📅 2024-yil 24-avgust · Vazirlik va idoralar hujjatlari · Adliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 24 август · Вазирлик ва идоралар ҳужжатлари · Адлия вазири
Расмий матн. Расмий ҳужжат. Таҳририй изоҳлар киритилмаган.
📅 24 августа 2024 г. · Документы министерств и ведомств · Министр юстиции
Официальный текст. Официальный документ. Редакционные примечания не включены.
📅 24 August 2024 · Ministry and agency documents · Adliya vaziri
Official text. Official document. Editorial notes are not included.
Ўзбекистон Республикаси Адлия вазирининг
буйруғи
Архив ҳужжатлари давлат архивларига топширилиши лозим бўлган корхоналар, муассасалар ва ташкилотларнинг рўйхатини тузиш тартиби тўғрисидаги низомга ўзгартиришлар киритиш ҳақида
Ўзбекистон Республикаси Вазирлар Маҳкамасининг « Давлат органлари ва ташкилотларининг архив иши ва иш юритиш соҳасидаги эксперт комиссиялари тўғрисидаги намунавий низомларни тасдиқлаш ҳақида » 2021 йил 24 августдаги 538-сон ҳамда « Ўзбекистон Республикаси «Ўзархив» агентлиги тўғрисидаги низомни тасдиқлаш ҳақида » 2020 йил 8 февралдаги 72-сон қарорларига мувофиқ буюраман:
1. Ўзбекистон Республикаси Вазирлар Маҳкамаси ҳузуридаги «Ўзархив» агентлиги Бош директорининг 2012 йил 9 апрелдаги 29-сон буйруғи (рўйхат рақами 2360, 2012 йил 11 май) (Ўзбекистон Республикаси қонун ҳужжатлари тўплами, 2012 й., 19-сон, 214-модда) билан тасдиқланган Архив ҳужжатлари давлат архивларига топширилиши лозим бўлган корхоналар, муассасалар ва ташкилотларнинг рўйхатини тузиш тартиби тўғрисидаги низомга иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси адлия вазирининг 2024 йил 24 августдаги 22-мҳ-сон буйруғига ИЛОВА
Архив ҳужжатлари давлат архивларига топширилиши лозим бўлган корхоналар, муассасалар ва ташкилотларнинг рўйхатини тузиш тартиби тўғрисидаги низомга киритилаётган ўзгартиришлар
1. 3-бандда :
тўртинчи хатбоши қуйидаги таҳрирда баён этилсин:
«Эксперт-текширув комиссияси (бундан буён матнда ЭТК деб юритилади) /Эксперт-текширув услубий комиссияси (бундан буён матнда ЭТУК деб юритилади) — архив иши ҳудудий бошқармалари, Ўзбекистон миллий архивларида бошқарув (иш юритиш), илмий-техника ва бошқа махсус ҳужжатлар қимматлилиги экспертизасини ташкил этиш ва ҳужжатларни архивларга сақлаш учун топширишга тайёрлаш бўйича услубий ва амалий ишларни ўтказиш ҳамда давлат архивларининг жамлаш манбаи бўлган давлат органлари ва ташкилотларининг архив иши ва иш юритиш соҳасидаги Марказий эксперт комиссиялари (бундан буён матнда МЕК деб юритилади) ва ЭК фаолиятига раҳбарлик қилиш ва уни мувофиқлаштириш учун тузиладиган доимий фаолият юритувчи комиссия;»;
бешинчи хатбоши қуйидаги таҳрирда баён этилсин:
«Марказий эксперт-текшириш комиссияси (бундан буён матнда МЕТК деб юритилади) — услубий ва амалий ишларни олиб бориш учун, шунингдек Ўзбекистон Республикаси Миллий архив фонди ҳужжатларини доимий сақловчи вазирликлар, идоралар, тармоқ давлат фондлари ва ташкилотларининг МЕКларига раҳбарлик қилиш ва уларнинг фаолиятини мувофиқлаштириш учун Ўзбекистон Республикаси Адлия вазирлиги ҳузуридаги «Ўзархив» агентлиги (бундан буён матнда «Ўзархив» агентлиги деб юритилади) ҳузурида иш олиб борадиган доимий фаолият кўрсатувчи комиссия;»;
олтинчи хатбоши чиқариб ташлансин;
2. 20 ва 22-бандлардаги «ЭТУК» деган сўз «МЕТК» деган сўз билан алмаштирилсин.
