📅 2024-yil 31-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 31 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 31 августа 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 31 August 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Ихтиро, фойдали модель ва саноат намунасидан патент эгасининг розилигисиз фойдаланилганда, патент эгасига тўланадиган товон миқдорини аниқлаш тартиби тўғрисидаги низомни тасдиқлаш ҳақида
Ўзбекистон Республикасининг «Ўзбекистон Республикасининг айрим қонун ҳужжатларига Ўзбекистон Республикаси миллий қонунчилигини Жаҳон савдо ташкилоти битимларига мувофиқлаштиришни назарда тутувчи ўзгартириш ва қўшимчалар киритиш тўғрисида»ги Қонуни ҳамда Ўзбекистон Республикаси Президентининг «Интеллектуал мулк соҳасини янада ривожлантиришга оид қўшимча чора-тадбирлар тўғрисида» 2022 йил 26 апрелдаги ПҚ-221-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикасининг «Ихтиролар, фойдали моделлар ва саноат намуналари тўғрисида»ги Қонунининг 32-моддасида қуйидагилар назарда тутилганлиги маълумот учун қабул қилинсин:
Ўзбекистон Республикаси Вазирлар Маҳкамаси давлат мудофааси ва хавфсизлигини таъминлаш, табиий ва техноген хусусиятли фавқулодда вазиятларни бартараф этиш, фуқароларнинг ҳаёти ва соғлиғини муҳофаза қилиш билан боғлиқ сўнгги зарурат юзага келган тақдирда, саноат мулки объектидан патент эгасининг розилигисиз фойдаланилишига уни бу ҳақда энг қисқа муддатда хабардор қилиб, кейинчалик мутаносиб миқдорда унга товон тўлаган ҳолда рухсат бериши мумкинлиги;
товон миқдорини аниқлаш тартиби Ўзбекистон Республикаси Вазирлар Маҳкамаси томонидан белгиланиши.
2. Қуйидагиларни назарда тутувчи Ихтиро, фойдали модель ва саноат намунасидан патент эгасининг розилигисиз фойдаланилганда, патент эгасига тўланадиган товон миқдорини аниқлаш тартиби тўғрисидаги низом 1-иловага мувофиқ тасдиқлансин:
ихтиро, фойдали модель ва саноат намунасидан (кейинги ўринларда — саноат мулки объекти) патент эгасининг рухсатисиз фойдаланиш тартиби;
саноат мулки объектидан фойдаланиш ҳажми ва давомийлигини белгилаш билан боғлиқ муносабатларни тартибга солиш;
патент эгасига тўланадиган товон миқдорини ҳисоблаш ва тўлаш тартибини белгилаш.
3. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.
4. Ушбу қарорга 2-илованинг 1-банди 2025 йил 1 январдан кучга киради.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Вазирлар Маҳкамасининг 2024 йил 31 августдаги 535-сон қарорига 1-ИЛОВА
Ихтиро, фойдали модель ва саноат намунасидан патент эгасининг розилигисиз фойдаланилганда, патент эгасига тўланадиган товон миқдорини аниқлаш тартиби тўғрисида
1-боб. Умумий қоидалар
1. Мазкур Низом Ўзбекистон Республикаси Вазирлар Маҳкамаси (кейинги ўринларда — ваколатли орган) томонидан патент эгасининг розилигисиз ихтиро, фойдали модель ва саноат намунасидан (кейинги ўринларда — саноат мулки объекти) фойдаланишга рухсат берилганда, патент эгасига тўланадиган товон миқдорини аниқлаш ва тўлаш тартибини белгилайди.
2. Саноат мулки объектидан патент эгасининг розилигисиз фойдаланишга ваколатли орган томонидан давлат мудофааси ва хавфсизлигини таъминлаш, табиий ва техноген хусусиятга эга фавқулодда вазиятларни бартараф этиш, фуқароларнинг ҳаёти ва соғлиғини муҳофаза қилиш билан боғлиқ сўнгги зарурат юзага келганда ҳамда ушбу ҳолатларни бартараф этиш учун патент эгасининг имкониятлари (ишлаб чиқариш материаллари, ускуналари ва бошқалар) мавжуд бўлмаган тақдирда рухсат этилади.
3. Саноат мулки объектидан фойдаланишга рухсат, биринчи навбатда, Ўзбекистон Республикаси ички бозорининг эҳтиёжларини таъминлаш учун берилади.
