📅 2024-yil 4-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 сентября 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 4 September 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Сув ҳавзаларида моторли (ички ёнув двигателли) ва электромоторли сув транспорти воситаларидан фойдаланиш тартибини янада такомиллаштириш ҳамда фуқаролар хавфсизлигини таъминлаш чора-тадбирлари тўғрисида
Сув ҳавзаларида туризм хизматларини жадал ривожлантириш, шунингдек, фуқаролар ҳаёти, соғлиги ва хавфсизлигини таъминлаш ҳамда сув ресурслари ифлосланишининг олдини олиш ва улардан оқилона фойдаланишни йўлга қуйиш мақсадида Вазирлар Маҳкамаси қарор қилади:
1. Шундай тартиб ўрнатилсинки, унга мувофиқ:
а) 2025 йил 1 майдан бошлаб табиий ва сунъий сув ҳавзаларида:
фақат тезликни автоматик пасайтириш ускунаси билан жиҳозланган (ҳаракатланиш максимал тезлиги 40 км/соатдан ошмайдиган моторли қайиқлар бундан мустасно), GPS ускунаси ўрнатилган ҳамда миллий GPS мониторинг ва навигация тизимига уланган моторли (ички ёнув двигателли) ва электромоторли сув транспорти воситаларидан (кейинги ўринларда — сув транспорти воситалари) фойдаланишга рухсат этилади;
сув транспорти воситаларининг рухсат этилган ҳаракатланиш максимал тезлиги 40 км/соат, кемалар тўхташ жойлари ҳамда аҳоли турар жойлари чегараларида — 20 км/соат, шунингдек, пляжлар ва аҳолининг оммавий дам олиш жойлари чегараларида — 5 км/соат этиб белгиланади;
б) 2025 йил 1 январдан бошлаб юридик ва жисмоний шахслар томонидан сув транспорти воситаларидан (бундан электромоторли сув транспорти воситалари мустасно) фойдаланиш натижасида атроф табиий муҳит ифлослантирилганлиги учун қуйидаги миқдорларда йиллик компенсация (кейинги ўринларда — компенсация) тўловлари ундирилади:
моторли қайиқлар ва гидроцикллар учун базавий ҳисоблаш миқдорининг 10 баравари;
катер учун базавий ҳисоблаш миқдорининг 15 баравари;
яхталар учун базавий ҳисоблаш миқдорининг 25 баравари;
саноат усулида балиқ овловчиларга моторли қайиқлар ва катер учун базавий ҳисоблаш миқдорининг 1 баравари;
в) моторли (ички ёнув двигателли) сув транспорти воситалари (шу жумладан фойдаланишда бўлган) компенсация тўланганлигини тасдиқловчи ҳужжат тақдим этилганидан сўнг йиллик техник кўрикдан ўтказилади;
г) компенсация ундиришдан тушган маблағлар Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг Экология жамғармасига ўтказилади ҳамда сув ҳавзалари ифлосланишининг олдини олиш бўйича чора-тадбирларни молиялаштиришга йўналтирилади.
Ушбу банд талаблари махсус вазифаларни бажариш ваколатига эга бўлган вазирлик ва идораларнинг сув транспорти воситаларига нисбатан татбиқ этилмайди.
2. Ўзбекистон Республикаси Фавқулодда вазиятлар вазирлиги Рақамли технологиялар вазирлиги ва Транспорт вазирлиги билан биргаликда уч ой муддатда табиий ва сунъий сув ҳавзаларида сув транспорти воситалари тезлигини чегараловчи ва оралиқ масофани назорат қилувчи ҳамда қуйидаги техник имкониятларни назарда тутувчи дастурий таъминот ишлаб чиқилишини ташкил этсин:
сув транспорти воситаларининг рухсат этилган ҳаракатланиш максимал тезлигини 40 км/соатдан, кемалар тўхташ жойлари ҳамда аҳоли турар жойлари чегараларида 20 км/соатдан, пляжлар ва аҳолининг оммавий дам олиш жойлари чегараларида — 5 км/соатдан ошиб кетмаслигини таъминлаш;
моторли (ички ёнув двигателли) ва электромоторли сув транспорти воситалари бир-бирига 150 метрдан кам масофага яқинлашган ва ҳаракатланиш геозонасидан чиққан ва қирғоқ ҳудудига кирган вақтда уларнинг тезлигини автоматик равишда 5 км/соатгача камайтириш (махсус хизмат кемалари бундан мустасно).
