📅 2024-yil 26-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 26 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 сентября 2024 г. · Постановления Президента
Официальный текст. Официальный документ. Редакционные примечания не включены.
📅 26 September 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ЧОРА-ТАДБИРЛАР ДАСТУРИ
Иссиқхона хўжаликлари фаолиятини рағбатлантириш бўйича қўшимча чора-тадбирлар тўғрисида
Иссиқхона хўжаликларини қўллаб-қувватлаш орқали уларнинг фаолиятини соғломлаштириш, қишлоқ хўжалиги маҳсулотлари етиштиришни кўпайтириш, ҳудудларда аҳоли бандлигини таъминлаш ҳамда даромад олишга янада қулай шарт-шароитлар яратиш мақсадида:
1. Шундай тартиб жорий қилинсинки, унга мувофиқ 2024-2025 йиллар куз-қиш мавсумидан бошлаб:
иссиқхона хўжаликларига ҳосил йилининг дастлабки 3 ойида (октябрь, ноябрь ва декабрь) етказиб бериладиган табиий газ учун олдиндан тўлов 50 фоиз миқдорида, қолган қисми ой якунига қадар, кейинги ойлардан бошлаб эса ҳар ойда 100 фоиз олдиндан тўлов амалга оширилади. Бунда мазкур хатбошидаги қоида тегишли ойда олдинги давр учун қарздорлиги бўлмаган иссиқхона хўжаликларига татбиқ қилинади;
табиий газ ва электр энергиясини етказиб бериш бўйича шартномалардаги форс-мажор ҳолатларидан ташқари сабабларга кўра босим тушиши ёки узилишлар бўйича иссиқхона хўжаликлари ва музлаткичли омборхоналарни камида 24 соат олдин «Ҳудудгазтаъминот» АЖ ҳамда «Ҳудудий электр тармоқлари» АЖ томонидан мажбурий хабардор қилиш амалиёти жорий қилинади;
иссиқхона хўжаликлари ва газ корхонаси ўртасида табиий газ етказиб бериш шартномалари ҳар 3 йилда бир маротаба тузилади;
табиий газ етказиб бериш шартномаларининг техник шартларига газ узатувчи ва газ етказиб берувчи ташкилотлар учун аҳоли ва ижтимоий соҳа объектларига йўналтирилган умумий фойдаланишдаги газ тармоқларига уланмаган иссиқхоналарга етказиб бериладиган табиий газнинг босимига оид талаблар киритилади.
2. Белгилансинки:
а) кредит шартномаси шартларига мувофиқ тижорат банклари томонидан иссиқхона хўжаликларининг кредитлари бўйича ундирув чоралари, шу жумладан, суд тартибида, муддати ўтган қарздорлик қисмига нисбатан амалга оширилади;
б) тижорат банкларига иссиқхона хўжаликларининг кредитлари суммасини муддатидан олдин тўлиқ қайтариш бўйича судга даъво киритишга қуйидаги ҳолларда рухсат этилади:
муддати ўтган қарздорликни ундириш мажбурий ижрога қаратилган кундан бошлаб 60 календарь куни давомида қарздорлик тўланмаганда ва тўлов графиги муддатига риоя қилинмаганда (графикка етиб олмаганда);
мазкур банд қоидаларидан қатъи назар, қарз олувчи томонидан Ўзбекистон Республикаси Фуқаролик кодексининг 738 (қарз олувчининг мажбуриятларини таъминлаш) ва 739-моддалари (кредитдан мақсадли фойдаланиш) талабларига риоя қилинмаганда.
