UzbekAI

Ўзбекистон Республикаси Президентининг

Фармони

РЕЖАСИ

Рақамлаштириш соҳасида экспорт фаолияти билан шуғулланувчи корхоналарни қўллаб-қувватлашга доир қўшимча чора-тадбирлар тўғрисида

Мамлакатимизда дастурий маҳсулотлар ишлаб чиқариш, рақамли технологиялардан фойдаланган ҳолда масофавий ҳамда IT-хизматлар кўрсатиш соҳасини жадал ривожлантириш, ушбу фаолият билан шуғулланувчи корхоналарнинг экспорт салоҳиятини ошириш учун қўшимча шароитлар яратиш, шунингдек, Ўзбекистон Республикаси Президентининг 2024 йил 21 февралдаги «Ўзбекистон — 2030» стратегиясини «Ёшлар ва бизнесни қўллаб-қувватлаш йили»да амалга оширишга оид давлат дастури тўғрисида»ги ПФ-37-сон Фармони билан белгиланган вазифалар ижросини таъминлаш мақсадида:

1. Белгилансинки, Дастурий маҳсулотлар ва ахборот технологиялари технологик парки (кейинги ўринларда — IT-парк) резидентларига қуйидаги қўшимча фаолият турлари бўйича хизмат кўрсатишга рухсат берилади:

ахборот технологиялари соҳасида ташкил этиладиган таълим хизмати доирасида, ушбу хизматдан йиллик умумий даромадининг 40 фоизидан ошмаган ҳолда, инглиз тили билан бир қаторда бошқа хорижий тилларни ҳам ўқитиш;

Интернет жаҳон ахборот тармоғи орқали ахборот хизматларини (бизнес-жараёнлари аутсорсинги) экспорт қилиш фаолияти доирасида, ушбу хизматдан йиллик умумий даромадининг 40 фоизидан ошмаган ҳолда, бизнес-жараёнлар аутсорсинги йўналиши бўйича таълим фаолиятини амалга ошириш;

Интернет жаҳон ахборот тармоғи орқали билим жараёнлари аутсорсинги (Knowledge Process Outsourcing) хизматларини хорижий давлатларга экспорт қилиш.

2. Рақамли технологиялар вазирлиги, Иқтисодиёт ва молия вазирлиги ҳамда Инвестициялар, саноат ва савдо вазирлигининг қуйидаги таклифларига розилик берилсин:

а) 2025 йил 1 февралдан бошлаб 2030 йил 1 январга қадар экспорт хизматлари ҳажми календарь йил давомида 10 миллион АҚШ долларидан ошган IT-парк резидентларига ахборот технологиялари соҳасидаги хизматларини (шу жумладан, роялти тўланадиган) кўрсатган, Ўзбекистон Республикаси билан иккиёқлама солиққа тортишнинг олдини олиш тўғрисида битим тузилмаган давлатларнинг юридик шахсларини ушбу календарь йил якунига қадар фойда солиғидан озод этиш;

б) 2025 йил 1 февралдан бошлаб 2040 йил 1 январга қадар жами даромади таркибида экспорти ҳажми 50 фоиздан ортиқ бўлган IT-парк резидентларининг таъсисчилари (иштирокчилари) — Ўзбекистон Республикаси норезидентлари бўлган жисмоний ва юридик шахсларнинг дивидендлар тарзидаги даромадларига Ўзбекистон Республикасининг резидентлари сингари жисмоний шахслардан олинадиган даромад солиғи ҳамда фойда солиғининг 5 фоиз ставкасини татбиқ этиш;

в) 2028 йил 1 январдан бошлаб 2040 йил 1 январга қадар қуйидаги мезонлардан бирига тўғри келадиган IT-парк резидентлари учун Ўзбекистон Республикаси Президентининг 2017 йил 30 июндаги «Республикада ахборот технологиялари соҳасини ривожлантириш учун шарт-шароитларни тубдан яхшилаш чора-тадбирлари тўғрисида»ги ПФ-5099-сон Фармонида назарда тутилган солиқ ва божхона имтиёзларини узайтириш (қўшилган қиймат солиғи бундан мустасно):

календарь йил давомида жами даромади таркибида IT-парк резидентлари томонидан амалга оширишга рухсат этилган фаолият турлари бўйича экспорти ҳажми 50 фоиздан ортиқ бўлган юридик шахслар;

календарь йил давомида ўн саккиз ёшдан ошган битирувчиларининг 50 фоиздан ортиқ қисми IT-парк резиденти бўлган экспортчи корхоналарга ишга жойлашган IT-таълим хизматларини кўрсатувчи юридик шахслар.

Иқтисодиёт ва молия вазирлиги, Солиқ қўмитаси ҳамда Рақамли технологиялар вазирлиги мазкур банддан келиб чиқиб, 2025 йил 1 январга қадар Солиқ кодексига ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.

3. Белгилаб қўйилсинки, 2025 йил 1 январдан 2026 йил 1 январга қадар тажриба-синов тариқасида IT-парк резидентларига қуйидаги барча шартлар бажарилган ҳолларда корпоратив банк карталари орқали реклама хизматлари учун тўловларни амалга оширишга рухсат этилади:

100 миллиондан ортиқ аудиторияга эга Интернет жаҳон ахборот тармоғидаги хорижий ахборот ресурслари ва тизимлари (шу жумладан, веб-сайтлар, платформалараро ресурслар, ижтимоий тармоқлар ва мессенджерлар) реклама хизматларидан фойдаланилганда;

календарь йил давомида экспорт тушумларининг 10 фоизи доирасида, бироқ 100 минг АҚШ долларидан кўп бўлмаган миқдорда;

реклама хизматлари бўйича тўловлар ҳақидаги маълумотлар Ташқи савдо операциялари ягона электрон ахборот тизимига киритилган тақдирда.

Белгилансинки, мазкур бандда назарда тутилган тажриба-синов натижалари асосида корпоратив банк карталари орқали реклама хизматлари учун тўловларнинг рухсат этиладиган юқори миқдорлари келгусида Вазирлар Маҳкамасининг қарорлари асосида белгилаб борилади.

4. Рақамли технологиялар вазирлиги, Олий таълим, фан ва инновациялар вазирлигининг 2025 йил 1 апрелдан бошлаб олий таълим муассасаларининг ахборот технологиялари соҳасидаги фан номзоди, фалсафа доктори (PhD) ёки фан доктори (DSc) илмий даражасига эга бўлган хорижлик профессор-ўқитувчилари, шунингдек, IT-парк резиденти мақомини олган юридик шахснинг яккабошчилик асосидаги ижро этувчи органи вазифасини амалга оширувчи жисмоний шахс ёки коллегиал ижро этувчи органининг раиси ҳамда уларнинг ўринбосарларига ҳам «IT-visa» бериш тўғрисидаги таклифига розилик берилсин.

5. Белгилансинки, рақамлаштириш соҳасидаги экспорт фаолияти билан шуғулланувчи шахслар фаолиятини ривожлантиришнинг яхлит тизимини яратиш мақсадида 2028 йил 1 январга қадар Рақамли технологиялар соҳасида ўзини ўзи банд қилган шахсларни қўллаб-қувватлаш дастури амалга оширилади.

Бунда Дастур иштирокчиларига IT-парк резиденти мақоми берилади ва улар томонидан кўрсатилган тегишли хизматлар ҳажмидан келиб чиқиб:

замонавий офислар, коворкинг марказлари, спорт мажмуалари, тиббиёт ва таълим хизматларидан фойдаланиш харажатларининг бир қисми қоплаб берилади ёхуд улар бўйича ҳамкорлик дастурлари асосида чегирмалар тақдим этилади;

ҳудудларда ташкил этилаётган «IT-шаҳарча»лар коворкинг майдонларидан бепул фойдаланиш имконияти яратилади ҳамда ҳуқуқий маслаҳат хизматлари кўрсатилади;

профессионал кўникмаларни ривожлантириш учун халқаро нуфузли платформаларда имтиёзли шартларда таълим олиш учун шароитлар яратилади;

тажриба алмашиш, ижтимоий ва бизнес алоқаларни ривожлантириш мақсадида учрашув, форум ва бошқа тадбирлар ўтказиб борилади.

6. Рақамли технологиялар соҳасидаги хизматлар экспортини ошириш ва мамлакатимизга ушбу соҳадаги хорижий компанияларни жалб қилиш бўйича чора-тадбирлар режаси иловага мувофиқ тасдиқлансин.