4. Мазкур Низом саноат мулки объектидан мажбурий лицензия асосида фойдаланиш билан боғлиқ муносабатларга татбиқ этилмайди.
2-боб. Саноат мулки объектидан патент эгасининг розилигисиз фойдаланиш.
5. Саноат мулки объектидан патент эгасининг розилигисиз фойдаланиш ҳуқуқи ваколатли орган томонидан саноат мулки объектини ўз ичига олган маҳсулот ёки буюмни тайёрлаш, қўллаш, сотишга таклиф этиш имкониятига эга ва хоҳиши бўлган ҳар қандай шахсга берилади.
6. Саноат мулки объектидан патент эгасининг розилигисиз фойдаланишга рухсат этилганда, ваколатли орган патент эгасини бир иш куни ичида хабардор қилади.
7. Ваколатли орган томонидан саноат мулки объектидан фойдаланиш ҳажми, давомийлиги ва мазкур Низомга мувофиқ аниқланадиган патент эгасига тўланадиган тўлов миқдори белгиланади.
8. Саноат мулки объектидан патент эгасининг рухсатисиз фойдаланиш муддати мазкур Низомнинг 2-бандида назарда тутилган ҳолатларни бартараф этиш учун зарур бўлган вақтга мутаносиб бўлиши керак.
9. Саноат мулки объектидан патент эгасининг рухсатисиз фойдаланиш ҳуқуқи уни бериш учун асос бўлган ҳолатлар бартараф этилган тақдирда ёки саноат мулки объектидан фойдаланиш ҳуқуқини олган шахс ташаббусига кўра ваколатли орган томонидан бекор қилинади.
10. Саноат мулки объектидан патент эгасининг рухсатисиз фойдаланиш ҳуқуқини олган шахс ташаббусига кўра бундай объектдан фойдаланиш ҳуқуқини бекор қилишда ваколатли орган камида 10 кун олдин хабардор қилиниши керак.
3-боб. Патент эгасига товон тўлаш
11. Товон миқдори патент эгасининг розилигисиз саноат мулки объектидан фойдаланган ҳолда реализация қилинган товарлардан ва (ёки) бажарилган ишлар ва (ёхуд) кўрсатилган хизматлардан олинган тушумларнинг 0,5 фоизини ташкил этади.
12. Товон бўйича тўловлар ваколатли орган томонидан берилган рухсатнинг амал қилиш мобайнида ҳар ойда тўланади.
Патент эгаси ва саноат мулки объектидан фойдаланиш ҳуқуқини олган шахснинг ўзаро келишувига асосан товон тўлаш шартлари ва муддатлари ўзгартирилиши мумкин.
13. Товарларни ишлаб чиқариш, ишларни бажариш ва хизматлар кўрсатиш учун бир нечта саноат мулки объектидан фойдаланилганда, товон миқдори ҳуқуқ эгаларига тегишли патентлар сонига тенг равишда тақсимланади.
14. Патент эгасига товон саноат мулки объектидан фойдаланиш ҳуқуқини олган шахс томонидан тўланади.
15. Саноат мулки объектидан фойдаланиш ҳуқуқини олган шахс товон тўлашдан бош тортганда ёки тўловни ўз вақтида тўламаганда, товон тўлиқ ваколатли орган томонидан белгиланган тартибда фавқулодда вазиятларни бартараф этиш учун шакллантирилган маблағлар ҳисобидан қопланади. Бунда ваколатли орган саноат мулки объектидан фойдаланиш ҳуқуқини олган шахсдан патент эгасига тўланган суммаларни регресс тартибида тўлашни талаб қилишга ҳақли.
4-боб. Якунловчи қоидалар
16. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
17. Саноат мулки объектини патент эгасининг розилигисиз фойдаланишга бериш тартиби бузилган ҳолда қабул қилинган қарор устидан судга шикоят қилиниши мумкин.