3. Қуйидагилар маълумот учун қабул қилинсин:
а) Ўзбекистон Республикаси Президентининг 2024 йил 16 февралдаги «Республикада озиқ-овқат хавфсизлигини таъминлашнинг қўшимча чора-тадбирлари тўғрисида»ги ПФ-36-сон Фармонига мувофиқ:
халқаро молия институтлари маблағлари ҳисобидан 220 миллион АҚШ доллари миқдоридаги маблағлар 2024 йил 1 мартга қадар тижорат банкларига йўналтирилиши;
тижорат банклари томонидан Марказий банк асосий ставкасидан йиллик 4 фоизлик пункт юқори ставкада (шундан банк маржаси 4 фоиз) миллий валютада озиқ-овқат йўналишидаги, соҳада маҳсулот етиштиришдан тортиб уни истеъмолчига етказиб беришгача бўлган қўшилган қиймат занжирини яратишга қаратилган лойиҳаларни молиялаштиришга айланма маблағлар учун — 18 ой муддатга 6 ойлик имтиёзли давр билан имтиёзли кредитлар ажратилиши;
б) Ўзбекистон Республикаси Президентининг 2023 йил 14 сентябрдаги «Кичик бизнесни ривожлантиришни молиявий ва институционал қўллаб-қувватлаш чора-тадбирлари тўғрисида»ги ПҚ-306-сон қарорига мувофиқ Марказий банк асосий ставкасидан 4 фоизлик пункт юқори ставкада:
1 гектар иссиқхона учун 500 миллион сўмгача кредитлар қишлоқ хўжалиги маҳсулотларини етиштириш, сақлаш ҳамда қайта ишлаш лойиҳаларини амалга ошириш учун 24 ойгача имтиёзли давр билан 84 ойгача ажратилиши. Бунда лойиҳа хусусиятидан келиб чиқиб, кредитнинг 50 фоизгача қисми айланма маблағларни тўлдириш учун очиқ кредит линияси асосида ҳар 12 ойда сўндириш шарти билан 24 ойгача ажратилиши;
1,5 миллиард сўмгача экспортёрларга револьвер кредитлар айланма маблағларни тўлдириш учун очиқ кредит линияси асосида ҳар 12 ойда сўндириш шартида 6 ойлик имтиёзли давр билан 36 ойгача муддатга ажратилиши.
4. Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси манфаатдор вазирлик ва идоралар билан биргаликда 2025 йил 1 апрелга қадар иссиқхона хўжаликларида илғор хорижий тажрибани инобатга олиб, мавжуд ресурсларни ва ишга солинмаган салоҳиятни жалб этиш орқали энергия самарадорлигини ошириш, энергия тежовчи технологияларни кенг жорий этиш ишларини ташкил этсин. Бунда қуйидагиларга алоҳида эътибор қаратилсин:
энергия самарадорлиги бўйича энг яхши кўрсаткичларга эга бўлган корхоналарни рағбатлантириш механизмларини ишлаб чиқиш ва тасдиқлаш;
энергосервис (энергоаудиторлик) компаниялари ва хорижий маслаҳатчиларни жалб этган ҳолда корхоналарнинг ишлаб чиқариш-технологик жараёнлари энергия самарадорлигини баҳолаш тартибини ўрнатиш;
энергия самарадорлиги ва энергия тежамкорлиги борасида аниқланган муаммоларни бартараф этиш бўйича ташкилий-техник тадбирларни ишлаб чиқиш ва тасдиқлаш.
5. Иссиқхона хўжаликлари фаолиятини қўллаб-қувватлаш бўйича чора-тадбирлар дастури 1-иловага мувофиқ тасдиқлансин.
6. Вазирлар Маҳкамасининг 2024 йил 31 майдаги 319-сон қарори билан тасдиқланган Табиий газдан фойдаланиш қоидаларига 2-иловага мувофиқ ўзгартиришлар ва қўшимча киритилсин.
7. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров, энергетика вазири Ж.Т. Мирзамаҳмудов ва қишлоқ хўжалиги вазири И.Ю. Абдурахмонов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 26 сентябрдаги ПҚ-339-сон қарорига 1-ИЛОВА
Иссиқхона хўжаликлари фаолиятини қўллаб-қувватлаш бўйича
Т/р Чора-тадбирлар Ижро муддати Масъул ижрочилар 1. Асосий экспорт бозорлари ҳисобланган давлатларнинг электрон савдо (харид) платформалари билан мева-сабзавот экспорт қилувчиларни интеграция қилиш чораларини кўриш. 2024-2025 йилларда Инвестициялар, саноат ва савдо вазирлиги (Л. Қудратов), Савдо-саноат палатаси (Д. Вахобов) Бунда биринчи босқичда энг йирик 100 та мева-сабзавот экспорт қилувчиларни интеграция қилиш. 2024 йил якунига қадар 2. Иссиқхоналарни инновацион технологиялар асосида ташкил қилиш, жумладан иссиқхоналарни ерни қазиб, ер ости сувлари орқали иситиш тизимини давлат томонидан қўллаб-қувватлаш тартибини жорий қилиш бўйича Вазирлар Маҳкамасига таклиф киритиш. Уч ой муддатда Қишлоқ хўжалиги вазирлиги (И. Абдурахмонов), Иқтисодиёт ва молия вазирлиги (И. Норқулов), Тоғ-кон саноати ва геология вазирлиги (Б. Исламов), Олий таълим, фан ва инновациялар вазирлиги (К. Шарипов), Энергетика вазирлиги (Ж. Мирзамаҳмудов) 3. Иссиқхона хўжаликларига юқори калорияли импорт кўмирни марказлашган ҳолда тўғридан-тўғри шартномалар асосида етказиб берилишини таъминлаш. 2024-2025 йил куз-қиш мавсумида Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Қишлоқ хўжалиги вазирлиги (И. Абдурахмонов), Энергетика вазирлиги (Ж. Мирзамахмудов) 4. Иссиқхона хўжаликларида экилган экинларни турлари бўйича «CropAgro» ахборот тизимига киритиб бориш ҳамда электрон мониторинг тизимини йўлга қўйиш. 2024 йил йил якунига қадар Қишлоқ хўжалиги вазирлиги (И. Абдурахмонов), манфаатдор вазирлик ва идоралар
Ўзбекистон Республикаси Президентининг 2024 йил 26 сентябрдаги ПҚ-339-сон қарорига 2-ИЛОВА
Вазирлар Маҳкамасининг 2024 йил 31 майдаги 319-сон қарори билан тасдиқланган Табиий газдан фойдаланиш қоидаларига киритилаётган ўзгартиришлар ва қўшимча
1. 111-бандда :
биринчи хатбоши қуйидаги таҳрирда баён этилсин:
«111. Истеъмолчи томонидан табиий газни етказиб бериш учун тузилган шартнома асосида етказиб бериладиган табиий газ учун 100 фоиз олдиндан тўлов амалга оширилиши шарт, иссиқхона хўжаликлари бундан мустасно»;
қуйидаги мазмундаги иккинчи хатбоши билан тўлдирилсин:
«Иссиқхона хўжаликларига ҳосил йилининг дастлабки 3 ойида (октябрь, ноябрь ва декабрь) етказиб бериладиган табиий газ учун олдиндан тўлов 50 фоиз миқдорида, қолган қисми ой якунига қадар, кейинги ойлардан бошлаб эса ҳар ойда 100 фоиз олдиндан тўлов амалга оширилади. Бунда мазкур хатбошидаги қоида тегишли ойда олдинги давр учун қарздорлиги бўлмаган иссиқхона хўжаликларига татбиқ қилинади»;
иккинчи ва учинчи хатбошилар тегишинча учинчи ва тўртинчи хатбошилар деб ҳисоблансин.
