UzbekAI

Ўзбекистон Республикаси Вазирлар Маҳкамасининг

қарори

ТАЛАБНОМА

СОЛИШТИРМА ДАЛОЛАТНОМА

РЎЙХАТИ

Фуқароларни ижтимоий ҳимоя қилиш соҳасидаги қонунчилик ҳужжатлари такомиллаштирилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида

Ўзбекистон Республикасининг «Ўзбекистон Республикасининг айрим қонун ҳужжатларига фуқароларнинг ижтимоий ҳимоясини янада кучайтиришга қаратилган ўзгартириш ва қўшимчалар киритиш тўғрисида» 2024 йил 18 мартдаги ЎРҚ-922-сон Қонуни ижросини таъминлаш, шунингдек, фуқароларни ижтимоий ҳимоя қилиш соҳасидаги қонунчилик ҳужжатларини ўзаро мувофиқлаштириш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг 1-иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

пенсияларни тайинлаш ҳамда тўлаш тартибларини рақамлаштириш орқали ортиқча бюрократик тўсиқларни бартараф этиш;

пенсия тайинланганлиги тўғрисида қоғоз кўринишидаги гувоҳнома бериш амалиёти бекор қилинганлиги муносабати билан махсус ахборот тизими орқали электрон шаклда маълумотларни шакллантириш;

пенсия миқдорларини товарлар ва хизматларнинг истеъмол нархлари индекси даражасини ҳисобга олган ҳолда индексация қилиб бориш;

маъмурий ислоҳотлардан келиб чиқиб, вазирлик ва идораларнинг номлари ҳамда вазифаларига тузатишлар киритиш.

2. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2024 йил 29 октябрдаги 714-сон қарорига 1-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

3. Вазирлар Маҳкамасининг «Ядро полигонларида ва бошқа радиация-ядро объектларида ҳарбий хизматни ўтаган пенсия ёшидаги шахсларни ижтимоий қўллаб-қувватлашни таъминлаш чора-тадбирлари тўғрисида» 2002 йил 31 майдаги 188-сон қарорнинг 3-бандидаги «Молия» сўзи «Иқтисодиёт ва молия» сўзлари билан алмаштирилсин.

4. Вазирлар Маҳкамасининг 2004 йил 21 декабрдаги 595-сон қарори билан тасдиқланган Фуқароларнинг шахсий жамғариб бориладиган пенсия ҳисобварақларидан маблағ тўлаш тартиби тўғрисидаги низомда :

II бўлим ўз кучини йўқотган деб ҳисоблансин;

12-банднинг ўн биринчи хатбошиси , 22 ва 23-бандлардаги «Молия» сўзи «Иқтисодиёт ва молия» сўзлари билан алмаштирилсин;

14-банд қуйидаги таҳрирда баён этилсин:

«14. Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармасининг «Пенсия» ахборот тизими орқали АТ «Халқ банки»нинг ахборот тизимига фуқарога пенсия тайинлангани тўғрисида электрон шаклда маълумотлар юборилади.

Фуқаронинг яшаш жойидаги АТ «Халқ банки»нинг филиали пенсия тайинланганлиги тўғрисида ахборот тизими орқали келиб тушган маълумотлар асосида қўшимча ҳужжат талаб этмаган ҳолда проактив шаклда жамғариб бориладиган пенсия тизимидаги маблағларини фуқаронинг банк картасига (мавжуд бўлганда) ёки АТ «Халқ банки»нинг исталган филиалига мурожаат қилиш орқали нақд пулда тўлаб беради.

Бунда АТ «Халқ банки» фуқарони жамғариб бориладиган пенсия тизимидаги маблағларини олиш ҳуқуқи пайдо бўлгани тўғрисида хабардор қилади»;

22-банддаги «Молия» сўзи «Бош прокуратураси ҳузуридаги Иқтисодий жиноятларга қарши курашиш департаменти» сўзлари билан алмаштирилсин;

1 ва 2-иловалар ўз кучини йўқотган деб ҳисоблансин.

5. Вазирлар Маҳкамасининг «Фахрий унвонлар эгаларига тўловларни тайинлаш ва амалга ошириш тартиби тўғрисидаги низомни тасдиқлаш ҳақида» 2008 йил 3 январдаги 2-сон қарорида :

2-банддаги «Молия» сўзи «Иқтисодиёт ва молия» сўзлари билан алмаштирилсин;

иловада :

5-бандининг тўртинчи хатбоши қуйидаги таҳрирда баён этилсин:

«Пенсионерларга — Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси маблағлари ҳисобидан яшаш жойидаги Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси бўлимлари орқали тўланади. Бунда республика бюджети ҳисобидан пенсия олувчи пенсионерларга фахрий унвонлар учун ҳар ойлик тўловлар пенсия тайинланган ташкилот орқали республика бюджети маблағлари ҳисобидан пенсия тўлаш тартиб ва муддатларда тўланади».

6. Вазирлар Маҳкамасининг 2009 йил 24 июндаги 177-сон қарори билан тасдиқланган Иш берувчининг фуқаролик жавобгарлигини мажбурий суғурта қилиш қоидаларининг 73-банди иккинчи хатбошиси ва 6-иловадаги «Молия» сўзи «Иқтисодиёт ва молия» сўзлари билан алмаштирилсин.

7. Вазирлар Маҳкамасининг 2010 йил 19 февралдаги 30-сон қарори билан тасдиқланган Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси тўғрисидаги низомда :

биринчи — тўққизинчи боблар номидаги «I.», «II», «III», «IV», «V», «VI», «VII», «VIII» ва «IX» рақамлар тегишли равишда «1-боб.», «2-боб.», «3-боб.», «4-боб.», «5-боб.», «6-боб.», «7-боб.», 8-боб.», ва «9-боб.» сўзлари билан алмаштирилсин;

1 , 7-банднинг иккинчи хатбошисидаги , 18-банднинг биринчи хатбошисидаги , 35 , 36 , 39 ва 41-бандлардаги «ижтимоий нафақалар,» сўзлари чиқариб ташлансин;

7-банднинг олтинчи хатбоши «Қонунининг» сўзидан кейин «(кейинги ўринларда — Қонун деб аталади)» сўзлари билан тўлдирилсин;

8-банд қуйидаги таҳрирда баён этилсин;

«8. Жамғарма ўзига юкланган вазифаларга мувофиқ қуйидаги функцияларни амалга оширади:

а) Жамғарманинг даромадлари бўйича:

Жамғарма ижтимоий солиқ ва бошқа тўловлардан тушган маблағларни Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитаси (кейинги ўринларда Ғазначилик деб аталади) ҳисобрақамига жамлайди ҳамда пенсиялар, компенсация ва бошқа тўловлар бўйича харажатларни молиялаштиришга йўналтиришни таъминлайди. Бунда, компенсация ва бошқа тўловларни республика бюджети маблағлари ҳисобидан молиялаштиради;

ҳар йили манфаатдор вазирликлар ва идоралар билан биргаликда Жамғарма даромадлари тушумлар прогнозини ишлаб чиқади;

давлат ижтимоий суғуртаси тизимининг барқарорлигини таъминлаш ва уни янада такомиллаштириш бўйича чора-тадбирлар ишлаб чиқиш мақсадида Жамғарма даромадлари ва харажатларининг ўртача ва узоқ муддатли прогнозларини тайёрлайди;

боқувчисини йўқотган тақдирда, шунингдек, меҳнатда майиб бўлганлик ёки ходим меҳнат мажбуриятларини бажариши билан боғлиқ касб касаллиги оқибатидаги ногиронлик туфайли тайинланган пенсияларга сарфланган маблағларни Қонунга мувофиқ айбдор юридик ва жисмоний шахслардан регресс даъволар бўйича белгиланган тартибда ундириб олади;

Қонуннинг 12-моддаси «б» банди ва 14-моддасига мувофиқ тайинланган пенсияларни тўлашга сарфланган маблағларни юридик шахслардан регресс даъволар бўйича белгиланган тартибда ундириб олади;

ижтимоий солиқ ва бошқа тўловлар тушиши ҳисобини олиб боради;

б) пенсияларни тайинлаш ҳамда қайта ҳисоблаб чиқиш бўйича:

пенсияларни тайинлаш ва қайта ҳисоблаб чиқиш учун зарур бўлган аризалар ва бошқа ҳужжатларни қабул қилади, уларни қонун ҳужжатларига мувофиқ расмийлаштиради;

пенсияларни тайинлаш учун юридик шахслар ва фуқаролар томонидан тақдим этилган ҳужжатларни белгиланган тартибда тайёрлайди, кўриб чиқади ва текширади;

Жамғарманинг туман (шаҳар) бўлимларида пенсиялар тайинлаш бўйича комиссиялар фаолиятини ташкил этади;

пенсионерларнинг пенсия ишларини қонун ҳужжатларида назарда тутилган бошқа ҳужжатларни расмийлаштиради, пенсионерларга пенсия гувоҳномаларини беради;

пенсиялар тайинлаш учун ҳужжатларни расмийлаштиришнинг қонун ҳужжатларида белгиланган тартибига риоя этилишини назорат қилади;

ташкилотлар, якка тартибдаги тадбиркорлар, ўзини ўзи банд қилган шахслар ва деҳқон хўжаликлари аъзолари томонидан тақдим этилган пенсиялар олиш ҳуқуқини берадиган ҳужжатларнинг ишончлилигини текширади;

в) пенсиялар, компенсация ва бошқа тўловларга харажатларни амалга ошириш бўйича:

пенсияларни ҳисоблаб чиқиш бўйича операцияларни амалга оширади, пенсияни етказиб бериш юклатилган тижорат банклари филиаллари орқали пенсиялар тўлаш юзасидан топшириқларни расмийлаштиради ва беради;

пенсияни етказиб бериш (топшириш) юкланган ташкилот, банклар томонидан пенсияларнинг ўз вақтида ва тўғри етказиб берилиши ҳамда тўланиши юзасидан доимий ўрганишни ва назоратни амалга оширади;

ташкилотларнинг ишлайдиган 16 ёшгача ногиронлиги бўлган боланинг ота-оналаридан бирига (васийга, ҳомийга) бир ойда қўшимча дам олиш куни учун тўлов, Чернобиль ҳалокати оқибатида зарар кўрган фуқароларга компенсация тўловларини ва қонун ҳужжатларида назарда тутилган бошқа тўловларга харажатларини молиялаштиради;

г) фуқароларнинг пенсия таъминоти билан боғлиқ бошқа масалалар бўйича:

оммавий ахборот воситалари ёрдамида республика аҳолисини фуқароларнинг пенсия таъминоти масалалари бўйича хабардор қилади;

белгиланган тартибда тайинланган шахсий пенсиялар тўланишини ташкил этади;

имтиёзли пенсия таъминоти ҳуқуқини берадиган ишлаб чиқаришлар, ишлар, касблар, лавозимлар ва кўрсаткичлар рўйхатларини қўллаш масалалари бўйича давлат ва хўжалик бошқаруви органлари билан ўзаро ҳамкорлик қилади, имтиёзли пенсияларни такомиллаштириш ва тартибга солиш бўйича таклифлар ишлаб чиқилишини ташкил этади;

жисмоний шахслар ва юридик шахсларнинг мурожаатларини қонун ҳужжатларида белгиланган муддатларда кўриб чиқади, жисмоний шахсларни ва юридик шахсларнинг вакилларини қабул қилади;

пенсия ва бошқа тўловларни етказиб бериш (топшириш) юкланган ташкилот ва тижорат банкларида пенсия ва бошқа тўловларнинг ўз вақтида тўланиши бўйича ўрганишни олиб боради;

норматив-ҳуқуқий ҳужжатлар лойиҳаларини ишлаб чиқишда қатнашади, фуқароларнинг пенсия таъминоти масалалари бўйича замонавий назарий ишланмаларни ва хорижий тажрибани ўрганади;

Жамғарманинг маблағларини олувчилар, пенсиялар тайинлаш ва тўлаш тўғрисидаги ахборотни ишлаб чиқишда қатнашади ва автоматлаштирилган тизимда қайта ишлашни жорий этади;

пенсия таъминоти масалалари бўйича давлат органлари ва бошқа ташкилотлар билан ўзаро ҳамкорлик қилади;

Жамғарма ваколатига тегишли бўлган масалалар бўйича қонунчилик ҳужжатларини қўллаш амалиётини умумлаштиради;

пенсия таъминоти масалалари ва Жамғарманинг ваколатига тегишли бўлган бошқа масалалар бўйича ходимларни қайта тайёрлаш ва уларнинг малакасини ошириш тадбирларини амалга оширади;

д) Жамғарма ваколатига тегишли масалалар бўйича эътироз-даъво ишлари ўтказилишини ташкил этади ва амалга оширади»;

10-банднинг «б» кичик бандидаги тегишли келишикдаги «Фуқароларнинг давлат пенсия таъминоти тўғрисида»ги Ўзбекистон Республикаси Қонуни» ва «Фуқароларнинг давлат пенсия таъминоти тўғрисида»ги Ўзбекистон Республикаси Қонунининг» сўзлари «Қонунга» ва «Қонуннинг» сўзи билан алмаштирилсин;

12-банднинг биринчи хатбошиси қуйидаги таҳрирда баён этилсин:

«Ўзбекистон Республикаси Вазирлар Маҳкамаси ҳузуридаги Солиқ қўмитаси (кейинги ўринларда — Солиқ қўмитаси) ва ҳудудий солиқ органлари:»;

13-банддаги «Ўзбекистон Республикаси Иқтисодиёт ва молия вазирлиги ҳузуридаги» сўзлари чиқариб ташлансин;

IV бобнинг номи қуйидаги таҳрирда баён этилсин:

«4-боб. Пенсиялар, компенсация тўловлари ва бошқа тўловларни молиялаштириш тартиби»;

14-бандда :

учинчи хатбошидаги «18» рақами «16» рақами билан алмаштирилсин;

қуйидаги мазмундаги тўртинчи — олтинчи хатбошилар билан тўлдирилсин:

«Пенсия жамғармаси ҳисобида турувчи 100 ёшга тўлган ва ундан ошган пенсия олувчиларга ҳар ойда тўланадиган қўшимча тўлов;

1941 — 1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга бепул етказиб бериладиган озиқ-овқат маҳсулотлари ҳамда гигиена товарлари ўрнига қўшимча тўлов;

фуқароларга пенсия ва бошқа тўловларни нақд пул шаклда етказиб бергани учун пенсияни етказиб бериш (топшириш) юкланган ташкилотга хизмат ҳақи;»;

тўртинчи — олтинчи хатбошилар тегишлича олтинчи — саккизинчи хатбошилар деб ҳисоблансин;

15-бандда :

«ижтимоий нафақалар ва» сўзлари чиқариб ташлансин;

«бўлинмалари ва бўлинмаларида» сўзлари тегишли келишикдаги «бошқармалари» ва «ҳудудий бошқармаларида» сўзлари билан алмаштирилсин;

16-банд қуйидаги таҳрирда баён этилсин:

«16. Жамғарманинг ҳудудий бошқармалари тўлов тўланадиган ҳар бир ойнинг 15-кунигача фуқароларга пенсиялар, компенсация тўловлари ва бошқа тўловлар тўлаш учун маблағларга бўлган эҳтиёж ҳажмини ахборот тизим орқали тасдиқлайди ҳамда Жамғарманинг ижро этувчи аппаратига буюртманома тақдим этади.

Бунда Пенсия жамғармасининг ҳудудий бошқармалари пенсиялар, компенсация тўловлари ва бошқа тўловлар учун маблағларга бўлган эҳтиёж ҳажмини Пенсия жамғармасининг ҳудудий бўлимлари томонидан ахборот тизимлари орқали тақдим этилган қайдномалар асосида белгилайди.»;

18-банднинг иккинчи хатбошисида :

«18» рақами «16» рақами билан алмаштирилсин;

«ота-оналаридан бирига» сўзларидан кейин «(васийга, ҳомийга)» сўзлари билан тўлдирилсин;

20-банд ўз кучини йўқотган деб ҳисоблансин;

22-банднинг иккинчи хатбошидаги «Ўзбекистон Республикаси Иқтисодиёт ва молия вазирлиги ҳузуридаги» сўзлари чиқариб ташлансин;

23-банднинг иккинчи хатбошисидаги «давлат» сўзи чиқариб ташлансин;

26-бандда :

биринчи хатбоши қуйидаги таҳрирда баён этилсин:

«Жамғарманинг Кузатув кенгаши қуйидаги ваколатларга эга:»;

бешинчи хатбошидаги «Ўзбекистон Республикаси Иқтисодиёт ва молия вазирлиги ҳузуридаги» сўзлари чиқариб ташлансин;

27-банддаги «Президентининг ҳужжатлари билан» сўзлари «Иқтисодиёт ва молия вазирининг буйруқлари билан» сўзлари билан алмаштирилсин;

29 ва 30-бандлар қуйидаги таҳрирда баён этилсин:

«29. Жамғарманинг Қорақалпоғистон Республикаси, вилоятлар ва Тошкент шаҳар бошқармаси бошлиғи лавозимига номзодлар қонунчиликда белгиланган тартибда очиқ мустақил танлов асосида Иқтисодиёт ва молия вазирлигининг буйруғига мувофиқ ишга қабул қилинади.

Жамғарма ижро этувчи аппаратига номзодлар (ушбу Низомнинг 28-бандида белгиланган қоидалар бундан мустасно) қонунчиликда белгиланган тартибда очиқ мустақил танлов асосида Жамғарма ижро этувчи директорнинг буйруғига мувофиқ ишга қабул қилинади.

Жамғарманинг Қорақалпоғистон Республикаси, вилоятлар ва Тошкент шаҳар бошқармалари бошлиқлари ўринбосарлари ҳамда Жамғарманинг туман (шаҳар) бўлими бошлиғи лавозимига номзодлар қонунчиликда белгиланган тартибда очиқ мустақил танлов асосида Жамғарма ижро этувчи директорининг буйруғига мувофиқ ишга қабул қилинади.

Жамғарманинг Қорақалпоғистон Республикаси, вилоятлар ва Тошкент шаҳар бошқармалари ҳамда Жамғарманинг туман (шаҳар) бўлимлари ходимлари қонунчиликда белгиланган тартибда очиқ мустақил танлов асосида Жамғарманинг Қорақалпоғистон Республикаси, вилоятлар ва Тошкент шаҳар бошқармалари бошлиғи буйруғига мувофиқ ишга қабул қилинади.

30. Жамғарманинг Қорақалпоғистон Республикаси, вилоятлар ва Тошкент шаҳар бошқармалари бошлиқлари Жамғарманинг ижро этувчи директори тақдимномасига, шунингдек, қонунчиликда белгиланган бошқа ҳолатлар асосида Иқтисодиёт ва молия вазирлигининг буйруғи асосида лавозимдан озод этилади.

Жамғарманинг ижро этувчи аппарати ходимлари (ушбу Низомнинг 28-бандда белгиланган қоидалар бундан мустасно) қонунчиликда белгиланган тартибда Жамғарманинг ижро этувчи директори томонидан лавозимидан озод этилади.

Жамғарманинг Қорақалпоғистон Республикаси, вилоятлар ва Тошкент шаҳар бошқармалари бошлиқларининг ўринбосарлари ҳамда Жамғарманинг туман (шаҳар) бўлимлари бошлиқлари Жамғарманинг Қорақалпоғистон Республикаси, вилоятлар ва Тошкент шаҳар бошқармалари бошлиқларининг тақдимномасига, шунингдек, қонунчиликда белгиланган бошқа ҳолатлар асосида Жамғарманинг ижро этувчи директори томонидан лавозимидан озод этилади.

Жамғарманинг Қорақалпоғистон Республикаси, вилоятлар ва Тошкент шаҳар бошқармалари ҳамда Жамғарманинг туман (шаҳар) бўлимлари ходимлари қонунчиликда белгиланган асосда Жамғарманинг Қорақалпоғистон Республикаси, вилоятлар ва Тошкент шаҳар бошқармалари бошлиқлари томонидан лавозимидан озод этилади»;

33-банднинг олтинчи хатбошисидаги «лавозимига тайинлайди ва лавозимидан озод қилади ҳамда уларнинг» сўзлари чиқариб ташлансин;

34-банднинг иккинчи хатбошисидаги «Фуқароларнинг давлат пенсия таъминоти тўғрисида»ги Ўзбекистон Республикаси Қонунига» сўзлари «Қонунга» сўзи билан алмаштирилсин;

40-банд қуйидаги таҳрирда баён этилсин:

«40. Пенсиялар, компенсация тўловлари ва бошқа тўловларнинг тўғри тайинланиши ва тўланишини, шунингдек Жамғарма маблағларидан мақсадли фойдаланилишини назорат қилиш Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ва унинг ҳудудий бошқармалари ва Пенсия жамғармасининг ижро этувчи аппарати Ички аудит бўлими ҳамда ҳудудий бошқармалари Ички назорат, пенсия ва бошқа тўловларни тайинлаш мониторинги шуъбаси томонидан амалга оширилади.».

8. Вазирлар Маҳкамасининг 2014 йил 24 декабрдаги 361-сон қарори билан тасдиқланган 1941 — 1945 йиллардаги уруш ва меҳнат фронти фахрийларини Ўзбекистон Республикаси Президенти ҳузуридаги Ижтимоий ҳимоя миллий агентлигига, Ўзбекистон Касаба уюшмалари федерацияси Кенгашига ҳамда давлат ва хўжалик бошқаруви органларига қарашли санаторий-соғломлаштириш муассасаларида соғломлаштириш тартиби тўғрисидаги низомда :

6-банддаги тегишли келишикдаги «Молия вазирлиги ҳузуридаги Бюджетдан ташқари пенсия жамғармасининг» сўзлари тегишли келишикдаги «Иқтисодиёт ва молия вазирлиги ҳузуридаги бюджетдан ташқари Пенсия жамғармасининг» сўзлари билан алмаштирилсин;

28-банддаги тегишли келишикдаги «Молия вазирлиги» сўзлари тегишли келишикдаги «Иқтисодиёт ва молия вазирлиги» сўзлари билан алмаштирилсин.

9. Вазирлар Маҳкамасининг 2021 йил 4 мартдаги 120-сон қарори билан тасдиқланган Ўзбекистон Республикаси давлат мукофотлари берилган шахсларга бир йўла тўланадиган пул мукофотларини тўлашга маблағлар ажратиш ва тўлаш тартиби тўғрисидаги низомнинг 6-банди қуйидаги таҳрирда баён этилсин:

«6. «Ўзбекистон Қаҳрамони» унвони билан тақдирланган шахслар иш ҳақи ёки пенсиясига қўшимча равишда қуйидаги маблағлар ҳисобидан ҳар ойда базавий ҳисоблаш миқдорида устама ҳақ оладилар:

ишловчилар (ушбу банднинг учинчи ва тўртинчи хатбошиси мустасно) иш ҳақига қўшимча равишда иш берувчи маблағлари ҳисобидан;

давлат бюджети ҳисобидан пенсия олувчи пенсионерларга пенсия тайинланган ташкилот орқали Давлат бюджети маблағлари ҳисобидан;

Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармасининг пенсионерлари Пенсия жамғармаси маблағлари ҳисобидан.».

10. Вазирлар Маҳкамасининг 2022 йил 13-октябрдаги 592-сон қарори билан тасдиқланган Давлат пенсияларини тайинлаш ва тўлаш тартиби тўғрисидаги низомда :

2-бандда :

иккинчи хатбоши «жисмоний шахс,» сўзларидан кейин «якка тартибдаги» сўзлари билан тўлдирилсин;

қуйидаги мазмундаги саккизинчи хатбоши билан тўлдирилсин:

«пенсия ва бошқа тўловлар — давлат пенсиялари, шунингдек, фахрий унвонга сазовор бўлган пенсионерларга қўшимча ҳақ, белгиланган ёшга доир энг кам пенсия миқдорида ва ундан кам миқдорда пенсия олувчи шахсларга ва 100 ёшга тўлган ва ундан ошган фуқаролар пенсиясига ҳар ойлик қўшимча тўловлар, уй-жой коммунал хизматлари тўловлари ҳамда автобензин сотиб олиш харажатлари учун ҳар ойлик пул компенсация тўловлари, 1941 — 1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга, ойлик қўшимча тўлов, Чернобиль ҳалокатидан зиён кўрган Ўзбекистон Республикасида истиқомат қилувчи фуқароларга ва 1941 — 1945 йиллардаги уруш қатнашчиларига ҳар йили санаторийларда соғломлаштириш курсини олиш ўрнига йўлланманинг ўртача қийматига тенг компенсация тўловлари, Чернобиль ҳалокатидан зиён кўрган Ўзбекистон Республикасида истиқомат қилувчи фуқароларга ва ядро полигонлари ҳамда бошқа радиация-ядро объектларида ҳарбий хизматни ўтаган пенсия ёшидаги шахсларга йиллик бир йўла моддий ёрдам пуллари, 1941 — 1945 йиллардаги уруш қатнашчилари ва ногиронлиги бўлган шахсларга йиллик бир марталик пул мукофотлари, 1941 — 1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга бепул етказиб бериладиган зарур кийим-кечак ва пойабзаллар ўрнига кийим-кечак хариди учун ҳар йили август ойида тўланадиган компенсация пули, пенсиялардан алимент тўловлари, ўрнатилган тартибда тугатилган ташкилотлар ходимларига уларнинг меҳнат вазифаларини бажариш билан боғлиқ ҳолда жароҳатланиши, касб касалликларига чалиниши ёки саломатликнинг бошқа хил шикастланиши туфайли етказилган зарар суммалари»;

саккизинчи ва ўн бешинчи хатбошилар тегишлича тўққизинчи ва ўн олтинчи хатбошилар деб ҳисоблансин;

қуйидаги мазмундаги ўн биринчи хатбоши билан тўлдирилсин:

«ахборот тизими — Пенсия жамғармаси ахборотни тўплаш, сақлаш, излаш, унга ишлов бериш ҳамда ундан фойдаланиш имконини берадиган, ташкилий жиҳатдан тартибга солинган жами ахборот ресурслари, ахборот технологиялари ва алоқа воситалари»;

ўн биринчи — ўн олтинчи хатбошилар тегишлича ўн иккинчи — ўн еттинчи хатбошилар деб ҳисоблансин;

ўн бешинчи хатбошидаги «(ётоқхона, пансионат, ёлғиз кексалар учун махсус уй, ногиронлиги бўлган шахслар, фахрийлар учун интернат уй ва бошқалар)» сўзлари «(ётоқхона, ёлғиз кексалар, ногиронлиги бўлган шахслар, фахрийлар учун Ижтимоий қўллаб-қувватлаш марказлари ва бошқалар)» сўзлари билан алмаштирилсин;

ўн еттинчи хатбошидаги «ва/ёки нафақа олувчининг» ҳамда «ва/ёки нафақа» сўзлари чиқариб ташлансин;

қуйидаги мазмундаги ўн саккизинчи — йигирманчи хатбошилар билан тўлдирилсин:

«пенсия ва бошқа тўловларни етказиб бериш (топшириш) даври — пенсия ва бошқа тўловларни етказиб бериш (топшириш) амалга ошириладиган жорий тўлов ойининг тўртинчидан йигирма еттинчи санасигача бўлган давр;

пенсия ва бошқа тўловларни етказиб бериш участкаси — фуқароларнинг ўзини ўзи бошқариш органлари бинолари, пенсия олувчилар томонидан пенсия ва бошқа тўловларни олиши учун қулай бўлган бошқа маъмурий бинолар;

сайёр касса — касса тармоғидан ташқарида, пенсия ва бошқа тўловларни етказиб бериш (топшириш) юкланган ташкилот ёки тижорат банкининг махсус автомашинаси ёрдамида аҳоли яшаш жойига чиққан ҳолда пенсия ва бошқа тўловларни тарқатиш ҳамда коммунал ва бошқа турдаги тўловларни қабул қилиш учун ташкил қилинган етказиб бериш юклатилган тижорат банк кассаси.»;

5-банднинг иккинчи хатбошисидаги «пенсия тайинлаш учун тақдимномани расмийлаштиради ва» сўзлари чиқариб ташлансин;

6-банд қуйидаги таҳрирда баён этилсин:

«6. Ташкилот маъмурияти ходим пенсия ёшига етган кундан кечиктирмай унинг пенсия олиш ҳуқуқига эга бўлганини билдиришга мажбур.

