📅 2024-yil 18-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 18 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 18 сентября 2024 г. · Указы Президента
Официальный текст. Официальный документ. Редакционные примечания не включены.
📅 18 September 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Ўзбекистон Республикаси Президентининг солиқ ва божхона имтиёзларини беришни назарда тутувчи айрим ҳужжатларига ўзгартиришлар ва қўшимча киритиш, шунингдек, баъзиларини ўз кучини йўқотган деб ҳисоблаш тўғрисида
Иқтисодиётда рақобатни таъминлаш, тадбиркорлик субъектларига тенг шарт-шароитлар яратиш, бозор муносабатларига тўлиқ ўтишни жадаллаштириш ҳамда миллий иқтисодиётнинг рақобатбардошлигини ошириш мақсадида:
1. Иқтисодиёт ва молия вазирлиги Солиқ қўмитаси ҳамда Божхона қўмитаси билан биргаликда 2025 йил 1 январдан бошлаб молия йили давомида қабул қилинган ва бюджет даромадларини камайтиришни, солиқ ва божхона имтиёзларини беришни ҳамда солиқсиз тушумлардан бюджетга ажратмаларни камайтиришни назарда тутувчи нормаларни кейинги молия йилидан бошлаб амалга киритиш тартибини ўрнатиш бўйича қонун лойиҳасини Вазирлар Маҳкамасига киритсин.
2. Иқтисодиёт ва молия вазирлиги ҳамда Солиқ қўмитасининг:
2025 йил 1 январдан бошлаб янги барпо этилаётган боғлар, токзорлар ва тутзорлар эгаллаган ерлар учун юридик шахслардан олинадиган ер солиғини тўлашдан озод қилиш тарзидаги имтиёзни бекор қилган ҳолда, мазкур ер участкалари бўйича солиқ ставкасини 50 фоизга камайтириш;
2025 йил 1 июлдан бошлаб йўловчиларни ягона тарифлар бўйича ташиш хизматларини кўрсатиш айланмаси учун қўшилган қиймат солиғи бўйича имтиёзларни бекор қилиш тўғрисидаги таклифлари маъқуллансин.
3. Иқтисодиёт ва молия вазирлиги уч ой муддатда мазкур Фармондан келиб чиқиб, Солиқ кодексига ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.
4. Ўзбекистон Республикаси Президентининг айрим ҳужжатларига 1-иловага мувофиқ ўзгартиришлар ва қўшимча киритилсин.
5. Ўзбекистон Республикаси Президентининг айрим фармонлари 2-иловага мувофиқ ўз кучини йўқотган деб ҳисоблансин.
6. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 18 сентябрдаги ПФ-140-сон Фармонига 1-ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар ва қўшимча
1. Ўзбекистон Республикаси Президентининг 2020 йил 19 июндаги «Алоҳида солиқ ва божхона имтиёзларини бекор қилиш тўғрисида»ги ПФ-6011-сон Фармонига 1-илованинг 23-банди тўртинчи ва бешинчи хатбошилари чиқариб ташлансин.
2. Ўзбекистон Республикаси Президентининг 2023 йил 16 ноябрдаги «Халқаро молия институтлари ва хорижий ҳукумат молия ташкилотлари билан амалга оширилаётган лойиҳаларни янада жадаллаштиришга доир қўшимча чора-тадбирлар тўғрисида»ги ПФ-195-сон Фармонининг 1-банди қуйидаги таҳрирда баён этилсин:
«1. Иқтисодиёт ва молия вазирлигининг бюджет ташкилотлари томонидан халқаро молия институтларидан ва хорижий ҳукумат молия ташкилотларидан жалб қилинган ҳамда жалб қилинадиган давлат ташқи қарзи ҳисобидан тўлиқ ёки қисман амалга ошириладиган лойиҳалар доирасида, шунингдек, давлат корхоналари ҳамда устав фондида (устав капиталида) давлат улуши 50 фоиз ва ундан ортиқ бўлган юридик шахслар томонидан инфратузилма лойиҳалари (электр, газ ва иссиқлик таъминоти, сув таъминоти ва канализация, сув хўжалиги, йўл-транспорт инфратузилмаси, алоқа ва телекоммуникация, агрологистика, санитария жиҳатдан тозалаш, қаттиқ маиший чиқиндиларни бошқариш лойиҳалари) учун халқаро молия институтларидан ва хорижий ҳукумат молия ташкилотларидан жалб қилинган ҳамда жалб қилинадиган давлат ташқи қарзи (бундан Ўзбекистон Республикасининг тижорат банклари орқали қайта молиялаштириладиган ёки қайта кредитланадиган халқаро молия институтларининг ва хорижий ҳукумат молия ташкилотларининг маблағлари бундан мустасно) ҳисобидан тўлиқ ёки қисман амалга ошириладиган лойиҳалар доирасида сотиб олинадиган товарларни (хизматларни) реализация қилиш бўйича айланмани, шунингдек, уларни олиб киришни 2028 йил 1 январга қадар қўшилган қиймат солиғидан озод қилиш тўғрисидаги таклифига розилик берилсин.
