UzbekAI

Ўзбекистон Республикаси Президентининг

қарори

ТАРКИБИ

Буюк қомусий олим ва машҳур давлат арбоби Мирзо Улуғбек таваллудининг 630 йиллигини кенг нишонлаш тўғрисида

Ўзбек халқининг буюк қомусий олими, Темурийлар давлатининг машҳур ҳукмдори Муҳаммад Тарағай Мирзо Улуғбек ўзининг бой илмий-маърифий мероси ҳамда мислсиз бунёдкорлик фаолияти билан юртимиз тараққиёти ва жаҳон цивилизацияси ривожига беқиёс ҳисса қўшган улкан тарихий сиймодир.

Ўрта асрларда она заминимизда юзага келган иккинчи Уйғониш даврининг ёрқин намояндаси ҳисобланган Мирзо Улуғбек узоқ йиллар ўз салтанатини адолат ва инсонпарварлик ғоялари асосида бошқариш ва кенг кўламли бунёдкорлик ишларини амалга ошириш билан бирга илм-фан, маданият ва санъат соҳаларини юксалтиришга алоҳида эътибор қаратди. Унинг ташаббуси ва ҳомийлиги остида кўплаб мадрасалар, мактаблар, кутубхоналар, масжидлар, карвонсаройлар, кўприклар ҳамда сўлим боғлар барпо этилди. Натижада ўлкамиз ҳар томонлама тараққий этиб, Шарқдаги йирик маданият ва илм-фан диёрига айланди.

Мирзо Улуғбек математика, физика, тарих, меъморчилик соҳаларида улкан натижаларни қўлга киритди. Буюк аллома, айниқса, Самарқанд шаҳридаги ўзи бунёд эттирган расадхонада амалга оширган кенг қамровли илмий тадқиқотлари ва кашфиётлари билан жаҳон астрономия фанининг ривожида туб бурилиш ясади. Улуғ ватандошимизнинг ана шундай изланишлари натижасида юзага келган «Зижи жадиди Кўрагоний» асари ҳозирги пайтда ҳам юлдузлар илми соҳасида дунёдаги энг буюк асарлардан бири сифатида эътироф этилиб, олимлар томонидан катта қизиқиш билан ўрганилмоқда.

Мустақиллик йилларида Мирзо Улуғбекнинг ҳаёти ва фаолиятини ҳар томонлама ўрганиш ва оммалаштириш мақсадида кўплаб тадқиқотлар, маҳаллий ва халқаро миқёсда илмий-амалий анжуманлар мунтазам ўтказиб келинмоқда. Унинг даврида бунёд этилган меъморий обидаларни асраб-авайлашга алоҳида аҳамият қаратилмоқда.

Бугунги кунда юртимиздаги кўплаб аҳоли яшаш масканлари, таълим муассасалари, пойтахтимиздаги йирик туман Мирзо Улуғбек номи билан аталади. Мамлакатимиз ва хорижда олимнинг муаззам ҳайкаллари ўрнатилган.

Буюк аждодимиз асарларининг миллий ва умуминсоний мазмун-моҳиятини, уларнинг ёш авлод интеллектуал ва маънавий салоҳиятини ошириш ва шу асосда Янги Ўзбекистоннинг муносиб бунёдкорлари этиб тарбиялаш борасидаги беқиёс ўрни ва аҳамиятини инобатга олиб ҳамда Мирзо Улуғбек илмий-маърифий меросини мамлакатимиз ва халқаро миқёсда янада чуқур ўрганиш ва тарғиб этиш мақсадида:

1. Олий таълим, фан ва инновациялар вазирлиги, Фанлар академияси, Мирзо Улуғбек номидаги Ўзбекистон Миллий университети, Самарқанд вилояти ҳокимлиги ҳамда кенг жамоатчиликнинг 2024 йилда Самарқанд шаҳрида Мирзо Улуғбек таваллудининг 630 йиллигини кенг нишонлаш тўғрисидаги таклифи маъқуллансин.

2. Мирзо Улуғбек таваллудининг 630 йиллигига бағишланган тадбирларга тайёргарлик кўриш ва уни ўтказиш бўйича ташкилий қўмита иловага мувофиқ таркибда тузилсин.

