UzbekAI

Ўзбекистон Республикасининг Қонуни

Ижтимоий хизматлар ва ёрдам кўрсатиш тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида

Қонунчилик палатаси томонидан 2024 йил 2 июлда қабул қилинган Сенат томонидан 2024 йил 15 августда маъқулланган

Бугунги кунда мамлакатимизда аҳолининг ижтимоий ҳимоя қилинишини кучайтириш бўйича амалга оширилган ишлар натижасида ижтимоий ҳимояга муҳтож фуқароларга давлат томонидан кўрсатиладиган ижтимоий хизматлар ва ёрдам турлари кенгайтирилди.

Хусусан, Ўзбекистон Республикаси Президенти ҳузурида аҳолини ижтимоий ҳимоя қилиш соҳасидаги давлат сиёсатини амалга оширувчи Ижтимоий ҳимоя миллий агентлиги ташкил этилди, шунингдек унинг ҳузурида «Инсон» ижтимоий хизматлар марказлари ташкил этилди.

Шу муносабат билан Ўзбекистон Республикаси Президенти ҳузуридаги Ижтимоий ҳимоя миллий агентлигининг ваколатларини, шунингдек аҳолининг қўллаб-қувватлашга муҳтож бўлган қатламларига кўрсатиладиган ижтимоий хизматлар ва ёрдам турларини қонун ҳужжатларида аниқлаштириш зарурияти юзага келмоқда.

Мазкур Қонун билан Ўзбекистон Республикасининг айрим қонунларига Ўзбекистон Республикаси Президенти ҳузуридаги Ижтимоий ҳимоя миллий агентлигининг зиммасига дафн этиш учун нафақани бериш вазифасини юклатишга, унинг хотин-қизларни тазйиқ ва зўравонликдан ҳимоя қилиш соҳасидаги ваколатларини белгилашга, шунингдек фуқаролик ишлари бўйича судларга ва маъмурий судларга мурожаат қилишда давлат божини тўлашдан озод этишга тааллуқли ўзгартиришлар киритилмоқда.

Бундан ташқари ўзгаларнинг парваришига муҳтож бўлган 80 ёшга тўлган кексаларга қараб турилган вақт иш стажига қўшиб ҳисобланиши учун даволаш муассасасининг хулосаси талаб этилмаслиги, шунингдек ўзгалар парваришига муҳтож бўлган ёлғиз кексаларга, ёлғиз яшовчи кексаларга ва ногиронлиги бўлган шахсларга шаҳар йўловчилар транспортидан бепул фойдаланиш ҳуқуқи берилиши назарда тутилмоқда.

Шу билан бирга умрбод таъминлаш шарти билан уйни (квартирани) бошқа шахсга беришга доир битимлар ва умрбод рента шартномаси тўғрисидаги, шунингдек васийликдаги шахснинг мол-мулкини тақсимлашга доир битимлар ҳамда унинг тақдирини ҳал қилишга қаратилган бошқа битимлар ҳақидаги маълумотлар «Инсон» ижтимоий хизматлар марказларига тақдим этилиши белгиланмоқда.

«Давлат божи тўғрисида»ги Ўзбекистон Республикаси Қонунига ўзгалар парваришига муҳтож бўлган ёлғиз кексалар, ёлғиз яшовчи кексалар ва ногиронлиги бўлган шахслар йўқолган ёхуд яроқсиз ҳолга келган Ўзбекистон Республикаси фуқаросининг идентификацияловчи ID-картасини ёки биометрик паспортини алмаштиришда давлат божини тўлашдан озод қилинишини назарда тутувчи ўзгартиришлар киритилмоқда. «Инсон» ижтимоий хизматлар марказлари томонидан ижтимоий ҳимояга муҳтож айрим тоифадаги шахсларни вақтинча рўйхатга олишда ҳам давлат божи ундирилмайди. Шунингдек етим болалар ва ота-онасининг қарамоғидан маҳрум бўлган болалар давлат томонидан иккиламчи бозордан олинган уй-жойни уларнинг номига расмийлаштириш учун нотариал ҳаракатларни амалга оширишда давлат божини тўлашдан озод қилиниши белгиланмоқда.

Ушбу Қонун билан ўзгалар парваришига муҳтож бўлган ёлғиз кексаларга, ёлғиз яшовчи кексаларга ва ногиронлиги бўлган шахсларга ҳомийлик қилиш учун йўналтирилган маблағлар солиқ базасини аниқлашда чегириб ташланадиган харажатлар жумласига киритилиши назарда тутилмоқда.

Мазкур Қонун ижтимоий ҳимояга муҳтож бўлган аҳоли қатламларининг манзилли ва самарали ижтимоий ҳимоя қилинишини кучайтиришга, шунингдек ижтимоий хизматлар ва ёрдам кўрсатиш тизимини такомиллаштиришга ҳамда уларнинг сифатини оширишга хизмат қилади.

1-модда. Ўзбекистон Республикасининг 1993 йил 3 сентябрда қабул қилинган «Фуқароларнинг давлат пенсия таъминоти тўғрисида»ги 938-XII-сонли Қонуни (Ўзбекистон Республикаси Олий Кенгашининг Ахборотномаси, 1993 йил, № 9, 338-модда; Ўзбекистон Республикаси Олий Мажлисининг Ахборотномаси, 1995 йил, № 12, 269-модда; 1997 йил, № 4-5, 126-модда; 1998 йил, № 9, 181-модда; 1999 йил, № 5, 112-модда; 2001 йил, № 5, 89-модда; 2002 йил, № 4-5, 74-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 5, 152-модда; 2007 йил, № 12, 590, 608-моддалар; 2008 йил, № 12, 640-модда; 2010 йил, № 5, 178-модда, № 9, 334-модда, № 12, 472-модда; 2012 йил, № 1, 4-модда; 2013 йил, № 10, 263-модда; 2014 йил, № 12, 341-модда; 2016 йил, № 4, 125-модда, № 12, 383, 384-моддалар; 2018 йил, № 1, 1-модда, № 10, 676-модда, № 12, 783-модда; 2019 йил, № 5, 265-модда, № 8, 469-модда, № 9, 592-модда, № 11, 792-модда, № 12, 880-модда; 2020 йил, № 11, 652-модда; 2021 йил, 4-сонга илова, № 10, 973-модда; 2022 йил, № 2, 79-модда, № 5, 464-модда, № 10, 979, 982-моддалар; 2023 йил, № 2, 104-модда, № 11, 924-модда; 2024 йил, № 3, 246-модда) 37-моддаси биринчи қисмининг «д» кичик банди қуйидаги таҳрирда баён этилсин:

«д) I гуруҳ ногиронлиги бўлган шахсга ёки 18 ёшгача бўлган, ногиронлиги бор болага, шунингдек ўзгаларнинг парваришига муҳтож бўлган 80 ёшга тўлган кексаларга қараб турилган вақт».

