UzbekAI

Ўзбекистон Республикасининг Қонуни

Ижро ишини юритиш янада такомиллаштирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида

Қонунчилик палатаси томонидан 2024 йил 12 мартда қабул қилинган Сенат томонидан 2024 йил 18 майда маъқулланган

Кейинги йилларда мамлакатимизда энергия ресурсларидан самарали фойдаланиш, уларни талон-торож қилиш ҳолларининг олдини олиш ва мазкур соҳага инвестицияларни жалб қилиш орқали бозор механизмларини жорий этиш бўйича тизимли ишлар амалга оширилмоқда.

Шу билан бирга жисмоний шахслар томонидан истеъмол қилинадиган энергия ресурслари учун қарздорликни ундириш тартибини, шунингдек соддалаштирилган ижро ишини юритиш ва суд буйруғини чиқариш тартибини янада такомиллаштириш зарурати юзага келмоқда.

Ушбу Қонун билан «Суд ҳужжатлари ва бошқа органлар ҳужжатларини ижро этиш тўғрисида»ги Ўзбекистон Республикаси Қонунига истеъмол қилинган электр энергияси ва табиий газ учун мажбурий тўловларни ундириш тўғрисидаги ариза ваколатли органга ёки мансабдор шахсга берилгунига кадар қарздор жисмоний шахс энергия ресурслари тармоқларидан узилганлигини тасдиқловчи ҳужжатлар ижро ҳужжатларига илова қилиниши керак эканлиги ҳақидаги талаб киритилмоқда. Ушбу талаб бажарилмаган тақдирда, давлат ижрочиси ижро ҳужжатини қайтаради.

Почта харажатларини ундириш тартиб-таомилини соддалаштириш мақсадида қарздор жисмоний шахслардан почта харажатларини ундириш тўғрисидаги суд ҳужжатларига нисбатан ижро ишини юритишнинг соддалаштирилган тартиби қўлланилади. Соддалаштирилган ижро ишини юритиш доирасида давлат ижрочисининг зиммасига ижро ҳужжатини берган судни ёки бошқа органни ушбу ижро ҳужжати қайси суд ҳужжатига ёки бошқа органнинг ҳужжатига асосан берилган бўлса, ўша суд ҳужжати ёки бошқа органнинг ҳужжати бекор қилинганда ёхуд мазкур ижро ҳужжати бекор қилинганда ёки ҳақиқий эмас деб топилганда ижро ишини юритиш тугатилганлиги ҳақида хабардор қилиш мажбурияти ҳам юклатилмоқда.

Бундан ташқари Ўзбекистон Республикасининг Фуқаролик процессуал кодексига истеъмол қилинган электр энергияси ёки табиий газ учун қарздорликни ундириш ҳақидаги суд буйруғини бериш тўғрисидаги аризага истеъмолчи билан тузилган шартнома, пеня ҳисобланиши ҳақидаги ва истеъмолчини тегишли энергия ресурслари тармоқларидан узиш тўғрисидаги огоҳлантириш кўрсатилган, қарзни тўлаш ҳақидаги талаб, ушбу талаб истеъмолчига юборилганлигини тасдиқловчи ҳужжат илова қилинган ҳолда, шунингдек истеъмолчи тегишли энергия ресурслари тармоқларидан узилганлигини тасдиқловчи ҳужжат илова қилиниши кераклиги тўғрисида талаб киритилмоқда.

Ушбу Қонун суд ҳужжатлари ва бошқа органлар ҳужжатлари ижросини таъминлаш тартиб-таомилларини соддалаштиришга ҳамда инсон омилини камайтиришга, жисмоний шахслар томонидан истеъмол қилинган электр энергияси ва табиий газ учун қарздорликни ундириш тўғрисидаги ижро ҳужжатларини мажбурий ижро этиш тизимини такомиллаштиришга хизмат қилади.

