UzbekAI

Ўзбекистон Республикаси Президенти ҳузуридаги Ижтимоий ҳимоя миллий агентлиги директорининг

буйруғи

«Ўзбекистон Республикаси Тиббий-ижтимоий хизматларни ривожлантириш агентлиги тизимидаги тиббий-ижтимоий муассасаларда пуллик хизмат кўрсатиш тартиби тўғрисидаги низомни тасдиқлаш ҳақида»ги буйруққа ўзгартириш ва қўшимчалар киритиш тўғрисида

Ўзбекистон Республикаси Президентининг 2022 йил 21 декабрдаги ПФ-269-сон « Янги Ўзбекистон маъмурий ислоҳотларини амалга ошириш чора-тадбирлари тўғрисида »ги ва 2023 йил 1 июндаги ПФ-82-сон « Аҳолига сифатли ижтимоий хизмат ва ёрдам кўрсатиш ҳамда унинг самарали назорат тизимини йўлга қўйиш бўйича комплекс чора-тадбирлар тўғрисида »ги фармонлари ҳамда 2023 йил 27 декабрдаги ПҚ-410-сон «Ўзгалар парваришига муҳтож кексалар ва ногиронлиги бўлган шахсларга ижтимоий хизмат ва ёрдам кўрсатиш тизимини такомиллаштириш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси Тиббий-ижтимоий хизматларни ривожлантириш агентлиги директорининг 2022 йил 31 мартдаги 52-ИЧ-сон «Ўзбекистон Республикаси Тиббий-ижтимоий хизматларни ривожлантириш агентлиги тизимидаги тиббий-ижтимоий муассасаларда пуллик хизмат кўрсатиш тартиби тўғрисидаги низомни тасдиқлаш ҳақида»ги буйруғига (рўйхат рақами 3360, 2022 йил 1 апрел) (Қонунчилик маълумотлари миллий базаси, 01.04.2022 й., 10/22/3360/0260-сон) иловага мувофиқ ўзгартириш ва қўшимчалар киритилсин.

2. Мазкур буйруқ Ўзбекистон Республикаси Иқтисодиёт ва молия вазирлиги ҳамда Соғлиқни сақлаш вазирлиги билан келишилган.

3. Мазкур буйруқ расмий эълон қилинган кундан эътиборан кучга киради.

Келишилди:

Ўзбекистон Республикаси Президенти ҳузуридаги Ижтимоий ҳимоя миллий агентлиги директорининг 2024 йил 22 июлдаги 2024/3-сон буйруғига ИЛОВА

«Ўзбекистон Республикаси Тиббий-ижтимоий хизматларни ривожлантириш агентлиги тизимидаги тиббий-ижтимоий муассасаларда пуллик хизмат кўрсатиш тартиби тўғрисидаги низомни тасдиқлаш ҳақида»ги буйруққа киритилаётган ўзгартириш ва қўшимчалар

1. Буйруқнинг номи ва 1-банддаги «Тиббий-ижтимоий хизматларни ривожлантириш агентлиги» деган сўзлар «Президенти ҳузуридаги Ижтимоий ҳимоя миллий агентлиги» деган сўзлар билан алмаштирилсин.

2. Низомда :

1) номидаги «Тиббий-ижтимоий хизматларни ривожлантириш агентлиги» деган сўзлар «Президенти ҳузуридаги Ижтимоий ҳимоя миллий агентлиги» деган сўзлар билан алмаштирилсин;

2) муқаддима қуйидаги таҳрирда баён этилсин:

