📅 2024-yil 5-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 5 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 октября 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 5 October 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ер участкаларини жамоат эҳтиёжлари учун доимий фойдаланишга ажратишнинг маъмурий регламентига ўзгартириш ва қўшимчалар киритиш ҳақида
Жамоат эҳтиёжлари учун ер участкаларини ажратиш тартибини янада такомиллаштириш, ер участкаларидан оқилона ва белгиланган мақсадда фойдаланишни таъминлаш мақсадида Вазирлар Маҳкамаси қарор қилади:
1. Вазирлар Маҳкамасининг 2021 йил 27 августдаги 543-сон қарори билан тасдиқланган Ер участкаларини жамоат эҳтиёжлари учун доимий фойдаланишга ажратишнинг маъмурий регламентига фуқароларнинг ўзини ўзи бошқариш органларининг маъмурий биноларини барпо этиш, кутубхоналар ташкил этиш, диний ташкилотларга бино қуриш мақсадида ер участкалари ажратилишини назарда тутувчи ўзгартириш ва қўшимчалар иловага мувофиқ киритилсин.
2. Манфаатдор вазирлик ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.
Вазирлар Маҳкамасининг 2024 йил 5 октябрдаги 641-сон қарорига ИЛОВА
Вазирлар Маҳкамасининг 2021 йил 27 августдаги 543-сон қарори билан тасдиқланган Ер участкаларини жамоат эҳтиёжлари учун доимий фойдаланишга ажратишнинг маъмурий регламентига киритилаётган ўзгартириш ва қўшимчалар
1. 1-банднинг олтинчи хатбошиси «корхонасига» сўзидан кейин «фуқароларнинг ўзини ўзи бошқариш органига» сўзлари билан тўлдирилсин.
2. 3-бандда :
еттинчи хатбоши «ҳудудий бўлинмаларининг» сўзларидан кейин «шунингдек, фуқароларнинг ўзини ўзи бошқариш органларининг» сўзлари билан тўлдирилсин;
ўн биринчи хатбоши «давлат таълим ва даволаш муассасалари» сўзларидан кейин «кутубхоналар» сўзи билан тўлдирилсин;
қуйидаги мазмундаги ўн иккинчи хатбоши билан тўлдирилсин:
«диний ташкилотлар учун бино қуриш мақсадида бериш»;
ўн иккинчи ва ўн учинчи хатбошилар тегишлича ўн учинчи ва ўн тўртинчи хатбошилар деб ҳисоблансин.
3. Қуйидаги мазмундаги 5 2 -банд билан тўлдирилсин:
«5 2 . Диний ташкилот учун бино қуриш мақсадида ер участкасига эҳтиёж мавжуд бўлган тақдирда диний ташкилотнинг ташаббускорлари (таъсисчилари) бу ҳақда тегишли фуқароларнинг ўзини ўзи бошқариш органига мурожаат қилади.
Диний ташкилотлар учун бино қуриш мақсадида ер участкаси фуқароларнинг ўзини ўзи бошқариш органларига доимий фойдаланиш ҳуқуқи асосида ваколатли орган билан келишувга мувофиқ мазкур Регламентда белгиланган тартиб асосида ажратилади.
Фуқароларнинг ўзини ўзи бошқариш органлари ажратилган ер участкасини диний ташкилотга бепул асосда ижарага беради.
Фуқароларнинг ўзини ўзи бошқариш органларига доимий фойдаланиш ҳуқуқи асосида ер участкасини ажратиш билан боғлиқ барча харажатлар диний ташкилотнинг ташаббускорлари (таъсисчилари) томонидан қопланади».
4. 23-банднинг «б» кичик бандида :
қуйидаги мазмундаги бешинчи хатбоши билан тўлдирилсин:
«Ўзбекистон Республикаси Дин ишлари бўйича қўмитасига — диний ташкилотлар қуриш мақсадида ер участкаси ажратиш бўйича»;
бешинчи ва олтинчи хатбошилар тегишлича олтинчи ва еттинчи хатбошилар деб ҳисоблансин.
қуйидаги мазмундаги саккизинчи хатбоши билан тўлдирилсин:
«Қонунчилик ҳужжатларида белгиланган ҳолларда бошқа давлат органлари ва ташкилотлардан қўшимча равишда хулоса олиниши ёки уларга келишиш учун юборилиши мумкин.»
