UzbekAI

Ўзбекистон Республикаси Вазирлар Маҳкамасининг

қарори

ТАРКИБИ

Ўзбекистон Республикаси Ҳукуматининг айрим қарорларига олий ва профессионал таълим ташкилотлари талабалари ҳамда ўқувчиларига таълим кредити ажратиш тартибини такомиллаштиришга қаратилган ўзгартириш ва қўшимчалар киритиш тўғрисида

Ўзбекистон Республикаси Президентининг «Олий ва профессионал таълим ташкилотлари талабалари ва ўқувчиларига бюджет маблағлари ҳисобидан таълим кредитини ажратиш тартибини такомиллаштириш тўғрисида» 2024 йил 27 майдаги ПФ-82-сон Фармони ижросини таъминлаш ҳамда олий ва профессионал таълим ташкилотларида тўлов-контракт асосида ўқиётган талаба ва ўқувчиларни молиявий қўллаб-қувватлаш учун ажратилаётган бюджет маблағларидан самарали фойдаланиш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг айрим ҳужжатларига иловага мувофиқ қуйидагиларни назарда тутувчи ўзгартириш ва қўшимчалар киритилсин:

олий ва профессионал таълим ташкилотларида таҳсил олиш учун таълим кредитини фақат кундузги таълим шаклида ўқиётган талаба ва ўқувчиларга ажратиш тизимини йўлга қўйиш;

олий таълим ташкилотларида таҳсил олаётган иккинчи ва ундан юқори босқич талабалари учун фанларни ўзлаштиришнинг ўртача кўрсаткичи «3» дан паст бўлган тақдирда, тўлов-контракт суммасининг кўпи билан 80 фоизи миқдорида таълим кредитини ажратиш амалиётини жорий этиш.

2. Белгилансинки, олий таълим ташкилотлари талабалари учун таълим кредити улар тўғрисидаги маълумотлар Олий таълим, фан ва инновациялар вазирлигининг «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизими ва «Олий таълим жараёнларини бошқариш» (НEMIS) ахборот тизимида, ўрта махсус ва профессионал таълим ташкилотлари ўқувчилари учун эса улар тўғрисидаги маълумотлар Олий таълим, фан ва инновациялар вазирлигининг «Профессионал таълим жараёнларини бошқариш» (prof.edu.uz) ахборот тизимида мавжуд бўлган тақдирда ажратилади.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2024 йил 16 сентябрдаги 579-сон қарорига ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Тошкент шаҳрида Туркиянинг Иқтисодиёт ва технологиялар университети филиалини ташкил этиш чора-тадбирлари тўғрисида» 2020 йил 17 июндаги 389-сон қарорида :

а) 1-бандда :

«Олий ва ўрта махсус таълим вазирлиги» сўзлари «Олий таълим, фан ва инновациялар вазирлиги» сўзлари билан алмаштирилсин;

«, Тошкент давлат иқтисодиёт университети» ҳамда «(кейинги ўринларда — муассислар)» сўзлари чиқариб ташлансин;

б) 3-бандда :

учинчи хатбоши қуйидаги таҳрирда баён этилсин:

«Филиал ректори Филиал муассислари (кейинги ўринларда — муассислар) томонидан лавозимга тайинланади ва лавозимдан озод этилади»;

тўртинчи хатбошидаги «Олий ва ўрта махсус таълим вазирлиги» сўзлари «Олий таълим, фан ва инновациялар вазирлиги» сўзлари билан алмаштирилсин;

саккизинчи ва тўққизинчи хатбошилар қуйидаги мазмундаги 8 — 11 хатбошилар билан алмаштирилсин:

«Филиалга абитуриентлар қабули ва битирувчилар аттестацияси амалдаги қонунчиликка, шунингдек, Ўзбекистон Республикаси Олий таълим, фан ва инновациялар вазирлиги билан келишилган ҳолда, Туркиянинг Иқтисодиёт ва технологиялар университети (кейинги ўринларда — Университет) томонидан белгиланган талаб, тартиб ва муддатларга мувофиқ амалга оширилади;

Филиалнинг битирувчиларига:

Университет таълим дастурлари бўйича таълим олганда, Ўзбекистон Республикаси ва Туркия Республикасида олий таълим тўғрисидаги ҳужжат сифатида тан олинадиган белгиланган намунадаги Филиал дипломи;

Ўзбекистон Республикасининг давлат таълим стандарти асосида таълим олганда, Ўзбекистон Республикасида олий маълумот тўғрисидаги ҳужжат сифатида тан олинадиган белгиланган намунадаги диплом берилади»;

ўнинчи хатбоши ўн иккинчи хатбоши деб ҳисоблансин;

