📅 2024-yil 4-sentabr · Vazirlik va idoralar hujjatlari · Istiqbolli loyihalar milliy agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 сентябрь · Вазирлик ва идоралар ҳужжатлари · Истиқболли лойиҳалар миллий агентлиги директори
Расмий матн. Расмий ҳужжат. Таҳририй изоҳлар киритилмаган.
📅 4 сентября 2024 г. · Документы министерств и ведомств · Директор Национального агентства перспективных проектов
Официальный текст. Официальный документ. Редакционные примечания не включены.
📅 4 September 2024 · Ministry and agency documents · Istiqbolli loyihalar milliy agentligi direktori
Official text. Official document. Editorial notes are not included.
Ўзбекистон Республикаси Истиқболли лойиҳалар миллий агентлиги директорининг
буйруғи
НИЗОМ
Акциядорлик жамиятлари ходимларининг акцияларга эгалик қилиш режасини жорий этиш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2023 йил 2 сентябрдаги ПҚ-291-сон «Капитал бозорини ривожлантиришга доир қўшимча чора-тадбирлар тўғрисида»ги қарорига мувофиқ буюраман:
1. Акциядорлик жамиятлари ходимларининг акцияларга эгалик қилиш режасини жорий этиш тартиби тўғрисидаги низом иловага мувофиқ тасдиқлансин.
2. Мазкур буйруқ Ўзбекистон Республикаси Иқтисодиёт ва молия вазирлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Давлат активларини бошқариш агентлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили ҳамда Савдо-саноат палатаси билан келишилган.
3. Мазкур буйруқ расмий эълон қилинган кундан эътиборан уч ойдан кейин кучга киради.
Келишилди:
Ўзбекистон Республикаси Истиқболли лойиҳалар миллий агентлиги директорининг 2024 йил 4 сентябрдаги 8-сон буйруғига ИЛОВА
Акциядорлик жамиятлари ходимларининг акцияларга эгалик қилиш режасини жорий этиш тартиби тўғрисидаги
Мазкур Низом Ўзбекистон Республикаси ҳудудида акциядорлик жамиятлари ходимларининг акцияларга эгалик қилиш режасини жорий этиш тартибини белгилайди.
1-боб. Умумий қоидалар
1. Мазкур Низомда қуйидаги асосий тушунчалар қўлланилади:
акциядорлик жамиятлари ходимларининг акцияларга эгалик қилиш режаси (бундан буён матнда эгалик қилиш режаси деб юритилади) — акциядорлик жамиятлари ходимларига жамият акцияларини сотиш ёки акцияларга доир опционни сотишга (беришга) қаратилган шартлар, келишувлар ва чора-тадбирлар мажмуи;
акциядорлик жамияти (бундан буён матнда жамият деб юритилади) — устав фонди (устав капитали) акциядорларнинг акциядорлик жамиятига нисбатан ҳуқуқларини тасдиқловчи муайян миқдордаги акцияларга тақсимланган Ўзбекистон Республикаси резиденти бўлган тижорат ташкилоти;
акциядорлик жамияти ходими (бундан буён матнда ходим деб юритилади) — жамият билан меҳнат шартномасини тузган жисмоний шахс;
опцион — эмиссиявий қимматли қоғоз бўлиб, у ўз эмитентининг муайян миқдордаги қимматли қоғозларини унда назарда тутилган муддатда, қатъий белгиланган нарх бўйича сотиб олишга бўлган ҳуқуқини тасдиқлайди.
2. Акциялари бирламчи оммавий таклиф қилиш орқали сотилиши белгиланган давлат улуши эллик фоиз ва ундан ортиқ бўлган жамиятларда эгалик қилиш режаси жорий этилиши шарт.
Мазкур банднинг биринчи хатбошисида назарда тутилмаган жамиятлар эгалик қилиш режасини ўз ихтиёрига кўра жорий этиши мумкин. Бунда, жамият томонидан эгалик қилиш режасини жорий этишда мазкур Низомда белгиланган талабларга риоя этилиши лозим.
3. Эгалик қилиш режасини жорий этиш жамият акциядорларининг умумий йиғилиши ваколатига киради.
4. Жамият томонидан эгалик қилиш режасининг жорий этилиши ва унга риоя қилиниши устидан назорат қимматли қоғозлар бозорини тартибга солиш бўйича ваколатли давлат органи томонидан амалга оширилади.
2-боб. Эгалик қилиш режаси доирасида ходимларнинг ҳуқуқлари
5. Эгалик қилиш режаси доирасида ходимларни жамият акцияларини сотиб олишга ёки акцияларга доир опционни сотиб олишга мажбур қилиш тақиқланади.
