📅 2024-yil 9-sentabr · Vazirlik va idoralar hujjatlari · Sogʻliqni saqlash vazirligi ichki ishlar vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 9 сентябрь · Вазирлик ва идоралар ҳужжатлари · Соғлиқни сақлаш вазирлиги ички ишлар вазирлиги
Расмий матн. Расмий ҳужжат. Таҳририй изоҳлар киритилмаган.
📅 9 сентября 2024 г. · Документы министерств и ведомств · Министерства здравоохранения Министерства внутренних дел
Официальный текст. Официальный документ. Редакционные примечания не включены.
📅 9 September 2024 · Ministry and agency documents · Sogʻliqni saqlash vazirligi ichki ishlar vazirligi
Official text. Official document. Editorial notes are not included.
ЎЗБЕКИСТОН РЕСПУБЛИКАСИ СОҒЛИҚНИ САҚЛАШ ВАЗИРЛИГИ ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИНИНГ
Қарори
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомга ўзгартиришлар киритиш ҳақида
Ўзбекистон Республикасининг «Йўл ҳаракати тўғрисида»ги Қонуни , Ўзбекистон Республикаси Президентининг 2023 йил 24 майдаги ПҚ-162-сон «Рақамли хизматлар қамрови ва сифатини ошириш ҳамда соҳа, тармоқ ва ҳудудларни рақамли трансформация қилиш чора-тадбирлари тўғрисида»ги қарори ҳамда Ўзбекистон Республикаси Вазирлар Маҳкамасининг 2022 йил 20 июлдаги 393-сон «Автомототранспорт воситалари ҳайдовчиларини тайёрлаш, қайта тайёрлаш ва малакасини ошириш ҳамда уларни имтиҳондан ўтказиш тизимини тубдан такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Соғлиқни сақлаш вазирлиги ва Ички ишлар вазирлиги қарор қилади:
1. Ўзбекистон Республикаси Соғлиқни сақлаш вазирлиги ва Ички ишлар вазирлигининг 2013 йил 11 июндаги 16 ва 14-сон қарори (рўйхат рақами 2472, 2013 йил 27 июнь) (Ўзбекистон Республикаси қонун ҳужжатлари тўплами, 2013 й., 26-сон, 343-модда) билан тасдиқланган Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомга иловага мувофиқ ўзгартиришлар киритилсин.
2. Мазкур қарор Ўзбекистон Республикаси Камбағалликни қисқартириш ва бандлик вазирлиги билан келишилган.
3. Мазкур қарор расмий эълон қилинган кундан эътиборан кучга киради.
Келишилган:
Ўзбекистон Республикаси Соғлиқни сақлаш вазирлиги ва Ички ишлар вазирлигининг 2024 йил 9 сентябрдаги 29, 21-сон қарорига ИЛОВА
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомга киритилаётган ўзгартиришлар
1. 3-банд қуйидаги таҳрирда баён этилсин:
«3. Ҳайдовчиликка номзодлар тегишли тоифадаги транспорт воситасини бошқариш ҳуқуқини олиш учун мажбурий равишда дастлабки тиббий кўрикдан, транспорт воситаларининг ҳайдовчилари эса мажбурий равишда даврий тиббий кўрикдан ўтказилади.».
2. 6-банд қуйидаги таҳрирда баён этилсин:
«6. Тиббий комиссия қуйидаги таркибда тиббиёт ташкилоти раҳбариятининг буйруғига асосан ташкил этилади:
терапевт;
нарколог;
психиатр;
кардиолог;
травматолог-ортопед;
жарроҳ;
невропатолог;
офталмолог;
котиб.».
3. 9-банд қуйидаги таҳрирда баён этилсин:
«9. Тиббий кўрикдан ўтган шахсларга мазкур Низомнинг иловасига мувофиқ 083/ҳ шаклдаги электрон тиббий маълумотнома (бундан буён матнда 083/ҳ шаклдаги тиббий маълумотнома деб юритилади) берилади ва ушбу тиббий маълумотномада тиббий кўрик натижалари кўрсатиб ўтилади. Бунда, 083/ҳ шаклдаги тиббий маълумотнома Ўзбекистон Республикаси Ягона интерактив давлат хизматлари портали орқали юклаб олинади.».