Бунда мазкур бандда назарда тутилган имтиёз лойиҳа иштирокчиларига нисбатан татбиқ этилади».
3. Ўзбекистон Республикаси Президентининг 2018 йил 3 июлдаги «Ўзбекистон Республикасида рақамли иқтисодиётни ва крипто-активлар айланмаси соҳасини ривожлантириш чора-тадбирлари тўғрисида»ги ПҚ-3832-сон қарори 2-бандининг бешинчи хатбошиси «юридик ва жисмоний шахсларнинг» сўзларидан олдин «2029 йил 1 январга қадар» сўзлари билан тўлдирилсин.
4. Ўзбекистон Республикаси Президентининг 2024 йил 4 мартдаги «Ўзбекистон — 2030» стратегиясида белгиланган асосий йўналишлар бўйича ислоҳотларни амалга оширишнинг 2024 йилдаги устувор чора-тадбирлари тўғрисида»ги ПҚ-109-сон қарорига 1-илованинг 58-позицияси «Чора-тадбир номи» устунидаги биринчи хатбоши қуйидаги таҳрирда баён этилсин:
«Давлат объектларини реализация қилиш бўйича айланмани қўшилган қиймат солиғидан озод этиш».
Ўзбекистон Республикаси Президентининг 2024 йил 18 сентябрдаги ПФ-140-сон Фармонига 2-ИЛОВА
Ўзбекистон Республикаси Президентининг ўз кучини йўқотган деб эътироф этилаётган айрим фармонлари
1. Ўзбекистон Республикаси Президентининг 2018 йил 29 ноябрдаги «Маҳаллий ишлаб чиқарувчиларнинг экспорт салоҳиятини янада рағбатлантириш чора-тадбирлари тўғрисида»ги ПФ-5587-сон Фармони .
2. Ўзбекистон Республикаси Президентининг 2023 йил 23 мартдаги «Истеъмол бозорларида нархлар барқарорлигини таъминлашга доир қўшимча чора-тадбирлар тўғрисида»ги ПФ-41-сон Фармонига илованинг 24 ва 25-позициялари.
3. Ўзбекистон Республикаси Президентининг 2023 йил 13 апрелдаги «2023 йилда бозор тамойилларига асосланган ипотека кредитлари орқали аҳолини уй-жой билан таъминлаш дастурини амалга ошириш чора-тадбирлари тўғрисида»ги ПФ-51-сон Фармонига 3-илованинг 7-позицияси.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 18 сентябрь,
ПФ-140-сон
Oʻzbekiston Respublikasi Prezidentining
Farmoni
ROʻYXATI
Oʻzbekiston Respublikasi Prezidentining soliq va bojxona imtiyozlarini berishni nazarda tutuvchi ayrim hujjatlariga oʻzgartirishlar va qoʻshimcha kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida
Iqtisodiyotda raqobatni taʼminlash, tadbirkorlik subyektlariga teng shart-sharoitlar yaratish, bozor munosabatlariga toʻliq oʻtishni jadallashtirish hamda milliy iqtisodiyotning raqobatbardoshligini oshirish maqsadida:
1. Iqtisodiyot va moliya vazirligi Soliq qoʻmitasi hamda Bojxona qoʻmitasi bilan birgalikda 2025-yil 1-yanvardan boshlab moliya yili davomida qabul qilingan va budjet daromadlarini kamaytirishni, soliq va bojxona imtiyozlarini berishni hamda soliqsiz tushumlardan budjetga ajratmalarni kamaytirishni nazarda tutuvchi normalarni keyingi moliya yilidan boshlab amalga kiritish tartibini oʻrnatish boʻyicha qonun loyihasini Vazirlar Mahkamasiga kiritsin.
