📅 2024-yil 31-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 31 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 31 августа 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 31 August 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасаси ходимлари иш ҳақини туманлар (ҳудудлар) бўйича тартибга солишни такомиллаштириш тўғрисида» 2017 йил 24 апрелдаги 232-сон қарорига ўзгартириш ва қўшимчалар киритиш ҳақида
Ўзбекистон Республикаси Президентининг «Навоий кон-металлургия комбинати» давлат корхонасини ислоҳ қилиш чора-тадбирлари тўғрисида» 2020 йил 6 мартдаги ПҚ-4629-сон қарорига мувофиқ ҳамда «Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасаси кадрлар салоҳиятини янада мустаҳкамлаш, ишчи ходимлари ҳамда юқори малакали мутахассисларининг меҳнат самарадорлиги, касбий ва моддий манфаатдорлигини ошириш мақсадида Вазирлар Маҳкамаси қарор қилади:
1. Қуйидагилар:
Ўзбекистон Республикаси Меҳнат кодексининг 484-моддасида ноқулай табиий-иқлим шароитларидаги иш учун меҳнатга ҳақ тўлаш коэффициенти айрим ҳудудлардаги меҳнат шароитларининг хусусиятлари инобатга олинган ҳолда, ходимларга компенсация хусусиятига эга бўлган устама тўланиши белгиланганлиги, шунингдек, ушбу коэффициентларнинг энг кам миқдорлари ва уларни қўллаш тартиби Вазирлар Маҳкамаси томонидан белгиланиши;
«Навоийуран» давлат корхонаси томонидан вилоятларда амалга оширилган геология-қидирув ишлари натижасида Бухоро вилоятининг Шофиркон тумани, Жиззах вилоятининг Фориш тумани, Навоий вилоятининг Қизилтепа ва Хатирчи туманлари, Қашқадарё вилоятининг Муборак ва Косон туманлари, Тошкент вилоятининг Ангрен шаҳри, Наманган вилоятининг Поп туманида уранга истиқболли конлар аниқланганлиги маълумот учун қабул қилинсин.
2. Вазирлар Маҳкамасининг «Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасаси ходимлари иш ҳақини туманлар (ҳудудлар) бўйича тартибга солишни такомиллаштириш тўғрисида» 2017 йил 24 апрелдаги 232-сон қарорига иловага мувофиқ иш ҳақига белгиланган миқдорларда туман (ҳудудий) коэффициентлари қўлланиладиган туман ва шаҳарлар рўйхатини кенгайтиришни назарда тутувчи ўзгартириш ва қўшимчалар киритилсин.
3. Ўзбекистон Республикаси Иқтисодиёт ва молия вазирлиги ҳамда бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси тоғ-кон саноати ва геология вазири Б.Ф. Исламов ҳамда Ўзбекистон Республикаси камбағалликни қисқартириш ва бандлик вазири Б.А. Мусаев зиммасига юклансин.
Вазирлар Маҳкамасининг 2024 йил 31 августдаги 537-сон қарорига ИЛОВА
Вазирлар Маҳкамасининг «Навоийуран» давлат корхонаси, «Навоий кон-металлургия комбинати» акциядорлик жамияти ва «Навоий кон-металлургия комбинати жамғармаси» давлат муассасаси ходимлари иш ҳақини туманлар (ҳудудлар) бўйича тартибга солишни такомиллаштириш тўғрисида» 2017 йил 24 апрелдаги 232-сон қарорига киритилаётган ўзгартириш ва қўшимчалар
1-бандда :
а) иккинчи хатбоши «Пешку» сўзидан кейин «ва Шофиркон» сўзлари билан тўлдирилсин;
б) учинчи хатбошидаги «Ғаллаорол ва Зомин туманларида, Навоий вилоятининг Навбаҳор туманида» сўзлари «Ғаллаорол, Зомин ва Фориш туманларида, Навоий вилоятининг Навбаҳор, Қизилтепа ва Хатирчи туманларида» сўзлари билан алмаштирилсин;
в) тўртинчи хатбоши қуйидаги таҳрирда баён қилинсин:
«1,20 — Навоий вилоятининг Навоий шаҳрида ва Кармана туманида, Қашқадарё вилоятининг Шаҳрисабз шаҳрида, Китоб, Муборак ва Косон туманларида, Тошкент вилоятининг Ангрен ва Олмалиқ шаҳарларида, Пискент ва Оҳангарон туманларида ҳамда Наманган вилоятининг Поп туманида жойлашган бўлинмалар ходимлари учун».
