UzbekAI

Ўзбекистон Республикаси Вазирлар Маҳкамасининг

қарори

НИЗОМ

РЎЙХАТИ

НИЗОМ

ТАВСИФИ

ЧОРА-ТАДБИРЛАР ДАСТУРИ

РЎЙХАТИ

Ўзбекистон Республикаси Сув хўжалиги вазирлиги фаолиятини тартибга солувчи норматив-ҳуқуқий ҳужжатларни тасдиқлаш тўғрисида

Ўзбекистон Республикаси Президентининг «Сув хўжалигида замонавий бошқарув тизимини жорий қилиш ва ривожлантиришнинг устувор йўналишларини белгилаш тўғрисида» 2024 йил 7 майдаги ПФ-74-сон Фармонига мувофиқ Ўзбекистон Республикаси Сув хўжалиги вазирлиги ва унинг тизимидаги ташкилотлар фаолиятини тартибга солиш, уларнинг асосий вазифалари ва функциялари ҳамда ҳуқуқ ва мажбуриятларини белгилаш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Сув хўжалиги вазирлиги тўғрисидаги низом 1-иловага мувофиқ;

Ўзбекистон Республикаси Сув хўжалиги вазирлиги ҳузуридаги Сув хўжалиги объектларини эксплуатация қилиш агентлиги тўғрисидаги низом 2-иловага мувофиқ;

Ўзбекистон Республикаси Сув хўжалиги вазирлигининг Сув хўжалиги лойиҳаларини амалга ошириш департаменти тўғрисидаги низом 3-иловага мувофиқ;

Ўзбекистон Республикаси Сув хўжалиги вазирлиги ҳузуридаги Сув хўжалигида хорижий инвестиция лойиҳаларини амалга ошириш маркази тўғрисидаги низом 4-иловага мувофиқ;

Ўзбекистон Республикаси Сув хўжалиги вазирлигининг Сув хўжалигини ривожлантириш жамғармаси маблағларини шакллантириш ва улардан фойдаланиш тартиби тўғрисидаги низом 5-иловага мувофиқ;

Ўзбекистон Республикаси Сув хўжалиги вазирлиги ва унинг тизим ташкилотлари ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низом 6-иловага мувофиқ:

Ўзбекистон Республикаси Сув хўжалиги вазирлиги ва унинг тизимидаги бюджет ташкилотлари рўйхати ҳамда Сув хўжалиги вазирлигининг Сув хўжалиги лойиҳаларини амалга ошириш департаменти тизимидаги «Сувқурилишинвест» давлат муассасалари рўйхати 7 ва 7а-иловаларга мувофиқ;

«Ўзбекистон Республикаси сув хўжалиги аълочиси» кўкрак нишони тўғрисидаги низом, кўкрак нишони ва унинг гувоҳномаси тавсифлари 8 , 8а ва 8б-иловаларга мувофиқ;

Ўзбекистон Республикаси Сув хўжалиги вазирлиги ҳамда унинг тизимидаги бюджет ташкилотларида хизмат автотранспорт воситаларини бириктириш меъёрлари 9-иловага мувофиқ;

«Термиз сув йўллари техник участкаси», «Хўжайли сув йўллари техник участкаси» ва «Чолиш сув йўллари техника бўлими» давлат муассасаларининг моддий-техник базасини янада мустаҳкамлаш бўйича 2024 — 2027 йилларга мўлжалланган чора-тадбирлар дастури 10-иловага мувофиқ тасдиқлансин.

2. Сурхондарё вилояти ҳокимлиги ҳузуридаги «Термиз сув йўллари техник участкаси», Хоразм вилояти ҳокимлиги ҳузуридаги «Чолиш сув йўллари техника бўлими» ва Қорақалпоғистон Республикаси Вазирлар Кенгаши ҳузуридаги «Хўжайли техник участкаси» давлат муассасалари (кейинги ўринларда — давлат муассасалари) Ўзбекистон Республикаси Сув хўжалиги вазирлигининг Сув хўжалиги объектларини эксплуатация қилиш агентлиги тизимига ўтказилсин ҳамда 2024 йилда ушбу давлат муассасаларини молиялаштириш тартиби сақлаб қолинсин.

3. Белгилансинки, 2025 йил 1 январдан бошлаб:

давлат муассасаларини молиялаштириш тегишли маҳаллий бюджетлардан республика бюджетига ўтказилади;

давлат муассасаларининг ходимларига Ўзбекистон Республикаси Сув хўжалиги вазирлиги ҳузуридаги Сув хўжалиги объектларини эксплуатация қилиш агентлиги тизимидаги бюджетдан молиялаштириладиган ташкилотлар ходимлари учун назарда тутилган меҳнатга ҳақ тўлаш ва моддий рағбатлантириш шартлари татбиқ этилади.

4. Ўзбекистон Республикаси Сув хўжалиги вазирлиги, Қорақалпоғистон Республикаси Вазирлар Кенгаши, Сурхондарё ва Хоразм вилоятлари ҳокимликлари бир ой муддатда давлат муассасаларини Сув хўжалиги объектларини эксплуатация қилиш агентлиги тизимига белгиланган тартибда топшириш-қабул қилиш ишларини якунига етказсин.

5. Ўзбекистон Республикаси Сув хўжалиги вазирлиги ва «Агробанк» АТБнинг «Ўзбекистон ирригация тизимини модернизация қилиш» лойиҳаси бўйича дала илмий-тадқиқот ишларини олиб бориш ҳамда зарур маълумотларни тўплаш билан боғлиқ харажатларни «Агробанк» АТБ ҳисобидан молиялаштириш тўғрисидаги таклифига розилик берилсин.

6. Ўзбекистон Республикаси Ҳукуматининг 11-иловага мувофиқ айрим қарорларига ўзгартириш ва қўшимчалар киритилсин.

7. Ўзбекистон Республикаси Ҳукуматининг 12-иловага мувофиқ айрим қарорлари ўз кучини йўқотган деб ҳисоблансин.

8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев ҳамда Ўзбекистон Республикаси сув хўжалиги вазири Ш.Р. Хамраев зиммасига юклансин.

Вазирлар Маҳкамасининг 2024 йил 7 октябрдаги 645-сон қарорига 1-ИЛОВА

Ўзбекистон Республикаси Сув хўжалиги вазирлиги тўғрисида

1-боб. Умумий қоидалар

1. Ушбу Низом Ўзбекистон Республикаси Сув хўжалиги вазирлигининг (кейинги ўринларда — Вазирлик) асосий вазифалари, функциялари, ҳуқуқлари, жавобгарлиги ва фаолиятини ташкил этиш тартибини, шунингдек, Вазирлик раҳбарларининг функционал вазифалари ва масъулиятини белгилайди.

2. Вазирлик Ўзбекистон Республикасида барча сув манбалари бўйича сув ресурсларини бошқариш, сувларнинг ҳисоби, ҳисоботи ва балансини шакллантириш, сувдан фойдаланиш ва сув истеъмоли қоидаларига риоя этилишини назорат қилиш соҳасида ягона давлат сиёсатини амалга оширадиган махсус ваколатли республика ижро этувчи ҳокимият органи ҳисобланади.

3. Вазирлик ўз фаолиятида Вазирлар Маҳкамасига бўйсунади.

4. Вазирлик ўз фаолиятида Ўзбекистон Республикасининг Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, ушбу Низом, шунингдек, бошқа қонунчилик ҳужжатларига амал қилади.

5. Вазирликнинг ўз ваколатлари доирасида қабул қилган қарорлари республика ва маҳаллий ижро этувчи ҳокимият органлари ҳамда бошқа ташкилотлар, шунингдек, фуқаролар томонидан бажарилиши мажбурийдир.

6. Вазирлик ва унинг тизимидаги ташкилотлар юридик шахс ҳисобланади, Ўзбекистон Республикасининг Давлат герби тасвири туширилган, ўз номи давлат тилида ёзилган муҳрга ва бланкаларга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасининг тегишли бўлинмаларида шахсий ғазна ҳисобварақларига, шу жумладан, чет эл валютасидаги шахсий ғазна ҳисобварақларига эга бўлади.

7. Вазирликнинг расмий номи:

а) давлат тилида:

тўлиқ номи — Ўзбекистон Республикаси Сув хўжалиги вазирлиги;

қисқартирилган номи — Сув хўжалиги вазирлиги;

б) рус тилида:

тўлиқ номи — Министерство водного хозяйства Республики Узбекистан;

қисқартирилган номи — Министерство водного хозяйства;

в) инглиз тилида:

тўлиқ номи — Ministry of Water Resources of the Republic of Uzbekistan;

қисқартирилган номи — Ministry of Water Resources.

8. Вазирликнинг жойлашган манзили (почта манзили): 100187, Тошкент шаҳри, Мирзо Улуғбек тумани, Қорасув 4-даҳаси, 11-уй.

2-боб. Вазирлик тузилмаси

9. Вазирлик тизимига қуйидагилар киради:

марказий аппарат;

Сув хўжалиги объектлари хавфсизлигини ва сувдан фойдаланишни назорат қилиш инспекцияси;

Сув хўжалиги объектларини эксплуатация қилиш агентлиги;

Сув хўжалиги соҳасидаги лойиҳаларни амалга ошириш департаменти;

Сув хўжалигида хорижий инвестиция лойиҳаларини амалга ошириш маркази;

Сув хўжалигида ислоҳотлар маркази;

Марказий диспетчерлик ва сув баланси хизмати;

«Сув хўжалигида бозор механизмларини жорий қилиш» давлат муассасаси;

Фарғона водийси магистрал каналларидан фойдаланиш бошқармаси;

Жанубий Мирзачўл каналидан фойдаланиш бошқармаси;

Зарафшон магистрал тизимидан фойдаланиш бошқармаси;

Ирригация ва сув муаммолари илмий-тадқиқот институти;

Профессионал таълим муассасалари.

3-боб. Вазирликнинг вазифалари ва функциялари

10. Қуйидагилар Вазирликнинг асосий вазифалари ҳисобланади:

сув ресурсларини бошқариш, сувларнинг ҳисоби, ҳисоботи ва балансини шакллантириш соҳасида ягона давлат сиёсатини амалга ошириш;

республика аҳолиси, иқтисодиёт тармоқлари ва атроф-муҳитнинг сувга бўлган ҳамда муттасил ошиб бораётган эҳтиёжларини қондириш учун шарт-шароитлар яратиш, сув ресурсларидан самарали фойдаланишни таъминлаш;

сув хўжалиги объектларини модернизация қилиш ва қурилиш ишларини сифатли ташкил этиш, шунингдек, хавф даражаси юқори бўлган сув хўжалиги объектларини лойиҳалаштириш ва экспертиза қилиш ишларини ташкил қилиш;

ҳар бир лойиҳанинг иқтисодий самарадорлигини ҳамда сув хўжалиги объектининг хавфсизлигини аниқ кўрсаткичлар ва мезонлар асосида чуқур таҳлил қилиш орқали унинг устуворлигини белгилаш ва амалга ошириш;

хавф даражаси юқори бўлган гидротехника иншоотларининг хавфсизлигини, ишончли ишлашини ва қўриқланишини ҳамда ирригация тизимлари ва суғориш тармоқларидан фойдаланиш жараёнида уларнинг барқарор ишлашини назорат қилиш;

сув хўжалигида бозор иқтисодиёти тамойиллари, давлат-хусусий шериклик механизмлари ва аутсорсингни жорий қилиш;

сув хўжалиги соҳасида ресурс тежайдиган технологиялар, замонавий қурилиш материаллари, илғор хорижий тажрибани кенг қўллашни ташкил қилиш;

сув хўжалиги объектларини бошқариш, сувнинг ҳисоби ва ҳисоботини ҳамда Давлат сув кадастрини юритиш ва тегишли маълумотлар базасини шакллантиришда рақамли технологияларни жорий қилиш;

электр энергиясидан самарали фойдаланиш ҳамда унинг истеъмоли бўйича шаффофликни таъминлаш;

трансчегаравий сув ресурсларини бошқариш ва улардан фойдаланиш бўйича давлатлараро муносабатларни ривожлантириш, сув хўжалиги соҳасидаги халқаро ташкилотлар фаолиятида фаол иштирок этиш, хорижий инвестиция ва грант маблағлари ҳамда техник кўмакларни жалб қилиш;

сув хўжалиги соҳасидаги мутахассислар малакасини оширишни тизимли ташкил этиш, сув хўжалиги ташкилотлари билан таълим ва илмий-тадқиқот муассасалари ўртасидаги интеграцияни кучайтириш, фан ва техника ютуқларини амалиётга жорий этишни тизимли ташкил қилиш.

11. Вазирлик ўзига юкланган вазифаларга мувофиқ қуйидаги функцияларни амалга оширади:

а) сув ресурсларини бошқариш, сувларнинг ҳисоби, ҳисоботи ва балансини шакллантириш соҳасида ягона давлат сиёсатини амалга ошириш соҳасида:

сув хўжалигини ривожлантириш концепцияси ва уни амалга ошириш стратегиясини, шунингдек, ирригацияни ривожлантириш ва суғориладиган ерларнинг мелиоратив ҳолатини яхшилаш бўйича дастурларни ошкоралик асосида ишлаб чиқади;

ер усти сувлари объектларида сувнинг оқилона бошқарилиши, сувдан фойдаланиш ва сув истеъмоли қоидаларига риоя этилишини ҳамда ҳуқуқбузарликларни аниқлаш, уларнинг келиб чиқиш сабаблари ва шарт-шароитларини бартараф этиш бўйича чора-тадбирлар амалга оширилишини таъминлайди;

глобал иқлим ўзгариши ва Орол денгизи қуришининг аҳоли ҳаёти ва фаолиятига салбий таъсирини камайтириш ҳамда Оролбўйи ҳудудида сув хўжалиги вазиятини барқарорлаштириш бўйича комплекс чора-тадбирларни ишлаб чиқишда иштирок этади;

ягона сув балансини шакллантиради, шунингдек, Давлат сув кадастри юритилишини ташкил қилади;

сувдан фойдаланувчилар ва сув истеъмолчилари, шунингдек, иқтисодиётнинг барча тармоқларида (коммунал соҳадан ташқари) сув ресурсларидан фойдаланиш бўйича маълумотлар базасини яратади;

хавф даражаси юқори бўлган гидротехника иншоотларининг хавфсизлиги, ишончли ишлаши ва қўриқланиши ҳамда ирригация тизимлари ва суғориш тармоқларидан фойдаланишни ташкил қилади;

хорижий ва халқаро ташкилотлар, консультантлар ва мутахассислар билан ҳамкорлик қилиш ҳамда уларни миллий норматив ҳужжатлар базасини такомиллаштиришга жалб қилади;

тегишли республика ва маҳаллий ижро этувчи ҳокимият органлари ҳамда бошқа ташкилотлар билан биргаликда сув ресурсларини бошқариш, сувларнинг зарарли таъсирининг олдини олиш ва тугатиш бўйича чора-тадбирлар комплексини ишлаб чиқиш ва амалга оширишда иштирок этади;

давлат сиёсатининг сув хўжалиги соҳасидаги асосий йўналишлари, сув хўжалигини ривожлантириш концепцияси, уларни амалга оширишнинг стратегия ва механизмлари бўйича Вазирлар Маҳкамасига белгиланган тартибда таклифлар киритади;

б) республика аҳолиси, иқтисодиёт тармоқлари ва атроф-муҳитнинг сувга бўлган ҳамда муттасил ошиб бораётган эҳтиёжларини қондириш учун шарт-шароитларни яратиш, сув ресурсларидан самарали фойдаланишни таъминлаш соҳасида:

сув ресурсларини интеграциялашган бошқариш тамойилларини жорий қилиш ва сувдан комплекс фойдаланиш орқали иқтисодиёт тармоқларини сув билан барқарор таъминлайди, сув хўжалигини ривожлантиришнинг истиқболли схемаларини ишлаб чиқади;

ўрта ва қуйи бўғинда сувдан самарали фойдаланишни ташкил этиш, унинг зарарли таъсирларининг олдини олиш бўйича энг мақбул чора-тадбирларни ишлаб чиқади ва амалга оширади;

мамлакат сув хавфсизлигини таъминлаш ҳамда сув ресурсларини самарали бошқариш бўйича қисқа, ўрта ва узоқ муддатларга мўлжалланган комплекс тадбирларни ишлаб чиқади;

сув ресурслари прогнозларини комплекс таҳлил қилади ва сув ресурслари балансларини ишлаб чиқади, сув манбалари, ирригация тизимлари, иқтисодиёт тармоқлари, ҳудудлар, сувдан фойдаланувчилар ва сув истеъмолчилари, шунингдек, геология ва минерал ресурслар органлари билан келишилган ҳолда ер ости сувлари бўйича сув олиш лимитларини белгилайди;

сунъий сув объектлари сувидан махсус фойдаланиш ва сувни махсус истеъмол қилиш учун белгиланган тартибда рухсатномалар беради, табиий ер усти сув объектлари сувидан махсус фойдаланиш ва сувни махсус истеъмол қилишга рухсатномалар беришни келишади;

сувдан фойдаланиш ва сув истеъмоли бўйича қонунчилик ҳужжатлари лойиҳаларини белгиланган тартибда ишлаб чиқади ҳамда такомиллаштиради;

оммавий ахборот воситалари, шунингдек, анжуманлар, семинарлар, тренинглар ва бошқа тадбирларни ўтказиш орқали сув ресурсларини асраш ва улардан тежамли фойдаланиш бўйича тарғибот ишларини олиб боради;

таълим муассасаларининг ёш авлодни сувдан авайлаб-асраб фойдаланиш руҳида тарбиялаш ва сувдан фойдаланиш маданиятини ошириш бўйича тадбирларида иштирок этади;

замонавий ахборот-коммуникация технологияларидан фойдаланган ҳолда, сув бўйича оммабоп ресурслар, билимлар базасини яратиш ва ривожлантириш ишларини ташкил қилади;

в) сув хўжалиги объектларини модернизация қилиш ва қурилиш ишларини сифатли ташкил этиш, шунингдек, хавф даражаси юқори бўлган сув хўжалиги объектларини лойиҳалаштириш ва экспертиза қилиш ишларини ташкил қилиш соҳасида:

кўп йиллик тажрибага ва етарли малакага эга бўлган халқаро консультантлар, хорижий мутахассислар билан белгиланган тартибда музокаралар олиб боради;

сув омборлари, сел-сув омборлари ва хавф даражаси юқори бўлган бошқа сув хўжалиги объектларини қуриш ва реконструкция қилиш лойиҳаларини ишлаб чиқиш ҳамда экспертиза қилиш, шунингдек, уларнинг хавфсизлик мезонларини ишлаб чиқишга халқаро консультантлар, хорижий мутахассислар билан белгиланган тартибда тегишли шартномаларни расмийлаштиради ҳамда уларни халқаро нормаларга асосан жалб қилади;

сувларнинг ва сув объектларининг ҳолатига таъсир қиладиган ташкилотлар, иншоотлар ҳамда бошқа объектларни қуриш, реконструкция қилиш, таъмирлаш ва тиклаш бўйича лойиҳаларни кўриб чиқади ва белгиланган тартибда келишади;

г) ҳар бир лойиҳанинг иқтисодий самарадорлигини ҳамда сув хўжалиги объектининг хавфсизлигини аниқ кўрсаткичлар ва мезонлар асосида чуқур таҳлил қилиш орқали унинг устуворлигини белгилаш ва амалга ошириш соҳасида:

Вазирлик ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекциясининг сув хўжалиги объектлари хавфсизлигини ва сувдан самарали фойдаланишни таъминлаш тўғрисидаги кўрсатмаларини кўриб чиқади;

устувор лойиҳаларни амалга ошириш учун Ўзбекистон Республикасининг инвестиция ҳамда ижтимоий ва ишлаб чиқариш инфратузилмасини ривожлантириш дастурларига киритиш ва тегишли маблағларни ажратиш бўйича ваколатли органларга таклифлар киритади;

сув омборлари, сел-сув омборлари ва хавф даражаси юқори бўлган бошқа сув хўжалиги объектларини қуриш ва реконструкция қилиш бўйича устувор лойиҳаларнинг техник топшириқларини, шунингдек, лойиҳа ҳужжатларини белгиланган тартибда тасдиқлайди;

д) хавф даражаси юқори бўлган гидротехника иншоотларининг хавфсизлигини, ишончли ишлашини ва қўриқланишини ҳамда ирригация тизимлари ва суғориш тармоқларидан фойдаланиш жараёнида уларнинг барқарор ишлашини назорат қилиш соҳасида:

гидротехника иншоотларининг ҳолатини ҳамда хавфсизлик декларацияларига ва мезонларига мувофиқлигини текширишни ташкил этади;

гидротехника иншоотларининг техник ҳолатини жойида ўрганиш, натурада кузатиш ва диагностика қилиш ишларини амалга оширади;

тегишли вазирликлар, идоралар ва ташкилотлар билан биргаликда давлатлараро ва чегаравий сув хўжалиги объектларидан фойдаланиш масалаларини чегарадош давлатлар билан тартибга солишда иштирок этади;

гидротехника иншоотлари хавфсизлигини таъминлаш масалалари бўйича халқаро ҳамкорликни амалга оширади;

хўжалик фаолиятини ёки бошқа фаолиятни амалга ошириш учун гидротехника иншоотлари ҳудудларидан, дарёлар ўзанлари ва уларга туташ иншоотларнинг қуйи ва юқори ҳудудларидан (сув муҳофазаси зоналарида ер участкалари бериш бундан мустасно) фойдаланишни келишади;

ваколатли органларга сув муҳофазаси зоналарини, сув омборлари, дарёлар, каналлар ва коллекторларнинг соҳилбўйи минтақаларини белгилаш ишларини ташкил этишда кўмаклашади, ушбу зоналар ва чизиқларга қўйиладиган талабларнинг бажарилишини назорат қилади;

гидротехника иншоотларини жойлаштириш ва уларнинг лойиҳаларини ишлаб чиқишга доир техник топшириқларни ҳамда фойдаланиш бўйича қоидаларни келишади;

гидротехника иншоотларининг хавфсизлик декларацияларини давлат экспертизасидан ўтказади ва белгиланган тартибда тасдиқлайди;

гидротехника иншоотларининг хавфсизлик қоидаларини ишлаб чиқади ва мезонларини белгилайди;

гидротехника иншоотларининг хавфсизлиги соҳасида қонунчилик ҳужжатлари лойиҳаларини ишлаб чиқишда иштирок этади;

гидротехника иншоотларини қуриш ва реконструкция қилиш ишларини лойиҳа, буюртмачи ва пудрат ташкилотлари ҳамда тегишли вазирликлар, идоралар ва ташкилотлар мутахассисларини жалб этган ҳолда ўрганади ҳамда тегишли таклиф ва хулосалар беради;

гидротехника иншоотларини фойдаланишга қабул қилиш бўйича ишчи ва Давлат комиссиялари таркибида иштирок этади ҳамда тегишли таклиф ва хулосалар беради;

гидротехника иншоотларини консервациялаш ва тугатиш бўйича лойиҳаларни ўрганиб чиқади ҳамда тегишли таклиф ва хулосалар беради;

е) сув хўжалигида бозор иқтисодиёти тамойиллари, давлат-хусусий шериклик механизмлари ва аутсорсингни жорий қилиш соҳасида:

алоҳида сув хўжалиги объектларини фермер хўжаликлари, кластерлар ва бошқа ташкилотларга давлат-хусусий шериклик асосида фойдаланишга бериш ҳамда аутсорсингни жорий қилиш дастурларини шакллантиради;

давлат-хусусий шериклик лойиҳаларини амалга ошириш бўйича хусусий шериклар билан музокаралар олиб боради, уларга лойиҳаолди ҳужжатларини тайёрлашда кўмаклашади ва молиявий хулоса олиш, кўриб чиқиш ҳамда келишиш учун ваколатли давлат органига тақдим қилади;

ижобий хулосалар олинган давлат-хусусий шериклик лойиҳалари бўйича лойиҳа битимини ишлаб чиқади, тасдиқлаш ва белгиланган тартибда реестрга киритиш учун ваколатли давлат органига тақдим қилади;

давлат-хусусий шериклик лойиҳаларини қонунчилик ҳужжатларида белгиланган тартибда амалга оширади;

давлат-хусусий шериклик лойиҳаларининг амалга оширилиши ҳамда давлат-хусусий шериклик тўғрисидаги битим шартларига риоя этилиши юзасидан мониторинг юритади ва самарадорлигини таҳлил қилади;

ж) сув хўжалиги соҳасида ресурс тежайдиган технологиялар, замонавий қурилиш материаллари, илғор хорижий тажрибани кенг қўллашни ташкил қилиш соҳасида:

қишлоқ хўжалигида сувни тежайдиган суғориш технологияларини жорий қилишни қўллаб-қувватлашга қаратилган тадбирларни амалга оширишда талаб этиладиган маблағларни белгиланган тартибда Давлат бюджети параметрларида назарда тутиш учун асосланган таклифларни тайёрлайди;

сувни тежайдиган суғориш технологияларини такомиллаштириш, уларнинг самарадорлигини ошириш ва янгиларини яратиш бўйича илмий-тадқиқот ҳамда лойиҳа-конструкторлик ишларини кенгайтириш, янги ишланмаларни амалиётга жорий қилиш ишларини ташкил қилади;

пахта хомашёсини етиштиришда томчилатиб суғориш технологиясини жорий қилган қишлоқ хўжалиги ишлаб чиқарувчилари харажатларининг бир қисмини қоплаш учун белгиланган тартибда субсидия ажратади;

сув хўжалиги қурилишида ресурсларни тежайдиган технологиялар ва илғор хорижий тажрибаларни кенг қўллаш, илмий-тадқиқот ишларини ривожлантириш чорасини кўради;

з) сув хўжалиги объектларини бошқариш, сувнинг ҳисоби ва ҳисоботини ҳамда Давлат сув кадастрини юритиш ва тегишли маълумотлар базасини шакллантиришда рақамли технологияларни жорий қилиш соҳасида:

йирик сув хўжалиги объектларини бошқаришни замонавий ахборот-коммуникация технологиялари асосида автоматлаштиради;

сув хўжалиги объектларида сувнинг ҳисоби ва ҳисоботини юритишда рақамли технологияларни жорий қилади ҳамда улардан самарали фойдаланишни таъминлайди;

сувнинг ҳисоби ва ҳисоботини юритишда шаффофлик ва ошкораликни таъминлаш, кўп йиллик маълумотлар базасини шакллантиради ҳамда тегишли маълумотларни Вазирлик расмий веб-сайтида ёритиб боради;

ер ости сувларининг ҳолати ва кўрсаткичларини рақамли технологиялар асосида мониторинг қилади;

сув хўжалигини рақамлаштиришга халқаро молия институтлари, хорижий давлатлар, халқаро ва чет эл ташкилотлари ҳамда жамғармаларни жалб этади;

и) электр энергиясидан самарали фойдаланиш ҳамда унинг истеъмоли бўйича шаффофликни таъминлаш соҳасида:

насос станцияларида сувнинг ҳисоби ва электр энергияси истеъмолини рақамли технологиялар асосида мониторингини юритади;

сувдан фойдаланиш ва электр энергияси истеъмоли бўйича шаффоф тизимни жорий қилади;

сувдан фойдаланиш ва электр энергияси истеъмоли бўйича маълумотларни тизимли таҳлил қилиб боради ҳамда ушбу ресурслардан ажратилган лимитлар доирасида фойдаланишни назорат қилади ва улардан самарали фойдаланиш чораларини кўради;

Вазирлик тизимидаги ташкилотлар учун ажратилган электр энергияси лимитларига ўзгартириш киритиш юзасидан тегишли вазирликлар ва идораларга таклифлар киритади;

й) трансчегаравий сув ресурсларини бошқариш ва улардан фойдаланиш бўйича давлатлараро муносабатларни ривожлантириш, сув хўжалиги соҳасидаги халқаро ташкилотлар фаолиятида фаол иштирок этиш, хорижий инвестиция ва грант маблағлари ҳамда техник кўмакларни жалб қилиш соҳасида:

Оролни қутқариш халқаро жамғармаси ва унинг Давлатлараро сув хўжалигини мувофиқлаштирувчи комиссияси фаолиятида фаол иштирок этади;

трансчегаравий сув ресурсларидан фойдаланиш масалалари бўйича давлатлараро муносабатларни ривожлантириш, Марказий Осиё мамлакатлари манфаатлари ўртасидаги мувозанатни таъминлайдиган сув ресурсларини биргаликда бошқаришнинг ўзаро мақбул механизмларини ва сувдан самарали фойдаланиш дастурларини ишлаб чиқиш ҳамда илгари суришда иштирок этади;

хорижий давлатлардаги сув хўжалиги объектлари лойиҳаларини ишлаб чиқиш ва уларнинг қурилишида белгиланган тартибда иштирок этади;

трансчегаравий сув ресурсларини бошқариш ва улардан фойдаланиш, сув хўжалигини ривожлантириш ва ерларнинг мелиоратив ҳолатини яхшилаш бўйича давлатлараро масалаларни муҳокама қилиш ва ҳал этишда республика номидан иштирок этади;

халқаро шартномалар, хорижий мамлакатлар билан сув хўжалиги ва мелиорация соҳасидаги ҳамкорлик дастурлари доирасида Ўзбекистон томонининг мажбуриятларини бажариш билан боғлиқ бўлган халқаро тадбирларнинг республикада ўтказилишини ташкил этади, сув хўжалиги масалалари бўйича хорижий ҳамкорлар билан музокараларда қатнашади;

Оролни қутқариш халқаро жамғармаси ва унинг тизимидаги ташкилотлар, Бутунжаҳон сув кенгаши, Ирригация ва дренаж халқаро комиссияси, Йирик тўғонлар бўйича халқаро комиссия, Сув ресурсларини ривожлантириш ва бошқариш бўйича ислом давлатлараро тармоғи ҳамда бошқа халқаро ташкилотлар фаолиятида фаол иштирок этади;

к) сув хўжалиги соҳасидаги мутахассислар малакасини оширишни тизимли ташкил этиш, сув хўжалиги ташкилотлари билан таълим ва илмий-тадқиқот муассасалари ўртасидаги интеграцияни кучайтириш, фан ва техника ютуқларини амалиётга жорий этишни тизимли ташкил қилиш соҳасида:

сув хўжалиги соҳасидаги кадрлар, мутахассислар, шу жумладан, сув хўжалиги ташкилотлари раҳбар ходимлари ва мутахассисларининг малакасини ошириш бўйича ўқув курсларини мунтазам равишда ташкил этади;

сув хўжалиги ташкилотларининг таълим муассасалари ва илмий-тадқиқот муассасалари билан ўзаро интеграциясини кучайтириш бўйича чора-тадбирларни ишлаб чиқади ва амалга оширади;

сув хўжалиги соҳасидаги олий таълим муассасалари талабалари ва профессионал таълим муассасалари ўқувчиларининг ўқув-ишлаб чиқариш амалиётларини сифатли ўтказиш бўйича зарур шарт-шароитларни яратади;

сув хўжалиги соҳасига замонавий ва илғор технологияларни жорий этиш ва кенг қўллаш бўйича малакали кадрларни тайёрлашга кўмаклашади;

якунланган илмий ишланмалар ва тавсияларни амалиётга жорий қилишни ташкил қилади;

сув хўжалиги соҳасидаги кадрлар ва мутахассисларнинг, шу жумладан, сув хўжалиги ташкилотлари раҳбар ходимлари ва мутахассисларининг малакасини ошириш бўйича идоравий илмий ва ўқув курсларини республиканинг ихтисослаштирилган сув хўжалиги ташкилотлари, таълим ва илмий-тадқиқот муассасалари, профессионал таълим муассасаларида, шунингдек, хорижда белгиланган тартибда ташкил этади.

12. Вазирлик ўзига юкланган вазифалар ва функцияларни бевосита, шунингдек, ўз тизимидаги ташкилотлар орқали ҳал этади.

1-§. Вазирлик марказий аппаратининг вазифалари ва функциялари

13. Қуйидагилар Вазирлик марказий аппаратининг асосий вазифалари ҳисобланади:

Вазирлик тизимига кирувчи ва идоравий мансуб ташкилотлар билан биргаликда вазирликка юкланган вазифалар ва функцияларнинг самарали бажарилишини таъминлаш;

сув хўжалиги соҳасида ягона давлат сиёсати амалга оширилишини таъминлаш;

сув хўжалигини ривожлантириш концепцияси ҳамда сув ресурсларини бошқариш ва ирригация секторини ривожлантириш стратегияларини ишлаб чиқиш;

Вазирлик, унинг тизимидаги ташкилотлар ва идоравий мансуб ташкилотлари фаолияти билан боғлиқ прогноз кўрсаткичларга эришилишини таъминлаш;

республика ва маҳаллий ижро этувчи ҳокимият органлари ҳамда бошқа ташкилотлар билан Вазирлик фаолияти соҳасига кирадиган масалалар бўйича ўзаро ҳамкорлик қилиш, Вазирлар Маҳкамаси ва унинг Раёсати мажлисларида тегишли масалаларни кўриб чиқишда иштирок этиш;

Ўзбекистон Республикаси Президентининг, Ўзбекистон Республикаси Президенти Администрацияси раҳбарининг, Ўзбекистон Республикаси Бош вазири, унинг ўринбосарлари ва маслаҳатчилари топшириқларини ўз вақтида ва сифатли бажариш;

Вазирлик ходимларининг малакасини оширишни тизимли ташкил қилиш;

Вазирлик, унинг тизимидаги ташкилотлар ва идоравий мансуб ташкилотлари фаолияти самарадорлигини танқидий таҳлил қилиш, таҳлил натижаларига кўра зарур чоралар кўриш;

Вазирлик, тизим ташкилотлари ва идоравий мансуб ташкилотлар фаолиятини ташкил этишнинг замонавий шаклларини жорий қилиш;

жисмоний ва юридик шахсларнинг мурожаатларини кўриб чиқиш бўйича самарали фаолиятни таъминлаш, аҳоли билан бевосита ва очиқ мулоқот ўрнатиш;

Ўзбекистон Республикаси Президентининг Халқ қабулхоналари билан самарали ҳамкорликни, уларнинг фаолиятида Вазирлик раҳбарлари ва ходимларининг фаол иштирок этишини, Ўзбекистон Республикаси Президентининг Халқ қабулхоналари ва Виртуал қабулхонасидан тушган жисмоний ва юридик шахсларнинг мурожаатларининг ўз вақтида ва тўлиқ кўриб чиқилишини таъминлаш;

халқаро ва давлатлараро алоқаларни кенгайтириш ва мустаҳкамлаш бўйича тадбирларда, халқаро майдонда Ўзбекистон Республикаси номидан вакиллар иштирокини, сув хўжалиги соҳасига хорижий инвестиция ва грант маблағлари ҳамда техник кўмакларнинг жалб қилинишини таъминлаш;

Вазирлик ҳайъати қарорлари, Ўзбекистон Республикаси сув хўжалиги вазирининг (кейинги ўринларда — Вазир) буйруқлари ва топшириқларининг ўз вақтида ва сифатли бажарилишини таъминлаш;

Вазирлик, унинг тизимидаги ташкилотлар ва идоравий мансуб ташкилотлари кадрларини танлаш ва жой-жойига қўйиш, уларнинг касбий маҳорати, амалий тажрибаси, юқори даражадаги ишчанлик ва ахлоқий-маънавий сифатлари кафолатини таъминлаш, уларнинг касбий малакасини ошириш чораларини кўриш, кадрлар захирасини шакллантириш;

сув хўжалиги масалаларига доир Ўзбекистон Республикаси Президентининг фармонлари, қарорлари ва фармойишлари, Ҳукуматнинг қарорлари ва фармойишлари лойиҳаларини ўз вақтида сифатли тайёрлаш.

14. Қуйидагилар Вазирлик марказий аппаратининг асосий функциялари ҳисобланади:

Вазирлик ва унинг раҳбарияти фаолиятини ташкилий ва ахборот-таҳлил жиҳатидан таъминлайди;

Вазирликнинг таркибий ва идоравий мансуб ташкилотлари томонидан Ўзбекистон Республикаси Президентининг «Қонунчилик ҳужжатлари ижросини самарали ташкил этишда республика ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармони талабларига қатъий риоя этади;

Вазирлик фаолияти доирасида ижро интизомини мустаҳкамлаш бўйича комплекс амалий чора-тадбирларни амалга ошириш, шунингдек, Ўзбекистон Республикаси Президентининг «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида« 2021 йил 31 майдаги ПҚ-5132-сон қарорига ҳамда Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ топшириқларнинг ўз вақтида ва сифатли бажарилиши мунтазам назорат қилади;

Вазирлик томонидан Ўзбекистон Республикаси Президенти Администрацияси ва Вазирлар Маҳкамасига киритиладиган қонунчилик ҳужжатларининг сифатли ва ўз вақтида ишлаб чиқилишини ҳамда уларнинг иқтисодий, молиявий ва ҳуқуқий экспертизадан ўтказилишини таъминлайди;

Вазирлик тизимидаги ва идоравий мансуб ташкилотлари фаолиятини мувофиқлаштиради, назорат ва таҳлил қилади;

Вазирликнинг фаолияти, шу жумладан, қонун ижодкорлиги соҳасидаги фаолияти ҳуқуқий таъминланишини ташкил қилади;

Вазирликнинг ваколатига кирувчи тезкор, ташкилий, кадрлар, молиявий, ишлаб чиқариш-хўжалик ҳамда бошқа масалалар бўйича буйруқлар қабул қилади;

Вазирлик, унинг тизимидаги ташкилотлар ва идоравий мансуб ташкилотлари фаолияти билан боғлиқ прогноз кўрсаткичларга эришилишини сўзсиз таъминлаш бўйича амалий чоралар кўради;

Ўзбекистон Республикаси Президенти Администрацияси ва Вазирлар Маҳкамаси, шунингдек, республика ва маҳаллий ижро этувчи ҳокимият органлари ҳамда бошқа ташкилотлар билан Вазирлик фаолияти соҳасига кирадиган масалалар юзасидан ўзаро ҳамкорлик қилади;

Вазирлик тизимидаги ташкилотлар, уларнинг таркибига кирувчи ташкилотлар ва идоравий мансуб ташкилотлар фаолиятини ташкил этишнинг замонавий шаклларини жорий қилади;

Вазирликнинг самарали фаолиятини ташкил қилиш ва такомиллаштириш бўйича таклифлар ишлаб чиқади;

сув хўжалиги соҳасини ривожлантириш бўйича илмий-тадқиқот ишлари олиб борилишига ташкилий ва молиявий кўмаклашади;

идоравий мансуб профессионал таълим муассасалари фаолиятини ташкил қилишга кўмаклашиш, улар билан кадрларни тайёрлаш ва сув хўжалиги ташкилотлари кадрларининг малакасини оширишда ҳамкорлик қилади;

Давлат сув кадастрини ва суғориладиган ерларнинг мелиоратив кадастри юритилишини ташкил қилади;

сув ресурслари ва сув хўжалиги объектларини бошқаришга рақамли технологияларни жорий қилишни ташкил қилади;

сув хўжалиги объектларидан фойдаланишда давлат-хусусий шериклик механизмлари ва аутсорсингни жорий қилади;

республика бюджетидан молиялаштириладиган идоравий мансуб ташкилотларда молия, бухгалтерия ҳисоби ва ҳисоботини ташкил этади;

Вазирлик, унинг тизимидаги ташкилотлар ва идоравий мансуб ташкилотларида ички аудит ва молиявий назоратни амалга оширади;

жисмоний ва юридик шахсларнинг мурожаатлари билан ишлашни ташкил этади;

хорижий инвестициялар жалб этилишини ва халқаро ҳамкорликни ташкил этади;

сув хўжалиги соҳасида анжуманлар, семинарлар ва халқаро тадбирларни ташкил этади;

сув хўжалиги соҳасида илм-фан ва ишлаб чиқаришнинг илғор ютуқларини оммавий ахборот воситаларида мунтазам ва кенг ёритишга доир ишларни амалга оширади;

Давлат сув кадастрига тегишли тематик қатламлар давлат кадастрларининг ҳар бир тури бўйича базавий картографик асосдан фойдаланиб, объект турлари ва ахборот турлари (рўйхатдан ўтказишга оид, ҳисобга олишга оид, баҳолашга оид) бўйича маълумотларни шакллантиради;

ўзига қарашли муассасалар ҳамда ташкилотлар томонидан бажариладиган Давлат сув кадастрини ишлаб чиқиш ва юритишга оид ишларга раҳбарлик қилиш, режалаштириш ва уларнинг бажарилишини назорат қилади;

тегишли вазирлик ва идоралар билан биргаликда Давлат сув кадастри ахборотномасини нашр этишга тайёрлайди;

ер усти сувларининг классификаторларини ишлаб чиқади;

ер усти сувлари тўғрисидаги ахборотларни тўплаш, назорат қилиш, қайта ишлаш ва умумлаштиришга оид усуллар, алгоритмлар ва ахборот тизимлари ҳамда дастурий таъминотлар ишлаб чиқилишини таъминлайди.

15. Марказий аппарат қонунчилик ҳужжатларига мувофиқ бошқа функцияларни ҳам амалга ошириши мумкин.

4-боб. Вазирликнинг ҳуқуқлари ва жавобгарлиги

16. Вазирлик ўзига юкланган вазифалар ва функцияларни бажариш учун қуйидаги ҳуқуқларга эга:

Ўзбекистон Республикаси Президенти Администрациясига ва Вазирлар Маҳкамасига қонунчилик ҳужжатлари лойиҳаларини, шунингдек, Вазирликка юкланган вазифалар ва функцияларни бажариш билан боғлиқ бўлган бошқа ҳужжатларни белгиланган тартибда киритиш;

республика ва маҳаллий ижро этувчи ҳокимият органлари ҳамда бошқа ташкилотлардан Вазирлик ваколатига кирадиган масалаларни ҳал этиш учун зарур бўладиган маълумотларни белгиланган тартибда сўраш ва олиш;

Вазирлик, унинг тизимидаги ташкилотлар ва идоравий мансуб ташкилотлари ходимлари томонидан сув хўжалиги соҳасидаги фаолияти асосий кўрсаткичларининг бажарилишини ҳисобга олган ҳолда ходимларни белгиланган тартибда моддий рағбатлантириш;

Вазирлар Маҳкамасига, республика ва маҳаллий ижро этувчи ҳокимият органлари ҳамда бошқа ташкилотларга Вазирлик ваколати доирасига кирадиган масалалар бўйича таклифлар киритиш;

Вазирлик ваколати доирасига кирадиган масалалар бўйича белгиланган тартибда шартномалар тузиш;

Вазирлик ваколатига кирадиган масалалар бўйича халқаро муносабатларда белгиланган тартибда Ўзбекистон Республикасининг манфаатларини ифодалаш;

Вазирликка келишиш учун киритилган қонунчилик ҳужжатлари лойиҳалари ва таклифлар бўйича ўз хулосаларини бериш;

сув манбаларининг сувлилик даражаси ўзгарган ҳолатларда сув олиш лимитларига тузатишлар киритиш;

юкланган вазифалар доирасида бевосита ёки тизимидаги ташкилотлар ва идоравий мансуб ташкилотлар орқали хорижий соҳа ташкилотлари ҳамда илмий-тадқиқот ва таълим муассасалари билан ҳамкорлик қилиш;

сув хўжалиги соҳасидаги жорий ва стратегик вазифаларни ёритиш учун белгиланган тартибда ноширлик фаолиятини амалга ошириш;

биноларга хизмат кўрсатиш, хўжалик инвентарлари ва ашёларини, автотранспорт, алоқа воситалари, ҳисоблаш, компьютер ва офис жиҳозларини сақлаш ва ишлатиш, дастурий таъминотни сотиб олиш учун белгиланган тартибда шартномалар тузиш;

Вазирлик ваколатига кирадиган масалаларни ҳал этишга илмий-тадқиқот муассасалари, олимлар ва мутахассисларни, шу жумладан, хорижий мутахассисларни шартнома асосида жалб қилиш;

Вазирлик ва унинг тизимидаги ташкилотларнинг моддий-техник базасини мустаҳкамлаш бўйича чоралар кўриш;

Вазирлик мукофотлари, кўкрак нишонлари ва фахрий ёрлиқларини белгиланган тартибда таъсис этиш ва сув хўжалиги соҳасидаги илғор ходимларни ушбу мукофотлар билан тақдирлаш;

сув хўжалиги соҳасида муносиб фидокорлик ва меҳнатсеварлик кўрсатган, ўзининг касбий фаолиятида юксак натижаларга эришган ходимлар номзодларини белгиланган тартибда давлат мукофотларига тақдим этиш;

ўқув ва илмий-инновацион фаолиятида намуна кўрсатган бакалавр, магистр, таянч докторант ва докторантлар учун Вазирлик стипендиясини таъсис этиш.

Вазирлик қонунчилик ҳужжатларига асосан бошқа ҳуқуқларга ҳам эга бўлиши мумкин.

17. Вазирлик:

унга юкланган вазифалар ва функцияларнинг лозим даражада ва самарали бажарилиши, шунингдек, тегишли соҳада давлат сиёсати амалга оширилиши;

тегишли соҳадаги фаолиятнинг асосий кўрсаткичлари параметрларига ва белгиланган индикаторларга эришишнинг сўзсиз таъминланиши;

жорий этилаётган инновациялар, ғоялар ва технологиялар, шунингдек, Вазирлик томонидан Ўзбекистон Республикаси Президенти Администрацияси ва Вазирлар Маҳкамасига киритиладиган норматив-ҳуқуқий ҳужжатлар ва бошқа ҳужжатлар лойиҳаларини, шунингдек, Вазирлик томонидан қабул қилинадиган норматив-ҳуқуқий ҳужжатларни амалга ошириш сифати, якуний натижалари ва оқибатлари;

тегишли соҳани ривожлантириш дастурлари, чора-тадбирлар режалари, «йўл хариталари» ва бошқа ҳужжатлар самарали амалга оширилиши ҳамда ҳудудлардаги муаммоли масалалар ҳал этилиши;

фуқаролар ва тегишли соҳадаги тадбиркорлик субъектларининг ҳуқуқлар ва қонуний манфаатларига риоя этилиши ва уларнинг ҳимоя қилиниши таъминланиши, соҳада рақамлаштиришни таъминлаш ва коррупция омилларини бартараф этиш учун жавобгардир.

1-§. Вазирлик марказий аппаратининг ҳуқуқлари ва мажбуриятлари

18. Вазирликнинг марказий аппарати ўзига юкланган вазифалар ва функцияларни бажариш учун қуйидаги ҳуқуқларга эга:

тизимидаги ташкилотлар ва идоравий мансуб ташкилотлардан Вазирликнинг марказий аппаратида кўриб чиқиладиган масалалар ҳамда қонунчилик ҳужжатлари ва бошқа ҳужжатлар лойиҳаларини ишлаб чиқиш ҳамда таҳлил қилиш учун зарур бўладиган материаллар ва маълумотларни талаб қилиш ва олиш;

тизимидаги ташкилотлар ва идоравий мансуб ташкилотлардан улар томонидан киритилган қонунчилик ҳужжатлари ва бошқа ҳужжатлар лойиҳаларининг қайта тайёрланишини талаб қилиш, зарур ҳолларда ҳужжатларни қайтадан ишлаб чиқишга қайтариш;

тизимидаги ташкилотлар ва идоравий мансуб ташкилотлар раҳбарлари ва вакиллари иштирокида йиғилишлар ўтказиш;

Вазирликка юкланган вазифалар ва функцияларни бажариш билан боғлиқ ва тезкор ҳал этиш талаб этиладиган масалалар бўйича ҳудудий бўлинмалар ва идоравий мансуб ташкилотлар раҳбарларига белгиланган тартибда топшириқлар бериш;

тизим ва идоравий мансуб ташкилотлар фаолиятини ва улар томонидан қонунчилик ҳужжатлари талаблари, Ўзбекистон Республикаси Президенти, Ўзбекистон Республикаси Президенти Администрацияси ва Вазирлар Маҳкамасининг топшириқлари ҳамда Вазирлик буйруқлари ва унинг раҳбарияти топшириқларининг бажарилишини белгиланган тартибда ўрганиш ва текшириш.

Вазирликнинг марказий аппарати қонунчилик ҳужжатларига асосан бошқа ҳуқуқларга ҳам эга бўлиши мумкин.

19. Вазирликнинг марказий аппарати:

Вазирликнинг таркибий бўлинмалари ва тизимидаги ташкилотлар ҳамда идоравий мансуб ташкилотлари билан биргаликда Вазирликка юкланган вазифалар ва функцияларнинг сифатли ва ўз вақтида бажарилишини таъминлаш;

Вазирлик фаолияти билан боғлиқ прогноз кўрсаткичларга эришишни таъминлаш учун Вазирлик марказий аппарати бўлинмаларининг фаолиятини ташкил этиш;

Вазирлик томонидан Вазирлар Маҳкамаси ва Ўзбекистон Республикаси Президенти Администрациясига кўриб чиқиш учун киритиладиган қонунчилик ҳужжатлари ва бошқа ҳужжатлар лойиҳаларининг сифати ва экспертизадан ўтказилганлиги ҳамда Вазирлик томонидан қабул қилинаётган қарорлар ижро этилиши;

тизимидаги ташкилотлар ва идоравий мансуб ташкилотлари томонидан ўз фаолияти соҳасини ривожлантириш бўйича давлат дастурлари, иш ва чора-тадбирлар режалари, «Йўл хариталари» ва бошқа дастурий ҳужжатларнинг амалга оширилишини ташкил этиш учун жавобгардир.

5-боб. Вазирлик раҳбариятининг асосий функционал мажбуриятлари

20. Қуйидагилар Вазирнинг асосий функционал мажбуриятлари ҳисобланади:

Ўзбекистон Республикаси Конституцияси ва қонунлари, шунингдек, бошқа қонунчилик ҳужжатлар талабларига риоя этиш;

Вазирлик фаолиятини умумий бошқариш, Ўзбекистон Республикаси Президентининг тегишли фармонлари, қарорлари ва фармойишлари, Вазирлар Маҳкамасининг қарорлари ва фармойишларига мувофиқ Вазирликка юкланган вазифалар ва функцияларнинг бажарилишини таъминлаш;

Вазирлик фаолиятини янада такомиллаштириш бўйича Ўзбекистон Республикаси Президентининг фармонлари, қарорлари ва фармойишлари ҳамда Вазирлар Маҳкамасининг қарорлари ва фармойишлари билан тасдиқланган концепциялар, комплекс дастурлар ва комплекс чора-тадбирларнинг бажарилишини танқидий ва чуқур таҳлил қилиб бориш;

Вазирлик, унинг таркибий ва ҳудудий бўлинмалари фаолиятига оид прогноз кўрсаткичларнинг сўзсиз бажарилишини таъминлаш учун амалий чора-тадбирларни ишлаб чиқиш ҳамда амалга ошириш;

Ўзбекистон Республикаси Президенти Администрациясининг тегишли таркибий бўлинмалари ва Вазирлар Маҳкамаси, шунингдек, тегишли республика ва маҳаллий ижро этувчи ҳокимият органлари ҳамда бошқа ташкилотлар билан Вазирлик фаолияти соҳасига кирадиган масалалар бўйича ўзаро ҳамкорлик қилиш, Вазирлар Маҳкамаси ва унинг Раёсати мажлисларида масалаларнинг кўриб чиқилишида иштирок этиш;

Ўзбекистон Республикаси Президенти, Ўзбекистон Республикаси Президенти Администрацияси раҳбари, Ўзбекистон Республикасининг Бош вазири, унинг ўринбосарлари ва маслаҳатчилари топшириқларини ўз вақтида ва сифатли бажариш;

Вазир ўринбосарларининг фаолияти самарадорлигини ҳамда мақсадли вазифаларга эришилишини баҳолашнинг асосий мезонлари бўйича Вазирлар Маҳкамасига таклиф киритиш;

Вазир ўринбосарларининг ва Вазирликнинг бошқа мансабдор шахслари ваколатларини белгилаш, Вазирлик фаолиятининг алоҳида йўналишларига раҳбарлик қилиши учун уларнинг шахсий масъулиятини белгилаш;

Вазирлик фаолиятини режалаштиришни ташкил этиш, Вазир ва вазир ўринбосарларининг даврий иш режаларини тасдиқлаш, уларнинг бажарилиши назорат қилинишини таъминлаш;

қонунчилик ҳужжатлари ва Ўзбекистон Республикаси Президентининг ҳужжатлари ҳамда топшириқлари ижросини таъминлашда Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармони талабларига қатъий риоя этиш;

Вазирлик ходимларини мунтазам қайта тайёрлаш ва уларнинг малакасини оширишни ташкил этиш;

Вазирлик тизимида кадрларни танлаш ва жой-жойига қўйиш, уларнинг мутахассислигига талабларни белгилаш ва самарали фаолият юритишлари учун зарур шароитлар яратиш, Вазирликнинг кадрлар захирасини шакллантириш;

Ўзбекистон Республикаси Президенти, Ўзбекистон Республикаси Президенти Администрацияси ва Вазирлар Маҳкамаси номенклатурасига кирувчи лавозимларнинг бўш ўринларига тавсия қилинган ходимларнинг, шунингдек, Вазирликка ишга қабул қилинаётган бошқа ходимларнинг касбий маҳорати ва билим даражаси, юқори даражадаги ишчанлик ва ахлоқий-маънавий фазилатларини таъминлашга қаратилган чоралар кўриш;

сув хўжалиги масалалари бўйича қонунчилик ҳужжатлари лойиҳаларининг сифатли ишлаб чиқилишини, « Норматив-ҳуқуқий ҳужжатлар тўғрисида» ги ва « Қонун лойиҳаларини тайёрлаш ва уларни Ўзбекистон Республикаси Олий Мажлисининг Қонунчилик палатасига киритиш тартиби тўғрисида »ги Ўзбекистон Республикасининг қонунлари, Ўзбекистон Республикаси Президенти Администрациясининг Регламенти, Вазирлар Маҳкамасининг Регламенти талабларига қатъий риоя қилган ҳолда, Вазирлар Маҳкамасига ўз вақтида киритилишини таъминлаш, уларни Вазирлар Маҳкамасининг раҳбарияти ҳузурида ҳимоя қилиш ҳамда Вазирлар Маҳкамасида ишлаб чиқилишида ва Ўзбекистон Республикаси Президенти Администрациясида кўриб чиқилишида иштирок этиш;

Вазирликнинг қонун лойиҳаларига доир фаолиятини « Норматив-ҳуқуқий ҳужжатлар тўғрисида »ги ва « Қонун лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида »ги Ўзбекистон Республикасининг қонунлари ва Вазирлар Маҳкамасининг 2016 йил 17 октябрдаги 345-сон қарори билан тасдиқланган Давлат ва хўжалик бошқаруви органлари, маҳаллий ижро этувчи ҳокимият органларининг қонун лойиҳаларига доир фаолиятининг намунавий регламентига мувофиқ ташкил этиш;

Вазирлик фаолиятига кирадиган масалалар бўйича идоравий норматив-ҳуқуқий ҳужжатларни қабул қилиш, зарур бўлган ҳолларда бошқа вазирликлар ва идоралар билан биргаликда тегишли қарорлар қабул қилиш;

Вазирликка киритилган таклифлар ва қонунчилик ҳужжатлари лойиҳаларининг тўлиқ ва батафсил кўриб чиқилишини, Ўзбекистон Республикаси Президенти Администрациясининг Регламентида ва Вазирлар Маҳкамасининг Регламентида белгиланган муддатларда келишилишини (виза қўйилишини) таъминлаш;

Вазирлик раҳбарлари ва ходимларининг хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида» 2014 йил 5 мартдаги ПҚ-2142-сон ва « Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида » 2017 йил 3 августдаги ПҚ-3170-сон қарорлари талабларига тўлиқ мос равишда ташкил этиш, хизмат сафарларининг асосланган, самарали ва натижали бўлишини, хизмат сафари учун ажратиладиган маблағлардан мақсадли ва оқилона фойдаланишни таъминлаш;

Вазир ўринбосарлари, таркибий ва ҳудудий бўлинмалар ҳамда идоравий мансуб ташкилотлар раҳбарлари фаолиятининг самарадорлиги ва натижадорлигини мунтазам равишда танқидий таҳлил қилиш, уларнинг шахсий ҳисоботларини Вазирликнинг Ҳайъат мажлисларида эшитиш, якуний натижалар бўйича зарур чоралар кўриш;

Вазирлик ходимларини рағбатлантириш ва интизомий жавобгарликка тортиш масалаларини ҳал этиш, ўзининг ўринбосарларини рағбатлантириш ва интизомий жавобгарликка тортиш бўйича, шу жумладан, уларнинг эгаллаб турган лавозимларида қолишининг мақсадга мувофиқлиги тўғрисида таклифлар киритиш, уларнинг шахсий жавобгарлигини ошириш бўйича тизимли чоралар кўриш;

Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари талабларига Вазирлик ходимлари томонидан риоя этилишини таъминлашни назорат қилиш;

«Коррупцияга қарши курашиш тўғрисида»ги Ўзбекистон Республикасининг Қонуни талабларига мувофиқ Вазирлик тизимида коррупция ва бошқа қонунбузарликларнинг олдини олиш бўйича чоралар кўриш, шунингдек, ҳуқуқ амалиёти ва қонунчиликни такомиллаштириш бўйича чора-тадбирлар ишлаб чиқиш ва амалга ошириш йўли билан уларни аниқлаш, таҳлил қилиш, уларни юзага келтирувчи сабаблар ва шартларни бартараф этиш;

жисмоний ва юридик шахсларнинг мурожаатларини кўриб чиқиш бўйича ишларни «Жисмоний ва юридик шахсларнинг мурожаатлари тўғрисида»ги Ўзбекистон Республикасининг Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ самарали ташкил этиш, жамоатчилик билан бевосита ва очиқ мулоқот ўрнатиш, шахсан қабул қилишнинг мунтазам равишда ўтказилишини, шу жумладан, жисмоний ва юридик шахсларнинг вакилларини жойларга бориб белгиланган муддатда ва тартибда қабул қилишни таъминлаш;

Ўзбекистон Республикаси Президентининг Халқ қабулхоналари билан самарали ҳамкорликни йўлга қўйиш, Ўзбекистон Республикаси Президентининг Халқ қабулхоналари ва Виртуал қабулхонасига жисмоний ва юридик шахслардан тушган аризаларнинг ўз вақтида ва тўлиқ кўриб чиқилишида Вазирлик раҳбарлари ва ходимларининг фаол иштирокини таъминлаш;

давлат сирлари ёки қонун билан қўриқланадиган бошқа сирни ташкил этувчи маълумотлар билан ишлашда қонунчилик ҳужжатларида белгиланган талабларга риоя қилиш;

штат бирликларининг белгиланган сонидан келиб чиқиб, Вазирлик марказий аппарати тузилмаси ва штат жадвалини тасдиқлаш;

Вазирлик тизимидаги ташкилотлар низомларини ва идоравий мансуб ташкилотларининг уставларини белгиланган тартибда тасдиқлаш;

Вазирлик марказий аппарати ходимлари, унинг тизимидаги ташкилотлар ва идоравий мансуб ташкилотлари раҳбарлари билан қонунчилик ҳужжатларида белгиланган тартибда меҳнат шартномаларини тузиш ва бекор қилиш;

Вазирлик, унинг тизимидаги ташкилотлар ва идоравий мансуб ташкилотларининг мансабдор шахслари учун мажбурий бўлган буйруқ ва кўрсатмалар бериш ҳамда уларнинг бажарилишини белгиланган тартибда назорат қилиш;

зарурат бўлганда, Вазирлик марказий аппарати, ҳудудий бўлинмалари ва идоравий мансуб ташкилотларининг ташкилий-штат тузилмаларига белгиланган штат бирликлари доирасида ўзгартиришлар киритиш;

сув хўжалиги соҳасида ягона давлат сиёсати амалга оширилишини таъминлаш, тегишли вазирликлар, идоралар, маҳаллий ижро этувчи ҳокимият органлари ва бошқа ташкилотлар фаолиятини мувофиқлаштириш;

сув хўжалиги соҳасида кадрларни тайёрлаш, сув хўжалиги ходимларини қайта тайёрлаш ва уларнинг малакасини оширишни ташкил этиш бўйича чоралар кўриш;

сув хўжалиги ходимлари ва мутахассисларини уларнинг узоқ ва самарали фаолият кўрсатганлиги, алоҳида хизматлари учун Ўзбекистон Республикаси давлат мукофотлари билан тақдирлаш учун белгиланган тартибда таклифлар киритилишини таъминлаш ва тавсиялар бериш;

хорижий инвестициялар, грант маблағлари ҳамда техник кўмакларни жалб қилиш ҳамда сув хўжалиги тизимини такомиллаштиришга қаратилган халқаро молия институтлари ва хорижий ҳукумат молия ташкилотлари маблағлари ҳисобидан хорижий инвестиция лойиҳалари амалга оширилишини ташкил этиш;

сув хўжалиги соҳасида давлат-хусусий шериклик лойиҳаларини амалга ошириш ва аутсорсингни жорий қилишни таъминлаш;

сув хўжалиги объектлари бошқарувини рақамли технологиялар асосида автоматлаштиришни ташкил этиш;

сув хўжалигида капитал қурилиш тизимини такомиллаштиришга қаратилган устувор инвестиция лойиҳаларини ошкоралик асосида танлаш, уларнинг қисқа ва узоқ муддатли дастурларини ишлаб чиқишни ҳамда амалга оширилишини назорат қилиш;

трансчегаравий сув ресурсларини бошқариш ва улардан фойдаланиш бўйича давлатлараро муносабатларни ривожлантириш, шунингдек, сув хўжалиги соҳасидаги халқаро ташкилотлар фаолиятида фаол иштирок этиш;

сув хўжалиги тизимидаги ва идоравий мансуб ташкилотлар учун электр энергиясининг йиллик лимитларини тақсимлаш;

ваколати доирасида судларга даъво аризаси билан мурожаат қилиш ва судларда иштирок этиш учун (вакилларга) ишончномаларни имзолаш.

Қонунчилик ҳужжатларига мувофиқ Вазирга бошқа функционал мажбуриятлар ҳам юкланиши мумкин.

21. Вазирнинг биринчи ўринбосарининг асосий функционал мажбуриятлари қуйидагилардан иборат:

Ўзбекистон Республикаси Конституцияси ва қонунлари, шунингдек, бошқа қонунчилик ҳужжатлари талабларига риоя этиш;

Вазир вақтинчалик бўлмаган ҳолларда тегишли буйруқ асосида Вазир вазифасини бажариш;

ўзи бошқарадиган таркибий бўлинмалар фаолиятини мувофиқлаштириш, назорат қилиш, бевосита бошқариш, ходимлар ўртасида вазифаларни тақсимлаш;

Вазирлик фаолиятини янада такомиллаштириш бўйича Ўзбекистон Республикаси Президентининг фармонлари, қарорлари ва фармойишлари ҳамда Вазирлар Маҳкамасининг қарорлари ва фармойишлари билан тасдиқланган концепциялар, комплекс дастурлар ва комплекс чора-тадбирларнинг бажарилишини ўзи бошқарадиган йўналиш бўйича танқидий ва чуқур таҳлил қилиб бориш;

ўз фаолияти самарадорлигини ҳамда мақсадли вазифаларга эришишни баҳолашнинг асосий мезонларини ишлаб чиқиш ва ижросини таъминлаш;

ўзи бошқарадиган таркибий бўлинмалар томонидан прогноз кўрсаткичларнинг сўзсиз бажарилишини таъминлаш чораларини кўриш, бўлинмалар раҳбарларининг ҳисоботларини мунтазам равишда эшитиб бориш ва ушбу кўрсаткичларга эришиш учун уларнинг шахсий масъулиятини ошириш;

ўзи бошқарадиган таркибий бўлинмалар раҳбарларининг иш режаларини тасдиқлаш, уларнинг бажарилиши юзасидан назоратни таъминлаш;

Вазирлик фаолияти доирасида ижро интизомини мустаҳкамлаш бўйича комплекс амалий чора-тадбирларни амалга ошириш, шунингдек, Ўзбекистон Республикаси Президентининг «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарори ҳамда Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ топшириқларнинг ўз вақтида ва сифатли бажарилиши учун таркибий ва ҳудудий бўлинмалар ҳамда идоравий мансуб ташкилотлар раҳбарларининг шахсий масъулиятини ошириш чораларини кўриш;

Вазирлик ҳайъати қарорлари, Вазирнинг буйруқ ва топшириқларининг ўз вақтида ва сифатли бажарилишини таъминлаш;

ўзи бошқарадиган таркибий бўлинмаларда ходимларни танлаш ва жой-жойига қўйиш бўйича Вазирга таклифлар киритиш, уларнинг касбий маҳорати, билим даражаси, амалий тажрибаси ва юқори даражадаги ишчанлик ва ахлоқий-маънавий фазилатлари кафолатланганлигини таъминлаш, ходимларнинг касбий малакасини ошириш, ходимлар захирасини шакллантириш чораларини кўриш;

Вазирликнинг Сув хўжалиги масалалари бўйича Тармоқ илмий-техник кенгашига раҳбарлик қилиш ва унинг фаолиятини мувофиқлаштириш;

ўзи бошқарадиган таркибий бўлинмалар томонидан қонунчилик ҳужжатлари лойиҳаларининг тўлиқ ва сифатли ишлаб чиқилишини ташкил этиш, уларни Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига мувофиқ қатъий равишда ўз вақтида Вазирлар Маҳкамасига киритилишини таъминлаш, шунингдек, қонунчилик ҳужжатлар лойиҳаларининг Вазирлар Маҳкамасида кўриб чиқилишида Вазирнинг топшириғига асосан иштирок этиш;

хизмат сафарларига боришни Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ва « Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида » 2017 йил 3 августдаги ПҚ-3170-сон қарорлари талабларига тўлиқ мос равишда ташкил этиш, хизмат сафарларининг асосланган, самарали ва натижали бўлишини, хизмат сафари учун ажратилган маблағлардан мақсадли ва оқилона фойдаланилишини таъминлаш;

ўзи бошқарадиган таркибий бўлинмалар раҳбарлари ва ходимлари фаолиятининг самарадорлиги ва натижадорлигини мунтазам равишда танқидий таҳлил қилиб бориш, Вазирлик ҳайъати мажлисларида уларнинг шахсий ҳисоботларини эшитиш, натижалари асосида зарур чоралар кўриш;

ўзи бошқарадиган таркибий бўлинмалар фаолиятига тааллуқли масалалар бўйича Вазирлик фаолиятини такомиллаштириш бўйича амалий чоралар кўриш, қонунчилик ҳужжатларини такомиллаштириш тўғрисида таклифлар ишлаб чиқиш ва уларни Вазирга тақдим этиш;

ўзи бошқарадиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш бўйича, шу жумладан, уларнинг эгаллаб турган лавозимларда қолишининг мақсадга мувофиқлиги тўғрисида Вазирга таклифлар киритиш, уларнинг функционал мажбуриятлар ва юкланган вазифаларни бажариши учун шахсий жавобгарлигини ошириш бўйича тизимли чора-тадбирларни амалга ошириш;

Вазирлик ходимлари томонидан Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари талабларига риоя қилиш, ўзи бошқарадиган таркибий бўлинмалар раҳбарлари ва ходимлари томонидан ушбу қоидаларга риоя этилишини таъминлаш;

Вазирлик тизимида «Коррупцияга қарши курашиш тўғрисида»ги Ўзбекистон Республикасининг Қонуни талабларига мувофиқ коррупция ва бошқа жиноятларнинг олдини олиш бўйича чоралар кўриш, шунингдек, уларнинг юзага келишига шароит яратувчи сабаб ва шарт-шароитларни аниқлаш ҳамда таҳлил қилиш, ҳуқуқни муҳофаза қилиш амалиёти ва қонунчилик ҳужжатларини такомиллаштириш йўли билан уларга қарши курашиш чора-тадбирларини ишлаб чиқиш ва амалга ошириш;

давлат хизматлари кўрсатишнинг самараси ва сифатини, улардан фойдаланиш имкониятини ошириш бўйича Вазирга таклифлар киритиш;

сув хўжалиги соҳасида вазирликлар, идоралар, маҳаллий ижро этувчи ҳокимият органлари ва бошқа ташкилотлар фаолиятини мувофиқлаштиришда иштирок этиш;

ўз ваколати доирасида белгиланган тартибда ишлаб чиқилган бошқа ҳужжатларни имзолаш ва тасдиқлаш.

Вазирнинг биринчи ўринбосарига қонунчилик ҳужжатларига мувофиқ бошқа функционал мажбуриятлар ҳам юкланиши мумкин.