2. Iqtisodiyot va moliya vazirligi hamda Soliq qoʻmitasining:
2025-yil 1-yanvardan boshlab yangi barpo etilayotgan bogʻlar, tokzorlar va tutzorlar egallagan yerlar uchun yuridik shaxslardan olinadigan yer soligʻini toʻlashdan ozod qilish tarzidagi imtiyozni bekor qilgan holda, mazkur yer uchastkalari boʻyicha soliq stavkasini 50 foizga kamaytirish;
2025-yil 1-iyuldan boshlab yoʻlovchilarni yagona tariflar boʻyicha tashish xizmatlarini koʻrsatish aylanmasi uchun qoʻshilgan qiymat soligʻi boʻyicha imtiyozlarni bekor qilish toʻgʻrisidagi takliflari maʼqullansin.
3. Iqtisodiyot va moliya vazirligi uch oy muddatda mazkur Farmondan kelib chiqib, Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.
4. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirishlar va qoʻshimcha kiritilsin.
5. Oʻzbekiston Respublikasi Prezidentining ayrim farmonlari 2-ilovaga muvofiq oʻz kuchini yoʻqotgan deb hisoblansin.
6. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 18-sentabrdagi PF-140-son Farmoniga 1-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2020-yil 19-iyundagi “Alohida soliq va bojxona imtiyozlarini bekor qilish toʻgʻrisida”gi PF-6011-son Farmoniga 1-ilovaning 23-bandi toʻrtinchi va beshinchi xatboshilari chiqarib tashlansin.
2. Oʻzbekiston Respublikasi Prezidentining 2023-yil 16-noyabrdagi “Xalqaro moliya institutlari va xorijiy hukumat moliya tashkilotlari bilan amalga oshirilayotgan loyihalarni yanada jadallashtirishga doir qoʻshimcha chora-tadbirlar toʻgʻrisida”gi PF-195-son Farmonining 1-bandi quyidagi tahrirda bayon etilsin:
“1. Iqtisodiyot va moliya vazirligining budjet tashkilotlari tomonidan xalqaro moliya institutlaridan va xorijiy hukumat moliya tashkilotlaridan jalb qilingan hamda jalb qilinadigan davlat tashqi qarzi hisobidan toʻliq yoki qisman amalga oshiriladigan loyihalar doirasida, shuningdek, davlat korxonalari hamda ustav fondida (ustav kapitalida) davlat ulushi 50 foiz va undan ortiq boʻlgan yuridik shaxslar tomonidan infratuzilma loyihalari (elektr, gaz va issiqlik taʼminoti, suv taʼminoti va kanalizatsiya, suv xoʻjaligi, yoʻl-transport infratuzilmasi, aloqa va telekommunikatsiya, agrologistika, sanitariya jihatdan tozalash, qattiq maishiy chiqindilarni boshqarish loyihalari) uchun xalqaro moliya institutlaridan va xorijiy hukumat moliya tashkilotlaridan jalb qilingan hamda jalb qilinadigan davlat tashqi qarzi (bundan Oʻzbekiston Respublikasining tijorat banklari orqali qayta moliyalashtiriladigan yoki qayta kreditlanadigan xalqaro moliya institutlarining va xorijiy hukumat moliya tashkilotlarining mablagʻlari bundan mustasno) hisobidan toʻliq yoki qisman amalga oshiriladigan loyihalar doirasida sotib olinadigan tovarlarni (xizmatlarni) realizatsiya qilish boʻyicha aylanmani, shuningdek, ularni olib kirishni 2028-yil 1-yanvarga qadar qoʻshilgan qiymat soligʻidan ozod qilish toʻgʻrisidagi taklifiga rozilik berilsin.