3. Ташкилий қўмита (А. Арипов):

а) бир ҳафта муддатда Мирзо Улуғбек таваллудининг 630 йиллигини нишонлаш бўйича қуйидагиларни назарда тутувчи чора-тадбирлар дастурини масъул ижрочилар ва молиялаштириш манбаларини белгилаган ҳолда тасдиқласин:

мамлакатимиздаги Мирзо Улуғбек номи билан боғлиқ объектларни, шу жумладан, Мирзо Улуғбек шарафига барпо этилган ёдгорлик мажмуаларини мукаммал таъмирлаш ва уларнинг ҳудудларини ободонлаштириш;

аллома илмий-ижодий меросига мансуб қўлёзма ва бошқа маданий бойликларни реставрация қилиш, уларни ишончли сақлаш учун зарур шароит яратиш;

Мирзо Улуғбек таваллудининг 630 йиллигига бағишлаб «Жаҳон тамаддуни ривожида Мирзо Улуғбек илмий-маърифий меросининг ўрни ва аҳамияти» мавзусида илмий-адабий тадбирлар ўтказиш;

давлат театрлари ва талабалар театр-студияларида Мирзо Улуғбек ҳаёти ва фаолиятига оид спектакллар саҳналаштириш;

Мирзо Улуғбекнинг бой меросини ўрганиш мақсадида халқаро миқёсда кенг кўламли илмий изланишлар олиб бориш ва уларнинг натижаларини эълон қилиш, шу мавзуда илмий, бадиий-публицистик асарлар яратиш, хорижий олимларнинг асарларини ўзбек тилида нашр қилиш;

Мирзо Улуғбек сиймоси тасвирланган, унинг шахси, давлат арбоби сифатидаги фаолияти ва алломанинг илмий-маърифий меросига бағишланган кўргазмали ахборот воситаларини тайёрлаш, медиа маҳсулотлар ва аудиовизуал асарлар яратиш, уларни маҳаллий ва хорижий оммавий ахборот воситаларида кенг ёритиш, интернет ҳамда ижтимоий тармоқларга жойлаштириш;

Ўзбекистон Республикасининг хорижий мамлакатлардаги элчихоналари, ўзбек миллий маданий марказлари, ватандошлар жамиятларида Мирзо Улуғбекнинг давлат арбоби сифатидаги фаолияти ва илмий-маърифий мероси, унинг инсонпарварлик ғояларини кенг ўрганиш ва тарғиб қилиш мақсадида илмий анжуманлар ва давра суҳбатлари ташкил этиш;

б) Олий таълим, фан ва инновациялар вазирлиги, Фанлар академияси, Самарқанд вилояти ҳокимлиги томонидан Самарқанд шаҳрида 2024 йил 10-11 октябрь кунлари «Мирзо Улуғбек: буюк қомусий олим ва машҳур давлат арбоби» мавзусидаги халқаро конференция ўтказилишини ташкил этсин. Бунда халқаро конференцияни ўтказиш билан боғлиқ харажатлар Самарқанд вилояти ҳокимлиги ҳамда Олий таълим, фан ва инновациялар вазирлиги томонидан тенг улушда қопланади.

4. Олий таълим, фан ва инновациялар вазирлиги:

манфаатдор вазирлик ва идоралар билан биргаликда Мирзо Улуғбек ҳаёти ва илмий-маърифий меросини тадқиқ этишга оид илмий-тадқиқот ишлари бўйича давлат буюртмаси талабларига мувофиқ илмий лойиҳалар танловини эълон қилсин;

Мирзо Улуғбек номидаги Ўзбекистон Миллий университети томонидан алломанинг «Зижи жадиди Кўрагоний» асарини ўзбек, рус ва инглиз тилларида, «Тўрт улус тарихи» номли тарихий асарининг ўзбек тилига таржимаси қайта нашр қилинишини ташкил этсин;

Мирзо Улуғбек ҳаёти ва илмий-маърифий меросини ўрганишга бағишланган энг яхши илмий мақолалар танловини ўтказсин.

5. Фанлар академияси 2024 йил октябрь ойида:

Олий таълим, фан ва инновациялар вазирлиги билан биргаликда таълим ва илмий-тадқиқот ташкилотларида Мирзо Улуғбек асарлари нашрининг тақдимотларини ўтказсин;

Абу Райҳон Беруний номидаги Шарқшунослик институтида Мирзо Улуғбек даврига оид асарлар қўлёзмаларининг кўргазмасини ташкил этсин;

Ўзбекистон Миллий телерадиокомпанияси, Ўзбекистон миллий медиа бирлашмаси ҳамда Олий таълим, фан ва инновациялар вазирлиги билан ҳамкорликда Мирзо Улуғбек ҳақида яратилган «Осмон тоқига қўйилган нарвон» номли ҳужжатли фильм тақдимотини уюштирсин.

6. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Республика Маънавият ва маърифат маркази, Фанлар академияси, Маданият вазирлиги, Мактабгача ва мактаб таълими вазирлиги, Олий таълим, фан ва инновациялар вазирлиги, Ёшлар ишлари агентлиги ҳамда бошқа вазирлик, идора ва ташкилотлар Мирзо Улуғбекнинг ҳаёти, унинг давлат арбоби сифатидаги фаолияти ҳамда жаҳон илм-фани ва тамаддуни ривожига қўшган улкан ҳиссасини аҳоли, айниқса, ёшлар ўртасида, шунингдек, таълим ташкилотлари ва меҳнат жамоаларида кенг тарғиб қилишга қаратилган тадбирларни ташкил этиш чораларини кўрсин.

7. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон миллий медиа бирлашмаси ва бошқа оммавий ахборот воситаларига Мирзо Улуғбек таваллудининг 630 йиллигини нишонлаш билан боғлиқ тадбирларни кенг ёритиш тавсия этилсин.

8. Мазкур қарорда назарда тутилган чора-тадбирларни молиялаштириш тегишли вазирлик, идора ва ташкилотларга ажратилган бюджет маблағлари, уларнинг бюджетдан ташқари маблағлари ҳамда қонунчилик ҳужжатлари билан тақиқланмаган бошқа манбалар ҳисобидан амалга оширилиши белгилансин.

9. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдурахманов зиммасига юклансин.

Ўзбекистон Республикаси Президентининг 2024 йил 12 сентябрдаги ПҚ-323-сон қарорига ИЛОВА

Мирзо Улуғбек таваллудининг 630 йиллигига бағишланган тадбирларга тайёргарлик кўриш ва уни ўтказиш бўйича ташкилий қўмита

1. А. Арипов — Ўзбекистон Республикаси Бош вазири, Ташкилий қўмита раиси 2. Х. Султонов — Ўзбекистон Республикаси Президентининг маслаҳатчиси 3. О. Абдурахманов — Ўзбекистон Республикаси Президенти Администрацияси Ижтимоий ривожланиш департаменти раҳбари 4. Б. Абдуҳалимов — Фанлар академияси вице-президенти, Ташкилий қўмита раисининг ўринбосари 5. Э. Турдимов — Самарқанд вилояти ҳокими, Ташкилий қўмита раисининг ўринбосари 6. Х. Умарова — мактабгача ва мактаб таълими вазири 7. Қ. Шарипов — олий таълим, фан ва инновациялар вазири 8. А. Ходжаев — Ахборот ва оммавий коммуникациялар агентлиги директори 9. А. Саъдуллаев — Ёшлар ишлари агентлиги директори 10. О. Хасанов — Республика Маънавият ва маърифат маркази раҳбари 11. Б. Абдуллаев — ички ишлар вазирининг ўринбосари 12. Б. Аълоев — ташқи ишлар вазирининг биринчи ўринбосари 13. Ж. Чориев — транспорт вазирининг ўринбосари 14. А. Кўчимов — Ўзбекистон Миллий ахборот агентлиги бош директори 15. А. Жўрабоев — Ўзбекистон Миллий телерадиокомпанияси раиси 16. Ш. Эгамбердиев — Фанлар академияси Астрономия институти директори 17. Р. Холмуродов — Самарқанд давлат университети ректори 18. Б. Онорбоев — Вазирлар Маҳкамаси бўлим бошлиғи, Ташкилий қўмита котиби

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 12 сентябрь,

ПҚ-323-сон

(Қонунчилик маълумотлари миллий базаси, 13.09.2024 й., 07/24/323/0712-сон)

lex.uz

Oʻzbekiston Respublikasi Prezidentining

qarori

TARKIBI

Buyuk qomusiy olim va mashhur davlat arbobi Mirzo Ulugʻbek tavalludining 630 yilligini keng nishonlash toʻgʻrisida

Oʻzbek xalqining buyuk qomusiy olimi, Temuriylar davlatining mashhur hukmdori Muhammad Taragʻay Mirzo Ulugʻbek oʻzining boy ilmiy-maʼrifiy merosi hamda mislsiz bunyodkorlik faoliyati bilan yurtimiz taraqqiyoti va jahon sivilizatsiyasi rivojiga beqiyos hissa qoʻshgan ulkan tarixiy siymodir.

