📅 2024-yil 4-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 октября 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 4 October 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Ўзбекистон Республикаси Давлат солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси тўғрисидаги низомни тасдиқлаш ҳақида» 2018 йил 9 октябрдаги 811-сон қарорига ўзгартиришлар ва қўшимча киритиш тўғрисида
Давлат бюджетига солиқ тушумини таъминлаш, тадбиркорлик субъектларига хизмат кўрсатиш даражасини сифат жиҳатидан янада ошириш ҳамда солиқ органлари ходимлари фаолиятининг самарадорлигини ошириш мақсадида Вазирлар Маҳкамаси қарор қилади:
1. Вазирлар Маҳкамасининг «Ўзбекистон Республикаси Давлат солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси тўғрисидаги низомни тасдиқлаш ҳақида» 2018 йил 9 октябрдаги 811-сон қарорига иловага мувофиқ ўзгартиришлар ва қўшимча киритилсин.
2. Ўзбекистон Республикаси Иқтисодиёт ва молия вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Вазирлар Маҳкамасининг 2024 йил 4 октябрдаги 626-сон қарорига ИЛОВА
Вазирлар Маҳкамасининг «Ўзбекистон Республикаси Давлат солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси тўғрисидаги низомни тасдиқлаш ҳақида» 2018 йил 9 октябрдаги 811-сон қарорига киритилаётган ўзгартиришлар ва қўшимча
1. Номидаги ва 1-банддаги «Давлат солиқ қўмитасининг» сўзлари «Вазирлар Маҳкамаси ҳузуридаги Солиқ қўмитасининг» сўзлари билан алмаштирилсин.
2. Иловада :
а) номидаги «Давлат солиқ қўмитасининг» сўзлари «Вазирлар Маҳкамаси ҳузуридаги Солиқ қўмитасининг» сўзлари билан алмаштирилсин;
б) 1-банд қуйидаги таҳрирда баён этилсин:
«1.Ушбу Низом Ўзбекистон Республикаси Вазирлар Маҳкамаси ҳузуридаги Солиқ қўмитасининг (кейинги ўринларда — Солиқ қўмитаси) Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси (кейинги ўринларда — Махсус жамғарма) маблағларини шакллантириш ва улардан фойдаланиш тартибини белгилайди»;
в) 2-бандда :
иккинчи хатбоши қуйидаги таҳрирда баён этилсин:
«солиқларни тўлаш муддатини бузганлик учун пенялар, шу жумладан, давлат солиқ хизмати органлари томонидан ўтказилган текширувлар натижасида қўшимча ундирилган суммалар бўйича (Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг бюджетдан ташқари жамғармасига ўтказиладиган маблағлардан ташқари) пенялар ҳамда солиқ қонунчилигини бузганлик учун қўлланилган молиявий жазо чоралари суммаларининг 20 фоизи»;
қуйидаги мазмундаги учинчи хатбоши билан тўлдирилсин:
«йирик солиқ тўловчилар тоифасига киритилган юридик шахсларда ўтказилган текширишлар натижасида қўшимча ундирилган суммалар бўйича ҳисобланган пеня ва жарима суммасининг 40 фоизи»;
учинчи — еттинчи хатбошилар тегишлича тўртинчи — саккизинчи хатбошилар деб ҳисоблансин;
олтинчи хатбошидаги «Ўзбекистон Республикаси Давлат солиқ қўмитаси» сўзлари «Солиқ қўмитаси» сўзлари билан алмаштирилсин;
г) 3-банд қуйидаги таҳрирда баён этилсин:
«3. Махсус жамғармага тушган маблағлар Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида очилган махсус шахсий ҳисобварағида жамланади.
