📅 2024-yil 16-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 16 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 16 октября 2024 г. · Указы Президента
Официальный текст. Официальный документ. Редакционные примечания не включены.
📅 16 October 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Давлат мулкини хусусийлаштириш соҳаси такомиллаштирилиши муносабати билан Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида
Хусусийлаштиришни жадаллаштириш ва иқтисодиётда хусусий мулкнинг улушини янада ошириш мақсадида:
1. Ўзбекистон Республикаси Президентининг айрим ҳужжатларига иловага мувофиқ қуйидагиларни назарда тутувчи ўзгартириш ва қўшимчалар киритилсин:
давлат акция пакетларини хорижий инвесторларга «Тошкент» РФБ савдолари орқали хорижий валютада сотиш ва улар бўйича тўловларни шартномада белгиланган валютада амалга ошириш;
махсус иқтисодий, кичик саноат, ёшлар саноат ва тадбиркорлик зоналарининг бош режасига мувофиқ, саноат зоналари инфратузилма билан таъминлангандан ва давлат қабул комиссияси томонидан қабул қилингандан сўнг улар ҳудудидаги ер участкаларини аукцион савдоларига чиқариш.
2. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 16 октябрдаги ПФ-159-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 2 сентябрдаги «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги ПФ-5177-сон Фармонининг 3-банди иккинчи хатбошиси «амалга ошириш тақиқланади,» сўзларидан кейин «Тошкент» РФБ савдолари орқали давлат акция пакетларини хорижий инвесторларга сотиш ҳамда» сўзлари билан тўлдирилсин.
2. Ўзбекистон Республикаси Президентининг 2018 йил 1 августдаги «Ўзбекистон Республикасида инвестиция муҳитини тубдан яхшилаш чора-тадбирлари тўғрисида»ги ПФ-5495-сон Фармони 8-бандида :
тўртинчи хатбоши чиқариб ташлансин;
бешинчи ва олтинчи хатбошилар тегишлича тўртинчи ва бешинчи хатбошилар деб ҳисоблансин.
3. Ўзбекистон Республикаси Президентининг 2019 йил 19 февралдаги «Давлат мулки объектларидан самарали фойдаланиш бўйича қўшимча чора-тадбирлар тўғрисида»ги ПФ-5666-сон Фармони 4-бандининг тўртинчи хатбошиси қуйидаги таҳрирда баён этилсин:
«2025 йил 1 февралдан бошлаб, бошланғич нархи базавий ҳисоблаш миқдорининг ўн минг бараваригача бўлган давлат активларини, ер участкаларини (шу жумладан, ер қаъри участкаларидан фойдаланиш ҳуқуқини ва кўчма савдо жойларини) ҳамда давлат иштирокидаги корхоналарнинг мулкларини сотиш ва ижарага бериш бўйича ўтказиладиган электрон онлайн аукцион савдолари жараёнида иштирокчилар томонидан учинчи қадамдан бошлаб шахсий ҳисобварағида камида уларнинг нарх таклифига нисбатан амалдаги закалат миқдоридаги суммага эга бўлиш тартиби киритилади. Бунда ушбу маблағлар закалат сифатида ҳисобга олинади».
4. Ўзбекистон Республикаси Президентининг 2022 йил 13 июндаги «Махсус иқтисодий, кичик саноат, ёшлар саноат ва тадбиркорлик зоналари фаолияти самарадорлигини оширишнинг қўшимча чора-тадбирлари тўғрисида»ги ПФ-153-сон Фармони қуйидаги мазмундаги 4¹-банд билан тўлдирилсин:
«4¹. Саноат зоналари бош режасига мувофиқ:
саноат зоналари инфратузилма билан таъминлангандан ва давлат қабул комиссияси томонидан қабул қилингандан сўнг улар ҳудудидаги ер участкалари аукцион савдоларига чиқарилади;
саноат зоналарида ишлаб чиқариш фаолиятини йўлга қўйиш мақсадида хусусий инвесторларга Вазирлар Маҳкамаси томонидан белгиланган тартибда инфратузилма билан таъминлаш ишларини амалга оширишга рухсат берилади ҳамда кейинчалик ушбу харажатларни саноат зоналарининг маблағлари ҳисобидан қоплаб бериш тартиби жорий этилади».
5. Ўзбекистон Республикаси Президентининг 2014 йил 3 июлдаги ПҚ-2200-сон қарори билан тасдиқланган Давлат мулки объектларини хусусийлаштириш тартибини соддалаштиришга қаратилган меъёр ва тадбирларнинг 5-банди иккинчи хатбошиси иккинчи жумласи чиқариб ташлансин.