«Ушбу Низом Ўзбекистон Республикаси Президенти ҳузуридаги Ижтимоий ҳимоя миллий агентлиги (бундан буён матнда Агентлик деб юритилади) тизимидаги Ижтимоий қўллаб-қувватлаш марказлари, «Мурувват» ногиронлиги бўлган шахслар учун интернат уйларида, Ногиронлиги бўлган шахсларни реабилитация қилиш ва протезлаш миллий маркази, унинг ҳудудий марказларида, Кексалар, ногиронлиги бўлган шахслар, уруш ва меҳнат фахрийлари учун санаторийларда (бундан буён матнда тиббий-ижтимоий муассаса деб юритилади) пуллик хизмат кўрсатиш тартибини белгилайди.»;

3) 1-банднинг иккинчи хатбошисидан «мазкур Низомнинг 1-иловасига мувофиқ» деган сўзлар чиқариб ташлансин;

4) 4-банддаги «Ўзбекистон Республикаси Тиббий-ижтимоий хизматларни ривожлантириш агентлигининг тиббий-ижтимоий муассасалари тўғрисидаги низомларни тасдиқлаш ҳақида» деган сўзлар «Ўзбекистон Республикаси Ижтимоий ҳимоя соҳасидаги айрим тиббий-ижтимоий муассасалар фаолиятини тартибга солувчи низомларни тасдиқлаш ҳақида» деган сўзлар билан алмаштирилсин;

5) 6-банд қуйидаги таҳрирда баён этилсин:

«6. Тиббий-ижтимоий муассасаларда пуллик хизматларнинг прейскурант нархлари Агентлик томонидан тасдиқланади ҳамда уларга Агентлик томонидан ўзгартириш ва қўшимчалар киритилиши мумкин.»;

6) 7-банддаги «тиббий-ижтимоий муассаса раҳбари» деган сўзлар «Агентлик» деган сўзлар билан алмаштирилсин;

7) 11-бандда :

иккинчи хатбоши «стационар шароитда» деган сўзлардан кейин «ёхуд мобил шаклда» деган сўзлар билан тўлдирилсин;

учинчи хатбоши «стационар шароитда» деган сўзлардан кейин «ёхуд мобил шаклда» деган сўзлар билан тўлдирилсин;

8) 13-банддаги «Саховат» ва «Мурувват» интернат уйларида» деган сўзлар «Ижтимоий қўллаб-қувватлаш марказлари ва «Мурувват» ногиронлиги бўлган шахслар учун интернат уйларида» деган сўзлар билан алмаштирилсин;

9) 15-банддаги «олиниши мумкин» деган сўзлар «олинади» деган сўзлар билан алмаштирилсин;

10) 1-иловада :

илова белгиси ва номидаги «Тиббий-ижтимоий хизматларни ривожлантириш» деган сўзлар «Президенти ҳузуридаги Ижтимоий ҳимоя миллий» деган сўзлар билан алмаштирилсин;

1-боб қуйидаги таҳрирда баён этилсин:

«1-боб. Ижтимоий қўллаб-қувватлаш марказлари ва «Мурувват» ногиронлиги бўлган шахслар учун интернат уйлари, Кексалар, ногиронлиги бўлган шахслар, уруш ва меҳнат фахрийлари учун санаторийларда кўрсатиладиган пуллик тиббий-ижтимоий хизматлар

1. Мутахассис кўриги;

2. Ётоқ ўрин билан таъминлаш;

3. Озиқ-овқат, шу жумладан рационал ва парҳез таомлар билан таъминлаш;

4. Клиник таҳлиллар;

5. Биохимик таҳлиллар;

6. Функционал ташхислаш;

7. Физиотерапевтик муолажалар;

8. Уқалаш;

9. Даволаш бадантарбияси;

10. Дори юбориш (мушак орасига, қон томир ичига, бўғим ичига);

11. Дори воситалари;

12. Тиббий буюмлар;

13. Хоналарни тозалаш (йиғиштириш);

14. Кийим-кечакларини ювиш;

15. Гигиена тадбирларини амалга оширишда кўмаклашиш;

16. Сайрга, маданий ва маърифий ҳамда спорт тадбирларига боришда ҳамроҳлик қилиш ёки олиб бориш;