22. Вазирнинг сув ресурсларини бошқаришга масъул бўлган ўринбосарининг асосий функционал мажбуриятлари қуйидагилардан иборат:

Вазир ва вазирнинг биринчи ўринбосари вақтинчалик бўлмаган ҳолларда тегишли буйруқ асосида Вазир вазифасини бажариш;

ўзи бошқарадиган таркибий бўлинмалар фаолиятини мувофиқлаштириш, назорат қилиш ва бевосита бошқариш, ходимлар ўртасида вазифаларни тақсимлаш;

Вазирлик фаолиятини янада такомиллаштириш бўйича Ўзбекистон Республикаси Президентининг фармонлари, қарорлари ва фармойишлари ҳамда Вазирлар Маҳкамасининг қарорлари ва фармойишлари билан тасдиқланган концепциялар, комплекс дастурлар ва комплекс чора-тадбирларнинг бажарилишини ўзи бошқарадиган йўналиш бўйича танқидий ва чуқур таҳлил қилиб бориш;

ўзи бошқарадиган таркибий бўлинмалар томонидан прогноз кўрсаткичларнинг сўзсиз бажарилишини таъминлаш ва ушбу кўрсаткичларга эришиш учун уларнинг шахсий масъулиятини ошириш, таркибий бўлинмалар раҳбарлари ҳисоботларини мунтазам равишда эшитиб бориш;

Ўзбекистон Республикаси Президентининг фармонлари, қарорлари, фармойишлари ва топшириқлари ҳамда Вазирлар Маҳкамасининг қарорлари, фармойишлари ва топшириқлари бажарилишини ташкил қилиш ва мониторингини юритишнинг амалий тизимини яратиш, Вазирлик фаолиятида ижро интизомини мустаҳкамлаш учун комплекс амалий чораларни амалга ошириш, таркибий ва ҳудудий бўлинмалар ҳамда идоравий мансуб ташкилотлар раҳбарларининг топшириқлари ўз вақтида ва сифатли бажарилишини таъминлаш учун шахсий масъулиятни ошириш бўйича чоралар кўриш;

Вазирлик ҳайъати қарорлари, Вазирнинг буйруқ ва топшириқлари ўз вақтида ва сифатли бажарилишини таъминлаш;

ўзи бошқарадиган таркибий бўлинмалар томонидан қонунчилик ҳужжатлар лойиҳаларининг тўлиқ ва сифатли ишлаб чиқилишини ташкил этиш, уларни Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига мувофиқ қатъий равишда ўз вақтида Вазирлар Маҳкамасига киритилишини таъминлаш, шунингдек, қонунчилик ҳужжатлари лойиҳаларининг Вазирлар Маҳкамасида кўриб чиқилишида Вазирнинг топшириғига асосан иштирок этиш;

хизмат сафарларига боришни қонунчилик ҳужжатлари талабларига тўлиқ мос равишда ташкил этиш, хизмат сафарлари асосланган, самарали ва натижали бўлишини, хизмат сафари учун ажратиладиган маблағлардан мақсадли ва оқилона фойдаланишни таъминлаш;

ўзи бошқарадиган таркибий бўлинмалар фаолиятига тааллуқли масалалар юзасидан Вазирлик фаолиятини такомиллаштириш бўйича амалий чоралар кўриш, қонунчилик ҳужжатларини такомиллаштириш бўйича таклифлар ишлаб чиқиш ва уларни Вазирга тақдим этиш;

ўзи бошқарадиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимларида қолишининг мақсадга мувофиқлиги тўғрисида Вазирга таклифлар киритиш, уларнинг функционал мажбуриятлари ва вазифаларини бажариши учун шахсий жавобгарлигини ошириш бўйича тизимли чора-тадбирларни амалга ошириш;

Вазирлик ходимлари томонидан одоб-ахлоқ қоидалари талабларига риоя этилишини таъминлашни назорат қилиш, ўзи бошқарадиган таркибий бўлинмалар раҳбарлари ва ходимлари томонидан ушбу қоидаларга риоя этилишини таъминлаш;

сувни тежайдиган суғориш технологияларини жорий қилиш ҳудудий дастурларини ҳудудларнинг тупроқ-иқлим шароитлари, ихтисослашуви ҳамда сув ва бошқа зарур ресурслар билан таъминланганлигини ҳисобга олган ҳолда, илмий асосда ишлаб чиқилишини ташкил қилиш;

сувни тежайдиган технологияларни қўллаш борасида илмий ва илмий-техник фаолиятни ривожлантириш, сув хўжалиги ташкилотлари билан таълим ва илмий-тадқиқот муассасалари ўртасидаги интеграцияни таъминлаш;

сув хўжалигини ривожлантириш концепцияси ва уни амалга ошириш стратегиясида белгиланган вазифалар ижросини таъминлаш;

ўрта ва қуйи бўғинда сувдан фойдаланиш ва сув истеъмолида сув ресурсларининг ҳисоби, ҳисоботи ва мониторингини юритишни назорат қилиш;

сувдан фойдаланиш ва электр энергияси истеъмоли бўйича маълумотларни таҳлил қилиш, ажратилган электр энергияси ҳамда тасдиқланган сув олиш лимитларига ўзгартириш киритиш юзасидан ўрта бўғиндан келиб тушган таклифларни ўрганиб чиқиш ва қаноатлантириш ёки қаноатлантирмаслик тўғрисида Вазирга таклиф киритиш;

ягона сув баланси ва Давлат сув кадастри юритилишини ҳамда замонавий технологиялар ёрдамида такомиллаштириб борилишини ташкил қилиш.

Вазирнинг сув ресурсларини бошқаришга масъул бўлган ўринбосарига қонунчилик ҳужжатларига мувофиқ бошқа функционал мажбуриятлар ҳам юкланиши мумкин.

23. Вазирнинг молия-иқтисод ва инвестиция йўналишига масъул бўлган ўринбосарининг асосий функционал мажбуриятлари қуйидагилардан иборат:

Вазирлик фаолиятини янада такомиллаштириш бўйича Ўзбекистон Республикаси Президентининг фармонлари, қарорлари ва фармойишлари ҳамда Вазирлар Маҳкамасининг қарорлари ва фармойишлари билан тасдиқланган концепциялар, комплекс дастурлар ва комплекс чора-тадбирларнинг бажарилишини ўзи бошқарадиган йўналиш бўйича танқидий ва чуқур таҳлил қилиб бориш;

ўзи бошқарадиган таркибий бўлинмалар томонидан прогноз кўрсаткичларнинг сўзсиз бажарилишини таъминлаш чораларини кўриш ва ушбу кўрсаткичларга эришиш учун уларнинг шахсий масъулиятини ошириш, таркибий бўлинмалар раҳбарларининг ҳисоботларини мунтазам равишда эшитиб бориш;

Вазирлик ҳайъати қарорлари, Вазирнинг буйруқлари ва топшириқлари ўз вақтида ва сифатли бажарилишини таъминлаш;

Вазирлик тизимидаги ташкилотлар томонидан Вазирлар Маҳкамасининг «Бюджет ташкилотларини маблағ билан таъминлаш тартибини такомиллаштириш тўғрисида» 1999 йил 3 сентябрдаги 414-сон қарори ижросининг таъминланишини назорат қилиб бориш;

ўзи бошқарадиган таркибий бўлинмалар томонидан қонунчилик ҳужжатлар лойиҳаларининг тўлиқ ва сифатли ишлаб чиқилишини ташкил этиш, уларни Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига мувофиқ қатъий равишда ўз вақтида Вазирлар Маҳкамасига киритилишини таъминлаш, шунингдек, қонунчилик ҳужжатлар лойиҳаларининг Вазирлар Маҳкамаси аппаратида кўриб чиқилишида Вазирнинг топшириғига асосан иштирок этиш;

хизмат сафарини қонунчилик ҳужжатлари талабларига тўлиқ мос равишда ташкил этиш, хизмат сафарлари асосланган, самарали ва натижали бўлишини, хизмат сафари учун ажратиладиган маблағлардан мақсадли ва оқилона фойдаланишни таъминлаш;

ўзи бошқарадиган таркибий бўлинмалар фаолиятига тааллуқли масалалар бўйича Вазирлик фаолиятини такомиллаштириш бўйича амалий чоралар кўриш, қонунчилик ҳужжатларини такомиллаштириш бўйича таклифлар ишлаб чиқиш ва уларни Вазирга тақдим этиш;

ўзи бошқарадиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш бўйича, шу жумладан, уларнинг эгаллаб турган лавозимларида қолишининг мақсадга мувофиқлиги тўғрисида Вазирга таклифлар киритиш, уларнинг функционал мажбуриятлари ва вазифаларини бажариши учун шахсий жавобгарлигини ошириш бўйича тизимли чора-тадбирларни амалга ошириш;

Вазирлик бўйича қабул қилинган буйруқлар ва бошқа амалий ҳужжатларнинг молиявий қисмини татбиқ этишга раҳбарлик қилиш, Вазирлик ва тизим ташкилотлари (республика бюджетидан молиялаштириладиган) фаолияти учун молиявий шарт-шароитлар яратиш;

ваколати доирасида белгиланган молиявий ҳисоботлар ва статистика ҳисоботлари қабул қилиниши, умумлаштирилишини ва ўз вақтида тегишли молия органларига тақдим этилишини назорат қилиш;

Вазирлик ва республика бюджетидан молиялаштириладиган бюджет ташкилотларининг харажатлар сметаси ва штатлар жадвалини, шунингдек, сув хўжалиги билан боғлиқ харажатлар сметалари (марказий аппаратнинг тегишли бошқармалари томонидан тақдим этилган маълумотлар асосида) тайёрланиши, раҳбарият тасдиғига киритилиши ҳамда рўйхатдан ўтказиш учун Ўзбекистон Республикаси Иқтисодиёт ва молия вазирлигига тақдим этилишини назорат қилиш;

сув хўжалиги соҳасига доир Давлат дастурлари ва бюджет харажатларининг мақсадли индикаторларининг ижросини баҳолаш ишларини назорат қилиш;

Вазирлик ва унинг таркибига кирувчи барча ташкилотларнинг бюджет ва бюджетдан ташқари маблағларидан мақсадли ва оқилона фойдаланиш назоратини таъминлаш;

сув хўжалиги соҳасига оид Ўзбекистон Республикаси Президенти фармонлари, қарорлари ва фармойишлари, Вазирлар Маҳкамаси қарорлари, фармойишлари, бошқа вазирликлар ва идоралар билан қўшма қарорлар, шунингдек, тегишли масалалар бўйича йўриқномалар ва норматив ҳужжатлар лойиҳалари тайёрланишини таъминлаш;

Вазирлик ва унинг тизимидаги ташкилотлар ҳамда идоравий мансуб ташкилотларининг иқтисодий ривожланиш йўналишлари, келгусидаги ишлаб чиқариш кўрсаткичлари ҳамда иш маромининг юксалиш режаларини амалга ошириш борасида ташкилий чораларни кўриш;

ходимларнинг ойлик маош тариф миқдорлари ва лавозим-мансаб маошлари ишлаб чиқилиши ва белгиланган тартибда тасдиқланишини таъминлаш;

Вазирлик ва унинг ҳудудий бўлинмалари ҳамда идоравий мансуб ташкилотларнинг моддий-техника базасини мустаҳкамлаш ва ходимларнинг ойлик иш ҳақини босқичма-босқич ошириш чораларини кўриш;

сув хўжалигида иқтисодий ислоҳотларни чуқурлаштириш, мулкчиликнинг турли шаклларини ривожлантириш ишларини мувофиқлаштириш ва уларнинг амалга оширилиши устидан назорат олиб бориш;

сув хўжалиги соҳасида иқтисодий ислоҳотларни чуқурлаштириш дастурларини ишлаб чиқишда иштирок этиш, халқаро ва хорижий молия институтлари билан ҳамкорликда лойиҳаларни тайёрлаш ва амалга оширишда иштирок этиш, уларни модернизациялаш, реконструкция қилиш ва техник қайта жиҳозлаш мақсадида инвестиция дастурларига киритиш учун сув хўжалигини истиқболли ривожлантириш дастурларини кўриб чиқиш, уларнинг шакллантирилишини таъминлаш;

Вазирлик тизимида молия-иқтисод, ахборот-коммуникация ва рақамли технологияларни ривожлантириш бўйича ягона сиёсат юритиш;

сув хўжалиги объектлари бошқарувини рақамли технологиялар асосида автоматлаштириш;

сув хўжалиги объектларида сувнинг ҳисоби ва электр энергияси истеъмолини рақамли технологиялар асосида «онлайн» назорат қилиш орқали сув ва электр энергиясидан фойдаланиш шаффофлигини таъминлаш ҳамда уларнинг самарадорлигини ошириш;

сув хўжалигига доир ахборот ресурсларини, шу жумладан, дастурий таъминотлар, мобил иловалар, маълумотлар базаси ва веб-сайтларни яратиш ҳамда уларнинг такомиллаштирилишини ташкил этиш;

сув хўжалиги тизимини такомиллаштиришга қаратилган хорижий инвестиция лойиҳаларини, шу жумладан, халқаро молия институтлари ва хорижий ҳукумат молия ташкилотларининг (кейинги ўринларда — ХМИ ва ХХМТ) маблағлари иштирокидаги устувор инвестиция лойиҳаларини ошкоралик асосида танлаш, уларнинг қисқа ва узоқ муддатли дастурларини ишлаб чиқиш ва шакллантириш;

сув хўжалиги соҳасидаги хорижий инвестиция лойиҳаларини амалга ошириш учун ХМИ ва ХХМТ маблағларини жалб қилиш;

ХМИ ва ХХМТ маблағлари иштирокидаги хорижий инвестиция лойиҳалари манзилли рўйхатлари белгиланган тартибда тасдиқланишини ташкил қилиш;

Вазирнинг молия-иқтисод ва инвестиция йўналишига масъул бўлган ўринбосарига қонунчилик ҳужжатларига мувофиқ бошқа функционал мажбуриятлар ҳам юкланиши мумкин.

24. Вазирлик марказий аппарати таркибий бўлинмалари раҳбарларининг асосий функционал мажбуриятлари қуйидагилардан иборат:

таркибий бўлинма фаолиятига умумий раҳбарлик қилиш, мазкур бўлинмага Ўзбекистон Республикаси Президентининг тегишли фармонлари ва қарорлари, Вазирлар Маҳкамасининг қарорлари ва бошқа қонунчилик ҳужжатлари ҳамда Вазирлик ҳужжатлари билан юкланган вазифалар ва функцияларнинг бажарилишини ташкил қилиш;

таркибий бўлинма фаолияти билан боғлиқ прогноз кўрсаткичларга эришилишини сўзсиз таъминлаш бўйича амалий чора-тадбирлар ишлаб чиқиш ва амалга ошириш;

Ўзбекистон Республикаси Президенти ва Вазирлар Маҳкамасининг қарорлари ва топшириқларининг бажарилишини таъминлаш, Ўзбекистон Республикаси Президентининг «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида« 2021 йил 31 майдаги ПҚ-5132-сон қарорига ҳамда Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига ва бошқа қонунчилик ҳужжатларига мувофиқ таркибий бўлинма ходимларининг ижро интизомини мустаҳкамлаш бўйича комплекс амалий чоралар кўриш ҳамда топшириқларни ўз вақтида ва сифатли бажариши учун уларнинг шахсий масъулиятини ошириш бўйича чоралар кўриш;

Вазирлик ҳайъати қарорлари, Вазир ва унинг ўринбосарлари буйруқ ва топшириқларининг ўз вақтида ва сифатли ижро этилишини таъминлаш;

таркибий бўлинма ходимларининг ваколатларини белгилаш, таркибий бўлинма фаолиятининг муайян йўналишларини бошқариш учун уларнинг шахсий жавобгарлик даражасини белгилаш;

таркибий бўлинма фаолиятини режалаштиришни ташкил этиш, бўлинма чораклик иш режаларининг бажарилишини назорат қилиш;

таркибий бўлинмада кадрларни танлаш ва жой-жойига қўйиш, уларнинг самарали фаолият юритиши учун зарур шарт-шароитлар яратиш, бўлинманинг кадрлар захирасини шакллантириш;

таркибий бўлинма ходимларини рағбатлантириш ва интизомий жавобгарликка тортиш масалаларини ҳал этиш, ўзининг ўринбосарларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимларида қолишининг мақсадга мувофиқлиги тўғрисида таклифлар киритиш, уларнинг шахсий жавобгарлигини ошириш бўйича тизимли чоралар кўриш;

таркибий бўлинма ходимлари томонидан Вазирлик ходимларининг одоб-ахлоқ қоидалари талабларига риоя этилишини таъминлаш;

«Коррупцияга қарши курашиш тўғрисида»ги Қонуни талабларига мувофиқ ҳудудий бўлинмаларда коррупция ва бошқа Ўзбекистон Республикасининг қонунбузарликларнинг олдини олиш бўйича чоралар кўриш, шунингдек, ҳуқуқ амалиёти ва қонунчиликни такомиллаштириш бўйича чора-тадбирларни ишлаб чиқиш ва амалга ошириш йўли билан уларни аниқлаш, таҳлил қилиш, уларни юзага келтирувчи сабаблар ва шарт-шароитларни бартараф этиш;

таркибий бўлинма ходимлари фаолиятининг самарадорлиги ва натижадорлигини мунтазам равишда танқидий таҳлил қилиш, уларнинг шахсий ҳисоботларини эшитиш, якуний натижалар асосида зарур чоралар кўриш;

таркибий бўлинма фаолиятига доир қонунчилик ҳужжатларини такомиллаштириш, давлат хизматлари кўрсатиш самараси ва сифатини, улардан фойдаланиш имкониятини ошириш бўйича таклифлар тайёрлаш, уларни Вазирлик раҳбариятига кўриб чиқиш учун тақдим этиш;

жисмоний ва юридик шахсларнинг мурожаатларини кўриб чиқиш, жамоатчилик билан бевосита ва очиқ мулоқот ўрнатиш, уларни шахсан қабул қилиш;

Ўзбекистон Республикаси Президентининг Халқ қабулхоналари билан самарали ҳамкорлик қилиш, Ўзбекистон Республикаси Президентининг «Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида» 2016 йил 28 декабрдаги ПФ-4904-сон Фармонига мувофиқ тушган жисмоний ва юридик шахсларнинг мурожаатларини ўз вақтида ва тўлиқ кўриб чиқиш;

давлат сирлари ёки қонун билан қўриқланадиган бошқа сирни ташкил этувчи маълумотлар билан ишлашда қонунчилик ҳужжатларида белгиланган талабларга риоя қилиш.

6-боб. Вазирлик раҳбарларининг масъулияти

25. Вазир қуйидагилар учун шахсан масъулдир:

Вазирликка юкланган вазифалар ва функцияларнинг бажарилиши;

мазкур Низомнинг 20-бандида кўрсатилган функционал мажбуриятларнинг сифатли бажарилиши.

26. Вазирнинг биринчи ўринбосари ва вазир ўринбосарлари қуйидагилар учун шахсан масъулдирлар:

Вазирликнинг ўзи бошқарадиган таркибий бўлинмалари томонидан уларга юкланган вазифалар ва функцияларнинг бажарилиши;

мазкур Низомнинг 21 , 22 ва 23-бандларида кўрсатилган ўз функционал мажбуриятларининг сифатли бажарилиши.

27. Вазирлик марказий аппарати таркибий бўлинмалари раҳбарлари қуйидагилар учун масъулдирлар:

тегишли таркибий бўлинмага юкланган вазифалар ва функцияларнинг бажарилиши;

мазкур Низомнинг 24-бандида кўрсатилган ўзларининг функционал мажбуриятларининг сифатли бажарилиши.

7-боб. Вазирлик фаолиятини ташкил этиш

1-§. Вазирлик раҳбарияти

28. Вазирликка Ўзбекистон Республикаси Бош вазирининг Ўзбекистон Республикаси Олий Мажлиси Қонунчилик палатаси маъқуллаганидан кейин киритилган тақдимномасига биноан Ўзбекистон Республикаси Президенти томонидан лавозимга тасдиқланадиган ва лавозимдан озод қилинадиган Вазир раҳбарлик қилади.

Вазир ўз мақомига кўра Вазирлар Маҳкамасининг аъзоси ҳисобланади.

29. Вазирнинг тўрт нафар ўринбосари, шу жумладан, бир нафар биринчи ўринбосари бўлади.

30. Вазирнинг биринчи ўринбосари ва ўринбосарлари Ўзбекистон Республикаси Президенти томонидан лавозимга тайинланади ва лавозимдан озод этилади.

31. Вазир бўлмаган вақтда унинг ваколатлари вазифалар тақсимотига биноан унинг ўринбосарлари томонидан бажарилади.

32. Вазирлик марказий аппарати таркибий бўлинмаларининг раҳбарлари тегишли вазир ўринбосарининг (вазирнинг биринчи ўринбосарининг) таклифига кўра Вазир томонидан лавозимга тайинланади ва лавозимидан озод этилади.

33. Қуйидагилар Вазир буйруғи асосида лавозимга тайинланади ва лавозимдан озод этилади:

Марказий аппарат раҳбари ва ходимлари;

Қорақалпоғистон Республикаси Вазирлар Кенгаши Раиси ва тегишли вилоятлар ҳокимлари билан келишилган ҳолда, Сув хўжалиги объектларини эксплуатация қилиш агентлиги тавсиясига асосан — Қорақалпоғистон Республикаси сув хўжалиги вазири, ирригация тизимлари ҳавза бошқармалари бошлиқлари;

тегишли маҳаллий ижро этувчи ҳокимият органлари билан келишилган ҳолда — Фарғона водийси магистрал каналларидан фойдаланиш бошқармаси, Жанубий Мирзачўл каналидан фойдаланиш бошқармаси, Зарафшон магистрал тизимидан фойдаланиш бошқармаси бошлиқлари ва уларнинг ўринбосарлари;

Вазирнинг тегишли ўринбосари таклифига кўра — Сув хўжалиги соҳасидаги лойиҳаларни амалга ошириш департаменти директори ўринбосари, Сув хўжалигида хорижий инвестиция лойиҳаларини амалга ошириш маркази директори ўринбосари, Сув хўжалигида ислоҳотлар маркази директори, Марказий диспетчерлик ва сув баланси хизмати директори, «Сув хўжалигида бозор механизмларини жорий қилиш» давлат муассасаси бошлиғи, «Сувлойиҳа» масъулияти чекланган жамияти директори, Ирригация ва сув муаммолари илмий-тадқиқот институти директори ва унинг ўринбосари.

Вазирлик ташкилий тузилмасига кирувчи давлат иштирокидаги корхоналарнинг бошқарув органлари фаолиятига доир масалалар (раҳбарларини лавозимга тайинлаш ва лавозимда озод этиш) «Давлат мулкини бошқариш тўғрисида»ги Ўзбекистон Республикасининг Қонуни ва бошқа қонунчилик ҳужжатларига асосан амалга оширилади.

34. Вазирликнинг тегишли идоравий мансуб ташкилотлари низомлари белгиланган тартибда Вазирлик томонидан тасдиқланади.

2-§. Вазирлик марказий аппарати таркибий бўлинмаларининг унинг тизимидаги ташкилотлар билан ўзаро ҳамкорлик тартиби

35. Вазирлик марказий аппарати таркибий бўлинмаларининг унинг тизимидаги ва идоравий мансуб ташкилотлари билан ҳамкорлиги марказий аппаратнинг таркибий бўлинмалари раҳбарлари томонидан таъминланади.

36. Вазирлик марказий аппаратининг таркибий бўлинмалари ўз фаолияти йўналишлари бўйича тизим ташкилотлари билан ҳамкорлик қилган ҳолда:

топшириқларни тизимидаги ва идоравий мансуб ташкилотларга етказади ва уларнинг бажарилиши боришини назорат қилади;

тизимидаги ташкилотларнинг бевосита фаолияти масалалари бўйича сўровларни Вазирлик тизимидаги ташкилотлар ва идоравий мансуб ташкилотларига юборади ва уларнинг бажарилиб боришини назорат қилади;

текширишларни ва ўрганишни амалга оширади, Вазирлик тизимидаги ташкилотлар ва идоравий мансуб ташкилотлари фаолияти амалиётини умумлаштиради ва уни такомиллаштиришга қаратилган чораларни кўради;

ташкилот тўғрисидаги ҳисобот ва ахборот материаллари, статистика ва бошқа маълумотлар ҳамда Вазирлик тизимидаги ташкилотлар ва идоравий мансуб ташкилотлари фаолияти натижаларини ўрганишни ташкил қилади;

Вазирлик тизимидаги ташкилотлар ва идоравий мансуб ташкилотлари иш режаларини таҳлил қилади, уларнинг фаолиятини такомиллаштириш бўйича чоралар кўради;

Вазирлик тизимидаги ташкилотлар ва идоравий мансуб ташкилотларидан тушган таклифларни кўриб чиқади;

Вазирлик тизимидаги ташкилотлар ва идоравий мансуб ташкилотларининг норматив-ҳуқуқий ҳужжатлар лойиҳаларини тайёрлашда иштирок этишини ташкил қилади, қонунчилик ҳужжатларини такомиллаштириш бўйича улардан тушган таклифларни кўриб чиқади.

37. Вазирликнинг тизим ва идоравий мансуб ташкилотлари Вазирлик марказий аппарати таркибий бўлинмалари билан ҳамкорлик қилади, шу жумладан:

Вазирлик раҳбариятининг топшириқлари ижроси тўғрисида ахборот беради;

белгиланган фаолият соҳасида қонунчиликни амалга ошириш бўйича фаолият натижалари тўғрисида ахборот тақдим этади;

уларнинг фаолиятини текшириш ва ўрганиш натижасида аниқланган камчиликларни бартараф этиш натижалари тўғрисида хабар беради;

белгиланган тартибда ва муддатларда ўзининг иш натижалари тўғрисидаги ҳисоботларни тақдим этади;

ҳудудларни ижтимоий-иқтисодий ривожлантириш муаммоларини, шу жумладан, аҳолининг энг муҳим муаммоларини ҳал қилишга қаратилган таклифларни юборади;

комплекс ижтимоий-иқтисодий ривожлантириш бўйича секторлар билан ҳамкорлик натижалари тўғрисида хабар беради;

ўз фаолиятини ваколатли органлар томонидан текшириш натижалари тўғрисида хабардор қилади.

38. Вазирликнинг марказий аппарати таркибий бўлинмалари ҳамда унинг идоравий мансуб ташкилотлари ҳамкорлиги жараёнида юзага келадиган келишмовчиликлар Вазирнинг топшириғига биноан унинг тегишли ўринбосари томонидан кўриб чиқилади. Агар ушбу кўриб чиқишдан кейин келишмовчиликлар тартибга солинмаса, улар бўйича қарор бевосита Вазир томонидан қабул қилинади.

3-§. Вазирликнинг республика ва маҳаллий ижро этувчи ҳокимият органлари билан ҳамкорлиги

39. Вазирлик ўз вазифалари ва функцияларини амалга оширишда республика ва маҳаллий ижро этувчи ҳокимият органлари ҳамда бошқа ташкилотлар билан ҳамкорлик қилади.

40. Вазирлик тизимидаги ташкилотлар ўз ваколати доирасида республика ижро этувчи ҳокимият органлари ва уларнинг ҳудудий органлари, маҳаллий ижро этувчи ҳокимият органлари ҳамда бошқа ташкилотлар билан ҳамкорлик қилади.

Вазирлик тизимидаги ташкилотлар тегишли ҳудудларни ижтимоий-иқтисодий ривожлантириш бўйича «йўл хариталари»ни ишлаб чиқиш ва амалга оширишда комплекс ижтимоий-иқтисодий ривожлантириш бўйича секторлар билан яқин ҳамкорлик қилади.

4-§. Вазирликнинг ҳайъати, тармоқ илмий-техник кенгаши ва жамоатчилик-маслаҳат кенгаши

41. Вазирликда Вазир (ҳайъат раиси), унинг ўринбосарлари (лавозими бўйича), шунингдек, асосий фаолият йўналишларига мутасаддилик қилувчи таркибий бўлинмалар раҳбарлари таркибида ҳайъат ташкил этилади.

Ҳайъат аъзоларининг сони ва шахсий таркиби вазирнинг тақдимномаси бўйича Вазирлар Маҳкамаси томонидан тасдиқланади.

42. Ҳайъатга қуйидаги вазифалар юкланади:

Вазирликнинг ушбу Низом билан белгиланган фаолиятининг асосий йўналишларини тайёрлаш ва амалга ошириш;

Вазирлик тизими ходимлари ва раҳбарларининг Ўзбекистон Республикаси Президенти ҳужжатлари ва Ҳукумат қарорларида белгиланган ўзларига юкланган вазифаларни ўз вақтида ва сифатли амалга оширишни таъминлаш учун шахсий масъулиятини ошириш бўйича чораларни кўрган ҳолда, тизимли асосда таркибий ҳамда ҳудудий бўлинмалар ва идоравий мансуб ташкилотлар раҳбарлари ҳисоботларини эшитишни ташкил этиш;

Вазирлик фаолияти соҳасида мақсадли, ҳудудий ва тармоқ дастурларини амалга оширишнинг натижадорлигини ҳар чоракда ва тизимли кўриб чиқиш;

жойларда Вазирлик фаолият соҳасининг долзарб масалаларини муҳокама қилишни таъминлаган ҳолда ҳайъатнинг кенгайтирилган мажлисларини ўтказишни ташкил этиш, шунингдек, юзага келган муаммоларни бартараф этиш бўйича тегишли қарорларни ишлаб чиқиш ва қабул қилиш;

Ўзбекистон Республикаси Президенти ҳамда Вазирлар Маҳкамаси қарорлари ва топшириқлари билан белгиланган вазифаларни ўз вақтида ва сифатли амалга оширишни таъминлаш учун ижро интизомини мустаҳкамлаш ҳамда Вазирликнинг раҳбарлари ва ходимларининг шахсий жавобгарлигини ошириш;

Вазирлик номенклатурасига кирувчи лавозимлар рўйхатини кўриб чиқиш ва тасдиқлаш;

Вазирлик номенклатурасига кирувчи лавозимларга ходимларни танлаш ва жой-жойига қўйиш масалаларини кўриб чиқиш.

Ҳайъат Вазирлик ваколатига тааллуқли бошқа масалаларни ҳам кўриб чиқиш ҳуқуқига эга.

43. Ҳайъат мажлисларига Вазирлик ваколатига кирадиган масалалар бўйича давлат органлари ва ташкилотлари, бошқа ташкилотлар раҳбарлари таклиф этилиши мумкин.

44. Ҳайъат унинг мажлисида таркибининг ярмидан кўпи қатнашган тақдирда, ваколатли бўлади. Кўриб чиқилаётган масалалар бўйича қарорлар оддий кўпчилик овоз билан қабул қилинади.

45. Ҳайъат қарорлари Вазир томонидан тасдиқланади.

46. Вазир ва ҳайъат аъзолари ўртасида келишмовчиликлар келиб чиққан тақдирда, Вазир юзага келган келишмовчиликлар тўғрисида Вазирлар Маҳкамасига ахборот берган ҳолда мустақил равишда қарор қабул қилади, ҳайъат аъзолари ҳам Вазирлар Маҳкамасига ўз фикрларини билдиришлари мумкин.

47. Ҳайъат фаолияти тартиби унинг ҳайъати тасдиқлайдиган регламентда белгиланади.

48. Вазирлик таркибида вазирнинг биринчи ўринбосари (кенгаш раиси), вазир ўринбосарлари, соҳанинг юқори малакали мутахассислари, илмий-тадқиқот институтлари, олий таълим муассасалари, мустақил компаниялар ва бошқа сув хўжалиги ташкилотлари ходимлари бўлган сув хўжалиги масалалари бўйича Тармоқ илмий-техник кенгаши тузилади.

Тармоқ илмий-техник кенгаши аъзолари сони, шахсий таркиби ва низоми Вазирнинг буйруғи билан тасдиқланади.

49. Вазирлик таркибида вазир ўринбосари, Вазирлик фаолиятининг алоҳида йўналишларини мувофиқлаштирувчи таркибий бўлинмалар раҳбарлари ва мутахассислари ҳамда тадбиркорлик субъектлари вакиллари бўлган жамоатчилик маслаҳат кенгаши ташкил қилинади.

Жамоатчилик маслаҳат кенгашининг низоми, аъзоларининг рўйхати ва сони Вазирнинг тегишли буйруғи билан тасдиқланади.

8-боб. Вазирлик фаолияти самарадорлиги ва натижадорлигини баҳолаш мезонлари ва иш индикаторлари

50. Вазирлик фаолиятининг самарадорлиги мунтазам баҳоланади.

51. Вазирлик фаолияти самарадорлиги ва натижадорлигига берилган баҳо Ўзбекистон Республикаси Президенти Администрациясининг тегишли таркибий бўлинмалари ёки Вазирлар Маҳкамаси томонидан тасдиқланадиган Вазирлик фаолияти самарадорлиги ва натижадорлигини баҳолаш мезонлари ва иш индикаторларига асосланади.

52. Вазирлик фаолияти самарадорлиги ва натижадорлигини баҳолаш якунлари бўйича:

Вазирлик раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

Вазирлик фаолиятида аниқланган камчиликларни бартараф этиш ва унинг фаолиятини янада такомиллаштириш чоралари кўрилади.

9-боб. Вазирликни молиялаштириш ва моддий-техник таъминлаш, ходимлар меҳнатига ҳақ тўлаш ва моддий рағбатлантириш

53. Вазирлик ва унинг тизимидаги ташкилотларни молиялаштириш ва моддий-техник таъминлаш Давлат бюджети, бюджетдан ташқари маблағлар, ҳомийлик хайриялари ва қонунчилик ҳужжатларида тақиқланмаган бошқа маблағлар ҳисобига амалга оширилади.

54. Вазирлик ва унинг тизимидаги ташкилотлар ходимларига тўланадиган иш ҳақи қонунчиликда назарда тутилган лавозим маоши, мукофотлар, қўшимча ҳақ, устамалар ва қонунчилик ҳужжатларида назарда тутилган бошқа тўловлардан иборат бўлади.

55. Вазирлик марказий аппарати ходимларининг меҳнатига бюджетдан ташқари маблағлар бўйича ҳақ тўлашда лавозим маошларига қонунчилик ҳужжатларида белгиланган устама ҳақлар, мукофот, моддий ёрдам пули ҳамда бошқа барча қўшимча тўловлар Ўзбекистон Республикаси Сув хўжалиги вазирлиги ва унинг тизимидаги ташкилотлар ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низом асосида амалга оширилади.

10-боб. Вазирликнинг Ўзбекистон Республикаси Президенти, Президент Администрацияси ва Вазирлар Маҳкамасига ҳисобот бериш тартиби

56. Вазир ва унинг ўринбосарлари Ўзбекистон Республикаси Президенти ва Вазирлар Маҳкамаси олдида Вазирлик фаолияти тўғрисида мунтазам равишда ҳисобот беради.

11-боб. Якунловчи қоида

57. Вазирлик қонунчилик ҳужжатларида белгиланган тартибда қайта ташкил этилади ва тугатилади.

Вазирлар Маҳкамасининг 2024 йил 7 октябрдаги 645-сон қарорига 2-ИЛОВА

Ўзбекистон Республикаси Сув хўжалиги вазирлиги ҳузуридаги Сув хўжалиги объектларини эксплуатация қилиш агентлиги тўғрисида

1-боб. Умумий қоидалар

1. Ушбу Низом Ўзбекистон Республикаси Сув хўжалиги вазирлиги ҳузуридаги Сув хўжалиги объектларини эксплуатация қилиш агентлигининг (кейинги ўринларда — Агентлик) мақоми, асосий вазифалари, функциялари, ҳуқуқлари ва жавобгарлиги, фаолиятини ташкил этиш, раҳбарларининг функционал вазифаларини белгилайди.

2. Агентлик тасдиқланган сув олиш лимитлари асосида сув етказиб берилишини ҳамда сувдан самарали фойдаланиш, насос станциялари иш режимини тартибга солиш, «Сув етказиб бериш хизмати» давлат муассасалари фаолиятини мувофиқлаштириш, мелиорация тармоқларидан фойдаланиш ҳамда ерларнинг мелиоратив ҳолатини яхшилаш соҳасида республика ижро этувчи ҳокимияти органи ҳисобланади ҳамда ва ўз фаолиятида Ўзбекистон Республикаси Сув хўжалиги вазирлигига (кейинги ўринларда — Вазирлик) ҳисобот беради.

3. Агентлик ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низомга ва бошқа қонунчилик ҳужжатларига, шу жумладан, Вазирлик буйруқлари ва унинг ҳайъати қарорларига амал қилади.

4. Агентлик ўз фаолиятини республика ижро этувчи ҳокимият органлари, хўжалик бирлашмалари, маҳаллий давлат ҳокимияти органлари ва бошқа ташкилотлар билан ўзаро ҳамкорликда амалга оширади.

5. Агентлик ва унинг тизимидаги ташкилотлар давлат муассасаси шаклидаги юридик шахс ҳисобланади, Ўзбекистон Республикасининг Давлат герби тасвири туширилган ва ўз номи давлат тилида ёзилган муҳр ва бланкаларга, мустақил балансга, Иқтисодиёт ва молия вазирлиги ҳузуридаги Ғазначилик хизмати қўмитасида шахсий ҳисобварақларига, шу жумладан, чет эл валютасидаги Ягона ғазна ҳисобварағига эга бўлади.

6. Агентликнинг расмий номи:

а) давлат тилида:

тўлиқ номи — Ўзбекистон Республикаси Сув хўжалиги вазирлиги ҳузуридаги Сув хўжалиги объектларини эксплуатация қилиш агентлиги;

қисқартирилган номи — Эксплуатация агентлиги;

б) рус тилида:

тўлиқ номи — Агентство по эксплуатации объектов водного хозяйства при Министерстве водного хозяйства Республики Узбекистан;

қисқартирилган номи — Агентство по эксплуатации;

в) инглиз тилида:

тўлиқ номи — Agency for the Operation of Water Management Facilities under the Ministry of Water Resources of the Republic of Uzbekistan;

қисқартирилган номи — Water Facilities Operation Agency.

7. Агентликнинг жойлашган манзили (почта манзили): 100187, Тошкент шаҳри, Мирзо Улуғбек тумани, Қорасув 4-даҳаси, 11-уй.

8. Агентлик ўз тизимидаги ташкилотлар фаолиятини ташкил этади, назорат қилади ва уларга умумий раҳбарлик қилади.

2-боб. Агентлик тузилмаси

9. Агентлик тизимига қуйидагилар киради:

марказий аппарат;

Қорақалпоғистон Республикаси Сув хўжалиги вазирлиги;

ирригация тизимлари ҳавза бошқармалари;

Қарши магистрал каналидан фойдаланиш бошқармаси;

Аму-Бухоро машина каналидан фойдаланиш бошқармаси;

Жиззах бош насос станцияси бошқармаси;

ирригация тизими бошқармалари;

магистрал каналлар (тизимлар) бошқармалари;

насос станциялари ва энергетика бошқармалари;

мелиоратив экспедициялар;

сув омборларидан фойдаланиш бошқармалари;

Қирғоқ ҳимояловчи дамбалар ва ўзан ростловчи иншоотлар бошқармаси;

Амударё Чапқирғоқ ҳимоя дамбалар бошқармаси;

Туямўйин гидроузелидан фойдаланиш бошқармаси;

«Термиз сув йўллари техник участкаси» давлат муассасаси;

«Хўжайли сув йўллари техник участкаси» давлат муассасаси;

«Чолиш сув йўллари техника бўлими» давлат муассасаси;

«Сув етказиб бериш хизмати» давлат муассасаси.

3-боб. Агентлик ва унинг тизим ташкилотларининг вазифалари ва функциялари

1-§. Агентликнинг вазифалари ва функциялари

10. Қуйидагилар Агентликнинг асосий вазифалари ҳисобланади:

тасдиқланган сув олиш лимитлари, графиклари ва тақсимоти асосида сув етказиб берилишини ҳамда сув ресурсларидан самарали фойдаланишни таъминлаш;

насос станциялари иш режимини тартибга солиш ҳамда электр энергияси истеъмолини камайтириш чораларини кўриш;

«Сув етказиб бериш хизмати» давлат муассасалари хизмат кўрсатадиган ҳудудда сув ресурсларини бошқариш ва ҳисобга олишда услубий ва амалий ёрдам кўрсатиш;

сув омборлари, сел-сув омборлари ва бошқа сув хўжалиги объектлари хавфсизлигини ҳамда ишончли ишлашини таъминлаш;

ирригация тизими каналлари ва коллектор-дренаж тармоқлари ҳамда улардаги иншоотларни жорий таъмирлаш-тиклаш, шунингдек, суғориладиган ерларнинг мелиоратив ҳолати барқарорлигини таъминлаш ишларини ташкил қилиш.

11. Агентлик ўзига юкланган вазифаларга мувофиқ қуйидаги функцияларни амалга оширади:

а) тасдиқланган сув олиш лимитлари, графиклари ва тақсимоти асосида сув етказиб берилишини ҳамда сув ресурсларидан самарали фойдаланишни таъминлаш соҳасида:

сув хўжалигини ривожлантириш концепцияси ва уни амалга ошириш стратегиясида белгиланган вазифалар ижросини таъминлайди;

қуйи бўғинда сувдан фойдаланиш ва сув истеъмолида сув ресурсларининг ҳисоби ва ҳисоботини ҳамда мониторингини юритади;

лимит асосида сувдан фойдаланувчилар ва сув истеъмолчилари, шунингдек, қишлоқ хўжалиги маҳсулотларини етиштирувчиларининг сув ресурсларидан фойдаланишини таҳлил қилади;

сувдан фойдаланувчилар ва сув истеъмолчилари ўртасида ўзаро иқтисодий муносабатларни такомиллаштириш бўйича чора-тадбирлар комплексини ишлаб чиқиш ва амалга оширишда иштирок этади;

қишлоқ хўжалиги экинларини етиштиришда сувни тежайдиган суғориш технологияларини жорий қилиш бўйича ҳудудий манзилли рўйхатларни шакллантиришда иштирок этади ҳамда тасдиқланган манзилли рўйхатларни умумлаштиради;

сувни тежайдиган суғориш технологияларини жорий қилиш бўйича ҳудудий дастурлар ижросини ташкил қилади ва мониторинг юритади;

сувни тежайдиган технологиялар жорий қилишни янада кенгайтириш бўйича таклифлар ишлаб чиқади ҳамда Вазирга тақдим қилади;

сувни тежайдиган технологиялар жорий қилинган майдонларнинг ҳисобини юритади;

сувни тежайдиган суғориш технологиялари жорий қилиниши мониторингини юритиш, уларни жорий қилишни кенгайтириш ва давлат томонидан рағбатлантириш бўйича таклифлар тайёрлайди;

сувни тежайдиган суғориш технологияларининг бутловчи қисмларини ишлаб чиқарувчи ташкилотлар фаолиятини ўрганиб боради ҳамда уларни қўллаб-қувватлаш бўйича таклифлар тайёрлайди;

сув тежовчи суғориш технологияларни жорий қилувчи пудрат ташкилотларининг фаолиятини баҳолаб боради ҳамда рейтинг тизимини юритади;

б) насос станциялари иш режимини тартибга солиш ҳамда электр энергияси истеъмолини камайтириш чораларини кўриш соҳасида:

насос станцияларини бошқариш, тасдиқланган лимитлар асосида насос станцияларида сувнинг ҳисоби ва электр энергияси истеъмолининг мониторингини юритади;

сувдан фойдаланиш ва электр энергияси истеъмоли бўйича маълумотларни тизимли таҳлил қилиб боради ҳамда ушбу ресурслардан ажратилган лимитлар доирасида фойдаланишни назорат қилиш ва улардан самарали фойдаланиш чораларини кўради;

насос станцияларини электр энергиясини тежайдиган ва самарали ишлайдиган замонавий насослар, электр двигателлари ва бошқа ускуналар билан жиҳозлашни таъминлаш, насос станциялари иш режимини тартибга солиш ҳамда электр энергияси истеъмолини камайтириш чораларини кўради;

тизимдаги ташкилотлар учун ажратилган электр энергияси лимитларига ўзгартириш киритиш юзасидан Вазирлик ва тегишли идораларга таклифлар киритади;

в) «Сув етказиб бериш хизмати» давлат муассасалари хизмат кўрсатадиган ҳудудда сув ресурсларини бошқариш ва ҳисобга олишда услубий ва амалий ёрдам кўрсатиш соҳасида:

«Сув етказиб бериш хизмати» давлат муассасалари фаолиятини мувофиқлаштиради;

белгиланган сув олиш лимитлари асосида истеъмолчиларга сув етказиб берилишини ташкил этади;

сувнинг ҳисоби ва ҳисоботи юритилишини назорат қилади;

суғориш тармоқлари ва улардаги гидротехника иншоотларини соз ҳолатда сақлаш, таъмирлаш-тиклаш тадбирларининг амалга оширилишини ташкил этади;

сув олиш жойларини сувни бошқариш ва ҳисобга олиш воситалари билан жиҳозлаш, сув ресурслари мониторинги, ҳисоби ва ҳисоботи юритилиши рақамлаштирилишини назорат қилади;

олинган сув ҳажми тўғрисидаги маълумотларнинг истеъмолчилар кесимида солиқ органларига тақдим этилишини таъминлайди;

г) сув омборлари, сел-сув омборлари ва бошқа сув хўжалиги объектлари хавфсизлигини ҳамда ишончли ишлашини таъминлаш соҳасида:

тизим ташкилотлари раҳбарлари ва ходимларининг сув омборлари, сел-сув омборлари ва бошқа сув хўжалиги объектлари хавфсизлигини ҳамда ишончли ишлашини таъминлаш бўйича белгиланган талаблар ва қоидаларга қатъий риоя этилиши юзасидан жавобгарлигини оширади;

сув омборлари, сел-сув омборлари ва хавф даражаси юқори бўлган бошқа сув хўжалиги объектларининг техник ҳолати юзасидан лойиҳа ташкилотлари ва манфаатдор ташкилотлар иштирокида тизимли мониторинг юритади ҳамда натижасини таҳлил қилиб боради;

сув хўжалиги объектларида авария-захира материалларининг ўз вақтида яратилишини ва улардан мақсадли фойдаланишни ташкил қилади;

д) ирригация тизими каналлари ва коллектор-дренаж тармоқлари ҳамда улардаги иншоотларни жорий таъмирлаш-тиклаш, шунингдек, суғориладиган ерларнинг мелиоратив ҳолати барқарорлигини таъминлаш ишларини ташкил қилиш соҳасида:

ирригация тизими каналлари ва коллектор-дренаж тармоқларининг техник ҳолати ҳамда улардан мақсадли фойдаланиш бўйича тизимли мониторинг юритади;

ирригация ва коллектор-дренаж тармоқлари ҳамда улардаги иншоотларни таъмирлаш-тиклаш ишларини, шунингдек, суғориладиган ерларнинг мелиоратив ҳолати барқарорлигини таъминлаш ишларини ташкил қилади.

12. Агентлик қонунчилик ҳужжатларига мувофиқ бошқа функцияларни ҳам амалга ошириши мумкин.

13. Агентлик ўзига юкланган вазифалар ва функцияларни бевосита ҳамда тизим ташкилотлари орқали амалга оширади.

2-§. Агентлик марказий аппаратининг вазифалари ва функциялари

14. Қуйидагилар Агентлик марказий аппаратининг асосий вазифалари ҳисобланади:

Агентлик тизим ташкилотлари билан биргаликда юкланган вазифа ва функцияларнинг самарали бажарилишини таъминлаш;

сув хўжалигини ривожлантириш концепцияси ҳамда сув ресурсларини бошқариш ва ирригация секторини ривожлантириш стратегиялари ижросини таъминлаш;

Агентлик ва унинг тизимидаги ташкилотлари фаолияти билан боғлиқ прогноз кўрсаткичларга эришилишини таъминлаш;

республика ва маҳаллий ижро этувчи ҳокимият органлари ҳамда бошқа ташкилотлар билан Агентлик фаолияти соҳасига кирадиган масалалар бўйича ўзаро ҳамкорлик қилиш;

Ўзбекистон Республикаси Президентининг, Ўзбекистон Республикаси Президенти Администрацияси раҳбарининг, Ўзбекистон Республикасининг Бош вазири, унинг ўринбосарлари ва маслаҳатчиси ҳамда сув хўжалиги вазирининг (кейинги ўринларда — Вазир) буйруқлари, Вазирлик ҳайъати қарорлари ва топшириқларини ўз вақтида ҳамда сифатли бажариш;

Агентлик ходимларини тизимли равишда қайта тайёрлаш ва уларнинг малакасини оширишни ташкил қилиш;

жисмоний ва юридик шахсларнинг мурожаатларини кўриб чиқиш бўйича самарали фаолиятни таъминлаш, аҳоли билан бевосита ва очиқ мулоқотлар ўрнатилишини таъминлаш.

Агентлик марказий аппарати қонунчилик ҳужжатларига мувофиқ бошқа вазифаларни ҳам амалга ошириши мумкин.

15. Қуйидагилар Агентлик марказий аппаратининг асосий функциялари ҳисобланади:

Агентлик ва унинг раҳбарияти фаолиятини ташкилий ва ахборот-таҳлил жиҳатидан таъминлаш;

Агентлик ва унинг тизимидаги ташкилотлар томонидан Ўзбекистон Республикаси Президентининг «Қонунчилик ҳужжатлари ижросини самарали ташкил этишда республика ижро ҳокимияти ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармони талабларига қатъий риоя этиш;

Агентлик фаолияти доирасида ижро интизомини мустаҳкамлаш бўйича комплекс амалий чора-тадбирларни амалга ошириш, шунингдек, Ўзбекистон Республикаси Президентининг «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига ҳамда Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ топшириқларнинг ўз вақтида ва сифатли бажарилиши мунтазам назорат қилинишини таъминлаш;

Агентлик ваколатига кирувчи тезкор, ташкилий, молиявий, ишлаб чиқариш, хўжалик ҳамда бошқа масалалар бўйича буйруқлар қабул қилиш;

жисмоний ва юридик шахсларнинг мурожаатлари билан ишлашни ташкил этиш.

Агентлик марказий аппарати қонунчилик ҳужжатларига мувофиқ бошқа функцияларни ҳам амалга ошириши мумкин.

3-§. Қорақалпоғистон Республикаси Сув хўжалиги вазирлиги ҳамда ирригация тизимлари ҳавза бошқармаларининг вазифалари ва функциялари

16. Қуйидагилар Қорақалпоғистон Республикаси Сув хўжалиги вазирлиги ва ирригация тизимлари ҳавза бошқармаларининг асосий вазифалари ҳисобланади:

Агентликка юкланган вазифалар ва функцияларнинг самарали бажарилишини таъминлашда иштирок этиш;

ҳудудларни комплекс ижтимоий-иқтисодий ривожлантириш масаласида хўжалик бирлашмалари ва маҳаллий ижро этувчи ҳокимият органлари билан ҳамкорлик қилиш;

сувни тежайдиган замонавий технологияларни, илғор маҳаллий ва хорижий тажрибаларни жорий қилинишини таъминлаш;

сув ресурсларини бошқаришнинг тамойиллари ва тизимини такомиллаштириш, сувдан тежамли ва оқилона фойдаланишни таъминлаш, ирригацияни ривожлантириш ва суғориладиган ерларнинг мелиоратив ҳолатини яхшилаш чораларини кўриш;

кадрлар билан ишлашни такомиллаштириш, уларнинг малакасини ошириш ишларининг самарали ташкил этилишини таъминлаш;

сув ресурслари ва сув хўжалиги объектларини рақамли технологиялар асосида бошқаришни ташкил этиш.

17. Қорақалпоғистон Республикаси Сув хўжалиги вазирлиги ҳамда ирригация тизимлари ҳавза бошқармалари ўзига юкланган асосий вазифаларга мувофиқ қуйидаги функцияларни амалга оширади:

сув хўжалиги соҳасини ривожлантириш бўйича тармоқ ва минтақавий дастурлар самарали амалга оширилишини таъминлайди;

Вазирлик буйруқлари, Вазирлик ҳайъати қарорлари, Агентлик буйруқ ва топшириқларининг ўз вақтида ва сифатли бажарилишини таъминлайди;

ер усти сув ресурсларини ҳавза тамойили асосида бошқаради;

ирригацияни ривожлантириш ва суғориладиган ерларнинг мелиоратив ҳолатини яхшилаш бўйича тармоқ ва ҳудудий дастурларни ишлаб чиқиш ҳамда амалга оширишда иштирок этади;

ирригация ва мелиорация тизимлари, насос станциялари, сув омборлари ва бошқа давлат сув хўжалиги объектларидан самарали ҳамда ишончли фойдаланишни ташкил қилади;

суғориладиган ерларнинг мелиоратив ҳолати, суғориш ва коллектор-дренаж сувларининг сифатини мониторинг қилади;

сувдан фойдаланиш ва сув истеъмоли бўйича шартномаларни тузиш, уларнинг суғориш тармоқларини сувни бошқариш ва ҳисобга олиш воситалари билан жиҳозлаш ишларига кўмаклашади ва уларни мониторинг қилади;

сув хўжалиги объектларида сувнинг ҳисоби ва ҳисоботини юритишга рақамли технологияларни жорий қилишни белгиланган тартибда ташкил қилади;

насос станциялари ва энергетика бошқармалари, мелиоратив экспедициялар, магистрал каналлар бошқармалари, ирригация тизими бошқармалари ва «Сув етказиб бериш хизмати» давлат муассасалари фаолиятини назорат қилади.

18. Қорақалпоғистон Республикаси Сув хўжалиги вазирлиги ҳамда ирригация тизимлари ҳавза бошқармалари қонунчилик ҳужжатларига мувофиқ бошқа функцияларни ҳам амалга ошириши мумкин.

4-§. Насос станциялари ва энергетика бошқармаларининг асосий вазифалари ва функциялари

19. Қуйидагилар насос станциялари ва энергетика бошқармаларининг асосий вазифалари ҳисобланади:

насос станциялари ва энергетика бошқармаларига тегишли давлат насос станциялари, суғориш ва мелиоратив қудуқлар, подстанциялар, трансформаторлар, электр узатиш ва алоқа тармоқлари, автотранспорт воситаларини техник соз ҳолатда сақлаш, уларнинг ишончли ишлашини таъминлаш;

насос станциялари ва суғориш қудуқлари ҳамда мелиорация насос станциялари ва қудуқларнинг самарали ишлашини таъминлаш;

электр энергияси ва бошқа ресурсларни тежайдиган замонавий технологияларни жорий қилиш, сарфланган электр энергияси ва етказиб берилган сувларнинг ҳисоби ва ҳисоботини юритиш;

ажратилган маблағлардан, моддий-техника ресурсларидан, техника жиҳозларидан мақсадли ва самарали фойдаланишни таъминлаш;

ўз ваколати доирасида молиявий ҳужжатлар, ойлик, чораклик ва йиллик электр энергияси ҳисоботлари, техник ҳисоботлар ва бошқа зарур бўлган ҳужжатларнинг ўз вақтида ва сифатли тайёрланишини таъминлаш.

20. Насос станциялари ва энергетика бошқармалари ўзига юкланган асосий вазифаларга мувофиқ қуйидаги функцияларни амалга оширади:

Агентликка юкланган вазифалар ва функцияларнинг самарали бажарилишини таъминлаш ҳамда дастурларни шакллантиришда устувор лойиҳалар бўйича асосланган таклифлар ишлаб чиқади;

насос станциялари ва энергетика бошқармаларига тегишли насос станциялари, суғориш ва мелиорация қудуқларини, сув узатиш тармоқларини, подстанцияларни, трансформаторларни, электр узатиш тармоқларини, алоқа ва автотранспорт воситаларини ўз вақтида техник кўрикдан ўтказади;

капитал ва жорий таъмирлаш ишларини белгиланган тартибда амалга оширади;

насос станциялари, суғориш ва мелиорация қудуқларининг ажратилган сув олиш ва электр энергияси лимитлари ҳамда ёқилғи-мойлаш материаллари доирасида тегишли шартномалар асосида самарали ишлашини таъминлайди;

сув ва ишлатилган электр энергияси ҳисоби ва ҳисоботини юритишда рақамли технологияларни белгиланган тартибда жорий қилади;

ажратилган электр энергияси, ёқилғи-мойлаш материалларидан мақсадли ва самарали фойдаланиш бўйича аниқ чора-тадбирларни амалга оширади;

бюджет маблағлари ҳамда хўжалик фаолиятидан тушган маблағлардан белгиланган мақсадларда самарали фойдаланишни таъминлайди ва тегишли статистика ва бухгалтерия ҳисоботини юритади;

насос станциялари, суғориш ва мелиорация қудуқларини капитал ва жорий таъмирлаш ҳамда реконструкция қилиш бўйича чора-тадбирларни ишлаб чиқишда иштирок этади;

насос станциялари, суғориш ва мелиорация қудуқларининг белгиланган тартибда тасдиқланган жадваллар асосида самарали ишлашини таъминлайди;

сув хўжалиги ташкилотлари, сув истеъмолчилари ва бошқа шахсларга шартнома асосида сув хўжалиги ҳамда қонунчилик ҳужжатларида тақиқланмаган бошқа йўналишлар бўйича хизматлар кўрсатади;

21. Насос станциялари ва энергетика бошқармалари қонунчилик ҳужжатларига мувофиқ бошқа функцияларни ҳам амалга ошириши мумкин.

5-§. Мелиорация экспедицияларининг асосий вазифалари ва функциялари

22. Қуйидагилар мелиорация экспедицияларининг асосий вазифалари ҳисобланади:

суғориладиган ерларнинг мелиоратив ҳолати мониторингини юритиш;

коллектор-дренаж тармоқларини техник соз ҳолатда сақлаш ва уларнинг ишончли ишлашини таъминлаш;

ерларнинг мелиоратив ҳолатини мониторинг қилишда замонавий ахборот-коммуникация технологияларини жорий қилиш;

қишлоқ хўжалиги маҳсулотларини етиштирувчилар ва бошқа сув истеъмолчиларига ерларнинг мелиоратив ҳолатини яхшилаш бўйича илмий асосланган тавсиялар бериш.

23. Мелиорация экспедициялари ўзига юкланган асосий вазифаларга мувофиқ қуйидаги функцияларни амалга оширади:

суғориладиган ерларнинг шўрланиш даражаси ва ер ости сувларининг ҳолати ва сифати бўйича тизимли мониторинг олиб бориш, маълумотларни даврий равишда таҳлил қилади;

коллекторларда сувнинг сифати бўйича мониторинг юритади;

суғориладиган ерларнинг мелиоратив кадастрини ҳамда сув ва туз балансларини ишлаб чиқади;

қишлоқ хўжалиги маҳсулотларини етиштирувчиларга ерларнинг мелиоратив ҳолатини яхшилаш бўйича илмий асосланган тавсиялар беради ҳамда уларнинг ижросини назорат қилади;

магистрал, туманлараро ва хўжаликлараро коллекторлар ҳамда коллектор-дренаж тармоқлари, улардаги гидротехника иншоотларининг техник ҳолати бўйича мониторинг юритади, уларни таъмирлаш-тиклаш ҳамда реконструкция қилиш бўйича тавсиялар ишлаб чиқади;

мелиорация насос станциялари ҳамда вертикал дренаж қудуқларининг иш режимини белгилайди ва ижроси бўйича мониторинг юритади;

коллектор-дренаж тармоқлари соҳилбўйи минтақасини муҳофаза қилиш чораларини кўради;

фермер хўжаликлари, кластерлар ва бошқа сув истеъмолчиларига уларнинг коллектор-дренаж тармоқларидан мақсадли ва самарали фойдаланиш бўйича тавсиялар бериб боради.

Мелиорация экспедициялари қонунчилик ҳужжатларига мувофиқ бошқа функцияларни ҳам амалга ошириши мумкин.

6-§. Магистрал каналлар (тизимлар) бошқармаларининг асосий вазифалари ва функциялари

24. Қуйидагилар магистрал каналлар (тизимлар) бошқармаларининг асосий вазифалари ҳисобланади:

магистрал каналлар (тизимлар) ва улардаги гидротехника иншоотларини техник соз ҳолатда сақлаш, улардан фойдаланиш қоидаларига қатъий амал қилиш ҳамда хавфсиз ва ишончли ишлашини таъминлаш;

магистрал каналлар (тизимлар) ва улардаги гидротехника иншоотларини бошқаришни замонавий рақамли технологиялар асосида автоматлаштириш;

сувнинг ҳисоби ва ҳисоботини юритишда рақамли технологияларни жорий қилиш ҳамда сувнинг ҳисоби бўйича шаффоф тизимни яратиш;

магистрал каналлар (тизимлар) ва улардаги гидротехника иншоотларини комплекс модернизациялаш, фан-техника ютуқлари, сувни тежайдиган замонавий технологиялар, илғор маҳаллий ва хорижий тажрибани жорий қилиш;

сув ресурсларини бошқариш тамойиллари ва тизимини такомиллаштириш, сувдан тежамли ва оқилона фойдаланишни таъминлаш, магистрал канал ва улардаги гидротехника иншоотларини модернизация қилиш чораларини кўриш.

25. Магистрал каналлар (тизимлар) бошқармалар ўзига юкланган асосий вазифаларга мувофиқ қуйидаги функцияларни амалга оширади:

магистрал каналлар (тизимлар) ва улардаги гидротехника иншоотларининг техник ҳолатини тизимли равишда ўрганиб боради ва уларни соз ҳолатда сақлайди;

магистрал каналлар (тизимлар) ва улардаги гидротехника иншоотларининг улардан фойдаланиш қоидаларига қатъий амал қилган ҳолда, хавфсиз ва ишончли ишлашини таъминлайди;

гидропостларни техник соз ҳолатда сақлайди, уларни такомиллаштириб боради ҳамда сувнинг ҳисоби ва ҳисоботи ҳамда мониторингини юритади;

магистрал каналлар (тизимлар)га ўрнатилган насос станцияларини ишлатиш режимларини белгиланган тартибда келишади ҳамда ижросини таъминлайди;

магистрал каналлар (тизимлар), улардаги гидротехника иншоотларини ва сув ресурсларини оқилона бошқариш учун юридик шахс мақомига эга бўлмаган бўлинмаларни (алоҳида гидроучасткалар, ишлаб чиқариш базалари ва бошқалар) ташкил этади;

ажратилган бюджет маблағлари ва моддий-техника ресурсларидан оқилона фойдаланишни таъминлайди.

Магистрал каналлар (тизимлар) бошқармалари қонунчилик ҳужжатларига мувофиқ бошқа функцияларни ҳам амалга ошириши мумкин.

7-§. Ирригация тизими бошқармаларининг асосий вазифалари ва функциялари

26. Қуйидагилар ирригация тизими бошқармаларининг асосий вазифалари ҳисобланади:

ирригация тизими каналлари ва улардаги гидротехника иншоотларини техник соз ҳолатда сақлаш, улардан фойдаланиш қоидаларига қатъий амал қилиш ҳамда хавфсиз ва уларнинг ишончли ишлашини таъминлаш;

йирик ирригация тизими каналлари ва улардаги гидротехника иншоотларини бошқаришни замонавий ахборот-коммуникация технологиялари асосида автоматлаштириш;

сувнинг ҳисоби ва ҳисоботини юритишда рақамли технологияларни жорий қилиш, сувнинг ҳисоби бўйича шаффоф тизимни яратиш;

ирригация тизими каналлари ва улардаги гидротехника иншоотларини комплекс модернизациялаш, фан-техника ютуқлари, сувни тежайдиган замонавий технологиялар, илғор маҳаллий ва хорижий тажрибаларни жорий қилиш;

сув ресурсларини бошқариш тамойиллари ва тизимини такомиллаштириш, сувдан тежамли ва оқилона фойдаланишни таъминлаш, ирригация тизими каналлари ва улардаги гидротехника иншоотларини модернизациялаш чораларини кўриш.

27. Ирригация тизими бошқармалари ўзига юкланган асосий вазифаларга мувофиқ қуйидаги функцияларни амалга оширади:

ирригация тизими каналлари ва улардаги гидротехника иншоотларининг техник ҳолатини тизимли равишда ўрганиб боради ва уларни соз ҳолатда сақлайди;

ирригация тизими каналлари ва улардаги гидротехника иншоотларининг улардан фойдаланиш қоидаларига қатъий амал қилган ҳолда хавфсиз ва ишончли ишлашини таъминлайди;

ирригация тизими каналлари ва улардаги гидротехника иншоотларини бошқаришни замонавий ахборот-коммуникация технологиялари асосида автоматлаштириш бўйича таклифлар бериш ҳамда белгиланган тартибда ижросини ташкил қилади;

сувдан фойдаланиш бўйича тегишли шартномаларни белгиланган тартибда расмийлаштиради, сув ресурсларини тасдиқланган сувдан фойдаланиш режалари бўйича «Сув етказиб бериш хизмати» давлат муассасалари ва бошқа сувдан фойдаланувчиларга етказиб беради;

ирригация тизими каналларига ўрнатилган насос станцияларини ишлатиш режимларини белгиланган тартибда келишади ҳамда уларнинг ижросини таъминлайди;

ирригация тизими каналлари ва улардаги гидротехника иншоотларини ва сув ресурсларини оқилона бошқариш учун юридик шахс мақомига эга бўлмаган бўлинмаларни (алоҳида гидроучасткалар, ишлаб чиқариш базалари ва бошқалар) ташкил этади;

ажратилган бюджет маблағлари ва моддий-техника ресурсларидан оқилона фойдаланишни таъминлайди;

Ирригация тизими бошқармалари қонунчилик ҳужжатларига мувофиқ бошқа функцияларни ҳам амалга ошириши мумкин.

4-боб. Агентлик ва унинг таркибидаги ташкилотларнинг ҳуқуқлари ва жавобгарлиги

1-§. Агентликнинг ҳуқуқлари ва жавобгарлиги

28. Агентлик ўзига юкланган вазифалар ва функцияларни бажариш учун қуйидаги ҳуқуқларга эга:

республика ва маҳаллий ижро этувчи ҳокимият органлари ҳамда бошқа ташкилотлардан Агентлик ваколатига кирадиган масалаларни ҳал этиш учун зарур бўладиган маълумотларни белгиланган тартибда сўраб олиш;

Агентлик ва унинг тизимидаги ташкилотларга тегишли давлат мулкини ўзининг ташкилий тузилмасидаги бир бўлинмадан бошқа бир бўлинмага текин фойдаланиш ҳуқуқи билан белгиланган тартибда ўтказиш;

Агентлик ва унинг тизимидаги ташкилотларга ходимлари томонидан сув хўжалиги соҳасидаги фаолияти асосий кўрсаткичларининг бажарилишини ҳисобга олган ҳолда, ходимларни белгиланган тартибда моддий рағбатлантириш;

Агентлик доирасига кирадиган масалалар бўйича белгиланган тартибда шартномалар тузиш;

лимитдан ортиқча сув олинганда, сув ресурсларидан самарасиз фойдаланилган ҳолларда сув беришнинг вақтинча тўхтатилиши тўғрисида қарорлар қабул қилиш;

сув қонунчилиги, сувдан фойдаланиш ва сув истеъмоли тартиблари бузилган ҳолларда мансабдор шахслар ва фуқароларга нисбатан қонунчилик ҳужжатлари доирасида чора кўриш юзасидан таклиф киритиш;

сув ресурсларидан оқилона ва самарали фойдаланганлик учун сувдан фойдаланувчилар ва сув истеъмолчиларини моддий рағбатлантиришни ташкил этиш;

Агентлик ва унинг тизимига кирадиган ташкилотларнинг моддий-техника базасини мустаҳкамлаш бўйича чоралар кўриш;

Вазирлик мукофотлари, кўкрак нишонлари ва фахрий ёрлиқлари билан тақдирлашга сув хўжалиги соҳасидаги илғор ходимлар тўғрисида таклиф киритиш.

Агентлик қонунчилик ҳужжатларига асосан бошқа ҳуқуқларга ҳам эга бўлиши мумкин.

29. Агентлик:

унга юкланган вазифалар ва функцияларни самарали бажариш, шунингдек, тасдиқланган сув олиш лимитлари асосида сув етказиб берилишини ҳамда сувдан самарали фойдаланиш, насос станциялари иш режимини тартибга солиш, «Сув етказиб бериш хизмати» давлат муассасалари фаолиятини мувофиқлаштириш, мелиорация тармоқларидан фойдаланиш ҳамда ерларнинг мелиоратив ҳолатини яхшилаш ишларини самарали амалга ошириш;

Вазирликка Агентлик томонидан киритиладиган норматив-ҳуқуқий ҳужжатлар ва бошқа ҳужжатлар лойиҳалари, шунингдек, Агентлик томонидан қабул қилинадиган қарорларнинг сифати ва пировард натижалари учун жавобгардир.