Бунда Махсус жамғармага маблағларни ўтказиш учун Қорақалпоғистон Республикаси, вилоятлар ва Тошкент шаҳар солиқ бошқармалари, туман (шаҳар) солиқ инспекциялари, Йирик солиқ тўловчилар бўйича ҳудудлараро солиқ инспекцияси, Солиқ қўмитасининг таркибидаги давлат муассасалари учун тегишли шахсий ғазна ҳисобварақлари очилади»;
д) 4 , 5 , 9-бандлардаги ва 13-банднинг биринчи хатбошисидаги «Ўзбекистон Республикаси Давлат солиқ қўмитаси» сўзлари «Солиқ қўмитаси» сўзлари билан алмаштирилсин;
е) 7-банддаги «Молия органлари» сўзлари «Иқтисодиёт ва молия вазирлиги» сўзлари билан алмаштирилсин;
ж) 8-банд қуйидаги таҳрирда баён этилсин:
«8. Солиқ қўмитаси, Қорақалпоғистон Республикаси, вилоятлар ва Тошкент шаҳар солиқ бошқармалари, туман (шаҳар) солиқ инспекциялари, Йирик солиқ тўловчилар бўйича ҳудудлараро солиқ инспекцияси, Солиқ қўмитасининг таркибидаги давлат унитар корхона ва таълим муассасаларининг Махсус жамғарма бўйича даромадлар ва харажатлар сметаси уларнинг ҳар бири бўйича алоҳида тузилади.
Бунда Махсус жамғарма ҳисобидан Солиқ қўмитаси таркибидаги давлат унитар корхона ва таълим муассасалари учун маблағлар уларнинг эҳтиёжидан келиб чиққан ҳолда Солиқ қўмитаси томонидан ажратилади»;
з) 11-банд қуйидаги таҳрирда баён этилсин:
«11. Солиқ қўмитаси раиси, Қорақалпоғистон Республикаси, вилоятлар ва Тошкент шаҳар солиқ бошқармалари, туман (шаҳар) солиқ инспекциялари, Йирик солиқ тўловчилар бўйича ҳудудлараро солиқ инспекцияси бошлиқлари, Солиқ қўмитасининг таркибидаги давлат унитар корхона ва таълим муассасаларининг раҳбарлари, улар бўлмаган тақдирда эса — уларнинг ўрнини босувчи шахслар тегишли равишда Махсус жамғарма маблағларини тасарруф этувчилар ҳисобланади»;
и) 12-бандда :
«а» кичик банднинг тўққизинчи хатбошисидаги «Ўзбекистон Республикаси Давлат солиқ қўмитасининг» сўзлари «Солиқ қўмитасининг» сўзлари билан алмаштирилсин;
«б» кичик банднинг иккинчи хатбошисидаги «Ўзбекистон Республикаси Давлат солиқ қўмитаси» сўзлари «Солиқ қўмитаси» сўзлари билан алмаштирилсин;
«г» кичик банднинг иккинчи хатбошисидаги «Ўзбекистон Республикаси Давлат солиқ қўмитаси» сўзлари «Солиқ қўмитаси» сўзлари билан алмаштирилсин;
«е» кичик банддаги «Давлат солиқ қўмитасининг» сўзлари «Солиқ қўмитасининг» сўзлари билан алмаштирилсин;
к) 14-банднинг биринчи хатбошиси қуйидаги таҳрирда баён этилсин:
«14. Солиқ қўмитаси, Қорақалпоғистон Республикаси, вилоятлар ва Тошкент шаҳар солиқ бошқармалари, туман (шаҳар) солиқ инспекциялари, Йирик солиқ тўловчилар бўйича ҳудудлараро солиқ инспекциялари томонидан Махсус жамғармага туширилган умумий тушумнинг, шунингдек, Солиқ қўмитаси таркибидаги давлат унитар корхоналари фаолиятининг соф фойдасидан муассиснинг қарорига асосан ажратиладиган қисмлар ва Махсус жамғарманинг вақтинчалик бўш маблағларини тижорат банкларига депозитга қўйишдан олинган фоиз тарзидаги даромадларнинг 25 фоизи миқдоригача ҳар чоракда Бюджет ташкилотининг ривожлантириш жамғармасига ўтказилади»;
л) 18 ва 19-бандлар қуйидаги таҳрирда баён этилсин:
«18. Махсус жамғарма маблағларининг шакллантирилиши ва мақсадли фойдаланилиши бўйича Солиқ қўмитаси, Қорақалпоғистон Республикаси, вилоятлар ва Тошкент шаҳар солиқ бошқармалари, туман (шаҳар) солиқ инспекциялари, Йирик солиқ тўловчилар бўйича ҳудудлараро солиқ инспекцияси, Солиқ қўмитаси таркибидаги давлат унитар корхоналари ва таълим муассасасининг раҳбарлари масъул ҳисобланади.