7. Шундай тартиб ўрнатилсинки, унга мувофиқ:

а) қуйидагилар Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси (Ж. Ходжаев) томонидан Рақамли технологиялар вазирлиги, Ахборот ва оммавий коммуникациялар агентлиги ҳамда Рақобатни ривожлантириш ва истеъмолчилар ҳуқуқларини ҳимоя қилиш қўмитаси таклифлари асосида тасдиқланади:

мазкур Фармоннинг 3-бандида кўзда тутилган 100 миллиондан ортиқ аудиторияга эга бўлган Интернет жаҳон ахборот тармоғидаги хорижий ахборот ресурслари ва тизимлари рўйхати;

Ўзбекистон Республикаси Президентининг 2024 йил 26 февралдаги «Мамлакатимизда рақамлаштириш соҳасидаги хизматлар экспортини ривожлантиришга доир қўшимча чора-тадбирлар тўғрисида»ги ПҚ-87-сон қарорининг 9-банди «в» кичик бандида назарда тутилган продюсерлик, реклама, репортаж ва бошқа роликларни тайёрлаш ҳамда трансляция қилиш хизматларини кўрсатувчи чет эл компаниялари (шу жумладан, ижтимоий тармоқлар), хорижий телерадиокомпаниялар ва бошқа оммавий ахборот воситалари, шунингдек, чет элда тадбирлар (кўргазмалар, анжуманлар, давра суҳбатлари ва семинарлар) ташкил қилиш ва уларда иштирок этиш хизматларини кўрсатувчи хорижий компаниялар рўйхатлари;

б) IT соҳасидаги корхоналар фаолиятини ривожлантириш бўйича дастурлар ва лойиҳалар асосида кўрсатилган қўллаб-қувватлаш чоралари юзасидан маълумотлар (ташкилотлар кесимида) 2025 йил 1 январдан бошлаб Рақамли технологиялар вазирлигининг расмий веб-сайтида эълон қилиб борилади;

в) IT-парк резидентлари учун имтиёзлар тўғри қўлланишини таъминлаш ҳамда уларнинг самарадорлигини мониторинг қилиб бориш мақсадида 2027 йил 1 июнга қадар:

Рақамли технологиялар вазирлиги мавжуд платформаларда IT-таълим хизматини кўрсатувчи IT-парк резидентларида таҳсил олиб, ўқув курсларини тамомлаган ҳамда IT-парк резиденти бўлган экспортчи корхоналарга ишга жойлашган битирувчилар реестри юритилишини ташкил қилади;

Рақамли технологиялар вазирлиги томонидан ушбу платформа солиқ органларининг ахборот тизимига интеграция қилинади;

Солиқ қўмитаси Рақамли технологиялар вазирлиги билан биргаликда тадбиркорлик субъектлари томонидан солиқ ҳисоботини шакллантиришда уларнинг шахсий кабинетида ушбу платформа маълумотларини онлайн кўриб бориш имкониятини яратади.

8. Рақамли технологиялар вазирлиги уч ой муддатда манфаатдор вазирлик ва идоралар билан биргаликда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

9. Мазкур Фармоннинг ижросини самарали ташкил қилишга масъул ва шахсий жавобгар этиб рақамли технологиялар вазири Ш.Х. Шерматов белгилансин.

Фармон ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2024 йил 14 октябрдаги ПФ-157-сон Фармонига ИЛОВА

Рақамли технологиялар соҳасидаги хизматлар экспортини ошириш ва мамлакатимизга ушбу соҳадаги хорижий компанияларни жалб қилиш бўйича чора-тадбирлар

