📅 2024-yil 7-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 7 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 сентября 2024 г. · Постановления Президента
Официальный текст. Официальный документ. Редакционные примечания не включены.
📅 7 September 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«Кичик бизнесни узлуксиз қўллаб-қувватлаш» комплекс дастурини такомиллаштириш чора-тадбирлари тўғрисида
Кичик бизнесни молиявий қўллаб-қувватлашнинг узлуксизлиги ва барқарорлигини таъминлаш, банк ва микромолиялаштириш хизматларидан фойдаланиш имкониятларини кенгайтириш мақсадида:
1. «Кичик бизнесни узлуксиз қўллаб-қувватлаш» комплекс дастури (кейинги ўринларда — Дастур) доирасида қуйидаги механизмлар амалиётга жорий этилсин:
бир лойиҳа доирасида 300 миллион сўмгача микрокредитларни, шундан 100 миллион сўм гаровсиз қисмини «Тадбиркорликни ривожлантириш компанияси» акциядорлик жамияти (кейинги ўринларда — Компания) маблағлари ҳисобидан, 200 миллион сўмгача қисмини банклар ва микромолия ташкилотларининг (кейинги ўринларда — микрокредит берувчилар) ўз маблағлари ҳисобидан ажратиш;
гаровсиз ажратилган 100 миллион сўм доирасида микрокредитлар бўйича кредит таваккалчилигини давлат ва микрокредит берувчилар ўртасида тақсимлаш ёки улар бўйича Компаниянинг портфель кафиллигини тақдим этиш;
микрокредит берувчилар томонидан ўз маблағлари ҳисобидан ажратилган 100 миллион сўмгача гаровсиз микрокредитларни қайта молиялаштириш тизимига ўтиш.
2. Белгилансинки, Дастур доирасида 100 миллион сўмгача гаровсиз микрокредитлар:
а) барча микрокредит берувчилар томонидан камида бир йил мобайнида фаолият юритаётган ва ижобий кредит тарихига эга бўлган кичик тадбиркорлик субъектларига ажратилади. Бунда кичик тадбиркорлик субъектларини танлаб олишда бошқа талаблар ва мезонлар киритилишига йўл қўйилмайди;
б) 2024 йил 1 ноябрдан бошлаб кичик тадбиркорлик субъектлари рўйхатдан ўтган ва фаолият юритаётган ҳудуд тоифасидан келиб чиққан ҳолда Компания томонидан микрокредит берувчиларга қуйидаги ставкаларда қайта молиялаштирилади:
5-тоифа учун — 12,5 фоиз;
4-тоифа учун — 13,5 фоиз;
3-тоифа учун — 14,5 фоиз;
2-тоифа учун — 17,0 фоиз;
1-тоифа учун — 18,0 фоиз;
в) йиллик ставкаси 24 фоиздан ошганда ёки 1 — 3-тоифадаги туманда (шаҳарда) савдо ва умумий овқатланиш фаолияти билан боғлиқ лойиҳалар учун айланма маблағларни тўлдиришга ажратилганда, Компания томонидан қайта молиялаштирилмайди ва улар бўйича портфель кафиллиги тақдим этилмайди.
3. Дастур доирасида микрокредитлар ажратиш ва ресурс маблағлари билан таъминлашнинг қуйидаги тартиби жорий этилади:
Иқтисодиёт ва молия вазирлиги Компанияга:
а) дастлабки ажратиладиган 3 триллион сўмни:
микрокредитларни қайта молиялаштириш учун — 11,5 фоиз ставкада 3 йил имтиёзли давр билан 7 йил муддатга;
Қорақалпоғистон Республикасида Ижтимоий реестрга киритилган оилаларнинг ишсиз аъзоларини иш билан таъминлаган кичик ва ўрта бизнес субъектларига ушбу фуқаролар учун ташкил қилинган ҳар бир иш ўрнига қўшимча равишда 10 миллион сўмгача, бироқ 100 миллион сўмдан ошмаган миқдорда айланма маблағларни тўлдириш учун ажратилган микрокредитларни қайта молиялаштириш учун 9 фоиз ставкада 3 йил муддатгача жойлаштиради;
б) келгусида маблағларни Марказий банкнинг асосий ставкасидан икки фоиз банд паст ставкада 3 йил имтиёзли давр билан 7 йил муддатга жойлаштиради;
в) микрокредит берувчилар томонидан 7 йилгача бўлган муддатга ажратилган 100 миллион сўм доирасидаги микрокредитлар Компания томонидан 10 (ўн) иш кунида қайта молиялаштирилади;
д) микрокредитлар Компания томонидан қайта молиялаштирилганда ёки улар бўйича портфель кафиллиги берилганда, мазкур микрокредитлар бўйича Ўзбекистон Республикаси Президентининг 2023 йил 10 ноябрдаги ПФ-193-сон Фармонида назарда тутилган компенсация тақдим этилмайди.
4. Шундай тартиб ўрнатилсинки, унга мувофиқ 2024 йил 1 ноябрдан бошлаб:
а) микрокредитларни қайта молиялаштиришда улар бўйича юзага келадиган кредит таваккалчилигини туманлар (шаҳарлар) тоифасидан келиб чиқиб, Компания ва микрокредит берувчилар ўртасида тақсимлаш тизими жорий қилинади.