Ташкилот маъмурияти қонунчиликка мувофиқ ходимнинг пенсия тайинлаш учун зарур бўлган маълумотларни (меҳнат стажи, иш ҳақи ва бошқалар) «ЯММТ» ИДАКга киритиши ва зарур ҳужжатларни расмийлаштириши лозим.

Шахс пенсия тайинлашни сўраб яшаш жойидаги Пенсия жамғармаси бўлимига ушбу Низомга 22-иловага мувофиқ шаклдаги аризани тўлдирган ҳолда, шунингдек, Давлат хизматлари маркази орқали ёки ЯИДХПдан рўйхатдан ўтиб ушбу Низомга 28-иловага мувофиқ шакл бўйича сўровнома тўлдирган ҳолда мурожаат қилиш ҳуқуқига эга.

Давлат хизматлари маркази орқали ёки ЯИДХПдан рўйхатдан ўтган ҳолда пенсия тайинлашни сўраб ушбу Низомга 29 — 31-иловаларга мувофиқ схемалар асосида мурожаат қилинади.»;

8-банднинг биринчи хатбошиси қуйидаги таҳрирда баён этилсин:

«8. Манзил-колонияларда жазони ўтаётган, озодликдан маҳрум этишга ҳукм қилинган шахслар пенсия тайинлаш ёки қайта ҳисоблаш тўғрисида бевосита манзил-колония жойлашган жойдаги Пенсия жамғармаси бўлимига ушбу Низомга 22-иловага мувофиқ шаклдаги аризани тўлдирган ҳолда мурожаат қилиш, шунингдек, пенсия тайинлашни сўраб давлат хизматини кўрсатиш хизматидан фойдаланган ҳолда ушбу Низомга 28-иловага мувофиқ шаклда сўровномани тўлдирган ҳолда мурожаат қилиш ҳуқуқига эга»;

10-банд қуйидаги мазмундаги еттинчи, саккизинчи ва тўққизинчи хатбошилар билан тўлдирилсин:

«Агар ариза почта орқали юборилса ва бунда барча зарур ҳужжатлар ҳам илова қилинган бўлса, ушбу аризани жўнатишнинг почта штемпелида кўрсатилган санаси пенсия сўраб мурожаат этилган кун ҳисобланади.

Аризага барча зарур ҳужжатлар илова қилинмаган ҳолларда Пенсия жамғармаси бўлими қўшимча яна қандай ҳужжатлар тақдим этилиши лозимлиги тўғрисида 5 кунлик муддатда ёзма равишда ва ариза берувчининг мобил телефон рақамига «СМС» хабарномани юборган ҳолда маълум қилади. Агар улар қўшимча ҳужжатлар тақдим этилиши лозимлиги тўғрисида хабарнома олинган кундан бошлаб уч ойдан кечикмай тақдим этилса, пенсия тайинлаш тўғрисидаги ариза қабул қилинган кун пенсия тайинлаш учун мурожаат қилинган кун ҳисобланади.

Пенсия жамғармаси бўлими шахсга пенсия тайинлаш (қайта ҳисоблаш) масалалари бўйича тушунтиришлар ҳамда маълумотлар бериши шарт»;

11-банднинг биринчи хатбошисидаги «шубҳа пайдо бўлган тақдирда,» сўзлари чиқариб ташлансин;

12-бандда :

«к» кичик банддаги тегишли келишикдаги «Аҳоли бандлигига кўмаклашиш марказининг» сўзлари тегишли келишикдаги «Камбағалликни қисқартириш ва бандликка кўмаклашиш бўлимининг» сўзлари билан алмаштирилсин;

ўн олтинчи хатбоши қуйидаги таҳрирда баён этилсин:

«Мазкур бандда назарда тутилган ҳужжатлар ҳамда маълумотлар вазирлик ва идораларнинг ахборот тизимларида мавжуд бўлган ҳолларда пенсия тайинлаш учун мурожаат қилган шахснинг аризасига илова қилинмайди.»;

15-банднинг «б» кичик бандидаги тегишли келишикдаги «Иқтисодиёт ва молия вазирлиги» сўзлари тегишли келишикдаги «Вазирлар Маҳкамаси» сўзлари билан алмаштирилсин;

17-бандда :

биринчи хатбоши қуйидаги таҳрирда баён этилсин:

«17. Пенсия жамғармаси бўлимига пенсия тайинлашни сўраб мурожаат қилишда пенсия тайинланаётган шахснинг паспорти ёки хорижга чиқиш биометрик паспорти ёхуд идентификацияловчи ID-карта, истиқомат учун берилган гувоҳнома тақдим этилиши керак»;

учинчи хатбоши «паспорт» сўзидан кейин «хорижга чиқиш биометрик паспорти ёхуд» сўзлари билан тўлдирилсин;

25-банднинг учинчи хатбошисидаги «ташкилотдан ёки» сўзлари чиқариб ташлансин;

26-банднинг учинчи хатбошиси «Пенсия жамғармаси бўлимининг пенсия тайинлаш» сўзларидан кейин «ва/ёки тайинлашни рад этиш» сўзлари билан тўлдирилсин;

28-бандда :

биринчи хатбошидаги «а» — «г» кичик бандларида» сўзлари «а» — «г» ва «к» кичик бандларида» сўзлари билан алмаштирилсин;

иккинчи ва учинчи хатбошидаги «д» — «и» кичик бандларида» сўзлари «д» — «к» кичик бандларида» сўзлари билан алмаштирилсин;

учинчи хатбошидаги «а» — «г» кичик бандларида» сўзлари «а» — «г» ва «к» кичик бандларида» сўзлари билан алмаштирилсин;

29-банднинг биринчи ва иккинчи хатбошилардаги «а» — «г» кичик бандларида» сўзлари «а» — «г» ва «к» кичик бандларида» сўзлари билан алмаштирилсин;

41-бандда :

еттинчи хатбоши «шахснинг паспорти» сўзларидан кейин «, шу жумладан, хорижга чиқиш биометрик паспортидаги» сўзлари билан тўлдирилсин;

қуйидаги мазмундаги саккизинчи — ўн биринчи хатбошилар билан тўлдирилсин:

«Бунда меҳнат шартномаси асосида чет элда ишлаган Ўзбекистон Республикаси фуқаролари томонидан ўтган давр учун ижтимоий солиқ (суғурта бадали, ягона ижтимоий тўлов) қуйидаги миқдорларда тўланади:

2019 йил 1 январга қадар бўлган давр учун ҳар бир ойга базавий ҳисоблаш миқдорида;

2019 йил 1 январдан 2019 йил 31 декабрга қадар бўлган давр учун бир йилга базавий ҳисоблаш миқдорининг тўрт ярим баравари миқдорида;

2020 йил 1 январдан кейинги давр учун йилига базавий ҳисоблаш миқдорида.»;

саккизинчи — ўт еттинчи хатбошилар тегишли равишда ўн иккинчи — йигирма биринчи хатбошилар деб ҳисоблансин;

ўн иккинчи ва ўн учинчи хатбошилар қуйидаги таҳрирда баён этилсин:

«Тўланган ижтимоий солиқ (суғурта бадали, ягона ижтимоий тўлов) меҳнат шартномаси асосида чет элда ишлаган Ўзбекистон Республикаси фуқароларига пенсия тайинлашда иш стажи сифатида ва иш ҳақини ҳисоблаш учун қабул қилинади.

Чет элда бўлиш даври меҳнат дафтарчасидаги ёзувлар ёки иш берувчи томонидан тақдим этилган меҳнат шартномасига оид маълумотномалар ёки Ўзбекистон Республикаси Камбағалликни қисқартириш ва бандлик вазирлигининг «Labor-migration» дастурий мажмуасидаги маълумотлар, шахснинг паспортидаги, шу жумладан, хорижга чиқиш биометрик паспортидаги Ўзбекистон Республикаси Давлат чегарасини кесиб ўтганлиги тўғрисидаги ёзувлар (муҳрлар, штамплар ёки белгилар) асосида тасдиқланади.»;

54-банднинг тўртинчи хатбошидаги «тўртинчи — еттинчи» сўзлари «бешинчи — еттинчи» сўзлари билан алмаштирилсин;

71-банднинг еттинчи хатбошисидаги «қўшимча равишда бир баравар ёки икки баравар» сўзлари «икки ҳисса баравар» сўзлари билан алмаштирилсин;

73-банд «паспорт» сўзидан кейин «, хорижга чиқиш биометрик паспорти» сўзлари билан тўлдирилсин;

75-банднинг иккинчи хатбошисидаги «учинчи — еттинчи» сўзлари «бешинчи — еттинчи» сўзлари билан алмаштирилсин;

78-банд иккинчи хатбошисидаги «аризада» сўзи «ариза ёки сўровномада» сўзлари билан тўлдирилсин;

79-бандда :

биринчи хатбоши «ҳарбий хизматни ўташ вақти,» сўзларидан кейин «асоссиз равишда жиноий жавобгарликка тортилган, асоссиз равишда қатағон қилинган ва кейинчалик оқланган (реабилитация) фуқароларнинг қамоқда бўлиш ва ҳибсда сақлаш жойларида турган вақти,» сўзлари билан тўлдирилсин;

тўртинчи хатбошисидаги «қайта ҳисоблашда» сўзлари «тайинлашда (қайта ҳисоблашда)» сўзлари билан алмаштирилсин;

86-банд қуйидаги таҳрирда баён этилсин:

«86. Банд бўлган шахснинг пенсия миқдорини ҳисоблаб чиқишда ҳисобга олинадиган иш ҳақи миқдори ҳисобга олинадиган маълум бир ой (йил) учун Пенсия жамғармасига тўланган маълум бир ойлик ёки йиллик:

2019 йил 1 январга қадар бўлган давр учун — суғурта бадаллари суммасини Пенсия жамғармасига суғурта бадалларини тўлаш даврида амалда бўлган ягона ижтимоий тўлов (микрофирмалар ва кичик корхоналар, шунингдек, фермер хўжаликлари учун) ва фуқароларнинг суғурта бадалларининг умумий ставкасига;

2019 йил 1 январдан 2019 йил 31 декабрга қадар бўлган давр учун — тўланган ягона ижтимоий тўлов тўлаш даврида амалда бўлган ягона ижтимоий тўлов (микрофирмалар ва кичик корхоналар, шунингдек, фермер хўжаликлари учун) умумий ставкасига;

2020 йил 1 январдан кейинги давр учун Ўзбекистон Республикаси Солиқ кодексининг 405-моддасида қайд этилган солиқ ставкаларининг 1-позициясида белгиланган миқдорида — ижтимоий солиқ суммасини тўлаш даврида амалда бўлган ижтимоий солиқ ставкасига бўлиш ҳамда олинган натижани 100 га кўпайтириш йўли билан аниқланади.

Мисол: фуқаро ўзини ўзи банд қилган шахс сифатида ихтиёрий равишда 2023 йил учун Пенсия жамғармасига бир миллион сўм миқдорда ижтимоий солиқ тўлади. Ушбу фуқарога пенсия ҳисоблашда унинг 2023 йил учун 8 333 333,33 сўм миқдорда иш ҳақи аниқланади:

йиллик иш ҳақи миқдори қуйидаги тартибда аниқланади:

тўланган ижтимоий солиқ (бир миллион) ÷ ижтимоий солиқ ставкаси (12 фоиз 2023 йил учун ижтимоий солиқ ставкаси) × 100 = 8 333 333,33 сўм.

Бир ойлик иш ҳақи миқдори қуйидаги тартибда аниқланади:

йиллик иш ҳақи миқдори (8 333 333,33 сўм) ÷ иш ҳақи ҳисобланиши лозим бўлган давр (12 ой) = бир ойлик иш ҳақи миқдори (694 444,44 сўм).

Аниқланган бир ойлик иш ҳақи миқдори пенсия ҳисобланаётган шахсга бир ойлик иш ҳақи сифатида инобатга олинади.

Агар банд шахс томонидан ижтимоий солиқ ҳисобот йилида маълум ойлар учун тўланган бўлса, аниқланган бир йиллик иш ҳақи миқдори ўн иккига бўлиш ва ҳосил бўлган натижани иш ҳақи ҳисобланиши лозим бўлган ойлар учун бир ойлик иш ҳақи сифатида ҳисоблаш орқали аниқланади.

Мисол: фуқаро ўзини ўзи иш банд қилган шахс сифатида ихтиёрий равишда 2023 йил январь — май ойлари учун Пенсия жамғармасига бир миллион сўм миқдорда ижтимоий солиқ тўлади. Ушбу фуқарога пенсия ҳисоблашда унинг 2023 йилнинг январь — май ойлари учун 8 333 333,33 сўм миқдорда иш ҳақи аниқланади.

2023 йилнинг январь — май ойлари учун иш ҳақи миқдори қуйидаги тартибда аниқланади:

тўланган ижтимоий солиқ (бир миллион) ÷ ижтимоий солиқ ставкаси (12 фоиз 2023 йил учун ижтимоий солиқ ставкаси) × 100 = 8 333 333,33 сўм.

2023 йилнинг январь — май ойлари учун ойлик иш ҳақи миқдори қуйидаги тартибда аниқланади:

йиллик иш ҳақи миқдори (8 333 333,33 сўм) ÷ бир йил (12 ой) = бир ойлик иш ҳақи миқдори (694 444,44 сўм).

Аниқланган бир ойлик иш ҳақи миқдори пенсия ҳисобланаётган шахсга 2023 йилнинг январь — май ойларининг ҳар бир ойи учун бир ойлик иш ҳақи сифатида (694 444,44 сўм) инобатга олинади.»;

90-банддаги «(ишга кириш ёки ишдан бўшаш муносабати билан)» сўзлари «(иш стаж пенсия олиш ҳуқуқи пайдо бўлган кунга қадар ҳисобланаётганида, ишга кириш ёки ишдан бўшаш муносабати билан)» сўзлари билан алмаштирилсин;

94-банддан «ўн баравари, 2023 йил 1 январдан» сўзлари чиқариб ташлансин;

97-банд қуйидаги мазмундаги олтинчи хатбоши билан тўлдирилсин:

«Пенсия миқдори расман белгиланган энг кам истеъмол харажатларидан оз бўлиши мумкин эмас»;

119-банддаги , 140-банднинг учинчи хатбошисидаги , 162 ва 163-бандлардаги , 175-банднинг биринчи хатбошисидаги , 177-банднинг биринчи хатбошисидаги , 179-банддаги , 187 5 -банднинг учинчи хатбошисидаги , 191 1 -банднинг биринчи ва учинчи хатбошиларидаги , 191 2 -банднинг биринчи ва учинчи хатбошиларидаги , 194-банднинг иккинчи хатбошисидаги , 196-банднинг ўнинчи — ўн тўртинчи хатбошиларидаги , 196 3 -банднинг ўн иккинчи хатбошидаги , 18 , 19 , 21 ва 22-иловаларнинг матнидаги тегишли келишикдаги «ва нафақа» ҳамда «ёки нафақа» сўзлари чиқариб ташлансин;

105-бандда :

тўртинчи ва саккизинчи хатбошилардаги «ёки нафақа» сўзлари чиқариб ташлансин;

бешинчи хатбоши қуйидаги таҳрирда баён этилсин:

«Қўшимча тўлов 2015 йилнинг 1 майига қадар 100 ёшга тўлган ва ундан ошган пенсионерларнинг 2015 йилнинг май ойидан бошлаб пенсионер 100 ёшга тўлган ойдан кейинги ойнинг 1-санасидан бошлаб ҳар ойда пенсионернинг мурожаатисиз ахборот тизимидаги маълумотлар асосида «проактив» шаклда Пенсия жамғармаси бўлими томонидан тайинланади;»;

олтинчи хатбоши чиқариб ташлансин;

еттинчи — тўққизинчи хатбошилар тегишлича олтинчи — саккизинчи хатбошилар деб ҳисоблансин;

111-банддаги «ташкилот ёки» сўзлари чиқариб ташлансин;

116-банд қуйидаги таҳрирда баён этилсин:

«116. Технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган иш ҳажмининг қисқариши ёхуд корхона тугатилганлиги муносабати билан ишдан озод этилган ва ишсиз деб эътироф этилган шахсларга ёшга доир муддатидан олдин (кейинги ўринларда — муддатидан олдин ёшга доир пенсия) бериладиган пенсия Қонуннинг 47-моддасида назарда тутилган муддатларга мувофиқ тайинланади.

Туман (шаҳар) Камбағалликни қисқартириш ва бандликка кўмаклашиш бўлими томонидан фуқарони ишсиз деб эътироф этилганлиги тўғрисида берилган тақдимнома Пенсия жамғармаси бўлими томонидан муддатидан олдин ёшга доир пенсия тайинлаш учун асос бўлиб ҳисобланади.»;

117-банднинг «а» кичик бандидаги «27-банди «а», «б», «в» ва «г» кичик бандларида» сўзлари «27-банди «а» — «г» ва «к» кичик бандларида» сўзлари билан алмаштирилсин;

125-банднинг учинчи хатбошисидаги «ёки нафақани» сўзлари чиқариб ташлансин;

126-банднинг «д» ва «е» кичик бандлари қуйидаги таҳрирда баён этилсин:

«д) қонунчиликка мувофиқ пенсияни ҳисоблаш тартиби ўзгарганда, ёшга доир энг кам пенсия миқдори ўзгарганда, энг кам истеъмол харажатлари миқдори ўзгарганда, пенсияни ҳисоблашнинг базавий миқдори ўзгарганда ва пенсия ишини текшириш (ўрганиш) натижасида пенсия миқдорининг ошиши ёки камайиши;

е) даромадларнинг индексация қилиниши. Бунда пенсия миқдори йил давомида товарлар ва хизматларнинг истеъмол нархлари (тарифлари) индекси (инфляция) даражасининг ўсиш суръатларини ҳисобга олган ҳолда, Ўзбекистон Республикаси Президентининг ҳужжатларига асосан индексация қилинади (оширилади)»;

133-банднинг иккинчи хатбошиси қуйидаги таҳрирда баён этилсин:

«қонунчиликка мувофиқ пенсияни ҳисоблаш тартиби ўзгарганда (иш стажини ҳисоблаш тартиби ўзгарган ҳолатлар бундан мустасно), ёшга доир энг кам пенсия миқдори ўзгарганда, энг кам истеъмол харажатлари миқдори ўзгарганда, пенсияни ҳисоблашнинг базавий миқдори ўзгарганда»;

135-банднинг иккинчи жумласи «Пенсияни ҳисоблашнинг» сўзларидан олдин «Ёшга доир энг кам пенсия миқдори, энг кам истеъмол харажатлари миқдори ва пенсияни ҳисоблашнинг» сўзлари билан тўлдирилсин;

138-банднинг учинчи хатбошисидаги «пенсия тайинлангунгача эга бўлинган иш стажи ва иш ҳақи» сўзлари «иш стаж, иш ҳақи ва устама ҳақ» сўзлари билан алмаштирилсин;

140-бандда :

иккинчи хатбошиси қуйидаги таҳрирда баён этилсин:

«Пенсионерларга пенсия ва бошқа тўловлар Пенсия жамғармаси ижро этувчи аппарати ҳамда пенсия ва бошқа тўловларни етказиб бериш юклатилган ташкилот ёки тижорат банки ўртасида тузиладиган шартнома (келишув) асосида пенсионернинг хоҳишига кўра доимий яшаш ёки вақтинча турган жойидаги пенсия ва бошқа тўловларни етказиб бериш юклатилган ташкилот ёки тижорат банкнинг сайёр кассалари томонидан нақд пулда етказиб берилади (топширилади) ёки пенсионернинг хоҳишига кўра пул маблағларини банк картасига нақд пулсиз ўтказиш йўли билан тижорат банкининг филиали орқали тўланади.»;

141-банднинг иккинчи хатбошиси , 191-банднинг биринчи хатбошиси ва 19-иловадаги тегишли келишикдаги «ёки нафақа олувчи» сўзлари чиқариб ташлансин;

143 — 145-бандлар қуйидаги таҳрирда баён этилсин:

«143. Пенсия ва бошқа тўловларни етказиб бериш юклатилган ташкилот ёки тижорат банки филиали томонидан пенсия ва бошқа тўловлар уларни етказиб бериш (топшириш)нинг тасдиқланган жадвалига асосан ҳар ойнинг йигирма еттинчи санасига қадар узлуксиз етказиб берилади (топширилади).

Пенсия ва бошқа тўловларни етказиб бериш (топшириш) ҳар ойда мазкур Низомнинг 32-иловасига мувофиқ шаклда тузиладиган пенсия ва бошқа тўловларнинг тўлов қайдномаларига асосан амалга оширилади.

Қайдномалар қуйидаги тартибда шакллантирилади:

асосий қайдномалар — пенсия, вафоти муносабати билан олинмай қолинган пенсия, ходимларга уларнинг меҳнат вазифаларини бажариш билан боғлиқ ҳолда жароҳатланиши, касб касалликларига чалиниши ёки саломатликнинг бошқа хил шикастланиши туфайли етказилган зарарни қоплаш, пенсиядан алимент ва жарималар, ойлик тўланадиган компенсация тўловлари ва қонунчиликда назарда тутилган бошқа қўшимча тўловларни тўлаш бўйича тўлов ойи учун бир маротаба;

қўшимча қайдномалар — Ўзбекистон Республикаси ташқарисига кўчиб кетиш олдидан 6 ой аввал бериладиган пенсия тўлови тайинланган кунда, бир марталик моддий ёрдам, қонунчиликда назарда тутилган йиллик тўланадиган бир марталик компенсация ва мукофот пуллари.

Қайдномалар пенсия олувчиларнинг яшаш жойлари бўйича жойлашган сайёр кассалар учун ҳақиқий ҳисобланади.

Нақд пул шаклидаги пенсия ва бошқа тўловлар қайдномаларга мувофиқ ҳар ойда етказиб бериш (топшириш) даври мобайнида пенсия олувчининг яшаш жойи бўйича шахсни тасдиқловчи ҳужжат тақдим этилганда топширилади.

Пенсия ва бошқа тўловларни қайдномада кўрсатилмаган шахсларга ишончномасиз топшириш, шунингдек, пенсия олувчиларга улар яшаш жойларидан рўйхатдан чиқарилгандан кейин топшириш, пул-буюм лотереялар ва бошқа маҳсулотларни пенсия ва бошқа тўловлар пуллари ҳисобидан сотиш тақиқланади.

Ўзбекистон Республикаси ташқарисидаги давлатга доимий яшаш учун кетилган кунгача тайинланган пенсия турар жойидан рўйхатдан чиққан ойнинг охиригача тўланади.

144. Шуъба мутахассиси томонидан қайдномалар ахборот тизимида пенсияни етказиб бериш (топшириш) юкланган ташкилот ва тижорат банклари филиаллари бўйича алоҳида ҳар бир маҳалла фуқаролар йиғини ва тижорат банки филиали бўйича шакллантирилади.

Қайдноманинг варақлари ҳар бир фуқароларнинг ўзини ўзи бошқариш органлари бўйича рақамланади. Қайдноманинг ҳар бир варағига қайднома рақами ва каср чизиғи орқали ушбу қайднома варағининг тартиб рақами ёзилади.

Ўтган тўлов ойида олинмаган пенсия ва бошқа тўловлар суммаси жорий тўлов ойининг қайдномасига киритилади.

Кейинги тўлов ойига қайдномалар аввалги тўлов ойи қайдномалардаги барча пенсия олувчилар бўйича тўланган (тўланмаганлиги) тўғрисидаги маълумотлар Пенсия жамғармаси ахборот тизимига келиб тушганидан сўнг шакллантирилади.

Қайдноманинг ҳар бир варағида пенсия олувчиларнинг сони, шунингдек, етказиб берилиши (топширилиши) керак бўлган умумий сумма кўрсатилади.

Шакллантирилган қайдномалар Пенсия жамғармаси бўлими томонидан ахборот тизими орқали пенсияни етказиб бериш (топшириш) юкланган ташкилот ёки тижорат банки филиалларига юборилади. Қабул қилинган қайдномалар тўғрисида маълумот пенсияни етказиб бериш (топшириш) юкланган ташкилот ва тижорат банки филиали томонидан Пенсия жамғармасининг бўлимига ахборот тизими орқали юборилади»;

145. Қайдномалар:

пенсияни етказиб бериш (топшириш) юкланган ташкилот учун — ҳар тўлов ойининг 2-кунига қадар шакллантирилади ва 3-кунига қадар тақдим этилади;

тижорат банклари филиаллари учун — ҳар тўлов ойининг 3-кунига қадар шакллантирилади ва 4-кунига қадар ахборот тизими орқали тақдим этилади.

