UzbekAI

Ўзбекистон Республикаси сув хўжалиги вазирининг

буйруғи

Гидротехника иншоотларининг хавфсизлиги қоидаларига ўзгартириш ва қўшимчалар киритиш тўғрисида

Ўзбекистон Республикасининг « Гидротехника иншоотларининг хавфсизлиги тўғрисида »ги, « Аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш тўғрисида »ги қонунлари, Ўзбекистон Республикаси Вазирлар Маҳкамасининг 2023 йил 11 августдаги 361-сон « Фавқулодда вазият рўй бериш хавфи ёки фавқулодда вазият рўй берганлиги ҳақида хабар беришнинг автоматлаштирилган тизимини ривожлантириш ҳамда ундан самарали фойдаланишни ташкил этиш тўғрисида »ги ҳамда 2024 йил 13 январдаги 26-сон « Ўзбекистон Республикасининг «Гидротехника иншоотларининг хавфсизлиги тўғрисида»ги Қонуни қабул қилинганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш ҳақида »ги қарорларига мувофиқ буюраман:

1. Ўзбекистон Республикаси фавқулодда вазиятлар вазирининг 2018 йил 7 июндаги 342-сон буйруғи (рўйхат рақами 3039, 2018 йил 16 июль) (Қонун ҳужжатлари маълумотлари миллий базаси, 17.07.2018 й., 10/18/3039/1523-сон) билан тасдиқланган Гидротехника иншоотларининг хавфсизлиги қоидаларига иловага мувофиқ ўзгартириш ва қўшимчалар киритилсин.

2. Мазкур буйруқ Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Фавқулодда вазиятлар вазирлиги, Мудофаа вазирлиги, Қурилиш ва уй-жой коммунал хўжалиги вазирлиги ва Миллий гвардия билан келишилган.

3. Мазкур буйруқ расмий эълон қилинган кундан эътиборан кучга киради.

Келишилди:

Ўзбекистон Республикаси сув хўжалиги вазирининг 2024 йил 4 сентябрдаги 01/21-3173-сон буйруғига ИЛОВА

Гидротехника иншоотларининг хавфсизлиги қоидаларига киритилаётган ўзгартириш ва қўшимчалар

1. 1-банднинг иккинчи — олтинчи хатбошилари қуйидаги таҳрирда баён этилсин:

« ГТИ — сув омборлари тўғонлари, дарёлар, сойлар, каналлар ва коллекторлардаги тўғонлар, дарёларнинг ўзанларини тўсувчи иншоотлар, сув олиш, сув ўтказиш, сув ташлаш ҳамда қирғоқларни ҳимоя қилиш иншоотлари, гидроэлектростанциялар, насос станциялари;

фойдаланувчи ташкилот — балансида ГТИ мавжуд бўлган ёки ундан фойдаланиш ҳуқуқига эга бўлган ташкилот;

табиий ҳамда техноген хусусиятли фавқулодда вазият (бундан буён матнда фавқулодда вазият деб юритилади) — муайян ҳудудда одамлар қурбон бўлишига, одамларнинг соғлиғига ёки атроф табиий муҳитга зарар етишига, жиддий моддий талафотларга ҳамда одамларнинг ҳаёт фаолияти шароитлари бузилишига олиб келиши мумкин бўлган ёки олиб келган авария, ҳалокат, хавфли табиий ҳодиса, табиий офат ёхуд бошқа офат натижасида, карантинли ва инсон учун хавфли бўлган бошқа юқумли касалликлар тарқалиши натижасида юзага келган вазиятлар;

ГТИнинг хавфсизлиги — ГТИнинг фуқаролар ҳаёти, соғлиғи ва қонуний манфаатлари, жисмоний ҳамда юридик шахсларнинг мол-мулки, атроф-муҳит ва хўжалик объектлари ҳимоя қилинишини таъминлаш имконини берувчи ҳолати;

ГТИнинг хавфсизлиги мезонлари — ГТИ ҳолатининг ва улардан фойдаланиш шартларининг ГТИ аварияси хавфининг йўл қўйиладиган даражасига мувофиқ бўлган миқдор ва сифат кўрсаткичларининг чекланган қиймати.».

