UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

ТЕХНИК ТАЛАБЛАР

НИЗОМ

Автомобиль йўллари бўйлаб катта ҳажмли ва оғир вазнли автотранспорт воситаларининг ҳаракатланиш тартибини такомиллаштириш чора-тадбирлари тўғрисида

Ўзбекистон Республикаси Президентининг «Йўл хўжалиги соҳасини янада такомиллаштириш чора-тадбирлари тўғрисида» 2023 йил 10 октябрдаги ПҚ-330-сон қарори ижросини таъминлаш, шунингдек, автотранспорт воситаларининг хавфсиз ҳаракатланишини таъминлаш ҳамда белгиланган оғирлик ва габарит меъёрларига қўйилган талабларни янада кучайтириш, республикадаги барча тоифадаги автомобиль йўллари, кўприклар ва йўл ўтказгичларнинг хизмат кўрсатиш муддатини узайтириш, уларни сақлаш харажатларини қисқартириш мақсадида Вазирлар Маҳкамаси қарор қилади:

1. Қуйидагилар:

Вазирлар Маҳкамасининг «Ўзбекистон Республикаси ҳудудидаги автомобиль йўлларида хавфсизликни таъминлаш ва ташкил этиш чора-тадбирлари тўғрисида» 2011 йил 26 декабрдаги 342-сон қарори билан автотранспорт воситаларининг рухсат этилган оғирлик ва габарит параметрлари белгиланганлиги ҳамда умумий фойдаланишдаги автомобиль йўллари бўйлаб катта ҳажмли ва оғир вазнли автотранспорт воситаларининг ҳаракатланиши тартибга солинганлиги;

Вазирлар Маҳкамасининг «Автомобилда хорижий юк ташувчиларнинг Ўзбекистон Республикаси ҳудудига киришлари, бўлишлари, юк олиб ўтишлари ва ундан чиқиб кетишлари тартиби тўғрисида» 1995 йил 11 январдаги 11-сон қарори билан хорижий давлатларнинг катта ҳажмли ва оғир вазнли автотранспорт воситаларини Ўзбекистон Республикаси ҳудуди бўйлаб юриши учун тўловлар белгиланганлиги маълумот учун қабул қилинсин.

2. Транспорт вазирлиги, Иқтисодиёт ва молия вазирлиги, Ички ишлар вазирлиги, Инвестициялар, саноат ва савдо вазирлиги ҳамда Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг қуйидаги таклифлари маъқуллансин:

автомобиль йўлларида вазн ва ҳажм параметрлари назорати бўйича замонавий ўлчов воситалари билан жиҳозланган стационар ва кўчма шохобчалар (кейинги ўринларда — ўлчов-назорат шохобчалари) ўрнатиш ва улардан фойдаланиш соҳасига хусусий секторни кенг жалб қилиш;

ўлчов-назорат шохобчалари ўрнатиладиган жойларни электрон онлайн аукцион савдоларида ғолиб бўлган тадбиркорлик субъектларига йигирма йил муддатга ижара асосида ва бошқа тадбиркорлик субъектига ўтказиш ҳуқуқи билан бериш.

3. Шундай тартиб ўрнатилсинки, унга мувофиқ:

а) Транспорт вазирлиги ҳузуридаги Автомобиль йўллари қўмитаси (кейинги ўринларда — Автомобиль йўллари қўмитаси):

ўлчов-назорат шохобчалари ўрнатиладиган жойларни (ҳудудларни) Ички ишлар вазирлиги Жамоат хавфсизлиги департаментининг Йўл ҳаракати хавфсизлиги хизмати (кейинги ўринларда — Йўл ҳаракати хавфсизлиги хизмати) ва Транспорт вазирлиги ҳузуридаги Транспорт назорати инспекцияси (кейинги ўринларда — Транспорт назорати инспекцияси) билан келишган ҳолда белгилайди ва мазкур жойлар (ҳудудлар) электрон онлайн аукцион савдоларида ғолиб бўлган тадбиркорлик субъектларига белгиланган талаблар билан ижара ҳуқуқи асосида берилади.

Бунда ушбу жойлар (ҳудудлар) атрофида транспорт воситалари айланиб ўтиши мумкин бўлган автомобиль йўлларига тасдиқланган дислокация ва умумий техник талаблар асосида кўчма шохобчалар ташкил этилишига рухсат берилади;

тадбиркорлик субъектлари билан ҳамкорлик қилади ва Транспорт назорати инспекцияси билан биргаликда тадбиркорлик субъектлари томонидан ўрнатилган ўлчов-назорат шохобчаларини мунтазам равишда назорат қилиб боради;

б) тадбиркорлик субъектлари:

ўлчов-назорат шохобчаларининг ускуналари ва дастурий-техник воситаларини белгиланган техник талабларга мувофиқ харид қилади ва ўрнатади;

ўлчов-назорат шохобчаларини ўзига ижара ҳуқуқи асосида берилган автомобиль йўли жойида (ҳудудида) ўз маблағлари ҳисобидан муҳандислик-коммуникация тармоқларига уланиш ва сақлаш ишларини амалга оширади ҳамда фойдаланиш харажатларини қоплайди;

в) Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги, Иқтисодиёт ва молия вазирлиги ҳузуридаги Божхона қўмитаси белгиланган меъёрдан ортиқ юкларни ташиш учун мўлжалланган автотранспорт воситалари республика ҳудудига чет давлатлардан импорт қилинишида Вазирлар Маҳкамасининг 2017 йил 25 апрелдаги 237-сон қарори билан тасдиқланган Муомалага чиқарилаётган ғилдиракли транспорт воситаларининг хавфсизлиги тўғрисидаги умумий техник регламент талабларига қатъий риоя этилишини таъминлайди;