Т/р Чора-тадбир номи Амалга ошириш механизми Амалга ошириш муддати Масъул ижрочилар I. Рақамли технологиялар соҳасидаги экспорт қилувчи компаниялар фаолиятини қўллаб-қувватлаш 1. IT соҳасида фаолият юритаётган маҳаллий компанияларни жаҳон бозорига олиб чиқиш. 1. Жаҳон IT-бозорини ўрганиш, маҳаллий компанияларни ушбу бозорга олиб чиқиш бўйича самарали маркетинг стратегиялари ишлаб чиқиш учун нуфузли халқаро консалтинг ташкилотларини жалб қилиш. 2025 йил 1 февраль Рақамли технологиялар вазирлиги, IT-парк 2. Маҳаллий бозорга хизмат кўрсатувчи IT-компанияларнинг халқаро кўргазма ва конференцияларда иштирокини ташкил этиш. Тадбирлар ўтказиш режасига мувофиқ 3. Ўзбекистон Республикасининг хориждаги дипломатик ваколатхоналари орқали йирик халқаро компаниялар, маҳаллий уюшмалар, тадбиркорлар ва акселераторлар билан бизнес алоқалар ўрнатиш. 2025 йил 15 июль 2. Хорижда фаолият юритувчи IT соҳасидаги йирик компанияларни Ўзбекистонда яратилган шароитлар тўғрисида хабардор қилишга қаратилган лойиҳани амалга ошириш. 1. Лойиҳа концепциясини ишлаб чиқиш ва тасдиқлаш. 2. Юқори салоҳиятга эга йирик IT ва аутсорсинг компаниялари рўйхатини шакллантириш. 2024 йил 15 ноябрь Рақамли технологиялар вазирлиги, Ахборот ва оммавий коммуникациялар агентлиги, IT-парк 3. Халқаро даражада юқори нуфузга эга хорижий оммавий ахборот воситаларида кенг тарғиб қилиш (видеолар, мақолалар ва бошқа ахборот материаллари). 2025 йил давомида 3. Мазкур Фармонда кўзда тутилган солиқ имтиёзлари ва божхона преференциялари юзасидан Солиқ кодексига ўзгартириш ва қўшимчалар киритишни назарда тутувчи қонун лойиҳасини ишлаб чиқиш. 1. Солиқ кодексига ўзгартириш ва қўшимчалар киритишни назарда тутувчи қонун лойиҳасини ишлаб чиқиш. 2024 йил 15 ноябрь Иқтисодиёт ва молия вазирлиги, Солиқ қўмитаси, Рақамли технологиялар вазирлиги 2. Қонун лойиҳасини вазирлик ва идоралар билан келишиш. 2024 йил 15 декабрь 3. Қонун лойиҳасини Вазирлар Маҳкамасига киритиш. 2025 йил 1 январь 4. Халқаро IT-бозорида фаолият кўрсатувчи хорижий корхоналарни мамлакатимизга жалб қилиш ва уларнинг экспорт фаолиятини йўлга қўйиш, шунингдек, маҳаллий IT-компанияларни жаҳон бозорига олиб чиқиш ишларини жадаллаштириш. 1. Ўзбекистон Республикасининг Бирлашган Араб Амирликлари, Буюк Британия, Бельгия, Япония, Хитой ҳамда Корея Республикасидаги элчихоналари (ваколатхоналари)га хизмат сафарига юбориш учун Рақамли технологиялар вазирлиги ҳамда унинг тизимидаги ташкилотларнинг юқори малакали ходимлари рўйхати ва ташрифларнинг календарь режасини шакллантириш. 2024 йил 30 ноябрь Рақамли технологиялар вазирлиги, Ташқи ишлар вазирлиги 2. Мазкур ходимлар рўйхати ва календарь режа лойиҳасини Ташқи ишлар вазирлиги билан келишиш ҳамда тасдиқлаш. 2025 йил 20 февраль 3. Тасдиқланган рўйхат ва календарь режага асосан Рақамли технологиялар вазирлиги ва унинг тизимидаги ташкилотлар ходимларини хизмат сафарига юбориш. 2025 йил давомида 5. IT-компанияларни қўллаб-қувватлашга оид дастур ва лойиҳалар асосида қўлланган чоралар, шунингдек, тегишли рўйхат ва рейтингларни Рақамли технологиялар вазирлиги расмий веб-сайтида алоҳида бўлим шаклида эълон қилиб бориш. IT соҳасидаги корхоналар фаолиятини ривожлантириш бўйича дастурлар ва лойиҳалар асосида кўрсатилган қўллаб-қувватлаш чоралари юзасидан маълумотлар (ташкилотлар кесимида), Рақамли технологиялар вазирлиги ва унинг тизимидаги ташкилотлар томонидан юритилиши белгиланган рўйхатлар ва рейтингларни вазирликнинг расмий веб-сайтида алоҳида бўлимда эълон қилиб бориш. 2025 йил 1 январдан бошлаб Рақамли технологиялар вазирлиги, IT-парк II. Дастурий маҳсулотлар, IT ва масофавий хизматлар экспорти билан шуғулланувчи компанияларга тақдим этилган шарт-шароитларни янада яхшилаш бўйича қонунчилик ҳужжатларини такомиллаштириш 6. IT-парк резидентлари томонидан амалга ошириш рухсат этилган фаолият турлари рўйхатини кенгайтириш. 1. IT-парк резидентларига қуйидаги фаолият турларини амалга ошириш рухсат этилишини назарда тутувчи Ҳукумат қарори лойиҳасини ишлаб чиқиш: ахборот технологиялари соҳасида ташкил этиладиган таълим хизмати доирасида, ушбу хизматдан йиллик умумий даромаднинг 40 фоиздан ошмаган ҳолда инглиз тили билан бир қаторда бошқа хорижий тилларни ҳам ўқитиш; Интернет жаҳон ахборот тармоғи орқали ахборот хизматларини (бизнес-жараёнлари аутсорсинги) экспорт қилиш фаолияти доирасида, ушбу хизматдан йиллик умумий даромадининг 40 фоизидан ошмаган ҳолда бизнес-жараёнлари аутсорсинги бўйича таълим фаолиятини ҳам амалга ошириш; Интернет жаҳон ахборот тармоғи орқали экспорт қилинаётган хизматлар доирасида чет давлатларга билим жараёнлари аутсорсинги (Knowledge Process Outsourcing) хизматлари. 2024 йил 15 ноябрь Рақамли технологиялар вазирлиги, Иқтисодиёт ва молия вазирлиги, Солиқ қўмитаси 2. Норматив-ҳуқуқий ҳужжат лойиҳасини вазирлик ва идоралар билан келишиш. 2024 йил 25 декабрь 3. Норматив-ҳуқуқий ҳужжат лойиҳасини Вазирлар Маҳкамасига киритиш. 2025 йил 10 январь 7. «IT-visa» бериш тартибини такомиллаштириш. 1. Олий таълим муассасаларининг ахборот технологиялари соҳасидаги фан номзоди, фалсафа доктори (PhD) ёки фан доктори (DSc) илмий даражасига эга бўлган хорижлик профессор-ўқитувчилари, шунингдек, IT-парк резиденти мақомини олган юридик шахснинг яккабошчилик асосидаги ижро этувчи органи вазифасини амалга оширувчи жисмоний шахс ёки коллегиал ижро этувчи органининг раиси ҳамда уларнинг ўринбосарларига ҳам «IT-visa» бериш тизимини йўлга қўйишни назарда тутувчи норматив-ҳуқуқий ҳужжат лойиҳасини ишлаб чиқиш. 2024 йил 25 ноябрь Рақамли технологиялар вазирлиги, Ташқи ишлар вазирлиги, Ички ишлар вазирлиги, Адлия вазирлиги 2. Норматив-ҳуқуқий ҳужжат лойиҳасини вазирлик ва идоралар билан келишиш. 2025 йил 25 февраль 3. Норматив-ҳуқуқий ҳужжат лойиҳасини киритиш. 2025 йил 25 март 8. IT-парк фаолиятини ташкил этиш тартибини такомиллаштириш. 1. Дастурий маҳсулотлар ва ахборот технологиялари технологик парки фаолиятини ташкил этиш тартиби тўғрисидаги низом ва IT-пaрк резидентлари учун амалга ошириш рухсат этилган фаолият турларини таҳлил қилиш. 2025 йил 1 март Рақамли технологиялар вазирлиги, IT-пaрк 2. Низом ҳамда амалга ошириш рухсат этилган фаолият турларини такомиллаштириш юзасидан таклифлар тайёрлаш. 2025 йил 1 июнь 3. Таклифлар асосида амалдаги қонунчилик ҳужжатларига ўзгартириш ва қўшимчалар киритиш юзасидан Ҳукумат қарори лойиҳасини Вазирлар Маҳкамасига киритиш. 2025 йил 1 июль 9. Рақамли технологиялар соҳасида ўзини ўзи банд қилган шахсларни қўллаб-қувватлаш дастурини амалга ошириш. 1. Дастурни амалга ошириш тартиби, шу жумладан, унда иштирок этиш, IT-парк резидентлари бўлган рақамли технологиялар соҳасида ўзини ўзи банд қилган шахслар томонидан амалга ошириш рухсат этиладиган фаолият турларини тасдиқлаш ҳамда ушбу дастурни молиялаштириш тартибини назарда тутувчи Ҳукумат қарори лойиҳасини ишлаб чиқиш. 2024 йил 25 октябрь Рақамли технологиялар вазирлиги, Рақамли таълимни ривожлантириш маркази 2. Ҳукумат қарори лойиҳасини тегишли вазирлик ва идоралар билан келишиш. 2024 йил 5 ноябрь 3. Ҳукумат қарори лойиҳасини Вазирлар Маҳкамасига киритиш. 2024 йил 15 ноябрь 10. IT соҳасидаги экспорт салоҳиятини ошириш учун халқаро даражадаги малакали мутахассисларни тайёрлаш тизимини йўлга қўйиш доирасида мақсадли қарзлар ажратиш тизимини такомиллаштириш. 1. IT-парк резидентларига икки йил ичида IT соҳасидаги экспорт ҳажмини камида 30 фоизга ошириш шарти билан ёш мутахассисларга ахборот технологиялари ва компьютер дастурлаш ҳамда хорижий тиллар бўйича таълим олиш учун мақсадли қарз ажратиш тартиби бўйича Вазирлар Маҳкамасининг 2021 йил 31 августдаги 556-сон қарорига ўзгартириш ва қўшимчалар киритиш ҳақидаги Ҳукумат қарори лойиҳасини ишлаб чиқиш. 2025 йил 1 февраль Рақамли технологиялар вазирлиги, IT-парк 2. Ҳукумат қарори лойиҳасини вазирлик ва идоралар билан келишиш. 2025 йил 15 апрель 3. Ҳукумат қарори лойиҳасини Вазирлар Маҳкамасига киритиш. 2025 йил 1 май 11. Ҳудудларда IT-саноатни ривожлантириш, аҳолини юқори даромадли иш ўринлари ва замонавий касблар билан таъминлаш, шунингдек, ҳудудларга IT-хизматлар экспорт қилувчи корхоналарни кенг жалб қилишга қаратилган дастур (Zero Risk), шунингдек, маҳаллий бозор учун IT-хизматлар кўрсатиш соҳасида фаолият юритувчи корхоналарни халқаро IT-бозорга олиб чиқиш, уларнинг экспорт фаолиятини қўллаб-қувватлаш лойиҳасини (Local to Global) такомиллаштириш. 1. Zero-Risk дастури ва Local to Global лойиҳалари амалга оширилиши ҳолатини таҳлил қилиш. 2025 йил 15 январь Рақамли технологиялар вазирлиги, IT-парк 2. Дастур ва лойиҳани амалга ошириш тартибини такомиллаштириш юзасидан таклифлар тайёрлаш. 2025 йил 1 март 3. Таклифлар асосида амалдаги қонунчилик ҳужжатларига тегишли ўзгартириш ва қўшимчалар киритиш юзасидан Вазирлар Маҳкамасига асослантирилган таклифлар киритиш. 2025 йил 1 апрель 12. IT-парк резидентларига корпоратив банк карталари орқали реклама хизматлари учун тўловларни мазкур қарорнинг 3-бандида кўзда тутилган тартибда амалга оширишга рухсат бериш бўйича тартибни амалиётга жорий этиш. 1. IT-парк резидентларига корпоратив банк карталари орқали реклама хизматлари учун тўловларни амалга оширишга рухсат бериш тартиби юзасидан тегишли норматив-ҳуқуқий ҳужжатларга ўзгартириш ва қўшимчалар киритиш бўйича Ҳукумат қарори лойиҳасини ишлаб чиқиш. 2. Ҳукумат қарори лойиҳасини тегишли вазирлик ва идоралар билан келишиш. 2024 йил 1 ноябрь Рақамли технологиялар вазирлиги, Инвестициялар, саноат ва савдо вазирлиги, Марказий банк 3. Ҳукумат қарори лойиҳасини Вазирлар Маҳкамасига киритиш. 2024 йил 1 декабрь 13. IT-парк резидентлари томонидан реклама хизматлари бўйича тўловларни чет эл валютасидаги корпоратив банк карталари орқали амалга ошириш учун халқаро миқёсда 100 миллиондан ортиқ аудиторияга эга Интернет жаҳон ахборот тармоғидаги хорижий ахборот ресурслари (шу жумладан, веб-сайтлар, платформалараро ресурслар, ижтимоий тармоқлар ва мессенжерлар) рўйхатини тасдиқлаш. 1. Халқаро миқёсда 100 миллиондан ортиқ аудиторияга эга Интернет жаҳон ахборот тармоғидаги хорижий ахборот ресурслари (шу жумладан, веб-сайтлар, платформалараро ресурслар, ижтимоий тармоқлар ва мессенжерлар) рўйхатини шакллантириш. 2024 йил 1 ноябрь Рақамли технологиялар вазирлиги, Ахборот ва оммавий коммуникациялар агентлиги, Рақобат қўмитаси 2. Рўйхатни тегишли вазирлик ва идоралар билан келишиш. 2024 йил 15 ноябрь 3. Рўйхатни Ҳукумат комиссиясига киритиш. 2025 йил 1 декабрь 14. IT-парк резидентларига рухсат этилган корпоратив банк карталари орқали реклама хизматларидан фойдаланиш тўловлари бўйича тажриба-синов натижаларини таҳлил қилиш. 1. Тажриба-синов асосида амалга оширилган ишлар натижаларини таҳлил қилиш. 2026 йил 1 январь Рақамли технологиялар вазирлиги, Марказий банк, Инвестициялар, саноат ва савдо вазирлиги 2. Таҳлиллар асосида тегишли таклифларни Вазирлар Маҳкамасига киритиш. 2026 йил 1 февраль III. Дастурий маҳсулотлар, рақамли технологиялардан фойдаланган ҳолда масофавий ҳамда IT-хизматлар экспорти тарғиботини кучайтириш 15. Стартап лойиҳаларни қўллаб-қувватлаш тизимини кенгайтириш. 1. Истиқболли стартап лойиҳалари ва муваффақиятга эришган IT-парк резидентлари рўйхатини шакллантириш. 2025 йил 25 январь Рақамли технологиялар вазирлиги, Ёшлар ишлари агентлиги, Ахборот ва оммавий коммуникациялар агентлиги, IT-парк 2. IT-парк резидентлари ва истиқболли стартап лойиҳалари тўғрисида медиамаҳсулотлар тайёрлаш. 3. Тайёрланган медиамаҳсулотларни хорижий оммавий ахборот воситалари орқали тарғиб қилиш. 4. IT-парк резидентларининг халқаро кўргазма ва форумларда иштирокини ташкил этиш ҳамда халқаро майдонда резидентлар эътирофига эришиш. 2025 йил давомида 16. Маҳаллий бозорга эътиборни кучайтириш ҳамда хорижий компанияларни жалб қилиш мақсадида IT-хизматлар аутсорсинги бўйича халқаро тадбирларни ташкил этиш. 1. IT-аутсорсинг йўналишида халқаро даражадаги тадбирларни ўтказиш бўйича режа-графикни тасдиқлаш. 2025 йил 1 февраль Рақамли технологиялар вазирлиги, Ташқи ишлар вазирлиги 2. Тегишли тадбирларни ташкил этиш, бунда IT соҳасидаги етакчи хорижий компаниялар ва экспертларни таклиф қилиш. Режа-графикка асосан 17. Рақамли технологиялар соҳасидаги йирик хорижий компанияларни Ўзбекистонда фаолият юритишга қизиқтириш ва уларни мамлакатда яратилган шароитлар ҳақида хабардор қилиш. 1. Рақамлаштириш соҳасидаги хорижий компаниялар учун Ўзбекистон Республикасига ташрифларни (бизнес-тур) ташкил этиш ва уларда Ўзбекистон ҳақида ижобий фикр шакллантириш. 2. Ташрифлар доирасида йирик хорижий компаниялар ва фаолияти экспортга йўналтирилган IT-парк резидентлари ўртасида учрашувлар ўтказиш. 2024 йил 15 ноябрдан бошлаб Рақамли технологиялар вазирлиги, Инвестициялар, саноат ва савдо вазирлиги, Экология, атроф-муҳитни муҳофаза қилиш ва иқлим ўзгариши вазирлиги 18. Хорижий компанияларни мамлакатимизга жалб қилиш бўйича чет давлатларда халқаро конференциялар ўтказиш. 1. Ўзбекистоннинг хориждаги элчихоналари билан ҳамкорликда конференция ташкил этиш ва халқаро IT-аутсорсинг компанияларини жалб қилиш бўйича ҳамкорликни йўлга қўйиш. 2. Тадбирни тарғиб қилиш ва соҳанинг асосий иштирокчилари билан алоқаларни ўрнатишда дипломатик миссияларнинг фаол иштирокини таъминлаш. 3. Хорижий компанияларни мамлакатимизга жалб қилиш бўйича чет давлатларда халқаро конференциялар ўтказиш. Алоҳида режа график асосида Рақамли технологиялар вазирлиги, IT-парк, Ташқи ишлар вазирлиги, Инвестициялар, саноат ва савдо вазирлиги