4. 13-банд қуйидаги таҳрирда баён этилсин:
«13. Тиббий кўрикдан ўтаётган шахслар флюорографик текширувидан, RW қон текширувидан ва Ўзбекистон Республикасининг «Йўл ҳаракати тўғрисида»ги Қонуни билан тасдиқланган Транспорт воситаларини бошқаришга доир тиббий қарши кўрсатмалар рўйхати (бундан буён матнда Тиббий қарши кўрсатмалар деб юритилади) бўйича қуйидаги мутахассислар кўригидан ўтишлари шарт:
терапевт;
нарколог;
психиатр;
кардиолог;
травматолог-ортопед;
жарроҳ;
невропатолог;
офталмолог.
Тиббий кўрикдан ўтаётган 55 ва ундан ортиқ ёшдаги шахслар ЭКГ текширувидан ҳам ўтишлари шарт.
Ўтган бир йил мобайнида флюорографик текширувидан ўтган шахслар қўшимча равишда флюорографик текширувидан ўтишлари талаб этилмайди. Бунда охирги флюорографик текшируви натижалари тақдим этилиши лозим.».
5. 20-банд қуйидаги таҳрирда баён этилсин:
«20. Ҳайдовчиларнинг транспорт воситаларини бошқаришга яроқлилигини тиббий кўрикдан ўтказиш Тиббий қарши кўрсатмалар рўйхатига асосан амалга оширилади.».
6. 22-банддаги «тиббий монеликлар рўйхатларига» деган сўзлар «Тиббий қарши кўрсатмалар рўйхатига» деган сўзлар билан алмаштирилсин.
7. 23-банддаги «тиббий монеликлар рўйхатларининг» деган сўзлар «Тиббий қарши кўрсатмалар рўйхатининг» деган сўзлар билан алмаштирилсин.
8. 24-банд қуйидаги таҳрирда баён этилсин:
«24. 083/ҳ шаклдаги тиббий маълумотнома транспорт воситасини бошқаришга яроқлилик тўғрисидаги асосий тиббий ҳужжат бўлиб, тиббий комиссия раиси томонидан тўлдирилади ва тасдиқланади.
Ҳайдовчи ва ҳайдовчиликка номзодлар томонидан тақдим қилинган ҳужжатлар ҳамда 083/ҳ шаклдаги тиббий маълумотномалар нусхаси Ўзбекистон Республикаси Соғлиқни сақлаш вазирлигининг маълумотларни сақлаш ва қайта ишлаш марказида (Data center) сақланади.».
9. 25-банднинг биринчи хатбошисидаги «Тиббий монеликлар рўйхатларида» деган сўзлар «Тиббий қарши кўрсатмалар рўйхатида» деган сўзлар билан алмаштирилсин.
10. 28-банд қуйидаги таҳрирда баён этилсин:
«28. Транспорт воситаларини бошқаришга яроқли деб топилган шахсларга 083/ҳ шаклдаги тиббий маълумотнома берилади. Маълумотномада унинг ҳақиқий эканлигини текшириш имконини берувчи QR-код (матрик штрихли код) бўлади.».
11. 31-банд ўз кучини йўқотган деб топилсин.
12. 1-илова мазкур ўзгартиришларнинг иловасига мувофиқ таҳрирда баён этилсин.
13. 2 ва 3-иловалар ўз кучини йўқотган деб топилсин.