6. Ўзбекистон Республикаси Президентининг 2024 йил 19 апрелдаги «Иқтисодиётда давлат иштирокини қисқартиришнинг қўшимча чора-тадбирлари тўғрисида»ги ПҚ-162-сон қарорида :
а) 4-банднинг бешинчи хатбошиси қуйидаги таҳрирда баён этилсин:
«2025 йил 1 февралдан бошлаб, бошланғич нархи базавий ҳисоблаш миқдорининг ўн минг бараваригача бўлган давлат активларини, ер участкаларини (шу жумладан, ер қаъри участкаларидан фойдаланиш ҳуқуқини ва кўчма савдо жойларини) ҳамда давлат иштирокидаги корхоналарнинг мулкларини сотиш ва ижарага бериш бўйича ўтказиладиган электрон онлайн аукцион савдолари жараёнида иштирокчилар томонидан учинчи қадамдан бошлаб шахсий ҳисобварағида камида уларнинг нарх таклифига нисбатан амалдаги закалат миқдоридаги суммага эга бўлиш тартиби киритилади. Бунда ушбу маблағлар закалат сифатида ҳисобга олинади»;
б) 6-банднинг «б» кичик бандида :
иккинчи хатбоши «(бундан ер участкалари мустасно)» сўзлари билан тўлдирилсин;
қуйидаги мазмундаги тўртинчи хатбоши билан тўлдирилсин:
«тўловларни, миқдоридан қатъи назар, 5 йил ичида тенг улушларда бўлиб-бўлиб тўлаш имконияти яратилади (бундан ер участкалари мустасно)»;
в) 2-иловада :
646-позиция чиқариб ташлансин;
қуйидаги мазмундаги 1029-позиция билан тўлдирилсин:
« 1029. Бино-иншоот Яшнобод тумани, «Уйсозлар» МФЙ, Уйсозлар кўчаси 72-уй 1,6 2224 «Ҳудудгазтаъминот» АЖ «Ҳудудгазтаъминот» АЖ » .
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 16 октябрь,
ПФ-159-сон
Oʻzbekiston Respublikasi Prezidentining
Farmoni
Davlat mulkini xususiylashtirish sohasi takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Xususiylashtirishni jadallashtirish va iqtisodiyotda xususiy mulkning ulushini yanada oshirish maqsadida:
1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
davlat aksiya paketlarini xorijiy investorlarga “Toshkent” RFB savdolari orqali xorijiy valyutada sotish va ular boʻyicha toʻlovlarni shartnomada belgilangan valyutada amalga oshirish;
maxsus iqtisodiy, kichik sanoat, yoshlar sanoat va tadbirkorlik zonalarining bosh rejasiga muvofiq, sanoat zonalari infratuzilma bilan taʼminlangandan va davlat qabul komissiyasi tomonidan qabul qilingandan soʻng ular hududidagi yer uchastkalarini auksion savdolariga chiqarish.
2. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 16-oktabrdagi PF-159-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 2-sentabrdagi “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida”gi PF-5177-son Farmonining 3-bandi ikkinchi xatboshisi “amalga oshirish taqiqlanadi,” soʻzlaridan keyin “Toshkent” RFB savdolari orqali davlat aksiya paketlarini xorijiy investorlarga sotish hamda” soʻzlari bilan toʻldirilsin.
2. Oʻzbekiston Respublikasi Prezidentining 2018-yil 1-avgustdagi “Oʻzbekiston Respublikasida investitsiya muhitini tubdan yaxshilash chora-tadbirlari toʻgʻrisida”gi PF-5495-son Farmoni 8-bandida :
toʻrtinchi xatboshi chiqarib tashlansin;
beshinchi va oltinchi xatboshilar tegishlicha toʻrtinchi va beshinchi xatboshilar deb hisoblansin.
3. Oʻzbekiston Respublikasi Prezidentining 2019-yil 19-fevraldagi “Davlat mulki obyektlaridan samarali foydalanish boʻyicha qoʻshimcha chora-tadbirlar toʻgʻrisida”gi PF-5666-son Farmoni 4-bandining toʻrtinchi xatboshisi quyidagi tahrirda bayon etilsin:
“2025-yil 1-fevraldan boshlab, boshlangʻich narxi bazaviy hisoblash miqdorining oʻn ming baravarigacha boʻlgan davlat aktivlarini, yer uchastkalarini (shu jumladan, yer qaʼri uchastkalaridan foydalanish huquqini va koʻchma savdo joylarini) hamda davlat ishtirokidagi korxonalarning mulklarini sotish va ijaraga berish boʻyicha oʻtkaziladigan elektron onlayn auksion savdolari jarayonida ishtirokchilar tomonidan uchinchi qadamdan boshlab shaxsiy hisobvaragʻida kamida ularning narx taklifiga nisbatan amaldagi zakalat miqdoridagi summaga ega boʻlish tartibi kiritiladi. Bunda ushbu mablagʻlar zakalat sifatida hisobga olinadi”.
