📅 2024-yil 4-sentabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 сентябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 4 сентября 2024 г. · Законы и кодексы
Официальный текст. Официальный документ. Редакционные примечания не включены.
📅 4 September 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасининг фаолияти янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиришлар ва қўшимча киритиш тўғрисида
Қонунчилик палатаси томонидан 2024 йил 12 мартда қабул қилинган Сенат томонидан 2024 йил 18 майда маъқулланган
Кейинги йилларда мамлакатимизда рақобатни ривожлантириш ва монополияларга қарши курашиш, истеъмолчиларнинг ҳуқуқлари ҳимоя қилинишини таъминлаш бўйича кенг кўламли ислоҳотлар амалга оширилмоқда.
Рақобатни ривожлантириш ва истеъмолчилар ҳуқуқларини ҳимоя қилиш соҳасидаги ислоҳотларни чуқурлаштириш ҳамда мазкур тизим фаолиятини такомиллаштириш доирасида «Норматив-ҳуқуқий ҳужжатлар тўғрисида»ги Ўзбекистон Республикаси Қонунига Рақобатни ривожлантириш ва истеъмолчилар ҳуқуқларини ҳимоя қилиш қўмитасининг номини аниқлаштирувчи ҳамда давлат ёрдами берилишига тааллуқли норматив-ҳуқуқий ҳужжатлар лойиҳаларини ушбу қўмита билан келишишни назарда тутувчи ўзгартиришлар киритилмоқда.
Бундан ташқари «Рақобат тўғрисида»ги Ўзбекистон Республикаси Қонунига ўзгартириш киритилиб, унга мувофиқ хўжалик юритувчи субъект қайси фаолият турига асосан табиий монополия субъектлари жумласига киритилса, ўша фаолият тури унинг асосий фаолият тури ҳисобланади.
Жазолар тизимини либераллаштириш мақсадида рақобат тўғрисидаги қонунчиликнинг иқтисодий жиҳатдан паст таъсир даражасига эга бўлган бузилишини биринчи марта содир этган хўжалик юритувчи субъектларга нисбатан молиявий санкциялар тарзидаги жавобгарлик чоралари қўлланилмаслигини назарда тутувчи ўзгартиришлар киритилмоқда.
Ушбу Қонун товар ва молия бозорларида соғлом рақобат муҳитини таъминлашга, шунингдек рақобат тўғрисидаги қонунчиликнинг иқтисодий жиҳатдан паст таъсир даражасига эга бўлган бузилиши учун хўжалик юритувчи субъектга нисбатан молиявий санкцияларни қўллашда адолатлилик принципига риоя этилишига хизмат қилади.
1-модда. Ўзбекистон Республикасининг 2021 йил 20 апрелда қабул қилинган «Норматив-ҳуқуқий ҳужжатлар тўғрисида»ги ЎРҚ-682-сонли Қонуни (Ўзбекистон Республикаси Олий Мажлиси палаталарининг Ахборотномаси, 2021 йил, № 4, 288-модда; 2022 йил, № 3, 213-модда, № 8, 788-модда, № 10, 983-модда; 2023 йил, № 8, 629-модда) иловаси 102-бандининг тўққизинчи хатбошиси қуйидаги таҳрирда баён этилсин:
«Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси билан — товар ва молия бозорларидаги рақобат масалаларига доир, шунингдек давлат ёрдами берилишини назарда тутувчи лойиҳалар».
2-модда. Ўзбекистон Республикасининг 2023 йил 3 июлда қабул қилинган «Рақобат тўғрисида»ги ЎРҚ-850-сонли Қонунига (Ўзбекистон Республикаси Олий Мажлиси палаталарининг Ахборотномаси, 2023 йил, № 7, 533-модда) қуйидаги қўшимча ва ўзгартириш киритилсин:
1) 4-модданинг ўн учинчи хатбошиси «табиий монополия шароитларида товарларни ишлаб чиқариш ва (ёки) реализация қилиш бўйича фаолиятни» деган сўзлардан кейин «асосий фаолият тури сифатида» деган сўзлар билан тўлдирилсин;
2) 42-модданинг иккинчи ва учинчи қисмлари қуйидаги мазмундаги иккинчи — бешинчи қисмлар билан алмаштирилсин:
«Рақобат тўғрисидаги қонунчиликнинг иқтисодий жиҳатдан паст таъсир даражасига эга бўлган бузилишини биринчи марта содир этган хўжалик юритувчи субъектга нисбатан молиявий санкциялар қўлланилмайди ва унга бундай ҳуқуқбузарликнинг такроран содир этилишига йўл қўймаслик ҳақида огоҳлантириш берилади.