6. Жамият томонидан эгалик қилиш режаси доирасида ходимларга акцияларни сотиш учун уларнинг иш ҳақи, мукофотлар, иш ҳақига қўшимча тўловлар, устамалар ва бошқа тўловларидан ушлаб қолиш тақиқланади.
7. Эгалик қилиш режаси бўйича акцияларни сотишда барча ходимлар учун бир хил шартлар белгиланиши ҳамда тенг имкониятлар берилиши лозим, бундан ходимлар ва кузатув кенгаши аъзоларига мукофотни ёки рағбатлантириш тўловини акцияларга доир опционлар тарзида бериш мустасно.
Эгалик қилиш режаси доирасида камситиш тақиқланади. Жинси, ёши, ирқи, миллати, тили, ижтимоий келиб чиқиши, мулкий ҳолати ва мансаб мавқеи, яшаш жойи, динга бўлган муносабати, эътиқоди, жамоат бирлашмаларига мансублиги, шунингдек ходимларнинг ишчанлик сифатлари ва меҳнати натижалари билан боғлиқ бўлмаган бошқа жиҳатларига қараб эгалик қилиш режаси доирасида бирор-бир тўғридан-тўғри ёки билвосита чекловлар белгилаш, худди шунингдек бирор-бир тўғридан-тўғри ёки билвосита имтиёзлар бериш камситишдир.
8. Эгалик қилиш режаси доирасида жамият акцияларини олган ходим қонунчиликда белгиланган акциядорнинг барча ҳуқуқларига эга бўлади ҳамда акцияларни ўз хоҳишига кўра тасарруф этади, бундан акцияларга доир опционни чиқариш шартларида уларнинг муомаласига чекловлар назарда тутилган ҳоллар мустасно.
9. Жамият ва ходим ўртасидаги меҳнат муносабатларининг тугатилиши ходимларнинг жамият акцияларига нисбатан ҳуқуқларига таъсир қилмайди.
10. Жамият ходимларининг акцияларга эгалик қилиш режаси доирасида акцияларни сотиб олишга йўналтирилган маблағлари бўйича солиқ имтиёзлари қонунчиликда белгиланган тартибда қўлланилади.
3-боб. Эгалик қилиш режасини жорий этиш
11. Жамият акциядорларининг умумий йиғилиши томонидан Ўзбекистон Республикасининг «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонунига мувофиқ эгалик қилиш режасини жорий этиш тўғрисида қарор қабул қилинади ҳамда ушбу қарор билан эгалик қилиш режаси ҳақидаги ҳужжат тасдиқланади.
12. Эгалик қилиш режаси ҳақидаги ҳужжатда жамият томонидан ходимларга акцияларни сотиш ёки акцияларга доир опционни сотиш (бериш) шартлари ва тартиби ҳамда эгалик қилиш режаси билан боғлиқ бошқа муҳим шартлар кўрсатилади.
13. Жамият эгалик қилиш режаси жорий этилганлиги ҳақидаги ахборотни у жорий этилган кундан бошлаб икки иш куни ичида ўз веб-сайти ва Корпоратив ахборотнинг ягона порталида жойлаштириш йўли билан ошкор қилиши шарт.
Жамият эгалик қилиш режаси ҳақидаги ҳужжат тасдиқланган кундан бошлаб ўн беш кундан кечиктирмай ушбу ҳужжат билан барча ходимларни таништириши лозим.
14. Жамият эгалик қилиш режаси доирасида ходимларга акцияларни сотиш ёки акцияларга доир опционни сотиш (бериш) мақсадида жамият акцияларини қайтариб сотиб олиши мумкин.
15. Эгалик қилиш режаси доирасида жамият акцияларини қайтариб сотиб олиш бозор қийматида амалга оширилади.
4-боб. Эгалик қилиш режаси доирасида акцияларга доир опционни сотиш (бериш)
16. Эгалик қилиш режаси доирасида жамият акциядорларининг умумий йиғилиши қарори билан жамият акциялари:
ходимларга акцияларга доир опционни сотиш орқали;
ходимлар ва кузатув кенгаши аъзоларига мукофотни ёки рағбатлантириш тўловини акцияларга доир опционлар тарзида бериш орқали ўтказилиши мумкин.
17. Эгалик қилиш режаси доирасида акцияларга доир опционларни чиқариш ва давлат рўйхатидан ўтказиш Ўзбекистон Республикасининг «Қимматли қоғозлар бозори тўғрисида»ги Қонуни ҳамда бошқа қонунчилик ҳужжатларига мувофиқ амалга оширилади.
