📅 2024-yil 23-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 23 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 сентября 2024 г. · Постановления Президента
Официальный текст. Официальный документ. Редакционные примечания не включены.
📅 23 September 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Хоккей спорт турини ривожлантиришнинг қўшимча чора-тадбирлари тўғрисида
Хоккей спорт турини янада оммалаштириш, иқтидорли спортчиларни саралаб олиш тизимини такомиллаштириш, тренер ва ҳакамларни халқаро талаблар асосида тайёрлаш, шунингдек, хоккей спорт тури бўйича инфратузилмани яхшилаш мақсадида:
1. Қуйидагилар хоккей спорт турини ривожлантиришнинг асосий йўналишлари этиб белгилансин:
хоккей спорт тури бўйича терма жамоалар ва спорт клублари учун спорт захирасини яратиш, иқтидорли спортчиларни саралаш (селекция)нинг рақамлаштирилган тизимини жорий қилиш;
хоккей спорт тури бўйича малакали тренерлар, ҳакамлар ва мутахассисларни тайёрлаш, қайта тайёрлаш ва уларнинг малакасини ошириш тизимини янада такомиллаштириш;
чет эллик мутахассислар, тренер ва спортчиларни жалб этиш ҳамда улар билан ўзаро ҳамкорликни янада кенгайтириш;
хоккей спорт тури бўйича инфратузилмани янада яхшилаш ҳамда халқаро талабларга мувофиқлаштириш.
2. Спорт вазирлиги Олий таълим, фан ва инновациялар вазирлиги, Иқтисодиёт ва молия вазирлиги, Ўзбекистон давлат жисмоний тарбия ва спорт университети ҳамда Ўзбекистон хоккей федерацияси билан биргаликда 2025 йилдан бошлаб ҳар йили:
хоккей спорт тури бўйича халқаро ташкилотлар ва чет эллик мутахассислар иштирокида семинар-тренинглар, шунингдек, илмий-амалий анжуманлар ўтказиб борсин;
Ўзбекистон давлат жисмоний тарбия ва спорт университетининг «Спорт фаолияти» (хоккей)» бакалавриат таълим йўналиши талабаларининг хоккей клублари спорт базаларида амалиётини ташкил этиш чораларини кўрсин.
3. 2025 — 2027 йилларда Тошкент шаҳридаги Олимпия шаҳарчаси ҳудудида Хоккей спорт мажмуасини (кейинги ўринларда — Мажмуа) барпо этиш белгиланганлиги маълумот учун қабул қилинсин.
4. Спорт вазирлиги, Давлат активларини бошқариш агентлиги, Ўзбекистон Миллий олимпия қўмитаси ва Ўзбекистон хоккей федерациясининг:
Мажмуани инновацион технологияларга асосланган ҳолда қиммат бўлмаган ва энергия тежовчи материаллардан замонавий муз саройи билан биргаликда барпо этиш ва фойдаланишга топшириш;
Мажмуа қуриб битказилгандан сўнг унга Ўзбекистон хоккей федерациясини текин фойдаланиш ҳуқуқи асосида жойлаштириш ва Мажмуани сақлаш харажатларини Ўзбекистон хоккей федерацияси маблағлари ҳисобидан молиялаштириш тўғрисидаги таклифлари маъқуллансин.
5. Белгилансинки:
Мажмуа 2025 — 2027 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида барпо этилади;
Мажмуа хоккей спорт тури бўйича терма жамоалар учун ўқув-машғулот жараёнини ва спорт мусобақаларини ўтказиш бўйича Ўзбекистон хоккей федерациясининг асосий базаси ҳисобланади;
спорт мактаблари ва ихтисослаштирилган спорт мактабларига ўқувчиларнинг ҳужжатларини қабул қилиш ҳамда уларнинг ўқишини кўчириш бўйича давлат хизматларини кўрсатиш давлат хизматлари марказлари ёки Ягона интерактив давлат хизматлари портали орқали 2024/2025 ўқув йилидан бошлаб тегишли молия йили учун ажратилган маблағлар доирасида йил давомида амалга оширилади.