3. 21-банд қуйидаги таҳрирда баён этилсин:
«21. Ташкилотни давлат архивларининг асосий жамлаш манбалари таркибига киритиш тўғрисидаги маълумотнома 3 нусхада тузилади: биринчи нусха ташкилотнинг давлат архиви томонидан юритиладиган кузатув йиғмажилдга жойлаштирилади, иккинчи нусха архив иши бўйича тегишли ҳудудий бошқарманинг ЭТК («Ўзархив» агентлигида — МЕТК) иш юритишида фойдаланиш учун олиб қўйилади, учинчи нусха ташкилот раҳбарига ЭТК (МЕТК)нинг ташкилотни давлат архивининг асосий жамлаш манбалари рўйхатига киритиш тўғрисидаги қароридан кўчирма билан биргаликда юборилади.».
4. 30-банддаги «Республикаси марказий давлат» деган сўзлар «миллий» деган сўз билан алмаштирилсин.
5. 32-банддан «бош» деган сўз чиқариб ташлансин.
6. 33-банд қуйидаги таҳрирда баён этилсин:
«33. Давлат архивларининг асосий жамлаш манбалари рўйхати лойиҳасининг келишилиши тўғрисидаги ЭТК (МЕТК) қарори баённома билан расмийлаштирилиб, комиссия раиси томонидан тасдиқланади.
Рўйхат охирида, пастки чап бурчагида Архив иши бошқарув органи ЭТКнинг (МЕТК) «келишилган» деган штампи қўйилади, баённоманинг рақами ва санаси кўрсатилади ҳамда архив иши ҳудудий бошқарма раҳбари (Ўзбекистон миллий архивлари учун — «Ўзархив» агентлиги директори) томонидан тасдиқланади.».
7. 34-банд қуйидаги таҳрирда баён этилсин:
«34. Архив иши бошқарув органи ЭТК (МЕТК)нинг давлат архивларининг асосий жамлаш манбалари рўйхатини келишиш тўғрисидаги қарори рўйхатни тасдиқлаш учун асос бўлиб хизмат қилади.».
8. Низомга илова қуйидаги таҳрирда баён этилсин:
«ТАСДИҚЛАЙМАН _________________________ орган номи, лавозими ________________________ Ф.И.Ш, имзо ________________________ сана Давлат архивининг асосий жамлаш манбалари рўйхати ШАКЛИ* ___________________________________________________ (давлат архивининг номи) Т/р Ташкилот индекси ** Ташкилот номи Мулкчилик шакли (давлат, нодавлат) Ҳужжатларни қабул қилиш шакли: тўлиқ — 1, танланма: тури бўйича — 2.1, гуруҳи бўйича — 2.2 Қабул қилинаётган ҳужжатнинг тури Изоҳлар*** 1. 2. 3. 4. 5. 6. 7. 1. Давлат органлари 1.1. 1.2. 2. Иқтисодиёт. Статистика 2.1. 2.2. 3. Саноат 3.1. 3.2. 4. Қишлоқ, ўрмон, сув хўжалиги 4.1. 4.2. 5. Қурилиш. Архитектура 5.1. 5.2. 6. Транспорт 6.1. 6.2. 7. Алоқа. Радиоузатиш. Телевидение 7.1. 7.2. 8. Савдо. Умумий овқатланиш 8.1. 8.2. 9. Таъминот. Тайёрлов. Сотиш 9.1. 9.2. 10. Молиялаштириш. Кредитлаш. Давлат суғуртаси 10.1. 10.2. 11. Уй-жой коммунал хўжалиги, маиший хизмат кўрсатиш 11.1. 11.2. 12. Таълим. Кадрлар тайёрлаш 12.1. 12.2. 13. Фан 13.1. 13.2. 14. Маданият. Санъат. Матбуот. Маданий-оммавий ишлар 14.1. 14.2. 15. Соғлиқни сақлаш. Жисмоний тарбия. Спорт. Ижтимоий таъминот 15.1. 15.2. 16. Адлия. Суд. Прокуратура 16.1. 16.2. 17. Жамоат ташкилотлари 17.1. 17.2. 18. Бошқа соҳалар 18.1 18.2. Рўйхатдаги жами ташкилотлар Шу жумладан мулкчилик тури бўйича: давлат, нодавлат Шу жумладан қабул қилиш шакллари бўйича: 1, 2.1, 2.2 01.01.20__ й. ҳолатига жами ЭТК котиби имзоси»
