UzbekAI

Ўзбекистон Республикаси Вазирлар Маҳкамасининг

қарори

Қишлоқ хўжалигида эркин бозор муносабатларини янада ривожлантиришнинг қўшимча чора-тадбирлари белгиланганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида

Сўнгги йилларда мамлакатимизда қишлоқ хўжалиги соҳасида эркин бозор муносабатларини янада ривожлантириш, маҳсулот етиштирувчилар ва харид қилувчилар ўртасидаги муносабатларни бозор тамойиллари асосида амалга оширишга қаратилган ислоҳотлар ҳаётга татбиқ этилмоқда.

Шу билан бирга, бу борада амалга оширилаётган ишларнинг ҳуқуқий асосини ташкил этувчи қонунчилик ҳужжатларини ўзаро мувофиқлаштириш мақсадида уларга тегишли ўзгартириш ва қўшимчалар киритиш зарурати мавжуд.

Ўзбекистон Республикаси Президентининг «Қишлоқ хўжалигида эркин бозор муносабатларини янада ривожлантиришнинг қўшимча чора-тадбирлари тўғрисида» 2023 йил 12 декабрдаги ПФ-205-сон Фармонига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

Қишлоқ хўжалигини давлат томонидан қўллаб-қувватлаш жамғармаси (кейинги ўринларда — Жамғарма) фаолиятининг асосий вазифалари, ҳуқуқ ва мажбуриятларини ҳамда унинг маблағларини шакллантиришнинг асосий манбаларини қайта белгилаш;

Жамғарма томонидан тўланадиган субсидияларни Иқтисодиёт ва молия вазирлигининг «Субсидиялар» портали орқали бериш;

маъмурий ислоҳотлар доирасида республика ижро этувчи ҳокимият органлари номларини қонунчилик ҳужжатларига мувофиқлаштириш;

Жамғарма маблағлари ҳисобидан имтиёзли кредитлашнинг фоиз ва муддатларини қайта белгилаш;

«Агроплатформа» АТ орқали имтиёзли кредитлаш учун ариза беришни соддалаштириш;

маҳсулот етказиб бериш бўйича биржа савдолари орқали тузилган фьючерс шартномаларини бекор қилиш ҳамда маҳсулотни қайта савдога чиқариш тартибини амалдаги қонунчилик ҳужжатларига мувофиқлаштириш.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва Ж.А. Ходжаев зиммасига юклансин.

Вазирлар Маҳкамасининг 2024 йил 14 сентябрдаги 577-сон қарорига ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2006 йил 25 майдаги 95-сон қарори билан тасдиқланган Дон ва дон маҳсулотларини қабул қилиш, сақлаш, ички ташиш, қайта ишлаш ва сотишнинг дастлабки ҳисобини юритиш ва расмийлаштириш тартиби тўғрисидаги низомда :

а) 1-банддаги «давлат эҳтиёжлари учун дон харид қилиш,» сўзлари «буғдойни давлат ресурси учун харид қилиш, шунингдек, буғдой етиштирувчилардан вақтинча сақлашга қабул қилиш,» сўзлари билан алмаштирилсин;

б) II бобнинг номи қуйидаги таҳрирда баён этилсин:

«II. Қишлоқ хўжалиги субъектларидан буғдойни давлат ресурси учун харид қилиш, шунингдек, вақтинча сақлашга қабул қилишни расмийлаштириш»;

в) 9-банд қуйидаги таҳрирда баён этилсин:

«9. Ўзбекистон Республикаси Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасининг (кейинги ўринларда — Жамғарма) тижорат вакили бўлган дон корхоналари томонидан давлат ресурси учун буғдой қишлоқ хўжалиги субъектларидан тузилган шартномаларга мувофиқ Ўзбекистон товар-хом ашё биржасида 3-синф буғдой учун шаклланган ўртача нархда харид қилинади»;

г) 10-банддаги «Давлат эҳтиёжлари учун қишлоқ хўжалиги корхоналаридан харид қилинадиган донга» сўзлари «Қишлоқ хўжалиги субъектларидан давлат ресурси учун харид қилинадиган, шунингдек, вақтинча сақлашга қабул қилинадиган буғдойга» сўзлари билан алмаштирилсин;

д) 13-банд қуйидаги таҳрирда баён этилсин:

«13. Қабул квитанциялари шакллари белгиланган тартибда тасдиқланади ва қишлоқ хўжалиги субъектлари томонидан буғдой давлат ресурси учун сотилганлигини, шунингдек, вақтинча сақлаш учун топширилганлигини тасдиқлайдиган ҳужжат ҳисобланади.

Бунда ҳар йилги янги ҳосилни қабул қилиш ҳисоби бош корхона элеватори ва омборлари томонидан алоҳида юритилади»;

е) 32-банднинг биринчи ва иккинчи хатбошиларидаги «Давлат эҳтиёжлари учун» сўзлари чиқариб ташлансин;

ж) 60-банд «асосий» сўзидан олдин «Жамғарманинг топшириғига кўра» сўзлари билан тўлдирилсин;

з) 61-банднинг учинчи хатбошиси «филиаллар» сўзидан олдин «Жамғарманинг топшириғига асосан» сўзлари билан тўлдирилсин;

и) 74-банд қуйидаги таҳрирда баён этилсин:

«74. Давлат захирасидаги буғдойни янгилаш жараёнида олинган маҳсулотлар биржа савдоларида ғолиб бўлган тадбиркорлик субъектларига Жамғарманинг топшириғига асосан чиқим қилинади.

Донни тозалашда олинган қўшимча маҳсулотлар ва чиқиндилар оғирлиги бўйича чиқиндилар цехига (омборга) берилади, асосий экин бўйича ҳисобрақамдан чиқим қилинади ва сақлаш жойи бўйича кирим қилинади»;

к) 77-банднинг биринчи хатбошиси «кейин улар» сўзларидан кейин «, шунингдек, ҳар йилги ҳосил учун бирламчи ҳисоботлар ҳамда 36-шакл ҳисобрақамлари билан миқдор-сифат ҳисоби бўйича алоҳида» сўзлари билан тўлдирилсин;

л) 155-банднинг иккинчи хатбошидаги «ҳисоб рақамлари билан, миқдор-сифат ҳисоби бўйича битта» сўзлари «, шунингдек, ҳар йилги ҳосил учун бирламчи ҳисоботлар ҳамда 36-шакл ҳисобрақамлари билан миқдор-сифат ҳисоби бўйича алоҳида» сўзлари билан алмаштирилсин;

м) 172-банднинг биринчи хатбошиси чиқариб ташлансин;

н) 180-банд қуйидаги мазмундаги олтинчи хатбоши билан тўлдирилсин:

«Жамғарманинг тижорат вакили бўлган дон корхоналари томонидан элеватор ва омборларни аввалги йиллар ҳосилларидан тозалаш далолатномаси тузилади, бунда табиий камайиш миқдори ҳисобланган дон партиясига табиий камайиш миқдорини қайта ҳисоблашга йўл қўйилмайди»;

о) 183-банднинг «а» кичик банди қуйидаги мазмундаги олтинчи — саккизинчи хатбошилар билан тўлдирилсин:

«давлат ресурси учун қабул қилинган буғдойнинг табиий камайиш миқдори бош корхона элеваторлари ва омборларига ҳамда дон қабул қилиш шохобчаларига ўрим даврида тўғридан-тўғри қабул қилинганда, 2 фоиздан;

давлат ресурси учун қабул қилинган буғдойнинг табиий камайиш миқдори дон қабул қилиш шохобчаларидан бош корхона элеваторлари ва омборларига ҳамда буғдой танқислиги кузатилган ҳудудларга ташиб келтирилганда, 1 фоиздан ошишига йўл қўйилмайди.

Давлат ресурси учун қабул қилиниб, Жамғарманинг тижорат вакилига қарашли бўлган сақлаш сиғимида сақланаётган буғдой ҳажмида нормативдан ортиқча камайиш (йўқотиш) аниқланганда, камомад деб ҳисобланади».

