📅 2024-yil 15-avgust · Vazirlik va idoralar hujjatlari · Korrupsiyaga qarshi kurashish agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 15 август · Вазирлик ва идоралар ҳужжатлари · Коррупцияга қарши курашиш агентлиги директори
Расмий матн. Расмий ҳужжат. Таҳририй изоҳлар киритилмаган.
📅 15 августа 2024 г. · Документы министерств и ведомств · Директор Агентства по противодействию коррупции
Официальный текст. Официальный документ. Редакционные примечания не включены.
📅 15 August 2024 · Ministry and agency documents · Korrupsiyaga qarshi kurashish agentligi direktori
Official text. Official document. Editorial notes are not included.
Ўзбекистон Республикаси Коррупцияга қарши курашиш агентлиги директорининг
буйруғи
Коррупцияга қарши курашиш ишларининг самарадорлигини рейтинг баҳолашни мустақил амалга оширувчи экспертлар гуруҳи таркибини шакллантириш ва унинг фаолиятини ташкил этиш тартибига ўзгартиришлар киритиш тўғрисида
Ўзбекистон Республикасининг «Манфаатлар тўқнашуви тўғрисида»ги Қонунига мувофиқ буюраман:
1. Ўзбекистон Республикаси Коррупцияга қарши курашиш агентлиги директорининг 2022 йил 13 майдаги 41-сон буйруғи (рўйхат рақами 3368, 2022 йил 13 май) (Қонунчилик маълумотлари миллий базаси, 13.05.2022 й., 10/22/3368/0417-сон) билан тасдиқланган Коррупцияга қарши курашиш ишларининг самарадорлигини рейтинг баҳолашни мустақил амалга оширувчи экспертлар гуруҳи таркибини шакллантириш ва унинг фаолиятини ташкил этиш тартибига иловага мувофиқ ўзгартиришлар киритилсин.
2. Мазкур буйруқ 2024 йил 6 декабрдан эътиборан кучга киради.
Ўзбекистон Республикаси Коррупцияга қарши курашиш агентлиги директорининг 2024 йил 15 августдаги 64-сон буйруғига ИЛОВА
Коррупцияга қарши курашиш ишларининг самарадорлигини рейтинг баҳолашни мустақил амалга оширувчи экспертлар гуруҳи таркибини шакллантириш ва унинг фаолиятини ташкил этиш тартибига киритилаётган ўзгартиришлар
1. 1-банднинг учинчи хатбошиси қуйидаги таҳрирда баён этилсин:
«манфаатлар тўқнашуви — шахснинг шахсий (бевосита ёки билвосита) манфаатдорлиги унинг ўз лавозим ёки хизмат мажбуриятларини лозим даражада бажаришига таъсир кўрсатаётган ёхуд таъсир кўрсатиши мумкин бўлган ҳамда шахсий манфаатдорлик билан фуқароларнинг, ташкилотларнинг, жамиятнинг ёки давлатнинг ҳуқуқлари, қонуний манфаатлари ўртасида қарама-қаршилик юзага келаётган (мавжуд манфаатлар тўқнашуви) ёки юзага келиши мумкин бўлган (эҳтимолий манфаатлар тўқнашуви) вазият;».
2. 27-банд қуйидаги таҳрирда баён этилсин:
«27. Экспертлар гуруҳи аъзоси қуйидаги ҳолларда, у ёки бу давлат ташкилотининг дастлабки рейтинг баҳолаш натижаларини кўриб чиқишда манфаатлар тўқнашуви ўзига маълум бўлиб қолган пайтдан эътиборан бир иш куни ичида ўзини ушбу давлат ташкилотининг дастлабки рейтинг баҳолаш натижаларини кўриб чиқишдан озод қилиш бўйича Экспертлар гуруҳи раҳбарига хабар беради:
ушбу давлат ташкилотида эксперт яқин қариндоши масъул мансабдор шахс сифатида ишлаётган бўлса ёки дастлабки рейтинг баҳолаш натижаларини кўриб чиқиш объекти (юридик шахс) унга алоқадор шахс бўлса;
экспертнинг ушбу давлат ташкилотининг жамоатчилик тузилмаларига аъзо эканлиги;
тегишли давлат ташкилотининг лицензиялар тақдим этиш, маҳсулотлар сотиб олиш ва бошқа давлат хизмати кўрсатиш фаолияти билан экспертнинг боғлиқлиги мавжуд бўлса;
бошқа ҳар қандай мавжуд манфаатлар тўқнашуви ўзига маълум бўлиб қолса.