17. Қариндош ва дўстлар билан ёзишмаларда ҳамда алоқа ўрнатишда кўмаклашиш;

18. Биринчи тиббий ёрдам;

19. Ётоқ яраларни, ташқи жароҳатларни қайта ишлаш ва боғлаш;

20. Тозалаш клизмасини бажариш;

21. Паллиатив ёрдам кўрсатиш;

22. Уй шароитида тиббий парвариш қилиш асосларини ўргатиш;

23. Ногиронлиги бўлган шахсларни реабилитация қилиш якка тартибдаги дастурида белгиланган соғломлаштириш тадбирларини амалга ошириш;

24. Концертлар, томошалар, тарихий қадамжоларга ҳамда зиёратгоҳларга экскурсиялар уюштириш;

25. Давра суҳбатлари, учрашувлар, тренинглар ўтказиш;

26. Байрамлар ва алоҳида муҳим саналарда ҳар хил маданий тадбирлар ташкил қилиш;

27. Шифокор кўрсатмасига мувофиқ тегишли спорт анжомларидан, воркаут спорт майдончаларида мавжуд инвентарлардан фойдаланишга кўмаклашиш;

28. Даволовчи бадантарбия машқларини бажаришда кўмаклашиш;

29. Қизиқишни инобатга олган ҳолда турли хил тўгараклар ташкил этиш.»;

11) 2-илованинг илова белгисидаги «Тиббий-ижтимоий хизматларни ривожлантириш» деган сўзлар «Президенти ҳузуридаги Ижтимоий ҳимоя миллий» деган сўзлар билан алмаштирилсин.

Ўзбекистон Республикаси Президенти ҳузуридаги ижтимоий ҳимоя миллий агентлиги директори М. ОЛЛОЁРОВ

Иқтисодиёт ва молия вазири Д. КУЧКАРОВ

Соғлиқни сақлаш вазири А. ХУДАЯРОВ

Тошкент ш.,

2024 йил 22 июль,

2024 йил 19 июль

2024 йил 16 июль

2024/3-сон

(Қонунчилик маълумотлари миллий базаси, 28.08.2024 й., 10/24/3360-1/0661-сон)

lex.uz

Oʻzbekiston Respublikasi Prezidenti huzuridagi Ijtimoiy himoya milliy agentligi direktorining

buyrugʻi

“Oʻzbekiston Respublikasi Tibbiy-ijtimoiy xizmatlarni rivojlantirish agentligi tizimidagi tibbiy-ijtimoiy muassasalarda pullik xizmat koʻrsatish tartibi toʻgʻrisidagi nizomni tasdiqlash haqida”gi buyruqqa oʻzgartirish va qoʻshimchalar kiritish toʻgʻrisida

Oʻzbekiston Respublikasi Prezidentining 2022-yil 21-dekabrdagi PF-269-son “ Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida ”gi va 2023-yil 1-iyundagi PF-82-son “ Aholiga sifatli ijtimoiy xizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida ”gi farmonlari hamda 2023-yil 27-dekabrdagi PQ-410-son “Oʻzgalar parvarishiga muhtoj keksalar va nogironligi boʻlgan shaxslarga ijtimoiy xizmat va yordam koʻrsatish tizimini takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi Tibbiy-ijtimoiy xizmatlarni rivojlantirish agentligi direktorining 2022-yil 31-martdagi 52-ICH-son “Oʻzbekiston Respublikasi Tibbiy-ijtimoiy xizmatlarni rivojlantirish agentligi tizimidagi tibbiy-ijtimoiy muassasalarda pullik xizmat koʻrsatish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 3360, 2022-yil 1-aprel) (Qonunchilik maʼlumotlari milliy bazasi, 01.04.2022-y., 10/22/3360/0260-son) ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Iqtisodiyot va moliya vazirligi hamda Sogʻliqni saqlash vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi Prezidenti huzuridagi Ijtimoiy himoya milliy agentligi direktorining 2024-yil 22-iyuldagi 2024/3-son buyrugʻiga ILOVA