1-модда. Ўзбекистон Республикасининг 2001 йил 29 августда қабул қилинган «Суд ҳужжатлари ва бошқа органлар ҳужжатларини ижро этиш тўғрисида»ги 258-II-сонли Қонунига (Ўзбекистон Республикаси Олий Мажлисининг Ахборотномаси, 2001 йил, № 9-10, 169-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 8, 367-модда, № 12, 598-модда; 2008 йил, № 4, 184, 187-моддалар; 2009 йил, № 1, 1-модда; 2010 йил, № 9, 337, 340-моддалар; 2012 йил, № 12, 336-модда; 2014 йил, № 5, 130-модда; 2015 йил, № 8, 312-модда, № 12, 452-модда; 2016 йил, № 9, 276-модда; 2017 йил, № 9, 510-модда; 2018 йил, № 1, 1, 4, 5-моддалар; 2019 йил, № 2, 47-модда, № 5, 267-модда, № 7, 389-модда, № 8, 469-модда, № 10, 671-модда, № 12, 880-модда; 2021 йил, 4-сонга илова, № 8, 800, 803-моддалар; 2022 йил, № 4, 337-модда, № 6, 570-модда; 2023 йил, № 4, 269-модда; 2024 йил, № 2, 111-модда) қуйидаги қўшимча ва ўзгартиришлар киритилсин:

1) 8 3 -модданинг биринчи қисми қуйидаги мазмундаги 2 1 -банд билан тўлдирилсин:

«2 1 ) истеъмол қилинган электр энергияси ёки табиий газ учун мажбурий тўловларни ундириш тўғрисидаги ариза ваколатли органга ёки мансабдор шахсга берилгунига қадар қарздор жисмоний шахс энергия ресурслари тармоқларидан узилганлигини тасдиқловчи ҳужжатлар»;

2) 43 1 -модда :

иккинчи қисми қуйидаги таҳрирда баён этилсин:

«Ижро ишини юритишнинг соддалаштирилган тартиби қарздор жисмоний шахслардан маъмурий жарималарни, солиқ қарзини ва давлат божини ундириш тўғрисидаги ижро ҳужжатларига, шунингдек почта харажатларини ундириш тўғрисидаги суд ҳужжатларига нисбатан татбиқ этилади»;

қуйидаги мазмундаги ўнинчи қисм билан тўлдирилсин:

«Ижро ҳужжати бўйича ижро ишини соддалаштирилган тартибда юритишда ижро ҳужжатини беришга асос бўлган суд ҳужжати ёки бошқа органнинг ҳужжати бекор қилинган ёхуд қонунга кўра ижро ҳужжати бўлган ҳужжат бекор қилинган ёхуд ҳақиқий эмас деб топилган тақдирда, давлат ижрочиси ижро ҳужжатини берган судни ёки бошқа органни тегишли ахборот олинган куннинг эртасидан кечиктирмай ижро ишини юритиш тугатилганлиги ҳақида хабардор қилади»;

ўнинчи қисми ўн биринчи қисм деб ҳисоблансин.

2-модда. Ўзбекистон Республикасининг 2018 йил 22 январда қабул қилинган ЎРҚ-460-сонли Қонуни билан тасдиқланган Ўзбекистон Республикасининг Фуқаролик процессуал кодекси (Ўзбекистон Республикаси Олий Мажлиси палаталарининг Ахборотномаси, 2018 йил, 1-сонга 1-илова, № 10, 672-модда; 2019 йил, № 3, 166-модда, № 5, 261-модда, № 9, 592-модда, № 10, 671-модда, № 11, 791, 792-моддалар, № 12, 880-модда; 2020 йил, № 1, 1, 3-моддалар, № 3, 198, 199-моддалар; 2021 йил, № 1, 8-модда, 4-сонга илова, № 8, 803-модда, № 9, 903-модда; 2022 йил, № 3, 216-модда, № 8, 787-модда; 2023 йил, № 4, 269-модда, № 12, 1007-модда; 2024 йил, № 2, 115-модда) 173-моддаси қуйидаги мазмундаги иккинчи қисм билан тўлдирилсин:

«Истеъмол қилинган электр энергияси ёки табиий газ учун қарздорликни ундириш тўғрисида суд буйруғини бериш ҳақидаги аризага ушбу модданинг биринчи қисмида назарда тутилган ҳужжатлардан ташқари қуйидагиларнинг кўчирма нусхалари ҳам илова қилинади:

1) истеъмолчи билан тузилган шартноманинг;

2) пеня ҳисобланиши тўғрисидаги ва истеъмолчини тегишли энергия ресурслари тармоқларидан узиш ҳақидаги огоҳлантириш кўрсатилган, қарзни тўлаш тўғрисидаги талабнинг, шунингдек унинг истеъмолчига юборилганлигини тасдиқловчи ҳужжатнинг;

3) истеъмолчи тегишли энергия ресурслари тармоқларидан узилганлигини тасдиқловчи ҳужжатнинг».