Ушбу модданинг биринчи қисмида назарда тутилган жарима тарзидаги молиявий санкциялар суд тартибида қўлланилади, бундан ҳуқуқбузар содир этилган ҳуқуқбузарликдаги айбини тан олган ва жаримани ихтиёрий равишда тўлаган ҳоллар мустасно.
Ҳуқуқбузарликнинг такроран содир этилишига йўл қўймаслик ҳақида огоҳлантириш олиш, шунингдек жаримани тўлаш рақобат тўғрисидаги қонунчиликнинг бузилишига йўл қўйган шахсни ваколатли давлат органининг қарорини (тақдимномасини, кўрсатмасини) бажариш ёки рақобат тўғрисидаги қонунчиликда назарда тутилган бошқа ҳаракатларни амалга ошириш мажбуриятидан озод этмайди.
Рақобат тўғрисидаги қонунчиликнинг иқтисодий жиҳатдан паст таъсир даражасига эга бўлган бузилишлари ҳоллари Ўзбекистон Республикаси Вазирлар Маҳкамаси томонидан белгиланади».
3-модда. Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;
ушбу Қонун 2-моддасининг 2-бандида назарда тутилган рақобат тўғрисидаги қонунчиликнинг иқтисодий жиҳатдан паст таъсир даражасига эга бўлган бузилишлари ҳолларини ушбу Қонун кучга кирганидан кейин икки ой ичида белгиласин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 4 сентябрь,
ЎРҚ-954-сон
Oʻzbekiston Respublikasining Qonuni
Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasining faoliyati yanada takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirishlar va qoʻshimcha kiritish toʻgʻrisida
Qonunchilik palatasi tomonidan 2024-yil 12-martda qabul qilingan Senat tomonidan 2024-yil 18-mayda maʼqullangan
Keyingi yillarda mamlakatimizda raqobatni rivojlantirish va monopoliyalarga qarshi kurashish, isteʼmolchilarning huquqlari himoya qilinishini taʼminlash boʻyicha keng koʻlamli islohotlar amalga oshirilmoqda.
Raqobatni rivojlantirish va isteʼmolchilar huquqlarini himoya qilish sohasidagi islohotlarni chuqurlashtirish hamda mazkur tizim faoliyatini takomillashtirish doirasida “Normativ-huquqiy hujjatlar toʻgʻrisida”gi Oʻzbekiston Respublikasi Qonuniga Raqobatni rivojlantirish va isteʼmolchilar huquqlarini himoya qilish qoʻmitasining nomini aniqlashtiruvchi hamda davlat yordami berilishiga taalluqli normativ-huquqiy hujjatlar loyihalarini ushbu qoʻmita bilan kelishishni nazarda tutuvchi oʻzgartirishlar kiritilmoqda.
Bundan tashqari “Raqobat toʻgʻrisida”gi Oʻzbekiston Respublikasi Qonuniga oʻzgartirish kiritilib, unga muvofiq xoʻjalik yurituvchi subyekt qaysi faoliyat turiga asosan tabiiy monopoliya subyektlari jumlasiga kiritilsa, oʻsha faoliyat turi uning asosiy faoliyat turi hisoblanadi.
Jazolar tizimini liberallashtirish maqsadida raqobat toʻgʻrisidagi qonunchilikning iqtisodiy jihatdan past taʼsir darajasiga ega boʻlgan buzilishini birinchi marta sodir etgan xoʻjalik yurituvchi subyektlarga nisbatan moliyaviy sanksiyalar tarzidagi javobgarlik choralari qoʻllanilmasligini nazarda tutuvchi oʻzgartirishlar kiritilmoqda.