Бунда Компания микрокредит берувчиларга жойлаштирадиган ресурс маблағларининг тегишли қисми қуйидаги миқдорларда гаров депозити сифатида қабул қилинади:
5-тоифадаги туманда (шаҳарда) рўйхатдан ўтган ва шу ҳудудда фаолият юритадиган кичик тадбиркорлик субъектларига ажратилган микрокредитлар бўйича — 80 фоиз;
4-тоифадаги туманда (шаҳарда) рўйхатдан ўтган ва шу ҳудудда фаолият юритадиган кичик тадбиркорлик субъектларига ажратилган микрокредитлар бўйича — 60 фоиз;
3-тоифадаги туманда (шаҳарда) рўйхатдан ўтган ва шу ҳудудда фаолият юритадиган кичик тадбиркорлик субъектларига ажратилган микрокредитлар бўйича — 40 фоиз;
1-2-тоифалардаги туманда (шаҳарда) рўйхатдан ўтган ва шу ҳудудда фаолият юритадиган кичик тадбиркорлик субъектларига ажратилган микрокредитлар бўйича — 20 фоиз;
б) микрокредит берувчилар томонидан ажратилган ҳамда Компания ресурслари ҳисобидан қайта молиялаштирилмайдиган 100 миллион сўм доирасидаги гаровсиз микрокредитлар бўйича Компаниянинг портфель кафиллиги тақдим қилинади.
Бунда кафиллик бўйича тўлаб бериш мажбурияти микрокредит бўйича қарздорлик муддати ўтган санадан 90 кун ўтгандан сўнг бажарилади;
в) микрокредитларни қайта молиялаштириш учун Компания томонидан олинган маблағлар Иқтисодиёт ва молия вазирлигига микрокредит сўндирилишига қараб қайтарилади. Бунда микрокредитни сўндириш бўйича мажбуриятлар бажарилмаганлиги натижасида микрокредит берувчилар томонидан Компанияга қайтарилмаган маблағлар бўйича Компаниянинг Иқтисодиёт ва молия вазирлиги олдидаги мажбуриятлари бекор қилинади;
г) Дастур доирасида молиявий қўллаб-қувватлаш инструментларидан фойдаланиш учун амалий ўқув курсларини тугатганлик тўғрисида сертификатга эга бўлиш талаб этилмайди.
5. Иқтисодиёт ва молия вазирлиги микрокредит берувчиларни узлуксиз равишда қайта молиялаштириш мақсадида Компанияни зарур молиявий ресурслар билан доимий равишда таъминлаб бориш чораларини кўриб борсин, шу жумладан, бир ой муддатда 3 триллион сўм миқдоридаги маблағлар ажратилишини таъминласин.
6. Компанияга қуйидаги вазифалар юклатилсин:
қайта молиялаштириладиган ёки кафиллик тақдим этиладиган микрокредитларнинг шартларига, микрокредит олувчиларга қўйиладиган талабларни ва микрокредитлар ажратадиган банклар ва микромолия ташкилотларига нисбатан мувофиқлик мезонларини белгилаш;
республика бюджети ва бошқа манбалардан молиявий маблағларни жалб қилиш ва уларни кичик тадбиркорлик субъектларига ажратилган микрокредитлар бўйича таваккалчиликларни ўзаро тақсимлаш асосида қайта молиялаштиришга йўналтириш;
микрокредит берувчилар томонидан ўз маблағлари ҳисобидан кичик тадбиркорлик субъектларига ажратилган микрокредитлар бўйича портфель кафилликлар тақдим этиш.
7. Компания кузатув кенгашига (Ж. Қўчқоров):
а) 2025 йил 1 январга қадар:
кафиллик бўйича банклар олдидаги мажбуриятларни бажариш билан боғлиқ тартиботларни соддалаштириш ва муддатларни қисқартириш;
тадбиркорлик субъектларининг кредит тарихи ва молиявий ҳолатидан келиб чиққан ҳолда кафиллик бўйича табақалаштирилган хизмат ҳақларини жорий қилиш чораларини кўриш вазифаси юклатилсин;
б) микрокредит берувчиларга ажратиладиган ресурслар ва ушбу ресурслар ҳисобидан бериладиган микрокредитлар бўйича энг юқори фоиз ставкаларини мустақил равишда белгилаш, микрокредит миқдорлари, кредит таваккалчилигини тақсимлаш, портфель кафилликларини тақдим этиш ва қайта молиялаштириш миқдорлари ва шартларини ўзгартириш ҳамда бозор талабидан келиб чиққан ҳолда бошқа механизмларни жорий қилиш ваколати берилсин.
8. Иқтисодиёт ва молия вазирлиги ҳамда Марказий банкнинг «Кичик бизнесни ривожлантириш жамғармаси» масъулияти чекланган жамиятининг (кейинги ўринларда — Жамғарма) мол-мулкларини баҳолашдан ўтказмаган ҳолда уни Компанияга қўшиб юбориш тўғрисидаги таклифига розилик берилсин.