2-модда. Ўзбекистон Республикасининг 1996 йил 30 августда қабул қилинган «Шаҳар йўловчилар транспортидан бепул фойдаланишни тартибга солиш тўғрисида»ги 278-I-сонли Қонунининг (Ўзбекистон Республикаси Олий Мажлисининг Ахборотномаси, 1996 йил, № 9, 141-модда; Ўзбекистон Республикаси Олий Мажлиси палаталарининг Ахборотномаси, 2009 йил, № 12, 470-модда; 2022 йил, № 5, 464-модда) 1-моддасига қуйидаги қўшимча ва ўзгартириш киритилсин:

қуйидаги мазмундаги саккизинчи хатбоши билан тўлдирилсин:

«ўзгалар парваришига муҳтож бўлган ёлғиз кексалар, ёлғиз яшовчи кексалар ва ногиронлиги бўлган шахслар»;

саккизинчи хатбоши тўққизинчи хатбоши деб ҳисоблансин.

3-модда. Ўзбекистон Республикасининг 1996 йил 26 декабрда қабул қилинган «Нотариат тўғрисида»ги 343-I-сонли Қонуни (Ўзбекистон Республикаси Олий Мажлисининг Ахборотномаси, 1997 йил, № 2, 42-модда; 2001 йил, № 1-2, 23-модда; 2003 йил, № 5, 67-модда; 2004 йил, № 1-2, 18-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 9, 312-модда; 2006 йил, № 9, 498-модда; 2007 йил, № 12, 608-модда; 2009 йил, № 9, 337-модда; 2010 йил, № 9, 335-модда; 2012 йил, № 4, 105-модда; 2014 йил, № 5, 130-модда; 2017 йил, № 9, 510-модда; 2018 йил, № 4, 224-модда, № 7, 431-модда, № 10, 673-модда; 2019 йил, № 1, 5-модда; 2020 йил, № 1, 3-модда; 2021 йил, 4-сонга илова, № 8, 800, 803-моддалар; 2022 йил, № 3, 216-модда, № 5, 464-модда) 6-моддасининг тўртинчи қисмига қуйидаги қўшимча ва ўзгартириш киритилсин:

қуйидаги мазмундаги олтинчи хатбоши билан тўлдирилсин:

«Инсон» ижтимоий хизматлар марказларига — умрбод таъминлаш шарти билан уйни (квартирани) бошқа шахсга беришга доир битимлар ва умрбод рента шартномаси тўғрисидаги, шунингдек васийликдаги шахснинг мол-мулкини тақсимлашга доир битимлар ҳамда унинг тақдирини ҳал қилишга қаратилган бошқа битимлар ҳақидаги маълумотлар»;

олтинчи , еттинчи ва саккизинчи хатбошилар тегишинча еттинчи, саккизинчи ва тўққизинчи хатбошилар деб ҳисоблансин.

4-модда. Ўзбекистон Республикасининг 2010 йил 27 декабрда қабул қилинган «Дафн этиш ва дафн иши тўғрисида»ги ЎРҚ-276-сонли Қонуни (Ўзбекистон Республикаси Олий Мажлиси палаталарининг Ахборотномаси, 2010 йил, № 12, 476-модда; 2017 йил, № 9, 510-модда; 2019 йил, № 11, 792-модда; 2021 йил, 4-сонга илова, № 10, 973-модда; 2022 йил, № 6, 575-модда; 2023 йил, № 11, 923-модда) 9-моддасининг иккинчи қисми қуйидаги таҳрирда баён этилсин:

«Ўлик бола туғилган ёки бола ҳаётининг биринчи ҳафтаси ичида вафот этган (перинатал ўлим) тақдирда, дафн этиш учун нафақани тўлаш қонунчиликда белгиланган тартибда бериладиган перинатал ўлим тўғрисидаги маълумотномага асосан, қолган барча ҳолларда эса шахснинг ўлими ҳақидаги гувоҳномага асосан, мурожаат этилган кунда Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан амалга оширилади».

5-модда. Ўзбекистон Республикасининг 2019 йил 2 сентябрда қабул қилинган «Хотин-қизларни тазйиқ ва зўравонликдан ҳимоя қилиш тўғрисида»ги ЎРҚ-561-сонли Қонунига (Ўзбекистон Республикаси Олий Мажлиси палаталарининг Ахборотномаси, 2019 йил, № 9, 586-модда; 2021 йил, 4-сонга илова, № 12, 1194-модда; 2023 йил, № 4, 265-модда) қуйидаги қўшимча ва ўзгартиришлар киритилсин:

1) қуйидаги мазмундаги 6 1 -модда билан тўлдирилсин:

« 6 1 -модда. Ўзбекистон Республикаси Президенти ҳузуридаги Ижтимоий ҳимоя миллий агентлигининг хотин-қизларни тазйиқ ва зўравонликдан ҳимоя қилиш соҳасидаги ваколатлари

Ўзбекистон Республикаси Президенти ҳузуридаги Ижтимоий ҳимоя миллий агентлиги:

хотин-қизларни тазйиқ ва зўравонликдан ҳимоя қилиш соҳасидаги давлат дастурларини, ҳудудий дастурларни, стратегияларни ҳамда қонунчилик ҳужжатларини ишлаб чиқишда ва амалга оширишда иштирок этади;

хотин-қизларни реабилитация қилиш ва мослаштириш марказларида ижтимоий реабилитация қилишга ҳамда ўз жонига қасд қилишнинг олдини олишга доир тадбирлар ўтказади;

тазйиқ ва зўравонликдан жабрланган хотин-қизларнинг ҳуқуқлари ва эркинликларини таъминлаш мониторингини ўтказади;

тазйиқ ва зўравонликдан жабрланувчиларга ижтимоий, ҳуқуқий ва психологик хизматлар кўрсатади;

низоли вазиятларни профилактика қилишга, тазйиқ ва зўравонликнинг олдини олишга доир дастурларни ва услубий тавсияларни ишлаб чиқишда ҳамда амалга оширишда иштирок этади;

хотин-қизларни тазйиқ ва зўравонликдан ҳимоя қилишни амалга оширувчи тегишли ваколатли органлар ва ташкилотлар билан ҳамкорлик қилади.

Тазйиқ ва зўравонликдан жабрланган хотин-қизларнинг ҳуқуқлари ва эркинликлари таъминланишини мониторинг қилиш тартиби Ўзбекистон Республикаси Вазирлар Маҳкамаси томонидан белгиланади»;

2) 12-модданинг :

номи қуйидаги таҳрирда баён этилсин:

« 12-модда. Ўзбекистон Республикаси Оила ва хотин-қизлар қўмитасининг хотин-қизларни тазйиқ ва зўравонликдан ҳимоя қилиш соҳасидаги ваколатлари »;

биринчи хатбошисидаги «Камбағалликни қисқартириш ва бандлик вазирлиги ҳузуридаги» деган сўзлар чиқариб ташлансин;

тўртинчи хатбошиси қуйидаги таҳрирда баён этилсин:

«ўз жонига қасд қилишнинг олдини олишга доир тадбирлар ўтказади»;

3) 18-модданинг биринчи қисмидаги «Камбағалликни қисқартириш ва бандлик вазирлиги ҳузуридаги» деган сўзлар чиқариб ташлансин.