2. 119-банд қуйидаги таҳрирда баён этилсин:
«119. Истеъмолчилар ҳисоб-китоб даври бошланишидан камида беш кун олдин табиий газни етказиб бериш шартномасида кўрсатилган ойлик табиий газ ҳажми қиймати суммасининг 100 фоизи миқдорида газ таъминоти ташкилотининг ҳисоб-варағига тўловларни олдиндан амалга ошириши шарт, иссиқхона хўжаликлари бундан мустасно».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 26 сентябрь,
ПҚ-339-сон
Oʻzbekiston Respublikasi Prezidentining
qarori
CHORA-TADBIRLAR DASTURI
Issiqxona xoʻjaliklari faoliyatini ragʻbatlantirish boʻyicha qoʻshimcha chora-tadbirlar toʻgʻrisida
Issiqxona xoʻjaliklarini qoʻllab-quvvatlash orqali ularning faoliyatini sogʻlomlashtirish, qishloq xoʻjaligi mahsulotlari yetishtirishni koʻpaytirish, hududlarda aholi bandligini taʼminlash hamda daromad olishga yanada qulay shart-sharoitlar yaratish maqsadida:
1. Shunday tartib joriy qilinsinki, unga muvofiq 2024-2025-yillar kuz-qish mavsumidan boshlab:
issiqxona xoʻjaliklariga hosil yilining dastlabki 3 oyida (oktabr, noyabr va dekabr) yetkazib beriladigan tabiiy gaz uchun oldindan toʻlov 50 foiz miqdorida, qolgan qismi oy yakuniga qadar, keyingi oylardan boshlab esa har oyda 100 foiz oldindan toʻlov amalga oshiriladi. Bunda mazkur xatboshidagi qoida tegishli oyda oldingi davr uchun qarzdorligi boʻlmagan issiqxona xoʻjaliklariga tatbiq qilinadi;
tabiiy gaz va elektr energiyasini yetkazib berish boʻyicha shartnomalardagi fors-major holatlaridan tashqari sabablarga koʻra bosim tushishi yoki uzilishlar boʻyicha issiqxona xoʻjaliklari va muzlatkichli omborxonalarni kamida 24 soat oldin “Hududgaztaʼminot” AJ hamda “Hududiy elektr tarmoqlari” AJ tomonidan majburiy xabardor qilish amaliyoti joriy qilinadi;
issiqxona xoʻjaliklari va gaz korxonasi oʻrtasida tabiiy gaz yetkazib berish shartnomalari har 3 yilda bir marotaba tuziladi;
tabiiy gaz yetkazib berish shartnomalarining texnik shartlariga gaz uzatuvchi va gaz yetkazib beruvchi tashkilotlar uchun aholi va ijtimoiy soha obyektlariga yoʻnaltirilgan umumiy foydalanishdagi gaz tarmoqlariga ulanmagan issiqxonalarga yetkazib beriladigan tabiiy gazning bosimiga oid talablar kiritiladi.
2. Belgilansinki:
a) kredit shartnomasi shartlariga muvofiq tijorat banklari tomonidan issiqxona xoʻjaliklarining kreditlari boʻyicha undiruv choralari, shu jumladan, sud tartibida, muddati oʻtgan qarzdorlik qismiga nisbatan amalga oshiriladi;
b) tijorat banklariga issiqxona xoʻjaliklarining kreditlari summasini muddatidan oldin toʻliq qaytarish boʻyicha sudga daʼvo kiritishga quyidagi hollarda ruxsat etiladi:
muddati oʻtgan qarzdorlikni undirish majburiy ijroga qaratilgan kundan boshlab 60 kalendar kuni davomida qarzdorlik toʻlanmaganda va toʻlov grafigi muddatiga rioya qilinmaganda (grafikka yetib olmaganda);
mazkur band qoidalaridan qatʼi nazar, qarz oluvchi tomonidan Oʻzbekiston Respublikasi Fuqarolik kodeksining 738 (qarz oluvchining majburiyatlarini taʼminlash) va 739-moddalari (kreditdan maqsadli foydalanish) talablariga rioya qilinmaganda.
3. Quyidagilar maʼlumot uchun qabul qilinsin:
a) Oʻzbekiston Respublikasi Prezidentining 2024-yil 16-fevraldagi “Respublikada oziq-ovqat xavfsizligini taʼminlashning qoʻshimcha chora-tadbirlari toʻgʻrisida”gi PF-36-son Farmoniga muvofiq:
xalqaro moliya institutlari mablagʻlari hisobidan 220 million AQSh dollari miqdoridagi mablagʻlar 2024-yil 1-martga qadar tijorat banklariga yoʻnaltirilishi;
tijorat banklari tomonidan Markaziy bank asosiy stavkasidan yillik 4 foizlik punkt yuqori stavkada (shundan bank marjasi 4 foiz) milliy valyutada oziq-ovqat yoʻnalishidagi, sohada mahsulot yetishtirishdan tortib uni isteʼmolchiga yetkazib berishgacha boʻlgan qoʻshilgan qiymat zanjirini yaratishga qaratilgan loyihalarni moliyalashtirishga aylanma mablagʻlar uchun — 18 oy muddatga 6 oylik imtiyozli davr bilan imtiyozli kreditlar ajratilishi;
b) Oʻzbekiston Respublikasi Prezidentining 2023-yil 14-sentabrdagi “Kichik biznesni rivojlantirishni moliyaviy va institutsional qoʻllab-quvvatlash chora-tadbirlari toʻgʻrisida”gi PQ-306-son qaroriga muvofiq Markaziy bank asosiy stavkasidan 4 foizlik punkt yuqori stavkada:
1 gektar issiqxona uchun 500 million soʻmgacha kreditlar qishloq xoʻjaligi mahsulotlarini yetishtirish, saqlash hamda qayta ishlash loyihalarini amalga oshirish uchun 24 oygacha imtiyozli davr bilan 84 oygacha ajratilishi. Bunda loyiha xususiyatidan kelib chiqib, kreditning 50 foizgacha qismi aylanma mablagʻlarni toʻldirish uchun ochiq kredit liniyasi asosida har 12 oyda soʻndirish sharti bilan 24 oygacha ajratilishi;
1,5 milliard soʻmgacha eksportyorlarga revolver kreditlar aylanma mablagʻlarni toʻldirish uchun ochiq kredit liniyasi asosida har 12 oyda soʻndirish shartida 6 oylik imtiyozli davr bilan 36 oygacha muddatga ajratilishi.
4. Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi manfaatdor vazirlik va idoralar bilan birgalikda 2025-yil 1-aprelga qadar issiqxona xoʻjaliklarida ilgʻor xorijiy tajribani inobatga olib, mavjud resurslarni va ishga solinmagan salohiyatni jalb etish orqali energiya samaradorligini oshirish, energiya tejovchi texnologiyalarni keng joriy etish ishlarini tashkil etsin. Bunda quyidagilarga alohida eʼtibor qaratilsin:
energiya samaradorligi boʻyicha eng yaxshi koʻrsatkichlarga ega boʻlgan korxonalarni ragʻbatlantirish mexanizmlarini ishlab chiqish va tasdiqlash;
energoservis (energoauditorlik) kompaniyalari va xorijiy maslahatchilarni jalb etgan holda korxonalarning ishlab chiqarish-texnologik jarayonlari energiya samaradorligini baholash tartibini oʻrnatish;
energiya samaradorligi va energiya tejamkorligi borasida aniqlangan muammolarni bartaraf etish boʻyicha tashkiliy-texnik tadbirlarni ishlab chiqish va tasdiqlash.
5. Issiqxona xoʻjaliklari faoliyatini qoʻllab-quvvatlash boʻyicha chora-tadbirlar dasturi 1-ilovaga muvofiq tasdiqlansin.
6. Vazirlar Mahkamasining 2024-yil 31-maydagi 319-son qarori bilan tasdiqlangan Tabiiy gazdan foydalanish qoidalariga 2-ilovaga muvofiq oʻzgartirishlar va qoʻshimcha kiritilsin.
7. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov, energetika vaziri J.T. Mirzamahmudov va qishloq xoʻjaligi vaziri I.Y. Abduraxmonov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 26-sentabrdagi PQ-339-son qaroriga 1-ILOVA
Issiqxona xoʻjaliklari faoliyatini qoʻllab-quvvatlash boʻyicha
T/r Chora-tadbirlar Ijro muddati Masʼul ijrochilar 1. Asosiy eksport bozorlari hisoblangan davlatlarning elektron savdo (xarid) platformalari bilan meva-sabzavot eksport qiluvchilarni integratsiya qilish choralarini koʻrish. 2024-2025-yillarda Investitsiyalar, sanoat va savdo vazirligi (L. Qudratov), Savdo-sanoat palatasi (D. Vaxobov) Bunda birinchi bosqichda eng yirik 100 ta meva-sabzavot eksport qiluvchilarni integratsiya qilish. 2024-yil yakuniga qadar 2. Issiqxonalarni innovatsion texnologiyalar asosida tashkil qilish, jumladan issiqxonalarni yerni qazib, yer osti suvlari orqali isitish tizimini davlat tomonidan qoʻllab-quvvatlash tartibini joriy qilish boʻyicha Vazirlar Mahkamasiga taklif kiritish. Uch oy muddatda Qishloq xoʻjaligi vazirligi (I. Abduraxmonov), Iqtisodiyot va moliya vazirligi (I. Norqulov), Togʻ-kon sanoati va geologiya vazirligi (B. Islamov), Oliy taʼlim, fan va innovatsiyalar vazirligi (K. Sharipov), Energetika vazirligi (J. Mirzamahmudov) 3. Issiqxona xoʻjaliklariga yuqori kaloriyali import koʻmirni markazlashgan holda toʻgʻridan-toʻgʻri shartnomalar asosida yetkazib berilishini taʼminlash. 2024-2025-yil kuz-qish mavsumida Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Qishloq xoʻjaligi vazirligi (I. Abduraxmonov), Energetika vazirligi (J. Mirzamaxmudov) 4. Issiqxona xoʻjaliklarida ekilgan ekinlarni turlari boʻyicha “CropAgro” axborot tizimiga kiritib borish hamda elektron monitoring tizimini yoʻlga qoʻyish. 2024-yil yil yakuniga qadar Qishloq xoʻjaligi vazirligi (I. Abduraxmonov), manfaatdor vazirlik va idoralar
Oʻzbekiston Respublikasi Prezidentining 2024-yil 26-sentabrdagi PQ-339-son qaroriga 2-ILOVA
