UzbekAI

Ўзбекистон Республикаси Президентининг

қарори

Қишлоқ хўжалиги корхоналарини қўллаб-қувватлашга доир қўшимча чора-тадбирлар тўғрисида

Қишлоқ хўжалигида солиқ тўғрисидаги қонунчилик талабларини соддалаштириш ва солиқ маъмуриятчилигини такомиллаштириш йўли билан тадбиркорлик субъектларига солиқ юкини камайтириш, мамлакатимиз ҳудудлари ўртасидаги иқтисодий тенгсизликни қисқартириш, туманлар ва шаҳарларни уларнинг шароитлари, салоҳияти ва имкониятларидан келиб чиққан ҳолда янада ривожлантириш мақсадида:

1. Иқтисодиёт ва молия вазирлиги, Қишлоқ хўжалиги вазирлиги ва Солиқ қўмитасининг:

шаҳарлар ва шаҳарчаларнинг маъмурий чегараларида жойлашган қишлоқ хўжалигига мўлжалланган ер участкалари учун икки баравар миқдорида ер солиғини ҳисоблаш тартибини бекор қилиш;

шаҳарлар ва шаҳарчаларнинг маъмурий чегараларида жойлашган қишлоқ хўжалигига мўлжалланган ер участкалари учун ер солиғини амалдаги қонунчиликдан келиб чиқиб ҳисоблаш тартибини ўрнатиш тўғрисидаги таклифларига розилик берилсин.

2. Иқтисодиёт ва молия вазирлиги манфаатдор вазирлик ва идоралар билан биргаликда бир ой муддатда мазкур қарордан келиб чиқиб, Солиқ кодексига ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.

3. Мазкур қарорнинг ижросини самарали ташкил қилишга масъул ва шахсий жавобгар этиб Солиқ қўмитаси раиси Ш.Д. Кудбиев белгилансин.

Қарор ижросини назорат қилиш Бош вазир ўринбосари Ж.А. Қўчқоров зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 28 август,

ПҚ-304-сон

(Қонунчилик маълумотлари миллий базаси, 28.08.2024 й., 07/24/304/0663-сон)

lex.uz

Oʻzbekiston Respublikasi Prezidentining

qarori

Qishloq xoʻjaligi korxonalarini qoʻllab-quvvatlashga doir qoʻshimcha chora-tadbirlar toʻgʻrisida

Qishloq xoʻjaligida soliq toʻgʻrisidagi qonunchilik talablarini soddalashtirish va soliq maʼmuriyatchiligini takomillashtirish yoʻli bilan tadbirkorlik subyektlariga soliq yukini kamaytirish, mamlakatimiz hududlari oʻrtasidagi iqtisodiy tengsizlikni qisqartirish, tumanlar va shaharlarni ularning sharoitlari, salohiyati va imkoniyatlaridan kelib chiqqan holda yanada rivojlantirish maqsadida:

1. Iqtisodiyot va moliya vazirligi, Qishloq xoʻjaligi vazirligi va Soliq qoʻmitasining:

shaharlar va shaharchalarning maʼmuriy chegaralarida joylashgan qishloq xoʻjaligiga moʻljallangan yer uchastkalari uchun ikki baravar miqdorida yer soligʻini hisoblash tartibini bekor qilish;

shaharlar va shaharchalarning maʼmuriy chegaralarida joylashgan qishloq xoʻjaligiga moʻljallangan yer uchastkalari uchun yer soligʻini amaldagi qonunchilikdan kelib chiqib hisoblash tartibini oʻrnatish toʻgʻrisidagi takliflariga rozilik berilsin.

2. Iqtisodiyot va moliya vazirligi manfaatdor vazirlik va idoralar bilan birgalikda bir oy muddatda mazkur qarordan kelib chiqib, Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.

3. Mazkur qarorning ijrosini samarali tashkil qilishga masʼul va shaxsiy javobgar etib Soliq qoʻmitasi raisi Sh.D. Kudbiyev belgilansin.

Qaror ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 28-avgust,

PQ-304-son

(Qonunchilik maʼlumotlari milliy bazasi, 28.08.2024-y., 07/24/304/0663-son)

lex.uz

Президента Республики Узбекистан

Постановление

О дополнительных мерах по поддержке сельскохозяйственных предприятий

В целях снижения налоговой нагрузки на субъекты предпринимательства путем упрощения требований налогового законодательства и совершенствования налогового администрирования в сельском хозяйстве, а также сокращения экономического неравенства между регионами страны, дальнейшего развития районов и городов исходя из их условий, потенциала и возможностей:

1. Согласиться с предложениями Министерства экономики и финансов, Министерства сельского хозяйства и Налогового комитета по:

отмене порядка исчисления в двукратном размере земельного налога по земельным участкам сельскохозяйственного назначения, расположенным в административных границах городов и поселков;

внедрению порядка исчисления земельного налога по земельным участкам сельскохозяйственного назначения, расположенным в административных границах городов и поселков в соответствии с действующим законодательством.

2. Министерству экономики и финансов совместно с заинтересованными министерствами и ведомствами в месячный срок представить в Кабинет Министров законопроект, предусматривающий внесение изменений и дополнений в Налоговый кодекс исходя из настоящего постановления.

3. Возложить на председателя Налогового комитета Ш.Д. Кудбиева персональную ответственность за эффективную организацию исполнения настоящего постановления.

Контроль за исполнением настоящего постановления возложить на заместителя Премьер-министра Д.А. Кучкарова.

Президент Республики Узбекистан Ш. МИРЗИЁЕВ

г. Ташкент,

28 августа 2024 г.,

№ ПП-304

(Национальная база данных законодательства, 28.08.2024 г., № 07/24/304/0663)

lex.uz