Вазирлар Маҳкамасининг 2024 йил 31 августдаги 535-сон қарорига 2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2006 йил 21 декабрдаги 263-сон қарори билан тасдиқланган Мадрид битимига доир Баённомага (Мадрид, 1989 йил 27 июнь) мувофиқ белгиларни халқаро рўйхатдан ўтказишда ундириладиган якка тартибдаги божлар ставкаларининг «Ставкалар (АҚШ доллари)» устунида:
1.1-позициядаги «1200» рақами «320» рақами билан алмаштирилсин;
1.2-позициядаги «120» рақами «130» рақами билан алмаштирилсин;
2.1-позициядаги «1800» рақами «480» рақами билан алмаштирилсин;
2.2-позициядаги «180» рақами «80» рақами билан алмаштирилсин;
3.1-позициядаги «600» рақами «160» рақами билан алмаштирилсин;
3.2-позициядаги «60» рақами «107» рақами билан алмаштирилсин;
4.1-позициядаги «1200» рақами «320» рақами билан алмаштирилсин;
4.2-позициядаги «120» рақами «53» рақами билан алмаштирилсин.
2. Вазирлар Маҳкамасининг 2011 йил 7 январдаги 6-сон қарори билан тасдиқланган Якка тартибдаги тадбиркорлар шуғулланиши мумкин бўлган фаолият турлари рўйхатининг IV бўлими қуйидаги мазмундаги 90-позиция билан тўлдирилсин:
« 90. Патент вакили сифатида фаолиятни амалга ошириш » .
4. Вазирлар Маҳкамасининг 2019 йил 9 октябрдаги 856-сон қарори билан тасдиқланган Ўзбекистон Республикаси Адлия вазирлигининг Апелляция кенгаши тўғрисидаги низомнинг 8-банди иккинчи ва учинчи хатбошиларидаги «Вазирлик ва Давлат муассасасининг» сўзлари «Вазирликнинг» сўзи билан алмаштирилсин.
5. Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомга 4-илованинг 9-позицияси қуйидаги таҳрирдаги «и» кичик банди билан тўлдирилсин:
«и) I рейтинг гуруҳи ижрочилари томонидан ўзгаларнинг муаллифлик ҳуқуқи ва турдош ҳуқуқларини бузмаслик*».
Ўзбекистон Республикасининг Бош вазири А. АРИПОВ
Тошкент ш.,
2024 йил 31 август,
535-сон
Oʻzbekiston Respublikasi Vazirlar Mahkamasining
qarori
NIZOM
Ixtiro, foydali model va sanoat namunasidan patent egasining roziligisiz foydalanilganda, patent egasiga toʻlanadigan tovon miqdorini aniqlash tartibi toʻgʻrisidagi nizomni tasdiqlash haqida
Oʻzbekiston Respublikasining “Oʻzbekiston Respublikasining ayrim qonun hujjatlariga Oʻzbekiston Respublikasi milliy qonunchiligini Jahon savdo tashkiloti bitimlariga muvofiqlashtirishni nazarda tutuvchi oʻzgartirish va qoʻshimchalar kiritish toʻgʻrisida”gi Qonuni hamda Oʻzbekiston Respublikasi Prezidentining “Intellektual mulk sohasini yanada rivojlantirishga oid qoʻshimcha chora-tadbirlar toʻgʻrisida” 2022-yil 26-apreldagi PQ-221-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasining “Ixtirolar, foydali modellar va sanoat namunalari toʻgʻrisida”gi Qonunining 32-moddasida quyidagilar nazarda tutilganligi maʼlumot uchun qabul qilinsin:
Oʻzbekiston Respublikasi Vazirlar Mahkamasi davlat mudofaasi va xavfsizligini taʼminlash, tabiiy va texnogen xususiyatli favqulodda vaziyatlarni bartaraf etish, fuqarolarning hayoti va sogʻligʻini muhofaza qilish bilan bogʻliq soʻnggi zarurat yuzaga kelgan taqdirda, sanoat mulki obyektidan patent egasining roziligisiz foydalanilishiga uni bu haqda eng qisqa muddatda xabardor qilib, keyinchalik mutanosib miqdorda unga tovon toʻlagan holda ruxsat berishi mumkinligi;
tovon miqdorini aniqlash tartibi Oʻzbekiston Respublikasi Vazirlar Mahkamasi tomonidan belgilanishi.