Бунда:
Жамғарма устав капиталидаги «Бизнесни ривожлантириш банки» АТБ (кейинги ўринларда — Бизнесни ривожлантириш банки) улушини номинал (баланс) қийматига камайтириш ҳисобига Жамғарманинг «Рақамли трансформация маркази» масъулияти чекланган жамияти ҳамда 14 та «Кичик бизнесга кўмаклашиш марказлари» масъулияти чекланган жамиятлари устав капиталидаги улушлари Бизнесни ривожлантириш банкига ўтказилади;
Бизнесни ривожлантириш банки устав капиталидаги Иқтисодиёт ва молия вазирлиги улушини номинал (баланс) қийматига камайтириш ҳисобига Бизнесни ривожлантириш банкининг Жамғарма устав капиталидаги 100 фоиз улуши Иқтисодиёт ва молия вазирлигининг Компаниядаги улушини ошириш ҳисобига Компанияга ўтказилади.
9. Бизнесни ривожлантириш банкининг кичик бизнесни молиявий қўллаб-қувватлаш борасида асосий таянч банк сифатида:
халқаро ва маҳаллий экспертларни жалб қилган ҳолда ўсиш ва ривожланиш салоҳиятига эга бўлган тадбиркорлар фаолиятига кўмак бериш ва ҳамроҳлик қилиш бўйича менторлар ёки етакчи тадбиркорлар гуруҳини шакллантириш, бунда йил якунига қадар 24 та менторлар фаолиятини йўлга қўйиш;
тадбиркорликни қўллаб-қувватлаш дастурлари доирасида ўсиш ва ривожланиш салоҳиятига эга тадбиркорлик субъектларини танлаб олиш орқали уларни индивидуал ёндашув асосида ўстириш;
ҳар бир ҳудудда юқори қиймат яратувчи янги кичик тадбиркорлик субъектлари сонини ошириш ёки ривожланишига кўмаклашиш;
Қорақалпоғистон Республикаси, вилоятлар ва Тошкент шаҳрида банкнинг хизмат кўрсатиш марказларини очиш;
2024-2025 йилларда 100 та янги бизнес йўналиши бўйича лойиҳа таклифларини ишлаб чиқиб, уларни амалиётга татбиқ этиб бориш;
3-, 4- ва 5-тоифадаги ҳудудларда кичик тадбиркорлик субъектларига микрокредитлар ажратиш бўйича қўшимча чоралар кўриб бориш борасидаги таклифлари маъқуллансин.
10. Иқтисодиёт ва молия вазирлиги Тикланиш ва тараққиёт жамғармаси билан биргаликда бир ой муддатда Ўзбекистон Республикаси Президентининг 2023 йил 15 ноябрдаги ПҚ-366-сон қарори асосида Бизнесни ривожлантириш банкига Дастурни молиялаштириш учун йўналтирилган жами 300 миллион АҚШ долларидан 200 миллион АҚШ доллари Бизнесни ривожлантириш банки устав капиталини оширишга йўналтирилиши, 100 миллион АҚШ доллари миллий валютада йиллик 14 фоиз ставкада субординар қарз сифатида қайта расмийлаштирилишини таъминласинлар.
11. Белгилансинки:
молиявий ёрдамларни тақдим этиш доирасида Компания томонидан тадбиркорлик субъектларининг буюртмасига асосан асбоб-ускуна ва бошқа мол-мулклар ҳамда хомашёлар харид қилишда давлат харидлари тўғрисидаги қонунчилик талаблари татбиқ этилмайди;
Компанияга у томонидан тузилган импорт шартномаларига асосан тадбиркорлар маблағлари ҳисобидан 50 фоизгача бўнак тўловларини ўтказишга рухсат берилади;
Жамғарма томонидан тижорат банкларига илгари жойлаштирилган ресурс маблағлари тасдиқланган графиклар асосида сўндирилганидан сўнг Компания томонидан қайта молиялаштиришга йўналтирилади;
кредит (лизинг) маблағларидан кредит (лизинг) шартномасида ва/ёки буюртмада кўрсатилган мақсадларда фойдаланилмаганда, ушбу кредит (лизинг) бўйича тўланган компенсация маблағлари тижорат банки томонидан Компанияга қайтарилади. Бунда ушбу қоида Тадбиркорлик фаолиятини қўллаб-қувватлаш давлат жамғармаси билан аввал тузилган шартномалардан келиб чиқадиган муносабатларга ҳам татбиқ этилади.
12. Давлат активларини бошқариш агентлиги Тошкент шаҳар ҳокимлиги билан биргаликда бир ой муддатда Компанияни Тошкент шаҳридаги зарурий инфратузилмага эга бўлган маъмурий бинога жойлаштиришни таъминласин.