18. Жамият акциядорлари умумий йиғилишининг акцияларга доир опционларни сотиш (бериш) тўғрисидаги қарорида акцияларга доир опционларни олувчи ходимлар рўйхати ва уларнинг ҳар бири оладиган опционлар сони, акцияларга доир опционлар асосида сотиладиган (бериладиган) акциялар сони, миқдори, уларни сотиш (бериш) муддати ҳамда сотиш нархи кўрсатилиши лозим.
19. Олиш ҳуқуқини опционлар берадиган муайян турдаги акцияларнинг сони акцияларга доир опционлар чиқарилишини давлат рўйхатидан ўтказиш учун ҳужжатларни тақдим этиш санасидаги ҳолатга кўра жойлаштирилган ушбу турдаги акцияларнинг 5 фоизидан ортиқ бўлиши мумкин эмас.
Бунда, бир нафар ходимга сотиладиган (бериладиган) олиш ҳуқуқини опционлар берадиган муайян турдаги акцияларнинг сони ушбу турдаги акцияларнинг 0,1 фоизидан ошмаслиги лозим.
20. Акцияларга доир опционни чиқариш шартларида уларнинг муомаласига чекловлар назарда тутилиши мумкин.
21. Ходимлар ва кузатув кенгаши аъзоларига мукофотни ёки рағбатлантириш тўловини акцияларга доир опционлар тарзида беришда акцияларнинг қийматини қоплаш билан боғлиқ харажатлар жамият соф фойдасининг бир қисми, тақсимланмаган фойда, жамият томонидан ташкил этилган махсус жамғарма ёки қонунчиликда таъқиқланмаган бошқа маблағлар ҳисобидан амалга оширилади.
5-боб. Эгалик қилиш режаси доирасида акцияларни сотиш
22. Эгалик қилиш режаси жорий этилган жамиятда ходимлар ўз маблағлари ҳисобидан жамият акцияларини сотиб олиш учун мурожаат қилиш ҳуқуқига эга.
23. Эгалик қилиш режаси доирасида акцияларни ходимларга сотиш шартлари ва тартиби, шунингдек ходимларга сотиладиган акцияларнинг жами умумий миқдори ҳамда бир ходимга сотиладиган акцияларнинг энг кўп миқдори эгалик қилиш режаси ҳақидаги ҳужжатда белгиланади.
24. Ходим эгалик қилиш режаси доирасида акцияларни сотиб олиш учун жамиятнинг ижроия органи раҳбарига ариза билан мурожаат қилади.
25. Жамиятнинг ижроия органи раҳбари ходимларнинг акцияларни сотиб олиш ҳақидаги мурожаатларини ҳар чоракда бир марта акциядорларнинг умумий йиғилиши кун тартибига киритиш масаласини кўриб чиқиш учун кузатув кенгашига тақдим этади.
26. Кузатув кенгаши ва акциядорларнинг умумий йиғилиши томонидан ходимларга жамият акцияларини сотиш масаласи эгалик қилиш режаси ҳақидаги ҳужжат ҳамда қонунчиликда белгиланган тартибда кўриб чиқилади.
27. Акцияларни сотиш тўғрисида жамият ва ходим ўртасида шартнома тузилади. Шартномада сотиладиган акцияларнинг сони ва қиймати ҳамда томонларнинг ихтиёрига кўра бошқа муҳим шартлар назарда тутилиши лозим.
28. Жамият томонидан эгалик қилиш режаси доирасида жамият акциялари ходимларга бозор қийматида сотилади.
6-боб. Якуний қоидалар
29. Ходимлар эгалик қилиш режаси доирасида ўз ҳуқуқларининг бузилиши юзасидан қимматли қоғозлар бозорини тартибга солиш бўйича ваколатли давлат органи ёки судга мурожаат қилишлари мумкин.
30. Мазкур Низом талабларини бузилишида айбдор бўлган шахслар қонунчиликда белгиланган тартибда жавобгар бўладилар.