19. Махсус жамғарма маблағларининг мақсадли ишлатилиши юзасидан назорат Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг Давлат молиявий назорати инспекцияси ва Солиқ қўмитасининг Ички аудит бошқармаси томонидан белгиланган тартибда амалга оширилади».
Ўзбекистон Республикасининг Бош вазири А. АРИПОВ
Тошкент ш.,
2024 йил 4 октябрь,
626-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Oʻzbekiston Respublikasi Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi toʻgʻrisidagi nizomni tasdiqlash haqida” 2018-yil 9-oktabrdagi 811-son qaroriga oʻzgartirishlar va qoʻshimcha kiritish toʻgʻrisida
Davlat budjetiga soliq tushumini taʼminlash, tadbirkorlik subyektlariga xizmat koʻrsatish darajasini sifat jihatidan yanada oshirish hamda soliq organlari xodimlari faoliyatining samaradorligini oshirish maqsadida Vazirlar Mahkamasi qaror qiladi:
1. Vazirlar Mahkamasining “Oʻzbekiston Respublikasi Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi toʻgʻrisidagi nizomni tasdiqlash haqida” 2018-yil 9-oktabrdagi 811-son qaroriga ilovaga muvofiq oʻzgartirishlar va qoʻshimcha kiritilsin.
2. Oʻzbekiston Respublikasi Iqtisodiyot va moliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Vazirlar Mahkamasining 2024-yil 4-oktabrdagi 626-son qaroriga ILOVA
Vazirlar Mahkamasining “Oʻzbekiston Respublikasi Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi toʻgʻrisidagi nizomni tasdiqlash haqida” 2018-yil 9-oktabrdagi 811-son qaroriga kiritilayotgan oʻzgartirishlar va qoʻshimcha
1. Nomidagi va 1-banddagi “Davlat soliq qoʻmitasining” soʻzlari “Vazirlar Mahkamasi huzuridagi Soliq qoʻmitasining” soʻzlari bilan almashtirilsin.
2. Ilovada :
a) nomidagi “Davlat soliq qoʻmitasining” soʻzlari “Vazirlar Mahkamasi huzuridagi Soliq qoʻmitasining” soʻzlari bilan almashtirilsin;
b) 1-band quyidagi tahrirda bayon etilsin:
“1.Ushbu Nizom Oʻzbekiston Respublikasi Vazirlar Mahkamasi huzuridagi Soliq qoʻmitasining (keyingi oʻrinlarda — Soliq qoʻmitasi) Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi (keyingi oʻrinlarda — Maxsus jamgʻarma) mablagʻlarini shakllantirish va ulardan foydalanish tartibini belgilaydi”;
v) 2-bandda :
ikkinchi xatboshi quyidagi tahrirda bayon etilsin:
“soliqlarni toʻlash muddatini buzganlik uchun penyalar, shu jumladan, davlat soliq xizmati organlari tomonidan oʻtkazilgan tekshiruvlar natijasida qoʻshimcha undirilgan summalar boʻyicha (Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining budjetdan tashqari jamgʻarmasiga oʻtkaziladigan mablagʻlardan tashqari) penyalar hamda soliq qonunchiligini buzganlik uchun qoʻllanilgan moliyaviy jazo choralari summalarining 20 foizi”;
quyidagi mazmundagi uchinchi xatboshi bilan toʻldirilsin:
“yirik soliq toʻlovchilar toifasiga kiritilgan yuridik shaxslarda oʻtkazilgan tekshirishlar natijasida qoʻshimcha undirilgan summalar boʻyicha hisoblangan penya va jarima summasining 40 foizi”;
uchinchi — yettinchi xatboshilar tegishlicha toʻrtinchi — sakkizinchi xatboshilar deb hisoblansin;
oltinchi xatboshidagi “Oʻzbekiston Respublikasi Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;
g) 3-band quyidagi tahrirda bayon etilsin:
“3. Maxsus jamgʻarmaga tushgan mablagʻlar Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan maxsus shaxsiy hisobvaragʻida jamlanadi.