6. Спорт вазирлиги Мажмуа қуриб битказилгандан сўнг уни белгиланган тартибда қабул қилиб олиш ҳамда Ўзбекистон хоккей федерациясига текин фойдаланиш ҳуқуқи асосида бериш чораларини кўрсин.
7. Шундай тартиб ўрнатилсинки, унга мувофиқ:
Ўзбекистон хоккей федерацияси, хоккей спорт тури бўйича спорт клублари ва нодавлат спорт таълим ташкилотлари учун фойда солиғи уч йил муддатга 50 фоизга камайтирилади;
Ўзбекистон хоккей федерацияси, хоккей спорт тури бўйича спорт клублари ва нодавлат спорт таълим ташкилотлари фаолиятини молиялаштириш учун юридик шахслар томонидан йўналтириладиган ҳомийлик хайриялари суммаси фойда солиғини ҳисоблашда солиқ солинадиган базадан чегириб ташланади.
8. Самарқанд вилояти ва Тошкент шаҳри ҳокимликларининг хоккей спорт тури бўйича чет эллик мутахассис ва тренерларни белгиланган тартибда Самарқанд шаҳрида 2 та ҳамда Тошкент шаҳрида 10 та хизмат уйлари билан таъминлаш тўғрисидаги таклифлари маъқуллансин.
9. Белгилаб қўйилсинки:
Ўзбекистон хоккей федерацияси, хоккей спорт тури бўйича спорт клублари ва нодавлат спорт таълим ташкилотлари томонидан Ўзбекистон Республикасига хоккей спорт тури бўйича жалб этиладиган чет эллик тренер, спортчи ва бошқа мутахассислар учун Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқнома тегишли тўловларни ундирмаган ҳолда берилади (узайтирилади);
2024 — 2029 йилларда Ўзбекистон хоккей федерацияси моддий-техник базасини мустаҳкамлаш, хоккей бўйича болалар ва ўсмирлар спортини янада ривожлантириш, хорижий мутахассисларни жалб этган ҳолда илғор илмий тажрибаларни жорий этиш ҳамда миллий терма жамоалар спортчиларини самарали тайёрлашни йўлга қўйиш мақсадида ҳар йил Давлат бюджетидан 2 миллиард сўм маблағ Ўзбекистон хоккей федерациясига ажратилади;
хоккей спорт тури бўйича чет эллик спортчилар, тренерлар ва бошқа мутахассисларни яшаш учун меҳмонхоналар ва бошқа жойлаштириш воситаларига жойлаштиришда Ўзбекистон хоккей федерацияси, хоккей спорт тури бўйича спорт клублари ва нодавлат спорт таълим ташкилотлари билан тузилган шартномалар бўйича туристик йиғим ундирилмайди.
10. 2028 йил 1 январга қадар Ўзбекистон хоккей федерацияси, унинг ҳудудий бўлинмалари, шунингдек, хоккей спорт тури бўйича спорт клублари ва нодавлат спорт таълим ташкилотлари томонидан белгиланган тартибда шакллантириладиган рўйхатлар бўйича олиб келинадиган ҳамда Ўзбекистон Республикасида ишлаб чиқарилмайдиган спорт асбоб-ускуналари, инвентарлари, трансляция қилиш билан боғлиқ барча асбоб-ускуналар ва техникалар, фармакология маҳсулотлари, спорт озуқалари, махсус профессионал спорт кийимлари, махсус техника ва транспорт воситалари, шунингдек, хоккей спорт турида фойдаланиладиган бошқа барча маҳсулотлар учун божхона божи тўловларидан (бундан божхона расмийлаштируви учун йиғимлар мустасно) озод қилинади.
Мазкур банддаги имтиёз ва шартлар Спорт вазирлиги ва унинг тизимидаги ташкилотлар, Ўзбекистон Миллий олимпия қўмитаси, Ўзбекистон Миллий паралимпия қўмитаси ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига ҳам татбиқ этилади.