13. Иқтисодиёт ва молия вазирлиги Марказий банк ва бошқа манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
14. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров ва Марказий банк раиси М.Б. Нурмуратов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 7 сентябрь,
ПҚ-312-сон
Oʻzbekiston Respublikasi Prezidentining
qarori
“Kichik biznesni uzluksiz qoʻllab-quvvatlash” kompleks dasturini takomillashtirish chora-tadbirlari toʻgʻrisida
Kichik biznesni moliyaviy qoʻllab-quvvatlashning uzluksizligi va barqarorligini taʼminlash, bank va mikromoliyalashtirish xizmatlaridan foydalanish imkoniyatlarini kengaytirish maqsadida:
1. “Kichik biznesni uzluksiz qoʻllab-quvvatlash” kompleks dasturi (keyingi oʻrinlarda — Dastur) doirasida quyidagi mexanizmlar amaliyotga joriy etilsin:
bir loyiha doirasida 300 million soʻmgacha mikrokreditlarni, shundan 100 million soʻm garovsiz qismini “Tadbirkorlikni rivojlantirish kompaniyasi” aksiyadorlik jamiyati (keyingi oʻrinlarda — Kompaniya) mablagʻlari hisobidan, 200 million soʻmgacha qismini banklar va mikromoliya tashkilotlarining (keyingi oʻrinlarda — mikrokredit beruvchilar) oʻz mablagʻlari hisobidan ajratish;
garovsiz ajratilgan 100 million soʻm doirasida mikrokreditlar boʻyicha kredit tavakkalchiligini davlat va mikrokredit beruvchilar oʻrtasida taqsimlash yoki ular boʻyicha Kompaniyaning portfel kafilligini taqdim etish;
mikrokredit beruvchilar tomonidan oʻz mablagʻlari hisobidan ajratilgan 100 million soʻmgacha garovsiz mikrokreditlarni qayta moliyalashtirish tizimiga oʻtish.
2. Belgilansinki, Dastur doirasida 100 million soʻmgacha garovsiz mikrokreditlar:
a) barcha mikrokredit beruvchilar tomonidan kamida bir yil mobaynida faoliyat yuritayotgan va ijobiy kredit tarixiga ega boʻlgan kichik tadbirkorlik subyektlariga ajratiladi. Bunda kichik tadbirkorlik subyektlarini tanlab olishda boshqa talablar va mezonlar kiritilishiga yoʻl qoʻyilmaydi;
b) 2024-yil 1-noyabrdan boshlab kichik tadbirkorlik subyektlari roʻyxatdan oʻtgan va faoliyat yuritayotgan hudud toifasidan kelib chiqqan holda Kompaniya tomonidan mikrokredit beruvchilarga quyidagi stavkalarda qayta moliyalashtiriladi:
5-toifa uchun — 12,5 foiz;
4-toifa uchun — 13,5 foiz;
3-toifa uchun — 14,5 foiz;
2-toifa uchun — 17,0 foiz;
1-toifa uchun — 18,0 foiz;
v) yillik stavkasi 24 foizdan oshganda yoki 1 — 3-toifadagi tumanda (shaharda) savdo va umumiy ovqatlanish faoliyati bilan bogʻliq loyihalar uchun aylanma mablagʻlarni toʻldirishga ajratilganda, Kompaniya tomonidan qayta moliyalashtirilmaydi va ular boʻyicha portfel kafilligi taqdim etilmaydi.
3. Dastur doirasida mikrokreditlar ajratish va resurs mablagʻlari bilan taʼminlashning quyidagi tartibi joriy etiladi:
Iqtisodiyot va moliya vazirligi Kompaniyaga:
a) dastlabki ajratiladigan 3 trillion soʻmni:
mikrokreditlarni qayta moliyalashtirish uchun — 11,5 foiz stavkada 3 yil imtiyozli davr bilan 7 yil muddatga;
Qoraqalpogʻiston Respublikasida Ijtimoiy reyestrga kiritilgan oilalarning ishsiz aʼzolarini ish bilan taʼminlagan kichik va oʻrta biznes subyektlariga ushbu fuqarolar uchun tashkil qilingan har bir ish oʻrniga qoʻshimcha ravishda 10 million soʻmgacha, biroq 100 million soʻmdan oshmagan miqdorda aylanma mablagʻlarni toʻldirish uchun ajratilgan mikrokreditlarni qayta moliyalashtirish uchun 9 foiz stavkada 3 yil muddatgacha joylashtiradi;
b) kelgusida mablagʻlarni Markaziy bankning asosiy stavkasidan ikki foiz band past stavkada 3 yil imtiyozli davr bilan 7 yil muddatga joylashtiradi;
v) mikrokredit beruvchilar tomonidan 7 yilgacha boʻlgan muddatga ajratilgan 100 million soʻm doirasidagi mikrokreditlar Kompaniya tomonidan 10 (oʻn) ish kunida qayta moliyalashtiriladi;
d) mikrokreditlar Kompaniya tomonidan qayta moliyalashtirilganda yoki ular boʻyicha portfel kafilligi berilganda, mazkur mikrokreditlar boʻyicha Oʻzbekiston Respublikasi Prezidentining 2023-yil 10-noyabrdagi PF-193-son Farmonida nazarda tutilgan kompensatsiya taqdim etilmaydi.
4. Shunday tartib oʻrnatilsinki, unga muvofiq 2024-yil 1-noyabrdan boshlab:
a) mikrokreditlarni qayta moliyalashtirishda ular boʻyicha yuzaga keladigan kredit tavakkalchiligini tumanlar (shaharlar) toifasidan kelib chiqib, Kompaniya va mikrokredit beruvchilar oʻrtasida taqsimlash tizimi joriy qilinadi.