2-§. Агентлик марказий аппаратининг ҳуқуқлари ва жавобгарлиги

30. Агентлик марказий аппарати ўзига юкланган вазифалар ва функцияларни бажариш учун қуйидаги ҳуқуқларга эга:

Агентлик тизимидаги ташкилотлар раҳбарлари ва вакиллари иштирокида йиғилишлар ўтказиш;

Агентликка юкланган вазифалар ва функцияларни бажариш билан боғлиқ ва тезкор ҳал этиш талаб этиладиган масалалар бўйича тизимдаги ташкилотлар раҳбарларига белгиланган тартибда топшириқлар бериш.

Агентлик марказий аппарати қонунчилик ҳужжатларига асосан бошқа ҳуқуқларга ҳам эга бўлиши мумкин.

31. Агентлик марказий аппарати:

Агентлик тизимидаги ташкилотлар билан биргаликда Агентликка юкланган вазифалар ва функцияларнинг сифатли ва ўз вақтида бажарилишини таъминлаш;

Агентлик фаолияти билан боғлиқ прогноз кўрсаткичларга эришишни таъминлаш учун Агентлик марказий аппарати бўлинмаларининг фаолиятини ташкил этиш;

тизимдаги ташкилотлар томонидан ўзининг фаолияти соҳасини ривожлантириш бўйича давлат дастурлари, иш ва чора-тадбирлар режалари, «йўл хариталари» ва бошқа дастурий ҳужжатларнинг амалга оширилишини ташкил этиш учун масъулдир.

3-§. Қорақалпоғистон Республикаси Сув хўжалиги вазирлиги ҳамда ирригация тизимлари ҳавза бошқармаларининг ҳуқуқлари ва жавобгарлиги

32. Қорақалпоғистон Республикаси Сув хўжалиги вазирлиги ҳамда ирригация тизимлари ҳавза бошқармалари ўзларига юкланган вазифалар ва функцияларни бажариш учун қуйидаги ҳуқуқларга эга:

ўз ваколатига кирувчи масалаларни ҳал этиш учун зарур бўладиган маълумотларни тизимдаги ташкилотлар, хўжалик бирлашмалари ва маҳаллий ижро этувчи ҳокимият органларидан белгиланган тартибда сўраб олиш;

ўз ваколатлари доирасига кирадиган соҳадаги муҳим муаммоларнинг ечимлари бўйича таклифлар тайёрлаш ва уларни кўриб чиқиш учун белгиланган тартибда ишчи гуруҳлар ташкил қилиш;

ўз ваколатлари доирасидаги масалалар бўйича Агентликка, хўжалик бирлашмалари ва маҳаллий ижро этувчи ҳокимият органларига кўриб чиқиш учун таклифлар киритиш;

сув қонунчилигини бузганлиги учун айбдор шахсларни жавобгарликка тортиш бўйича белгиланган тартибда ҳуқуқни муҳофаза қилувчи органларга ариза киритиш.

Қорақалпоғистон Республикаси Сув хўжалиги вазирлиги ҳамда ирригация тизимлари ҳавза бошқармалари қонунчилик ҳужжатларида кўзда тутилган бошқа ҳуқуқларга ҳам эга бўлиши мумкин.

33. Қорақалпоғистон Республикаси Сув хўжалиги вазирлиги ҳамда ирригация тизимлари ҳавза бошқармалари:

тизимдаги ташкилотларга юкланган вазифалар ва функцияларнинг ўз вақтида ва сифатли бажарилишини таъминлаш;

тизимдаги ташкилотларнинг фаолияти билан боғлиқ бўлган прогноз кўрсаткичларга эришилишини таъминлаш;

туманларда (шаҳарларда) аниқланган сув хўжалиги соҳасидаги муаммоларни ҳар томонлама ва чуқур таҳлил қилиш ва умумлаштириш асосида таклифлар тайёрлаш;

ирригацияни ривожлантириш ва суғориладиган ерларнинг мелиоратив ҳолатини яхшилаш ҳамда муаммоли масалаларни ҳал этиш бўйича ҳудудий дастурлар, чора-тадбирлар режалари, «йўл хариталари» ва бошқа дастурий ҳужжатларнинг самарали бажарилиши учун жавобгардир.

4-§. Насос станциялари ва энергетика бошқармаларининг ҳуқуқлари ва жавобгарлиги

34. Насос станциялари ва энергетика бошқармалари ўзларига юкланган вазифалар ва функцияларни бажариш учун қуйидаги ҳуқуқларга эга:

ўз ваколати доирасига кирадиган соҳадаги муҳим муаммоларнинг ечимлари бўйича таклифлар тайёрлаш ва уларни кўриб чиқиш учун белгиланган тартибда ишчи гуруҳлар ташкил қилиш;

ўз ваколатлари доирасидаги масалалар бўйича тегишли ташкилотларга кўриб чиқиш учун таклифлар киритиш;

ўз фаолияти учун кундалик зарур бўлган материаллар, асбоб-ускуналар ва жиҳозларни белгиланган тартибда қонунчилик ҳужжатлари талабларига асосан харид қилиш;

сув қонунчилигини бузганлиги учун айбдор шахсларни жавобгарликка тортиш бўйича белгиланган тартибда ҳуқуқни муҳофаза қилувчи органларга мурожаат қилиш.

Насос станциялари ва энергетика бошқармалари қонунчилик ҳужжатларида кўзда тутилган бошқа ҳуқуқларга ҳам эга бўлиши мумкин.

35. Насос станциялари ва энергетика бошқармалари:

тизимдаги ташкилотлар билан биргаликда уларга юкланган вазифалар ва функцияларнинг ўз вақтида ва сифатли бажарилишини таъминлаш;

Агентлик тизимдаги ташкилотлар фаолияти билан боғлиқ бўлган прогноз кўрсаткичларга эришилишини таъминлаш;

тизимдаги ташкилотлар ва маҳаллий ижро этувчи ҳокимият органларига киритиладиган таклиф ва ҳужжатларнинг сифатли тайёрлаш;

сув хўжалигини ривожлантириш ва муаммоли масалаларни ҳал этиш бўйича ҳудудий дастурлар, чора-тадбирлар режалари, «йўл хариталари» ва бошқа дастурий ҳужжатларнинг самарали бажарилиши учун жавобгардир.

5-§. Мелиорация экспедицияларининг ҳуқуқлари ва жавобгарлиги

36. Мелиорация экспедициялари ўзларига юкланган вазифалар ва функцияларни бажариш учун қуйидаги ҳуқуқларга эга:

ўз ваколатига кирувчи масалаларни ҳал этиш учун зарур бўладиган маълумотларни тизим ташкилотлари, хўжалик бирлашмалари ва маҳаллий ижро этувчи ҳокимият органларидан белгиланган тартибда сўраб олиш;

ерларнинг мелиоратив ҳолатини яхшилаш, коллектор-дренаж тармоқларидан фойдаланиш қоидаларини бузганлиги учун айбдор шахсларни жавобгарликка тортиш бўйича белгиланган тартибда ҳуқуқни муҳофаза қилувчи органларга мурожаат қилиш.

Мелиорация экспедициялари қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

37. Мелиорация экспедициялари:

тизимдаги ташкилотлар билан биргаликда юкланган вазифалар ва функцияларнинг ўз вақтида ва сифатли бажарилишини таъминлаш;

мелиорация экспедициялари фаолияти билан боғлиқ бўлган прогноз кўрсаткичларга эришилишини таъминлаш;

аниқланган муаммоларни ҳар томонлама ва чуқур таҳлил қилиш ва умумлаштириш асосида суғориладиган ерларнинг мелиоратив ҳолатини яхшилаш;

суғориладиган ерларнинг мелиоратив ҳолатини яхшилаш ва муаммоли масалаларни ҳал этиш бўйича ҳудудий дастурлар, чора-тадбирлар режалари, «йўл хариталари» ва бошқа дастурий ҳужжатларнинг самарали бажарилиши учун жавобгардир.

6-§. Магистрал каналлар (тизимлар) бошқармаларининг ҳуқуқлари ва жавобгарлиги

38. Магистрал каналлар (тизимлар) бошқармалари ўзларига юкланган вазифалар ва функцияларни бажариш учун қуйидаги ҳуқуқларга эга:

ўз ваколатига кирувчи масалаларни ҳал этиш учун зарур бўлган материалларни тизим ташкилотлари, хўжалик бирлашмалари ҳамда маҳаллий ижро этувчи ҳокимият органларидан белгиланган тартибда сўраб олиш;

ирригация тизим каналлари, суғориш ва коллектор-дренаж тармоқларини тозалаш ва таъмирлаш ишларини шартномалар бўйича бажариш;

магистрал каналлар ва улардаги гидротехника иншоотларини ишлатиш қоидалари ҳамда сувдан фойдаланиш ва сув истеъмоли тартиби бузилганлиги учун айбдор шахсларни жавобгарликка тортиш бўйича белгиланган тартибда ҳуқуқни муҳофаза қилувчи органларга ариза киритиш;

фавқулодда ҳолатларда магистрал канал бошқармасининг хизмат кўрсатиш ҳудудида жойлашган барча ирригация тизимлари бошқармалари, сувдан фойдаланувчилар ҳамда бошқа ташкилотларни кутилаётган салбий ҳолатларнинг олдини олиш ва рўй берган ҳодисаларни бартараф этиш учун белгиланган тартибда жалб қилиш.

Магистрал каналлар (тизимлар) бошқармалари қонунчилик ҳужжатларида назарда тутилган бошқа ҳуқуқларга ҳам эга бўлиши мумкин.

39. Магистрал каналлар (тизимлар) бошқармалари:

тизимдаги ташкилотлари билан биргаликда уларга юкланган вазифа ва функцияларнинг ўз вақтида ва сифатли бажарилишини таъминлаш;

тизимдаги ташкилотларнинг фаолияти билан боғлиқ бўлган прогноз кўрсаткичларга эришилишини таъминлаш;

аниқланган муаммоларни ҳар томонлама ва чуқур таҳлил қилиш ва умумлаштириш;

ирригацияни ривожлантириш ва муаммоли масалаларни ҳал этиш бўйича ҳудудий дастурлар, чора-тадбирлар режалари, «йўл хариталари» ва бошқа дастурий ҳужжатларнинг самарали бажарилиши учун жавобгардир.

7-§. Ирригация тизими бошқармаларининг ҳуқуқлари ва жавобгарлиги

40. Ирригация тизими бошқармалари ўзларига юкланган вазифалар ва функцияларни бажариш учун қуйидаги ҳуқуқларга эга:

ўз ваколатига кирадиган масалаларни ҳал этиш учун зарур бўладиган маълумотларни хўжалик бирлашмалари ва маҳаллий ижро этувчи ҳокимият органларидан белгиланган тартибда сўраб олиш;

ирригация тизими каналлари ва улардаги гидротехника иншоотлари ҳамда сувдан фойдаланиш қоидаларини бузганлиги учун айбдор шахсларни жавобгарликка тортиш бўйича белгиланган тартибда ҳуқуқни муҳофаза қилувчи органларга мурожаат қилиш;

фавқулодда ҳолатларда ирригация тизими бошқармасининг хизмат кўрсатиш ҳудудида жойлашган барча ирригация тизимлари бошқармалари, сувдан фойдаланувчилар ҳамда бошқа ташкилотларни кутилаётган салбий ҳолатларнинг олдини олиш ва рўй берган ҳодисаларни бартараф этиш учун белгиланган тартибда жалб қилиш.

Ирригация тизими бошқармалари қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

41. Ирригация тизими бошқармалари:

тизим ташкилотлари билан биргаликда уларга юкланган вазифалар ва функцияларнинг ўз вақтида ва сифатли бажарилишини таъминлаш;

тизимдаги ташкилотларнинг фаолияти билан боғлиқ бўлган прогноз кўрсаткичларга эришилишини таъминлаш;

Агентлик ва маҳаллий ижро этувчи ҳокимияти органлари томонидан қабул қилинаётган қарорларнинг бажарилиши сифати, якуний натижалари ва оқибатлари;

аниқланган муаммоларни ҳар томонлама ва чуқур таҳлил қилиш ва умумлаштириш;

5-боб. Агентлик фаолиятини ташкил этиш

1-§. Агентлик раҳбарияти

42. Агентликка Ўзбекистон Республикаси Президенти томонидан лавозимга тайинланадиган ва лавозимидан озод этиладиган Агентлик директори раҳбарлик қилади.

Агентлик директори бир вақтнинг ўзида вазир ўринбосари ҳисобланади ҳамда унинг тиббий ва транспорт хизмати кўрсатиш шартлари белгиланган тартибда амалга оширилади.

43. Агентлик директори Ўзбекистон Республикаси Бош вазири томонидан лавозимга тайинланадиган ва лавозимдан озод этиладиган икки нафар ўринбосарга, шу жумладан, бир нафар биринчи ўринбосарга эга бўлади.

Агентлик директори бўлмаган даврда, директор вазифасини унинг биринчи ўринбосари бажаради.

Агентлик директори ва директорнинг биринчи ўринбосари бўлмаган даврда, директор вазифасини Агентлик директори ўринбосари бажаради.

44. Агентлик ташкилий тузилмасини тасдиқлаш, бошқарув ходимларининг белгиланган чекланган сони ва меҳнатга ҳақ тўлаш фонди доирасида Агентлик штат бирликлари ҳамда харажатлар сметасини тасдиқлаш, заруратга кўра штат бирликларининг умумий чекланган сонидан чиқмаган ҳолда ўзгартириш Вазир томонидан киритилади.

45. Агентлик директори:

Агентлик фаолиятига умумий раҳбарлик қилади;

ўринбосарлар ўртасида аниқ вазифалар ва функцияларни тақсимлайди, ходимлар ўртасида ваколатларни белгилайди ва мажбуриятларни тақсимлайди, Агентлик тизимидаги ташкилотларнинг мансабдор шахслари ваколатларини белгилайди;

Агентлик марказий аппарати ходимларини лавозимга тайинлайди ва лавозимидан озод қилади;

Агентлик тизимдаги ташкилотларнинг комплаенс-назорат бўйича мутахассисларини лавозимга тайинлайди ва лавозимдан озод қилади;

Вазирликка Агентлик ва унинг тизимидаги ташкилотлар ходимларини давлат мукофотлари ва идоравий мукофотлар билан тақдирлашга доир таклифлар киритади;

малакали хорижий мутахассислар ва экспертларни шартномавий ҳуқуқий асосда Вазир билан келишилган ҳолда жалб қилади;

тизимидаги ташкилотлар фаолиятини мувофиқлаштириш, шу жумладан моддий-техник базани ташкил этиш ва ривожлантиришда амалий ёрдам беради;

Агентлик ва унинг тизимидаги ташкилотлар ходимлари учун мажбурий бўлган буйруқлар чиқаради ва кўрсатмалар беради ҳамда уларнинг бажарилишининг назоратини ташкил этади;

Агентликни малакали, амалий тажрибага эга кадрлар билан тўлдириш, шунингдек, уларни саралаб олиш, тайёрлаш, қайта тайёрлаш ва узлуксиз малакасини ошириш соҳасида кадрлар сиёсатини юритади;

Агентликда давлат фуқаролик хизматининг муайян лавозимини эгаллаш учун талабгор бўлаётган номзодларга нисбатан иш тажрибасига ва касбий компетенциясига доир талабларни ишлаб чиқади ва тасдиқлайди.

Агентлик директори қонунчилик ҳужжатларига мувофиқ бошқа ваколатларни ҳам амалга оширади.

46. Агентлик директори Вазирлик ҳайъати таркибига киритилади.

47. Агентлик директори томонидан қуйидагилар лавозимларга тайинланади ва лавозимдан озод қилинади:

Қорақалпоғистон Республикаси Вазирлар Кенгаши Раиси ва тегишли вилоятлар ҳокимлари тавсияларига кўра Вазирлик билан келишган ҳолда — Қорақалпоғистон Республикаси сув хўжалиги вазирининг ўринбосарлари, ирригация тизимлари ҳавза бошқармалари бошлиқлари ўринбосарлари, магистрал каналлар (тизимлар) бошқармалари бошлиқлари, ирригация тизими бошқармалари бошлиқлари, насос станциялари ва энергетика бошқармалари бошлиқлари, мелиорация экспедициялари бошлиқлари, сув омборларидан фойдаланиш бошқармалари бошлиқлари;

Қорақалпоғистон Республикаси сув хўжалиги вазири ҳамда ирригация тизимлари ҳавза бошқармалари бошлиқларининг тавсияларига асосан Вазирлик билан келишган ҳолда «Сув етказиб бериш хизмати» давлат муассасалари директорлари.

48. Агентлик тизимидаги ташкилотлар тўғрисидаги низомлар белгиланган тартибда Агентлик томонидан тасдиқланади.

2-§. Агентлик марказий аппарати таркибий бўлинмаларининг тизимдаги ташкилотлари билан ўзаро ҳамкорлик қилиш тартиби

49. Агентлик марказий аппарати таркибий бўлинмалари тизимдаги ташкилотлар билан Агентлик фаолиятининг қуйидаги йўналишлари бўйича ҳамкорлик қилади:

тизимдаги ташкилотларга топшириқларни етказади ва уларнинг бажарилишини назорат қилади;

таркибий бўлинмаларнинг фаолиятига бевосита тааллуқли масалалар бўйича Агентлик тизим ташкилотларига расмий сўровномалар жўнатади ва уларнинг бажарилишини назорат қилади;

тизимдаги ташкилотларнинг иш режаларини таҳлил қилади, уларнинг фаолиятини режалаштиришни такомиллаштириш чораларини кўради;

тизимдаги ташкилотлар фаолиятини ташкил қилиш самарадорлиги ва натижалари тўғрисидаги статистик ва бошқа маълумотларни, ҳисобот ва ахборот материалларини ўрганишни ташкил этади;

тизимдаги ташкилотлар амалий фаолиятини текширади, ўрганиб чиқади ва умумлаштиради, уни такомиллаштиришга қаратилган чора-тадбирларни ишлаб чиқади ва амалга оширади;

тизимдаги ташкилотлардан тушган таклифларни кўриб чиқади;

50. Агентлик тизимидаги ташкилотлар Агентлик марказий аппаратига:

раҳбарият топшириқларининг бажарилиши тўғрисида ахборот беради;

сув хўжалиги соҳасидаги қонунчилик ҳужжатларини бажариш бўйича иш фаолияти натижалари тўғрисида маълумот тақдим этади;

тизимдаги ташкилотлар фаолиятини ўрганиш давомида аниқланган иш фаолиятидаги камчиликлар ва қоида бузилишларини бартараф этиш натижалари тўғрисида ахборот беради;

ўзининг фаолияти натижалари тўғрисида белгиланган тартибда ва муддатларда Агентлик марказий аппаратига ҳисобот беради;

ҳудудларни ижтимоий-иқтисодий ривожлантириш муаммоларини, шу жумладан, аҳолининг долзарб муаммоларини ҳал қилишга қаратилган таклифларни тақдим этади;

комплекс ижтимоий-иқтисодий ривожлантириш секторлари билан ўзаро ҳамкорлик қилиш натижалари тўғрисида ахборот беради;

ваколатли органлар томонидан ўзининг фаолиятини текшириш натижалари тўғрисида ахборот беради.

51. Агентлик марказий аппарати таркибий бўлинмалари ва тизимдаги ташкилотларнинг ўзаро муносабатлари жараёнида юзага келган келишмовчиликлар Агентлик директори топшириғига кўра унинг тегишли ўринбосарлари томонидан кўриб чиқилади. Агар келишмовчиликлар кўриб чиқилгандан сўнг ҳам бартараф этилмаган бўлса, улар бўйича қарор бевосита Агентлик директори томонидан қабул қилинади.

3-§. Агентликнинг республика ва маҳаллий ижро этувчи ҳокимият органлари ҳамда бошқа ташкилотлар билан ўзаро ҳамкорлик қилиш тартиби

52. Агентлик ўзининг вазифалари ва функцияларини бажаришда республика ва маҳаллий ижро этувчи ҳокимият органлари ва бошқа ташкилотлар билан ўзаро ҳамкорлик қилади.

53. Агентлик тизимидаги ташкилотлар ўзларининг ваколатлари доирасида хўжалик бирлашмалари ва маҳаллий ижро этувчи ҳокимият органлари билан ўзаро ҳамкорлик қилади.

Агентлик тизимидаги ташкилотлар тегишли ҳудудларни ижтимоий-иқтисодий ривожлантириш бўйича «йўл хариталари»ни ишлаб чиқиш ва амалга оширишда комплекс ижтимоий-иқтисодий ривожлантириш секторлари билан ўзаро узвий ҳамкорлик қилади.

6-боб. Агентлик директори ва унинг ўринбосарларининг асосий вазифалари

54. Қуйидагилар Агентлик директорининг асосий вазифалари ҳисобланади:

Ўзбекистон Республикаси Президенти, Вазирлар Маҳкамаси ва Вазирлик буйруқлари ва топшириқлари ижроси таъминланиши ҳамда мониторинги юритилишининг амалий тизимини ташкил этиш;

Ўзбекистон Республикасининг «Коррупцияга қарши курашиш тўғрисида»ги Қонуни талабларига мувофиқ Агентлик тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, қонунчилик ҳужжатларини такомиллаштириш чораларини ишлаб чиқиш, амалиётда соҳада юзага келиши мумкин бўлган салбий оқибатлар билан курашиш, уларни таҳлил қилиш ҳамда бартараф қилиш;

Агентлик фаолиятини режалаштириш ва унинг бажарилишини назорат қилиш;

Агентликнинг йиллик ва ярим йиллик иш режаларини тасдиқлаш учун Вазирга киритиш;

Агентлик фаолиятида ижро интизомини мустаҳкамлаш бўйича комплекс амалий чора-тадбирларни амалга ошириш, қонунчилик ҳужжатлари талабларига мувофиқ топшириқлар ўз вақтида ва сифатли бажарилиши учун марказий аппаратнинг мансабдор шахслари ва тизимдаги ташкилотлар раҳбарларининг шахсий жавобгарлигини ошириш чораларини кўриш;

тизимидаги ташкилотлар фаолиятининг самарадорлиги ва натижадорлигини мунтазам танқидий таҳлил қилиш, уларнинг ҳисоботларини Агентлик мажлисларида эшитиш, якунлари бўйича зарур ҳолларда уларни белгиланган тартибда интизомий жавобгарликка тортиш чораларини кўриш;

Агентлик ходимларини рағбатлантириш ва интизомий жавобгарликка тортиш масалаларини белгиланган тартибда ҳал қилиш, уларнинг эгаллаб турган лавозимларига мувофиқлиги масаласини кўриб чиқиш;

норматив-ҳуқуқий ҳужжатлар лойиҳаларини кейинчалик қонунчилик ҳужжатларида белгиланган тартибда Вазирлар Маҳкамасига киритиш учун сифатли ишлаб чиқишни ташкил этиш ва Вазирликка киритиш;

одоб-ахлоқ қоидаларини ишлаб чиқиш ва тасдиқлаш, шунингдек, уларга риоя қилинишини таъминлаш;

Агентлик таркибий бўлинмалари низомлари, лавозим йўриқномаларини ва тизимдаги ташкилотлар тўғрисидаги низомларни ҳамда Агентликнинг бошқа ички ҳужжатларини белгиланган тартибда тасдиқлаш;

Агентликка тегишли бўлган мулкка эгалик қилиш, ундан фойдаланиш ва уни тасарруф этиш.

Агентлик директори қонунчилик ҳужжатларида назарда тутилган бошқа функционал вазифаларни ҳам амалга оширади.

55. Қуйидагилар Агентлик директори ўринбосарларининг асосий вазифалари ҳисобланади:

Агентликнинг ўзи мутасаддилик қиладиган таркибий бўлинмалари фаолиятини мувофиқлаштириш, назорат қилиш ва бевосита бошқариш, уларнинг ходимлари ўртасида вазифаларни тақсимлаш;

Агентлик фаолиятининг ўзи мутасаддилик қиладиган йўналишлари бўйича Ўзбекистон Республикаси Президентининг ҳужжатлари, Вазирлар Маҳкамаси қарорлари ва Вазирликнинг буйруқлари билан тасдиқланган тизим ташкилотларининг фаолиятини янада такомиллаштириш бўйича концепциялар, комплекс дастурлар ва тадбирларнинг бажарилишини танқидий ва чуқур таҳлил қилиш;

ўзи мутасаддилик қиладиган таркибий бўлинмалар томонидан режа кўрсаткичларининг сўзсиз бажарилишини таъминлаш чораларини кўриш, бўлинмалар раҳбарларининг ҳисоботларини мунтазам равишда эшитиш ва ушбу кўрсаткичларга эришиш учун уларнинг шахсий масъулиятини ошириш;

ўзи мутасаддилик қиладиган таркибий бўлинмаларнинг иш режаларини тасдиқлаш, уларнинг бажарилиши юзасидан назоратни таъминлаш;

ўзи мутасаддилик қиладиган таркибий бўлинмалар фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, таркибий бўлинмалар раҳбарларининг шахсий масъулиятини ошириш чора-тадбирларини кўриш;

Вазирликнинг Агентлик фаолиятига тааллуқли буйруқлари, Агентлик буйруқлари ва топшириқларининг ўз вақтида ва сифатли бажарилишини таъминлаш;

ўзи мутасаддилик қиладиган таркибий бўлинмаларда ходимларни танлаш ва жой-жойига қўйиш бўйича Агентлик директорига таклифлар киритиш;

ўзи мутасаддилик қиладиган таркибий бўлинмалар раҳбарлари фаолияти самарадорлиги ва натижадорлигини мунтазам равишда танқидий таҳлил қилиш;

ўзи мутасаддилик қиладиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш бўйича Агентлик директорига таклифлар киритиш.

Агентлик директори ўринбосарлари қонунчилик ҳужжатларида назарда тутилган бошқа функционал вазифаларни ҳам амалга оширади.

7-боб. Агентлик директори ва ўринбосарларининг жавобгарлиги

56. Агентлик директори:

Агентликка юкланган вазифалар ва функцияларнинг бажарилиши;

ушбу Низомнинг 29-бандида назарда тутилган ҳолатлар бўйича;

ушбу Низомнинг 54-бандида кўрсатилган ўз вазифаларининг сифатли бажарилиши учун шахсан жавоб беради.

57. Агентлик директори ўринбосарлари:

Агентликнинг ўзи назорат қиладиган таркибий тузилмаларида Агентликка юкланган вазифалар ва функцияларнинг бажарилиши;

ушбу Низомнинг 29-бандида назарда тутилган Агентликнинг мутасаддилик қилинадиган масалаларга доир жавобгарлик соҳалари бўйича;

ушбу Низомнинг 55-бандида кўрсатилган ўз вазифаларининг сифатли бажарилиши учун шахсан жавоб беради.

8-боб. Агентлик фаолиятининг самарадорлиги ва натижадорлигини баҳолаш мезонлари ва ишчи индикаторлари

58. Агентлик директори Агентлик фаолияти ва унга юкланган вазифалар самарали бажарилиши бўйича доимий мониторинг юритади ҳамда Агентлик фаолияти самарадорлиги ва натижадорлигини мунтазам равишда баҳолаб боради.

59. Агентлик фаолиятининг самарадорлиги ва натижадорлигини баҳолаш Вазир томонидан тасдиқланадиган Агентлик фаолияти самарадорлиги ва натижадорлигини баҳолаш мезонлари ва индикаторларига асосланади.

60. Агентлик фаолиятининг самарадорлиги ва натижадорлигини баҳолаш якунлари бўйича қуйидаги чоралар кўрилади:

Агентлик раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

Агентлик фаолиятида аниқланган камчиликларни бартараф қилиш ва унинг фаолиятини янада такомиллаштириш.

61. Агентлик фаолиятининг самарадорлиги ва натижадорлигини баҳолаш тартиби қонунчилик ҳужжатлари билан белгиланади.

9-боб. Агентликни молиялаштириш ва моддий-техник таъминлаш, ходимлар меҳнатига ҳақ тўлаш ва моддий рағбатлантириш

62. Агентлик ва унинг тизимидаги ташкилотларни молиялаштириш ва моддий-техник таъминлаш Ўзбекистон Республикаси Давлат бюджети, бюджетдан ташқари маблағлар, ҳомийлик хайриялари ва қонунчилик ҳужжатларида тақиқланмаган бошқа маблағлар ҳисобига амалга оширилади.

63. Агентлик ва унинг тизимидаги ташкилотлар ходимларига тўланадиган иш ҳақи қонунчиликда назарда тутилган лавозим маоши, мукофотлар, қўшимча ҳақ, устамалар ва қонунчилик ҳужжатларида назарда тутилган бошқа тўловлардан иборат бўлади.

64. Агентлик ходимларининг бюджетдан ташқари маблағлар бўйича меҳнатига ҳақ тўлашда лавозим маошларига қонунчилик ҳужжатларида белгиланган устама ҳақлар, мукофот, моддий ёрдам пули ҳамда бошқа барча қўшимча тўловлар Ўзбекистон Республикаси Сув хўжалиги вазирлиги ва унинг тизимидаги ташкилотлар ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низом асосида Агентлик ташкил этилган кундан бошлаб амалга оширилади.

10-боб. Агентликнинг Вазирлик олдидаги ҳисоботи

65. Агентлик раҳбарияти тасдиқланган Агентлик фаолиятининг самарадорлиги ва натижадорлигини баҳолаш мезонлари ҳамда ишчи индикаторлари ижроси юзасидан Вазир ҳузурида шахсан ҳисобот беради.

66. Вазирлик Агентликка юкланган вазифаларнинг самарали бажарилишини таъминлаш мақсадида Агентлик раҳбарияти фаолиятининг доимий мониторингини олиб боради ва натижадорлигига холисона баҳо беради.

67. Агентлик фаолиятининг мониторинги ва баҳолаш натижаларига кўра Агентликнинг алоҳида намуна кўрсатган мансабдор шахслари ва ходимларига нисбатан уларни рағбатлантириш ёки уларни жиддий камчиликларга йўл қўйганлиги учун жавобгарликка тортиш, эгаллаб турган лавозимидан бўшатиш каби чоралар кўрилади.

11-боб. Якунловчи қоидалар

68. Агентлик қонунчилик ҳужжатларида белгиланган тартибда қайта ташкил этилади ва тугатилади.

69. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Вазирлар Маҳкамасининг 2024 йил 7 октябрдаги 645-сон қарорига 3-ИЛОВА

Ўзбекистон Республикаси Сув хўжалиги вазирлигининг Сув хўжалиги лойиҳаларини амалга ошириш департаменти тўғрисида

1-боб. Умумий қоидалар

1. Ушбу Низом Ўзбекистон Республикаси Сув хўжалиги вазирлигининг Сув хўжалиги лойиҳаларини амалга ошириш департаментининг (кейинги ўринларда — Департамент) мақоми, асосий вазифалари, функциялари, ҳуқуқлари ва жавобгарлиги, фаолиятини ташкил этиш, раҳбарларининг функционал вазифалари ва масъулиятини белгилайди.

Департамент Ўзбекистон Республикаси Давлат бюджет маблағлари ва қонунчилик ҳужжатлари билан тақиқланмаган бошқа манбалар ҳисобидан амалга ошириладиган ирригация-мелиорация лойиҳалари учун буюртмачи функцияларини бажарувчи ҳудудий «Сувқурилишинвест» давлат муассасалари фаолиятини мувофиқлаштирувчи давлат муассасаси ҳисобланади.

2. Департамент ўз фаолиятида Ўзбекистон Республикасининг Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, Ўзбекистон Республикаси Сув хўжалиги вазирлигининг (кейинги ўринларда — Вазирлик) буйруқлари ва ҳайъат қарорлари, ушбу Низомга, шунингдек, бошқа қонунчилик ҳужжатларига амал қилади.

3. Департамент давлат муассасаси шаклидаги юридик шахс ҳисобланади, Ўзбекистон Республикасининг Давлат герби тасвири туширилган ва ўз номи давлат тилида ёзилган муҳр ва бланкаларга, мустақил балансга, Иқтисодиёт ва молия вазирлиги ҳузуридаги Ғазначилик хизмати қўмитасида шахсий ҳисобварақларига, шу жумладан, чет эл валютасидаги Ягона ғазна ҳисобварағига эга бўлади.

4. Департаментнинг расмий номи:

а) давлат тилида:

тўлиқ номи — Ўзбекистон Республикаси Сув хўжалиги вазирлигининг Сув хўжалиги лойиҳаларини амалга ошириш департаменти;

қисқартирилган номи — Сув хўжалиги лойиҳаларини амалга ошириш департаменти;

б) рус тилида:

тўлиқ номи — Департамент по реализации проектов водного хозяйства Министерства водного хозяйства Республики Узбекистан;

қисқартирилган номи — Департамент по реализации проектов водного хозяйства;

в) инглиз тилида:

тўлиқ номи — Department for the Implementation of Water Resources Projects of the Ministry of Water Resources of the Republic of Uzbekistan;

қисқартирилган номи — Department for the Implementation of Water Resources Projects.

5. Департаментнинг жойлашган жойи (почта манзили): 100213, Тошкент шаҳри, Бектемир тумани, Роҳат кўчаси 13-уй.

6. Департамент ҳудудий «Сувқурилишинвест» давлат муассасалари фаолиятини ташкил этади, назорат қилади ва уларга умумий раҳбарлик қилади.

2-боб. Департамент тузилмаси

7. Департамент таркибига қуйидагилар киради:

марказий аппарат;

«Қорақалпоғистонсувқурилишинвест» давлат муассасаси;

«Андижонсувқурилишинвест» давлат муассасаси;

«Бухоросувқурилишинвест» давлат муассасаси;

«Жиззахсувқурилишинвест» давлат муассасаси;

«Қашқадарёсувқурилишинвест» давлат муассасаси;

«Навоийсувқурилишинвест» давлат муассасаси;

«Намангансувқурилишинвест» давлат муассасаси;

«Самарқандсувқурилишинвест» давлат муассасаси;

«Сурхондарёсувқурилишинвест» давлат муассасаси;

«Сирдарёсувқурилишинвест» давлат муассасаси;

«Тошкентсувқурилишинвест» давлат муассасаси;

«Фарғонасувқурилишинвест» давлат муассасаси;

«Хоразмсувқурилишинвест» давлат муассасаси;

«Питнаксувқурилишинвест» давлат муассасаси.

3-боб. Департаментнинг асосий вазифалари ва функциялари

8. Қуйидагилар Департаментнинг асосий вазифалари ҳисобланади:

сув хўжалиги объектларини қуриш ва реконструкция қилишга қаратилган устувор инвестиция лойиҳаларини ошкоралик асосида танлаш, уларнинг қисқа ва узоқ муддатли дастурларини ишлаб чиқишда иштирок этиш;

сув хўжалигида капитал қурилиш лойиҳаларининг манзилли рўйхатларининг белгиланган тартибда тасдиқланишини ташкил қилиш;

сув хўжалиги объектларини қуриш, реконструкция қилиш ва таъмирлаш-тиклаш ишлари бўйича лойиҳа-смета ҳужжатлари ишлаб чиқилиши, экспертизадан ўтказилиши ва бош пудрат ташкилотлари танлов (тендер) асосида аниқланиши ҳамда тегишли шартномалар расмийлаштирилишини ташкил қилиш;

капитал қурилиш лойиҳаларини амалга ошириш юзасидан тизимли мониторинг юритиш, шунингдек, буюртмачи ва пудрат ташкилотлари томонидан шаҳарсозлик нормалари ва қоидалари талабларига риоя этилишини таъминлаш, лойиҳаларни амалга ошириш жараёнида юзага келган муаммоларни бартараф этиш.

9. Департамент ўзига юкланган вазифаларга мувофиқ қуйидаги функцияларни бажаради:

а) сув хўжалиги объектларини қуриш ва реконструкция қилишга қаратилган устувор инвестиция лойиҳаларини ошкоралик асосида танлаш, уларнинг қисқа ва узоқ муддатли дастурларини ишлаб чиқишда иштирок этиш соҳасида:

сув хўжалиги, қишлоқ хўжалиги, геология, ер тузиш ва лойиҳа ташкилотлари мутахассислари, шунингдек, манфаатдор фермер ва кластерлар иштирокида жойида ҳар бир ҳудуднинг сув таъминоти, ерларнинг мелиоратив ҳолати ва бошқа ўзига хос хусусиятларини инобатга олган ҳамда муаммоларни таҳлил қилган ҳолда, маҳаллий ижро этувчи ҳокимият органлари билан биргаликда шакллантирилган лойиҳаларни умумлаштиради, лойиҳаларнинг тақдимотларини тайёрлаш ва таклифлар ишлаб чиқишда иштирок этади;

сув хўжалиги объектларини қуриш, реконструкция қилиш ва таъмирлаш-тиклаш бўйича шакллантирилган устувор лойиҳалар рўйхатининг белгиланган тартибда тасдиқланишини ҳамда манфаатдор вазирлик ва идоралар билан келишилган ҳолда амалга оширилишини ташкил қилади;

мамлакатда яқин истиқболда сув ресурсларини тежовчи технологиялар ҳамда табиий офатларнинг олдини олиш, уларнинг оқибатларини юмшатиш ва қишлоқ хўжалигини барқарор сув ресурслари билан таъминлаш мақсадида устувор лойиҳа ечимларини ишлаб чиқиш ва амалга ошириш учун Вазирликка тегишли таклифлар киритиб боради;

мақсадли давлат дастурларига киритилган лойиҳаларнинг параметрларини аниқлаштириш ва келгусида тасдиқлаш учун Вазирлик билан биргаликда Ҳукуматга белгиланган тартибда тақдим этади.

б) сув хўжалигида капитал қурилиш лойиҳаларининг манзилли рўйхатларини белгиланган тартибда тасдиқланишини ташкил қилиш соҳасида:

буюртмачиларнинг сув хўжалигида капитал қурилиш лойиҳаларининг манзилли рўйхатларини белгиланган тартибда кўриб чиқади;

манзилли рўйхатларни манфаатдор вазирлик ва идоралар билан келишилган ҳолда тасдиқлайди;

в) сув хўжалиги объектларини қуриш, реконструкция қилиш ва таъмирлаш-тиклаш ишлари бўйича лойиҳа-смета ҳужжатлари ишлаб чиқилиши, экспертизадан ўтказилиши ва бош пудрат ташкилотлари танлов (тендер) асосида аниқланишини ҳамда тегишли шартномалар расмийлаштирилишини ташкил қилиш соҳасида:

сув хўжалиги объектларини қуриш ва реконструкция қилиш бўйича тегишли лойиҳа-смета ҳужжатларининг ишлаб чиқилиши юзасидан бош лойиҳа ташкилотларини аниқлайди, улар билан шартномалар ўз вақтида расмийлаштирилишини назорат қилади;

лойиҳа-смета ҳужжатларининг ўз вақтида ишлаб чиқилиши ва белгиланган тартибда экспертизадан ўтказилишини ташкил қилади ҳамда муаммоли масалаларнинг ечими бўйича буюртмачи ташкилотларга амалий ёрдам кўрсатади;

сув хўжалиги объектларини қуриш ва реконструкция қилиш ҳамда таъмирлаш-тиклаш ишлари бўйича бош пудрат ташкилотларини аниқлаш юзасидан тендер (танлов) савдоларининг ўз вақтида ўтказилиши ҳамда тегишли шартномалар расмийлаштирилишини ва молиялаштириш очилишини назорат қилади;

г) капитал қурилиш лойиҳаларини амалга ошириш юзасидан тизимли мониторинг юритиш, шунингдек, буюртмачи ва пудрат ташкилотлари томонидан шаҳарсозлик нормалари ва қоидалари талабларига риоя этилишини таъминлаш, лойиҳаларни амалга ошириш жараёнида юзага келган муаммоларни бартараф этиш соҳасида:

«Сувқурилишинвест» давлат муассасалари ҳисоботлари, шунингдек, таклифлари ва мурожаатларини таҳлил қилиб боради;

сув хўжалиги соҳасидаги капитал қурилиш лойиҳаларини амалга оширишда қурилиш-монтаж ишларининг сифатли бажарилиши учун давлат архитектура-қурилиш ҳамда муаллифлик назоратини олиб бориш бўйича шартномалар расмийлаштирилиши ва бажарилиши юзасидан мониторинг юритади;

давлат архитектура-қурилиш ҳамда муаллифлик назорати олиб борилишида аниқланган камчиликларнинг буюртмачилар ва бош пудрат ташкилотлари томонидан ўз вақтида бартараф этилиши юзасидан назорат олиб боради;

лойиҳалар доирасида амалга оширилган ишлар ва барча кўрсаткичлар бўйича ҳисоботларни Вазирликка ва бошқа манфаатдор вазирлик ва идораларга белгиланган тартибда тақдим этиб боради;

қурилиши якунланган сув хўжалиги объектларининг белгиланган тартибда фойдаланишга топширилишини ташкил қилади;

буюртмачи ва пудрат ташкилотларининг норматив-ҳуқуқий ҳужжатлар талабларига риоя этиши бўйича ўқув курслари ва семинарлар ташкил қилади.

4-боб. Департаментнинг ҳуқуқлари ва жавобгарлиги

10. Департамент ўзига юкланган вазифалар ва функцияларни бажариш учун қуйидаги ҳуқуқларга эга:

қонунчилик ҳужжатларида белгиланган тартибда ўз номидан мулкий ҳуқуқни олиш, мол-мулкка эгалик қилиш мажбуриятларини олиш ва судда даъвогар бўлиш;

сув хўжалиги қурилишига оид масалалар бўйича норматив-ҳуқуқий ҳужжатлар лойиҳаларини ишлаб чиқиш ва ишлаб чиқишда қатнашиш, шунингдек, улар ҳақида ўз хулосаларини бериш;

ўз ваколатига кирувчи масалаларни ҳал этиш учун зарур бўлган материалларни тизимдаги ташкилотлар, хўжалик бирлашмалари ҳамда республика ва маҳаллий ижро этувчи ҳокимият органларидан белгиланган тартибда сўраб олиш;

тегишли дастурлар ва концепциялар доирасида амалга ошириладиган сув хўжалиги қурилиши лойиҳаларини молиялаштириш мақсадида Вазирлик режаларини ишлаб чиқиш бўйича ўз таклифларини киритиш;

сув хўжалиги қурилиши соҳасидаги давлат органлари ва бошқа ташкилотларнинг, нодавлат нотижорат ташкилотлари, етакчи лойиҳа институтлари, илмий ва таълим муассасалари, халқаро ва хорижий ташкилотларнинг юқори малакали ходимларини ҳамда мутахассисларини шартнома асосида жалб этиш;

«Сувқурилишинвест» давлат муассасалари томонидан амалга оширилаётган қурилиш лойиҳаларини бажаришда йўл қўйилган камчиликларни бартараф этиш бўйича тегишли чоралар кўриш ва масъулларга нисбатан қонунчиликда белгиланган тартибда жазо чораларини қўллаш.

Департамент қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

11. Департамент ўзи томонидан ишлаб чиқилган ва амалга оширилган лойиҳалар бўйича, шу жумладан уларнинг натижадорлиги ҳамда сарфланган маблағларнинг самарадорлиги юзасидан масъул ва жавобгар ҳисобланади.

12. Департамент ўз мажбуриятлари бўйича ўзига тегишли бўлган мол-мулк билан жавоб беради.

5-боб. Департамент фаолиятини ташкил этиш

13. Департаментга Ўзбекистон Республикаси Бош вазири томонидан лавозимга тайинланадиган ва лавозимдан озод қилинадиган директор раҳбарлик қилади.

Департамент директори мақоми, тиббий ва транспорт хизмати кўрсатиш шартлари бўйича вазир ўринбосарига тенглаштирилади.

14. Департамент директори Вазир томонидан лавозимга тайинланадиган ва лавозимдан озод этиладиган бир нафар ўринбосарга эга бўлади.

Департамент директори бўлмаган даврда, директор вазифасини унинг ўринбосари бажаради.

15. Департаментнинг ташкилий тузилмасини тасдиқлаш, бошқарув ходимларининг белгиланган чекланган сони ва меҳнатга ҳақ тўлаш фонди доирасида Департамент штат бирликлари ҳамда харажатлар сметасини тасдиқлаш, заруратга кўра штат бирликларининг умумий чекланган сонидан чиқмаган ҳолда ўзгартириш киритиш Вазир томонидан амалга оширилади.

Департамент таркибидаги «Сувқурилишинвест» давлат муассасалари алоҳида юридик шахс ҳисобланади, мустақил балансга, Ўзбекистон Республикаси Давлат герби тасвири туширилган муҳр ва бланкаларга эга бўлади.

«Сувқурилишинвест» давлат муассасалари раҳбарлари (директор, бош муҳандис ва директор ўринбосари) Вазирлар Маҳкамасининг тегишли котибияти, Вазирлик, Ўзбекистон Республикаси Қурилиш ва уй-жой коммунал хўжалиги вазирлиги ҳамда Иқтисодиёт ва молия вазирлиги билан келишилган ҳолда, Департамент директори томонидан лавозимига тайинланади ва лавозимидан озод этилади.

6-боб. Департамент директори ва унинг ўринбосарининг асосий вазифалари

16. Қуйидагилар Департамент директорининг асосий вазифалари ҳисобланади:

Ўзбекистон Республикаси Президенти, Вазирлар Маҳкамаси ва Вазирлик қарорлари, буйруқлари ва топшириқлари ижроси таъминланиши ҳамда мониторинги юритилишининг амалий тизимини ташкил этиш;

Ўзбекистон Республикасининг «Коррупцияга қарши курашиш тўғрисида»ги Қонуни талабларига мувофиқ Департамент тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, қонунчилик ҳужжатларини такомиллаштириш чораларини ишлаб чиқиш, амалиётда соҳада юзага келиши мумкин бўлган салбий оқибатлар билан курашиш, уларни таҳлил қилиш ҳамда бартараф қилиш;

Департамент фаолиятини режалаштириш ва уларнинг бажарилишини назорат қилиш;

Департаментнинг йиллик ва ярим йиллик иш режаларини тасдиқлаш учун Вазирликка киритиш;

Департамент фаолиятида ижро интизомини мустаҳкамлаш бўйича комплекс амалий чора-тадбирларни амалга ошириш, қонунчилик ҳужжатлари талабларига мувофиқ топшириқлар ўз вақтида ва сифатли бажарилиши учун марказий аппаратнинг мансабдор шахслари ва ҳудудий «Сувқурилишинвест» давлат муассасалари раҳбарларининг шахсий жавобгарлигини ошириш чораларини кўриш;

«Сувқурилишинвест» давлат муассасалари фаолиятининг самарадорлиги ва натижадорлигини танқидий таҳлилини мунтазам равишда ўтказиш, уларнинг ҳисоботларини Департамент мажлисларида эшитиш, якунлари бўйича зарур ҳолларда уларни белгиланган тартибда интизомий жавобгарликка тортиш чораларини кўриш;

Департамент ходимларини рағбатлантириш ва интизомий жавобгарликка тортиш масалаларини белгиланган тартибда ҳал қилиш, уларнинг эгаллаб турган лавозимларига мувофиқлиги масаласини кўриб чиқиш;

одоб-ахлоқ қоидаларини ишлаб чиқиш ва тасдиқлаш, шунингдек, уларга риоя қилинишини таъминлаш;

Департаментнинг таркибий бўлинмалари тўғрисидаги низомлар, лавозим йўриқномаларини ва ҳудудий «Сувқурилишинвест» давлат муассасалари тўғрисидаги низомларни ҳамда Департаментнинг бошқа ички ҳужжатларини белгиланган тартибда тасдиқлаш;

Департамент ва унинг таркибий бўлинмалари ишини ташкил қилишнинг замонавий шаклларини жорий қилишни таъминлаш;

Департаментга тегишли бўлган мулкка эгалик қилиш, ундан фойдаланиш ва уни тасарруф этиш.

Департамент директори қонунчилик ҳужжатларида назарда тутилган бошқа функционал вазифаларни ҳам амалга оширади.

17. Қуйидагилар Департамент директори ўринбосарининг асосий вазифалари ҳисобланади:

Департаментнинг ўзи мутасаддилик қиладиган таркибий бўлинмалари фаолиятини мувофиқлаштириш, назорат қилиш ва бевосита бошқариш, уларнинг ходимлари ўртасида вазифаларни тақсимлаш;

Департамент фаолиятининг ўзи мутасаддилик қиладиган йўналишлари бўйича Ўзбекистон Республикаси Президентининг ҳужжатлари, Вазирлар Маҳкамаси қарорлари ва Вазирликнинг буйруқлари билан тасдиқланган Департаментнинг фаолиятини янада такомиллаштириш бўйича концепциялар, комплекс дастурлар ва тадбирларнинг бажарилишини танқидий ва чуқур таҳлил қилиш;

Вазирликнинг Департамент фаолиятига тааллуқли буйруқлари, Департамент директори буйруқлари ва топшириқларининг ўз вақтида ва сифатли бажарилишини таъминлаш;

ўзи мутасаддилик қиладиган таркибий бўлинмаларда ходимларни танлаш ва жой-жойига қўйиш бўйича Департамент директорига таклифлар киритиш;

ўзи мутасаддилик қиладиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш бўйича Департамент директорига таклифлар киритиш.

Департамент директори ўринбосари қонунчилик ҳужжатларида назарда тутилган бошқа функционал вазифаларни ҳам амалга оширади.

7-боб. Департамент раҳбарларининг жавобгарлиги

18. Департамент директори:

Департаментга юкланган вазифалар ва функцияларнинг бажарилиши;

ушбу Низомнинг 11 ва 16-бандида назарда тутилган ҳолатлар бўйича ва кўрсатилган ўз вазифаларининг сифатли бажарилиши учун шахсан жавоб беради.

19. Департамент директорининг ўринбосари:

Департаментнинг ўзи назорат қиладиган таркибий тузилмаларида Департаментга юкланган вазифалар ва функцияларнинг бажарилиши;

ушбу Низомнинг 17-бандида назарда тутилган Департаментнинг мутасаддилик қилинадиган масалаларга доир жавобгарлик соҳалари бўйича шахсан жавоб беради.

8-боб. Департамент фаолиятининг самарадорлиги ва натижадорлигини баҳолаш мезонлари ва иш индикаторлари

20. Департамент директори Департамент фаолияти ва унга юкланган вазифалар самарали бажарилиши бўйича доимий мониторингни олиб боради ҳамда Департамент фаолияти самарадорлиги ва натижадорлиги мунтазам равишда баҳолаб боради.

21. Департамент фаолиятининг самарадорлиги ва натижадорлигини баҳолаш Вазир томонидан тасдиқланадиган Департамент фаолияти самарадорлиги ва натижадорлигини баҳолаш мезонлари ва индикаторларига асосланади.

22. Департамент фаолиятининг самарадорлиги ва натижадорлигини баҳолаш якунлари бўйича қуйидаги чоралар кўрилади:

Департамент раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

Департамент фаолиятида аниқланган камчиликларни бартараф қилиш ва унинг фаолиятини янада такомиллаштириш.

23. Департамент фаолиятининг самарадорлиги ва натижадорлигини баҳолаш тартиби қонунчилик ҳужжатлари билан белгиланади.

9-боб. Департамент фаолиятини молиялаштириш, ходимларнинг меҳнатига ҳақ тўлаш ва моддий рағбатлантириш тартиби

24. Департамент фаолияти ва моддий-техник таъминоти Ўзбекистон Республикаси Давлат бюджети маблағлари, бюджетдан ташқари маблағлар, ҳомийлик хайриялари ва қонунчилик ҳужжатларида тақиқланмаган бошқа маблағлар ҳисобидан молиялаштирилади.

25. Департамент ходимларига тўланадиган иш ҳақи қонунчилик ҳужжатларида назарда тутилган лавозим маоши, мукофотлар, қўшимча ҳақ, устамалар ва қонунчилик ҳужжатларида назарда тутилган бошқа тўловлардан иборат бўлади.

26. Департамент ходимларининг бюджетдан ташқари маблағлар бўйича меҳнатига ҳақ тўлашда лавозим маошларига қонунчилик ҳужжатларида белгиланган устама ҳақлар, мукофот, моддий ёрдам пули ҳамда бошқа барча қўшимча тўловлар Ўзбекистон Республикаси Сув хўжалиги вазирлиги ва унинг тизим ташкилотлари ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низом асосида Департамент ташкил этилган кундан бошлаб амалга оширилади.

10-боб. Департаментнинг Вазирлик олдидаги ҳисоботи

27. Департамент раҳбарияти тасдиқланган Департамент фаолиятининг самарадорлиги ва натижадорлигини баҳолаш мезонлари ҳамда ишчи индикаторлари ижроси юзасидан Вазир ҳузурида шахсан ҳисобот беради.

28. Вазирлик Департаментга юкланган вазифаларнинг самарали бажарилишини таъминлаш мақсадида Департамент раҳбарияти фаолиятининг доимий мониторингини олиб боради ва натижадорлигига холисона баҳо беради.

29. Департамент фаолиятининг мониторинги ва баҳолаш натижаларига кўра Департаментнинг алоҳида намуна кўрсатган мансабдор шахслари ва ходимларига нисбатан уларни рағбатлантириш ёки уларни жиддий камчиликларга йўл қўйганлиги учун жавобгарликка тортиш, эгаллаб турган лавозимидан бўшатиш каби чоралар кўрилади.

11-боб. Якунловчи қоидалар

30. Департамент қонунчилик ҳужжатларида белгиланган тартибда қайта ташкил этилади ва тугатилади.

31. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Вазирлар Маҳкамасининг 2024 йил 7 октябрдаги 645-сон қарорига 4-ИЛОВА

Ўзбекистон Республикаси Сув хўжалиги вазирлиги ҳузуридаги Сув хўжалигида хорижий инвестиция лойиҳаларини амалга ошириш маркази тўғрисида

1-боб. Умумий қоидалар

1. Ушбу Низом Ўзбекистон Республикаси Сув хўжалиги вазирлиги ҳузуридаги Сув хўжалигида хорижий инвестиция лойиҳаларини амалга ошириш марказининг (кейинги ўринларда — Марказ) мақоми, асосий вазифалари, функциялари, ҳуқуқ ва мажбуриятлари, жавобгарлиги, фаолиятини ташкил этиш ва ҳисобот бериш тартибини, шунингдек, унинг раҳбарларининг функционал вазифалари ва масъулиятини белгилайди.

2. Марказ сув хўжалиги тизимини такомиллаштиришга қаратилган хорижий инвестициялар, халқаро молия институтлари ва хорижий ҳукумат молия ташкилотлари (кейинги ўринларда — ХМИ ва ХҲМТ) маблағлари ҳамда бюджет маблағлари ҳисобидан молиялаштириладиган лойиҳаларни амалга оширадиган, хорижий кредитлардан мақсадли ва самарали фойдаланиш ҳамда лойиҳа самарадорлигини таъминлаш юзасидан масъул ваколатли давлат муассасаси ҳисобланади.

3. Марказ ўз фаолиятида Ўзбекистон Республикаси Сув хўжалиги вазирлигига (кейинги ўринларда — Вазирлик) ҳисобот беради.

4. Марказ ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, лойиҳаларни амалга ошириш ва техник кўмаклашишда ХМИ ва ХҲМТ билан эришилган инвестициявий халқаро келишув ва шартномаларга, шунингдек, ушбу Низомга ва бошқа қонунчилик ҳужжатларига, шу жумладан, Вазирлик буйруқлари ва унинг ҳайъати қарорларига амал қилади.

5. Марказ давлат муассасаси шаклидаги юридик шахс ҳисобланади, Ўзбекистон Республикасининг Давлат герби тасвири туширилган ва ўз номи давлат тилида ёзилган муҳр ва бланкаларга, мустақил балансга, Иқтисодиёт ва молия вазирлиги ҳузуридаги Ғазначилик хизмати қўмитасида шахсий ҳисобварақларига, шу жумладан, чет эл валютасидаги Ягона ғазна ҳисобварағига эга бўлади.

Марказ томонидан амалга ошириладиган ҳар бир лойиҳа бўйича тижорат банкларида алоҳида ҳисобварақлар (махсус ҳисобварақлар) очилади ва лойиҳа бўйича харажатлар (иш ҳақи, солиқлар, ижара, корпоратив банк карталарини тўлдириш ва бошқалар) ушбу ҳисобварақлардан амалга оширилади.

Лойиҳалар бўйича очилган махсус ҳисобварақлардан Марказнинг бошқа лойиҳаларидаги қарздорлиги ва мажбуриятларини бажариш учун тўловлар амалга оширилишига йўл қўйилмайди.

6. Марказ ўз фаолиятини республика ижро этувчи ҳокимият органлари, хўжалик бирлашмалари, маҳаллий давлат ҳокимияти органлари ва бошқа ташкилотлар билан ўзаро ҳамкорликда амалга оширади.

7. Марказнинг расмий номи:

а) давлат тилида:

тўлиқ номи — Ўзбекистон Республикаси Сув хўжалиги вазирлиги ҳузуридаги Сув хўжалигида хорижий инвестиция лойиҳаларини амалга ошириш маркази;

қисқартирилган номи — Сув хўжалигида хорижий инвестиция лойиҳаларини амалга ошириш маркази;

б) рус тилида:

тўлиқ номи — Центр по реализации зарубежных инвестиционных проектов в водном хозяйстве при Министерстве водного хозяйства Республики Узбекистан;

қисқартирилган номи — Центр по реализации зарубежных инвестиционных проектов в водном хозяйстве;

в) инглиз тилида:

тўлиқ номи — Center for Implementation of Foreign Investment Projects in the Water Sector under the Ministry of Water Resources of the Republic of Uzbekistan;

қисқартирилган номи — Water Projects Implementation Center.

8. Марказнинг жойлашган жойи (почта манзили): 100128, Тошкент шаҳри, Шайхонтоҳур тумани, Лабзак кўчаси, 1а-уй манзилидаги «А» блокнинг 2 ва 3-қаватлари.

2-боб. Марказнинг асосий вазифалари ва функциялари

9. Қуйидагилар Марказнинг асосий вазифалари ҳисобланади:

сув хўжалиги тизимини такомиллаштиришга қаратилган хорижий инвестиция лойиҳаларини, шу жумладан, ХМИ ва ХҲМТ маблағлари иштирокидаги инвестиция лойиҳаларининг (кейинги ўринларда — инвестиция лойиҳалари) қисқа ва узоқ муддатли дастурларини шакллантириш;

инвестиция лойиҳалари манзилли рўйхатларининг белгиланган тартибда тасдиқланишини ташкил қилиш;

инвестиция лойиҳаларини амалга ошириш учун ХМИ ва ХҲМТ маблағларини жалб қилиш ва уларни амалга ошириш;

инвестиция лойиҳаларини амалга ошириш бўйича бош пудрат ташкилотларини белгиланган тартибда аниқлаш ҳамда тегишли шартномаларни расмийлаштириш;

лойиҳалар ва сублойиҳалар амалга оширилишининг тизимли мониторингини юритиш, шунингдек, буюртмачи ва пудрат ташкилотлари томонидан шаҳарсозлик нормалари ва қоидалари талабларига риоя этилишини таъминлаш.

10. Марказ ўзига юкланган вазифаларни бажариш учун қуйидаги функцияларни амалга оширади:

а) сув хўжалиги тизимини такомиллаштиришга қаратилган хорижий инвестиция лойиҳаларини, шу жумладан, ХМИ ва ХҲМТ маблағлари иштирокидаги инвестиция лойиҳаларининг қисқа ва узоқ муддатли дастурларини шакллантириш соҳасида:

Вазирлик ва унинг тизимидаги ташкилотлар, фермер хўжаликлари ва кластерлар ҳамда бошқа манфаатдор ташкилотлар билан биргаликда жойларда тегишли сув хўжалиги объектларининг техник ҳолатини ўрганади;

сув хўжалиги соҳасидаги муаммоларни таҳлил қилади ва устувор инвестиция лойиҳалари бўйича таклифларни тайёрлайди;

сув хўжалиги тизимини такомиллаштиришга қаратилган инвестиция лойиҳаларининг Қорақалпоғистон Республикаси Жўқорғи Кенгеси ва вилоятлар халқ депутатлари Кенгашларида муҳокамасини ташкил қилади;

устувор инвестиция лойиҳаларининг қисқа ва узоқ муддатли дастурларини ишлаб чиқади ва шакллантиради, манфаатдор вазирлик ва идораларда уларнинг тақдимотини қилади;

б) инвестиция лойиҳалари манзилли рўйхатларининг белгиланган тартибда тасдиқланишини ташкил қилиш соҳасида:

инвестиция лойиҳаларининг манзилли рўйхатларини Вазирлик билан биргаликда ишлаб чиқилиши ҳамда манфаатдор вазирликлар ва идоралар билан белгиланган тартибда келишилишини ташкил қилади;

инвестиция лойиҳаларининг манзилли рўйхатларини белгиланган тартибда тасдиқлаш учун Вазирликка тақдим қилади;

в) инвестиция лойиҳаларини амалга ошириш учун ХМИ ва ХҲМТ маблағларини жалб қилиш ва уларни амалга ошириш соҳасида:

Вазирлик ва бошқа манфаатдор ташкилотлар билан биргаликда инвестиция лойиҳаларини амалга оширишга ХМИ ва ХҲМТ кредитлари, грантлари ва техник кўмакларини жалб қилиш юзасидан тадбирлар ўтказади;

инвестиция лойиҳаларини амалга оширишга ХМИ ва ХҲМТ кредитлари, грантлари ва техник кўмакларини жалб қилиш юзасидан таклифларни таҳлил қилади ҳамда Вазирликка хулоса тақдим этиб боради;

инвестиция лойиҳаларининг техник-иқтисодий асосланувини ишлаб чиқиш бўйича буюртмачи вазифасини бажаради;

сув хўжалиги объектларини қуриш ва реконструкция қилиш бўйича тегишли лойиҳа-смета ҳужжатларини ишлаб чиқиш учун техник топшириқлар ва тендер (танлов) ҳужжатларини Вазирлик билан биргаликда ишлаб чиқади, белгиланган тартибда манфаатдор вазирликлар ва идоралар, тегишли ХМИ ва ХҲМТ билан келишади;

бош лойиҳа ташкилотларини тендер (танлов) асосида аниқлайди, улар билан шартномаларни расмийлаштиради;

лойиҳа-смета ҳужжатлари ишлаб чиқилишини назорат қилади ва белгиланган тартибда экспертизадан ўтказилишини ташкил қилади;

инвестиция лойиҳаларини амалга ошириш юзасидан Ўзбекистон Республикаси Президентининг тегишли қарори лойиҳасини тайёрлайди, манфаатдор вазирлик ва идоралар билан келишади ҳамда белгиланган тартибда Вазирлар Маҳкамасига киритади;

г) инвестиция лойиҳаларини амалга ошириш бўйича бош пудрат ташкилотларини белгиланган тартибда аниқлаш ҳамда тегишли шартномаларни расмийлаштириш соҳасида;

инвестиция лойиҳаларининг бош пудрат ташкилотларини аниқлаш юзасидан тендер ҳужжатлари лойиҳаларининг сифатли ишлаб чиқилишини ҳамда тендер комиссиясида кўриб чиқилишини ташкил қилади;

тендер ҳужжатлари лойиҳаларининг тендер комиссияси йиғилишларида шаффоф муҳокамасини, шунингдек, тендер комиссияси ҳужжатларининг расмийлаштирилиши ҳамда белгиланган тартибда ХМИ ва ХҲМТ билан келишилишини ташкил қилади;

сув хўжалиги объектларини қуриш ва реконструкция қилиш юзасидан тендер ҳужжатларини белгиланган тартибда ваколатли вазирлик ва идоралар билан келишади ҳамда тендерни белгиланган тартибда ўтказади;

тендер ғолиблари билан тегишли шартномаларни расмийлаштиради, уларни белгиланган тартибда рўйхатдан ўтказади ва молиялаштиради;

д) лойиҳалар ва сублойиҳалар амалга оширилишининг тизимли мониторингини юритиш, шунингдек, буюртмачи ва пудрат ташкилотлари томонидан шаҳарсозлик нормалари ва қоидалари талабларига риоя этилишини таъминлаш соҳасида:

инвестиция лойиҳаларининг амалга оширилиши юзасидан маълумотларнинг очиқлиги ва ошкоралигини таъминлайди ҳамда батафсил ахборотларни Марказ ва Вазирликнинг расмий веб-сайтида доимий ёритиб боради;

инвестиция лойиҳаларини амалга оширишда қурилиш-монтаж ишларининг сифатли бажарилиши юзасидан техник назоратни таъминлайди;

инвестиция лойиҳаларини амалга ошириш бўйича шартнома асосида давлат архитектура-қурилиш ҳамда муаллифлик назоратини ташкил қилади;

давлат архитектура-қурилиш ҳамда муаллифлик назорати олиб борилишида аниқланган камчиликлар бош пудрат ташкилотлари томонидан ўз вақтида бартараф этилишини назорат қилади;

инвестиция лойиҳаларини амалга ошириш доирасида юзага келадиган муаммоларни белгиланган тартибда бартараф этиш чорасини кўради;

инвестиция лойиҳалари доирасида амалга оширилган ишлар ва барча кўрсаткичлар бўйича ҳисоботларни Вазирликка, шунингдек, Ўзбекистон Республикаси Инвестициялар, саноат ва савдо вазирлиги ҳамда бошқа манфаатдор вазирликлар ва идораларга, шунингдек, ХМИ ва ХҲМТга белгиланган тартибда тақдим этади;

ходимлар ва пудрат ташкилотларининг қонунчилик ҳужжатлари талабларига риоя этиши бўйича ўқув курслари ва семинарлар ташкил қилади.

Марказ қонунчилик ҳужжатларига мувофиқ бошқа функцияларни ҳам амалга ошириши мумкин.

3-боб. Марказнинг ҳуқуқлари ва жавобгарлиги

11. Марказ ўзига юкланган вазифалар ва функцияларни амалга оширишда қуйидаги ҳуқуқларга эга:

қонунчилик ҳужжатларида белгиланган тартибда ўз номидан мулкий ҳуқуқни олиш, мол-мулкка эгалик қилиш мажбуриятларини олиш ва судда даъвогар ва жавобгар бўлиш;

сув хўжалиги қурилишига оид масалалар бўйича қонунчилик ҳужжатлари лойиҳаларини ишлаб чиқишда қатнашиш, шунингдек, улар ҳақида ўз хулосаларини бериш;

давлат органлари ва ташкилотларининг ҳудудий бўлинмаларидан, маҳаллий давлат ҳокимияти органларидан ўз ваколатига кирувчи масалаларни ҳал этишга доир маълумотларни белгиланган тартибда сўраб олиш;

тегишли дастурлар ва концепциялар доирасида амалга ошириладиган сув хўжалиги қурилиши лойиҳаларини молиялаштириш юзасидан Вазирлик режаларини ишлаб чиқиш бўйича ўз таклифларини киритиш;

олимлар ҳамда вазирликлар, идоралар, таълим ва бошқа муассасаларнинг юқори малакали мутахассисларини илмий ва эксперт ишлари, маслаҳатлар ўтказиш учун, сув хўжалиги қурилиши соҳасининг долзарб масалаларини ишлаб чиқиш учун Вазирлик билан келишган ҳолда хорижий мутахассисларни шартнома асосида жалб этиш;

Вазирлик номидан Ўзбекистон Республикаси Ички ишлар вазирлигига, Ташқи ишлар вазирлигига, Иқтисодиёт ва молия вазирлиги ҳузуридаги Божхона қўмитасига чет эл мутахассисларининг кириш ва чиқиш визаларини, уларни рўйхатга қўйиш бўйича ҳамда инвестиция лойиҳалари доирасида олиб келинган жиҳозлар бўйича тегишли мурожаатномаларни расмийлаштириш.

Марказ қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

12. Марказ:

унга юкланган вазифалар ва функцияларни самарали бажариш, шунингдек, инвестиция лойиҳаларини самарали амалга ошириш;

Вазирликка Марказ томонидан киритиладиган норматив-ҳуқуқий ҳужжатлар ва бошқа ҳужжатлар лойиҳалари, шунингдек, Марказ томонидан қабул қилинадиган буйруқларнинг сифати ва пировард натижалари учун жавобгардир.

4-боб. Марказ фаолиятини ташкил этиш

13. Марказга Ўзбекистон Республикаси Бош вазири томонидан лавозимга тайинланадиган ва лавозимдан озод қилинадиган директор раҳбарлик қилади.

14. Марказ директори Ўзбекистон Республикаси сув хўжалиги вазири (кейинги ўринларда — Вазир) томонидан лавозимга тайинланадиган ва лавозимдан озод этиладиган икки нафар ўринбосарга эга бўлади.

Марказ директори бўлмаган даврда, директор вазифасини унинг ўринбосарларидан бири бажаради.

