UzbekAI

Ўзбекистон Республикаси Вазирлар Маҳкамасининг

қарори

ТУЗИЛМАСИ

Вазирлар Маҳкамасининг ««Eltech Industrial» технопаркини бошқариш дирекцияси» давлат муассасаси фаолиятини ташкил этиш чора-тадбирлари тўғрисида» 2022 йил 19 августдаги 459-сон қарорига ўзгартириш киритиш ҳақида

Ўзбекистон Республикаси Президентининг «Электротехника саноатининг ишлаб чиқариш ва экспорт салоҳиятини янада оширишга доир қўшимча чора-тадбирлар тўғрисида» 2024 йил 10 январдаги ПҚ-15-сон қарорига асосан ««Ohangaron Tech Industrial» технопаркини бошқариш дирекцияси» давлат унитар корхонаси ««Eltech Industrial» технопаркини бошқариш дирекцияси» давлат муассасаси этиб қайта ташкил этилди.

Шунингдек, ««Eltech Industrial» технопаркини бошқариш дирекцияси» давлат муассасасига доимий фойдаланиш ҳуқуқи асосида Фарғона, Хоразм ва Тошкент вилоятлари ҳудудидан қўшимча 214 гектар ер участкаси ажратилиб, мазкур технопарк ҳудуди кенгайтирилди.

««Eltech Industrial» технопаркини бошқариш дирекцияси» давлат муассасаси фаолиятининг самарадорлигини ошириш, шунингдек, унга юклатилган вазифалар ва функциялар ижросини белгиланган муддатларда сифатли таъминлаш мақсадида Вазирлар Маҳкамаси қарор қилади:

1. Вазирлар Маҳкамасининг ««Eltech Industrial» технопаркини бошқариш дирекцияси» давлат муассасаси фаолиятини ташкил этиш чора-тадбирлари тўғрисида» 2022 йил 19 августдаги 459-сон қарорига асосан 2024 йил ва келгуси йиллар учун ««Eltech Industrial» технопаркини бошқариш дирекцияси» давлат муассасасини сақлаш ва маҳаллий мутахассисларнинг иш ҳақи харажатлари технопарк ҳудудидаги бино ва иншоотларни ижарага бериш, сотиш, лизингга бериш ёки қийматини бўлиб-бўлиб тўлаш шартлари асосида сотиш (ижарага бериш) бўйича Махсус комиссиянинг қарорига мувофиқ белгиланган тартибда ўтказиладиган аукционлардан олинадиган даромадлар ҳисобидан қопланиши маълумот учун қабул қилинсин.

2. Вазирлар Маҳкамасининг ««Eltech Industrial» технопаркини бошқариш дирекцияси» давлат муассасаси фаолиятини ташкил этиш чора-тадбирлари тўғрисида» 2022 йил 19 августдаги 459-сон қарорига 1-илованинг матни иловага мувофиқ таҳрирда баён этилсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев ва Ўзбекистон Республикаси Давлат активларини бошқариш агентлиги директори А.Ж. Ортиқов зиммасига юклансин.

Вазирлар Маҳкамасининг 2024 йил 24 октябрдаги 702-сон қарорига ИЛОВА

«««Eltech Industrial» технопаркини бошқариш дирекцияси» давлат муассасаси

Директор Халқаро экспертлар * Директор ўринбосари Хорижий ва маҳаллий инвесторларни жалб этиш ва технопарк иштирокчилари билан ишлаш бўлими 3 Бош юрисконсульт 1 Бош бухгалтер 1 Технопарк инфратузилмасини ривожлантириш бўлими 3 Филиаллар фаолиятини мувофиқлаштириш муҳандиси 1 Фарғона филиали 1 Хоразм филиали 1

