 30 5. «Uzbekistan airways» АЖ 25 6. «Темирйўлинфратузилма» АЖ 40 7. «Ҳудудгазтаъминот» АЖ 40 8. «Тошшаҳартрансхизмат» АЖ 25 9. «Ўзбекистон МЭТ» АЖ 40 10. «Ўзбекистон республика товар-хом ашё биржаси» АЖ 40 11. «Ўзбекинвест» АЖ 40 12. «Ўзсувтаъминот» АЖ 40 13. «Ўзсаноатқурилишбанк» АТБ 40
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 27 август,
ПҚ-303-сон
Oʻzbekiston Respublikasi Prezidentining
qarori
ROʻYXATI
Oʻzbekiston Respublikasi milliy investitsiya jamgʻarmasini tashkil etish toʻgʻrisida
Mamlakatimiz investitsion jozibadorligini oshirish, toʻgʻridan-toʻgʻri xorijiy investitsiyalarni jalb qilish hajmini koʻpaytirish, zamonaviy korporativ boshqaruv mexanizmlarini joriy etgan holda davlat ulushi ustun boʻlgan yirik kompaniyalar va tijorat banklarining transformatsiya jarayonlarini jadallashtirish maqsadida:
1. Iqtisodiyot va moliya vazirligi hamda Davlat aktivlarini boshqarish agentligining Oʻzbekiston Respublikasi milliy investitsiya jamgʻarmasini (keyingi oʻrinlarda — Jamgʻarma) tashkil etish toʻgʻrisidagi taklifiga rozilik berilsin.
2. Belgilansinki:
Jamgʻarma aksiyadorlik jamiyati shaklida tashkil etiladi va aksiyalari ommaviy joylashtirilgunga qadar uning yagona aksiyadori Iqtisodiyot va moliya vazirligi hisoblanadi;
Jamgʻarmaning ustav kapitali korxonalar va tijorat banklaridagi davlat aksiya paketlarining bir qismi (keyingi oʻrinlarda — investitsiya aktivlari)ni baholangan bozor qiymati boʻyicha oʻtkazish yoʻli bilan shakllantiriladi;
Jamgʻarma aksiyadorlarining umumiy yigʻilishi qarori asosida Jamgʻarmaga investitsiya aktivlarining ishonchli boshqaruvchisi (keyingi oʻrinlarda — Ishonchli boshqaruvchi)ni jalb qilishga ruxsat beriladi.
3. “Oʻzbekiston Respublikasi milliy investitsiya jamgʻarmasi” AJ ustav kapitalini shakllantirish uchun davlat ulushi oʻtkaziladigan korxona va tijorat banklarining roʻyxati ilovaga muvofiq tasdiqlansin.
4. Quyidagilar Jamgʻarmaning asosiy vazifalari etib belgilansin:
Jamgʻarma sof aktivlarining bozor qiymatini oshirish;
Jamgʻarma aksiyalarini yetakchi xorijiy fond birjasida joylashtirish;
Jamgʻarma aktivlariga investitsiyalarni jalb qilish hamda ularni xususiylashtirish jarayonlarida ishtirok etish uchun yetakchi xalqaro institutsional investorlarni jalb qilish;
Jamgʻarma investitsiya aktivlarida Iqtisodiy hamkorlik va taraqqiyot tashkiloti korporativ boshqaruv standartlarini joriy etish, xalqaro moliyaviy hisobot standartlariga oʻtish, ekologik, ijtimoiy va korporativ boshqaruv (ESG) standartlarini joriy etishda ishtirok etish.
5. Iqtisodiyot va moliya vazirligi Davlat aktivlarini boshqarish agentligi bilan birgalikda Jamgʻarmani ishonchli boshqaruvga berish boʻyicha tajribali boshqaruv kompaniyasini jalb qilish choralarini koʻrsin hamda mazkur boshqaruv kompaniyasining asosiy majburiyatlari sifatida, shu jumladan, quyidagilarni nazarda tutsin:
2026-yil yakuniga qadar Jamgʻarma aksiyalarini Toshkent va xalqaro, shu jumladan London fond birjalarida joylashtirish;
investitsiya aktivlarida transformatsiya jarayonlarini faollashtirish, jumladan, har bir kompaniyaning samaradorligi va shaffofligini oshirishga qaratilgan texnologik tizimlarni joriy etish, biznes, operatsion va tijorat faoliyatini yaxshilash;
Jamgʻarmada zamonaviy tavakkalchiliklarni boshqarish tizimini joriy qilish.
6. Belgilansinki, Jamgʻarmaning 2030-yilgacha investitsiya aktivlari sof foydasining kamida 50 foizi tegishli yil yakunlariga koʻra dividendlar toʻlashga yoʻnaltiriladi.
7. Eksperiment tariqasida shunday tartib oʻrnatilsinki, unga koʻra:
a) Jamgʻarma ustav kapitalining 100 foizigacha aksiyalari qiymatini qimmatli qogʻozlar bilan toʻlashga ruxsat etiladi;
b) Ishonchli boshqaruvchiga nisbatan quyidagilar qoʻllanmaydi:
oʻzi boshqaradigan investitsiya aktivlarining oʻrtacha yillik qiymatining kamida 5 foizi miqdorida ustav kapitaliga ega boʻlishi boʻyicha talab;
Jamgʻarma faoliyatiga nisbatan sof aktivlar qiymatidan kelib chiqqan holda qimmatli qogʻozlarga investitsiyalar hajmiga cheklovlar.
Iqtisodiyot va moliya vazirligi manfaatdor vazirlik va idoralar bilan birgalikda 2025-yil 1-sentabrga qadar eksperiment oʻtkazish natijalari boʻyicha tahliliy maʼlumot va tegishli takliflarni Vazirlar Mahkamasiga kiritsin.