5-боб. Марказ директори ва унинг ўринбосарларининг асосий вазифалари

15. Қуйидагилар Марказ директорининг асосий вазифалари ҳисобланади:

Ўзбекистон Республикаси Президенти, Вазирлар Маҳкамаси ва Вазирлик ҳайъати қарорлари, буйруқлари ва топшириқлари ижроси таъминланиши ҳамда мониторинги юритилишининг амалий тизимини ташкил этиш;

Ўзбекистон Республикасининг «Коррупцияга қарши курашиш тўғрисида»ги Қонуни талабларига мувофиқ Марказ тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, қонунчилик ҳужжатларини такомиллаштириш чораларини ишлаб чиқиш, амалиётда соҳада юзага келиши мумкин бўлган салбий оқибатлар билан курашиш, уларни таҳлил қилиш ҳамда бартараф қилиш;

Марказ фаолиятини режалаштириш ва унинг бажарилишини назорат қилиш;

Марказнинг йиллик ва ярим йиллик иш режаларини тасдиқлаш учун Вазирликка киритиш;

Марказ фаолиятида ижро интизомини мустаҳкамлаш бўйича комплекс амалий чора-тадбирларни амалга ошириш, қонунчилик ҳужжатлари талабларига мувофиқ топшириқлар ўз вақтида ва сифатли бажарилиши учун раҳбар-ходимларнинг шахсий жавобгарлигини ошириш чораларини кўриш;

инвестиция лойиҳаларини амалга оширишда Ўзбекистон Республикаси Конституцияси ва қонунлари, бошқа қонунчилик ҳужжатлари талабларига риоя этиш;

Марказ фаолияти билан боғлиқ прогноз кўрсаткичларга эришишни сўзсиз таъминлаш бўйича амалий чораларни ишлаб чиқиш ва ижросини назорат қилиш;

ўз ўринбосарлари ва Марказ ходимлари ваколатларини белгилаш, улар ўртасида вазифаларни тақсимлаш, Марказ фаолиятининг алоҳида йўналишларига раҳбарлик қилиш учун ўз ўринбосарлари ва бошқа мансабдор шахсларнинг шахсий масъулияти даражасини белгилаш;

Марказ фаолиятини режалаштиришни ташкил этиш, Марказ таркибий бўлинмалари ва ўз ўринбосарларининг ойлик ва чораклик иш режаларини тасдиқлаш ҳамда уларнинг бажарилишини назорат қилиш;

Ўзбекистон Республикаси Президенти фармонлари, қарорлари ва фармойишлари, Ўзбекистон Республикаси Президенти Администрацияси топшириқлари ва Вазирлар Маҳкамасининг қарорлари, фармойишлари ва топшириқлари ҳамда Вазирликнинг ҳайъат қарорлари ва буйруқлари ижросини ташкил этиш ва мониторинг юритишнинг амалий тизимини яратиш, шунингдек, Марказ фаолиятида ижро интизомини мустаҳкамлаш бўйича комплекс чора-тадбирларни амалга ошириш;

Марказ ходимларини қайта тайёрлаш ва уларнинг малакасини оширишни тизимли равишда ташкил этиш;

Марказда кадрларни танлаш ва уларни жой-жойига қўйиш, уларнинг самарали фаолияти учун зарур шарт-шароитлар яратиш, зарур ҳолларда ходимларни моддий рағбатлантириш мақсадида алоҳида жамғарма ташкил этиш ҳамда Марказнинг кадрлар захирасини шакллантириш;

Марказ ходимлари томонидан Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари талабларига риоя этилишини таъминлаш;

Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонуни талабларига мувофиқ жисмоний ва юридик шахсларнинг мурожаатларини кўриб чиқишга доир ишларни самарали ташкил этиш, аҳоли билан тўғридан-тўғри ва очиқ мулоқотни йўлга қўйиш, белгиланган муддатларда ва тартибда жисмоний шахсларни ва юридик шахслар вакилларини мунтазам равишда шахсан қабул қилиш, шу жумладан, жойларга бориб сайёр қабуллар ўтказиш;

Марказнинг одоб-ахлоқ қоидаларини ишлаб чиқиш ва тасдиқлаш, шунингдек, уларга риоя қилинишини таъминлаш;

Марказнинг таркибий бўлинмалари низомлари, лавозим йўриқномалари ва Марказнинг бошқа ички ҳужжатларини белгиланган тартибда тасдиқлаш;

Марказ ва унинг таркибий бўлинмалари ишини ташкил қилишнинг замонавий шаклларини жорий қилишни таъминлаш;

Марказга тегишли бўлган мулкка эгалик қилиш, ундан фойдаланиш ва уни тасарруф этиш;

Марказ ходимларини (директор ўринбосарларидан ташқари) қонунчилик ҳужжатларида белгиланган тартибда лавозимга тайинлаш ва лавозимдан озод этиш;

Марказ фаолияти билан боғлиқ бўлган буйруқлар чиқариш ва кўрсатмалар бериш, шунингдек, уларнинг ижросини белгиланган тартибда назорат қилиш;

ходимларнинг белгиланган умумий штат бирликлар сони доирасида Марказ штатлар жадвалини тасдиқлаш ҳамда Марказ харажатлар сметасини белгиланган тартибда тузиш.

Марказ директори қонунчилик ҳужжатларида назарда тутилган бошқа функционал вазифаларни ҳам амалга оширади.

16. Қуйидагилар директор ўринбосарларининг асосий вазифалари ҳисобланади:

а) Марказ директорининг кредит, грант ва техник кўмакларни жалб қилиш масалалари бўйича ўринбосари:

ўзи мутасаддилик қиладиган таркибий бўлинмалар томонидан режа кўрсаткичларининг сўзсиз бажарилишини таъминлаш чораларини кўради, бўлинмалар раҳбарларининг ҳисоботларини мунтазам равишда эшитиш ва ушбу кўрсаткичларга эришиш учун уларнинг шахсий масъулиятини оширади;

ўзи мутасаддилик қиладиган таркибий бўлинмаларнинг иш режаларини тасдиқлайди, уларнинг бажарилишини назорат қилади;

ўзи мутасаддилик қиладиган таркибий бўлинмалар фаолиятида ижро интизомини мустаҳкамлаш бўйича комплекс амалий чора-тадбирларни амалга оширади, шунингдек, таркибий бўлинмалар раҳбарларининг шахсий масъулиятини ошириш чораларини кўради;

Вазирликнинг Марказ фаолиятига тааллуқли буйруқлари, Марказ директори буйруқлари ва топшириқларининг ўз вақтида ва сифатли бажарилишини таъминлайди;

ўзи мутасаддилик қиладиган таркибий бўлинмаларда ходимларни танлаш ва жой-жойига қўйиш бўйича Марказ директорига таклифлар киритади;

ўзи мутасаддилик қиладиган таркибий бўлинмалар раҳбарлари фаолияти самарадорлиги ва натижадорлигини мунтазам равишда танқидий таҳлил қилиб боради;

ўзи мутасаддилик қиладиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш бўйича Марказ директорига таклифлар киритади;

Марказ директори вақтинча бўлмаганда, унинг вазифаларини белгиланган тартибда бажаради;

устувор инвестиция лойиҳалари аниқланишини, уларнинг қисқа ва узоқ муддатли дастурларининг ишлаб чиқилишини ва тасдиқланишини таъминлайди;

лойиҳаларни амалга ошириш юзасидан ХМИ ва ХҲМТ билан музокаралар олиб боради ҳамда уларнинг кредитлари, грантлари ва техник кўмакларини белгиланган тартибда жалб қилишни ташкил қилади;

Марказ директори ўринбосари қонунчилик ҳужжатларида назарда тутилган бошқа функционал вазифаларни ҳам амалга оширади;

б) Марказ директорининг кредит, грант ва техник кўмаклар лойиҳаларини амалга ошириш масалалари бўйича ўринбосари:

Марказ директори вақтинча бўлмаганда, унинг вазифаларини белгиланган тартибда бажаради;

инвестиция лойиҳаларининг амалга оширилишини тизимли назорат қилади;

инвестиция лойиҳаларини амалга оширишда иштирок этаётган пудрат ташкилотлари ва консалтинг компанияларнинг лойиҳалар доирасидаги фаолиятини назорат қилади;

инвестиция лойиҳаларининг манзилли рўйхатлари белгиланган тартибда тасдиқланишини ташкил қилади;

ХМИ ва ХҲМТ талабларидан келиб чиққан ҳолда лойиҳани амалга оширишда иштирок этувчи мутахассисларни Вазирлик билан келишган ҳолда ишга қабул қилиш бўйича Марказ директорига таклиф киритади.

Марказ директори ўринбосари қонунчилик ҳужжатларида назарда тутилган бошқа функционал вазифаларни ҳам амалга оширади.

6-боб. Марказ директори ва ўринбосарларининг жавобгарлиги

17. Марказ директори:

Марказга юкланган вазифалар ва функцияларнинг бажарилиши;

ушбу Низомнинг 12-бандида назарда тутилган ҳолатлар бўйича ҳамда 15-бандида кўрсатилган ўз вазифаларининг сифатли бажарилиши учун шахсан жавоб беради.

18. Марказ директорининг ўринбосарлари:

Марказнинг ўзи назорат қиладиган таркибий тузилмаларида Марказга юкланган вазифалар ва функцияларнинг бажарилиши;

ушбу Низомнинг 12-бандида назарда тутилган Марказнинг ўзи мутасаддилик қиладиган масалаларига доир жавобгарлик соҳалари бўйича;

ушбу Низомнинг 16-бандида кўрсатилган ўз вазифаларининг сифатли бажарилиши учун шахсан жавоб беради.

7-боб. Марказ фаолиятининг самарадорлиги ва натижадорлигини баҳолаш мезонлари

19. Марказ директори Марказ фаолияти ва унга юкланган вазифалар самарали бажарилиши бўйича доимий мониторингни олиб боради ҳамда Марказ фаолияти самарадорлиги ва натижадорлигини мунтазам равишда баҳолаб боради.

20. Марказ фаолиятининг самарадорлиги ва натижадорлигини баҳолаш Вазир томонидан тасдиқланадиган Марказ фаолияти самарадорлиги ва натижадорлигини баҳолаш мезонлари ва индикаторларига асосланади.

21. Марказ фаолиятининг самарадорлиги ва натижадорлигини баҳолаш якунлари бўйича қуйидаги чоралар кўрилади:

Марказ раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

Марказ фаолиятида аниқланган камчиликларни бартараф қилиш ва унинг фаолиятини янада такомиллаштириш.

22. Марказ фаолиятининг самарадорлиги ва натижадорлигини баҳолаш тартиби қонунчилик ҳужжатлари билан белгиланади.

8-боб. Марказ фаолиятини молиялаштириш, ходимларнинг меҳнатига ҳақ тўлаш ва моддий рағбатлантириш тартиби

23. Марказ ходимларига тўланадиган иш ҳақи қонунчилик ҳужжатларида назарда тутилган лавозим маоши ва қонунчилик ҳужжатларида назарда тутилган бошқа тўловлардан иборат бўлади.

24. Марказ ходимларининг бюджетдан ташқари маблағлар бўйича меҳнатига ҳақ тўлашда мукофот, моддий ёрдам пули ҳамда бошқа барча қўшимча тўловлар Вазирлик томонидан тасдиқланадиган Сув хўжалигида хорижий инвестиция лойиҳаларини амалга ошириш маркази маблағларидан фойдаланиш тартиби тўғрисидаги низом асосида амалга оширилади.

9-боб. Марказнинг Вазирлик олдидаги ҳисоботи

25. Марказ қонунчилик ҳужжатларида, ХМИ ва ХҲМТ томонидан белгиланган шакллар ва муддатларда бухгалтерия, статистика ва бошқа ҳисоботларни манфаатдор вазирликлар ва идораларга тақдим этади.

26. Марказ фаолияти бўйича чораклик ҳамда йиллик молиявий ҳисоботлар Марказнинг расмий веб-сайтига жойлаштирилишини таъминлайди.

27. Марказ раҳбарияти тасдиқланган Марказ фаолиятининг самарадорлиги ва натижадорлигини баҳолаш мезонлари ҳамда ишчи индикаторлари ижроси юзасидан Вазир ҳузурида шахсан ҳисобот беради.

28. Вазирлик Марказга юкланган вазифаларнинг самарали бажарилишини таъминлаш мақсадида Марказ раҳбарияти фаолиятининг доимий мониторингини юритади ва натижадорлигига холисона баҳо беради.

29. Марказ фаолиятининг мониторинги ва баҳолаш натижаларига кўра Марказнинг алоҳида намуна кўрсатган мансабдор шахслари ва ходимларига нисбатан уларни рағбатлантириш ёки жиддий камчиликларга йўл қўйганлиги учун жавобгарликка тортиш, эгаллаб турган лавозимидан бўшатиш каби чоралар кўрилади.

10-боб. Якунловчи қоидалар

30. Марказ қонунчилик ҳужжатларида белгиланган тартибда қайта ташкил этилади ва тугатилади.

Вазирлар Маҳкамасининг 2024 йил 7 октябрдаги 645-сон қарорига 5-ИЛОВА

Ўзбекистон Республикаси Сув хўжалиги вазирлигининг Сув хўжалигини ривожлантириш жамғармаси маблағларини шакллантириш ва улардан фойдаланиш тартиби тўғрисида

1-боб. Умумий қоидалар

1. Ушбу Низом Ўзбекистон Республикаси Сув хўжалиги вазирлигининг Сув хўжалигини ривожлантириш жамғармаси (кейинги ўринларда — Жамғарма) маблағларини шакллантириш ва улардан фойдаланиш тартибини белгилайди.

2. Жамғарма юридик шахс ташкил этмаган ҳолда Вазирликда бюджет ташкилотларининг бюджетдан ташқари жамғармаси шаклида тузилади.

3. Жамғарма маблағлари Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида очилган Вазирликнинг шахсий ғазна ҳисобварағида жамланади.

2-боб. Жамғарма маблағларини шакллантириш тартиби

4. Қуйидагилар Жамғарма маблағларини шакллантириш манбалари ҳисобланади:

сувдан фойдаланиш ва сувни истеъмол қилиш қоидаларини бузганлик учун маъмурий жазо чораларини қўллашдан, шунингдек, сув олиш тартибини бузганлик учун жарималардан тушган тушумларнинг тегишли қисми;

Ўзбекистон Республикаси Сув хўжалиги вазирлиги (кейинги ўринларда — Вазирлик) тизимига кирувчи ўзини ўзи молиялаштирадиган ташкилотлар соф фойдасининг ўз ихтиёрида қолдириладиган қисмидан тузилган шартномалар асосидаги ажратмалари;

Вазирлик тизимидаги сув хўжалиги фойдаланиш ташкилотларининг улар томонидан сув ресурсларини иссиқлик электр энергияси ва саноат маҳсулотларини ишлаб чиқарувчи ташкилотларнинг эҳтиёжлари учун етказиб бериш бўйича кўрсатилган хизматлардан тушган тушумлардан ажратмалар;

сув хўжалиги объектларини қуриш ва реконструкция қилиш бўйича лойиҳа-қидирув ишлари умумий қийматига қўшимча киритилган 10 фоизгача миқдордаги маблағларнинг 50 фоизи;

вақтинча бўш турган бюджетдан ташқари маблағларни тижорат банклари депозитларига жойлаштиришдан олинган даромадлар;

«Сув хўжалигида бозор механизмларини жорий қилиш» давлат муассасасининг маблағлари;

жисмоний ва юридик шахсларнинг ҳомийлик хайриялари;

халқаро молия институтлари ва хорижий ташкилотларнинг грантлари;

қонунчилик ҳужжатларида тақиқланмаган бошқа манбалар.

3-боб. Жамғарма маблағларидан фойдаланиш тартиби

5. Жамғарма маблағларидан қуйидагилар учун фойдаланилади:

а) Вазирлик ва унинг тизимидаги сув хўжалиги ташкилотлари моддий-техник базасини ривожлантириш, шу жумладан:

техника ва технологияларни, жиҳозлар, компьютер дастурлари ва алоқа воситаларини харид қилиш;

меъёр доирасида бюджет маблағлари етишмаган ҳолатларда автотранспорт воситаларига техник хизмат кўрсатиш харажатларини қоплаш, эҳтиёт қисмлар ва ёқилғи-мойлаш материалларини сотиб олиш;

сув хўжалиги соҳасида ўқув-намойиш участкаларини яратиш ва мутахассисларнинг малакасини ошириш курсларини ташкил қилиш, олий таълим муассасалари талабалари ва профессионал таълим муассасалари ўқувчиларининг ўқув-танишиш машғулотларини ўтказиш;

Вазирлик марказий аппарати бинолари ва иншоотларини таъмирлаш;

б) сув хўжалигида инновацион технологияларни жорий этиш, шу жумладан:

қонунчилик ҳужжатлари ва техник жиҳатдан тартибга солиш соҳасидаги ҳужжатлар лойиҳаларини ишлаб чиқиш, шунингдек, инновацион лойиҳалар ва замонавий технологияларни жорий этишни рағбатлантириш;

сув ресурсларини интеграллашган бошқариш режалари ва улардан комплекс фойдаланишнинг истиқболли схемаларини ҳамда сув хўжалигини ривожлантириш бўйича мақсадли дастурларни ишлаб чиқиш ва амалга ошириш;

сув хўжалиги соҳасида илмий-тадқиқот ва лойиҳалаштириш-тажриба ишларини молиялаштириш, илмий ютуқлар, инновацион ва илғор технологияларни жорий этиш;

сув хўжалиги соҳасидаги долзарб муаммолар бўйича илмий-тадқиқот ва тажриба-конструкторлик ишланмаларини молиялаштириш мақсадида республика таълим ва илмий-тадқиқот муассасаларига грантлар ажратиш;

конференциялар, симпозиумлар, семинарлар, тренинглар ва давра суҳбатларини, шунингдек, сувни тежайдиган технологияларни жорий этиш ва сув ресурсларидан самарали фойдаланишни тарғиб қилиш ишларини ташкил этиш ва ўтказиш;

брошюралар, буклетлар, китоблар, тўпламлар ва бошқа ахборот-маърифий материалларни ишлаб чиқиш ва нашр этиш;

кадрларни тайёрлаш, қайта тайёрлаш ва уларнинг малакасини ошириш, шу жумладан, ходимларнинг хорижий мамлакатларда ва таълим муассасаларида тажриба орттиришларини ташкил этиш;

ўқув ва илмий-инновацион фаолиятида намуна кўрсатган бакалавр, магистр, таянч докторант ва докторантлар учун Вазирлик стипендиясини таъсис этиш;

сув хўжалиги соҳасига оид халқаро кўргазмалар, тадбирлар, лойиҳалар ва дастурларда иштирок этиш;

Ўзбекистон Республикасига ташриф буюрадиган хорижий давлатлар, халқаро ташкилотлар делегацияларининг ташрифларини ўтказиш ва ташкил этиш билан боғлиқ харажатлар;

в) Вазирлик марказий аппарати, Вазирлик ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекцияси, Марказий диспетчерлик ва сув баланси хизмати, Сув хўжалигида ислоҳотлар маркази, Сув хўжалиги лойиҳаларини амалга ошириш департаменти, Сув хўжалиги объектларини эксплуатация қилиш агентлиги, шунингдек, молиявий имкониятлардан келиб чиқиб, Вазирликнинг бюджетдан молиялаштириладиган тизимдаги ташкилотлар ходимларини моддий рағбатлантириш ва ижтимоий ҳимоя қилиш, шу жумладан, ходимларни ички туризмга юбориш билан боғлиқ харажатлар;

г) сув хўжалиги соҳасида кадрларни тайёрлаш бўйича касб-ҳунар коллежларида амалий машғулотларни ўтказиш учун уларни замонавий мелиорация техникаси ва ускуналар ҳамда ишлаб чиқариш базаси билан таъминлаш;

д) Вазирлик марказий аппаратининг фаолияти учун жорий харажатлар шу жумладан, байрам (Янги йил, Наврўз, Мустақиллик куни, Конституция куни, касб байрами) тадбирларини амалга ошириш билан боғлиқ харажатлар;

е) «Ўзбекистон Республикаси сув хўжалиги аълочиси» кўкрак нишони билан мукофотлаш харажатлари;

ж) қонунчилик ҳужжатларида белгиланган вазифаларни бажариш билан боғлиқ бўлган бошқа чора-тадбирларни амалга ошириш.

6. Қонунчилик ҳужжатларида тақиқланмаган ҳолатларда бошқа мақсадларга Жамғарма маблағларини фақат Вазирлар Маҳкамасининг қарори ёки фармойиши асосида сарфланиши мумкин.

7. Жамғарма маблағлари ҳар йили Ўзбекистон Республикаси сув хўжалиги вазири томонидан тасдиқланган даромадлар ва харажатлар сметаси асосида сарфланади. Даромадлар ва харажатлар сметаси Ўзбекистон Республикаси Иқтисодиёт ва молия вазирлигида рўйхатдан ўтказилади.

8. Жамғарманинг даромадлар ва харажатлар сметаси жорий йилда тушиши кутилаётган маблағлар доирасида амалга оширилиши лозим бўлган тадбирлардан келиб чиқиб тузилади.

4-боб. Жамғарма маблағларини бошқариш

9. Жамғарма маблағлари Ўзбекистон Республикаси сув хўжалиги вазири томонидан бошқарилади ва тақсимланади.

Бунда Жамғарма маблағлари Ўзбекистон Республикаси сув хўжалиги вазири томонидан тасдиқланган ҳамда белгиланган тартибда рўйхатдан ўтказилган даромадлар ва харажатлар сметасига мувофиқ тегишли шахсий ғазна ҳисобварақларидан сарфланади.

10. Жамғарманинг даромадлар ва харажатлар сметаси келгуси молия йилида даромадлар прогнозидан ва келиб тушган маблағлардан келиб чиққан ҳолда тузилади.

Қўшимча маблағлар келиб тушганда, даромадлар ва харажатлар сметасига белгиланган тартибда ўзгартиришлар киритиш орқали харажатлар амалга оширилади.

11. Жамғарманинг жорий йилда фойдаланилмаган маблағлари Ўзбекистон Республикаси Давлат бюджетига олиб қўйилмайди ва улардан кейинги йилда мазкур Низомда назарда тутилган тартибда фойдаланилади.

5-боб. Жамғарма маблағларидан фойдаланилиши юзасидан ҳисоботлар тақдим этиш, назорат ва жавобгарлик

12. Жамғарма маблағларининг ҳисоби ва ҳисоботи қонунчилик ҳужжатларида белгиланган тартибда юритилади ва тақдим этилади.

13. Жамғарма маблағларидан мақсадли фойдаланиш юзасидан назорат қонунчилик ҳужжатларида белгиланган тартибда назорат қилинади.

6-боб. Якунловчи қоида

14. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Вазирлар Маҳкамасининг 2024 йил 7 октябрдаги 645-сон қарорига 6-ИЛОВА

Ўзбекистон Республикаси Сув хўжалиги вазирлиги ва унинг тизимидаги ташкилотлар ходимлари меҳнатига ҳақ тўлаш ва уларни моддий рағбатлантириш тартиби тўғрисида

1-боб. Умумий қоидалар

1. Ушбу Низом Ўзбекистон Республикаси Сув хўжалиги вазирлиги (кейинги ўринларда — Вазирлик) тизимидаги республика ижро этувчи ҳокимият органлари ва бюджет ташкилотлари ҳамда уларнинг тизимидаги бюджет ташкилотлари («Сувқурилишинвест» давлат муассасалари, таълим ва илмий-тадқиқот муассасаларидан ташқари) ходимларининг меҳнатига ҳақ тўлаш ва уларни моддий рағбатлантириш тартибини белгилайди.

2. Ходимларнинг меҳнатига ҳақ тўлаш, мукофотлаш ва уларга моддий ёрдам кўрсатиш қуйидаги маблағлар ҳисобидан амалга оширилади:

а) Ўзбекистон Республикаси Давлат бюджет маблағлари ҳисобидан:

лавозим маоши;

йилига икки ойлик меҳнатга ҳақ тўлаш фонди миқдоридаги мукофотлар;

йилига бир ойлик меҳнатга ҳақ тўлаш фонди миқдорида моддий ёрдам тўловлари;

давлат бошқарув органлари хизматчилари учун қонунчиликда белгиланган миқдорда лавозим маошига устамалар;

бюджет муассасалари ва ташкилотлари ходимларини моддий рағбатлантириш махсус жамғармаси ҳисобидан устамалар;

кўп йиллик меҳнати учун 2025 йил 1 январдан бошлаб ҳар ойлик лавозим маошига устамалар (рағбатлантириш коэффициентини инобатга олган ҳолда лавозим маошига нисбатан коэффициентларда):

1 йилдан 5 йилгача — 0,2;

5 йилдан 10 йилгача — 0,3;

10 йилдан 20 йилгача — 0,4;

20 йилдан ортиқ — 0,6.

республика ҳудудидан ташқаридаги сув хўжалиги объектларида фаолият юритадиган Қарши магистрал каналидан фойдаланиш бошқармаси, Аму-Бухоро машина каналидан фойдаланиш бошқармаси, Аму-Бухоро машина канали Олот туман бошқармаси, Туямўйин гидроузелидан фойдаланиш бошқармаси ходимларининг республика ҳудудидан ташқарида бўлган даври учун 2024 йил 1 июлдан бошлаб лавозим маошининг 40 фоизи миқдорида устамалар тўланади;

Бунда:

ходимларнинг ягона тариф сеткаси бўйича меҳнатга ҳақ тўлашнинг тасдиқланган разрядларига мувофиқ лавозим маошини аниқлашда тариф коэффициентлари тегишли ташкилотлар учун белгиланган оширилган миқдорда қўлланилади;

Вазирлик ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекцияси ва унинг ҳудудий бошқармалари ходимларининг кўп йиллик меҳнати учун белгиланган устамаларни давлат бюджети маблағлари ҳисобидан тўлаб бериш тартиби 2024 йил 31 декабрга қадар сақлаб қолинади;

б) Вазирликнинг Сув хўжалигини ривожлантириш жамғармаси (кейинги ўринларда — Жамғарма) маблағлари ва қонунчилик ҳужжатларида тақиқланмаган бошқа бюджетдан ташқари манбалар ҳисобидан:

ходимнинг кўп йиллик меҳнати учун 2024 йил 31 декабрга қадар ҳар ойлик лавозим маошига устамалар;

байрам кунлари учун мукофотлар;

ходимларга хизмат мажбуриятларини ташаббускорона ва виждонан бажарганлиги учун лавозим маошларига устамалар;

ходимларнинг соғлигини тиклаш ва ижтимоий ҳимоя қилиш мақсадида моддий ёрдам;

йилига бир марта қишлоқ хўжалиги маҳсулотлари сотиб олиш учун моддий ёрдам;

алоҳида тоифадаги ходимларга қонунчилик ҳужжатларида белгиланган бошқа устамалар.

2-боб. Жамғарма маблағлари ҳисобидан ходимларни рағбатлантириш миқдори ва шартлари

3. Жамғарма маблағлари ҳисобидан Вазирлик марказий аппарати, Вазирлик ҳузуридаги Сув хўжалиги объектларини эксплуатация қилиш агентлиги марказий аппарати, Вазирлик ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекцияси марказий аппарати, Сув хўжалиги лойиҳаларини амалга ошириш департаменти марказий аппарати, Марказий диспетчерлик ва сув баланси хизмати, Сув хўжалигида ислоҳотлар маркази ходимларини рағбатлантириш, мукофотлаш ҳамда моддий ёрдам кўрсатиш учун маблағлар молиявий имкониятлардан келиб чиқиб, Ўзбекистон Республикаси сув хўжалиги вазирининг буйруғига асосан ажратилади.

4. Жамғарма маблағларидан ушбу Низомнинг 3-бандида келтирилган ташкилотлар ходимларининг кўп йиллик меҳнати учун лавозим маошига устамалар 2024 йил 31 декабргача ҳар ойда штат жадвалига мувофиқ ҳолда, қуйидаги миқдорларда тўланади:

3 йилдан 5 йилгача — 10 фоиз;

5 йилдан 10 йилгача — 20 фоиз;

10 йилдан 20 йилгача — 30 фоиз;

20 йилдан ортиқ — 40 фоиз.

Бунда Вазирлик ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекцияси марказий аппарати ва унинг ҳудудий бошқармалари ходимларининг кўп йиллик меҳнати учун Давлат бюджети маблағлари ҳисобидан устама ҳақ тўлашнинг амалдаги тартиби 2024 йил 31 декабрга қадар сақлаб қолинади.

5. Ушбу Низомнинг 3-бандида келтирилган ташкилотлар ходимлари:

1 январь — Янги йил, 8 март — Хотин-қизлар куни, 21 март — Наврўз байрами, 9 май — Хотира ва қадрлаш куни, 1 сентябрь — Мустақиллик куни, 1 октябрь — Ўқитувчи ва мураббийлар куни, 8 декабрь — Ўзбекистон Республикаси Конституцияси куни, диний байрамлар — Рўза ҳайит (Ийд-ал-Фитр) ва Қурбон ҳайит (Ийд-ал-Адҳа) ҳамда касб байрами (қишлоқ хўжалиги ходимлари куни) муносабати билан лавозим маошининг (рағбатлантирувчи коэффициентни ҳисобга олган ҳолда) бир бараваригача миқдорида рағбатлантирилади;

хизмат вазифаларини сидқидилдан ва самарали бажариб келаётган ходимларга лавозим маошининг (рағбатлантирувчи коэффициентни ҳисобга олган ҳолда) 300 фоизигача ҳар ойлик устамалар белгиланади;

бунда устаманинг аниқ миқдори Вазирлик марказий аппарати ходимлари ва ушбу Низомнинг 3-бандида келтирилган ташкилотлар раҳбарлари учун Ўзбекистон Республикаси сув хўжалиги вазири томонидан, ушбу Низомнинг 3-бандида келтирилган ташкилотлар ходимларига тегишли ташкилотлар раҳбарлари томонидан белгиланади.

Ўзбекистон Республикаси Сув хўжалиги вазири алоҳида ўрнак кўрсатган ушбу Низомнинг 3-бандида келтирилган ташкилотлар ходимларига мазкур банднинг учинчи хатбошисида белгиланган миқдордан ташқари лавозим маошининг (рағбатлантирувчи коэффициентни ҳисобга олган ҳолда) 100 фоизигача миқдорда устамалар белгилаши мумкин, бундай ходимлар сони ушбу ташкилотлар умумий ходимлари сонининг 15 фоизидан ошмаслиги лозим;

ходимларини ижтимоий қўллаб-қувватлаш ва уларнинг иш самарадорлигини ошириш мақсадида ҳар ойда (жамоа шартномасига мувофиқ) йўл-транспорт харажатлари учун базавий ҳисоблаш миқдорининг бир бараваригача ҳамда ходимнинг овқатланиши харажатларига кўмаклашиш мақсадида базавий ҳисоблаш миқдорининг икки бараваригача миқдорда тўловлар амалга оширилади;

ходимларига зарур ҳолларда (рағбатлантирувчи коэффициентни ҳисобга олган ҳолда) икки ойлик лавозим маоши миқдорида (Ижтимоий реестрга киритилган оилалар, ходимнинг даволаниши, 50, 55, 60 юбилей ёши муносабати билан, шунингдек, пенсияга чиққанда, тўй, дафн маросими ва бошқалар учун) ходимларга касаба уюшмаси билан келишилган ҳолда моддий ёрдам пули берилади;

ходимларига қишлоқ хўжалиги маҳсулотлари сотиб олиш учун ҳар йили бир марта базавий ҳисоблаш миқдорининг 10 бараваригача миқдорда тўлов амалга оширилади.

3-боб. Якунловчи қоидалар

6. Ходимларни моддий рағбатлантиришни молиялаштириш манбалари ва миқдори қонунчилик ҳужжатларида белгиланган тартибда тасдиқланган харажатлар сметаси, бюджетдан ташқари жамғармалар бўйича даромадлар ва харажатлар сметаси асосида амалга оширилади.

7. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Вазирлар Маҳкамасининг 2024 йил 7 октябрдаги 645-сон қарорига 7-ИЛОВА

Ўзбекистон Республикаси Сув хўжалиги вазирлиги ва унинг тизимидаги бюджет ташкилотлари

Т/р Ташкилотнинг номи Ташкилот сони 1. Ўзбекистон Республикаси Сув хўжалиги вазирлиги Ўзбекистон Республикаси Сув хўжалиги вазирлиги марказий аппарати 1 2. Сув хўжалиги объектларини эксплуатация қилиш агентлиги Сув хўжалиги объектларини эксплуатация қилиш агентлиги марказий аппарати 1 3. Қорақалпоғистон Республикаси Сув хўжалиги вазирлиги Қорақалпоғистон Республикаси Сув хўжалиги вазирлиги марказий аппарати 1 «Каттагар — Бўзатов» ирригация тизими бошқармаси 1 «Қуанишжарма» ирригация тизими бошқармаси 1 «Пахтаарна — Найман» ирригация тизими бошқармаси 1 «Суенли» ирригация тизими бошқармаси 1 Оролбўйи дельта бошқармаси 1 Қорақалпоғистон Республикаси Сув хўжалиги вазирлиги ҳузуридаги Қорақалпоғистон насос станциялари ва энергетика бошқармаси 1 Қорақалпоғистон Республикаси Сув хўжалиги вазирлиги ҳузуридаги Беруний насос станциялари ва энергетика бошқармаси 1 Қорақалпоғистон Республикаси Сув хўжалиги вазирлиги ҳузуридаги мелиоратив экспедиция 1 Жами: 9 4. Норин — Қорадарё ирригация тизимлари ҳавза бошқармаси Норин — Қорадарё ирригация тизимлари ҳавза бошқармаси марказий аппарати 1 «Андижонсой» ирригация тизими бошқармаси 1 «Қорадарё — Майлисой» ирригация тизими бошқармаси 1 «Улуғнор — Мазгилсой» ирригация тизими бошқармаси 1 «Шаҳрихонсой» ирригация тизими бошқармаси 1 Норин — Қорадарё ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Норин — Қорадарё ирригация тизимлари ҳавза бошқармаси ҳузуридаги мелиоратив экспедиция 1 Жами: 7 5. Аму — Бухоро ирригация тизимлари ҳавза бошқармаси Аму — Бухоро ирригация тизимлари ҳавза бошқармаси марказий аппарати 1 «Аму — Қоракўл» ирригация тизими бошқармаси 1 «Тошработ — Жилвон» ирригация тизими бошқармаси 1 «Хархур — Дуоба» ирригация тизими бошқармаси 1 «Шохруд — Дўстлик» ирригация тизими бошқармаси 1 Аму — Бухоро ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Аму — Бухоро ирригация тизимлари ҳавза бошқармаси ҳузуридаги мелиоратив экспедиция 1 Жами: 7 6. Сирдарё — Зарафшон ирригация тизимлари ҳавза бошқармаси Сирдарё — Зарафшон ирригация тизимлари ҳавза бошқармаси марказий аппарати 1 «Зомин» ирригация тизими бошқармаси 1 «Туятортар — Қли» ирригация тизими бошқармаси 1 «Учтом» ирригация тизими бошқармаси 1 Сирдарё — Зарафшон ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Сирдарё — Зарафшон ирригация тизимлари ҳавза бошқармаси ҳузуридаги мелиоратив экспедиция 1 Жами: 6 7. Аму — Қашқадарё ирригация тизимлари ҳавза бошқармаси Аму — Қашқадарё ирригация тизимлари ҳавза бошқармаси марказий аппарати 1 «Қарши магистрал канали» ирригация тизими бошқармаси 1 «Оқсув» ирригация тизими бошқармаси 1 «Эскианҳор» ирригация тизими бошқармаси 1 «Яккабоғ — Ғузор» ирригация тизими бошқармаси 1 Аму — Қашқадарё ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Аму — Қашқадарё ирригация тизимлари ҳавза бошқармаси ҳузуридаги мелиоратив экспедиция 1 Жами: 7 8. Қуйи Зарафшон ирригация тизимлари ҳавза бошқармаси Қуйи Зарафшон ирригация тизимлари ҳавза бошқармаси марказий аппарати 1 «Кармана — Конимех» ирригация тизими бошқармаси 1 «Тошработ — Ўртачўл» ирригация тизими бошқармаси 1 Қуйи Зарафшон ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Қуйи Зарафшон ирригация тизимлари ҳавза бошқармаси ҳузуридаги мелиоратив экспедиция 1 Жами: 5 9. Норин — Сирдарё ирригация тизимлари ҳавза бошқармаси Норин — Сирдарё ирригация тизимлари ҳавза бошқармаси марказий аппарати 1 «Зардарё» ирригация тизими бошқармаси 1 «Подшоота — Чодак» ирригация тизими бошқармаси 1 Катта Наманган магистрал канали бошқармаси 1 Шимолий Фарғона магистрал канали бошқармаси 1 Норин — Сирдарё ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Норин — Сирдарё ирригация тизимлари ҳавза бошқармаси ҳузуридаги мелиоратив экспедиция 1 Жами: 7 10. Зарафшон ирригация тизимлари ҳавза бошқармаси Зарафшон ирригация тизимлари ҳавза бошқармаси марказий аппарати 1 «Оқ — Қорадарё» ирригация тизими бошқармаси 1 «Дарғом» ирригация тизими бошқармаси 1 «Миёнкал — Тос» ирригация тизими бошқармаси 1 «Мирза — Пай» ирригация тизими бошқармаси 1 Зарафшон ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Зарафшон ирригация тизимлари ҳавза бошқармаси ҳузуридаги мелиоратив экспедиция 1 Жами: 7 11. Аму — Сурхон ирригация тизимлари ҳавза бошқармаси Аму — Сурхон ирригация тизимлари ҳавза бошқармаси марказий аппарати 1 «Аму — Занг» ирригация тизими бошқармаси 1 «Сурхон — Шеробод» ирригация тизими бошқармаси 1 «Тўполанг — Қоратоғ» ирригация тизими бошқармаси 1 Аму — Сурхон ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Аму — Сурхон ирригация тизимлари ҳавза бошқармаси ҳузуридаги мелиоратив экспедиция 1 Жами: 6 12. Қуйи Сирдарё ирригация тизимлари ҳавза бошқармаси Қуйи Сирдарё ирригация тизимлари ҳавза бошқармаси марказий аппарати 1 «Боёвут» ирригация тизими бошқармаси 1 «Шўрўзак — Сирдарё» ирригация тизими бошқармаси 1 Қуйи Сирдарё ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Қуйи Сирдарё ирригация тизимлари ҳавза бошқармаси ҳузуридаги мелиоратив экспедиция 1 Жами: 5 13. Чирчиқ — Оҳангарон ирригация тизимлари ҳавза бошқармаси Чирчиқ — Оҳангарон ирригация тизимлари ҳавза бошқармаси марказий аппарати 1 Тошкент магистрал канал бошқармаси 1 «Оҳангарон — Далварзин» ирригация тизими бошқармаси 1 «Бўзсув» ирригация тизими бошқармаси 1 «Паркент — Қорасув» ирригация тизими бошқармаси 1 Чирчиқ — Оҳангарон ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Чирчиқ — Оҳангарон ирригация тизимлари ҳавза бошқармаси ҳузуридаги мелиоратив экспедиция 1 Жами: 7 14. Сирдарё — Сўх ирригация тизимлари ҳавза бошқармаси Сирдарё — Сўх ирригация тизимлари ҳавза бошқармаси марказий аппарати 1 «Исфайрам — Шоҳимардон» ирригация тизими бошқармаси 1 «Норин — Фарғона» ирригация тизими бошқармаси 1 «Сўх — Оқтепа» ирригация тизими бошқармаси 1 Сирдарё — Сўх ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Сирдарё — Сўх ирригация тизимлари ҳавза бошқармаси ҳузуридаги мелиоратив экспедиция 1 Жами: 6 15. Чапқирғоқ Амударё ирригация тизимлари ҳавза бошқармаси Чапқирғоқ Амударё ирригация тизимлари ҳавза бошқармаси марказий аппарати 1 «Полвон — Ғазоват» ирригация тизими бошқармаси 1 «Шовот — Қуловат» ирригация тизими бошқармаси 1 Чапқирғоқ Амударё ирригация тизимлари ҳавза бошқармаси ҳузуридаги насос станциялари ва энергетика бошқармаси 1 Чапқирғоқ Амударё ирригация тизимлари ҳавза бошқармаси ҳузуридаги мелиоратив экспедиция 1 Жами: 5 16. «Термиз сув йўллари техник участкаси» давлат муассасаси 1 17. «Чолиш сув йўллари техника бўлими» давлат муассасаси 1 18. «Хўжайли техник участкаси» давлат муассасаси 1 19. Сув хўжалиги объектлари хавфсизлигини ва сувдан фойдаланишни назорат қилиш инспекцияси марказий аппарати ва ҳудудий бошқармалари 14 20. Сув хўжалиги лойиҳаларини амалга ошириш департаменти 1 21. Қарши магистрал каналидан фойдаланиш бошқармаси 1 22. Аму — Бухоро машина каналидан фойдаланиш бошқармаси 1 Аму — Бухоро машина канали Олот туман бошқармаси 1 Аму — Бухоро машина канали Қизилтепа туман бошқармаси 1 23. Фарғона водийси каналларидан фойдаланиш бошқармаси 1 24. Катта Фарғона магистрал канали бошқармаси 1 25. Жанубий Мирзачўл магистрал каналидан фойдаланиш бошқармаси 1 26. Зарафшон магистрал тизимидан фойдаланиш бошқармаси 1 27. Қирғоқларни ҳимоялаш дамбалари ва ўзанларни тартибга солиш иншоотлари бошқармаси 1 28. Амударё Чапқирғоқ ҳимоя дамбалар бошқармаси 1 29. Жиззах бош насос станцияси бошқармаси 1 30. Жиззах вилояти сув омборларидан фойдаланиш бошқармаси 1 31. Қашқадарё вилояти сув омборларидан фойдаланиш бошқармаси 1 32. Навоий вилояти сув омборлари ва йирик гидротехника иншоотларидан фойдаланиш бошқармаси 1 33. Наманган вилояти сув омборларидан фойдаланиш бошқармаси 1 34. Самарқанд вилояти сув омборларидан фойдаланиш бошқармаси 1 35. Сурхондарё вилояти сув омборларидан фойдаланиш бошқармаси 1 36. Тошкент вилояти сув омборларидан фойдаланиш бошқармаси 1 37. Фарғона вилояти сув омборларидан фойдаланиш бошқармаси 1 38. Туямўйин гидроузелидан фойдаланиш бошқармаси 1 39. Сув хўжалигида хорижий инвестиция лойиҳаларини амалга ошириш маркази 1 40. Марказий диспетчерлик ва сув баланси хизмати 1 41. Сув хўжалигида ислоҳотлар маркази 1 42. Ирригация ва сув муаммолари илмий-тадқиқот институти 1 Ҳаммаси 128

Вазирлар Маҳкамасининг 2024 йил 7 октябрдаги 645-сон қарорига 7а-ИЛОВА

Ўзбекистон Республикаси Сув хўжалиги вазирлиги Сув хўжалиги лойиҳаларини амалга ошириш департаменти тизимидаги «Сувқурилишинвест» давлат муассасалари

Т/р Ташкилотлар номи Бошқарув ходимлари сони * , нафар 1. «Қорақалпоғистонсувқурилишинвест» давлат муассасаси 35 2. «Андижонсувқурилишинвест» давлат муассасаси 34 3. «Бухоросувқурилишинвест» давлат муассасаси 38 4. «Жиззахсувқурилишинвест» давлат муассасаси 31 5. «Қашқадарёсувқурилишинвест» давлат муассасаси 34 6. «Навоийсувқурилишинвест» давлат муассасаси 22 7. «Намангансувқурилишинвест» давлат муассасаси 33 8. «Самарқандсувқурилишинвест» давлат муассасаси 33 9. «Сурхондарёсувқурилишинвест» давлат муассасаси 28 10. «Сирдарёсувқурилишинвест» давлат муассасаси 38 11. «Тошкентсувқурилишинвест» давлат муассасаси 30 12. «Фарғонасувқурилишинвест» давлат муассасаси 38 13. «Питнаксувқурилишинвест» давлат муассасаси 12 14. «Хоразмсувқурилишинвест» давлат муассасаси 26 Жами: 432

Вазирлар Маҳкамасининг 2024 йил 7 октябрдаги 645-сон қарорига 8-ИЛОВА

«Ўзбекистон Республикаси сув хўжалиги аълочиси» кўкрак нишони тўғрисида

1-боб. Умумий қоидалар

1. Ушбу Низом «Ўзбекистон Республикаси сув хўжалиги аълочиси» кўкрак нишони (кейинги ўринларда — кўкрак нишони) билан тақдирлаш тартибини белгилайди.

2. Кўкрак нишони билан иш тажрибасига ва касбий малакага эга бўлган, ўз фаолиятида юксак натижаларга эришиб, фидойи меҳнати билан соҳада ажралиб турган Ўзбекистон Республикаси Сув хўжалиги вазирлиги (кейинги ўринларда — Вазирлик) марказий аппарати, унинг тизимидаги ташкилотлар раҳбарлари ва ходимлари, шунингдек, республика ва маҳаллий ижро этувчи ҳокимият органлари ҳамда хўжалик бирлашмалари ходимлари мукофотланади.

3. Кўкрак нишони билан мазкур Низомнинг 2-бандида кўрсатилган хизматлари учун Ўзбекистон Республикаси фуқароси бўлмаган шахслар ҳам мукофотланиши мумкин.

2-боб. Кўкрак нишони билан тақдирлаш тартиби

4. Кўкрак нишони билан мазкур Низомнинг 2-бандида назарда тутилган ташкилотлар ва Вазирлик марказий аппарати таркибий бўлинмалари раҳбарлари ҳамда Ўзбекистон Республикаси сув хўжалиги вазирининг (кейинги ўринларда — вазир) тегишли ўринбосарларининг тақдимномасига асосан Вазирнинг буйруғи билан мукофотланади.

5. Мукофотлаш тўғрисидаги буйруқ Вазирликнинг расмий веб-сайтида эълон қилинади.

6. Кўкрак нишони ва унинг гувоҳномаси байрам ҳамда тантанали маросимлар кунлари арафасида вазир (ёки унинг топшириғига мувофиқ бошқа масъул шахслар) томонидан тантанали тарзда топширилади.

7. Кўкрак нишони билан мукофотланган шахслар базавий ҳисоблаш миқдорининг беш баравари миқдорида бирйўла тўланадиган пул мукофоти олади.

Бирйўла тўланадиган пул мукофоти Вазирликнинг Сув хўжалигини ривожлантириш жамғармаси маблағлари ҳисобидан амалга оширилади.

8. Бир шахс кўкрак нишони билан бир марта мукофотланади.

9. Кўкрак нишони кўкракнинг чап томонига, Ўзбекистон Республикаси давлат мукофотларидан кейин тақилади.

3-боб. Якунловчи қоидалар

10. Ушбу Низом талаблари бузилишида айбдор шахслар қонунчилик ҳужжатларида белгиланган тартибда жавобгар бўлади.

Вазирлар Маҳкамасининг 2024 йил 7 октябрдаги 645-сон қарорига 8а-ИЛОВА

«Ўзбекистон Республикаси сув хўжалиги аълочиси» кўкрак нишонининг

«Ўзбекистон Республикаси сув хўжалиги аълочиси» кўкрак нишони (кейинги ўринларда — кўкрак нишони) диаметри 34 миллиметрли доира шаклида бўлиб, мис қотишмасидан тайёрланади.

Кўкрак нишонининг олд томони марказига тоғлар орқасидан чиқаётган қуёш, пахта, буғдой, дарахтлар ва сув иншооти тасвири саккиз бурчакли юлдуз ичига жойлаштирилган. Кўкрак нишонининг айланаси бўйлаб зарҳал ҳошия билан ўралган мовий рангдаги эмал доира ичида «OʻZBEKISTON RESPUBLIKASI SUV XOʻJALIGI AʻLOCНISI» сўзлари ёзилган. Ҳарфларнинг баландлиги 2,3 миллиметр, ёзувлар зарҳалланган. Унинг пастки қисми марказида зарҳал рангдаги саккиз қиррали юлдуз тасвири туширилган.

Кўкрак нишонининг орқа томонида «SOНADAGI KOʻP YILLIK SAMARALI MEHNATLARI UCHUN» ёзуви битилган.

Кўкрак нишонининг қалинлиги 2,2 миллиметр.

Тасвирлар ва ёзувлар қавариқдир.

Кўкрак нишонининг олд ва орқа томонларининг четлари қавариқ доира билан ўралган.

Кўкрак нишони ҳалқа ва илмоқчалар ёрдамида тўғри тўртбурчак шаклидаги қадағичга уланган.

Қадағичнинг эни — 26 миллиметр, бўйи — 17 миллиметрдан иборат. Қадағич тўқ мовий рангда. Қадағич марказида эни — 20 миллиметр, бўйи 13 миллиметр бўлган 6 та япроқ ва 5 та шохчадан иборат зарҳал рангли дафна новдаси жойлашган.

Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.

Вазирлар Маҳкамасининг 2024 йил 7 октябрдаги 645-сон қарорига 8б-ИЛОВА

«Ўзбекистон Республикаси сув хўжалиги аълочиси» кўкрак нишони гувоҳномасининг

«Ўзбекистон Республикаси сув хўжалиги аълочиси» кўкрак нишони гувоҳномаси (кейинги ўринларда — гувоҳнома) 160х110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоғоздан тайёрланади.

Гувоҳноманинг ташқи томони (биринчи ва тўртинчи бетлари) мовий рангда бўлиб, плёнка билан қопланган.

Гувоҳноманинг биринчи бети эни 7,5 миллиметрли, ички бурчаклари айлана шаклида бўлган тўқ мовий рангли ҳошия билан ўралган.

Гувоҳноманинг юқори чеккасидан (биринчи бети) 35 миллиметр пастда, марказда оралиғи 3,5 миллиметрли уч сатрдан иборат матн жойлашган. Биринчи сатрда «OʻZBEKISTON RESPUBLIKASI», иккинчи сатрда «SUV XOʻJALIGI AʼLOCHISI», учинчи сатрда «koʻkrak nishoni» («Times new Roman Bolt» шрифти, 17-кегль) сўзлари ёзилган. Ундан 6 миллиметр пастда «GUVOHNOMASI» (катта ҳарфларда, «Times new Roman Bolt» шрифти, 17-кегль) сўзи ёзилган. Ёзувлар зарҳал рангда акс эттирилган.

Гувоҳноманинг ички томони (иккинчи ва учинчи бетлари) «Тангир» тасвири туширилган оч яшил рангда бўлиб, офсет усулида чоп этилган.

Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.

Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда « -sonli guvohnoma» («Times new Roman Bolt» шрифти, 10-кегль) сўзи (15 миллиметрли чизиқ билан бирга) жойлашган.

«Guvohnoma» сўзидан 11 миллиметр пастда мукофотланган раҳбар ёки ходимнинг фамилияси, исми ва отасининг исмини қайд этиш учун оралиғи 8 миллиметрли учта чизиқ тортилган.

Пастки чизиқдан 6 миллиметр қуйида, марказда оралиғи 2 миллиметрли уч сатрдан иборат матн жойлашган. Матнда «Oʻzbekiston Respublikasi suv xoʻjaligi vazirining» («Times new Roman Bolt» шрифти, 10-кегль) сўзлари ёзилган.

Ундан 5 миллиметр пастда оралиғи 4 миллиметр бўлган икки сатрдан иборат матн жойлашган. Биринчи сатрда «20__-y. «___» ___________dagi», иккинчи сатрда «____-son buyrugʻiga asosan» («Times new Roman Bolt» шрифти, 10-кегль) сўзлари ёзилган.

Ундан 5 миллиметр пастда, марказда оралиғи 5 миллиметрли уч сатрдан иборат матн жойлашган. Биринчи сатрда марказда «OʻZBEKISTON RESPUBLIKASI», иккинчи сатрда «SUV XOʻJALIGI AʼLOCHISI» («Times new Roman Bolt» шрифти, 12-кегль), учинчи сатрда «koʻkrak nishoni bilan mukofotlandi.» («Times new Roman Bolt» шрифти, 10-кегль) сўзлари ёзилган.

Сўнгги сўзлардан 9 миллиметр пастда, чап томонда оралиғи 2 миллиметрли бир сатрдан иборат матн жойлашган. Матнда «VAZIR» («Times new Roman Bolt» шрифти, 10-кегль) сўзлари ёзилган.

«VAZIR» сўзидан сўнг, имзо учун 20 миллиметрли чизиқ чизилган. Унинг тагига «(imzo)» сўзи ёзилган. Ундан пастда чап томонда муҳр ўрни учун «M.Oʻ.» сўзлари ёзилган.

«Ўзбекистон Республикаси сув хўжалиги аълочиси» кўкрак нишони ГУВОҲНОМАСИ

Вазирлар Маҳкамасининг 2024 йил 7 октябрдаги 645-сон қарорига 9-ИЛОВА

Ўзбекистон Республикаси Сув хўжалиги вазирлиги ҳамда унинг тизимидаги бюджет ташкилотларида хизмат автотранспорт воситаларини бириктириш меъёрлари

Лавозимлар номи Хизмат автотранспорт воситасининг сони Иш сменаси Энг юқори нархи, базавий ҳисоблаш миқдорига нисбатан Двигателнинг энг юқори қуввати, см 3 Шахсан бириктирилган Навбатчи I. Республика ташкилотлари: Сув хўжалигида лойиҳаларни амалга ошириш департаменти, Сув хўжалигида ислоҳотлар маркази, Марказий диспетчерлик ва сув баланси хизмати, Ирригация ва сув муаммолари илмий тадқиқот институти Раҳбар 1 1,5 1000 2 700 Навбатчи 1 1,5 700 1 500 II. Ҳудудий ташкилотлар: Қорақалпоғистон Республикаси Сув хўжалиги вазирлиги ва ирригация тизимлари ҳавза бошқармалари, Сув хўжалиги объектлари хавфсизлигини ва сувдан фойдаланишни назорат қилиш инспекциясининг ҳудудий бошқармалари Раҳбар 1 1,5 1000 2 000 Раҳбар ўринбосарлари * 1 1,5 600 1 800 Навбатчи ** 39 1,5 500 1 600 III. Вилоятлараро ташкилотлар: Қарши магистрал каналидан фойдаланиш бошқармаси, Аму-Бухоро машина каналидан фойдаланиш бошқармаси, Фарғона водийси магистрал каналларидан фойдаланиш бошқармаси, Қирғоқ ҳимояловчи дамбалар ва ўзан ростловчи иншоотлар бошқармаси, Жанубий Мирзачўл магистрал канали бошқармаси, Зарафшон магистрал тизимидан фойдаланиш бошқармаси, Туямўйин гидроузелидан фойдаланиш бошқармаси, Жиззах бош насос станцияси бошқармаси, Аму-Бухоро машина канали Олот тумани ва Қизилтепа тумани бошқармалари, Насос станциялари ва энергетика бошқармалари Раҳбар 1 1,5 1 000 1 800 Навбатчи ** 80 1,5 500 1 500 IV. Туманлараро ташкилотлар: Ирригация тизими бошқармалари, магистрал каналлар (тизимлар) бошқармалари, Оролбўйи дельта ва Амударё Чапқирғоқ ҳимоя дамбалари бошқармалари, мелиоратив экспедициялар, Катта Фарғона магистрал канали бошқармаси, Навоий вилояти сув омборлари ва йирик гидротехник иншоотларидан фойдаланиш бошқармалари, Сув омборларидан фойдаланиш бошқармалари, «Термиз сув йўллари техник участкаси» давлат муассасаси, «Хўжайли сув йўллари техник участкаси» давлат муассасаси ва «Чолиш сув йўллари техника бўлими» давлат муассасаси Раҳбар 1 1,5 800 1 800 Навбатчи ** 170 1,5 500 1 500

Вазирлар Маҳкамасининг 2024 йил 7 октябрдаги 645-сон қарорига 10-ИЛОВА

Т/р Чора-тадбир номи Амалга ошириш механизми Ижро муддати Дастлабки қиймати Молиялаштириш манбаи Масъул ижрочилар I. Моддий-техник базасини мустаҳкамлаш бўйича 1. «Термиз сув йўллари техник участкаси» давлат муассасасидаги мавжуд дизель земснарядни таъмирлаш (совитиш тизимини қайта жиҳозлаш). 1. Земснарядни таъмирлаш ишларининг лойиҳа-смета ҳужжатларини ишлаб чиқиш. 2. Таъмирлаш ишларини бажариш бўйича белгиланган тартибда пудрат ташкилотини аниқлаш. 3. Таъмирлаш ишларини ташкил қилиш ва ишга тушириш. 2024 йил 20 август 400 млн сўм Сурхондарё вилояти маҳаллий бюджети Сув хўжалиги вазирлиги, Су рхондарё ви лояти ҳокимлиги, Иқтисодиёт ва молия вазирлиги 2. «Қарши магистрал канали» ирригация тизими бошқармаси ҳисобидаги битта дизель земснарядни «Термиз сув йўллари техник участкаси» давлат муассасаси балансига ўтказиш. 1. Земснарядни кўчириш (демонтаж қилиш, кўчириш ва монтаж қилиш) ишлари учун талаб этиладиган маблағ миқдори ва молиялаштириш манбаини аниқлаш. 2. Земснарядни демонтаж қилиш, кўчириш ва монтаж қилиш. 3. Земснарядни белгиланган тартибда топшириш ва қабул қилиш ишларини якунлаш. 2024 йил 20 август 600 млн сўм Сув хўжалиги вазирлигига ажратилган маблағлар Сув хўжалиги вазирлиги, Иқтисодиёт ва молия вазирлиги 3. «Термиз сув йўллари техник участкаси», «Амударё сув йўллари Хўжайли техник участкаси» ва «Чолиш сув йўллари техника бўлими» давлат муассасаларини техник флот кемалари, ёрдамчи кемалар ва механизмлар билан жиҳозлаш. 1. Муассасаларни қўшимча равишда машина ва механизмлар билан жиҳозлаш бўйича эҳтиёжни аниқлаш. 2024 йил ноябрь Ҳисоб-китобларга кўра Сув хўжалиги вазирлигига ажратилган маблағлар Сув хўжалиги вазирлиги, Иқтисодиёт ва молия вазирлиги 2. Техник топшириқлар ва тендер ҳужжатларини ишлаб чиқиш, экспертизадан ўтказиш. 2024 — 2026 йиллар 3. Экспертизанинг ижобий хулосаси ва техник топшириқ шартлари асосида тендер савдоларини ўтказиш ва ғолиб ташкилотлар билан шартномаларни расмийлаштириш. 2024 — 2027 йиллар 4. Машина ва механизмларни харид қилиш учун молиялаштиришни очиш ва харид қилиш. 2024 — 2027 йиллар 4. «Амударё сув йўллари Хўжайли техник участкаси» ва «Чолиш сув йўллари техника бўлими» давлат муассасаларининг техник флот ва ёрдамчи кемаларини таъмирлаш. 1. Техник флот ва ёрдамчи кемаларни хатловдан ўтказиш ҳамда нуқсон далолатномаларини расмийлаштириш. 2024 йил сентябрь Ҳисоб-китобларга кўра Сув хўжалиги вазирлигига ажратилган маблағлар Сув хўжалиги вазирлиги, Иқтисодиёт ва молия вазирлиги 2. Таъмирлаш-тиклаш ишларининг лойиҳа-смета ҳужжатларини ишлаб чиқиш. 2024 йил декабрь 3. Таъмирлаш-тиклаш бўйича тендер савдоларини ўтказиш ва шартномаларни расмийлаштириш. 2025-2026 йиллар 4. Шартномага мувофиқ таъмирлаш-тиклаш ишларини амалга ошириш. 2025 — 2027 йиллар 5. Амударёда баҳор мавсумидаги сел-тошқин даврида техник флот кемаларининг хавфсизлигини таъминлаш учун алоҳида сақлаш жойини танлаш. 1. «Сув йўллари техник участкаси» давлат муассасалари учун алоҳида кемаларни сақлаш жойини аниқлаш. 2024 йил ноябрь Маблағ талаб этилмайди Сув хўжалиги вазирлиги, Қорақалпоғистон Республикаси Вазирлар Кенгаши, Сурхондарё вилояти ҳокимлиги, Хоразм вилояти ҳокимлиги, Давлат хавфсизлик хизмати Чегара қўшинлари 2. Аниқланган сақлаш жойини ваколатли идоралар билан келишиш ва доимий фойдаланиш ҳуқуқини бериш. 2025 йил январь 3. Белгиланган тартибда ажратилган ҳудудга муассасаларнинг техник флот кемаларини жойлаштириш. 2025 йил февраль-март 6. Амударёдан кафолатли сув олинишини таъминлаш мақсадида Аму-Бухоро машина каналидан фойдаланиш бошқармасининг моддий-техник базасини мустаҳкамлаш: а) техника ва механизмлар харид қилиш: 5 та (3 та электр токи ва 2 та дизель ёқилғиси билан ишлайдиган) земснаряд; 1 та буғ билан ишлайдиган қайиқ (теплоход) ва 1 та БМК русумли қайиқ; 4 та бульдозер; 1 та автокран ва 2 та йўлтанламас автомашина; б) земснарядларни электр билан таъминлаш ва сув олинишини яхшилаш: 10,0 км узунликдаги электр линиясини реконструкция қилиш; 2,5 км узунликда сув олиш каналини (водозабор) қуриш. 1. Техник топшириқлар, тендер ва лойиҳа-смета ҳужжатларини ишлаб чиқиш. 2024 йил декабрь Ҳисоб-китобларга кўра Республика ва маҳаллий бюджет маблағлари, хорижий грантлар Сув хўжалиги вазирлиги, Энергетика вазирлиги, Иқтисодиёт ва молия вазирлиги 2. Техник топшириқлар, тендер ва лойиҳа-смета ҳужжатларини экспертизадан ўтказиш. 2025 йил февраль 3. Экспертизанинг ижобий хулосаси ва техник топшириқ шартлари асосида тендер савдоларини ўтказиш ва ғолиб ташкилотлар билан шартномалар расмийлаштириш. 2025 йил апрель 4. Машина ва механизмларни харид қилиш учун молиялаштиришни очиш ва харид қилиш. 2025 йил май 5. Электр линиясини реконструкция қилиш ва сув олиш каналини қуриш ишларини амалга ошириш. 2025 йил май — декабрь 7. Сув йўллари техник участкаси давлат муассасаларига ўз фаолиятини амалга ошириш даврида қазиб чиқарилган қурилиш материалларини (қум, шағал) юридик ва жисмоний шахсларга реализация қилишдан олинадиган фойданинг бир қисмини йўналтириш. Сув йўллари техник участкаси давлат муассасаларига ўз фаолиятини амалга ошириш даврида қазиб чиқарилган қурилиш материалларини (қум, шағал) юридик ва жисмоний шахсларга реализация қилишдан олинган фойдани Сув хўжалиги вазирлиги томонидан белгиланган тартибда Вазирлар Маҳкамасининг «Бюджет ташкилотларини маблағ билан таъминлаш тартибини такомиллаштириш тўғрисида» 1999 йил 3 сентябрдаги 414-сон қарорида белгиланган тартибга мувофиқ давлат муассасаларининг моддий-техник базасини яхшилаш ва ишчи-ходимларни рағбатлантириш учун йўналтириш. Доимий Маблағ талаб этилмайди Сув хўжалиги вазирлиги II. Амударёнинг Ўзбекистон Республикаси ҳудудидан ўтган участкаларида ўзанни тўғрилаш, чуқурлаштириш ва тозалаш ишларини бажариш ҳамда габарит ўлчамларининг сақланишини таъминлаш бўйича 8. «Амударё ўзанининг оқими ўзгариб кетган 32 км қисмини қайта тиклаш (прорезь)» объекти бўйича қурилиш ишларини амалга ошириш. 1. Объектнинг лойиҳа-смета ҳужжатларини ишлаб чиқиш, экспертизадан ўтказиш. 2025 йил декабрь Ҳисоб-китобларга кўра Сув хўжалиги вазирлигига ажратилган маблағлар Сув хўжалиги вазирлиги, Иқтисодиёт ва молия вазирлиги 2. Лойиҳа-смета ҳужжатлари асосида объектда қурилиш-таъмирлаш ишларини молиялаштириш. 2026-2027 йиллар 3. Қурилиш ишларини ташкил этиш ва белгиланган тартибда фойдаланишга топшириш. 2026-2027 йиллар

Вазирлар Маҳкамасининг 2024 йил 7 октябрдаги 645-сон қарорига 11-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2021 йил 19 мартдаги 149-сон қарори билан тасдиқланган Оролни қутқариш Халқаро жамғармаси Ижроия қўмитасидаги Ўзбекистон Республикасининг доимий вакили фаолияти тўғрисидаги низомнинг 8-банди қуйидаги таҳрирда баён этилсин:

«8. ОҚХЖнинг Орол денгизи ҳавзаси лойиҳаларини амалга ошириш агентлиги ва ОҚХЖ ижроия қўмитасининг Нукус филиали ходимларининг меҳнатига ҳақ тўлаш, уларни мукофотлаш ва уларга моддий ёрдам кўрсатиш қуйидагича амалга оширилади:

а) Ягона тариф сеткаси бўйича меҳнатга ҳақ тўлашнинг тасдиқланган разрядларига мувофиқ лавозим маошини белгилашда 2024 йил 1 июлдан бошлаб, ОҚХЖнинг Орол денгизи ҳавзаси лойиҳаларини амалга ошириш агентлиги ходимлари учун — 4 баравар, ОҚХЖ ижроия қўмитасининг Нукус филиали ходимлари учун — 3 баравар оширилган коэффициентлар қўлланилади;

б) давлат ташкилотларида кўп йиллик меҳнати учун рағбатлантириш коэффициентини ҳисобга олган ҳолда лавозим маошига қуйидаги ҳажмларда ҳар ойда устама тўланади:

1 йилдан 5 йилгача — 0,2;

5 йилдан 10 йилгача — 0,3;

10 йилдан 20 йилгача — 0,4;

20 йилдан ортиқ — 0,6;

в) байрамлар муносабати билан йилига икки ойлик лавозим маоши миқдорида ва ҳар чорак якуни билан бир ойлик лавозим маоши миқдорида мукофот пуллари ҳамда йилига бир ойлик лавозим маоши миқдорида моддий ёрдам тўланади;

г) бюджет ташкилотлари учун белгиланган меҳнатга ҳақ тўлаш фондининг қонунчиликда белгиланган миқдорда моддий рағбатлантириш махсус фонди қўлланилади;

д) илмий даражага эга ходимларга 2025 йил 1 январдан бошлаб, Вазирлар Маҳкамасининг 2019 йил 24 декабрдаги 1030-сон қарори билан тасдиқланган Илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлаш тартиби тўғрисидаги низом талаблари татбиқ этилади.

ОҚХЖнинг Орол денгизи ҳавзаси лойиҳаларини амалга ошириш агентлиги ва ОҚХЖ ижроия қўмитасининг Нукус филиали ходимларининг меҳнатига ҳақ тўлаш билан боғлиқ барча харажатлари ва сақлаш харажатлари Ўзбекистон Республикасининг бадали (улуши) сифатида ҳар йили Ўзбекистон Республикаси республика бюджетидан ўтказиб бериладиган маблағлар ҳисобидан тўланади».

3. Вазирлар Маҳкамасининг «Қишлоқ хўжалигига мўлжалланган ерларнинг шўрини ювиш ишларини ташкил этиш бўйича қўшимча чора-тадбирлар тўғрисида» 2021 йил 8 апрелдаги 190-сон қарорида :

а) 1-банднинг тўртинчи хатбошисидаги , 2-банднинг «а» кичик банди иккинчи ва олтинчи хатбошиларидаги ҳамда «в» кичик бандидаги тегишли келишикдаги «сув истеъмолчилари уюшмалари» сўзлари тегишли келишикдаги «Сув етказиб бериш хизмати» давлат муассасалари» сўзлари билан алмаштирилсин;

б) иловада :

4-банддаги «сув истеъмолчилари уюшмаларининг» сўзлари «Сув етказиб бериш хизмати» давлат муассасаларининг» сўзлари билан алмаштирилсин;

5-банд қуйидаги таҳрирда баён этилсин:

«5. Сув истеъмолчиларининг сув олиш лимитлари халқ депутатлари туман Кенгашлари қарорлари билан белгиланган тартибда тасдиқланади ва уларга хизмат кўрсатадиган тегишли фойдаланувчи ташкилотлар («Сув етказиб бериш хизмати» давлат муассасалари) томонидан сув истеъмолчиларига етказилади»;

6 , 9 ва 14-бандлардаги , 15-банднинг иккинчи ва учинчи хатбошиларидаги , 17-банддаги ва 1-иловадаги тегишли келишикдаги «сув истеъмолчилари уюшмалари» сўзлари тегишли келишикдаги «Сув етказиб бериш хизмати» давлат муассасалари» сўзлари билан алмаштирилсин.