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомга киритилаётган ўзгартиришларга ИЛОВА
«Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомга ИЛОВА
ЎЗБЕКИСТОН РЕСПУБЛИКАСИ СОҒЛИҚНИ САҚЛАШ ВАЗИРЛИГИ (Ўзбекистон Республикаси давлат гербининг тасвири) ЎЗБЕКИСТОН РЕСПУБЛИКАСИ СОҒЛИҚНИ САҚЛАШ ВАЗИРЛИГИ Ҳайдовчининг (ҳайдовчиликка номзоднинг) тиббий кўрикдан ўтказиш натижалари бўйича МАЪЛУМОТНОМА № Тиббий муассаса номи: (Тиббий кўрик ўтказувчи ташкилотнинг номи) Ф.И.О. (Олувчининг Ф.И.О.) ЖШШИР (Жисмоний шахснинг шахсий идентификация рақами) Паспорт ёки ID-карта серияси ва рақами (Серия ва рақам) Туғилган санаси ва ёши (кк.оо.йййй (ёш)) Яшаш жойи (Доимий рўйхатдан ўтган манзили) Иш жойи (Ташкилот номи) Тиббий кўрикдан ўтказиш санаси (кк.оо.йййй) Тиббий кўрик натижалари бўйича ХУЛОСА* 1. «A» тоифадаги транспорт воситасини бошқаришга 2. «B» тоифадаги транспорт воситасини бошқаришга 3. «C» тоифадаги транспорт воситасини бошқаришга 4. «D» тоифадаги транспорт воситасини бошқаришга 5. «E» тоифадаги транспорт воситасини бошқаришга 6. Трамвай бошқаришга 7. Троллейбус бошқаришга 8. Ёлланиб ишлашга 9. Алоҳида белгилар Ушбу маълумотноманинг амал қилиш муддати кк.оо.йййй гача. Комиссия раиси (Ф.И.О) Ҳужжатни имзолаган тиббий комиссия таркиби (Ф.И.О.) (Ҳужжатнинг ҳақиқийлигини тасдиқловчи QR-код) (Ҳужжат ноёб рақами) QR-код сканер қилинганда, ушбу ҳужжатнинг нусхаси Ўзбекистон Республикаси Соғлиқни сақлаш вазирлигининг расмий ахборот ресурсидан ssv.uz домени орқали генерация қилинади. 083/ҳ шаклдаги тиббий маълумотнома
Соғлиқни сақлаш вазири А. ХУДАЯРОВ
Ички ишлар вазири П. БОБОЖОНОВ
Ўзбекистон Республикаси Камбағалликни қисқартириш ва бандлик вазири Б. МУСАЕВ
Тошкент ш.,
2024 йил 9 сентябрь,
Тошкент ш.,
2024 йил 9 сентябрь,
2024 йил 5 сентябрь
29-сон
21-сон
OʻZBEKISTON RESPUBLIKASI SOGʻLIQNI SAQLASH VAZIRLIGI OʻZBEKISTON RESPUBLIKASI ICHKI ISHLAR VAZIRLIGINING
Qarori
Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasining “Yoʻl harakati toʻgʻrisida”gi Qonuni , Oʻzbekiston Respublikasi Prezidentining 2023-yil 24-maydagi PQ-162-son “Raqamli xizmatlar qamrovi va sifatini oshirish hamda soha, tarmoq va hududlarni raqamli transformatsiya qilish chora-tadbirlari toʻgʻrisida”gi qarori hamda Oʻzbekiston Respublikasi Vazirlar Mahkamasining 2022-yil 20-iyuldagi 393-son “Avtomototransport vositalari haydovchilarini tayyorlash, qayta tayyorlash va malakasini oshirish hamda ularni imtihondan oʻtkazish tizimini tubdan takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Sogʻliqni saqlash vazirligi va Ichki ishlar vazirligi qaror qiladi:
1. Oʻzbekiston Respublikasi Sogʻliqni saqlash vazirligi va Ichki ishlar vazirligining 2013-yil 11-iyundagi 16 va 14-son qarori (roʻyxat raqami 2472, 2013-yil 27-iyun) (Oʻzbekiston Respublikasi qonun hujjatlari toʻplami, 2013-y., 26-son, 343-modda) bilan tasdiqlangan Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror Oʻzbekiston Respublikasi Kambagʻallikni qisqartirish va bandlik vazirligi bilan kelishilgan.