11. Ўзбекистон Миллий телерадиокомпанияси Ўзбекистон Миллий ахборот агентлиги, Спорт вазирлиги, Ўзбекистон хоккей федерацияси билан биргаликда мазкур қарорнинг мазмун-моҳияти ва амалий аҳамиятини ёритишга оид мақолалар, брифинглар, тематик телекўрсатувлар ташкил этсин.
12. Спорт вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини самарали ташкил қилишга масъул ва шахсий жавобгар этиб Ўзбекистон Республикаси спорт вазири А.И. Икрамов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси департаменти раҳбари О.Қ. Абдурахманов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 23 сентябрь,
ПҚ-334-сон
Oʻzbekiston Respublikasi Prezidentining
qarori
Xokkey sport turini rivojlantirishning qoʻshimcha chora-tadbirlari toʻgʻrisida
Xokkey sport turini yanada ommalashtirish, iqtidorli sportchilarni saralab olish tizimini takomillashtirish, trener va hakamlarni xalqaro talablar asosida tayyorlash, shuningdek, xokkey sport turi boʻyicha infratuzilmani yaxshilash maqsadida:
1. Quyidagilar xokkey sport turini rivojlantirishning asosiy yoʻnalishlari etib belgilansin:
xokkey sport turi boʻyicha terma jamoalar va sport klublari uchun sport zaxirasini yaratish, iqtidorli sportchilarni saralash (seleksiya)ning raqamlashtirilgan tizimini joriy qilish;
xokkey sport turi boʻyicha malakali trenerlar, hakamlar va mutaxassislarni tayyorlash, qayta tayyorlash va ularning malakasini oshirish tizimini yanada takomillashtirish;
chet ellik mutaxassislar, trener va sportchilarni jalb etish hamda ular bilan oʻzaro hamkorlikni yanada kengaytirish;
xokkey sport turi boʻyicha infratuzilmani yanada yaxshilash hamda xalqaro talablarga muvofiqlashtirish.
2. Sport vazirligi Oliy taʼlim, fan va innovatsiyalar vazirligi, Iqtisodiyot va moliya vazirligi, Oʻzbekiston davlat jismoniy tarbiya va sport universiteti hamda Oʻzbekiston xokkey federatsiyasi bilan birgalikda 2025-yildan boshlab har yili:
xokkey sport turi boʻyicha xalqaro tashkilotlar va chet ellik mutaxassislar ishtirokida seminar-treninglar, shuningdek, ilmiy-amaliy anjumanlar oʻtkazib borsin;
Oʻzbekiston davlat jismoniy tarbiya va sport universitetining “Sport faoliyati” (xokkey)” bakalavriat taʼlim yoʻnalishi talabalarining xokkey klublari sport bazalarida amaliyotini tashkil etish choralarini koʻrsin.
3. 2025 — 2027-yillarda Toshkent shahridagi Olimpiya shaharchasi hududida Xokkey sport majmuasini (keyingi oʻrinlarda — Majmua) barpo etish belgilanganligi maʼlumot uchun qabul qilinsin.
4. Sport vazirligi, Davlat aktivlarini boshqarish agentligi, Oʻzbekiston Milliy olimpiya qoʻmitasi va Oʻzbekiston xokkey federatsiyasining:
Majmuani innovatsion texnologiyalarga asoslangan holda qimmat boʻlmagan va energiya tejovchi materiallardan zamonaviy muz saroyi bilan birgalikda barpo etish va foydalanishga topshirish;
Majmua qurib bitkazilgandan soʻng unga Oʻzbekiston xokkey federatsiyasini tekin foydalanish huquqi asosida joylashtirish va Majmuani saqlash xarajatlarini Oʻzbekiston xokkey federatsiyasi mablagʻlari hisobidan moliyalashtirish toʻgʻrisidagi takliflari maʼqullansin.