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 14 октябрь,

ПФ-157-сон

(Қонунчилик маълумотлари миллий базаси, 17.10.2024 й., 06/24/157/0827-сон)

lex.uz

Oʻzbekiston Respublikasi Prezidentining

Farmoni

REJASI

Raqamlashtirish sohasida eksport faoliyati bilan shugʻullanuvchi korxonalarni qoʻllab-quvvatlashga doir qoʻshimcha chora-tadbirlar toʻgʻrisida

Mamlakatimizda dasturiy mahsulotlar ishlab chiqarish, raqamli texnologiyalardan foydalangan holda masofaviy hamda IT-xizmatlar koʻrsatish sohasini jadal rivojlantirish, ushbu faoliyat bilan shugʻullanuvchi korxonalarning eksport salohiyatini oshirish uchun qoʻshimcha sharoitlar yaratish, shuningdek, Oʻzbekiston Respublikasi Prezidentining 2024-yil 21-fevraldagi “Oʻzbekiston — 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida”gi PF-37-son Farmoni bilan belgilangan vazifalar ijrosini taʼminlash maqsadida:

1. Belgilansinki, Dasturiy mahsulotlar va axborot texnologiyalari texnologik parki (keyingi oʻrinlarda — IT-park) rezidentlariga quyidagi qoʻshimcha faoliyat turlari boʻyicha xizmat koʻrsatishga ruxsat beriladi:

axborot texnologiyalari sohasida tashkil etiladigan taʼlim xizmati doirasida, ushbu xizmatdan yillik umumiy daromadining 40 foizidan oshmagan holda, ingliz tili bilan bir qatorda boshqa xorijiy tillarni ham oʻqitish;

Internet jahon axborot tarmogʻi orqali axborot xizmatlarini (biznes-jarayonlari autsorsingi) eksport qilish faoliyati doirasida, ushbu xizmatdan yillik umumiy daromadining 40 foizidan oshmagan holda, biznes-jarayonlar autsorsingi yoʻnalishi boʻyicha taʼlim faoliyatini amalga oshirish;

Internet jahon axborot tarmogʻi orqali bilim jarayonlari autsorsingi (Knowledge Process Outsourcing) xizmatlarini xorijiy davlatlarga eksport qilish.

2. Raqamli texnologiyalar vazirligi, Iqtisodiyot va moliya vazirligi hamda Investitsiyalar, sanoat va savdo vazirligining quyidagi takliflariga rozilik berilsin:

a) 2025-yil 1-fevraldan boshlab 2030-yil 1-yanvarga qadar eksport xizmatlari hajmi kalendar yil davomida 10 million AQSh dollaridan oshgan IT-park rezidentlariga axborot texnologiyalari sohasidagi xizmatlarini (shu jumladan, royalti toʻlanadigan) koʻrsatgan, Oʻzbekiston Respublikasi bilan ikkiyoqlama soliqqa tortishning oldini olish toʻgʻrisida bitim tuzilmagan davlatlarning yuridik shaxslarini ushbu kalendar yil yakuniga qadar foyda soligʻidan ozod etish;

b) 2025-yil 1-fevraldan boshlab 2040-yil 1-yanvarga qadar jami daromadi tarkibida eksporti hajmi 50 foizdan ortiq boʻlgan IT-park rezidentlarining taʼsischilari (ishtirokchilari) — Oʻzbekiston Respublikasi norezidentlari boʻlgan jismoniy va yuridik shaxslarning dividendlar tarzidagi daromadlariga Oʻzbekiston Respublikasining rezidentlari singari jismoniy shaxslardan olinadigan daromad soligʻi hamda foyda soligʻining 5 foiz stavkasini tatbiq etish;

v) 2028-yil 1-yanvardan boshlab 2040-yil 1-yanvarga qadar quyidagi mezonlardan biriga toʻgʻri keladigan IT-park rezidentlari uchun Oʻzbekiston Respublikasi Prezidentining 2017-yil 30-iyundagi “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari toʻgʻrisida”gi PF-5099-son Farmonida nazarda tutilgan soliq va bojxona imtiyozlarini uzaytirish (qoʻshilgan qiymat soligʻi bundan mustasno):

kalendar yil davomida jami daromadi tarkibida IT-park rezidentlari tomonidan amalga oshirishga ruxsat etilgan faoliyat turlari boʻyicha eksporti hajmi 50 foizdan ortiq boʻlgan yuridik shaxslar;

kalendar yil davomida oʻn sakkiz yoshdan oshgan bitiruvchilarining 50 foizdan ortiq qismi IT-park rezidenti boʻlgan eksportchi korxonalarga ishga joylashgan IT-taʼlim xizmatlarini koʻrsatuvchi yuridik shaxslar.