6-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодекси (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда; 2023 йил, № 6, 444, 446-моддалар, № 7, 540-модда, № 12, 1011-модда; 2024 йил, № 2, 106, 110, 111-моддалар, № 4, 346-модда) 317-моддасининг 7-банди «меценатлик кўмагини кўрсатиш» деган сўзлардан кейин «ўзгалар парваришига муҳтож бўлган ёлғиз кексаларга, ёлғиз яшовчи кексаларга ва ногиронлиги бўлган шахсларга ҳомийлик қилиш» деган сўзлар билан тўлдирилсин.

7-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда; 2023 йил, № 2, 103-модда, № 3, 186-модда, № 4, 265, 269-моддалар, № 6, 444, 445-моддалар, № 7, 538-модда, № 9, 710-модда; 2024 йил, № 1, 5, 6, 7-моддалар, № 2, 101, 105, 107, 108, 111, 112-моддалар) қуйидаги ўзгартириш ва қўшимчалар киритилсин:

1) 8-модда биринчи қисмининг :

43-бандидаги «Камбағалликни қисқартириш ва бандлик вазирлиги ҳузуридаги» деган сўзлар чиқариб ташлансин;

44-банди қуйидаги таҳрирда баён этилсин:

«44) Ўзбекистон Республикаси Иқтисодиёт ва молия вазирлиги ҳузуридаги Тадбиркорлик фаолиятини қўллаб-қувватлаш давлат жамғармаси — ўз ҳуқуқлари ва қонуний манфаатларини ҳимоя қилишга доир даъволар, аризалар ҳамда шикоятлар юзасидан»;

қуйидаги мазмундаги 45-банд билан тўлдирилсин:

«45) Ўзбекистон Республикаси Президенти ҳузуридаги Ижтимоий ҳимоя миллий агентлиги ҳамда унинг ҳудудий бўлинмалари:

тазйиқ ва зўравонликка учраган хотин-қизларнинг ҳуқуқлари ва қонуний манфаатларини ҳимоя қилиш мақсадида бериладиган аризалар, шикоятлар ва даъволар юзасидан;

болаларнинг ҳуқуқлари ва қонуний манфаатларини ҳимоя қилиш мақсадида, ота-оналарнинг муомала лаёқати чекланган деб топиш тўғрисидаги, уларни ота-оналик ҳуқуқларидан маҳрум этиш, болаларни ота-оналаридан уларни ота-оналик ҳуқуқларидан маҳрум этмасдан олиб қўйиш ҳақидаги, шунингдек, агар ота-оналик ҳуқуқларидан маҳрум қилинган ота-оналарнинг ўз болалари билан биргаликда яшаши мумкин эмас деб белгиланса, уларни бошқа турар жой бермасдан кўчириб юбориш тўғрисидаги даъволар, аризалар ва шикоятлар юзасидан;

оғир аҳволга тушиб қолган ва оғир аҳволга тушиб қолиш хавфи юқори бўлган шахслар ҳамда оилалар манфаатларини кўзлаб берилган даъволар, аризалар ва шикоятлар билан судга мурожаат қилинганда»;

2) 10-модданинг биринчи қисми :

17-бандидаги «Камбағалликни қисқартириш ва бандлик вазирлиги ҳузуридаги» деган сўзлар чиқариб ташлансин;

қуйидаги мазмундаги 17 1 -банд билан тўлдирилсин:

«17 1 ) Ўзбекистон Республикаси Президенти ҳузуридаги Ижтимоий ҳимоя миллий агентлиги ҳамда унинг ҳудудий бўлинмалари — оғир аҳволга тушиб қолган ва оғир аҳволга тушиб қолиш хавфи юқори бўлган шахслар ҳамда оилалар манфаатларини кўзлаб берилган аризалар ва шикоятлар юзасидан»;

3) 11-модда қуйидаги мазмундаги 19-банд билан тўлдирилсин:

«19) етим болалар ва ота-онасининг қарамоғидан маҳрум бўлган болалар — улар учун давлат томонидан иккиламчи бозордан олинган уй-жой уларнинг номига расмийлаштириб берилганлиги учун»;

4) 13-модданинг учинчи қисми «жабрланган жисмоний шахслар» деган сўзлардан кейин «ўзгалар парваришига муҳтож бўлган ёлғиз кексалар, ёлғиз яшовчи кексалар ва ногиронлиги бўлган шахслар» деган сўзлар билан тўлдирилсин;

5) 15-модда :

қуйидаги мазмундаги иккинчи қисм билан тўлдирилсин:

«Муайян яшаш жойига эга бўлмаган, ижтимоий ҳимояга муҳтож шахслар «Инсон» ижтимоий хизматлар марказлари томонидан Ўзбекистон Республикаси Президенти ҳузуридаги Ижтимоий ҳимоя миллий агентлиги ҳузуридаги уй-жой фондига эга бўлган муассасаларга вақтинча турган жойи бўйича олти ой муддатгача рўйхатга қўйилаётганда улардан давлат божи ундирилмайди»;

иккинчи — олтинчи қисмлари тегишинча учинчи — еттинчи қисмлар деб ҳисоблансин.

8-модда. Ўзбекистон Республикасининг 2021 йил 20 апрелда қабул қилинган «Норматив-ҳуқуқий ҳужжатлар тўғрисида»ги ЎРҚ-682-сонли Қонуни билан тасдиқланган Норматив-ҳуқуқий ҳужжатлар лойиҳаларини, шунингдек уларга илова қилинадиган ахборот-таҳлилий материалларни юридик-техник жиҳатдан расмийлаштиришнинг ягона услубиётининг (Ўзбекистон Республикаси Олий Мажлиси палаталарининг Ахборотномаси, 2021 йил, № 4, 288-модда; 2022 йил, № 3, 213-модда, № 8, 788-модда, № 10, 983-модда; 2023 йил, № 8, 629-модда, № 11, 923-модда; 2024 йил, № 2, 109-модда) 102-бандига қуйидаги қўшимча ва ўзгартириш киритилсин:

қуйидаги мазмундаги олтинчи хатбоши билан тўлдирилсин:

«Ўзбекистон Республикаси Президенти ҳузуридаги Ижтимоий ҳимоя миллий агентлиги билан — аҳолига ижтимоий хизматлар ва ёрдам кўрсатиш масалаларига доир лойиҳалар»;

олтинчи — ўн бешинчи хатбошилар тегишинча еттинчи — ўн олтинчи хатбошилар деб ҳисоблансин.

9-модда. Ўзбекистон Республикаси Президенти ҳузуридаги Ижтимоий ҳимоя миллий агентлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

10-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

11-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2024 йил 18 октябрь,

ЎРҚ-977-сон

(Қонунчилик маълумотлари миллий базаси, 19.10.2024 й., 03/24/977/0831-сон)

lex.uz

Oʻzbekiston Respublikasining Qonuni

Ijtimoiy xizmatlar va yordam koʻrsatish tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida

Qonunchilik palatasi tomonidan 2024-yil 2-iyulda qabul qilingan Senat tomonidan 2024-yil 15-avgustda maʼqullangan

Bugungi kunda mamlakatimizda aholining ijtimoiy himoya qilinishini kuchaytirish boʻyicha amalga oshirilgan ishlar natijasida ijtimoiy himoyaga muhtoj fuqarolarga davlat tomonidan koʻrsatiladigan ijtimoiy xizmatlar va yordam turlari kengaytirildi.

