📅 2024-yil 11-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 11 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 11 сентября 2024 г. · Указы Президента
Официальный текст. Официальный документ. Редакционные примечания не включены.
📅 11 September 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Камбағалликни қисқартириш ва аҳолини ижтимоий ҳимоя қилиш соҳасидаги қонунчиликка риоя этилиши ва унинг ижроси устидан назоратни кучайтириш чора-тадбирлари тўғрисида
Республикада камбағалликни қисқартириш ва ижтимоий ҳимоя соҳасида қонунчилик ижросини таъминлаш ҳамда унинг амалга оширилиши устидан назорат қилишга масъул вазирлик ва идораларнинг ўзаро мувофиқлаштирилган фаолиятини ташкил этиш мақсадида:
1. Ўзбекистон Республикаси Президенти ҳузуридаги Ижтимоий ҳимоя миллий агентлигининг (кейинги ўринларда — Агентлик) штат бирликларини мақбуллаштириш ҳисобидан:
Камбағалликни қисқартириш ва аҳолини ижтимоий ҳимоя қилиш соҳасидаги қонунчиликка риоя этилиши ва унинг ижроси устидан назоратга масъул бўлган Бош прокурор ўринбосари лавозими киритилсин;
Бош прокуратуранинг ташкилий-штат тузилмасида 7 та штат бирлигидан иборат Камбағалликни қисқартириш ва аҳолини ижтимоий ҳимоя қилиш соҳасидаги қонунчилик ижроси устидан назорат бошқармаси ташкил этилсин;
Қорақалпоғистон Республикаси, вилоятлар ва Тошкент шаҳар прокуратураларида жами 28 та штат бирлигидан иборат Камбағалликни қисқартириш ва аҳолини ижтимоий ҳимоя қилиш соҳасидаги қонунчилик ижроси устидан назорат бўлинмалари ташкил этилсин.
2. Янги киритилаётган Бош прокурор ўринбосари зиммасига қуйидаги вазифалар юклатилсин:
Агентлик ҳузуридаги Ижтимоий инспекция билан биргаликда ҳар ҳафтада камида битта туман (шаҳар)га бориб, камбағал оилаларни реестрга киритиш ва чиқаришнинг ҳаққонийлигини ўрганиш;
камбағал оилаларга берилаётган маблағлар эгасига манзилли етиб боришини назорат қилиш;
камбағалликни қисқартириш ва аҳолини ижтимоий ҳимоя қилиш соҳасида зиммасига юклатилган вазифаларни лозим даражада бажармаган масъулларга нисбатан қонун устуворлиги ва жазо муқаррарлигини таъминлаш;
ижтимоий ҳимоя ва камбағалликни қисқартириш соҳасида қабул қилинаётган қонунлар талаблари, Ўзбекистон Республикаси Президентининг Фармон ва қарорларида белгиланган топшириқлар ижросини назорат қилиш.
3. Агентлик Бош прокуратура билан биргаликда бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифлар киритсин.
4. Мазкур Фармон ижросини самарали ташкил қилишга масъул ва шахсий жавобгар этиб Ўзбекистон Республикаси Бош прокурори Н.Т. Йўлдошев ва Ўзбекистон Республикаси Президентининг маслаҳатчиси М.П. Оллоёров белгилансин.
Фармоннинг ижросини назорат қилиш Ўзбекистон Республикаси Президентининг маслаҳатчилари М.П. Оллоёров ва Д.Б. Кадиров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 11 сентябрь,
ПФ-136-сон
Oʻzbekiston Respublikasi Prezidentining
Farmoni
Kambagʻallikni qisqartirish va aholini ijtimoiy himoya qilish sohasidagi qonunchilikka rioya etilishi va uning ijrosi ustidan nazoratni kuchaytirish chora-tadbirlari toʻgʻrisida
Respublikada kambagʻallikni qisqartirish va ijtimoiy himoya sohasida qonunchilik ijrosini taʼminlash hamda uning amalga oshirilishi ustidan nazorat qilishga masʼul vazirlik va idoralarning oʻzaro muvofiqlashtirilgan faoliyatini tashkil etish maqsadida:
1. Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Agentlik) shtat birliklarini maqbullashtirish hisobidan:
Kambagʻallikni qisqartirish va aholini ijtimoiy himoya qilish sohasidagi qonunchilikka rioya etilishi va uning ijrosi ustidan nazoratga masʼul boʻlgan Bosh prokuror oʻrinbosari lavozimi kiritilsin;
Bosh prokuraturaning tashkiliy-shtat tuzilmasida 7 ta shtat birligidan iborat Kambagʻallikni qisqartirish va aholini ijtimoiy himoya qilish sohasidagi qonunchilik ijrosi ustidan nazorat boshqarmasi tashkil etilsin;
Qoraqalpogʻiston Respublikasi, viloyatlar va Toshkent shahar prokuraturalarida jami 28 ta shtat birligidan iborat Kambagʻallikni qisqartirish va aholini ijtimoiy himoya qilish sohasidagi qonunchilik ijrosi ustidan nazorat boʻlinmalari tashkil etilsin.