Истиқболли лойиҳалар миллий агентлиги директори Д. ЛИ
Ўзбекистон Савдо-саноат палатаси раиси Д. ВАХАБОВ
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Д. КАСИМОВ
Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси Ҳ. ТУРАХУЖАЕВ
Давлат активларини бошқариш агентлиги директори А. ОРТИКОВ
Иқтисодиёт ва молия вазири Д. КУЧКАРОВ
Тошкент ш.,
2024 йил 4 сентябрь,
2024 йил 15 август
2024 йил 20 август
2024 йил 16 август
2024 йил 23 август
2024 йил 29 август
8-сон
Oʻzbekiston Respublikasi Istiqbolli loyihalar milliy agentligi direktorining
buyrugʻi
NIZOM
Aksiyadorlik jamiyatlari xodimlarining aksiyalarga egalik qilish rejasini joriy etish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2023-yil 2-sentabrdagi PQ-291-son “Kapital bozorini rivojlantirishga doir qoʻshimcha chora-tadbirlar toʻgʻrisida”gi qaroriga muvofiq buyuraman:
1. Aksiyadorlik jamiyatlari xodimlarining aksiyalarga egalik qilish rejasini joriy etish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq Oʻzbekiston Respublikasi Iqtisodiyot va moliya vazirligi, Raqobatni rivojlantirish va isteʼmolchilar huquqlarini himoya qilish qoʻmitasi, Davlat aktivlarini boshqarish agentligi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili hamda Savdo-sanoat palatasi bilan kelishilgan.
3. Mazkur buyruq rasmiy eʼlon qilingan kundan eʼtiboran uch oydan keyin kuchga kiradi.
Kelishildi:
Oʻzbekiston Respublikasi Istiqbolli loyihalar milliy agentligi direktorining 2024-yil 4-sentabrdagi 8-son buyrugʻiga ILOVA
Aksiyadorlik jamiyatlari xodimlarining aksiyalarga egalik qilish rejasini joriy etish tartibi toʻgʻrisidagi
Mazkur Nizom Oʻzbekiston Respublikasi hududida aksiyadorlik jamiyatlari xodimlarining aksiyalarga egalik qilish rejasini joriy etish tartibini belgilaydi.
1-bob. Umumiy qoidalar
1. Mazkur Nizomda quyidagi asosiy tushunchalar qoʻllaniladi:
aksiyadorlik jamiyatlari xodimlarining aksiyalarga egalik qilish rejasi (bundan buyon matnda egalik qilish rejasi deb yuritiladi) — aksiyadorlik jamiyatlari xodimlariga jamiyat aksiyalarini sotish yoki aksiyalarga doir opsionni sotishga (berishga) qaratilgan shartlar, kelishuvlar va chora-tadbirlar majmui;
aksiyadorlik jamiyati (bundan buyon matnda jamiyat deb yuritiladi) — ustav fondi (ustav kapitali) aksiyadorlarning aksiyadorlik jamiyatiga nisbatan huquqlarini tasdiqlovchi muayyan miqdordagi aksiyalarga taqsimlangan Oʻzbekiston Respublikasi rezidenti boʻlgan tijorat tashkiloti;
aksiyadorlik jamiyati xodimi (bundan buyon matnda xodim deb yuritiladi) — jamiyat bilan mehnat shartnomasini tuzgan jismoniy shaxs;
opsion — emissiyaviy qimmatli qogʻoz boʻlib, u oʻz emitentining muayyan miqdordagi qimmatli qogʻozlarini unda nazarda tutilgan muddatda, qatʼiy belgilangan narx boʻyicha sotib olishga boʻlgan huquqini tasdiqlaydi.
2. Aksiyalari birlamchi ommaviy taklif qilish orqali sotilishi belgilangan davlat ulushi ellik foiz va undan ortiq boʻlgan jamiyatlarda egalik qilish rejasi joriy etilishi shart.
Mazkur bandning birinchi xatboshisida nazarda tutilmagan jamiyatlar egalik qilish rejasini oʻz ixtiyoriga koʻra joriy etishi mumkin. Bunda, jamiyat tomonidan egalik qilish rejasini joriy etishda mazkur Nizomda belgilangan talablarga rioya etilishi lozim.
3. Egalik qilish rejasini joriy etish jamiyat aksiyadorlarining umumiy yigʻilishi vakolatiga kiradi.
4. Jamiyat tomonidan egalik qilish rejasining joriy etilishi va unga rioya qilinishi ustidan nazorat qimmatli qogʻozlar bozorini tartibga solish boʻyicha vakolatli davlat organi tomonidan amalga oshiriladi.
2-bob. Egalik qilish rejasi doirasida xodimlarning huquqlari
5. Egalik qilish rejasi doirasida xodimlarni jamiyat aksiyalarini sotib olishga yoki aksiyalarga doir opsionni sotib olishga majbur qilish taqiqlanadi.