4. Вазирлар Маҳкамасининг «Сув етказиб бериш хизмати» давлат муассасалари фаолиятини ташкил этиш чора-тадбирлари тўғрисида» 2024 йил 9 февралдаги 79-сон қарорида :

а) 1-илованинг 11-банди иккинчи хатбошисидаги «Ўзбекистон Республикаси Сув хўжалиги вазири» сўзлари «Вазирлик ҳузуридаги Сув хўжалиги объектларини эксплуатация қилиш агентлиги директори» сўзлари билан алмаштирилсин;

б) 4-илованинг изоҳи қуйидаги мазмундаги учинчи хатбоши билан тўлдирилсин:

Вазирлар Маҳкамасининг 2024 йил 7 октябрдаги 645-сон қарорига 12-ИЛОВА

Ўзбекистон Республикаси Ҳукуматининг ўз кучини йўқотаётган айрим қарорлари

1. Вазирлар Маҳкамасининг «Ўзбекистон Республикаси Сув хўжалиги вазирлиги фаолиятига доир айрим қонунчилик ҳужжатларини такомиллаштириш тўғрисида» 2021 йил 17 сентябрдаги 573-сон қарори .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар ва қўшимча киритиш, шунингдек, баъзиларини ўз кучини йўқотган деб ҳисоблаш тўғрисида» 2022 йил 7 июлдаги 372-сон қарорига 1-илованинг 3-банди .

4. Вазирлар Маҳкамасининг «Ўзбекистон Республикаси Сув хўжалиги вазирлиги фаолияти такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида» 2022 йил 18 июлдаги 388-сон қарорига 1-илова 2-бандининг «б» кичик банди .

5. Вазирлар Маҳкамасининг «Яратилган янги иш ўринларини ҳисобга олиш тартиби тўғрисидаги низомни тасдиқлаш ҳақида» 2022 йил 21 декабрдаги 717-сон қарорига 2-илованинг 23-банди .

6. Вазирлар Маҳкамасининг «Ўзбекистон Республикаси Сув хўжалиги вазирлиги ҳузуридаги сув хўжалиги объектлари хавфсизлигини ва сувдан фойдаланишни назорат қилиш инспекцияси фаолиятини тартибга солувчи айрим норматив-ҳуқуқий ҳужжатларни тасдиқлаш тўғрисида» 2023 йил 27 сентябрдаги 500-сон қарорига 3-илова ҳамда 5-илованинг 20-банди .

7. Вазирлар Маҳкамасининг «Сув етказиб бериш хизмати» давлат муассасалари фаолиятини ташкил этиш чора-тадбирлари тўғрисида» 2024 йил 9 февралдаги 79-сон қарорига 5-илованинг 3-банди .

Ўзбекистон Республикасининг Бош вазири А. АРИПОВ

Тошкент ш.,

2024 йил 7 октябрь,

645-сон

(Қонунчилик маълумотлари миллий базаси, 08.10.2024 й., 09/24/645/0795-сон; 13.03.2025 й., 09/25/158/0235-сон; 11.06.2025 й., 09/25/352/0502-сон; 19.11.2025 й., 09/25/732/1062-сон; 02.02.2026 й., 09/26/35/0101-сон; 23.06.2026 й., 09/26/317/0617-сон; 15.07.2026 й., 09/26/362/0737-сон )

lex.uz

Oʻzbekiston Respublikasi Vazirlar Mahkamasining

qarori

NIZOM

ROʻYXATI

NIZOM

TAVSIFI

CHORA-TADBIRLAR DASTURI

ROʻYXATI

Oʻzbekiston Respublikasi Suv xoʻjaligi vazirligi faoliyatini tartibga soluvchi normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining “Suv xoʻjaligida zamonaviy boshqaruv tizimini joriy qilish va rivojlantirishning ustuvor yoʻnalishlarini belgilash toʻgʻrisida” 2024-yil 7-maydagi PF-74-son Farmoniga muvofiq Oʻzbekiston Respublikasi Suv xoʻjaligi vazirligi va uning tizimidagi tashkilotlar faoliyatini tartibga solish, ularning asosiy vazifalari va funksiyalari hamda huquq va majburiyatlarini belgilash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Suv xoʻjaligi vazirligi toʻgʻrisidagi nizom 1-ilovaga muvofiq;

Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlarini ekspluatatsiya qilish agentligi toʻgʻrisidagi nizom 2-ilovaga muvofiq;

Oʻzbekiston Respublikasi Suv xoʻjaligi vazirligining Suv xoʻjaligi loyihalarini amalga oshirish departamenti toʻgʻrisidagi nizom 3-ilovaga muvofiq;

Oʻzbekiston Respublikasi Suv xoʻjaligi vazirligi huzuridagi Suv xoʻjaligida xorijiy investitsiya loyihalarini amalga oshirish markazi toʻgʻrisidagi nizom 4-ilovaga muvofiq;

Oʻzbekiston Respublikasi Suv xoʻjaligi vazirligining Suv xoʻjaligini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom 5-ilovaga muvofiq;

Oʻzbekiston Respublikasi Suv xoʻjaligi vazirligi va uning tizim tashkilotlari xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizom 6-ilovaga muvofiq:

Oʻzbekiston Respublikasi Suv xoʻjaligi vazirligi va uning tizimidagi budjet tashkilotlari roʻyxati hamda Suv xoʻjaligi vazirligining Suv xoʻjaligi loyihalarini amalga oshirish departamenti tizimidagi “Suvqurilishinvest” davlat muassasalari roʻyxati 7 va 7a-ilovalarga muvofiq;

“Oʻzbekiston Respublikasi suv xoʻjaligi aʼlochisi” koʻkrak nishoni toʻgʻrisidagi nizom, koʻkrak nishoni va uning guvohnomasi tavsiflari 8 , 8a va 8b-ilovalarga muvofiq;

Oʻzbekiston Respublikasi Suv xoʻjaligi vazirligi hamda uning tizimidagi budjet tashkilotlarida xizmat avtotransport vositalarini biriktirish meʼyorlari 9-ilovaga muvofiq;

“Termiz suv yoʻllari texnik uchastkasi”, “Xoʻjayli suv yoʻllari texnik uchastkasi” va “Cholish suv yoʻllari texnika boʻlimi” davlat muassasalarining moddiy-texnik bazasini yanada mustahkamlash boʻyicha 2024 — 2027-yillarga moʻljallangan chora-tadbirlar dasturi 10-ilovaga muvofiq tasdiqlansin.

2. Surxondaryo viloyati hokimligi huzuridagi “Termiz suv yoʻllari texnik uchastkasi”, Xorazm viloyati hokimligi huzuridagi “Cholish suv yoʻllari texnika boʻlimi” va Qoraqalpogʻiston Respublikasi Vazirlar Kengashi huzuridagi “Xoʻjayli texnik uchastkasi” davlat muassasalari (keyingi oʻrinlarda — davlat muassasalari) Oʻzbekiston Respublikasi Suv xoʻjaligi vazirligining Suv xoʻjaligi obyektlarini ekspluatatsiya qilish agentligi tizimiga oʻtkazilsin hamda 2024-yilda ushbu davlat muassasalarini moliyalashtirish tartibi saqlab qolinsin.

3. Belgilansinki, 2025-yil 1-yanvardan boshlab:

davlat muassasalarini moliyalashtirish tegishli mahalliy budjetlardan respublika budjetiga oʻtkaziladi;

davlat muassasalarining xodimlariga Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlarini ekspluatatsiya qilish agentligi tizimidagi budjetdan moliyalashtiriladigan tashkilotlar xodimlari uchun nazarda tutilgan mehnatga haq toʻlash va moddiy ragʻbatlantirish shartlari tatbiq etiladi.

4. Oʻzbekiston Respublikasi Suv xoʻjaligi vazirligi, Qoraqalpogʻiston Respublikasi Vazirlar Kengashi, Surxondaryo va Xorazm viloyatlari hokimliklari bir oy muddatda davlat muassasalarini Suv xoʻjaligi obyektlarini ekspluatatsiya qilish agentligi tizimiga belgilangan tartibda topshirish-qabul qilish ishlarini yakuniga yetkazsin.

5. Oʻzbekiston Respublikasi Suv xoʻjaligi vazirligi va “Agrobank” ATBning “Oʻzbekiston irrigatsiya tizimini modernizatsiya qilish” loyihasi boʻyicha dala ilmiy-tadqiqot ishlarini olib borish hamda zarur maʼlumotlarni toʻplash bilan bogʻliq xarajatlarni “Agrobank” ATB hisobidan moliyalashtirish toʻgʻrisidagi taklifiga rozilik berilsin.

6. Oʻzbekiston Respublikasi Hukumatining 11-ilovaga muvofiq ayrim qarorlariga oʻzgartirish va qoʻshimchalar kiritilsin.

7. Oʻzbekiston Respublikasi Hukumatining 12-ilovaga muvofiq ayrim qarorlari oʻz kuchini yoʻqotgan deb hisoblansin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev hamda Oʻzbekiston Respublikasi suv xoʻjaligi vaziri Sh.R. Xamrayev zimmasiga yuklansin.

Vazirlar Mahkamasining 2024-yil 7-oktabrdagi 645-son qaroriga 1-ILOVA

Oʻzbekiston Respublikasi Suv xoʻjaligi vazirligi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligining (keyingi oʻrinlarda — Vazirlik) asosiy vazifalari, funksiyalari, huquqlari, javobgarligi va faoliyatini tashkil etish tartibini, shuningdek, Vazirlik rahbarlarining funksional vazifalari va masʼuliyatini belgilaydi.

2. Vazirlik Oʻzbekiston Respublikasida barcha suv manbalari boʻyicha suv resurslarini boshqarish, suvlarning hisobi, hisoboti va balansini shakllantirish, suvdan foydalanish va suv isteʼmoli qoidalariga rioya etilishini nazorat qilish sohasida yagona davlat siyosatini amalga oshiradigan maxsus vakolatli respublika ijro etuvchi hokimiyat organi hisoblanadi.

3. Vazirlik oʻz faoliyatida Vazirlar Mahkamasiga boʻysunadi.

4. Vazirlik oʻz faoliyatida Oʻzbekiston Respublikasining Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, ushbu Nizom, shuningdek, boshqa qonunchilik hujjatlariga amal qiladi.

5. Vazirlikning oʻz vakolatlari doirasida qabul qilgan qarorlari respublika va mahalliy ijro etuvchi hokimiyat organlari hamda boshqa tashkilotlar, shuningdek, fuqarolar tomonidan bajarilishi majburiydir.

6. Vazirlik va uning tizimidagi tashkilotlar yuridik shaxs hisoblanadi, Oʻzbekiston Respublikasining Davlat gerbi tasviri tushirilgan, oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasining tegishli boʻlinmalarida shaxsiy gʻazna hisobvaraqlariga, shu jumladan, chet el valyutasidagi shaxsiy gʻazna hisobvaraqlariga ega boʻladi.

7. Vazirlikning rasmiy nomi:

a) davlat tilida:

toʻliq nomi — Oʻzbekiston Respublikasi Suv xoʻjaligi vazirligi;

qisqartirilgan nomi — Suv xoʻjaligi vazirligi;

b) rus tilida:

toʻliq nomi — Ministerstvo vodnogo xozyaystva Respubliki Uzbekistan;

qisqartirilgan nomi — Ministerstvo vodnogo xozyaystva;

v) ingliz tilida:

toʻliq nomi — Ministry of Water Resources of the Republic of Uzbekistan;

qisqartirilgan nomi — Ministry of Water Resources.

8. Vazirlikning joylashgan manzili (pochta manzili): 100187, Toshkent shahri, Mirzo Ulugʻbek tumani, Qorasuv 4-dahasi, 11-uy.

2-bob. Vazirlik tuzilmasi

9. Vazirlik tizimiga quyidagilar kiradi:

markaziy apparat;

Suv xoʻjaligi obyektlari xavfsizligini va suvdan foydalanishni nazorat qilish inspeksiyasi;

Suv xoʻjaligi obyektlarini ekspluatatsiya qilish agentligi;

Suv xoʻjaligi sohasidagi loyihalarni amalga oshirish departamenti;

Suv xoʻjaligida xorijiy investitsiya loyihalarini amalga oshirish markazi;

Suv xoʻjaligida islohotlar markazi;

Markaziy dispetcherlik va suv balansi xizmati;

“Suv xoʻjaligida bozor mexanizmlarini joriy qilish” davlat muassasasi;

Fargʻona vodiysi magistral kanallaridan foydalanish boshqarmasi;

Janubiy Mirzachoʻl kanalidan foydalanish boshqarmasi;

Zarafshon magistral tizimidan foydalanish boshqarmasi;

Irrigatsiya va suv muammolari ilmiy-tadqiqot instituti;

Professional taʼlim muassasalari.

3-bob. Vazirlikning vazifalari va funksiyalari

10. Quyidagilar Vazirlikning asosiy vazifalari hisoblanadi:

suv resurslarini boshqarish, suvlarning hisobi, hisoboti va balansini shakllantirish sohasida yagona davlat siyosatini amalga oshirish;

respublika aholisi, iqtisodiyot tarmoqlari va atrof-muhitning suvga boʻlgan hamda muttasil oshib borayotgan ehtiyojlarini qondirish uchun shart-sharoitlar yaratish, suv resurslaridan samarali foydalanishni taʼminlash;

suv xoʻjaligi obyektlarini modernizatsiya qilish va qurilish ishlarini sifatli tashkil etish, shuningdek, xavf darajasi yuqori boʻlgan suv xoʻjaligi obyektlarini loyihalashtirish va ekspertiza qilish ishlarini tashkil qilish;

har bir loyihaning iqtisodiy samaradorligini hamda suv xoʻjaligi obyektining xavfsizligini aniq koʻrsatkichlar va mezonlar asosida chuqur tahlil qilish orqali uning ustuvorligini belgilash va amalga oshirish;

xavf darajasi yuqori boʻlgan gidrotexnika inshootlarining xavfsizligini, ishonchli ishlashini va qoʻriqlanishini hamda irrigatsiya tizimlari va sugʻorish tarmoqlaridan foydalanish jarayonida ularning barqaror ishlashini nazorat qilish;

suv xoʻjaligida bozor iqtisodiyoti tamoyillari, davlat-xususiy sheriklik mexanizmlari va autsorsingni joriy qilish;

suv xoʻjaligi sohasida resurs tejaydigan texnologiyalar, zamonaviy qurilish materiallari, ilgʻor xorijiy tajribani keng qoʻllashni tashkil qilish;

suv xoʻjaligi obyektlarini boshqarish, suvning hisobi va hisobotini hamda Davlat suv kadastrini yuritish va tegishli maʼlumotlar bazasini shakllantirishda raqamli texnologiyalarni joriy qilish;

elektr energiyasidan samarali foydalanish hamda uning isteʼmoli boʻyicha shaffoflikni taʼminlash;

transchegaraviy suv resurslarini boshqarish va ulardan foydalanish boʻyicha davlatlararo munosabatlarni rivojlantirish, suv xoʻjaligi sohasidagi xalqaro tashkilotlar faoliyatida faol ishtirok etish, xorijiy investitsiya va grant mablagʻlari hamda texnik koʻmaklarni jalb qilish;

suv xoʻjaligi sohasidagi mutaxassislar malakasini oshirishni tizimli tashkil etish, suv xoʻjaligi tashkilotlari bilan taʼlim va ilmiy-tadqiqot muassasalari oʻrtasidagi integratsiyani kuchaytirish, fan va texnika yutuqlarini amaliyotga joriy etishni tizimli tashkil qilish.

11. Vazirlik oʻziga yuklangan vazifalarga muvofiq quyidagi funksiyalarni amalga oshiradi:

a) suv resurslarini boshqarish, suvlarning hisobi, hisoboti va balansini shakllantirish sohasida yagona davlat siyosatini amalga oshirish sohasida:

suv xoʻjaligini rivojlantirish konsepsiyasi va uni amalga oshirish strategiyasini, shuningdek, irrigatsiyani rivojlantirish va sugʻoriladigan yerlarning meliorativ holatini yaxshilash boʻyicha dasturlarni oshkoralik asosida ishlab chiqadi;

yer usti suvlari obyektlarida suvning oqilona boshqarilishi, suvdan foydalanish va suv isteʼmoli qoidalariga rioya etilishini hamda huquqbuzarliklarni aniqlash, ularning kelib chiqish sabablari va shart-sharoitlarini bartaraf etish boʻyicha chora-tadbirlar amalga oshirilishini taʼminlaydi;

global iqlim oʻzgarishi va Orol dengizi qurishining aholi hayoti va faoliyatiga salbiy taʼsirini kamaytirish hamda Orolboʻyi hududida suv xoʻjaligi vaziyatini barqarorlashtirish boʻyicha kompleks chora-tadbirlarni ishlab chiqishda ishtirok etadi;

yagona suv balansini shakllantiradi, shuningdek, Davlat suv kadastri yuritilishini tashkil qiladi;

suvdan foydalanuvchilar va suv isteʼmolchilari, shuningdek, iqtisodiyotning barcha tarmoqlarida (kommunal sohadan tashqari) suv resurslaridan foydalanish boʻyicha maʼlumotlar bazasini yaratadi;

xavf darajasi yuqori boʻlgan gidrotexnika inshootlarining xavfsizligi, ishonchli ishlashi va qoʻriqlanishi hamda irrigatsiya tizimlari va sugʻorish tarmoqlaridan foydalanishni tashkil qiladi;

xorijiy va xalqaro tashkilotlar, konsultantlar va mutaxassislar bilan hamkorlik qilish hamda ularni milliy normativ hujjatlar bazasini takomillashtirishga jalb qiladi;

tegishli respublika va mahalliy ijro etuvchi hokimiyat organlari hamda boshqa tashkilotlar bilan birgalikda suv resurslarini boshqarish, suvlarning zararli taʼsirining oldini olish va tugatish boʻyicha chora-tadbirlar kompleksini ishlab chiqish va amalga oshirishda ishtirok etadi;

davlat siyosatining suv xoʻjaligi sohasidagi asosiy yoʻnalishlari, suv xoʻjaligini rivojlantirish konsepsiyasi, ularni amalga oshirishning strategiya va mexanizmlari boʻyicha Vazirlar Mahkamasiga belgilangan tartibda takliflar kiritadi;

b) respublika aholisi, iqtisodiyot tarmoqlari va atrof-muhitning suvga boʻlgan hamda muttasil oshib borayotgan ehtiyojlarini qondirish uchun shart-sharoitlarni yaratish, suv resurslaridan samarali foydalanishni taʼminlash sohasida:

suv resurslarini integratsiyalashgan boshqarish tamoyillarini joriy qilish va suvdan kompleks foydalanish orqali iqtisodiyot tarmoqlarini suv bilan barqaror taʼminlaydi, suv xoʻjaligini rivojlantirishning istiqbolli sxemalarini ishlab chiqadi;

oʻrta va quyi boʻgʻinda suvdan samarali foydalanishni tashkil etish, uning zararli taʼsirlarining oldini olish boʻyicha eng maqbul chora-tadbirlarni ishlab chiqadi va amalga oshiradi;

mamlakat suv xavfsizligini taʼminlash hamda suv resurslarini samarali boshqarish boʻyicha qisqa, oʻrta va uzoq muddatlarga moʻljallangan kompleks tadbirlarni ishlab chiqadi;

suv resurslari prognozlarini kompleks tahlil qiladi va suv resurslari balanslarini ishlab chiqadi, suv manbalari, irrigatsiya tizimlari, iqtisodiyot tarmoqlari, hududlar, suvdan foydalanuvchilar va suv isteʼmolchilari, shuningdek, geologiya va mineral resurslar organlari bilan kelishilgan holda yer osti suvlari boʻyicha suv olish limitlarini belgilaydi;

sunʼiy suv obyektlari suvidan maxsus foydalanish va suvni maxsus isteʼmol qilish uchun belgilangan tartibda ruxsatnomalar beradi, tabiiy yer usti suv obyektlari suvidan maxsus foydalanish va suvni maxsus isteʼmol qilishga ruxsatnomalar berishni kelishadi;

suvdan foydalanish va suv isteʼmoli boʻyicha qonunchilik hujjatlari loyihalarini belgilangan tartibda ishlab chiqadi hamda takomillashtiradi;

ommaviy axborot vositalari, shuningdek, anjumanlar, seminarlar, treninglar va boshqa tadbirlarni oʻtkazish orqali suv resurslarini asrash va ulardan tejamli foydalanish boʻyicha targʻibot ishlarini olib boradi;

taʼlim muassasalarining yosh avlodni suvdan avaylab-asrab foydalanish ruhida tarbiyalash va suvdan foydalanish madaniyatini oshirish boʻyicha tadbirlarida ishtirok etadi;

zamonaviy axborot-kommunikatsiya texnologiyalaridan foydalangan holda, suv boʻyicha ommabop resurslar, bilimlar bazasini yaratish va rivojlantirish ishlarini tashkil qiladi;

v) suv xoʻjaligi obyektlarini modernizatsiya qilish va qurilish ishlarini sifatli tashkil etish, shuningdek, xavf darajasi yuqori boʻlgan suv xoʻjaligi obyektlarini loyihalashtirish va ekspertiza qilish ishlarini tashkil qilish sohasida:

koʻp yillik tajribaga va yetarli malakaga ega boʻlgan xalqaro konsultantlar, xorijiy mutaxassislar bilan belgilangan tartibda muzokaralar olib boradi;

suv omborlari, sel-suv omborlari va xavf darajasi yuqori boʻlgan boshqa suv xoʻjaligi obyektlarini qurish va rekonstruksiya qilish loyihalarini ishlab chiqish hamda ekspertiza qilish, shuningdek, ularning xavfsizlik mezonlarini ishlab chiqishga xalqaro konsultantlar, xorijiy mutaxassislar bilan belgilangan tartibda tegishli shartnomalarni rasmiylashtiradi hamda ularni xalqaro normalarga asosan jalb qiladi;

suvlarning va suv obyektlarining holatiga taʼsir qiladigan tashkilotlar, inshootlar hamda boshqa obyektlarni qurish, rekonstruksiya qilish, taʼmirlash va tiklash boʻyicha loyihalarni koʻrib chiqadi va belgilangan tartibda kelishadi;

g) har bir loyihaning iqtisodiy samaradorligini hamda suv xoʻjaligi obyektining xavfsizligini aniq koʻrsatkichlar va mezonlar asosida chuqur tahlil qilish orqali uning ustuvorligini belgilash va amalga oshirish sohasida:

Vazirlik huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasining suv xoʻjaligi obyektlari xavfsizligini va suvdan samarali foydalanishni taʼminlash toʻgʻrisidagi koʻrsatmalarini koʻrib chiqadi;

ustuvor loyihalarni amalga oshirish uchun Oʻzbekiston Respublikasining investitsiya hamda ijtimoiy va ishlab chiqarish infratuzilmasini rivojlantirish dasturlariga kiritish va tegishli mablagʻlarni ajratish boʻyicha vakolatli organlarga takliflar kiritadi;

suv omborlari, sel-suv omborlari va xavf darajasi yuqori boʻlgan boshqa suv xoʻjaligi obyektlarini qurish va rekonstruksiya qilish boʻyicha ustuvor loyihalarning texnik topshiriqlarini, shuningdek, loyiha hujjatlarini belgilangan tartibda tasdiqlaydi;

d) xavf darajasi yuqori boʻlgan gidrotexnika inshootlarining xavfsizligini, ishonchli ishlashini va qoʻriqlanishini hamda irrigatsiya tizimlari va sugʻorish tarmoqlaridan foydalanish jarayonida ularning barqaror ishlashini nazorat qilish sohasida:

gidrotexnika inshootlarining holatini hamda xavfsizlik deklaratsiyalariga va mezonlariga muvofiqligini tekshirishni tashkil etadi;

gidrotexnika inshootlarining texnik holatini joyida oʻrganish, naturada kuzatish va diagnostika qilish ishlarini amalga oshiradi;

tegishli vazirliklar, idoralar va tashkilotlar bilan birgalikda davlatlararo va chegaraviy suv xoʻjaligi obyektlaridan foydalanish masalalarini chegaradosh davlatlar bilan tartibga solishda ishtirok etadi;

gidrotexnika inshootlari xavfsizligini taʼminlash masalalari boʻyicha xalqaro hamkorlikni amalga oshiradi;

xoʻjalik faoliyatini yoki boshqa faoliyatni amalga oshirish uchun gidrotexnika inshootlari hududlaridan, daryolar oʻzanlari va ularga tutash inshootlarning quyi va yuqori hududlaridan (suv muhofazasi zonalarida yer uchastkalari berish bundan mustasno) foydalanishni kelishadi;

vakolatli organlarga suv muhofazasi zonalarini, suv omborlari, daryolar, kanallar va kollektorlarning sohilboʻyi mintaqalarini belgilash ishlarini tashkil etishda koʻmaklashadi, ushbu zonalar va chiziqlarga qoʻyiladigan talablarning bajarilishini nazorat qiladi;

gidrotexnika inshootlarini joylashtirish va ularning loyihalarini ishlab chiqishga doir texnik topshiriqlarni hamda foydalanish boʻyicha qoidalarni kelishadi;

gidrotexnika inshootlarining xavfsizlik deklaratsiyalarini davlat ekspertizasidan oʻtkazadi va belgilangan tartibda tasdiqlaydi;

gidrotexnika inshootlarining xavfsizlik qoidalarini ishlab chiqadi va mezonlarini belgilaydi;

gidrotexnika inshootlarining xavfsizligi sohasida qonunchilik hujjatlari loyihalarini ishlab chiqishda ishtirok etadi;

gidrotexnika inshootlarini qurish va rekonstruksiya qilish ishlarini loyiha, buyurtmachi va pudrat tashkilotlari hamda tegishli vazirliklar, idoralar va tashkilotlar mutaxassislarini jalb etgan holda oʻrganadi hamda tegishli taklif va xulosalar beradi;

gidrotexnika inshootlarini foydalanishga qabul qilish boʻyicha ishchi va Davlat komissiyalari tarkibida ishtirok etadi hamda tegishli taklif va xulosalar beradi;

gidrotexnika inshootlarini konservatsiyalash va tugatish boʻyicha loyihalarni oʻrganib chiqadi hamda tegishli taklif va xulosalar beradi;

e) suv xoʻjaligida bozor iqtisodiyoti tamoyillari, davlat-xususiy sheriklik mexanizmlari va autsorsingni joriy qilish sohasida:

alohida suv xoʻjaligi obyektlarini fermer xoʻjaliklari, klasterlar va boshqa tashkilotlarga davlat-xususiy sheriklik asosida foydalanishga berish hamda autsorsingni joriy qilish dasturlarini shakllantiradi;

davlat-xususiy sheriklik loyihalarini amalga oshirish boʻyicha xususiy sheriklar bilan muzokaralar olib boradi, ularga loyihaoldi hujjatlarini tayyorlashda koʻmaklashadi va moliyaviy xulosa olish, koʻrib chiqish hamda kelishish uchun vakolatli davlat organiga taqdim qiladi;

ijobiy xulosalar olingan davlat-xususiy sheriklik loyihalari boʻyicha loyiha bitimini ishlab chiqadi, tasdiqlash va belgilangan tartibda reyestrga kiritish uchun vakolatli davlat organiga taqdim qiladi;

davlat-xususiy sheriklik loyihalarini qonunchilik hujjatlarida belgilangan tartibda amalga oshiradi;

davlat-xususiy sheriklik loyihalarining amalga oshirilishi hamda davlat-xususiy sheriklik toʻgʻrisidagi bitim shartlariga rioya etilishi yuzasidan monitoring yuritadi va samaradorligini tahlil qiladi;

j) suv xoʻjaligi sohasida resurs tejaydigan texnologiyalar, zamonaviy qurilish materiallari, ilgʻor xorijiy tajribani keng qoʻllashni tashkil qilish sohasida:

qishloq xoʻjaligida suvni tejaydigan sugʻorish texnologiyalarini joriy qilishni qoʻllab-quvvatlashga qaratilgan tadbirlarni amalga oshirishda talab etiladigan mablagʻlarni belgilangan tartibda Davlat budjeti parametrlarida nazarda tutish uchun asoslangan takliflarni tayyorlaydi;

suvni tejaydigan sugʻorish texnologiyalarini takomillashtirish, ularning samaradorligini oshirish va yangilarini yaratish boʻyicha ilmiy-tadqiqot hamda loyiha-konstruktorlik ishlarini kengaytirish, yangi ishlanmalarni amaliyotga joriy qilish ishlarini tashkil qiladi;

paxta xomashyosini yetishtirishda tomchilatib sugʻorish texnologiyasini joriy qilgan qishloq xoʻjaligi ishlab chiqaruvchilari xarajatlarining bir qismini qoplash uchun belgilangan tartibda subsidiya ajratadi;

suv xoʻjaligi qurilishida resurslarni tejaydigan texnologiyalar va ilgʻor xorijiy tajribalarni keng qoʻllash, ilmiy-tadqiqot ishlarini rivojlantirish chorasini koʻradi;

z) suv xoʻjaligi obyektlarini boshqarish, suvning hisobi va hisobotini hamda Davlat suv kadastrini yuritish va tegishli maʼlumotlar bazasini shakllantirishda raqamli texnologiyalarni joriy qilish sohasida:

yirik suv xoʻjaligi obyektlarini boshqarishni zamonaviy axborot-kommunikatsiya texnologiyalari asosida avtomatlashtiradi;

suv xoʻjaligi obyektlarida suvning hisobi va hisobotini yuritishda raqamli texnologiyalarni joriy qiladi hamda ulardan samarali foydalanishni taʼminlaydi;

suvning hisobi va hisobotini yuritishda shaffoflik va oshkoralikni taʼminlash, koʻp yillik maʼlumotlar bazasini shakllantiradi hamda tegishli maʼlumotlarni Vazirlik rasmiy veb-saytida yoritib boradi;

yer osti suvlarining holati va koʻrsatkichlarini raqamli texnologiyalar asosida monitoring qiladi;

suv xoʻjaligini raqamlashtirishga xalqaro moliya institutlari, xorijiy davlatlar, xalqaro va chet el tashkilotlari hamda jamgʻarmalarni jalb etadi;

i) elektr energiyasidan samarali foydalanish hamda uning isteʼmoli boʻyicha shaffoflikni taʼminlash sohasida:

nasos stansiyalarida suvning hisobi va elektr energiyasi isteʼmolini raqamli texnologiyalar asosida monitoringini yuritadi;

suvdan foydalanish va elektr energiyasi isteʼmoli boʻyicha shaffof tizimni joriy qiladi;

suvdan foydalanish va elektr energiyasi isteʼmoli boʻyicha maʼlumotlarni tizimli tahlil qilib boradi hamda ushbu resurslardan ajratilgan limitlar doirasida foydalanishni nazorat qiladi va ulardan samarali foydalanish choralarini koʻradi;

Vazirlik tizimidagi tashkilotlar uchun ajratilgan elektr energiyasi limitlariga oʻzgartirish kiritish yuzasidan tegishli vazirliklar va idoralarga takliflar kiritadi;

y) transchegaraviy suv resurslarini boshqarish va ulardan foydalanish boʻyicha davlatlararo munosabatlarni rivojlantirish, suv xoʻjaligi sohasidagi xalqaro tashkilotlar faoliyatida faol ishtirok etish, xorijiy investitsiya va grant mablagʻlari hamda texnik koʻmaklarni jalb qilish sohasida:

Orolni qutqarish xalqaro jamgʻarmasi va uning Davlatlararo suv xoʻjaligini muvofiqlashtiruvchi komissiyasi faoliyatida faol ishtirok etadi;

transchegaraviy suv resurslaridan foydalanish masalalari boʻyicha davlatlararo munosabatlarni rivojlantirish, Markaziy Osiyo mamlakatlari manfaatlari oʻrtasidagi muvozanatni taʼminlaydigan suv resurslarini birgalikda boshqarishning oʻzaro maqbul mexanizmlarini va suvdan samarali foydalanish dasturlarini ishlab chiqish hamda ilgari surishda ishtirok etadi;

xorijiy davlatlardagi suv xoʻjaligi obyektlari loyihalarini ishlab chiqish va ularning qurilishida belgilangan tartibda ishtirok etadi;

transchegaraviy suv resurslarini boshqarish va ulardan foydalanish, suv xoʻjaligini rivojlantirish va yerlarning meliorativ holatini yaxshilash boʻyicha davlatlararo masalalarni muhokama qilish va hal etishda respublika nomidan ishtirok etadi;

xalqaro shartnomalar, xorijiy mamlakatlar bilan suv xoʻjaligi va melioratsiya sohasidagi hamkorlik dasturlari doirasida Oʻzbekiston tomonining majburiyatlarini bajarish bilan bogʻliq boʻlgan xalqaro tadbirlarning respublikada oʻtkazilishini tashkil etadi, suv xoʻjaligi masalalari boʻyicha xorijiy hamkorlar bilan muzokaralarda qatnashadi;

Orolni qutqarish xalqaro jamgʻarmasi va uning tizimidagi tashkilotlar, Butunjahon suv kengashi, Irrigatsiya va drenaj xalqaro komissiyasi, Yirik toʻgʻonlar boʻyicha xalqaro komissiya, Suv resurslarini rivojlantirish va boshqarish boʻyicha islom davlatlararo tarmogʻi hamda boshqa xalqaro tashkilotlar faoliyatida faol ishtirok etadi;

k) suv xoʻjaligi sohasidagi mutaxassislar malakasini oshirishni tizimli tashkil etish, suv xoʻjaligi tashkilotlari bilan taʼlim va ilmiy-tadqiqot muassasalari oʻrtasidagi integratsiyani kuchaytirish, fan va texnika yutuqlarini amaliyotga joriy etishni tizimli tashkil qilish sohasida:

suv xoʻjaligi sohasidagi kadrlar, mutaxassislar, shu jumladan, suv xoʻjaligi tashkilotlari rahbar xodimlari va mutaxassislarining malakasini oshirish boʻyicha oʻquv kurslarini muntazam ravishda tashkil etadi;

suv xoʻjaligi tashkilotlarining taʼlim muassasalari va ilmiy-tadqiqot muassasalari bilan oʻzaro integratsiyasini kuchaytirish boʻyicha chora-tadbirlarni ishlab chiqadi va amalga oshiradi;

suv xoʻjaligi sohasidagi oliy taʼlim muassasalari talabalari va professional taʼlim muassasalari oʻquvchilarining oʻquv-ishlab chiqarish amaliyotlarini sifatli oʻtkazish boʻyicha zarur shart-sharoitlarni yaratadi;

suv xoʻjaligi sohasiga zamonaviy va ilgʻor texnologiyalarni joriy etish va keng qoʻllash boʻyicha malakali kadrlarni tayyorlashga koʻmaklashadi;

yakunlangan ilmiy ishlanmalar va tavsiyalarni amaliyotga joriy qilishni tashkil qiladi;

suv xoʻjaligi sohasidagi kadrlar va mutaxassislarning, shu jumladan, suv xoʻjaligi tashkilotlari rahbar xodimlari va mutaxassislarining malakasini oshirish boʻyicha idoraviy ilmiy va oʻquv kurslarini respublikaning ixtisoslashtirilgan suv xoʻjaligi tashkilotlari, taʼlim va ilmiy-tadqiqot muassasalari, professional taʼlim muassasalarida, shuningdek, xorijda belgilangan tartibda tashkil etadi.

12. Vazirlik oʻziga yuklangan vazifalar va funksiyalarni bevosita, shuningdek, oʻz tizimidagi tashkilotlar orqali hal etadi.

1-§. Vazirlik markaziy apparatining vazifalari va funksiyalari

13. Quyidagilar Vazirlik markaziy apparatining asosiy vazifalari hisoblanadi:

Vazirlik tizimiga kiruvchi va idoraviy mansub tashkilotlar bilan birgalikda vazirlikka yuklangan vazifalar va funksiyalarning samarali bajarilishini taʼminlash;

suv xoʻjaligi sohasida yagona davlat siyosati amalga oshirilishini taʼminlash;

suv xoʻjaligini rivojlantirish konsepsiyasi hamda suv resurslarini boshqarish va irrigatsiya sektorini rivojlantirish strategiyalarini ishlab chiqish;

Vazirlik, uning tizimidagi tashkilotlar va idoraviy mansub tashkilotlari faoliyati bilan bogʻliq prognoz koʻrsatkichlarga erishilishini taʼminlash;

respublika va mahalliy ijro etuvchi hokimiyat organlari hamda boshqa tashkilotlar bilan Vazirlik faoliyati sohasiga kiradigan masalalar boʻyicha oʻzaro hamkorlik qilish, Vazirlar Mahkamasi va uning Rayosati majlislarida tegishli masalalarni koʻrib chiqishda ishtirok etish;

Oʻzbekiston Respublikasi Prezidentining, Oʻzbekiston Respublikasi Prezidenti Administratsiyasi rahbarining, Oʻzbekiston Respublikasi Bosh vaziri, uning oʻrinbosarlari va maslahatchilari topshiriqlarini oʻz vaqtida va sifatli bajarish;

Vazirlik xodimlarining malakasini oshirishni tizimli tashkil qilish;

Vazirlik, uning tizimidagi tashkilotlar va idoraviy mansub tashkilotlari faoliyati samaradorligini tanqidiy tahlil qilish, tahlil natijalariga koʻra zarur choralar koʻrish;

Vazirlik, tizim tashkilotlari va idoraviy mansub tashkilotlar faoliyatini tashkil etishning zamonaviy shakllarini joriy qilish;

jismoniy va yuridik shaxslarning murojaatlarini koʻrib chiqish boʻyicha samarali faoliyatni taʼminlash, aholi bilan bevosita va ochiq muloqot oʻrnatish;

Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Vazirlik rahbarlari va xodimlarining faol ishtirok etishini, Oʻzbekiston Respublikasi Prezidentining Xalq qabulxonalari va Virtual qabulxonasidan tushgan jismoniy va yuridik shaxslarning murojaatlarining oʻz vaqtida va toʻliq koʻrib chiqilishini taʼminlash;

xalqaro va davlatlararo aloqalarni kengaytirish va mustahkamlash boʻyicha tadbirlarda, xalqaro maydonda Oʻzbekiston Respublikasi nomidan vakillar ishtirokini, suv xoʻjaligi sohasiga xorijiy investitsiya va grant mablagʻlari hamda texnik koʻmaklarning jalb qilinishini taʼminlash;

Vazirlik hayʼati qarorlari, Oʻzbekiston Respublikasi suv xoʻjaligi vazirining (keyingi oʻrinlarda — Vazir) buyruqlari va topshiriqlarining oʻz vaqtida va sifatli bajarilishini taʼminlash;

Vazirlik, uning tizimidagi tashkilotlar va idoraviy mansub tashkilotlari kadrlarini tanlash va joy-joyiga qoʻyish, ularning kasbiy mahorati, amaliy tajribasi, yuqori darajadagi ishchanlik va axloqiy-maʼnaviy sifatlari kafolatini taʼminlash, ularning kasbiy malakasini oshirish choralarini koʻrish, kadrlar zaxirasini shakllantirish;

suv xoʻjaligi masalalariga doir Oʻzbekiston Respublikasi Prezidentining farmonlari, qarorlari va farmoyishlari, Hukumatning qarorlari va farmoyishlari loyihalarini oʻz vaqtida sifatli tayyorlash.

14. Quyidagilar Vazirlik markaziy apparatining asosiy funksiyalari hisoblanadi:

Vazirlik va uning rahbariyati faoliyatini tashkiliy va axborot-tahlil jihatidan taʼminlaydi;

Vazirlikning tarkibiy va idoraviy mansub tashkilotlari tomonidan Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda respublika va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni talablariga qatʼiy rioya etadi;

Vazirlik faoliyati doirasida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida“ 2021-yil 31-maydagi PQ-5132-son qaroriga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi muntazam nazorat qiladi;

Vazirlik tomonidan Oʻzbekiston Respublikasi Prezidenti Administratsiyasi va Vazirlar Mahkamasiga kiritiladigan qonunchilik hujjatlarining sifatli va oʻz vaqtida ishlab chiqilishini hamda ularning iqtisodiy, moliyaviy va huquqiy ekspertizadan oʻtkazilishini taʼminlaydi;

Vazirlik tizimidagi va idoraviy mansub tashkilotlari faoliyatini muvofiqlashtiradi, nazorat va tahlil qiladi;

Vazirlikning faoliyati, shu jumladan, qonun ijodkorligi sohasidagi faoliyati huquqiy taʼminlanishini tashkil qiladi;

Vazirlikning vakolatiga kiruvchi tezkor, tashkiliy, kadrlar, moliyaviy, ishlab chiqarish-xoʻjalik hamda boshqa masalalar boʻyicha buyruqlar qabul qiladi;

Vazirlik, uning tizimidagi tashkilotlar va idoraviy mansub tashkilotlari faoliyati bilan bogʻliq prognoz koʻrsatkichlarga erishilishini soʻzsiz taʼminlash boʻyicha amaliy choralar koʻradi;

Oʻzbekiston Respublikasi Prezidenti Administratsiyasi va Vazirlar Mahkamasi, shuningdek, respublika va mahalliy ijro etuvchi hokimiyat organlari hamda boshqa tashkilotlar bilan Vazirlik faoliyati sohasiga kiradigan masalalar yuzasidan oʻzaro hamkorlik qiladi;

Vazirlik tizimidagi tashkilotlar, ularning tarkibiga kiruvchi tashkilotlar va idoraviy mansub tashkilotlar faoliyatini tashkil etishning zamonaviy shakllarini joriy qiladi;

Vazirlikning samarali faoliyatini tashkil qilish va takomillashtirish boʻyicha takliflar ishlab chiqadi;

suv xoʻjaligi sohasini rivojlantirish boʻyicha ilmiy-tadqiqot ishlari olib borilishiga tashkiliy va moliyaviy koʻmaklashadi;

idoraviy mansub professional taʼlim muassasalari faoliyatini tashkil qilishga koʻmaklashish, ular bilan kadrlarni tayyorlash va suv xoʻjaligi tashkilotlari kadrlarining malakasini oshirishda hamkorlik qiladi;

Davlat suv kadastrini va sugʻoriladigan yerlarning meliorativ kadastri yuritilishini tashkil qiladi;

suv resurslari va suv xoʻjaligi obyektlarini boshqarishga raqamli texnologiyalarni joriy qilishni tashkil qiladi;

suv xoʻjaligi obyektlaridan foydalanishda davlat-xususiy sheriklik mexanizmlari va autsorsingni joriy qiladi;

respublika budjetidan moliyalashtiriladigan idoraviy mansub tashkilotlarda moliya, buxgalteriya hisobi va hisobotini tashkil etadi;

Vazirlik, uning tizimidagi tashkilotlar va idoraviy mansub tashkilotlarida ichki audit va moliyaviy nazoratni amalga oshiradi;

jismoniy va yuridik shaxslarning murojaatlari bilan ishlashni tashkil etadi;

xorijiy investitsiyalar jalb etilishini va xalqaro hamkorlikni tashkil etadi;

suv xoʻjaligi sohasida anjumanlar, seminarlar va xalqaro tadbirlarni tashkil etadi;

suv xoʻjaligi sohasida ilm-fan va ishlab chiqarishning ilgʻor yutuqlarini ommaviy axborot vositalarida muntazam va keng yoritishga doir ishlarni amalga oshiradi;

Davlat suv kadastriga tegishli tematik qatlamlar davlat kadastrlarining har bir turi boʻyicha bazaviy kartografik asosdan foydalanib, obyekt turlari va axborot turlari (roʻyxatdan oʻtkazishga oid, hisobga olishga oid, baholashga oid) boʻyicha maʼlumotlarni shakllantiradi;

oʻziga qarashli muassasalar hamda tashkilotlar tomonidan bajariladigan Davlat suv kadastrini ishlab chiqish va yuritishga oid ishlarga rahbarlik qilish, rejalashtirish va ularning bajarilishini nazorat qiladi;

tegishli vazirlik va idoralar bilan birgalikda Davlat suv kadastri axborotnomasini nashr etishga tayyorlaydi;

yer usti suvlarining klassifikatorlarini ishlab chiqadi;

yer usti suvlari toʻgʻrisidagi axborotlarni toʻplash, nazorat qilish, qayta ishlash va umumlashtirishga oid usullar, algoritmlar va axborot tizimlari hamda dasturiy taʼminotlar ishlab chiqilishini taʼminlaydi.

15. Markaziy apparat qonunchilik hujjatlariga muvofiq boshqa funksiyalarni ham amalga oshirishi mumkin.

4-bob. Vazirlikning huquqlari va javobgarligi

16. Vazirlik oʻziga yuklangan vazifalar va funksiyalarni bajarish uchun quyidagi huquqlarga ega:

Oʻzbekiston Respublikasi Prezidenti Administratsiyasiga va Vazirlar Mahkamasiga qonunchilik hujjatlari loyihalarini, shuningdek, Vazirlikka yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;

respublika va mahalliy ijro etuvchi hokimiyat organlari hamda boshqa tashkilotlardan Vazirlik vakolatiga kiradigan masalalarni hal etish uchun zarur boʻladigan maʼlumotlarni belgilangan tartibda soʻrash va olish;

Vazirlik, uning tizimidagi tashkilotlar va idoraviy mansub tashkilotlari xodimlari tomonidan suv xoʻjaligi sohasidagi faoliyati asosiy koʻrsatkichlarining bajarilishini hisobga olgan holda xodimlarni belgilangan tartibda moddiy ragʻbatlantirish;

Vazirlar Mahkamasiga, respublika va mahalliy ijro etuvchi hokimiyat organlari hamda boshqa tashkilotlarga Vazirlik vakolati doirasiga kiradigan masalalar boʻyicha takliflar kiritish;

Vazirlik vakolati doirasiga kiradigan masalalar boʻyicha belgilangan tartibda shartnomalar tuzish;

Vazirlik vakolatiga kiradigan masalalar boʻyicha xalqaro munosabatlarda belgilangan tartibda Oʻzbekiston Respublikasining manfaatlarini ifodalash;

Vazirlikka kelishish uchun kiritilgan qonunchilik hujjatlari loyihalari va takliflar boʻyicha oʻz xulosalarini berish;

suv manbalarining suvlilik darajasi oʻzgargan holatlarda suv olish limitlariga tuzatishlar kiritish;

yuklangan vazifalar doirasida bevosita yoki tizimidagi tashkilotlar va idoraviy mansub tashkilotlar orqali xorijiy soha tashkilotlari hamda ilmiy-tadqiqot va taʼlim muassasalari bilan hamkorlik qilish;

suv xoʻjaligi sohasidagi joriy va strategik vazifalarni yoritish uchun belgilangan tartibda noshirlik faoliyatini amalga oshirish;

binolarga xizmat koʻrsatish, xoʻjalik inventarlari va ashyolarini, avtotransport, aloqa vositalari, hisoblash, kompyuter va ofis jihozlarini saqlash va ishlatish, dasturiy taʼminotni sotib olish uchun belgilangan tartibda shartnomalar tuzish;

Vazirlik vakolatiga kiradigan masalalarni hal etishga ilmiy-tadqiqot muassasalari, olimlar va mutaxassislarni, shu jumladan, xorijiy mutaxassislarni shartnoma asosida jalb qilish;

Vazirlik va uning tizimidagi tashkilotlarning moddiy-texnik bazasini mustahkamlash boʻyicha choralar koʻrish;

Vazirlik mukofotlari, koʻkrak nishonlari va faxriy yorliqlarini belgilangan tartibda taʼsis etish va suv xoʻjaligi sohasidagi ilgʻor xodimlarni ushbu mukofotlar bilan taqdirlash;

suv xoʻjaligi sohasida munosib fidokorlik va mehnatsevarlik koʻrsatgan, oʻzining kasbiy faoliyatida yuksak natijalarga erishgan xodimlar nomzodlarini belgilangan tartibda davlat mukofotlariga taqdim etish;

oʻquv va ilmiy-innovatsion faoliyatida namuna koʻrsatgan bakalavr, magistr, tayanch doktorant va doktorantlar uchun Vazirlik stipendiyasini taʼsis etish.

Vazirlik qonunchilik hujjatlariga asosan boshqa huquqlarga ham ega boʻlishi mumkin.

17. Vazirlik:

unga yuklangan vazifalar va funksiyalarning lozim darajada va samarali bajarilishi, shuningdek, tegishli sohada davlat siyosati amalga oshirilishi;

tegishli sohadagi faoliyatning asosiy koʻrsatkichlari parametrlariga va belgilangan indikatorlarga erishishning soʻzsiz taʼminlanishi;

joriy etilayotgan innovatsiyalar, gʻoyalar va texnologiyalar, shuningdek, Vazirlik tomonidan Oʻzbekiston Respublikasi Prezidenti Administratsiyasi va Vazirlar Mahkamasiga kiritiladigan normativ-huquqiy hujjatlar va boshqa hujjatlar loyihalarini, shuningdek, Vazirlik tomonidan qabul qilinadigan normativ-huquqiy hujjatlarni amalga oshirish sifati, yakuniy natijalari va oqibatlari;

tegishli sohani rivojlantirish dasturlari, chora-tadbirlar rejalari, “yoʻl xaritalari” va boshqa hujjatlar samarali amalga oshirilishi hamda hududlardagi muammoli masalalar hal etilishi;

fuqarolar va tegishli sohadagi tadbirkorlik subyektlarining huquqlar va qonuniy manfaatlariga rioya etilishi va ularning himoya qilinishi taʼminlanishi, sohada raqamlashtirishni taʼminlash va korrupsiya omillarini bartaraf etish uchun javobgardir.

1-§. Vazirlik markaziy apparatining huquqlari va majburiyatlari

18. Vazirlikning markaziy apparati oʻziga yuklangan vazifalar va funksiyalarni bajarish uchun quyidagi huquqlarga ega:

tizimidagi tashkilotlar va idoraviy mansub tashkilotlardan Vazirlikning markaziy apparatida koʻrib chiqiladigan masalalar hamda qonunchilik hujjatlari va boshqa hujjatlar loyihalarini ishlab chiqish hamda tahlil qilish uchun zarur boʻladigan materiallar va maʼlumotlarni talab qilish va olish;

tizimidagi tashkilotlar va idoraviy mansub tashkilotlardan ular tomonidan kiritilgan qonunchilik hujjatlari va boshqa hujjatlar loyihalarining qayta tayyorlanishini talab qilish, zarur hollarda hujjatlarni qaytadan ishlab chiqishga qaytarish;

tizimidagi tashkilotlar va idoraviy mansub tashkilotlar rahbarlari va vakillari ishtirokida yigʻilishlar oʻtkazish;

Vazirlikka yuklangan vazifalar va funksiyalarni bajarish bilan bogʻliq va tezkor hal etish talab etiladigan masalalar boʻyicha hududiy boʻlinmalar va idoraviy mansub tashkilotlar rahbarlariga belgilangan tartibda topshiriqlar berish;

tizim va idoraviy mansub tashkilotlar faoliyatini va ular tomonidan qonunchilik hujjatlari talablari, Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Vazirlar Mahkamasining topshiriqlari hamda Vazirlik buyruqlari va uning rahbariyati topshiriqlarining bajarilishini belgilangan tartibda oʻrganish va tekshirish.

Vazirlikning markaziy apparati qonunchilik hujjatlariga asosan boshqa huquqlarga ham ega boʻlishi mumkin.

19. Vazirlikning markaziy apparati:

Vazirlikning tarkibiy boʻlinmalari va tizimidagi tashkilotlar hamda idoraviy mansub tashkilotlari bilan birgalikda Vazirlikka yuklangan vazifalar va funksiyalarning sifatli va oʻz vaqtida bajarilishini taʼminlash;

Vazirlik faoliyati bilan bogʻliq prognoz koʻrsatkichlarga erishishni taʼminlash uchun Vazirlik markaziy apparati boʻlinmalarining faoliyatini tashkil etish;

Vazirlik tomonidan Vazirlar Mahkamasi va Oʻzbekiston Respublikasi Prezidenti Administratsiyasiga koʻrib chiqish uchun kiritiladigan qonunchilik hujjatlari va boshqa hujjatlar loyihalarining sifati va ekspertizadan oʻtkazilganligi hamda Vazirlik tomonidan qabul qilinayotgan qarorlar ijro etilishi;

tizimidagi tashkilotlar va idoraviy mansub tashkilotlari tomonidan oʻz faoliyati sohasini rivojlantirish boʻyicha davlat dasturlari, ish va chora-tadbirlar rejalari, “Yoʻl xaritalari” va boshqa dasturiy hujjatlarning amalga oshirilishini tashkil etish uchun javobgardir.

5-bob. Vazirlik rahbariyatining asosiy funksional majburiyatlari

20. Quyidagilar Vazirning asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlar talablariga rioya etish;

Vazirlik faoliyatini umumiy boshqarish, Oʻzbekiston Respublikasi Prezidentining tegishli farmonlari, qarorlari va farmoyishlari, Vazirlar Mahkamasining qarorlari va farmoyishlariga muvofiq Vazirlikka yuklangan vazifalar va funksiyalarning bajarilishini taʼminlash;

Vazirlik faoliyatini yanada takomillashtirish boʻyicha Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari va farmoyishlari bilan tasdiqlangan konsepsiyalar, kompleks dasturlar va kompleks chora-tadbirlarning bajarilishini tanqidiy va chuqur tahlil qilib borish;

Vazirlik, uning tarkibiy va hududiy boʻlinmalari faoliyatiga oid prognoz koʻrsatkichlarning soʻzsiz bajarilishini taʼminlash uchun amaliy chora-tadbirlarni ishlab chiqish hamda amalga oshirish;

Oʻzbekiston Respublikasi Prezidenti Administratsiyasining tegishli tarkibiy boʻlinmalari va Vazirlar Mahkamasi, shuningdek, tegishli respublika va mahalliy ijro etuvchi hokimiyat organlari hamda boshqa tashkilotlar bilan Vazirlik faoliyati sohasiga kiradigan masalalar boʻyicha oʻzaro hamkorlik qilish, Vazirlar Mahkamasi va uning Rayosati majlislarida masalalarning koʻrib chiqilishida ishtirok etish;

Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi rahbari, Oʻzbekiston Respublikasining Bosh vaziri, uning oʻrinbosarlari va maslahatchilari topshiriqlarini oʻz vaqtida va sifatli bajarish;

Vazir oʻrinbosarlarining faoliyati samaradorligini hamda maqsadli vazifalarga erishilishini baholashning asosiy mezonlari boʻyicha Vazirlar Mahkamasiga taklif kiritish;

Vazir oʻrinbosarlarining va Vazirlikning boshqa mansabdor shaxslari vakolatlarini belgilash, Vazirlik faoliyatining alohida yoʻnalishlariga rahbarlik qilishi uchun ularning shaxsiy masʼuliyatini belgilash;

Vazirlik faoliyatini rejalashtirishni tashkil etish, Vazir va vazir oʻrinbosarlarining davriy ish rejalarini tasdiqlash, ularning bajarilishi nazorat qilinishini taʼminlash;

qonunchilik hujjatlari va Oʻzbekiston Respublikasi Prezidentining hujjatlari hamda topshiriqlari ijrosini taʼminlashda Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni talablariga qatʼiy rioya etish;

Vazirlik xodimlarini muntazam qayta tayyorlash va ularning malakasini oshirishni tashkil etish;

Vazirlik tizimida kadrlarni tanlash va joy-joyiga qoʻyish, ularning mutaxassisligiga talablarni belgilash va samarali faoliyat yuritishlari uchun zarur sharoitlar yaratish, Vazirlikning kadrlar zaxirasini shakllantirish;

Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiruvchi lavozimlarning boʻsh oʻrinlariga tavsiya qilingan xodimlarning, shuningdek, Vazirlikka ishga qabul qilinayotgan boshqa xodimlarning kasbiy mahorati va bilim darajasi, yuqori darajadagi ishchanlik va axloqiy-maʼnaviy fazilatlarini taʼminlashga qaratilgan choralar koʻrish;

suv xoʻjaligi masalalari boʻyicha qonunchilik hujjatlari loyihalarining sifatli ishlab chiqilishini, “ Normativ-huquqiy hujjatlar toʻgʻrisida” gi va “ Qonun loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida ”gi Oʻzbekiston Respublikasining qonunlari, Oʻzbekiston Respublikasi Prezidenti Administratsiyasining Reglamenti, Vazirlar Mahkamasining Reglamenti talablariga qatʼiy rioya qilgan holda, Vazirlar Mahkamasiga oʻz vaqtida kiritilishini taʼminlash, ularni Vazirlar Mahkamasining rahbariyati huzurida himoya qilish hamda Vazirlar Mahkamasida ishlab chiqilishida va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

Vazirlikning qonun loyihalariga doir faoliyatini “ Normativ-huquqiy hujjatlar toʻgʻrisida ”gi va “ Qonun loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida ”gi Oʻzbekiston Respublikasining qonunlari va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq tashkil etish;

Vazirlik faoliyatiga kiradigan masalalar boʻyicha idoraviy normativ-huquqiy hujjatlarni qabul qilish, zarur boʻlgan hollarda boshqa vazirliklar va idoralar bilan birgalikda tegishli qarorlar qabul qilish;

Vazirlikka kiritilgan takliflar va qonunchilik hujjatlari loyihalarining toʻliq va batafsil koʻrib chiqilishini, Oʻzbekiston Respublikasi Prezidenti Administratsiyasining Reglamentida va Vazirlar Mahkamasining Reglamentida belgilangan muddatlarda kelishilishini (viza qoʻyilishini) taʼminlash;

Vazirlik rahbarlari va xodimlarining xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “ Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida ” 2017-yil 3-avgustdagi PQ-3170-son qarorlari talablariga toʻliq mos ravishda tashkil etish, xizmat safarlarining asoslangan, samarali va natijali boʻlishini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

Vazir oʻrinbosarlari, tarkibiy va hududiy boʻlinmalar hamda idoraviy mansub tashkilotlar rahbarlari faoliyatining samaradorligi va natijadorligini muntazam ravishda tanqidiy tahlil qilish, ularning shaxsiy hisobotlarini Vazirlikning Hayʼat majlislarida eshitish, yakuniy natijalar boʻyicha zarur choralar koʻrish;

Vazirlik xodimlarini ragʻbatlantirish va intizomiy javobgarlikka tortish masalalarini hal etish, oʻzining oʻrinbosarlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida takliflar kiritish, ularning shaxsiy javobgarligini oshirish boʻyicha tizimli choralar koʻrish;

Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari talablariga Vazirlik xodimlari tomonidan rioya etilishini taʼminlashni nazorat qilish;

“Korrupsiyaga qarshi kurashish toʻgʻrisida”gi Oʻzbekiston Respublikasining Qonuni talablariga muvofiq Vazirlik tizimida korrupsiya va boshqa qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shartlarni bartaraf etish;

jismoniy va yuridik shaxslarning murojaatlarini koʻrib chiqish boʻyicha ishlarni “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasining Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsan qabul qilishning muntazam ravishda oʻtkazilishini, shu jumladan, jismoniy va yuridik shaxslarning vakillarini joylarga borib belgilangan muddatda va tartibda qabul qilishni taʼminlash;

Oʻzbekiston Respublikasi Prezidentining Xalq qabulxonalari bilan samarali hamkorlikni yoʻlga qoʻyish, Oʻzbekiston Respublikasi Prezidentining Xalq qabulxonalari va Virtual qabulxonasiga jismoniy va yuridik shaxslardan tushgan arizalarning oʻz vaqtida va toʻliq koʻrib chiqilishida Vazirlik rahbarlari va xodimlarining faol ishtirokini taʼminlash;

davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlar bilan ishlashda qonunchilik hujjatlarida belgilangan talablarga rioya qilish;

shtat birliklarining belgilangan sonidan kelib chiqib, Vazirlik markaziy apparati tuzilmasi va shtat jadvalini tasdiqlash;

Vazirlik tizimidagi tashkilotlar nizomlarini va idoraviy mansub tashkilotlarining ustavlarini belgilangan tartibda tasdiqlash;

Vazirlik markaziy apparati xodimlari, uning tizimidagi tashkilotlar va idoraviy mansub tashkilotlari rahbarlari bilan qonunchilik hujjatlarida belgilangan tartibda mehnat shartnomalarini tuzish va bekor qilish;

Vazirlik, uning tizimidagi tashkilotlar va idoraviy mansub tashkilotlarining mansabdor shaxslari uchun majburiy boʻlgan buyruq va koʻrsatmalar berish hamda ularning bajarilishini belgilangan tartibda nazorat qilish;

zarurat boʻlganda, Vazirlik markaziy apparati, hududiy boʻlinmalari va idoraviy mansub tashkilotlarining tashkiliy-shtat tuzilmalariga belgilangan shtat birliklari doirasida oʻzgartirishlar kiritish;

suv xoʻjaligi sohasida yagona davlat siyosati amalga oshirilishini taʼminlash, tegishli vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirish;

suv xoʻjaligi sohasida kadrlarni tayyorlash, suv xoʻjaligi xodimlarini qayta tayyorlash va ularning malakasini oshirishni tashkil etish boʻyicha choralar koʻrish;

suv xoʻjaligi xodimlari va mutaxassislarini ularning uzoq va samarali faoliyat koʻrsatganligi, alohida xizmatlari uchun Oʻzbekiston Respublikasi davlat mukofotlari bilan taqdirlash uchun belgilangan tartibda takliflar kiritilishini taʼminlash va tavsiyalar berish;

xorijiy investitsiyalar, grant mablagʻlari hamda texnik koʻmaklarni jalb qilish hamda suv xoʻjaligi tizimini takomillashtirishga qaratilgan xalqaro moliya institutlari va xorijiy hukumat moliya tashkilotlari mablagʻlari hisobidan xorijiy investitsiya loyihalari amalga oshirilishini tashkil etish;

suv xoʻjaligi sohasida davlat-xususiy sheriklik loyihalarini amalga oshirish va autsorsingni joriy qilishni taʼminlash;

suv xoʻjaligi obyektlari boshqaruvini raqamli texnologiyalar asosida avtomatlashtirishni tashkil etish;

suv xoʻjaligida kapital qurilish tizimini takomillashtirishga qaratilgan ustuvor investitsiya loyihalarini oshkoralik asosida tanlash, ularning qisqa va uzoq muddatli dasturlarini ishlab chiqishni hamda amalga oshirilishini nazorat qilish;

transchegaraviy suv resurslarini boshqarish va ulardan foydalanish boʻyicha davlatlararo munosabatlarni rivojlantirish, shuningdek, suv xoʻjaligi sohasidagi xalqaro tashkilotlar faoliyatida faol ishtirok etish;

suv xoʻjaligi tizimidagi va idoraviy mansub tashkilotlar uchun elektr energiyasining yillik limitlarini taqsimlash;

vakolati doirasida sudlarga daʼvo arizasi bilan murojaat qilish va sudlarda ishtirok etish uchun (vakillarga) ishonchnomalarni imzolash.

Qonunchilik hujjatlariga muvofiq Vazirga boshqa funksional majburiyatlar ham yuklanishi mumkin.

21. Vazirning birinchi oʻrinbosarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

Vazir vaqtinchalik boʻlmagan hollarda tegishli buyruq asosida Vazir vazifasini bajarish;

oʻzi boshqaradigan tarkibiy boʻlinmalar faoliyatini muvofiqlashtirish, nazorat qilish, bevosita boshqarish, xodimlar oʻrtasida vazifalarni taqsimlash;

oʻz faoliyati samaradorligini hamda maqsadli vazifalarga erishishni baholashning asosiy mezonlarini ishlab chiqish va ijrosini taʼminlash;

oʻzi boshqaradigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish, boʻlinmalar rahbarlarining hisobotlarini muntazam ravishda eshitib borish va ushbu koʻrsatkichlarga erishish uchun ularning shaxsiy masʼuliyatini oshirish;

oʻzi boshqaradigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

Vazirlik faoliyati doirasida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qarori hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Vazirlik hayʼati qarorlari, Vazirning buyruq va topshiriqlarining oʻz vaqtida va sifatli bajarilishini taʼminlash;

oʻzi boshqaradigan tarkibiy boʻlinmalarda xodimlarni tanlash va joy-joyiga qoʻyish boʻyicha Vazirga takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash, xodimlarning kasbiy malakasini oshirish, xodimlar zaxirasini shakllantirish choralarini koʻrish;

Vazirlikning Suv xoʻjaligi masalalari boʻyicha Tarmoq ilmiy-texnik kengashiga rahbarlik qilish va uning faoliyatini muvofiqlashtirish;

oʻzi boshqaradigan tarkibiy boʻlinmalar tomonidan qonunchilik hujjatlari loyihalarining toʻliq va sifatli ishlab chiqilishini tashkil etish, ularni Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga muvofiq qatʼiy ravishda oʻz vaqtida Vazirlar Mahkamasiga kiritilishini taʼminlash, shuningdek, qonunchilik hujjatlar loyihalarining Vazirlar Mahkamasida koʻrib chiqilishida Vazirning topshirigʻiga asosan ishtirok etish;

xizmat safarlariga borishni Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son va “ Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida ” 2017-yil 3-avgustdagi PQ-3170-son qarorlari talablariga toʻliq mos ravishda tashkil etish, xizmat safarlarining asoslangan, samarali va natijali boʻlishini, xizmat safari uchun ajratilgan mablagʻlardan maqsadli va oqilona foydalanilishini taʼminlash;

oʻzi boshqaradigan tarkibiy boʻlinmalar rahbarlari va xodimlari faoliyatining samaradorligi va natijadorligini muntazam ravishda tanqidiy tahlil qilib borish, Vazirlik hayʼati majlislarida ularning shaxsiy hisobotlarini eshitish, natijalari asosida zarur choralar koʻrish;

oʻzi boshqaradigan tarkibiy boʻlinmalar faoliyatiga taalluqli masalalar boʻyicha Vazirlik faoliyatini takomillashtirish boʻyicha amaliy choralar koʻrish, qonunchilik hujjatlarini takomillashtirish toʻgʻrisida takliflar ishlab chiqish va ularni Vazirga taqdim etish;

oʻzi boshqaradigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarda qolishining maqsadga muvofiqligi toʻgʻrisida Vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

Vazirlik xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari talablariga rioya qilish, oʻzi boshqaradigan tarkibiy boʻlinmalar rahbarlari va xodimlari tomonidan ushbu qoidalarga rioya etilishini taʼminlash;

Vazirlik tizimida “Korrupsiyaga qarshi kurashish toʻgʻrisida”gi Oʻzbekiston Respublikasining Qonuni talablariga muvofiq korrupsiya va boshqa jinoyatlarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shart-sharoitlarni aniqlash hamda tahlil qilish, huquqni muhofaza qilish amaliyoti va qonunchilik hujjatlarini takomillashtirish yoʻli bilan ularga qarshi kurashish chora-tadbirlarini ishlab chiqish va amalga oshirish;

davlat xizmatlari koʻrsatishning samarasi va sifatini, ulardan foydalanish imkoniyatini oshirish boʻyicha Vazirga takliflar kiritish;

davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlar bilan ishlashda qonunchilik hujjatlarida belgilangan talablarga rioya qilish;

suv xoʻjaligi sohasida vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirishda ishtirok etish;

oʻz vakolati doirasida belgilangan tartibda ishlab chiqilgan boshqa hujjatlarni imzolash va tasdiqlash.

Vazirning birinchi oʻrinbosariga qonunchilik hujjatlariga muvofiq boshqa funksional majburiyatlar ham yuklanishi mumkin.