Oʻrta asrlarda ona zaminimizda yuzaga kelgan ikkinchi Uygʻonish davrining yorqin namoyandasi hisoblangan Mirzo Ulugʻbek uzoq yillar oʻz saltanatini adolat va insonparvarlik gʻoyalari asosida boshqarish va keng koʻlamli bunyodkorlik ishlarini amalga oshirish bilan birga ilm-fan, madaniyat va sanʼat sohalarini yuksaltirishga alohida eʼtibor qaratdi. Uning tashabbusi va homiyligi ostida koʻplab madrasalar, maktablar, kutubxonalar, masjidlar, karvonsaroylar, koʻpriklar hamda soʻlim bogʻlar barpo etildi. Natijada oʻlkamiz har tomonlama taraqqiy etib, Sharqdagi yirik madaniyat va ilm-fan diyoriga aylandi.

Mirzo Ulugʻbek matematika, fizika, tarix, meʼmorchilik sohalarida ulkan natijalarni qoʻlga kiritdi. Buyuk alloma, ayniqsa, Samarqand shahridagi oʻzi bunyod ettirgan rasadxonada amalga oshirgan keng qamrovli ilmiy tadqiqotlari va kashfiyotlari bilan jahon astronomiya fanining rivojida tub burilish yasadi. Ulugʻ vatandoshimizning ana shunday izlanishlari natijasida yuzaga kelgan “Ziji jadidi Koʻragoniy” asari hozirgi paytda ham yulduzlar ilmi sohasida dunyodagi eng buyuk asarlardan biri sifatida eʼtirof etilib, olimlar tomonidan katta qiziqish bilan oʻrganilmoqda.

Mustaqillik yillarida Mirzo Ulugʻbekning hayoti va faoliyatini har tomonlama oʻrganish va ommalashtirish maqsadida koʻplab tadqiqotlar, mahalliy va xalqaro miqyosda ilmiy-amaliy anjumanlar muntazam oʻtkazib kelinmoqda. Uning davrida bunyod etilgan meʼmoriy obidalarni asrab-avaylashga alohida ahamiyat qaratilmoqda.

Bugungi kunda yurtimizdagi koʻplab aholi yashash maskanlari, taʼlim muassasalari, poytaxtimizdagi yirik tuman Mirzo Ulugʻbek nomi bilan ataladi. Mamlakatimiz va xorijda olimning muazzam haykallari oʻrnatilgan.

Buyuk ajdodimiz asarlarining milliy va umuminsoniy mazmun-mohiyatini, ularning yosh avlod intellektual va maʼnaviy salohiyatini oshirish va shu asosda Yangi Oʻzbekistonning munosib bunyodkorlari etib tarbiyalash borasidagi beqiyos oʻrni va ahamiyatini inobatga olib hamda Mirzo Ulugʻbek ilmiy-maʼrifiy merosini mamlakatimiz va xalqaro miqyosda yanada chuqur oʻrganish va targʻib etish maqsadida:

1. Oliy taʼlim, fan va innovatsiyalar vazirligi, Fanlar akademiyasi, Mirzo Ulugʻbek nomidagi Oʻzbekiston Milliy universiteti, Samarqand viloyati hokimligi hamda keng jamoatchilikning 2024-yilda Samarqand shahrida Mirzo Ulugʻbek tavalludining 630 yilligini keng nishonlash toʻgʻrisidagi taklifi maʼqullansin.

2. Mirzo Ulugʻbek tavalludining 630 yilligiga bagʻishlangan tadbirlarga tayyorgarlik koʻrish va uni oʻtkazish boʻyicha tashkiliy qoʻmita ilovaga muvofiq tarkibda tuzilsin.

3. Tashkiliy qoʻmita (A. Aripov):

a) bir hafta muddatda Mirzo Ulugʻbek tavalludining 630 yilligini nishonlash boʻyicha quyidagilarni nazarda tutuvchi chora-tadbirlar dasturini masʼul ijrochilar va moliyalashtirish manbalarini belgilagan holda tasdiqlasin:

mamlakatimizdagi Mirzo Ulugʻbek nomi bilan bogʻliq obyektlarni, shu jumladan, Mirzo Ulugʻbek sharafiga barpo etilgan yodgorlik majmualarini mukammal taʼmirlash va ularning hududlarini obodonlashtirish;

alloma ilmiy-ijodiy merosiga mansub qoʻlyozma va boshqa madaniy boyliklarni restavratsiya qilish, ularni ishonchli saqlash uchun zarur sharoit yaratish;