2. 3-банд «ГТИларнинг» деган сўздан кейин «давлат» деган сўз билан тўлдирилсин.

3. 14-банд қуйидаги таҳрирда баён этилсин:

«14. Ўзбекистон Республикаси Миллий гвардияси ва Ўзбекистон Республикаси Мудофаа вазирлиги қўриқланадиган объектларда ГТИнинг қўриқланишини шартнома асосида таъминлайди.».

4. 37-банднинг ўн олтинчи хатбошиси «ГТИнинг» деган сўздан кейин «давлат» деган сўз билан тўлдирилсин.

5. 94-банд қуйидаги таҳрирда баён этилсин:

«94. ГТИдаги алоқа ва огоҳлантириш сигнал тизимларининг ҳолати барча шароитларда фавқулодда вазиятлар тўғрисида тезкор хабар бериш ҳамда фуқаро муҳофазаси тадбирларини ўтказиш даврида фуқаро муҳофазаси органлари ва кучларини хабардор этиш имкониятини таъминлаши керак.».

6. 2-илованинг матнидаги «Давсувхўжаликназорат» давлат инспекцияси» деган сўзлар «Сувхўжаликназорат» инспекцияси» деган сўзлар билан алмаштирилсин.

Вазир Ш. ХАМРАЕВ

Мудофаа вазири Б. КУРБАНОВ

Қурилиш ва уй-жой коммунал хўжалиги вазири в.б. С. ХИДОЯТОВ

Фавқулодда вазиятлар вазири А. КУЛДАШЕВ

Экология, атроф-муҳитни муҳофаза қилиш ва иқлим ўзгариши вазири А. АБДУХАКИМОВ

Ўзбекистон Республикаси Миллий гвардияси қўмондони Р. ЖУРАЕВ

Тошкент ш.,

2024 йил 4 сентябрь,

2024 йил 22 август

2024 йил 24 август

2024 йил 17 август

2024 йил 20 август

2024 йил 13 август

01/21-3173-сон

(Қонунчилик маълумотлари миллий базаси, 27.09.2024 й., 10/24/3039-2/0754-сон)

Oʻzbekiston Respublikasi suv xoʻjaligi vazirining

buyrugʻi

Gidrotexnika inshootlarining xavfsizligi qoidalariga oʻzgartirish va qoʻshimchalar kiritish toʻgʻrisida

Oʻzbekiston Respublikasining “ Gidrotexnika inshootlarining xavfsizligi toʻgʻrisida ”gi, “ Aholini va hududlarni tabiiy hamda texnogen xususiyatli favqulodda vaziyatlardan muhofaza qilish toʻgʻrisida ”gi qonunlari, Oʻzbekiston Respublikasi Vazirlar Mahkamasining 2023-yil 11-avgustdagi 361-son “ Favqulodda vaziyat roʻy berish xavfi yoki favqulodda vaziyat roʻy berganligi haqida xabar berishning avtomatlashtirilgan tizimini rivojlantirish hamda undan samarali foydalanishni tashkil etish toʻgʻrisida ”gi hamda 2024-yil 13-yanvardagi 26-son “ Oʻzbekiston Respublikasining “Gidrotexnika inshootlarining xavfsizligi toʻgʻrisida”gi Qonuni qabul qilinganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish haqida ”gi qarorlariga muvofiq buyuraman:

1. Oʻzbekiston Respublikasi favqulodda vaziyatlar vazirining 2018-yil 7-iyundagi 342-son buyrugʻi (roʻyxat raqami 3039, 2018-yil 16-iyul) (Qonun hujjatlari maʼlumotlari milliy bazasi, 17.07.2018-y., 10/18/3039/1523-son) bilan tasdiqlangan Gidrotexnika inshootlarining xavfsizligi qoidalariga ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Favqulodda vaziyatlar vazirligi, Mudofaa vazirligi, Qurilish va uy-joy kommunal xoʻjaligi vazirligi va Milliy gvardiya bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi suv xoʻjaligi vazirining 2024-yil 4-sentabrdagi 01/21-3173-son buyrugʻiga ILOVA

Gidrotexnika inshootlarining xavfsizligi qoidalariga kiritilayotgan oʻzgartirish va qoʻshimchalar