3-модда. Ўзбекистон Республикаси Бош прокуратураси, Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

4-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

5-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2024 йил 28 август,

№ ЎРҚ-947

(Қонунчилик маълумотлари миллий базаси, 28.08.2024 й., 03/24/947/0666-сон)

lex.uz

Oʻzbekiston Respublikasining Qonuni

Ijro ishini yuritish yanada takomillashtirilishi munosabati bilan Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida

Qonunchilik palatasi tomonidan 2024-yil 12-martda qabul qilingan Senat tomonidan 2024-yil 18-mayda maʼqullangan

Keyingi yillarda mamlakatimizda energiya resurslaridan samarali foydalanish, ularni talon-toroj qilish hollarining oldini olish va mazkur sohaga investitsiyalarni jalb qilish orqali bozor mexanizmlarini joriy etish boʻyicha tizimli ishlar amalga oshirilmoqda.

Shu bilan birga jismoniy shaxslar tomonidan isteʼmol qilinadigan energiya resurslari uchun qarzdorlikni undirish tartibini, shuningdek soddalashtirilgan ijro ishini yuritish va sud buyrugʻini chiqarish tartibini yanada takomillashtirish zarurati yuzaga kelmoqda.

Ushbu Qonun bilan “Sud hujjatlari va boshqa organlar hujjatlarini ijro etish toʻgʻrisida”gi Oʻzbekiston Respublikasi Qonuniga isteʼmol qilingan elektr energiyasi va tabiiy gaz uchun majburiy toʻlovlarni undirish toʻgʻrisidagi ariza vakolatli organga yoki mansabdor shaxsga berilguniga kadar qarzdor jismoniy shaxs energiya resurslari tarmoqlaridan uzilganligini tasdiqlovchi hujjatlar ijro hujjatlariga ilova qilinishi kerak ekanligi haqidagi talab kiritilmoqda. Ushbu talab bajarilmagan taqdirda, davlat ijrochisi ijro hujjatini qaytaradi.

Pochta xarajatlarini undirish tartib-taomilini soddalashtirish maqsadida qarzdor jismoniy shaxslardan pochta xarajatlarini undirish toʻgʻrisidagi sud hujjatlariga nisbatan ijro ishini yuritishning soddalashtirilgan tartibi qoʻllaniladi. Soddalashtirilgan ijro ishini yuritish doirasida davlat ijrochisining zimmasiga ijro hujjatini bergan sudni yoki boshqa organni ushbu ijro hujjati qaysi sud hujjatiga yoki boshqa organning hujjatiga asosan berilgan boʻlsa, oʻsha sud hujjati yoki boshqa organning hujjati bekor qilinganda yoxud mazkur ijro hujjati bekor qilinganda yoki haqiqiy emas deb topilganda ijro ishini yuritish tugatilganligi haqida xabardor qilish majburiyati ham yuklatilmoqda.

Bundan tashqari Oʻzbekiston Respublikasining Fuqarolik protsessual kodeksiga isteʼmol qilingan elektr energiyasi yoki tabiiy gaz uchun qarzdorlikni undirish haqidagi sud buyrugʻini berish toʻgʻrisidagi arizaga isteʼmolchi bilan tuzilgan shartnoma, penya hisoblanishi haqidagi va isteʼmolchini tegishli energiya resurslari tarmoqlaridan uzish toʻgʻrisidagi ogohlantirish koʻrsatilgan, qarzni toʻlash haqidagi talab, ushbu talab isteʼmolchiga yuborilganligini tasdiqlovchi hujjat ilova qilingan holda, shuningdek isteʼmolchi tegishli energiya resurslari tarmoqlaridan uzilganligini tasdiqlovchi hujjat ilova qilinishi kerakligi toʻgʻrisida talab kiritilmoqda.

