📅 2024-yil 23-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 23 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 сентября 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 23 September 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАРКИБИ
Давлат пенсия таъминоти тизимини ислоҳ қилиш концепциясини ишлаб чиқиш бўйича ташкилий чора-тадбирлар тўғрисида
Аҳолини ижтимоий ҳимоя қилиш соҳасидаги ислоҳотларни изчил давом эттириш йўлида ўз ечимини кутаётган масалаларни ҳал этиш, фуқароларнинг давлат пенсия таъминоти тизими самарадорлигини ошириш ва натижадорликка йўналтириш орқали аҳоли фаровонлигини таъминлаш мақсадида Вазирлар Маҳкамаси қарор қилади:
1. Давлат пенсия таъминоти тизимини ислоҳ қилиш концепцияси лойиҳасини ишлаб чиқиш бўйича ишчи гуруҳ таркиби (кейинги ўринларда — Ишчи гуруҳ) иловага мувофиқ тасдиқлансин.
2. Ишчи гуруҳнинг асосий вазифалари этиб қуйидагилар белгилансин:
амалдаги давлат пенсия таъминоти тизимида мавжуд муаммоларни таҳлил қилиш ҳамда илғор хорижий тажриба асосида пенсия таъминоти тизимининг барқарорлигини таъминлаш ва ижтимоий адолатни мустаҳкамлашга қаратилган таклифларни тайёрлаш;
асослантирилган таклифларга мувофиқ 2025 йил 1 мартга қадар Давлат пенсия таъминоти тизимини ислоҳ қилиш концепцияси лойиҳасини ишлаб чиқиш ва Ўзбекистон Республикаси Президенти Администрациясига киритиш.
3. Ишчи гуруҳга:
белгиланган вазифаларни амалга оширишда вазирлик ва идоралар, илмий ва таълим ташкилотлари, халқаро ташкилотлар мутахассисларини, шунингдек, маҳаллий ҳамда хорижий эксперт ва маслаҳатчиларни жалб қилиш;
Давлат пенсия таъминоти тизимини ислоҳ қилиш концепцияси лойиҳаси бўйича тайёрланаётган таклифларнинг мазмун-моҳиятини оммавий ахборот воситалари ва ижтимоий тармоқлар орқали кенг ёритиб бориш ҳамда белгиланган вазифалар бўйича сўров ўтказилишини ташкил қилиш;
Ўзбекистон Республикасининг хориждаги дипломатик ваколатхоналарини жалб қилган ҳолда тегишли масалалар юзасидан нуфузли хорижий экспертлар, олимлар ва мутахассислар билан учрашувлар ва муҳокамалар ўтказиш;
ривожланган хорижий давлатлар тажрибасини ўрганиш мақсадида Ишчи гуруҳга жалб этилган мутахассисларни хорижга қисқа муддатли хизмат сафарига юбориш ҳуқуқи берилсин.
Белгилансинки, Ишчи гуруҳ аъзоларини хорижга қисқа муддатли хизмат сафарига юбориш билан боғлиқ харажатлар (транспорт, меҳмонхона, семинар ва ўқув курслари, кунлик ва бошқалар) Давлат хизматини ривожлантиришни қўллаб-қувватлаш жамғармаси маблағлари ҳисобидан қопланади.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Вазирлар Маҳкамасининг 2024 йил 23 сентябрдаги 600-сон қарорига ИЛОВА
Давлат пенсия таъминоти тизимини ислоҳ қилиш концепцияси лойиҳасини ишлаб чиқиш бўйича ишчи гуруҳ
1. Ж.А. Қўчқоров — Ўзбекистон Республикаси Бош вазирининг ўринбосари — иқтисодиёт ва молия вазири, ишчи гуруҳ раҳбари 2. И.И. Норқулов — иқтисодиёт ва молия вазирининг биринчи ўринбосари, ишчи гуруҳ раҳбари ўринбосари 3. Б.Б. Рахматов — Ўзбекистон Республикаси Президенти ҳузуридаги Стратегик ислоҳотлар агентлиги директори, ишчи гуруҳ раҳбари ўринбосари (келишув асосида) 4. О.Р. Фозилкаримов — иқтисодиёт ва молия вазирининг ўринбосари 5. Р.Э. Турдибоева — камбағалликни қисқартириш ва бандлик вазири ўринбосари 6. Ш.М. Рабиев — адлия вазири ўринбосари 7. Ш.В. Давронов — Ўзбекистон Республикаси Президенти Администрацияси масъул ходими (келишув асосида) 8. Ж.Р. Сиддиков — Ўзбекистон Республикаси Президенти Администрацияси масъул ходими (келишув асосида) 9. Ж.И. Абдиев — Вазирлар Маҳкамаси ҳузуридаги Солиқ қўмитаси раиси ўринбосари 10. Р.Д. Мухаммадиев — Миллий статистика қўмитаси раиси ўринбосари 11. Б.Х. Махмадалиев — Ўзбекистон касаба уюшмалари Федерацияси раиси ўринбосари 12. Халқаро валюта жамғармаси — келишувга кўра эксперт жалб қилинади 13. Осиё тараққиёт банки — келишувга кўра эксперт жалб қилинади 14. Халқаро меҳнат ташкилоти — келишувга кўра эксперт жалб қилинади 15. Б.Ж. Жумамуратов — Иқтисодиёт ва молия вазирлиги бошқарма бошлиғи, ишчи гуруҳ котиби
Ўзбекистон Республикасининг Бош вазири А. АРИПОВ
Тошкент ш.,
2024 йил 23 сентябрь,
600-сон
Oʻzbekiston Respublikasi Vazirlar Mahkamasining
qarori
TARKIBI
Davlat pensiya taʼminoti tizimini isloh qilish konsepsiyasini ishlab chiqish boʻyicha tashkiliy chora-tadbirlar toʻgʻrisida
Aholini ijtimoiy himoya qilish sohasidagi islohotlarni izchil davom ettirish yoʻlida oʻz yechimini kutayotgan masalalarni hal etish, fuqarolarning davlat pensiya taʼminoti tizimi samaradorligini oshirish va natijadorlikka yoʻnaltirish orqali aholi farovonligini taʼminlash maqsadida Vazirlar Mahkamasi qaror qiladi:
1. Davlat pensiya taʼminoti tizimini isloh qilish konsepsiyasi loyihasini ishlab chiqish boʻyicha ishchi guruh tarkibi (keyingi oʻrinlarda — Ishchi guruh) ilovaga muvofiq tasdiqlansin.