3. Ўзбекистон Республикаси Фавқулодда вазиятлар вазирлиги Рақамли технологиялар вазирлиги, Транспорт вазирлиги ҳамда Кадастр агентлиги билан биргаликда табиий ва сунъий сув ҳавзаларида:
а) уч ой муддатда:
хизмат кўрсатувчи сув транспорти воситалари электрон онлайн назоратини йўлга қўйсин;
сув транспорти воситалари ҳар бир тури учун рухсат этилган ҳаракатланиш геозоналарини белгиласин ва уларда ҳаракат тартибини ишлаб чиқсин;
б) сув ҳавзаларидан фойдаланувчилар томонидан акваторияларнинг қирғоқ чизиқларини белгилаган ҳолда, тўсиқ белгилари (буйлар) билан таъминланишини қатъий назоратга олсин;
в) тадбиркорлар томонидан ташкил этилаётган пляж ва сув объектларида дам олиш масканларини ҳамда сув транспорти воситалари турадиган базаларнинг қонунчилик талаблари асосида тартибга солинишини ва сув ҳавзаларининг зарур навигация белгилари билан жиҳозланишини назорат қилсин.
4. Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Фавқулодда вазиятлар вазирлиги, Сув хўжалиги вазирлиги ҳамда Транспорт вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда моторли (ички ёнув двигателли) сув транспорти воситаларини «Сардоба» сув омбори ва «Айдар-Арнасой» кўллар тизимига кенг жалб этиш бўйича чора-тадбирларни ишлаб чиқсин ва тадбиркорлар ўртасида тарғибот ишларини амалга оширсин.
5. Ўзбекистон Республикаси Фавқулодда вазиятлар вазирлиги:
сув объектларида сув транспорти воситаларидан хавфсиз фойдаланиш соҳасида давлат назорати самарадорлигини ошириш учун Кичик ҳажмли кемалар инспекциясини махсус жиҳозлар, гидроцикл ва катерлар билан таъминлаш чораларини кўрсин;
Кичик ҳажмли кемалар инспекциясига юкланган вазифаларнинг самарали бажарилишини таъминлаш мақсадида Вазирликнинг умумий штатлар сони ва пул таъминоти доирасида Кичик ҳажмли кемалар инспекциясининг штат бирликларини қайта кўриб чиқсин;
сув транспорти воситаларини бошқариш юзасидан кема ҳайдовчиларини тайёрлаш ва қайта тайёрлаш ишларини жадаллаштирсин.
6. Ўзбекистон Республикаси Фавқулодда вазиятлар вазирлигининг Кичик ҳажмли кемалар инспекциясини гидроцикл, катер, махсус жиҳозлар ва қутқарув анжомлари билан таъминлаш режаси 1-иловаг а мувофиқ тасдиқлансин.
Бунда ушбу иловада кўрсатилган гидроцикл, катер, махсус жиҳозлар ва қутқарув анжомлари хариди билан боғлиқ харажатлар Фавқулодда вазиятлар вазирлигига Ўзбекистон Республикаси Президенти ва Ҳукумати томонидан тасдиқланган дастурлар ижроси учун кўзда тутилган маблағлар ҳисобидан амалга оширилади.
7. Вазирлар Маҳкамасининг «Ўзбекистон Республикасида туризм соҳасини тиклаш ва ривожлантириш учун қулай шарт-шароитларни яратиш чора-тадбирлари тўғрисида» 2020 йил 10 июлдаги 433-сон қарорига 2-иловаг а мувофиқ ўзгартириш киритилсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов, Ўзбекистон Республикаси фавқулодда вазиятлар вазири А.Х. Қўлдошев ҳамда экология, атроф-муҳитни муҳофаза қилиш ва иқлим ўзгариши вазири А.А. Абдухакимов зиммасига юклансин.