2. Вазирлар Маҳкамасининг «Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси тўғрисида низомини тасдиқлаш ҳақида» 2018 йил 12 июлдаги 533-сон қарорида :

а) номидаги , 1 ва 3-бандлардаги «Молия» сўзи «Иқтисодиёт ва молия» сўзлари билан алмаштирилсин;

б) иловада :

номидаги , 2-банддаги , 12-банднинг олтинчи хатбошидаги , 18 ва 35-бандлардаги «Молия» сўзи «Иқтисодиёт ва молия» сўзлари билан алмаштирилсин;

1-банд қуйидаги таҳрирда баён этилсин:

«1. Мазкур Низом Ўзбекистон Республикаси Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасининг (кейинги ўринларда — Жамғарма) мақоми ва фаолиятини ташкил этиш тартибини белгилайди»;

5 ва 6-бандлар қуйидаги таҳрирда баён этилсин:

«5. Қуйидагилар Жамғарма маблағларини шакллантиришнинг асосий манбалари ҳисобланади:

тижорат банкларига мақсадли жойлаштирилган кредит ресурслари ҳамда лизинг ташкилотларига қишлоқ хўжалиги техникасини лизинг шартларида етказиб беришни молиялаштириш учун жойлаштирилган қарз маблағларини қайтаришдан тушадиган тушумлар ва уларга ҳисобланган фоиз тўловлари;

Жамғарма томонидан сотиб олинган буғдойни харид қилиш (сотиб олиш, сақлаш, ташиш ва сотиш харажатлари билан бирга) ва сотиш нархлари ўртасида юзага келган ижобий тафовут;

жалб этилган чет эл кредитлари бўйича валютанинг айирбошлаш курсининг ўзгариши натижасида юзага келадиган зарарни қоплаш учун Ўзбекистон Республикаси республика бюджетидан ажратилган маблағлар;

жалб этиладиган кредитлар, шу жумладан, чет эл кредитлари ва инвестициялар, халқаро молия институтлари грантлари ва донор ташкилотларнинг маблағлари;

Жамғарма маблағларини тижорат банкларига депозитга жойлаштиришдан тушадиган даромадлар;

қишлоқ хўжалиги техникаси лизинг ёки кредит шартларида харид қилинганда уларнинг фоиз харажатлари, шунингдек, қишлоқ хўжалиги техникаси ва лазерли қурилмага эга автоматлаштирилган ер текислаш агрегати қийматини қисман қоплаш учун субсидия беришга Ўзбекистон Республикаси республика бюджетидан ажратилган маблағлар;

молиявий тақчилликни бартараф этиш учун жалб этилган маблағлар, шу жумладан, бюджет ссудаси ва тижорат банкларига қишлоқ хўжалиги маҳсулотларини етиштириш харажатларини молиялаштириш учун жойлаштирилган ресурсларнинг фоиз ставкалари ўртасида, шунингдек, буғдойни биржада сотишда юзага келадиган салбий тафовутни қоплаш учун Ўзбекистон Республикаси республика бюджетидан ажратилган маблағлар;

бюджет тизимининг бюджетларидан жалб қилинадиган маблағлар;

қонунчилик ҳужжатларида тақиқланмаган бошқа манбалар.

6. Жамғарма маблағлари қуйидаги мақсадлар учун сарфланади:

пахта хом ашёси, буғдой, мева, узум, сабзавот, картошка, полиз экинлари, гул, кўкатлар ва доривор ўсимликлар, маккажўхори дони, дуккакли ва мойли экинларни етиштириш харажатларини ҳамда пахта хом ашёси харидининг якуний ҳисоб-китобини кредитлаш, шунингдек, мева-сабзавотларни қайта ишловчи, сақловчи ва экспорт қилувчиларга — етиштирилган қишлоқ хўжалиги маҳсулотларини харид қилишга талаб этиладиган айланма маблағларни тўлдириш учун «револьвер» кредитларни ажратиш, янги узумзорларни барпо қилиш, кўчат тайёрлаш ва «in-vitro» лабораторияларини ишга тушириш лойиҳаларини амалга ошириш учун тижорат банкларига кредит ресурсларини жойлаштириш, замонавий ва юқори унумли қишлоқ хўжалиги техникаларини имтиёзли лизинг шартларида етказиб беришни молиялаштириш;

ғалла етиштириш, харид қилиш ва сотишга бозор тамойилларини кенг жорий этишни мувофиқлаштирувчи Республика кенгаши таклифига асосан тижорат вакили билан биргаликда ички бозорда нарх барқарорлигини таъминлаш учун хорижий давлатлардан буғдой сотиб олиш;

жалб қилинган бюджет ссудаси, кредит ва унга ҳисобланган фоизларни қайтариш;

жалб қилинган чет эл кредитлари бўйича чет эл валютаси ва сўмдаги барча харажатларни, валюта курси ҳамда фоиз тўловлари бўйича, шунингдек, буғдойни биржада сотишда юзага келадиган зарарларни қоплаш;

Жамғарма томонидан сотиб олинган буғдойни харид қилиш (сотиб олиш, сақлаш, ташиш ва сотиш харажатлари билан бирга) ва сотиш нархлари ўртасидаги салбий тафовут бўйича зарарларни қоплаш;

Ўзбекистон Республикаси Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасини бошқариш департаментини (кейинги ўринларда — Департамент) сақлаш харажатларини молиялаштириш»;

7-банд қуйидаги таҳрирда баён этилсин:

«7. Қуйидагилар Жамғарманинг асосий вазифалари ҳисобланади:

пахта хом ашёси, буғдой етиштириш харажатлари ҳамда пахта хом ашёси харидининг якуний ҳисоб-китобини кредитлаш;

мева, узум, сабзавот, картошка, полиз экинлари, гул, кўкатлар ва доривор ўсимликлар, маккажўхори дони, дуккакли ва мойли экинларни етиштириш харажатларини кредитлаш;

мева-сабзавотларни қайта ишловчи, сақловчи ва экспорт қилувчиларга — етиштирилган қишлоқ хўжалиги маҳсулотларини харид қилишга талаб этиладиган айланма маблағларни тўлдириш учун «револьвер» кредитларни ажратиш;

янги узумзорларни барпо қилиш, кўчат тайёрлаш ва «in-vitro» лабораторияларини ишга тушириш лойиҳаларини амалга ошириш учун тижорат банкларига кредит ресурсларини жойлаштириш;

ички бозорда дон ва нон маҳсулотлари нархлари барқарорлигини таъминлаш учун зарур ҳажмдаги буғдойни бозор нархларида харид қилиш ва биржа савдоларига қўйиш;

фермер хўжаликлари ва бошқа қишлоқ хўжалиги субъектларига замонавий, юқори самарали қишлоқ хўжалиги техникаларини етказиб беришни давлат томонидан рағбатлантириш;

тижорат банкларига жойлаштирилган мақсадли кредит ресурсларини ва қарз маблағларини белгиланган муддатда қайтарилишини мониторинг қилиш;

қишлоқ хўжалигини молиялаштириш ва ҳисоб-китоб тизимини рақамлаштириш учун замонавий ахборот-коммуникация технологияларини жорий этиш;

ривожланган хорижий давлатларнинг аграр соҳани молиялаштириш бўйича тажрибасини ўрганиш ҳамда мамлакатимизда жорий қилиш»;

8-бандда :

олтинчи хатбошиси чиқариб ташлансин;

еттинчи — саккизинчи хатбошилар тегишлича олтинчи — еттинчи хатбошилар деб ҳисоблансин;

9-банднинг учинчи хатбошиси қуйидаги таҳрирда баён этилсин:

«тижорат банклари, тижорат вакиллари ва лизинг ташкилотлари Жамғарма кредит ресурслари, қарз маблағларидан фойдаланиш тўғрисидаги маълумотлар, ҳисобварақлардан кўчирма ва ҳисоботларни олиш, шунингдек, «Ўзбекистон республика товар-хом ашё биржаси» АЖдан биржа савдолари тўлиқ амалга оширилганлиги ва мажбуриятлар бажарилганлиги тўғрисида белгиланган тартибда маълумотларни олиш»;

10-банд қуйидаги таҳрирда баён этилсин:

«10. Жамғармага қуйидаги мажбуриятлар юкланади:

пахта хом ашёси, буғдой, мева, узум, сабзавот, картошка, полиз экинлари, гул, кўкатлар ва доривор ўсимликлар, маккажўхори дони, дуккакли ва мойли экинларни етиштириш харажатларини, пахта хом ашёси харидининг якуний ҳисоб-китобини, шунингдек, мева-сабзавотларни қайта ишловчи, сақловчи ва экспорт қилувчиларга — етиштирилган қишлоқ хўжалиги маҳсулотларини харид қилишга талаб этиладиган айланма маблағларни тўлдириш учун «револьвер» кредитларни ажратиш ҳамда янги узумзорларни барпо қилиш, кўчат тайёрлаш ва «in-vitro» лабораторияларини ишга тушириш лойиҳаларини амалга ошириш учун тижорат банкларига кредит ресурсларини жойлаштириш, замонавий ва юқори унумли қишлоқ хўжалиги техникаларини имтиёзли лизинг шартларида етказиб беришни молиялаштириш;

Жамғарма тушумларини таҳлил қилиш, ўз вақтида тушишини назорат қилиш;

жалб этиладиган кредитлардан, халқаро молия институтлари грантлари ва донор ташкилотларнинг маблағларидан мақсадли фойдаланиш»;

21-банд қуйидаги таҳрирда баён этилсин:

«21. Тижорат банклари пахта хом ашёси, буғдой етиштириш харажатлари ҳамда пахта хом ашёси харидининг якуний ҳисоб-китобини, шунингдек, мева, узум, сабзавот, картошка, полиз экинлари, гул, кўкатлар ва доривор ўсимликлар, маккажўхори дони, дуккакли ва мойли экинларни етиштириш харажатларини кредитлаш, мева-сабзавотларни қайта ишловчи, сақловчи ва экспорт қилувчиларга — етиштирилган қишлоқ хўжалиги маҳсулотларини харид қилишга талаб этиладиган айланма маблағларни тўлдириш учун «револьвер» кредитларни ажратиш ҳамда янги узумзорларни барпо қилиш, кўчат тайёрлаш ва «in-vitro» лабораторияларини ишга тушириш лойиҳаларини амалга ошириш учун тижорат банкларига кредит ресурсларини жойлаштириш, замонавий ва юқори унумли қишлоқ хўжалиги техникаларини имтиёзли лизинг шартларида етказиб беришни молиялаштириш бўйича Жамғарманинг молия агенти ҳисобланади»;

22-банд ўз кучини йўқотган деб ҳисоблансин;

23-банд қуйидаги таҳрирда баён этилсин:

«23. Жамғарма кредит ресурслари ва қарз маблағларини тижорат банклари билан тузилган Бош битимга асосан махсус очилган мақсадли ҳисобварақларга жойлаштиради»;

24 ва 25-бандлар ўз кучини йўқотган деб ҳисоблансин;

26-банднинг еттинчи , саккизинчи , тўққизинчи ва ўнинчи хатбошилари чиқариб ташлансин;

27-банд ўз кучини йўқотган деб ҳисоблансин;

28-банддаги ««Ўзагролизинг» акциядорлик жамияти ва «Ўзмашлизинг» масъулияти чекланган жамияти томонидан давлат хариди учун етиштириладиган» сўзлари «Лизинг ташкилотлари томонидан» сўзлари билан алмаштирилсин;

30-банддаги «давлат хариди учун тижорат агентлари томонидан харид қилинадиган» сўзлари чиқариб ташлансин;

31-банд қуйидаги таҳрирда баён этилсин:

«31. Молия агенти томонидан Жамғарманинг кредит ресурслари ва унга ҳисобланган фоиз тўловлари ушбу кредит ресурслари ҳисобидан ажратилган кредитлар ва уларга ҳисобланган фоиз тўловларидан оладиган даромадлари ҳисобидан, шунингдек, лизинг ташкилотлари томонидан Жамғарманинг қарз маблағлари ва унга ҳисобланган фоиз тўловлари замонавий ва юқори унумли қишлоқ хўжалиги техникаларини имтиёзли лизинг шартларида етказиб беришдан олган даромадлари ҳисобидан (асосий қарз ва фоизлари билан бирга) қайтарилади»;

33-банд ўз кучини йўқотган деб ҳисоблансин;

34-банд қуйидаги таҳрирда баён этилсин:

«34. Тижорат банклари Жамғарма кредит ресурслари ва уларга ҳисобланган фоизларни ўз вақтида Жамғармага тўламаганлиги, тижорат вакиллари, лизинг ташкилотлари ва уларнинг ҳудудий корхона ва ташкилотлари раҳбарлари, шунингдек, қишлоқ хўжалиги субъектларининг раҳбарлари ва бош бухгалтерлари Жамғарма маблағларини мақсадга мувофиқ ишлатмаганлиги, ҳисоб-китоб қилиш тартибини бузганлиги учун қонунчилик ҳужжатларида белгиланган тартибда жавоб берадилар».

3. Вазирлар Маҳкамасининг 2020 йил 24 августдаги 505-сон қарори билан тасдиқланган Қишлоқ хўжалиги экинларини оқилона жойлаштириш тартиби тўғрисидаги низомда :

а) 18-банд қуйидаги мазмундаги учинчи хатбоши билан тўлдирилсин:

«Тупроқнинг бир бонитет баллига нисбатан норматив ҳосилдорлиги (центнер/гектар) тўғрисидаги ғўза экинининг норматив ҳосилдорлиги тўғрисидаги маълумотлар «CropAgro» ахборот тизимидан «Ўзбекистон республика товар-хом ашё биржаси» АЖ ахборот тизимига юборилади»;

б) учинчи ва тўртинчи хатбошилар тегишлича тўртинчи ва бешинчи хатбошилар деб ҳисоблансин.

4. Вазирлар Маҳкамасининг «Қишлоқ хўжалиги маҳсулотлари ишлаб чиқарувчиларини давлат томонидан молиявий қўллаб-қувватлашни ташкил этиш тўғрисида» 2021 йил 11 мартдаги 130-сон қарорида :

а) 2-иловада :

1-банддаги «Уруғчиликни ривожлантириш маркази таркибидаги элита уруғчилик хўжаликлари ва ғаллачилик кластерларига» сўзлари «уруғчилик хўжаликлари ва ер участкаси мавжуд бўлган бошқа қишлоқ хўжалиги субъектлари» сўзлари билан алмаштирилсин;

3-банд қуйидаги мазмундаги иккинчи хатбоши билан тўлдирилсин:

«Бунда тижорат банки томонидан уруғлик буғдой учун буюртманомалар уруғлик тайёрлаш корхоналари томонидан тақдим этилган ҳисоб-китобларга мувофиқ шакллантирилади»;

иккинчи хатбоши учинчи хатбоши деб ҳисоблансин;

5-банддаги «ялпи ҳосили» сўзлари «норматив ҳосилдорлиги» сўзлари билан алмаштирилсин;

13-банддаги «ғалла ялпи ҳосили» сўзлари «буғдой норматив ҳосилдорлиги» сўзлари билан алмаштирилсин;

20-банднинг иккинчи хатбошидаги ва 21-банддаги «Жамғармадан қишлоқ хўжалиги маҳсулотлари учун ажратилган мақсадли маблағлар ҳисобварағи» сўзлари «23210 ҳисобварағи» сўзлари билан алмаштирилсин;

б) 3-иловада :

номидаги , 1-банддаги ва 4-банднинг учинчи хатбошидаги «ва мойли» сўзлари «, мойли ва шоли» сўзлари билан алмаштирилсин;

3-банддаги «ҳар ойнинг 5-санасига қадар» сўзлари «ҳар ойда» сўзлари билан алмаштирилсин;

5-банднинг иккинчи хатбошидаги ва 13-банднинг иккинчи хатбошидаги «6 ойлик имтиёзли давр» сўзлари «6 ойлик имтиёзли давр ва сўнгги 6 ойда тенг улушларда қайтариш шарти» сўзлари билан алмаштирилсин;

1-иловада :

номидаги «ва мойли» сўзлари «, мойли ва шоли» сўзлари билан алмаштирилсин;

1-босқич позицияси «Амалга ошириш механизми» устунидаги «сабзавот» сўзи «мева-сабзавот маҳсулотлари» сўзлари билан алмаштирилсин;

2-босқич позицияси «Амалга ошириш механизми» устунидаги «асосий майдонларида сабзавот» сўзлари «мева-сабзавот маҳсулотлари» сўзлари билан алмаштирилсин;

4 ва 5-босқич позициялари «Амалга ошириш механизми» устунидаги «асосий майдонларда сабзавот» сўзлари «мева-сабзавот маҳсулотлари» сўзлари билан алмаштирилсин.