Mirzo Ulugʻbek tavalludining 630 yilligiga bagʻishlab “Jahon tamadduni rivojida Mirzo Ulugʻbek ilmiy-maʼrifiy merosining oʻrni va ahamiyati” mavzusida ilmiy-adabiy tadbirlar oʻtkazish;

davlat teatrlari va talabalar teatr-studiyalarida Mirzo Ulugʻbek hayoti va faoliyatiga oid spektakllar sahnalashtirish;

Mirzo Ulugʻbekning boy merosini oʻrganish maqsadida xalqaro miqyosda keng koʻlamli ilmiy izlanishlar olib borish va ularning natijalarini eʼlon qilish, shu mavzuda ilmiy, badiiy-publitsistik asarlar yaratish, xorijiy olimlarning asarlarini oʻzbek tilida nashr qilish;

Mirzo Ulugʻbek siymosi tasvirlangan, uning shaxsi, davlat arbobi sifatidagi faoliyati va allomaning ilmiy-maʼrifiy merosiga bagʻishlangan koʻrgazmali axborot vositalarini tayyorlash, media mahsulotlar va audiovizual asarlar yaratish, ularni mahalliy va xorijiy ommaviy axborot vositalarida keng yoritish, internet hamda ijtimoiy tarmoqlarga joylashtirish;

Oʻzbekiston Respublikasining xorijiy mamlakatlardagi elchixonalari, oʻzbek milliy madaniy markazlari, vatandoshlar jamiyatlarida Mirzo Ulugʻbekning davlat arbobi sifatidagi faoliyati va ilmiy-maʼrifiy merosi, uning insonparvarlik gʻoyalarini keng oʻrganish va targʻib qilish maqsadida ilmiy anjumanlar va davra suhbatlari tashkil etish;

b) Oliy taʼlim, fan va innovatsiyalar vazirligi, Fanlar akademiyasi, Samarqand viloyati hokimligi tomonidan Samarqand shahrida 2024-yil 10-11-oktabr kunlari “Mirzo Ulugʻbek: buyuk qomusiy olim va mashhur davlat arbobi” mavzusidagi xalqaro konferensiya oʻtkazilishini tashkil etsin. Bunda xalqaro konferensiyani oʻtkazish bilan bogʻliq xarajatlar Samarqand viloyati hokimligi hamda Oliy taʼlim, fan va innovatsiyalar vazirligi tomonidan teng ulushda qoplanadi.

4. Oliy taʼlim, fan va innovatsiyalar vazirligi:

manfaatdor vazirlik va idoralar bilan birgalikda Mirzo Ulugʻbek hayoti va ilmiy-maʼrifiy merosini tadqiq etishga oid ilmiy-tadqiqot ishlari boʻyicha davlat buyurtmasi talablariga muvofiq ilmiy loyihalar tanlovini eʼlon qilsin;

Mirzo Ulugʻbek nomidagi Oʻzbekiston Milliy universiteti tomonidan allomaning “Ziji jadidi Koʻragoniy” asarini oʻzbek, rus va ingliz tillarida, “Toʻrt ulus tarixi” nomli tarixiy asarining oʻzbek tiliga tarjimasi qayta nashr qilinishini tashkil etsin;

Mirzo Ulugʻbek hayoti va ilmiy-maʼrifiy merosini oʻrganishga bagʻishlangan eng yaxshi ilmiy maqolalar tanlovini oʻtkazsin.

5. Fanlar akademiyasi 2024-yil oktabr oyida:

Oliy taʼlim, fan va innovatsiyalar vazirligi bilan birgalikda taʼlim va ilmiy-tadqiqot tashkilotlarida Mirzo Ulugʻbek asarlari nashrining taqdimotlarini oʻtkazsin;

Abu Rayhon Beruniy nomidagi Sharqshunoslik institutida Mirzo Ulugʻbek davriga oid asarlar qoʻlyozmalarining koʻrgazmasini tashkil etsin;

Oʻzbekiston Milliy teleradiokompaniyasi, Oʻzbekiston milliy media birlashmasi hamda Oliy taʼlim, fan va innovatsiyalar vazirligi bilan hamkorlikda Mirzo Ulugʻbek haqida yaratilgan “Osmon toqiga qoʻyilgan narvon” nomli hujjatli film taqdimotini uyushtirsin.

6. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Respublika Maʼnaviyat va maʼrifat markazi, Fanlar akademiyasi, Madaniyat vazirligi, Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, Yoshlar ishlari agentligi hamda boshqa vazirlik, idora va tashkilotlar Mirzo Ulugʻbekning hayoti, uning davlat arbobi sifatidagi faoliyati hamda jahon ilm-fani va tamadduni rivojiga qoʻshgan ulkan hissasini aholi, ayniqsa, yoshlar oʻrtasida, shuningdek, taʼlim tashkilotlari va mehnat jamoalarida keng targʻib qilishga qaratilgan tadbirlarni tashkil etish choralarini koʻrsin.

7. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston milliy media birlashmasi va boshqa ommaviy axborot vositalariga Mirzo Ulugʻbek tavalludining 630 yilligini nishonlash bilan bogʻliq tadbirlarni keng yoritish tavsiya etilsin.

8. Mazkur qarorda nazarda tutilgan chora-tadbirlarni moliyalashtirish tegishli vazirlik, idora va tashkilotlarga ajratilgan budjet mablagʻlari, ularning budjetdan tashqari mablagʻlari hamda qonunchilik hujjatlari bilan taqiqlanmagan boshqa manbalar hisobidan amalga oshirilishi belgilansin.

9. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.

Oʻzbekiston Respublikasi Prezidentining 2024-yil 12-sentabrdagi PQ-323-son qaroriga ILOVA

Mirzo Ulugʻbek tavalludining 630 yilligiga bagʻishlangan tadbirlarga tayyorgarlik koʻrish va uni oʻtkazish boʻyicha tashkiliy qoʻmita

1. A. Aripov — Oʻzbekiston Respublikasi Bosh vaziri, Tashkiliy qoʻmita raisi 2. X. Sultonov — Oʻzbekiston Respublikasi Prezidentining maslahatchisi 3. O. Abduraxmanov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari 4. B. Abduhalimov — Fanlar akademiyasi vitse-prezidenti, Tashkiliy qoʻmita raisining oʻrinbosari 5. E. Turdimov — Samarqand viloyati hokimi, Tashkiliy qoʻmita raisining oʻrinbosari 6. X. Umarova — maktabgacha va maktab taʼlimi vaziri 7. Q. Sharipov — oliy taʼlim, fan va innovatsiyalar vaziri 8. A. Xodjayev — Axborot va ommaviy kommunikatsiyalar agentligi direktori 9. A. Saʼdullayev — Yoshlar ishlari agentligi direktori 10. O. Xasanov — Respublika Maʼnaviyat va maʼrifat markazi rahbari 11. B. Abdullayev — ichki ishlar vazirining oʻrinbosari 12. B. Aʼloyev — tashqi ishlar vazirining birinchi oʻrinbosari 13. J. Choriyev — transport vazirining oʻrinbosari 14. A. Koʻchimov — Oʻzbekiston Milliy axborot agentligi bosh direktori 15. A. Joʻraboyev — Oʻzbekiston Milliy teleradiokompaniyasi raisi 16. Sh. Egamberdiyev — Fanlar akademiyasi Astronomiya instituti direktori 17. R. Xolmurodov — Samarqand davlat universiteti rektori 18. B. Onorboyev — Vazirlar Mahkamasi boʻlim boshligʻi, Tashkiliy qoʻmita kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 12-sentabr,

PQ-323-son

(Qonunchilik maʼlumotlari milliy bazasi, 13.09.2024-y., 07/24/323/0712-son)

lex.uz

Президента Республики Узбекистан

Постановление

СОСТАВ

О широком праздновании 630-летия со дня рождения великого ученого-энциклопедиста и известного государственного деятеля Мирзо Улугбека

Известный правитель государства Темуридов Мухаммад Тарагай Мирзо Улугбек является выдающейся исторической личностью, великим ученым-энциклопедистом узбекского народа, который своим богатым научно-просветительским наследием и колоссальной созидательной деятельностью внес безграничный вклад в развитие нашей страны и мировой цивилизации.

Мирзо Улугбек наряду с правлением своего государства на протяжении долгих лет, опираясь на идеи справедливости и гуманизма, осуществлял широкомасштабную созидательную работу, уделял особое внимание развитию сфер науки, культуры и искусства как яркий представитель эпохи второго Возрождения, зародившегося на нашей земле в средние века. По его инициативе и благотворительности было построено множество медресе, школ, библиотек, мечетей, караван-сараев, мостов, созданы тенистые сады. В результате наш край всесторонне развиваясь, превратился в крупный центр культуры и науки на Востоке.

