UzbekAI

Ўзбекистон Республикаси Вазирлар Маҳкамасининг

қарори

Ногиронлиги бўлган шахсларни қўллаб-қувватлаш тизимини такомиллаштириш ҳамда оториноларингология соҳадаги илм-фанни ривожлантириш чора-тадбирлари белгиланганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида

Ўзбекистон Республикаси Президентининг « Ногиронлиги бўлган шахсларни қўллаб-қувватлаш тизимини такомиллаштиришга доир қўшимча чора-тадбирлар тўғрисида » 2023 йил 27 февралдаги ПҚ-74-сон ҳамда « Оториноларингология хизматини такомиллаштириш ва унинг кўламини кенгайтириш чора-тадбирлари тўғрисида » 2023 йил 1 августдаги ПҚ-255-сон қарорларига мувофиқ тиббиёт муассасаларида даволанаётган ногиронлиги бўлган болаларни бевосита парваришлаётган шахсларни қўллаб-қувватлаш ҳамда оториноларингология соҳадаги илм-фанни ривожлантириш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Президентининг «Ногиронлиги бўлган шахсларни қўллаб-қувватлаш тизимини такомиллаштиришга доир қўшимча чора-тадбирлар тўғрисида» 2023 йил 27 февралдаги ПҚ-74-сон қарорига мувофиқ болаликдан ногиронлиги бўлган шахсларга ғамхўрлик қилувчи шахслар (ота-онаси ва бошқалар) учун даволаш даврида давлат стационар тиббиёт муассасаларида бепул овқатланиш йўлга қўйилганлиги;

Ўзбекистон Республикаси Президентининг «Оториноларингология хизматини такомиллаштириш ва унинг кўламини кенгайтириш чора-тадбирлари тўғрисида» 2023 йил 1 августдаги ПҚ-255-сон қарорида Республика ихтисослаштирилган оториноларингология ва бош-бўйин касалликлари илмий-амалий тиббиёт марказида «Юқори нафас йўллари аъзолари физиологияси ва патологияси», «Эшитиш ва мувозанат аъзолари физиологияси ва патологияси», «Фониатрия ва ронхопатия» илмий лабораториялари фаолиятини йўлга қўйиш ҳамда ушбу лабораторияларни Давлат бюджети маблағлари ҳисобидан базавий молиялаштиришга ўтказиш белгиланганлиги маълумот учун қабул қилинсин.

2. Белгилансинки, Республика ихтисослаштирилган оториноларингология ва бош-бўйин касалликлари илмий-амалий тиббиёт марказининг базавий молиялаштиришга ўтказиладиган ва илмий-тадқиқот ишлари билан шуғулланадиган тузилмаларини Давлат бюджети маблағлари ҳисобидан сақлаш харажатлари 2024 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Соғлиқни сақлаш вазирлигига ажратилган маблағлар доирасида амалга оширилади, 2025 йилдан бошлаб эса Давлат бюджети параметрларида назарда тутилади.

3. Ўзбекистон Республикаси Ҳукуматининг айрим қарорларига иловага мувофиқ ўзгартириш ва қўшимчалар киритилсин.

4. Мазкур қарорнинг бажарилишини назорат қилиш Ўзбекистон Республикаси соғлиқни сақлаш вазири в.б. А.А. Худаяров зиммасига юклансин.

Вазирлар Маҳкамасининг 2024 йил 18 сентябрдаги 585-сон қарорига ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2016 йил 5 февралдаги 31-сон қарори билан тасдиқланган Ўзбекистон Республикаси Соғлиқни сақлаш вазирлиги тизимининг турғун даволаш-профилактика муассасаларида овқатланишни ташкил этиш ва унинг учун ҳақ тўлаш тартиби тўғрисидаги низомга 2-илованинг 2-банди қуйидаги таҳрирда баён этилсин:

«2. Болаликдан ногиронлиги бўлган шахслар ва уларга ғамхўрлик қилувчи шахслар (ота-онаси ва уларнинг ўрнини босувчи шахслар)».