Ushbu Qonun tovar va moliya bozorlarida sogʻlom raqobat muhitini taʼminlashga, shuningdek raqobat toʻgʻrisidagi qonunchilikning iqtisodiy jihatdan past taʼsir darajasiga ega boʻlgan buzilishi uchun xoʻjalik yurituvchi subyektga nisbatan moliyaviy sanksiyalarni qoʻllashda adolatlilik prinsipiga rioya etilishiga xizmat qiladi.
1-modda. Oʻzbekiston Respublikasining 2021-yil 20-aprelda qabul qilingan “Normativ-huquqiy hujjatlar toʻgʻrisida”gi OʻRQ-682-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2021-yil, № 4, 288-modda; 2022-yil, № 3, 213-modda, № 8, 788-modda, № 10, 983-modda; 2023-yil, № 8, 629-modda) ilovasi 102-bandining toʻqqizinchi xatboshisi quyidagi tahrirda bayon etilsin:
“Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi bilan — tovar va moliya bozorlaridagi raqobat masalalariga doir, shuningdek davlat yordami berilishini nazarda tutuvchi loyihalar”.
2-modda. Oʻzbekiston Respublikasining 2023-yil 3-iyulda qabul qilingan “Raqobat toʻgʻrisida”gi OʻRQ-850-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2023-yil, № 7, 533-modda) quyidagi qoʻshimcha va oʻzgartirish kiritilsin:
1) 4-moddaning oʻn uchinchi xatboshisi “tabiiy monopoliya sharoitlarida tovarlarni ishlab chiqarish va (yoki) realizatsiya qilish boʻyicha faoliyatni” degan soʻzlardan keyin “asosiy faoliyat turi sifatida” degan soʻzlar bilan toʻldirilsin;
2) 42-moddaning ikkinchi va uchinchi qismlari quyidagi mazmundagi ikkinchi — beshinchi qismlar bilan almashtirilsin:
“Raqobat toʻgʻrisidagi qonunchilikning iqtisodiy jihatdan past taʼsir darajasiga ega boʻlgan buzilishini birinchi marta sodir etgan xoʻjalik yurituvchi subyektga nisbatan moliyaviy sanksiyalar qoʻllanilmaydi va unga bunday huquqbuzarlikning takroran sodir etilishiga yoʻl qoʻymaslik haqida ogohlantirish beriladi.
Ushbu moddaning birinchi qismida nazarda tutilgan jarima tarzidagi moliyaviy sanksiyalar sud tartibida qoʻllaniladi, bundan huquqbuzar sodir etilgan huquqbuzarlikdagi aybini tan olgan va jarimani ixtiyoriy ravishda toʻlagan hollar mustasno.
Huquqbuzarlikning takroran sodir etilishiga yoʻl qoʻymaslik haqida ogohlantirish olish, shuningdek jarimani toʻlash raqobat toʻgʻrisidagi qonunchilikning buzilishiga yoʻl qoʻygan shaxsni vakolatli davlat organining qarorini (taqdimnomasini, koʻrsatmasini) bajarish yoki raqobat toʻgʻrisidagi qonunchilikda nazarda tutilgan boshqa harakatlarni amalga oshirish majburiyatidan ozod etmaydi.
Raqobat toʻgʻrisidagi qonunchilikning iqtisodiy jihatdan past taʼsir darajasiga ega boʻlgan buzilishlari hollari Oʻzbekiston Respublikasi Vazirlar Mahkamasi tomonidan belgilanadi”.
3-modda. Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;
ushbu Qonun 2-moddasining 2-bandida nazarda tutilgan raqobat toʻgʻrisidagi qonunchilikning iqtisodiy jihatdan past taʼsir darajasiga ega boʻlgan buzilishlari hollarini ushbu Qonun kuchga kirganidan keyin ikki oy ichida belgilasin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 4-sentabr,
OʻRQ-954-son
Закон Республики Узбекистан
О внесении изменений и дополнения в некоторые законодательные акты Республики Узбекистан в связи с дальнейшим совершенствованием деятельности Комитета по развитию конкуренции и защите прав потребителей Республики Узбекистан
Принят Законодательной палатой 12 марта 2024 года Одобрен Сенатом 18 мая 2024 года
В последние годы в нашей стране осуществляются широкомасштабные реформы по развитию конкуренции и борьбе с монополиями, обеспечению защиты прав потребителей.
