📅 2024-yil 30-avgust · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 30 август · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 30 августа 2024 г. · Законы и кодексы
Официальный текст. Официальный документ. Редакционные примечания не включены.
📅 30 August 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг «Ўзбекистон Республикасида хизмат кўрсатган тадбиркор» фахрий унвонини таъсис этиш тўғрисида
Қонунчилик палатаси томонидан 2024 йил 27 августда қабул қилинган Сенат томонидан 2024 йил 28 августда маъқулланган
1-модда. «Ўзбекистон Республикасида хизмат кўрсатган тадбиркор» фахрий унвони таъсис этилсин.
2-модда. Ўзбекистон Республикасининг 1995 йил 22 декабрда қабул қилинган «Давлат мукофотлари тўғрисида»ги 176-I-сонли Қонуни (Ўзбекистон Республикасининг 2018 йил 11 апрелда қабул қилинган ЎРҚ-473-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2018 йил, № 4, 221-модда; 2019 йил, № 9, 589-модда; 2020 йил, № 3, 200-модда, № 5, 299, 300-моддалар, № 6, 334-модда, № 12, 688-модда; 2021 йил, 4-сонга илова; 2022 йил, № 8, 790-модда) 7-моддасининг биринчи қисмига куйидаги қўшимча ва ўзгартириш киритилсин:
қуйидаги мазмундаги ўттизинчи хатбоши билан тўлдирилсин:
«Ўзбекистон Республикасида хизмат кўрсатган тадбиркор»;
ўттизинчи — ўттиз олтинчи хатбошилар тегишинча ўттиз биринчи — ўттиз еттинчи хатбошилар деб ҳисоблансин.
3-модда. Ўзбекистон Республикасининг 1996 йил 26 апрелда қабул қилинган «Ўзбекистон Республикасининг фахрий унвонларини таъсис этиш тўғрисида»ги 226-I-сонли Қонунига (Ўзбекистон Республикаси Олий Мажлисининг Ахборотномаси, 1996 йил, № 5-6, 64-модда; 1997 йил, № 2, 64-модда; 1998 йил, № 5-6, 114-модда, № 9, 164-модда; 2000 йил, № 5-6, 153-модда; Ўзбекистон Республикаси Олий Мажлиси палаталарининг Ахборотномаси, 2020 йил, № 12, 688-модда; 2022 йил, № 5, 464-модда) куйидаги қўшимчалар ва ўзгартириш киритилсин:
1) 1-модда :
қуйидаги мазмундаги ўттизинчи хатбоши билан тўлдирилсин:
«Ўзбекистон Республикасида хизмат кўрсатган тадбиркор»;
ўттизинчи — ўттиз олтинчи хатбошилари тегишинча ўттиз биринчи — ўттиз еттинчи хатбошилар деб ҳисоблансин;
2) Ўзбекистон Республикасининг фахрий унвонлари тўғрисидаги Низом «Ўзбекистон Республикасида хизмат кўрсатган спортчи» фахрий унвони тўғрисидаги матндан кейин қуйидаги мазмундаги хатбоши билан тўлдирилсин:
«Ўзбекистон Республикасида хизмат кўрсатган тадбиркор» фахрий унвони бизнеснинг янги, юқори даромадли йўналишларини йўлга қўйган, соҳага инновацияларни кенг жорий қилиш, замонавий ишлаб чиқариш қувватларини барпо этиш, экспорт салоҳиятини ошириш, хорижий ва маҳаллий инвестицияларни фаол жалб қилиш, янги иш ўринларини яратиш орқали мамлакатимиз иқтисодиётини ривожлантириш ҳамда аҳоли фаровонлигини юксалтиришга муносиб ҳисса қўшиб келаётган, шунингдек фаолиятида давлат органлари билан ҳамкорликни амалга ошириб, ижтимоий лойиҳалардаги фаоллиги билан бошқаларга намуна бўлаётган, бизнес юритишда катта тажрибага эга бўлган, илғор ва ташаббускор тадбиркорлик субъектлари раҳбарларига ҳамда таъсисчиларига берилади»;
3) Ўзбекистон Республикаси фахрий унвонларининг кўкрак нишонлари тавсифи «Ўзбекистон Республикасида хизмат кўрсатган спортчи» фахрий унвонининг кўкрак нишонига оид тавсиф матнидан кейин қуйидаги мазмундаги матн билан тўлдирилсин:
«Ўзбекистон Республикасида хизмат кўрсатган тадбиркор»
Кўкрак нишони диаметри 30 миллиметрли доира шаклида бўлади ва 925 пробали кумушдан тайёрланади. Нишоннинг қалинлиги 2,2 миллиметр.