6. Jamiyat tomonidan egalik qilish rejasi doirasida xodimlarga aksiyalarni sotish uchun ularning ish haqi, mukofotlar, ish haqiga qoʻshimcha toʻlovlar, ustamalar va boshqa toʻlovlaridan ushlab qolish taqiqlanadi.
7. Egalik qilish rejasi boʻyicha aksiyalarni sotishda barcha xodimlar uchun bir xil shartlar belgilanishi hamda teng imkoniyatlar berilishi lozim, bundan xodimlar va kuzatuv kengashi aʼzolariga mukofotni yoki ragʻbatlantirish toʻlovini aksiyalarga doir opsionlar tarzida berish mustasno.
Egalik qilish rejasi doirasida kamsitish taqiqlanadi. Jinsi, yoshi, irqi, millati, tili, ijtimoiy kelib chiqishi, mulkiy holati va mansab mavqeyi, yashash joyi, dinga boʻlgan munosabati, eʼtiqodi, jamoat birlashmalariga mansubligi, shuningdek xodimlarning ishchanlik sifatlari va mehnati natijalari bilan bogʻliq boʻlmagan boshqa jihatlariga qarab egalik qilish rejasi doirasida biror-bir toʻgʻridan-toʻgʻri yoki bilvosita cheklovlar belgilash, xuddi shuningdek biror-bir toʻgʻridan-toʻgʻri yoki bilvosita imtiyozlar berish kamsitishdir.
8. Egalik qilish rejasi doirasida jamiyat aksiyalarini olgan xodim qonunchilikda belgilangan aksiyadorning barcha huquqlariga ega boʻladi hamda aksiyalarni oʻz xohishiga koʻra tasarruf etadi, bundan aksiyalarga doir opsionni chiqarish shartlarida ularning muomalasiga cheklovlar nazarda tutilgan hollar mustasno.
9. Jamiyat va xodim oʻrtasidagi mehnat munosabatlarining tugatilishi xodimlarning jamiyat aksiyalariga nisbatan huquqlariga taʼsir qilmaydi.
10. Jamiyat xodimlarining aksiyalarga egalik qilish rejasi doirasida aksiyalarni sotib olishga yoʻnaltirilgan mablagʻlari boʻyicha soliq imtiyozlari qonunchilikda belgilangan tartibda qoʻllaniladi.
3-bob. Egalik qilish rejasini joriy etish
11. Jamiyat aksiyadorlarining umumiy yigʻilishi tomonidan Oʻzbekiston Respublikasining “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonuniga muvofiq egalik qilish rejasini joriy etish toʻgʻrisida qaror qabul qilinadi hamda ushbu qaror bilan egalik qilish rejasi haqidagi hujjat tasdiqlanadi.
12. Egalik qilish rejasi haqidagi hujjatda jamiyat tomonidan xodimlarga aksiyalarni sotish yoki aksiyalarga doir opsionni sotish (berish) shartlari va tartibi hamda egalik qilish rejasi bilan bogʻliq boshqa muhim shartlar koʻrsatiladi.
13. Jamiyat egalik qilish rejasi joriy etilganligi haqidagi axborotni u joriy etilgan kundan boshlab ikki ish kuni ichida oʻz veb-sayti va Korporativ axborotning yagona portalida joylashtirish yoʻli bilan oshkor qilishi shart.
Jamiyat egalik qilish rejasi haqidagi hujjat tasdiqlangan kundan boshlab oʻn besh kundan kechiktirmay ushbu hujjat bilan barcha xodimlarni tanishtirishi lozim.
14. Jamiyat egalik qilish rejasi doirasida xodimlarga aksiyalarni sotish yoki aksiyalarga doir opsionni sotish (berish) maqsadida jamiyat aksiyalarini qaytarib sotib olishi mumkin.
15. Egalik qilish rejasi doirasida jamiyat aksiyalarini qaytarib sotib olish bozor qiymatida amalga oshiriladi.
4-bob. Egalik qilish rejasi doirasida aksiyalarga doir opsionni sotish (berish)
16. Egalik qilish rejasi doirasida jamiyat aksiyadorlarining umumiy yigʻilishi qarori bilan jamiyat aksiyalari:
xodimlarga aksiyalarga doir opsionni sotish orqali;
xodimlar va kuzatuv kengashi aʼzolariga mukofotni yoki ragʻbatlantirish toʻlovini aksiyalarga doir opsionlar tarzida berish orqali oʻtkazilishi mumkin.