Ўзбекистон Республикасининг Бош вазири А. АРИПОВ

Тошкент ш.,

2024 йил 24 октябрь,

702-сон

(Қонунчилик маълумотлари миллий базаси, 25.10.2024 й., 09/24/702/0851-сон)

lex.uz

Oʻzbekiston Respublikasi Vazirlar Mahkamasining

qarori

TUZILMASI

Vazirlar Mahkamasining ““Eltech Industrial” texnoparkini boshqarish direksiyasi” davlat muassasasi faoliyatini tashkil etish chora-tadbirlari toʻgʻrisida” 2022-yil 19-avgustdagi 459-son qaroriga oʻzgartirish kiritish haqida

Oʻzbekiston Respublikasi Prezidentining “Elektrotexnika sanoatining ishlab chiqarish va eksport salohiyatini yanada oshirishga doir qoʻshimcha chora-tadbirlar toʻgʻrisida” 2024-yil 10-yanvardagi PQ-15-son qaroriga asosan ““Ohangaron Tech Industrial” texnoparkini boshqarish direksiyasi” davlat unitar korxonasi ““Eltech Industrial” texnoparkini boshqarish direksiyasi” davlat muassasasi etib qayta tashkil etildi.

Shuningdek, ““Eltech Industrial” texnoparkini boshqarish direksiyasi” davlat muassasasiga doimiy foydalanish huquqi asosida Fargʻona, Xorazm va Toshkent viloyatlari hududidan qoʻshimcha 214 gektar yer uchastkasi ajratilib, mazkur texnopark hududi kengaytirildi.

““Eltech Industrial” texnoparkini boshqarish direksiyasi” davlat muassasasi faoliyatining samaradorligini oshirish, shuningdek, unga yuklatilgan vazifalar va funksiyalar ijrosini belgilangan muddatlarda sifatli taʼminlash maqsadida Vazirlar Mahkamasi qaror qiladi:

1. Vazirlar Mahkamasining ““Eltech Industrial” texnoparkini boshqarish direksiyasi” davlat muassasasi faoliyatini tashkil etish chora-tadbirlari toʻgʻrisida” 2022-yil 19-avgustdagi 459-son qaroriga asosan 2024-yil va kelgusi yillar uchun ““Eltech Industrial” texnoparkini boshqarish direksiyasi” davlat muassasasini saqlash va mahalliy mutaxassislarning ish haqi xarajatlari texnopark hududidagi bino va inshootlarni ijaraga berish, sotish, lizingga berish yoki qiymatini boʻlib-boʻlib toʻlash shartlari asosida sotish (ijaraga berish) boʻyicha Maxsus komissiyaning qaroriga muvofiq belgilangan tartibda oʻtkaziladigan auksionlardan olinadigan daromadlar hisobidan qoplanishi maʼlumot uchun qabul qilinsin.

2. Vazirlar Mahkamasining ““Eltech Industrial” texnoparkini boshqarish direksiyasi” davlat muassasasi faoliyatini tashkil etish chora-tadbirlari toʻgʻrisida” 2022-yil 19-avgustdagi 459-son qaroriga 1-ilovaning matni ilovaga muvofiq tahrirda bayon etilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev va Oʻzbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.

Vazirlar Mahkamasining 2024-yil 24-oktabrdagi 702-son qaroriga ILOVA

“““Eltech Industrial” texnoparkini boshqarish direksiyasi” davlat muassasasi

Direktor Xalqaro ekspertlar * Direktor oʻrinbosari Xorijiy va mahalliy investorlarni jalb etish va texnopark ishtirokchilari bilan ishlash boʻlimi 3 Bosh yuriskonsult 1 Bosh buxgalter 1 Texnopark infratuzilmasini rivojlantirish boʻlimi 3 Filiallar faoliyatini muvofiqlashtirish muhandisi 1 Fargʻona filiali 1 Xorazm filiali 1

Oʻzbekiston Respublikasining Bosh vaziri A. ARIPOV

Toshkent sh.,

2024-yil 24-oktabr,

702-son

(Qonunchilik maʼlumotlari milliy bazasi, 25.10.2024-y., 09/24/702/0851-son)

lex.uz