В рамках углубления реформ в сфере развития конкуренции и защиты прав потребителей и совершенствования деятельности данной системы в Закон Республики Узбекистан «О нормативно-правовых актах» вносятся изменения, которые уточняют название Комитета по развитию конкуренции и защите прав потребителей и предусматривают согласование с ним проектов нормативно-правовых актов, касающихся предоставления государственной помощи.
Кроме того, в Закон Республики Узбекистан «О конкуренции» вносится изменение, в соответствии с которым видом деятельности хозяйствующего субъекта на основании которого он будет относиться к субъектам естественной монополии будет считаться его основной вид деятельности.
В целях либерализации системы наказаний вносятся изменения, предусматривающие неприменение мер ответственности в виде финансовых санкций к хозяйствующим субъектам, впервые совершившим нарушение законодательства о конкуренции, имеющее низкую степень экономического воздействия.
Настоящий Закон послужит обеспечению здоровой конкурентной среды на товарных и финансовых рынках, а также соблюдению принципа справедливости при применении к хозяйствующему субъекту финансовых санкций за нарушение законодательства о конкуренции, имеющее низкую степень экономического воздействия.
Статья 1. Абзац девятый пункта 102 приложения к Закону Республики Узбекистан от 20 апреля 2021 года № ЗРУ-682 «О нормативно-правовых актах» (Ведомости палат Олий Мажлиса Республики Узбекистан, 2021 г., № 4, ст. 288; 2022 г., № 3, ст. 213, № 8, ст. 788, № 10, ст. 983; 2023 г., № 8, ст. 629) изложить в следующей редакции:
«Комитетом по развитию конкуренции и защите прав потребителей Республики Узбекистан — проекты по вопросам конкуренции на товарных и финансовых рынках, а также предусматривающие предоставление государственной помощи».
Статья 2. Внести в Закон Республики Узбекистан от 3 июля 2023 года № ЗРУ-850 «О конкуренции» (Ведомости палат Олий Мажлиса Республики Узбекистан, 2023 г., № 7, ст. 533) следующие дополнение и изменение:
1) абзац тринадцатый статьи 4 после слов «деятельность по производству и (или) реализации товаров в условиях естественной монополии» дополнить словами «в качестве основного вида деятельности»;
2) части вторую и третью статьи 42 заменить частями второй — пятой следующего содержания:
«В отношении хозяйствующего субъекта, впервые совершившего нарушение законодательства о конкуренции, имеющего низкую степень экономического воздействия, финансовые санкции не применяются и ему выдается предупреждение о недопущении повторного совершения такого правонарушения.
Финансовые санкции в виде штрафа, предусмотренные частью первой настоящей статьи, применяются в судебном порядке, за исключением случаев признания правонарушителем вины в совершенном правонарушении и уплаты штрафа в добровольном порядке.
Получение предупреждения о недопущении повторного совершения правонарушения, а также уплата штрафа не освобождает лицо, допустившее нарушение законодательства о конкуренции, от обязанности исполнить решение (представление, предписание) уполномоченного государственного органа или совершить иные действия, предусмотренные законодательством о конкуренции.
Случаи нарушений законодательства о конкуренции, имеющих низкую степень экономического воздействия, определяются Кабинетом Министров Республики Узбекистан».
Статья 3. Комитету по развитию конкуренции и защите прав потребителей Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону;
в течение двух месяцев после вступления в силу настоящего Закона определить случаи нарушений законодательства о конкуренции, имеющих низкую степень экономического воздействия, предусмотренные пунктом 2 статьи 2 настоящего Закона.
Статья 5. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
4 сентября 2024 г.,
№ ЗРУ-954