Вазирлар Маҳкамасининг 2024 йил 4 сентябрдаги 540-сон қарорига 1-ИЛОВА
Ўзбекистон Республикаси Фавқулодда вазиятлар вазирлигининг Кичик ҳажмли кемалар инспекциясини гидроцикл, катер, махсус жиҳозлар ва қутқарув анжомлари билан таъминлаш режаси
Т/р Махсус жиҳоз ва техникаларнинг номланиши Ўлчов бирлиги Умумий сони (дона) 1 донасининг нархи (минг сўм) Жами нархи (млн сўм) I. ТЕХНИКАЛАР 1. Катер (тиркамаси ва қутқарув анжомлари билан) дона 15 553 567,00 8 303, 50 2. Гидроцикл (тиркамаси билан) дона 12 442 000,00 5 292, 00 3. Автомобиль (юқори ўтувчанлик қобилиятига эга бўлган) дона 7 382 040,00 2 674, 28 II. МАХСУС ЖИХОЗЛАР 4. Планшет дона 15 16 000,00 240, 00 5. Қутқарув нимчаси дона 116 25 000,00 29,00 6. Дефектоскоп (қалинликни ўлчовчи асбоб) дона 15 10,00 1,50 Жами: 16 540,28
Вазирлар Маҳкамасининг 2024 йил 4 сентябрдаги 540-сон қарорига 2-ИЛОВА
Вазирлар Маҳкамасининг «Ўзбекистон Республикасида туризм соҳасини тиклаш ва ривожлантириш учун қулай шарт-шароитларни яратиш чора-тадбирлари тўғрисида» 2020 йил 10 июлдаги 433-сон қарорига киритилаётган ўзгартириш
3-банднинг «ж» кичик банди қуйидаги таҳрирда баён этилсин:
«ж) «Чорвоқ» сув омборида моторсиз, махсус вазифаларни бажариш ваколатига эга бўлган вазирлик ва идораларнинг ҳамда тезликни автоматик пасайтириш ускунаси билан жиҳозланган, GPS ускунаси ўрнатилган ва ягона миллий GPS мониторинг ҳамда навигация тизимига уланган моторли сув транспорти воситаларидан ташқари барча моторли сув транспорти воситаларининг ҳаракатланиши, шунингдек, Чирчиқ дарёси ва унинг ирмоқларида (махсус ажратилган сув ҳавзаларидан ташқари) чўмилиш, транспорт воситаларини ювиш ва маиший чиқиндиларни ташлаш тақиқланади;».
Ўзбекистон Республикасининг Бош вазири А. АРИПОВ
Тошкент ш.,
2024 йил 4 сентябрь,
540-сон
Oʻzbekiston Respublikasi Vazirlar Mahkamasining
qarori
Suv havzalarida motorli (ichki yonuv dvigatelli) va elektromotorli suv transporti vositalaridan foydalanish tartibini yanada takomillashtirish hamda fuqarolar xavfsizligini taʼminlash chora-tadbirlari toʻgʻrisida
Suv havzalarida turizm xizmatlarini jadal rivojlantirish, shuningdek, fuqarolar hayoti, sogʻligi va xavfsizligini taʼminlash hamda suv resurslari ifloslanishining oldini olish va ulardan oqilona foydalanishni yoʻlga quyish maqsadida Vazirlar Mahkamasi qaror qiladi:
1. Shunday tartib oʻrnatilsinki, unga muvofiq:
a) 2025-yil 1-maydan boshlab tabiiy va sunʼiy suv havzalarida:
faqat tezlikni avtomatik pasaytirish uskunasi bilan jihozlangan (harakatlanish maksimal tezligi 40 km/soatdan oshmaydigan motorli qayiqlar bundan mustasno), GPS uskunasi oʻrnatilgan hamda milliy GPS monitoring va navigatsiya tizimiga ulangan motorli (ichki yonuv dvigatelli) va elektromotorli suv transporti vositalaridan (keyingi oʻrinlarda — suv transporti vositalari) foydalanishga ruxsat etiladi;
suv transporti vositalarining ruxsat etilgan harakatlanish maksimal tezligi 40 km/soat, kemalar toʻxtash joylari hamda aholi turar joylari chegaralarida — 20 km/soat, shuningdek, plyajlar va aholining ommaviy dam olish joylari chegaralarida — 5 km/soat etib belgilanadi;
b) 2025-yil 1-yanvardan boshlab yuridik va jismoniy shaxslar tomonidan suv transporti vositalaridan (bundan elektromotorli suv transporti vositalari mustasno) foydalanish natijasida atrof tabiiy muhit ifloslantirilganligi uchun quyidagi miqdorlarda yillik kompensatsiya (keyingi oʻrinlarda — kompensatsiya) toʻlovlari undiriladi:
motorli qayiqlar va gidrotsikllar uchun bazaviy hisoblash miqdorining 10 baravari;
kater uchun bazaviy hisoblash miqdorining 15 baravari;
yaxtalar uchun bazaviy hisoblash miqdorining 25 baravari;
sanoat usulida baliq ovlovchilarga motorli qayiqlar va kater uchun bazaviy hisoblash miqdorining 1 baravari;
v) motorli (ichki yonuv dvigatelli) suv transporti vositalari (shu jumladan foydalanishda boʻlgan) kompensatsiya toʻlanganligini tasdiqlovchi hujjat taqdim etilganidan soʻng yillik texnik koʻrikdan oʻtkaziladi;
g) kompensatsiya undirishdan tushgan mablagʻlar Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining Ekologiya jamgʻarmasiga oʻtkaziladi hamda suv havzalari ifloslanishining oldini olish boʻyicha chora-tadbirlarni moliyalashtirishga yoʻnaltiriladi.
