UzbekAI

Ўзбекистон Республикаси Президентининг

қарори

Халқаро шартномаларга қўшилиш тўғрисида

«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 23-моддасига мувофиқ:

1. Қуйидагиларга:

Умумжаҳон почта иттифоқининг умумий регламентига иккинчи қўшимча баённомага (Аддис-Абеба, 2018 йил 7 сентябрь);

Умумжаҳон почта иттифоқининг умумий регламентига учинчи қўшимча баённомага (Абиджан, 2021 йил 26 август);

Умумжаҳон почта конвенциясига (Абиджан, 2021 йил 26 август);

Умумжаҳон почта конвенциясига якуний баённомага (Абиджан, 2021 йил 26 август);

Почта тўлов хизматлари тўғрисидаги битимга (Абиджан, 2021 йил 26 август);

Почта тўлов хизматлари тўғрисидаги битимга якуний баённомага (Абиджан, 2021 йил 26 август) қўшилинсин.

2. Рақамли технологиялар вазирлиги мазкур халқаро шартномаларнинг амалга оширилиши учун масъул бўлган ваколатли орган этиб белгилансин.

3. Ташқи ишлар вазирлиги Умумжаҳон почта иттифоқи Халқаро бюросининг Бош директорига Ўзбекистон Республикасининг мазкур халқаро шартномаларга қўшилганлиги тўғрисида тегишли билдиришнома юборсин.

4. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартномалар кучга киргандан кейин уларнинг қоидалари бажарилиши устидан белгиланган тартибда назоратни таъминласин.

5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 16 октябрь,

ПҚ-362-сон

(Қонунчилик маълумотлари миллий базаси, 17.10.2024 й., 07/24/362/0826-сон)

lex.uz

Oʻzbekiston Respublikasi Prezidentining

qarori

Xalqaro shartnomalarga qoʻshilish toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 23-moddasiga muvofiq:

1. Quyidagilarga:

Umumjahon pochta ittifoqining umumiy reglamentiga ikkinchi qoʻshimcha bayonnomaga (Addis-Abeba, 2018-yil 7-sentabr);

Umumjahon pochta ittifoqining umumiy reglamentiga uchinchi qoʻshimcha bayonnomaga (Abidjan, 2021-yil 26-avgust);

Umumjahon pochta konvensiyasiga (Abidjan, 2021-yil 26-avgust);

Umumjahon pochta konvensiyasiga yakuniy bayonnomaga (Abidjan, 2021-yil 26-avgust);

Pochta toʻlov xizmatlari toʻgʻrisidagi bitimga (Abidjan, 2021-yil 26-avgust);

Pochta toʻlov xizmatlari toʻgʻrisidagi bitimga yakuniy bayonnomaga (Abidjan, 2021-yil 26-avgust) qoʻshilinsin.

2. Raqamli texnologiyalar vazirligi mazkur xalqaro shartnomalarning amalga oshirilishi uchun masʼul boʻlgan vakolatli organ etib belgilansin.

3. Tashqi ishlar vazirligi Umumjahon pochta ittifoqi Xalqaro byurosining Bosh direktoriga Oʻzbekiston Respublikasining mazkur xalqaro shartnomalarga qoʻshilganligi toʻgʻrisida tegishli bildirishnoma yuborsin.

4. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnomalar kuchga kirgandan keyin ularning qoidalari bajarilishi ustidan belgilangan tartibda nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 16-oktabr,

PQ-362-son

(Qonunchilik maʼlumotlari milliy bazasi, 17.10.2024-y., 07/24/362/0826-son)

lex.uz

Президента Республики Узбекистан

Постановление

О присоединении к международным договорам

В соответствии со статьей 23 Закона Республики Узбекистан «О международных договорах Республики Узбекистан»:

1. Присоединиться к:

Второму дополнительному протоколу к Общему регламенту Всемирного почтового союза (Аддис-Абеба, 7 сентября 2018 года);

Третьему дополнительному протоколу к Общему регламенту Всемирного почтового союза (Абиджан, 26 августа 2021 года);

Всемирной почтовой конвенции (Абиджан, 26 августа 2021 года);

Заключительному протоколу Всемирной почтовой конвенции (Абиджан, 26 августа 2021 года);

Соглашению о почтовых платежных услугах (Абиджан, 26 августа 2021 года);

Заключительному протоколу Соглашения о почтовых платежных услугах (Абиджан, 26 августа 2021 года).

2. Определить Министерство цифровых технологий компетентным органом, ответственным за реализацию данных международных договоров.

3. Министерству иностранных дел направить Генеральному директору Международного бюро Всемирного почтового союза соответствующее уведомление о присоединении Республики Узбекистан к указанным международным договорам.

4. Кабинету Министров и руководителям соответствующих министерств и ведомств после вступления в силу данных международных договоров в установленном порядке обеспечить контроль за выполнением их положений.

5. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

16 октября 2024 г.,

№ ПП-362

(Национальная база данных законодательства, 17.10.2024 г., № 07/24/362/0826)

lex.uz