5. Belgilansinki:
Majmua 2025 — 2027-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida barpo etiladi;
Majmua xokkey sport turi boʻyicha terma jamoalar uchun oʻquv-mashgʻulot jarayonini va sport musobaqalarini oʻtkazish boʻyicha Oʻzbekiston xokkey federatsiyasining asosiy bazasi hisoblanadi;
sport maktablari va ixtisoslashtirilgan sport maktablariga oʻquvchilarning hujjatlarini qabul qilish hamda ularning oʻqishini koʻchirish boʻyicha davlat xizmatlarini koʻrsatish davlat xizmatlari markazlari yoki Yagona interaktiv davlat xizmatlari portali orqali 2024/2025 oʻquv yilidan boshlab tegishli moliya yili uchun ajratilgan mablagʻlar doirasida yil davomida amalga oshiriladi.
6. Sport vazirligi Majmua qurib bitkazilgandan soʻng uni belgilangan tartibda qabul qilib olish hamda Oʻzbekiston xokkey federatsiyasiga tekin foydalanish huquqi asosida berish choralarini koʻrsin.
7. Shunday tartib oʻrnatilsinki, unga muvofiq:
Oʻzbekiston xokkey federatsiyasi, xokkey sport turi boʻyicha sport klublari va nodavlat sport taʼlim tashkilotlari uchun foyda soligʻi uch yil muddatga 50 foizga kamaytiriladi;
Oʻzbekiston xokkey federatsiyasi, xokkey sport turi boʻyicha sport klublari va nodavlat sport taʼlim tashkilotlari faoliyatini moliyalashtirish uchun yuridik shaxslar tomonidan yoʻnaltiriladigan homiylik xayriyalari summasi foyda soligʻini hisoblashda soliq solinadigan bazadan chegirib tashlanadi.
8. Samarqand viloyati va Toshkent shahri hokimliklarining xokkey sport turi boʻyicha chet ellik mutaxassis va trenerlarni belgilangan tartibda Samarqand shahrida 2 ta hamda Toshkent shahrida 10 ta xizmat uylari bilan taʼminlash toʻgʻrisidagi takliflari maʼqullansin.
9. Belgilab qoʻyilsinki:
Oʻzbekiston xokkey federatsiyasi, xokkey sport turi boʻyicha sport klublari va nodavlat sport taʼlim tashkilotlari tomonidan Oʻzbekiston Respublikasiga xokkey sport turi boʻyicha jalb etiladigan chet ellik trener, sportchi va boshqa mutaxassislar uchun Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnoma tegishli toʻlovlarni undirmagan holda beriladi (uzaytiriladi);
2024 — 2029-yillarda Oʻzbekiston xokkey federatsiyasi moddiy-texnik bazasini mustahkamlash, xokkey boʻyicha bolalar va oʻsmirlar sportini yanada rivojlantirish, xorijiy mutaxassislarni jalb etgan holda ilgʻor ilmiy tajribalarni joriy etish hamda milliy terma jamoalar sportchilarini samarali tayyorlashni yoʻlga qoʻyish maqsadida har yil Davlat budjetidan 2 milliard soʻm mablagʻ Oʻzbekiston xokkey federatsiyasiga ajratiladi;
xokkey sport turi boʻyicha chet ellik sportchilar, trenerlar va boshqa mutaxassislarni yashash uchun mehmonxonalar va boshqa joylashtirish vositalariga joylashtirishda Oʻzbekiston xokkey federatsiyasi, xokkey sport turi boʻyicha sport klublari va nodavlat sport taʼlim tashkilotlari bilan tuzilgan shartnomalar boʻyicha turistik yigʻim undirilmaydi.
