UzbekAI

Ўзбекистон Республикаси Вазирлар Маҳкамасининг

қарори

РЎЙХАТИ

Тошкент шаҳри ҳудудидаги фаввораларни эксплуатация қилиш тизимини такомиллаштириш чора-тадбирлари тўғрисида

Тошкент шаҳри ҳудудидаги фаввораларни эксплуатация қилиш тизимини такомиллаштириш мақсадида Вазирлар Маҳкамаси қарор қилади:

1. Тошкент шаҳар ҳокимлиги ва Давлат активларини бошқариш агентлигининг:

«Тошкент фаввораси» давлат унитар корхонасини белгиланган тартибда тугатиш ва унинг мавжуд қарздорликларини Тошкент шаҳар маҳаллий бюджетидан 2024 йилда фаввораларни сақлаш учун ажратилган маблағлар ҳамда қонунчиликда тақиқланмаган бошқа манбалар ҳисобидан қоплаш;

«Тошкент фаввораси» давлат унитар корхонаси томонидан хизмат кўрсатиб келинаётган фаввораларни эксплуатация қилиш учун тегишли давлат органлари ва ташкилотларини масъул этиб белгилаш тўғрисидаги таклифларига розилик берилсин.

2. Тошкент шаҳри ҳудудидаги фаввораларни эксплуатация қилувчи давлат органлари ва ташкилотлари (кейинги ўринларда давлат органлари ва ташкилотлари) рўйхати 1-иловага мувофиқ тасдиқлансин.

3. Белгилансинки, давлат органлари ва ташкилотлари раҳбарлари фаввораларнинг моддий-техник ҳолатини яхшилаш ва бенуқсон ишлашини ташкил этиш учун шахсан жавобгар ҳисобланади.

Фаввораларни эксплуатация қилиш ишларини самарали ташкил этиш мақсадида давлат органлари ва ташкилотларига мавжуд бўш иш ўринларини, биринчи навбатда, «Тошкент фаввораси» давлат унитар корхонасининг қисқартирилаётган штат бирликларида меҳнат фаолиятини юритиб келаётган ходимлар ҳисобидан тўлдириш тавсия этилсин.

4. Тошкент шаҳар ҳокимлиги бир ой муддатда «Тошкент фаввораси» давлат унитар корхонаси томонидан фаввораларни сақлаш билан боғлиқ мавжуд моддий-техника воситалари ҳамда асбоб-ускуналар давлат органлари ва ташкилотларига тегишлилиги бўйича топширилиши ва қабул қилинишини таъминласин.

5. Тошкент шаҳар ҳокимлиги ҳамда Иқтисодиёт ва молия вазирлиги 2025 йилдан бошлаб Тошкент шаҳар маҳаллий бюджети параметрларини шакллантиришда мазкур қарорга 1-иловага мувофиқ фаввораларни эксплуатация қилиш учун зарур маблағлар ажратилишини назарда тутсин.

6. Вазирлар Маҳкамасининг «Давлат муассасалари ва давлат иштирокидаги корхоналарни қайта ташкил этиш ва тугатишнинг қўшимча чора-тадбирлари тўғрисида» 2023 йил 3 апрелдаги 139-сон қарорига 2-иловага мувофиқ ўзгартириш ва қўшимча киритилсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ва Тошкент шаҳар ҳокими Ш.Б. Умурзаков зиммасига юклансин.

Вазирлар Маҳкамасининг 2024 йил 16 сентябрдаги 580-сон қарорига 1-ИЛОВА

Тошкент шаҳри ҳудудидаги фаввораларни эксплуатация қилувчи давлат органлари ва ташкилотлари