в) 9-банддаги «Олий ва ўрта махсус таълим вазирлиги» сўзлари «Олий таълим, фан ва инновациялар вазирлиги» сўзлари билан алмаштирилсин;

г) 1-илованинг матни қуйидаги таҳрирда баён этилсин:

«Туркиянинг Иқтисодиёт ва технологиялар университетининг Тошкент шаҳридаги филиалининг васийлик кенгаши

1. А.И. Икрамов — Туркиянинг Иқтисодиёт ва технологиялар университетининг Тошкент шаҳридаги филиали ректори, Васийлик кенгаши раиси 2. Юсуф Саринай — Туркия савдо палаталари ва товар биржалари иттифоқининг Иқтисодиёт ва технологиялар университети ректори, Васийлик кенгаши ҳамраиси 3. Д.А. Вахабов — Ўзбекистон Республикаси Савдо-саноат палатаси раиси 4. С.М. Бузрукхонов — Ўзбекистон Республикаси олий таълим, фан ва инновациялар вазири ўринбосари 5. Олган Бекар — Туркия Республикасининг Ўзбекистон Республикасидаги Элчиси (келишув асосида) 6. Али Риза Тазжан — Туркиянинг Ҳамкорлик ва мувофиқлаш агентлигининг (TIKA) Ўзбекистондаги ваколатхонаси раҳбари (келишув асосида) 7. О.Р. Рижиченко — «U-ENTER» инновацион тадбиркорлик маркази директори 8. Волкан Гюлдермез — «Ziraat Bank Uzbekistan» АЖ бошқаруви раиси

2. Вазирлар Маҳкамасининг «Олий, ўрта махсус ва профессионал таълим ташкилотларида тўлов-контракт асосида ўқиш учун таълим кредитлари ажратишни тартибга солиш чора-тадбирлари тўғрисида» 2021 йил 18 августдаги 527-сон қарорида :

а) 1-банднинг иккинчи хатбошисидаги , 2-банднинг биринчи ва иккинчи хатбошиларидаги ва 4-банднинг иккинчи хатбошисидаги тегишли келишикдаги «Молия вазирлиги» сўзлари тегишли келишикдаги «Иқтисодиёт ва молия вазирлиги» сўзлари билан алмаштирилсин;

б) 1-иловада :

1-банднинг биринчи хатбошисидан ва 3-банднинг биринчи хатбошисидан «, сиртқи ва кечки» сўзлари чиқариб ташлансин;

қуйидаги мазмундаги 2 1 — 2 3 -бандлар билан тўлдирилсин:

«2 1 . 2024/2025 ўқув йилидан бошлаб таълим кредити иккинчи ва ундан юқори босқич талабалари учун фанларни ўзлаштиришнинг ўртача кўрсаткичи (grade point average):

«3» дан паст бўлган тақдирда, тўлов-контракт суммасининг кўпи билан 80 фоизи миқдорида ажратилади, бунда кредит тўлов-контракт суммасининг дастлабки 20 фоизи талаба томонидан тўлангандан кейин ажратилади;

«3» ва ундан юқори бўлган тақдирда ва (ёки) «Ижтимоий ҳимоя ягона реестри»га киритилган оилаларнинг таълим олаётган аъзолари учун таълим кредити тўлов-контракт суммаси миқдорида ажратилади.

2 2 . Жорий ўқув йили учун таълим кредитини олмоқчи бўлган талабанинг фанларни ўзлаштиришнинг ўртача кўрсаткичи (grade point average) аввалги ўқув йили якуни бўйича «Олий таълим жараёнларини бошқариш» (НEMIS) ахборот тизимидан олинади.

2 3 . Талабанинг фанларни ўзлаштиришнинг ўртача кўрсаткичи (grade point average) кўрсаткичи ва тегишли маълумотлари «Олий таълим жараёнларини бошқариш» (НEMIS) ахборот тизими, тўлов-контракт тўғрисидаги маълумотлари эса «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизими орқали автоматик тарзда шакллантирилади.

Бунда нодавлат ва хорижий олий таълим ташкилотлари талабаларининг тўлов-контракт тўғрисидаги маълумотлари уларнинг ахборот тизимларини «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизимига интеграция қилиш ёки мазкур ахборот тизимидан фойдаланиш орқали шакллантирилади»;

5-банднинг олтинчи , саккизинчи ва тўққизинчи хатбошиларидаги , 6-банднинг учинчи хатбошисидаги , 8 ва 9-бандлардаги , 11-банднинг учинчи хатбошисидаги , 14-банддаги , 15-банднинг иккинчи хатбошисидаги , 16 , 17 , 25 , 30 ва 31-бандлардаги ҳамда 32-банднинг биринчи хатбошисидаги тегишли келишикдаги «Молия вазирлиги» сўзлари тегишли келишикдаги «Иқтисодиёт ва молия вазирлиги» сўзлари билан алмаштирилсин;

2-боб қуйидаги мазмундаги 17 1 — 17 4 -бандлар билан тўлдирилсин:

«17 1 . Тўлов-контракт шартномасини олиш учун:

олий таълим ташкилоти талабаси «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизими орқали;

профессионал таълим ташкилотлари ўқувчилари эса «Профессионал таълим жараёнларини бошқариш» (prof.edu.uz) ахборот тизими орқали ариза юборади.