2. Вазирлар Маҳкамасининг «Давлат илмий ташкилотларини Ўзбекистон Республикаси Давлат бюджети маблағлари ҳисобидан базавий молиялаштиришга ўтказиш тўғрисида» 2021 йил 26 майдаги 326-сон қарорида :

а) 1-илованинг «I. Соғлиқни сақлаш вазирлиги» бўлимида:

1-позициядаги «акушерлик ва гинекология» сўзлари «она ва бола саломатлиги» сўзлари билан алмаштирилсин;

қуйидаги мазмундаги 23-позиция билан тўлдирилсин:

« 23. Республика ихтисослаштирилган оториноларингология ва бош-бўйин касалликлари илмий-амалий тиббиёт маркази (илмий-тадқиқот лабораториялари) »;

б) 2-иловада :

«I. Соғлиқни сақлаш вазирлиги бўйича» бўлимида:

1-позициянинг «Ташкилот номи» устунидаги «акушерлик ва гинекология» сўзлари «она ва бола саломатлиги» сўзлари билан алмаштирилсин;

8-позициянинг «Штат бирлиги сони» устунидаги «5», «6» ва «15» рақамлари тегишлича «6», «8» ва «18» рақамлари билан алмаштирилсин;

« 21 2 . Республика ихтисослаштирилган оториноларингология ва бош-бўйин касалликлари илмий-амалий тиббиёт маркази Директор 1 Илмий ишлар бўйича директор ўринбосари 1 Лаборатория мудирлари 3 Лаборантлар 4 Жами 9 »;

«Жами» позициясининг «Штат бирлиги сони» устунидаги «265» рақами «277» рақами билан алмаштирилсин;

«Жами ташкилотлар бўйича» позицияси «Штат бирлиги сони» устунидаги «328» рақами «340» рақами билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2024 йил 18 сентябрь,

585-сон

(Қонунчилик маълумотлари миллий базаси, 20.09.2024 й., 09/24/585/0731-сон)

lex.uz

Oʻzbekiston Respublikasi Vazirlar Mahkamasining

qarori

Nogironligi boʻlgan shaxslarni qoʻllab-quvvatlash tizimini takomillashtirish hamda otorinolaringologiya sohadagi ilm-fanni rivojlantirish chora-tadbirlari belgilanganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida

Oʻzbekiston Respublikasi Prezidentining “ Nogironligi boʻlgan shaxslarni qoʻllab-quvvatlash tizimini takomillashtirishga doir qoʻshimcha chora-tadbirlar toʻgʻrisida ” 2023-yil 27-fevraldagi PQ-74-son hamda “ Otorinolaringologiya xizmatini takomillashtirish va uning koʻlamini kengaytirish chora-tadbirlari toʻgʻrisida ” 2023-yil 1-avgustdagi PQ-255-son qarorlariga muvofiq tibbiyot muassasalarida davolanayotgan nogironligi boʻlgan bolalarni bevosita parvarishlayotgan shaxslarni qoʻllab-quvvatlash hamda otorinolaringologiya sohadagi ilm-fanni rivojlantirish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Prezidentining “Nogironligi boʻlgan shaxslarni qoʻllab-quvvatlash tizimini takomillashtirishga doir qoʻshimcha chora-tadbirlar toʻgʻrisida” 2023-yil 27-fevraldagi PQ-74-son qaroriga muvofiq bolalikdan nogironligi boʻlgan shaxslarga gʻamxoʻrlik qiluvchi shaxslar (ota-onasi va boshqalar) uchun davolash davrida davlat statsionar tibbiyot muassasalarida bepul ovqatlanish yoʻlga qoʻyilganligi;

Oʻzbekiston Respublikasi Prezidentining “Otorinolaringologiya xizmatini takomillashtirish va uning koʻlamini kengaytirish chora-tadbirlari toʻgʻrisida” 2023-yil 1-avgustdagi PQ-255-son qarorida Respublika ixtisoslashtirilgan otorinolaringologiya va bosh-boʻyin kasalliklari ilmiy-amaliy tibbiyot markazida “Yuqori nafas yoʻllari aʼzolari fiziologiyasi va patologiyasi”, “Eshitish va muvozanat aʼzolari fiziologiyasi va patologiyasi”, “Foniatriya va ronxopatiya” ilmiy laboratoriyalari faoliyatini yoʻlga qoʻyish hamda ushbu laboratoriyalarni Davlat budjeti mablagʻlari hisobidan bazaviy moliyalashtirishga oʻtkazish belgilanganligi maʼlumot uchun qabul qilinsin.