Нишоннинг юз томонида, Ўзбекистон Республикасининг географик харитаси ҳамда қуёш нурлари фонида тадбиркорликнинг жадал ривожланиши ва унинг мамлакатимиз тараққиётига қўшган муносиб ҳиссасини акс эттирувчи иқтисодий ўсиш белгиси ва тангалар акс эттирилган.
Нишоннинг айланаси бўйлаб пастки ўнг қисмида дафна новдаси ва юқори қисмида «XIZMAT KOʻRSATGAN TADBIRKOR» ёзуви жойлашган.
Нишоннинг орқа томонида Ўзбекистон Республикасининг Давлат герби тасвирланган.
Тасвирлар ва ёзув қабариқ.
Нишоннинг юз ва орқа томонлари чеккалари қабариқ ҳошия билан ўралган.
Кўкрак нишонининг ички қисмига Ўзбекистон Республикасининг Давлат байроғи рангларидаги шойи лента сирилган қадағичга ҳалқа ва илмоқча ёрдамида уланади.
Қадағичнинг бўйи 16 миллиметр, эни 25 миллиметр.
Қадағичнинг орқа томонида нишонни кийимга тақиб қўйиш учун тўғноғич тарзидаги мослама мавжуд».
4-модда. Ўзбекистон Республикаси Савдо-саноат палатаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
5-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
6-модда. Ушбу Қонун расмий эълон қилинган кундан эътиборан кучга киради.
«Ўзбекистон Республикасида хизмат кўрсатган тадбиркор» фахрий унвони
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 30 август,
ЎРҚ-952-сон
Oʻzbekiston Respublikasining Qonuni
Oʻzbekiston Respublikasining “Oʻzbekiston Respublikasida xizmat koʻrsatgan tadbirkor” faxriy unvonini taʼsis etish toʻgʻrisida
Qonunchilik palatasi tomonidan 2024-yil 27-avgustda qabul qilingan Senat tomonidan 2024-yil 28-avgustda maʼqullangan
1-modda. “Oʻzbekiston Respublikasida xizmat koʻrsatgan tadbirkor” faxriy unvoni taʼsis etilsin.
2-modda. Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi 176-I-sonli Qonuni (Oʻzbekiston Respublikasining 2018-yil 11-aprelda qabul qilingan OʻRQ-473-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 221-modda; 2019-yil, № 9, 589-modda; 2020-yil, № 3, 200-modda, № 5, 299, 300-moddalar, № 6, 334-modda, № 12, 688-modda; 2021-yil, 4-songa ilova; 2022-yil, № 8, 790-modda) 7-moddasining birinchi qismiga kuyidagi qoʻshimcha va oʻzgartirish kiritilsin:
quyidagi mazmundagi oʻttizinchi xatboshi bilan toʻldirilsin:
“Oʻzbekiston Respublikasida xizmat koʻrsatgan tadbirkor”;
oʻttizinchi — oʻttiz oltinchi xatboshilar tegishincha oʻttiz birinchi — oʻttiz yettinchi xatboshilar deb hisoblansin.