Т/р Тошкент шаҳри ҳудудидаги фавворалар номи Эксплуатация қилувчи давлат органлари ва ташкилотлари номи 1. Мирзо Улуғбек ҳайкали олдидаги фаввора Марказий майдонларни ободонлаштириш ихтисослаштирилган бошқармаси * 2. «Халқлар дўстлиги» майдонидаги фавворалар 3. Олий Мажлис Қонунчилик палатаси ҳудудидаги фавворалар 4. «Хадра» майдонидаги фаввора 5. «Roison» савдо дўкони олдидаги фаввора 6. «Амир Темур 1-4» (Сквер) ҳиёбонидаги фавворалар 7. Темурийлар тарихи давлат музейи олдидаги фаввора 8. Истиқлол кўчасидаги фаввора 9. «Сайилгоҳ» фаввораси 10. Ш.Рашидов кўчасидаги фаввора 11. «Туркистон» концерт зали олдидаги фаввора 12. «Звездочёт» фаввораси 13. «Шаҳидлар хотираси» мажмуаси ҳудудидаги фаввора 14. «Минор» масжиди олдидаги фаввора 15. Яҳё Ғуломов кўчасидаги фаввора Ирригация хўжалигини ва кўкаламзорлаштириш объектларини таъмирлаш ихтисослаштирилган бошқармаси * 16. «Ҳамид Олимжон-2» (шарқий томон) фаввораси 17. «Ҳамид Олимжон» (ғарбий томон) фаввораси 18. Шарқшунослик институти кутубхонаси олдидаги фаввора 19. Алишер Навоий номидаги давлат академик катта театри олдидаги фаввора 20. «Мовий гумбазлар» фаввораси 21. «Космонавтлар» метро бекатидаги фаввора 22. «Ўзбекистон» маиший хизмат кўрсатиш биноси (вокзал) олдидаги фаввора 23. Ислом Каримов номидаги Тошкент халқаро аэропорти ҳудудидаги фаввора 24. «Шеърият» боғидаги фаввора 25. Ўзбекистон тарихи давлат музейи олдидаги фаввора 26. «Пушкин» майдонидаги фаввора 27. «Сузук ота» масжиди олдидаги фаввора Мустақиллик майдонини кўкаламзорлаштириш, ободонлаштириш ва сақлаш департаменти * 28. «Мустақиллик-1» фаввораси 29. «Мустақиллик-2» фаввораси 30. «Сенат № 1 ва № 2» фавворалари 31. «Мустақиллик — 1-6» фаввораси 32. «Мустақиллик» боғидаги фаввора 33. «Халқаро форумлар саройи» олдидаги фаввора 34. Ўзбекистон Республикаси Олий Мажлиси Сенатининг янги биноси олдидаги фаввора Ҳукумат объектларига хизмат кўрсатиш ихтисослаштирилган бошқармаси * 35. «Анҳор-2» фаввораси 36. Афросиёб кўчасидаги фаввора 37. «Кўксарой» фаввораси 38. «Мирзо Улуғбек» боғидаги (кириш қисмидаги) фаввора Мирзо Улуғбек номидаги марказий боғ 39. «Мирзо Улуғбек» боғидаги (ичкари қисмидаги) фаввора 40. «Оқтепа бўзсув» каналидаги фаввора Тошкент шаҳар Каналлардан фойдаланиш ва уларга туташ ҳудудларни ободонлаштириш бошқармаси * 41. «Қичқириқ» каналидаги фаввора 42. Учтепа ҳокимлиги биноси олдидаги фаввора Учтепа тумани ҳокимлиги 43. «Эски-Жува» деҳқон бозори ҳудудидаги фаввора «Эски-Жува деҳқон бозори» АЖ

Вазирлар Маҳкамасининг 2024 йил 16 сентябрдаги 580-сон қарорига 2-ИЛОВА

Вазирлар Маҳкамасининг «Давлат муассасалари ва давлат иштирокидаги корхоналарни қайта ташкил этиш ва тугатишнинг қўшимча чора-тадбирлари тўғрисида» 2023 йил 3 апрелдаги 139-сон қарорига киритилаётган ўзгартириш ва қўшимча

1. Давлат муассасаси ва масъулияти чекланган жамият сифатида қайта ташкил этиладиган давлат иштирокидаги корхоналар рўйхатидан 281-позиция чиқариб ташлансин.

2. Қонунчиликда белгиланган тартибда тугатиладиган истиқболсиз, фаолият кўрсатмаётган, зарар кўриб ишлаётган ва паст рентабелли давлат муассасалари ва давлат иштирокидаги корхоналар рўйхати қуйидаги таҳрирдаги 767-позиция билан тўлдирилсин:

« 767. 231. 201059204 «Тошкент фаввораси» ДУК ДУК Тошкент шаҳри 100 » .