1. 1-bandning ikkinchi — oltinchi xatboshilari quyidagi tahrirda bayon etilsin:

“ GTI — suv omborlari toʻgʻonlari, daryolar, soylar, kanallar va kollektorlardagi toʻgʻonlar, daryolarning oʻzanlarini toʻsuvchi inshootlar, suv olish, suv oʻtkazish, suv tashlash hamda qirgʻoqlarni himoya qilish inshootlari, gidroelektrostansiyalar, nasos stansiyalari;

foydalanuvchi tashkilot — balansida GTI mavjud boʻlgan yoki undan foydalanish huquqiga ega boʻlgan tashkilot;

tabiiy hamda texnogen xususiyatli favqulodda vaziyat (bundan buyon matnda favqulodda vaziyat deb yuritiladi) — muayyan hududda odamlar qurbon boʻlishiga, odamlarning sogʻligʻiga yoki atrof tabiiy muhitga zarar yetishiga, jiddiy moddiy talafotlarga hamda odamlarning hayot faoliyati sharoitlari buzilishiga olib kelishi mumkin boʻlgan yoki olib kelgan avariya, halokat, xavfli tabiiy hodisa, tabiiy ofat yoxud boshqa ofat natijasida, karantinli va inson uchun xavfli boʻlgan boshqa yuqumli kasalliklar tarqalishi natijasida yuzaga kelgan vaziyatlar;

GTIning xavfsizligi — GTIning fuqarolar hayoti, sogʻligʻi va qonuniy manfaatlari, jismoniy hamda yuridik shaxslarning mol-mulki, atrof-muhit va xoʻjalik obyektlari himoya qilinishini taʼminlash imkonini beruvchi holati;

GTIning xavfsizligi mezonlari — GTI holatining va ulardan foydalanish shartlarining GTI avariyasi xavfining yoʻl qoʻyiladigan darajasiga muvofiq boʻlgan miqdor va sifat koʻrsatkichlarining cheklangan qiymati.”.

2. 3-band “GTIlarning” degan soʻzdan keyin “davlat” degan soʻz bilan toʻldirilsin.

3. 14-band quyidagi tahrirda bayon etilsin:

“14. Oʻzbekiston Respublikasi Milliy gvardiyasi va Oʻzbekiston Respublikasi Mudofaa vazirligi qoʻriqlanadigan obyektlarda GTIning qoʻriqlanishini shartnoma asosida taʼminlaydi.”.

4. 37-bandning oʻn oltinchi xatboshisi “GTIning” degan soʻzdan keyin “davlat” degan soʻz bilan toʻldirilsin.

5. 94-band quyidagi tahrirda bayon etilsin:

“94. GTIdagi aloqa va ogohlantirish signal tizimlarining holati barcha sharoitlarda favqulodda vaziyatlar toʻgʻrisida tezkor xabar berish hamda fuqaro muhofazasi tadbirlarini oʻtkazish davrida fuqaro muhofazasi organlari va kuchlarini xabardor etish imkoniyatini taʼminlashi kerak.”.

6. 2-ilovaning matnidagi “Davsuvxoʻjaliknazorat” davlat inspeksiyasi” degan soʻzlar “Suvxoʻjaliknazorat” inspeksiyasi” degan soʻzlar bilan almashtirilsin.

Vazir Sh. XAMRAYEV

Mudofaa vaziri B. KURBANOV

Qurilish va uy-joy kommunal xoʻjaligi vaziri v.b. S. XIDOYATOV

Favqulodda vaziyatlar vaziri A. KULDASHEV

Ekologiya, atrof-muhitni muhofaza qilish va iqlim oʻzgarishi vaziri A. ABDUXAKIMOV

Oʻzbekiston Respublikasi Milliy gvardiyasi qoʻmondoni R. JURAYEV

Toshkent sh.,

2024-yil 4-sentabr,

2024-yil 22-avgust

2024-yil 24-avgust

2024-yil 17-avgust

2024-yil 20-avgust

2024-yil 13-avgust

01/21-3173-son

(Qonunchilik maʼlumotlari milliy bazasi, 27.09.2024-y., 10/24/3039-2/0754-son)