4. Oʻzbekiston Respublikasi Prezidentining 2022-yil 13-iyundagi “Maxsus iqtisodiy, kichik sanoat, yoshlar sanoat va tadbirkorlik zonalari faoliyati samaradorligini oshirishning qoʻshimcha chora-tadbirlari toʻgʻrisida”gi PF-153-son Farmoni quyidagi mazmundagi 4¹-band bilan toʻldirilsin:
“4¹. Sanoat zonalari bosh rejasiga muvofiq:
sanoat zonalari infratuzilma bilan taʼminlangandan va davlat qabul komissiyasi tomonidan qabul qilingandan soʻng ular hududidagi yer uchastkalari auksion savdolariga chiqariladi;
sanoat zonalarida ishlab chiqarish faoliyatini yoʻlga qoʻyish maqsadida xususiy investorlarga Vazirlar Mahkamasi tomonidan belgilangan tartibda infratuzilma bilan taʼminlash ishlarini amalga oshirishga ruxsat beriladi hamda keyinchalik ushbu xarajatlarni sanoat zonalarining mablagʻlari hisobidan qoplab berish tartibi joriy etiladi”.
5. Oʻzbekiston Respublikasi Prezidentining 2014-yil 3-iyuldagi PQ-2200-son qarori bilan tasdiqlangan Davlat mulki obyektlarini xususiylashtirish tartibini soddalashtirishga qaratilgan meʼyor va tadbirlarning 5-bandi ikkinchi xatboshisi ikkinchi jumlasi chiqarib tashlansin.
6. Oʻzbekiston Respublikasi Prezidentining 2024-yil 19-apreldagi “Iqtisodiyotda davlat ishtirokini qisqartirishning qoʻshimcha chora-tadbirlari toʻgʻrisida”gi PQ-162-son qarorida :
a) 4-bandning beshinchi xatboshisi quyidagi tahrirda bayon etilsin:
“2025-yil 1-fevraldan boshlab, boshlangʻich narxi bazaviy hisoblash miqdorining oʻn ming baravarigacha boʻlgan davlat aktivlarini, yer uchastkalarini (shu jumladan, yer qaʼri uchastkalaridan foydalanish huquqini va koʻchma savdo joylarini) hamda davlat ishtirokidagi korxonalarning mulklarini sotish va ijaraga berish boʻyicha oʻtkaziladigan elektron onlayn auksion savdolari jarayonida ishtirokchilar tomonidan uchinchi qadamdan boshlab shaxsiy hisobvaragʻida kamida ularning narx taklifiga nisbatan amaldagi zakalat miqdoridagi summaga ega boʻlish tartibi kiritiladi. Bunda ushbu mablagʻlar zakalat sifatida hisobga olinadi”;
b) 6-bandning “b” kichik bandida :
ikkinchi xatboshi “(bundan yer uchastkalari mustasno)” soʻzlari bilan toʻldirilsin;
quyidagi mazmundagi toʻrtinchi xatboshi bilan toʻldirilsin:
“toʻlovlarni, miqdoridan qatʼi nazar, 5 yil ichida teng ulushlarda boʻlib-boʻlib toʻlash imkoniyati yaratiladi (bundan yer uchastkalari mustasno)”;
v) 2-ilovada :
646-pozitsiya chiqarib tashlansin;
quyidagi mazmundagi 1029-pozitsiya bilan toʻldirilsin:
“ 1029. Bino-inshoot Yashnobod tumani, “Uysozlar” MFY, Uysozlar koʻchasi 72-uy 1,6 2224 “Hududgaztaʼminot” AJ “Hududgaztaʼminot” AJ ” .