17 2 . Аризани олий таълим ташкилоти «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизими орқали, профессионал таълим ташкилоти «Профессионал таълим жараёнларини бошқариш» (prof.edu.uz) ахборот тизими орқали кўриб чиқади.

Кредит олувчи олий таълим ташкилотининг талабаларни ўқишга қабул қилиш ёки ўқишни давом эттириш бўйича тегишли ички тартиб ёки қоидаларига (кейинги ўринларда — ички тартиб қоидалар) мувофиқ деб топилганда:

биринчи босқичга тавсия этилган кредит олувчини «Олий таълим жараёнларини бошқариш» (НEMIS) ахборот тизимидан рўйхатдан ўтказади ҳамда белгиланган тартибда тўлов-контракт шартномасини имзолайди;

иккинчи ва ундан юқори босқич талабаси билан белгиланган тартибда тўлов-контракт шартномасини имзолайди.

Кредит олувчи ички тартиб ёки қоидаларга мувофиқ эмас деб топилганда, унга тўлов-контракт шартномасини тақдим этиш рад этилганлиги ҳақида асослантирилган сабабларни кўрсатган ҳолда белгиланган тартибда хабардор қилади.

Кредит олувчи профессионал таълим ташкилотининг ички тартиб ёки қоидаларига мувофиқ деб топилганда:

биринчи босқичга тавсия этилган кредит олувчини «Профессионал таълим жараёнларини бошқариш» (prof.edu.uz) ахборот тизимидан рўйхатдан ўтказади ҳамда белгиланган тартибда тўлов-контракт шартномасини имзолайди;

иккинчи ва ундан юқори босқич ўқувчиси билан белгиланган тартибда тўлов-контракт шартномасини имзолайди.

Кредит олувчи ички тартиб ёки қоидаларга мувофиқ эмас деб топилганда, унга тўлов-контракт шартномасини тақдим этиш рад этилганлиги ҳақида асослантирилган сабабларини кўрсатган ҳолда белгиланган тартибда хабардор қилади.

17 3 . Кредит олувчи таълим кредити олиш учун белгиланган тартибда Иқтисодиёт ва молия вазирлигининг расмий веб-сайтида эълон қилинган тижорат банкларига «Ягона интерактив давлат хизматлари» (my.gov.uz) портали, «Таълим кредити» (taʼlim-krediti.mf.uz) ахборот тизими ёки тўғридан-тўғри мурожаат қилади.

17 4 . Кредит олувчи томонидан таълим кредитини олиш учун тўғридан-тўғри тижорат банкига мурожаат қилинганда, тижорат банки улар учун очилган «Таълим кредити» (taʼlim-krediti.mf.uz) ахборот тизимидаги шахсий кабинет орқали таълим кредити олиш тўғрисидаги аризани шакллантиради.

Бунда тижорат банки ўзининг ички тартиб қоидаларидан келиб чиқиб, кредит олувчининг шахсий маълумотларини қайта ишлаш учун розилигини олади ва «Таълим кредити» (taʼlim-krediti.mf.uz) ахборот тизимида розилиги олинганлигини кўрсатиб ўтади»;

18-банднинг биринчи хатбошиси қуйидаги таҳрирда баён этилсин:

«18. Кредит олувчи таълим кредитини олиш учун тўғридан-тўғри тижорат банкига мурожаат қилишда қуйидаги ҳужжатларни тақдим этади:».

3. Вазирлар Маҳкамасининг «Олий, ўрта махсус ва профессионал таълим ташкилотларида хотин-қизларнинг тўлов-контракт асосида таълим олиши учун таълим кредитлари ажратишни тартибга солиш чора-тадбирлари тўғрисида» 2022 йил 18 августдаги 457-сон қарорида :

а) 1-банддаги «Молия вазирлиги» сўзлари «Иқтисодиёт ва молия вазирлиги» сўзлари билан алмаштирилсин;

б) 2-бандда :

биринчи , учинчи ва бешинчи хатбошилардаги «Молия вазирлиги» сўзлари «Иқтисодиёт ва молия вазирлиги» сўзлари билан алмаштирилсин;

иккинчи хатбошидаги «, сиртқи ва кечки» сўзлари чиқариб ташлансин;