Xususan, Oʻzbekiston Respublikasi Prezidenti huzurida aholini ijtimoiy himoya qilish sohasidagi davlat siyosatini amalga oshiruvchi Ijtimoiy himoya milliy agentligi tashkil etildi, shuningdek uning huzurida “Inson” ijtimoiy xizmatlar markazlari tashkil etildi.

Shu munosabat bilan Oʻzbekiston Respublikasi Prezidenti huzuridagi Ijtimoiy himoya milliy agentligining vakolatlarini, shuningdek aholining qoʻllab-quvvatlashga muhtoj boʻlgan qatlamlariga koʻrsatiladigan ijtimoiy xizmatlar va yordam turlarini qonun hujjatlarida aniqlashtirish zaruriyati yuzaga kelmoqda.

Mazkur Qonun bilan Oʻzbekiston Respublikasining ayrim qonunlariga Oʻzbekiston Respublikasi Prezidenti huzuridagi Ijtimoiy himoya milliy agentligining zimmasiga dafn etish uchun nafaqani berish vazifasini yuklatishga, uning xotin-qizlarni tazyiq va zoʻravonlikdan himoya qilish sohasidagi vakolatlarini belgilashga, shuningdek fuqarolik ishlari boʻyicha sudlarga va maʼmuriy sudlarga murojaat qilishda davlat bojini toʻlashdan ozod etishga taalluqli oʻzgartirishlar kiritilmoqda.

Bundan tashqari oʻzgalarning parvarishiga muhtoj boʻlgan 80 yoshga toʻlgan keksalarga qarab turilgan vaqt ish stajiga qoʻshib hisoblanishi uchun davolash muassasasining xulosasi talab etilmasligi, shuningdek oʻzgalar parvarishiga muhtoj boʻlgan yolgʻiz keksalarga, yolgʻiz yashovchi keksalarga va nogironligi boʻlgan shaxslarga shahar yoʻlovchilar transportidan bepul foydalanish huquqi berilishi nazarda tutilmoqda.

Shu bilan birga umrbod taʼminlash sharti bilan uyni (kvartirani) boshqa shaxsga berishga doir bitimlar va umrbod renta shartnomasi toʻgʻrisidagi, shuningdek vasiylikdagi shaxsning mol-mulkini taqsimlashga doir bitimlar hamda uning taqdirini hal qilishga qaratilgan boshqa bitimlar haqidagi maʼlumotlar “Inson” ijtimoiy xizmatlar markazlariga taqdim etilishi belgilanmoqda.

“Davlat boji toʻgʻrisida”gi Oʻzbekiston Respublikasi Qonuniga oʻzgalar parvarishiga muhtoj boʻlgan yolgʻiz keksalar, yolgʻiz yashovchi keksalar va nogironligi boʻlgan shaxslar yoʻqolgan yoxud yaroqsiz holga kelgan Oʻzbekiston Respublikasi fuqarosining identifikatsiyalovchi ID-kartasini yoki biometrik pasportini almashtirishda davlat bojini toʻlashdan ozod qilinishini nazarda tutuvchi oʻzgartirishlar kiritilmoqda. “Inson” ijtimoiy xizmatlar markazlari tomonidan ijtimoiy himoyaga muhtoj ayrim toifadagi shaxslarni vaqtincha roʻyxatga olishda ham davlat boji undirilmaydi. Shuningdek yetim bolalar va ota-onasining qaramogʻidan mahrum boʻlgan bolalar davlat tomonidan ikkilamchi bozordan olingan uy-joyni ularning nomiga rasmiylashtirish uchun notarial harakatlarni amalga oshirishda davlat bojini toʻlashdan ozod qilinishi belgilanmoqda.

Ushbu Qonun bilan oʻzgalar parvarishiga muhtoj boʻlgan yolgʻiz keksalarga, yolgʻiz yashovchi keksalarga va nogironligi boʻlgan shaxslarga homiylik qilish uchun yoʻnaltirilgan mablagʻlar soliq bazasini aniqlashda chegirib tashlanadigan xarajatlar jumlasiga kiritilishi nazarda tutilmoqda.

Mazkur Qonun ijtimoiy himoyaga muhtoj boʻlgan aholi qatlamlarining manzilli va samarali ijtimoiy himoya qilinishini kuchaytirishga, shuningdek ijtimoiy xizmatlar va yordam koʻrsatish tizimini takomillashtirishga hamda ularning sifatini oshirishga xizmat qiladi.

1-modda. Oʻzbekiston Respublikasining 1993-yil 3-sentabrda qabul qilingan “Fuqarolarning davlat pensiya taʼminoti toʻgʻrisida”gi 938-XII-sonli Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 338-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4-5, 126-modda; 1998-yil, № 9, 181-modda; 1999-yil, № 5, 112-modda; 2001-yil, № 5, 89-modda; 2002-yil, № 4-5, 74-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 5, 152-modda; 2007-yil, № 12, 590, 608-moddalar; 2008-yil, № 12, 640-modda; 2010-yil, № 5, 178-modda, № 9, 334-modda, № 12, 472-modda; 2012-yil, № 1, 4-modda; 2013-yil, № 10, 263-modda; 2014-yil, № 12, 341-modda; 2016-yil, № 4, 125-modda, № 12, 383, 384-moddalar; 2018-yil, № 1, 1-modda, № 10, 676-modda, № 12, 783-modda; 2019-yil, № 5, 265-modda, № 8, 469-modda, № 9, 592-modda, № 11, 792-modda, № 12, 880-modda; 2020-yil, № 11, 652-modda; 2021-yil, 4-songa ilova, № 10, 973-modda; 2022-yil, № 2, 79-modda, № 5, 464-modda, № 10, 979, 982-moddalar; 2023-yil, № 2, 104-modda, № 11, 924-modda; 2024-yil, № 3, 246-modda) 37-moddasi birinchi qismining “d” kichik bandi quyidagi tahrirda bayon etilsin:

“d) I guruh nogironligi boʻlgan shaxsga yoki 18 yoshgacha boʻlgan, nogironligi bor bolaga, shuningdek oʻzgalarning parvarishiga muhtoj boʻlgan 80 yoshga toʻlgan keksalarga qarab turilgan vaqt”.

2-modda. Oʻzbekiston Respublikasining 1996-yil 30-avgustda qabul qilingan “Shahar yoʻlovchilar transportidan bepul foydalanishni tartibga solish toʻgʻrisida”gi 278-I-sonli Qonunining (Oʻzbekiston Respublikasi Oliy Majlisining Axborotnomasi, 1996-yil, № 9, 141-modda; Oʻzbekiston Respublikasi Oliy Majlisi palatalarining Axborotnomasi, 2009-yil, № 12, 470-modda; 2022-yil, № 5, 464-modda) 1-moddasiga quyidagi qoʻshimcha va oʻzgartirish kiritilsin:

quyidagi mazmundagi sakkizinchi xatboshi bilan toʻldirilsin:

“oʻzgalar parvarishiga muhtoj boʻlgan yolgʻiz keksalar, yolgʻiz yashovchi keksalar va nogironligi boʻlgan shaxslar”;

sakkizinchi xatboshi toʻqqizinchi xatboshi deb hisoblansin.