Бунда, Экспертлар гуруҳи раҳбари томонидан ушбу экспертга манфаатлар тўқнашуви юзага келиши мумкин бўлган давлат ташкилотининг дастлабки рейтинг баҳолаш натижалари тақдим этилмаслиги лозим.».
Директор А. БУРХАНОВ
Тошкент ш.,
2024 йил 15 август,
64-сон
Oʻzbekiston Respublikasi Korrupsiyaga qarshi kurashish agentligi direktorining
buyrugʻi
Korrupsiyaga qarshi kurashish ishlarining samaradorligini reyting baholashni mustaqil amalga oshiruvchi ekspertlar guruhi tarkibini shakllantirish va uning faoliyatini tashkil etish tartibiga oʻzgartirishlar kiritish toʻgʻrisida
Oʻzbekiston Respublikasining “Manfaatlar toʻqnashuvi toʻgʻrisida”gi Qonuniga muvofiq buyuraman:
1. Oʻzbekiston Respublikasi Korrupsiyaga qarshi kurashish agentligi direktorining 2022-yil 13-maydagi 41-son buyrugʻi (roʻyxat raqami 3368, 2022-yil 13-may) (Qonunchilik maʼlumotlari milliy bazasi, 13.05.2022-y., 10/22/3368/0417-son) bilan tasdiqlangan Korrupsiyaga qarshi kurashish ishlarining samaradorligini reyting baholashni mustaqil amalga oshiruvchi ekspertlar guruhi tarkibini shakllantirish va uning faoliyatini tashkil etish tartibiga ilovaga muvofiq oʻzgartirishlar kiritilsin.
2. Mazkur buyruq 2024-yil 6-dekabrdan eʼtiboran kuchga kiradi.
Oʻzbekiston Respublikasi Korrupsiyaga qarshi kurashish agentligi direktorining 2024-yil 15-avgustdagi 64-son buyrugʻiga ILOVA
Korrupsiyaga qarshi kurashish ishlarining samaradorligini reyting baholashni mustaqil amalga oshiruvchi ekspertlar guruhi tarkibini shakllantirish va uning faoliyatini tashkil etish tartibiga kiritilayotgan oʻzgartirishlar
1. 1-bandning uchinchi xatboshisi quyidagi tahrirda bayon etilsin:
“manfaatlar toʻqnashuvi — shaxsning shaxsiy (bevosita yoki bilvosita) manfaatdorligi uning oʻz lavozim yoki xizmat majburiyatlarini lozim darajada bajarishiga taʼsir koʻrsatayotgan yoxud taʼsir koʻrsatishi mumkin boʻlgan hamda shaxsiy manfaatdorlik bilan fuqarolarning, tashkilotlarning, jamiyatning yoki davlatning huquqlari, qonuniy manfaatlari oʻrtasida qarama-qarshilik yuzaga kelayotgan (mavjud manfaatlar toʻqnashuvi) yoki yuzaga kelishi mumkin boʻlgan (ehtimoliy manfaatlar toʻqnashuvi) vaziyat;”.
2. 27-band quyidagi tahrirda bayon etilsin:
“27. Ekspertlar guruhi aʼzosi quyidagi hollarda, u yoki bu davlat tashkilotining dastlabki reyting baholash natijalarini koʻrib chiqishda manfaatlar toʻqnashuvi oʻziga maʼlum boʻlib qolgan paytdan eʼtiboran bir ish kuni ichida oʻzini ushbu davlat tashkilotining dastlabki reyting baholash natijalarini koʻrib chiqishdan ozod qilish boʻyicha Ekspertlar guruhi rahbariga xabar beradi:
ushbu davlat tashkilotida ekspert yaqin qarindoshi masʼul mansabdor shaxs sifatida ishlayotgan boʻlsa yoki dastlabki reyting baholash natijalarini koʻrib chiqish obyekti (yuridik shaxs) unga aloqador shaxs boʻlsa;
ekspertning ushbu davlat tashkilotining jamoatchilik tuzilmalariga aʼzo ekanligi;
tegishli davlat tashkilotining litsenziyalar taqdim etish, mahsulotlar sotib olish va boshqa davlat xizmati koʻrsatish faoliyati bilan ekspertning bogʻliqligi mavjud boʻlsa;
boshqa har qanday mavjud manfaatlar toʻqnashuvi oʻziga maʼlum boʻlib qolsa.
Bunda, Ekspertlar guruhi rahbari tomonidan ushbu ekspertga manfaatlar toʻqnashuvi yuzaga kelishi mumkin boʻlgan davlat tashkilotining dastlabki reyting baholash natijalari taqdim etilmasligi lozim.”.
Direktor A. BURXANOV
Toshkent sh.,
2024-yil 15-avgust,
64-son