в) 3-банднинг иккинчи хатбошисидаги «, сиртқи ва кечки» сўзлари чиқариб ташлансин;

г) иловада :

номидаги , 1-банднинг биринчи хатбошисидаги , 6-банднинг олтинчи , саккизинчи ва тўққизинчи хатбошиларидаги , 7-банднинг учинчи хатбошисидаги , 9 ва 10-бандлардаги , 11-банднинг иккинчи хатбошисидаги , 13 ва 27-бандлардаги , Низомга илованинг илова белгиси ҳамда матнидаги тегишли келишикдаги «Молия вазирлиги» сўзлари тегишли келишикдаги «Иқтисодиёт ва молия вазирлиги» сўзлари билан алмаштирилсин;

қуйидаги мазмундаги 2 1 ва 2 3 -бандлар билан тўлдирилсин:

«3» ва ундан юқори бўлган тақдирда ҳамда/ёки «Ижтимоий ҳимоя ягона реестри»га киритилган оилаларнинг таълим олаётган аъзолари учун таълим кредити тўлов-контракт суммаси миқдорида ажратилади.

2 2 . Жорий ўқув йили учун таълим кредити олмоқчи бўлган талабанинг фанларни ўзлаштиришнинг ўртача кўрсаткичи (grade point average) аввалги ўқув йили якуни бўйича «Олий таълим жараёнларини бошқариш» (НEMIS) ахборот тизимидан олинади.

2 3 . Талабанинг фанларни ўзлаштиришнинг ўртача кўрсаткичи (grade point average) ва тегишли маълумотлари «Олий таълим жараёнларини бошқариш» (НEMIS) ахборот тизимида, тўлов-контракт тўғрисидаги маълумотлари эса «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизими орқали автоматик тарзда шакллантирилади.

3-банднинг биринчи хатбошисидаги «, сиртқи ва кечки» сўзлари чиқариб ташлансин;

қуйидаги мазмундаги 15 1 — 15 4 -бандлар билан тўлдирилсин:

«15 1 . Тўлов-контракт шартномасини олиш учун:

15 2 . Аризани олий таълим ташкилоти «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизими орқали, профессионал таълим ташкилоти «Профессионал таълим жараёнларини бошқариш» (prof.edu.uz) ахборот тизими орқали кўриб чиқади.

Кредит олувчи олий таълим ташкилотининг талабаларни ўқишга қабул қилиш ёки ўқишни давом эттириш бўйича тегишли ички тартиб ёки қоидаларига (кейинги ўринларда — ички тартиб ёки қоидалар) мувофиқ деб топилганда:

иккинчи ва ундан юқори босқич талабаси билан белгиланган тартибда тўлов-контракт шартномасини имзолайди.

Кредит олувчи профессионал таълим ташкилотининг ички тартиб ёки қоидаларига мувофиқ деб топилганда:

иккинчи ва ундан юқори босқич ўқувчиси билан белгиланган тартибда тўлов-контракт шартномасини имзолайди.

15 3 . Кредит олувчи таълим кредити олиш учун белгиланган тартибда Иқтисодиёт ва молия вазирлигининг расмий веб-сайтида эълон қилинган тижорат банкларига «Ягона интерактив давлат хизматлари» (my.gov.uz) портали, «Таълим кредити» (taʼlim-krediti.mf.uz) ахборот тизими ёки тўғридан-тўғри мурожаат қилади.

15 4 . Кредит олувчи томонидан таълим кредитини олиш учун тўғридан-тўғри тижорат банкига мурожаат қилинганда, тижорат банки улар учун очилган «Таълим кредити» (taʼlim-krediti.mf.uz) ахборот тизимидаги шахсий кабинет орқали таълим кредити олиш тўғрисидаги аризани шакллантиради.

16-банднинг биринчи хатбошиси қуйидаги таҳрирда баён этилсин:

«16. Кредит олувчи таълим кредитини олиш учун тўғридан-тўғри тижорат банкига мурожаат қилишда қуйидаги ҳужжатларни тақдим этади:».