Vazirlar Mahkamasining 2024-yil 31-maydagi 319-son qarori bilan tasdiqlangan Tabiiy gazdan foydalanish qoidalariga kiritilayotgan oʻzgartirishlar va qoʻshimcha
1. 111-bandda :
birinchi xatboshi quyidagi tahrirda bayon etilsin:
“111. Isteʼmolchi tomonidan tabiiy gazni yetkazib berish uchun tuzilgan shartnoma asosida yetkazib beriladigan tabiiy gaz uchun 100 foiz oldindan toʻlov amalga oshirilishi shart, issiqxona xoʻjaliklari bundan mustasno”;
quyidagi mazmundagi ikkinchi xatboshi bilan toʻldirilsin:
“Issiqxona xoʻjaliklariga hosil yilining dastlabki 3 oyida (oktabr, noyabr va dekabr) yetkazib beriladigan tabiiy gaz uchun oldindan toʻlov 50 foiz miqdorida, qolgan qismi oy yakuniga qadar, keyingi oylardan boshlab esa har oyda 100 foiz oldindan toʻlov amalga oshiriladi. Bunda mazkur xatboshidagi qoida tegishli oyda oldingi davr uchun qarzdorligi boʻlmagan issiqxona xoʻjaliklariga tatbiq qilinadi”;
ikkinchi va uchinchi xatboshilar tegishincha uchinchi va toʻrtinchi xatboshilar deb hisoblansin.
2. 119-band quyidagi tahrirda bayon etilsin:
“119. Isteʼmolchilar hisob-kitob davri boshlanishidan kamida besh kun oldin tabiiy gazni yetkazib berish shartnomasida koʻrsatilgan oylik tabiiy gaz hajmi qiymati summasining 100 foizi miqdorida gaz taʼminoti tashkilotining hisob-varagʻiga toʻlovlarni oldindan amalga oshirishi shart, issiqxona xoʻjaliklari bundan mustasno”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 26-sentabr,
PQ-339-son
Президента Республики Узбекистан
Постановление
О дополнительных мерах по стимулированию деятельности тепличных хозяйств
В целях реновации деятельности тепличных хозяйств путем их поддержки, увеличения объемов производства сельскохозяйственной продукции, обеспечения занятости населения в регионах и создания более благоприятных условий для получения доходов:
1. Установить порядок, в соответствии с которым начиная с осенне-зимнего периода 2024/2025 года:
предоплата за природный газ, поставляемый тепличным хозяйствам, осуществляется в первые три месяца (октябрь, ноябрь и декабрь) урожайного года в размере 50 процентов, оставшаяся часть — до конца месяца, а предоплата, начиная со следующих месяцев, — в размере 100 процентов ежемесячно. При этом положение настоящего абзаца распространяется на тепличные хозяйства, у которых отсутствует задолженность в соответствующем месяце за предыдущий период;
внедряется практика обязательного уведомления тепличных хозяйств и холодильных складов со стороны АО «Худудгазтаъминот» и АО «Региональные электрические сети» минимум за 24 часа о причинах снижения давления или сбоев, за исключением форс-мажорных обстоятельств, указанных в договорах по поставке природного газа и электроэнергии;
договоры о поставке природного газа заключаются между тепличными хозяйствами и предприятием газоснабжения один раз в три года;
в технические условия по поставке природного газа для газосбытовых и газоснабжающих организаций вводятся требования касательно давления природного газа, поставляемого тепличным хозяйствам, не подключенным к газовым сетям общего пользования, адаптированных на население и объекты социальной сферы.