Bunda Kompaniya mikrokredit beruvchilarga joylashtiradigan resurs mablagʻlarining tegishli qismi quyidagi miqdorlarda garov depoziti sifatida qabul qilinadi:
5-toifadagi tumanda (shaharda) roʻyxatdan oʻtgan va shu hududda faoliyat yuritadigan kichik tadbirkorlik subyektlariga ajratilgan mikrokreditlar boʻyicha — 80 foiz;
4-toifadagi tumanda (shaharda) roʻyxatdan oʻtgan va shu hududda faoliyat yuritadigan kichik tadbirkorlik subyektlariga ajratilgan mikrokreditlar boʻyicha — 60 foiz;
3-toifadagi tumanda (shaharda) roʻyxatdan oʻtgan va shu hududda faoliyat yuritadigan kichik tadbirkorlik subyektlariga ajratilgan mikrokreditlar boʻyicha — 40 foiz;
1-2-toifalardagi tumanda (shaharda) roʻyxatdan oʻtgan va shu hududda faoliyat yuritadigan kichik tadbirkorlik subyektlariga ajratilgan mikrokreditlar boʻyicha — 20 foiz;
b) mikrokredit beruvchilar tomonidan ajratilgan hamda Kompaniya resurslari hisobidan qayta moliyalashtirilmaydigan 100 million soʻm doirasidagi garovsiz mikrokreditlar boʻyicha Kompaniyaning portfel kafilligi taqdim qilinadi.
Bunda kafillik boʻyicha toʻlab berish majburiyati mikrokredit boʻyicha qarzdorlik muddati oʻtgan sanadan 90 kun oʻtgandan soʻng bajariladi;
v) mikrokreditlarni qayta moliyalashtirish uchun Kompaniya tomonidan olingan mablagʻlar Iqtisodiyot va moliya vazirligiga mikrokredit soʻndirilishiga qarab qaytariladi. Bunda mikrokreditni soʻndirish boʻyicha majburiyatlar bajarilmaganligi natijasida mikrokredit beruvchilar tomonidan Kompaniyaga qaytarilmagan mablagʻlar boʻyicha Kompaniyaning Iqtisodiyot va moliya vazirligi oldidagi majburiyatlari bekor qilinadi;
g) Dastur doirasida moliyaviy qoʻllab-quvvatlash instrumentlaridan foydalanish uchun amaliy oʻquv kurslarini tugatganlik toʻgʻrisida sertifikatga ega boʻlish talab etilmaydi.
5. Iqtisodiyot va moliya vazirligi mikrokredit beruvchilarni uzluksiz ravishda qayta moliyalashtirish maqsadida Kompaniyani zarur moliyaviy resurslar bilan doimiy ravishda taʼminlab borish choralarini koʻrib borsin, shu jumladan, bir oy muddatda 3 trillion soʻm miqdoridagi mablagʻlar ajratilishini taʼminlasin.
6. Kompaniyaga quyidagi vazifalar yuklatilsin:
qayta moliyalashtiriladigan yoki kafillik taqdim etiladigan mikrokreditlarning shartlariga, mikrokredit oluvchilarga qoʻyiladigan talablarni va mikrokreditlar ajratadigan banklar va mikromoliya tashkilotlariga nisbatan muvofiqlik mezonlarini belgilash;
respublika budjeti va boshqa manbalardan moliyaviy mablagʻlarni jalb qilish va ularni kichik tadbirkorlik subyektlariga ajratilgan mikrokreditlar boʻyicha tavakkalchiliklarni oʻzaro taqsimlash asosida qayta moliyalashtirishga yoʻnaltirish;
mikrokredit beruvchilar tomonidan oʻz mablagʻlari hisobidan kichik tadbirkorlik subyektlariga ajratilgan mikrokreditlar boʻyicha portfel kafilliklar taqdim etish.
7. Kompaniya kuzatuv kengashiga (J. Qoʻchqorov):
a) 2025-yil 1-yanvarga qadar:
kafillik boʻyicha banklar oldidagi majburiyatlarni bajarish bilan bogʻliq tartibotlarni soddalashtirish va muddatlarni qisqartirish;
tadbirkorlik subyektlarining kredit tarixi va moliyaviy holatidan kelib chiqqan holda kafillik boʻyicha tabaqalashtirilgan xizmat haqlarini joriy qilish choralarini koʻrish vazifasi yuklatilsin;
b) mikrokredit beruvchilarga ajratiladigan resurslar va ushbu resurslar hisobidan beriladigan mikrokreditlar boʻyicha eng yuqori foiz stavkalarini mustaqil ravishda belgilash, mikrokredit miqdorlari, kredit tavakkalchiligini taqsimlash, portfel kafilliklarini taqdim etish va qayta moliyalashtirish miqdorlari va shartlarini oʻzgartirish hamda bozor talabidan kelib chiqqan holda boshqa mexanizmlarni joriy qilish vakolati berilsin.
8. Iqtisodiyot va moliya vazirligi hamda Markaziy bankning “Kichik biznesni rivojlantirish jamgʻarmasi” masʼuliyati cheklangan jamiyatining (keyingi oʻrinlarda — Jamgʻarma) mol-mulklarini baholashdan oʻtkazmagan holda uni Kompaniyaga qoʻshib yuborish toʻgʻrisidagi taklifiga rozilik berilsin.