Вазир А. ТАШКУЛОВ
Тошкент ш.,
2024 йил 24 август,
22-мҳ-сон
Oʻzbekiston Respublikasi Adliya vazirining
buyrugʻi
Arxiv hujjatlari davlat arxivlariga topshirilishi lozim boʻlgan korxonalar, muassasalar va tashkilotlarning roʻyxatini tuzish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasi Vazirlar Mahkamasining “ Davlat organlari va tashkilotlarining arxiv ishi va ish yuritish sohasidagi ekspert komissiyalari toʻgʻrisidagi namunaviy nizomlarni tasdiqlash haqida ” 2021-yil 24-avgustdagi 538-son hamda “ Oʻzbekiston Respublikasi “Oʻzarxiv” agentligi toʻgʻrisidagi nizomni tasdiqlash haqida ” 2020-yil 8-fevraldagi 72-son qarorlariga muvofiq buyuraman:
1. Oʻzbekiston Respublikasi Vazirlar Mahkamasi huzuridagi “Oʻzarxiv” agentligi Bosh direktorining 2012-yil 9-apreldagi 29-son buyrugʻi (roʻyxat raqami 2360, 2012-yil 11-may) (Oʻzbekiston Respublikasi qonun hujjatlari toʻplami, 2012-y., 19-son, 214-modda) bilan tasdiqlangan Arxiv hujjatlari davlat arxivlariga topshirilishi lozim boʻlgan korxonalar, muassasalar va tashkilotlarning roʻyxatini tuzish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi adliya vazirining 2024-yil 24-avgustdagi 22-mh-son buyrugʻiga ILOVA
Arxiv hujjatlari davlat arxivlariga topshirilishi lozim boʻlgan korxonalar, muassasalar va tashkilotlarning roʻyxatini tuzish tartibi toʻgʻrisidagi nizomga kiritilayotgan oʻzgartirishlar
1. 3-bandda :
toʻrtinchi xatboshi quyidagi tahrirda bayon etilsin:
“Ekspert-tekshiruv komissiyasi (bundan buyon matnda ETK deb yuritiladi) /Ekspert-tekshiruv uslubiy komissiyasi (bundan buyon matnda ETUK deb yuritiladi) — arxiv ishi hududiy boshqarmalari, Oʻzbekiston milliy arxivlarida boshqaruv (ish yuritish), ilmiy-texnika va boshqa maxsus hujjatlar qimmatliligi ekspertizasini tashkil etish va hujjatlarni arxivlarga saqlash uchun topshirishga tayyorlash boʻyicha uslubiy va amaliy ishlarni oʻtkazish hamda davlat arxivlarining jamlash manbai boʻlgan davlat organlari va tashkilotlarining arxiv ishi va ish yuritish sohasidagi Markaziy ekspert komissiyalari (bundan buyon matnda MEK deb yuritiladi) va EK faoliyatiga rahbarlik qilish va uni muvofiqlashtirish uchun tuziladigan doimiy faoliyat yurituvchi komissiya;”;
beshinchi xatboshi quyidagi tahrirda bayon etilsin:
“Markaziy ekspert-tekshirish komissiyasi (bundan buyon matnda METK deb yuritiladi) — uslubiy va amaliy ishlarni olib borish uchun, shuningdek Oʻzbekiston Respublikasi Milliy arxiv fondi hujjatlarini doimiy saqlovchi vazirliklar, idoralar, tarmoq davlat fondlari va tashkilotlarining MEKlariga rahbarlik qilish va ularning faoliyatini muvofiqlashtirish uchun Oʻzbekiston Respublikasi Adliya vazirligi huzuridagi “Oʻzarxiv” agentligi (bundan buyon matnda “Oʻzarxiv” agentligi deb yuritiladi) huzurida ish olib boradigan doimiy faoliyat koʻrsatuvchi komissiya;”;
oltinchi xatboshi chiqarib tashlansin;
2. 20 va 22-bandlardagi “ETUK” degan soʻz “METK” degan soʻz bilan almashtirilsin.