Iqtisodiyot va moliya vazirligi, Soliq qoʻmitasi hamda Raqamli texnologiyalar vazirligi mazkur banddan kelib chiqib, 2025-yil 1-yanvarga qadar Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.

3. Belgilab qoʻyilsinki, 2025-yil 1-yanvardan 2026-yil 1-yanvarga qadar tajriba-sinov tariqasida IT-park rezidentlariga quyidagi barcha shartlar bajarilgan hollarda korporativ bank kartalari orqali reklama xizmatlari uchun toʻlovlarni amalga oshirishga ruxsat etiladi:

100 milliondan ortiq auditoriyaga ega Internet jahon axborot tarmogʻidagi xorijiy axborot resurslari va tizimlari (shu jumladan, veb-saytlar, platformalararo resurslar, ijtimoiy tarmoqlar va messendjerlar) reklama xizmatlaridan foydalanilganda;

kalendar yil davomida eksport tushumlarining 10 foizi doirasida, biroq 100 ming AQSh dollaridan koʻp boʻlmagan miqdorda;

reklama xizmatlari boʻyicha toʻlovlar haqidagi maʼlumotlar Tashqi savdo operatsiyalari yagona elektron axborot tizimiga kiritilgan taqdirda.

Belgilansinki, mazkur bandda nazarda tutilgan tajriba-sinov natijalari asosida korporativ bank kartalari orqali reklama xizmatlari uchun toʻlovlarning ruxsat etiladigan yuqori miqdorlari kelgusida Vazirlar Mahkamasining qarorlari asosida belgilab boriladi.

4. Raqamli texnologiyalar vazirligi, Oliy taʼlim, fan va innovatsiyalar vazirligining 2025-yil 1-apreldan boshlab oliy taʼlim muassasalarining axborot texnologiyalari sohasidagi fan nomzodi, falsafa doktori (PhD) yoki fan doktori (DSc) ilmiy darajasiga ega boʻlgan xorijlik professor-oʻqituvchilari, shuningdek, IT-park rezidenti maqomini olgan yuridik shaxsning yakkaboshchilik asosidagi ijro etuvchi organi vazifasini amalga oshiruvchi jismoniy shaxs yoki kollegial ijro etuvchi organining raisi hamda ularning oʻrinbosarlariga ham “IT-visa” berish toʻgʻrisidagi taklifiga rozilik berilsin.

5. Belgilansinki, raqamlashtirish sohasidagi eksport faoliyati bilan shugʻullanuvchi shaxslar faoliyatini rivojlantirishning yaxlit tizimini yaratish maqsadida 2028-yil 1-yanvarga qadar Raqamli texnologiyalar sohasida oʻzini oʻzi band qilgan shaxslarni qoʻllab-quvvatlash dasturi amalga oshiriladi.

Bunda Dastur ishtirokchilariga IT-park rezidenti maqomi beriladi va ular tomonidan koʻrsatilgan tegishli xizmatlar hajmidan kelib chiqib:

zamonaviy ofislar, kovorking markazlari, sport majmualari, tibbiyot va taʼlim xizmatlaridan foydalanish xarajatlarining bir qismi qoplab beriladi yoxud ular boʻyicha hamkorlik dasturlari asosida chegirmalar taqdim etiladi;

hududlarda tashkil etilayotgan “IT-shaharcha”lar kovorking maydonlaridan bepul foydalanish imkoniyati yaratiladi hamda huquqiy maslahat xizmatlari koʻrsatiladi;

professional koʻnikmalarni rivojlantirish uchun xalqaro nufuzli platformalarda imtiyozli shartlarda taʼlim olish uchun sharoitlar yaratiladi;

tajriba almashish, ijtimoiy va biznes aloqalarni rivojlantirish maqsadida uchrashuv, forum va boshqa tadbirlar oʻtkazib boriladi.

6. Raqamli texnologiyalar sohasidagi xizmatlar eksportini oshirish va mamlakatimizga ushbu sohadagi xorijiy kompaniyalarni jalb qilish boʻyicha chora-tadbirlar rejasi ilovaga muvofiq tasdiqlansin.

7. Shunday tartib oʻrnatilsinki, unga muvofiq:

a) quyidagilar Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi (J. Xodjayev) tomonidan Raqamli texnologiyalar vazirligi, Axborot va ommaviy kommunikatsiyalar agentligi hamda Raqobatni rivojlantirish va isteʼmolchilar huquqlarini himoya qilish qoʻmitasi takliflari asosida tasdiqlanadi:

mazkur Farmonning 3-bandida koʻzda tutilgan 100 milliondan ortiq auditoriyaga ega boʻlgan Internet jahon axborot tarmogʻidagi xorijiy axborot resurslari va tizimlari roʻyxati;

Oʻzbekiston Respublikasi Prezidentining 2024-yil 26-fevraldagi “Mamlakatimizda raqamlashtirish sohasidagi xizmatlar eksportini rivojlantirishga doir qoʻshimcha chora-tadbirlar toʻgʻrisida”gi PQ-87-son qarorining 9-bandi “v” kichik bandida nazarda tutilgan prodyuserlik, reklama, reportaj va boshqa roliklarni tayyorlash hamda translyatsiya qilish xizmatlarini koʻrsatuvchi chet el kompaniyalari (shu jumladan, ijtimoiy tarmoqlar), xorijiy teleradiokompaniyalar va boshqa ommaviy axborot vositalari, shuningdek, chet elda tadbirlar (koʻrgazmalar, anjumanlar, davra suhbatlari va seminarlar) tashkil qilish va ularda ishtirok etish xizmatlarini koʻrsatuvchi xorijiy kompaniyalar roʻyxatlari;

b) IT sohasidagi korxonalar faoliyatini rivojlantirish boʻyicha dasturlar va loyihalar asosida koʻrsatilgan qoʻllab-quvvatlash choralari yuzasidan maʼlumotlar (tashkilotlar kesimida) 2025-yil 1-yanvardan boshlab Raqamli texnologiyalar vazirligining rasmiy veb-saytida eʼlon qilib boriladi;

v) IT-park rezidentlari uchun imtiyozlar toʻgʻri qoʻllanishini taʼminlash hamda ularning samaradorligini monitoring qilib borish maqsadida 2027-yil 1-iyunga qadar:

Raqamli texnologiyalar vazirligi mavjud platformalarda IT-taʼlim xizmatini koʻrsatuvchi IT-park rezidentlarida tahsil olib, oʻquv kurslarini tamomlagan hamda IT-park rezidenti boʻlgan eksportchi korxonalarga ishga joylashgan bitiruvchilar reyestri yuritilishini tashkil qiladi;

Raqamli texnologiyalar vazirligi tomonidan ushbu platforma soliq organlarining axborot tizimiga integratsiya qilinadi;

Soliq qoʻmitasi Raqamli texnologiyalar vazirligi bilan birgalikda tadbirkorlik subyektlari tomonidan soliq hisobotini shakllantirishda ularning shaxsiy kabinetida ushbu platforma maʼlumotlarini onlayn koʻrib borish imkoniyatini yaratadi.

8. Raqamli texnologiyalar vazirligi uch oy muddatda manfaatdor vazirlik va idoralar bilan birgalikda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

9. Mazkur Farmonning ijrosini samarali tashkil qilishga masʼul va shaxsiy javobgar etib raqamli texnologiyalar vaziri Sh.X. Shermatov belgilansin.