22. Vazirning suv resurslarini boshqarishga masʼul boʻlgan oʻrinbosarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlar talablariga rioya etish;

Vazir va vazirning birinchi oʻrinbosari vaqtinchalik boʻlmagan hollarda tegishli buyruq asosida Vazir vazifasini bajarish;

oʻzi boshqaradigan tarkibiy boʻlinmalar faoliyatini muvofiqlashtirish, nazorat qilish va bevosita boshqarish, xodimlar oʻrtasida vazifalarni taqsimlash;

oʻzi boshqaradigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash va ushbu koʻrsatkichlarga erishish uchun ularning shaxsiy masʼuliyatini oshirish, tarkibiy boʻlinmalar rahbarlari hisobotlarini muntazam ravishda eshitib borish;

oʻz faoliyati samaradorligini hamda maqsadli vazifalarga erishishni baholashning asosiy mezonlarini ishlab chiqish va ijrosini taʼminlash;

oʻzi boshqaradigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidentining farmonlari, qarorlari, farmoyishlari va topshiriqlari hamda Vazirlar Mahkamasining qarorlari, farmoyishlari va topshiriqlari bajarilishini tashkil qilish va monitoringini yuritishning amaliy tizimini yaratish, Vazirlik faoliyatida ijro intizomini mustahkamlash uchun kompleks amaliy choralarni amalga oshirish, tarkibiy va hududiy boʻlinmalar hamda idoraviy mansub tashkilotlar rahbarlarining topshiriqlari oʻz vaqtida va sifatli bajarilishini taʼminlash uchun shaxsiy masʼuliyatni oshirish boʻyicha choralar koʻrish;

Vazirlik hayʼati qarorlari, Vazirning buyruq va topshiriqlari oʻz vaqtida va sifatli bajarilishini taʼminlash;

oʻzi boshqaradigan tarkibiy boʻlinmalar tomonidan qonunchilik hujjatlar loyihalarining toʻliq va sifatli ishlab chiqilishini tashkil etish, ularni Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga muvofiq qatʼiy ravishda oʻz vaqtida Vazirlar Mahkamasiga kiritilishini taʼminlash, shuningdek, qonunchilik hujjatlari loyihalarining Vazirlar Mahkamasida koʻrib chiqilishida Vazirning topshirigʻiga asosan ishtirok etish;

xizmat safarlariga borishni qonunchilik hujjatlari talablariga toʻliq mos ravishda tashkil etish, xizmat safarlari asoslangan, samarali va natijali boʻlishini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

oʻzi boshqaradigan tarkibiy boʻlinmalar faoliyatiga taalluqli masalalar yuzasidan Vazirlik faoliyatini takomillashtirish boʻyicha amaliy choralar koʻrish, qonunchilik hujjatlarini takomillashtirish boʻyicha takliflar ishlab chiqish va ularni Vazirga taqdim etish;

oʻzi boshqaradigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimlarida qolishining maqsadga muvofiqligi toʻgʻrisida Vazirga takliflar kiritish, ularning funksional majburiyatlari va vazifalarini bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

Vazirlik xodimlari tomonidan odob-axloq qoidalari talablariga rioya etilishini taʼminlashni nazorat qilish, oʻzi boshqaradigan tarkibiy boʻlinmalar rahbarlari va xodimlari tomonidan ushbu qoidalarga rioya etilishini taʼminlash;

davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlar bilan ishlashda qonunchilik hujjatlarida belgilangan talablarga rioya qilish;

suv xoʻjaligi sohasida vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirishda ishtirok etish;

suvni tejaydigan sugʻorish texnologiyalarini joriy qilish hududiy dasturlarini hududlarning tuproq-iqlim sharoitlari, ixtisoslashuvi hamda suv va boshqa zarur resurslar bilan taʼminlanganligini hisobga olgan holda, ilmiy asosda ishlab chiqilishini tashkil qilish;

suvni tejaydigan texnologiyalarni qoʻllash borasida ilmiy va ilmiy-texnik faoliyatni rivojlantirish, suv xoʻjaligi tashkilotlari bilan taʼlim va ilmiy-tadqiqot muassasalari oʻrtasidagi integratsiyani taʼminlash;

suv xoʻjaligini rivojlantirish konsepsiyasi va uni amalga oshirish strategiyasida belgilangan vazifalar ijrosini taʼminlash;

oʻrta va quyi boʻgʻinda suvdan foydalanish va suv isteʼmolida suv resurslarining hisobi, hisoboti va monitoringini yuritishni nazorat qilish;

suvdan foydalanish va elektr energiyasi isteʼmoli boʻyicha maʼlumotlarni tahlil qilish, ajratilgan elektr energiyasi hamda tasdiqlangan suv olish limitlariga oʻzgartirish kiritish yuzasidan oʻrta boʻgʻindan kelib tushgan takliflarni oʻrganib chiqish va qanoatlantirish yoki qanoatlantirmaslik toʻgʻrisida Vazirga taklif kiritish;

yagona suv balansi va Davlat suv kadastri yuritilishini hamda zamonaviy texnologiyalar yordamida takomillashtirib borilishini tashkil qilish.

Vazirning suv resurslarini boshqarishga masʼul boʻlgan oʻrinbosariga qonunchilik hujjatlariga muvofiq boshqa funksional majburiyatlar ham yuklanishi mumkin.

23. Vazirning moliya-iqtisod va investitsiya yoʻnalishiga masʼul boʻlgan oʻrinbosarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

Vazir va vazirning birinchi oʻrinbosari vaqtinchalik boʻlmagan hollarda tegishli buyruq asosida Vazir vazifasini bajarish;

oʻz faoliyati samaradorligini hamda maqsadli vazifalarga erishishni baholashning asosiy mezonlarini ishlab chiqish va ijrosini taʼminlash;

oʻzi boshqaradigan tarkibiy boʻlinmalar faoliyatini muvofiqlashtirish, nazorat qilish va bevosita boshqarish, xodimlar oʻrtasida vazifalarni taqsimlash;

oʻzi boshqaradigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish va ushbu koʻrsatkichlarga erishish uchun ularning shaxsiy masʼuliyatini oshirish, tarkibiy boʻlinmalar rahbarlarining hisobotlarini muntazam ravishda eshitib borish;

oʻzi boshqaradigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

Vazirlik hayʼati qarorlari, Vazirning buyruqlari va topshiriqlari oʻz vaqtida va sifatli bajarilishini taʼminlash;

Vazirlik tizimidagi tashkilotlar tomonidan Vazirlar Mahkamasining “Budjet tashkilotlarini mablagʻ bilan taʼminlash tartibini takomillashtirish toʻgʻrisida” 1999-yil 3-sentabrdagi 414-son qarori ijrosining taʼminlanishini nazorat qilib borish;

oʻzi boshqaradigan tarkibiy boʻlinmalar tomonidan qonunchilik hujjatlar loyihalarining toʻliq va sifatli ishlab chiqilishini tashkil etish, ularni Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga muvofiq qatʼiy ravishda oʻz vaqtida Vazirlar Mahkamasiga kiritilishini taʼminlash, shuningdek, qonunchilik hujjatlar loyihalarining Vazirlar Mahkamasi apparatida koʻrib chiqilishida Vazirning topshirigʻiga asosan ishtirok etish;

xizmat safarini qonunchilik hujjatlari talablariga toʻliq mos ravishda tashkil etish, xizmat safarlari asoslangan, samarali va natijali boʻlishini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

oʻzi boshqaradigan tarkibiy boʻlinmalar faoliyatiga taalluqli masalalar boʻyicha Vazirlik faoliyatini takomillashtirish boʻyicha amaliy choralar koʻrish, qonunchilik hujjatlarini takomillashtirish boʻyicha takliflar ishlab chiqish va ularni Vazirga taqdim etish;

oʻzi boshqaradigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida Vazirga takliflar kiritish, ularning funksional majburiyatlari va vazifalarini bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlar bilan ishlashda qonunchilik hujjatlarida belgilangan talablarga rioya qilish;

suv xoʻjaligi sohasida vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirishda ishtirok etish;

Vazirlik boʻyicha qabul qilingan buyruqlar va boshqa amaliy hujjatlarning moliyaviy qismini tatbiq etishga rahbarlik qilish, Vazirlik va tizim tashkilotlari (respublika budjetidan moliyalashtiriladigan) faoliyati uchun moliyaviy shart-sharoitlar yaratish;

vakolati doirasida belgilangan moliyaviy hisobotlar va statistika hisobotlari qabul qilinishi, umumlashtirilishini va oʻz vaqtida tegishli moliya organlariga taqdim etilishini nazorat qilish;

Vazirlik va respublika budjetidan moliyalashtiriladigan budjet tashkilotlarining xarajatlar smetasi va shtatlar jadvalini, shuningdek, suv xoʻjaligi bilan bogʻliq xarajatlar smetalari (markaziy apparatning tegishli boshqarmalari tomonidan taqdim etilgan maʼlumotlar asosida) tayyorlanishi, rahbariyat tasdigʻiga kiritilishi hamda roʻyxatdan oʻtkazish uchun Oʻzbekiston Respublikasi Iqtisodiyot va moliya vazirligiga taqdim etilishini nazorat qilish;

suv xoʻjaligi sohasiga doir Davlat dasturlari va budjet xarajatlarining maqsadli indikatorlarining ijrosini baholash ishlarini nazorat qilish;

Vazirlik va uning tarkibiga kiruvchi barcha tashkilotlarning budjet va budjetdan tashqari mablagʻlaridan maqsadli va oqilona foydalanish nazoratini taʼminlash;

suv xoʻjaligi sohasiga oid Oʻzbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qarorlari, farmoyishlari, boshqa vazirliklar va idoralar bilan qoʻshma qarorlar, shuningdek, tegishli masalalar boʻyicha yoʻriqnomalar va normativ hujjatlar loyihalari tayyorlanishini taʼminlash;

Vazirlik va uning tizimidagi tashkilotlar hamda idoraviy mansub tashkilotlarining iqtisodiy rivojlanish yoʻnalishlari, kelgusidagi ishlab chiqarish koʻrsatkichlari hamda ish maromining yuksalish rejalarini amalga oshirish borasida tashkiliy choralarni koʻrish;

xodimlarning oylik maosh tarif miqdorlari va lavozim-mansab maoshlari ishlab chiqilishi va belgilangan tartibda tasdiqlanishini taʼminlash;

Vazirlik va uning hududiy boʻlinmalari hamda idoraviy mansub tashkilotlarning moddiy-texnika bazasini mustahkamlash va xodimlarning oylik ish haqini bosqichma-bosqich oshirish choralarini koʻrish;

suv xoʻjaligida iqtisodiy islohotlarni chuqurlashtirish, mulkchilikning turli shakllarini rivojlantirish ishlarini muvofiqlashtirish va ularning amalga oshirilishi ustidan nazorat olib borish;

suv xoʻjaligi sohasida iqtisodiy islohotlarni chuqurlashtirish dasturlarini ishlab chiqishda ishtirok etish, xalqaro va xorijiy moliya institutlari bilan hamkorlikda loyihalarni tayyorlash va amalga oshirishda ishtirok etish, ularni modernizatsiyalash, rekonstruksiya qilish va texnik qayta jihozlash maqsadida investitsiya dasturlariga kiritish uchun suv xoʻjaligini istiqbolli rivojlantirish dasturlarini koʻrib chiqish, ularning shakllantirilishini taʼminlash;

Vazirlik tizimida moliya-iqtisod, axborot-kommunikatsiya va raqamli texnologiyalarni rivojlantirish boʻyicha yagona siyosat yuritish;

suv xoʻjaligi obyektlari boshqaruvini raqamli texnologiyalar asosida avtomatlashtirish;

suv xoʻjaligi obyektlarida suvning hisobi va elektr energiyasi isteʼmolini raqamli texnologiyalar asosida “onlayn” nazorat qilish orqali suv va elektr energiyasidan foydalanish shaffofligini taʼminlash hamda ularning samaradorligini oshirish;

suv xoʻjaligiga doir axborot resurslarini, shu jumladan, dasturiy taʼminotlar, mobil ilovalar, maʼlumotlar bazasi va veb-saytlarni yaratish hamda ularning takomillashtirilishini tashkil etish;

suv xoʻjaligi tizimini takomillashtirishga qaratilgan xorijiy investitsiya loyihalarini, shu jumladan, xalqaro moliya institutlari va xorijiy hukumat moliya tashkilotlarining (keyingi oʻrinlarda — XMI va XXMT) mablagʻlari ishtirokidagi ustuvor investitsiya loyihalarini oshkoralik asosida tanlash, ularning qisqa va uzoq muddatli dasturlarini ishlab chiqish va shakllantirish;

suv xoʻjaligi sohasidagi xorijiy investitsiya loyihalarini amalga oshirish uchun XMI va XXMT mablagʻlarini jalb qilish;

XMI va XXMT mablagʻlari ishtirokidagi xorijiy investitsiya loyihalari manzilli roʻyxatlari belgilangan tartibda tasdiqlanishini tashkil qilish;

Vazirning moliya-iqtisod va investitsiya yoʻnalishiga masʼul boʻlgan oʻrinbosariga qonunchilik hujjatlariga muvofiq boshqa funksional majburiyatlar ham yuklanishi mumkin.

24. Vazirlik markaziy apparati tarkibiy boʻlinmalari rahbarlarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

tarkibiy boʻlinma faoliyatiga umumiy rahbarlik qilish, mazkur boʻlinmaga Oʻzbekiston Respublikasi Prezidentining tegishli farmonlari va qarorlari, Vazirlar Mahkamasining qarorlari va boshqa qonunchilik hujjatlari hamda Vazirlik hujjatlari bilan yuklangan vazifalar va funksiyalarning bajarilishini tashkil qilish;

tarkibiy boʻlinma faoliyati bilan bogʻliq prognoz koʻrsatkichlarga erishilishini soʻzsiz taʼminlash boʻyicha amaliy chora-tadbirlar ishlab chiqish va amalga oshirish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlarining bajarilishini taʼminlash, Oʻzbekiston Respublikasi Prezidentining “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida“ 2021-yil 31-maydagi PQ-5132-son qaroriga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga va boshqa qonunchilik hujjatlariga muvofiq tarkibiy boʻlinma xodimlarining ijro intizomini mustahkamlash boʻyicha kompleks amaliy choralar koʻrish hamda topshiriqlarni oʻz vaqtida va sifatli bajarishi uchun ularning shaxsiy masʼuliyatini oshirish boʻyicha choralar koʻrish;

Vazirlik hayʼati qarorlari, Vazir va uning oʻrinbosarlari buyruq va topshiriqlarining oʻz vaqtida va sifatli ijro etilishini taʼminlash;

tarkibiy boʻlinma xodimlarining vakolatlarini belgilash, tarkibiy boʻlinma faoliyatining muayyan yoʻnalishlarini boshqarish uchun ularning shaxsiy javobgarlik darajasini belgilash;

tarkibiy boʻlinma faoliyatini rejalashtirishni tashkil etish, boʻlinma choraklik ish rejalarining bajarilishini nazorat qilish;

tarkibiy boʻlinmada kadrlarni tanlash va joy-joyiga qoʻyish, ularning samarali faoliyat yuritishi uchun zarur shart-sharoitlar yaratish, boʻlinmaning kadrlar zaxirasini shakllantirish;

tarkibiy boʻlinma xodimlarini ragʻbatlantirish va intizomiy javobgarlikka tortish masalalarini hal etish, oʻzining oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimlarida qolishining maqsadga muvofiqligi toʻgʻrisida takliflar kiritish, ularning shaxsiy javobgarligini oshirish boʻyicha tizimli choralar koʻrish;

tarkibiy boʻlinma xodimlari tomonidan Vazirlik xodimlarining odob-axloq qoidalari talablariga rioya etilishini taʼminlash;

“Korrupsiyaga qarshi kurashish toʻgʻrisida”gi Qonuni talablariga muvofiq hududiy boʻlinmalarda korrupsiya va boshqa Oʻzbekiston Respublikasining qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shart-sharoitlarni bartaraf etish;

tarkibiy boʻlinma xodimlari faoliyatining samaradorligi va natijadorligini muntazam ravishda tanqidiy tahlil qilish, ularning shaxsiy hisobotlarini eshitish, yakuniy natijalar asosida zarur choralar koʻrish;

tarkibiy boʻlinma faoliyatiga doir qonunchilik hujjatlarini takomillashtirish, davlat xizmatlari koʻrsatish samarasi va sifatini, ulardan foydalanish imkoniyatini oshirish boʻyicha takliflar tayyorlash, ularni Vazirlik rahbariyatiga koʻrib chiqish uchun taqdim etish;

jismoniy va yuridik shaxslarning murojaatlarini koʻrib chiqish, jamoatchilik bilan bevosita va ochiq muloqot oʻrnatish, ularni shaxsan qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq tushgan jismoniy va yuridik shaxslarning murojaatlarini oʻz vaqtida va toʻliq koʻrib chiqish;

davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlar bilan ishlashda qonunchilik hujjatlarida belgilangan talablarga rioya qilish.

6-bob. Vazirlik rahbarlarining masʼuliyati

25. Vazir quyidagilar uchun shaxsan masʼuldir:

Vazirlikka yuklangan vazifalar va funksiyalarning bajarilishi;

mazkur Nizomning 20-bandida koʻrsatilgan funksional majburiyatlarning sifatli bajarilishi.

26. Vazirning birinchi oʻrinbosari va vazir oʻrinbosarlari quyidagilar uchun shaxsan masʼuldirlar:

Vazirlikning oʻzi boshqaradigan tarkibiy boʻlinmalari tomonidan ularga yuklangan vazifalar va funksiyalarning bajarilishi;

mazkur Nizomning 21 , 22 va 23-bandlarida koʻrsatilgan oʻz funksional majburiyatlarining sifatli bajarilishi.

27. Vazirlik markaziy apparati tarkibiy boʻlinmalari rahbarlari quyidagilar uchun masʼuldirlar:

tegishli tarkibiy boʻlinmaga yuklangan vazifalar va funksiyalarning bajarilishi;

mazkur Nizomning 24-bandida koʻrsatilgan oʻzlarining funksional majburiyatlarining sifatli bajarilishi.

7-bob. Vazirlik faoliyatini tashkil etish

1-§. Vazirlik rahbariyati

28. Vazirlikka Oʻzbekiston Respublikasi Bosh vazirining Oʻzbekiston Respublikasi Oliy Majlisi Qonunchilik palatasi maʼqullaganidan keyin kiritilgan taqdimnomasiga binoan Oʻzbekiston Respublikasi Prezidenti tomonidan lavozimga tasdiqlanadigan va lavozimdan ozod qilinadigan Vazir rahbarlik qiladi.

Vazir oʻz maqomiga koʻra Vazirlar Mahkamasining aʼzosi hisoblanadi.

29. Vazirning toʻrt nafar oʻrinbosari, shu jumladan, bir nafar birinchi oʻrinbosari boʻladi.

30. Vazirning birinchi oʻrinbosari va oʻrinbosarlari Oʻzbekiston Respublikasi Prezidenti tomonidan lavozimga tayinlanadi va lavozimdan ozod etiladi.

31. Vazir boʻlmagan vaqtda uning vakolatlari vazifalar taqsimotiga binoan uning oʻrinbosarlari tomonidan bajariladi.

32. Vazirlik markaziy apparati tarkibiy boʻlinmalarining rahbarlari tegishli vazir oʻrinbosarining (vazirning birinchi oʻrinbosarining) taklifiga koʻra Vazir tomonidan lavozimga tayinlanadi va lavozimidan ozod etiladi.

33. Quyidagilar Vazir buyrugʻi asosida lavozimga tayinlanadi va lavozimdan ozod etiladi:

Markaziy apparat rahbari va xodimlari;

Qoraqalpogʻiston Respublikasi Vazirlar Kengashi Raisi va tegishli viloyatlar hokimlari bilan kelishilgan holda, Suv xoʻjaligi obyektlarini ekspluatatsiya qilish agentligi tavsiyasiga asosan — Qoraqalpogʻiston Respublikasi suv xoʻjaligi vaziri, irrigatsiya tizimlari havza boshqarmalari boshliqlari;

tegishli mahalliy ijro etuvchi hokimiyat organlari bilan kelishilgan holda — Fargʻona vodiysi magistral kanallaridan foydalanish boshqarmasi, Janubiy Mirzachoʻl kanalidan foydalanish boshqarmasi, Zarafshon magistral tizimidan foydalanish boshqarmasi boshliqlari va ularning oʻrinbosarlari;

Vazirning tegishli oʻrinbosari taklifiga koʻra — Suv xoʻjaligi sohasidagi loyihalarni amalga oshirish departamenti direktori oʻrinbosari, Suv xoʻjaligida xorijiy investitsiya loyihalarini amalga oshirish markazi direktori oʻrinbosari, Suv xoʻjaligida islohotlar markazi direktori, Markaziy dispetcherlik va suv balansi xizmati direktori, “Suv xoʻjaligida bozor mexanizmlarini joriy qilish” davlat muassasasi boshligʻi, “Suvloyiha” masʼuliyati cheklangan jamiyati direktori, Irrigatsiya va suv muammolari ilmiy-tadqiqot instituti direktori va uning oʻrinbosari.

Vazirlik tashkiliy tuzilmasiga kiruvchi davlat ishtirokidagi korxonalarning boshqaruv organlari faoliyatiga doir masalalar (rahbarlarini lavozimga tayinlash va lavozimda ozod etish) “Davlat mulkini boshqarish toʻgʻrisida”gi Oʻzbekiston Respublikasining Qonuni va boshqa qonunchilik hujjatlariga asosan amalga oshiriladi.

34. Vazirlikning tegishli idoraviy mansub tashkilotlari nizomlari belgilangan tartibda Vazirlik tomonidan tasdiqlanadi.

2-§. Vazirlik markaziy apparati tarkibiy boʻlinmalarining uning tizimidagi tashkilotlar bilan oʻzaro hamkorlik tartibi

35. Vazirlik markaziy apparati tarkibiy boʻlinmalarining uning tizimidagi va idoraviy mansub tashkilotlari bilan hamkorligi markaziy apparatning tarkibiy boʻlinmalari rahbarlari tomonidan taʼminlanadi.

36. Vazirlik markaziy apparatining tarkibiy boʻlinmalari oʻz faoliyati yoʻnalishlari boʻyicha tizim tashkilotlari bilan hamkorlik qilgan holda:

topshiriqlarni tizimidagi va idoraviy mansub tashkilotlarga yetkazadi va ularning bajarilishi borishini nazorat qiladi;

tizimidagi tashkilotlarning bevosita faoliyati masalalari boʻyicha soʻrovlarni Vazirlik tizimidagi tashkilotlar va idoraviy mansub tashkilotlariga yuboradi va ularning bajarilib borishini nazorat qiladi;

tekshirishlarni va oʻrganishni amalga oshiradi, Vazirlik tizimidagi tashkilotlar va idoraviy mansub tashkilotlari faoliyati amaliyotini umumlashtiradi va uni takomillashtirishga qaratilgan choralarni koʻradi;

tashkilot toʻgʻrisidagi hisobot va axborot materiallari, statistika va boshqa maʼlumotlar hamda Vazirlik tizimidagi tashkilotlar va idoraviy mansub tashkilotlari faoliyati natijalarini oʻrganishni tashkil qiladi;

Vazirlik tizimidagi tashkilotlar va idoraviy mansub tashkilotlari ish rejalarini tahlil qiladi, ularning faoliyatini takomillashtirish boʻyicha choralar koʻradi;

Vazirlik tizimidagi tashkilotlar va idoraviy mansub tashkilotlaridan tushgan takliflarni koʻrib chiqadi;

Vazirlik tizimidagi tashkilotlar va idoraviy mansub tashkilotlarining normativ-huquqiy hujjatlar loyihalarini tayyorlashda ishtirok etishini tashkil qiladi, qonunchilik hujjatlarini takomillashtirish boʻyicha ulardan tushgan takliflarni koʻrib chiqadi.

37. Vazirlikning tizim va idoraviy mansub tashkilotlari Vazirlik markaziy apparati tarkibiy boʻlinmalari bilan hamkorlik qiladi, shu jumladan:

Vazirlik rahbariyatining topshiriqlari ijrosi toʻgʻrisida axborot beradi;

belgilangan faoliyat sohasida qonunchilikni amalga oshirish boʻyicha faoliyat natijalari toʻgʻrisida axborot taqdim etadi;

ularning faoliyatini tekshirish va oʻrganish natijasida aniqlangan kamchiliklarni bartaraf etish natijalari toʻgʻrisida xabar beradi;

belgilangan tartibda va muddatlarda oʻzining ish natijalari toʻgʻrisidagi hisobotlarni taqdim etadi;

hududlarni ijtimoiy-iqtisodiy rivojlantirish muammolarini, shu jumladan, aholining eng muhim muammolarini hal qilishga qaratilgan takliflarni yuboradi;

kompleks ijtimoiy-iqtisodiy rivojlantirish boʻyicha sektorlar bilan hamkorlik natijalari toʻgʻrisida xabar beradi;

oʻz faoliyatini vakolatli organlar tomonidan tekshirish natijalari toʻgʻrisida xabardor qiladi.

38. Vazirlikning markaziy apparati tarkibiy boʻlinmalari hamda uning idoraviy mansub tashkilotlari hamkorligi jarayonida yuzaga keladigan kelishmovchiliklar Vazirning topshirigʻiga binoan uning tegishli oʻrinbosari tomonidan koʻrib chiqiladi. Agar ushbu koʻrib chiqishdan keyin kelishmovchiliklar tartibga solinmasa, ular boʻyicha qaror bevosita Vazir tomonidan qabul qilinadi.

3-§. Vazirlikning respublika va mahalliy ijro etuvchi hokimiyat organlari bilan hamkorligi

39. Vazirlik oʻz vazifalari va funksiyalarini amalga oshirishda respublika va mahalliy ijro etuvchi hokimiyat organlari hamda boshqa tashkilotlar bilan hamkorlik qiladi.

40. Vazirlik tizimidagi tashkilotlar oʻz vakolati doirasida respublika ijro etuvchi hokimiyat organlari va ularning hududiy organlari, mahalliy ijro etuvchi hokimiyat organlari hamda boshqa tashkilotlar bilan hamkorlik qiladi.

Vazirlik tizimidagi tashkilotlar tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqish va amalga oshirishda kompleks ijtimoiy-iqtisodiy rivojlantirish boʻyicha sektorlar bilan yaqin hamkorlik qiladi.

4-§. Vazirlikning hayʼati, tarmoq ilmiy-texnik kengashi va jamoatchilik-maslahat kengashi

41. Vazirlikda Vazir (hayʼat raisi), uning oʻrinbosarlari (lavozimi boʻyicha), shuningdek, asosiy faoliyat yoʻnalishlariga mutasaddilik qiluvchi tarkibiy boʻlinmalar rahbarlari tarkibida hayʼat tashkil etiladi.

Hayʼat aʼzolarining soni va shaxsiy tarkibi vazirning taqdimnomasi boʻyicha Vazirlar Mahkamasi tomonidan tasdiqlanadi.

42. Hayʼatga quyidagi vazifalar yuklanadi:

Vazirlikning ushbu Nizom bilan belgilangan faoliyatining asosiy yoʻnalishlarini tayyorlash va amalga oshirish;

Vazirlik tizimi xodimlari va rahbarlarining Oʻzbekiston Respublikasi Prezidenti hujjatlari va Hukumat qarorlarida belgilangan oʻzlariga yuklangan vazifalarni oʻz vaqtida va sifatli amalga oshirishni taʼminlash uchun shaxsiy masʼuliyatini oshirish boʻyicha choralarni koʻrgan holda, tizimli asosda tarkibiy hamda hududiy boʻlinmalar va idoraviy mansub tashkilotlar rahbarlari hisobotlarini eshitishni tashkil etish;

Vazirlik faoliyati sohasida maqsadli, hududiy va tarmoq dasturlarini amalga oshirishning natijadorligini har chorakda va tizimli koʻrib chiqish;

joylarda Vazirlik faoliyat sohasining dolzarb masalalarini muhokama qilishni taʼminlagan holda hayʼatning kengaytirilgan majlislarini oʻtkazishni tashkil etish, shuningdek, yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

Oʻzbekiston Respublikasi Prezidenti hamda Vazirlar Mahkamasi qarorlari va topshiriqlari bilan belgilangan vazifalarni oʻz vaqtida va sifatli amalga oshirishni taʼminlash uchun ijro intizomini mustahkamlash hamda Vazirlikning rahbarlari va xodimlarining shaxsiy javobgarligini oshirish;

Vazirlik nomenklaturasiga kiruvchi lavozimlar roʻyxatini koʻrib chiqish va tasdiqlash;

Vazirlik nomenklaturasiga kiruvchi lavozimlarga xodimlarni tanlash va joy-joyiga qoʻyish masalalarini koʻrib chiqish.

Hayʼat Vazirlik vakolatiga taalluqli boshqa masalalarni ham koʻrib chiqish huquqiga ega.

43. Hayʼat majlislariga Vazirlik vakolatiga kiradigan masalalar boʻyicha davlat organlari va tashkilotlari, boshqa tashkilotlar rahbarlari taklif etilishi mumkin.

44. Hayʼat uning majlisida tarkibining yarmidan koʻpi qatnashgan taqdirda, vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

45. Hayʼat qarorlari Vazir tomonidan tasdiqlanadi.

46. Vazir va hayʼat aʼzolari oʻrtasida kelishmovchiliklar kelib chiqqan taqdirda, Vazir yuzaga kelgan kelishmovchiliklar toʻgʻrisida Vazirlar Mahkamasiga axborot bergan holda mustaqil ravishda qaror qabul qiladi, hayʼat aʼzolari ham Vazirlar Mahkamasiga oʻz fikrlarini bildirishlari mumkin.

47. Hayʼat faoliyati tartibi uning hayʼati tasdiqlaydigan reglamentda belgilanadi.

48. Vazirlik tarkibida vazirning birinchi oʻrinbosari (kengash raisi), vazir oʻrinbosarlari, sohaning yuqori malakali mutaxassislari, ilmiy-tadqiqot institutlari, oliy taʼlim muassasalari, mustaqil kompaniyalar va boshqa suv xoʻjaligi tashkilotlari xodimlari boʻlgan suv xoʻjaligi masalalari boʻyicha Tarmoq ilmiy-texnik kengashi tuziladi.

Tarmoq ilmiy-texnik kengashi aʼzolari soni, shaxsiy tarkibi va nizomi Vazirning buyrugʻi bilan tasdiqlanadi.

49. Vazirlik tarkibida vazir oʻrinbosari, Vazirlik faoliyatining alohida yoʻnalishlarini muvofiqlashtiruvchi tarkibiy boʻlinmalar rahbarlari va mutaxassislari hamda tadbirkorlik subyektlari vakillari boʻlgan jamoatchilik maslahat kengashi tashkil qilinadi.

Jamoatchilik maslahat kengashining nizomi, aʼzolarining roʻyxati va soni Vazirning tegishli buyrugʻi bilan tasdiqlanadi.

8-bob. Vazirlik faoliyati samaradorligi va natijadorligini baholash mezonlari va ish indikatorlari

50. Vazirlik faoliyatining samaradorligi muntazam baholanadi.

51. Vazirlik faoliyati samaradorligi va natijadorligiga berilgan baho Oʻzbekiston Respublikasi Prezidenti Administratsiyasining tegishli tarkibiy boʻlinmalari yoki Vazirlar Mahkamasi tomonidan tasdiqlanadigan Vazirlik faoliyati samaradorligi va natijadorligini baholash mezonlari va ish indikatorlariga asoslanadi.

52. Vazirlik faoliyati samaradorligi va natijadorligini baholash yakunlari boʻyicha:

Vazirlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

9-bob. Vazirlikni moliyalashtirish va moddiy-texnik taʼminlash, xodimlar mehnatiga haq toʻlash va moddiy ragʻbatlantirish

53. Vazirlik va uning tizimidagi tashkilotlarni moliyalashtirish va moddiy-texnik taʼminlash Davlat budjeti, budjetdan tashqari mablagʻlar, homiylik xayriyalari va qonunchilik hujjatlarida taqiqlanmagan boshqa mablagʻlar hisobiga amalga oshiriladi.

54. Vazirlik va uning tizimidagi tashkilotlar xodimlariga toʻlanadigan ish haqi qonunchilikda nazarda tutilgan lavozim maoshi, mukofotlar, qoʻshimcha haq, ustamalar va qonunchilik hujjatlarida nazarda tutilgan boshqa toʻlovlardan iborat boʻladi.

55. Vazirlik markaziy apparati xodimlarining mehnatiga budjetdan tashqari mablagʻlar boʻyicha haq toʻlashda lavozim maoshlariga qonunchilik hujjatlarida belgilangan ustama haqlar, mukofot, moddiy yordam puli hamda boshqa barcha qoʻshimcha toʻlovlar Oʻzbekiston Respublikasi Suv xoʻjaligi vazirligi va uning tizimidagi tashkilotlar xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizom asosida amalga oshiriladi.

10-bob. Vazirlikning Oʻzbekiston Respublikasi Prezidenti, Prezident Administratsiyasi va Vazirlar Mahkamasiga hisobot berish tartibi

56. Vazir va uning oʻrinbosarlari Oʻzbekiston Respublikasi Prezidenti va Vazirlar Mahkamasi oldida Vazirlik faoliyati toʻgʻrisida muntazam ravishda hisobot beradi.

11-bob. Yakunlovchi qoida

57. Vazirlik qonunchilik hujjatlarida belgilangan tartibda qayta tashkil etiladi va tugatiladi.

Vazirlar Mahkamasining 2024-yil 7-oktabrdagi 645-son qaroriga 2-ILOVA

Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlarini ekspluatatsiya qilish agentligi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlarini ekspluatatsiya qilish agentligining (keyingi oʻrinlarda — Agentlik) maqomi, asosiy vazifalari, funksiyalari, huquqlari va javobgarligi, faoliyatini tashkil etish, rahbarlarining funksional vazifalarini belgilaydi.

2. Agentlik tasdiqlangan suv olish limitlari asosida suv yetkazib berilishini hamda suvdan samarali foydalanish, nasos stansiyalari ish rejimini tartibga solish, “Suv yetkazib berish xizmati” davlat muassasalari faoliyatini muvofiqlashtirish, melioratsiya tarmoqlaridan foydalanish hamda yerlarning meliorativ holatini yaxshilash sohasida respublika ijro etuvchi hokimiyati organi hisoblanadi hamda va oʻz faoliyatida Oʻzbekiston Respublikasi Suv xoʻjaligi vazirligiga (keyingi oʻrinlarda — Vazirlik) hisobot beradi.

3. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonunchilik hujjatlariga, shu jumladan, Vazirlik buyruqlari va uning hayʼati qarorlariga amal qiladi.

4. Agentlik oʻz faoliyatini respublika ijro etuvchi hokimiyat organlari, xoʻjalik birlashmalari, mahalliy davlat hokimiyati organlari va boshqa tashkilotlar bilan oʻzaro hamkorlikda amalga oshiradi.

5. Agentlik va uning tizimidagi tashkilotlar davlat muassasasi shaklidagi yuridik shaxs hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhr va blankalarga, mustaqil balansga, Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy hisobvaraqlariga, shu jumladan, chet el valyutasidagi Yagona gʻazna hisobvaragʻiga ega boʻladi.

6. Agentlikning rasmiy nomi:

a) davlat tilida:

toʻliq nomi — Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlarini ekspluatatsiya qilish agentligi;

qisqartirilgan nomi — Ekspluatatsiya agentligi;

b) rus tilida:

toʻliq nomi — Agentstvo po ekspluatatsii obyektov vodnogo xozyaystva pri Ministerstve vodnogo xozyaystva Respubliki Uzbekistan;

qisqartirilgan nomi — Agentstvo po ekspluatatsii;

v) ingliz tilida:

toʻliq nomi — Agency for the Operation of Water Management Facilities under the Ministry of Water Resources of the Republic of Uzbekistan;

qisqartirilgan nomi — Water Facilities Operation Agency.

7. Agentlikning joylashgan manzili (pochta manzili): 100187, Toshkent shahri, Mirzo Ulugʻbek tumani, Qorasuv 4-dahasi, 11-uy.

8. Agentlik oʻz tizimidagi tashkilotlar faoliyatini tashkil etadi, nazorat qiladi va ularga umumiy rahbarlik qiladi.

2-bob. Agentlik tuzilmasi

9. Agentlik tizimiga quyidagilar kiradi:

markaziy apparat;

Qoraqalpogʻiston Respublikasi Suv xoʻjaligi vazirligi;

irrigatsiya tizimlari havza boshqarmalari;

Qarshi magistral kanalidan foydalanish boshqarmasi;

Amu-Buxoro mashina kanalidan foydalanish boshqarmasi;

Jizzax bosh nasos stansiyasi boshqarmasi;

irrigatsiya tizimi boshqarmalari;

magistral kanallar (tizimlar) boshqarmalari;

nasos stansiyalari va energetika boshqarmalari;

meliorativ ekspeditsiyalar;

suv omborlaridan foydalanish boshqarmalari;

Qirgʻoq himoyalovchi dambalar va oʻzan rostlovchi inshootlar boshqarmasi;

Amudaryo Chapqirgʻoq himoya dambalar boshqarmasi;

Tuyamoʻyin gidrouzelidan foydalanish boshqarmasi;

“Termiz suv yoʻllari texnik uchastkasi” davlat muassasasi;

“Xoʻjayli suv yoʻllari texnik uchastkasi” davlat muassasasi;

“Cholish suv yoʻllari texnika boʻlimi” davlat muassasasi;

“Suv yetkazib berish xizmati” davlat muassasasi.

3-bob. Agentlik va uning tizim tashkilotlarining vazifalari va funksiyalari

1-§. Agentlikning vazifalari va funksiyalari

10. Quyidagilar Agentlikning asosiy vazifalari hisoblanadi:

tasdiqlangan suv olish limitlari, grafiklari va taqsimoti asosida suv yetkazib berilishini hamda suv resurslaridan samarali foydalanishni taʼminlash;

nasos stansiyalari ish rejimini tartibga solish hamda elektr energiyasi isteʼmolini kamaytirish choralarini koʻrish;

“Suv yetkazib berish xizmati” davlat muassasalari xizmat koʻrsatadigan hududda suv resurslarini boshqarish va hisobga olishda uslubiy va amaliy yordam koʻrsatish;

suv omborlari, sel-suv omborlari va boshqa suv xoʻjaligi obyektlari xavfsizligini hamda ishonchli ishlashini taʼminlash;

irrigatsiya tizimi kanallari va kollektor-drenaj tarmoqlari hamda ulardagi inshootlarni joriy taʼmirlash-tiklash, shuningdek, sugʻoriladigan yerlarning meliorativ holati barqarorligini taʼminlash ishlarini tashkil qilish.

11. Agentlik oʻziga yuklangan vazifalarga muvofiq quyidagi funksiyalarni amalga oshiradi:

a) tasdiqlangan suv olish limitlari, grafiklari va taqsimoti asosida suv yetkazib berilishini hamda suv resurslaridan samarali foydalanishni taʼminlash sohasida:

suv xoʻjaligini rivojlantirish konsepsiyasi va uni amalga oshirish strategiyasida belgilangan vazifalar ijrosini taʼminlaydi;

quyi boʻgʻinda suvdan foydalanish va suv isteʼmolida suv resurslarining hisobi va hisobotini hamda monitoringini yuritadi;

limit asosida suvdan foydalanuvchilar va suv isteʼmolchilari, shuningdek, qishloq xoʻjaligi mahsulotlarini yetishtiruvchilarining suv resurslaridan foydalanishini tahlil qiladi;

suvdan foydalanuvchilar va suv isteʼmolchilari oʻrtasida oʻzaro iqtisodiy munosabatlarni takomillashtirish boʻyicha chora-tadbirlar kompleksini ishlab chiqish va amalga oshirishda ishtirok etadi;

qishloq xoʻjaligi ekinlarini yetishtirishda suvni tejaydigan sugʻorish texnologiyalarini joriy qilish boʻyicha hududiy manzilli roʻyxatlarni shakllantirishda ishtirok etadi hamda tasdiqlangan manzilli roʻyxatlarni umumlashtiradi;

suvni tejaydigan sugʻorish texnologiyalarini joriy qilish boʻyicha hududiy dasturlar ijrosini tashkil qiladi va monitoring yuritadi;

suvni tejaydigan texnologiyalar joriy qilishni yanada kengaytirish boʻyicha takliflar ishlab chiqadi hamda Vazirga taqdim qiladi;

suvni tejaydigan texnologiyalar joriy qilingan maydonlarning hisobini yuritadi;

suvni tejaydigan sugʻorish texnologiyalari joriy qilinishi monitoringini yuritish, ularni joriy qilishni kengaytirish va davlat tomonidan ragʻbatlantirish boʻyicha takliflar tayyorlaydi;

suvni tejaydigan sugʻorish texnologiyalarining butlovchi qismlarini ishlab chiqaruvchi tashkilotlar faoliyatini oʻrganib boradi hamda ularni qoʻllab-quvvatlash boʻyicha takliflar tayyorlaydi;

suv tejovchi sugʻorish texnologiyalarni joriy qiluvchi pudrat tashkilotlarining faoliyatini baholab boradi hamda reyting tizimini yuritadi;

b) nasos stansiyalari ish rejimini tartibga solish hamda elektr energiyasi isteʼmolini kamaytirish choralarini koʻrish sohasida:

nasos stansiyalarini boshqarish, tasdiqlangan limitlar asosida nasos stansiyalarida suvning hisobi va elektr energiyasi isteʼmolining monitoringini yuritadi;

suvdan foydalanish va elektr energiyasi isteʼmoli boʻyicha maʼlumotlarni tizimli tahlil qilib boradi hamda ushbu resurslardan ajratilgan limitlar doirasida foydalanishni nazorat qilish va ulardan samarali foydalanish choralarini koʻradi;

nasos stansiyalarini elektr energiyasini tejaydigan va samarali ishlaydigan zamonaviy nasoslar, elektr dvigatellari va boshqa uskunalar bilan jihozlashni taʼminlash, nasos stansiyalari ish rejimini tartibga solish hamda elektr energiyasi isteʼmolini kamaytirish choralarini koʻradi;

tizimdagi tashkilotlar uchun ajratilgan elektr energiyasi limitlariga oʻzgartirish kiritish yuzasidan Vazirlik va tegishli idoralarga takliflar kiritadi;

v) “Suv yetkazib berish xizmati” davlat muassasalari xizmat koʻrsatadigan hududda suv resurslarini boshqarish va hisobga olishda uslubiy va amaliy yordam koʻrsatish sohasida:

“Suv yetkazib berish xizmati” davlat muassasalari faoliyatini muvofiqlashtiradi;

belgilangan suv olish limitlari asosida isteʼmolchilarga suv yetkazib berilishini tashkil etadi;

suvning hisobi va hisoboti yuritilishini nazorat qiladi;

sugʻorish tarmoqlari va ulardagi gidrotexnika inshootlarini soz holatda saqlash, taʼmirlash-tiklash tadbirlarining amalga oshirilishini tashkil etadi;

suv olish joylarini suvni boshqarish va hisobga olish vositalari bilan jihozlash, suv resurslari monitoringi, hisobi va hisoboti yuritilishi raqamlashtirilishini nazorat qiladi;

olingan suv hajmi toʻgʻrisidagi maʼlumotlarning isteʼmolchilar kesimida soliq organlariga taqdim etilishini taʼminlaydi;

g) suv omborlari, sel-suv omborlari va boshqa suv xoʻjaligi obyektlari xavfsizligini hamda ishonchli ishlashini taʼminlash sohasida:

tizim tashkilotlari rahbarlari va xodimlarining suv omborlari, sel-suv omborlari va boshqa suv xoʻjaligi obyektlari xavfsizligini hamda ishonchli ishlashini taʼminlash boʻyicha belgilangan talablar va qoidalarga qatʼiy rioya etilishi yuzasidan javobgarligini oshiradi;

suv omborlari, sel-suv omborlari va xavf darajasi yuqori boʻlgan boshqa suv xoʻjaligi obyektlarining texnik holati yuzasidan loyiha tashkilotlari va manfaatdor tashkilotlar ishtirokida tizimli monitoring yuritadi hamda natijasini tahlil qilib boradi;

suv xoʻjaligi obyektlarida avariya-zaxira materiallarining oʻz vaqtida yaratilishini va ulardan maqsadli foydalanishni tashkil qiladi;

d) irrigatsiya tizimi kanallari va kollektor-drenaj tarmoqlari hamda ulardagi inshootlarni joriy taʼmirlash-tiklash, shuningdek, sugʻoriladigan yerlarning meliorativ holati barqarorligini taʼminlash ishlarini tashkil qilish sohasida:

irrigatsiya tizimi kanallari va kollektor-drenaj tarmoqlarining texnik holati hamda ulardan maqsadli foydalanish boʻyicha tizimli monitoring yuritadi;

irrigatsiya va kollektor-drenaj tarmoqlari hamda ulardagi inshootlarni taʼmirlash-tiklash ishlarini, shuningdek, sugʻoriladigan yerlarning meliorativ holati barqarorligini taʼminlash ishlarini tashkil qiladi.

12. Agentlik qonunchilik hujjatlariga muvofiq boshqa funksiyalarni ham amalga oshirishi mumkin.

13. Agentlik oʻziga yuklangan vazifalar va funksiyalarni bevosita hamda tizim tashkilotlari orqali amalga oshiradi.

2-§. Agentlik markaziy apparatining vazifalari va funksiyalari

14. Quyidagilar Agentlik markaziy apparatining asosiy vazifalari hisoblanadi:

Agentlik tizim tashkilotlari bilan birgalikda yuklangan vazifa va funksiyalarning samarali bajarilishini taʼminlash;

suv xoʻjaligini rivojlantirish konsepsiyasi hamda suv resurslarini boshqarish va irrigatsiya sektorini rivojlantirish strategiyalari ijrosini taʼminlash;

Agentlik va uning tizimidagi tashkilotlari faoliyati bilan bogʻliq prognoz koʻrsatkichlarga erishilishini taʼminlash;

respublika va mahalliy ijro etuvchi hokimiyat organlari hamda boshqa tashkilotlar bilan Agentlik faoliyati sohasiga kiradigan masalalar boʻyicha oʻzaro hamkorlik qilish;

Oʻzbekiston Respublikasi Prezidentining, Oʻzbekiston Respublikasi Prezidenti Administratsiyasi rahbarining, Oʻzbekiston Respublikasining Bosh vaziri, uning oʻrinbosarlari va maslahatchisi hamda suv xoʻjaligi vazirining (keyingi oʻrinlarda — Vazir) buyruqlari, Vazirlik hayʼati qarorlari va topshiriqlarini oʻz vaqtida hamda sifatli bajarish;

Agentlik xodimlarini tizimli ravishda qayta tayyorlash va ularning malakasini oshirishni tashkil qilish;

jismoniy va yuridik shaxslarning murojaatlarini koʻrib chiqish boʻyicha samarali faoliyatni taʼminlash, aholi bilan bevosita va ochiq muloqotlar oʻrnatilishini taʼminlash.

Agentlik markaziy apparati qonunchilik hujjatlariga muvofiq boshqa vazifalarni ham amalga oshirishi mumkin.

15. Quyidagilar Agentlik markaziy apparatining asosiy funksiyalari hisoblanadi:

Agentlik va uning rahbariyati faoliyatini tashkiliy va axborot-tahlil jihatidan taʼminlash;

Agentlik va uning tizimidagi tashkilotlar tomonidan Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda respublika ijro hokimiyati va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni talablariga qatʼiy rioya etish;

Agentlik faoliyati doirasida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi muntazam nazorat qilinishini taʼminlash;

Agentlik vakolatiga kiruvchi tezkor, tashkiliy, moliyaviy, ishlab chiqarish, xoʻjalik hamda boshqa masalalar boʻyicha buyruqlar qabul qilish;

jismoniy va yuridik shaxslarning murojaatlari bilan ishlashni tashkil etish.

Agentlik markaziy apparati qonunchilik hujjatlariga muvofiq boshqa funksiyalarni ham amalga oshirishi mumkin.

3-§. Qoraqalpogʻiston Respublikasi Suv xoʻjaligi vazirligi hamda irrigatsiya tizimlari havza boshqarmalarining vazifalari va funksiyalari

16. Quyidagilar Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalarining asosiy vazifalari hisoblanadi:

Agentlikka yuklangan vazifalar va funksiyalarning samarali bajarilishini taʼminlashda ishtirok etish;

hududlarni kompleks ijtimoiy-iqtisodiy rivojlantirish masalasida xoʻjalik birlashmalari va mahalliy ijro etuvchi hokimiyat organlari bilan hamkorlik qilish;

suvni tejaydigan zamonaviy texnologiyalarni, ilgʻor mahalliy va xorijiy tajribalarni joriy qilinishini taʼminlash;

suv resurslarini boshqarishning tamoyillari va tizimini takomillashtirish, suvdan tejamli va oqilona foydalanishni taʼminlash, irrigatsiyani rivojlantirish va sugʻoriladigan yerlarning meliorativ holatini yaxshilash choralarini koʻrish;

kadrlar bilan ishlashni takomillashtirish, ularning malakasini oshirish ishlarining samarali tashkil etilishini taʼminlash;

suv resurslari va suv xoʻjaligi obyektlarini raqamli texnologiyalar asosida boshqarishni tashkil etish.

17. Qoraqalpogʻiston Respublikasi Suv xoʻjaligi vazirligi hamda irrigatsiya tizimlari havza boshqarmalari oʻziga yuklangan asosiy vazifalarga muvofiq quyidagi funksiyalarni amalga oshiradi:

suv xoʻjaligi sohasini rivojlantirish boʻyicha tarmoq va mintaqaviy dasturlar samarali amalga oshirilishini taʼminlaydi;

Vazirlik buyruqlari, Vazirlik hayʼati qarorlari, Agentlik buyruq va topshiriqlarining oʻz vaqtida va sifatli bajarilishini taʼminlaydi;

yer usti suv resurslarini havza tamoyili asosida boshqaradi;

irrigatsiyani rivojlantirish va sugʻoriladigan yerlarning meliorativ holatini yaxshilash boʻyicha tarmoq va hududiy dasturlarni ishlab chiqish hamda amalga oshirishda ishtirok etadi;

irrigatsiya va melioratsiya tizimlari, nasos stansiyalari, suv omborlari va boshqa davlat suv xoʻjaligi obyektlaridan samarali hamda ishonchli foydalanishni tashkil qiladi;

sugʻoriladigan yerlarning meliorativ holati, sugʻorish va kollektor-drenaj suvlarining sifatini monitoring qiladi;

suvdan foydalanish va suv isteʼmoli boʻyicha shartnomalarni tuzish, ularning sugʻorish tarmoqlarini suvni boshqarish va hisobga olish vositalari bilan jihozlash ishlariga koʻmaklashadi va ularni monitoring qiladi;

suv xoʻjaligi obyektlarida suvning hisobi va hisobotini yuritishga raqamli texnologiyalarni joriy qilishni belgilangan tartibda tashkil qiladi;

nasos stansiyalari va energetika boshqarmalari, meliorativ ekspeditsiyalar, magistral kanallar boshqarmalari, irrigatsiya tizimi boshqarmalari va “Suv yetkazib berish xizmati” davlat muassasalari faoliyatini nazorat qiladi.

18. Qoraqalpogʻiston Respublikasi Suv xoʻjaligi vazirligi hamda irrigatsiya tizimlari havza boshqarmalari qonunchilik hujjatlariga muvofiq boshqa funksiyalarni ham amalga oshirishi mumkin.

4-§. Nasos stansiyalari va energetika boshqarmalarining asosiy vazifalari va funksiyalari

19. Quyidagilar nasos stansiyalari va energetika boshqarmalarining asosiy vazifalari hisoblanadi:

nasos stansiyalari va energetika boshqarmalariga tegishli davlat nasos stansiyalari, sugʻorish va meliorativ quduqlar, podstansiyalar, transformatorlar, elektr uzatish va aloqa tarmoqlari, avtotransport vositalarini texnik soz holatda saqlash, ularning ishonchli ishlashini taʼminlash;

nasos stansiyalari va sugʻorish quduqlari hamda melioratsiya nasos stansiyalari va quduqlarning samarali ishlashini taʼminlash;

elektr energiyasi va boshqa resurslarni tejaydigan zamonaviy texnologiyalarni joriy qilish, sarflangan elektr energiyasi va yetkazib berilgan suvlarning hisobi va hisobotini yuritish;

ajratilgan mablagʻlardan, moddiy-texnika resurslaridan, texnika jihozlaridan maqsadli va samarali foydalanishni taʼminlash;

oʻz vakolati doirasida moliyaviy hujjatlar, oylik, choraklik va yillik elektr energiyasi hisobotlari, texnik hisobotlar va boshqa zarur boʻlgan hujjatlarning oʻz vaqtida va sifatli tayyorlanishini taʼminlash.

20. Nasos stansiyalari va energetika boshqarmalari oʻziga yuklangan asosiy vazifalarga muvofiq quyidagi funksiyalarni amalga oshiradi:

Agentlikka yuklangan vazifalar va funksiyalarning samarali bajarilishini taʼminlash hamda dasturlarni shakllantirishda ustuvor loyihalar boʻyicha asoslangan takliflar ishlab chiqadi;

nasos stansiyalari va energetika boshqarmalariga tegishli nasos stansiyalari, sugʻorish va melioratsiya quduqlarini, suv uzatish tarmoqlarini, podstansiyalarni, transformatorlarni, elektr uzatish tarmoqlarini, aloqa va avtotransport vositalarini oʻz vaqtida texnik koʻrikdan oʻtkazadi;

kapital va joriy taʼmirlash ishlarini belgilangan tartibda amalga oshiradi;

nasos stansiyalari, sugʻorish va melioratsiya quduqlarining ajratilgan suv olish va elektr energiyasi limitlari hamda yoqilgʻi-moylash materiallari doirasida tegishli shartnomalar asosida samarali ishlashini taʼminlaydi;

suv va ishlatilgan elektr energiyasi hisobi va hisobotini yuritishda raqamli texnologiyalarni belgilangan tartibda joriy qiladi;

ajratilgan elektr energiyasi, yoqilgʻi-moylash materiallaridan maqsadli va samarali foydalanish boʻyicha aniq chora-tadbirlarni amalga oshiradi;

budjet mablagʻlari hamda xoʻjalik faoliyatidan tushgan mablagʻlardan belgilangan maqsadlarda samarali foydalanishni taʼminlaydi va tegishli statistika va buxgalteriya hisobotini yuritadi;

nasos stansiyalari, sugʻorish va melioratsiya quduqlarini kapital va joriy taʼmirlash hamda rekonstruksiya qilish boʻyicha chora-tadbirlarni ishlab chiqishda ishtirok etadi;

nasos stansiyalari, sugʻorish va melioratsiya quduqlarining belgilangan tartibda tasdiqlangan jadvallar asosida samarali ishlashini taʼminlaydi;

suv xoʻjaligi tashkilotlari, suv isteʼmolchilari va boshqa shaxslarga shartnoma asosida suv xoʻjaligi hamda qonunchilik hujjatlarida taqiqlanmagan boshqa yoʻnalishlar boʻyicha xizmatlar koʻrsatadi;

21. Nasos stansiyalari va energetika boshqarmalari qonunchilik hujjatlariga muvofiq boshqa funksiyalarni ham amalga oshirishi mumkin.

5-§. Melioratsiya ekspeditsiyalarining asosiy vazifalari va funksiyalari

22. Quyidagilar melioratsiya ekspeditsiyalarining asosiy vazifalari hisoblanadi:

sugʻoriladigan yerlarning meliorativ holati monitoringini yuritish;

kollektor-drenaj tarmoqlarini texnik soz holatda saqlash va ularning ishonchli ishlashini taʼminlash;

yerlarning meliorativ holatini monitoring qilishda zamonaviy axborot-kommunikatsiya texnologiyalarini joriy qilish;

qishloq xoʻjaligi mahsulotlarini yetishtiruvchilar va boshqa suv isteʼmolchilariga yerlarning meliorativ holatini yaxshilash boʻyicha ilmiy asoslangan tavsiyalar berish.

23. Melioratsiya ekspeditsiyalari oʻziga yuklangan asosiy vazifalarga muvofiq quyidagi funksiyalarni amalga oshiradi:

Agentlikka yuklangan vazifalar va funksiyalarning samarali bajarilishini taʼminlash hamda dasturlarni shakllantirishda ustuvor loyihalar boʻyicha asoslangan takliflar ishlab chiqadi;

sugʻoriladigan yerlarning shoʻrlanish darajasi va yer osti suvlarining holati va sifati boʻyicha tizimli monitoring olib borish, maʼlumotlarni davriy ravishda tahlil qiladi;

kollektorlarda suvning sifati boʻyicha monitoring yuritadi;

sugʻoriladigan yerlarning meliorativ kadastrini hamda suv va tuz balanslarini ishlab chiqadi;

qishloq xoʻjaligi mahsulotlarini yetishtiruvchilarga yerlarning meliorativ holatini yaxshilash boʻyicha ilmiy asoslangan tavsiyalar beradi hamda ularning ijrosini nazorat qiladi;

magistral, tumanlararo va xoʻjaliklararo kollektorlar hamda kollektor-drenaj tarmoqlari, ulardagi gidrotexnika inshootlarining texnik holati boʻyicha monitoring yuritadi, ularni taʼmirlash-tiklash hamda rekonstruksiya qilish boʻyicha tavsiyalar ishlab chiqadi;

melioratsiya nasos stansiyalari hamda vertikal drenaj quduqlarining ish rejimini belgilaydi va ijrosi boʻyicha monitoring yuritadi;

kollektor-drenaj tarmoqlari sohilboʻyi mintaqasini muhofaza qilish choralarini koʻradi;

fermer xoʻjaliklari, klasterlar va boshqa suv isteʼmolchilariga ularning kollektor-drenaj tarmoqlaridan maqsadli va samarali foydalanish boʻyicha tavsiyalar berib boradi.

Melioratsiya ekspeditsiyalari qonunchilik hujjatlariga muvofiq boshqa funksiyalarni ham amalga oshirishi mumkin.

6-§. Magistral kanallar (tizimlar) boshqarmalarining asosiy vazifalari va funksiyalari

24. Quyidagilar magistral kanallar (tizimlar) boshqarmalarining asosiy vazifalari hisoblanadi:

magistral kanallar (tizimlar) va ulardagi gidrotexnika inshootlarini texnik soz holatda saqlash, ulardan foydalanish qoidalariga qatʼiy amal qilish hamda xavfsiz va ishonchli ishlashini taʼminlash;

magistral kanallar (tizimlar) va ulardagi gidrotexnika inshootlarini boshqarishni zamonaviy raqamli texnologiyalar asosida avtomatlashtirish;

suvning hisobi va hisobotini yuritishda raqamli texnologiyalarni joriy qilish hamda suvning hisobi boʻyicha shaffof tizimni yaratish;

magistral kanallar (tizimlar) va ulardagi gidrotexnika inshootlarini kompleks modernizatsiyalash, fan-texnika yutuqlari, suvni tejaydigan zamonaviy texnologiyalar, ilgʻor mahalliy va xorijiy tajribani joriy qilish;

suv resurslarini boshqarish tamoyillari va tizimini takomillashtirish, suvdan tejamli va oqilona foydalanishni taʼminlash, magistral kanal va ulardagi gidrotexnika inshootlarini modernizatsiya qilish choralarini koʻrish.

25. Magistral kanallar (tizimlar) boshqarmalar oʻziga yuklangan asosiy vazifalarga muvofiq quyidagi funksiyalarni amalga oshiradi:

Agentlikka yuklangan vazifalar va funksiyalarning samarali bajarilishini taʼminlash hamda dasturlarni shakllantirishda ustuvor loyihalar boʻyicha asoslangan takliflar ishlab chiqadi;

magistral kanallar (tizimlar) va ulardagi gidrotexnika inshootlarining texnik holatini tizimli ravishda oʻrganib boradi va ularni soz holatda saqlaydi;

magistral kanallar (tizimlar) va ulardagi gidrotexnika inshootlarining ulardan foydalanish qoidalariga qatʼiy amal qilgan holda, xavfsiz va ishonchli ishlashini taʼminlaydi;

gidropostlarni texnik soz holatda saqlaydi, ularni takomillashtirib boradi hamda suvning hisobi va hisoboti hamda monitoringini yuritadi;

magistral kanallar (tizimlar)ga oʻrnatilgan nasos stansiyalarini ishlatish rejimlarini belgilangan tartibda kelishadi hamda ijrosini taʼminlaydi;

magistral kanallar (tizimlar), ulardagi gidrotexnika inshootlarini va suv resurslarini oqilona boshqarish uchun yuridik shaxs maqomiga ega boʻlmagan boʻlinmalarni (alohida gidrouchastkalar, ishlab chiqarish bazalari va boshqalar) tashkil etadi;

ajratilgan budjet mablagʻlari va moddiy-texnika resurslaridan oqilona foydalanishni taʼminlaydi.

Magistral kanallar (tizimlar) boshqarmalari qonunchilik hujjatlariga muvofiq boshqa funksiyalarni ham amalga oshirishi mumkin.

7-§. Irrigatsiya tizimi boshqarmalarining asosiy vazifalari va funksiyalari

26. Quyidagilar irrigatsiya tizimi boshqarmalarining asosiy vazifalari hisoblanadi:

irrigatsiya tizimi kanallari va ulardagi gidrotexnika inshootlarini texnik soz holatda saqlash, ulardan foydalanish qoidalariga qatʼiy amal qilish hamda xavfsiz va ularning ishonchli ishlashini taʼminlash;

yirik irrigatsiya tizimi kanallari va ulardagi gidrotexnika inshootlarini boshqarishni zamonaviy axborot-kommunikatsiya texnologiyalari asosida avtomatlashtirish;

suvning hisobi va hisobotini yuritishda raqamli texnologiyalarni joriy qilish, suvning hisobi boʻyicha shaffof tizimni yaratish;

irrigatsiya tizimi kanallari va ulardagi gidrotexnika inshootlarini kompleks modernizatsiyalash, fan-texnika yutuqlari, suvni tejaydigan zamonaviy texnologiyalar, ilgʻor mahalliy va xorijiy tajribalarni joriy qilish;

suv resurslarini boshqarish tamoyillari va tizimini takomillashtirish, suvdan tejamli va oqilona foydalanishni taʼminlash, irrigatsiya tizimi kanallari va ulardagi gidrotexnika inshootlarini modernizatsiyalash choralarini koʻrish.

27. Irrigatsiya tizimi boshqarmalari oʻziga yuklangan asosiy vazifalarga muvofiq quyidagi funksiyalarni amalga oshiradi:

irrigatsiya tizimi kanallari va ulardagi gidrotexnika inshootlarining texnik holatini tizimli ravishda oʻrganib boradi va ularni soz holatda saqlaydi;

irrigatsiya tizimi kanallari va ulardagi gidrotexnika inshootlarining ulardan foydalanish qoidalariga qatʼiy amal qilgan holda xavfsiz va ishonchli ishlashini taʼminlaydi;

irrigatsiya tizimi kanallari va ulardagi gidrotexnika inshootlarini boshqarishni zamonaviy axborot-kommunikatsiya texnologiyalari asosida avtomatlashtirish boʻyicha takliflar berish hamda belgilangan tartibda ijrosini tashkil qiladi;

gidropostlarni texnik soz holatda saqlaydi, ularni takomillashtirib boradi hamda suvning hisobi va hisoboti hamda monitoringini yuritadi;

suvdan foydalanish boʻyicha tegishli shartnomalarni belgilangan tartibda rasmiylashtiradi, suv resurslarini tasdiqlangan suvdan foydalanish rejalari boʻyicha “Suv yetkazib berish xizmati” davlat muassasalari va boshqa suvdan foydalanuvchilarga yetkazib beradi;

irrigatsiya tizimi kanallariga oʻrnatilgan nasos stansiyalarini ishlatish rejimlarini belgilangan tartibda kelishadi hamda ularning ijrosini taʼminlaydi;

irrigatsiya tizimi kanallari va ulardagi gidrotexnika inshootlarini va suv resurslarini oqilona boshqarish uchun yuridik shaxs maqomiga ega boʻlmagan boʻlinmalarni (alohida gidrouchastkalar, ishlab chiqarish bazalari va boshqalar) tashkil etadi;

ajratilgan budjet mablagʻlari va moddiy-texnika resurslaridan oqilona foydalanishni taʼminlaydi;

Irrigatsiya tizimi boshqarmalari qonunchilik hujjatlariga muvofiq boshqa funksiyalarni ham amalga oshirishi mumkin.

4-bob. Agentlik va uning tarkibidagi tashkilotlarning huquqlari va javobgarligi

1-§. Agentlikning huquqlari va javobgarligi

28. Agentlik oʻziga yuklangan vazifalar va funksiyalarni bajarish uchun quyidagi huquqlarga ega:

respublika va mahalliy ijro etuvchi hokimiyat organlari hamda boshqa tashkilotlardan Agentlik vakolatiga kiradigan masalalarni hal etish uchun zarur boʻladigan maʼlumotlarni belgilangan tartibda soʻrab olish;

Agentlik va uning tizimidagi tashkilotlarga tegishli davlat mulkini oʻzining tashkiliy tuzilmasidagi bir boʻlinmadan boshqa bir boʻlinmaga tekin foydalanish huquqi bilan belgilangan tartibda oʻtkazish;

Agentlik va uning tizimidagi tashkilotlarga xodimlari tomonidan suv xoʻjaligi sohasidagi faoliyati asosiy koʻrsatkichlarining bajarilishini hisobga olgan holda, xodimlarni belgilangan tartibda moddiy ragʻbatlantirish;

Agentlik doirasiga kiradigan masalalar boʻyicha belgilangan tartibda shartnomalar tuzish;

limitdan ortiqcha suv olinganda, suv resurslaridan samarasiz foydalanilgan hollarda suv berishning vaqtincha toʻxtatilishi toʻgʻrisida qarorlar qabul qilish;

suv qonunchiligi, suvdan foydalanish va suv isteʼmoli tartiblari buzilgan hollarda mansabdor shaxslar va fuqarolarga nisbatan qonunchilik hujjatlari doirasida chora koʻrish yuzasidan taklif kiritish;

suv resurslaridan oqilona va samarali foydalanganlik uchun suvdan foydalanuvchilar va suv isteʼmolchilarini moddiy ragʻbatlantirishni tashkil etish;

Agentlik va uning tizimiga kiradigan tashkilotlarning moddiy-texnika bazasini mustahkamlash boʻyicha choralar koʻrish;

Vazirlik mukofotlari, koʻkrak nishonlari va faxriy yorliqlari bilan taqdirlashga suv xoʻjaligi sohasidagi ilgʻor xodimlar toʻgʻrisida taklif kiritish.

Agentlik qonunchilik hujjatlariga asosan boshqa huquqlarga ham ega boʻlishi mumkin.

29. Agentlik:

unga yuklangan vazifalar va funksiyalarni samarali bajarish, shuningdek, tasdiqlangan suv olish limitlari asosida suv yetkazib berilishini hamda suvdan samarali foydalanish, nasos stansiyalari ish rejimini tartibga solish, “Suv yetkazib berish xizmati” davlat muassasalari faoliyatini muvofiqlashtirish, melioratsiya tarmoqlaridan foydalanish hamda yerlarning meliorativ holatini yaxshilash ishlarini samarali amalga oshirish;

Vazirlikka Agentlik tomonidan kiritiladigan normativ-huquqiy hujjatlar va boshqa hujjatlar loyihalari, shuningdek, Agentlik tomonidan qabul qilinadigan qarorlarning sifati va pirovard natijalari uchun javobgardir.

2-§. Agentlik markaziy apparatining huquqlari va javobgarligi

30. Agentlik markaziy apparati oʻziga yuklangan vazifalar va funksiyalarni bajarish uchun quyidagi huquqlarga ega:

Agentlik tizimidagi tashkilotlar rahbarlari va vakillari ishtirokida yigʻilishlar oʻtkazish;

Agentlikka yuklangan vazifalar va funksiyalarni bajarish bilan bogʻliq va tezkor hal etish talab etiladigan masalalar boʻyicha tizimdagi tashkilotlar rahbarlariga belgilangan tartibda topshiriqlar berish.

Agentlik markaziy apparati qonunchilik hujjatlariga asosan boshqa huquqlarga ham ega boʻlishi mumkin.

31. Agentlik markaziy apparati:

Agentlik tizimidagi tashkilotlar bilan birgalikda Agentlikka yuklangan vazifalar va funksiyalarning sifatli va oʻz vaqtida bajarilishini taʼminlash;

Agentlik faoliyati bilan bogʻliq prognoz koʻrsatkichlarga erishishni taʼminlash uchun Agentlik markaziy apparati boʻlinmalarining faoliyatini tashkil etish;

tizimdagi tashkilotlar tomonidan oʻzining faoliyati sohasini rivojlantirish boʻyicha davlat dasturlari, ish va chora-tadbirlar rejalari, “yoʻl xaritalari” va boshqa dasturiy hujjatlarning amalga oshirilishini tashkil etish uchun masʼuldir.

3-§. Qoraqalpogʻiston Respublikasi Suv xoʻjaligi vazirligi hamda irrigatsiya tizimlari havza boshqarmalarining huquqlari va javobgarligi

32. Qoraqalpogʻiston Respublikasi Suv xoʻjaligi vazirligi hamda irrigatsiya tizimlari havza boshqarmalari oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga kiruvchi masalalarni hal etish uchun zarur boʻladigan maʼlumotlarni tizimdagi tashkilotlar, xoʻjalik birlashmalari va mahalliy ijro etuvchi hokimiyat organlaridan belgilangan tartibda soʻrab olish;

oʻz vakolatlari doirasiga kiradigan sohadagi muhim muammolarning yechimlari boʻyicha takliflar tayyorlash va ularni koʻrib chiqish uchun belgilangan tartibda ishchi guruhlar tashkil qilish;

oʻz vakolatlari doirasidagi masalalar boʻyicha Agentlikka, xoʻjalik birlashmalari va mahalliy ijro etuvchi hokimiyat organlariga koʻrib chiqish uchun takliflar kiritish;

suv qonunchiligini buzganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga ariza kiritish.

Qoraqalpogʻiston Respublikasi Suv xoʻjaligi vazirligi hamda irrigatsiya tizimlari havza boshqarmalari qonunchilik hujjatlarida koʻzda tutilgan boshqa huquqlarga ham ega boʻlishi mumkin.