Bunda mazkur bandda nazarda tutilgan imtiyoz loyiha ishtirokchilariga nisbatan tatbiq etiladi”.
3. Oʻzbekiston Respublikasi Prezidentining 2018-yil 3-iyuldagi “Oʻzbekiston Respublikasida raqamli iqtisodiyotni va kripto-aktivlar aylanmasi sohasini rivojlantirish chora-tadbirlari toʻgʻrisida”gi PQ-3832-son qarori 2-bandining beshinchi xatboshisi “yuridik va jismoniy shaxslarning” soʻzlaridan oldin “2029-yil 1-yanvarga qadar” soʻzlari bilan toʻldirilsin.
4. Oʻzbekiston Respublikasi Prezidentining 2024-yil 4-martdagi “Oʻzbekiston — 2030” strategiyasida belgilangan asosiy yoʻnalishlar boʻyicha islohotlarni amalga oshirishning 2024-yildagi ustuvor chora-tadbirlari toʻgʻrisida”gi PQ-109-son qaroriga 1-ilovaning 58-pozitsiyasi “Chora-tadbir nomi” ustunidagi birinchi xatboshi quyidagi tahrirda bayon etilsin:
“Davlat obyektlarini realizatsiya qilish boʻyicha aylanmani qoʻshilgan qiymat soligʻidan ozod etish”.
Oʻzbekiston Respublikasi Prezidentining 2024-yil 18-sentabrdagi PF-140-son Farmoniga 2-ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim farmonlari
1. Oʻzbekiston Respublikasi Prezidentining 2018-yil 29-noyabrdagi “Mahalliy ishlab chiqaruvchilarning eksport salohiyatini yanada ragʻbatlantirish chora-tadbirlari toʻgʻrisida”gi PF-5587-son Farmoni .
2. Oʻzbekiston Respublikasi Prezidentining 2023-yil 23-martdagi “Isteʼmol bozorlarida narxlar barqarorligini taʼminlashga doir qoʻshimcha chora-tadbirlar toʻgʻrisida”gi PF-41-son Farmoniga ilovaning 24 va 25-pozitsiyalari.
3. Oʻzbekiston Respublikasi Prezidentining 2023-yil 13-apreldagi “2023-yilda bozor tamoyillariga asoslangan ipoteka kreditlari orqali aholini uy-joy bilan taʼminlash dasturini amalga oshirish chora-tadbirlari toʻgʻrisida”gi PF-51-son Farmoniga 3-ilovaning 7-pozitsiyasi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 18-sentabr,
PF-140-son
Президента Республики Узбекистан
Указ
ПЕРЕЧЕНЬ
О внесении изменений и дополнения, а также признании утратившими силу некоторых актов Президента Республики Узбекистан, предусматривающих предоставление налоговых и таможенных льгот
В целях обеспечения конкуренции в экономике, создания равных условий для субъектов предпринимательства, ускорения полного перехода к рыночным отношениям, а также повышения конкурентоспособности национальной экономики:
1. Министерству экономики и финансов совместно с Налоговым комитетом и Таможенным комитетом внести в Кабинет Министров проект закона об установлении порядка, согласно которому с 1 января 2025 года нормы, принятые в течение финансового года и предусматривающие понижение доходов бюджета, предоставление налоговых и таможенных льгот, а также уменьшение отчислений в бюджет из неналоговых поступлений, вводятся в действие со следующего финансового года.
2. Одобрить предложения Министерства экономики и финансов и Налогового комитета, согласно которым:
начиная с 1 января 2025 года отменяется льгота в виде освобождения от уплаты земельного налога с юридических лиц за земельные участки, на которых созданы новые сады, виноградники и тутовые плантации, а также снижается на 50 процентов налоговая ставка по данным землям;
начиная с 1 июля 2025 года отменяется льгота по налогу на добавленную стоимость за оборот оказания услуг по перевозке пассажиров по единым тарифам.