3-modda. Oʻzbekiston Respublikasining 1996-yil 26-dekabrda qabul qilingan “Notariat toʻgʻrisida”gi 343-I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 2, 42-modda; 2001-yil, № 1-2, 23-modda; 2003-yil, № 5, 67-modda; 2004-yil, № 1-2, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda; 2006-yil, № 9, 498-modda; 2007-yil, № 12, 608-modda; 2009-yil, № 9, 337-modda; 2010-yil, № 9, 335-modda; 2012-yil, № 4, 105-modda; 2014-yil, № 5, 130-modda; 2017-yil, № 9, 510-modda; 2018-yil, № 4, 224-modda, № 7, 431-modda, № 10, 673-modda; 2019-yil, № 1, 5-modda; 2020-yil, № 1, 3-modda; 2021-yil, 4-songa ilova, № 8, 800, 803-moddalar; 2022-yil, № 3, 216-modda, № 5, 464-modda) 6-moddasining toʻrtinchi qismiga quyidagi qoʻshimcha va oʻzgartirish kiritilsin:

quyidagi mazmundagi oltinchi xatboshi bilan toʻldirilsin:

“Inson” ijtimoiy xizmatlar markazlariga — umrbod taʼminlash sharti bilan uyni (kvartirani) boshqa shaxsga berishga doir bitimlar va umrbod renta shartnomasi toʻgʻrisidagi, shuningdek vasiylikdagi shaxsning mol-mulkini taqsimlashga doir bitimlar hamda uning taqdirini hal qilishga qaratilgan boshqa bitimlar haqidagi maʼlumotlar”;

oltinchi , yettinchi va sakkizinchi xatboshilar tegishincha yettinchi, sakkizinchi va toʻqqizinchi xatboshilar deb hisoblansin.

4-modda. Oʻzbekiston Respublikasining 2010-yil 27-dekabrda qabul qilingan “Dafn etish va dafn ishi toʻgʻrisida”gi OʻRQ-276-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2010-yil, № 12, 476-modda; 2017-yil, № 9, 510-modda; 2019-yil, № 11, 792-modda; 2021-yil, 4-songa ilova, № 10, 973-modda; 2022-yil, № 6, 575-modda; 2023-yil, № 11, 923-modda) 9-moddasining ikkinchi qismi quyidagi tahrirda bayon etilsin:

“Oʻlik bola tugʻilgan yoki bola hayotining birinchi haftasi ichida vafot etgan (perinatal oʻlim) taqdirda, dafn etish uchun nafaqani toʻlash qonunchilikda belgilangan tartibda beriladigan perinatal oʻlim toʻgʻrisidagi maʼlumotnomaga asosan, qolgan barcha hollarda esa shaxsning oʻlimi haqidagi guvohnomaga asosan, murojaat etilgan kunda Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan amalga oshiriladi”.

5-modda. Oʻzbekiston Respublikasining 2019-yil 2-sentabrda qabul qilingan “Xotin-qizlarni tazyiq va zoʻravonlikdan himoya qilish toʻgʻrisida”gi OʻRQ-561-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2019-yil, № 9, 586-modda; 2021-yil, 4-songa ilova, № 12, 1194-modda; 2023-yil, № 4, 265-modda) quyidagi qoʻshimcha va oʻzgartirishlar kiritilsin:

1) quyidagi mazmundagi 6 1 -modda bilan toʻldirilsin:

“ 6 1 -modda. Oʻzbekiston Respublikasi Prezidenti huzuridagi Ijtimoiy himoya milliy agentligining xotin-qizlarni tazyiq va zoʻravonlikdan himoya qilish sohasidagi vakolatlari

Oʻzbekiston Respublikasi Prezidenti huzuridagi Ijtimoiy himoya milliy agentligi:

xotin-qizlarni tazyiq va zoʻravonlikdan himoya qilish sohasidagi davlat dasturlarini, hududiy dasturlarni, strategiyalarni hamda qonunchilik hujjatlarini ishlab chiqishda va amalga oshirishda ishtirok etadi;

xotin-qizlarni reabilitatsiya qilish va moslashtirish markazlarida ijtimoiy reabilitatsiya qilishga hamda oʻz joniga qasd qilishning oldini olishga doir tadbirlar oʻtkazadi;

tazyiq va zoʻravonlikdan jabrlangan xotin-qizlarning huquqlari va erkinliklarini taʼminlash monitoringini oʻtkazadi;

tazyiq va zoʻravonlikdan jabrlanuvchilarga ijtimoiy, huquqiy va psixologik xizmatlar koʻrsatadi;

nizoli vaziyatlarni profilaktika qilishga, tazyiq va zoʻravonlikning oldini olishga doir dasturlarni va uslubiy tavsiyalarni ishlab chiqishda hamda amalga oshirishda ishtirok etadi;

xotin-qizlarni tazyiq va zoʻravonlikdan himoya qilishni amalga oshiruvchi tegishli vakolatli organlar va tashkilotlar bilan hamkorlik qiladi.

Tazyiq va zoʻravonlikdan jabrlangan xotin-qizlarning huquqlari va erkinliklari taʼminlanishini monitoring qilish tartibi Oʻzbekiston Respublikasi Vazirlar Mahkamasi tomonidan belgilanadi”;

2) 12-moddaning :

nomi quyidagi tahrirda bayon etilsin:

“ 12-modda. Oʻzbekiston Respublikasi Oila va xotin-qizlar qoʻmitasining xotin-qizlarni tazyiq va zoʻravonlikdan himoya qilish sohasidagi vakolatlari ”;

birinchi xatboshisidagi “Kambagʻallikni qisqartirish va bandlik vazirligi huzuridagi” degan soʻzlar chiqarib tashlansin;

toʻrtinchi xatboshisi quyidagi tahrirda bayon etilsin:

“oʻz joniga qasd qilishning oldini olishga doir tadbirlar oʻtkazadi”;

3) 18-moddaning birinchi qismidagi “Kambagʻallikni qisqartirish va bandlik vazirligi huzuridagi” degan soʻzlar chiqarib tashlansin.

6-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda, № 12, 1011-modda; 2024-yil, № 2, 106, 110, 111-moddalar, № 4, 346-modda) 317-moddasining 7-bandi “metsenatlik koʻmagini koʻrsatish” degan soʻzlardan keyin “oʻzgalar parvarishiga muhtoj boʻlgan yolgʻiz keksalarga, yolgʻiz yashovchi keksalarga va nogironligi boʻlgan shaxslarga homiylik qilish” degan soʻzlar bilan toʻldirilsin.