5. 1-илованинг I бўлими номидан «давлат ва» сўзлари чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2024 йил 5 октябрь,
641-сон
Oʻzbekiston Respublikasi Vazirlar Mahkamasining
qarori
Yer uchastkalarini jamoat ehtiyojlari uchun doimiy foydalanishga ajratishning maʼmuriy reglamentiga oʻzgartirish va qoʻshimchalar kiritish haqida
Jamoat ehtiyojlari uchun yer uchastkalarini ajratish tartibini yanada takomillashtirish, yer uchastkalaridan oqilona va belgilangan maqsadda foydalanishni taʼminlash maqsadida Vazirlar Mahkamasi qaror qiladi:
1. Vazirlar Mahkamasining 2021-yil 27-avgustdagi 543-son qarori bilan tasdiqlangan Yer uchastkalarini jamoat ehtiyojlari uchun doimiy foydalanishga ajratishning maʼmuriy reglamentiga fuqarolarning oʻzini oʻzi boshqarish organlarining maʼmuriy binolarini barpo etish, kutubxonalar tashkil etish, diniy tashkilotlarga bino qurish maqsadida yer uchastkalari ajratilishini nazarda tutuvchi oʻzgartirish va qoʻshimchalar ilovaga muvofiq kiritilsin.
2. Manfaatdor vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Vazirlar Mahkamasining 2024-yil 5-oktabrdagi 641-son qaroriga ILOVA
Vazirlar Mahkamasining 2021-yil 27-avgustdagi 543-son qarori bilan tasdiqlangan Yer uchastkalarini jamoat ehtiyojlari uchun doimiy foydalanishga ajratishning maʼmuriy reglamentiga kiritilayotgan oʻzgartirish va qoʻshimchalar
1. 1-bandning oltinchi xatboshisi “korxonasiga” soʻzidan keyin “fuqarolarning oʻzini oʻzi boshqarish organiga” soʻzlari bilan toʻldirilsin.
2. 3-bandda :
yettinchi xatboshi “hududiy boʻlinmalarining” soʻzlaridan keyin “shuningdek, fuqarolarning oʻzini oʻzi boshqarish organlarining” soʻzlari bilan toʻldirilsin;
oʻn birinchi xatboshi “davlat taʼlim va davolash muassasalari” soʻzlaridan keyin “kutubxonalar” soʻzi bilan toʻldirilsin;
quyidagi mazmundagi oʻn ikkinchi xatboshi bilan toʻldirilsin:
“diniy tashkilotlar uchun bino qurish maqsadida berish”;
oʻn ikkinchi va oʻn uchinchi xatboshilar tegishlicha oʻn uchinchi va oʻn toʻrtinchi xatboshilar deb hisoblansin.
3. Quyidagi mazmundagi 5 2 -band bilan toʻldirilsin:
“5 2 . Diniy tashkilot uchun bino qurish maqsadida yer uchastkasiga ehtiyoj mavjud boʻlgan taqdirda diniy tashkilotning tashabbuskorlari (taʼsischilari) bu haqda tegishli fuqarolarning oʻzini oʻzi boshqarish organiga murojaat qiladi.
Diniy tashkilotlar uchun bino qurish maqsadida yer uchastkasi fuqarolarning oʻzini oʻzi boshqarish organlariga doimiy foydalanish huquqi asosida vakolatli organ bilan kelishuvga muvofiq mazkur Reglamentda belgilangan tartib asosida ajratiladi.
Fuqarolarning oʻzini oʻzi boshqarish organlari ajratilgan yer uchastkasini diniy tashkilotga bepul asosda ijaraga beradi.
Fuqarolarning oʻzini oʻzi boshqarish organlariga doimiy foydalanish huquqi asosida yer uchastkasini ajratish bilan bogʻliq barcha xarajatlar diniy tashkilotning tashabbuskorlari (taʼsischilari) tomonidan qoplanadi”.
4. 23-bandning “b” kichik bandida :
quyidagi mazmundagi beshinchi xatboshi bilan toʻldirilsin:
“Oʻzbekiston Respublikasi Din ishlari boʻyicha qoʻmitasiga — diniy tashkilotlar qurish maqsadida yer uchastkasi ajratish boʻyicha”;
beshinchi va oltinchi xatboshilar tegishlicha oltinchi va yettinchi xatboshilar deb hisoblansin.
quyidagi mazmundagi sakkizinchi xatboshi bilan toʻldirilsin:
“Qonunchilik hujjatlarida belgilangan hollarda boshqa davlat organlari va tashkilotlardan qoʻshimcha ravishda xulosa olinishi yoki ularga kelishish uchun yuborilishi mumkin.”
5. 1-ilovaning I boʻlimi nomidan “davlat va” soʻzlari chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 5-oktabr,
641-son