10. 2028-yil 1-yanvarga qadar Oʻzbekiston xokkey federatsiyasi, uning hududiy boʻlinmalari, shuningdek, xokkey sport turi boʻyicha sport klublari va nodavlat sport taʼlim tashkilotlari tomonidan belgilangan tartibda shakllantiriladigan roʻyxatlar boʻyicha olib kelinadigan hamda Oʻzbekiston Respublikasida ishlab chiqarilmaydigan sport asbob-uskunalari, inventarlari, translyatsiya qilish bilan bogʻliq barcha asbob-uskunalar va texnikalar, farmakologiya mahsulotlari, sport ozuqalari, maxsus professional sport kiyimlari, maxsus texnika va transport vositalari, shuningdek, xokkey sport turida foydalaniladigan boshqa barcha mahsulotlar uchun bojxona boji toʻlovlaridan (bundan bojxona rasmiylashtiruvi uchun yigʻimlar mustasno) ozod qilinadi.
Mazkur banddagi imtiyoz va shartlar Sport vazirligi va uning tizimidagi tashkilotlar, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklariga ham tatbiq etiladi.
11. Oʻzbekiston Milliy teleradiokompaniyasi Oʻzbekiston Milliy axborot agentligi, Sport vazirligi, Oʻzbekiston xokkey federatsiyasi bilan birgalikda mazkur qarorning mazmun-mohiyati va amaliy ahamiyatini yoritishga oid maqolalar, brifinglar, tematik telekoʻrsatuvlar tashkil etsin.
12. Sport vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini samarali tashkil qilishga masʼul va shaxsiy javobgar etib Oʻzbekiston Respublikasi sport vaziri A.I. Ikramov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 23-sentabr,
PQ-334-son
Президента Республики Узбекистан
Постановление
О дополнительных мерах по развитию вида спорта хоккей
В целях дальнейшей популяризации вида спорта хоккей, совершенствования системы отбора талантливых спортсменов, подготовки тренеров и судей на основе международных требований, а также улучшения инфраструктуры по виду спорта хоккей:
1. Определить основными направлениями развития вида спорта хоккей:
создание спортивного резерва для сборных команд и спортивных клубов по виду спорта хоккей, внедрение цифровизированной системы отбора (селекции) талантливых спортсменов;
дальнейшее совершенствование системы подготовки, переподготовки и повышения квалификации профессиональных тренеров, судей и специалистов по виду спорта хоккей;
привлечение зарубежных специалистов, тренеров и спортсменов, а также дальнейшее расширение взаимного сотрудничества с ними;
дальнейшее улучшение и приведение в соответствие с международными требованиями инфраструктуры по виду спорта хоккей.
2. Министерству спорта совместно с Министерством высшего образования, науки и инноваций, Министерством экономики и финансов, Узбекским государственным университетом физической культуры и спорта, а также Федерацией хоккея Узбекистана начиная с 2025 года ежегодно:
проводить семинары-тренинги, а также научно-практические конференции с участием международных организаций и зарубежных специалистов по виду спорта хоккей;
принимать меры по организации практики студентов направления образования бакалавриата «Спортивная деятельность (хоккей)» Узбекского государственного университета физической культуры и спорта на спортивных базах хоккейных клубов.
3. Принять к сведению, что в 2025 — 2027 годах на территории Олимпийского городка в городе Ташкенте определено строительство Хоккейного спортивного комплекса (далее — Комплекс).
4. Одобрить предложения Министерства спорта, Агентства по управлению государственными активами, Национального олимпийского комитета Узбекистана и Федерации хоккея Узбекистана:
о строительстве и сдаче в эксплуатацию Комплекса вместе с современным ледовым дворцом на основе инновационных технологий из недорогих и энергосберегающих материалов;
о размещении Федерации хоккея Узбекистана в Комплексе на основе права безвозмездного пользования после завершения его строительства, а также финансировании расходов на содержание Комплекса за счет средств Федерации хоккея Узбекистана.