3-modda. Oʻzbekiston Respublikasining 1996-yil 26-aprelda qabul qilingan “Oʻzbekiston Respublikasining faxriy unvonlarini taʼsis etish toʻgʻrisida”gi 226-I-sonli Qonuniga (Oʻzbekiston Respublikasi Oliy Majlisining Axborotnomasi, 1996-yil, № 5-6, 64-modda; 1997-yil, № 2, 64-modda; 1998-yil, № 5-6, 114-modda, № 9, 164-modda; 2000-yil, № 5-6, 153-modda; Oʻzbekiston Respublikasi Oliy Majlisi palatalarining Axborotnomasi, 2020-yil, № 12, 688-modda; 2022-yil, № 5, 464-modda) kuyidagi qoʻshimchalar va oʻzgartirish kiritilsin:
1) 1-modda :
quyidagi mazmundagi oʻttizinchi xatboshi bilan toʻldirilsin:
“Oʻzbekiston Respublikasida xizmat koʻrsatgan tadbirkor”;
oʻttizinchi — oʻttiz oltinchi xatboshilari tegishincha oʻttiz birinchi — oʻttiz yettinchi xatboshilar deb hisoblansin;
2) Oʻzbekiston Respublikasining faxriy unvonlari toʻgʻrisidagi Nizom “Oʻzbekiston Respublikasida xizmat koʻrsatgan sportchi” faxriy unvoni toʻgʻrisidagi matndan keyin quyidagi mazmundagi xatboshi bilan toʻldirilsin:
“Oʻzbekiston Respublikasida xizmat koʻrsatgan tadbirkor” faxriy unvoni biznesning yangi, yuqori daromadli yoʻnalishlarini yoʻlga qoʻygan, sohaga innovatsiyalarni keng joriy qilish, zamonaviy ishlab chiqarish quvvatlarini barpo etish, eksport salohiyatini oshirish, xorijiy va mahalliy investitsiyalarni faol jalb qilish, yangi ish oʻrinlarini yaratish orqali mamlakatimiz iqtisodiyotini rivojlantirish hamda aholi farovonligini yuksaltirishga munosib hissa qoʻshib kelayotgan, shuningdek faoliyatida davlat organlari bilan hamkorlikni amalga oshirib, ijtimoiy loyihalardagi faolligi bilan boshqalarga namuna boʻlayotgan, biznes yuritishda katta tajribaga ega boʻlgan, ilgʻor va tashabbuskor tadbirkorlik subyektlari rahbarlariga hamda taʼsischilariga beriladi”;
3) Oʻzbekiston Respublikasi faxriy unvonlarining koʻkrak nishonlari tavsifi “Oʻzbekiston Respublikasida xizmat koʻrsatgan sportchi” faxriy unvonining koʻkrak nishoniga oid tavsif matnidan keyin quyidagi mazmundagi matn bilan toʻldirilsin:
“Oʻzbekiston Respublikasida xizmat koʻrsatgan tadbirkor”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning yuz tomonida, Oʻzbekiston Respublikasining geografik xaritasi hamda quyosh nurlari fonida tadbirkorlikning jadal rivojlanishi va uning mamlakatimiz taraqqiyotiga qoʻshgan munosib hissasini aks ettiruvchi iqtisodiy oʻsish belgisi va tangalar aks ettirilgan.
Nishonning aylanasi boʻylab pastki oʻng qismida dafna novdasi va yuqori qismida “XIZMAT KOʻRSATGAN TADBIRKOR” yozuvi joylashgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Nishonning yuz va orqa tomonlari chekkalari qabariq hoshiya bilan oʻralgan.
Koʻkrak nishonining ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
Qadagʻichning boʻyi 16 millimetr, eni 25 millimetr.
Qadagʻichning orqa tomonida nishonni kiyimga taqib qoʻyish uchun toʻgʻnogʻich tarzidagi moslama mavjud”.
4-modda. Oʻzbekiston Respublikasi Savdo-sanoat palatasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
5-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
6-modda. Ushbu Qonun rasmiy eʼlon qilingan kundan eʼtiboran kuchga kiradi.
“Oʻzbekiston Respublikasida xizmat koʻrsatgan tadbirkor” faxriy unvoni
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 30-avgust,
OʻRQ-952-son
Закон Республики Узбекистан
Об учреждении почетного звания Республики Узбекистан «Ўзбекистон Республикасида хизмат кўрсатган тадбиркор»
Принят Законодательной палатой 27 августа 2024 года Одобрен Сенатом 28 августа 2024 года
Статья 1. Учредить почетное звание «Ўзбекистон Республикасида хизмат кўрсатган тадбиркор» («Заслуженный предприниматель Республики Узбекистан»).