Ўзбекистон Республикасининг Бош вазири А. АРИПОВ

Тошкент ш.,

2024 йил 16 сентябрь,

579-сон

(Қонунчилик маълумотлари миллий базаси, 17.09.2024 й., 09/24/579/0725-сон)

lex.uz

Oʻzbekiston Respublikasi Vazirlar Mahkamasining

qarori

TARKIBI

Oʻzbekiston Respublikasi Hukumatining ayrim qarorlariga oliy va professional taʼlim tashkilotlari talabalari hamda oʻquvchilariga taʼlim krediti ajratish tartibini takomillashtirishga qaratilgan oʻzgartirish va qoʻshimchalar kiritish toʻgʻrisida

Oʻzbekiston Respublikasi Prezidentining “Oliy va professional taʼlim tashkilotlari talabalari va oʻquvchilariga budjet mablagʻlari hisobidan taʼlim kreditini ajratish tartibini takomillashtirish toʻgʻrisida” 2024-yil 27-maydagi PF-82-son Farmoni ijrosini taʼminlash hamda oliy va professional taʼlim tashkilotlarida toʻlov-kontrakt asosida oʻqiyotgan talaba va oʻquvchilarni moliyaviy qoʻllab-quvvatlash uchun ajratilayotgan budjet mablagʻlaridan samarali foydalanish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ayrim hujjatlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

oliy va professional taʼlim tashkilotlarida tahsil olish uchun taʼlim kreditini faqat kunduzgi taʼlim shaklida oʻqiyotgan talaba va oʻquvchilarga ajratish tizimini yoʻlga qoʻyish;

oliy taʼlim tashkilotlarida tahsil olayotgan ikkinchi va undan yuqori bosqich talabalari uchun fanlarni oʻzlashtirishning oʻrtacha koʻrsatkichi “3” dan past boʻlgan taqdirda, toʻlov-kontrakt summasining koʻpi bilan 80 foizi miqdorida taʼlim kreditini ajratish amaliyotini joriy etish.

2. Belgilansinki, oliy taʼlim tashkilotlari talabalari uchun taʼlim krediti ular toʻgʻrisidagi maʼlumotlar Oliy taʼlim, fan va innovatsiyalar vazirligining “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimi va “Oliy taʼlim jarayonlarini boshqarish” (NEMIS) axborot tizimida, oʻrta maxsus va professional taʼlim tashkilotlari oʻquvchilari uchun esa ular toʻgʻrisidagi maʼlumotlar Oliy taʼlim, fan va innovatsiyalar vazirligining “Professional taʼlim jarayonlarini boshqarish” (prof.edu.uz) axborot tizimida mavjud boʻlgan taqdirda ajratiladi.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2024-yil 16-sentabrdagi 579-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Toshkent shahrida Turkiyaning Iqtisodiyot va texnologiyalar universiteti filialini tashkil etish chora-tadbirlari toʻgʻrisida” 2020-yil 17-iyundagi 389-son qarorida :

a) 1-bandda :

“Oliy va oʻrta maxsus taʼlim vazirligi” soʻzlari “Oliy taʼlim, fan va innovatsiyalar vazirligi” soʻzlari bilan almashtirilsin;

“, Toshkent davlat iqtisodiyot universiteti” hamda “(keyingi oʻrinlarda — muassislar)” soʻzlari chiqarib tashlansin;

b) 3-bandda :

uchinchi xatboshi quyidagi tahrirda bayon etilsin:

“Filial rektori Filial muassislari (keyingi oʻrinlarda — muassislar) tomonidan lavozimga tayinlanadi va lavozimdan ozod etiladi”;

toʻrtinchi xatboshidagi “Oliy va oʻrta maxsus taʼlim vazirligi” soʻzlari “Oliy taʼlim, fan va innovatsiyalar vazirligi” soʻzlari bilan almashtirilsin;

sakkizinchi va toʻqqizinchi xatboshilar quyidagi mazmundagi 8 — 11 xatboshilar bilan almashtirilsin:

“Filialga abituriyentlar qabuli va bitiruvchilar attestatsiyasi amaldagi qonunchilikka, shuningdek, Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda, Turkiyaning Iqtisodiyot va texnologiyalar universiteti (keyingi oʻrinlarda — Universitet) tomonidan belgilangan talab, tartib va muddatlarga muvofiq amalga oshiriladi;

Filialning bitiruvchilariga:

Universitet taʼlim dasturlari boʻyicha taʼlim olganda, Oʻzbekiston Respublikasi va Turkiya Respublikasida oliy taʼlim toʻgʻrisidagi hujjat sifatida tan olinadigan belgilangan namunadagi Filial diplomi;

Oʻzbekiston Respublikasining davlat taʼlim standarti asosida taʼlim olganda, Oʻzbekiston Respublikasida oliy maʼlumot toʻgʻrisidagi hujjat sifatida tan olinadigan belgilangan namunadagi diplom beriladi”;

oʻninchi xatboshi oʻn ikkinchi xatboshi deb hisoblansin;

v) 9-banddagi “Oliy va oʻrta maxsus taʼlim vazirligi” soʻzlari “Oliy taʼlim, fan va innovatsiyalar vazirligi” soʻzlari bilan almashtirilsin;

g) 1-ilovaning matni quyidagi tahrirda bayon etilsin:

“Turkiyaning Iqtisodiyot va texnologiyalar universitetining Toshkent shahridagi filialining vasiylik kengashi

1. A.I. Ikramov — Turkiyaning Iqtisodiyot va texnologiyalar universitetining Toshkent shahridagi filiali rektori, Vasiylik kengashi raisi 2. Yusuf Sarinay — Turkiya savdo palatalari va tovar birjalari ittifoqining Iqtisodiyot va texnologiyalar universiteti rektori, Vasiylik kengashi hamraisi 3. D.A. Vaxabov — Oʻzbekiston Respublikasi Savdo-sanoat palatasi raisi 4. S.M. Buzrukxonov — Oʻzbekiston Respublikasi oliy taʼlim, fan va innovatsiyalar vaziri oʻrinbosari 5. Olgan Bekar — Turkiya Respublikasining Oʻzbekiston Respublikasidagi Elchisi (kelishuv asosida) 6. Ali Riza Tazjan — Turkiyaning Hamkorlik va muvofiqlash agentligining (TIKA) Oʻzbekistondagi vakolatxonasi rahbari (kelishuv asosida) 7. O.R. Rijichenko — “U-ENTER” innovatsion tadbirkorlik markazi direktori 8. Volkan Gyuldermez — “Ziraat Bank Uzbekistan” AJ boshqaruvi raisi

2. Vazirlar Mahkamasining “Oliy, oʻrta maxsus va professional taʼlim tashkilotlarida toʻlov-kontrakt asosida oʻqish uchun taʼlim kreditlari ajratishni tartibga solish chora-tadbirlari toʻgʻrisida” 2021-yil 18-avgustdagi 527-son qarorida :

a) 1-bandning ikkinchi xatboshisidagi , 2-bandning birinchi va ikkinchi xatboshilaridagi va 4-bandning ikkinchi xatboshisidagi tegishli kelishikdagi “Moliya vazirligi” soʻzlari tegishli kelishikdagi “Iqtisodiyot va moliya vazirligi” soʻzlari bilan almashtirilsin;

b) 1-ilovada :

1-bandning birinchi xatboshisidan va 3-bandning birinchi xatboshisidan “, sirtqi va kechki” soʻzlari chiqarib tashlansin;

quyidagi mazmundagi 2 1 — 2 3 -bandlar bilan toʻldirilsin:

“2 1 . 2024/2025 oʻquv yilidan boshlab taʼlim krediti ikkinchi va undan yuqori bosqich talabalari uchun fanlarni oʻzlashtirishning oʻrtacha koʻrsatkichi (grade point average):

“3” dan past boʻlgan taqdirda, toʻlov-kontrakt summasining koʻpi bilan 80 foizi miqdorida ajratiladi, bunda kredit toʻlov-kontrakt summasining dastlabki 20 foizi talaba tomonidan toʻlangandan keyin ajratiladi;

“3” va undan yuqori boʻlgan taqdirda va (yoki) “Ijtimoiy himoya yagona reyestri”ga kiritilgan oilalarning taʼlim olayotgan aʼzolari uchun taʼlim krediti toʻlov-kontrakt summasi miqdorida ajratiladi.

2 2 . Joriy oʻquv yili uchun taʼlim kreditini olmoqchi boʻlgan talabaning fanlarni oʻzlashtirishning oʻrtacha koʻrsatkichi (grade point average) avvalgi oʻquv yili yakuni boʻyicha “Oliy taʼlim jarayonlarini boshqarish” (NEMIS) axborot tizimidan olinadi.

2 3 . Talabaning fanlarni oʻzlashtirishning oʻrtacha koʻrsatkichi (grade point average) koʻrsatkichi va tegishli maʼlumotlari “Oliy taʼlim jarayonlarini boshqarish” (NEMIS) axborot tizimi, toʻlov-kontrakt toʻgʻrisidagi maʼlumotlari esa “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimi orqali avtomatik tarzda shakllantiriladi.

Bunda nodavlat va xorijiy oliy taʼlim tashkilotlari talabalarining toʻlov-kontrakt toʻgʻrisidagi maʼlumotlari ularning axborot tizimlarini “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimiga integratsiya qilish yoki mazkur axborot tizimidan foydalanish orqali shakllantiriladi”;

5-bandning oltinchi , sakkizinchi va toʻqqizinchi xatboshilaridagi , 6-bandning uchinchi xatboshisidagi , 8 va 9-bandlardagi , 11-bandning uchinchi xatboshisidagi , 14-banddagi , 15-bandning ikkinchi xatboshisidagi , 16 , 17 , 25 , 30 va 31-bandlardagi hamda 32-bandning birinchi xatboshisidagi tegishli kelishikdagi “Moliya vazirligi” soʻzlari tegishli kelishikdagi “Iqtisodiyot va moliya vazirligi” soʻzlari bilan almashtirilsin;

2-bob quyidagi mazmundagi 17 1 — 17 4 -bandlar bilan toʻldirilsin:

“17 1 . Toʻlov-kontrakt shartnomasini olish uchun:

oliy taʼlim tashkiloti talabasi “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimi orqali;

professional taʼlim tashkilotlari oʻquvchilari esa “Professional taʼlim jarayonlarini boshqarish” (prof.edu.uz) axborot tizimi orqali ariza yuboradi.