2. Yangi kiritilayotgan Bosh prokuror oʻrinbosari zimmasiga quyidagi vazifalar yuklatilsin:
Agentlik huzuridagi Ijtimoiy inspeksiya bilan birgalikda har haftada kamida bitta tuman (shahar)ga borib, kambagʻal oilalarni reyestrga kiritish va chiqarishning haqqoniyligini oʻrganish;
kambagʻal oilalarga berilayotgan mablagʻlar egasiga manzilli yetib borishini nazorat qilish;
kambagʻallikni qisqartirish va aholini ijtimoiy himoya qilish sohasida zimmasiga yuklatilgan vazifalarni lozim darajada bajarmagan masʼullarga nisbatan qonun ustuvorligi va jazo muqarrarligini taʼminlash;
ijtimoiy himoya va kambagʻallikni qisqartirish sohasida qabul qilinayotgan qonunlar talablari, Oʻzbekiston Respublikasi Prezidentining Farmon va qarorlarida belgilangan topshiriqlar ijrosini nazorat qilish.
3. Agentlik Bosh prokuratura bilan birgalikda bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflar kiritsin.
4. Mazkur Farmon ijrosini samarali tashkil qilishga masʼul va shaxsiy javobgar etib Oʻzbekiston Respublikasi Bosh prokurori N.T. Yoʻldoshev va Oʻzbekiston Respublikasi Prezidentining maslahatchisi M.P. Olloyorov belgilansin.
Farmonning ijrosini nazorat qilish Oʻzbekiston Respublikasi Prezidentining maslahatchilari M.P. Olloyorov va D.B. Kadirov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 11-sentabr,
PF-136-son
Президента Республики Узбекистан
Указ
О мерах по усилению контроля за соблюдением и исполнением законодательства в сфере сокращения бедности и социальной защиты населения
В целях обеспечения исполнения законодательства в сфере сокращения бедности и социальной защиты населения в республике и организации скоординированной деятельности ответственных за его исполнение министерств и ведомств:
1. За счет оптимизации штатной численности Национального агентства социальной защиты при Президенте Республики Узбекистан (далее – Агентство):
ввести должность заместителя Генерального прокурора, ответственного за надзор за соблюдением и исполнением законодательства в сфере сокращения бедности и социальной защиты населения;
образовать в организационно-штатной структуре Генеральной прокуратуры Управление по надзору за исполнением законодательства в сфере сокращения бедности и социальной защиты населения в составе 7 штатных единиц;
образовать в Прокуратуре Республики Каракалпакстан, прокуратурах областей и города Ташкента подразделения по надзору за исполнением законодательства в сфере сокращения бедности и социальной защиты населения, состоящие из 28 штатных единиц.
2. Возложить на вновь вводимого заместителя Генерального прокурора следующие задачи:
совместно с Социальной инспекцией при Агентстве еженедельное посещение не менее одного района (города) и изучение достоверности включения в реестр и исключения из него малоимущих семей;
осуществление контроля за адресной доставкой получателям средств, выдаваемых малоимущим семьям;
обеспечение верховенства закона и неотвратимости наказания в отношении ответственных лиц, не исполнивших на надлежащем уровне возложенные на них задачи в сфере сокращения бедности и социальной защиты населения;
осуществление контроля за исполнением требований принимаемых законов, а также поручений, определенных указами и постановлениями Президента Республики Узбекистан в сфере сокращения бедности и социальной защиты населения.
3. Агентству совместно с Генеральной прокуратурой в месячный срок внести предложения об изменениях и дополнениях в акты законодательства, вытекающих из настоящего Указа.
4. Возложить на Генерального прокурора Республики Узбекистан Йулдошева Н.Т. и советника Президента Республики Узбекистан Оллоёрова М.П. персональную ответственность за эффективную организацию исполнения настоящего Указа.
Контроль за исполнением настоящего Указа возложить на советников Президента Республики Узбекистан Оллоёрова М.П. и Кадирова Д.Б.
Президент Республики Узбекистан Ш. МИРЗИЁЕВ
г. Ташкент,
11 сентября 2024 г.,
№ УП-136