2. Quyidagilarni nazarda tutuvchi Ixtiro, foydali model va sanoat namunasidan patent egasining roziligisiz foydalanilganda, patent egasiga toʻlanadigan tovon miqdorini aniqlash tartibi toʻgʻrisidagi nizom 1-ilovaga muvofiq tasdiqlansin:
ixtiro, foydali model va sanoat namunasidan (keyingi oʻrinlarda — sanoat mulki obyekti) patent egasining ruxsatisiz foydalanish tartibi;
sanoat mulki obyektidan foydalanish hajmi va davomiyligini belgilash bilan bogʻliq munosabatlarni tartibga solish;
patent egasiga toʻlanadigan tovon miqdorini hisoblash va toʻlash tartibini belgilash.
3. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.
4. Ushbu qarorga 2-ilovaning 1-bandi 2025-yil 1-yanvardan kuchga kiradi.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Vazirlar Mahkamasining 2024-yil 31-avgustdagi 535-son qaroriga 1-ILOVA
Ixtiro, foydali model va sanoat namunasidan patent egasining roziligisiz foydalanilganda, patent egasiga toʻlanadigan tovon miqdorini aniqlash tartibi toʻgʻrisida
1-bob. Umumiy qoidalar
1. Mazkur Nizom Oʻzbekiston Respublikasi Vazirlar Mahkamasi (keyingi oʻrinlarda — vakolatli organ) tomonidan patent egasining roziligisiz ixtiro, foydali model va sanoat namunasidan (keyingi oʻrinlarda — sanoat mulki obyekti) foydalanishga ruxsat berilganda, patent egasiga toʻlanadigan tovon miqdorini aniqlash va toʻlash tartibini belgilaydi.
2. Sanoat mulki obyektidan patent egasining roziligisiz foydalanishga vakolatli organ tomonidan davlat mudofaasi va xavfsizligini taʼminlash, tabiiy va texnogen xususiyatga ega favqulodda vaziyatlarni bartaraf etish, fuqarolarning hayoti va sogʻligʻini muhofaza qilish bilan bogʻliq soʻnggi zarurat yuzaga kelganda hamda ushbu holatlarni bartaraf etish uchun patent egasining imkoniyatlari (ishlab chiqarish materiallari, uskunalari va boshqalar) mavjud boʻlmagan taqdirda ruxsat etiladi.
3. Sanoat mulki obyektidan foydalanishga ruxsat, birinchi navbatda, Oʻzbekiston Respublikasi ichki bozorining ehtiyojlarini taʼminlash uchun beriladi.
4. Mazkur Nizom sanoat mulki obyektidan majburiy litsenziya asosida foydalanish bilan bogʻliq munosabatlarga tatbiq etilmaydi.
2-bob. Sanoat mulki obyektidan patent egasining roziligisiz foydalanish.
5. Sanoat mulki obyektidan patent egasining roziligisiz foydalanish huquqi vakolatli organ tomonidan sanoat mulki obyektini oʻz ichiga olgan mahsulot yoki buyumni tayyorlash, qoʻllash, sotishga taklif etish imkoniyatiga ega va xohishi boʻlgan har qanday shaxsga beriladi.
6. Sanoat mulki obyektidan patent egasining roziligisiz foydalanishga ruxsat etilganda, vakolatli organ patent egasini bir ish kuni ichida xabardor qiladi.
7. Vakolatli organ tomonidan sanoat mulki obyektidan foydalanish hajmi, davomiyligi va mazkur Nizomga muvofiq aniqlanadigan patent egasiga toʻlanadigan toʻlov miqdori belgilanadi.
8. Sanoat mulki obyektidan patent egasining ruxsatisiz foydalanish muddati mazkur Nizomning 2-bandida nazarda tutilgan holatlarni bartaraf etish uchun zarur boʻlgan vaqtga mutanosib boʻlishi kerak.
9. Sanoat mulki obyektidan patent egasining ruxsatisiz foydalanish huquqi uni berish uchun asos boʻlgan holatlar bartaraf etilgan taqdirda yoki sanoat mulki obyektidan foydalanish huquqini olgan shaxs tashabbusiga koʻra vakolatli organ tomonidan bekor qilinadi.
10. Sanoat mulki obyektidan patent egasining ruxsatisiz foydalanish huquqini olgan shaxs tashabbusiga koʻra bunday obyektdan foydalanish huquqini bekor qilishda vakolatli organ kamida 10 kun oldin xabardor qilinishi kerak.