7-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda, № 9, 710-modda; 2024-yil, № 1, 5, 6, 7-moddalar, № 2, 101, 105, 107, 108, 111, 112-moddalar) quyidagi oʻzgartirish va qoʻshimchalar kiritilsin:

1) 8-modda birinchi qismining :

43-bandidagi “Kambagʻallikni qisqartirish va bandlik vazirligi huzuridagi” degan soʻzlar chiqarib tashlansin;

44-bandi quyidagi tahrirda bayon etilsin:

“44) Oʻzbekiston Respublikasi Iqtisodiyot va moliya vazirligi huzuridagi Tadbirkorlik faoliyatini qoʻllab-quvvatlash davlat jamgʻarmasi — oʻz huquqlari va qonuniy manfaatlarini himoya qilishga doir daʼvolar, arizalar hamda shikoyatlar yuzasidan”;

quyidagi mazmundagi 45-band bilan toʻldirilsin:

“45) Oʻzbekiston Respublikasi Prezidenti huzuridagi Ijtimoiy himoya milliy agentligi hamda uning hududiy boʻlinmalari:

tazyiq va zoʻravonlikka uchragan xotin-qizlarning huquqlari va qonuniy manfaatlarini himoya qilish maqsadida beriladigan arizalar, shikoyatlar va daʼvolar yuzasidan;

bolalarning huquqlari va qonuniy manfaatlarini himoya qilish maqsadida, ota-onalarning muomala layoqati cheklangan deb topish toʻgʻrisidagi, ularni ota-onalik huquqlaridan mahrum etish, bolalarni ota-onalaridan ularni ota-onalik huquqlaridan mahrum etmasdan olib qoʻyish haqidagi, shuningdek, agar ota-onalik huquqlaridan mahrum qilingan ota-onalarning oʻz bolalari bilan birgalikda yashashi mumkin emas deb belgilansa, ularni boshqa turar joy bermasdan koʻchirib yuborish toʻgʻrisidagi daʼvolar, arizalar va shikoyatlar yuzasidan;

ogʻir ahvolga tushib qolgan va ogʻir ahvolga tushib qolish xavfi yuqori boʻlgan shaxslar hamda oilalar manfaatlarini koʻzlab berilgan daʼvolar, arizalar va shikoyatlar bilan sudga murojaat qilinganda”;

2) 10-moddaning birinchi qismi :

17-bandidagi “Kambagʻallikni qisqartirish va bandlik vazirligi huzuridagi” degan soʻzlar chiqarib tashlansin;

quyidagi mazmundagi 17 1 -band bilan toʻldirilsin:

“17 1 ) Oʻzbekiston Respublikasi Prezidenti huzuridagi Ijtimoiy himoya milliy agentligi hamda uning hududiy boʻlinmalari — ogʻir ahvolga tushib qolgan va ogʻir ahvolga tushib qolish xavfi yuqori boʻlgan shaxslar hamda oilalar manfaatlarini koʻzlab berilgan arizalar va shikoyatlar yuzasidan”;

3) 11-modda quyidagi mazmundagi 19-band bilan toʻldirilsin:

“19) yetim bolalar va ota-onasining qaramogʻidan mahrum boʻlgan bolalar — ular uchun davlat tomonidan ikkilamchi bozordan olingan uy-joy ularning nomiga rasmiylashtirib berilganligi uchun”;

4) 13-moddaning uchinchi qismi “jabrlangan jismoniy shaxslar” degan soʻzlardan keyin “oʻzgalar parvarishiga muhtoj boʻlgan yolgʻiz keksalar, yolgʻiz yashovchi keksalar va nogironligi boʻlgan shaxslar” degan soʻzlar bilan toʻldirilsin;

5) 15-modda :

quyidagi mazmundagi ikkinchi qism bilan toʻldirilsin:

“Muayyan yashash joyiga ega boʻlmagan, ijtimoiy himoyaga muhtoj shaxslar “Inson” ijtimoiy xizmatlar markazlari tomonidan Oʻzbekiston Respublikasi Prezidenti huzuridagi Ijtimoiy himoya milliy agentligi huzuridagi uy-joy fondiga ega boʻlgan muassasalarga vaqtincha turgan joyi boʻyicha olti oy muddatgacha roʻyxatga qoʻyilayotganda ulardan davlat boji undirilmaydi”;

ikkinchi — oltinchi qismlari tegishincha uchinchi — yettinchi qismlar deb hisoblansin.

8-modda. Oʻzbekiston Respublikasining 2021-yil 20-aprelda qabul qilingan “Normativ-huquqiy hujjatlar toʻgʻrisida”gi OʻRQ-682-sonli Qonuni bilan tasdiqlangan Normativ-huquqiy hujjatlar loyihalarini, shuningdek ularga ilova qilinadigan axborot-tahliliy materiallarni yuridik-texnik jihatdan rasmiylashtirishning yagona uslubiyotining (Oʻzbekiston Respublikasi Oliy Majlisi palatalarining Axborotnomasi, 2021-yil, № 4, 288-modda; 2022-yil, № 3, 213-modda, № 8, 788-modda, № 10, 983-modda; 2023-yil, № 8, 629-modda, № 11, 923-modda; 2024-yil, № 2, 109-modda) 102-bandiga quyidagi qoʻshimcha va oʻzgartirish kiritilsin:

quyidagi mazmundagi oltinchi xatboshi bilan toʻldirilsin:

“Oʻzbekiston Respublikasi Prezidenti huzuridagi Ijtimoiy himoya milliy agentligi bilan — aholiga ijtimoiy xizmatlar va yordam koʻrsatish masalalariga doir loyihalar”;

oltinchi — oʻn beshinchi xatboshilar tegishincha yettinchi — oʻn oltinchi xatboshilar deb hisoblansin.

9-modda. Oʻzbekiston Respublikasi Prezidenti huzuridagi Ijtimoiy himoya milliy agentligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

10-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

11-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2024-yil 18-oktabr,

OʻRQ-977-son

(Qonunchilik maʼlumotlari milliy bazasi, 19.10.2024-y., 03/24/977/0831-son)

lex.uz

Закон Республики Узбекистан

О внесении изменений и дополнений в некоторые законодательные акты Республики Узбекистан в связи с совершенствованием системы предоставления социальных услуг и помощи

Принят Законодательной палатой 2 июля 2024 года Одобрен Сенатом 15 августа 2024 года

На сегодняшний день в результате проведенных работ по усилению социальной защиты населения в нашей стране расширились виды социальных услуг и помощи, оказываемых со стороны государства гражданам, нуждающимся в поддержке.

В частности, при Президенте Республики Узбекистан образовано Национальное агентство социальной защиты, реализующее государственную политику в сфере социальной защиты населения, а также при нем образованы центры социальных услуг «Инсон».

В связи с этим возникает необходимость уточнения в законодательных актах полномочий Национального агентства социальной защиты при Президенте Республики Узбекистан, а также видов социальных услуг и помощи, оказываемых нуждающимся в поддержке слоям населения.

Данным Законом в некоторые законы Республики Узбекистан вносятся изменения, касающиеся возложения на Национальное агентство социальной защиты при Президенте Республики Узбекистан функции по выдаче пособия на погребение, определения его полномочий в области защиты женщин от притеснения и насилия, а также освобождения от уплаты государственной пошлины при обращении в суды по гражданским делам и административные суды.