33. Qoraqalpogʻiston Respublikasi Suv xoʻjaligi vazirligi hamda irrigatsiya tizimlari havza boshqarmalari:

tizimdagi tashkilotlarga yuklangan vazifalar va funksiyalarning oʻz vaqtida va sifatli bajarilishini taʼminlash;

tizimdagi tashkilotlarning faoliyati bilan bogʻliq boʻlgan prognoz koʻrsatkichlarga erishilishini taʼminlash;

tumanlarda (shaharlarda) aniqlangan suv xoʻjaligi sohasidagi muammolarni har tomonlama va chuqur tahlil qilish va umumlashtirish asosida takliflar tayyorlash;

irrigatsiyani rivojlantirish va sugʻoriladigan yerlarning meliorativ holatini yaxshilash hamda muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun javobgardir.

4-§. Nasos stansiyalari va energetika boshqarmalarining huquqlari va javobgarligi

34. Nasos stansiyalari va energetika boshqarmalari oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolati doirasiga kiradigan sohadagi muhim muammolarning yechimlari boʻyicha takliflar tayyorlash va ularni koʻrib chiqish uchun belgilangan tartibda ishchi guruhlar tashkil qilish;

oʻz vakolatlari doirasidagi masalalar boʻyicha tegishli tashkilotlarga koʻrib chiqish uchun takliflar kiritish;

oʻz faoliyati uchun kundalik zarur boʻlgan materiallar, asbob-uskunalar va jihozlarni belgilangan tartibda qonunchilik hujjatlari talablariga asosan xarid qilish;

suv qonunchiligini buzganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga murojaat qilish.

Nasos stansiyalari va energetika boshqarmalari qonunchilik hujjatlarida koʻzda tutilgan boshqa huquqlarga ham ega boʻlishi mumkin.

35. Nasos stansiyalari va energetika boshqarmalari:

tizimdagi tashkilotlar bilan birgalikda ularga yuklangan vazifalar va funksiyalarning oʻz vaqtida va sifatli bajarilishini taʼminlash;

Agentlik tizimdagi tashkilotlar faoliyati bilan bogʻliq boʻlgan prognoz koʻrsatkichlarga erishilishini taʼminlash;

tizimdagi tashkilotlar va mahalliy ijro etuvchi hokimiyat organlariga kiritiladigan taklif va hujjatlarning sifatli tayyorlash;

suv xoʻjaligini rivojlantirish va muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun javobgardir.

5-§. Melioratsiya ekspeditsiyalarining huquqlari va javobgarligi

36. Melioratsiya ekspeditsiyalari oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga kiruvchi masalalarni hal etish uchun zarur boʻladigan maʼlumotlarni tizim tashkilotlari, xoʻjalik birlashmalari va mahalliy ijro etuvchi hokimiyat organlaridan belgilangan tartibda soʻrab olish;

yerlarning meliorativ holatini yaxshilash, kollektor-drenaj tarmoqlaridan foydalanish qoidalarini buzganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga murojaat qilish.

Melioratsiya ekspeditsiyalari qonunchilik hujjatlariga muvofiq boshqa huquqlarga ham ega boʻlishi mumkin.

37. Melioratsiya ekspeditsiyalari:

tizimdagi tashkilotlar bilan birgalikda yuklangan vazifalar va funksiyalarning oʻz vaqtida va sifatli bajarilishini taʼminlash;

melioratsiya ekspeditsiyalari faoliyati bilan bogʻliq boʻlgan prognoz koʻrsatkichlarga erishilishini taʼminlash;

aniqlangan muammolarni har tomonlama va chuqur tahlil qilish va umumlashtirish asosida sugʻoriladigan yerlarning meliorativ holatini yaxshilash;

sugʻoriladigan yerlarning meliorativ holatini yaxshilash va muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun javobgardir.

6-§. Magistral kanallar (tizimlar) boshqarmalarining huquqlari va javobgarligi

38. Magistral kanallar (tizimlar) boshqarmalari oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga kiruvchi masalalarni hal etish uchun zarur boʻlgan materiallarni tizim tashkilotlari, xoʻjalik birlashmalari hamda mahalliy ijro etuvchi hokimiyat organlaridan belgilangan tartibda soʻrab olish;

irrigatsiya tizim kanallari, sugʻorish va kollektor-drenaj tarmoqlarini tozalash va taʼmirlash ishlarini shartnomalar boʻyicha bajarish;

magistral kanallar va ulardagi gidrotexnika inshootlarini ishlatish qoidalari hamda suvdan foydalanish va suv isteʼmoli tartibi buzilganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga ariza kiritish;

favqulodda holatlarda magistral kanal boshqarmasining xizmat koʻrsatish hududida joylashgan barcha irrigatsiya tizimlari boshqarmalari, suvdan foydalanuvchilar hamda boshqa tashkilotlarni kutilayotgan salbiy holatlarning oldini olish va roʻy bergan hodisalarni bartaraf etish uchun belgilangan tartibda jalb qilish.

Magistral kanallar (tizimlar) boshqarmalari qonunchilik hujjatlarida nazarda tutilgan boshqa huquqlarga ham ega boʻlishi mumkin.

39. Magistral kanallar (tizimlar) boshqarmalari:

tizimdagi tashkilotlari bilan birgalikda ularga yuklangan vazifa va funksiyalarning oʻz vaqtida va sifatli bajarilishini taʼminlash;

tizimdagi tashkilotlarning faoliyati bilan bogʻliq boʻlgan prognoz koʻrsatkichlarga erishilishini taʼminlash;

aniqlangan muammolarni har tomonlama va chuqur tahlil qilish va umumlashtirish;

irrigatsiyani rivojlantirish va muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun javobgardir.

7-§. Irrigatsiya tizimi boshqarmalarining huquqlari va javobgarligi

40. Irrigatsiya tizimi boshqarmalari oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga kiradigan masalalarni hal etish uchun zarur boʻladigan maʼlumotlarni xoʻjalik birlashmalari va mahalliy ijro etuvchi hokimiyat organlaridan belgilangan tartibda soʻrab olish;

irrigatsiya tizimi kanallari va ulardagi gidrotexnika inshootlari hamda suvdan foydalanish qoidalarini buzganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga murojaat qilish;

favqulodda holatlarda irrigatsiya tizimi boshqarmasining xizmat koʻrsatish hududida joylashgan barcha irrigatsiya tizimlari boshqarmalari, suvdan foydalanuvchilar hamda boshqa tashkilotlarni kutilayotgan salbiy holatlarning oldini olish va roʻy bergan hodisalarni bartaraf etish uchun belgilangan tartibda jalb qilish.

Irrigatsiya tizimi boshqarmalari qonunchilik hujjatlariga muvofiq boshqa huquqlarga ham ega boʻlishi mumkin.

41. Irrigatsiya tizimi boshqarmalari:

tizim tashkilotlari bilan birgalikda ularga yuklangan vazifalar va funksiyalarning oʻz vaqtida va sifatli bajarilishini taʼminlash;

tizimdagi tashkilotlarning faoliyati bilan bogʻliq boʻlgan prognoz koʻrsatkichlarga erishilishini taʼminlash;

Agentlik va mahalliy ijro etuvchi hokimiyati organlari tomonidan qabul qilinayotgan qarorlarning bajarilishi sifati, yakuniy natijalari va oqibatlari;

aniqlangan muammolarni har tomonlama va chuqur tahlil qilish va umumlashtirish;

5-bob. Agentlik faoliyatini tashkil etish

1-§. Agentlik rahbariyati

42. Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan Agentlik direktori rahbarlik qiladi.

Agentlik direktori bir vaqtning oʻzida vazir oʻrinbosari hisoblanadi hamda uning tibbiy va transport xizmati koʻrsatish shartlari belgilangan tartibda amalga oshiriladi.

43. Agentlik direktori Oʻzbekiston Respublikasi Bosh vaziri tomonidan lavozimga tayinlanadigan va lavozimdan ozod etiladigan ikki nafar oʻrinbosarga, shu jumladan, bir nafar birinchi oʻrinbosarga ega boʻladi.

Agentlik direktori boʻlmagan davrda, direktor vazifasini uning birinchi oʻrinbosari bajaradi.

Agentlik direktori va direktorning birinchi oʻrinbosari boʻlmagan davrda, direktor vazifasini Agentlik direktori oʻrinbosari bajaradi.

44. Agentlik tashkiliy tuzilmasini tasdiqlash, boshqaruv xodimlarining belgilangan cheklangan soni va mehnatga haq toʻlash fondi doirasida Agentlik shtat birliklari hamda xarajatlar smetasini tasdiqlash, zaruratga koʻra shtat birliklarining umumiy cheklangan sonidan chiqmagan holda oʻzgartirish Vazir tomonidan kiritiladi.

45. Agentlik direktori:

Agentlik faoliyatiga umumiy rahbarlik qiladi;

oʻrinbosarlar oʻrtasida aniq vazifalar va funksiyalarni taqsimlaydi, xodimlar oʻrtasida vakolatlarni belgilaydi va majburiyatlarni taqsimlaydi, Agentlik tizimidagi tashkilotlarning mansabdor shaxslari vakolatlarini belgilaydi;

Agentlik markaziy apparati xodimlarini lavozimga tayinlaydi va lavozimidan ozod qiladi;

Agentlik tizimdagi tashkilotlarning komplayens-nazorat boʻyicha mutaxassislarini lavozimga tayinlaydi va lavozimdan ozod qiladi;

Vazirlikka Agentlik va uning tizimidagi tashkilotlar xodimlarini davlat mukofotlari va idoraviy mukofotlar bilan taqdirlashga doir takliflar kiritadi;

malakali xorijiy mutaxassislar va ekspertlarni shartnomaviy huquqiy asosda Vazir bilan kelishilgan holda jalb qiladi;

tizimidagi tashkilotlar faoliyatini muvofiqlashtirish, shu jumladan moddiy-texnik bazani tashkil etish va rivojlantirishda amaliy yordam beradi;

Agentlik va uning tizimidagi tashkilotlar xodimlari uchun majburiy boʻlgan buyruqlar chiqaradi va koʻrsatmalar beradi hamda ularning bajarilishining nazoratini tashkil etadi;

Agentlikni malakali, amaliy tajribaga ega kadrlar bilan toʻldirish, shuningdek, ularni saralab olish, tayyorlash, qayta tayyorlash va uzluksiz malakasini oshirish sohasida kadrlar siyosatini yuritadi;

Agentlikda davlat fuqarolik xizmatining muayyan lavozimini egallash uchun talabgor boʻlayotgan nomzodlarga nisbatan ish tajribasiga va kasbiy kompetensiyasiga doir talablarni ishlab chiqadi va tasdiqlaydi.

Agentlik direktori qonunchilik hujjatlariga muvofiq boshqa vakolatlarni ham amalga oshiradi.

46. Agentlik direktori Vazirlik hayʼati tarkibiga kiritiladi.

47. Agentlik direktori tomonidan quyidagilar lavozimlarga tayinlanadi va lavozimdan ozod qilinadi:

Qoraqalpogʻiston Respublikasi Vazirlar Kengashi Raisi va tegishli viloyatlar hokimlari tavsiyalariga koʻra Vazirlik bilan kelishgan holda — Qoraqalpogʻiston Respublikasi suv xoʻjaligi vazirining oʻrinbosarlari, irrigatsiya tizimlari havza boshqarmalari boshliqlari oʻrinbosarlari, magistral kanallar (tizimlar) boshqarmalari boshliqlari, irrigatsiya tizimi boshqarmalari boshliqlari, nasos stansiyalari va energetika boshqarmalari boshliqlari, melioratsiya ekspeditsiyalari boshliqlari, suv omborlaridan foydalanish boshqarmalari boshliqlari;

Qoraqalpogʻiston Respublikasi suv xoʻjaligi vaziri hamda irrigatsiya tizimlari havza boshqarmalari boshliqlarining tavsiyalariga asosan Vazirlik bilan kelishgan holda “Suv yetkazib berish xizmati” davlat muassasalari direktorlari.

48. Agentlik tizimidagi tashkilotlar toʻgʻrisidagi nizomlar belgilangan tartibda Agentlik tomonidan tasdiqlanadi.

2-§. Agentlik markaziy apparati tarkibiy boʻlinmalarining tizimdagi tashkilotlari bilan oʻzaro hamkorlik qilish tartibi

49. Agentlik markaziy apparati tarkibiy boʻlinmalari tizimdagi tashkilotlar bilan Agentlik faoliyatining quyidagi yoʻnalishlari boʻyicha hamkorlik qiladi:

tizimdagi tashkilotlarga topshiriqlarni yetkazadi va ularning bajarilishini nazorat qiladi;

tarkibiy boʻlinmalarning faoliyatiga bevosita taalluqli masalalar boʻyicha Agentlik tizim tashkilotlariga rasmiy soʻrovnomalar joʻnatadi va ularning bajarilishini nazorat qiladi;

tizimdagi tashkilotlarning ish rejalarini tahlil qiladi, ularning faoliyatini rejalashtirishni takomillashtirish choralarini koʻradi;

tizimdagi tashkilotlar faoliyatini tashkil qilish samaradorligi va natijalari toʻgʻrisidagi statistik va boshqa maʼlumotlarni, hisobot va axborot materiallarini oʻrganishni tashkil etadi;

tizimdagi tashkilotlar amaliy faoliyatini tekshiradi, oʻrganib chiqadi va umumlashtiradi, uni takomillashtirishga qaratilgan chora-tadbirlarni ishlab chiqadi va amalga oshiradi;

tizimdagi tashkilotlardan tushgan takliflarni koʻrib chiqadi;

50. Agentlik tizimidagi tashkilotlar Agentlik markaziy apparatiga:

rahbariyat topshiriqlarining bajarilishi toʻgʻrisida axborot beradi;

suv xoʻjaligi sohasidagi qonunchilik hujjatlarini bajarish boʻyicha ish faoliyati natijalari toʻgʻrisida maʼlumot taqdim etadi;

tizimdagi tashkilotlar faoliyatini oʻrganish davomida aniqlangan ish faoliyatidagi kamchiliklar va qoida buzilishlarini bartaraf etish natijalari toʻgʻrisida axborot beradi;

oʻzining faoliyati natijalari toʻgʻrisida belgilangan tartibda va muddatlarda Agentlik markaziy apparatiga hisobot beradi;

hududlarni ijtimoiy-iqtisodiy rivojlantirish muammolarini, shu jumladan, aholining dolzarb muammolarini hal qilishga qaratilgan takliflarni taqdim etadi;

kompleks ijtimoiy-iqtisodiy rivojlantirish sektorlari bilan oʻzaro hamkorlik qilish natijalari toʻgʻrisida axborot beradi;

vakolatli organlar tomonidan oʻzining faoliyatini tekshirish natijalari toʻgʻrisida axborot beradi.

51. Agentlik markaziy apparati tarkibiy boʻlinmalari va tizimdagi tashkilotlarning oʻzaro munosabatlari jarayonida yuzaga kelgan kelishmovchiliklar Agentlik direktori topshirigʻiga koʻra uning tegishli oʻrinbosarlari tomonidan koʻrib chiqiladi. Agar kelishmovchiliklar koʻrib chiqilgandan soʻng ham bartaraf etilmagan boʻlsa, ular boʻyicha qaror bevosita Agentlik direktori tomonidan qabul qilinadi.

3-§. Agentlikning respublika va mahalliy ijro etuvchi hokimiyat organlari hamda boshqa tashkilotlar bilan oʻzaro hamkorlik qilish tartibi

52. Agentlik oʻzining vazifalari va funksiyalarini bajarishda respublika va mahalliy ijro etuvchi hokimiyat organlari va boshqa tashkilotlar bilan oʻzaro hamkorlik qiladi.

53. Agentlik tizimidagi tashkilotlar oʻzlarining vakolatlari doirasida xoʻjalik birlashmalari va mahalliy ijro etuvchi hokimiyat organlari bilan oʻzaro hamkorlik qiladi.

Agentlik tizimidagi tashkilotlar tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqish va amalga oshirishda kompleks ijtimoiy-iqtisodiy rivojlantirish sektorlari bilan oʻzaro uzviy hamkorlik qiladi.

6-bob. Agentlik direktori va uning oʻrinbosarlarining asosiy vazifalari

54. Quyidagilar Agentlik direktorining asosiy vazifalari hisoblanadi:

Oʻzbekiston Respublikasi Prezidenti, Vazirlar Mahkamasi va Vazirlik buyruqlari va topshiriqlari ijrosi taʼminlanishi hamda monitoringi yuritilishining amaliy tizimini tashkil etish;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, qonunchilik hujjatlarini takomillashtirish choralarini ishlab chiqish, amaliyotda sohada yuzaga kelishi mumkin boʻlgan salbiy oqibatlar bilan kurashish, ularni tahlil qilish hamda bartaraf qilish;

Agentlik faoliyatini rejalashtirish va uning bajarilishini nazorat qilish;

Agentlikning yillik va yarim yillik ish rejalarini tasdiqlash uchun Vazirga kiritish;

Agentlik faoliyatida ijro intizomini mustahkamlash boʻyicha kompleks amaliy chora-tadbirlarni amalga oshirish, qonunchilik hujjatlari talablariga muvofiq topshiriqlar oʻz vaqtida va sifatli bajarilishi uchun markaziy apparatning mansabdor shaxslari va tizimdagi tashkilotlar rahbarlarining shaxsiy javobgarligini oshirish choralarini koʻrish;

tizimidagi tashkilotlar faoliyatining samaradorligi va natijadorligini muntazam tanqidiy tahlil qilish, ularning hisobotlarini Agentlik majlislarida eshitish, yakunlari boʻyicha zarur hollarda ularni belgilangan tartibda intizomiy javobgarlikka tortish choralarini koʻrish;

Agentlik xodimlarini ragʻbatlantirish va intizomiy javobgarlikka tortish masalalarini belgilangan tartibda hal qilish, ularning egallab turgan lavozimlariga muvofiqligi masalasini koʻrib chiqish;

normativ-huquqiy hujjatlar loyihalarini keyinchalik qonunchilik hujjatlarida belgilangan tartibda Vazirlar Mahkamasiga kiritish uchun sifatli ishlab chiqishni tashkil etish va Vazirlikka kiritish;

odob-axloq qoidalarini ishlab chiqish va tasdiqlash, shuningdek, ularga rioya qilinishini taʼminlash;

Agentlik tarkibiy boʻlinmalari nizomlari, lavozim yoʻriqnomalarini va tizimdagi tashkilotlar toʻgʻrisidagi nizomlarni hamda Agentlikning boshqa ichki hujjatlarini belgilangan tartibda tasdiqlash;

Agentlikka tegishli boʻlgan mulkka egalik qilish, undan foydalanish va uni tasarruf etish.

Agentlik direktori qonunchilik hujjatlarida nazarda tutilgan boshqa funksional vazifalarni ham amalga oshiradi.

55. Quyidagilar Agentlik direktori oʻrinbosarlarining asosiy vazifalari hisoblanadi:

Agentlikning oʻzi mutasaddilik qiladigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ularning xodimlari oʻrtasida vazifalarni taqsimlash;

Agentlik faoliyatining oʻzi mutasaddilik qiladigan yoʻnalishlari boʻyicha Oʻzbekiston Respublikasi Prezidentining hujjatlari, Vazirlar Mahkamasi qarorlari va Vazirlikning buyruqlari bilan tasdiqlangan tizim tashkilotlarining faoliyatini yanada takomillashtirish boʻyicha konsepsiyalar, kompleks dasturlar va tadbirlarning bajarilishini tanqidiy va chuqur tahlil qilish;

oʻzi mutasaddilik qiladigan tarkibiy boʻlinmalar tomonidan reja koʻrsatkichlarining soʻzsiz bajarilishini taʼminlash choralarini koʻrish, boʻlinmalar rahbarlarining hisobotlarini muntazam ravishda eshitish va ushbu koʻrsatkichlarga erishish uchun ularning shaxsiy masʼuliyatini oshirish;

oʻzi mutasaddilik qiladigan tarkibiy boʻlinmalarning ish rejalarini tasdiqlash, ularning bajarilishi yuzasidan nazoratni taʼminlash;

oʻzi mutasaddilik qiladigan tarkibiy boʻlinmalar faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, tarkibiy boʻlinmalar rahbarlarining shaxsiy masʼuliyatini oshirish chora-tadbirlarini koʻrish;

Vazirlikning Agentlik faoliyatiga taalluqli buyruqlari, Agentlik buyruqlari va topshiriqlarining oʻz vaqtida va sifatli bajarilishini taʼminlash;

oʻzi mutasaddilik qiladigan tarkibiy boʻlinmalarda xodimlarni tanlash va joy-joyiga qoʻyish boʻyicha Agentlik direktoriga takliflar kiritish;

oʻzi mutasaddilik qiladigan tarkibiy boʻlinmalar rahbarlari faoliyati samaradorligi va natijadorligini muntazam ravishda tanqidiy tahlil qilish;

oʻzi mutasaddilik qiladigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha Agentlik direktoriga takliflar kiritish.

Agentlik direktori oʻrinbosarlari qonunchilik hujjatlarida nazarda tutilgan boshqa funksional vazifalarni ham amalga oshiradi.

7-bob. Agentlik direktori va oʻrinbosarlarining javobgarligi

56. Agentlik direktori:

Agentlikka yuklangan vazifalar va funksiyalarning bajarilishi;

ushbu Nizomning 29-bandida nazarda tutilgan holatlar boʻyicha;

ushbu Nizomning 54-bandida koʻrsatilgan oʻz vazifalarining sifatli bajarilishi uchun shaxsan javob beradi.

57. Agentlik direktori oʻrinbosarlari:

Agentlikning oʻzi nazorat qiladigan tarkibiy tuzilmalarida Agentlikka yuklangan vazifalar va funksiyalarning bajarilishi;

ushbu Nizomning 29-bandida nazarda tutilgan Agentlikning mutasaddilik qilinadigan masalalarga doir javobgarlik sohalari boʻyicha;

ushbu Nizomning 55-bandida koʻrsatilgan oʻz vazifalarining sifatli bajarilishi uchun shaxsan javob beradi.

8-bob. Agentlik faoliyatining samaradorligi va natijadorligini baholash mezonlari va ishchi indikatorlari

58. Agentlik direktori Agentlik faoliyati va unga yuklangan vazifalar samarali bajarilishi boʻyicha doimiy monitoring yuritadi hamda Agentlik faoliyati samaradorligi va natijadorligini muntazam ravishda baholab boradi.

59. Agentlik faoliyatining samaradorligi va natijadorligini baholash Vazir tomonidan tasdiqlanadigan Agentlik faoliyati samaradorligi va natijadorligini baholash mezonlari va indikatorlariga asoslanadi.

60. Agentlik faoliyatining samaradorligi va natijadorligini baholash yakunlari boʻyicha quyidagi choralar koʻriladi:

Agentlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Agentlik faoliyatida aniqlangan kamchiliklarni bartaraf qilish va uning faoliyatini yanada takomillashtirish.

61. Agentlik faoliyatining samaradorligi va natijadorligini baholash tartibi qonunchilik hujjatlari bilan belgilanadi.

9-bob. Agentlikni moliyalashtirish va moddiy-texnik taʼminlash, xodimlar mehnatiga haq toʻlash va moddiy ragʻbatlantirish

62. Agentlik va uning tizimidagi tashkilotlarni moliyalashtirish va moddiy-texnik taʼminlash Oʻzbekiston Respublikasi Davlat budjeti, budjetdan tashqari mablagʻlar, homiylik xayriyalari va qonunchilik hujjatlarida taqiqlanmagan boshqa mablagʻlar hisobiga amalga oshiriladi.

63. Agentlik va uning tizimidagi tashkilotlar xodimlariga toʻlanadigan ish haqi qonunchilikda nazarda tutilgan lavozim maoshi, mukofotlar, qoʻshimcha haq, ustamalar va qonunchilik hujjatlarida nazarda tutilgan boshqa toʻlovlardan iborat boʻladi.

64. Agentlik xodimlarining budjetdan tashqari mablagʻlar boʻyicha mehnatiga haq toʻlashda lavozim maoshlariga qonunchilik hujjatlarida belgilangan ustama haqlar, mukofot, moddiy yordam puli hamda boshqa barcha qoʻshimcha toʻlovlar Oʻzbekiston Respublikasi Suv xoʻjaligi vazirligi va uning tizimidagi tashkilotlar xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizom asosida Agentlik tashkil etilgan kundan boshlab amalga oshiriladi.

10-bob. Agentlikning Vazirlik oldidagi hisoboti

65. Agentlik rahbariyati tasdiqlangan Agentlik faoliyatining samaradorligi va natijadorligini baholash mezonlari hamda ishchi indikatorlari ijrosi yuzasidan Vazir huzurida shaxsan hisobot beradi.

66. Vazirlik Agentlikka yuklangan vazifalarning samarali bajarilishini taʼminlash maqsadida Agentlik rahbariyati faoliyatining doimiy monitoringini olib boradi va natijadorligiga xolisona baho beradi.

67. Agentlik faoliyatining monitoringi va baholash natijalariga koʻra Agentlikning alohida namuna koʻrsatgan mansabdor shaxslari va xodimlariga nisbatan ularni ragʻbatlantirish yoki ularni jiddiy kamchiliklarga yoʻl qoʻyganligi uchun javobgarlikka tortish, egallab turgan lavozimidan boʻshatish kabi choralar koʻriladi.

11-bob. Yakunlovchi qoidalar

68. Agentlik qonunchilik hujjatlarida belgilangan tartibda qayta tashkil etiladi va tugatiladi.

69. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2024-yil 7-oktabrdagi 645-son qaroriga 3-ILOVA

Oʻzbekiston Respublikasi Suv xoʻjaligi vazirligining Suv xoʻjaligi loyihalarini amalga oshirish departamenti toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligining Suv xoʻjaligi loyihalarini amalga oshirish departamentining (keyingi oʻrinlarda — Departament) maqomi, asosiy vazifalari, funksiyalari, huquqlari va javobgarligi, faoliyatini tashkil etish, rahbarlarining funksional vazifalari va masʼuliyatini belgilaydi.

Departament Oʻzbekiston Respublikasi Davlat budjet mablagʻlari va qonunchilik hujjatlari bilan taqiqlanmagan boshqa manbalar hisobidan amalga oshiriladigan irrigatsiya-melioratsiya loyihalari uchun buyurtmachi funksiyalarini bajaruvchi hududiy “Suvqurilishinvest” davlat muassasalari faoliyatini muvofiqlashtiruvchi davlat muassasasi hisoblanadi.

2. Departament oʻz faoliyatida Oʻzbekiston Respublikasining Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Oʻzbekiston Respublikasi Suv xoʻjaligi vazirligining (keyingi oʻrinlarda — Vazirlik) buyruqlari va hayʼat qarorlari, ushbu Nizomga, shuningdek, boshqa qonunchilik hujjatlariga amal qiladi.

3. Departament davlat muassasasi shaklidagi yuridik shaxs hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhr va blankalarga, mustaqil balansga, Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy hisobvaraqlariga, shu jumladan, chet el valyutasidagi Yagona gʻazna hisobvaragʻiga ega boʻladi.

4. Departamentning rasmiy nomi:

a) davlat tilida:

toʻliq nomi — Oʻzbekiston Respublikasi Suv xoʻjaligi vazirligining Suv xoʻjaligi loyihalarini amalga oshirish departamenti;

qisqartirilgan nomi — Suv xoʻjaligi loyihalarini amalga oshirish departamenti;

b) rus tilida:

toʻliq nomi — Departament po realizatsii proyektov vodnogo xozyaystva Ministerstva vodnogo xozyaystva Respubliki Uzbekistan;

qisqartirilgan nomi — Departament po realizatsii proyektov vodnogo xozyaystva;

v) ingliz tilida:

toʻliq nomi — Department for the Implementation of Water Resources Projects of the Ministry of Water Resources of the Republic of Uzbekistan;

qisqartirilgan nomi — Department for the Implementation of Water Resources Projects.

5. Departamentning joylashgan joyi (pochta manzili): 100213, Toshkent shahri, Bektemir tumani, Rohat koʻchasi 13-uy.

6. Departament hududiy “Suvqurilishinvest” davlat muassasalari faoliyatini tashkil etadi, nazorat qiladi va ularga umumiy rahbarlik qiladi.

2-bob. Departament tuzilmasi

7. Departament tarkibiga quyidagilar kiradi:

markaziy apparat;

“Qoraqalpogʻistonsuvqurilishinvest” davlat muassasasi;

“Andijonsuvqurilishinvest” davlat muassasasi;

“Buxorosuvqurilishinvest” davlat muassasasi;

“Jizzaxsuvqurilishinvest” davlat muassasasi;

“Qashqadaryosuvqurilishinvest” davlat muassasasi;

“Navoiysuvqurilishinvest” davlat muassasasi;

“Namangansuvqurilishinvest” davlat muassasasi;

“Samarqandsuvqurilishinvest” davlat muassasasi;

“Surxondaryosuvqurilishinvest” davlat muassasasi;

“Sirdaryosuvqurilishinvest” davlat muassasasi;

“Toshkentsuvqurilishinvest” davlat muassasasi;

“Fargʻonasuvqurilishinvest” davlat muassasasi;

“Xorazmsuvqurilishinvest” davlat muassasasi;

“Pitnaksuvqurilishinvest” davlat muassasasi.

3-bob. Departamentning asosiy vazifalari va funksiyalari

8. Quyidagilar Departamentning asosiy vazifalari hisoblanadi:

suv xoʻjaligi obyektlarini qurish va rekonstruksiya qilishga qaratilgan ustuvor investitsiya loyihalarini oshkoralik asosida tanlash, ularning qisqa va uzoq muddatli dasturlarini ishlab chiqishda ishtirok etish;

suv xoʻjaligida kapital qurilish loyihalarining manzilli roʻyxatlarining belgilangan tartibda tasdiqlanishini tashkil qilish;

suv xoʻjaligi obyektlarini qurish, rekonstruksiya qilish va taʼmirlash-tiklash ishlari boʻyicha loyiha-smeta hujjatlari ishlab chiqilishi, ekspertizadan oʻtkazilishi va bosh pudrat tashkilotlari tanlov (tender) asosida aniqlanishi hamda tegishli shartnomalar rasmiylashtirilishini tashkil qilish;

kapital qurilish loyihalarini amalga oshirish yuzasidan tizimli monitoring yuritish, shuningdek, buyurtmachi va pudrat tashkilotlari tomonidan shaharsozlik normalari va qoidalari talablariga rioya etilishini taʼminlash, loyihalarni amalga oshirish jarayonida yuzaga kelgan muammolarni bartaraf etish.

9. Departament oʻziga yuklangan vazifalarga muvofiq quyidagi funksiyalarni bajaradi:

a) suv xoʻjaligi obyektlarini qurish va rekonstruksiya qilishga qaratilgan ustuvor investitsiya loyihalarini oshkoralik asosida tanlash, ularning qisqa va uzoq muddatli dasturlarini ishlab chiqishda ishtirok etish sohasida:

suv xoʻjaligi, qishloq xoʻjaligi, geologiya, yer tuzish va loyiha tashkilotlari mutaxassislari, shuningdek, manfaatdor fermer va klasterlar ishtirokida joyida har bir hududning suv taʼminoti, yerlarning meliorativ holati va boshqa oʻziga xos xususiyatlarini inobatga olgan hamda muammolarni tahlil qilgan holda, mahalliy ijro etuvchi hokimiyat organlari bilan birgalikda shakllantirilgan loyihalarni umumlashtiradi, loyihalarning taqdimotlarini tayyorlash va takliflar ishlab chiqishda ishtirok etadi;

suv xoʻjaligi obyektlarini qurish, rekonstruksiya qilish va taʼmirlash-tiklash boʻyicha shakllantirilgan ustuvor loyihalar roʻyxatining belgilangan tartibda tasdiqlanishini hamda manfaatdor vazirlik va idoralar bilan kelishilgan holda amalga oshirilishini tashkil qiladi;

mamlakatda yaqin istiqbolda suv resurslarini tejovchi texnologiyalar hamda tabiiy ofatlarning oldini olish, ularning oqibatlarini yumshatish va qishloq xoʻjaligini barqaror suv resurslari bilan taʼminlash maqsadida ustuvor loyiha yechimlarini ishlab chiqish va amalga oshirish uchun Vazirlikka tegishli takliflar kiritib boradi;

maqsadli davlat dasturlariga kiritilgan loyihalarning parametrlarini aniqlashtirish va kelgusida tasdiqlash uchun Vazirlik bilan birgalikda Hukumatga belgilangan tartibda taqdim etadi.

b) suv xoʻjaligida kapital qurilish loyihalarining manzilli roʻyxatlarini belgilangan tartibda tasdiqlanishini tashkil qilish sohasida:

buyurtmachilarning suv xoʻjaligida kapital qurilish loyihalarining manzilli roʻyxatlarini belgilangan tartibda koʻrib chiqadi;

manzilli roʻyxatlarni manfaatdor vazirlik va idoralar bilan kelishilgan holda tasdiqlaydi;

v) suv xoʻjaligi obyektlarini qurish, rekonstruksiya qilish va taʼmirlash-tiklash ishlari boʻyicha loyiha-smeta hujjatlari ishlab chiqilishi, ekspertizadan oʻtkazilishi va bosh pudrat tashkilotlari tanlov (tender) asosida aniqlanishini hamda tegishli shartnomalar rasmiylashtirilishini tashkil qilish sohasida:

suv xoʻjaligi obyektlarini qurish va rekonstruksiya qilish boʻyicha tegishli loyiha-smeta hujjatlarining ishlab chiqilishi yuzasidan bosh loyiha tashkilotlarini aniqlaydi, ular bilan shartnomalar oʻz vaqtida rasmiylashtirilishini nazorat qiladi;

loyiha-smeta hujjatlarining oʻz vaqtida ishlab chiqilishi va belgilangan tartibda ekspertizadan oʻtkazilishini tashkil qiladi hamda muammoli masalalarning yechimi boʻyicha buyurtmachi tashkilotlarga amaliy yordam koʻrsatadi;

suv xoʻjaligi obyektlarini qurish va rekonstruksiya qilish hamda taʼmirlash-tiklash ishlari boʻyicha bosh pudrat tashkilotlarini aniqlash yuzasidan tender (tanlov) savdolarining oʻz vaqtida oʻtkazilishi hamda tegishli shartnomalar rasmiylashtirilishini va moliyalashtirish ochilishini nazorat qiladi;

g) kapital qurilish loyihalarini amalga oshirish yuzasidan tizimli monitoring yuritish, shuningdek, buyurtmachi va pudrat tashkilotlari tomonidan shaharsozlik normalari va qoidalari talablariga rioya etilishini taʼminlash, loyihalarni amalga oshirish jarayonida yuzaga kelgan muammolarni bartaraf etish sohasida:

“Suvqurilishinvest” davlat muassasalari hisobotlari, shuningdek, takliflari va murojaatlarini tahlil qilib boradi;

suv xoʻjaligi sohasidagi kapital qurilish loyihalarini amalga oshirishda qurilish-montaj ishlarining sifatli bajarilishi uchun davlat arxitektura-qurilish hamda mualliflik nazoratini olib borish boʻyicha shartnomalar rasmiylashtirilishi va bajarilishi yuzasidan monitoring yuritadi;

davlat arxitektura-qurilish hamda mualliflik nazorati olib borilishida aniqlangan kamchiliklarning buyurtmachilar va bosh pudrat tashkilotlari tomonidan oʻz vaqtida bartaraf etilishi yuzasidan nazorat olib boradi;

loyihalar doirasida amalga oshirilgan ishlar va barcha koʻrsatkichlar boʻyicha hisobotlarni Vazirlikka va boshqa manfaatdor vazirlik va idoralarga belgilangan tartibda taqdim etib boradi;

qurilishi yakunlangan suv xoʻjaligi obyektlarining belgilangan tartibda foydalanishga topshirilishini tashkil qiladi;

buyurtmachi va pudrat tashkilotlarining normativ-huquqiy hujjatlar talablariga rioya etishi boʻyicha oʻquv kurslari va seminarlar tashkil qiladi.

4-bob. Departamentning huquqlari va javobgarligi

10. Departament oʻziga yuklangan vazifalar va funksiyalarni bajarish uchun quyidagi huquqlarga ega:

qonunchilik hujjatlarida belgilangan tartibda oʻz nomidan mulkiy huquqni olish, mol-mulkka egalik qilish majburiyatlarini olish va sudda daʼvogar boʻlish;

suv xoʻjaligi qurilishiga oid masalalar boʻyicha normativ-huquqiy hujjatlar loyihalarini ishlab chiqish va ishlab chiqishda qatnashish, shuningdek, ular haqida oʻz xulosalarini berish;

oʻz vakolatiga kiruvchi masalalarni hal etish uchun zarur boʻlgan materiallarni tizimdagi tashkilotlar, xoʻjalik birlashmalari hamda respublika va mahalliy ijro etuvchi hokimiyat organlaridan belgilangan tartibda soʻrab olish;

tegishli dasturlar va konsepsiyalar doirasida amalga oshiriladigan suv xoʻjaligi qurilishi loyihalarini moliyalashtirish maqsadida Vazirlik rejalarini ishlab chiqish boʻyicha oʻz takliflarini kiritish;

suv xoʻjaligi qurilishi sohasidagi davlat organlari va boshqa tashkilotlarning, nodavlat notijorat tashkilotlari, yetakchi loyiha institutlari, ilmiy va taʼlim muassasalari, xalqaro va xorijiy tashkilotlarning yuqori malakali xodimlarini hamda mutaxassislarini shartnoma asosida jalb etish;

“Suvqurilishinvest” davlat muassasalari tomonidan amalga oshirilayotgan qurilish loyihalarini bajarishda yoʻl qoʻyilgan kamchiliklarni bartaraf etish boʻyicha tegishli choralar koʻrish va masʼullarga nisbatan qonunchilikda belgilangan tartibda jazo choralarini qoʻllash.

Departament qonunchilik hujjatlariga muvofiq boshqa huquqlarga ham ega boʻlishi mumkin.

11. Departament oʻzi tomonidan ishlab chiqilgan va amalga oshirilgan loyihalar boʻyicha, shu jumladan ularning natijadorligi hamda sarflangan mablagʻlarning samaradorligi yuzasidan masʼul va javobgar hisoblanadi.

12. Departament oʻz majburiyatlari boʻyicha oʻziga tegishli boʻlgan mol-mulk bilan javob beradi.

5-bob. Departament faoliyatini tashkil etish

13. Departamentga Oʻzbekiston Respublikasi Bosh vaziri tomonidan lavozimga tayinlanadigan va lavozimdan ozod qilinadigan direktor rahbarlik qiladi.

Departament direktori maqomi, tibbiy va transport xizmati koʻrsatish shartlari boʻyicha vazir oʻrinbosariga tenglashtiriladi.

14. Departament direktori Vazir tomonidan lavozimga tayinlanadigan va lavozimdan ozod etiladigan bir nafar oʻrinbosarga ega boʻladi.

Departament direktori boʻlmagan davrda, direktor vazifasini uning oʻrinbosari bajaradi.

15. Departamentning tashkiliy tuzilmasini tasdiqlash, boshqaruv xodimlarining belgilangan cheklangan soni va mehnatga haq toʻlash fondi doirasida Departament shtat birliklari hamda xarajatlar smetasini tasdiqlash, zaruratga koʻra shtat birliklarining umumiy cheklangan sonidan chiqmagan holda oʻzgartirish kiritish Vazir tomonidan amalga oshiriladi.

Departament tarkibidagi “Suvqurilishinvest” davlat muassasalari alohida yuridik shaxs hisoblanadi, mustaqil balansga, Oʻzbekiston Respublikasi Davlat gerbi tasviri tushirilgan muhr va blankalarga ega boʻladi.

“Suvqurilishinvest” davlat muassasalari rahbarlari (direktor, bosh muhandis va direktor oʻrinbosari) Vazirlar Mahkamasining tegishli kotibiyati, Vazirlik, Oʻzbekiston Respublikasi Qurilish va uy-joy kommunal xoʻjaligi vazirligi hamda Iqtisodiyot va moliya vazirligi bilan kelishilgan holda, Departament direktori tomonidan lavozimiga tayinlanadi va lavozimidan ozod etiladi.

6-bob. Departament direktori va uning oʻrinbosarining asosiy vazifalari

16. Quyidagilar Departament direktorining asosiy vazifalari hisoblanadi:

Oʻzbekiston Respublikasi Prezidenti, Vazirlar Mahkamasi va Vazirlik qarorlari, buyruqlari va topshiriqlari ijrosi taʼminlanishi hamda monitoringi yuritilishining amaliy tizimini tashkil etish;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq Departament tizimida korrupsiya va boshqa huquqbuzarliklarning oldini olish choralarini koʻrish, shuningdek, qonunchilik hujjatlarini takomillashtirish choralarini ishlab chiqish, amaliyotda sohada yuzaga kelishi mumkin boʻlgan salbiy oqibatlar bilan kurashish, ularni tahlil qilish hamda bartaraf qilish;

Departament faoliyatini rejalashtirish va ularning bajarilishini nazorat qilish;

Departamentning yillik va yarim yillik ish rejalarini tasdiqlash uchun Vazirlikka kiritish;

Departament faoliyatida ijro intizomini mustahkamlash boʻyicha kompleks amaliy chora-tadbirlarni amalga oshirish, qonunchilik hujjatlari talablariga muvofiq topshiriqlar oʻz vaqtida va sifatli bajarilishi uchun markaziy apparatning mansabdor shaxslari va hududiy “Suvqurilishinvest” davlat muassasalari rahbarlarining shaxsiy javobgarligini oshirish choralarini koʻrish;

“Suvqurilishinvest” davlat muassasalari faoliyatining samaradorligi va natijadorligini tanqidiy tahlilini muntazam ravishda oʻtkazish, ularning hisobotlarini Departament majlislarida eshitish, yakunlari boʻyicha zarur hollarda ularni belgilangan tartibda intizomiy javobgarlikka tortish choralarini koʻrish;

Departament xodimlarini ragʻbatlantirish va intizomiy javobgarlikka tortish masalalarini belgilangan tartibda hal qilish, ularning egallab turgan lavozimlariga muvofiqligi masalasini koʻrib chiqish;

normativ-huquqiy hujjatlar loyihalarini keyinchalik qonunchilik hujjatlarida belgilangan tartibda Vazirlar Mahkamasiga kiritish uchun sifatli ishlab chiqishni tashkil etish va Vazirlikka kiritish;

odob-axloq qoidalarini ishlab chiqish va tasdiqlash, shuningdek, ularga rioya qilinishini taʼminlash;

Departamentning tarkibiy boʻlinmalari toʻgʻrisidagi nizomlar, lavozim yoʻriqnomalarini va hududiy “Suvqurilishinvest” davlat muassasalari toʻgʻrisidagi nizomlarni hamda Departamentning boshqa ichki hujjatlarini belgilangan tartibda tasdiqlash;

Departament va uning tarkibiy boʻlinmalari ishini tashkil qilishning zamonaviy shakllarini joriy qilishni taʼminlash;

Departamentga tegishli boʻlgan mulkka egalik qilish, undan foydalanish va uni tasarruf etish.

Departament direktori qonunchilik hujjatlarida nazarda tutilgan boshqa funksional vazifalarni ham amalga oshiradi.

17. Quyidagilar Departament direktori oʻrinbosarining asosiy vazifalari hisoblanadi:

Departamentning oʻzi mutasaddilik qiladigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ularning xodimlari oʻrtasida vazifalarni taqsimlash;

Departament faoliyatining oʻzi mutasaddilik qiladigan yoʻnalishlari boʻyicha Oʻzbekiston Respublikasi Prezidentining hujjatlari, Vazirlar Mahkamasi qarorlari va Vazirlikning buyruqlari bilan tasdiqlangan Departamentning faoliyatini yanada takomillashtirish boʻyicha konsepsiyalar, kompleks dasturlar va tadbirlarning bajarilishini tanqidiy va chuqur tahlil qilish;

oʻzi mutasaddilik qiladigan tarkibiy boʻlinmalarning ish rejalarini tasdiqlash, ularning bajarilishi yuzasidan nazoratni taʼminlash;

Vazirlikning Departament faoliyatiga taalluqli buyruqlari, Departament direktori buyruqlari va topshiriqlarining oʻz vaqtida va sifatli bajarilishini taʼminlash;

oʻzi mutasaddilik qiladigan tarkibiy boʻlinmalarda xodimlarni tanlash va joy-joyiga qoʻyish boʻyicha Departament direktoriga takliflar kiritish;

oʻzi mutasaddilik qiladigan tarkibiy boʻlinmalar rahbarlari faoliyati samaradorligi va natijadorligini muntazam ravishda tanqidiy tahlil qilish;

oʻzi mutasaddilik qiladigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha Departament direktoriga takliflar kiritish.

Departament direktori oʻrinbosari qonunchilik hujjatlarida nazarda tutilgan boshqa funksional vazifalarni ham amalga oshiradi.

7-bob. Departament rahbarlarining javobgarligi

18. Departament direktori:

Departamentga yuklangan vazifalar va funksiyalarning bajarilishi;

ushbu Nizomning 11 va 16-bandida nazarda tutilgan holatlar boʻyicha va koʻrsatilgan oʻz vazifalarining sifatli bajarilishi uchun shaxsan javob beradi.

19. Departament direktorining oʻrinbosari:

Departamentning oʻzi nazorat qiladigan tarkibiy tuzilmalarida Departamentga yuklangan vazifalar va funksiyalarning bajarilishi;

ushbu Nizomning 17-bandida nazarda tutilgan Departamentning mutasaddilik qilinadigan masalalarga doir javobgarlik sohalari boʻyicha shaxsan javob beradi.

8-bob. Departament faoliyatining samaradorligi va natijadorligini baholash mezonlari va ish indikatorlari

20. Departament direktori Departament faoliyati va unga yuklangan vazifalar samarali bajarilishi boʻyicha doimiy monitoringni olib boradi hamda Departament faoliyati samaradorligi va natijadorligi muntazam ravishda baholab boradi.

21. Departament faoliyatining samaradorligi va natijadorligini baholash Vazir tomonidan tasdiqlanadigan Departament faoliyati samaradorligi va natijadorligini baholash mezonlari va indikatorlariga asoslanadi.

22. Departament faoliyatining samaradorligi va natijadorligini baholash yakunlari boʻyicha quyidagi choralar koʻriladi:

Departament rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Departament faoliyatida aniqlangan kamchiliklarni bartaraf qilish va uning faoliyatini yanada takomillashtirish.

23. Departament faoliyatining samaradorligi va natijadorligini baholash tartibi qonunchilik hujjatlari bilan belgilanadi.

9-bob. Departament faoliyatini moliyalashtirish, xodimlarning mehnatiga haq toʻlash va moddiy ragʻbatlantirish tartibi

24. Departament faoliyati va moddiy-texnik taʼminoti Oʻzbekiston Respublikasi Davlat budjeti mablagʻlari, budjetdan tashqari mablagʻlar, homiylik xayriyalari va qonunchilik hujjatlarida taqiqlanmagan boshqa mablagʻlar hisobidan moliyalashtiriladi.

25. Departament xodimlariga toʻlanadigan ish haqi qonunchilik hujjatlarida nazarda tutilgan lavozim maoshi, mukofotlar, qoʻshimcha haq, ustamalar va qonunchilik hujjatlarida nazarda tutilgan boshqa toʻlovlardan iborat boʻladi.

26. Departament xodimlarining budjetdan tashqari mablagʻlar boʻyicha mehnatiga haq toʻlashda lavozim maoshlariga qonunchilik hujjatlarida belgilangan ustama haqlar, mukofot, moddiy yordam puli hamda boshqa barcha qoʻshimcha toʻlovlar Oʻzbekiston Respublikasi Suv xoʻjaligi vazirligi va uning tizim tashkilotlari xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizom asosida Departament tashkil etilgan kundan boshlab amalga oshiriladi.

10-bob. Departamentning Vazirlik oldidagi hisoboti

27. Departament rahbariyati tasdiqlangan Departament faoliyatining samaradorligi va natijadorligini baholash mezonlari hamda ishchi indikatorlari ijrosi yuzasidan Vazir huzurida shaxsan hisobot beradi.

28. Vazirlik Departamentga yuklangan vazifalarning samarali bajarilishini taʼminlash maqsadida Departament rahbariyati faoliyatining doimiy monitoringini olib boradi va natijadorligiga xolisona baho beradi.

29. Departament faoliyatining monitoringi va baholash natijalariga koʻra Departamentning alohida namuna koʻrsatgan mansabdor shaxslari va xodimlariga nisbatan ularni ragʻbatlantirish yoki ularni jiddiy kamchiliklarga yoʻl qoʻyganligi uchun javobgarlikka tortish, egallab turgan lavozimidan boʻshatish kabi choralar koʻriladi.

11-bob. Yakunlovchi qoidalar

30. Departament qonunchilik hujjatlarida belgilangan tartibda qayta tashkil etiladi va tugatiladi.

31. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2024-yil 7-oktabrdagi 645-son qaroriga 4-ILOVA

Oʻzbekiston Respublikasi Suv xoʻjaligi vazirligi huzuridagi Suv xoʻjaligida xorijiy investitsiya loyihalarini amalga oshirish markazi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligi huzuridagi Suv xoʻjaligida xorijiy investitsiya loyihalarini amalga oshirish markazining (keyingi oʻrinlarda — Markaz) maqomi, asosiy vazifalari, funksiyalari, huquq va majburiyatlari, javobgarligi, faoliyatini tashkil etish va hisobot berish tartibini, shuningdek, uning rahbarlarining funksional vazifalari va masʼuliyatini belgilaydi.

2. Markaz suv xoʻjaligi tizimini takomillashtirishga qaratilgan xorijiy investitsiyalar, xalqaro moliya institutlari va xorijiy hukumat moliya tashkilotlari (keyingi oʻrinlarda — XMI va XHMT) mablagʻlari hamda budjet mablagʻlari hisobidan moliyalashtiriladigan loyihalarni amalga oshiradigan, xorijiy kreditlardan maqsadli va samarali foydalanish hamda loyiha samaradorligini taʼminlash yuzasidan masʼul vakolatli davlat muassasasi hisoblanadi.

3. Markaz oʻz faoliyatida Oʻzbekiston Respublikasi Suv xoʻjaligi vazirligiga (keyingi oʻrinlarda — Vazirlik) hisobot beradi.

4. Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, loyihalarni amalga oshirish va texnik koʻmaklashishda XMI va XHMT bilan erishilgan investitsiyaviy xalqaro kelishuv va shartnomalarga, shuningdek, ushbu Nizomga va boshqa qonunchilik hujjatlariga, shu jumladan, Vazirlik buyruqlari va uning hayʼati qarorlariga amal qiladi.

5. Markaz davlat muassasasi shaklidagi yuridik shaxs hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhr va blankalarga, mustaqil balansga, Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy hisobvaraqlariga, shu jumladan, chet el valyutasidagi Yagona gʻazna hisobvaragʻiga ega boʻladi.

Markaz tomonidan amalga oshiriladigan har bir loyiha boʻyicha tijorat banklarida alohida hisobvaraqlar (maxsus hisobvaraqlar) ochiladi va loyiha boʻyicha xarajatlar (ish haqi, soliqlar, ijara, korporativ bank kartalarini toʻldirish va boshqalar) ushbu hisobvaraqlardan amalga oshiriladi.

Loyihalar boʻyicha ochilgan maxsus hisobvaraqlardan Markazning boshqa loyihalaridagi qarzdorligi va majburiyatlarini bajarish uchun toʻlovlar amalga oshirilishiga yoʻl qoʻyilmaydi.

6. Markaz oʻz faoliyatini respublika ijro etuvchi hokimiyat organlari, xoʻjalik birlashmalari, mahalliy davlat hokimiyati organlari va boshqa tashkilotlar bilan oʻzaro hamkorlikda amalga oshiradi.

7. Markazning rasmiy nomi:

a) davlat tilida:

toʻliq nomi — Oʻzbekiston Respublikasi Suv xoʻjaligi vazirligi huzuridagi Suv xoʻjaligida xorijiy investitsiya loyihalarini amalga oshirish markazi;

qisqartirilgan nomi — Suv xoʻjaligida xorijiy investitsiya loyihalarini amalga oshirish markazi;

b) rus tilida:

toʻliq nomi — Sentr po realizatsii zarubejnix investitsionnix proyektov v vodnom xozyaystve pri Ministerstve vodnogo xozyaystva Respubliki Uzbekistan;

qisqartirilgan nomi — Sentr po realizatsii zarubejnix investitsionnix proyektov v vodnom xozyaystve;

v) ingliz tilida:

toʻliq nomi — Center for Implementation of Foreign Investment Projects in the Water Sector under the Ministry of Water Resources of the Republic of Uzbekistan;

qisqartirilgan nomi — Water Projects Implementation Center.

8. Markazning joylashgan joyi (pochta manzili): 100128, Toshkent shahri, Shayxontohur tumani, Labzak koʻchasi, 1a-uy manzilidagi “A” blokning 2 va 3-qavatlari.

2-bob. Markazning asosiy vazifalari va funksiyalari

9. Quyidagilar Markazning asosiy vazifalari hisoblanadi:

suv xoʻjaligi tizimini takomillashtirishga qaratilgan xorijiy investitsiya loyihalarini, shu jumladan, XMI va XHMT mablagʻlari ishtirokidagi investitsiya loyihalarining (keyingi oʻrinlarda — investitsiya loyihalari) qisqa va uzoq muddatli dasturlarini shakllantirish;

investitsiya loyihalari manzilli roʻyxatlarining belgilangan tartibda tasdiqlanishini tashkil qilish;

investitsiya loyihalarini amalga oshirish uchun XMI va XHMT mablagʻlarini jalb qilish va ularni amalga oshirish;

investitsiya loyihalarini amalga oshirish boʻyicha bosh pudrat tashkilotlarini belgilangan tartibda aniqlash hamda tegishli shartnomalarni rasmiylashtirish;

loyihalar va subloyihalar amalga oshirilishining tizimli monitoringini yuritish, shuningdek, buyurtmachi va pudrat tashkilotlari tomonidan shaharsozlik normalari va qoidalari talablariga rioya etilishini taʼminlash.

10. Markaz oʻziga yuklangan vazifalarni bajarish uchun quyidagi funksiyalarni amalga oshiradi:

a) suv xoʻjaligi tizimini takomillashtirishga qaratilgan xorijiy investitsiya loyihalarini, shu jumladan, XMI va XHMT mablagʻlari ishtirokidagi investitsiya loyihalarining qisqa va uzoq muddatli dasturlarini shakllantirish sohasida:

Vazirlik va uning tizimidagi tashkilotlar, fermer xoʻjaliklari va klasterlar hamda boshqa manfaatdor tashkilotlar bilan birgalikda joylarda tegishli suv xoʻjaligi obyektlarining texnik holatini oʻrganadi;

suv xoʻjaligi sohasidagi muammolarni tahlil qiladi va ustuvor investitsiya loyihalari boʻyicha takliflarni tayyorlaydi;

suv xoʻjaligi tizimini takomillashtirishga qaratilgan investitsiya loyihalarining Qoraqalpogʻiston Respublikasi Joʻqorgʻi Kengesi va viloyatlar xalq deputatlari Kengashlarida muhokamasini tashkil qiladi;

ustuvor investitsiya loyihalarining qisqa va uzoq muddatli dasturlarini ishlab chiqadi va shakllantiradi, manfaatdor vazirlik va idoralarda ularning taqdimotini qiladi;

b) investitsiya loyihalari manzilli roʻyxatlarining belgilangan tartibda tasdiqlanishini tashkil qilish sohasida:

investitsiya loyihalarining manzilli roʻyxatlarini Vazirlik bilan birgalikda ishlab chiqilishi hamda manfaatdor vazirliklar va idoralar bilan belgilangan tartibda kelishilishini tashkil qiladi;

investitsiya loyihalarining manzilli roʻyxatlarini belgilangan tartibda tasdiqlash uchun Vazirlikka taqdim qiladi;

v) investitsiya loyihalarini amalga oshirish uchun XMI va XHMT mablagʻlarini jalb qilish va ularni amalga oshirish sohasida:

Vazirlik va boshqa manfaatdor tashkilotlar bilan birgalikda investitsiya loyihalarini amalga oshirishga XMI va XHMT kreditlari, grantlari va texnik koʻmaklarini jalb qilish yuzasidan tadbirlar oʻtkazadi;

investitsiya loyihalarini amalga oshirishga XMI va XHMT kreditlari, grantlari va texnik koʻmaklarini jalb qilish yuzasidan takliflarni tahlil qiladi hamda Vazirlikka xulosa taqdim etib boradi;

investitsiya loyihalarining texnik-iqtisodiy asoslanuvini ishlab chiqish boʻyicha buyurtmachi vazifasini bajaradi;

suv xoʻjaligi obyektlarini qurish va rekonstruksiya qilish boʻyicha tegishli loyiha-smeta hujjatlarini ishlab chiqish uchun texnik topshiriqlar va tender (tanlov) hujjatlarini Vazirlik bilan birgalikda ishlab chiqadi, belgilangan tartibda manfaatdor vazirliklar va idoralar, tegishli XMI va XHMT bilan kelishadi;

bosh loyiha tashkilotlarini tender (tanlov) asosida aniqlaydi, ular bilan shartnomalarni rasmiylashtiradi;

loyiha-smeta hujjatlari ishlab chiqilishini nazorat qiladi va belgilangan tartibda ekspertizadan oʻtkazilishini tashkil qiladi;

investitsiya loyihalarini amalga oshirish yuzasidan Oʻzbekiston Respublikasi Prezidentining tegishli qarori loyihasini tayyorlaydi, manfaatdor vazirlik va idoralar bilan kelishadi hamda belgilangan tartibda Vazirlar Mahkamasiga kiritadi;

g) investitsiya loyihalarini amalga oshirish boʻyicha bosh pudrat tashkilotlarini belgilangan tartibda aniqlash hamda tegishli shartnomalarni rasmiylashtirish sohasida;

investitsiya loyihalarining bosh pudrat tashkilotlarini aniqlash yuzasidan tender hujjatlari loyihalarining sifatli ishlab chiqilishini hamda tender komissiyasida koʻrib chiqilishini tashkil qiladi;

tender hujjatlari loyihalarining tender komissiyasi yigʻilishlarida shaffof muhokamasini, shuningdek, tender komissiyasi hujjatlarining rasmiylashtirilishi hamda belgilangan tartibda XMI va XHMT bilan kelishilishini tashkil qiladi;

suv xoʻjaligi obyektlarini qurish va rekonstruksiya qilish yuzasidan tender hujjatlarini belgilangan tartibda vakolatli vazirlik va idoralar bilan kelishadi hamda tenderni belgilangan tartibda oʻtkazadi;

tender gʻoliblari bilan tegishli shartnomalarni rasmiylashtiradi, ularni belgilangan tartibda roʻyxatdan oʻtkazadi va moliyalashtiradi;

d) loyihalar va subloyihalar amalga oshirilishining tizimli monitoringini yuritish, shuningdek, buyurtmachi va pudrat tashkilotlari tomonidan shaharsozlik normalari va qoidalari talablariga rioya etilishini taʼminlash sohasida:

investitsiya loyihalarining amalga oshirilishi yuzasidan maʼlumotlarning ochiqligi va oshkoraligini taʼminlaydi hamda batafsil axborotlarni Markaz va Vazirlikning rasmiy veb-saytida doimiy yoritib boradi;

investitsiya loyihalarini amalga oshirishda qurilish-montaj ishlarining sifatli bajarilishi yuzasidan texnik nazoratni taʼminlaydi;

investitsiya loyihalarini amalga oshirish boʻyicha shartnoma asosida davlat arxitektura-qurilish hamda mualliflik nazoratini tashkil qiladi;

davlat arxitektura-qurilish hamda mualliflik nazorati olib borilishida aniqlangan kamchiliklar bosh pudrat tashkilotlari tomonidan oʻz vaqtida bartaraf etilishini nazorat qiladi;

investitsiya loyihalarini amalga oshirish doirasida yuzaga keladigan muammolarni belgilangan tartibda bartaraf etish chorasini koʻradi;

investitsiya loyihalari doirasida amalga oshirilgan ishlar va barcha koʻrsatkichlar boʻyicha hisobotlarni Vazirlikka, shuningdek, Oʻzbekiston Respublikasi Investitsiyalar, sanoat va savdo vazirligi hamda boshqa manfaatdor vazirliklar va idoralarga, shuningdek, XMI va XHMTga belgilangan tartibda taqdim etadi;

xodimlar va pudrat tashkilotlarining qonunchilik hujjatlari talablariga rioya etishi boʻyicha oʻquv kurslari va seminarlar tashkil qiladi.

Markaz qonunchilik hujjatlariga muvofiq boshqa funksiyalarni ham amalga oshirishi mumkin.

3-bob. Markazning huquqlari va javobgarligi

11. Markaz oʻziga yuklangan vazifalar va funksiyalarni amalga oshirishda quyidagi huquqlarga ega:

qonunchilik hujjatlarida belgilangan tartibda oʻz nomidan mulkiy huquqni olish, mol-mulkka egalik qilish majburiyatlarini olish va sudda daʼvogar va javobgar boʻlish;

suv xoʻjaligi qurilishiga oid masalalar boʻyicha qonunchilik hujjatlari loyihalarini ishlab chiqishda qatnashish, shuningdek, ular haqida oʻz xulosalarini berish;

davlat organlari va tashkilotlarining hududiy boʻlinmalaridan, mahalliy davlat hokimiyati organlaridan oʻz vakolatiga kiruvchi masalalarni hal etishga doir maʼlumotlarni belgilangan tartibda soʻrab olish;

tegishli dasturlar va konsepsiyalar doirasida amalga oshiriladigan suv xoʻjaligi qurilishi loyihalarini moliyalashtirish yuzasidan Vazirlik rejalarini ishlab chiqish boʻyicha oʻz takliflarini kiritish;

olimlar hamda vazirliklar, idoralar, taʼlim va boshqa muassasalarning yuqori malakali mutaxassislarini ilmiy va ekspert ishlari, maslahatlar oʻtkazish uchun, suv xoʻjaligi qurilishi sohasining dolzarb masalalarini ishlab chiqish uchun Vazirlik bilan kelishgan holda xorijiy mutaxassislarni shartnoma asosida jalb etish;

Vazirlik nomidan Oʻzbekiston Respublikasi Ichki ishlar vazirligiga, Tashqi ishlar vazirligiga, Iqtisodiyot va moliya vazirligi huzuridagi Bojxona qoʻmitasiga chet el mutaxassislarining kirish va chiqish vizalarini, ularni roʻyxatga qoʻyish boʻyicha hamda investitsiya loyihalari doirasida olib kelingan jihozlar boʻyicha tegishli murojaatnomalarni rasmiylashtirish.

Markaz qonunchilik hujjatlariga muvofiq boshqa huquqlarga ham ega boʻlishi mumkin.

12. Markaz:

unga yuklangan vazifalar va funksiyalarni samarali bajarish, shuningdek, investitsiya loyihalarini samarali amalga oshirish;

Vazirlikka Markaz tomonidan kiritiladigan normativ-huquqiy hujjatlar va boshqa hujjatlar loyihalari, shuningdek, Markaz tomonidan qabul qilinadigan buyruqlarning sifati va pirovard natijalari uchun javobgardir.

4-bob. Markaz faoliyatini tashkil etish

13. Markazga Oʻzbekiston Respublikasi Bosh vaziri tomonidan lavozimga tayinlanadigan va lavozimdan ozod qilinadigan direktor rahbarlik qiladi.

14. Markaz direktori Oʻzbekiston Respublikasi suv xoʻjaligi vaziri (keyingi oʻrinlarda — Vazir) tomonidan lavozimga tayinlanadigan va lavozimdan ozod etiladigan ikki nafar oʻrinbosarga ega boʻladi.

Markaz direktori boʻlmagan davrda, direktor vazifasini uning oʻrinbosarlaridan biri bajaradi.

5-bob. Markaz direktori va uning oʻrinbosarlarining asosiy vazifalari

15. Quyidagilar Markaz direktorining asosiy vazifalari hisoblanadi:

Oʻzbekiston Respublikasi Prezidenti, Vazirlar Mahkamasi va Vazirlik hayʼati qarorlari, buyruqlari va topshiriqlari ijrosi taʼminlanishi hamda monitoringi yuritilishining amaliy tizimini tashkil etish;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq Markaz tizimida korrupsiya va boshqa huquqbuzarliklarning oldini olish choralarini koʻrish, shuningdek, qonunchilik hujjatlarini takomillashtirish choralarini ishlab chiqish, amaliyotda sohada yuzaga kelishi mumkin boʻlgan salbiy oqibatlar bilan kurashish, ularni tahlil qilish hamda bartaraf qilish;

Markaz faoliyatini rejalashtirish va uning bajarilishini nazorat qilish;

Markazning yillik va yarim yillik ish rejalarini tasdiqlash uchun Vazirlikka kiritish;

Markaz faoliyatida ijro intizomini mustahkamlash boʻyicha kompleks amaliy chora-tadbirlarni amalga oshirish, qonunchilik hujjatlari talablariga muvofiq topshiriqlar oʻz vaqtida va sifatli bajarilishi uchun rahbar-xodimlarning shaxsiy javobgarligini oshirish choralarini koʻrish;

investitsiya loyihalarini amalga oshirishda Oʻzbekiston Respublikasi Konstitutsiyasi va qonunlari, boshqa qonunchilik hujjatlari talablariga rioya etish;

Markaz faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy choralarni ishlab chiqish va ijrosini nazorat qilish;

oʻz oʻrinbosarlari va Markaz xodimlari vakolatlarini belgilash, ular oʻrtasida vazifalarni taqsimlash, Markaz faoliyatining alohida yoʻnalishlariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy masʼuliyati darajasini belgilash;

Markaz faoliyatini rejalashtirishni tashkil etish, Markaz tarkibiy boʻlinmalari va oʻz oʻrinbosarlarining oylik va choraklik ish rejalarini tasdiqlash hamda ularning bajarilishini nazorat qilish;

Oʻzbekiston Respublikasi Prezidenti farmonlari, qarorlari va farmoyishlari, Oʻzbekiston Respublikasi Prezidenti Administratsiyasi topshiriqlari va Vazirlar Mahkamasining qarorlari, farmoyishlari va topshiriqlari hamda Vazirlikning hayʼat qarorlari va buyruqlari ijrosini tashkil etish va monitoring yuritishning amaliy tizimini yaratish, shuningdek, Markaz faoliyatida ijro intizomini mustahkamlash boʻyicha kompleks chora-tadbirlarni amalga oshirish;

Markaz xodimlarini qayta tayyorlash va ularning malakasini oshirishni tizimli ravishda tashkil etish;

Markazda kadrlarni tanlash va ularni joy-joyiga qoʻyish, ularning samarali faoliyati uchun zarur shart-sharoitlar yaratish, zarur hollarda xodimlarni moddiy ragʻbatlantirish maqsadida alohida jamgʻarma tashkil etish hamda Markazning kadrlar zaxirasini shakllantirish;

Markaz xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari talablariga rioya etilishini taʼminlash;

Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni talablariga muvofiq jismoniy va yuridik shaxslarning murojaatlarini koʻrib chiqishga doir ishlarni samarali tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib sayyor qabullar oʻtkazish;

Markazning odob-axloq qoidalarini ishlab chiqish va tasdiqlash, shuningdek, ularga rioya qilinishini taʼminlash;

Markazning tarkibiy boʻlinmalari nizomlari, lavozim yoʻriqnomalari va Markazning boshqa ichki hujjatlarini belgilangan tartibda tasdiqlash;

Markaz va uning tarkibiy boʻlinmalari ishini tashkil qilishning zamonaviy shakllarini joriy qilishni taʼminlash;

Markazga tegishli boʻlgan mulkka egalik qilish, undan foydalanish va uni tasarruf etish;

Markaz xodimlarini (direktor oʻrinbosarlaridan tashqari) qonunchilik hujjatlarida belgilangan tartibda lavozimga tayinlash va lavozimdan ozod etish;

Markaz faoliyati bilan bogʻliq boʻlgan buyruqlar chiqarish va koʻrsatmalar berish, shuningdek, ularning ijrosini belgilangan tartibda nazorat qilish;

xodimlarning belgilangan umumiy shtat birliklar soni doirasida Markaz shtatlar jadvalini tasdiqlash hamda Markaz xarajatlar smetasini belgilangan tartibda tuzish.

Markaz direktori qonunchilik hujjatlarida nazarda tutilgan boshqa funksional vazifalarni ham amalga oshiradi.

