📅 2024-yil 24-avgust · Vazirlik va idoralar hujjatlari · Adliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 24 август · Вазирлик ва идоралар ҳужжатлари · Адлия вазири
Расмий матн. Расмий ҳужжат. Таҳририй изоҳлар киритилмаган.
📅 24 августа 2024 г. · Документы министерств и ведомств · Министр ЮСТИЦИИ
Официальный текст. Официальный документ. Редакционные примечания не включены.
📅 24 August 2024 · Ministry and agency documents · Adliya vaziri
Official text. Official document. Editorial notes are not included.
ЎЗБЕКИСТОН РЕСПУБЛИКАСИ АДЛИЯ ВАЗИРИНИНГ
буйруғи
Ҳужжатларнинг қимматлилигини аниқлаш экспертизасини ўтказиш тартиби тўғрисидаги низомга ўзгартишлар киритиш ҳақида
Ўзбекистон Республикаси Вазирлар Маҳкамасининг 2021 йил 24 августдаги 538-сон «Давлат органлари ва ташкилотларининг архив иши ва иш юритиш соҳасидаги эксперт комиссиялари тўғрисидаги намунавий низомларни тасдиқлаш ҳақида»ги қарорига мувофиқ буюраман:
1. Ўзбекистон Республикаси Вазирлар Маҳкамаси ҳузуридаги «Ўзархив» агентлиги бош директорининг 2012 йил 14 февралдаги 10-сон буйруғи (рўйхат рақами 2347, 2012 йил 29 март) (Ўзбекистон Республикаси қонун ҳужжатлари тўплами, 2012 й., 13-сон, 150-модда) билан тасдиқланган Ҳужжатларни қимматлилигини аниқлаш экспертизасини ўтказиш тартиби тўғрисидаги низомга иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси адлия вазирининг 2024 йил 24 августдаги 21-мҳ-сон буйруғига ИЛОВА
Ҳужжатларнинг қимматлилигини аниқлаш экспертизасини ўтказиш тартиби тўғрисидаги низомга киритилаётган ўзгартишлар
1. 2-бандда :
тўртинчи хатбоши қуйидаги таҳрирда баён этилсин:
«Эксперт комиссияси (бундан буён матнда ЭК деб юритилади) — давлат органлари ва ташкилотлари ҳудудий бўлинмалари ва тизим ташкилотларида ҳужжатларнинг, шу жумладан бошқарув (иш юритиш), илмий-техника ва бошқа махсус ҳужжатларнинг қимматлилигини аниқлаш экспертизасини ўтказиш ва ҳужжатларни архив сақловига топширишга тайёрлаш бўйича услубий ва амалий ишларни олиб борувчи, ўз ишини жамоатчилик асосида олиб борадиган доимий фаолият юритувчи маслаҳат органи ҳисобланади;»;
бешинчи хатбоши қуйидаги таҳрирда баён этилсин:
«Марказий эксперт комиссияси (бундан буён матнда МЕК деб юритилади) — давлат органлари ва ташкилотларида ҳужжатларнинг, шу жумладан бошқарув (иш юритиш), илмий-техника ва бошқа махсус ҳужжатларнинг қимматлилигини аниқлаш экспертизасини ўтказиш ва ҳужжатларни архив сақловига топширишга тайёрлаш бўйича услубий ва амалий ишларни олиб борувчи, давлат органи ва ташкилоти ҳудудий бўлинмалари ва тизим ташкилотларининг архив иши ва иш юритиш соҳасидаги эксперт комиссиялари фаолиятини бошқариш ва мувофиқлаштиришни амалга ошириш учун тузиладиган, ўз ишини жамоатчилик асосида олиб борадиган доимий фаолият юритувчи маслаҳат органи;»;
олтинчи хатбоши қуйидаги таҳрирда баён этилсин:
«Эксперт-текширув комиссияси (бундан буён матнда ЭТК деб юритилади) /Эксперт-текширув услубий комиссияси (бундан буён матнда ЭТУК деб юритилади) — архив иши ҳудудий бошқармалари, Ўзбекистон миллий архивларида бошқарув (иш юритиш), илмий-техника ва бошқа махсус ҳужжатлар қимматлилиги экспертизасини ташкил этиш ва ҳужжатларни архивларга сақлаш учун топширишга тайёрлаш бўйича услубий ва амалий ишларни ўтказиш ҳамда давлат архивларининг жамлаш манбаи бўлган давлат органлари ва ташкилотларининг архив иши ва иш юритиш соҳасидаги марказий эксперт комиссиялари ва ЭК фаолиятига раҳбарлик қилиш ва уни мувофиқлаштириш учун тузиладиган доимий фаолият юритувчи комиссия;»;
еттинчи хатбоши чиқариб ташлансин;
саккизинчи — ўн иккинчи хатбошилар тегишли равишда еттинчи — ўн биринчи хатбошилар деб ҳисоблансин;
саккизинчи хатбоши қуйидаги таҳрирда баён этилсин:
«Марказий эксперт-текшириш комиссияси (бундан буён матнда МЕТК деб юритилади) — услубий ва амалий ишларни олиб бориш учун, шунингдек Ўзбекистон Республикаси Миллий архив фонди ҳужжатларини доимий сақловчи вазирликлар, идоралар, тармоқ давлат фондлари ва ташкилотларининг МЕКларига раҳбарлик қилиш ва уларнинг фаолиятини мувофиқлаштириш учун Ўзбекистон Республикаси Адлия вазирлиги ҳузуридаги «Ўзархив» агентлиги (бундан буён матнда «Ўзархив» агентлиги деб юритилади) ҳузурида иш олиб борадиган доимий фаолият кўрсатувчи комиссия;».
2. 20-банддан «давлат архивлари» деган сўзлар чиқариб ташлансин.
3. 30-банддаги «тегишли» деган сўз «касбий компетентлик гувоҳномасига эга бўлган» деган сўзлар билан алмаштирилсин.
4. 1 , 1б , 2 , 2б , 3 , 3б , 4 , 4б ва 5б-иловалар матнидаги «Архив муассасаси ЭТК (ЭТУК)нинг» деган сўзлар «ЭТК (ЭТУК)нинг» деган сўзлар билан алмаштирилсин.
Вазир А. ТАШКУЛОВ
Тошкент ш.,
2024 йил 24 август,
21-мҳ-сон
OʻZBEKISTON RESPUBLIKASI ADLIYA VAZIRINING
buyrugʻi
Hujjatlarning qimmatliligini aniqlash ekspertizasini oʻtkazish tartibi toʻgʻrisidagi nizomga oʻzgartishlar kiritish haqida
Oʻzbekiston Respublikasi Vazirlar Mahkamasining 2021-yil 24-avgustdagi 538-son “Davlat organlari va tashkilotlarining arxiv ishi va ish yuritish sohasidagi ekspert komissiyalari toʻgʻrisidagi namunaviy nizomlarni tasdiqlash haqida”gi qaroriga muvofiq buyuraman:
1. Oʻzbekiston Respublikasi Vazirlar Mahkamasi huzuridagi “Oʻzarxiv” agentligi bosh direktorining 2012-yil 14-fevraldagi 10-son buyrugʻi (roʻyxat raqami 2347, 2012-yil 29-mart) (Oʻzbekiston Respublikasi qonun hujjatlari toʻplami, 2012-y., 13-son, 150-modda) bilan tasdiqlangan Hujjatlarni qimmatliligini aniqlash ekspertizasini oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi adliya vazirining 2024-yil 24-avgustdagi 21-mh-son buyrugʻiga ILOVA
Hujjatlarning qimmatliligini aniqlash ekspertizasini oʻtkazish tartibi toʻgʻrisidagi nizomga kiritilayotgan oʻzgartishlar
1. 2-bandda :
toʻrtinchi xatboshi quyidagi tahrirda bayon etilsin:
“Ekspert komissiyasi (bundan buyon matnda EK deb yuritiladi) — davlat organlari va tashkilotlari hududiy boʻlinmalari va tizim tashkilotlarida hujjatlarning, shu jumladan boshqaruv (ish yuritish), ilmiy-texnika va boshqa maxsus hujjatlarning qimmatliligini aniqlash ekspertizasini oʻtkazish va hujjatlarni arxiv saqloviga topshirishga tayyorlash boʻyicha uslubiy va amaliy ishlarni olib boruvchi, oʻz ishini jamoatchilik asosida olib boradigan doimiy faoliyat yurituvchi maslahat organi hisoblanadi;”;
beshinchi xatboshi quyidagi tahrirda bayon etilsin:
“Markaziy ekspert komissiyasi (bundan buyon matnda MEK deb yuritiladi) — davlat organlari va tashkilotlarida hujjatlarning, shu jumladan boshqaruv (ish yuritish), ilmiy-texnika va boshqa maxsus hujjatlarning qimmatliligini aniqlash ekspertizasini oʻtkazish va hujjatlarni arxiv saqloviga topshirishga tayyorlash boʻyicha uslubiy va amaliy ishlarni olib boruvchi, davlat organi va tashkiloti hududiy boʻlinmalari va tizim tashkilotlarining arxiv ishi va ish yuritish sohasidagi ekspert komissiyalari faoliyatini boshqarish va muvofiqlashtirishni amalga oshirish uchun tuziladigan, oʻz ishini jamoatchilik asosida olib boradigan doimiy faoliyat yurituvchi maslahat organi;”;
oltinchi xatboshi quyidagi tahrirda bayon etilsin:
“Ekspert-tekshiruv komissiyasi (bundan buyon matnda ETK deb yuritiladi) /Ekspert-tekshiruv uslubiy komissiyasi (bundan buyon matnda ETUK deb yuritiladi) — arxiv ishi hududiy boshqarmalari, Oʻzbekiston milliy arxivlarida boshqaruv (ish yuritish), ilmiy-texnika va boshqa maxsus hujjatlar qimmatliligi ekspertizasini tashkil etish va hujjatlarni arxivlarga saqlash uchun topshirishga tayyorlash boʻyicha uslubiy va amaliy ishlarni oʻtkazish hamda davlat arxivlarining jamlash manbai boʻlgan davlat organlari va tashkilotlarining arxiv ishi va ish yuritish sohasidagi markaziy ekspert komissiyalari va EK faoliyatiga rahbarlik qilish va uni muvofiqlashtirish uchun tuziladigan doimiy faoliyat yurituvchi komissiya;”;
yettinchi xatboshi chiqarib tashlansin;
sakkizinchi — oʻn ikkinchi xatboshilar tegishli ravishda yettinchi — oʻn birinchi xatboshilar deb hisoblansin;
sakkizinchi xatboshi quyidagi tahrirda bayon etilsin:
“Markaziy ekspert-tekshirish komissiyasi (bundan buyon matnda METK deb yuritiladi) — uslubiy va amaliy ishlarni olib borish uchun, shuningdek Oʻzbekiston Respublikasi Milliy arxiv fondi hujjatlarini doimiy saqlovchi vazirliklar, idoralar, tarmoq davlat fondlari va tashkilotlarining MEKlariga rahbarlik qilish va ularning faoliyatini muvofiqlashtirish uchun Oʻzbekiston Respublikasi Adliya vazirligi huzuridagi “Oʻzarxiv” agentligi (bundan buyon matnda “Oʻzarxiv” agentligi deb yuritiladi) huzurida ish olib boradigan doimiy faoliyat koʻrsatuvchi komissiya;”.
2. 20-banddan “davlat arxivlari” degan soʻzlar chiqarib tashlansin.
3. 30-banddagi “tegishli” degan soʻz “kasbiy kompetentlik guvohnomasiga ega boʻlgan” degan soʻzlar bilan almashtirilsin.
4. 1 , 1b , 2 , 2b , 3 , 3b , 4 , 4b va 5b-ilovalar matnidagi “Arxiv muassasasi ETK (ETUK)ning” degan soʻzlar “ETK (ETUK)ning” degan soʻzlar bilan almashtirilsin.
Vazir A. TASHKULOV
Toshkent sh.,
2024-yil 24-avgust,
21-mh-son