Ushbu band talablari maxsus vazifalarni bajarish vakolatiga ega boʻlgan vazirlik va idoralarning suv transporti vositalariga nisbatan tatbiq etilmaydi.
2. Oʻzbekiston Respublikasi Favqulodda vaziyatlar vazirligi Raqamli texnologiyalar vazirligi va Transport vazirligi bilan birgalikda uch oy muddatda tabiiy va sunʼiy suv havzalarida suv transporti vositalari tezligini chegaralovchi va oraliq masofani nazorat qiluvchi hamda quyidagi texnik imkoniyatlarni nazarda tutuvchi dasturiy taʼminot ishlab chiqilishini tashkil etsin:
suv transporti vositalarining ruxsat etilgan harakatlanish maksimal tezligini 40 km/soatdan, kemalar toʻxtash joylari hamda aholi turar joylari chegaralarida 20 km/soatdan, plyajlar va aholining ommaviy dam olish joylari chegaralarida — 5 km/soatdan oshib ketmasligini taʼminlash;
motorli (ichki yonuv dvigatelli) va elektromotorli suv transporti vositalari bir-biriga 150 metrdan kam masofaga yaqinlashgan va harakatlanish geozonasidan chiqqan va qirgʻoq hududiga kirgan vaqtda ularning tezligini avtomatik ravishda 5 km/soatgacha kamaytirish (maxsus xizmat kemalari bundan mustasno).
3. Oʻzbekiston Respublikasi Favqulodda vaziyatlar vazirligi Raqamli texnologiyalar vazirligi, Transport vazirligi hamda Kadastr agentligi bilan birgalikda tabiiy va sunʼiy suv havzalarida:
a) uch oy muddatda:
xizmat koʻrsatuvchi suv transporti vositalari elektron onlayn nazoratini yoʻlga qoʻysin;
suv transporti vositalari har bir turi uchun ruxsat etilgan harakatlanish geozonalarini belgilasin va ularda harakat tartibini ishlab chiqsin;
b) suv havzalaridan foydalanuvchilar tomonidan akvatoriyalarning qirgʻoq chiziqlarini belgilagan holda, toʻsiq belgilari (buylar) bilan taʼminlanishini qatʼiy nazoratga olsin;
v) tadbirkorlar tomonidan tashkil etilayotgan plyaj va suv obyektlarida dam olish maskanlarini hamda suv transporti vositalari turadigan bazalarning qonunchilik talablari asosida tartibga solinishini va suv havzalarining zarur navigatsiya belgilari bilan jihozlanishini nazorat qilsin.
4. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Favqulodda vaziyatlar vazirligi, Suv xoʻjaligi vazirligi hamda Transport vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda motorli (ichki yonuv dvigatelli) suv transporti vositalarini “Sardoba” suv ombori va “Aydar-Arnasoy” koʻllar tizimiga keng jalb etish boʻyicha chora-tadbirlarni ishlab chiqsin va tadbirkorlar oʻrtasida targʻibot ishlarini amalga oshirsin.