5. Вазирлар Маҳкамасининг 2023 йил 3 июндаги 227-сон қарори билан тасдиқланган Ички бозорда буғдой нархи барқарорлигини таъминлаш учун буғдойни харид қилиш ва биржа савдолари орқали сотиш тартиби тўғрисидаги низомда :

а) 7-банд қуйидаги мазмундаги олтинчи хатбоши билан тўлдирилсин:

«Уруғлик буғдой тайёрлаш корхоналарига 2023 йил ҳосилидан уруғлик буғдойни харид қилиш, тайёрлаш ва суғурта тўловлари учун Жамғармадан ажратилган қарз маблағларини қайтариш муддати, истисно тариқасида, 2024 йил 1 октябрга қадар узайтирилади»;

б) 24-банд қуйидаги мазмундаги учинчи хатбоши билан тўлдирилсин:

«Ушбу салбий тафовут суммаси Ўзбекистон Республикасининг республика бюджетидан ажратиладиган маблағлар ҳисобидан қопланади».

6. Вазирлар Маҳкамасининг «Пахта хом ашёсини етиштириш ва пахта йиғим-терими харажатларини кредитлаш ҳамда уларни реализация қилишнинг қўшимча чора-тадбирлари тўғрисида « 2023 йил 25 декабрдаги 680-сон қарорида :

а) 1-иловада :

2-банднинг тўртинчи ва бешинчи хатбошлари «пахта-тўқимачилик кластерлари» сўзларидан кейин «ёки тўқимачилик маҳсулотлари ишлаб чиқаришни йўлга қўйган корхоналар» сўзлари билан тўлдирилсин;

3-банддаги «пахта-тўқимачилик кластерлари» сўзлари «пахта-тўқимачилик кластерлари ёки тўқимачилик маҳсулотлари ишлаб чиқаришни йўлга қўйган корхоналар» сўзлари билан алмаштирилсин;

9-банднинг «д» кичик бандидаги «пахта-тўқимачилик кластерларининг» сўзлари «пахта-тўқимачилик кластерлари ҳамда тўқимачилик маҳсулотлари ишлаб чиқаришни йўлга қўйган корхоналарнинг» сўзлари билан алмаштирилсин;

18-банднинг «д» кичик бандида :

«пахта-тўқимачилик кластерларининг» сўзлари «пахта-тўқимачилик кластерлари ҳамда тўқимачилик маҳсулотлари ишлаб чиқаришни йўлга қўйган корхоналарнинг» сўзлари билан алмаштирилсин;

қуйидаги мазмундаги иккинчи хатбоши билан тўлдирилсин:

«Тўқимачилик маҳсулотлари ишлаб чиқаришни йўлга қўйган корхоналарда Жамғарманинг кредит ресурслари ҳисобидан тижорат банклари томонидан аввал ажратилган кредитлар бўйича муддати ўтган қарздорликлар мавжуд бўлганда, уларга пахта хом ашёсини харид қилишнинг якуний ҳисоб-китоби учун кредитлар ажратилмайди»;

б) 2-иловада :

6-бандда :

биринчи хатбошидаги «1 ноябрдан» сўзлари «1 октябрдан» сўзлари билан алмаштирилсин;

иккинчи хатбоши қуйидаги таҳрирда баён этилсин:

«Бунда фьючерс шартномаси асосида пахта хом ашёсини биржа савдосига қўйиш учун бошланғич нарх мазкур Низомнинг 13-бандида белгиланган тартибда аниқланади»;

9-банддаги «аванс» сўзи «закалат» сўзи билан алмаштирилсин;

13-банднинг ўнинчи хатбошиси қуйидаги таҳрирда баён этилсин:

«Юқорида келтирилган формула асосида ҳисобланган ўртача нархдан келиб чиқиб, пахта хом ашёси харидининг якуний ҳисоб-китоблари мазкур Низомга 1-иловадаги ҳар бир саноат нави, синфи ва типи бўйича коэффициентларни ўртача нархга кўпайтирган ҳолда амалга оширилади»;

2-боб қуйидаги мазмундаги 17 1 -банд билан тўлдирилсин:

«17 1 . Амалдаги қонунчилик ҳужжатларида белгиланган тартибда фьючерс шартномаси тарафларидан бирига нисбатан суд қарорига кўра тўловга қобилиятсизлик тўғрисидаги иш юритиш бошланган тақдирда ёки тараф тўловга қобилиятсиз деб топилганда, фьючерс шартномаси иккинчи тарафнинг талабига асосан суд тартибида ёки Ўзбекистон Республикаси Президенти ёхуд Вазирлар Маҳкамасининг қарорларига асосан Қишлоқ хўжалиги вазирлиги томонидан пахта-тўқимачилик кластери кластерлар реестридан чиқарилганда бекор қилинади ҳамда тўловга қобилиятсиз тараф тўғрисидаги маълумот «Агроплатформа» АТ ахборот тизимидан чиқарилади.

Бунда пахта-тўқимачилик кластерига нисбатан тўловга қобилиятсизлик тўғрисидаги иш юритиш бошланган тақдирда ёки у тўловга қобилиятсиз деб топилганда ёхуд Ўзбекистон Республикаси Президенти ёки Вазирлар Маҳкамасининг қарорларига асосан Қишлоқ хўжалиги вазирлиги томонидан пахта-тўқимачилик кластери кластерлар реестридан чиқарилганда:

шартнома бекор бўлади ва закалат пуллари пахта хом ашёси етиштирувчи фойдасига жарима сифатида ўтказилади;

маҳсулот биржа савдоларига автоматик равишда қайта сотувга чиқарилади.

Бунда фьючерс шартномаси орқали сотилмай қолган пахта хом ашёси йиғим-терим даврида пахта хом ашёси етиштирувчилари томонидан спот шартномалари асосида сотилади. Сотувдан тушган маблағлар пахта хом ашёси етиштирувчиларнинг 23210 ҳисобварағига йўналтирилади»;

25-бандда :

«комиссияси» сўзидан кейин» «ёки суд» сўзлари билан тўлдирилсин;

қуйидаги мазмундаги иккинчи ва учинчи хатбошилар билан тўлдирилсин:

«Бунда фьючерс шартномаси маҳсулот етказиб бериш муддатидан олдин тарафларнинг ўзаро келишуви асосида ёки иқтисодий суд орқали бекор қилинади.

Фьючерс шартномаси иқтисодий суд томонидан бекор қилинган тақдирда, қонуний кучга кирган суднинг ҳал қилув қарори асосида фьючерс шартномаси нархида маҳсулот биржа савдоларига автоматик равишда қайта сотувга чиқарилади».

Ўзбекистон Республикасининг Бош вазири А. АРИПОВ

Тошкент ш.,

2024 йил 14 сентябрь,

577-сон

(Қонунчилик маълумотлари миллий базаси, 16.09.2024 й., 09/24/577/0722-сон)

lex.uz

Oʻzbekiston Respublikasi Vazirlar Mahkamasining

qarori

Qishloq xoʻjaligida erkin bozor munosabatlarini yanada rivojlantirishning qoʻshimcha chora-tadbirlari belgilanganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida

Soʻnggi yillarda mamlakatimizda qishloq xoʻjaligi sohasida erkin bozor munosabatlarini yanada rivojlantirish, mahsulot yetishtiruvchilar va xarid qiluvchilar oʻrtasidagi munosabatlarni bozor tamoyillari asosida amalga oshirishga qaratilgan islohotlar hayotga tatbiq etilmoqda.