17. Egalik qilish rejasi doirasida aksiyalarga doir opsionlarni chiqarish va davlat roʻyxatidan oʻtkazish Oʻzbekiston Respublikasining “Qimmatli qogʻozlar bozori toʻgʻrisida”gi Qonuni hamda boshqa qonunchilik hujjatlariga muvofiq amalga oshiriladi.
18. Jamiyat aksiyadorlari umumiy yigʻilishining aksiyalarga doir opsionlarni sotish (berish) toʻgʻrisidagi qarorida aksiyalarga doir opsionlarni oluvchi xodimlar roʻyxati va ularning har biri oladigan opsionlar soni, aksiyalarga doir opsionlar asosida sotiladigan (beriladigan) aksiyalar soni, miqdori, ularni sotish (berish) muddati hamda sotish narxi koʻrsatilishi lozim.
19. Olish huquqini opsionlar beradigan muayyan turdagi aksiyalarning soni aksiyalarga doir opsionlar chiqarilishini davlat roʻyxatidan oʻtkazish uchun hujjatlarni taqdim etish sanasidagi holatga koʻra joylashtirilgan ushbu turdagi aksiyalarning 5 foizidan ortiq boʻlishi mumkin emas.
Bunda, bir nafar xodimga sotiladigan (beriladigan) olish huquqini opsionlar beradigan muayyan turdagi aksiyalarning soni ushbu turdagi aksiyalarning 0,1 foizidan oshmasligi lozim.
20. Aksiyalarga doir opsionni chiqarish shartlarida ularning muomalasiga cheklovlar nazarda tutilishi mumkin.
21. Xodimlar va kuzatuv kengashi aʼzolariga mukofotni yoki ragʻbatlantirish toʻlovini aksiyalarga doir opsionlar tarzida berishda aksiyalarning qiymatini qoplash bilan bogʻliq xarajatlar jamiyat sof foydasining bir qismi, taqsimlanmagan foyda, jamiyat tomonidan tashkil etilgan maxsus jamgʻarma yoki qonunchilikda taʼqiqlanmagan boshqa mablagʻlar hisobidan amalga oshiriladi.
5-bob. Egalik qilish rejasi doirasida aksiyalarni sotish
22. Egalik qilish rejasi joriy etilgan jamiyatda xodimlar oʻz mablagʻlari hisobidan jamiyat aksiyalarini sotib olish uchun murojaat qilish huquqiga ega.
23. Egalik qilish rejasi doirasida aksiyalarni xodimlarga sotish shartlari va tartibi, shuningdek xodimlarga sotiladigan aksiyalarning jami umumiy miqdori hamda bir xodimga sotiladigan aksiyalarning eng koʻp miqdori egalik qilish rejasi haqidagi hujjatda belgilanadi.
24. Xodim egalik qilish rejasi doirasida aksiyalarni sotib olish uchun jamiyatning ijroiya organi rahbariga ariza bilan murojaat qiladi.
25. Jamiyatning ijroiya organi rahbari xodimlarning aksiyalarni sotib olish haqidagi murojaatlarini har chorakda bir marta aksiyadorlarning umumiy yigʻilishi kun tartibiga kiritish masalasini koʻrib chiqish uchun kuzatuv kengashiga taqdim etadi.
26. Kuzatuv kengashi va aksiyadorlarning umumiy yigʻilishi tomonidan xodimlarga jamiyat aksiyalarini sotish masalasi egalik qilish rejasi haqidagi hujjat hamda qonunchilikda belgilangan tartibda koʻrib chiqiladi.
27. Aksiyalarni sotish toʻgʻrisida jamiyat va xodim oʻrtasida shartnoma tuziladi. Shartnomada sotiladigan aksiyalarning soni va qiymati hamda tomonlarning ixtiyoriga koʻra boshqa muhim shartlar nazarda tutilishi lozim.
28. Jamiyat tomonidan egalik qilish rejasi doirasida jamiyat aksiyalari xodimlarga bozor qiymatida sotiladi.
6-bob. Yakuniy qoidalar
29. Xodimlar egalik qilish rejasi doirasida oʻz huquqlarining buzilishi yuzasidan qimmatli qogʻozlar bozorini tartibga solish boʻyicha vakolatli davlat organi yoki sudga murojaat qilishlari mumkin.