5. Установить, что:
Комплекс будет построен в рамках Программы развития социальной и производственной инфраструктуры Республики Узбекистан на 2025 — 2027 годы;
Комплекс является основной базой Федерации хоккея Узбекистана по проведению учебно-тренировочного процесса и спортивных мероприятий для сборных команд по виду спорта хоккей;
начиная с 2024/2025 учебного года предоставление государственных услуг по приему документов учащихся в спортивные школы и специализированные спортивные школы, а также по переводу их учебы осуществляется через Центры государственных услуг или Единый портал интерактивных государственных услуг в течение года в рамках средств, выделенных на соответствующий финансовый год.
6. Министерству спорта принять меры по приемке Комплекса в установленном порядке после завершения его строительства и передаче Федерации хоккея Узбекистана на основе права безвозмездного пользования.
7. Установить порядок, в соответствии с которым:
для Федерации хоккея Узбекистана, спортивных клубов и негосударственных спортивных образовательных организаций по виду спорта хоккей налог на прибыль снижается на 50 процентов сроком на три года;
сумма средств в виде благотворительных пожертвований, направляемых юридическими лицами на финансирование деятельности Федерации хоккея Узбекистана, спортивных клубов и негосударственных спортивных образовательных организаций по виду спорта хоккей, вычитается из налогооблагаемой базы при исчислении налога на прибыль.
8. Одобрить предложения хокимиятов Самаркандской области и города Ташкента об обеспечении иностранных специалистов и тренеров по виду спорта хоккей 2 единицами служебного жилья в городе Самарканде и 10 единицами служебного жилья в городе Ташкенте в установленном порядке.
9. Установить, что:
иностранным тренерам, спортсменам и иным специалистам, привлекаемым в Республику Узбекистан Федерацией хоккея Узбекистана, спортивными клубами и негосударственными спортивными образовательными организациями по виду спорта хоккей, подтверждение на право трудовой деятельности на территории Республики Узбекистан выдается (продлевается) без взимания соответствующих сборов;
в целях укрепления материально-технической базы Федерации хоккея Узбекистана, дальнейшего развития детского и юношеского хоккея, внедрения передового научного опыта с привлечением зарубежных специалистов, а также налаживания эффективной подготовки спортсменов национальных сборных команд в 2024 — 2029 годах ежегодно Федерации хоккея Узбекистана выделяется 2 миллиарда сумов из Государственного бюджета;
при размещении для проживания иностранных спортсменов, тренеров и других специалистов по виду спорта хоккей в гостиницах и других средствах размещения туристический сбор по договорам, заключенным с Федерацией хоккея Узбекистана, спортивными клубами и негосударственными спортивными образовательными организациями по виду спорта хоккей, не взимается.
10. В срок до 1 января 2028 года ввозимые Федерацией хоккея Узбекистана, ее территориальными подразделениями, а также спортивными клубами и негосударственными спортивными образовательными организациями по виду спорта хоккей спортивное оборудование, инвентарь, все устройства и техника, предназначенные для трансляции, фармакологическая продукция, спортивное питание, специальная профессиональная спортивная экипировка, специальная техника и транспортные средства, а также все иные товары, используемые в виде спорта хоккей, по перечням, формируемым в установленном порядке, не производимые в Республике Узбекистан, освобождаются от таможенной пошлины (за исключением сборов за таможенное оформление).
Льготы и условия настоящего пункта применяются также к Министерству спорта и организациям в его системе, Национальному олимпийскому комитету Узбекистана, Национальному паралимпийскому комитету Узбекистана, а также Совету Министров Республики Каракалпакстан, хокимиятам областей и города Ташкента.
11. Национальной телерадиокомпании Узбекистана совместно с Национальным информационным агентством Узбекистана, Министерством спорта и Федерацией хоккея Узбекистана организовать публикацию статей, проведение брифингов и тематических телепередач, разъясняющих суть и практическое значение настоящего постановления.
12. Министерству спорта совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
13. Возложить на министра спорта А.И. Икрамова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и руководителя департамента Администрации Президента Республики Узбекистан О.К. Абдурахманова.
Президент Республики Узбекистан Ш. МИРЗИЁЕВ
г. Ташкент,
23 сентября 2024 г.,
№ ПП-334