17 2 . Arizani oliy taʼlim tashkiloti “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimi orqali, professional taʼlim tashkiloti “Professional taʼlim jarayonlarini boshqarish” (prof.edu.uz) axborot tizimi orqali koʻrib chiqadi.

Kredit oluvchi oliy taʼlim tashkilotining talabalarni oʻqishga qabul qilish yoki oʻqishni davom ettirish boʻyicha tegishli ichki tartib yoki qoidalariga (keyingi oʻrinlarda — ichki tartib qoidalar) muvofiq deb topilganda:

birinchi bosqichga tavsiya etilgan kredit oluvchini “Oliy taʼlim jarayonlarini boshqarish” (NEMIS) axborot tizimidan roʻyxatdan oʻtkazadi hamda belgilangan tartibda toʻlov-kontrakt shartnomasini imzolaydi;

ikkinchi va undan yuqori bosqich talabasi bilan belgilangan tartibda toʻlov-kontrakt shartnomasini imzolaydi.

Kredit oluvchi ichki tartib yoki qoidalarga muvofiq emas deb topilganda, unga toʻlov-kontrakt shartnomasini taqdim etish rad etilganligi haqida asoslantirilgan sabablarni koʻrsatgan holda belgilangan tartibda xabardor qiladi.

Kredit oluvchi professional taʼlim tashkilotining ichki tartib yoki qoidalariga muvofiq deb topilganda:

birinchi bosqichga tavsiya etilgan kredit oluvchini “Professional taʼlim jarayonlarini boshqarish” (prof.edu.uz) axborot tizimidan roʻyxatdan oʻtkazadi hamda belgilangan tartibda toʻlov-kontrakt shartnomasini imzolaydi;

ikkinchi va undan yuqori bosqich oʻquvchisi bilan belgilangan tartibda toʻlov-kontrakt shartnomasini imzolaydi.

Kredit oluvchi ichki tartib yoki qoidalarga muvofiq emas deb topilganda, unga toʻlov-kontrakt shartnomasini taqdim etish rad etilganligi haqida asoslantirilgan sabablarini koʻrsatgan holda belgilangan tartibda xabardor qiladi.

17 3 . Kredit oluvchi taʼlim krediti olish uchun belgilangan tartibda Iqtisodiyot va moliya vazirligining rasmiy veb-saytida eʼlon qilingan tijorat banklariga “Yagona interaktiv davlat xizmatlari” (my.gov.uz) portali, “Taʼlim krediti” (taʼlim-krediti.mf.uz) axborot tizimi yoki toʻgʻridan-toʻgʻri murojaat qiladi.

17 4 . Kredit oluvchi tomonidan taʼlim kreditini olish uchun toʻgʻridan-toʻgʻri tijorat bankiga murojaat qilinganda, tijorat banki ular uchun ochilgan “Taʼlim krediti” (taʼlim-krediti.mf.uz) axborot tizimidagi shaxsiy kabinet orqali taʼlim krediti olish toʻgʻrisidagi arizani shakllantiradi.

Bunda tijorat banki oʻzining ichki tartib qoidalaridan kelib chiqib, kredit oluvchining shaxsiy maʼlumotlarini qayta ishlash uchun roziligini oladi va “Taʼlim krediti” (taʼlim-krediti.mf.uz) axborot tizimida roziligi olinganligini koʻrsatib oʻtadi”;

18-bandning birinchi xatboshisi quyidagi tahrirda bayon etilsin:

“18. Kredit oluvchi taʼlim kreditini olish uchun toʻgʻridan-toʻgʻri tijorat bankiga murojaat qilishda quyidagi hujjatlarni taqdim etadi:”.