Қайдномаларни шакллантириш ҳамда тақдим этишнинг сўнгги куни дам олиш ёки байрам (иш куни бўлмаган) кунларига тўғри келган ҳолларда кейинги иш куни муддатнинг сўнгги куни деб ҳисобланади, шунингдек, пенсия ва бошқа тўловлар тўланиши керак бўлган ойнинг биринчи санаси узоқ муддатли дам олиш ёки байрам кунларига тўғри келганида Иқтисодиёт ва молия вазирлигининг қарорига асосан аввалги ой якунига қадар муддатидан аввал пенсия ва бошқа тўловларнинг тўлов қайдномаларини шакллантиради, пенсия тўлаш ваколати юклатилган ташкилотга қайдномаларни тақдим этади ва тўловларни бошлаш учун етарли маблағларни молиялаштиради.

Пенсия жамғармаси бўлими томонидан қайдномалар пенсия ва бошқа тўловларнинг қуйидаги турларига мувофиқ алоҳида тузилади:

пенсиялар, шу жумладан, фахрий унвонга сазовор бўлган пенсионерларга қўшимча ҳақ ва 100 ёшга тўлган ва ундан ошган фуқаролар пенсиясига ҳар ойлик қўшимча тўлов;

уй-жой-коммунал хизматлари тўловлари бўйича компенсация пул тўловлари;

автобензин сотиб олиш харажатлари учун пул компенсация тўловлари;

1941 — 1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга, бепул етказиб бериладиган озиқ-овқат маҳсулотлари ҳамда гигиена товарлари ўрнига ҳар ойлик қўшимча тўлов;

бошқа тўловлар — Чернобил ҳалокатидан зиён кўрган фуқароларга ва 1941 — 1945 йиллардаги уруш қатнашчиларига ҳар йили санаторийларда соғломлаштириш курсини олиш ўрнига йўлланманинг ўртача қийматига тенг компенсация пул тўловлари, Чернобил ҳалокатидан зиён кўрган фуқароларга ва ядро полигонлари ва бошқа радиация-ядро объектларида ҳарбий хизматни ўтаган пенсия ёшидаги шахсларга йиллик бир йўла моддий ёрдам пуллари, 1941 — 1945 йиллардаги уруш қатнашчилари ва ногиронлиги бўлган шахсларга йиллик бир марталик пул мукофотлари, 1941 — 1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга бепул етказиб бериладиган зарур кийим-кечак ва пойабзаллар ўрнига кийим-кечак хариди учун ҳар йили август ойида тўланадиган компенсация пули.

Пенсия ва бошқа тўловларни етказиб бериш (топшириш) санаси ҳар бир фуқароларнинг ўзини ўзи бошқариш органлари кесимида белгиланади ва шу асосда пенсия ва бошқа тўловлар етказиб бериш (топшириш) жадвали тасдиқланади.

Пенсия ва бошқа тўловларни етказиб бериш (топшириш) юкланган ташкилот тўловларни етказиб бериш (топшириш) жадвалини хар тўлов ойининг 3-санасига қадар ахборот тизим орқали Пенсия жамғармасининг ҳудудий бошқармаларига электрон шаклда буюртманомаларни юборади. Бунда, ушбу жадвалда Пенсия ва бошқа тўловларни етказиб бериш (топшириш) юкланган ташкилот томонидан тўлов ойининг хар кунлик тўланадиган пенсия, компенсация ва бошқа тўловларнинг қайднома тури бўйича етказиладиган (топшириладиган) маблағлар акс эттирилади.

Пенсия олувчиларга пенсия ва бошқа тўловлар суммаси ҳар ойда уларнинг яшаш жойи бўйича ёки сайёр кассаларда пенсия ва бошқа тўловларни етказиб бериш даврида топширилади. Бу ҳақда пенсия олувчига биринчи марта пенсия ва бошқа тўловлар етказиб берилганда (топширилганда) маълум қилинади.»;

146-банднинг учинчи хатбошисидаги , 177-банднинг учинчи хатбошисидаги , 187-банднинг тўртинчи хатбошисидаги , 191 2 -банднинг иккинчи хатбошисидаги , 196-банднинг бешинчи хатбошисидаги , 196 2 -банднинг бешинчи хатбошисидаги , 197-банддаги , 22-иловалардаги «нафақа» сўзи чиқариб ташлансин;

қуйидаги мазмундаги 146 1 — 146 9 -бандлар билан тўлдирилсин:

«146 1 . Пенсия жамғармасининг ижро этувчи аппарати пенсия ва бошқа тўловларни тўлаш учун маблағларни Пенсия жамғармаси ҳудудий бошқармаларининг тегишли ҳисобварағига ўтказади.

Пенсия жамғармаси ҳудудий бошқармалари кўрсатилган маблағларни талабномалар асосида марказлашган тартибда пенсия ва бошқа тўловларни етказиб бериш юкланган пенсияни етказиб бериш (топшириш) юкланган ташкилот ёки тижорат банкининг ҳудудий филиалларида очилган алоҳида ҳисобварақларга ўтказиб беради ҳамда ҳисоб-китобларни марказлашган ҳолда юритади.

Пенсия жамғармаси ҳудудий бошқармаси буюртманомада сўралган маблағларни марказлашган тартибда пенсия ва бошқа тўловларни етказиб бериш (топшириш) юкланган ташкилот ёки тижорат банкининг ҳудудий филиалларида очилган алоҳида ҳисобварақларга қайднома тури бўйича ўтказиб беради ҳамда ҳисоб-китобларни марказлашган ҳолда юритади.

Пенсия жамғармасининг ижро этувчи аппарати пенсия ва бошқа тўловларни етказиб бериш юкланган ташкилот ёки тижорат банклари филиаллари томонидан пенсия ва бошқа тўловларини етказиб бериш (топшириш) бўйича хизмат ҳақи учун маблағларни Пенсия жамғармасининг ҳудудий бошқармалари ва пенсияни етказиб бериш (топшириш) юкланган ташкилотнинг ёки тижорат банкнинг ҳудудий филиаллари ўртасида имзоланган солиштирма далолатномага асосан пенсияни етказиб бериш (топшириш) юкланган ташкилот ёки тижорат банкининг Бош офисида очилган тегишли ҳисобвараққа ўтказиб беради.

Пенсия ва бошқа тўловларни етказиб бериш (топшириш) уларнинг ҳар бир тури бўйича пенсияни етказиб бериш (топшириш) юкланган ташкилот ва тижорат банк филиалининг махсус ҳисобварағига Пенсия жамғармаси ҳудудий бошқармаси томонидан пенсия ва бошқа тўловлар учун маблағлар молиялаштирилганидан сўнг етказиб бериш (топшириш) даврида амалга оширилади.

Пенсия ва бошқа тўловларни етказиб бериш (топшириш) юкланган ташкилот ёки тижорат банки томонидан пенсия ва бошқа тўловлар етказиб (топшириш) даврида мазкур Низомнинг 146 6 -бандида кўрсатилган сабабларсиз етказиб берилмаган ва ушбу Низом талабларига зид равишда тўловлар амалга оширилган тақдирда тўловларни етказиб бериш (топшириш) юкланган ташкилот ёки тижорат банкидан шартномага мувофиқ пенялар ундирилади.

146 2 . Пенсияни етказиб бериш (топшириш) юкланган ташкилот ва тижорат банки филиалларида пенсия ва бошқа тўловлар тўланишини назорат қилиш Пенсия тўловлари билан ишлаш бўлими (кейинги ўринларда — масъул бўлим) ҳамда ички назорат ва комплаенс хизмати томонидан амалга оширилади.

Масъул бўлим Пенсия жамғармаси бўлими томонидан ахборот тизими орқали юборилган қайдномаларни қоғозга чоп этади.

ички назорат ва комплаенс хизмати ходимлари қуйидаги вазифаларни амалга оширадилар:

пенсия ва бошқа тўловларни олувчиларга пенсия ва бошқа тўловлар тўланишини текшириб бориш;

масъул бўлим фаолиятини назорат қилиш ва қайдномалар тўғри расмийлаштирилганини текшириб бориш;

пенсия ва бошқа тўловлар тўланишини электрон база маълумотлари асосида кунлик мониторинг қилиб бориш;

пенсияни етказиб бериш (топшириш) юкланган ташкилот ёки тижорат банки филиалида амалиёт куни охирида пенсия ва бошқа тўловлари бўйича бухгалтерия ва касса ҳужжатларини бажарилган операцияларга мослигини назоратга олиш ҳамда йиғмажилдларга тикилган ҳужжатларни текшириш;

сайёр кассалар томонидан пенсиялар ва бошқа тўловларни етказиб бериш (топшириш) жараёни устидан ўрганишлар ўтказиб туриш;

ўрганиш натижалари бўйича доимий равишда тижорат банки бошқарувига маълумотлар тақдим этиб бориш.

146 3 . Қайдноманинг ҳар бир варағи пенсияни етказиб бериш (топшириш) юкланган ташкилот ёки тижорат банки филиалининг бошқарувчиси (БХМ раҳбари), бош бухгалтери (штат бирлиги мавжуд бўлса) ва масъул бўлим бошлиғи томонидан имзоланган ҳамда муҳр билан тасдиқланган бўлиши керак.

Қайдномаларни расмийлаштиришда ўчиришлар ва тузатишларга йўл қўйилмайди.

Қайдномалар ва уларга илова қилинган ҳужжатларни фуқароларнинг ўзини ўзи бошқариш органлари кесимида сайёр кассаларга жўнатишдан аввал масъул бўлим бошлиғи қайдноманинг ҳар бир варағи имзоланганини текшириши лозим.

Пенсия ва бошқа тўловларни етказиб бериш (топшириш) етказиб бериш участкасининг жойлашган жойини ҳисобга олган ҳолда пенсия ва бошқа тўловларни етказиб бериш (топшириш) жадвалига мувофиқ амалга оширилади.

Пенсия ва бошқа тўловларни етказиб бериш (топшириш) жадвалига мувофиқ уларни етказиб бериш (топшириш) санасида масъул бўлим қайдномалар ва уларнинг варақлари рақамларини қайдномаларни ҳисобга олиш махсус китобига ёзади ва тегишли сайёр касса ходимига ушбу китобга имзо қўйдирган ҳолда топширади.

Пенсия ва бошқа тўловларни етказиб бериш (топшириш)да сайёр касса ходими пенсия олувчининг фамилияси, исми, отасининг исми, паспорт (идентификацияловчи ID-карта) серияси ва рақамини қайдномада кўрсатилган маълумотлар билан солиштиради.

Пенсия олувчининг фамилияси, исми, отасининг исми, паспорт (идентификацияловчи ID-карта) серияси ва рақамининг бири қайдномада кўрсатилган маълумотлар билан мос келмаган ҳолда, пенсияни етказиб бериш (топшириш) юкланган ташкилот ёки тижорат банки филиали томонидан Пенсия жамғармаси тегишли бўлимига ёзма ёки ахборот тизими орқали маълумот берилади.

Пенсия олувчи пенсия ва бошқа тўловларни олганда қайдномада олган санасини кўрсатади ва ўз фамилияси, исми ва отасининг исми қаршисидаги қаторга имзо қўяди.

Пенсия ва бошқа тўловлар етказиб берилмаган (топширилмаган) ҳолларда сайёр касса ходими етказиб берилмаганлик (топширилмаганлик) сабаби тўғрисида далолатнома тузади. Ушбу далолатномада пенсия олувчининг пенсияга оид ҳужжатлар йиғмажилдининг рақами, фамилияси, исми, отасининг исми, пенсия ва бошқа тўловлар қайси ой учун етказиб берилмагани (топширилмагани), шунингдек, етказиб берилмаганлик (топширилмаганлик) сабаби кўрсатилади.

146 4 . Қайднома ёки унинг айрим варақлари йўқотилган ҳолларда, сайёр касса ходимлари томонидан унинг сабабини кўрсатган ҳолда икки нусхадаги далолатнома тузилади ва пенсияни етказиб бериш (топшириш) юкланган ташкилот ва тижорат банки филиалига юборилади (берилади).

Далолатнома асосида пенсияни етказиб бериш (топшириш) юкланган ташкилот ва тижорат банкининг филиали йўқотилган қайднома ёки унинг варағи ўрнига янги қайднома ёки унинг тегишли варағини беради, унинг олд томонида «дубликат» деб ёзиб қўяди. Қайднома дубликатида қайднома рақами ва каср чизиғи орқали йўқотилган қайднома варағининг тартиб рақами кўрсатилади. Дубликат тижорат банки филиалининг раҳбари, масъул бўлими ходими томонидан имзоланган, шунингдек, муҳр изи билан тасдиқланган бўлиши керак.

146 5 . Пенсияни етказиб бериш (топшириш) юкланган ташкилот ёки тижорат банки филиалида операция куни якунлангандан сўнг масъул бўлим ходими қайдномаларнинг барча варақларини кўриб чиқади, жорий операция кунида етказиб берилган (топширилган) суммаларни ҳисоблаб чиқади ва қайднома варақларининг ҳисоб сеткасидаги биринчи жамлама устунини тўлдиради. Бунда сана ва операция куни давомида ушбу варақ бўйича етказиб берилган (топширилган) сумма, шунингдек, ушбу қайдноманинг варағи бўйича тўлов ойининг бошидан бери етказиб берилган (топширилган) сумма ёзилади. Операция кунида барча қайдномалар бўйича етказиб берилган (топширилган) умумий сумма масъул бўлим ходими томонидан касса ҳужжатларига киритилади. Қайдномалар ҳисоб сеткасининг тўғри расмийлаштирилгани, етказиб берилган (топширилган) суммаларнинг ҳисоби ва уларнинг касса ҳужжатларидаги ёзувларга мос келиши масъул бўлим ходими томонидан кунлик текширилади.

Жорий тўлов ойи учун пенсия ва бошқа тўловларни етказиб бериш (топшириш) тугаганда, сайёр касса ходими қайдномаларни тўлдиришда қуйидагиларни амалга оширади:

қайдноманинг ҳар бир варағидаги «Етказиб бериш санаси ёки етказиб берилмаганлик сабаби» устунида етказиб берилган (топширилган) сана (кун, ой) ёки етказиб берилмаган (топширилмаган)лик сабаби (коди)ни рақамлар билан кўрсатиш;

етказиб берилмаган (топширилмаган)лик сабаби (коди) ушбу Низомнинг 146 6 -бандида назарда тутилган тартибда тўлдириш;

қайдноманинг пенсия ва бошқа тўловлар етказиб берилмагани (топширилмагани) сабаби (коди) қўйилган ҳар бир варағида етказиб берилмаган (топширилмаган) пенсия ва бошқа тўловларнинг сони ва уларнинг суммаси ҳисоблаб чиқиш ҳамда улар сайёр касса ходимлари имзоси ва махсус штамп изи билан тасдиқлаш.

Қайдномалар сайёр касса ходими томонидан масъул бўлим бошлиғига текшириш ва имзолаш учун топширилади.

146 6 . Пенсия ва бошқа тўловлар етказиб берилмаган (топширилмаган) сабаб (код)лари қуйидагилардан иборат:

1 — вафот этиш;

2 — туман (шаҳар) ҳудудидан ташқарига доимий яшаш учун кўчиб кетиш;

3 — яшаш жойида вақтинча бўлмаслик;

4 — бошқа сабаблар.

Етказиб берилмагани (топширилмагани) сабаби тўғрисидаги далолатнома қонунчилик ҳужжатлари билан белгиланган тартибда қайднома билан бирга сақланади ва йўқ қилинади.

146 7 . Пенсияни етказиб бериш (топшириш) юкланган ташкилот ва тижорат банки филиалида қайдномалар ва ҳисоботларни расмийлаштириш масъул бўлим ходими томонидан амалга оширилади.

Пенсияни етказиб бериш (топшириш) юкланган ташкилотининг ёки тижорат банки филиалида масъул бўлим ходими қуйидагиларни текширади:

қайдномадаги барча қатор ва устунларнинг маълумотларини ҳисоблаш йўли билан тўғри тузилгани (ҳисоботга мувофиқ пенсиялар ва бошқа тўловлар сони ҳамда суммаси тўғри ҳисоблангани, пенсияни етказиб бериш (топшириш) юкланган ташкилот ёки тижорат банки филиали раҳбари имзоси ва банк муҳри изининг мавжудлиги);

ҳисоботда ёзилган етказиб берилмаган (топширилмаган) пенсия ва бошқа тўловлар сони ҳамда суммасининг қайдномалар бўйича етказиб берилмаган (топширилмаган) пенсия ва бошқа тўловлар сони ҳамда суммасига мослиги.

Пенсияни етказиб бериш (топшириш) юкланган ташкилот ёки тижорат банки филиаллари ҳар куни тўланган (тўланмаган) пенсия ва бошқа тўловлар суммалари тўғрисида маълумотларни Пенсия жамғармаси бўлимига ахборот тизими орқали тақдим этадилар.

Кунлик тўланган (тўланмаган) пенсия ва бошқа тўловлар суммалари тўғрисида маълумотларни Пенсия жамғармаси бўлимига ахборот тизими орқали тақдим этиш устидан назоратни пенсияни етказиб бериш (топшириш) юкланган ташкилот ёки тижорат банки филиали раҳбари амалга оширади.

Тўлов ойи учун пенсия ва бошқа тўловларни топшириш (етказиб бериш) якунлангандан сўнг пенсияни етказиб бериш (топшириш) юкланган ташкилот ёки тижорат банки филиаллари тўланган (тўланмаган) пенсия ва бошқа тўловлар суммалари тўғрисида якуний маълумотларни, шунингдек, ҳисоботларни ахборот тизими орқали Пенсия жамғармаси бўлимига тақдим этадилар.

Ҳар бир сайёр касса бўйича пенсия ва бошқа тўловларнинг етказиб берилгани (топширилгани) тўғрисидаги ҳисобот, қайднома кузатув рўйхати ҳисоботининг битта нусхаси тижорат банки филиалида назорат учун қолдирилади.

146 8 . Ҳисобот ойининг охирида пенсияни етказиб бериш (топшириш) юкланган ташкилот ва тижорат банки филиали мазкур Низомнинг 146 6 -бандида кўрсатиб ўтилган ҳолатлар мавжуд бўлганида етказиб берилмаган (топширилмаган) пенсия ва бошқа тўловлар бўйича суммасини Пенсия жамғармаси ҳудудий бошқармасига қайтариши шарт.

Ҳисобот ойи учун пенсияни етказиб бериш (топшириш) юкланган ташкилот ёки тижорат банки ҳудудий филиали томонидан пенсия ва бошқа тўловларни етказиб бериш (топшириш) бўйича тақдим этилган ҳужжатлар (қайдномалар комплектларининг кузатув рўйхати, пенсия ва бошқа тўловларни етказиб бериш (топшириш) тўғрисидаги ҳисоботлар) текширилганидан кейин Пенсия жамғармасининг ҳудудий бошқармаси ва пенсияни етказиб бериш (топшириш) юкланган ташкилот ёки тижорат банки ҳудудий филиали ўртасида ҳисобот ойидан кейинги ойнинг еттинчи санасига қадар икки нусхада мазкур Низомнинг 33-иловасидаги шакл бўйича умумий солиштирма далолатнома тузилади. Умумий солиштирма далолатнома Пенсия жамғармасининг ҳудудий бошқармаси ва пенсияни етказиб бериш (топшириш) юкланган ташкилот ёки тижорат банки ҳудудий филиали раҳбари ва бош бухгалтери ҳамда масъул бўлим бошлиғи томонидан имзоланади, шунингдек, муҳр излари билан тасдиқланади.

Солиштирма далолатноманинг бир нусхаси Пенсия жамғармасининг ҳудудий бошқармасига топширилади, бир нусхаси пенсияни етказиб бериш (топшириш) юкланган ташкилот ёки тижорат банкининг филиалида қолади.

Солиштирма далолатнома Пенсия жамғармаси ижро этувчи аппарати томонидан пенсиялар ва бошқа тўловларни етказиб бериш (топшириш) бўйича хизмат ҳақи учун маблағларни пенсияни етказиб бериш (топшириш) юкланган ташкилот ёки тижорат банки бош офисида очилган тегишли ҳисобвараққа ўтказиб бериш учун асос ҳисобланади.

Пенсияни етказиб бериш (топшириш) юкланган ташкилот ёки тижорат банки филиалида қоладиган қайдномалар, пенсиялар ва бошқа тўловларнинг етказиб берилгани (топширилгани) тўғрисидаги ҳисоботлар қонунчилик ҳужжатларида белгиланган тартибда сақланади.

146 9 . Пенсия жамғармаси бўлимлари — қайдномаларни тўғри ва ўз вақтида тузилишига ҳамда пенсияни етказиб бериш (топшириш) юкланган ташкилот ёки тижорат банклари филиаллари тижорат банкига етказилишига;

Пенсия жамғармасининг ҳудудий бошқармалари — пенсия ва бошқа тўловларни тўлаш учун маблағларни қайдномаларга мувофиқ ўз вақтида ва тўлиқ пенсияни етказиб бериш (топшириш) юкланган ташкилот ёки тижорат банкининг ҳудудий филиалларидаги тегишли ҳисобварақларга ўтказиб берилишига;

Пенсия жамғармаси ижро этувчи аппарати — пенсия ва бошқа тўловларни етказиб бериш (топшириш) бўйича хизмат ҳақи учун маблағларни Пенсия жамғармаси ҳудудий бошқармалари ва пенсияни етказиб бериш (топшириш) юкланган ташкилот ёки тижорат банкининг ҳудудий филиаллари ўртасида имзоланган солиштирма далолатномаларга асосан тижорат банки Бош офисида очилган тегишли ҳисобвараққа ўтказиб берилишига;

Пенсияни етказиб бериш (топшириш) юкланган ташкилот ёки тижорат банклари филиаллари Тижорат банки — Пенсия жамғармаси томонидан тақдим этилган қайдномаларга мувофиқ пенсия ва бошқа тўловларни қонунчиликда белгиланган тартибда тўлаш ҳамда ҳисоб-китобларни юритиш ва амалга оширилган операциялар тўғрисида Пенсия жамғармасига ахборот тизими орқали кунлик маълумотларни тўғри ва тўлиқ тақдим этишга жавобгар ҳисобланади.»;

147-банд қуйидаги мазмундаги олтинчи хатбоши билан тўлдирилсин:

«Пенсия олувчиларга хизмат кўрсатувчи Пенсия жамғармаси бўлими ходими ва пенсия ва бошқа тўловларни етказиб бериш юкланган ташкилот ёки тижорат банки филиали ходимига ишончнома орқали пенсия ва бошқа тўловларни етказиб бериш (топшириш) қатъий тақиқланади.»;

148-банд қуйидаги таҳрирда баён этилсин:

«148. I ва II гуруҳ ногиронлиги бўлган шахслар ва мустақил ҳаракатланиш ҳамда пенсия ва бошқа тўловларни сайёр кассалардан олиш имкониятига эга бўлмаган шахсларга пенсия ва бошқа тўловларни етказиб бериш юкланган ташкилот ёки тижорат банки филиали томонидан бевосита уларнинг яшаш жойига етказиб берилади.

Пенсия ва бошқа тўловларни етказиб бериш юкланган ташкилот ёки тижорат банки филиали фуқароларнинг ўзини ўзи бошқариш органлари билан биргаликда ҳар ойнинг йигирма еттинчи санасига қадар I ва II гуруҳ ногиронлиги бўлган шахслар ва мустақил ҳаракатланиш ҳамда пенсия ва бошқа тўловларни сайёр кассалардан олиш имкониятига эга бўлмаган шахслар рўйхатини шакллантириб, тегишли Пенсия жамғармаси туман (шаҳар) бўлимига электрон ва ёзма шаклда тақдим этади.

Пенсия жамғармаси бўлимлари ҳар ойда пенсия ва бошқа тўловларни етказиб бериш юкланган ташкилот ёки тижорат банки филиали томонидан тақдим этилган маълумотлар асосида I ва II гуруҳ ногиронлиги бўлган шахслар ва мустақил ҳаракатланиш ҳамда пенсия ва бошқа тўловларни сайёр кассалардан олиш имкониятига эга бўлмаган шахслар қайдномаларига тегишли ўзгартириш киритиб боради.

Пенсия ва бошқа тўловларни етказиб бериш юкланган ташкилот ёки тижорат банки филиали мазкур бандда кўрсатиб ўтилган шахслар учун пенсия ва бошқа тўловларни белгиланган муддатлардан олдин етказиб бериш (топшириш) чораларини кўради.

Пенсионер соғлиғининг ҳолати ва яшаш фаолиятининг чеклангани даражаси ўзгарганда, ТИЭКнинг асоссиз қарори ҳолатлари аниқланганда, ногиронликни белгилашнинг тўғрилигини текширишларда, шунингдек, агар ТИЭК қарори сохта ҳужжатлар асосида чиқарилган бўлса, пенсионер белгиланган тартибда ўтказиладиган такрорий тиббий кўрикдан ўтказиш учун келмаган тақдирда пенсияни тўлаш тўхтатиб қўйилади ва у фақат фуқаро ТИЭКга янгидан мурожаат қилган ва I ёки II гуруҳ ногиронлиги бўлган шахс деб эътироф этилган кундан бошлаб тикланади.»;

150-банд қуйидаги мазмундаги учинчи ва тўртинчи хатбошилар билан тўлдирилсин:

«2011 йил 1 январга қадар ҳарбий хизмат мажбуриятларини бажаришда ва ҳарбий хизматни ўташ сабабли ногиронлик пенсиялари тайинланган шахсларга пенсиялар ногиронликнинг бутун даврига, жумладан, ушбу шахсларга 2011 йил 1 январдан кейин ногиронлик муддати қайта кўрик натижасида узайтирилганда пенсия тўлови давом эттирилади.