Bunda Maxsus jamgʻarmaga mablagʻlarni oʻtkazish uchun Qoraqalpogʻiston Respublikasi, viloyatlar va Toshkent shahar soliq boshqarmalari, tuman (shahar) soliq inspeksiyalari, Yirik soliq toʻlovchilar boʻyicha hududlararo soliq inspeksiyasi, Soliq qoʻmitasining tarkibidagi davlat muassasalari uchun tegishli shaxsiy gʻazna hisobvaraqlari ochiladi”;
d) 4 , 5 , 9-bandlardagi va 13-bandning birinchi xatboshisidagi “Oʻzbekiston Respublikasi Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;
e) 7-banddagi “Moliya organlari” soʻzlari “Iqtisodiyot va moliya vazirligi” soʻzlari bilan almashtirilsin;
j) 8-band quyidagi tahrirda bayon etilsin:
“8. Soliq qoʻmitasi, Qoraqalpogʻiston Respublikasi, viloyatlar va Toshkent shahar soliq boshqarmalari, tuman (shahar) soliq inspeksiyalari, Yirik soliq toʻlovchilar boʻyicha hududlararo soliq inspeksiyasi, Soliq qoʻmitasining tarkibidagi davlat unitar korxona va taʼlim muassasalarining Maxsus jamgʻarma boʻyicha daromadlar va xarajatlar smetasi ularning har biri boʻyicha alohida tuziladi.
Bunda Maxsus jamgʻarma hisobidan Soliq qoʻmitasi tarkibidagi davlat unitar korxona va taʼlim muassasalari uchun mablagʻlar ularning ehtiyojidan kelib chiqqan holda Soliq qoʻmitasi tomonidan ajratiladi”;
z) 11-band quyidagi tahrirda bayon etilsin:
“11. Soliq qoʻmitasi raisi, Qoraqalpogʻiston Respublikasi, viloyatlar va Toshkent shahar soliq boshqarmalari, tuman (shahar) soliq inspeksiyalari, Yirik soliq toʻlovchilar boʻyicha hududlararo soliq inspeksiyasi boshliqlari, Soliq qoʻmitasining tarkibidagi davlat unitar korxona va taʼlim muassasalarining rahbarlari, ular boʻlmagan taqdirda esa — ularning oʻrnini bosuvchi shaxslar tegishli ravishda Maxsus jamgʻarma mablagʻlarini tasarruf etuvchilar hisoblanadi”;
i) 12-bandda :
“a” kichik bandning toʻqqizinchi xatboshisidagi “Oʻzbekiston Respublikasi Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;
“b” kichik bandning ikkinchi xatboshisidagi “Oʻzbekiston Respublikasi Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;
“g” kichik bandning ikkinchi xatboshisidagi “Oʻzbekiston Respublikasi Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;
“e” kichik banddagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;
k) 14-bandning birinchi xatboshisi quyidagi tahrirda bayon etilsin:
“14. Soliq qoʻmitasi, Qoraqalpogʻiston Respublikasi, viloyatlar va Toshkent shahar soliq boshqarmalari, tuman (shahar) soliq inspeksiyalari, Yirik soliq toʻlovchilar boʻyicha hududlararo soliq inspeksiyalari tomonidan Maxsus jamgʻarmaga tushirilgan umumiy tushumning, shuningdek, Soliq qoʻmitasi tarkibidagi davlat unitar korxonalari faoliyatining sof foydasidan muassisning qaroriga asosan ajratiladigan qismlar va Maxsus jamgʻarmaning vaqtinchalik boʻsh mablagʻlarini tijorat banklariga depozitga qoʻyishdan olingan foiz tarzidagi daromadlarning 25 foizi miqdorigacha har chorakda Budjet tashkilotining rivojlantirish jamgʻarmasiga oʻtkaziladi”;
l) 18 va 19-bandlar quyidagi tahrirda bayon etilsin:
“18. Maxsus jamgʻarma mablagʻlarining shakllantirilishi va maqsadli foydalanilishi boʻyicha Soliq qoʻmitasi, Qoraqalpogʻiston Respublikasi, viloyatlar va Toshkent shahar soliq boshqarmalari, tuman (shahar) soliq inspeksiyalari, Yirik soliq toʻlovchilar boʻyicha hududlararo soliq inspeksiyasi, Soliq qoʻmitasi tarkibidagi davlat unitar korxonalari va taʼlim muassasasining rahbarlari masʼul hisoblanadi.
19. Maxsus jamgʻarma mablagʻlarining maqsadli ishlatilishi yuzasidan nazorat Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi va Soliq qoʻmitasining Ichki audit boshqarmasi tomonidan belgilangan tartibda amalga oshiriladi”.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 4-oktabr,
626-son