3. Mazkur qaror rasmiy eʼlon qilingan kundan eʼtiboran kuchga kiradi.
Kelishilgan:
Oʻzbekiston Respublikasi Sogʻliqni saqlash vazirligi va Ichki ishlar vazirligining 2024-yil 9-sentabrdagi 29, 21-son qaroriga ILOVA
Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga kiritilayotgan oʻzgartirishlar
1. 3-band quyidagi tahrirda bayon etilsin:
“3. Haydovchilikka nomzodlar tegishli toifadagi transport vositasini boshqarish huquqini olish uchun majburiy ravishda dastlabki tibbiy koʻrikdan, transport vositalarining haydovchilari esa majburiy ravishda davriy tibbiy koʻrikdan oʻtkaziladi.”.
2. 6-band quyidagi tahrirda bayon etilsin:
“6. Tibbiy komissiya quyidagi tarkibda tibbiyot tashkiloti rahbariyatining buyrugʻiga asosan tashkil etiladi:
terapevt;
narkolog;
psixiatr;
kardiolog;
travmatolog-ortoped;
jarroh;
nevropatolog;
oftalmolog;
kotib.”.
3. 9-band quyidagi tahrirda bayon etilsin:
“9. Tibbiy koʻrikdan oʻtgan shaxslarga mazkur Nizomning ilovasiga muvofiq 083/h shakldagi elektron tibbiy maʼlumotnoma (bundan buyon matnda 083/h shakldagi tibbiy maʼlumotnoma deb yuritiladi) beriladi va ushbu tibbiy maʼlumotnomada tibbiy koʻrik natijalari koʻrsatib oʻtiladi. Bunda, 083/h shakldagi tibbiy maʼlumotnoma Oʻzbekiston Respublikasi Yagona interaktiv davlat xizmatlari portali orqali yuklab olinadi.”.
4. 13-band quyidagi tahrirda bayon etilsin:
“13. Tibbiy koʻrikdan oʻtayotgan shaxslar flyuorografik tekshiruvidan, RW qon tekshiruvidan va Oʻzbekiston Respublikasining “Yoʻl harakati toʻgʻrisida”gi Qonuni bilan tasdiqlangan Transport vositalarini boshqarishga doir tibbiy qarshi koʻrsatmalar roʻyxati (bundan buyon matnda Tibbiy qarshi koʻrsatmalar deb yuritiladi) boʻyicha quyidagi mutaxassislar koʻrigidan oʻtishlari shart:
terapevt;
narkolog;
psixiatr;
kardiolog;
travmatolog-ortoped;
jarroh;
nevropatolog;
oftalmolog.
Tibbiy koʻrikdan oʻtayotgan 55 va undan ortiq yoshdagi shaxslar EKG tekshiruvidan ham oʻtishlari shart.
Oʻtgan bir yil mobaynida flyuorografik tekshiruvidan oʻtgan shaxslar qoʻshimcha ravishda flyuorografik tekshiruvidan oʻtishlari talab etilmaydi. Bunda oxirgi flyuorografik tekshiruvi natijalari taqdim etilishi lozim.”.
5. 20-band quyidagi tahrirda bayon etilsin:
“20. Haydovchilarning transport vositalarini boshqarishga yaroqliligini tibbiy koʻrikdan oʻtkazish Tibbiy qarshi koʻrsatmalar roʻyxatiga asosan amalga oshiriladi.”.
6. 22-banddagi “tibbiy moneliklar roʻyxatlariga” degan soʻzlar “Tibbiy qarshi koʻrsatmalar roʻyxatiga” degan soʻzlar bilan almashtirilsin.
7. 23-banddagi “tibbiy moneliklar roʻyxatlarining” degan soʻzlar “Tibbiy qarshi koʻrsatmalar roʻyxatining” degan soʻzlar bilan almashtirilsin.
8. 24-band quyidagi tahrirda bayon etilsin:
“24. 083/h shakldagi tibbiy maʼlumotnoma transport vositasini boshqarishga yaroqlilik toʻgʻrisidagi asosiy tibbiy hujjat boʻlib, tibbiy komissiya raisi tomonidan toʻldiriladi va tasdiqlanadi.