“Oʻzbekiston Respublikasi Tibbiy-ijtimoiy xizmatlarni rivojlantirish agentligi tizimidagi tibbiy-ijtimoiy muassasalarda pullik xizmat koʻrsatish tartibi toʻgʻrisidagi nizomni tasdiqlash haqida”gi buyruqqa kiritilayotgan oʻzgartirish va qoʻshimchalar

1. Buyruqning nomi va 1-banddagi “Tibbiy-ijtimoiy xizmatlarni rivojlantirish agentligi” degan soʻzlar “Prezidenti huzuridagi Ijtimoiy himoya milliy agentligi” degan soʻzlar bilan almashtirilsin.

2. Nizomda :

1) nomidagi “Tibbiy-ijtimoiy xizmatlarni rivojlantirish agentligi” degan soʻzlar “Prezidenti huzuridagi Ijtimoiy himoya milliy agentligi” degan soʻzlar bilan almashtirilsin;

2) muqaddima quyidagi tahrirda bayon etilsin:

“Ushbu Nizom Oʻzbekiston Respublikasi Prezidenti huzuridagi Ijtimoiy himoya milliy agentligi (bundan buyon matnda Agentlik deb yuritiladi) tizimidagi Ijtimoiy qoʻllab-quvvatlash markazlari, “Muruvvat” nogironligi boʻlgan shaxslar uchun internat uylarida, Nogironligi boʻlgan shaxslarni reabilitatsiya qilish va protezlash milliy markazi, uning hududiy markazlarida, Keksalar, nogironligi boʻlgan shaxslar, urush va mehnat faxriylari uchun sanatoriylarda (bundan buyon matnda tibbiy-ijtimoiy muassasa deb yuritiladi) pullik xizmat koʻrsatish tartibini belgilaydi.”;

3) 1-bandning ikkinchi xatboshisidan “mazkur Nizomning 1-ilovasiga muvofiq” degan soʻzlar chiqarib tashlansin;

4) 4-banddagi “Oʻzbekiston Respublikasi Tibbiy-ijtimoiy xizmatlarni rivojlantirish agentligining tibbiy-ijtimoiy muassasalari toʻgʻrisidagi nizomlarni tasdiqlash haqida” degan soʻzlar “Oʻzbekiston Respublikasi Ijtimoiy himoya sohasidagi ayrim tibbiy-ijtimoiy muassasalar faoliyatini tartibga soluvchi nizomlarni tasdiqlash haqida” degan soʻzlar bilan almashtirilsin;

5) 6-band quyidagi tahrirda bayon etilsin:

“6. Tibbiy-ijtimoiy muassasalarda pullik xizmatlarning preyskurant narxlari Agentlik tomonidan tasdiqlanadi hamda ularga Agentlik tomonidan oʻzgartirish va qoʻshimchalar kiritilishi mumkin.”;

6) 7-banddagi “tibbiy-ijtimoiy muassasa rahbari” degan soʻzlar “Agentlik” degan soʻzlar bilan almashtirilsin;

7) 11-bandda :

ikkinchi xatboshi “statsionar sharoitda” degan soʻzlardan keyin “yoxud mobil shaklda” degan soʻzlar bilan toʻldirilsin;

uchinchi xatboshi “statsionar sharoitda” degan soʻzlardan keyin “yoxud mobil shaklda” degan soʻzlar bilan toʻldirilsin;

8) 13-banddagi “Saxovat” va “Muruvvat” internat uylarida” degan soʻzlar “Ijtimoiy qoʻllab-quvvatlash markazlari va “Muruvvat” nogironligi boʻlgan shaxslar uchun internat uylarida” degan soʻzlar bilan almashtirilsin;