Shu bilan birga, bu borada amalga oshirilayotgan ishlarning huquqiy asosini tashkil etuvchi qonunchilik hujjatlarini oʻzaro muvofiqlashtirish maqsadida ularga tegishli oʻzgartirish va qoʻshimchalar kiritish zarurati mavjud.

Oʻzbekiston Respublikasi Prezidentining “Qishloq xoʻjaligida erkin bozor munosabatlarini yanada rivojlantirishning qoʻshimcha chora-tadbirlari toʻgʻrisida” 2023-yil 12-dekabrdagi PF-205-son Farmoniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

Qishloq xoʻjaligini davlat tomonidan qoʻllab-quvvatlash jamgʻarmasi (keyingi oʻrinlarda — Jamgʻarma) faoliyatining asosiy vazifalari, huquq va majburiyatlarini hamda uning mablagʻlarini shakllantirishning asosiy manbalarini qayta belgilash;

Jamgʻarma tomonidan toʻlanadigan subsidiyalarni Iqtisodiyot va moliya vazirligining “Subsidiyalar” portali orqali berish;

maʼmuriy islohotlar doirasida respublika ijro etuvchi hokimiyat organlari nomlarini qonunchilik hujjatlariga muvofiqlashtirish;

Jamgʻarma mablagʻlari hisobidan imtiyozli kreditlashning foiz va muddatlarini qayta belgilash;

“Agroplatforma” AT orqali imtiyozli kreditlash uchun ariza berishni soddalashtirish;

mahsulot yetkazib berish boʻyicha birja savdolari orqali tuzilgan fyuchers shartnomalarini bekor qilish hamda mahsulotni qayta savdoga chiqarish tartibini amaldagi qonunchilik hujjatlariga muvofiqlashtirish.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va J.A. Xodjayev zimmasiga yuklansin.

Vazirlar Mahkamasining 2024-yil 14-sentabrdagi 577-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2006-yil 25-maydagi 95-son qarori bilan tasdiqlangan Don va don mahsulotlarini qabul qilish, saqlash, ichki tashish, qayta ishlash va sotishning dastlabki hisobini yuritish va rasmiylashtirish tartibi toʻgʻrisidagi nizomda :

a) 1-banddagi “davlat ehtiyojlari uchun don xarid qilish,” soʻzlari “bugʻdoyni davlat resursi uchun xarid qilish, shuningdek, bugʻdoy yetishtiruvchilardan vaqtincha saqlashga qabul qilish,” soʻzlari bilan almashtirilsin;

b) II bobning nomi quyidagi tahrirda bayon etilsin:

“II. Qishloq xoʻjaligi subyektlaridan bugʻdoyni davlat resursi uchun xarid qilish, shuningdek, vaqtincha saqlashga qabul qilishni rasmiylashtirish”;

v) 9-band quyidagi tahrirda bayon etilsin:

“9. Oʻzbekiston Respublikasi Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasining (keyingi oʻrinlarda — Jamgʻarma) tijorat vakili boʻlgan don korxonalari tomonidan davlat resursi uchun bugʻdoy qishloq xoʻjaligi subyektlaridan tuzilgan shartnomalarga muvofiq Oʻzbekiston tovar-xom ashyo birjasida 3-sinf bugʻdoy uchun shakllangan oʻrtacha narxda xarid qilinadi”;

g) 10-banddagi “Davlat ehtiyojlari uchun qishloq xoʻjaligi korxonalaridan xarid qilinadigan donga” soʻzlari “Qishloq xoʻjaligi subyektlaridan davlat resursi uchun xarid qilinadigan, shuningdek, vaqtincha saqlashga qabul qilinadigan bugʻdoyga” soʻzlari bilan almashtirilsin;

d) 13-band quyidagi tahrirda bayon etilsin:

“13. Qabul kvitansiyalari shakllari belgilangan tartibda tasdiqlanadi va qishloq xoʻjaligi subyektlari tomonidan bugʻdoy davlat resursi uchun sotilganligini, shuningdek, vaqtincha saqlash uchun topshirilganligini tasdiqlaydigan hujjat hisoblanadi.

Bunda har yilgi yangi hosilni qabul qilish hisobi bosh korxona elevatori va omborlari tomonidan alohida yuritiladi”;

e) 32-bandning birinchi va ikkinchi xatboshilaridagi “Davlat ehtiyojlari uchun” soʻzlari chiqarib tashlansin;

j) 60-band “asosiy” soʻzidan oldin “Jamgʻarmaning topshirigʻiga koʻra” soʻzlari bilan toʻldirilsin;

z) 61-bandning uchinchi xatboshisi “filiallar” soʻzidan oldin “Jamgʻarmaning topshirigʻiga asosan” soʻzlari bilan toʻldirilsin;

i) 74-band quyidagi tahrirda bayon etilsin:

“74. Davlat zaxirasidagi bugʻdoyni yangilash jarayonida olingan mahsulotlar birja savdolarida gʻolib boʻlgan tadbirkorlik subyektlariga Jamgʻarmaning topshirigʻiga asosan chiqim qilinadi.

Donni tozalashda olingan qoʻshimcha mahsulotlar va chiqindilar ogʻirligi boʻyicha chiqindilar sexiga (omborga) beriladi, asosiy ekin boʻyicha hisobraqamdan chiqim qilinadi va saqlash joyi boʻyicha kirim qilinadi”;

k) 77-bandning birinchi xatboshisi “keyin ular” soʻzlaridan keyin “, shuningdek, har yilgi hosil uchun birlamchi hisobotlar hamda 36-shakl hisobraqamlari bilan miqdor-sifat hisobi boʻyicha alohida” soʻzlari bilan toʻldirilsin;

l) 155-bandning ikkinchi xatboshidagi “hisob raqamlari bilan, miqdor-sifat hisobi boʻyicha bitta” soʻzlari “, shuningdek, har yilgi hosil uchun birlamchi hisobotlar hamda 36-shakl hisobraqamlari bilan miqdor-sifat hisobi boʻyicha alohida” soʻzlari bilan almashtirilsin;

m) 172-bandning birinchi xatboshisi chiqarib tashlansin;

n) 180-band quyidagi mazmundagi oltinchi xatboshi bilan toʻldirilsin:

“Jamgʻarmaning tijorat vakili boʻlgan don korxonalari tomonidan elevator va omborlarni avvalgi yillar hosillaridan tozalash dalolatnomasi tuziladi, bunda tabiiy kamayish miqdori hisoblangan don partiyasiga tabiiy kamayish miqdorini qayta hisoblashga yoʻl qoʻyilmaydi”;

o) 183-bandning “a” kichik bandi quyidagi mazmundagi oltinchi — sakkizinchi xatboshilar bilan toʻldirilsin:

“davlat resursi uchun qabul qilingan bugʻdoyning tabiiy kamayish miqdori bosh korxona elevatorlari va omborlariga hamda don qabul qilish shoxobchalariga oʻrim davrida toʻgʻridan-toʻgʻri qabul qilinganda, 2 foizdan;

davlat resursi uchun qabul qilingan bugʻdoyning tabiiy kamayish miqdori don qabul qilish shoxobchalaridan bosh korxona elevatorlari va omborlariga hamda bugʻdoy tanqisligi kuzatilgan hududlarga tashib keltirilganda, 1 foizdan oshishiga yoʻl qoʻyilmaydi.

Davlat resursi uchun qabul qilinib, Jamgʻarmaning tijorat vakiliga qarashli boʻlgan saqlash sigʻimida saqlanayotgan bugʻdoy hajmida normativdan ortiqcha kamayish (yoʻqotish) aniqlanganda, kamomad deb hisoblanadi”.