2. Ishchi guruhning asosiy vazifalari etib quyidagilar belgilansin:
amaldagi davlat pensiya taʼminoti tizimida mavjud muammolarni tahlil qilish hamda ilgʻor xorijiy tajriba asosida pensiya taʼminoti tizimining barqarorligini taʼminlash va ijtimoiy adolatni mustahkamlashga qaratilgan takliflarni tayyorlash;
asoslantirilgan takliflarga muvofiq 2025-yil 1-martga qadar Davlat pensiya taʼminoti tizimini isloh qilish konsepsiyasi loyihasini ishlab chiqish va Oʻzbekiston Respublikasi Prezidenti Administratsiyasiga kiritish.
3. Ishchi guruhga:
belgilangan vazifalarni amalga oshirishda vazirlik va idoralar, ilmiy va taʼlim tashkilotlari, xalqaro tashkilotlar mutaxassislarini, shuningdek, mahalliy hamda xorijiy ekspert va maslahatchilarni jalb qilish;
Davlat pensiya taʼminoti tizimini isloh qilish konsepsiyasi loyihasi boʻyicha tayyorlanayotgan takliflarning mazmun-mohiyatini ommaviy axborot vositalari va ijtimoiy tarmoqlar orqali keng yoritib borish hamda belgilangan vazifalar boʻyicha soʻrov oʻtkazilishini tashkil qilish;
Oʻzbekiston Respublikasining xorijdagi diplomatik vakolatxonalarini jalb qilgan holda tegishli masalalar yuzasidan nufuzli xorijiy ekspertlar, olimlar va mutaxassislar bilan uchrashuvlar va muhokamalar oʻtkazish;
rivojlangan xorijiy davlatlar tajribasini oʻrganish maqsadida Ishchi guruhga jalb etilgan mutaxassislarni xorijga qisqa muddatli xizmat safariga yuborish huquqi berilsin.
Belgilansinki, Ishchi guruh aʼzolarini xorijga qisqa muddatli xizmat safariga yuborish bilan bogʻliq xarajatlar (transport, mehmonxona, seminar va oʻquv kurslari, kunlik va boshqalar) Davlat xizmatini rivojlantirishni qoʻllab-quvvatlash jamgʻarmasi mablagʻlari hisobidan qoplanadi.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Vazirlar Mahkamasining 2024-yil 23-sentabrdagi 600-son qaroriga ILOVA
Davlat pensiya taʼminoti tizimini isloh qilish konsepsiyasi loyihasini ishlab chiqish boʻyicha ishchi guruh
1. J.A. Qoʻchqorov — Oʻzbekiston Respublikasi Bosh vazirining oʻrinbosari — iqtisodiyot va moliya vaziri, ishchi guruh rahbari 2. I.I. Norqulov — iqtisodiyot va moliya vazirining birinchi oʻrinbosari, ishchi guruh rahbari oʻrinbosari 3. B.B. Raxmatov — Oʻzbekiston Respublikasi Prezidenti huzuridagi Strategik islohotlar agentligi direktori, ishchi guruh rahbari oʻrinbosari (kelishuv asosida) 4. O.R. Fozilkarimov — iqtisodiyot va moliya vazirining oʻrinbosari 5. R.E. Turdiboyeva — kambagʻallikni qisqartirish va bandlik vaziri oʻrinbosari 6. Sh.M. Rabiyev — adliya vaziri oʻrinbosari 7. Sh.V. Davronov — Oʻzbekiston Respublikasi Prezidenti Administratsiyasi masʼul xodimi (kelishuv asosida) 8. J.R. Siddikov — Oʻzbekiston Respublikasi Prezidenti Administratsiyasi masʼul xodimi (kelishuv asosida) 9. J.I. Abdiyev — Vazirlar Mahkamasi huzuridagi Soliq qoʻmitasi raisi oʻrinbosari 10. R.D. Muxammadiyev — Milliy statistika qoʻmitasi raisi oʻrinbosari 11. B.X. Maxmadaliyev — Oʻzbekiston kasaba uyushmalari Federatsiyasi raisi oʻrinbosari 12. Xalqaro valyuta jamgʻarmasi — kelishuvga koʻra ekspert jalb qilinadi 13. Osiyo taraqqiyot banki — kelishuvga koʻra ekspert jalb qilinadi 14. Xalqaro mehnat tashkiloti — kelishuvga koʻra ekspert jalb qilinadi 15. B.J. Jumamuratov — Iqtisodiyot va moliya vazirligi boshqarma boshligʻi, ishchi guruh kotibi
Oʻzbekiston Respublikasining Bosh vaziri A. ARIPOV
Toshkent sh.,
2024-yil 23-sentabr,
600-son