Farmon ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2024-yil 14-oktabrdagi PF-157-son Farmoniga ILOVA

Raqamli texnologiyalar sohasidagi xizmatlar eksportini oshirish va mamlakatimizga ushbu sohadagi xorijiy kompaniyalarni jalb qilish boʻyicha chora-tadbirlar

T/r Chora-tadbir nomi Amalga oshirish mexanizmi Amalga oshirish muddati Masʼul ijrochilar I. Raqamli texnologiyalar sohasidagi eksport qiluvchi kompaniyalar faoliyatini qoʻllab-quvvatlash 1. IT sohasida faoliyat yuritayotgan mahalliy kompaniyalarni jahon bozoriga olib chiqish. 1. Jahon IT-bozorini oʻrganish, mahalliy kompaniyalarni ushbu bozorga olib chiqish boʻyicha samarali marketing strategiyalari ishlab chiqish uchun nufuzli xalqaro konsalting tashkilotlarini jalb qilish. 2025-yil 1-fevral Raqamli texnologiyalar vazirligi, IT-park 2. Mahalliy bozorga xizmat koʻrsatuvchi IT-kompaniyalarning xalqaro koʻrgazma va konferensiyalarda ishtirokini tashkil etish. Tadbirlar oʻtkazish rejasiga muvofiq 3. Oʻzbekiston Respublikasining xorijdagi diplomatik vakolatxonalari orqali yirik xalqaro kompaniyalar, mahalliy uyushmalar, tadbirkorlar va akseleratorlar bilan biznes aloqalar oʻrnatish. 2025-yil 15-iyul 2. Xorijda faoliyat yurituvchi IT sohasidagi yirik kompaniyalarni Oʻzbekistonda yaratilgan sharoitlar toʻgʻrisida xabardor qilishga qaratilgan loyihani amalga oshirish. 1. Loyiha konsepsiyasini ishlab chiqish va tasdiqlash. 2. Yuqori salohiyatga ega yirik IT va autsorsing kompaniyalari roʻyxatini shakllantirish. 2024-yil 15-noyabr Raqamli texnologiyalar vazirligi, Axborot va ommaviy kommunikatsiyalar agentligi, IT-park 3. Xalqaro darajada yuqori nufuzga ega xorijiy ommaviy axborot vositalarida keng targʻib qilish (videolar, maqolalar va boshqa axborot materiallari). 2025-yil davomida 3. Mazkur Farmonda koʻzda tutilgan soliq imtiyozlari va bojxona preferensiyalari yuzasidan Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini ishlab chiqish. 1. Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini ishlab chiqish. 2024-yil 15-noyabr Iqtisodiyot va moliya vazirligi, Soliq qoʻmitasi, Raqamli texnologiyalar vazirligi 2. Qonun loyihasini vazirlik va idoralar bilan kelishish. 2024-yil 15-dekabr 3. Qonun loyihasini Vazirlar Mahkamasiga kiritish. 2025-yil 1-yanvar 4. Xalqaro IT-bozorida faoliyat koʻrsatuvchi xorijiy korxonalarni mamlakatimizga jalb qilish va ularning eksport faoliyatini yoʻlga qoʻyish, shuningdek, mahalliy IT-kompaniyalarni jahon bozoriga olib chiqish ishlarini jadallashtirish. 1. Oʻzbekiston Respublikasining Birlashgan Arab Amirliklari, Buyuk Britaniya, Belgiya, Yaponiya, Xitoy hamda Koreya Respublikasidagi elchixonalari (vakolatxonalari)ga xizmat safariga yuborish uchun Raqamli texnologiyalar vazirligi hamda uning tizimidagi tashkilotlarning yuqori malakali xodimlari roʻyxati va tashriflarning kalendar rejasini shakllantirish. 2024-yil 30-noyabr Raqamli texnologiyalar vazirligi, Tashqi ishlar vazirligi 2. Mazkur xodimlar roʻyxati va kalendar reja loyihasini Tashqi ishlar vazirligi bilan kelishish hamda tasdiqlash. 2025-yil 20-fevral 3. Tasdiqlangan roʻyxat va kalendar rejaga asosan Raqamli texnologiyalar vazirligi va uning tizimidagi tashkilotlar xodimlarini xizmat safariga yuborish. 2025-yil davomida 5. IT-kompaniyalarni qoʻllab-quvvatlashga oid dastur va loyihalar asosida qoʻllangan choralar, shuningdek, tegishli roʻyxat va reytinglarni Raqamli texnologiyalar vazirligi rasmiy veb-saytida alohida boʻlim shaklida eʼlon qilib borish. IT sohasidagi korxonalar faoliyatini rivojlantirish boʻyicha dasturlar va loyihalar asosida koʻrsatilgan qoʻllab-quvvatlash choralari yuzasidan maʼlumotlar (tashkilotlar kesimida), Raqamli texnologiyalar vazirligi va uning tizimidagi tashkilotlar tomonidan yuritilishi belgilangan roʻyxatlar va reytinglarni vazirlikning rasmiy veb-saytida alohida boʻlimda eʼlon qilib borish. 2025-yil 1-yanvardan boshlab Raqamli texnologiyalar vazirligi, IT-park II. Dasturiy mahsulotlar, IT va masofaviy xizmatlar eksporti bilan shugʻullanuvchi kompaniyalarga taqdim etilgan shart-sharoitlarni yanada yaxshilash boʻyicha qonunchilik hujjatlarini takomillashtirish 6. IT-park rezidentlari tomonidan amalga oshirish ruxsat etilgan faoliyat turlari roʻyxatini kengaytirish. 1. IT-park rezidentlariga quyidagi faoliyat turlarini amalga oshirish ruxsat etilishini nazarda tutuvchi Hukumat qarori loyihasini ishlab chiqish: axborot texnologiyalari sohasida tashkil etiladigan taʼlim xizmati doirasida, ushbu xizmatdan yillik umumiy daromadning 40 foizdan oshmagan holda ingliz tili bilan bir qatorda boshqa xorijiy tillarni ham oʻqitish; Internet jahon axborot tarmogʻi orqali axborot xizmatlarini (biznes-jarayonlari autsorsingi) eksport qilish faoliyati doirasida, ushbu xizmatdan yillik umumiy daromadining 40 foizidan oshmagan holda biznes-jarayonlari autsorsingi boʻyicha taʼlim faoliyatini ham amalga oshirish; Internet jahon axborot tarmogʻi orqali eksport qilinayotgan xizmatlar doirasida chet davlatlarga bilim jarayonlari autsorsingi (Knowledge Process Outsourcing) xizmatlari. 2024-yil 15-noyabr Raqamli texnologiyalar vazirligi, Iqtisodiyot va moliya vazirligi, Soliq qoʻmitasi 2. Normativ-huquqiy hujjat loyihasini vazirlik va idoralar bilan kelishish. 2024-yil 25-dekabr 3. Normativ-huquqiy hujjat loyihasini Vazirlar Mahkamasiga kiritish. 2025-yil 10-yanvar 7. “IT-visa” berish tartibini takomillashtirish. 1. Oliy taʼlim muassasalarining axborot texnologiyalari sohasidagi fan nomzodi, falsafa doktori (PhD) yoki fan doktori (DSc) ilmiy darajasiga ega boʻlgan xorijlik professor-oʻqituvchilari, shuningdek, IT-park rezidenti maqomini olgan yuridik shaxsning yakkaboshchilik asosidagi ijro etuvchi organi vazifasini amalga oshiruvchi jismoniy shaxs yoki kollegial ijro etuvchi organining raisi hamda ularning oʻrinbosarlariga ham “IT-visa” berish tizimini yoʻlga qoʻyishni nazarda tutuvchi normativ-huquqiy hujjat loyihasini ishlab chiqish. 2024-yil 25-noyabr Raqamli texnologiyalar vazirligi, Tashqi ishlar vazirligi, Ichki ishlar vazirligi, Adliya vazirligi 2. Normativ-huquqiy hujjat loyihasini vazirlik va idoralar bilan kelishish. 2025-yil 25-fevral 3. Normativ-huquqiy hujjat loyihasini kiritish. 2025-yil 25-mart 8. IT-park faoliyatini tashkil etish tartibini takomillashtirish. 1. Dasturiy mahsulotlar va axborot texnologiyalari texnologik parki faoliyatini tashkil etish tartibi toʻgʻrisidagi nizom va IT-park rezidentlari uchun amalga oshirish ruxsat etilgan faoliyat turlarini tahlil qilish. 2025-yil 1-mart Raqamli texnologiyalar vazirligi, IT-park 2. Nizom hamda amalga oshirish ruxsat etilgan faoliyat turlarini takomillashtirish yuzasidan takliflar tayyorlash. 2025-yil 1-iyun 3. Takliflar asosida amaldagi qonunchilik hujjatlariga oʻzgartirish va qoʻshimchalar kiritish yuzasidan Hukumat qarori loyihasini Vazirlar Mahkamasiga kiritish. 2025-yil 1-iyul 9. Raqamli texnologiyalar sohasida oʻzini oʻzi band qilgan shaxslarni qoʻllab-quvvatlash dasturini amalga oshirish. 