30. Mazkur Nizom talablarini buzilishida aybdor boʻlgan shaxslar qonunchilikda belgilangan tartibda javobgar boʻladilar.
Istiqbolli loyihalar milliy agentligi direktori D. LI
Oʻzbekiston Savdo-sanoat palatasi raisi D. VAXABOV
Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV
Raqobatni rivojlantirish va isteʼmolchilar huquqlarini himoya qilish qoʻmitasi raisi H. TURAXUJAYEV
Davlat aktivlarini boshqarish agentligi direktori A. ORTIKOV
Iqtisodiyot va moliya vaziri D. KUCHKAROV
Toshkent sh.,
2024-yil 4-sentabr,
2024-yil 15-avgust
2024-yil 20-avgust
2024-yil 16-avgust
2024-yil 23-avgust
2024-yil 29-avgust
8-son
Директора Национального агентства перспективных проектов Республики Узбекистан
Приказ
ПОЛОЖЕНИЕ
Об утверждении Положения о порядке введения плана владения акциями работниками акционерных обществ
В соответствии с постановлением Президента Республики Узбекистан от 2 сентября 2023 года № ПП-291 «О дополнительных мерах по развитию рынка капитала» приказываю:
1. Утвердить Положение о порядке введения плана владения акциями работниками акционерных обществ согласно приложению .
2. Настоящий приказ согласовано с Министерством экономики и финансов Республики Узбекистан, Комитетом по развитию конкуренции и защите прав потребителей Республики Узбекистан, Агентством по управлению государственными активами Республики Узбекистан, представителем по защите прав и законных интересов субъектов предпринимательства при Президенте Республики Узбекистан и Торгово-промышленной палатой Республики Узбекистан.
3. Настоящий приказ вступает в силу со дня его официального опубликования.
Согласовано:
ПРИЛОЖЕНИЕ к приказу директора Национального агентства перспективных проектов Республики Узбекистан от 4 сентября 2024 года № 8
о порядке введения плана владения акциями работниками акционерных обществ
Настоящее Положение определяет порядок введения плана владения акциями работниками акционерных обществах на территории Республики Узбекистан.
Глава 1. Общие положения
1. В настоящем Положении применяются следующие основные понятия:
план владения акциями работниками акционерных обществ (далее — план владения) — совокупность условий, соглашений и мер, направленных на продажу (предоставление) работникам акционерных обществ акций общества или опциона на акции;
акционерное общество (далее — общество) — коммерческая организация-резидент Республики Узбекистан, уставный фонд (уставный капитал) которой разделен на определенное число акций, удостоверяющих права акционеров по отношению к акционерному обществу;
работник акционерного общества (далее — работник) — физическое лицо, заключившее трудовой договор с обществом;
опцион — эмиссионная ценная бумага, удостоверяющая право ее эмитента на покупку определенного количества ценных бумаг по фиксированной цене в предусмотренный в ней срок.
2. Обязательно введение плана владения в обществах, акции которых подлежат продаже посредством первичного публичного размещения, с государственной долей в размере пятидесяти процентов и более.
Общества, не предусмотренные абзацем первым настоящего пункта, могут вводить план владения по своему усмотрению. При этом при введение обществом плана владения должны соблюдаться требования, установленные настоящим Положением.
3. Введение плана владения входит в полномочия общего собрания акционеров общества.
4. Контроль за внедрением и соблюдением обществом плана владения осуществляется уполномоченным государственным органом по регулированию рынка ценных бумаг.
Глава 2. Права работников в соответствии с планом владения
5. В рамках плана владения запрещается принуждение работников к покупке акций общества или приобретению опционов на акции.
6. В рамках плана владения обществом запрещается вычитать из заработной платы, премий, доплат к заработной плате, надбавок и других выплат работников за продажу им акций.
7. При продаже акций по плану владения должны быть установлены одинаковые условия и предоставлены равные возможности для всех работников, за исключением предоставления работникам и членам наблюдательного совета премии или поощрительных выплат в виде опционов на акции.
Дискриминация в рамках плана владения запрещена. Установление каких-либо прямых или косвенных ограничений в рамках плана владения в зависимости от пола, возраста, расы, национальности, языка, социального происхождения, имущественного и карьерного положения, места жительства, отношения к религии, убеждений, принадлежности к общественным объединениям, а также других аспектов, не связанных с деловыми качествами и результатами труда работников, так же, как предоставление каких-либо прямых или косвенных выгод является дискриминацией.
8. В рамках плана владения акциями работники, получившие акции общества, обладают всеми правами акционера, установленными законодательством, и имеют право распоряжаться акциями по своему усмотрению, за исключением случаев, когда условия выпуска опциона на акции предусматривают ограничения на их обращение.
9. Прекращение трудовых отношений между обществом и работником не влияет на права работников в отношении акций общества.
10. Налоговые льготы на средства работников общества, направляемые на приобретение акций в рамках плана владения акциями, применяются в порядке, установленном законодательством.