Мисол: Ҳарбий хизмат мажбуриятларини бажаришда ва ҳарбий хизматни ўташ сабабли 2011 йил 1 январга қадар собиқ ССР Иттифоқининг «Ҳарбий хизматчиларнинг пенсия таъминоти тўғрисида»ги Қонун асосида тайинланган III гуруҳ ногиронлик пенсиялари ногиронликнинг бутун даври давомида тўланади. Ушбу фуқарога 2011 йил 1 январдан кейин такрорий тиббий кўрикдан ўтказилгандан сўнг ҳарбий хизмат мажбуриятларини бажаришда ва ҳарбий хизматни ўташ сабабли ногиронликнинг III гуруҳи белгиланса собиқ ССР Иттифоқининг «Ҳарбий хизматчиларнинг пенсия таъминоти тўғрисида»ги Қонун асосида тайинланган III гуруҳ ногиронлик пенсия тўлови давом эттирилади.»;

154-банддаги «интернат уйларида (пансионатларда)» сўзлари «Ижтимоий қўллаб-қувватлаш марказларида» сўзлари билан алмаштирилсин;

155-банднинг саккизинчи хатбошиси «чиқарилган» сўзидан кейин «ойдан кейинги» сўзлари билан тўлдирилсин;

159-банд қуйидаги таҳрирда баён этилсин:

«159. Тайинланган пенсияни тўлаш:

пенсия тўлаш муддати тамом бўлганда;

пенсионер Ўзбекистон Республикаси ташқарисига чиқиб уч ойдан ортиқ вақт мобайнида Ўзбекистон Республикасига қайтиб келмаганида;

муддатидан олдин тайинланган ёшга доир пенсия олувчи ишга кирганида;

кетма-кет уч ойдан ортиқ вақт мобайнида пенсияни етказиб бериш (топшириш) юкланган ташкилот орқали пенсия олинмаганда;

пенсионер озодликдан маҳрум этилганда (манзил-колонияларда жазони ўтаётган шахслар бундан мустасно);

пенсионер руҳий ҳолати бузилган шахслар учун Ижтимоий қўллаб-қувватлаш марказларида яшаганда;

пенсияни тўлашни тўхтатиб туриш тўғрисида пенсионер ариза ёки сўровнома орқали мурожаат қилганида;

суриштирув, тергов органларидан ва суддан яшириниб юрган, жиноий жазони ўташдан бўйин товлаётган шахсларни қидиришга эълон берилганда, бедарак йўқолганда;

ишончнома берган шахс унга тайинланган пенсияга ҳуқуқни тасдиқлаш учун белгиланган муддатда келмаганда тўхтатиб турилади.

Тайинланган пенсияни тўлаш қонунчиликда назарда тутилган бошқа ҳолларда ҳам тўхтатиб турилади.

Пенсияни тўлаш пенсионер ёки унинг қонуний вакили Пенсия жамғармаси бўлимига келгандан сўнг ва у ариза тақдим этгандан, шунингдек, шахсини тасдиқловчи ҳужжатни кўрсатгандан сўнг тикланади.

Пенсионер хорижий давлатда бўлиб Ўзбекистон Республикасига келиш имкониятига эга бўлмаган ҳолатларда пенсионер Ўзбекистон Республикасининг чет элдаги дипломатик ваколатхонаси ёки консуллик муассасасига пенсия тўловини тиклаш юзасидан мурожаат этиши ва хорижий давлат ҳудудида доимий яшаш ҳолати мавжуд эмаслигини, шунингдек, пенсия ёки ижтимоий нафақа олмаслигини тасдиқлаши лозим.

Пенсионернинг суд ҳукми бўйича озодликдан маҳрум этиш жойларида (манзил-колониялардан ташқари) бўлган вақти учун пенсия тўланмайди. Пенсионер озод бўлгандан кейин пенсияни тўлаш Пенсия жамғармаси бўлимига ариза берилган кундан бошлаб тикланади.

Пенсионер озодликдан маҳрум этилганда пенсия суднинг қонуний ҳукми кучга кирган ойдан кейинги ойнинг биринчи санасидан бошлаб тўхтатиб турилади.

Манзил-колонияда жазони ўтаётган, озодликдан маҳрум этишга ҳукм қилинган пенсионернинг жазо тури ўзгарган тақдирда манзил-колония маъмурияти жазо тури ўзгарган куннинг ўзида Пенсия жамғармаси бўлимига бу ҳақда хабар бериши лозим. Пенсия жамғармаси бўлими манзил-колония маъмурияти томонидан берилган маълумот асосида пенсия тўловини тўхтатиб туради»;

175-бандда :

биринчи хатбошидаги «18» рақами «16» рақам билан алмаштирилсин;

олтинчи хатбоши чиқариб ташлансин;

178-банд қуйидаги мазмундаги учинчи — бешинчи хатбошилар билан тўлдирилсин:

«Бунда зарур маблағлар:

пенсияни етказиб бериш (топшириш) юкланган ташкилот учун — ҳар тўлов ойининг 27-кунига қадар;

тижорат банклари филиаллари учун — ҳар тўлов ойининг 5-кунига қадар молиялаштирилади.»;

179-банддан , 186-банддаги , 196-банднинг ўнинчи хатбошидан , 196 3 -банднинг ўнинчи ва ўн биринчи хатбошилардаги ва 18-илова матнидаги тегишли келишикдаги «ва нафақа олувчиларнинг» ва «ва нафақалар» сўзлари чиқариб ташлансин;

180-бандда :

биринчи ва олтинчи хатбошилардаги «ва нафақага» сўзлари чиқариб ташлансин;

иккинчи хатбоши қуйидаги таҳрирда баён этилсин:

«Адлия вазирлиги томонидан фуқаро Ўзбекистон Республикаси ташқарисига чиқиб кетганлиги ҳамда вафот этганлиги»;

181-банд қуйидаги таҳрирда баён этилсин:

«181. Шуъба мутахассиси (кейинги ўринларда — Пенсия жамғармаси бўлими масъул ходими) Пенсия жамғармаси «Ишонч телефони»га келиб тушган ёки ёзма равишда пенсия ва бошқа тўловлар етказилиши бўйича қилинган мурожаатларга асосан фуқаро яшаётган ҳудудга бориб, фуқаро билан учрашган ҳолда (кейинги ўринларда — ўрганиш) ўрганиш ўтказадилар. Мазкур мурожаат бўйича ўтказилган ўрганишда ҳуқуқбузарлик ҳолатлари аниқланганда, ушбу фуқаро яшаётган ҳудуд (кўча, уй ёки маҳалла фуқаролар йиғини)да тўлиқ ўрганилади.

Ўтказилган ўрганиш давомида ҳуқуқбузарлик ҳолатлари аниқланганда, ҳуқуқбузарлик ҳолатлари бўйича Пенсия жамғармаси бўлими фуқароларга хизмат кўрсатиш шуъба мутахассиси томонидан фуқаро, тижорат банки ҳудудий филиали масъул ходими ва тегишли фуқароларнинг ўзини ўзи бошқариш органи вакили иштирокида далолатнома расмийлаштирилади.

Ўтказилган ўрганиш натижалари ҳар ойда Пенсия жамғармаси ва тижорат банкининг ҳудудий филиаллари ўртасида икки томонлама имзоланади»;

187-бандда :

иккинчи хатбошидаги «ва нафақа» сўзлари чиқариб ташлансин;

тўртинчи хатбошидаги «(нафақа)» сўзи чиқариб ташлансин;

саккизинчи ва ўнинчи хатбошилардан «ёки нафақа» сўзлари чиқариб ташлансин;

тўққизинчи хатбошидан «ёки нафақадан» сўзлари чиқариб ташлансин;

ўн еттинчи ва ўн тўққизинчи хатбошиларидаги «бўлими бошлиғининг» сўзлари «ҳудудий бошқармасининг» сўзлари билан алмаштирилсин;

189-банддаги «интернат уйларида» сўзлари «Ижтимоий қўллаб-қувватлаш марказларида» сўзлари билан алмаштирилсин;

190-бандда :

биринчи хатбошидан «(нафақа олувчи)» ва «(нафақа)» сўзлари чиқариб ташлансин;

иккинчи ва учинчи хатбошидан «(нафақа олувчи сўзлари)» чиқариб ташлансин;

учинчи хатбошида :

«пенсионер ёки нафақа олувчига» сўзлари «пенсионерга» сўзи билан алмаштирилсин;

«нафақа» ва «(нафақа олувчига)» сўзлари чиқариб ташлансин;

тўртинчи хатбошидаги «нафақа» сўзи чиқариб ташлансин;

191-банднинг биринчи хатбошисидан «ёки нафақа олувчи» ва «(нафақа)» сўзлари чиқариб ташлансин;

191 1 -банднинг иккинчи хатбошисидаги «пенсионер ёки нафақа олувчининг» сўзлари «пенсионернинг» сўзлари билан алмаштирилсин;

191 2 -банднинг иккинчи хатбошисидаги , 196-банднинг ўн учинчи хатбошисидаги , 196 3 -банднинг ўнинчи хатбошисидаги «(нафақа олувчи)» сўзлари чиқариб ташлансин;

194-банд «вафот этган пенсия ёки нафақа олувчилар» сўзлари «Ўзбекистон Республикаси ташқарисига чиқиб кетган ҳамда вафот этган пенсионерлар» сўзлари билан алмаштирилсин;

196-банд :

учинчи ва саккизинчи хатбошлар «ўзгаришлар» сўзидан кейин «, муддатидан олдин пенсия тайинланганидан сўнг ишга киргани» сўзлари билан тўлдирилсин;

бешинчи хатбошидаги «нафақа,» сўзи чиқариб ташлансин;

ўн учинчи хатбошида :

«Пенсия ёки нафақадан» сўзлари «Пенсиядан» сўзи билан алмаштирилсин;

«пенсионер (нафақа олувчи)нинг» сўзлари «пенсионернинг» сўзи билан алмаштирилсин»;

ўн тўртинчи хатбошидаги «Пенсия ёки нафақадан» сўзлари «Пенсиядан чегирмалар» сўзлари билан алмаштирилсин;

196 2 -бандда :

бешинчи хатбошидаги «нафақа,» сўзи чиқариб ташлансин;

олтинчи хатбошидаги «ва нафақалардан» сўзлари чиқариб ташлансин;

196 3 -бандда :

тўртинчи хатбошидаги «ва нафақаларни» сўзлари чиқариб ташлансин»

ўнинчи хатбошида :

«Пенсия (нафақа)дан» сўзлари «Пенсиядан» сўзи билан алмаштирилсин;

«ва нафақалардан» сўзлари чиқариб ташлансин;

ўн иккинчи хатбошидан «ёки нафақасидан» сўзлари чиқариб ташлансин;

196 5 -банднинг ўн биринчи хатбошисидан «ва нафақасини» сўзлари чиқариб ташлансин;

197-банднинг биринчи хатбошиси қуйидаги таҳрирда баён этилсин:

«Пенсиялар тайинлаш ва тўлашни назорат қилиш Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ва Пенсия жамғармасининг ижро этувчи аппарати Ички аудит бўлими ҳамда ҳудудий бошқармалари Ички назорат, пенсия ва бошқа тўловларни тайинлаш мониторинги шуъбаси томонидан амалга оширилади.;

14-илованинг ариза матнида :

«нафақа,» сўзи чиқариб ташлансин;

«оила аъзолари таркиби» сўзларидан кейин «ишга жойлашганим,» сўзлари билан тўлдирилсин;

16-илованинг матни қуйидаги таҳрирда баён этилсин:

«202__ йилнинг ____________ ойи учун фуқароларга пенсия ва бошқа тўловларни молиялаштиришга

Жами шу жумладан: Пенсия Пенсионернинг вафоти муносабати билан олинмай қолган пенсия Меҳнат вазифаларини бажариш билан боғлиқ равишда ходим соғлигига етказилган зарар пули Озиқ-овқат маҳсулотлари ҳамда гигиена товарлари ўрнига қўшимча тўлов Уй-жой коммунал тўловлар бўйича ойлик компенсация сумма сони сумма сони сумма сони сумма сони сумма сони сумма » ;

17-иловадаги «18» рақами «16» рақами билан алмаштирилсин;

19-иловадаги «Мониторинг» сўзи «Ўрганиш» сўзи билан алмаштирилсин;

21-илова матнидаги «(нафақа)» сўзи чиқариб ташлансин;

22-илованинг матни қуйидаги таҳрирдаги баён этилсин:

Олд томони QR-код _______________ _______________ _______________ (раҳбар кўрсатмаси) Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси ________ (республика, вилоят, шаҳар) __________ туман (шаҳар) бўлими бошлиғига Фуқаро ____________________________________________________________________________ (Ф.И.О.) Манзили ___________________________________________________________________________ Туғилган санаси ____ паспорт (идентификацияловчи ID-карта) серияси ____ рақами ___________ Берилган вақти ________ ________________ __________________ ____ томонидан берилган. Телефон рақами ___________________ АРИЗА Менга қонунчилик ҳужжатларига асосан ёшга, ногиронликка, боқувчисини йўқотганликка доир пенсия тайинлашингизни (қайта ҳисоблаш, тиклаш, бошқа турдаги пенсияга ўтказиш, улушини ажратиш, яшаш манзили ўзгаргани муносабати билан ҳисобга қўйиш) сўрайман ( кераклигисининг тагига чизилсин ). Пенсияни ҳисоблаб чиқариш учун иш ҳақини (охирги ўн йиллик меҳнат фаолияти давомидаги исталган кетма-кет беш йилдаги) ______ йил ____ ойидан ______ йил ____ ойигача олишингизни сўрайман. Сизга маълум қиламанки, менга авваллари пенсия (нафақа) бошқа асосларга кўра ёки бошқа муассаса томонидан тайинланмаган, тайинланган ( кераклисининг тагига чизилсин ). Ҳозирги кунда ишлайман/ишламайман ( кераклисининг тагига чизилсин ). Иш жойи _____________________________ Менга пенсия нақд пул шаклида, тижорат банкининг пластик (банк) карточкаси, манзил-колонияси ( кераклигисининг тагига чизилсин ) орқали тўлансин. Қонунчилик ҳужжатларига асосан ҳар хил турдаги пенсия олиш ҳуқуқига эга бўлган шахсга фақатгина битта турдаги пенсия олиш мумкинлиги ҳамда пенсия тайинлаш муддати тўғрисида танишдим. Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси _______________ туман (шаҳар) бўлимининг тўлиқ давлат таъминотига ўтгани, оила аъзолари таркиби ўзгаргани, яшаш жойи ўзгаргани, ишга жойлашгани каби ўзгаришлар содир бўлганда ўз вақтида хабардор қилиш мажбуриятини оламан. Тақдим этилган ҳужжатларнинг ҳаққонийлигини кафолатлайман. Иш стажи ва иш ҳақи тўғрисидаги маълумотларни Халқ банки филиалига шахсий жамғарилиб бориладиган пенсия ҳисобварағига (ШЖБПҲ) киритилган жамғариб бориладиган мажбурий пенсия бадаллари орқали, шунингдек, пенсия ва нафақага оид шахсий маълумотларимни тегишли ташкилот ва идоралар орқали, шу жумладан, трансчегаравий узатиш орқали текширишга розилик бераман. 202 __ й. «___»_________ Ариза берувчи имзоси _____ қабул қилувчи имзоси _____

QR-код Паспорт (идентификацияловчи ID-карта) маълумотлари ва тақдим этилган ҳужжатлар текширилди. Ариза ва унга илова қилинган ҳужжатларни 202 ___ йил «____»________ қабул қилинди ва ___-сон билан қайд этилди. Пенсия тайинлаш учун етишмаётган ҳужжатлар Ҳужжат тақдим этишнинг сўнгги санаси ҳужжат номи тақдим этиш санаси Ариза берувчи имзоси ____________ Қабул қилувчи имзоси ____________

Орқа томони Аризага илова қилинган ҳужжатлар рўйхати Қўшимча тақдим этилган ҳужжатлар рўйхати Т/р Ҳужжат номи Сони Санаси Т/р Ҳужжат номи Сони Санаси 1. 1. 2. 2. 3. 3.

Фарзандлар тўғр и сида маълумот T/р Ф.И.О. Туғилган санаси 1. 2. 3. ... Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси _____________________ туман (шаҳар) бўлими пенсия тайинлаш бўйича комиссиясининг 202___ йил «___» _____________ даги _____-сон қарорининг қисқача мазмуни. _________________________________________________________________________________________ _________________________________________________________________________________________ _________________________________________________________________________________________ _____________________________________________________ Комиссия аъзолари имзолари:

Раис Аъзолар 1. 2. М.Ў. 3. 4. --------------------------------- кесиш чизиғи ----------------------------

QR-код Паспорт (идентификацияловчи ID-карта) маълумотлари ва тақдим этилган ҳужжатлар текширилди. Ариза ва унга илова қилинган ҳужжатларни 202__ йил «____» _________да қабул қилинди ва __________-сон билан қайд этилди. Пенсия тайинлаш учун етишмаётган ҳужжатлар Охирги ҳужжатни тақдим этиш санаси ҳужжат номи тақдим этиш санаси Аризачи имзоси ___________________ Қабул қилувчи имзоси _____________»;

23-илова гувоҳнома матнида :

«ёки нафақа» сўзлари чиқариб ташлансин;

«(Ногиронлик гуруҳи____)» жумласи билан тўлдирилсин;

қуйидаги мазмундаги 32 ва 33-иловалар билан тўлдирилсин:

«Давлат пенсияларини тайинлаш ва тўлаш тартиби тўғрисидаги низомга 32-ИЛОВА

Варақ № ____ 202 __ й. ______ ойи учун пенсиялар ва бошқа тўловларни етказиб бериш (топшириш) учун ______-сонли ҚАЙДНОМА QR код Пенсия ва бошқа тўловларни етказиб бериш (топшириш) юкланган ташкилот ёки тижорат банки _____________ филиали Ўзини ўзи бошқариш органи номи ______ Тўлов тури ______________

Т/р Пенсияга оид ҳужжатлар йиғма жилдининг рақами Фамилияси, исми, отасининг исми Манзили ва телефон рақами Паспорт (гувоҳнома, идентификация ID карта) серияси ва рақами Ўтган давр учун сумма Жорий ой учун сумма Тўлов учун жами Етказиб бериш (топшириш) санаси Олувчининг имзоси Етказиб берилмаганлик (топширилмаганлик) (коди) Тўловчининг имзоси

Давлат пенсияларини тайинлаш ва тўлаш тартиби тўғрисидаги низомга 33-ИЛОВА

Пенсия ва бошқа тўловларни етказиб бериш (топшириш) юкланган ташкилот ёки тижорат банки _____________ томонидан барча турдаги пенсия ва бошқа тўловлар тўланиши тўғрисида Иқтисодиёт ва молия вазирлиги ҳузуридаги бюджетдан ташқари Пенсия жамғармаси _________ бошқармаси билан 202___ йил ___. __________. ҳолатига тузилган

Т/р Тўлов тури Ҳисоб варақ Ой бошига қолдиқ Молиялашган маблағ миқдори Нақд пулда тўланган маблағ миқдори Банк хизмат ҳақи Қайтарилган маблағ миқдори Қолдиқ 1. Давлат пенсиялари, шу жумладан, фахрий унвонга сазовор бўлган пенсионерларга қўшимча ҳақ ва 100 ёшга тўлган ва ундан ошган фуқаролар пенсиясига ҳар ойлик қўшимча тўлов 22632%001 2. Уй-жой-коммунал хизматлари тўловлари харажатлари бўйича компенсация пул тўловлари 22632%005 3. Тугатилган ташкилотлар ходимларига уларнинг меҳнат вазифаларини бажариш билан боғлиқ ҳолда жароҳатланиши, касб касалликларига чалиниши ёки саломатликнинг бошқа хил шикастланиши туфайли етказилган зарар суммалари 22632%006 4. Автобензин сотиб олиш харажатлари учун пул компенсация тўловлари 22632%007 5. Бошқа тўловлар 22632%008 6. 1941 — 1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга бепул етказиб бериладиган озиқ-овқат маҳсулотлари ҳамда гигиена товарлари ўрнига ҳар ойлик қўшимча тўлов 22632%0011 Жами: 0,00 0,00 0,00 0,00 0,00 0,00 Пенсия ва бошқа тўловларни етказиб бериш (топшириш) юкланган ташкилот ёки тижорат банк филиали ёки бошқа ихтисослашган ташкилот ____________ вилоят бошлиғи: __________________ ______ ____________ _________________________________ (Ф.И.О.) ________________ (имзо) М.Ў. Пенсия ва бошқа тўловларни етказиб бериш (топшириш) юкланган ташкилот ёки тижорат банк филиали ёки бошқа ихтисослашган ташкилот _____________ вилоят бош бухгалтери: ______________ ______ _________ ______________________________________ ( Ф.И.О. ) _____________ (имзо) Пенсия ва бошқа тўловларни етказиб бериш (топшириш) юкланган ташкилот ёки тижорат банк филиали ёки бошқа ихтисослашган ташкилот _____________ вилоят Пенсия ва нафақалар тўлови билан ишлаш бўлими бошлиғи: _________________ ______ ______________ ______________________________________________________________________________ ( Ф.И.О. ) _________________ (имзо) Бюджетдан ташқари Пенсия жамғармаси _______________ бошқармаси бошлиғи: М.Ў. Бюджетдан ташқари Пенсия жамғармаси _______________ Пенсия ва бошқа тўловларни молиялаштириш шуъба мудири. ».

11. Вазирлар Маҳкамасининг «Аҳолини ижтимоий ҳимоя қилиш тизимини янада такомиллаштириш чора-тадбирлари тўғрисида» 2021 йил 21 октябрдаги 654-сон қарори қуйидаги мазмундаги 1 1 -банд билан тўлдирилсин:

«1 1 . Белгилансинки, пенсия ва нафақа олувчи фуқароларга уларнинг мобил алоқа воситаларига бепул қисқа СМС хабарлар юбориш орқали қуйидаги интерактив хизматлар кўрсатилади:

Ўзбекистон Республикаси Президентининг фармонлари ва қарорларига мувофиқ пенсия ва нафақалар оширилганлиги тўғрисида маълумот юбориш;

пенсия ва нафақа олувчига унинг пенсия ёки нафақаси банк картаси орқали ўтказилганлиги тўғрисида хабардор қилиш;

фуқароларга пенсия, нафақа ва бошқа тўловлар таъминоти тўғрисида маълумот юбориш;

пенсия ва нафақалар миқдори, тўлаш шакли ва тайинлаш муддатлари тўғрисида уларнинг шахсий сўровларига кўра маълум қисқа рақамларга маълумот бериш.».

Вазирлар Маҳкамасининг 2024 йил 29 октябрдаги 714-сон қарорига 2-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

1. Вазирлар Маҳкамасининг «Аҳолини ижтимоий муҳофаза қилиш тизимини идоралараро электрон ўзаро ҳамкорликни қўллаган ҳолда такомиллаштириш чора-тадбирлари тўғрисида» 2019 йил 13 апрелдаги 308-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг 2019 йил 21 майдаги «Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида»ги ПФ-5723-сон Фармони)» 2019 йил 28 декабрдаги 1046-сон қарорига илованинг 285-банди .

3. Вазирлар Маҳкамасининг «Вазирлар Маҳкамасининг «Аҳолини ижтимоий муҳофаза қилиш тизимини идоралараро электрон ўзаро ҳамкорликни қўллаган ҳолда такомиллаштириш чора-тадбирлари тўғрисида» 2019 йил 13 апрелдаги 308-сон қарорига ўзгартириш ва қўшимчалар киритиш тўғрисида» 2020 йил 15 майдаги 286-сон қарори .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида» 2020 йил 18 февралдаги ПФ-5938-сон Фармони)» 2020 йил 19 июндаги 391-сон қарорига илованинг 19-банди .

5. Вазирлар Маҳкамасининг «Ўзбекистон Республикасида чет эл фуқаролари ва фуқаролиги бўлмаган шахсларни рўйхатга олиш тартибини соддалаштириш чора-тадбирлари тўғрисида» 2020 йил 28 сентябрдаги 593-сон қарорига 4-илованинг 74-банди .

6. Вазирлар Маҳкамасининг «Аҳолини ижтимоий ҳимоя қилиш тизимини янада такомиллаштириш ҳамда соҳага замонавий ахборот-коммуникация технологияларини кенг жорий этиш чора-тадбирлари тўғрисида» 2021 йил 5 мартдаги 122-сон қарорининг 14-банди .

7. Вазирлар Маҳкамасининг «Тиббий-ижтимоий экспертиза хизмати ташкилий тузилмасини ва фаолиятини ташкил этишга оид норматив-ҳуқуқий ҳужжатларни тасдиқлаш тўғрисида» 2022 йил 8 февралдаги 62-сон қарорига 12-илованинг 92-банди .

8. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 598-банди .

9. Вазирлар Маҳкамасининг «Ўзбекистон Республикаси Молия вазирлиги ҳузуридаги Давлат молиявий назорати инспекцияси фаолиятини ташкил этиш чора-тадбирлари тўғрисида» 2022 йил 5 августдаги 431-сон қарорига 3-илованинг 37-банди .

Ўзбекистон Республикасининг Бош вазири А. АРИПОВ

Тошкент ш.,

2024 йил 29 октябрь,

714-сон

(Қонунчилик маълумотлари миллий базаси, 30.10.2024 й., 09/24/714/0865-сон; 13.10.2025 й., 09/25/637/0926-сон ; 23.09.2026 й., 09/26/505/0960-сон)

lex.uz

Oʻzbekiston Respublikasi Vazirlar Mahkamasining

qarori

TALABNOMA

SOLISHTIRMA DALOLATNOMA

ROʻYXATI

Fuqarolarni ijtimoiy himoya qilish sohasidagi qonunchilik hujjatlari takomillashtirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida

Oʻzbekiston Respublikasining “Oʻzbekiston Respublikasining ayrim qonun hujjatlariga fuqarolarning ijtimoiy himoyasini yanada kuchaytirishga qaratilgan oʻzgartirish va qoʻshimchalar kiritish toʻgʻrisida” 2024-yil 18-martdagi OʻRQ-922-son Qonuni ijrosini taʼminlash, shuningdek, fuqarolarni ijtimoiy himoya qilish sohasidagi qonunchilik hujjatlarini oʻzaro muvofiqlashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

pensiyalarni tayinlash hamda toʻlash tartiblarini raqamlashtirish orqali ortiqcha byurokratik toʻsiqlarni bartaraf etish;

pensiya tayinlanganligi toʻgʻrisida qogʻoz koʻrinishidagi guvohnoma berish amaliyoti bekor qilinganligi munosabati bilan maxsus axborot tizimi orqali elektron shaklda maʼlumotlarni shakllantirish;

pensiya miqdorlarini tovarlar va xizmatlarning isteʼmol narxlari indeksi darajasini hisobga olgan holda indeksatsiya qilib borish;

maʼmuriy islohotlardan kelib chiqib, vazirlik va idoralarning nomlari hamda vazifalariga tuzatishlar kiritish.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2024-yil 29-oktabrdagi 714-son qaroriga 1-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

3. Vazirlar Mahkamasining “Yadro poligonlarida va boshqa radiatsiya-yadro obyektlarida harbiy xizmatni oʻtagan pensiya yoshidagi shaxslarni ijtimoiy qoʻllab-quvvatlashni taʼminlash chora-tadbirlari toʻgʻrisida” 2002-yil 31-maydagi 188-son qarorning 3-bandidagi “Moliya” soʻzi “Iqtisodiyot va moliya” soʻzlari bilan almashtirilsin.