1. Dasturni amalga oshirish tartibi, shu jumladan, unda ishtirok etish, IT-park rezidentlari boʻlgan raqamli texnologiyalar sohasida oʻzini oʻzi band qilgan shaxslar tomonidan amalga oshirish ruxsat etiladigan faoliyat turlarini tasdiqlash hamda ushbu dasturni moliyalashtirish tartibini nazarda tutuvchi Hukumat qarori loyihasini ishlab chiqish. 2024-yil 25-oktabr Raqamli texnologiyalar vazirligi, Raqamli taʼlimni rivojlantirish markazi 2. Hukumat qarori loyihasini tegishli vazirlik va idoralar bilan kelishish. 2024-yil 5-noyabr 3. Hukumat qarori loyihasini Vazirlar Mahkamasiga kiritish. 2024-yil 15-noyabr 10. IT sohasidagi eksport salohiyatini oshirish uchun xalqaro darajadagi malakali mutaxassislarni tayyorlash tizimini yoʻlga qoʻyish doirasida maqsadli qarzlar ajratish tizimini takomillashtirish. 1. IT-park rezidentlariga ikki yil ichida IT sohasidagi eksport hajmini kamida 30 foizga oshirish sharti bilan yosh mutaxassislarga axborot texnologiyalari va kompyuter dasturlash hamda xorijiy tillar boʻyicha taʼlim olish uchun maqsadli qarz ajratish tartibi boʻyicha Vazirlar Mahkamasining 2021-yil 31-avgustdagi 556-son qaroriga oʻzgartirish va qoʻshimchalar kiritish haqidagi Hukumat qarori loyihasini ishlab chiqish. 2025-yil 1-fevral Raqamli texnologiyalar vazirligi, IT-park 2. Hukumat qarori loyihasini vazirlik va idoralar bilan kelishish. 2025-yil 15-aprel 3. Hukumat qarori loyihasini Vazirlar Mahkamasiga kiritish. 2025-yil 1-may 11. Hududlarda IT-sanoatni rivojlantirish, aholini yuqori daromadli ish oʻrinlari va zamonaviy kasblar bilan taʼminlash, shuningdek, hududlarga IT-xizmatlar eksport qiluvchi korxonalarni keng jalb qilishga qaratilgan dastur (Zero Risk), shuningdek, mahalliy bozor uchun IT-xizmatlar koʻrsatish sohasida faoliyat yurituvchi korxonalarni xalqaro IT-bozorga olib chiqish, ularning eksport faoliyatini qoʻllab-quvvatlash loyihasini (Local to Global) takomillashtirish. 1. Zero-Risk dasturi va Local to Global loyihalari amalga oshirilishi holatini tahlil qilish. 2025-yil 15-yanvar Raqamli texnologiyalar vazirligi, IT-park 2. Dastur va loyihani amalga oshirish tartibini takomillashtirish yuzasidan takliflar tayyorlash. 2025-yil 1-mart 3. Takliflar asosida amaldagi qonunchilik hujjatlariga tegishli oʻzgartirish va qoʻshimchalar kiritish yuzasidan Vazirlar Mahkamasiga asoslantirilgan takliflar kiritish. 2025-yil 1-aprel 12. IT-park rezidentlariga korporativ bank kartalari orqali reklama xizmatlari uchun toʻlovlarni mazkur qarorning 3-bandida koʻzda tutilgan tartibda amalga oshirishga ruxsat berish boʻyicha tartibni amaliyotga joriy etish. 1. IT-park rezidentlariga korporativ bank kartalari orqali reklama xizmatlari uchun toʻlovlarni amalga oshirishga ruxsat berish tartibi yuzasidan tegishli normativ-huquqiy hujjatlarga oʻzgartirish va qoʻshimchalar kiritish boʻyicha Hukumat qarori loyihasini ishlab chiqish. 2. Hukumat qarori loyihasini tegishli vazirlik va idoralar bilan kelishish. 2024-yil 1-noyabr Raqamli texnologiyalar vazirligi, Investitsiyalar, sanoat va savdo vazirligi, Markaziy bank 3. Hukumat qarori loyihasini Vazirlar Mahkamasiga kiritish. 2024-yil 1-dekabr 13. IT-park rezidentlari tomonidan reklama xizmatlari boʻyicha toʻlovlarni chet el valyutasidagi korporativ bank kartalari orqali amalga oshirish uchun xalqaro miqyosda 100 milliondan ortiq auditoriyaga ega Internet jahon axborot tarmogʻidagi xorijiy axborot resurslari (shu jumladan, veb-saytlar, platformalararo resurslar, ijtimoiy tarmoqlar va messenjerlar) roʻyxatini tasdiqlash. 1. Xalqaro miqyosda 100 milliondan ortiq auditoriyaga ega Internet jahon axborot tarmogʻidagi xorijiy axborot resurslari (shu jumladan, veb-saytlar, platformalararo resurslar, ijtimoiy tarmoqlar va messenjerlar) roʻyxatini shakllantirish. 2024-yil 1-noyabr Raqamli texnologiyalar vazirligi, Axborot va ommaviy kommunikatsiyalar agentligi, Raqobat qoʻmitasi 2. Roʻyxatni tegishli vazirlik va idoralar bilan kelishish. 2024-yil 15-noyabr 3. Roʻyxatni Hukumat komissiyasiga kiritish. 2025-yil 1-dekabr 14. IT-park rezidentlariga ruxsat etilgan korporativ bank kartalari orqali reklama xizmatlaridan foydalanish toʻlovlari boʻyicha tajriba-sinov natijalarini tahlil qilish. 1. Tajriba-sinov asosida amalga oshirilgan ishlar natijalarini tahlil qilish. 2026-yil 1-yanvar Raqamli texnologiyalar vazirligi, Markaziy bank, Investitsiyalar, sanoat va savdo vazirligi 2. Tahlillar asosida tegishli takliflarni Vazirlar Mahkamasiga kiritish. 2026-yil 1-fevral III. Dasturiy mahsulotlar, raqamli texnologiyalardan foydalangan holda masofaviy hamda IT-xizmatlar eksporti targʻibotini kuchaytirish 15. Startap loyihalarni qoʻllab-quvvatlash tizimini kengaytirish. 1. Istiqbolli startap loyihalari va muvaffaqiyatga erishgan IT-park rezidentlari roʻyxatini shakllantirish. 2025-yil 25-yanvar Raqamli texnologiyalar vazirligi, Yoshlar ishlari agentligi, Axborot va ommaviy kommunikatsiyalar agentligi, IT-park 2. IT-park rezidentlari va istiqbolli startap loyihalari toʻgʻrisida mediamahsulotlar tayyorlash. 3. Tayyorlangan mediamahsulotlarni xorijiy ommaviy axborot vositalari orqali targʻib qilish. 4. IT-park rezidentlarining xalqaro koʻrgazma va forumlarda ishtirokini tashkil etish hamda xalqaro maydonda rezidentlar eʼtirofiga erishish. 2025-yil davomida 16. Mahalliy bozorga eʼtiborni kuchaytirish hamda xorijiy kompaniyalarni jalb qilish maqsadida IT-xizmatlar autsorsingi boʻyicha xalqaro tadbirlarni tashkil etish. 1. IT-autsorsing yoʻnalishida xalqaro darajadagi tadbirlarni oʻtkazish boʻyicha reja-grafikni tasdiqlash. 2025-yil 1-fevral Raqamli texnologiyalar vazirligi, Tashqi ishlar vazirligi 2. Tegishli tadbirlarni tashkil etish, bunda IT sohasidagi yetakchi xorijiy kompaniyalar va ekspertlarni taklif qilish. Reja-grafikka asosan 17. Raqamli texnologiyalar sohasidagi yirik xorijiy kompaniyalarni Oʻzbekistonda faoliyat yuritishga qiziqtirish va ularni mamlakatda yaratilgan sharoitlar haqida xabardor qilish. 1. Raqamlashtirish sohasidagi xorijiy kompaniyalar uchun Oʻzbekiston Respublikasiga tashriflarni (biznes-tur) tashkil etish va ularda Oʻzbekiston haqida ijobiy fikr shakllantirish. 2. Tashriflar doirasida yirik xorijiy kompaniyalar va faoliyati eksportga yoʻnaltirilgan IT-park rezidentlari oʻrtasida uchrashuvlar oʻtkazish. 2024-yil 15-noyabrdan boshlab Raqamli texnologiyalar vazirligi, Investitsiyalar, sanoat va savdo vazirligi, Ekologiya, atrof-muhitni muhofaza qilish va iqlim oʻzgarishi vazirligi 18. Xorijiy kompaniyalarni mamlakatimizga jalb qilish boʻyicha chet davlatlarda xalqaro konferensiyalar oʻtkazish. 1. Oʻzbekistonning xorijdagi elchixonalari bilan hamkorlikda konferensiya tashkil etish va xalqaro IT-autsorsing kompaniyalarini jalb qilish boʻyicha hamkorlikni yoʻlga qoʻyish. 2. Tadbirni targʻib qilish va sohaning asosiy ishtirokchilari bilan aloqalarni oʻrnatishda diplomatik missiyalarning faol ishtirokini taʼminlash. 3. Xorijiy kompaniyalarni mamlakatimizga jalb qilish boʻyicha chet davlatlarda xalqaro konferensiyalar oʻtkazish. Alohida reja grafik asosida Raqamli texnologiyalar vazirligi, IT-park, Tashqi ishlar vazirligi, Investitsiyalar, sanoat va savdo vazirligi