5. Oʻzbekiston Respublikasi Favqulodda vaziyatlar vazirligi:
suv obyektlarida suv transporti vositalaridan xavfsiz foydalanish sohasida davlat nazorati samaradorligini oshirish uchun Kichik hajmli kemalar inspeksiyasini maxsus jihozlar, gidrotsikl va katerlar bilan taʼminlash choralarini koʻrsin;
Kichik hajmli kemalar inspeksiyasiga yuklangan vazifalarning samarali bajarilishini taʼminlash maqsadida Vazirlikning umumiy shtatlar soni va pul taʼminoti doirasida Kichik hajmli kemalar inspeksiyasining shtat birliklarini qayta koʻrib chiqsin;
suv transporti vositalarini boshqarish yuzasidan kema haydovchilarini tayyorlash va qayta tayyorlash ishlarini jadallashtirsin.
6. Oʻzbekiston Respublikasi Favqulodda vaziyatlar vazirligining Kichik hajmli kemalar inspeksiyasini gidrotsikl, kater, maxsus jihozlar va qutqaruv anjomlari bilan taʼminlash rejasi 1-ilovag a muvofiq tasdiqlansin.
Bunda ushbu ilovada koʻrsatilgan gidrotsikl, kater, maxsus jihozlar va qutqaruv anjomlari xaridi bilan bogʻliq xarajatlar Favqulodda vaziyatlar vazirligiga Oʻzbekiston Respublikasi Prezidenti va Hukumati tomonidan tasdiqlangan dasturlar ijrosi uchun koʻzda tutilgan mablagʻlar hisobidan amalga oshiriladi.
7. Vazirlar Mahkamasining “Oʻzbekiston Respublikasida turizm sohasini tiklash va rivojlantirish uchun qulay shart-sharoitlarni yaratish chora-tadbirlari toʻgʻrisida” 2020-yil 10-iyuldagi 433-son qaroriga 2-ilovag a muvofiq oʻzgartirish kiritilsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov, Oʻzbekiston Respublikasi favqulodda vaziyatlar vaziri A.X. Qoʻldoshev hamda ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov zimmasiga yuklansin.
Vazirlar Mahkamasining 2024-yil 4-sentabrdagi 540-son qaroriga 1-ILOVA
Oʻzbekiston Respublikasi Favqulodda vaziyatlar vazirligining Kichik hajmli kemalar inspeksiyasini gidrotsikl, kater, maxsus jihozlar va qutqaruv anjomlari bilan taʼminlash rejasi
T/r Maxsus jihoz va texnikalarning nomlanishi Oʻlchov birligi Umumiy soni (dona) 1 donasining narxi (ming soʻm) Jami narxi (mln soʻm) I. TEXNIKALAR 1. Kater (tirkamasi va qutqaruv anjomlari bilan) dona 15 553 567,00 8 303, 50 2. Gidrotsikl (tirkamasi bilan) dona 12 442 000,00 5 292, 00 3. Avtomobil (yuqori oʻtuvchanlik qobiliyatiga ega boʻlgan) dona 7 382 040,00 2 674, 28 II. MAXSUS JIXOZLAR 4. Planshet dona 15 16 000,00 240, 00 5. Qutqaruv nimchasi dona 116 25 000,00 29,00 6. Defektoskop (qalinlikni oʻlchovchi asbob) dona 15 10,00 1,50 Jami: 16 540,28
Vazirlar Mahkamasining 2024-yil 4-sentabrdagi 540-son qaroriga 2-ILOVA
Vazirlar Mahkamasining “Oʻzbekiston Respublikasida turizm sohasini tiklash va rivojlantirish uchun qulay shart-sharoitlarni yaratish chora-tadbirlari toʻgʻrisida” 2020-yil 10-iyuldagi 433-son qaroriga kiritilayotgan oʻzgartirish
3-bandning “j” kichik bandi quyidagi tahrirda bayon etilsin:
“j) “Chorvoq” suv omborida motorsiz, maxsus vazifalarni bajarish vakolatiga ega boʻlgan vazirlik va idoralarning hamda tezlikni avtomatik pasaytirish uskunasi bilan jihozlangan, GPS uskunasi oʻrnatilgan va yagona milliy GPS monitoring hamda navigatsiya tizimiga ulangan motorli suv transporti vositalaridan tashqari barcha motorli suv transporti vositalarining harakatlanishi, shuningdek, Chirchiq daryosi va uning irmoqlarida (maxsus ajratilgan suv havzalaridan tashqari) choʻmilish, transport vositalarini yuvish va maishiy chiqindilarni tashlash taqiqlanadi;”.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 4-sentabr,
540-son