Мирзо Улугбек достиг высоких результатов в области математики, физики, истории, архитектуры. Великий мыслитель своими масштабными научными исследованиями и открытиями, осуществленными в построенной по его указанию обсерватории в городе Самарканде, совершил коренной поворот в мировой науке астрономии. Созданное в результате таких изысканий нашего великого соотечественника произведение «Зижи жадиди Курагоний» («Новые Гурагановы астрономические таблицы») и в настоящее время признается в качестве одного из великих трудов в области науки о звездах и с большим интересом изучается учеными мира.

В годы независимости в целях всестороннего изучения и популяризации жизни и деятельности Мирзо Улугбека на регулярной основе проводятся множество исследований, научно-практических конференций местного и международного масштабов. Придается особое значение бережному сохранению воздвигнутых в его эпоху архитектурных памятников.

В настоящее время многие населенные пункты, образовательные учреждения нашей страны, крупный район столицы носят имя Мирзо Улугбека. В стране и за рубежом установлены величественные памятники этому ученому.

Учитывая национальные и общечеловеческие суть и значение произведений нашего великого предка, их безграничную роль в повышении интеллектуального и духовного потенциала молодого поколения и на этой основе — воспитании его в качестве достойных созидателей Нового Узбекистана, а также в целях дальнейшего глубокого изучения и пропаганды научно-просветительского наследия Мирзо Улугбека в республиканском и международном масштабе:

1. Одобрить предложение Министерства высшего образования, науки и инноваций, Академии наук, Национального университета Узбекистана имени Мирзо Улугбека, хокимията Самаркандской области и широкой общественности о широком праздновании 630-летия со дня рождения Мирзо Улугбека в 2024 году в городе Самарканде.

2. Создать Организационный комитет по подготовке и проведению мероприятий, посвященных 630-летию со дня рождения Мирзо Улугбека, в составе согласно приложению .

3. Организационному комитету (А. Арипов):

а) в недельный срок утвердить Программу мер по празднованию 630-летия со дня рождения Мирзо Улугбека с определением ответственных исполнителей и источников финансирования, предусматривающую:

осуществление капитального ремонта и благоустройство прилегающих территорий объектов в стране, связанных с именем Мирзо Улугбека, в том числе мемориальных комплексов, построенных в честь Мирзо Улугбека;

реставрацию рукописей и других культурных ценностей из научно-творческого наследия ученого, создание необходимых условий для их надежного хранения;

проведение научно-литературных мероприятий на тему «Роль и значение научно-просветительского наследия Мирзо Улугбека в развитии мировой цивилизации», посвященных 630-летию со дня рождения Мирзо Улугбека;

постановку спектаклей о жизни и деятельности Мирзо Улугбека в государственных театрах и студенческих театрах-студиях;

проведение полномасштабных научных исследований на международном уровне в целях изучения богатого наследия Мирзо Улугбека и обнародование их результатов, создание научных, художественно-публицистических произведений на эту тематику, издание произведений зарубежных ученых на узбекском языке;

подготовку наглядных информационных средств, медиа-продукции и аудиовизуальных произведений, в которых отражен образ Мирзо Улугбека, посвященных его личности, служению народу в качестве государственного деятеля и научно-просветительскому наследию мыслителя, а также их широкое освещение в отечественных и зарубежных средствах массовой информации, размещение в сети Интернет и социальных сетях;

организацию научных конференций и круглых столов в посольствах Республики Узбекистан в зарубежных странах, узбекских национальных культурных центрах, обществах соотечественников в целях широкого изучения и пропаганды деятельности Мирзо Улугбека в качестве государственного деятеля, его научно-просветительского наследия и идей гуманизма;

б) организовать проведение Министерством высшего образования, науки и инноваций, Академией наук, хокимиятом Самаркандской области 10-11 октября 2024 года в городе Самарканде международной конференции на тему «Мирзо Улугбек: великий ученый-энциклопедист и известный государственный деятель». При этом расходы, связанные с проведением международной конференции, покрываются хокимиятом Самаркандской области и Министерством высшего образования, науки и инноваций в равных долях.