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 14-oktabr,

PF-157-son

(Qonunchilik maʼlumotlari milliy bazasi, 17.10.2024-y., 06/24/157/0827-son)

lex.uz

Президента Республики Узбекистан

Указ

О дополнительных мерах по поддержке предприятий, занимающихся экспортной деятельностью в сфере цифровизации

В целях ускоренного развития сферы разработки программных продуктов, оказания дистанционных услуг с применением цифровых технологий и IT-услуг в стране, создания дополнительных условий для повышения экспортного потенциала предприятий, занимающихся данной деятельностью, а также обеспечения исполнения задач, определенных в Указе Президента Республики Узбекистан от 21 февраля 2024 года № УП-37 «О Государственной программе по реализации Стратегии «Узбекистан — 2030» в «Год поддержки молодежи и бизнеса»:

1. Определить, что резидентам Технологического парка программных продуктов и информационных технологий (далее — IT-парк) разрешается оказание услуг по следующим дополнительным видам деятельности:

в рамках организуемых образовательных услуг в сфере информационных технологий обучение наряду с английским языком также другим иностранным языкам в объеме, не превышающем 40 процентов годового совокупного дохода по данной услуге;

в рамках деятельности по экспорту информационных услуг посредством всемирной информационной сети Интернет (аутсорсинг бизнес-процессов) осуществление образовательной деятельности по направлению аутсорсинга бизнес-процессов в объеме, не превышающем 40 процентов годового совокупного дохода по данной услуге;

осуществление экспорта услуг аутсорсинга процессов знаний (Knowledge Process Outsourcing) в иностранные государства посредством всемирной информационной сети Интернет.

2. Согласиться с предложениями Министерства цифровых технологий, Министерства экономики и финансов, а также Министерства инвестиций, промышленности и торговли, предусматривающими:

а) освобождение на период с 1 февраля 2025 года по 1 января 2030 года от налога на прибыль юридических лиц государств, которые не заключили с Республикой Узбекистан Соглашения об избежании двойного налогообложения, оказавших услуги (в том числе услуги, по которым выплачивается роялти) в сфере информационных технологий резидентам IT-парка, объем экспортных услуг которых в течение календарного года превысил 10 миллионов долларов США, на срок до конца указанного календарного года;

б) применение на период с 1 февраля 2025 года по 1 января 2040 года в отношении доходов в виде дивидендов учредителей (участников) резидентов IT-парка — физических и юридических лиц, являющихся нерезидентами Республики Узбекистан, объем экспорта которых в составе совокупного дохода составляет более 50 процентов, 5-процентной ставки налога на доходы и налога на прибыль физических лиц, применяемой к резидентам Республики Узбекистан;

в) продление на период с 1 января 2028 года по 1 января 2040 года налоговых и таможенных льгот (за исключением налога на добавленную стоимость), предусмотренных Указом Президента Республики Узбекистан от 30 июня 2017 года № УП-5099 «О мерах по коренному улучшению условий для развития отрасли информационных технологий в республике», для резидентов IT-парка, соответствующих одному из следующих критериев:

юридические лица, объем экспорта которых по видам деятельности, разрешенным к осуществлению резидентами IT-парка, в составе совокупного дохода в течение календарного года составляет более 50 процентов;

юридические лица, оказывающие IT-образовательные услуги, более 50 процентов выпускников которых в возрасте старше восемнадцати лет в течение календарного года трудоустроились на предприятия-экспортеры, являющиеся резидентами IT-парка.

Министерству экономики и финансов, Налоговому комитету и Министерству цифровых технологий исходя из настоящего пункта в срок до 1 января 2025 года внести в Кабинет Министров проект закона, предусматривающий внесение изменений и дополнений в Налоговый кодекс .

3. Установить, что на период с 1 января 2025 года по 1 января 2026 года в порядке эксперимента резидентам IT-парка разрешается осуществление платежей за рекламные услуги посредством корпоративных банковских карт при выполнении всех нижеуказанных условий:

пользование рекламными услугами зарубежных информационных ресурсов и систем всемирной информационной сети Интернет (в том числе веб-сайтов, межплатформенных ресурсов, социальных сетей и мессенджеров) с аудиторией свыше 100 миллионов;

в пределах 10 процентов экспортной выручки в течение календарного года, но в размере не более 100 тысяч долларов США;

внесение сведений о платежах по рекламным услугам в Единую электронную информационную систему внешнеторговых операций.

Определить, что разрешаемые предельные размеры платежей за рекламные услуги посредством корпоративных банковских карт, на основе результатов предусмотренного настоящим пунктом эксперимента, в дальнейшем устанавливаются постановлениями Кабинета Министров.

4. Согласиться с предложением Министерства цифровых технологий, Министерства высшего образования, науки и инноваций о выдаче начиная с 1 апреля 2025 года «IT-visa» также зарубежным профессорам-преподавателям высших образовательных учреждений с ученой степенью кандидата наук, доктора философии (PhD) или доктора наук (DSc) в области информационных технологий, а также физическому лицу, осуществляющему функции единоличного исполнительного органа юридического лица, получившего статус резидента IT-парка, или председателю коллегиального исполнительного органа, а также их заместителям.

5. Определить, что в целях создания единой системы развития деятельности лиц, занимающихся экспортной деятельностью в сфере цифровизации, в срок до 1 января 2028 года будет реализована Программа поддержки самозанятых лиц в сфере цифровых технологий.

При этом участникам Программы будет присвоен статус резидента IT-парка и исходя из объема оказанных ими соответствующих услуг:

покрывается часть расходов на доступ к услугам современных офисов, коворкинг-центров, спортивных комплексов, медицинским и образовательным услугам или предоставляются скидки по ним на основе программ сотрудничества;

создаются возможности бесплатного доступа к коворкинг-площадкам создаваемых в регионах «IT-городков», а также предоставляются правовые консультативные услуги;

создаются условия для получения на льготных условиях образования на престижных международных платформах с целью развития профессиональных навыков;

проводятся на постоянной основе встречи, форумы и другие мероприятия в целях обмена опытом, развития социальных и бизнес-контактов.

6. Утвердить План мер по повышению экспорта услуг в области цифровых технологий и привлечению в страну зарубежных компаний в данной сфере согласно приложению * .

7. Установить порядок, в соответствии с которым:

а) Правительственной комиссией по вопросам привлечения инвестиций, развития промышленности и регулирования торговли (Ж. Ходжаев) на основе предложений Министерства цифровых технологий, Агентства информации и массовых коммуникаций, Комитета по развитию конкуренции и защите прав потребителей утверждаются:

перечень зарубежных информационных ресурсов и систем всемирной информационной сети Интернет с аудиторией свыше 100 миллионов, предусмотренных в пункте 3 настоящего Указа;

перечни иностранных компаний (включая социальные сети), оказывающих продюсерские услуги, услуги подготовки и трансляции рекламных материалов, репортажей и других роликов, зарубежных телерадиокомпаний и иных средств массовой информации, а также зарубежных компаний, оказывающих услуги по организации и участию в мероприятиях (выставках, конференциях, «круглых столах» и семинарах) за рубежом, предусмотренных подпунктом «в» пункта 9 постановления Президента Республики Узбекистан от 26 февраля 2024 года № ПП-87 «О дополнительных мерах по развитию в стране экспорта услуг в сфере цифровизации»;

б) с 1 января 2025 года сведения (в разрезе организаций) о мерах поддержки, оказанной на основе программ и проектов по развитию деятельности предприятий в IT-сфере, публикуются на официальном веб-сайте Министерства цифровых технологий;

в) в срок до 1 июня 2027 года в целях обеспечения надлежащего применения и осуществления мониторинга эффективности льгот для резидентов IT-парка:

Министерство цифровых технологий организует ведение реестра выпускников, обучившихся у резидентов IT-парка, оказывающих IT-образовательные услуги на имеющихся платформах, окончивших учебные курсы, а также трудоустроившихся на предприятиях-экспортерах, являющихся резидентами IT-парка;

Министерство цифровых технологий интегрирует данную платформу с информационной системой налоговых органов;

Налоговый комитет совместно с Министерством цифровых технологий создают возможность онлайн-просмотра сведений данной платформы в личном кабинете субъектов предпринимательства при формировании ими налоговой отчетности.

8. Министерству цифровых технологий совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

9. Возложить на министра цифровых технологий Ш.Х. Шерматова персональную ответственность за эффективную организацию исполнения настоящего Указа.

Обсуждение хода исполнения настоящего Указа, осуществление координации и контроля за деятельностью ответственных организаций возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

14 октября 2024 г.,

№ УП-157

(Национальная база данных законодательства, 17.10.2024 г., № 06/24/157/0827)

lex.uz