Ўзбекистон Республикасининг Бош вазири А. АРИПОВ
Тошкент ш.,
2024 йил 31 август,
537-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi xodimlari ish haqini tumanlar (hududlar) boʻyicha tartibga solishni takomillashtirish toʻgʻrisida” 2017-yil 24-apreldagi 232-son qaroriga oʻzgartirish va qoʻshimchalar kiritish haqida
Oʻzbekiston Respublikasi Prezidentining “Navoiy kon-metallurgiya kombinati” davlat korxonasini isloh qilish chora-tadbirlari toʻgʻrisida” 2020-yil 6-martdagi PQ-4629-son qaroriga muvofiq hamda “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi kadrlar salohiyatini yanada mustahkamlash, ishchi xodimlari hamda yuqori malakali mutaxassislarining mehnat samaradorligi, kasbiy va moddiy manfaatdorligini oshirish maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasi Mehnat kodeksining 484-moddasida noqulay tabiiy-iqlim sharoitlaridagi ish uchun mehnatga haq toʻlash koeffitsiyenti ayrim hududlardagi mehnat sharoitlarining xususiyatlari inobatga olingan holda, xodimlarga kompensatsiya xususiyatiga ega boʻlgan ustama toʻlanishi belgilanganligi, shuningdek, ushbu koeffitsiyentlarning eng kam miqdorlari va ularni qoʻllash tartibi Vazirlar Mahkamasi tomonidan belgilanishi;
“Navoiyuran” davlat korxonasi tomonidan viloyatlarda amalga oshirilgan geologiya-qidiruv ishlari natijasida Buxoro viloyatining Shofirkon tumani, Jizzax viloyatining Forish tumani, Navoiy viloyatining Qiziltepa va Xatirchi tumanlari, Qashqadaryo viloyatining Muborak va Koson tumanlari, Toshkent viloyatining Angren shahri, Namangan viloyatining Pop tumanida uranga istiqbolli konlar aniqlanganligi maʼlumot uchun qabul qilinsin.
2. Vazirlar Mahkamasining “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi xodimlari ish haqini tumanlar (hududlar) boʻyicha tartibga solishni takomillashtirish toʻgʻrisida” 2017-yil 24-apreldagi 232-son qaroriga ilovaga muvofiq ish haqiga belgilangan miqdorlarda tuman (hududiy) koeffitsiyentlari qoʻllaniladigan tuman va shaharlar roʻyxatini kengaytirishni nazarda tutuvchi oʻzgartirish va qoʻshimchalar kiritilsin.
3. Oʻzbekiston Respublikasi Iqtisodiyot va moliya vazirligi hamda boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi togʻ-kon sanoati va geologiya vaziri B.F. Islamov hamda Oʻzbekiston Respublikasi kambagʻallikni qisqartirish va bandlik vaziri B.A. Musayev zimmasiga yuklansin.
Vazirlar Mahkamasining 2024-yil 31-avgustdagi 537-son qaroriga ILOVA
Vazirlar Mahkamasining “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamgʻarmasi” davlat muassasasi xodimlari ish haqini tumanlar (hududlar) boʻyicha tartibga solishni takomillashtirish toʻgʻrisida” 2017-yil 24-apreldagi 232-son qaroriga kiritilayotgan oʻzgartirish va qoʻshimchalar
1-bandda :
a) ikkinchi xatboshi “Peshku” soʻzidan keyin “va Shofirkon” soʻzlari bilan toʻldirilsin;
b) uchinchi xatboshidagi “Gʻallaorol va Zomin tumanlarida, Navoiy viloyatining Navbahor tumanida” soʻzlari “Gʻallaorol, Zomin va Forish tumanlarida, Navoiy viloyatining Navbahor, Qiziltepa va Xatirchi tumanlarida” soʻzlari bilan almashtirilsin;
v) toʻrtinchi xatboshi quyidagi tahrirda bayon qilinsin:
“1,20 — Navoiy viloyatining Navoiy shahrida va Karmana tumanida, Qashqadaryo viloyatining Shahrisabz shahrida, Kitob, Muborak va Koson tumanlarida, Toshkent viloyatining Angren va Olmaliq shaharlarida, Piskent va Ohangaron tumanlarida hamda Namangan viloyatining Pop tumanida joylashgan boʻlinmalar xodimlari uchun”.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 31-avgust,
537-son