9) 15-banddagi “olinishi mumkin” degan soʻzlar “olinadi” degan soʻzlar bilan almashtirilsin;

10) 1-ilovada :

ilova belgisi va nomidagi “Tibbiy-ijtimoiy xizmatlarni rivojlantirish” degan soʻzlar “Prezidenti huzuridagi Ijtimoiy himoya milliy” degan soʻzlar bilan almashtirilsin;

1-bob quyidagi tahrirda bayon etilsin:

“1-bob. Ijtimoiy qoʻllab-quvvatlash markazlari va “Muruvvat” nogironligi boʻlgan shaxslar uchun internat uylari, Keksalar, nogironligi boʻlgan shaxslar, urush va mehnat faxriylari uchun sanatoriylarda koʻrsatiladigan pullik tibbiy-ijtimoiy xizmatlar

1. Mutaxassis koʻrigi;

2. Yotoq oʻrin bilan taʼminlash;

3. Oziq-ovqat, shu jumladan ratsional va parhez taomlar bilan taʼminlash;

4. Klinik tahlillar;

5. Bioximik tahlillar;

6. Funksional tashxislash;

7. Fizioterapevtik muolajalar;

8. Uqalash;

9. Davolash badantarbiyasi;

10. Dori yuborish (mushak orasiga, qon tomir ichiga, boʻgʻim ichiga);

11. Dori vositalari;

12. Tibbiy buyumlar;

13. Xonalarni tozalash (yigʻishtirish);

14. Kiyim-kechaklarini yuvish;

15. Gigiyena tadbirlarini amalga oshirishda koʻmaklashish;

16. Sayrga, madaniy va maʼrifiy hamda sport tadbirlariga borishda hamrohlik qilish yoki olib borish;

17. Qarindosh va doʻstlar bilan yozishmalarda hamda aloqa oʻrnatishda koʻmaklashish;

18. Birinchi tibbiy yordam;

19. Yotoq yaralarni, tashqi jarohatlarni qayta ishlash va bogʻlash;

20. Tozalash klizmasini bajarish;

21. Palliativ yordam koʻrsatish;

22. Uy sharoitida tibbiy parvarish qilish asoslarini oʻrgatish;

23. Nogironligi boʻlgan shaxslarni reabilitatsiya qilish yakka tartibdagi dasturida belgilangan sogʻlomlashtirish tadbirlarini amalga oshirish;

24. Konsertlar, tomoshalar, tarixiy qadamjolarga hamda ziyoratgohlarga ekskursiyalar uyushtirish;

25. Davra suhbatlari, uchrashuvlar, treninglar oʻtkazish;

26. Bayramlar va alohida muhim sanalarda har xil madaniy tadbirlar tashkil qilish;

27. Shifokor koʻrsatmasiga muvofiq tegishli sport anjomlaridan, vorkaut sport maydonchalarida mavjud inventarlardan foydalanishga koʻmaklashish;

28. Davolovchi badantarbiya mashqlarini bajarishda koʻmaklashish;

29. Qiziqishni inobatga olgan holda turli xil toʻgaraklar tashkil etish.”;

11) 2-ilovaning ilova belgisidagi “Tibbiy-ijtimoiy xizmatlarni rivojlantirish” degan soʻzlar “Prezidenti huzuridagi Ijtimoiy himoya milliy” degan soʻzlar bilan almashtirilsin.

Oʻzbekiston Respublikasi Prezidenti huzuridagi ijtimoiy himoya milliy agentligi direktori M. OLLOYOROV

Iqtisodiyot va moliya vaziri D. KUCHKAROV

Sogʻliqni saqlash vaziri A. XUDAYAROV

Toshkent sh.,

2024-yil 22-iyul,

2024-yil 19-iyul

2024-yil 16-iyul

2024/3-son

(Qonunchilik maʼlumotlari milliy bazasi, 28.08.2024-y., 10/24/3360-1/0661-son)

lex.uz