Haydovchi va haydovchilikka nomzodlar tomonidan taqdim qilingan hujjatlar hamda 083/h shakldagi tibbiy maʼlumotnomalar nusxasi Oʻzbekiston Respublikasi Sogʻliqni saqlash vazirligining maʼlumotlarni saqlash va qayta ishlash markazida (Data center) saqlanadi.”.
9. 25-bandning birinchi xatboshisidagi “Tibbiy moneliklar roʻyxatlarida” degan soʻzlar “Tibbiy qarshi koʻrsatmalar roʻyxatida” degan soʻzlar bilan almashtirilsin.
10. 28-band quyidagi tahrirda bayon etilsin:
“28. Transport vositalarini boshqarishga yaroqli deb topilgan shaxslarga 083/h shakldagi tibbiy maʼlumotnoma beriladi. Maʼlumotnomada uning haqiqiy ekanligini tekshirish imkonini beruvchi QR-kod (matrik shtrixli kod) boʻladi.”.
11. 31-band oʻz kuchini yoʻqotgan deb topilsin.
12. 1-ilova mazkur oʻzgartirishlarning ilovasiga muvofiq tahrirda bayon etilsin.
13. 2 va 3-ilovalar oʻz kuchini yoʻqotgan deb topilsin.
Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga kiritilayotgan oʻzgartirishlarga ILOVA
“Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga ILOVA
OʻZBEKISTON RESPUBLIKASI SOGʻLIQNI SAQLASH VAZIRLIGI (Oʻzbekiston Respublikasi davlat gerbining tasviri) OʻZBEKISTON RESPUBLIKASI SOGʻLIQNI SAQLASH VAZIRLIGI Haydovchining (haydovchilikka nomzodning) tibbiy koʻrikdan oʻtkazish natijalari boʻyicha MAʼLUMOTNOMA № Tibbiy muassasa nomi: (Tibbiy koʻrik oʻtkazuvchi tashkilotning nomi) F.I.O. (Oluvchining F.I.O.) JSHSHIR (Jismoniy shaxsning shaxsiy identifikatsiya raqami) Pasport yoki ID-karta seriyasi va raqami (Seriya va raqam) Tugʻilgan sanasi va yoshi (kk.oo.yyyy (yosh)) Yashash joyi (Doimiy roʻyxatdan oʻtgan manzili) Ish joyi (Tashkilot nomi) Tibbiy koʻrikdan oʻtkazish sanasi (kk.oo.yyyy) Tibbiy koʻrik natijalari boʻyicha XULOSA* 1. “A” toifadagi transport vositasini boshqarishga 2. “B” toifadagi transport vositasini boshqarishga 3. “C” toifadagi transport vositasini boshqarishga 4. “D” toifadagi transport vositasini boshqarishga 5. “E” toifadagi transport vositasini boshqarishga 6. Tramvay boshqarishga 7. Trolleybus boshqarishga 8. Yollanib ishlashga 9. Alohida belgilar Ushbu maʼlumotnomaning amal qilish muddati kk.oo.yyyy gacha. Komissiya raisi (F.I.O) Hujjatni imzolagan tibbiy komissiya tarkibi (F.I.O.) (Hujjatning haqiqiyligini tasdiqlovchi QR-kod) (Hujjat noyob raqami) QR-kod skaner qilinganda, ushbu hujjatning nusxasi Oʻzbekiston Respublikasi Sogʻliqni saqlash vazirligining rasmiy axborot resursidan ssv.uz domeni orqali generatsiya qilinadi. 083/h shakldagi tibbiy maʼlumotnoma
Sogʻliqni saqlash vaziri A. XUDAYAROV
Ichki ishlar vaziri P. BOBOJONOV
Oʻzbekiston Respublikasi Kambagʻallikni qisqartirish va bandlik vaziri B. MUSAYEV
Toshkent sh.,
2024-yil 9-sentabr,
Toshkent sh.,
2024-yil 9-sentabr,
2024-yil 5-sentabr
29-son
21-son