Глава 3. Введение плана владения
11. Общим собранием акционеров общества принимается решение о введении плана владения в соответствии с Законом Республики Узбекистан «Об акционерных обществах и защите прав акционеров», и настоящим положением утверждается документ о плане владения.
12. В документе о плане владения определяются условия и порядок продажи обществом акций или продажи (предоставления) опционов на акции работникам, а также другие важные условия, связанные с планом владения.
13. Общество обязано раскрыть информацию о введении плана владения в течение двух рабочих дней со дня его введения путем размещения на своем сайте и на Едином портале корпоративной информации.
Общество должно ознакомить всех работников с этим документом не позднее пятнадцати дней со дня утверждения документа о плане владения.
14. В рамках плана владения общество может выкупать свои акции с целью продажи их работникам или продажи (предоставления) опционов на акции.
15. В рамках плана владения акции общества выкупаются по рыночной стоимости.
Глава 4. Продажа (предоставление) опциона на акции в рамках плана владения
16. По решению общего собрания акционеров общества, в рамках плана владения принимаются решения:
продажа опционов на акции работникам;
возможное выплата вознаграждения или поощрения работникам или членам наблюдательного совета общества путем выдачи опционов на акции.
17. Выпуск опционов на акции и государственная регистрация в рамках плана владения осуществляется в соответствии с Законом Республики Узбекистан «О рынке ценных бумаг» и другими актами законодательства.
18. В решении общего собрания акционеров о продаже (предоставлении) опционов на акции должны быть указаны перечень работников, получающих опционы на акции, и количество получаемых каждым из них опционов, количество и объем акций, подлежащих продаже (выпуску) на основе опционов на акции, срок их продажи (выпуска), а также цена продажи.
19. Количество акций определенного типа, дающих право на получение опционов, не может превышать 5 процентов акций этого типа, размещенных на дату подачи документов для государственной регистрации выпуска опционов на акции.
При этом количество акций отдельных типов, дающих возможность в пользу одного работника получить право на продажу (выпуск), не должно превышать 0,1% акций данного типа.
20. Условия выпуска опционов на акции могут включать ограничения на их обращение.
21. Расходы, связанные с компенсацией стоимости акций в случае выплаты вознаграждений или поощрительный работникам и членам наблюдательного совета в виде опционов на акции, осуществляются за счет части чистой прибыли общества, нераспределенной прибыли, созданный обществом специальный фонд или за счет иных средств, не запрещенных законодательством.
Глава 5. Продажа акций в рамках плана владения
22. Работники общества, в которых принят план владения, имеют право подать заявку на приобретение акций общества за свой счет.
23. Условия и порядок продажи акций работникам в рамках плана владения, а также общее количество акций, реализуемых работникам, и максимальное количество акций, реализуемых одному работнику, определяются в принятом документе плана владения.
24. Работник письменно обращается к руководителю исполнительного органа общества с просьбой о приобретении акций в рамках плана владения.
25. Руководитель исполнительного органа общества один раз в квартал представляет наблюдательному совету для рассмотрения вопрос о включении в повестку дня общего собрания акционеров обращений работников о приобретении акций.
26. Вопрос о продаже акций обществом работникам рассматривается в соответствии с документом о плане владения, наблюдательным советом и общим собранием акционеров а также в соответствии с законодательством.
27. Между работником и обществом заключается договор о продаже акций. В договоре должны быть указаны количество и стоимость продаваемых акций, а также иные важные условия по усмотрению сторон.
28. В рамках плана владения, общество продает свои акции работникам по рыночной стоимости.
Глава 6. Заключительные положения
29. Работники в случае нарушения своих прав, в рамках плана владения, могут обратиться в уполномоченный государственный орган или суд.
30. Лица, виновные в нарушении требований настоящего Положения, несут ответственность в порядке, установленном законодательством.
Директор Д. ЛИ
Председатель Торгово-промышленной палатой Д. ВАХАБОВ
Уполномоченный при Президенте Республики Узбекистан по защите прав и законных интересов субъектов предпринимательства Д. КАСИМОВ
Председатель комитета по развитию конкуренции и защите прав потребителей Х. ТУРАХУЖАЕВ
Директор агентства по управлению государственными активами А. ОРТИКОВ
Министр экономики и финансов Д. КУЧКАРОВ
г. Ташкент,
4 сентября 2024 г.,
2024 года 15 августа
2024 года 20 августа
2024 года 16 августа
2024 года 23 августа
2024 года 29 августа
№ 8