3-bob. Patent egasiga tovon toʻlash
11. Tovon miqdori patent egasining roziligisiz sanoat mulki obyektidan foydalangan holda realizatsiya qilingan tovarlardan va (yoki) bajarilgan ishlar va (yoxud) koʻrsatilgan xizmatlardan olingan tushumlarning 0,5 foizini tashkil etadi.
12. Tovon boʻyicha toʻlovlar vakolatli organ tomonidan berilgan ruxsatning amal qilish mobaynida har oyda toʻlanadi.
Patent egasi va sanoat mulki obyektidan foydalanish huquqini olgan shaxsning oʻzaro kelishuviga asosan tovon toʻlash shartlari va muddatlari oʻzgartirilishi mumkin.
13. Tovarlarni ishlab chiqarish, ishlarni bajarish va xizmatlar koʻrsatish uchun bir nechta sanoat mulki obyektidan foydalanilganda, tovon miqdori huquq egalariga tegishli patentlar soniga teng ravishda taqsimlanadi.
14. Patent egasiga tovon sanoat mulki obyektidan foydalanish huquqini olgan shaxs tomonidan toʻlanadi.
15. Sanoat mulki obyektidan foydalanish huquqini olgan shaxs tovon toʻlashdan bosh tortganda yoki toʻlovni oʻz vaqtida toʻlamaganda, tovon toʻliq vakolatli organ tomonidan belgilangan tartibda favqulodda vaziyatlarni bartaraf etish uchun shakllantirilgan mablagʻlar hisobidan qoplanadi. Bunda vakolatli organ sanoat mulki obyektidan foydalanish huquqini olgan shaxsdan patent egasiga toʻlangan summalarni regress tartibida toʻlashni talab qilishga haqli.
4-bob. Yakunlovchi qoidalar
16. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
17. Sanoat mulki obyektini patent egasining roziligisiz foydalanishga berish tartibi buzilgan holda qabul qilingan qaror ustidan sudga shikoyat qilinishi mumkin.
Vazirlar Mahkamasining 2024-yil 31-avgustdagi 535-son qaroriga 2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2006-yil 21-dekabrdagi 263-son qarori bilan tasdiqlangan Madrid bitimiga doir Bayonnomaga (Madrid, 1989-yil 27-iyun) muvofiq belgilarni xalqaro roʻyxatdan oʻtkazishda undiriladigan yakka tartibdagi bojlar stavkalarining “Stavkalar (AQSH dollari)” ustunida:
1.1-pozitsiyadagi “1200” raqami “320” raqami bilan almashtirilsin;
1.2-pozitsiyadagi “120” raqami “130” raqami bilan almashtirilsin;
2.1-pozitsiyadagi “1800” raqami “480” raqami bilan almashtirilsin;
2.2-pozitsiyadagi “180” raqami “80” raqami bilan almashtirilsin;
3.1-pozitsiyadagi “600” raqami “160” raqami bilan almashtirilsin;
3.2-pozitsiyadagi “60” raqami “107” raqami bilan almashtirilsin;
4.1-pozitsiyadagi “1200” raqami “320” raqami bilan almashtirilsin;
4.2-pozitsiyadagi “120” raqami “53” raqami bilan almashtirilsin.
2. Vazirlar Mahkamasining 2011-yil 7-yanvardagi 6-son qarori bilan tasdiqlangan Yakka tartibdagi tadbirkorlar shugʻullanishi mumkin boʻlgan faoliyat turlari roʻyxatining IV boʻlimi quyidagi mazmundagi 90-pozitsiya bilan toʻldirilsin:
“ 90. Patent vakili sifatida faoliyatni amalga oshirish ” .
4. Vazirlar Mahkamasining 2019-yil 9-oktabrdagi 856-son qarori bilan tasdiqlangan Oʻzbekiston Respublikasi Adliya vazirligining Apellyatsiya kengashi toʻgʻrisidagi nizomning 8-bandi ikkinchi va uchinchi xatboshilaridagi “Vazirlik va Davlat muassasasining” soʻzlari “Vazirlikning” soʻzi bilan almashtirilsin.
5. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomga 4-ilovaning 9-pozitsiyasi quyidagi tahrirdagi “i” kichik bandi bilan toʻldirilsin:
“i) I reyting guruhi ijrochilari tomonidan oʻzgalarning mualliflik huquqi va turdosh huquqlarini buzmaslik*”.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 31-avgust,
535-son