Статья 2. Внести в часть первую статьи 7 Закона Республики Узбекистан от 22 декабря 1995 года № 176-I «О государственных наградах» (в редакции Закона Республики Узбекистан от 11 апреля 2018 года № ЗРУ-473) (Ведомости палат Олий Мажлиса Республики Узбекистан, 2018 г., № 4, ст. 221; 2019 г., № 9, ст. 589; 2020 г., № 3, ст. 200, № 5, ст.ст. 299, 300, № 6, ст. 334, № 12, ст. 688; 2021 г., приложение к № 4; 2022 г., № 8, ст. 790) следующие дополнение и изменение:
дополнить абзацем тридцатым следующего содержания:
«Ўзбекистон Республикасида хизмат кўрсатган тадбиркор» («Заслуженный предприниматель Республики Узбекистан»);
абзацы тридцатый — тридцать шестой считать соответственно абзацами тридцать первым — тридцать седьмым.
Статья 3 . Внести в Закон Республики Узбекистан от 26 апреля 1996 года № 226-I «Об учреждении почетных званий Республики Узбекистан» (Ведомости Олий Мажлиса Республики Узбекистан, 1996 г., № 5-6, ст. 64; 1997 г., № 2, ст. 64; 1998 г., № 5-6, ст. 114, № 9, ст. 164; 2000 г., № 5-6, ст. 153; Ведомости палат Олий Мажлиса Республики Узбекистан, 2020 г., № 12, ст. 688; 2022 г., № 5, ст. 464) следующие дополнения и изменение:
1) в статье 1 :
дополнить абзацем тридцатым следующего содержания:
«Ўзбекистон Республикасида хизмат кўрсатган тадбиркор» («Заслуженный предприниматель Республики Узбекистан»);
абзацы тридцатый — тридцать шестой считать соответственно абзацами тридцать первым — тридцать седьмым;
2) Положение о почетных званиях Республики Узбекистан после текста о почетном звании «Ўзбекистон Республикасида хизмат кўрсатган спортчи» («Заслуженный спортсмен Республики Узбекистан») дополнить абзацем следующего содержания:
«Ўзбекистон Республикасида хизмат кўрсатган тадбиркор» («Заслуженный предприниматель Республики Узбекистан») — передовым и инициативным руководителям и учредителям субъектов предпринимательства, наладившим новые, высокодоходные направления бизнеса, внесшим достойный вклад в развитие экономики страны и повышение благосостояния населения благодаря широкому внедрению инноваций в сферу, возведению современных производственных мощностей, повышению экспортного потенциала, активному привлечению иностранных и отечественных инвестиций, созданию новых рабочих мест, а также ставшим образцом в осуществлении деятельности в сотрудничестве с государственными органами, активном участии в социальных проектах и имеющим большой опыт в ведении бизнеса»;
3) Описание нагрудных знаков к почетным званиям Республики Узбекистан после текста описания нагрудного знака к почетному званию «Ўзбекистон Республикасида хизмат кўрсатган спортчи» («Заслуженный спортсмен Республики Узбекистан») дополнить текстом следующего содержания:
«Ўзбекистон Республикасида хизмат кўрсатган тадбиркор» («Заслуженный предприниматель Республики Узбекистан»)
Нагрудный знак имеет форму круга диаметром 30 миллиметров и изготавливается из серебра 925 пробы. Толщина знака 2,2 миллиметра.
На лицевой стороне в центре знака на фоне географической карты Республики Узбекистан и солнечных лучей изображены знак экономического роста и монеты, символизирующие ускоренное развитие предпринимательства и его достойный вклад в процветание нашей страны.
Вдоль правого нижнего края знака изображена лавровая ветвь, и в его верхней части расположена надпись «XIZMAT KOʻRSATGAN TADBIRKOR».
На оборотной стороне знака изображен Государственный герб Республики Узбекистан.
Изображения и надпись выпуклые.
Края лицевой и оборотной сторон знака окаймлены бортиком.
Нагрудный знак с помощью ушка и кольца соединяется с колодкой, внутренняя часть которой покрыта муаровой лентой цветов Государственного флага Республики Узбекистан.
Высота колодки 16 миллиметров, ширина 25 миллиметров.
На оборотной стороне колодки имеется приспособление в виде булавки для крепления знака к одежде».
Статья 4. Торгово-промышленной палате Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 5. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 6. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
30 августа 2024 г.,
№ ЗРУ-952