2. Vazirlar Mahkamasining “Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi toʻgʻrisida nizomini tasdiqlash haqida” 2018-yil 12-iyuldagi 533-son qarorida :

a) nomidagi , 1 va 3-bandlardagi “Moliya” soʻzi “Iqtisodiyot va moliya” soʻzlari bilan almashtirilsin;

b) ilovada :

nomidagi , 2-banddagi , 12-bandning oltinchi xatboshidagi , 18 va 35-bandlardagi “Moliya” soʻzi “Iqtisodiyot va moliya” soʻzlari bilan almashtirilsin;

1-band quyidagi tahrirda bayon etilsin:

“1. Mazkur Nizom Oʻzbekiston Respublikasi Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasining (keyingi oʻrinlarda — Jamgʻarma) maqomi va faoliyatini tashkil etish tartibini belgilaydi”;

5 va 6-bandlar quyidagi tahrirda bayon etilsin:

“5. Quyidagilar Jamgʻarma mablagʻlarini shakllantirishning asosiy manbalari hisoblanadi:

tijorat banklariga maqsadli joylashtirilgan kredit resurslari hamda lizing tashkilotlariga qishloq xoʻjaligi texnikasini lizing shartlarida yetkazib berishni moliyalashtirish uchun joylashtirilgan qarz mablagʻlarini qaytarishdan tushadigan tushumlar va ularga hisoblangan foiz toʻlovlari;

Jamgʻarma tomonidan sotib olingan bugʻdoyni xarid qilish (sotib olish, saqlash, tashish va sotish xarajatlari bilan birga) va sotish narxlari oʻrtasida yuzaga kelgan ijobiy tafovut;

jalb etilgan chet el kreditlari boʻyicha valyutaning ayirboshlash kursining oʻzgarishi natijasida yuzaga keladigan zararni qoplash uchun Oʻzbekiston Respublikasi respublika budjetidan ajratilgan mablagʻlar;

jalb etiladigan kreditlar, shu jumladan, chet el kreditlari va investitsiyalar, xalqaro moliya institutlari grantlari va donor tashkilotlarning mablagʻlari;

Jamgʻarma mablagʻlarini tijorat banklariga depozitga joylashtirishdan tushadigan daromadlar;

qishloq xoʻjaligi texnikasi lizing yoki kredit shartlarida xarid qilinganda ularning foiz xarajatlari, shuningdek, qishloq xoʻjaligi texnikasi va lazerli qurilmaga ega avtomatlashtirilgan yer tekislash agregati qiymatini qisman qoplash uchun subsidiya berishga Oʻzbekiston Respublikasi respublika budjetidan ajratilgan mablagʻlar;

moliyaviy taqchillikni bartaraf etish uchun jalb etilgan mablagʻlar, shu jumladan, budjet ssudasi va tijorat banklariga qishloq xoʻjaligi mahsulotlarini yetishtirish xarajatlarini moliyalashtirish uchun joylashtirilgan resurslarning foiz stavkalari oʻrtasida, shuningdek, bugʻdoyni birjada sotishda yuzaga keladigan salbiy tafovutni qoplash uchun Oʻzbekiston Respublikasi respublika budjetidan ajratilgan mablagʻlar;

budjet tizimining budjetlaridan jalb qilinadigan mablagʻlar;

qonunchilik hujjatlarida taqiqlanmagan boshqa manbalar.

6. Jamgʻarma mablagʻlari quyidagi maqsadlar uchun sarflanadi:

paxta xom ashyosi, bugʻdoy, meva, uzum, sabzavot, kartoshka, poliz ekinlari, gul, koʻkatlar va dorivor oʻsimliklar, makkajoʻxori doni, dukkakli va moyli ekinlarni yetishtirish xarajatlarini hamda paxta xom ashyosi xaridining yakuniy hisob-kitobini kreditlash, shuningdek, meva-sabzavotlarni qayta ishlovchi, saqlovchi va eksport qiluvchilarga — yetishtirilgan qishloq xoʻjaligi mahsulotlarini xarid qilishga talab etiladigan aylanma mablagʻlarni toʻldirish uchun “revolver” kreditlarni ajratish, yangi uzumzorlarni barpo qilish, koʻchat tayyorlash va “in-vitro” laboratoriyalarini ishga tushirish loyihalarini amalga oshirish uchun tijorat banklariga kredit resurslarini joylashtirish, zamonaviy va yuqori unumli qishloq xoʻjaligi texnikalarini imtiyozli lizing shartlarida yetkazib berishni moliyalashtirish;

gʻalla yetishtirish, xarid qilish va sotishga bozor tamoyillarini keng joriy etishni muvofiqlashtiruvchi Respublika kengashi taklifiga asosan tijorat vakili bilan birgalikda ichki bozorda narx barqarorligini taʼminlash uchun xorijiy davlatlardan bugʻdoy sotib olish;

jalb qilingan budjet ssudasi, kredit va unga hisoblangan foizlarni qaytarish;

jalb qilingan chet el kreditlari boʻyicha chet el valyutasi va soʻmdagi barcha xarajatlarni, valyuta kursi hamda foiz toʻlovlari boʻyicha, shuningdek, bugʻdoyni birjada sotishda yuzaga keladigan zararlarni qoplash;

Jamgʻarma tomonidan sotib olingan bugʻdoyni xarid qilish (sotib olish, saqlash, tashish va sotish xarajatlari bilan birga) va sotish narxlari oʻrtasidagi salbiy tafovut boʻyicha zararlarni qoplash;

Oʻzbekiston Respublikasi Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasini boshqarish departamentini (keyingi oʻrinlarda — Departament) saqlash xarajatlarini moliyalashtirish”;

7-band quyidagi tahrirda bayon etilsin:

“7. Quyidagilar Jamgʻarmaning asosiy vazifalari hisoblanadi:

paxta xom ashyosi, bugʻdoy yetishtirish xarajatlari hamda paxta xom ashyosi xaridining yakuniy hisob-kitobini kreditlash;

meva, uzum, sabzavot, kartoshka, poliz ekinlari, gul, koʻkatlar va dorivor oʻsimliklar, makkajoʻxori doni, dukkakli va moyli ekinlarni yetishtirish xarajatlarini kreditlash;

meva-sabzavotlarni qayta ishlovchi, saqlovchi va eksport qiluvchilarga — yetishtirilgan qishloq xoʻjaligi mahsulotlarini xarid qilishga talab etiladigan aylanma mablagʻlarni toʻldirish uchun “revolver” kreditlarni ajratish;

yangi uzumzorlarni barpo qilish, koʻchat tayyorlash va “in-vitro” laboratoriyalarini ishga tushirish loyihalarini amalga oshirish uchun tijorat banklariga kredit resurslarini joylashtirish;

ichki bozorda don va non mahsulotlari narxlari barqarorligini taʼminlash uchun zarur hajmdagi bugʻdoyni bozor narxlarida xarid qilish va birja savdolariga qoʻyish;

fermer xoʻjaliklari va boshqa qishloq xoʻjaligi subyektlariga zamonaviy, yuqori samarali qishloq xoʻjaligi texnikalarini yetkazib berishni davlat tomonidan ragʻbatlantirish;

tijorat banklariga joylashtirilgan maqsadli kredit resurslarini va qarz mablagʻlarini belgilangan muddatda qaytarilishini monitoring qilish;

qishloq xoʻjaligini moliyalashtirish va hisob-kitob tizimini raqamlashtirish uchun zamonaviy axborot-kommunikatsiya texnologiyalarini joriy etish;

rivojlangan xorijiy davlatlarning agrar sohani moliyalashtirish boʻyicha tajribasini oʻrganish hamda mamlakatimizda joriy qilish”;

8-bandda :

oltinchi xatboshisi chiqarib tashlansin;

yettinchi — sakkizinchi xatboshilar tegishlicha oltinchi — yettinchi xatboshilar deb hisoblansin;

9-bandning uchinchi xatboshisi quyidagi tahrirda bayon etilsin:

“tijorat banklari, tijorat vakillari va lizing tashkilotlari Jamgʻarma kredit resurslari, qarz mablagʻlaridan foydalanish toʻgʻrisidagi maʼlumotlar, hisobvaraqlardan koʻchirma va hisobotlarni olish, shuningdek, “Oʻzbekiston respublika tovar-xom ashyo birjasi” AJdan birja savdolari toʻliq amalga oshirilganligi va majburiyatlar bajarilganligi toʻgʻrisida belgilangan tartibda maʼlumotlarni olish”;

10-band quyidagi tahrirda bayon etilsin:

“10. Jamgʻarmaga quyidagi majburiyatlar yuklanadi:

paxta xom ashyosi, bugʻdoy, meva, uzum, sabzavot, kartoshka, poliz ekinlari, gul, koʻkatlar va dorivor oʻsimliklar, makkajoʻxori doni, dukkakli va moyli ekinlarni yetishtirish xarajatlarini, paxta xom ashyosi xaridining yakuniy hisob-kitobini, shuningdek, meva-sabzavotlarni qayta ishlovchi, saqlovchi va eksport qiluvchilarga — yetishtirilgan qishloq xoʻjaligi mahsulotlarini xarid qilishga talab etiladigan aylanma mablagʻlarni toʻldirish uchun “revolver” kreditlarni ajratish hamda yangi uzumzorlarni barpo qilish, koʻchat tayyorlash va “in-vitro” laboratoriyalarini ishga tushirish loyihalarini amalga oshirish uchun tijorat banklariga kredit resurslarini joylashtirish, zamonaviy va yuqori unumli qishloq xoʻjaligi texnikalarini imtiyozli lizing shartlarida yetkazib berishni moliyalashtirish;

Jamgʻarma tushumlarini tahlil qilish, oʻz vaqtida tushishini nazorat qilish;

jalb etiladigan kreditlardan, xalqaro moliya institutlari grantlari va donor tashkilotlarning mablagʻlaridan maqsadli foydalanish”;

21-band quyidagi tahrirda bayon etilsin:

“21. Tijorat banklari paxta xom ashyosi, bugʻdoy yetishtirish xarajatlari hamda paxta xom ashyosi xaridining yakuniy hisob-kitobini, shuningdek, meva, uzum, sabzavot, kartoshka, poliz ekinlari, gul, koʻkatlar va dorivor oʻsimliklar, makkajoʻxori doni, dukkakli va moyli ekinlarni yetishtirish xarajatlarini kreditlash, meva-sabzavotlarni qayta ishlovchi, saqlovchi va eksport qiluvchilarga — yetishtirilgan qishloq xoʻjaligi mahsulotlarini xarid qilishga talab etiladigan aylanma mablagʻlarni toʻldirish uchun “revolver” kreditlarni ajratish hamda yangi uzumzorlarni barpo qilish, koʻchat tayyorlash va “in-vitro” laboratoriyalarini ishga tushirish loyihalarini amalga oshirish uchun tijorat banklariga kredit resurslarini joylashtirish, zamonaviy va yuqori unumli qishloq xoʻjaligi texnikalarini imtiyozli lizing shartlarida yetkazib berishni moliyalashtirish boʻyicha Jamgʻarmaning moliya agenti hisoblanadi”;

22-band oʻz kuchini yoʻqotgan deb hisoblansin;

23-band quyidagi tahrirda bayon etilsin:

“23. Jamgʻarma kredit resurslari va qarz mablagʻlarini tijorat banklari bilan tuzilgan Bosh bitimga asosan maxsus ochilgan maqsadli hisobvaraqlarga joylashtiradi”;

24 va 25-bandlar oʻz kuchini yoʻqotgan deb hisoblansin;

26-bandning yettinchi , sakkizinchi , toʻqqizinchi va oʻninchi xatboshilari chiqarib tashlansin;

27-band oʻz kuchini yoʻqotgan deb hisoblansin;

28-banddagi ““Oʻzagrolizing” aksiyadorlik jamiyati va “Oʻzmashlizing” masʼuliyati cheklangan jamiyati tomonidan davlat xaridi uchun yetishtiriladigan” soʻzlari “Lizing tashkilotlari tomonidan” soʻzlari bilan almashtirilsin;

30-banddagi “davlat xaridi uchun tijorat agentlari tomonidan xarid qilinadigan” soʻzlari chiqarib tashlansin;

31-band quyidagi tahrirda bayon etilsin:

“31. Moliya agenti tomonidan Jamgʻarmaning kredit resurslari va unga hisoblangan foiz toʻlovlari ushbu kredit resurslari hisobidan ajratilgan kreditlar va ularga hisoblangan foiz toʻlovlaridan oladigan daromadlari hisobidan, shuningdek, lizing tashkilotlari tomonidan Jamgʻarmaning qarz mablagʻlari va unga hisoblangan foiz toʻlovlari zamonaviy va yuqori unumli qishloq xoʻjaligi texnikalarini imtiyozli lizing shartlarida yetkazib berishdan olgan daromadlari hisobidan (asosiy qarz va foizlari bilan birga) qaytariladi”;

33-band oʻz kuchini yoʻqotgan deb hisoblansin;

34-band quyidagi tahrirda bayon etilsin:

“34. Tijorat banklari Jamgʻarma kredit resurslari va ularga hisoblangan foizlarni oʻz vaqtida Jamgʻarmaga toʻlamaganligi, tijorat vakillari, lizing tashkilotlari va ularning hududiy korxona va tashkilotlari rahbarlari, shuningdek, qishloq xoʻjaligi subyektlarining rahbarlari va bosh buxgalterlari Jamgʻarma mablagʻlarini maqsadga muvofiq ishlatmaganligi, hisob-kitob qilish tartibini buzganligi uchun qonunchilik hujjatlarida belgilangan tartibda javob beradilar”.

3. Vazirlar Mahkamasining 2020-yil 24-avgustdagi 505-son qarori bilan tasdiqlangan Qishloq xoʻjaligi ekinlarini oqilona joylashtirish tartibi toʻgʻrisidagi nizomda :

a) 18-band quyidagi mazmundagi uchinchi xatboshi bilan toʻldirilsin:

“Tuproqning bir bonitet balliga nisbatan normativ hosildorligi (sentner/gektar) toʻgʻrisidagi gʻoʻza ekinining normativ hosildorligi toʻgʻrisidagi maʼlumotlar “CropAgro” axborot tizimidan “Oʻzbekiston respublika tovar-xom ashyo birjasi” AJ axborot tizimiga yuboriladi”;

b) uchinchi va toʻrtinchi xatboshilar tegishlicha toʻrtinchi va beshinchi xatboshilar deb hisoblansin.

4. Vazirlar Mahkamasining “Qishloq xoʻjaligi mahsulotlari ishlab chiqaruvchilarini davlat tomonidan moliyaviy qoʻllab-quvvatlashni tashkil etish toʻgʻrisida” 2021-yil 11-martdagi 130-son qarorida :

a) 2-ilovada :

1-banddagi “Urugʻchilikni rivojlantirish markazi tarkibidagi elita urugʻchilik xoʻjaliklari va gʻallachilik klasterlariga” soʻzlari “urugʻchilik xoʻjaliklari va yer uchastkasi mavjud boʻlgan boshqa qishloq xoʻjaligi subyektlari” soʻzlari bilan almashtirilsin;

3-band quyidagi mazmundagi ikkinchi xatboshi bilan toʻldirilsin:

“Bunda tijorat banki tomonidan urugʻlik bugʻdoy uchun buyurtmanomalar urugʻlik tayyorlash korxonalari tomonidan taqdim etilgan hisob-kitoblarga muvofiq shakllantiriladi”;

ikkinchi xatboshi uchinchi xatboshi deb hisoblansin;

5-banddagi “yalpi hosili” soʻzlari “normativ hosildorligi” soʻzlari bilan almashtirilsin;

13-banddagi “gʻalla yalpi hosili” soʻzlari “bugʻdoy normativ hosildorligi” soʻzlari bilan almashtirilsin;

20-bandning ikkinchi xatboshidagi va 21-banddagi “Jamgʻarmadan qishloq xoʻjaligi mahsulotlari uchun ajratilgan maqsadli mablagʻlar hisobvaragʻi” soʻzlari “23210 hisobvaragʻi” soʻzlari bilan almashtirilsin;

b) 3-ilovada :

nomidagi , 1-banddagi va 4-bandning uchinchi xatboshidagi “va moyli” soʻzlari “, moyli va sholi” soʻzlari bilan almashtirilsin;

3-banddagi “har oyning 5-sanasiga qadar” soʻzlari “har oyda” soʻzlari bilan almashtirilsin;

5-bandning ikkinchi xatboshidagi va 13-bandning ikkinchi xatboshidagi “6 oylik imtiyozli davr” soʻzlari “6 oylik imtiyozli davr va soʻnggi 6 oyda teng ulushlarda qaytarish sharti” soʻzlari bilan almashtirilsin;

1-ilovada :

nomidagi “va moyli” soʻzlari “, moyli va sholi” soʻzlari bilan almashtirilsin;

1-bosqich pozitsiyasi “Amalga oshirish mexanizmi” ustunidagi “sabzavot” soʻzi “meva-sabzavot mahsulotlari” soʻzlari bilan almashtirilsin;

2-bosqich pozitsiyasi “Amalga oshirish mexanizmi” ustunidagi “asosiy maydonlarida sabzavot” soʻzlari “meva-sabzavot mahsulotlari” soʻzlari bilan almashtirilsin;

4 va 5-bosqich pozitsiyalari “Amalga oshirish mexanizmi” ustunidagi “asosiy maydonlarda sabzavot” soʻzlari “meva-sabzavot mahsulotlari” soʻzlari bilan almashtirilsin.