4. Vazirlar Mahkamasining 2004-yil 21-dekabrdagi 595-son qarori bilan tasdiqlangan Fuqarolarning shaxsiy jamgʻarib boriladigan pensiya hisobvaraqlaridan mablagʻ toʻlash tartibi toʻgʻrisidagi nizomda :

II boʻlim oʻz kuchini yoʻqotgan deb hisoblansin;

12-bandning oʻn birinchi xatboshisi , 22 va 23-bandlardagi “Moliya” soʻzi “Iqtisodiyot va moliya” soʻzlari bilan almashtirilsin;

14-band quyidagi tahrirda bayon etilsin:

“14. Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasining “Pensiya” axborot tizimi orqali AT “Xalq banki”ning axborot tizimiga fuqaroga pensiya tayinlangani toʻgʻrisida elektron shaklda maʼlumotlar yuboriladi.

Fuqaroning yashash joyidagi AT “Xalq banki”ning filiali pensiya tayinlanganligi toʻgʻrisida axborot tizimi orqali kelib tushgan maʼlumotlar asosida qoʻshimcha hujjat talab etmagan holda proaktiv shaklda jamgʻarib boriladigan pensiya tizimidagi mablagʻlarini fuqaroning bank kartasiga (mavjud boʻlganda) yoki AT “Xalq banki”ning istalgan filialiga murojaat qilish orqali naqd pulda toʻlab beradi.

Bunda AT “Xalq banki” fuqaroni jamgʻarib boriladigan pensiya tizimidagi mablagʻlarini olish huquqi paydo boʻlgani toʻgʻrisida xabardor qiladi”;

22-banddagi “Moliya” soʻzi “Bosh prokuraturasi huzuridagi Iqtisodiy jinoyatlarga qarshi kurashish departamenti” soʻzlari bilan almashtirilsin;

1 va 2-ilovalar oʻz kuchini yoʻqotgan deb hisoblansin.

5. Vazirlar Mahkamasining “Faxriy unvonlar egalariga toʻlovlarni tayinlash va amalga oshirish tartibi toʻgʻrisidagi nizomni tasdiqlash haqida” 2008-yil 3-yanvardagi 2-son qarorida :

2-banddagi “Moliya” soʻzi “Iqtisodiyot va moliya” soʻzlari bilan almashtirilsin;

ilovada :

5-bandining toʻrtinchi xatboshi quyidagi tahrirda bayon etilsin:

“Pensionerlarga — Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi mablagʻlari hisobidan yashash joyidagi Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi boʻlimlari orqali toʻlanadi. Bunda respublika budjeti hisobidan pensiya oluvchi pensionerlarga faxriy unvonlar uchun har oylik toʻlovlar pensiya tayinlangan tashkilot orqali respublika budjeti mablagʻlari hisobidan pensiya toʻlash tartib va muddatlarda toʻlanadi”.

6. Vazirlar Mahkamasining 2009-yil 24-iyundagi 177-son qarori bilan tasdiqlangan Ish beruvchining fuqarolik javobgarligini majburiy sugʻurta qilish qoidalarining 73-bandi ikkinchi xatboshisi va 6-ilovadagi “Moliya” soʻzi “Iqtisodiyot va moliya” soʻzlari bilan almashtirilsin.

7. Vazirlar Mahkamasining 2010-yil 19-fevraldagi 30-son qarori bilan tasdiqlangan Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi toʻgʻrisidagi nizomda :

birinchi — toʻqqizinchi boblar nomidagi “I.”, “II”, “III”, “IV”, “V”, “VI”, “VII”, “VIII” va “IX” raqamlar tegishli ravishda “1-bob.”, “2-bob.”, “3-bob.”, “4-bob.”, “5-bob.”, “6-bob.”, “7-bob.”, 8-bob.”, va “9-bob.” soʻzlari bilan almashtirilsin;

1 , 7-bandning ikkinchi xatboshisidagi , 18-bandning birinchi xatboshisidagi , 35 , 36 , 39 va 41-bandlardagi “ijtimoiy nafaqalar,” soʻzlari chiqarib tashlansin;

7-bandning oltinchi xatboshi “Qonunining” soʻzidan keyin “(keyingi oʻrinlarda — Qonun deb ataladi)” soʻzlari bilan toʻldirilsin;

8-band quyidagi tahrirda bayon etilsin;

“8. Jamgʻarma oʻziga yuklangan vazifalarga muvofiq quyidagi funksiyalarni amalga oshiradi:

a) Jamgʻarmaning daromadlari boʻyicha:

Jamgʻarma ijtimoiy soliq va boshqa toʻlovlardan tushgan mablagʻlarni Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasi (keyingi oʻrinlarda Gʻaznachilik deb ataladi) hisobraqamiga jamlaydi hamda pensiyalar, kompensatsiya va boshqa toʻlovlar boʻyicha xarajatlarni moliyalashtirishga yoʻnaltirishni taʼminlaydi. Bunda, kompensatsiya va boshqa toʻlovlarni respublika budjeti mablagʻlari hisobidan moliyalashtiradi;

har yili manfaatdor vazirliklar va idoralar bilan birgalikda Jamgʻarma daromadlari tushumlar prognozini ishlab chiqadi;

davlat ijtimoiy sugʻurtasi tizimining barqarorligini taʼminlash va uni yanada takomillashtirish boʻyicha chora-tadbirlar ishlab chiqish maqsadida Jamgʻarma daromadlari va xarajatlarining oʻrtacha va uzoq muddatli prognozlarini tayyorlaydi;

boquvchisini yoʻqotgan taqdirda, shuningdek, mehnatda mayib boʻlganlik yoki xodim mehnat majburiyatlarini bajarishi bilan bogʻliq kasb kasalligi oqibatidagi nogironlik tufayli tayinlangan pensiyalarga sarflangan mablagʻlarni Qonunga muvofiq aybdor yuridik va jismoniy shaxslardan regress daʼvolar boʻyicha belgilangan tartibda undirib oladi;

Qonunning 12-moddasi “b” bandi va 14-moddasiga muvofiq tayinlangan pensiyalarni toʻlashga sarflangan mablagʻlarni yuridik shaxslardan regress daʼvolar boʻyicha belgilangan tartibda undirib oladi;

ijtimoiy soliq va boshqa toʻlovlar tushishi hisobini olib boradi;

b) pensiyalarni tayinlash hamda qayta hisoblab chiqish boʻyicha:

pensiyalarni tayinlash va qayta hisoblab chiqish uchun zarur boʻlgan arizalar va boshqa hujjatlarni qabul qiladi, ularni qonun hujjatlariga muvofiq rasmiylashtiradi;

pensiyalarni tayinlash uchun yuridik shaxslar va fuqarolar tomonidan taqdim etilgan hujjatlarni belgilangan tartibda tayyorlaydi, koʻrib chiqadi va tekshiradi;

Jamgʻarmaning tuman (shahar) boʻlimlarida pensiyalar tayinlash boʻyicha komissiyalar faoliyatini tashkil etadi;

pensionerlarning pensiya ishlarini qonun hujjatlarida nazarda tutilgan boshqa hujjatlarni rasmiylashtiradi, pensionerlarga pensiya guvohnomalarini beradi;

pensiyalar tayinlash uchun hujjatlarni rasmiylashtirishning qonun hujjatlarida belgilangan tartibiga rioya etilishini nazorat qiladi;

tashkilotlar, yakka tartibdagi tadbirkorlar, oʻzini oʻzi band qilgan shaxslar va dehqon xoʻjaliklari aʼzolari tomonidan taqdim etilgan pensiyalar olish huquqini beradigan hujjatlarning ishonchliligini tekshiradi;

v) pensiyalar, kompensatsiya va boshqa toʻlovlarga xarajatlarni amalga oshirish boʻyicha:

pensiyalarni hisoblab chiqish boʻyicha operatsiyalarni amalga oshiradi, pensiyani yetkazib berish yuklatilgan tijorat banklari filiallari orqali pensiyalar toʻlash yuzasidan topshiriqlarni rasmiylashtiradi va beradi;

pensiyani yetkazib berish (topshirish) yuklangan tashkilot, banklar tomonidan pensiyalarning oʻz vaqtida va toʻgʻri yetkazib berilishi hamda toʻlanishi yuzasidan doimiy oʻrganishni va nazoratni amalga oshiradi;

tashkilotlarning ishlaydigan 16 yoshgacha nogironligi boʻlgan bolaning ota-onalaridan biriga (vasiyga, homiyga) bir oyda qoʻshimcha dam olish kuni uchun toʻlov, Chernobil halokati oqibatida zarar koʻrgan fuqarolarga kompensatsiya toʻlovlarini va qonun hujjatlarida nazarda tutilgan boshqa toʻlovlarga xarajatlarini moliyalashtiradi;

g) fuqarolarning pensiya taʼminoti bilan bogʻliq boshqa masalalar boʻyicha:

ommaviy axborot vositalari yordamida respublika aholisini fuqarolarning pensiya taʼminoti masalalari boʻyicha xabardor qiladi;

belgilangan tartibda tayinlangan shaxsiy pensiyalar toʻlanishini tashkil etadi;

imtiyozli pensiya taʼminoti huquqini beradigan ishlab chiqarishlar, ishlar, kasblar, lavozimlar va koʻrsatkichlar roʻyxatlarini qoʻllash masalalari boʻyicha davlat va xoʻjalik boshqaruvi organlari bilan oʻzaro hamkorlik qiladi, imtiyozli pensiyalarni takomillashtirish va tartibga solish boʻyicha takliflar ishlab chiqilishini tashkil etadi;

jismoniy shaxslar va yuridik shaxslarning murojaatlarini qonun hujjatlarida belgilangan muddatlarda koʻrib chiqadi, jismoniy shaxslarni va yuridik shaxslarning vakillarini qabul qiladi;

pensiya va boshqa toʻlovlarni yetkazib berish (topshirish) yuklangan tashkilot va tijorat banklarida pensiya va boshqa toʻlovlarning oʻz vaqtida toʻlanishi boʻyicha oʻrganishni olib boradi;

normativ-huquqiy hujjatlar loyihalarini ishlab chiqishda qatnashadi, fuqarolarning pensiya taʼminoti masalalari boʻyicha zamonaviy nazariy ishlanmalarni va xorijiy tajribani oʻrganadi;

Jamgʻarmaning mablagʻlarini oluvchilar, pensiyalar tayinlash va toʻlash toʻgʻrisidagi axborotni ishlab chiqishda qatnashadi va avtomatlashtirilgan tizimda qayta ishlashni joriy etadi;

pensiya taʼminoti masalalari boʻyicha davlat organlari va boshqa tashkilotlar bilan oʻzaro hamkorlik qiladi;

Jamgʻarma vakolatiga tegishli boʻlgan masalalar boʻyicha qonunchilik hujjatlarini qoʻllash amaliyotini umumlashtiradi;

pensiya taʼminoti masalalari va Jamgʻarmaning vakolatiga tegishli boʻlgan boshqa masalalar boʻyicha xodimlarni qayta tayyorlash va ularning malakasini oshirish tadbirlarini amalga oshiradi;

d) Jamgʻarma vakolatiga tegishli masalalar boʻyicha eʼtiroz-daʼvo ishlari oʻtkazilishini tashkil etadi va amalga oshiradi”;

10-bandning “b” kichik bandidagi tegishli kelishikdagi “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuni” va “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunining” soʻzlari “Qonunga” va “Qonunning” soʻzi bilan almashtirilsin;

12-bandning birinchi xatboshisi quyidagi tahrirda bayon etilsin:

“Oʻzbekiston Respublikasi Vazirlar Mahkamasi huzuridagi Soliq qoʻmitasi (keyingi oʻrinlarda — Soliq qoʻmitasi) va hududiy soliq organlari:”;

13-banddagi “Oʻzbekiston Respublikasi Iqtisodiyot va moliya vazirligi huzuridagi” soʻzlari chiqarib tashlansin;

IV bobning nomi quyidagi tahrirda bayon etilsin:

“4-bob. Pensiyalar, kompensatsiya toʻlovlari va boshqa toʻlovlarni moliyalashtirish tartibi”;

14-bandda :

uchinchi xatboshidagi “18” raqami “16” raqami bilan almashtirilsin;

quyidagi mazmundagi toʻrtinchi — oltinchi xatboshilar bilan toʻldirilsin:

“Pensiya jamgʻarmasi hisobida turuvchi 100 yoshga toʻlgan va undan oshgan pensiya oluvchilarga har oyda toʻlanadigan qoʻshimcha toʻlov;

1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul yetkazib beriladigan oziq-ovqat mahsulotlari hamda gigiyena tovarlari oʻrniga qoʻshimcha toʻlov;

fuqarolarga pensiya va boshqa toʻlovlarni naqd pul shaklda yetkazib bergani uchun pensiyani yetkazib berish (topshirish) yuklangan tashkilotga xizmat haqi;”;

toʻrtinchi — oltinchi xatboshilar tegishlicha oltinchi — sakkizinchi xatboshilar deb hisoblansin;

15-bandda :

“ijtimoiy nafaqalar va” soʻzlari chiqarib tashlansin;

“boʻlinmalari va boʻlinmalarida” soʻzlari tegishli kelishikdagi “boshqarmalari” va “hududiy boshqarmalarida” soʻzlari bilan almashtirilsin;

16-band quyidagi tahrirda bayon etilsin:

“16. Jamgʻarmaning hududiy boshqarmalari toʻlov toʻlanadigan har bir oyning 15-kunigacha fuqarolarga pensiyalar, kompensatsiya toʻlovlari va boshqa toʻlovlar toʻlash uchun mablagʻlarga boʻlgan ehtiyoj hajmini axborot tizim orqali tasdiqlaydi hamda Jamgʻarmaning ijro etuvchi apparatiga buyurtmanoma taqdim etadi.

Bunda Pensiya jamgʻarmasining hududiy boshqarmalari pensiyalar, kompensatsiya toʻlovlari va boshqa toʻlovlar uchun mablagʻlarga boʻlgan ehtiyoj hajmini Pensiya jamgʻarmasining hududiy boʻlimlari tomonidan axborot tizimlari orqali taqdim etilgan qaydnomalar asosida belgilaydi.”;

18-bandning ikkinchi xatboshisida :

“18” raqami “16” raqami bilan almashtirilsin;

“ota-onalaridan biriga” soʻzlaridan keyin “(vasiyga, homiyga)” soʻzlari bilan toʻldirilsin;

20-band oʻz kuchini yoʻqotgan deb hisoblansin;

22-bandning ikkinchi xatboshidagi “Oʻzbekiston Respublikasi Iqtisodiyot va moliya vazirligi huzuridagi” soʻzlari chiqarib tashlansin;

23-bandning ikkinchi xatboshisidagi “davlat” soʻzi chiqarib tashlansin;

26-bandda :

birinchi xatboshi quyidagi tahrirda bayon etilsin:

“Jamgʻarmaning Kuzatuv kengashi quyidagi vakolatlarga ega:”;

beshinchi xatboshidagi “Oʻzbekiston Respublikasi Iqtisodiyot va moliya vazirligi huzuridagi” soʻzlari chiqarib tashlansin;

27-banddagi “Prezidentining hujjatlari bilan” soʻzlari “Iqtisodiyot va moliya vazirining buyruqlari bilan” soʻzlari bilan almashtirilsin;

29 va 30-bandlar quyidagi tahrirda bayon etilsin:

“29. Jamgʻarmaning Qoraqalpogʻiston Respublikasi, viloyatlar va Toshkent shahar boshqarmasi boshligʻi lavozimiga nomzodlar qonunchilikda belgilangan tartibda ochiq mustaqil tanlov asosida Iqtisodiyot va moliya vazirligining buyrugʻiga muvofiq ishga qabul qilinadi.

Jamgʻarma ijro etuvchi apparatiga nomzodlar (ushbu Nizomning 28-bandida belgilangan qoidalar bundan mustasno) qonunchilikda belgilangan tartibda ochiq mustaqil tanlov asosida Jamgʻarma ijro etuvchi direktorning buyrugʻiga muvofiq ishga qabul qilinadi.

Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlari oʻrinbosarlari hamda Jamgʻarmaning tuman (shahar) boʻlimi boshligʻi lavozimiga nomzodlar qonunchilikda belgilangan tartibda ochiq mustaqil tanlov asosida Jamgʻarma ijro etuvchi direktorining buyrugʻiga muvofiq ishga qabul qilinadi.

Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari hamda Jamgʻarmaning tuman (shahar) boʻlimlari xodimlari qonunchilikda belgilangan tartibda ochiq mustaqil tanlov asosida Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshligʻi buyrugʻiga muvofiq ishga qabul qilinadi.

30. Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlari Jamgʻarmaning ijro etuvchi direktori taqdimnomasiga, shuningdek, qonunchilikda belgilangan boshqa holatlar asosida Iqtisodiyot va moliya vazirligining buyrugʻi asosida lavozimdan ozod etiladi.

Jamgʻarmaning ijro etuvchi apparati xodimlari (ushbu Nizomning 28-bandda belgilangan qoidalar bundan mustasno) qonunchilikda belgilangan tartibda Jamgʻarmaning ijro etuvchi direktori tomonidan lavozimidan ozod etiladi.

Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlarining oʻrinbosarlari hamda Jamgʻarmaning tuman (shahar) boʻlimlari boshliqlari Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlarining taqdimnomasiga, shuningdek, qonunchilikda belgilangan boshqa holatlar asosida Jamgʻarmaning ijro etuvchi direktori tomonidan lavozimidan ozod etiladi.

Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari hamda Jamgʻarmaning tuman (shahar) boʻlimlari xodimlari qonunchilikda belgilangan asosda Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlari tomonidan lavozimidan ozod etiladi”;

33-bandning oltinchi xatboshisidagi “lavozimiga tayinlaydi va lavozimidan ozod qiladi hamda ularning” soʻzlari chiqarib tashlansin;

34-bandning ikkinchi xatboshisidagi “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga” soʻzlari “Qonunga” soʻzi bilan almashtirilsin;

40-band quyidagi tahrirda bayon etilsin:

“40. Pensiyalar, kompensatsiya toʻlovlari va boshqa toʻlovlarning toʻgʻri tayinlanishi va toʻlanishini, shuningdek Jamgʻarma mablagʻlaridan maqsadli foydalanilishini nazorat qilish Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti va uning hududiy boshqarmalari va Pensiya jamgʻarmasining ijro etuvchi apparati Ichki audit boʻlimi hamda hududiy boshqarmalari Ichki nazorat, pensiya va boshqa toʻlovlarni tayinlash monitoringi shuʼbasi tomonidan amalga oshiriladi.”.

8. Vazirlar Mahkamasining 2014-yil 24-dekabrdagi 361-son qarori bilan tasdiqlangan 1941 — 1945-yillardagi urush va mehnat fronti faxriylarini Oʻzbekiston Respublikasi Prezidenti huzuridagi Ijtimoiy himoya milliy agentligiga, Oʻzbekiston Kasaba uyushmalari federatsiyasi Kengashiga hamda davlat va xoʻjalik boshqaruvi organlariga qarashli sanatoriy-sogʻlomlashtirish muassasalarida sogʻlomlashtirish tartibi toʻgʻrisidagi nizomda :

6-banddagi tegishli kelishikdagi “Moliya vazirligi huzuridagi Budjetdan tashqari pensiya jamgʻarmasining” soʻzlari tegishli kelishikdagi “Iqtisodiyot va moliya vazirligi huzuridagi budjetdan tashqari Pensiya jamgʻarmasining” soʻzlari bilan almashtirilsin;

28-banddagi tegishli kelishikdagi “Moliya vazirligi” soʻzlari tegishli kelishikdagi “Iqtisodiyot va moliya vazirligi” soʻzlari bilan almashtirilsin.

9. Vazirlar Mahkamasining 2021-yil 4-martdagi 120-son qarori bilan tasdiqlangan Oʻzbekiston Respublikasi davlat mukofotlari berilgan shaxslarga bir yoʻla toʻlanadigan pul mukofotlarini toʻlashga mablagʻlar ajratish va toʻlash tartibi toʻgʻrisidagi nizomning 6-bandi quyidagi tahrirda bayon etilsin:

“6. “Oʻzbekiston Qahramoni” unvoni bilan taqdirlangan shaxslar ish haqi yoki pensiyasiga qoʻshimcha ravishda quyidagi mablagʻlar hisobidan har oyda bazaviy hisoblash miqdorida ustama haq oladilar:

ishlovchilar (ushbu bandning uchinchi va toʻrtinchi xatboshisi mustasno) ish haqiga qoʻshimcha ravishda ish beruvchi mablagʻlari hisobidan;

davlat budjeti hisobidan pensiya oluvchi pensionerlarga pensiya tayinlangan tashkilot orqali Davlat budjeti mablagʻlari hisobidan;

Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasining pensionerlari Pensiya jamgʻarmasi mablagʻlari hisobidan.”.

10. Vazirlar Mahkamasining 2022-yil 13-oktabrdagi 592-son qarori bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomda :

2-bandda :

ikkinchi xatboshi “jismoniy shaxs,” soʻzlaridan keyin “yakka tartibdagi” soʻzlari bilan toʻldirilsin;

quyidagi mazmundagi sakkizinchi xatboshi bilan toʻldirilsin:

“pensiya va boshqa toʻlovlar — davlat pensiyalari, shuningdek, faxriy unvonga sazovor boʻlgan pensionerlarga qoʻshimcha haq, belgilangan yoshga doir eng kam pensiya miqdorida va undan kam miqdorda pensiya oluvchi shaxslarga va 100 yoshga toʻlgan va undan oshgan fuqarolar pensiyasiga har oylik qoʻshimcha toʻlovlar, uy-joy kommunal xizmatlari toʻlovlari hamda avtobenzin sotib olish xarajatlari uchun har oylik pul kompensatsiya toʻlovlari, 1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga, oylik qoʻshimcha toʻlov, Chernobil halokatidan ziyon koʻrgan Oʻzbekiston Respublikasida istiqomat qiluvchi fuqarolarga va 1941 — 1945-yillardagi urush qatnashchilariga har yili sanatoriylarda sogʻlomlashtirish kursini olish oʻrniga yoʻllanmaning oʻrtacha qiymatiga teng kompensatsiya toʻlovlari, Chernobil halokatidan ziyon koʻrgan Oʻzbekiston Respublikasida istiqomat qiluvchi fuqarolarga va yadro poligonlari hamda boshqa radiatsiya-yadro obyektlarida harbiy xizmatni oʻtagan pensiya yoshidagi shaxslarga yillik bir yoʻla moddiy yordam pullari, 1941 — 1945-yillardagi urush qatnashchilari va nogironligi boʻlgan shaxslarga yillik bir martalik pul mukofotlari, 1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul yetkazib beriladigan zarur kiyim-kechak va poyabzallar oʻrniga kiyim-kechak xaridi uchun har yili avgust oyida toʻlanadigan kompensatsiya puli, pensiyalardan aliment toʻlovlari, oʻrnatilgan tartibda tugatilgan tashkilotlar xodimlariga ularning mehnat vazifalarini bajarish bilan bogʻliq holda jarohatlanishi, kasb kasalliklariga chalinishi yoki salomatlikning boshqa xil shikastlanishi tufayli yetkazilgan zarar summalari”;

sakkizinchi va oʻn beshinchi xatboshilar tegishlicha toʻqqizinchi va oʻn oltinchi xatboshilar deb hisoblansin;

quyidagi mazmundagi oʻn birinchi xatboshi bilan toʻldirilsin:

“axborot tizimi — Pensiya jamgʻarmasi axborotni toʻplash, saqlash, izlash, unga ishlov berish hamda undan foydalanish imkonini beradigan, tashkiliy jihatdan tartibga solingan jami axborot resurslari, axborot texnologiyalari va aloqa vositalari”;

oʻn birinchi — oʻn oltinchi xatboshilar tegishlicha oʻn ikkinchi — oʻn yettinchi xatboshilar deb hisoblansin;

oʻn beshinchi xatboshidagi “(yotoqxona, pansionat, yolgʻiz keksalar uchun maxsus uy, nogironligi boʻlgan shaxslar, faxriylar uchun internat uy va boshqalar)” soʻzlari “(yotoqxona, yolgʻiz keksalar, nogironligi boʻlgan shaxslar, faxriylar uchun Ijtimoiy qoʻllab-quvvatlash markazlari va boshqalar)” soʻzlari bilan almashtirilsin;

oʻn yettinchi xatboshidagi “va/yoki nafaqa oluvchining” hamda “va/yoki nafaqa” soʻzlari chiqarib tashlansin;

quyidagi mazmundagi oʻn sakkizinchi — yigirmanchi xatboshilar bilan toʻldirilsin:

“pensiya va boshqa toʻlovlarni yetkazib berish (topshirish) davri — pensiya va boshqa toʻlovlarni yetkazib berish (topshirish) amalga oshiriladigan joriy toʻlov oyining toʻrtinchidan yigirma yettinchi sanasigacha boʻlgan davr;

pensiya va boshqa toʻlovlarni yetkazib berish uchastkasi — fuqarolarning oʻzini oʻzi boshqarish organlari binolari, pensiya oluvchilar tomonidan pensiya va boshqa toʻlovlarni olishi uchun qulay boʻlgan boshqa maʼmuriy binolar;

sayyor kassa — kassa tarmogʻidan tashqarida, pensiya va boshqa toʻlovlarni yetkazib berish (topshirish) yuklangan tashkilot yoki tijorat bankining maxsus avtomashinasi yordamida aholi yashash joyiga chiqqan holda pensiya va boshqa toʻlovlarni tarqatish hamda kommunal va boshqa turdagi toʻlovlarni qabul qilish uchun tashkil qilingan yetkazib berish yuklatilgan tijorat bank kassasi.”;

5-bandning ikkinchi xatboshisidagi “pensiya tayinlash uchun taqdimnomani rasmiylashtiradi va” soʻzlari chiqarib tashlansin;

6-band quyidagi tahrirda bayon etilsin:

“6. Tashkilot maʼmuriyati xodim pensiya yoshiga yetgan kundan kechiktirmay uning pensiya olish huquqiga ega boʻlganini bildirishga majbur.