Ўзбекистон Республикасининг Бош вазири А. АРИПОВ

Тошкент ш.,

2024 йил 16 сентябрь,

580-сон

(Қонунчилик маълумотлари миллий базаси, 16.09.2024 й., 09/24/580/0723-сон)

lex.uz

Oʻzbekiston Respublikasi Vazirlar Mahkamasining

qarori

ROʻYXATI

Toshkent shahri hududidagi favvoralarni ekspluatatsiya qilish tizimini takomillashtirish chora-tadbirlari toʻgʻrisida

Toshkent shahri hududidagi favvoralarni ekspluatatsiya qilish tizimini takomillashtirish maqsadida Vazirlar Mahkamasi qaror qiladi:

1. Toshkent shahar hokimligi va Davlat aktivlarini boshqarish agentligining:

“Toshkent favvorasi” davlat unitar korxonasini belgilangan tartibda tugatish va uning mavjud qarzdorliklarini Toshkent shahar mahalliy budjetidan 2024-yilda favvoralarni saqlash uchun ajratilgan mablagʻlar hamda qonunchilikda taqiqlanmagan boshqa manbalar hisobidan qoplash;

“Toshkent favvorasi” davlat unitar korxonasi tomonidan xizmat koʻrsatib kelinayotgan favvoralarni ekspluatatsiya qilish uchun tegishli davlat organlari va tashkilotlarini masʼul etib belgilash toʻgʻrisidagi takliflariga rozilik berilsin.

2. Toshkent shahri hududidagi favvoralarni ekspluatatsiya qiluvchi davlat organlari va tashkilotlari (keyingi oʻrinlarda davlat organlari va tashkilotlari) roʻyxati 1-ilovaga muvofiq tasdiqlansin.

3. Belgilansinki, davlat organlari va tashkilotlari rahbarlari favvoralarning moddiy-texnik holatini yaxshilash va benuqson ishlashini tashkil etish uchun shaxsan javobgar hisoblanadi.

Favvoralarni ekspluatatsiya qilish ishlarini samarali tashkil etish maqsadida davlat organlari va tashkilotlariga mavjud boʻsh ish oʻrinlarini, birinchi navbatda, “Toshkent favvorasi” davlat unitar korxonasining qisqartirilayotgan shtat birliklarida mehnat faoliyatini yuritib kelayotgan xodimlar hisobidan toʻldirish tavsiya etilsin.

4. Toshkent shahar hokimligi bir oy muddatda “Toshkent favvorasi” davlat unitar korxonasi tomonidan favvoralarni saqlash bilan bogʻliq mavjud moddiy-texnika vositalari hamda asbob-uskunalar davlat organlari va tashkilotlariga tegishliligi boʻyicha topshirilishi va qabul qilinishini taʼminlasin.

5. Toshkent shahar hokimligi hamda Iqtisodiyot va moliya vazirligi 2025-yildan boshlab Toshkent shahar mahalliy budjeti parametrlarini shakllantirishda mazkur qarorga 1-ilovaga muvofiq favvoralarni ekspluatatsiya qilish uchun zarur mablagʻlar ajratilishini nazarda tutsin.

6. Vazirlar Mahkamasining “Davlat muassasalari va davlat ishtirokidagi korxonalarni qayta tashkil etish va tugatishning qoʻshimcha chora-tadbirlari toʻgʻrisida” 2023-yil 3-apreldagi 139-son qaroriga 2-ilovaga muvofiq oʻzgartirish va qoʻshimcha kiritilsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov va Toshkent shahar hokimi Sh.B. Umurzakov zimmasiga yuklansin.

Vazirlar Mahkamasining 2024-yil 16-sentabrdagi 580-son qaroriga 1-ILOVA

Toshkent shahri hududidagi favvoralarni ekspluatatsiya qiluvchi davlat organlari va tashkilotlari