Bunda:
Jamgʻarma ustav kapitalidagi “Biznesni rivojlantirish banki” ATB (keyingi oʻrinlarda — Biznesni rivojlantirish banki) ulushini nominal (balans) qiymatiga kamaytirish hisobiga Jamgʻarmaning “Raqamli transformatsiya markazi” masʼuliyati cheklangan jamiyati hamda 14 ta “Kichik biznesga koʻmaklashish markazlari” masʼuliyati cheklangan jamiyatlari ustav kapitalidagi ulushlari Biznesni rivojlantirish bankiga oʻtkaziladi;
Biznesni rivojlantirish banki ustav kapitalidagi Iqtisodiyot va moliya vazirligi ulushini nominal (balans) qiymatiga kamaytirish hisobiga Biznesni rivojlantirish bankining Jamgʻarma ustav kapitalidagi 100 foiz ulushi Iqtisodiyot va moliya vazirligining Kompaniyadagi ulushini oshirish hisobiga Kompaniyaga oʻtkaziladi.
9. Biznesni rivojlantirish bankining kichik biznesni moliyaviy qoʻllab-quvvatlash borasida asosiy tayanch bank sifatida:
xalqaro va mahalliy ekspertlarni jalb qilgan holda oʻsish va rivojlanish salohiyatiga ega boʻlgan tadbirkorlar faoliyatiga koʻmak berish va hamrohlik qilish boʻyicha mentorlar yoki yetakchi tadbirkorlar guruhini shakllantirish, bunda yil yakuniga qadar 24 ta mentorlar faoliyatini yoʻlga qoʻyish;
tadbirkorlikni qoʻllab-quvvatlash dasturlari doirasida oʻsish va rivojlanish salohiyatiga ega tadbirkorlik subyektlarini tanlab olish orqali ularni individual yondashuv asosida oʻstirish;
har bir hududda yuqori qiymat yaratuvchi yangi kichik tadbirkorlik subyektlari sonini oshirish yoki rivojlanishiga koʻmaklashish;
Qoraqalpogʻiston Respublikasi, viloyatlar va Toshkent shahrida bankning xizmat koʻrsatish markazlarini ochish;
2024-2025-yillarda 100 ta yangi biznes yoʻnalishi boʻyicha loyiha takliflarini ishlab chiqib, ularni amaliyotga tatbiq etib borish;
3-, 4- va 5-toifadagi hududlarda kichik tadbirkorlik subyektlariga mikrokreditlar ajratish boʻyicha qoʻshimcha choralar koʻrib borish borasidagi takliflari maʼqullansin.
10. Iqtisodiyot va moliya vazirligi Tiklanish va taraqqiyot jamgʻarmasi bilan birgalikda bir oy muddatda Oʻzbekiston Respublikasi Prezidentining 2023-yil 15-noyabrdagi PQ-366-son qarori asosida Biznesni rivojlantirish bankiga Dasturni moliyalashtirish uchun yoʻnaltirilgan jami 300 million AQSH dollaridan 200 million AQSH dollari Biznesni rivojlantirish banki ustav kapitalini oshirishga yoʻnaltirilishi, 100 million AQSH dollari milliy valyutada yillik 14 foiz stavkada subordinar qarz sifatida qayta rasmiylashtirilishini taʼminlasinlar.
11. Belgilansinki:
moliyaviy yordamlarni taqdim etish doirasida Kompaniya tomonidan tadbirkorlik subyektlarining buyurtmasiga asosan asbob-uskuna va boshqa mol-mulklar hamda xomashyolar xarid qilishda davlat xaridlari toʻgʻrisidagi qonunchilik talablari tatbiq etilmaydi;
Kompaniyaga u tomonidan tuzilgan import shartnomalariga asosan tadbirkorlar mablagʻlari hisobidan 50 foizgacha boʻnak toʻlovlarini oʻtkazishga ruxsat beriladi;
Jamgʻarma tomonidan tijorat banklariga ilgari joylashtirilgan resurs mablagʻlari tasdiqlangan grafiklar asosida soʻndirilganidan soʻng Kompaniya tomonidan qayta moliyalashtirishga yoʻnaltiriladi;
kredit (lizing) mablagʻlaridan kredit (lizing) shartnomasida va/yoki buyurtmada koʻrsatilgan maqsadlarda foydalanilmaganda, ushbu kredit (lizing) boʻyicha toʻlangan kompensatsiya mablagʻlari tijorat banki tomonidan Kompaniyaga qaytariladi. Bunda ushbu qoida Tadbirkorlik faoliyatini qoʻllab-quvvatlash davlat jamgʻarmasi bilan avval tuzilgan shartnomalardan kelib chiqadigan munosabatlarga ham tatbiq etiladi.
12. Davlat aktivlarini boshqarish agentligi Toshkent shahar hokimligi bilan birgalikda bir oy muddatda Kompaniyani Toshkent shahridagi zaruriy infratuzilmaga ega boʻlgan maʼmuriy binoga joylashtirishni taʼminlasin.