Tashkilot maʼmuriyati qonunchilikka muvofiq xodimning pensiya tayinlash uchun zarur boʻlgan maʼlumotlarni (mehnat staji, ish haqi va boshqalar) “YAMMT” IDAKga kiritishi va zarur hujjatlarni rasmiylashtirishi lozim.

Shaxs pensiya tayinlashni soʻrab yashash joyidagi Pensiya jamgʻarmasi boʻlimiga ushbu Nizomga 22-ilovaga muvofiq shakldagi arizani toʻldirgan holda, shuningdek, Davlat xizmatlari markazi orqali yoki YIDXPdan roʻyxatdan oʻtib ushbu Nizomga 28-ilovaga muvofiq shakl boʻyicha soʻrovnoma toʻldirgan holda murojaat qilish huquqiga ega.

Davlat xizmatlari markazi orqali yoki YIDXPdan roʻyxatdan oʻtgan holda pensiya tayinlashni soʻrab ushbu Nizomga 29 — 31-ilovalarga muvofiq sxemalar asosida murojaat qilinadi.”;

8-bandning birinchi xatboshisi quyidagi tahrirda bayon etilsin:

“8. Manzil-koloniyalarda jazoni oʻtayotgan, ozodlikdan mahrum etishga hukm qilingan shaxslar pensiya tayinlash yoki qayta hisoblash toʻgʻrisida bevosita manzil-koloniya joylashgan joydagi Pensiya jamgʻarmasi boʻlimiga ushbu Nizomga 22-ilovaga muvofiq shakldagi arizani toʻldirgan holda murojaat qilish, shuningdek, pensiya tayinlashni soʻrab davlat xizmatini koʻrsatish xizmatidan foydalangan holda ushbu Nizomga 28-ilovaga muvofiq shaklda soʻrovnomani toʻldirgan holda murojaat qilish huquqiga ega”;

10-band quyidagi mazmundagi yettinchi, sakkizinchi va toʻqqizinchi xatboshilar bilan toʻldirilsin:

“Agar ariza pochta orqali yuborilsa va bunda barcha zarur hujjatlar ham ilova qilingan boʻlsa, ushbu arizani joʻnatishning pochta shtempelida koʻrsatilgan sanasi pensiya soʻrab murojaat etilgan kun hisoblanadi.

Arizaga barcha zarur hujjatlar ilova qilinmagan hollarda Pensiya jamgʻarmasi boʻlimi qoʻshimcha yana qanday hujjatlar taqdim etilishi lozimligi toʻgʻrisida 5 kunlik muddatda yozma ravishda va ariza beruvchining mobil telefon raqamiga “SMS” xabarnomani yuborgan holda maʼlum qiladi. Agar ular qoʻshimcha hujjatlar taqdim etilishi lozimligi toʻgʻrisida xabarnoma olingan kundan boshlab uch oydan kechikmay taqdim etilsa, pensiya tayinlash toʻgʻrisidagi ariza qabul qilingan kun pensiya tayinlash uchun murojaat qilingan kun hisoblanadi.

Pensiya jamgʻarmasi boʻlimi shaxsga pensiya tayinlash (qayta hisoblash) masalalari boʻyicha tushuntirishlar hamda maʼlumotlar berishi shart”;

11-bandning birinchi xatboshisidagi “shubha paydo boʻlgan taqdirda,” soʻzlari chiqarib tashlansin;

12-bandda :

“k” kichik banddagi tegishli kelishikdagi “Aholi bandligiga koʻmaklashish markazining” soʻzlari tegishli kelishikdagi “Kambagʻallikni qisqartirish va bandlikka koʻmaklashish boʻlimining” soʻzlari bilan almashtirilsin;

oʻn oltinchi xatboshi quyidagi tahrirda bayon etilsin:

“Mazkur bandda nazarda tutilgan hujjatlar hamda maʼlumotlar vazirlik va idoralarning axborot tizimlarida mavjud boʻlgan hollarda pensiya tayinlash uchun murojaat qilgan shaxsning arizasiga ilova qilinmaydi.”;

15-bandning “b” kichik bandidagi tegishli kelishikdagi “Iqtisodiyot va moliya vazirligi” soʻzlari tegishli kelishikdagi “Vazirlar Mahkamasi” soʻzlari bilan almashtirilsin;

17-bandda :

birinchi xatboshi quyidagi tahrirda bayon etilsin:

“17. Pensiya jamgʻarmasi boʻlimiga pensiya tayinlashni soʻrab murojaat qilishda pensiya tayinlanayotgan shaxsning pasporti yoki xorijga chiqish biometrik pasporti yoxud identifikatsiyalovchi ID-karta, istiqomat uchun berilgan guvohnoma taqdim etilishi kerak”;

uchinchi xatboshi “pasport” soʻzidan keyin “xorijga chiqish biometrik pasporti yoxud” soʻzlari bilan toʻldirilsin;

25-bandning uchinchi xatboshisidagi “tashkilotdan yoki” soʻzlari chiqarib tashlansin;

26-bandning uchinchi xatboshisi “Pensiya jamgʻarmasi boʻlimining pensiya tayinlash” soʻzlaridan keyin “va/yoki tayinlashni rad etish” soʻzlari bilan toʻldirilsin;

28-bandda :

birinchi xatboshidagi “a” — “g” kichik bandlarida” soʻzlari “a” — “g” va “k” kichik bandlarida” soʻzlari bilan almashtirilsin;

ikkinchi va uchinchi xatboshidagi “d” — “i” kichik bandlarida” soʻzlari “d” — “k” kichik bandlarida” soʻzlari bilan almashtirilsin;

uchinchi xatboshidagi “a” — “g” kichik bandlarida” soʻzlari “a” — “g” va “k” kichik bandlarida” soʻzlari bilan almashtirilsin;

29-bandning birinchi va ikkinchi xatboshilardagi “a” — “g” kichik bandlarida” soʻzlari “a” — “g” va “k” kichik bandlarida” soʻzlari bilan almashtirilsin;

41-bandda :

yettinchi xatboshi “shaxsning pasporti” soʻzlaridan keyin “, shu jumladan, xorijga chiqish biometrik pasportidagi” soʻzlari bilan toʻldirilsin;

quyidagi mazmundagi sakkizinchi — oʻn birinchi xatboshilar bilan toʻldirilsin:

“Bunda mehnat shartnomasi asosida chet elda ishlagan Oʻzbekiston Respublikasi fuqarolari tomonidan oʻtgan davr uchun ijtimoiy soliq (sugʻurta badali, yagona ijtimoiy toʻlov) quyidagi miqdorlarda toʻlanadi:

2019-yil 1-yanvarga qadar boʻlgan davr uchun har bir oyga bazaviy hisoblash miqdorida;

2019-yil 1-yanvardan 2019-yil 31-dekabrga qadar boʻlgan davr uchun bir yilga bazaviy hisoblash miqdorining toʻrt yarim baravari miqdorida;

2020-yil 1-yanvardan keyingi davr uchun yiliga bazaviy hisoblash miqdorida.”;

sakkizinchi — oʻt yettinchi xatboshilar tegishli ravishda oʻn ikkinchi — yigirma birinchi xatboshilar deb hisoblansin;

oʻn ikkinchi va oʻn uchinchi xatboshilar quyidagi tahrirda bayon etilsin:

“Toʻlangan ijtimoiy soliq (sugʻurta badali, yagona ijtimoiy toʻlov) mehnat shartnomasi asosida chet elda ishlagan Oʻzbekiston Respublikasi fuqarolariga pensiya tayinlashda ish staji sifatida va ish haqini hisoblash uchun qabul qilinadi.

Chet elda boʻlish davri mehnat daftarchasidagi yozuvlar yoki ish beruvchi tomonidan taqdim etilgan mehnat shartnomasiga oid maʼlumotnomalar yoki Oʻzbekiston Respublikasi Kambagʻallikni qisqartirish va bandlik vazirligining “Labor-migration” dasturiy majmuasidagi maʼlumotlar, shaxsning pasportidagi, shu jumladan, xorijga chiqish biometrik pasportidagi Oʻzbekiston Respublikasi Davlat chegarasini kesib oʻtganligi toʻgʻrisidagi yozuvlar (muhrlar, shtamplar yoki belgilar) asosida tasdiqlanadi.”;

54-bandning toʻrtinchi xatboshidagi “toʻrtinchi — yettinchi” soʻzlari “beshinchi — yettinchi” soʻzlari bilan almashtirilsin;

71-bandning yettinchi xatboshisidagi “qoʻshimcha ravishda bir baravar yoki ikki baravar” soʻzlari “ikki hissa baravar” soʻzlari bilan almashtirilsin;

73-band “pasport” soʻzidan keyin “, xorijga chiqish biometrik pasporti” soʻzlari bilan toʻldirilsin;

75-bandning ikkinchi xatboshisidagi “uchinchi — yettinchi” soʻzlari “beshinchi — yettinchi” soʻzlari bilan almashtirilsin;

78-band ikkinchi xatboshisidagi “arizada” soʻzi “ariza yoki soʻrovnomada” soʻzlari bilan toʻldirilsin;

79-bandda :

birinchi xatboshi “harbiy xizmatni oʻtash vaqti,” soʻzlaridan keyin “asossiz ravishda jinoiy javobgarlikka tortilgan, asossiz ravishda qatagʻon qilingan va keyinchalik oqlangan (reabilitatsiya) fuqarolarning qamoqda boʻlish va hibsda saqlash joylarida turgan vaqti,” soʻzlari bilan toʻldirilsin;

toʻrtinchi xatboshisidagi “qayta hisoblashda” soʻzlari “tayinlashda (qayta hisoblashda)” soʻzlari bilan almashtirilsin;

86-band quyidagi tahrirda bayon etilsin:

“86. Band boʻlgan shaxsning pensiya miqdorini hisoblab chiqishda hisobga olinadigan ish haqi miqdori hisobga olinadigan maʼlum bir oy (yil) uchun Pensiya jamgʻarmasiga toʻlangan maʼlum bir oylik yoki yillik:

2019-yil 1-yanvarga qadar boʻlgan davr uchun — sugʻurta badallari summasini Pensiya jamgʻarmasiga sugʻurta badallarini toʻlash davrida amalda boʻlgan yagona ijtimoiy toʻlov (mikrofirmalar va kichik korxonalar, shuningdek, fermer xoʻjaliklari uchun) va fuqarolarning sugʻurta badallarining umumiy stavkasiga;

2019-yil 1-yanvardan 2019-yil 31-dekabrga qadar boʻlgan davr uchun — toʻlangan yagona ijtimoiy toʻlov toʻlash davrida amalda boʻlgan yagona ijtimoiy toʻlov (mikrofirmalar va kichik korxonalar, shuningdek, fermer xoʻjaliklari uchun) umumiy stavkasiga;

2020-yil 1-yanvardan keyingi davr uchun Oʻzbekiston Respublikasi Soliq kodeksining 405-moddasida qayd etilgan soliq stavkalarining 1-pozitsiyasida belgilangan miqdorida — ijtimoiy soliq summasini toʻlash davrida amalda boʻlgan ijtimoiy soliq stavkasiga boʻlish hamda olingan natijani 100 ga koʻpaytirish yoʻli bilan aniqlanadi.

Misol: fuqaro oʻzini oʻzi band qilgan shaxs sifatida ixtiyoriy ravishda 2023-yil uchun Pensiya jamgʻarmasiga bir million soʻm miqdorda ijtimoiy soliq toʻladi. Ushbu fuqaroga pensiya hisoblashda uning 2023-yil uchun 8 333 333,33 soʻm miqdorda ish haqi aniqlanadi:

yillik ish haqi miqdori quyidagi tartibda aniqlanadi:

toʻlangan ijtimoiy soliq (bir million) ÷ ijtimoiy soliq stavkasi (12 foiz 2023-yil uchun ijtimoiy soliq stavkasi) × 100 = 8 333 333,33 soʻm.

Bir oylik ish haqi miqdori quyidagi tartibda aniqlanadi:

yillik ish haqi miqdori (8 333 333,33 soʻm) ÷ ish haqi hisoblanishi lozim boʻlgan davr (12 oy) = bir oylik ish haqi miqdori (694 444,44 soʻm).

Aniqlangan bir oylik ish haqi miqdori pensiya hisoblanayotgan shaxsga bir oylik ish haqi sifatida inobatga olinadi.

Agar band shaxs tomonidan ijtimoiy soliq hisobot yilida maʼlum oylar uchun toʻlangan boʻlsa, aniqlangan bir yillik ish haqi miqdori oʻn ikkiga boʻlish va hosil boʻlgan natijani ish haqi hisoblanishi lozim boʻlgan oylar uchun bir oylik ish haqi sifatida hisoblash orqali aniqlanadi.

Misol: fuqaro oʻzini oʻzi ish band qilgan shaxs sifatida ixtiyoriy ravishda 2023-yil yanvar — may oylari uchun Pensiya jamgʻarmasiga bir million soʻm miqdorda ijtimoiy soliq toʻladi. Ushbu fuqaroga pensiya hisoblashda uning 2023-yilning yanvar — may oylari uchun 8 333 333,33 soʻm miqdorda ish haqi aniqlanadi.

2023-yilning yanvar — may oylari uchun ish haqi miqdori quyidagi tartibda aniqlanadi:

toʻlangan ijtimoiy soliq (bir million) ÷ ijtimoiy soliq stavkasi (12 foiz 2023-yil uchun ijtimoiy soliq stavkasi) × 100 = 8 333 333,33 soʻm.

2023-yilning yanvar — may oylari uchun oylik ish haqi miqdori quyidagi tartibda aniqlanadi:

yillik ish haqi miqdori (8 333 333,33 soʻm) ÷ bir yil (12 oy) = bir oylik ish haqi miqdori (694 444,44 soʻm).

Aniqlangan bir oylik ish haqi miqdori pensiya hisoblanayotgan shaxsga 2023-yilning yanvar — may oylarining har bir oyi uchun bir oylik ish haqi sifatida (694 444,44 soʻm) inobatga olinadi.”;

90-banddagi “(ishga kirish yoki ishdan boʻshash munosabati bilan)” soʻzlari “(ish staj pensiya olish huquqi paydo boʻlgan kunga qadar hisoblanayotganida, ishga kirish yoki ishdan boʻshash munosabati bilan)” soʻzlari bilan almashtirilsin;

94-banddan “oʻn baravari, 2023-yil 1-yanvardan” soʻzlari chiqarib tashlansin;

97-band quyidagi mazmundagi oltinchi xatboshi bilan toʻldirilsin:

“Pensiya miqdori rasman belgilangan eng kam isteʼmol xarajatlaridan oz boʻlishi mumkin emas”;

119-banddagi , 140-bandning uchinchi xatboshisidagi , 162 va 163-bandlardagi , 175-bandning birinchi xatboshisidagi , 177-bandning birinchi xatboshisidagi , 179-banddagi , 187 5 -bandning uchinchi xatboshisidagi , 191 1 -bandning birinchi va uchinchi xatboshilaridagi , 191 2 -bandning birinchi va uchinchi xatboshilaridagi , 194-bandning ikkinchi xatboshisidagi , 196-bandning oʻninchi — oʻn toʻrtinchi xatboshilaridagi , 196 3 -bandning oʻn ikkinchi xatboshidagi , 18 , 19 , 21 va 22-ilovalarning matnidagi tegishli kelishikdagi “va nafaqa” hamda “yoki nafaqa” soʻzlari chiqarib tashlansin;

105-bandda :

toʻrtinchi va sakkizinchi xatboshilardagi “yoki nafaqa” soʻzlari chiqarib tashlansin;

beshinchi xatboshi quyidagi tahrirda bayon etilsin:

“Qoʻshimcha toʻlov 2015-yilning 1-mayiga qadar 100 yoshga toʻlgan va undan oshgan pensionerlarning 2015-yilning may oyidan boshlab pensioner 100 yoshga toʻlgan oydan keyingi oyning 1-sanasidan boshlab har oyda pensionerning murojaatisiz axborot tizimidagi maʼlumotlar asosida “proaktiv” shaklda Pensiya jamgʻarmasi boʻlimi tomonidan tayinlanadi;”;

oltinchi xatboshi chiqarib tashlansin;

yettinchi — toʻqqizinchi xatboshilar tegishlicha oltinchi — sakkizinchi xatboshilar deb hisoblansin;

111-banddagi “tashkilot yoki” soʻzlari chiqarib tashlansin;

116-band quyidagi tahrirda bayon etilsin:

“116. Texnologiyadagi, ishlab chiqarish va mehnatni tashkil etishdagi oʻzgarishlar, xodimlar soni (shtati) yoki ish xususiyatining oʻzgarishiga olib kelgan ish hajmining qisqarishi yoxud korxona tugatilganligi munosabati bilan ishdan ozod etilgan va ishsiz deb eʼtirof etilgan shaxslarga yoshga doir muddatidan oldin (keyingi oʻrinlarda — muddatidan oldin yoshga doir pensiya) beriladigan pensiya Qonunning 47-moddasida nazarda tutilgan muddatlarga muvofiq tayinlanadi.

Tuman (shahar) Kambagʻallikni qisqartirish va bandlikka koʻmaklashish boʻlimi tomonidan fuqaroni ishsiz deb eʼtirof etilganligi toʻgʻrisida berilgan taqdimnoma Pensiya jamgʻarmasi boʻlimi tomonidan muddatidan oldin yoshga doir pensiya tayinlash uchun asos boʻlib hisoblanadi.”;

117-bandning “a” kichik bandidagi “27-bandi “a”, “b”, “v” va “g” kichik bandlarida” soʻzlari “27-bandi “a” — “g” va “k” kichik bandlarida” soʻzlari bilan almashtirilsin;

125-bandning uchinchi xatboshisidagi “yoki nafaqani” soʻzlari chiqarib tashlansin;

126-bandning “d” va “e” kichik bandlari quyidagi tahrirda bayon etilsin:

“d) qonunchilikka muvofiq pensiyani hisoblash tartibi oʻzgarganda, yoshga doir eng kam pensiya miqdori oʻzgarganda, eng kam isteʼmol xarajatlari miqdori oʻzgarganda, pensiyani hisoblashning bazaviy miqdori oʻzgarganda va pensiya ishini tekshirish (oʻrganish) natijasida pensiya miqdorining oshishi yoki kamayishi;

e) daromadlarning indeksatsiya qilinishi. Bunda pensiya miqdori yil davomida tovarlar va xizmatlarning isteʼmol narxlari (tariflari) indeksi (inflyatsiya) darajasining oʻsish surʼatlarini hisobga olgan holda, Oʻzbekiston Respublikasi Prezidentining hujjatlariga asosan indeksatsiya qilinadi (oshiriladi)”;

133-bandning ikkinchi xatboshisi quyidagi tahrirda bayon etilsin:

“qonunchilikka muvofiq pensiyani hisoblash tartibi oʻzgarganda (ish stajini hisoblash tartibi oʻzgargan holatlar bundan mustasno), yoshga doir eng kam pensiya miqdori oʻzgarganda, eng kam isteʼmol xarajatlari miqdori oʻzgarganda, pensiyani hisoblashning bazaviy miqdori oʻzgarganda”;

135-bandning ikkinchi jumlasi “Pensiyani hisoblashning” soʻzlaridan oldin “Yoshga doir eng kam pensiya miqdori, eng kam isteʼmol xarajatlari miqdori va pensiyani hisoblashning” soʻzlari bilan toʻldirilsin;

138-bandning uchinchi xatboshisidagi “pensiya tayinlangungacha ega boʻlingan ish staji va ish haqi” soʻzlari “ish staj, ish haqi va ustama haq” soʻzlari bilan almashtirilsin;

140-bandda :

ikkinchi xatboshisi quyidagi tahrirda bayon etilsin:

“Pensionerlarga pensiya va boshqa toʻlovlar Pensiya jamgʻarmasi ijro etuvchi apparati hamda pensiya va boshqa toʻlovlarni yetkazib berish yuklatilgan tashkilot yoki tijorat banki oʻrtasida tuziladigan shartnoma (kelishuv) asosida pensionerning xohishiga koʻra doimiy yashash yoki vaqtincha turgan joyidagi pensiya va boshqa toʻlovlarni yetkazib berish yuklatilgan tashkilot yoki tijorat bankning sayyor kassalari tomonidan naqd pulda yetkazib beriladi (topshiriladi) yoki pensionerning xohishiga koʻra pul mablagʻlarini bank kartasiga naqd pulsiz oʻtkazish yoʻli bilan tijorat bankining filiali orqali toʻlanadi.”;

141-bandning ikkinchi xatboshisi , 191-bandning birinchi xatboshisi va 19-ilovadagi tegishli kelishikdagi “yoki nafaqa oluvchi” soʻzlari chiqarib tashlansin;

143 — 145-bandlar quyidagi tahrirda bayon etilsin:

“143. Pensiya va boshqa toʻlovlarni yetkazib berish yuklatilgan tashkilot yoki tijorat banki filiali tomonidan pensiya va boshqa toʻlovlar ularni yetkazib berish (topshirish)ning tasdiqlangan jadvaliga asosan har oyning yigirma yettinchi sanasiga qadar uzluksiz yetkazib beriladi (topshiriladi).

Pensiya va boshqa toʻlovlarni yetkazib berish (topshirish) har oyda mazkur Nizomning 32-ilovasiga muvofiq shaklda tuziladigan pensiya va boshqa toʻlovlarning toʻlov qaydnomalariga asosan amalga oshiriladi.

Qaydnomalar quyidagi tartibda shakllantiriladi:

asosiy qaydnomalar — pensiya, vafoti munosabati bilan olinmay qolingan pensiya, xodimlarga ularning mehnat vazifalarini bajarish bilan bogʻliq holda jarohatlanishi, kasb kasalliklariga chalinishi yoki salomatlikning boshqa xil shikastlanishi tufayli yetkazilgan zararni qoplash, pensiyadan aliment va jarimalar, oylik toʻlanadigan kompensatsiya toʻlovlari va qonunchilikda nazarda tutilgan boshqa qoʻshimcha toʻlovlarni toʻlash boʻyicha toʻlov oyi uchun bir marotaba;

qoʻshimcha qaydnomalar — Oʻzbekiston Respublikasi tashqarisiga koʻchib ketish oldidan 6 oy avval beriladigan pensiya toʻlovi tayinlangan kunda, bir martalik moddiy yordam, qonunchilikda nazarda tutilgan yillik toʻlanadigan bir martalik kompensatsiya va mukofot pullari.

Qaydnomalar pensiya oluvchilarning yashash joylari boʻyicha joylashgan sayyor kassalar uchun haqiqiy hisoblanadi.

Naqd pul shaklidagi pensiya va boshqa toʻlovlar qaydnomalarga muvofiq har oyda yetkazib berish (topshirish) davri mobaynida pensiya oluvchining yashash joyi boʻyicha shaxsni tasdiqlovchi hujjat taqdim etilganda topshiriladi.

Pensiya va boshqa toʻlovlarni qaydnomada koʻrsatilmagan shaxslarga ishonchnomasiz topshirish, shuningdek, pensiya oluvchilarga ular yashash joylaridan roʻyxatdan chiqarilgandan keyin topshirish, pul-buyum lotereyalar va boshqa mahsulotlarni pensiya va boshqa toʻlovlar pullari hisobidan sotish taqiqlanadi.

Oʻzbekiston Respublikasi tashqarisidagi davlatga doimiy yashash uchun ketilgan kungacha tayinlangan pensiya turar joyidan roʻyxatdan chiqqan oyning oxirigacha toʻlanadi.

144. Shuʼba mutaxassisi tomonidan qaydnomalar axborot tizimida pensiyani yetkazib berish (topshirish) yuklangan tashkilot va tijorat banklari filiallari boʻyicha alohida har bir mahalla fuqarolar yigʻini va tijorat banki filiali boʻyicha shakllantiriladi.

Qaydnomaning varaqlari har bir fuqarolarning oʻzini oʻzi boshqarish organlari boʻyicha raqamlanadi. Qaydnomaning har bir varagʻiga qaydnoma raqami va kasr chizigʻi orqali ushbu qaydnoma varagʻining tartib raqami yoziladi.

Oʻtgan toʻlov oyida olinmagan pensiya va boshqa toʻlovlar summasi joriy toʻlov oyining qaydnomasiga kiritiladi.

Keyingi toʻlov oyiga qaydnomalar avvalgi toʻlov oyi qaydnomalardagi barcha pensiya oluvchilar boʻyicha toʻlangan (toʻlanmaganligi) toʻgʻrisidagi maʼlumotlar Pensiya jamgʻarmasi axborot tizimiga kelib tushganidan soʻng shakllantiriladi.

Qaydnomaning har bir varagʻida pensiya oluvchilarning soni, shuningdek, yetkazib berilishi (topshirilishi) kerak boʻlgan umumiy summa koʻrsatiladi.

Shakllantirilgan qaydnomalar Pensiya jamgʻarmasi boʻlimi tomonidan axborot tizimi orqali pensiyani yetkazib berish (topshirish) yuklangan tashkilot yoki tijorat banki filiallariga yuboriladi. Qabul qilingan qaydnomalar toʻgʻrisida maʼlumot pensiyani yetkazib berish (topshirish) yuklangan tashkilot va tijorat banki filiali tomonidan Pensiya jamgʻarmasining boʻlimiga axborot tizimi orqali yuboriladi”;

145. Qaydnomalar:

pensiyani yetkazib berish (topshirish) yuklangan tashkilot uchun — har toʻlov oyining 2-kuniga qadar shakllantiriladi va 3-kuniga qadar taqdim etiladi;

tijorat banklari filiallari uchun — har toʻlov oyining 3-kuniga qadar shakllantiriladi va 4-kuniga qadar axborot tizimi orqali taqdim etiladi.

Qaydnomalarni shakllantirish hamda taqdim etishning soʻnggi kuni dam olish yoki bayram (ish kuni boʻlmagan) kunlariga toʻgʻri kelgan hollarda keyingi ish kuni muddatning soʻnggi kuni deb hisoblanadi, shuningdek, pensiya va boshqa toʻlovlar toʻlanishi kerak boʻlgan oyning birinchi sanasi uzoq muddatli dam olish yoki bayram kunlariga toʻgʻri kelganida Iqtisodiyot va moliya vazirligining qaroriga asosan avvalgi oy yakuniga qadar muddatidan avval pensiya va boshqa toʻlovlarning toʻlov qaydnomalarini shakllantiradi, pensiya toʻlash vakolati yuklatilgan tashkilotga qaydnomalarni taqdim etadi va toʻlovlarni boshlash uchun yetarli mablagʻlarni moliyalashtiradi.