T/r Toshkent shahri hududidagi favvoralar nomi Ekspluatatsiya qiluvchi davlat organlari va tashkilotlari nomi 1. Mirzo Ulugʻbek haykali oldidagi favvora Markaziy maydonlarni obodonlashtirish ixtisoslashtirilgan boshqarmasi * 2. “Xalqlar doʻstligi” maydonidagi favvoralar 3. Oliy Majlis Qonunchilik palatasi hududidagi favvoralar 4. “Xadra” maydonidagi favvora 5. “Roison” savdo doʻkoni oldidagi favvora 6. “Amir Temur 1-4” (Skver) hiyobonidagi favvoralar 7. Temuriylar tarixi davlat muzeyi oldidagi favvora 8. Istiqlol koʻchasidagi favvora 9. “Sayilgoh” favvorasi 10. Sh.Rashidov koʻchasidagi favvora 11. “Turkiston” konsert zali oldidagi favvora 12. “Zvezdochyot” favvorasi 13. “Shahidlar xotirasi” majmuasi hududidagi favvora 14. “Minor” masjidi oldidagi favvora 15. Yahyo Gʻulomov koʻchasidagi favvora Irrigatsiya xoʻjaligini va koʻkalamzorlashtirish obyektlarini taʼmirlash ixtisoslashtirilgan boshqarmasi * 16. “Hamid Olimjon-2” (sharqiy tomon) favvorasi 17. “Hamid Olimjon” (gʻarbiy tomon) favvorasi 18. Sharqshunoslik instituti kutubxonasi oldidagi favvora 19. Alisher Navoiy nomidagi davlat akademik katta teatri oldidagi favvora 20. “Moviy gumbazlar” favvorasi 21. “Kosmonavtlar” metro bekatidagi favvora 22. “Oʻzbekiston” maishiy xizmat koʻrsatish binosi (vokzal) oldidagi favvora 23. Islom Karimov nomidagi Toshkent xalqaro aeroporti hududidagi favvora 24. “Sheʼriyat” bogʻidagi favvora 25. Oʻzbekiston tarixi davlat muzeyi oldidagi favvora 26. “Pushkin” maydonidagi favvora 27. “Suzuk ota” masjidi oldidagi favvora Mustaqillik maydonini koʻkalamzorlashtirish, obodonlashtirish va saqlash departamenti * 28. “Mustaqillik-1” favvorasi 29. “Mustaqillik-2” favvorasi 30. “Senat № 1 va № 2” favvoralari 31. “Mustaqillik — 1-6” favvorasi 32. “Mustaqillik” bogʻidagi favvora 33. “Xalqaro forumlar saroyi” oldidagi favvora 34. Oʻzbekiston Respublikasi Oliy Majlisi Senatining yangi binosi oldidagi favvora Hukumat obyektlariga xizmat koʻrsatish ixtisoslashtirilgan boshqarmasi * 35. “Anhor-2” favvorasi 36. Afrosiyob koʻchasidagi favvora 37. “Koʻksaroy” favvorasi 38. “Mirzo Ulugʻbek” bogʻidagi (kirish qismidagi) favvora Mirzo Ulugʻbek nomidagi markaziy bogʻ 39. “Mirzo Ulugʻbek” bogʻidagi (ichkari qismidagi) favvora 40. “Oqtepa boʻzsuv” kanalidagi favvora Toshkent shahar Kanallardan foydalanish va ularga tutash hududlarni obodonlashtirish boshqarmasi * 41. “Qichqiriq” kanalidagi favvora 42. Uchtepa hokimligi binosi oldidagi favvora Uchtepa tumani hokimligi 43. “Eski-Juva” dehqon bozori hududidagi favvora “Eski-Juva dehqon bozori” AJ

Vazirlar Mahkamasining 2024-yil 16-sentabrdagi 580-son qaroriga 2-ILOVA

Vazirlar Mahkamasining “Davlat muassasalari va davlat ishtirokidagi korxonalarni qayta tashkil etish va tugatishning qoʻshimcha chora-tadbirlari toʻgʻrisida” 2023-yil 3-apreldagi 139-son qaroriga kiritilayotgan oʻzgartirish va qoʻshimcha

1. Davlat muassasasi va masʼuliyati cheklangan jamiyat sifatida qayta tashkil etiladigan davlat ishtirokidagi korxonalar roʻyxatidan 281-pozitsiya chiqarib tashlansin.

2. Qonunchilikda belgilangan tartibda tugatiladigan istiqbolsiz, faoliyat koʻrsatmayotgan, zarar koʻrib ishlayotgan va past rentabelli davlat muassasalari va davlat ishtirokidagi korxonalar roʻyxati quyidagi tahrirdagi 767-pozitsiya bilan toʻldirilsin:

“ 767. 231. 201059204 “Toshkent favvorasi” DUK DUK Toshkent shahri 100 ” .

Oʻzbekiston Respublikasining Bosh vaziri A. ARIPOV

Toshkent sh.,

2024-yil 16-sentabr,

580-son

(Qonunchilik maʼlumotlari milliy bazasi, 16.09.2024-y., 09/24/580/0723-son)

lex.uz