Ushbu Qonun sud hujjatlari va boshqa organlar hujjatlari ijrosini taʼminlash tartib-taomillarini soddalashtirishga hamda inson omilini kamaytirishga, jismoniy shaxslar tomonidan isteʼmol qilingan elektr energiyasi va tabiiy gaz uchun qarzdorlikni undirish toʻgʻrisidagi ijro hujjatlarini majburiy ijro etish tizimini takomillashtirishga xizmat qiladi.

1-modda. Oʻzbekiston Respublikasining 2001-yil 29-avgustda qabul qilingan “Sud hujjatlari va boshqa organlar hujjatlarini ijro etish toʻgʻrisida”gi 258-II-sonli Qonuniga (Oʻzbekiston Respublikasi Oliy Majlisining Axborotnomasi, 2001-yil, № 9-10, 169-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 8, 367-modda, № 12, 598-modda; 2008-yil, № 4, 184, 187-moddalar; 2009-yil, № 1, 1-modda; 2010-yil, № 9, 337, 340-moddalar; 2012-yil, № 12, 336-modda; 2014-yil, № 5, 130-modda; 2015-yil, № 8, 312-modda, № 12, 452-modda; 2016-yil, № 9, 276-modda; 2017-yil, № 9, 510-modda; 2018-yil, № 1, 1, 4, 5-moddalar; 2019-yil, № 2, 47-modda, № 5, 267-modda, № 7, 389-modda, № 8, 469-modda, № 10, 671-modda, № 12, 880-modda; 2021-yil, 4-songa ilova, № 8, 800, 803-moddalar; 2022-yil, № 4, 337-modda, № 6, 570-modda; 2023-yil, № 4, 269-modda; 2024-yil, № 2, 111-modda) quyidagi qoʻshimcha va oʻzgartirishlar kiritilsin:

1) 8 3 -moddaning birinchi qismi quyidagi mazmundagi 2 1 -band bilan toʻldirilsin:

“2 1 ) isteʼmol qilingan elektr energiyasi yoki tabiiy gaz uchun majburiy toʻlovlarni undirish toʻgʻrisidagi ariza vakolatli organga yoki mansabdor shaxsga berilguniga qadar qarzdor jismoniy shaxs energiya resurslari tarmoqlaridan uzilganligini tasdiqlovchi hujjatlar”;

2) 43 1 -modda :

ikkinchi qismi quyidagi tahrirda bayon etilsin:

“Ijro ishini yuritishning soddalashtirilgan tartibi qarzdor jismoniy shaxslardan maʼmuriy jarimalarni, soliq qarzini va davlat bojini undirish toʻgʻrisidagi ijro hujjatlariga, shuningdek pochta xarajatlarini undirish toʻgʻrisidagi sud hujjatlariga nisbatan tatbiq etiladi”;

quyidagi mazmundagi oʻninchi qism bilan toʻldirilsin:

“Ijro hujjati boʻyicha ijro ishini soddalashtirilgan tartibda yuritishda ijro hujjatini berishga asos boʻlgan sud hujjati yoki boshqa organning hujjati bekor qilingan yoxud qonunga koʻra ijro hujjati boʻlgan hujjat bekor qilingan yoxud haqiqiy emas deb topilgan taqdirda, davlat ijrochisi ijro hujjatini bergan sudni yoki boshqa organni tegishli axborot olingan kunning ertasidan kechiktirmay ijro ishini yuritish tugatilganligi haqida xabardor qiladi”;

oʻninchi qismi oʻn birinchi qism deb hisoblansin.