3. 21-band quyidagi tahrirda bayon etilsin:
“21. Tashkilotni davlat arxivlarining asosiy jamlash manbalari tarkibiga kiritish toʻgʻrisidagi maʼlumotnoma 3 nusxada tuziladi: birinchi nusxa tashkilotning davlat arxivi tomonidan yuritiladigan kuzatuv yigʻmajildga joylashtiriladi, ikkinchi nusxa arxiv ishi boʻyicha tegishli hududiy boshqarmaning ETK (“Oʻzarxiv” agentligida — METK) ish yuritishida foydalanish uchun olib qoʻyiladi, uchinchi nusxa tashkilot rahbariga ETK (METK)ning tashkilotni davlat arxivining asosiy jamlash manbalari roʻyxatiga kiritish toʻgʻrisidagi qaroridan koʻchirma bilan birgalikda yuboriladi.”.
4. 30-banddagi “Respublikasi markaziy davlat” degan soʻzlar “milliy” degan soʻz bilan almashtirilsin.
5. 32-banddan “bosh” degan soʻz chiqarib tashlansin.
6. 33-band quyidagi tahrirda bayon etilsin:
“33. Davlat arxivlarining asosiy jamlash manbalari roʻyxati loyihasining kelishilishi toʻgʻrisidagi ETK (METK) qarori bayonnoma bilan rasmiylashtirilib, komissiya raisi tomonidan tasdiqlanadi.
Roʻyxat oxirida, pastki chap burchagida Arxiv ishi boshqaruv organi ETKning (METK) “kelishilgan” degan shtampi qoʻyiladi, bayonnomaning raqami va sanasi koʻrsatiladi hamda arxiv ishi hududiy boshqarma rahbari (Oʻzbekiston milliy arxivlari uchun — “Oʻzarxiv” agentligi direktori) tomonidan tasdiqlanadi.”.
7. 34-band quyidagi tahrirda bayon etilsin:
“34. Arxiv ishi boshqaruv organi ETK (METK)ning davlat arxivlarining asosiy jamlash manbalari roʻyxatini kelishish toʻgʻrisidagi qarori roʻyxatni tasdiqlash uchun asos boʻlib xizmat qiladi.”.
8. Nizomga ilova quyidagi tahrirda bayon etilsin:
“TASDIQLAYMAN _________________________ organ nomi, lavozimi ________________________ F.I.Sh, imzo ________________________ sana Davlat arxivining asosiy jamlash manbalari roʻyxati SHAKLI* ___________________________________________________ (davlat arxivining nomi) T/r Tashkilot indeksi ** Tashkilot nomi Mulkchilik shakli (davlat, nodavlat) Hujjatlarni qabul qilish shakli: toʻliq — 1, tanlanma: turi boʻyicha — 2.1, guruhi boʻyicha — 2.2 Qabul qilinayotgan hujjatning turi Izohlar*** 1. 2. 3. 4. 5. 6. 7. 1. Davlat organlari 1.1. 1.2. 2. Iqtisodiyot. Statistika 2.1. 2.2. 3. Sanoat 3.1. 3.2. 4. Qishloq, oʻrmon, suv xoʻjaligi 4.1. 4.2. 5. Qurilish. Arxitektura 5.1. 5.2. 6. Transport 6.1. 6.2. 7. Aloqa. Radiouzatish. Televideniye 7.1. 7.2. 8. Savdo. Umumiy ovqatlanish 8.1. 8.2. 9. Taʼminot. Tayyorlov. Sotish 9.1. 9.2. 10. Moliyalashtirish. Kreditlash. Davlat sugʻurtasi 10.1. 10.2. 11. Uy-joy kommunal xoʻjaligi, maishiy xizmat koʻrsatish 11.1. 11.2. 12. Taʼlim. Kadrlar tayyorlash 12.1. 12.2. 13. Fan 13.1. 13.2. 14. Madaniyat. Sanʼat. Matbuot. Madaniy-ommaviy ishlar 14.1. 14.2. 15. Sogʻliqni saqlash. Jismoniy tarbiya. Sport. Ijtimoiy taʼminot 15.1. 15.2. 16. Adliya. Sud. Prokuratura 16.1. 16.2. 17. Jamoat tashkilotlari 17.1. 17.2. 18. Boshqa sohalar 18.1 18.2. Roʻyxatdagi jami tashkilotlar Shu jumladan mulkchilik turi boʻyicha: davlat, nodavlat Shu jumladan qabul qilish shakllari boʻyicha: 1, 2.1, 2.2 01.01.20__ y. holatiga jami ETK kotibi imzosi”
Vazir A. TASHKULOV
Toshkent sh.,
2024-yil 24-avgust,
22-mh-son