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 16-oktabr,
PF-159-son
Президента Республики Узбекистан
Указ
О внесении изменений и дополнений в некоторые акты Президента Республики Узбекистан в связи с совершенствованием сферы приватизации государственного имущества
В целях ускорения приватизации и дальнейшего увеличения доли частной собственности в экономике:
1. Внести изменения и дополнения в некоторые акты Президента Республики Узбекистан согласно приложению , предусматривающие:
продажу зарубежным инвесторам государственных пакетов акций в иностранной валюте посредством торгов на РФБ «Ташкент» и осуществление их оплаты в валюте, определенной договором;
выставление на аукционные торги земельных участков на территории специальных экономических, малых промышленных, молодежных промышленных и предпринимательских зон в соответствии с их генеральным планом после обеспечения промышленных зон инфраструктурой и приемки государственной приемочной комиссией.
2. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 16 октября 2024 года № УП-159
Изменения и дополнения, вносимые в некоторые акты Президента Республики Узбекистан
1. В абзаце втором пункта 3 Указа Президента Республики Узбекистан от 2 сентября 2017 года № УП-5177 «О первоочередных мерах по либерализации валютной политики» после слов «за исключением» дополнить словами «продажи государственных пакетов акций иностранным инвесторам посредством торгов на РФБ «Ташкент», а также».
2. В пункте 8 Указа Президента Республики Узбекистан от 1 августа 2018 года № УП-5495 «О мерах по кардинальному улучшению инвестиционного климата в Республике Узбекистан»:
абзац четвертый исключить;
абзацы пятый и шестой считать соответственно абзацами четвертым и пятым.
3. Абзац четвертый пункта 4 Указа Президента Республики Узбекистан от 19 февраля 2019 года № УП-5666 «О дополнительных мерах по эффективному использованию объектов государственной собственности» изложить в следующей редакции:
«начиная с 1 февраля 2025 года в процессе проводимых электронных онлайн-аукционных торгов по продаже и аренде государственных активов, земельных участков (в том числе права пользования участками недр и мест выездной торговли) и имущества предприятий с государственным участием со стартовой стоимостью до десятитысячекратного размера базовой расчетной величины, вводится порядок, в соответствии с которым с третьего этапа участникам необходимо иметь на лицевом счете сумму, равную размеру фактического задатка по отношению к их ценовому предложению. При этом данные средства будут учитываться в качестве задатка».
4. Указ Президента Республики Узбекистан от 13 июня 2022 года № УП-153 «О дополнительных мерах повышения эффективности деятельности специальных экономических, малых промышленных, молодежных промышленных и предпринимательских зон» дополнить пунктом 4 1 следующего содержания:
«4 1 . В соответствии с генеральным планом промышленных зон:
земельные участки на территории промышленных зон выставляются на аукционные торги после обеспечения промышленных зон инфраструктурой и приемки государственной приемочной комиссией;
в целях налаживания производственной деятельности в промышленных зонах частным инвесторам разрешается проводить работы по обеспечению инфраструктурой в порядке, установленном Кабинетом Министров, и в дальнейшем внедряется порядок компенсации этих расходов за счет средств промышленных зон».
5. Второе предложение абзаца второго пункта 5 Норм и мер, направленных на упрощение порядка приватизации объектов государственной собственности, утвержденных постановлением Президента Республики Узбекистан от 3 июля 2014 года № ПП-2200, исключить.
6. В постановлении Президента Республики Узбекистан от 19 апреля 2024 года № ПП-162 «О дополнительных мерах по сокращению участия государства в экономике»:
а) абзац пятый пункта 4 изложить в следующей редакции:
«начиная с 1 февраля 2025 года в процессе проводимых электронных онлайн-аукционных торгов по продаже и аренде государственных активов, земельных участков (в том числе права пользования участками недр и мест выездной торговли) и имущества предприятий с государственным участием со стартовой стоимостью до десятитысячекратного размера базовой расчетной величины, вводится порядок, в соответствии с которым с третьего этапа участникам необходимо иметь на лицевом счете сумму, равную размеру фактического задатка по отношению к их ценовому предложению. При этом данные средства будут учитываться в качестве задатка»;
б) в подпункте «б» пункта 6:
абзац второй дополнить словами «(за исключением земельных участков)»;
дополнить абзацем четвертым следующего содержания:
«создается возможность оплаты платежей в рассрочку в течение 5 лет равными долями независимо от их суммы (за исключением земельных участков)»;
в) в тексте на государственном языке приложения № 2:
позицию 646 исключить;
дополнить позицией 1029 следующего содержания:
« 1029. Бино-иншоот Яшнобод тумани, «Уйсозлар» МФЙ, Уйсозлар кўчаси 72-уй 1,6 2224 «Ҳудудгазтаъминот» АЖ «Ҳудудгазтаъминот» АЖ ».
Президент Республики Узбекистан Ш. МИРЗИЁЕВ
г. Ташкент,
16 октября 2024 г.,
№ УП-159