13. Iqtisodiyot va moliya vazirligi Markaziy bank va boshqa manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov va Markaziy bank raisi M.B. Nurmuratov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 7-sentabr,
PQ-312-son
Президента Республики Узбекистан
Постановление
О мерах по совершенствованию Комплексной программы непрерывной поддержки малого бизнеса
В целях обеспечения непрерывности и устойчивости финансовой поддержки малого бизнеса, расширения доступа к банковским и микрофинансовым услугам:
1. В рамках Комплексной программы непрерывной поддержки малого бизнеса (далее — Программа) внедрить в практику механизмы, предусматривающие:
выделение микрокредитов в рамках одного проекта в размере до 300 миллионов сумов, в том числе беззалоговой части в размере 100 миллионов сумов за счет средств Акционерного общества «Компания по развитию предпринимательства» (далее — Компания), части до 200 миллионов сумов — за счет собственных средств банков и микрофинансовых организаций (далее — микрокредитодатели);
распределение кредитных рисков между государством и микрокредитодателями либо предоставления портфельного поручительства Компании по микрокредитам в пределах 100 миллионов сумов, выделенных на беззалоговой основе;
переход на систему рефинансирования беззалоговых микрокредитов в размере до 100 миллионов сумов, выделенных микрокредитодателями за счет их собственных средств.
2. Установить, что в рамках Программы беззалоговые микрокредиты до 100 миллионов сумов:
а) выделяются всеми микрокредитодателями субъектам малого предпринимательства, осуществляющим деятельность в течение не менее одного года и имеющим положительную кредитную историю. При этом при отборе субъектов малого предпринимательства установление других требований и критериев не допускается;
б) с 1 ноября 2024 года рефинансируются Компанией микрокредитодателям по следующим ставкам исходя из категории территорий, в которых зарегистрированы и осуществляют деятельность субъекты малого предпринимательства, в частности отнесенных к:
5-й категории — 12,5 процентов;
4-й категории — 13,5 процентов;
3-й категории — 14,5 процентов;
2-й категории — 17,0 процентов;
1-й категории — 18,0 процентов;
в) Компанией не рефинансируются и не предоставляется портфельное поручительство по ним при превышении годовой ставки 24 процентов либо их выделении на пополнение оборотных средств по проектам, связанным с торговлей и деятельностью в сфере общественного питания, реализуемым в районах (городах), отнесенных к 1 — 3 категориям.
3. В рамках Программы внедряется порядок выделения и обеспечения ресурсными средствами микрокредитов, в соответствии с которым:
Министерство экономики и финансов размещает в Компании:
а) первоначально выделяемые 3 триллиона сумов:
для рефинансирования микрокредитов — по ставке 11,5 процента сроком на 7 лет, включая льготный период 3 года;
для рефинансирования микрокредитов, выделенных субъектам малого и среднего бизнеса, обеспечившим работой безработных членов семей, включенных в Социальный реестр в Республике Каракалпакстан, для пополнения оборотных средств дополнительно в размере до 10 миллионов сумов на каждое рабочее место, созданное для этих граждан, но в размере, не превышающем 100 миллионов сумов, — по ставке 9 процентов на срок до 3 лет;
б) в последующем средства по ставке на два процентных пункта ниже основной ставки Центрального банка на срок 7 лет, включая льготный период 3 года;
в) микрокредиты в пределах 100 миллионов сумов, выделенные микрокредитодателями на срок до 7 лет, рефинансируются Компанией в течение 10 (десяти) рабочих дней;
д) по микрокредитам, рефинансированным Компанией либо по которым предоставлено портфельное поручительство, компенсация, предусмотренная Указом Президента Республики Узбекистан от 10 ноября 2023 года № УП-193, не предоставляется.
4. Установить порядок, в соответствии с которым с 1 ноября 2024 года:
а) внедряется система распределения кредитных рисков, возникающих при рефинансировании микрокредитов, между Компанией и микрокредитодателями, исходя из категории районов (городов).
При этом соответствующая часть ресурсных средств Компании, размещаемая в микрокредитодателях, принимается в качестве залогового депозита в следующих размерах:
80 процентов — по микрокредитам, выделенным субъектам малого предпринимательства, зарегистрированным и осуществляющим деятельность в районах (городах), отнесенных к 5-й категории;
60 процентов — по микрокредитам, выделенным субъектам малого предпринимательства, зарегистрированным и осуществляющим деятельность в районах (городах), отнесенных к 4-й категории;
40 процентов — по микрокредитам, выделенным субъектам малого предпринимательства, зарегистрированным и осуществляющим деятельность в районах (городах), отнесенных к 3-й категории;
20 процентов — по микрокредитам, выделенным субъектам малого предпринимательства, зарегистрированным и осуществляющим деятельность в районах (городах), отнесенных к 1-2 категориям;
б) по беззалоговым микрокредитам в пределах 100 миллионов сумов, выделенным микрокредитодателями и нерефинансируемым за счет ресурсов Компании, предоставляется портфельное поручительство Компании.
При этом обязательство выплаты по поручительству исполняется по истечении 90 дней с даты просрочки задолженности по миркокредиту;
в) средства, полученные Компанией для рефинансирования микрокредитов, возвращаются Министерству экономики и финансов по мере их погашения. При этом обязательства Компании перед Министерством экономики и финансов по средствам, не возвращенным Компании микрокредитодателями в результате неисполнения обязательств по погашению микрокредитов, отменяются;
г) не требуется наличие сертификата об окончании практических учебных курсов для доступа к инструментам финансовой поддержки в рамках Программы.