4. Министерству высшего образования, науки и инноваций:

совместно с заинтересованными министерствами и ведомствами объявить конкурс научных проектов в соответствии с требованиями государственного заказа на научно-исследовательские работы по изучению жизни и научно-духовного наследия Мирзо Улугбека;

организовать переиздание Национальным университетом Узбекистана имени Мирзо Улугбека произведения ученого «Зижи жадиди Курагоний» («Новые Гурагановы астрономические таблицы») на узбекском, русском и английском языках, его исторического произведения «Турт улус тарихи» («История четырех народов») в переводе на узбекский язык;

провести конкурс на лучшие научные статьи, посвященные изучению жизни и научно-духовного наследия Мирзо Улугбека.

5. Академии наук в октябре 2024 года:

совместно с Министерством высшего образования, науки и инноваций провести презентацию издания произведений Мирзо Улугбека в образовательных и научно-исследовательских организациях;

организовать в Институте востоковедения имени Абу Райхона Беруни выставку рукописей произведений эпохи Мирзо Улугбека;

совместно с Национальной телерадиокомпанией Узбекистана, Национальной медиа-ассоциацией Узбекистана и Министерством высшего образования, науки и инноваций организовать презентацию документального фильма «Осмон токига куйилган нарвон» («Лестница к небесам»), посвященного Мирзо Улугбеку.

6. Совету Министров Республики Каракалпакстан, хокимиятам областей и города Ташкента, Республиканскому центру духовности и просветительства, Академии наук, Министерству культуры, Министерству дошкольного и школьного образования, Министерству высшего образования, науки и инноваций, Агентству по делам молодежи и другим министерствам, ведомствам и организациям принять меры по организации мероприятий, направленных на широкую пропаганду среди населения, особенно молодежи, а также в образовательных организациях и трудовых коллективах жизни Мирзо Улугбека, его деятельности в качестве государственной личности, огромного вклада, внесенного в развитие мировой науки и цивилизации.

7. Рекомендовать Национальному информационному агентству Узбекистана, Национальной телерадиокомпании Узбекистана, Национальной медиа-ассоциации Узбекистана и другим средствам массовой информации широкое освещение мероприятий, связанных с празднованием 630-летия со дня рождения Мирзо Улугбека.

8. Определить, что финансирование мер, предусмотренных настоящим постановлением, осуществляется за счет бюджетных средств, выделенных соответствующим министерствам, ведомствам и организациям, их внебюджетных средств, а также иных источников, не запрещенных актами законодательства.

9. Контроль за исполнением настоящего постановления возложить на Премьер-министра Республики Узбекистана А.Н. Арипова и руководителя Департамента социального развития Администрации Президента Республики Узбекистан О.К. Абдурахманова.

ПРИЛОЖЕНИЕ к постановлению Президента Республики Узбекистан от 12 сентября 2024 года № ПП-323

Организационного комитета по подготовке и проведению мероприятий, посвященных 630-летию со дня рождения Мирзо Улугбека

1. А. Арипов — Премьер-министр Республики Узбекистан, председатель Организационного комитета 2. Х. Султонов — советник Президента Республики Узбекистан 3. О. Абдурахманов — руководитель Департамента социального развития Администрации Президента Республики Узбекистан 4. Б. Абдухалимов — вице-президент Академии наук, заместитель председателя Организационного комитета 5. Э. Турдимов — хоким Самаркандской области, заместитель председателя Организационного комитета 6. Х. Умарова — министр дошкольного и школьного образования 7. К. Шарипов — министр высшего образования, науки и инноваций 8. А. Ходжаев — директор Агентства информации и массовых коммуникаций 9. А. Саъдуллаев — директор Агентства по делам молодежи 10. О. Хасанов — руководитель Республиканского центра духовности и просветительства 11. Б. Абдуллаев — заместитель министра внутренних дел 12. Б. Аълоев — первый заместитель министра иностранных дел 13. Ж. Чориев — заместитель министра транспорта 14. А. Кучимов — генеральный директор Национального информационного агентства Узбекистана 15. А. Джурабаев — председатель Национальной телерадиокомпании Узбекистана 16. Ш. Эгамбердиев — директор Института астрономии Академии наук 17. Р. Холмуродов — ректор Самаркандского государственного университета 18. Б. Онорбоев — начальник отдела Кабинета Министров, секретарь Организационного комитета

Президент Республики Узбекистан Ш. МИРЗИЁЕВ

г. Ташкент,

12 сентября 2024 г.,

№ ПП-323

(Национальная база данных законодательства, 13.09.2024 г., № 07/24/323/0712)

lex.uz