8. Mazkur qarorning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2024-yil 27-avgustdagi PQ-303-son qaroriga ILOVA
“Oʻzbekiston Respublikasi milliy investitsiya jamgʻarmasi” AJ ustav kapitalini shakllantirish uchun davlat ulushi oʻtkaziladigan korxona va tijorat banklarining
T/r Nomlanishi Oʻtkaziladigan ulush, (foizda) 1. “Hududiy elektr tarmoqlari” AJ 40 2. “Issiqlik elektr stansiyalari” AJ 25 3. “Oʻzbekgidroenergo” AJ 40 4. “Oʻzbektelekom” AJ 30 5. “Uzbekistan airways” AJ 25 6. “Temiryoʻlinfratuzilma” AJ 40 7. “Hududgaztaʼminot” AJ 40 8. “Toshshahartransxizmat” AJ 25 9. “Oʻzbekiston MET” AJ 40 10. “Oʻzbekiston respublika tovar-xom ashyo birjasi” AJ 40 11. “Oʻzbekinvest” AJ 40 12. “Oʻzsuvtaʼminot” AJ 40 13. “Oʻzsanoatqurilishbank” ATB 40
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 27-avgust,
PQ-303-son
Президента Республики Узбекистан
Постановление
ПЕРЕЧЕНЬ
Об образовании Национального инвестиционного фонда Республики Узбекистан
В целях повышения инвестиционной привлекательности страны, увеличения объема прямых иностранных инвестиций, а также ускорения процессов трансформации крупных компаний и коммерческих банков с преобладающей государственной долей, внедрения современных механизмов корпоративного управления:
1. Согласиться с предложением Министерства экономики и финансов и Агентства по управлению государственными активами об образовании Национального инвестиционного фонда Республики Узбекистан (далее — Фонд).
2. Установить, что:
Фонд образуется в форме акционерного общества, единственным акционером которого до публичного размещения его акций является Министерство экономики и финансов;
уставный капитал Фонда формируется путем передачи ему части государственного пакета акций (далее — инвестиционные активы) предприятий и коммерческих банков по оценочной рыночной стоимости;
на основании решения общего собрания акционеров Фонда разрешается привлекать в Фонд доверительного управляющего инвестиционными активами (далее — Доверительный управляющий).
3. Утвердить Перечень предприятий и коммерческих банков, государственная доля в которых передается для формирования уставного капитала АО «Национальный инвестиционный фонд Республики Узбекистан», согласно приложению .
4. Определить основными задачами Фонда:
повышение рыночной стоимости чистых активов Фонда;
размещение акций Фонда на ведущих зарубежных фондовых биржах;
привлечение ведущих международных институциональных инвесторов для участия в процессах привлечения инвестиций в активы Фонда и их приватизации;
внедрение стандартов корпоративного управления Организации экономического сотрудничества и развития, переход на международные стандарты финансовой отчетности, участие во внедрении стандартов экологического, социального и корпоративного управления (ESG) в инвестиционных активах Фонда.
5. Министерству экономики и финансов совместно с Агентством по управлению государственными активами принять меры по привлечению опытной управляющей компании для передачи Фонда в доверительное управление и определить основные обязательства данной управляющей компании, в том числе предусматривающие:
размещение до конца 2026 года акций Фонда на Ташкентской и международных фондовых биржах, включая Лондонскую;
активизацию процессов трансформации в инвестиционных активах, в том числе внедрение технологических систем повышения эффективности и прозрачности, улучшение бизнес, операционной и коммерческой деятельности в каждой компании;
внедрение в Фонде современной системы управления рисками.
6. Определить, что в период до 2030 года не менее 50 процентов чистой прибыли инвестиционных активов Фонда направляется на выплату дивидендов по итогам соответствующего года.
7. Внедрить в порядке эксперимента порядок, согласно которому:
а) разрешается оплачивать стоимость акций Фонда ценными бумагами в размере до 100 процентов его уставного капитала;
б) на Доверительного управляющего не распространяются:
требование по наличию уставного капитала в размере не менее 5 процентов среднегодовой стоимости инвестиционных активов, находящихся в его управлении;
ограничения по объему инвестиций в ценные бумаги, исходя из стоимости чистых активов, в рамках деятельности Фонда.
Министерству экономики и финансов совместно с заинтересованными министерствами и ведомствами в срок до 1 сентября 2025 года внести в Кабинет Министров аналитическую информацию по результатам проведенного эксперимента и соответствующие предложения.
8. Контроль за исполнением настоящего постановления возложить на заместителя Премьер-министра Д.А. Кучкарова.
ПРИЛОЖЕНИЕ к постановлению Президента Республики Узбекистан от 27 августа 2024 года № ПП-303
предприятий и коммерческих банков, государственная доля в которых передается для формирования уставного капитала АО «Национальный инвестиционный фонд Республики Узбекистан»
№ Наименование Передаваемая доля (в процентах) 1. АО «Региональные электрические сети» 40 2. АО «Тепловые электрические станции» 25 3. АО «Узбекгидроэнерго» 40 4. АО «Узбектелеком» 30 5. АО «Uzbekistan airways» 25 6. АО «Темирйулинфратузилма» 40 7. АО «Худудгазтаъминот» 40 8. АО «Тошшахартрансхизмат» 25 9. АО «Узбекистон МЭТ» 40 10. АО «Узбекская республиканская товарно-сырьевая биржа» 40 11. АО «Узбекинвест» 40 12. АО «Узсувтаъминот» 40 13. АКБ «Узпромстройбанк» 40
Президент Республики Узбекистан Ш. МИРЗИЁЕВ
г. Ташкент,
27 августа 2024 г.,
№ ПП-303