Pensiya jamgʻarmasi boʻlimi tomonidan qaydnomalar pensiya va boshqa toʻlovlarning quyidagi turlariga muvofiq alohida tuziladi:

pensiyalar, shu jumladan, faxriy unvonga sazovor boʻlgan pensionerlarga qoʻshimcha haq va 100 yoshga toʻlgan va undan oshgan fuqarolar pensiyasiga har oylik qoʻshimcha toʻlov;

uy-joy-kommunal xizmatlari toʻlovlari boʻyicha kompensatsiya pul toʻlovlari;

avtobenzin sotib olish xarajatlari uchun pul kompensatsiya toʻlovlari;

1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga, bepul yetkazib beriladigan oziq-ovqat mahsulotlari hamda gigiyena tovarlari oʻrniga har oylik qoʻshimcha toʻlov;

boshqa toʻlovlar — Chernobil halokatidan ziyon koʻrgan fuqarolarga va 1941 — 1945-yillardagi urush qatnashchilariga har yili sanatoriylarda sogʻlomlashtirish kursini olish oʻrniga yoʻllanmaning oʻrtacha qiymatiga teng kompensatsiya pul toʻlovlari, Chernobil halokatidan ziyon koʻrgan fuqarolarga va yadro poligonlari va boshqa radiatsiya-yadro obyektlarida harbiy xizmatni oʻtagan pensiya yoshidagi shaxslarga yillik bir yoʻla moddiy yordam pullari, 1941 — 1945-yillardagi urush qatnashchilari va nogironligi boʻlgan shaxslarga yillik bir martalik pul mukofotlari, 1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul yetkazib beriladigan zarur kiyim-kechak va poyabzallar oʻrniga kiyim-kechak xaridi uchun har yili avgust oyida toʻlanadigan kompensatsiya puli.

Pensiya va boshqa toʻlovlarni yetkazib berish (topshirish) sanasi har bir fuqarolarning oʻzini oʻzi boshqarish organlari kesimida belgilanadi va shu asosda pensiya va boshqa toʻlovlar yetkazib berish (topshirish) jadvali tasdiqlanadi.

Pensiya va boshqa toʻlovlarni yetkazib berish (topshirish) yuklangan tashkilot toʻlovlarni yetkazib berish (topshirish) jadvalini xar toʻlov oyining 3-sanasiga qadar axborot tizim orqali Pensiya jamgʻarmasining hududiy boshqarmalariga elektron shaklda buyurtmanomalarni yuboradi. Bunda, ushbu jadvalda Pensiya va boshqa toʻlovlarni yetkazib berish (topshirish) yuklangan tashkilot tomonidan toʻlov oyining xar kunlik toʻlanadigan pensiya, kompensatsiya va boshqa toʻlovlarning qaydnoma turi boʻyicha yetkaziladigan (topshiriladigan) mablagʻlar aks ettiriladi.

Pensiya oluvchilarga pensiya va boshqa toʻlovlar summasi har oyda ularning yashash joyi boʻyicha yoki sayyor kassalarda pensiya va boshqa toʻlovlarni yetkazib berish davrida topshiriladi. Bu haqda pensiya oluvchiga birinchi marta pensiya va boshqa toʻlovlar yetkazib berilganda (topshirilganda) maʼlum qilinadi.”;

146-bandning uchinchi xatboshisidagi , 177-bandning uchinchi xatboshisidagi , 187-bandning toʻrtinchi xatboshisidagi , 191 2 -bandning ikkinchi xatboshisidagi , 196-bandning beshinchi xatboshisidagi , 196 2 -bandning beshinchi xatboshisidagi , 197-banddagi , 22-ilovalardagi “nafaqa” soʻzi chiqarib tashlansin;

quyidagi mazmundagi 146 1 — 146 9 -bandlar bilan toʻldirilsin:

“146 1 . Pensiya jamgʻarmasining ijro etuvchi apparati pensiya va boshqa toʻlovlarni toʻlash uchun mablagʻlarni Pensiya jamgʻarmasi hududiy boshqarmalarining tegishli hisobvaragʻiga oʻtkazadi.

Pensiya jamgʻarmasi hududiy boshqarmalari koʻrsatilgan mablagʻlarni talabnomalar asosida markazlashgan tartibda pensiya va boshqa toʻlovlarni yetkazib berish yuklangan pensiyani yetkazib berish (topshirish) yuklangan tashkilot yoki tijorat bankining hududiy filiallarida ochilgan alohida hisobvaraqlarga oʻtkazib beradi hamda hisob-kitoblarni markazlashgan holda yuritadi.

Pensiya jamgʻarmasi hududiy boshqarmasi buyurtmanomada soʻralgan mablagʻlarni markazlashgan tartibda pensiya va boshqa toʻlovlarni yetkazib berish (topshirish) yuklangan tashkilot yoki tijorat bankining hududiy filiallarida ochilgan alohida hisobvaraqlarga qaydnoma turi boʻyicha oʻtkazib beradi hamda hisob-kitoblarni markazlashgan holda yuritadi.

Pensiya jamgʻarmasining ijro etuvchi apparati pensiya va boshqa toʻlovlarni yetkazib berish yuklangan tashkilot yoki tijorat banklari filiallari tomonidan pensiya va boshqa toʻlovlarini yetkazib berish (topshirish) boʻyicha xizmat haqi uchun mablagʻlarni Pensiya jamgʻarmasining hududiy boshqarmalari va pensiyani yetkazib berish (topshirish) yuklangan tashkilotning yoki tijorat bankning hududiy filiallari oʻrtasida imzolangan solishtirma dalolatnomaga asosan pensiyani yetkazib berish (topshirish) yuklangan tashkilot yoki tijorat bankining Bosh ofisida ochilgan tegishli hisobvaraqqa oʻtkazib beradi.

Pensiya va boshqa toʻlovlarni yetkazib berish (topshirish) ularning har bir turi boʻyicha pensiyani yetkazib berish (topshirish) yuklangan tashkilot va tijorat bank filialining maxsus hisobvaragʻiga Pensiya jamgʻarmasi hududiy boshqarmasi tomonidan pensiya va boshqa toʻlovlar uchun mablagʻlar moliyalashtirilganidan soʻng yetkazib berish (topshirish) davrida amalga oshiriladi.

Pensiya va boshqa toʻlovlarni yetkazib berish (topshirish) yuklangan tashkilot yoki tijorat banki tomonidan pensiya va boshqa toʻlovlar yetkazib (topshirish) davrida mazkur Nizomning 146 6 -bandida koʻrsatilgan sabablarsiz yetkazib berilmagan va ushbu Nizom talablariga zid ravishda toʻlovlar amalga oshirilgan taqdirda toʻlovlarni yetkazib berish (topshirish) yuklangan tashkilot yoki tijorat bankidan shartnomaga muvofiq penyalar undiriladi.

146 2 . Pensiyani yetkazib berish (topshirish) yuklangan tashkilot va tijorat banki filiallarida pensiya va boshqa toʻlovlar toʻlanishini nazorat qilish Pensiya toʻlovlari bilan ishlash boʻlimi (keyingi oʻrinlarda — masʼul boʻlim) hamda ichki nazorat va komplayens xizmati tomonidan amalga oshiriladi.

Masʼul boʻlim Pensiya jamgʻarmasi boʻlimi tomonidan axborot tizimi orqali yuborilgan qaydnomalarni qogʻozga chop etadi.

ichki nazorat va komplayens xizmati xodimlari quyidagi vazifalarni amalga oshiradilar:

pensiya va boshqa toʻlovlarni oluvchilarga pensiya va boshqa toʻlovlar toʻlanishini tekshirib borish;

masʼul boʻlim faoliyatini nazorat qilish va qaydnomalar toʻgʻri rasmiylashtirilganini tekshirib borish;

pensiya va boshqa toʻlovlar toʻlanishini elektron baza maʼlumotlari asosida kunlik monitoring qilib borish;

pensiyani yetkazib berish (topshirish) yuklangan tashkilot yoki tijorat banki filialida amaliyot kuni oxirida pensiya va boshqa toʻlovlari boʻyicha buxgalteriya va kassa hujjatlarini bajarilgan operatsiyalarga mosligini nazoratga olish hamda yigʻmajildlarga tikilgan hujjatlarni tekshirish;

sayyor kassalar tomonidan pensiyalar va boshqa toʻlovlarni yetkazib berish (topshirish) jarayoni ustidan oʻrganishlar oʻtkazib turish;

oʻrganish natijalari boʻyicha doimiy ravishda tijorat banki boshqaruviga maʼlumotlar taqdim etib borish.

146 3 . Qaydnomaning har bir varagʻi pensiyani yetkazib berish (topshirish) yuklangan tashkilot yoki tijorat banki filialining boshqaruvchisi (BXM rahbari), bosh buxgalteri (shtat birligi mavjud boʻlsa) va masʼul boʻlim boshligʻi tomonidan imzolangan hamda muhr bilan tasdiqlangan boʻlishi kerak.

Qaydnomalarni rasmiylashtirishda oʻchirishlar va tuzatishlarga yoʻl qoʻyilmaydi.

Qaydnomalar va ularga ilova qilingan hujjatlarni fuqarolarning oʻzini oʻzi boshqarish organlari kesimida sayyor kassalarga joʻnatishdan avval masʼul boʻlim boshligʻi qaydnomaning har bir varagʻi imzolanganini tekshirishi lozim.

Pensiya va boshqa toʻlovlarni yetkazib berish (topshirish) yetkazib berish uchastkasining joylashgan joyini hisobga olgan holda pensiya va boshqa toʻlovlarni yetkazib berish (topshirish) jadvaliga muvofiq amalga oshiriladi.

Pensiya va boshqa toʻlovlarni yetkazib berish (topshirish) jadvaliga muvofiq ularni yetkazib berish (topshirish) sanasida masʼul boʻlim qaydnomalar va ularning varaqlari raqamlarini qaydnomalarni hisobga olish maxsus kitobiga yozadi va tegishli sayyor kassa xodimiga ushbu kitobga imzo qoʻydirgan holda topshiradi.

Pensiya va boshqa toʻlovlarni yetkazib berish (topshirish)da sayyor kassa xodimi pensiya oluvchining familiyasi, ismi, otasining ismi, pasport (identifikatsiyalovchi ID-karta) seriyasi va raqamini qaydnomada koʻrsatilgan maʼlumotlar bilan solishtiradi.

Pensiya oluvchining familiyasi, ismi, otasining ismi, pasport (identifikatsiyalovchi ID-karta) seriyasi va raqamining biri qaydnomada koʻrsatilgan maʼlumotlar bilan mos kelmagan holda, pensiyani yetkazib berish (topshirish) yuklangan tashkilot yoki tijorat banki filiali tomonidan Pensiya jamgʻarmasi tegishli boʻlimiga yozma yoki axborot tizimi orqali maʼlumot beriladi.

Pensiya oluvchi pensiya va boshqa toʻlovlarni olganda qaydnomada olgan sanasini koʻrsatadi va oʻz familiyasi, ismi va otasining ismi qarshisidagi qatorga imzo qoʻyadi.

Pensiya va boshqa toʻlovlar yetkazib berilmagan (topshirilmagan) hollarda sayyor kassa xodimi yetkazib berilmaganlik (topshirilmaganlik) sababi toʻgʻrisida dalolatnoma tuzadi. Ushbu dalolatnomada pensiya oluvchining pensiyaga oid hujjatlar yigʻmajildining raqami, familiyasi, ismi, otasining ismi, pensiya va boshqa toʻlovlar qaysi oy uchun yetkazib berilmagani (topshirilmagani), shuningdek, yetkazib berilmaganlik (topshirilmaganlik) sababi koʻrsatiladi.

146 4 . Qaydnoma yoki uning ayrim varaqlari yoʻqotilgan hollarda, sayyor kassa xodimlari tomonidan uning sababini koʻrsatgan holda ikki nusxadagi dalolatnoma tuziladi va pensiyani yetkazib berish (topshirish) yuklangan tashkilot va tijorat banki filialiga yuboriladi (beriladi).

Dalolatnoma asosida pensiyani yetkazib berish (topshirish) yuklangan tashkilot va tijorat bankining filiali yoʻqotilgan qaydnoma yoki uning varagʻi oʻrniga yangi qaydnoma yoki uning tegishli varagʻini beradi, uning old tomonida “dublikat” deb yozib qoʻyadi. Qaydnoma dublikatida qaydnoma raqami va kasr chizigʻi orqali yoʻqotilgan qaydnoma varagʻining tartib raqami koʻrsatiladi. Dublikat tijorat banki filialining rahbari, masʼul boʻlimi xodimi tomonidan imzolangan, shuningdek, muhr izi bilan tasdiqlangan boʻlishi kerak.

146 5 . Pensiyani yetkazib berish (topshirish) yuklangan tashkilot yoki tijorat banki filialida operatsiya kuni yakunlangandan soʻng masʼul boʻlim xodimi qaydnomalarning barcha varaqlarini koʻrib chiqadi, joriy operatsiya kunida yetkazib berilgan (topshirilgan) summalarni hisoblab chiqadi va qaydnoma varaqlarining hisob setkasidagi birinchi jamlama ustunini toʻldiradi. Bunda sana va operatsiya kuni davomida ushbu varaq boʻyicha yetkazib berilgan (topshirilgan) summa, shuningdek, ushbu qaydnomaning varagʻi boʻyicha toʻlov oyining boshidan beri yetkazib berilgan (topshirilgan) summa yoziladi. Operatsiya kunida barcha qaydnomalar boʻyicha yetkazib berilgan (topshirilgan) umumiy summa masʼul boʻlim xodimi tomonidan kassa hujjatlariga kiritiladi. Qaydnomalar hisob setkasining toʻgʻri rasmiylashtirilgani, yetkazib berilgan (topshirilgan) summalarning hisobi va ularning kassa hujjatlaridagi yozuvlarga mos kelishi masʼul boʻlim xodimi tomonidan kunlik tekshiriladi.

Joriy toʻlov oyi uchun pensiya va boshqa toʻlovlarni yetkazib berish (topshirish) tugaganda, sayyor kassa xodimi qaydnomalarni toʻldirishda quyidagilarni amalga oshiradi:

qaydnomaning har bir varagʻidagi “Yetkazib berish sanasi yoki yetkazib berilmaganlik sababi” ustunida yetkazib berilgan (topshirilgan) sana (kun, oy) yoki yetkazib berilmagan (topshirilmagan)lik sababi (kodi)ni raqamlar bilan koʻrsatish;

yetkazib berilmagan (topshirilmagan)lik sababi (kodi) ushbu Nizomning 146 6 -bandida nazarda tutilgan tartibda toʻldirish;

qaydnomaning pensiya va boshqa toʻlovlar yetkazib berilmagani (topshirilmagani) sababi (kodi) qoʻyilgan har bir varagʻida yetkazib berilmagan (topshirilmagan) pensiya va boshqa toʻlovlarning soni va ularning summasi hisoblab chiqish hamda ular sayyor kassa xodimlari imzosi va maxsus shtamp izi bilan tasdiqlash.

Qaydnomalar sayyor kassa xodimi tomonidan masʼul boʻlim boshligʻiga tekshirish va imzolash uchun topshiriladi.

146 6 . Pensiya va boshqa toʻlovlar yetkazib berilmagan (topshirilmagan) sabab (kod)lari quyidagilardan iborat:

1 — vafot etish;

2 — tuman (shahar) hududidan tashqariga doimiy yashash uchun koʻchib ketish;

3 — yashash joyida vaqtincha boʻlmaslik;

4 — boshqa sabablar.

Yetkazib berilmagani (topshirilmagani) sababi toʻgʻrisidagi dalolatnoma qonunchilik hujjatlari bilan belgilangan tartibda qaydnoma bilan birga saqlanadi va yoʻq qilinadi.

146 7 . Pensiyani yetkazib berish (topshirish) yuklangan tashkilot va tijorat banki filialida qaydnomalar va hisobotlarni rasmiylashtirish masʼul boʻlim xodimi tomonidan amalga oshiriladi.

Pensiyani yetkazib berish (topshirish) yuklangan tashkilotining yoki tijorat banki filialida masʼul boʻlim xodimi quyidagilarni tekshiradi:

qaydnomadagi barcha qator va ustunlarning maʼlumotlarini hisoblash yoʻli bilan toʻgʻri tuzilgani (hisobotga muvofiq pensiyalar va boshqa toʻlovlar soni hamda summasi toʻgʻri hisoblangani, pensiyani yetkazib berish (topshirish) yuklangan tashkilot yoki tijorat banki filiali rahbari imzosi va bank muhri izining mavjudligi);

hisobotda yozilgan yetkazib berilmagan (topshirilmagan) pensiya va boshqa toʻlovlar soni hamda summasining qaydnomalar boʻyicha yetkazib berilmagan (topshirilmagan) pensiya va boshqa toʻlovlar soni hamda summasiga mosligi.

Pensiyani yetkazib berish (topshirish) yuklangan tashkilot yoki tijorat banki filiallari har kuni toʻlangan (toʻlanmagan) pensiya va boshqa toʻlovlar summalari toʻgʻrisida maʼlumotlarni Pensiya jamgʻarmasi boʻlimiga axborot tizimi orqali taqdim etadilar.

Kunlik toʻlangan (toʻlanmagan) pensiya va boshqa toʻlovlar summalari toʻgʻrisida maʼlumotlarni Pensiya jamgʻarmasi boʻlimiga axborot tizimi orqali taqdim etish ustidan nazoratni pensiyani yetkazib berish (topshirish) yuklangan tashkilot yoki tijorat banki filiali rahbari amalga oshiradi.

Toʻlov oyi uchun pensiya va boshqa toʻlovlarni topshirish (yetkazib berish) yakunlangandan soʻng pensiyani yetkazib berish (topshirish) yuklangan tashkilot yoki tijorat banki filiallari toʻlangan (toʻlanmagan) pensiya va boshqa toʻlovlar summalari toʻgʻrisida yakuniy maʼlumotlarni, shuningdek, hisobotlarni axborot tizimi orqali Pensiya jamgʻarmasi boʻlimiga taqdim etadilar.

Har bir sayyor kassa boʻyicha pensiya va boshqa toʻlovlarning yetkazib berilgani (topshirilgani) toʻgʻrisidagi hisobot, qaydnoma kuzatuv roʻyxati hisobotining bitta nusxasi tijorat banki filialida nazorat uchun qoldiriladi.

146 8 . Hisobot oyining oxirida pensiyani yetkazib berish (topshirish) yuklangan tashkilot va tijorat banki filiali mazkur Nizomning 146 6 -bandida koʻrsatib oʻtilgan holatlar mavjud boʻlganida yetkazib berilmagan (topshirilmagan) pensiya va boshqa toʻlovlar boʻyicha summasini Pensiya jamgʻarmasi hududiy boshqarmasiga qaytarishi shart.

Hisobot oyi uchun pensiyani yetkazib berish (topshirish) yuklangan tashkilot yoki tijorat banki hududiy filiali tomonidan pensiya va boshqa toʻlovlarni yetkazib berish (topshirish) boʻyicha taqdim etilgan hujjatlar (qaydnomalar komplektlarining kuzatuv roʻyxati, pensiya va boshqa toʻlovlarni yetkazib berish (topshirish) toʻgʻrisidagi hisobotlar) tekshirilganidan keyin Pensiya jamgʻarmasining hududiy boshqarmasi va pensiyani yetkazib berish (topshirish) yuklangan tashkilot yoki tijorat banki hududiy filiali oʻrtasida hisobot oyidan keyingi oyning yettinchi sanasiga qadar ikki nusxada mazkur Nizomning 33-ilovasidagi shakl boʻyicha umumiy solishtirma dalolatnoma tuziladi. Umumiy solishtirma dalolatnoma Pensiya jamgʻarmasining hududiy boshqarmasi va pensiyani yetkazib berish (topshirish) yuklangan tashkilot yoki tijorat banki hududiy filiali rahbari va bosh buxgalteri hamda masʼul boʻlim boshligʻi tomonidan imzolanadi, shuningdek, muhr izlari bilan tasdiqlanadi.

Solishtirma dalolatnomaning bir nusxasi Pensiya jamgʻarmasining hududiy boshqarmasiga topshiriladi, bir nusxasi pensiyani yetkazib berish (topshirish) yuklangan tashkilot yoki tijorat bankining filialida qoladi.

Solishtirma dalolatnoma Pensiya jamgʻarmasi ijro etuvchi apparati tomonidan pensiyalar va boshqa toʻlovlarni yetkazib berish (topshirish) boʻyicha xizmat haqi uchun mablagʻlarni pensiyani yetkazib berish (topshirish) yuklangan tashkilot yoki tijorat banki bosh ofisida ochilgan tegishli hisobvaraqqa oʻtkazib berish uchun asos hisoblanadi.

Pensiyani yetkazib berish (topshirish) yuklangan tashkilot yoki tijorat banki filialida qoladigan qaydnomalar, pensiyalar va boshqa toʻlovlarning yetkazib berilgani (topshirilgani) toʻgʻrisidagi hisobotlar qonunchilik hujjatlarida belgilangan tartibda saqlanadi.

146 9 . Pensiya jamgʻarmasi boʻlimlari — qaydnomalarni toʻgʻri va oʻz vaqtida tuzilishiga hamda pensiyani yetkazib berish (topshirish) yuklangan tashkilot yoki tijorat banklari filiallari tijorat bankiga yetkazilishiga;

Pensiya jamgʻarmasining hududiy boshqarmalari — pensiya va boshqa toʻlovlarni toʻlash uchun mablagʻlarni qaydnomalarga muvofiq oʻz vaqtida va toʻliq pensiyani yetkazib berish (topshirish) yuklangan tashkilot yoki tijorat bankining hududiy filiallaridagi tegishli hisobvaraqlarga oʻtkazib berilishiga;

Pensiya jamgʻarmasi ijro etuvchi apparati — pensiya va boshqa toʻlovlarni yetkazib berish (topshirish) boʻyicha xizmat haqi uchun mablagʻlarni Pensiya jamgʻarmasi hududiy boshqarmalari va pensiyani yetkazib berish (topshirish) yuklangan tashkilot yoki tijorat bankining hududiy filiallari oʻrtasida imzolangan solishtirma dalolatnomalarga asosan tijorat banki Bosh ofisida ochilgan tegishli hisobvaraqqa oʻtkazib berilishiga;

Pensiyani yetkazib berish (topshirish) yuklangan tashkilot yoki tijorat banklari filiallari Tijorat banki — Pensiya jamgʻarmasi tomonidan taqdim etilgan qaydnomalarga muvofiq pensiya va boshqa toʻlovlarni qonunchilikda belgilangan tartibda toʻlash hamda hisob-kitoblarni yuritish va amalga oshirilgan operatsiyalar toʻgʻrisida Pensiya jamgʻarmasiga axborot tizimi orqali kunlik maʼlumotlarni toʻgʻri va toʻliq taqdim etishga javobgar hisoblanadi.”;

147-band quyidagi mazmundagi oltinchi xatboshi bilan toʻldirilsin:

“Pensiya oluvchilarga xizmat koʻrsatuvchi Pensiya jamgʻarmasi boʻlimi xodimi va pensiya va boshqa toʻlovlarni yetkazib berish yuklangan tashkilot yoki tijorat banki filiali xodimiga ishonchnoma orqali pensiya va boshqa toʻlovlarni yetkazib berish (topshirish) qatʼiy taqiqlanadi.”;

148-band quyidagi tahrirda bayon etilsin:

“148. I va II guruh nogironligi boʻlgan shaxslar va mustaqil harakatlanish hamda pensiya va boshqa toʻlovlarni sayyor kassalardan olish imkoniyatiga ega boʻlmagan shaxslarga pensiya va boshqa toʻlovlarni yetkazib berish yuklangan tashkilot yoki tijorat banki filiali tomonidan bevosita ularning yashash joyiga yetkazib beriladi.

Pensiya va boshqa toʻlovlarni yetkazib berish yuklangan tashkilot yoki tijorat banki filiali fuqarolarning oʻzini oʻzi boshqarish organlari bilan birgalikda har oyning yigirma yettinchi sanasiga qadar I va II guruh nogironligi boʻlgan shaxslar va mustaqil harakatlanish hamda pensiya va boshqa toʻlovlarni sayyor kassalardan olish imkoniyatiga ega boʻlmagan shaxslar roʻyxatini shakllantirib, tegishli Pensiya jamgʻarmasi tuman (shahar) boʻlimiga elektron va yozma shaklda taqdim etadi.

Pensiya jamgʻarmasi boʻlimlari har oyda pensiya va boshqa toʻlovlarni yetkazib berish yuklangan tashkilot yoki tijorat banki filiali tomonidan taqdim etilgan maʼlumotlar asosida I va II guruh nogironligi boʻlgan shaxslar va mustaqil harakatlanish hamda pensiya va boshqa toʻlovlarni sayyor kassalardan olish imkoniyatiga ega boʻlmagan shaxslar qaydnomalariga tegishli oʻzgartirish kiritib boradi.

Pensiya va boshqa toʻlovlarni yetkazib berish yuklangan tashkilot yoki tijorat banki filiali mazkur bandda koʻrsatib oʻtilgan shaxslar uchun pensiya va boshqa toʻlovlarni belgilangan muddatlardan oldin yetkazib berish (topshirish) choralarini koʻradi.

Pensioner sogʻligʻining holati va yashash faoliyatining cheklangani darajasi oʻzgarganda, TIEKning asossiz qarori holatlari aniqlanganda, nogironlikni belgilashning toʻgʻriligini tekshirishlarda, shuningdek, agar TIEK qarori soxta hujjatlar asosida chiqarilgan boʻlsa, pensioner belgilangan tartibda oʻtkaziladigan takroriy tibbiy koʻrikdan oʻtkazish uchun kelmagan taqdirda pensiyani toʻlash toʻxtatib qoʻyiladi va u faqat fuqaro TIEKga yangidan murojaat qilgan va I yoki II guruh nogironligi boʻlgan shaxs deb eʼtirof etilgan kundan boshlab tiklanadi.”;

150-band quyidagi mazmundagi uchinchi va toʻrtinchi xatboshilar bilan toʻldirilsin:

“2011-yil 1-yanvarga qadar harbiy xizmat majburiyatlarini bajarishda va harbiy xizmatni oʻtash sababli nogironlik pensiyalari tayinlangan shaxslarga pensiyalar nogironlikning butun davriga, jumladan, ushbu shaxslarga 2011-yil 1-yanvardan keyin nogironlik muddati qayta koʻrik natijasida uzaytirilganda pensiya toʻlovi davom ettiriladi.