3. Министерству экономики и финансов в трехмесячный срок внести в Кабинет Министров проект закона, предусматривающий внесение изменений и дополнений в Налоговый кодекс исходя из настоящего Указа.
4. Внести изменения и дополнение в некоторые акты Президента Республики Узбекистан согласно приложению № 1 .
5. Признать утратившими силу некоторые указы Президента Республики Узбекистан согласно приложению № 2 .
6. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к Указу Президента Республики Узбекистан от 18 сентября 2024 года № УП-140
Изменения и дополнение, вносимые в некоторые акты Президента Республики Узбекистан
1. Абзацы четвертый и пятый пункта 23 приложения № 1 к Указу Президента Республики Узбекистан от 19 июня 2020 года № УП-6011 « Об отмене отдельных налоговых и таможенных льгот » исключить.
2. Пункт 1 Указа Президента Республики Узбекистан от 16 ноября 2023 года № УП-195 «О дополнительных мерах по дальнейшему ускорению реализации проектов, осуществляемых с международными финансовыми институтами и зарубежными правительственными финансовыми организациями» изложить в следующей редакции:
«1. Согласиться с предложением Министерства экономики и финансов об освобождении от налога на добавленную стоимость на срок до 1 января 2028 года оборота по реализации, а также ввоза товаров (услуг), приобретаемых бюджетными организациями в рамках проектов, реализуемых полностью или частично за счет государственного внешнего долга, привлеченного и привлекаемого из международных финансовых институтов и зарубежных правительственных финансовых организаций, а также государственными предприятиями и юридическими лицами, в уставном фонде (уставном капитале) которых доля государства составляет 50 процентов и более, в рамках проектов, реализуемых полностью или частично за счет государственного внешнего долга, привлеченного и привлекаемого из международных финансовых институтов и зарубежных правительственных финансовых организаций (за исключением средств международных финансовых институтов и зарубежных правительственных финансовых организаций, рефинансируемых или перекредитуемых через коммерческие банки Республики Узбекистан) на инфраструктурные проекты (проекты по электро-, газо- и теплоснабжению, водоснабжению и канализации, водному хозяйству, дорожно-транспортной инфраструктуре, связи и телекоммуникациям, агрологистике, санитарной очистке, управлению твердыми бытовыми отходами).
При этом предусмотренная настоящим пунктом льгота применяется к участникам проекта».
3. В абзаце пятом пункта 2 постановления Президента Республики Узбекистан от 3 июля 2018 года № ПП-3832 «О мерах по развитию цифровой экономики и сферы оборота крипто-активов в Республике Узбекистан» перед словами «операции юридических и физических лиц» дополнить словами «на срок до 1 января 2029 года».
4. Абзац первый в графе «Наименование меры» позиции 58 приложения № 1 к постановлению Президента Республики Узбекистан от 4 марта 2024 года № ПП-109 «О приоритетных мерах по реализации в 2024 году реформ по основным направлениям, определенным в Стратегии «Узбекистан — 2030» изложить в следующей редакции:
«Освобождение от налога на добавленную стоимость оборота по реализации государственных объектов».
ПРИЛОЖЕНИЕ № 2 к Указу Президента Республики Узбекистан от 18 сентября 2024 года № УП-140
некоторых указов Президента Республики Узбекистан, признаваемых утратившими силу
1. Указ Президента Республики Узбекистан от 29 ноября 2018 года № УП-5587 «О мерах по дальнейшему стимулированию экспортного потенциала отечественных производителей».
2. Позиции 24 и 25 приложения к Указу Президента Республики Узбекистан от 23 марта 2023 года № УП-41 «О дополнительных мерах по обеспечению стабильности цен на потребительских рынках».
3. Позиция 7 приложения № 3 к Указу Президента Республики Узбекистан от 13 апреля 2023 года № УП-51 «О мерах по реализации Программы обеспечения населения жильем посредством ипотечных кредитов на основе рыночных принципов на 2023 год».
Президент Республики Узбекистан Ш. МИРЗИЁЕВ
г. Ташкент,
18 сентября 2024 г.,
№ УП-140