2-modda. Oʻzbekiston Respublikasining 2018-yil 22-yanvarda qabul qilingan OʻRQ-460-sonli Qonuni bilan tasdiqlangan Oʻzbekiston Respublikasining Fuqarolik protsessual kodeksi (Oʻzbekiston Respublikasi Oliy Majlisi palatalarining Axborotnomasi, 2018-yil, 1-songa 1-ilova, № 10, 672-modda; 2019-yil, № 3, 166-modda, № 5, 261-modda, № 9, 592-modda, № 10, 671-modda, № 11, 791, 792-moddalar, № 12, 880-modda; 2020-yil, № 1, 1, 3-moddalar, № 3, 198, 199-moddalar; 2021-yil, № 1, 8-modda, 4-songa ilova, № 8, 803-modda, № 9, 903-modda; 2022-yil, № 3, 216-modda, № 8, 787-modda; 2023-yil, № 4, 269-modda, № 12, 1007-modda; 2024-yil, № 2, 115-modda) 173-moddasi quyidagi mazmundagi ikkinchi qism bilan toʻldirilsin:

“Isteʼmol qilingan elektr energiyasi yoki tabiiy gaz uchun qarzdorlikni undirish toʻgʻrisida sud buyrugʻini berish haqidagi arizaga ushbu moddaning birinchi qismida nazarda tutilgan hujjatlardan tashqari quyidagilarning koʻchirma nusxalari ham ilova qilinadi:

1) isteʼmolchi bilan tuzilgan shartnomaning;

2) penya hisoblanishi toʻgʻrisidagi va isteʼmolchini tegishli energiya resurslari tarmoqlaridan uzish haqidagi ogohlantirish koʻrsatilgan, qarzni toʻlash toʻgʻrisidagi talabning, shuningdek uning isteʼmolchiga yuborilganligini tasdiqlovchi hujjatning;

3) isteʼmolchi tegishli energiya resurslari tarmoqlaridan uzilganligini tasdiqlovchi hujjatning”.

3-modda. Oʻzbekiston Respublikasi Bosh prokuraturasi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

4-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

5-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2024-yil 28-avgust,

№ OʻRQ-947

(Qonunchilik maʼlumotlari milliy bazasi, 28.08.2024-y., 03/24/947/0666-son)

lex.uz

Закон Республики Узбекистан

О внесении дополнений и изменений в некоторые законодательные акты Республики Узбекистан в связи с дальнейшим совершенствованием исполнительного производства

Принят Законодательной палатой 12 марта 2024 года Одобрен Сенатом 18 мая 2024 года

В последние годы в нашей стране осуществляется системная работа по эффективному использованию энергоресурсов, предотвращению случаев их хищения и внедрению рыночных механизмов путем привлечения инвестиций в данную сферу.

Вместе с тем возникает необходимость дальнейшего совершенствования порядка взыскания задолженности за потребляемые физическими лицами энергоресурсы, а также порядка упрощенного исполнительного производства и выдачи судебного приказа.

Настоящим Законом в Закон Республики Узбекистан «Об исполнении судебных актов и актов иных органов» вводится требование о том, что до подачи компетентному органу или должностному лицу заявления о взыскании обязательных платежей за потребленные электроэнергию и природный газ к исполнительным документам должны быть приложены документы, подтверждающие отключение должника — физического лица от сетей энергоресурсов. В случае невыполнения этого требования государственный исполнитель возвращает исполнительный документ.

В целях упрощения процедуры взыскания почтовых расходов порядок упрощенного исполнительного производства распространяется на судебные документы о взыскании почтовых расходов с должников — физических лиц. В рамках упрощенного исполнительного производства на государственного исполнителя также возлагается обязанность по извещению суда или иного органа, выдавшего исполнительный документ, о прекращении исполнительного производства при отмене судебного акта или акта иного органа, на основании которого выдан этот исполнительный документ, либо при отмене или признании недействительным этого исполнительного документа.

Кроме того, в Гражданский процессуальный кодекс Республики Узбекистан вводится требование о том, что к заявлению о выдаче судебного приказа о взыскании задолженности за потребленные электроэнергию или природный газ обязательно должны быть приложены договор, заключенный с потребителем, требования о погашении задолженности с предупреждением о начислении пени и об отключении потребителя от соответствующих сетей энергоресурсов с приложением документа, подтверждающего отправку этого требования потребителю, а также документ, подтверждающий отключение потребителя от соответствующих сетей энергоресурсов.