Misol: Harbiy xizmat majburiyatlarini bajarishda va harbiy xizmatni oʻtash sababli 2011-yil 1-yanvarga qadar sobiq SSR Ittifoqining “Harbiy xizmatchilarning pensiya taʼminoti toʻgʻrisida”gi Qonun asosida tayinlangan III guruh nogironlik pensiyalari nogironlikning butun davri davomida toʻlanadi. Ushbu fuqaroga 2011-yil 1-yanvardan keyin takroriy tibbiy koʻrikdan oʻtkazilgandan soʻng harbiy xizmat majburiyatlarini bajarishda va harbiy xizmatni oʻtash sababli nogironlikning III guruhi belgilansa sobiq SSR Ittifoqining “Harbiy xizmatchilarning pensiya taʼminoti toʻgʻrisida”gi Qonun asosida tayinlangan III guruh nogironlik pensiya toʻlovi davom ettiriladi.”;

154-banddagi “internat uylarida (pansionatlarda)” soʻzlari “Ijtimoiy qoʻllab-quvvatlash markazlarida” soʻzlari bilan almashtirilsin;

155-bandning sakkizinchi xatboshisi “chiqarilgan” soʻzidan keyin “oydan keyingi” soʻzlari bilan toʻldirilsin;

159-band quyidagi tahrirda bayon etilsin:

“159. Tayinlangan pensiyani toʻlash:

pensiya toʻlash muddati tamom boʻlganda;

pensioner Oʻzbekiston Respublikasi tashqarisiga chiqib uch oydan ortiq vaqt mobaynida Oʻzbekiston Respublikasiga qaytib kelmaganida;

muddatidan oldin tayinlangan yoshga doir pensiya oluvchi ishga kirganida;

ketma-ket uch oydan ortiq vaqt mobaynida pensiyani yetkazib berish (topshirish) yuklangan tashkilot orqali pensiya olinmaganda;

pensioner ozodlikdan mahrum etilganda (manzil-koloniyalarda jazoni oʻtayotgan shaxslar bundan mustasno);

pensioner ruhiy holati buzilgan shaxslar uchun Ijtimoiy qoʻllab-quvvatlash markazlarida yashaganda;

pensiyani toʻlashni toʻxtatib turish toʻgʻrisida pensioner ariza yoki soʻrovnoma orqali murojaat qilganida;

surishtiruv, tergov organlaridan va suddan yashirinib yurgan, jinoiy jazoni oʻtashdan boʻyin tovlayotgan shaxslarni qidirishga eʼlon berilganda, bedarak yoʻqolganda;

ishonchnoma bergan shaxs unga tayinlangan pensiyaga huquqni tasdiqlash uchun belgilangan muddatda kelmaganda toʻxtatib turiladi.

Tayinlangan pensiyani toʻlash qonunchilikda nazarda tutilgan boshqa hollarda ham toʻxtatib turiladi.

Pensiyani toʻlash pensioner yoki uning qonuniy vakili Pensiya jamgʻarmasi boʻlimiga kelgandan soʻng va u ariza taqdim etgandan, shuningdek, shaxsini tasdiqlovchi hujjatni koʻrsatgandan soʻng tiklanadi.

Pensioner xorijiy davlatda boʻlib Oʻzbekiston Respublikasiga kelish imkoniyatiga ega boʻlmagan holatlarda pensioner Oʻzbekiston Respublikasining chet eldagi diplomatik vakolatxonasi yoki konsullik muassasasiga pensiya toʻlovini tiklash yuzasidan murojaat etishi va xorijiy davlat hududida doimiy yashash holati mavjud emasligini, shuningdek, pensiya yoki ijtimoiy nafaqa olmasligini tasdiqlashi lozim.

Pensionerning sud hukmi boʻyicha ozodlikdan mahrum etish joylarida (manzil-koloniyalardan tashqari) boʻlgan vaqti uchun pensiya toʻlanmaydi. Pensioner ozod boʻlgandan keyin pensiyani toʻlash Pensiya jamgʻarmasi boʻlimiga ariza berilgan kundan boshlab tiklanadi.

Pensioner ozodlikdan mahrum etilganda pensiya sudning qonuniy hukmi kuchga kirgan oydan keyingi oyning birinchi sanasidan boshlab toʻxtatib turiladi.

Manzil-koloniyada jazoni oʻtayotgan, ozodlikdan mahrum etishga hukm qilingan pensionerning jazo turi oʻzgargan taqdirda manzil-koloniya maʼmuriyati jazo turi oʻzgargan kunning oʻzida Pensiya jamgʻarmasi boʻlimiga bu haqda xabar berishi lozim. Pensiya jamgʻarmasi boʻlimi manzil-koloniya maʼmuriyati tomonidan berilgan maʼlumot asosida pensiya toʻlovini toʻxtatib turadi”;

175-bandda :

birinchi xatboshidagi “18” raqami “16” raqam bilan almashtirilsin;

oltinchi xatboshi chiqarib tashlansin;

178-band quyidagi mazmundagi uchinchi — beshinchi xatboshilar bilan toʻldirilsin:

“Bunda zarur mablagʻlar:

pensiyani yetkazib berish (topshirish) yuklangan tashkilot uchun — har toʻlov oyining 27-kuniga qadar;

tijorat banklari filiallari uchun — har toʻlov oyining 5-kuniga qadar moliyalashtiriladi.”;

179-banddan , 186-banddagi , 196-bandning oʻninchi xatboshidan , 196 3 -bandning oʻninchi va oʻn birinchi xatboshilardagi va 18-ilova matnidagi tegishli kelishikdagi “va nafaqa oluvchilarning” va “va nafaqalar” soʻzlari chiqarib tashlansin;

180-bandda :

birinchi va oltinchi xatboshilardagi “va nafaqaga” soʻzlari chiqarib tashlansin;

ikkinchi xatboshi quyidagi tahrirda bayon etilsin:

“Adliya vazirligi tomonidan fuqaro Oʻzbekiston Respublikasi tashqarisiga chiqib ketganligi hamda vafot etganligi”;

181-band quyidagi tahrirda bayon etilsin:

“181. Shuʼba mutaxassisi (keyingi oʻrinlarda — Pensiya jamgʻarmasi boʻlimi masʼul xodimi) Pensiya jamgʻarmasi “Ishonch telefoni”ga kelib tushgan yoki yozma ravishda pensiya va boshqa toʻlovlar yetkazilishi boʻyicha qilingan murojaatlarga asosan fuqaro yashayotgan hududga borib, fuqaro bilan uchrashgan holda (keyingi oʻrinlarda — oʻrganish) oʻrganish oʻtkazadilar. Mazkur murojaat boʻyicha oʻtkazilgan oʻrganishda huquqbuzarlik holatlari aniqlanganda, ushbu fuqaro yashayotgan hudud (koʻcha, uy yoki mahalla fuqarolar yigʻini)da toʻliq oʻrganiladi.

Oʻtkazilgan oʻrganish davomida huquqbuzarlik holatlari aniqlanganda, huquqbuzarlik holatlari boʻyicha Pensiya jamgʻarmasi boʻlimi fuqarolarga xizmat koʻrsatish shuʼba mutaxassisi tomonidan fuqaro, tijorat banki hududiy filiali masʼul xodimi va tegishli fuqarolarning oʻzini oʻzi boshqarish organi vakili ishtirokida dalolatnoma rasmiylashtiriladi.

Oʻtkazilgan oʻrganish natijalari har oyda Pensiya jamgʻarmasi va tijorat bankining hududiy filiallari oʻrtasida ikki tomonlama imzolanadi”;

187-bandda :

ikkinchi xatboshidagi “va nafaqa” soʻzlari chiqarib tashlansin;

toʻrtinchi xatboshidagi “(nafaqa)” soʻzi chiqarib tashlansin;

sakkizinchi va oʻninchi xatboshilardan “yoki nafaqa” soʻzlari chiqarib tashlansin;

toʻqqizinchi xatboshidan “yoki nafaqadan” soʻzlari chiqarib tashlansin;

oʻn yettinchi va oʻn toʻqqizinchi xatboshilaridagi “boʻlimi boshligʻining” soʻzlari “hududiy boshqarmasining” soʻzlari bilan almashtirilsin;

189-banddagi “internat uylarida” soʻzlari “Ijtimoiy qoʻllab-quvvatlash markazlarida” soʻzlari bilan almashtirilsin;

190-bandda :

birinchi xatboshidan “(nafaqa oluvchi)” va “(nafaqa)” soʻzlari chiqarib tashlansin;

ikkinchi va uchinchi xatboshidan “(nafaqa oluvchi soʻzlari)” chiqarib tashlansin;

uchinchi xatboshida :

“pensioner yoki nafaqa oluvchiga” soʻzlari “pensionerga” soʻzi bilan almashtirilsin;

“nafaqa” va “(nafaqa oluvchiga)” soʻzlari chiqarib tashlansin;

toʻrtinchi xatboshidagi “nafaqa” soʻzi chiqarib tashlansin;

191-bandning birinchi xatboshisidan “yoki nafaqa oluvchi” va “(nafaqa)” soʻzlari chiqarib tashlansin;

191 1 -bandning ikkinchi xatboshisidagi “pensioner yoki nafaqa oluvchining” soʻzlari “pensionerning” soʻzlari bilan almashtirilsin;

191 2 -bandning ikkinchi xatboshisidagi , 196-bandning oʻn uchinchi xatboshisidagi , 196 3 -bandning oʻninchi xatboshisidagi “(nafaqa oluvchi)” soʻzlari chiqarib tashlansin;

194-band “vafot etgan pensiya yoki nafaqa oluvchilar” soʻzlari “Oʻzbekiston Respublikasi tashqarisiga chiqib ketgan hamda vafot etgan pensionerlar” soʻzlari bilan almashtirilsin;

196-band :

uchinchi va sakkizinchi xatboshlar “oʻzgarishlar” soʻzidan keyin “, muddatidan oldin pensiya tayinlanganidan soʻng ishga kirgani” soʻzlari bilan toʻldirilsin;

beshinchi xatboshidagi “nafaqa,” soʻzi chiqarib tashlansin;

oʻn uchinchi xatboshida :

“Pensiya yoki nafaqadan” soʻzlari “Pensiyadan” soʻzi bilan almashtirilsin;

“pensioner (nafaqa oluvchi)ning” soʻzlari “pensionerning” soʻzi bilan almashtirilsin”;

oʻn toʻrtinchi xatboshidagi “Pensiya yoki nafaqadan” soʻzlari “Pensiyadan chegirmalar” soʻzlari bilan almashtirilsin;

196 2 -bandda :

beshinchi xatboshidagi “nafaqa,” soʻzi chiqarib tashlansin;

oltinchi xatboshidagi “va nafaqalardan” soʻzlari chiqarib tashlansin;

196 3 -bandda :

toʻrtinchi xatboshidagi “va nafaqalarni” soʻzlari chiqarib tashlansin”

oʻninchi xatboshida :

“Pensiya (nafaqa)dan” soʻzlari “Pensiyadan” soʻzi bilan almashtirilsin;

“va nafaqalardan” soʻzlari chiqarib tashlansin;

oʻn ikkinchi xatboshidan “yoki nafaqasidan” soʻzlari chiqarib tashlansin;

196 5 -bandning oʻn birinchi xatboshisidan “va nafaqasini” soʻzlari chiqarib tashlansin;

197-bandning birinchi xatboshisi quyidagi tahrirda bayon etilsin:

“Pensiyalar tayinlash va toʻlashni nazorat qilish Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti va Pensiya jamgʻarmasining ijro etuvchi apparati Ichki audit boʻlimi hamda hududiy boshqarmalari Ichki nazorat, pensiya va boshqa toʻlovlarni tayinlash monitoringi shuʼbasi tomonidan amalga oshiriladi.;

14-ilovaning ariza matnida :

“nafaqa,” soʻzi chiqarib tashlansin;

“oila aʼzolari tarkibi” soʻzlaridan keyin “ishga joylashganim,” soʻzlari bilan toʻldirilsin;

16-ilovaning matni quyidagi tahrirda bayon etilsin:

“202__ yilning ____________ oyi uchun fuqarolarga pensiya va boshqa toʻlovlarni moliyalashtirishga

Jami shu jumladan: Pensiya Pensionerning vafoti munosabati bilan olinmay qolgan pensiya Mehnat vazifalarini bajarish bilan bogʻliq ravishda xodim sogʻligiga yetkazilgan zarar puli Oziq-ovqat mahsulotlari hamda gigiyena tovarlari oʻrniga qoʻshimcha toʻlov Uy-joy kommunal toʻlovlar boʻyicha oylik kompensatsiya summa soni summa soni summa soni summa soni summa soni summa ” ;

17-ilovadagi “18” raqami “16” raqami bilan almashtirilsin;

19-ilovadagi “Monitoring” soʻzi “Oʻrganish” soʻzi bilan almashtirilsin;

21-ilova matnidagi “(nafaqa)” soʻzi chiqarib tashlansin;

22-ilovaning matni quyidagi tahrirdagi bayon etilsin:

Old tomoni QR-kod _______________ _______________ _______________ (rahbar koʻrsatmasi) Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi ________ (respublika, viloyat, shahar) __________ tuman (shahar) boʻlimi boshligʻiga Fuqaro ____________________________________________________________________________ (F.I.O.) Manzili ___________________________________________________________________________ Tugʻilgan sanasi ____ pasport (identifikatsiyalovchi ID-karta) seriyasi ____ raqami ___________ Berilgan vaqti ________ ________________ __________________ ____ tomonidan berilgan. Telefon raqami ___________________ ARIZA Menga qonunchilik hujjatlariga asosan yoshga, nogironlikka, boquvchisini yoʻqotganlikka doir pensiya tayinlashingizni (qayta hisoblash, tiklash, boshqa turdagi pensiyaga oʻtkazish, ulushini ajratish, yashash manzili oʻzgargani munosabati bilan hisobga qoʻyish) soʻrayman ( kerakligisining tagiga chizilsin ). Pensiyani hisoblab chiqarish uchun ish haqini (oxirgi oʻn yillik mehnat faoliyati davomidagi istalgan ketma-ket besh yildagi) ______ yil ____ oyidan ______ yil ____ oyigacha olishingizni soʻrayman. Sizga maʼlum qilamanki, menga avvallari pensiya (nafaqa) boshqa asoslarga koʻra yoki boshqa muassasa tomonidan tayinlanmagan, tayinlangan ( keraklisining tagiga chizilsin ). Hozirgi kunda ishlayman/ishlamayman ( keraklisining tagiga chizilsin ). Ish joyi _____________________________ Menga pensiya naqd pul shaklida, tijorat bankining plastik (bank) kartochkasi, manzil-koloniyasi ( kerakligisining tagiga chizilsin ) orqali toʻlansin. Qonunchilik hujjatlariga asosan har xil turdagi pensiya olish huquqiga ega boʻlgan shaxsga faqatgina bitta turdagi pensiya olish mumkinligi hamda pensiya tayinlash muddati toʻgʻrisida tanishdim. Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi _______________ tuman (shahar) boʻlimining toʻliq davlat taʼminotiga oʻtgani, oila aʼzolari tarkibi oʻzgargani, yashash joyi oʻzgargani, ishga joylashgani kabi oʻzgarishlar sodir boʻlganda oʻz vaqtida xabardor qilish majburiyatini olaman. Taqdim etilgan hujjatlarning haqqoniyligini kafolatlayman. Ish staji va ish haqi toʻgʻrisidagi maʼlumotlarni Xalq banki filialiga shaxsiy jamgʻarilib boriladigan pensiya hisobvaragʻiga (SHJBPH) kiritilgan jamgʻarib boriladigan majburiy pensiya badallari orqali, shuningdek, pensiya va nafaqaga oid shaxsiy maʼlumotlarimni tegishli tashkilot va idoralar orqali, shu jumladan, transchegaraviy uzatish orqali tekshirishga rozilik beraman. 202 __ y. “___”_________ Ariza beruvchi imzosi _____ qabul qiluvchi imzosi _____

QR-kod Pasport (identifikatsiyalovchi ID-karta) maʼlumotlari va taqdim etilgan hujjatlar tekshirildi. Ariza va unga ilova qilingan hujjatlarni 202 ___ yil “____”________ qabul qilindi va ___-son bilan qayd etildi. Pensiya tayinlash uchun yetishmayotgan hujjatlar Hujjat taqdim etishning soʻnggi sanasi hujjat nomi taqdim etish sanasi Ariza beruvchi imzosi ____________ Qabul qiluvchi imzosi ____________

Orqa tomoni Arizaga ilova qilingan hujjatlar roʻyxati Qoʻshimcha taqdim etilgan hujjatlar roʻyxati T/r Hujjat nomi Soni Sanasi T/r Hujjat nomi Soni Sanasi 1. 1. 2. 2. 3. 3.

Farzandlar toʻgʻr i sida maʼlumot T/r F.I.O. Tugʻilgan sanasi 1. 2. 3. ... Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi _____________________ tuman (shahar) boʻlimi pensiya tayinlash boʻyicha komissiyasining 202___ yil “___” _____________ dagi _____-son qarorining qisqacha mazmuni. _________________________________________________________________________________________ _________________________________________________________________________________________ _________________________________________________________________________________________ _____________________________________________________ Komissiya aʼzolari imzolari:

Rais Aʼzolar 1. 2. M.Oʻ. 3. 4. --------------------------------- kesish chizigʻi ----------------------------

QR-kod Pasport (identifikatsiyalovchi ID-karta) maʼlumotlari va taqdim etilgan hujjatlar tekshirildi. Ariza va unga ilova qilingan hujjatlarni 202__ yil “____” _________da qabul qilindi va __________-son bilan qayd etildi. Pensiya tayinlash uchun yetishmayotgan hujjatlar Oxirgi hujjatni taqdim etish sanasi hujjat nomi taqdim etish sanasi Arizachi imzosi ___________________ Qabul qiluvchi imzosi _____________”;

23-ilova guvohnoma matnida :

“yoki nafaqa” soʻzlari chiqarib tashlansin;

“(Nogironlik guruhi____)” jumlasi bilan toʻldirilsin;

quyidagi mazmundagi 32 va 33-ilovalar bilan toʻldirilsin:

“Davlat pensiyalarini tayinlash va toʻlash tartibi toʻgʻrisidagi nizomga 32-ILOVA

Varaq № ____ 202 __ y. ______ oyi uchun pensiyalar va boshqa toʻlovlarni yetkazib berish (topshirish) uchun ______-sonli QAYDNOMA QR kod Pensiya va boshqa toʻlovlarni yetkazib berish (topshirish) yuklangan tashkilot yoki tijorat banki _____________ filiali Oʻzini oʻzi boshqarish organi nomi ______ Toʻlov turi ______________

T/r Pensiyaga oid hujjatlar yigʻma jildining raqami Familiyasi, ismi, otasining ismi Manzili va telefon raqami Pasport (guvohnoma, identifikatsiya ID karta) seriyasi va raqami Oʻtgan davr uchun summa Joriy oy uchun summa Toʻlov uchun jami Yetkazib berish (topshirish) sanasi Oluvchining imzosi Yetkazib berilmaganlik (topshirilmaganlik) (kodi) Toʻlovchining imzosi

Davlat pensiyalarini tayinlash va toʻlash tartibi toʻgʻrisidagi nizomga 33-ILOVA

Pensiya va boshqa toʻlovlarni yetkazib berish (topshirish) yuklangan tashkilot yoki tijorat banki _____________ tomonidan barcha turdagi pensiya va boshqa toʻlovlar toʻlanishi toʻgʻrisida Iqtisodiyot va moliya vazirligi huzuridagi budjetdan tashqari Pensiya jamgʻarmasi _________ boshqarmasi bilan 202___ yil ___. __________. holatiga tuzilgan

T/r Toʻlov turi Hisob varaq Oy boshiga qoldiq Moliyalashgan mablagʻ miqdori Naqd pulda toʻlangan mablagʻ miqdori Bank xizmat haqi Qaytarilgan mablagʻ miqdori Qoldiq 1. Davlat pensiyalari, shu jumladan, faxriy unvonga sazovor boʻlgan pensionerlarga qoʻshimcha haq va 100 yoshga toʻlgan va undan oshgan fuqarolar pensiyasiga har oylik qoʻshimcha toʻlov 22632%001 2. Uy-joy-kommunal xizmatlari toʻlovlari xarajatlari boʻyicha kompensatsiya pul toʻlovlari 22632%005 3. Tugatilgan tashkilotlar xodimlariga ularning mehnat vazifalarini bajarish bilan bogʻliq holda jarohatlanishi, kasb kasalliklariga chalinishi yoki salomatlikning boshqa xil shikastlanishi tufayli yetkazilgan zarar summalari 22632%006 4. Avtobenzin sotib olish xarajatlari uchun pul kompensatsiya toʻlovlari 22632%007 5. Boshqa toʻlovlar 22632%008 6. 1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul yetkazib beriladigan oziq-ovqat mahsulotlari hamda gigiyena tovarlari oʻrniga har oylik qoʻshimcha toʻlov 22632%0011 Jami: 0,00 0,00 0,00 0,00 0,00 0,00 Pensiya va boshqa toʻlovlarni yetkazib berish (topshirish) yuklangan tashkilot yoki tijorat bank filiali yoki boshqa ixtisoslashgan tashkilot ____________ viloyat boshligʻi: __________________ ______ ____________ _________________________________ (F.I.O.) ________________ (imzo) M.Oʻ. Pensiya va boshqa toʻlovlarni yetkazib berish (topshirish) yuklangan tashkilot yoki tijorat bank filiali yoki boshqa ixtisoslashgan tashkilot _____________ viloyat bosh buxgalteri: ______________ ______ _________ ______________________________________ ( F.I.O. ) _____________ (imzo) Pensiya va boshqa toʻlovlarni yetkazib berish (topshirish) yuklangan tashkilot yoki tijorat bank filiali yoki boshqa ixtisoslashgan tashkilot _____________ viloyat Pensiya va nafaqalar toʻlovi bilan ishlash boʻlimi boshligʻi: _________________ ______ ______________ ______________________________________________________________________________ ( F.I.O. ) _________________ (imzo) Budjetdan tashqari Pensiya jamgʻarmasi _______________ boshqarmasi boshligʻi: M.Oʻ. Budjetdan tashqari Pensiya jamgʻarmasi _______________ Pensiya va boshqa toʻlovlarni moliyalashtirish shuʼba mudiri. ”.

11. Vazirlar Mahkamasining “Aholini ijtimoiy himoya qilish tizimini yanada takomillashtirish chora-tadbirlari toʻgʻrisida” 2021-yil 21-oktabrdagi 654-son qarori quyidagi mazmundagi 1 1 -band bilan toʻldirilsin:

“1 1 . Belgilansinki, pensiya va nafaqa oluvchi fuqarolarga ularning mobil aloqa vositalariga bepul qisqa SMS xabarlar yuborish orqali quyidagi interaktiv xizmatlar koʻrsatiladi:

Oʻzbekiston Respublikasi Prezidentining farmonlari va qarorlariga muvofiq pensiya va nafaqalar oshirilganligi toʻgʻrisida maʼlumot yuborish;

pensiya va nafaqa oluvchiga uning pensiya yoki nafaqasi bank kartasi orqali oʻtkazilganligi toʻgʻrisida xabardor qilish;

fuqarolarga pensiya, nafaqa va boshqa toʻlovlar taʼminoti toʻgʻrisida maʼlumot yuborish;

pensiya va nafaqalar miqdori, toʻlash shakli va tayinlash muddatlari toʻgʻrisida ularning shaxsiy soʻrovlariga koʻra maʼlum qisqa raqamlarga maʼlumot berish.”.

Vazirlar Mahkamasining 2024-yil 29-oktabrdagi 714-son qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

1. Vazirlar Mahkamasining “Aholini ijtimoiy muhofaza qilish tizimini idoralararo elektron oʻzaro hamkorlikni qoʻllagan holda takomillashtirish chora-tadbirlari toʻgʻrisida” 2019-yil 13-apreldagi 308-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining 2019-yil 21-maydagi “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida”gi PF-5723-son Farmoni)” 2019-yil 28-dekabrdagi 1046-son qaroriga ilovaning 285-bandi .

3. Vazirlar Mahkamasining “Vazirlar Mahkamasining “Aholini ijtimoiy muhofaza qilish tizimini idoralararo elektron oʻzaro hamkorlikni qoʻllagan holda takomillashtirish chora-tadbirlari toʻgʻrisida” 2019-yil 13-apreldagi 308-son qaroriga oʻzgartirish va qoʻshimchalar kiritish toʻgʻrisida” 2020-yil 15-maydagi 286-son qarori .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Jamiyatda ijtimoiy-maʼnaviy muhitni sogʻlomlashtirish, mahalla institutini yanada qoʻllab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari toʻgʻrisida” 2020-yil 18-fevraldagi PF-5938-son Farmoni)” 2020-yil 19-iyundagi 391-son qaroriga ilovaning 19-bandi .

5. Vazirlar Mahkamasining “Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida” 2020-yil 28-sentabrdagi 593-son qaroriga 4-ilovaning 74-bandi .

6. Vazirlar Mahkamasining “Aholini ijtimoiy himoya qilish tizimini yanada takomillashtirish hamda sohaga zamonaviy axborot-kommunikatsiya texnologiyalarini keng joriy etish chora-tadbirlari toʻgʻrisida” 2021-yil 5-martdagi 122-son qarorining 14-bandi .

7. Vazirlar Mahkamasining “Tibbiy-ijtimoiy ekspertiza xizmati tashkiliy tuzilmasini va faoliyatini tashkil etishga oid normativ-huquqiy hujjatlarni tasdiqlash toʻgʻrisida” 2022-yil 8-fevraldagi 62-son qaroriga 12-ilovaning 92-bandi .

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 598-bandi .

9. Vazirlar Mahkamasining “Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi faoliyatini tashkil etish chora-tadbirlari toʻgʻrisida” 2022-yil 5-avgustdagi 431-son qaroriga 3-ilovaning 37-bandi .

Oʻzbekiston Respublikasining Bosh vaziri A. ARIPOV

Toshkent sh.,

2024-yil 29-oktabr,

714-son

(Qonunchilik maʼlumotlari milliy bazasi, 30.10.2024-y., 09/24/714/0865-son; 13.10.2025-y., 09/25/637/0926-son ; 23.09.2026-y., 09/26/505/0960-son)

lex.uz