16. Quyidagilar direktor oʻrinbosarlarining asosiy vazifalari hisoblanadi:

a) Markaz direktorining kredit, grant va texnik koʻmaklarni jalb qilish masalalari boʻyicha oʻrinbosari:

oʻzi mutasaddilik qiladigan tarkibiy boʻlinmalar tomonidan reja koʻrsatkichlarining soʻzsiz bajarilishini taʼminlash choralarini koʻradi, boʻlinmalar rahbarlarining hisobotlarini muntazam ravishda eshitish va ushbu koʻrsatkichlarga erishish uchun ularning shaxsiy masʼuliyatini oshiradi;

oʻzi mutasaddilik qiladigan tarkibiy boʻlinmalarning ish rejalarini tasdiqlaydi, ularning bajarilishini nazorat qiladi;

oʻzi mutasaddilik qiladigan tarkibiy boʻlinmalar faoliyatida ijro intizomini mustahkamlash boʻyicha kompleks amaliy chora-tadbirlarni amalga oshiradi, shuningdek, tarkibiy boʻlinmalar rahbarlarining shaxsiy masʼuliyatini oshirish choralarini koʻradi;

Vazirlikning Markaz faoliyatiga taalluqli buyruqlari, Markaz direktori buyruqlari va topshiriqlarining oʻz vaqtida va sifatli bajarilishini taʼminlaydi;

oʻzi mutasaddilik qiladigan tarkibiy boʻlinmalarda xodimlarni tanlash va joy-joyiga qoʻyish boʻyicha Markaz direktoriga takliflar kiritadi;

oʻzi mutasaddilik qiladigan tarkibiy boʻlinmalar rahbarlari faoliyati samaradorligi va natijadorligini muntazam ravishda tanqidiy tahlil qilib boradi;

oʻzi mutasaddilik qiladigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha Markaz direktoriga takliflar kiritadi;

Markaz direktori vaqtincha boʻlmaganda, uning vazifalarini belgilangan tartibda bajaradi;

ustuvor investitsiya loyihalari aniqlanishini, ularning qisqa va uzoq muddatli dasturlarining ishlab chiqilishini va tasdiqlanishini taʼminlaydi;

loyihalarni amalga oshirish yuzasidan XMI va XHMT bilan muzokaralar olib boradi hamda ularning kreditlari, grantlari va texnik koʻmaklarini belgilangan tartibda jalb qilishni tashkil qiladi;

Markaz direktori oʻrinbosari qonunchilik hujjatlarida nazarda tutilgan boshqa funksional vazifalarni ham amalga oshiradi;

b) Markaz direktorining kredit, grant va texnik koʻmaklar loyihalarini amalga oshirish masalalari boʻyicha oʻrinbosari:

oʻzi mutasaddilik qiladigan tarkibiy boʻlinmalarning ish rejalarini tasdiqlaydi, ularning bajarilishini nazorat qiladi;

Vazirlikning Markaz faoliyatiga taalluqli buyruqlari, Markaz direktori buyruqlari va topshiriqlarining oʻz vaqtida va sifatli bajarilishini taʼminlaydi;

oʻzi mutasaddilik qiladigan tarkibiy boʻlinmalarda xodimlarni tanlash va joy-joyiga qoʻyish boʻyicha Markaz direktoriga takliflar kiritadi;

oʻzi mutasaddilik qiladigan tarkibiy boʻlinmalar rahbarlari faoliyati samaradorligi va natijadorligini muntazam ravishda tanqidiy tahlil qilib boradi;

oʻzi mutasaddilik qiladigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha Markaz direktoriga takliflar kiritadi;

Markaz direktori vaqtincha boʻlmaganda, uning vazifalarini belgilangan tartibda bajaradi;

investitsiya loyihalarining amalga oshirilishini tizimli nazorat qiladi;

investitsiya loyihalarini amalga oshirishda ishtirok etayotgan pudrat tashkilotlari va konsalting kompaniyalarning loyihalar doirasidagi faoliyatini nazorat qiladi;

investitsiya loyihalarining manzilli roʻyxatlari belgilangan tartibda tasdiqlanishini tashkil qiladi;

XMI va XHMT talablaridan kelib chiqqan holda loyihani amalga oshirishda ishtirok etuvchi mutaxassislarni Vazirlik bilan kelishgan holda ishga qabul qilish boʻyicha Markaz direktoriga taklif kiritadi.

Markaz direktori oʻrinbosari qonunchilik hujjatlarida nazarda tutilgan boshqa funksional vazifalarni ham amalga oshiradi.

6-bob. Markaz direktori va oʻrinbosarlarining javobgarligi

17. Markaz direktori:

Markazga yuklangan vazifalar va funksiyalarning bajarilishi;

ushbu Nizomning 12-bandida nazarda tutilgan holatlar boʻyicha hamda 15-bandida koʻrsatilgan oʻz vazifalarining sifatli bajarilishi uchun shaxsan javob beradi.

18. Markaz direktorining oʻrinbosarlari:

Markazning oʻzi nazorat qiladigan tarkibiy tuzilmalarida Markazga yuklangan vazifalar va funksiyalarning bajarilishi;

ushbu Nizomning 12-bandida nazarda tutilgan Markazning oʻzi mutasaddilik qiladigan masalalariga doir javobgarlik sohalari boʻyicha;

ushbu Nizomning 16-bandida koʻrsatilgan oʻz vazifalarining sifatli bajarilishi uchun shaxsan javob beradi.

7-bob. Markaz faoliyatining samaradorligi va natijadorligini baholash mezonlari

19. Markaz direktori Markaz faoliyati va unga yuklangan vazifalar samarali bajarilishi boʻyicha doimiy monitoringni olib boradi hamda Markaz faoliyati samaradorligi va natijadorligini muntazam ravishda baholab boradi.

20. Markaz faoliyatining samaradorligi va natijadorligini baholash Vazir tomonidan tasdiqlanadigan Markaz faoliyati samaradorligi va natijadorligini baholash mezonlari va indikatorlariga asoslanadi.

21. Markaz faoliyatining samaradorligi va natijadorligini baholash yakunlari boʻyicha quyidagi choralar koʻriladi:

Markaz rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Markaz faoliyatida aniqlangan kamchiliklarni bartaraf qilish va uning faoliyatini yanada takomillashtirish.

22. Markaz faoliyatining samaradorligi va natijadorligini baholash tartibi qonunchilik hujjatlari bilan belgilanadi.

8-bob. Markaz faoliyatini moliyalashtirish, xodimlarning mehnatiga haq toʻlash va moddiy ragʻbatlantirish tartibi

23. Markaz xodimlariga toʻlanadigan ish haqi qonunchilik hujjatlarida nazarda tutilgan lavozim maoshi va qonunchilik hujjatlarida nazarda tutilgan boshqa toʻlovlardan iborat boʻladi.

24. Markaz xodimlarining budjetdan tashqari mablagʻlar boʻyicha mehnatiga haq toʻlashda mukofot, moddiy yordam puli hamda boshqa barcha qoʻshimcha toʻlovlar Vazirlik tomonidan tasdiqlanadigan Suv xoʻjaligida xorijiy investitsiya loyihalarini amalga oshirish markazi mablagʻlaridan foydalanish tartibi toʻgʻrisidagi nizom asosida amalga oshiriladi.

9-bob. Markazning Vazirlik oldidagi hisoboti

25. Markaz qonunchilik hujjatlarida, XMI va XHMT tomonidan belgilangan shakllar va muddatlarda buxgalteriya, statistika va boshqa hisobotlarni manfaatdor vazirliklar va idoralarga taqdim etadi.

26. Markaz faoliyati boʻyicha choraklik hamda yillik moliyaviy hisobotlar Markazning rasmiy veb-saytiga joylashtirilishini taʼminlaydi.

27. Markaz rahbariyati tasdiqlangan Markaz faoliyatining samaradorligi va natijadorligini baholash mezonlari hamda ishchi indikatorlari ijrosi yuzasidan Vazir huzurida shaxsan hisobot beradi.

28. Vazirlik Markazga yuklangan vazifalarning samarali bajarilishini taʼminlash maqsadida Markaz rahbariyati faoliyatining doimiy monitoringini yuritadi va natijadorligiga xolisona baho beradi.

29. Markaz faoliyatining monitoringi va baholash natijalariga koʻra Markazning alohida namuna koʻrsatgan mansabdor shaxslari va xodimlariga nisbatan ularni ragʻbatlantirish yoki jiddiy kamchiliklarga yoʻl qoʻyganligi uchun javobgarlikka tortish, egallab turgan lavozimidan boʻshatish kabi choralar koʻriladi.

10-bob. Yakunlovchi qoidalar

30. Markaz qonunchilik hujjatlarida belgilangan tartibda qayta tashkil etiladi va tugatiladi.

31. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2024-yil 7-oktabrdagi 645-son qaroriga 5-ILOVA

Oʻzbekiston Respublikasi Suv xoʻjaligi vazirligining Suv xoʻjaligini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligining Suv xoʻjaligini rivojlantirish jamgʻarmasi (keyingi oʻrinlarda — Jamgʻarma) mablagʻlarini shakllantirish va ulardan foydalanish tartibini belgilaydi.

2. Jamgʻarma yuridik shaxs tashkil etmagan holda Vazirlikda budjet tashkilotlarining budjetdan tashqari jamgʻarmasi shaklida tuziladi.

3. Jamgʻarma mablagʻlari Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan Vazirlikning shaxsiy gʻazna hisobvaragʻida jamlanadi.

2-bob. Jamgʻarma mablagʻlarini shakllantirish tartibi

4. Quyidagilar Jamgʻarma mablagʻlarini shakllantirish manbalari hisoblanadi:

suvdan foydalanish va suvni isteʼmol qilish qoidalarini buzganlik uchun maʼmuriy jazo choralarini qoʻllashdan, shuningdek, suv olish tartibini buzganlik uchun jarimalardan tushgan tushumlarning tegishli qismi;

Oʻzbekiston Respublikasi Suv xoʻjaligi vazirligi (keyingi oʻrinlarda — Vazirlik) tizimiga kiruvchi oʻzini oʻzi moliyalashtiradigan tashkilotlar sof foydasining oʻz ixtiyorida qoldiriladigan qismidan tuzilgan shartnomalar asosidagi ajratmalari;

Vazirlik tizimidagi suv xoʻjaligi foydalanish tashkilotlarining ular tomonidan suv resurslarini issiqlik elektr energiyasi va sanoat mahsulotlarini ishlab chiqaruvchi tashkilotlarning ehtiyojlari uchun yetkazib berish boʻyicha koʻrsatilgan xizmatlardan tushgan tushumlardan ajratmalar;

suv xoʻjaligi obyektlarini qurish va rekonstruksiya qilish boʻyicha loyiha-qidiruv ishlari umumiy qiymatiga qoʻshimcha kiritilgan 10 foizgacha miqdordagi mablagʻlarning 50 foizi;

vaqtincha boʻsh turgan budjetdan tashqari mablagʻlarni tijorat banklari depozitlariga joylashtirishdan olingan daromadlar;

“Suv xoʻjaligida bozor mexanizmlarini joriy qilish” davlat muassasasining mablagʻlari;

jismoniy va yuridik shaxslarning homiylik xayriyalari;

xalqaro moliya institutlari va xorijiy tashkilotlarning grantlari;

qonunchilik hujjatlarida taqiqlanmagan boshqa manbalar.

3-bob. Jamgʻarma mablagʻlaridan foydalanish tartibi

5. Jamgʻarma mablagʻlaridan quyidagilar uchun foydalaniladi:

a) Vazirlik va uning tizimidagi suv xoʻjaligi tashkilotlari moddiy-texnik bazasini rivojlantirish, shu jumladan:

texnika va texnologiyalarni, jihozlar, kompyuter dasturlari va aloqa vositalarini xarid qilish;

meʼyor doirasida budjet mablagʻlari yetishmagan holatlarda avtotransport vositalariga texnik xizmat koʻrsatish xarajatlarini qoplash, ehtiyot qismlar va yoqilgʻi-moylash materiallarini sotib olish;

suv xoʻjaligi sohasida oʻquv-namoyish uchastkalarini yaratish va mutaxassislarning malakasini oshirish kurslarini tashkil qilish, oliy taʼlim muassasalari talabalari va professional taʼlim muassasalari oʻquvchilarining oʻquv-tanishish mashgʻulotlarini oʻtkazish;

Vazirlik markaziy apparati binolari va inshootlarini taʼmirlash;

b) suv xoʻjaligida innovatsion texnologiyalarni joriy etish, shu jumladan:

qonunchilik hujjatlari va texnik jihatdan tartibga solish sohasidagi hujjatlar loyihalarini ishlab chiqish, shuningdek, innovatsion loyihalar va zamonaviy texnologiyalarni joriy etishni ragʻbatlantirish;

suv resurslarini integrallashgan boshqarish rejalari va ulardan kompleks foydalanishning istiqbolli sxemalarini hamda suv xoʻjaligini rivojlantirish boʻyicha maqsadli dasturlarni ishlab chiqish va amalga oshirish;

suv xoʻjaligi sohasida ilmiy-tadqiqot va loyihalashtirish-tajriba ishlarini moliyalashtirish, ilmiy yutuqlar, innovatsion va ilgʻor texnologiyalarni joriy etish;

suv xoʻjaligi sohasidagi dolzarb muammolar boʻyicha ilmiy-tadqiqot va tajriba-konstruktorlik ishlanmalarini moliyalashtirish maqsadida respublika taʼlim va ilmiy-tadqiqot muassasalariga grantlar ajratish;

konferensiyalar, simpoziumlar, seminarlar, treninglar va davra suhbatlarini, shuningdek, suvni tejaydigan texnologiyalarni joriy etish va suv resurslaridan samarali foydalanishni targʻib qilish ishlarini tashkil etish va oʻtkazish;

broshyuralar, bukletlar, kitoblar, toʻplamlar va boshqa axborot-maʼrifiy materiallarni ishlab chiqish va nashr etish;

kadrlarni tayyorlash, qayta tayyorlash va ularning malakasini oshirish, shu jumladan, xodimlarning xorijiy mamlakatlarda va taʼlim muassasalarida tajriba orttirishlarini tashkil etish;

oʻquv va ilmiy-innovatsion faoliyatida namuna koʻrsatgan bakalavr, magistr, tayanch doktorant va doktorantlar uchun Vazirlik stipendiyasini taʼsis etish;

suv xoʻjaligi sohasiga oid xalqaro koʻrgazmalar, tadbirlar, loyihalar va dasturlarda ishtirok etish;

Oʻzbekiston Respublikasiga tashrif buyuradigan xorijiy davlatlar, xalqaro tashkilotlar delegatsiyalarining tashriflarini oʻtkazish va tashkil etish bilan bogʻliq xarajatlar;

v) Vazirlik markaziy apparati, Vazirlik huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi, Markaziy dispetcherlik va suv balansi xizmati, Suv xoʻjaligida islohotlar markazi, Suv xoʻjaligi loyihalarini amalga oshirish departamenti, Suv xoʻjaligi obyektlarini ekspluatatsiya qilish agentligi, shuningdek, moliyaviy imkoniyatlardan kelib chiqib, Vazirlikning budjetdan moliyalashtiriladigan tizimdagi tashkilotlar xodimlarini moddiy ragʻbatlantirish va ijtimoiy himoya qilish, shu jumladan, xodimlarni ichki turizmga yuborish bilan bogʻliq xarajatlar;

g) suv xoʻjaligi sohasida kadrlarni tayyorlash boʻyicha kasb-hunar kollejlarida amaliy mashgʻulotlarni oʻtkazish uchun ularni zamonaviy melioratsiya texnikasi va uskunalar hamda ishlab chiqarish bazasi bilan taʼminlash;

d) Vazirlik markaziy apparatining faoliyati uchun joriy xarajatlar shu jumladan, bayram (Yangi yil, Navroʻz, Mustaqillik kuni, Konstitutsiya kuni, kasb bayrami) tadbirlarini amalga oshirish bilan bogʻliq xarajatlar;

e) “Oʻzbekiston Respublikasi suv xoʻjaligi aʼlochisi” koʻkrak nishoni bilan mukofotlash xarajatlari;

j) qonunchilik hujjatlarida belgilangan vazifalarni bajarish bilan bogʻliq boʻlgan boshqa chora-tadbirlarni amalga oshirish.

6. Qonunchilik hujjatlarida taqiqlanmagan holatlarda boshqa maqsadlarga Jamgʻarma mablagʻlarini faqat Vazirlar Mahkamasining qarori yoki farmoyishi asosida sarflanishi mumkin.

7. Jamgʻarma mablagʻlari har yili Oʻzbekiston Respublikasi suv xoʻjaligi vaziri tomonidan tasdiqlangan daromadlar va xarajatlar smetasi asosida sarflanadi. Daromadlar va xarajatlar smetasi Oʻzbekiston Respublikasi Iqtisodiyot va moliya vazirligida roʻyxatdan oʻtkaziladi.

8. Jamgʻarmaning daromadlar va xarajatlar smetasi joriy yilda tushishi kutilayotgan mablagʻlar doirasida amalga oshirilishi lozim boʻlgan tadbirlardan kelib chiqib tuziladi.

4-bob. Jamgʻarma mablagʻlarini boshqarish

9. Jamgʻarma mablagʻlari Oʻzbekiston Respublikasi suv xoʻjaligi vaziri tomonidan boshqariladi va taqsimlanadi.

Bunda Jamgʻarma mablagʻlari Oʻzbekiston Respublikasi suv xoʻjaligi vaziri tomonidan tasdiqlangan hamda belgilangan tartibda roʻyxatdan oʻtkazilgan daromadlar va xarajatlar smetasiga muvofiq tegishli shaxsiy gʻazna hisobvaraqlaridan sarflanadi.

10. Jamgʻarmaning daromadlar va xarajatlar smetasi kelgusi moliya yilida daromadlar prognozidan va kelib tushgan mablagʻlardan kelib chiqqan holda tuziladi.

Qoʻshimcha mablagʻlar kelib tushganda, daromadlar va xarajatlar smetasiga belgilangan tartibda oʻzgartirishlar kiritish orqali xarajatlar amalga oshiriladi.

11. Jamgʻarmaning joriy yilda foydalanilmagan mablagʻlari Oʻzbekiston Respublikasi Davlat budjetiga olib qoʻyilmaydi va ulardan keyingi yilda mazkur Nizomda nazarda tutilgan tartibda foydalaniladi.

5-bob. Jamgʻarma mablagʻlaridan foydalanilishi yuzasidan hisobotlar taqdim etish, nazorat va javobgarlik

12. Jamgʻarma mablagʻlarining hisobi va hisoboti qonunchilik hujjatlarida belgilangan tartibda yuritiladi va taqdim etiladi.

13. Jamgʻarma mablagʻlaridan maqsadli foydalanish yuzasidan nazorat qonunchilik hujjatlarida belgilangan tartibda nazorat qilinadi.

6-bob. Yakunlovchi qoida

14. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Vazirlar Mahkamasining 2024-yil 7-oktabrdagi 645-son qaroriga 6-ILOVA

Oʻzbekiston Respublikasi Suv xoʻjaligi vazirligi va uning tizimidagi tashkilotlar xodimlari mehnatiga haq toʻlash va ularni moddiy ragʻbatlantirish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligi (keyingi oʻrinlarda — Vazirlik) tizimidagi respublika ijro etuvchi hokimiyat organlari va budjet tashkilotlari hamda ularning tizimidagi budjet tashkilotlari (“Suvqurilishinvest” davlat muassasalari, taʼlim va ilmiy-tadqiqot muassasalaridan tashqari) xodimlarining mehnatiga haq toʻlash va ularni moddiy ragʻbatlantirish tartibini belgilaydi.

2. Xodimlarning mehnatiga haq toʻlash, mukofotlash va ularga moddiy yordam koʻrsatish quyidagi mablagʻlar hisobidan amalga oshiriladi:

a) Oʻzbekiston Respublikasi Davlat budjet mablagʻlari hisobidan:

lavozim maoshi;

yiliga ikki oylik mehnatga haq toʻlash fondi miqdoridagi mukofotlar;

yiliga bir oylik mehnatga haq toʻlash fondi miqdorida moddiy yordam toʻlovlari;

davlat boshqaruv organlari xizmatchilari uchun qonunchilikda belgilangan miqdorda lavozim maoshiga ustamalar;

budjet muassasalari va tashkilotlari xodimlarini moddiy ragʻbatlantirish maxsus jamgʻarmasi hisobidan ustamalar;

koʻp yillik mehnati uchun 2025-yil 1-yanvardan boshlab har oylik lavozim maoshiga ustamalar (ragʻbatlantirish koeffitsiyentini inobatga olgan holda lavozim maoshiga nisbatan koeffitsiyentlarda):

1 yildan 5 yilgacha — 0,2;

5 yildan 10 yilgacha — 0,3;

10 yildan 20 yilgacha — 0,4;

20 yildan ortiq — 0,6.

respublika hududidan tashqaridagi suv xoʻjaligi obyektlarida faoliyat yuritadigan Qarshi magistral kanalidan foydalanish boshqarmasi, Amu-Buxoro mashina kanalidan foydalanish boshqarmasi, Amu-Buxoro mashina kanali Olot tuman boshqarmasi, Tuyamoʻyin gidrouzelidan foydalanish boshqarmasi xodimlarining respublika hududidan tashqarida boʻlgan davri uchun 2024-yil 1-iyuldan boshlab lavozim maoshining 40 foizi miqdorida ustamalar toʻlanadi;

Bunda:

xodimlarning yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshini aniqlashda tarif koeffitsiyentlari tegishli tashkilotlar uchun belgilangan oshirilgan miqdorda qoʻllaniladi;

Vazirlik huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi va uning hududiy boshqarmalari xodimlarining koʻp yillik mehnati uchun belgilangan ustamalarni davlat budjeti mablagʻlari hisobidan toʻlab berish tartibi 2024-yil 31-dekabrga qadar saqlab qolinadi;

b) Vazirlikning Suv xoʻjaligini rivojlantirish jamgʻarmasi (keyingi oʻrinlarda — Jamgʻarma) mablagʻlari va qonunchilik hujjatlarida taqiqlanmagan boshqa budjetdan tashqari manbalar hisobidan:

xodimning koʻp yillik mehnati uchun 2024-yil 31-dekabrga qadar har oylik lavozim maoshiga ustamalar;

bayram kunlari uchun mukofotlar;

xodimlarga xizmat majburiyatlarini tashabbuskorona va vijdonan bajarganligi uchun lavozim maoshlariga ustamalar;

xodimlarning sogʻligini tiklash va ijtimoiy himoya qilish maqsadida moddiy yordam;

yiliga bir marta qishloq xoʻjaligi mahsulotlari sotib olish uchun moddiy yordam;

alohida toifadagi xodimlarga qonunchilik hujjatlarida belgilangan boshqa ustamalar.

2-bob. Jamgʻarma mablagʻlari hisobidan xodimlarni ragʻbatlantirish miqdori va shartlari

3. Jamgʻarma mablagʻlari hisobidan Vazirlik markaziy apparati, Vazirlik huzuridagi Suv xoʻjaligi obyektlarini ekspluatatsiya qilish agentligi markaziy apparati, Vazirlik huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi markaziy apparati, Suv xoʻjaligi loyihalarini amalga oshirish departamenti markaziy apparati, Markaziy dispetcherlik va suv balansi xizmati, Suv xoʻjaligida islohotlar markazi xodimlarini ragʻbatlantirish, mukofotlash hamda moddiy yordam koʻrsatish uchun mablagʻlar moliyaviy imkoniyatlardan kelib chiqib, Oʻzbekiston Respublikasi suv xoʻjaligi vazirining buyrugʻiga asosan ajratiladi.

4. Jamgʻarma mablagʻlaridan ushbu Nizomning 3-bandida keltirilgan tashkilotlar xodimlarining koʻp yillik mehnati uchun lavozim maoshiga ustamalar 2024-yil 31-dekabrgacha har oyda shtat jadvaliga muvofiq holda, quyidagi miqdorlarda toʻlanadi:

3 yildan 5 yilgacha — 10 foiz;

5 yildan 10 yilgacha — 20 foiz;

10 yildan 20 yilgacha — 30 foiz;

20 yildan ortiq — 40 foiz.

Bunda Vazirlik huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi markaziy apparati va uning hududiy boshqarmalari xodimlarining koʻp yillik mehnati uchun Davlat budjeti mablagʻlari hisobidan ustama haq toʻlashning amaldagi tartibi 2024-yil 31-dekabrga qadar saqlab qolinadi.

5. Ushbu Nizomning 3-bandida keltirilgan tashkilotlar xodimlari:

1-yanvar — Yangi yil, 8-mart — Xotin-qizlar kuni, 21-mart — Navroʻz bayrami, 9-may — Xotira va qadrlash kuni, 1-sentabr — Mustaqillik kuni, 1-oktabr — Oʻqituvchi va murabbiylar kuni, 8-dekabr — Oʻzbekiston Respublikasi Konstitutsiyasi kuni, diniy bayramlar — Roʻza hayit (Iyd-al-Fitr) va Qurbon hayit (Iyd-al-Adha) hamda kasb bayrami (qishloq xoʻjaligi xodimlari kuni) munosabati bilan lavozim maoshining (ragʻbatlantiruvchi koeffitsiyentni hisobga olgan holda) bir baravarigacha miqdorida ragʻbatlantiriladi;

xizmat vazifalarini sidqidildan va samarali bajarib kelayotgan xodimlarga lavozim maoshining (ragʻbatlantiruvchi koeffitsiyentni hisobga olgan holda) 300 foizigacha har oylik ustamalar belgilanadi;

bunda ustamaning aniq miqdori Vazirlik markaziy apparati xodimlari va ushbu Nizomning 3-bandida keltirilgan tashkilotlar rahbarlari uchun Oʻzbekiston Respublikasi suv xoʻjaligi vaziri tomonidan, ushbu Nizomning 3-bandida keltirilgan tashkilotlar xodimlariga tegishli tashkilotlar rahbarlari tomonidan belgilanadi.

Oʻzbekiston Respublikasi Suv xoʻjaligi vaziri alohida oʻrnak koʻrsatgan ushbu Nizomning 3-bandida keltirilgan tashkilotlar xodimlariga mazkur bandning uchinchi xatboshisida belgilangan miqdordan tashqari lavozim maoshining (ragʻbatlantiruvchi koeffitsiyentni hisobga olgan holda) 100 foizigacha miqdorda ustamalar belgilashi mumkin, bunday xodimlar soni ushbu tashkilotlar umumiy xodimlari sonining 15 foizidan oshmasligi lozim;

xodimlarini ijtimoiy qoʻllab-quvvatlash va ularning ish samaradorligini oshirish maqsadida har oyda (jamoa shartnomasiga muvofiq) yoʻl-transport xarajatlari uchun bazaviy hisoblash miqdorining bir baravarigacha hamda xodimning ovqatlanishi xarajatlariga koʻmaklashish maqsadida bazaviy hisoblash miqdorining ikki baravarigacha miqdorda toʻlovlar amalga oshiriladi;

xodimlariga zarur hollarda (ragʻbatlantiruvchi koeffitsiyentni hisobga olgan holda) ikki oylik lavozim maoshi miqdorida (Ijtimoiy reyestrga kiritilgan oilalar, xodimning davolanishi, 50, 55, 60 yubiley yoshi munosabati bilan, shuningdek, pensiyaga chiqqanda, toʻy, dafn marosimi va boshqalar uchun) xodimlarga kasaba uyushmasi bilan kelishilgan holda moddiy yordam puli beriladi;

xodimlariga qishloq xoʻjaligi mahsulotlari sotib olish uchun har yili bir marta bazaviy hisoblash miqdorining 10 baravarigacha miqdorda toʻlov amalga oshiriladi.

3-bob. Yakunlovchi qoidalar

6. Xodimlarni moddiy ragʻbatlantirishni moliyalashtirish manbalari va miqdori qonunchilik hujjatlarida belgilangan tartibda tasdiqlangan xarajatlar smetasi, budjetdan tashqari jamgʻarmalar boʻyicha daromadlar va xarajatlar smetasi asosida amalga oshiriladi.

7. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Vazirlar Mahkamasining 2024-yil 7-oktabrdagi 645-son qaroriga 7-ILOVA

Oʻzbekiston Respublikasi Suv xoʻjaligi vazirligi va uning tizimidagi budjet tashkilotlari

T/r Tashkilotning nomi Tashkilot soni 1. Oʻzbekiston Respublikasi Suv xoʻjaligi vazirligi Oʻzbekiston Respublikasi Suv xoʻjaligi vazirligi markaziy apparati 1 2. Suv xoʻjaligi obyektlarini ekspluatatsiya qilish agentligi Suv xoʻjaligi obyektlarini ekspluatatsiya qilish agentligi markaziy apparati 1 3. Qoraqalpogʻiston Respublikasi Suv xoʻjaligi vazirligi Qoraqalpogʻiston Respublikasi Suv xoʻjaligi vazirligi markaziy apparati 1 “Kattagar — Boʻzatov” irrigatsiya tizimi boshqarmasi 1 “Quanishjarma” irrigatsiya tizimi boshqarmasi 1 “Paxtaarna — Nayman” irrigatsiya tizimi boshqarmasi 1 “Suyenli” irrigatsiya tizimi boshqarmasi 1 Orolboʻyi delta boshqarmasi 1 Qoraqalpogʻiston Respublikasi Suv xoʻjaligi vazirligi huzuridagi Qoraqalpogʻiston nasos stansiyalari va energetika boshqarmasi 1 Qoraqalpogʻiston Respublikasi Suv xoʻjaligi vazirligi huzuridagi Beruniy nasos stansiyalari va energetika boshqarmasi 1 Qoraqalpogʻiston Respublikasi Suv xoʻjaligi vazirligi huzuridagi meliorativ ekspeditsiya 1 Jami: 9 4. Norin — Qoradaryo irrigatsiya tizimlari havza boshqarmasi Norin — Qoradaryo irrigatsiya tizimlari havza boshqarmasi markaziy apparati 1 “Andijonsoy” irrigatsiya tizimi boshqarmasi 1 “Qoradaryo — Maylisoy” irrigatsiya tizimi boshqarmasi 1 “Ulugʻnor — Mazgilsoy” irrigatsiya tizimi boshqarmasi 1 “Shahrixonsoy” irrigatsiya tizimi boshqarmasi 1 Norin — Qoradaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Norin — Qoradaryo irrigatsiya tizimlari havza boshqarmasi huzuridagi meliorativ ekspeditsiya 1 Jami: 7 5. Amu — Buxoro irrigatsiya tizimlari havza boshqarmasi Amu — Buxoro irrigatsiya tizimlari havza boshqarmasi markaziy apparati 1 “Amu — Qorakoʻl” irrigatsiya tizimi boshqarmasi 1 “Toshrabot — Jilvon” irrigatsiya tizimi boshqarmasi 1 “Xarxur — Duoba” irrigatsiya tizimi boshqarmasi 1 “Shoxrud — Doʻstlik” irrigatsiya tizimi boshqarmasi 1 Amu — Buxoro irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Amu — Buxoro irrigatsiya tizimlari havza boshqarmasi huzuridagi meliorativ ekspeditsiya 1 Jami: 7 6. Sirdaryo — Zarafshon irrigatsiya tizimlari havza boshqarmasi Sirdaryo — Zarafshon irrigatsiya tizimlari havza boshqarmasi markaziy apparati 1 “Zomin” irrigatsiya tizimi boshqarmasi 1 “Tuyatortar — Qli” irrigatsiya tizimi boshqarmasi 1 “Uchtom” irrigatsiya tizimi boshqarmasi 1 Sirdaryo — Zarafshon irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Sirdaryo — Zarafshon irrigatsiya tizimlari havza boshqarmasi huzuridagi meliorativ ekspeditsiya 1 Jami: 6 7. Amu — Qashqadaryo irrigatsiya tizimlari havza boshqarmasi Amu — Qashqadaryo irrigatsiya tizimlari havza boshqarmasi markaziy apparati 1 “Qarshi magistral kanali” irrigatsiya tizimi boshqarmasi 1 “Oqsuv” irrigatsiya tizimi boshqarmasi 1 “Eskianhor” irrigatsiya tizimi boshqarmasi 1 “Yakkabogʻ — Gʻuzor” irrigatsiya tizimi boshqarmasi 1 Amu — Qashqadaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Amu — Qashqadaryo irrigatsiya tizimlari havza boshqarmasi huzuridagi meliorativ ekspeditsiya 1 Jami: 7 8. Quyi Zarafshon irrigatsiya tizimlari havza boshqarmasi Quyi Zarafshon irrigatsiya tizimlari havza boshqarmasi markaziy apparati 1 “Karmana — Konimex” irrigatsiya tizimi boshqarmasi 1 “Toshrabot — Oʻrtachoʻl” irrigatsiya tizimi boshqarmasi 1 Quyi Zarafshon irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Quyi Zarafshon irrigatsiya tizimlari havza boshqarmasi huzuridagi meliorativ ekspeditsiya 1 Jami: 5 9. Norin — Sirdaryo irrigatsiya tizimlari havza boshqarmasi Norin — Sirdaryo irrigatsiya tizimlari havza boshqarmasi markaziy apparati 1 “Zardaryo” irrigatsiya tizimi boshqarmasi 1 “Podshoota — Chodak” irrigatsiya tizimi boshqarmasi 1 Katta Namangan magistral kanali boshqarmasi 1 Shimoliy Fargʻona magistral kanali boshqarmasi 1 Norin — Sirdaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Norin — Sirdaryo irrigatsiya tizimlari havza boshqarmasi huzuridagi meliorativ ekspeditsiya 1 Jami: 7 10. Zarafshon irrigatsiya tizimlari havza boshqarmasi Zarafshon irrigatsiya tizimlari havza boshqarmasi markaziy apparati 1 “Oq — Qoradaryo” irrigatsiya tizimi boshqarmasi 1 “Dargʻom” irrigatsiya tizimi boshqarmasi 1 “Miyonkal — Tos” irrigatsiya tizimi boshqarmasi 1 “Mirza — Pay” irrigatsiya tizimi boshqarmasi 1 Zarafshon irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Zarafshon irrigatsiya tizimlari havza boshqarmasi huzuridagi meliorativ ekspeditsiya 1 Jami: 7 11. Amu — Surxon irrigatsiya tizimlari havza boshqarmasi Amu — Surxon irrigatsiya tizimlari havza boshqarmasi markaziy apparati 1 “Amu — Zang” irrigatsiya tizimi boshqarmasi 1 “Surxon — Sherobod” irrigatsiya tizimi boshqarmasi 1 “Toʻpolang — Qoratogʻ” irrigatsiya tizimi boshqarmasi 1 Amu — Surxon irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Amu — Surxon irrigatsiya tizimlari havza boshqarmasi huzuridagi meliorativ ekspeditsiya 1 Jami: 6 12. Quyi Sirdaryo irrigatsiya tizimlari havza boshqarmasi Quyi Sirdaryo irrigatsiya tizimlari havza boshqarmasi markaziy apparati 1 “Boyovut” irrigatsiya tizimi boshqarmasi 1 “Shoʻroʻzak — Sirdaryo” irrigatsiya tizimi boshqarmasi 1 Quyi Sirdaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Quyi Sirdaryo irrigatsiya tizimlari havza boshqarmasi huzuridagi meliorativ ekspeditsiya 1 Jami: 5 13. Chirchiq — Ohangaron irrigatsiya tizimlari havza boshqarmasi Chirchiq — Ohangaron irrigatsiya tizimlari havza boshqarmasi markaziy apparati 1 Toshkent magistral kanal boshqarmasi 1 “Ohangaron — Dalvarzin” irrigatsiya tizimi boshqarmasi 1 “Boʻzsuv” irrigatsiya tizimi boshqarmasi 1 “Parkent — Qorasuv” irrigatsiya tizimi boshqarmasi 1 Chirchiq — Ohangaron irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Chirchiq — Ohangaron irrigatsiya tizimlari havza boshqarmasi huzuridagi meliorativ ekspeditsiya 1 Jami: 7 14. Sirdaryo — Soʻx irrigatsiya tizimlari havza boshqarmasi Sirdaryo — Soʻx irrigatsiya tizimlari havza boshqarmasi markaziy apparati 1 “Isfayram — Shohimardon” irrigatsiya tizimi boshqarmasi 1 “Norin — Fargʻona” irrigatsiya tizimi boshqarmasi 1 “Soʻx — Oqtepa” irrigatsiya tizimi boshqarmasi 1 Sirdaryo — Soʻx irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Sirdaryo — Soʻx irrigatsiya tizimlari havza boshqarmasi huzuridagi meliorativ ekspeditsiya 1 Jami: 6 15. Chapqirgʻoq Amudaryo irrigatsiya tizimlari havza boshqarmasi Chapqirgʻoq Amudaryo irrigatsiya tizimlari havza boshqarmasi markaziy apparati 1 “Polvon — Gʻazovat” irrigatsiya tizimi boshqarmasi 1 “Shovot — Qulovat” irrigatsiya tizimi boshqarmasi 1 Chapqirgʻoq Amudaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi 1 Chapqirgʻoq Amudaryo irrigatsiya tizimlari havza boshqarmasi huzuridagi meliorativ ekspeditsiya 1 Jami: 5 16. “Termiz suv yoʻllari texnik uchastkasi” davlat muassasasi 1 17. “Cholish suv yoʻllari texnika boʻlimi” davlat muassasasi 1 18. “Xoʻjayli texnik uchastkasi” davlat muassasasi 1 19. Suv xoʻjaligi obyektlari xavfsizligini va suvdan foydalanishni nazorat qilish inspeksiyasi markaziy apparati va hududiy boshqarmalari 14 20. Suv xoʻjaligi loyihalarini amalga oshirish departamenti 1 21. Qarshi magistral kanalidan foydalanish boshqarmasi 1 22. Amu — Buxoro mashina kanalidan foydalanish boshqarmasi 1 Amu — Buxoro mashina kanali Olot tuman boshqarmasi 1 Amu — Buxoro mashina kanali Qiziltepa tuman boshqarmasi 1 23. Fargʻona vodiysi kanallaridan foydalanish boshqarmasi 1 24. Katta Fargʻona magistral kanali boshqarmasi 1 25. Janubiy Mirzachoʻl magistral kanalidan foydalanish boshqarmasi 1 26. Zarafshon magistral tizimidan foydalanish boshqarmasi 1 27. Qirgʻoqlarni himoyalash dambalari va oʻzanlarni tartibga solish inshootlari boshqarmasi 1 28. Amudaryo Chapqirgʻoq himoya dambalar boshqarmasi 1 29. Jizzax bosh nasos stansiyasi boshqarmasi 1 30. Jizzax viloyati suv omborlaridan foydalanish boshqarmasi 1 31. Qashqadaryo viloyati suv omborlaridan foydalanish boshqarmasi 1 32. Navoiy viloyati suv omborlari va yirik gidrotexnika inshootlaridan foydalanish boshqarmasi 1 33. Namangan viloyati suv omborlaridan foydalanish boshqarmasi 1 34. Samarqand viloyati suv omborlaridan foydalanish boshqarmasi 1 35. Surxondaryo viloyati suv omborlaridan foydalanish boshqarmasi 1 36. Toshkent viloyati suv omborlaridan foydalanish boshqarmasi 1 37. Fargʻona viloyati suv omborlaridan foydalanish boshqarmasi 1 38. Tuyamoʻyin gidrouzelidan foydalanish boshqarmasi 1 39. Suv xoʻjaligida xorijiy investitsiya loyihalarini amalga oshirish markazi 1 40. Markaziy dispetcherlik va suv balansi xizmati 1 41. Suv xoʻjaligida islohotlar markazi 1 42. Irrigatsiya va suv muammolari ilmiy-tadqiqot instituti 1 Hammasi 128

Vazirlar Mahkamasining 2024-yil 7-oktabrdagi 645-son qaroriga 7a-ILOVA

Oʻzbekiston Respublikasi Suv xoʻjaligi vazirligi Suv xoʻjaligi loyihalarini amalga oshirish departamenti tizimidagi “Suvqurilishinvest” davlat muassasalari

T/r Tashkilotlar nomi Boshqaruv xodimlari soni * , nafar 1. “Qoraqalpogʻistonsuvqurilishinvest” davlat muassasasi 35 2. “Andijonsuvqurilishinvest” davlat muassasasi 34 3. “Buxorosuvqurilishinvest” davlat muassasasi 38 4. “Jizzaxsuvqurilishinvest” davlat muassasasi 31 5. “Qashqadaryosuvqurilishinvest” davlat muassasasi 34 6. “Navoiysuvqurilishinvest” davlat muassasasi 22 7. “Namangansuvqurilishinvest” davlat muassasasi 33 8. “Samarqandsuvqurilishinvest” davlat muassasasi 33 9. “Surxondaryosuvqurilishinvest” davlat muassasasi 28 10. “Sirdaryosuvqurilishinvest” davlat muassasasi 38 11. “Toshkentsuvqurilishinvest” davlat muassasasi 30 12. “Fargʻonasuvqurilishinvest” davlat muassasasi 38 13. “Pitnaksuvqurilishinvest” davlat muassasasi 12 14. “Xorazmsuvqurilishinvest” davlat muassasasi 26 Jami: 432

Vazirlar Mahkamasining 2024-yil 7-oktabrdagi 645-son qaroriga 8-ILOVA

“Oʻzbekiston Respublikasi suv xoʻjaligi aʼlochisi” koʻkrak nishoni toʻgʻrisida

1-bob. Umumiy qoidalar

1. Ushbu Nizom “Oʻzbekiston Respublikasi suv xoʻjaligi aʼlochisi” koʻkrak nishoni (keyingi oʻrinlarda — koʻkrak nishoni) bilan taqdirlash tartibini belgilaydi.

2. Koʻkrak nishoni bilan ish tajribasiga va kasbiy malakaga ega boʻlgan, oʻz faoliyatida yuksak natijalarga erishib, fidoyi mehnati bilan sohada ajralib turgan Oʻzbekiston Respublikasi Suv xoʻjaligi vazirligi (keyingi oʻrinlarda — Vazirlik) markaziy apparati, uning tizimidagi tashkilotlar rahbarlari va xodimlari, shuningdek, respublika va mahalliy ijro etuvchi hokimiyat organlari hamda xoʻjalik birlashmalari xodimlari mukofotlanadi.

3. Koʻkrak nishoni bilan mazkur Nizomning 2-bandida koʻrsatilgan xizmatlari uchun Oʻzbekiston Respublikasi fuqarosi boʻlmagan shaxslar ham mukofotlanishi mumkin.

2-bob. Koʻkrak nishoni bilan taqdirlash tartibi

4. Koʻkrak nishoni bilan mazkur Nizomning 2-bandida nazarda tutilgan tashkilotlar va Vazirlik markaziy apparati tarkibiy boʻlinmalari rahbarlari hamda Oʻzbekiston Respublikasi suv xoʻjaligi vazirining (keyingi oʻrinlarda — vazir) tegishli oʻrinbosarlarining taqdimnomasiga asosan Vazirning buyrugʻi bilan mukofotlanadi.

5. Mukofotlash toʻgʻrisidagi buyruq Vazirlikning rasmiy veb-saytida eʼlon qilinadi.

6. Koʻkrak nishoni va uning guvohnomasi bayram hamda tantanali marosimlar kunlari arafasida vazir (yoki uning topshirigʻiga muvofiq boshqa masʼul shaxslar) tomonidan tantanali tarzda topshiriladi.

7. Koʻkrak nishoni bilan mukofotlangan shaxslar bazaviy hisoblash miqdorining besh baravari miqdorida biryoʻla toʻlanadigan pul mukofoti oladi.

Biryoʻla toʻlanadigan pul mukofoti Vazirlikning Suv xoʻjaligini rivojlantirish jamgʻarmasi mablagʻlari hisobidan amalga oshiriladi.

8. Bir shaxs koʻkrak nishoni bilan bir marta mukofotlanadi.

9. Koʻkrak nishoni koʻkrakning chap tomoniga, Oʻzbekiston Respublikasi davlat mukofotlaridan keyin taqiladi.

3-bob. Yakunlovchi qoidalar

10. Ushbu Nizom talablari buzilishida aybdor shaxslar qonunchilik hujjatlarida belgilangan tartibda javobgar boʻladi.

Vazirlar Mahkamasining 2024-yil 7-oktabrdagi 645-son qaroriga 8a-ILOVA

“Oʻzbekiston Respublikasi suv xoʻjaligi aʼlochisi” koʻkrak nishonining

“Oʻzbekiston Respublikasi suv xoʻjaligi aʼlochisi” koʻkrak nishoni (keyingi oʻrinlarda — koʻkrak nishoni) diametri 34 millimetrli doira shaklida boʻlib, mis qotishmasidan tayyorlanadi.

Koʻkrak nishonining old tomoni markaziga togʻlar orqasidan chiqayotgan quyosh, paxta, bugʻdoy, daraxtlar va suv inshooti tasviri sakkiz burchakli yulduz ichiga joylashtirilgan. Koʻkrak nishonining aylanasi boʻylab zarhal hoshiya bilan oʻralgan moviy rangdagi emal doira ichida “OʻZBEKISTON RESPUBLIKASI SUV XOʻJALIGI AʻLOCNISI” soʻzlari yozilgan. Harflarning balandligi 2,3 millimetr, yozuvlar zarhallangan. Uning pastki qismi markazida zarhal rangdagi sakkiz qirrali yulduz tasviri tushirilgan.

Koʻkrak nishonining orqa tomonida “SONADAGI KOʻP YILLIK SAMARALI MEHNATLARI UCHUN” yozuvi bitilgan.

Koʻkrak nishonining qalinligi 2,2 millimetr.

Tasvirlar va yozuvlar qavariqdir.

Koʻkrak nishonining old va orqa tomonlarining chetlari qavariq doira bilan oʻralgan.

Koʻkrak nishoni halqa va ilmoqchalar yordamida toʻgʻri toʻrtburchak shaklidagi qadagʻichga ulangan.

Qadagʻichning eni — 26 millimetr, boʻyi — 17 millimetrdan iborat. Qadagʻich toʻq moviy rangda. Qadagʻich markazida eni — 20 millimetr, boʻyi 13 millimetr boʻlgan 6 ta yaproq va 5 ta shoxchadan iborat zarhal rangli dafna novdasi joylashgan.

Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.

Vazirlar Mahkamasining 2024-yil 7-oktabrdagi 645-son qaroriga 8b-ILOVA

“Oʻzbekiston Respublikasi suv xoʻjaligi aʼlochisi” koʻkrak nishoni guvohnomasining

“Oʻzbekiston Respublikasi suv xoʻjaligi aʼlochisi” koʻkrak nishoni guvohnomasi (keyingi oʻrinlarda — guvohnoma) 160x110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.

Guvohnomaning tashqi tomoni (birinchi va toʻrtinchi betlari) moviy rangda boʻlib, plyonka bilan qoplangan.

Guvohnomaning birinchi beti eni 7,5 millimetrli, ichki burchaklari aylana shaklida boʻlgan toʻq moviy rangli hoshiya bilan oʻralgan.

Guvohnomaning yuqori chekkasidan (birinchi beti) 35 millimetr pastda, markazda oraligʻi 3,5 millimetrli uch satrdan iborat matn joylashgan. Birinchi satrda “OʻZBEKISTON RESPUBLIKASI”, ikkinchi satrda “SUV XOʻJALIGI AʼLOCHISI”, uchinchi satrda “koʻkrak nishoni” (“Times new Roman Bolt” shrifti, 17-kegl) soʻzlari yozilgan. Undan 6 millimetr pastda “GUVOHNOMASI” (katta harflarda, “Times new Roman Bolt” shrifti, 17-kegl) soʻzi yozilgan. Yozuvlar zarhal rangda aks ettirilgan.

Guvohnomaning ichki tomoni (ikkinchi va uchinchi betlari) “Tangir” tasviri tushirilgan och yashil rangda boʻlib, ofset usulida chop etilgan.

Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.

Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda “ -sonli guvohnoma” (“Times new Roman Bolt” shrifti, 10-kegl) soʻzi (15 millimetrli chiziq bilan birga) joylashgan.

“Guvohnoma” soʻzidan 11 millimetr pastda mukofotlangan rahbar yoki xodimning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.

Pastki chiziqdan 6 millimetr quyida, markazda oraligʻi 2 millimetrli uch satrdan iborat matn joylashgan. Matnda “Oʻzbekiston Respublikasi suv xoʻjaligi vazirining” (“Times new Roman Bolt” shrifti, 10-kegl) soʻzlari yozilgan.

Undan 5 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda “20__-y. “___” ___________dagi”, ikkinchi satrda “____-son buyrugʻiga asosan” (“Times new Roman Bolt” shrifti, 10-kegl) soʻzlari yozilgan.

Undan 5 millimetr pastda, markazda oraligʻi 5 millimetrli uch satrdan iborat matn joylashgan. Birinchi satrda markazda “OʻZBEKISTON RESPUBLIKASI”, ikkinchi satrda “SUV XOʻJALIGI AʼLOCHISI” (“Times new Roman Bolt” shrifti, 12-kegl), uchinchi satrda “koʻkrak nishoni bilan mukofotlandi.” (“Times new Roman Bolt” shrifti, 10-kegl) soʻzlari yozilgan.

Soʻnggi soʻzlardan 9 millimetr pastda, chap tomonda oraligʻi 2 millimetrli bir satrdan iborat matn joylashgan. Matnda “VAZIR” (“Times new Roman Bolt” shrifti, 10-kegl) soʻzlari yozilgan.

“VAZIR” soʻzidan soʻng, imzo uchun 20 millimetrli chiziq chizilgan. Uning tagiga “(imzo)” soʻzi yozilgan. Undan pastda chap tomonda muhr oʻrni uchun “M.Oʻ.” soʻzlari yozilgan.

“Oʻzbekiston Respublikasi suv xoʻjaligi aʼlochisi” koʻkrak nishoni GUVOHNOMASI

Vazirlar Mahkamasining 2024-yil 7-oktabrdagi 645-son qaroriga 9-ILOVA

Oʻzbekiston Respublikasi Suv xoʻjaligi vazirligi hamda uning tizimidagi budjet tashkilotlarida xizmat avtotransport vositalarini biriktirish meʼyorlari

Lavozimlar nomi Xizmat avtotransport vositasining soni Ish smenasi Eng yuqori narxi, bazaviy hisoblash miqdoriga nisbatan Dvigatelning eng yuqori quvvati, sm 3 Shaxsan biriktirilgan Navbatchi I. Respublika tashkilotlari: Suv xoʻjaligida loyihalarni amalga oshirish departamenti, Suv xoʻjaligida islohotlar markazi, Markaziy dispetcherlik va suv balansi xizmati, Irrigatsiya va suv muammolari ilmiy tadqiqot instituti Rahbar 1 1,5 1000 2 700 Navbatchi 1 1,5 700 1 500 II. Hududiy tashkilotlar: Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari, Suv xoʻjaligi obyektlari xavfsizligini va suvdan foydalanishni nazorat qilish inspeksiyasining hududiy boshqarmalari Rahbar 1 1,5 1000 2 000 Rahbar oʻrinbosarlari * 1 1,5 600 1 800 Navbatchi ** 39 1,5 500 1 600 III. Viloyatlararo tashkilotlar: Qarshi magistral kanalidan foydalanish boshqarmasi, Amu-Buxoro mashina kanalidan foydalanish boshqarmasi, Fargʻona vodiysi magistral kanallaridan foydalanish boshqarmasi, Qirgʻoq himoyalovchi dambalar va oʻzan rostlovchi inshootlar boshqarmasi, Janubiy Mirzachoʻl magistral kanali boshqarmasi, Zarafshon magistral tizimidan foydalanish boshqarmasi, Tuyamoʻyin gidrouzelidan foydalanish boshqarmasi, Jizzax bosh nasos stansiyasi boshqarmasi, Amu-Buxoro mashina kanali Olot tumani va Qiziltepa tumani boshqarmalari, Nasos stansiyalari va energetika boshqarmalari Rahbar 1 1,5 1 000 1 800 Navbatchi ** 80 1,5 500 1 500 IV. Tumanlararo tashkilotlar: Irrigatsiya tizimi boshqarmalari, magistral kanallar (tizimlar) boshqarmalari, Orolboʻyi delta va Amudaryo Chapqirgʻoq himoya dambalari boshqarmalari, meliorativ ekspeditsiyalar, Katta Fargʻona magistral kanali boshqarmasi, Navoiy viloyati suv omborlari va yirik gidrotexnik inshootlaridan foydalanish boshqarmalari, Suv omborlaridan foydalanish boshqarmalari, “Termiz suv yoʻllari texnik uchastkasi” davlat muassasasi, “Xoʻjayli suv yoʻllari texnik uchastkasi” davlat muassasasi va “Cholish suv yoʻllari texnika boʻlimi” davlat muassasasi Rahbar 1 1,5 800 1 800 Navbatchi ** 170 1,5 500 1 500

Vazirlar Mahkamasining 2024-yil 7-oktabrdagi 645-son qaroriga 10-ILOVA

T/r Chora-tadbir nomi Amalga oshirish mexanizmi Ijro muddati Dastlabki qiymati Moliyalashtirish manbai Masʼul ijrochilar I. Moddiy-texnik bazasini mustahkamlash boʻyicha 1. “Termiz suv yoʻllari texnik uchastkasi” davlat muassasasidagi mavjud dizel zemsnaryadni taʼmirlash (sovitish tizimini qayta jihozlash). 1. Zemsnaryadni taʼmirlash ishlarining loyiha-smeta hujjatlarini ishlab chiqish. 2. Taʼmirlash ishlarini bajarish boʻyicha belgilangan tartibda pudrat tashkilotini aniqlash. 3. Taʼmirlash ishlarini tashkil qilish va ishga tushirish. 2024-yil 20-avgust 400 mln soʻm Surxondaryo viloyati mahalliy budjeti Suv xoʻjaligi vazirligi, Su rxondaryo vi loyati hokimligi, Iqtisodiyot va moliya vazirligi 2. “Qarshi magistral kanali” irrigatsiya tizimi boshqarmasi hisobidagi bitta dizel zemsnaryadni “Termiz suv yoʻllari texnik uchastkasi” davlat muassasasi balansiga oʻtkazish. 1. Zemsnaryadni koʻchirish (demontaj qilish, koʻchirish va montaj qilish) ishlari uchun talab etiladigan mablagʻ miqdori va moliyalashtirish manbaini aniqlash. 2. Zemsnaryadni demontaj qilish, koʻchirish va montaj qilish. 3. Zemsnaryadni belgilangan tartibda topshirish va qabul qilish ishlarini yakunlash. 2024-yil 20-avgust 600 mln soʻm Suv xoʻjaligi vazirligiga ajratilgan mablagʻlar Suv xoʻjaligi vazirligi, Iqtisodiyot va moliya vazirligi 3. “Termiz suv yoʻllari texnik uchastkasi”, “Amudaryo suv yoʻllari Xoʻjayli texnik uchastkasi” va “Cholish suv yoʻllari texnika boʻlimi” davlat muassasalarini texnik flot kemalari, yordamchi kemalar va mexanizmlar bilan jihozlash. 1. Muassasalarni qoʻshimcha ravishda mashina va mexanizmlar bilan jihozlash boʻyicha ehtiyojni aniqlash. 2024-yil noyabr Hisob-kitoblarga koʻra Suv xoʻjaligi vazirligiga ajratilgan mablagʻlar Suv xoʻjaligi vazirligi, Iqtisodiyot va moliya vazirligi 2. Texnik topshiriqlar va tender hujjatlarini ishlab chiqish, ekspertizadan oʻtkazish. 2024 — 2026-yillar 3. Ekspertizaning ijobiy xulosasi va texnik topshiriq shartlari asosida tender savdolarini oʻtkazish va gʻolib tashkilotlar bilan shartnomalarni rasmiylashtirish. 2024 — 2027-yillar 4. Mashina va mexanizmlarni xarid qilish uchun moliyalashtirishni ochish va xarid qilish. 2024 — 2027-yillar 4. “Amudaryo suv yoʻllari Xoʻjayli texnik uchastkasi” va “Cholish suv yoʻllari texnika boʻlimi” davlat muassasalarining texnik flot va yordamchi kemalarini taʼmirlash. 1. Texnik flot va yordamchi kemalarni xatlovdan oʻtkazish hamda nuqson dalolatnomalarini rasmiylashtirish. 2024-yil sentabr Hisob-kitoblarga koʻra Suv xoʻjaligi vazirligiga ajratilgan mablagʻlar Suv xoʻjaligi vazirligi, Iqtisodiyot va moliya vazirligi 2. Taʼmirlash-tiklash ishlarining loyiha-smeta hujjatlarini ishlab chiqish. 2024-yil dekabr 3. Taʼmirlash-tiklash boʻyicha tender savdolarini oʻtkazish va shartnomalarni rasmiylashtirish. 2025-2026-yillar 4. Shartnomaga muvofiq taʼmirlash-tiklash ishlarini amalga oshirish. 2025 — 2027-yillar 5. Amudaryoda bahor mavsumidagi sel-toshqin davrida texnik flot kemalarining xavfsizligini taʼminlash uchun alohida saqlash joyini tanlash. 1. “Suv yoʻllari texnik uchastkasi” davlat muassasalari uchun alohida kemalarni saqlash joyini aniqlash. 2024-yil noyabr Mablagʻ talab etilmaydi Suv xoʻjaligi vazirligi, Qoraqalpogʻiston Respublikasi Vazirlar Kengashi, Surxondaryo viloyati hokimligi, Xorazm viloyati hokimligi, Davlat xavfsizlik xizmati Chegara qoʻshinlari 2. Aniqlangan saqlash joyini vakolatli idoralar bilan kelishish va doimiy foydalanish huquqini berish. 2025-yil yanvar 3. Belgilangan tartibda ajratilgan hududga muassasalarning texnik flot kemalarini joylashtirish. 2025-yil fevral-mart 6. Amudaryodan kafolatli suv olinishini taʼminlash maqsadida Amu-Buxoro mashina kanalidan foydalanish boshqarmasining moddiy-texnik bazasini mustahkamlash: a) texnika va mexanizmlar xarid qilish: 5 ta (3 ta elektr toki va 2 ta dizel yoqilgʻisi bilan ishlaydigan) zemsnaryad; 1 ta bugʻ bilan ishlaydigan qayiq (teploxod) va 1 ta BMK rusumli qayiq; 4 ta buldozer; 1 ta avtokran va 2 ta yoʻltanlamas avtomashina; b) zemsnaryadlarni elektr bilan taʼminlash va suv olinishini yaxshilash: 10,0 km uzunlikdagi elektr liniyasini rekonstruksiya qilish; 2,5 km uzunlikda suv olish kanalini (vodozabor) qurish. 1. Texnik topshiriqlar, tender va loyiha-smeta hujjatlarini ishlab chiqish. 2024-yil dekabr Hisob-kitoblarga koʻra Respublika va mahalliy budjet mablagʻlari, xorijiy grantlar Suv xoʻjaligi vazirligi, Energetika vazirligi, Iqtisodiyot va moliya vazirligi 2. Texnik topshiriqlar, tender va loyiha-smeta hujjatlarini ekspertizadan oʻtkazish. 2025-yil fevral 3. Ekspertizaning ijobiy xulosasi va texnik topshiriq shartlari asosida tender savdolarini oʻtkazish va gʻolib tashkilotlar bilan shartnomalar rasmiylashtirish. 2025-yil aprel 4. Mashina va mexanizmlarni xarid qilish uchun moliyalashtirishni ochish va xarid qilish. 2025-yil may 5. Elektr liniyasini rekonstruksiya qilish va suv olish kanalini qurish ishlarini amalga oshirish. 2025-yil may — dekabr 7. Suv yoʻllari texnik uchastkasi davlat muassasalariga oʻz faoliyatini amalga oshirish davrida qazib chiqarilgan qurilish materiallarini (qum, shagʻal) yuridik va jismoniy shaxslarga realizatsiya qilishdan olinadigan foydaning bir qismini yoʻnaltirish. Suv yoʻllari texnik uchastkasi davlat muassasalariga oʻz faoliyatini amalga oshirish davrida qazib chiqarilgan qurilish materiallarini (qum, shagʻal) yuridik va jismoniy shaxslarga realizatsiya qilishdan olingan foydani Suv xoʻjaligi vazirligi tomonidan belgilangan tartibda Vazirlar Mahkamasining “Budjet tashkilotlarini mablagʻ bilan taʼminlash tartibini takomillashtirish toʻgʻrisida” 1999-yil 3-sentabrdagi 414-son qarorida belgilangan tartibga muvofiq davlat muassasalarining moddiy-texnik bazasini yaxshilash va ishchi-xodimlarni ragʻbatlantirish uchun yoʻnaltirish. Doimiy Mablagʻ talab etilmaydi Suv xoʻjaligi vazirligi II. Amudaryoning Oʻzbekiston Respublikasi hududidan oʻtgan uchastkalarida oʻzanni toʻgʻrilash, chuqurlashtirish va tozalash ishlarini bajarish hamda gabarit oʻlchamlarining saqlanishini taʼminlash boʻyicha 8. “Amudaryo oʻzanining oqimi oʻzgarib ketgan 32 km qismini qayta tiklash (prorez)” obyekti boʻyicha qurilish ishlarini amalga oshirish. 1. Obyektning loyiha-smeta hujjatlarini ishlab chiqish, ekspertizadan oʻtkazish. 2025-yil dekabr Hisob-kitoblarga koʻra Suv xoʻjaligi vazirligiga ajratilgan mablagʻlar Suv xoʻjaligi vazirligi, Iqtisodiyot va moliya vazirligi 2. Loyiha-smeta hujjatlari asosida obyektda qurilish-taʼmirlash ishlarini moliyalashtirish. 2026-2027-yillar 3. Qurilish ishlarini tashkil etish va belgilangan tartibda foydalanishga topshirish. 2026-2027-yillar

Vazirlar Mahkamasining 2024-yil 7-oktabrdagi 645-son qaroriga 11-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2021-yil 19-martdagi 149-son qarori bilan tasdiqlangan Orolni qutqarish Xalqaro jamgʻarmasi Ijroiya qoʻmitasidagi Oʻzbekiston Respublikasining doimiy vakili faoliyati toʻgʻrisidagi nizomning 8-bandi quyidagi tahrirda bayon etilsin:

“8. OQXJning Orol dengizi havzasi loyihalarini amalga oshirish agentligi va OQXJ ijroiya qoʻmitasining Nukus filiali xodimlarining mehnatiga haq toʻlash, ularni mukofotlash va ularga moddiy yordam koʻrsatish quyidagicha amalga oshiriladi:

a) Yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshini belgilashda 2024-yil 1-iyuldan boshlab, OQXJning Orol dengizi havzasi loyihalarini amalga oshirish agentligi xodimlari uchun — 4 baravar, OQXJ ijroiya qoʻmitasining Nukus filiali xodimlari uchun — 3 baravar oshirilgan koeffitsiyentlar qoʻllaniladi;

b) davlat tashkilotlarida koʻp yillik mehnati uchun ragʻbatlantirish koeffitsiyentini hisobga olgan holda lavozim maoshiga quyidagi hajmlarda har oyda ustama toʻlanadi:

1 yildan 5 yilgacha — 0,2;

5 yildan 10 yilgacha — 0,3;

10 yildan 20 yilgacha — 0,4;

20 yildan ortiq — 0,6;

v) bayramlar munosabati bilan yiliga ikki oylik lavozim maoshi miqdorida va har chorak yakuni bilan bir oylik lavozim maoshi miqdorida mukofot pullari hamda yiliga bir oylik lavozim maoshi miqdorida moddiy yordam toʻlanadi;

g) budjet tashkilotlari uchun belgilangan mehnatga haq toʻlash fondining qonunchilikda belgilangan miqdorda moddiy ragʻbatlantirish maxsus fondi qoʻllaniladi;

d) ilmiy darajaga ega xodimlarga 2025-yil 1-yanvardan boshlab, Vazirlar Mahkamasining 2019-yil 24-dekabrdagi 1030-son qarori bilan tasdiqlangan Ilm-fan va taʼlim sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodimlarga qoʻshimcha haq toʻlash tartibi toʻgʻrisidagi nizom talablari tatbiq etiladi.

OQXJning Orol dengizi havzasi loyihalarini amalga oshirish agentligi va OQXJ ijroiya qoʻmitasining Nukus filiali xodimlarining mehnatiga haq toʻlash bilan bogʻliq barcha xarajatlari va saqlash xarajatlari Oʻzbekiston Respublikasining badali (ulushi) sifatida har yili Oʻzbekiston Respublikasi respublika budjetidan oʻtkazib beriladigan mablagʻlar hisobidan toʻlanadi”.

3. Vazirlar Mahkamasining “Qishloq xoʻjaligiga moʻljallangan yerlarning shoʻrini yuvish ishlarini tashkil etish boʻyicha qoʻshimcha chora-tadbirlar toʻgʻrisida” 2021-yil 8-apreldagi 190-son qarorida :

a) 1-bandning toʻrtinchi xatboshisidagi , 2-bandning “a” kichik bandi ikkinchi va oltinchi xatboshilaridagi hamda “v” kichik bandidagi tegishli kelishikdagi “suv isteʼmolchilari uyushmalari” soʻzlari tegishli kelishikdagi “Suv yetkazib berish xizmati” davlat muassasalari” soʻzlari bilan almashtirilsin;

b) ilovada :

4-banddagi “suv isteʼmolchilari uyushmalarining” soʻzlari “Suv yetkazib berish xizmati” davlat muassasalarining” soʻzlari bilan almashtirilsin;

5-band quyidagi tahrirda bayon etilsin:

“5. Suv isteʼmolchilarining suv olish limitlari xalq deputatlari tuman Kengashlari qarorlari bilan belgilangan tartibda tasdiqlanadi va ularga xizmat koʻrsatadigan tegishli foydalanuvchi tashkilotlar (“Suv yetkazib berish xizmati” davlat muassasalari) tomonidan suv isteʼmolchilariga yetkaziladi”;

6 , 9 va 14-bandlardagi , 15-bandning ikkinchi va uchinchi xatboshilaridagi , 17-banddagi va 1-ilovadagi tegishli kelishikdagi “suv isteʼmolchilari uyushmalari” soʻzlari tegishli kelishikdagi “Suv yetkazib berish xizmati” davlat muassasalari” soʻzlari bilan almashtirilsin.

4. Vazirlar Mahkamasining “Suv yetkazib berish xizmati” davlat muassasalari faoliyatini tashkil etish chora-tadbirlari toʻgʻrisida” 2024-yil 9-fevraldagi 79-son qarorida :

a) 1-ilovaning 11-bandi ikkinchi xatboshisidagi “Oʻzbekiston Respublikasi Suv xoʻjaligi vaziri” soʻzlari “Vazirlik huzuridagi Suv xoʻjaligi obyektlarini ekspluatatsiya qilish agentligi direktori” soʻzlari bilan almashtirilsin;

b) 4-ilovaning izohi quyidagi mazmundagi uchinchi xatboshi bilan toʻldirilsin:

Vazirlar Mahkamasining 2024-yil 7-oktabrdagi 645-son qaroriga 12-ILOVA

Oʻzbekiston Respublikasi Hukumatining oʻz kuchini yoʻqotayotgan ayrim qarorlari

1. Vazirlar Mahkamasining “Oʻzbekiston Respublikasi Suv xoʻjaligi vazirligi faoliyatiga doir ayrim qonunchilik hujjatlarini takomillashtirish toʻgʻrisida” 2021-yil 17-sentabrdagi 573-son qarori .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2022-yil 7-iyuldagi 372-son qaroriga 1-ilovaning 3-bandi .

4. Vazirlar Mahkamasining “Oʻzbekiston Respublikasi Suv xoʻjaligi vazirligi faoliyati takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2022-yil 18-iyuldagi 388-son qaroriga 1-ilova 2-bandining “b” kichik bandi .

5. Vazirlar Mahkamasining “Yaratilgan yangi ish oʻrinlarini hisobga olish tartibi toʻgʻrisidagi nizomni tasdiqlash haqida” 2022-yil 21-dekabrdagi 717-son qaroriga 2-ilovaning 23-bandi .

6. Vazirlar Mahkamasining “Oʻzbekiston Respublikasi Suv xoʻjaligi vazirligi huzuridagi suv xoʻjaligi obyektlari xavfsizligini va suvdan foydalanishni nazorat qilish inspeksiyasi faoliyatini tartibga soluvchi ayrim normativ-huquqiy hujjatlarni tasdiqlash toʻgʻrisida” 2023-yil 27-sentabrdagi 500-son qaroriga 3-ilova hamda 5-ilovaning 20-bandi .

7. Vazirlar Mahkamasining “Suv yetkazib berish xizmati” davlat muassasalari faoliyatini tashkil etish chora-tadbirlari toʻgʻrisida” 2024-yil 9-fevraldagi 79-son qaroriga 5-ilovaning 3-bandi .

Oʻzbekiston Respublikasining Bosh vaziri A. ARIPOV

Toshkent sh.,

2024-yil 7-oktabr,

645-son

(Qonunchilik maʼlumotlari milliy bazasi, 08.10.2024-y., 09/24/645/0795-son; 13.03.2025-y., 09/25/158/0235-son; 11.06.2025-y., 09/25/352/0502-son; 19.11.2025-y., 09/25/732/1062-son; 02.02.2026-y., 09/26/35/0101-son; 23.06.2026-y., 09/26/317/0617-son; 15.07.2026-y., 09/26/362/0737-son )

lex.uz