Кроме того, предусматривается, что не требуется заключение лечебного учреждения при засчитывании в стаж работы времени ухода за престарелым, достигшим 80-летнего возраста, нуждающимся в постороннем уходе, а также предоставление права на бесплатное пользование городским пассажирским транспортом одинокими престарелыми, одиноко проживающими престарелыми и лицами с инвалидностью, нуждающимися в постороннем уходе.

Вместе с тем устанавливается, что центрам социальных услуг «Инсон» предоставляются сведения о сделках по отчуждению жилого дома (квартиры) с условием пожизненного содержания и договоре пожизненной ренты, а также сделках по распределению имущества лица, находящегося под опекой, и иных сделках, направленных на решение его судьбы.

В Закон Республики Узбекистан «О государственной пошлине» вносятся изменения, предусматривающие освобождение от уплаты государственной пошлины одиноких престарелых, одиноко проживающих престарелых и лиц с инвалидностью, нуждающихся в постороннем уходе, при замене утерянных или пришедших в негодное состояние идентификационной ID-карты или биометрического паспорта гражданина Республики Узбекистан. Государственная пошлина также не будет взиматься при временной регистрации центрами социальных услуг «Инсон» отдельных категорий лиц, нуждающихся в социальной защите. Также устанавливается, что дети-сироты и дети, лишенные родительской опеки, освобождаются от уплаты государственной пошлины при совершении нотариальных действий за оформление на их имя жилья, приобретенного на вторичном рынке со стороны государства.

Настоящим Законом предусматривается включение средств, направленных на оказание спонсорства одиноким престарелым, одиноко проживающим престарелым и лицам с инвалидностью, нуждающимся в постороннем уходе, к расходам, подлежащим вычету при определении налоговой базы.

Данный Закон послужит усилению адресной и эффективной социальной защиты слоев населения, нуждающихся в социальной защите, а также совершенствованию системы оказания социальных услуг и помощи и повышению их качества.

Статья 1. Подпункт «д» части первой статьи 37 Закона Республики Узбекистан от 3 сентября 1993 года № 938-XII «О государственном пенсионном обеспечении граждан» (Ведомости Верховного Совета Республики Узбекистан, 1993 г., № 9, ст. 338; Ведомости Олий Мажлиса Республики Узбекистан, 1995 г., № 12, ст. 269; 1997 г., № 4-5, ст. 126; 1998 г., № 9, ст. 181; 1999 г., № 5, ст. 112; 2001 г., № 5, ст. 89; 2002 г., № 4-5, ст. 74; Ведомости палат Олий Мажлиса Республики Узбекистан, 2005 г., № 5, ст. 152; 2007 г., № 12, ст.ст. 590, 608; 2008 г., № 12, ст. 640; 2010 г., № 5, ст. 178, № 9, ст. 334, № 12, ст. 472; 2012 г., № 1, ст. 4; 2013 г., № 10, ст. 263; 2014 г., № 12, ст. 341; 2016 г., № 4, ст. 125, № 12, ст.ст. 383, 384; 2018 г., № 1, ст. 1, № 10, ст. 676, № 12, ст. 783; 2019 г., № 5, ст. 265, № 8, ст. 469, № 9, ст. 592, № 11, ст. 792, № 12, ст. 880; 2020 г., № 11, ст. 652; 2021 г., приложение к № 4, № 10, ст. 973; 2022 г., № 2, ст. 79, № 5, ст. 464, № 10, ст.ст. 979, 982; 2023 г., № 2, ст. 104, № 11, ст. 924; 2024 г., № 3, ст. 246) изложить в следующей редакции:

«д) время ухода за лицом с инвалидностью I группы или ребенком с инвалидностью в возрасте до 18 лет, а также за престарелым, достигшим 80-летнего возраста, нуждающимся в постороннем уходе».

Статья 2. Внести в статью 1 Закона Республики Узбекистан от 30 августа 1996 года № 278-I «Об упорядочении бесплатного пользования городским пассажирским транспортом» (Ведомости Олий Мажлиса Республики Узбекистан, 1996 г., № 9, ст. 141; Ведомости палат Олий Мажлиса Республики Узбекистан, 2009 г., № 12, ст. 470; 2022 г., № 5, ст. 464) следующие дополнение и изменение:

дополнить абзацем восьмым следующего содержания:

«одиноким престарелым, одиноко проживающим престарелым и лицам с инвалидностью, нуждающимся в постороннем уходе»;

абзац восьмой считать абзацем девятым.

Статья 3. Внести в часть четвертую статьи 6 Закона Республики Узбекистан от 26 декабря 1996 года № 343-I «О нотариате» (Ведомости Олий Мажлиса Республики Узбекистан, 1997 г., № 2, ст. 42; 2001 г., № 1-2, ст. 23; 2003 г., № 5, ст. 67; 2004 г., № 1-2, ст. 18; Ведомости палат Олий Мажлиса Республики Узбекистан, 2005 г., № 9, ст. 312; 2006 г., № 9, ст. 498; 2007 г., № 12, ст. 608; 2009 г., № 9, ст. 337; 2010 г., № 9, ст. 335; 2012 г., № 4, ст. 105; 2014 г., № 5, ст. 130; 2017 г., № 9, ст. 510; 2018 г., № 4, ст. 224, № 7, ст. 431, № 10, ст. 673; 2019 г., № 1, ст. 5; 2020 г., № 1, ст. 3; 2021 г., приложение к № 4, № 8, ст.ст. 800, 803; 2022 г., № 3, ст. 216, № 5, ст. 464) следующие дополнение и изменение:

дополнить абзацем шестым следующего содержания:

«центрам социальных услуг «Инсон» — сведения о сделках по отчуждению жилого дома (квартиры) с условием пожизненного содержания и договоре пожизненной ренты, а также сделках по распределению имущества лица, находящегося под опекой, и иных сделках, направленных на решение его судьбы»;

абзацы шестой , седьмой и восьмой считать соответственно абзацами седьмым, восьмым и девятым.

Статья 4. Часть вторую статьи 9 Закона Республики Узбекистан от 27 декабря 2010 года № ЗРУ-276 «О погребении и похоронном деле» (Ведомости палат Олий Мажлиса Республики Узбекистан, 2010 г., № 12, ст. 476; 2017 г., № 9, ст. 510; 2019 г., № 11, ст. 792; 2021 г., приложение к № 4, № 10, ст. 973; 2022 г., № 6, ст. 575; 2023 г., № 11, ст. 923) изложить в следующей редакции:

«Выплата пособия на погребение производится Национальным агентством социальной защиты при Президенте Республики Узбекистан в день обращения в случае рождения мертвого ребенка или смерти ребенка в течение первой недели жизни (перинатальная смерть) — на основании справки о перинатальной смерти, выдаваемой в порядке, установленном законодательством, а во всех остальных случаях — на основании свидетельства о смерти лица».