2. Belgilansinki, Respublika ixtisoslashtirilgan otorinolaringologiya va bosh-boʻyin kasalliklari ilmiy-amaliy tibbiyot markazining bazaviy moliyalashtirishga oʻtkaziladigan va ilmiy-tadqiqot ishlari bilan shugʻullanadigan tuzilmalarini Davlat budjeti mablagʻlari hisobidan saqlash xarajatlari 2024-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Sogʻliqni saqlash vazirligiga ajratilgan mablagʻlar doirasida amalga oshiriladi, 2025-yildan boshlab esa Davlat budjeti parametrlarida nazarda tutiladi.

3. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

4. Mazkur qarorning bajarilishini nazorat qilish Oʻzbekiston Respublikasi sogʻliqni saqlash vaziri v.b. A.A. Xudayarov zimmasiga yuklansin.

Vazirlar Mahkamasining 2024-yil 18-sentabrdagi 585-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2016-yil 5-fevraldagi 31-son qarori bilan tasdiqlangan Oʻzbekiston Respublikasi Sogʻliqni saqlash vazirligi tizimining turgʻun davolash-profilaktika muassasalarida ovqatlanishni tashkil etish va uning uchun haq toʻlash tartibi toʻgʻrisidagi nizomga 2-ilovaning 2-bandi quyidagi tahrirda bayon etilsin:

“2. Bolalikdan nogironligi boʻlgan shaxslar va ularga gʻamxoʻrlik qiluvchi shaxslar (ota-onasi va ularning oʻrnini bosuvchi shaxslar)”.

2. Vazirlar Mahkamasining “Davlat ilmiy tashkilotlarini Oʻzbekiston Respublikasi Davlat budjeti mablagʻlari hisobidan bazaviy moliyalashtirishga oʻtkazish toʻgʻrisida” 2021-yil 26-maydagi 326-son qarorida :

a) 1-ilovaning “I. Sogʻliqni saqlash vazirligi” boʻlimida:

1-pozitsiyadagi “akusherlik va ginekologiya” soʻzlari “ona va bola salomatligi” soʻzlari bilan almashtirilsin;

quyidagi mazmundagi 23-pozitsiya bilan toʻldirilsin:

“ 23. Respublika ixtisoslashtirilgan otorinolaringologiya va bosh-boʻyin kasalliklari ilmiy-amaliy tibbiyot markazi (ilmiy-tadqiqot laboratoriyalari) ”;

b) 2-ilovada :

“I. Sogʻliqni saqlash vazirligi boʻyicha” boʻlimida:

1-pozitsiyaning “Tashkilot nomi” ustunidagi “akusherlik va ginekologiya” soʻzlari “ona va bola salomatligi” soʻzlari bilan almashtirilsin;

8-pozitsiyaning “Shtat birligi soni” ustunidagi “5”, “6” va “15” raqamlari tegishlicha “6”, “8” va “18” raqamlari bilan almashtirilsin;

“ 21 2 . Respublika ixtisoslashtirilgan otorinolaringologiya va bosh-boʻyin kasalliklari ilmiy-amaliy tibbiyot markazi Direktor 1 Ilmiy ishlar boʻyicha direktor oʻrinbosari 1 Laboratoriya mudirlari 3 Laborantlar 4 Jami 9 ”;

“Jami” pozitsiyasining “Shtat birligi soni” ustunidagi “265” raqami “277” raqami bilan almashtirilsin;

“Jami tashkilotlar boʻyicha” pozitsiyasi “Shtat birligi soni” ustunidagi “328” raqami “340” raqami bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 18-sentabr,

585-son

(Qonunchilik maʼlumotlari milliy bazasi, 20.09.2024-y., 09/24/585/0731-son)

lex.uz