3. Vazirlar Mahkamasining “Oliy, oʻrta maxsus va professional taʼlim tashkilotlarida xotin-qizlarning toʻlov-kontrakt asosida taʼlim olishi uchun taʼlim kreditlari ajratishni tartibga solish chora-tadbirlari toʻgʻrisida” 2022-yil 18-avgustdagi 457-son qarorida :

a) 1-banddagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

b) 2-bandda :

birinchi , uchinchi va beshinchi xatboshilardagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

ikkinchi xatboshidagi “, sirtqi va kechki” soʻzlari chiqarib tashlansin;

v) 3-bandning ikkinchi xatboshisidagi “, sirtqi va kechki” soʻzlari chiqarib tashlansin;

g) ilovada :

nomidagi , 1-bandning birinchi xatboshisidagi , 6-bandning oltinchi , sakkizinchi va toʻqqizinchi xatboshilaridagi , 7-bandning uchinchi xatboshisidagi , 9 va 10-bandlardagi , 11-bandning ikkinchi xatboshisidagi , 13 va 27-bandlardagi , Nizomga ilovaning ilova belgisi hamda matnidagi tegishli kelishikdagi “Moliya vazirligi” soʻzlari tegishli kelishikdagi “Iqtisodiyot va moliya vazirligi” soʻzlari bilan almashtirilsin;

quyidagi mazmundagi 2 1 va 2 3 -bandlar bilan toʻldirilsin:

“2 1 . 2024/2025 oʻquv yilidan boshlab taʼlim krediti ikkinchi va undan yuqori bosqich talabalari uchun fanlarni oʻzlashtirishning oʻrtacha koʻrsatkichi (grade point average):

“3” va undan yuqori boʻlgan taqdirda hamda/yoki “Ijtimoiy himoya yagona reyestri”ga kiritilgan oilalarning taʼlim olayotgan aʼzolari uchun taʼlim krediti toʻlov-kontrakt summasi miqdorida ajratiladi.

2 2 . Joriy oʻquv yili uchun taʼlim krediti olmoqchi boʻlgan talabaning fanlarni oʻzlashtirishning oʻrtacha koʻrsatkichi (grade point average) avvalgi oʻquv yili yakuni boʻyicha “Oliy taʼlim jarayonlarini boshqarish” (NEMIS) axborot tizimidan olinadi.

2 3 . Talabaning fanlarni oʻzlashtirishning oʻrtacha koʻrsatkichi (grade point average) va tegishli maʼlumotlari “Oliy taʼlim jarayonlarini boshqarish” (NEMIS) axborot tizimida, toʻlov-kontrakt toʻgʻrisidagi maʼlumotlari esa “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimi orqali avtomatik tarzda shakllantiriladi.

3-bandning birinchi xatboshisidagi “, sirtqi va kechki” soʻzlari chiqarib tashlansin;

quyidagi mazmundagi 15 1 — 15 4 -bandlar bilan toʻldirilsin:

“15 1 . Toʻlov-kontrakt shartnomasini olish uchun:

oliy taʼlim tashkiloti talabasi “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimi orqali;

professional taʼlim tashkilotlari oʻquvchilari esa “Professional taʼlim jarayonlarini boshqarish” (prof.edu.uz) axborot tizimi orqali ariza yuboradi.

15 2 . Arizani oliy taʼlim tashkiloti “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimi orqali, professional taʼlim tashkiloti “Professional taʼlim jarayonlarini boshqarish” (prof.edu.uz) axborot tizimi orqali koʻrib chiqadi.

ikkinchi va undan yuqori bosqich talabasi bilan belgilangan tartibda toʻlov-kontrakt shartnomasini imzolaydi.

Kredit oluvchi professional taʼlim tashkilotining ichki tartib yoki qoidalariga muvofiq deb topilganda:

ikkinchi va undan yuqori bosqich oʻquvchisi bilan belgilangan tartibda toʻlov-kontrakt shartnomasini imzolaydi.

15 3 . Kredit oluvchi taʼlim krediti olish uchun belgilangan tartibda Iqtisodiyot va moliya vazirligining rasmiy veb-saytida eʼlon qilingan tijorat banklariga “Yagona interaktiv davlat xizmatlari” (my.gov.uz) portali, “Taʼlim krediti” (taʼlim-krediti.mf.uz) axborot tizimi yoki toʻgʻridan-toʻgʻri murojaat qiladi.

15 4 . Kredit oluvchi tomonidan taʼlim kreditini olish uchun toʻgʻridan-toʻgʻri tijorat bankiga murojaat qilinganda, tijorat banki ular uchun ochilgan “Taʼlim krediti” (taʼlim-krediti.mf.uz) axborot tizimidagi shaxsiy kabinet orqali taʼlim krediti olish toʻgʻrisidagi arizani shakllantiradi.

16-bandning birinchi xatboshisi quyidagi tahrirda bayon etilsin:

“16. Kredit oluvchi taʼlim kreditini olish uchun toʻgʻridan-toʻgʻri tijorat bankiga murojaat qilishda quyidagi hujjatlarni taqdim etadi:”.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 16-sentabr,

579-son

(Qonunchilik maʼlumotlari milliy bazasi, 17.09.2024-y., 09/24/579/0725-son)

lex.uz