Статья 5. Внести в Закон Республики Узбекистан от 2 сентября 2019 года № ЗРУ-561 «О защите женщин от притеснения и насилия» (Ведомости палат Олий Мажлиса Республики Узбекистан, 2019 г., № 9, ст. 586; 2021 г., приложение к № 4, № 12, ст. 1194; 2023 г., № 4, ст. 265) следующие дополнение и изменения:

1) дополнить статьей 6 1 следующего содержания:

« Статья 6 1 . Полномочия Национального агентства социальной защиты при Президенте Республики Узбекистан в области защиты женщин от притеснения и насилия

Национальное агентство социальной защиты при Президенте Республики Узбекистан:

принимает участие в разработке и реализации государственных программ, территориальных программ, стратегий и актов законодательства в области защиты женщин от притеснения и насилия;

проводит мероприятия по социальной реабилитации в центрах реабилитации и адаптации женщин и предотвращению суицидов;

проводит мониторинг за обеспечением прав и свобод женщин, пострадавших от притеснения и насилия;

оказывает социальные, правовые и психологические услуги жертвам притеснения и насилия;

участвует в разработке и реализации программ и методических рекомендаций по профилактике конфликтных ситуаций, предупреждению притеснения и насилия;

взаимодействует с соответствующими уполномоченными органами и организациями, осуществляющими защиту женщин от притеснения и насилия.

Порядок мониторинга за обеспечением прав и свобод женщин, пострадавших от притеснения и насилия, определяется Кабинетом Министров Республики Узбекистан»;

2) в статье 12 :

наименование изложить в следующей редакции:

« Статья 12. Полномочия Комитета семьи и женщин Республики Узбекистан в области защиты женщин от притеснения и насилия »;

из абзаца первого слова «при Министерстве занятости и сокращения бедности» исключить;

абзац четвертый изложить в следующей редакции:

«проводит мероприятия по предотвращению суицидов»;

3) из части первой статьи 18 слова «при Министерстве занятости и сокращения бедности» исключить.

Статья 6. Пункт 7 статьи 317 Налогового кодекса Республики Узбекистан, утвержденного в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1199; 2022 г., № 2, ст. 79, № 3, ст.ст. 215, 216, № 5, ст.ст. 461, 464, 467, № 6, ст. 570, № 7, ст.ст. 664, 666, № 12, ст. 1190; 2023 г., № 6, ст.ст. 444, 446, № 7, ст. 540, № 12, ст. 1011; 2024 г., № 2, ст.ст. 106, 110, 111, № 4, ст. 346), после слов «меценатской поддержки» дополнить словами «спонсорства одиноким престарелым, одиноко проживающим престарелым и лицам с инвалидностью, нуждающимся в постороннем уходе».

Статья 7. Внести в Закон Республики Узбекистан от 6 января 2020 года № ЗРУ-600 «О государственной пошлине» (Ведомости палат Олий Мажлиса Республики Узбекистан, 2020 г., № 1, ст. 1, № 3, ст. 201, № 5, ст. 298, № 10, ст. 593, № 12, ст. 691; 2021 г., № 1, ст. 13, приложение к № 4, № 7, ст. 661, № 8, ст.ст. 800, 803, № 10, ст. 968; 2022 г., № 2, ст. 76, № 3, ст.ст. 214, 216, № 4, ст. 340, № 5, ст.ст. 463, 464, 467, № 12, ст. 1186; 2023 г., № 2, ст. 103, № 3, ст. 186, № 4, ст.ст. 265, 269, № 6, ст.ст. 444, 445, № 7, ст. 538, № 9, ст. 710; 2024 г., № 1, ст.ст. 5, 6, 7, № 2, ст.ст. 101, 105, 107, 108, 111, 112) следующие изменения и дополнения:

1) в части первой статьи 8:

из пункта 43 слова «при Министерстве занятости и сокращения бедности» исключить;

пункт 44 изложить в следующей редакции:

«44) Государственный фонд поддержки предпринимательской деятельности при Министерстве экономики и финансов Республики Узбекистан — по искам, заявлениям и жалобам по защите своих прав и законных интересов»;

дополнить пунктом 45 следующего содержания:

«45) Национальное агентство социальной защиты при Президенте Республики Узбекистан и его территориальные подразделения:

по заявлениям, жалобам и искам, подаваемым в целях защиты прав и законных интересов женщин, подвергшихся притеснению и насилию;

в целях защиты прав и законных интересов детей по искам, заявлениям и жалобам о признании родителей ограниченно дееспособными, лишении их родительских прав, отобрании детей у родителей без лишения их родительских прав, а также выселении родителей, лишенных родительских прав, без предоставления другого жилого помещения, если установлено, что их совместное проживание со своими детьми не представляется возможным;

при обращении в суд с исками, заявлениями и жалобами, поданными в интересах лиц и семей, оказавшихся в тяжелом положении и с высоким риском попадания в тяжелое положение»;

2) в части первой статьи 10:

из пункта 17 слова «при Министерстве занятости и сокращения бедности» исключить;

дополнить пунктом 17 1 следующего содержания:

«17 1 ) Национального агентства социальной защиты при Президенте Республики Узбекистан и его территориальных подразделений — по заявлениям и жалобам, поданным в интересах лиц и семей, оказавшихся в тяжелом положении и с высоким риском попадания в тяжелое положение»;

3) статью 11 дополнить пунктом 19 следующего содержания:

«19) дети-сироты и дети, лишенные родительской опеки, — за оформление на их имя жилья, приобретенного для них государством на вторичном рынке»;

4) часть третью статьи 13 после слов «иностранных государств» дополнить словами «одинокие престарелые, одиноко проживающие престарелые и лица с инвалидностью, нуждающиеся в постороннем уходе»;

5) в статье 15 :

дополнить частью второй следующего содержания:

«При регистрации центрами социальных услуг «Инсон» по месту временного пребывания на срок до шести месяцев лиц, нуждающихся в социальной защите, без определенного места жительства, в учреждениях при Национальном агентстве социальной защиты при Президенте Республики Узбекистан, имеющих жилищный фонд, с них государственная пошлина не взимается»;

части вторую — шестую считать соответственно частями третьей — седьмой.

Статья 8. Внести в пункт 102 Единой методики юридико-технического оформления проектов нормативно-правовых актов, а также информационно-аналитических материалов, прилагаемых к ним, утвержденной Законом Республики Узбекистан от 20 апреля 2021 года № ЗРУ-682 «О нормативно-правовых актах» (Ведомости палат Олий Мажлиса Республики Узбекистан, 2021 г., № 4, ст. 288; 2022 г., № 3, ст. 213, № 8, ст. 788, № 10, ст. 983; 2023 г., № 8, ст. 629, № 11, ст. 923; 2024 г., № 2, ст. 109), следующие дополнение и изменение:

дополнить абзацем шестым следующего содержания:

«Национальным агентством социальной защиты при Президенте Республики Узбекистан — проекты по вопросам оказания социальных услуг и помощи населению»;

абзацы шестой — пятнадцатый считать соответственно абзацами седьмым — шестнадцатым.

Статья 9. Национальному агентству социальной защиты при Президенте Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 10. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 11. Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

18 октября 2024 г.,

№ ЗРУ-977

(Национальная база данных законодательства, 19.10.2024 г., № 03/24/977/0831)

lex.uz