5. Министерству экономики и финансов принимать меры по постоянному обеспечению Компании финансовыми ресурсами, необходимыми для непрерывного рефинансирования микрокредитодателей, в частности в месячный срок обеспечить выделение средств в размере 3 триллионов сумов.
6. Возложить на Компанию следующие задачи:
установление требований к условиям микрокредитов, рефинансируемых или по которым предоставляется поручительство, к получателям микрокредитов и критериев соответствия в отношении банков и микрофинансовых организаций, выделяющих микрокредиты;
привлечение финансовых средств из республиканского бюджета и иных источников и их направление на рефинансирование на основе взаимного распределения рисков по микрокредитам, выделенным субъектам малого предпринимательства;
предоставление портфельного поручительства по микрокредитам субъектам малого предпринимательства, выделенным микрокредитодателями за счет их собственных средств.
7. Наблюдательному совету Компании (Д. Кучкаров):
а) в срок до 1 января 2025 года принять меры по:
упрощению процедур и сокращению сроков, связанных с исполнением обязательств по поручительству перед банками;
внедрению дифференцированной оплаты услуг по поручительству исходя из кредитной истории и финансового состояния субъектов предпринимательства;
б) предоставить полномочия по самостоятельному установлению максимальных процентных ставок ресурсов, выделяемых микрокредитодателям, и микрокредитов, предоставляемых за счет этих ресурсов, изменению размеров микрокредитов, размеров и условий распределения кредитных рисков, предоставления портфельного поручительства и рефинансирования, а также внедрения иных механизмов исходя из рыночных требований.
8. Согласиться с предложением Министерства экономики и финансов и Центрального банка о присоединении Общества с ограниченной ответственностью «Фонд развития малого бизнеса» (далее — Фонд) к Компании без проведения оценки имущества Фонда. При этом передать:
АКБ «Банк развития бизнеса» (далее — Банк развития бизнеса) доли Фонда в уставном капитале Общества с ограниченной ответственностью «Центр цифровой трансформации» и уставных капиталах 14 обществ с ограниченной ответственностью «Центры содействия малому бизнесу» за счет уменьшения доли Банка развития бизнеса в уставном капитале Фонда по номинальной (балансовой) стоимости;
Компании долю в размере 100 процентов Банка развития бизнеса в уставном капитале Фонда путем увеличения доли Министерства экономики и финансов в уставном капитале Компании за счет уменьшения доли Министерства экономики и финансов в уставном капитале Банка развития бизнеса по номинальной (балансовой) стоимости.
9. Одобрить предложения Банка развития бизнеса как основного базового банка в направлении финансовой поддержки малого бизнеса о принятии дополнительных мер по:
созданию групп менторов или ведущих предпринимателей по содействию и сопровождению деятельности предпринимателей, обладающих потенциалом для роста и развития, а также налаживанию в срок до конца года деятельности 24 менторов с привлечением международных и отечественных экспертов;
формированию субъектов предпринимательства, обладающих потенциалом для роста и развития, на основе индивидуального подхода посредством их отбора в рамках программ поддержки предпринимательства;
увеличению количества или содействию развитию новых субъектов малого предпринимательства, создающих высокую добавленную стоимость в каждом регионе;
открытию своих центров банковского обслуживания в Республике Каракалпакстан, областях и городе Ташкенте;
разработке и внедрению на практике проектных предложений по 100 новым бизнес-направлениям в 2024-2025 годах;
выделению микрокредитов субъектам малого предпринимательства на территориях, отнесенных к третьей, четвертой и пятой категориям.
10. Министерству экономики и финансов совместно с Фондом реконструкции и развития в месячный срок из всего 300 миллионов долларов США, выделенных Банку развития бизнеса на финансирование Программы на основании постановления Президента Республики Узбекистан от 15 ноября 2023 года № ПП-366, обеспечить направление 200 миллионов долларов США на увеличение уставного капитала Банка развития бизнеса, и переоформление 100 миллионов долларов США в качестве субординарного займа в национальной валюте по ставке 14 процентов годовых.
11. Установить, что:
в рамках предоставления финансовой помощи требования законодательства по государственным закупкам не распространяются на закупки Компанией оборудования, другого имущества и сырья по заказам субъектов предпринимательства;
Компании разрешается осуществлять авансовые платежи в размере до 50 процентов на основании заключенных ею импортных контрактов за счет средств предпринимателей;
ресурсные средства, ранее размещенные Фондом в коммерческих банках, направляются Компанией на рефинансирование после их погашения на основании утвержденных графиков;
в случае неиспользования кредитных (лизинговых) средств на цели, указанные в кредитном договоре (договоре лизинга) и/или заявке, компенсационные средства, выплаченные по данному кредиту (лизингу), возвращаются Компании коммерческими банками. При этом данное правило также применяется к отношениям, вытекающим из ранее заключенных с Государственным фондом поддержки предпринимательской деятельности договоров.
12. Агентству по управлению государственными активами совместно с хокимиятом города Ташкента в месячный срок обеспечить размещение Компании в административном здании, расположенном в городе Ташкенте и обеспеченном необходимой инфраструктурой.
13. Министерству экономики и финансов совместно с Центральным банком и другими заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
14. Возложить на заместителя Премьер-министра Д.А. Кучкарова и председателя Центрального банка М.Б. Нурмуратова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 сентября 2024 г.,
№ ПП-312