Настоящий Закон послужит упрощению процедуры обеспечения исполнения судебных актов и актов иных органов и снижению человеческого фактора, совершенствованию системы принудительного исполнения исполнительных документов о взыскании задолженности за потребленные физическими лицами электроэнергию и природный газ.

Статья 1. Внести в Закон Республики Узбекистан от 29 августа 2001 года № 258-II «Об исполнении судебных актов и актов иных органов» (Ведомости Олий Мажлиса Республики Узбекистан, 2001 г., № 9-10, ст. 169; Ведомости палат Олий Мажлиса Республики Узбекистан, 2007 г., № 8, ст. 367, № 12, ст. 598; 2008 г., № 4, ст.ст. 184, 187; 2009 г., № 1, ст. 1; 2010 г., № 9, ст.ст. 337, 340; 2012 г., № 12, ст. 336; 2014 г., № 5, ст. 130; 2015 г., № 8, ст. 312, № 12, ст. 452; 2016 г., № 9, ст. 276; 2017 г., № 9, ст. 510; 2018 г., № 1, ст.ст. 1, 4, 5; 2019 г., № 2, ст. 47, № 5, ст. 267, № 7, ст. 389, № 8, ст. 469, № 10, ст. 671, № 12, ст. 880; 2021 г., приложение к № 4, № 8, ст.ст. 800, 803; 2022 г., № 4, ст. 337, № 6, ст. 570; 2023 г., № 4, ст. 269; 2024 г., № 2, ст. 111) следующие дополнения и изменения:

1) часть первую статьи 8 3 дополнить пунктом 2 1 следующего содержания:

«2 1 ) документы, подтверждающие отключение должника — физического лица от сетей энергоресурсов до подачи заявления о взыскании обязательных платежей за потребленные электроэнергию или природный газ компетентному органу или должностному лицу»;

2) в статье 43 1 :

часть вторую изложить в следующей редакции:

«Порядок упрощенного исполнительного производства распространяется на исполнительные документы о взыскании административных штрафов, налоговой задолженности и государственной пошлины, а также на судебные документы о взыскании почтовых расходов с должников — физических лиц»;

дополнить частью десятой следующего содержания:

«При упрощенном исполнительном производстве по исполнительному документу в случае отмены судебного акта или акта иного органа, на основании которого выдан исполнительный документ, либо отмены или признания недействительным документа, который в силу закона является исполнительным документом, государственный исполнитель не позднее следующего дня после получения соответствующей информации извещает суд или иной орган, выдавший исполнительный документ, о прекращении исполнительного производства»;

часть десятую считать частью одиннадцатой.

Статья 2 . Статью 173 Гражданского процессуального кодекса Республики Узбекистан, утвержденного Законом Республики Узбекистан от 22 января 2018 года № ЗРУ-460 (Ведомости палат Олий Мажлиса Республики Узбекистан, 2018 г., приложение 1 к № 1, № 10, ст. 672; 2019 г., № 3, ст. 166, № 5, ст. 261, № 9, ст. 592, № 10, ст. 671, № 11, ст.ст. 791, 792, № 12, ст. 880; 2020 г., № 1, ст.ст. 1, 3, № 3, ст.ст. 198, 199; 2021 г., № 1, ст. 8, приложение к № 4, № 8, ст. 803, № 9, ст. 903; 2022 г., № 3, ст. 216, № 8, ст. 787; 2023 г., № 4, ст. 269, № 12, ст. 1007; 2024 г., № 2, ст. 115), дополнить частью второй следующего содержания:

«К заявлению о выдаче судебного приказа о взыскании задолженности за потребленные электроэнергию или природный газ кроме документов, предусмотренных в части первой настоящей статьи, также прилагаются копии:

1) договора, заключенного с потребителем;

2) требования о погашении задолженности с предупреждением о начислении пени и об отключении потребителя от соответствующих сетей энергоресурсов, а также документа, подтверждающего его отправку потребителю;

3) документа, подтверждающего отключение потребителя от соответствующих сетей энергоресурсов».

Статья 3. Генеральной прокуратуре, Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 4. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 5. Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

28 августа 2024 г.,

№ ЗРУ-947

(Национальная база данных законодательства, 28.08.2024 г., № 03/24/947/0666)

lex.uz