2. Установить, что:
а) в соответствии с условиями кредитного договора коммерческие банки предпринимают меры взыскания по кредитам тепличных хозяйств, в том числе в судебном порядке, относительно части просроченной задолженности;
б) коммерческим банкам разрешается вносить в суд иск по досрочному полному погашению суммы кредитов тепличных хозяйств в следующих случаях:
при непогашении задолженности со дня, направленного на принудительное исполнение взыскания просроченной задолженности, в течение 60 календарных дней и несоблюдения сроков графика погашения (отставания по графику);
при несоблюдении заемщиком требований статей 738 (обеспечение обязательств заемщика) и 739 (целевой заем) Гражданского кодекса Республики Узбекистан, независимо от положений настоящего пункта.
3. Принять к сведению, что:
а) в соответствии с Указом Президента Республики Узбекистан от 16 февраля 2024 года № УП-36 «О дополнительных мерах по обеспечению продовольственной безопасности в республике»:
средства в размере 220 миллионов долларов США за счет средств международных финансовых институтов до 1 марта 2024 года направляются коммерческим банкам;
коммерческими банками выделяются льготные кредиты по годовой ставке, превышающей основную ставку Центрального банка на 4 процентных пункта (включая маржу банка 4 процента), в национальной валюте для финансирования проектов в продовольственном секторе, направленных на создание в сфере цепочки добавленной стоимости — начиная от производства продукции до ее поставки потребителю, на срок 18 месяцев с льготным периодом 6 месяцев — для оборотных средств;
б) в соответствии с постановлением Президента Республики Узбекистан от 14 сентября 2023 года № ПП-306 «О мерах финансовой и институциональной поддержки развития малого бизнеса» по ставке, превышающей основную ставку Центрального банка на 4 процентных пункта:
выделяется кредит до 500 миллионов сумов за 1 гектар теплицы на реализацию проектов выращивания, хранения и переработки сельскохозяйственной продукции на срок до 84 месяцев, включая льготный период до 24 месяцев. При этом исходя из специфики проекта, выделяется до 50 процентов кредита для пополнения оборотных средств на основе открытой кредитной линии на срок до 24 месяцев с условием погашения каждые 12 месяцев;
выделяется кредит в размере до 1,5 миллиарда сумов на револьверной основе экспортерам для пополнения оборотных средств на основе открытой кредитной линии на срок до 36 месяцев, включая льготный период 6 месяцев, с условием погашения каждые 12 месяцев.
4. Инспекции по контролю за использованием электроэнергии, нефтепродуктов и газа при Кабинете Министров совместно с заинтересованными министерствами и ведомствами в срок до 1 апреля 2025 года с учетом передового зарубежного опыта организовать в тепличных хозяйствах работу по повышению энергоэффективности, широкому внедрению энергосберегающих технологий путем привлечения имеющихся ресурсов и незадействованного потенциала. При это уделить особое внимание:
разработке и утверждению механизмов стимулирования предприятий с наилучшими показателями по энергоэффективности;
установке порядка оценки энергоэффективности производственно-технологических процессов предприятий с привлечением энергосервисных (энергоаудиторских) компаний и зарубежных консультантов;
разработке и утверждению организационно-технических мероприятий по устранению выявленных проблем по энергоэффективности и энергосбережению.
5. Утвердить Программу мер по поддержке деятельности тепличных хозяйств согласно приложению № 1 * .
6. Внести изменения и дополнение в Правила пользования природным газом, утвержденные постановлением Кабинета Министров от 31 мая 2024 года № 319, согласно приложению № 2 * .
7. Возложить на заместителя Премьер-министра Д.А. Кучкарова, министра энергетики Ж.Т. Мирзамахмудова и министра сельского хозяйства И.Ю. Абдурахмонова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
26 сентября 2024 г.,
№ ПП-339