5. Vazirlar Mahkamasining 2023-yil 3-iyundagi 227-son qarori bilan tasdiqlangan Ichki bozorda bugʻdoy narxi barqarorligini taʼminlash uchun bugʻdoyni xarid qilish va birja savdolari orqali sotish tartibi toʻgʻrisidagi nizomda :

a) 7-band quyidagi mazmundagi oltinchi xatboshi bilan toʻldirilsin:

“Urugʻlik bugʻdoy tayyorlash korxonalariga 2023-yil hosilidan urugʻlik bugʻdoyni xarid qilish, tayyorlash va sugʻurta toʻlovlari uchun Jamgʻarmadan ajratilgan qarz mablagʻlarini qaytarish muddati, istisno tariqasida, 2024-yil 1-oktabrga qadar uzaytiriladi”;

b) 24-band quyidagi mazmundagi uchinchi xatboshi bilan toʻldirilsin:

“Ushbu salbiy tafovut summasi Oʻzbekiston Respublikasining respublika budjetidan ajratiladigan mablagʻlar hisobidan qoplanadi”.

6. Vazirlar Mahkamasining “Paxta xom ashyosini yetishtirish va paxta yigʻim-terimi xarajatlarini kreditlash hamda ularni realizatsiya qilishning qoʻshimcha chora-tadbirlari toʻgʻrisida “ 2023-yil 25-dekabrdagi 680-son qarorida :

a) 1-ilovada :

2-bandning toʻrtinchi va beshinchi xatboshlari “paxta-toʻqimachilik klasterlari” soʻzlaridan keyin “yoki toʻqimachilik mahsulotlari ishlab chiqarishni yoʻlga qoʻygan korxonalar” soʻzlari bilan toʻldirilsin;

3-banddagi “paxta-toʻqimachilik klasterlari” soʻzlari “paxta-toʻqimachilik klasterlari yoki toʻqimachilik mahsulotlari ishlab chiqarishni yoʻlga qoʻygan korxonalar” soʻzlari bilan almashtirilsin;

9-bandning “d” kichik bandidagi “paxta-toʻqimachilik klasterlarining” soʻzlari “paxta-toʻqimachilik klasterlari hamda toʻqimachilik mahsulotlari ishlab chiqarishni yoʻlga qoʻygan korxonalarning” soʻzlari bilan almashtirilsin;

18-bandning “d” kichik bandida :

“paxta-toʻqimachilik klasterlarining” soʻzlari “paxta-toʻqimachilik klasterlari hamda toʻqimachilik mahsulotlari ishlab chiqarishni yoʻlga qoʻygan korxonalarning” soʻzlari bilan almashtirilsin;

quyidagi mazmundagi ikkinchi xatboshi bilan toʻldirilsin:

“Toʻqimachilik mahsulotlari ishlab chiqarishni yoʻlga qoʻygan korxonalarda Jamgʻarmaning kredit resurslari hisobidan tijorat banklari tomonidan avval ajratilgan kreditlar boʻyicha muddati oʻtgan qarzdorliklar mavjud boʻlganda, ularga paxta xom ashyosini xarid qilishning yakuniy hisob-kitobi uchun kreditlar ajratilmaydi”;

b) 2-ilovada :

6-bandda :

birinchi xatboshidagi “1-noyabrdan” soʻzlari “1-oktabrdan” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“Bunda fyuchers shartnomasi asosida paxta xom ashyosini birja savdosiga qoʻyish uchun boshlangʻich narx mazkur Nizomning 13-bandida belgilangan tartibda aniqlanadi”;

9-banddagi “avans” soʻzi “zakalat” soʻzi bilan almashtirilsin;

13-bandning oʻninchi xatboshisi quyidagi tahrirda bayon etilsin:

“Yuqorida keltirilgan formula asosida hisoblangan oʻrtacha narxdan kelib chiqib, paxta xom ashyosi xaridining yakuniy hisob-kitoblari mazkur Nizomga 1-ilovadagi har bir sanoat navi, sinfi va tipi boʻyicha koeffitsiyentlarni oʻrtacha narxga koʻpaytirgan holda amalga oshiriladi”;

2-bob quyidagi mazmundagi 17 1 -band bilan toʻldirilsin:

“17 1 . Amaldagi qonunchilik hujjatlarida belgilangan tartibda fyuchers shartnomasi taraflaridan biriga nisbatan sud qaroriga koʻra toʻlovga qobiliyatsizlik toʻgʻrisidagi ish yuritish boshlangan taqdirda yoki taraf toʻlovga qobiliyatsiz deb topilganda, fyuchers shartnomasi ikkinchi tarafning talabiga asosan sud tartibida yoki Oʻzbekiston Respublikasi Prezidenti yoxud Vazirlar Mahkamasining qarorlariga asosan Qishloq xoʻjaligi vazirligi tomonidan paxta-toʻqimachilik klasteri klasterlar reyestridan chiqarilganda bekor qilinadi hamda toʻlovga qobiliyatsiz taraf toʻgʻrisidagi maʼlumot “Agroplatforma” AT axborot tizimidan chiqariladi.

Bunda paxta-toʻqimachilik klasteriga nisbatan toʻlovga qobiliyatsizlik toʻgʻrisidagi ish yuritish boshlangan taqdirda yoki u toʻlovga qobiliyatsiz deb topilganda yoxud Oʻzbekiston Respublikasi Prezidenti yoki Vazirlar Mahkamasining qarorlariga asosan Qishloq xoʻjaligi vazirligi tomonidan paxta-toʻqimachilik klasteri klasterlar reyestridan chiqarilganda:

shartnoma bekor boʻladi va zakalat pullari paxta xom ashyosi yetishtiruvchi foydasiga jarima sifatida oʻtkaziladi;

mahsulot birja savdolariga avtomatik ravishda qayta sotuvga chiqariladi.

Bunda fyuchers shartnomasi orqali sotilmay qolgan paxta xom ashyosi yigʻim-terim davrida paxta xom ashyosi yetishtiruvchilari tomonidan spot shartnomalari asosida sotiladi. Sotuvdan tushgan mablagʻlar paxta xom ashyosi yetishtiruvchilarning 23210 hisobvaragʻiga yoʻnaltiriladi”;

25-bandda :

“komissiyasi” soʻzidan keyin” “yoki sud” soʻzlari bilan toʻldirilsin;

quyidagi mazmundagi ikkinchi va uchinchi xatboshilar bilan toʻldirilsin:

“Bunda fyuchers shartnomasi mahsulot yetkazib berish muddatidan oldin taraflarning oʻzaro kelishuvi asosida yoki iqtisodiy sud orqali bekor qilinadi.

Fyuchers shartnomasi iqtisodiy sud tomonidan bekor qilingan taqdirda, qonuniy kuchga kirgan sudning hal qiluv qarori asosida fyuchers shartnomasi narxida mahsulot birja savdolariga avtomatik ravishda qayta sotuvga chiqariladi”.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 14-sentabr,

577-son

(Qonunchilik maʼlumotlari milliy bazasi, 16.09.2024-y., 09/24/577/0722-son)

lex.uz