г) Транспорт назорати инспекцияси автомобиль йўлларида белгиланган меъёрдан ортиқ юк билан ҳаракатланаётган автотранспорт воситалари устидан қатъий назорат ўрнатади;

д) норуда фойдали қазилмаларни ўз ичига олган ер қаъри участкасидан (карьерлардан) фойдаланувчилар юк автотранспорт воситалари оғирлик меъёрларига риоя қилган ҳолда юкланиши ва оғирлик меъёрлардан ортиқ бўлганларини ер қаъри участкалари ҳамда ишлаб чиқариш корхоналари ҳудудидан автомобиль йўлларига чиқмаслигини таъминлашга масъул бўлади.

Бунда:

2025 йил 27 январдан бошлаб норуда фойдали қазилмаларни қазиб олиш учун рухсатномаси мавжуд тадбиркорлик субъектлари ҳамда ер қаъри участкасидан фойдаланиш ҳуқуқини берадиган рухсатнома ва/ёки алоҳида битимларнинг ер қаъри участкаларидан фойдаланиш талаб ва шартларида рухсатнома эгаси томонидан норуда фойдали қазилма конида автотранспорт воситаларининг оғирлик параметрларини ўлчашга мўлжалланган тарозиларни ўрнатиш ҳамда юк автотранспорт воситалари меъёр талабларида юкланиши ва йўлга чиқиши бўйича мажбуриятлар киритилади;

Транспорт назорати инспекцияси томонидан норуда фойдали қазилма конида юк автотранспорт воситаларига меъёрдан ортиқ юк юкланиб, автомобиль йўлларида ҳаракатланганлиги ҳолатлари аниқланган тақдирда, Тоғ-кон саноати ва геология вазирлиги белгиланган тартибда рухсатнома эгаларига нисбатан ер қаъри участкаларидан фойдаланиш ҳуқуқини чеклаш, тўхтатиб қуйиш ёки муддатидан олдин бекор қилишга оид таъсир чораларини кўради.

4. Қуйидагилар:

Автомобиль йўлларида оғирлик ва габарит назорати бўйича стационар ва кўчма шохобчаларни тадбиркорлик субъектлари томонидан ташкил этиш тартиби тўғрисидаги низом 1-иловага мувофиқ;

Маҳаллий юк ташувчиларнинг катта ҳажмли ва оғир вазнли автотранспорт воситаларининг автомобиль йўллари бўйлаб ҳаракатланиши учун тўловларни амалга ошириш ҳамда ҳаракатланиш ва юк ташиш қоидаларини бузганлик натижасида етказилган зарарни қоплаш тартиби тўғрисидаги низом 2-иловага мувофиқ тасдиқлансин.

5. Белгилансинки:

а) электрон онлайн аукцион савдоларига қўйиш учун ўлчов-назорат шохобчалари ўрнатиладиган жойларнинг минимал қиймати (бошланғич нархи):

халқаро аҳамиятдаги автомобиль йўлларида — базавий ҳисоблаш миқдорининг 50 баравари;

давлат аҳамиятидаги автомобиль йўлларида — базавий ҳисоблаш миқдорининг 40 баравари;

маҳаллий аҳамиятдаги автомобиль йўлларида — базавий ҳисоблаш миқдорининг 30 баравари миқдорида белгиланади.

Электрон онлайн-аукцион савдоларидан тушган маблағлар электрон савдо майдони оператори харажатларини чегириб ташланган ҳолда, Транспорт вазирлиги ҳузуридаги Автомобиль йўллари қўмитаси фаолиятини ривожлантириш ва кўллаб-қувватлаш жамғармасига (кейинги ўринларда — Жамғарма) йўналтирилади;

б) ишга туширилган ўлчов назорат шохобчалари орқали қайд этилган юк ташиш қоидалари (тегишли рухсатномасиз оғир вазнли, йирик габаритли, юк билан ёки юксиз ҳолдаги габарит ўлчамлари, шунингдек, умумий ҳақиқий вазни, ўққа тушувчи оғирлиги белгиланган нормалардан ортиқ бўлган транспорт воситаларида йўлга чиқиш, худди шунингдек, рухсатномада кўрсатилган ҳаракат йўналишидан четга чиқиш) бузилганлиги учун ундирилган жарималар суммасидан тушган маблағларнинг:

дастлабки 2 йил давомида:

40 фоизи — тадбиркорлик субъектига;

35 фоизи — Жамғармага;

15 фоизи — Транспорт вазирлиги ҳузуридаги Транспорт ва логистикани ривожлантириш жамғармасига;

10 фоизи — Ўзбекистон Республикасининг республика бюджетига;

2 йил ўтганидан сўнг:

30 фоизи — тадбиркорлик субъектига;

45 фоизи — Жамғармага;

15 фоизи — Транспорт вазирлиги ҳузуридаги Транспорт ва логистикани ривожлантириш жамғармасига;

10 фоизи — Ўзбекистон Республикасининг республика бюджетига йўналтирилади.

Бунда фуқароларга юбориладиган жарималар бўйича почта, интернет ва SMS хабарномалар учун сарфланадиган ҳамда жарималарни саралаш ва улар бўйича қарор қабул қилиш ишларига шартнома асосида жалб этиладиган маъмурий амалиёт ходимлари учун сарфланадиган харажатлар Транспорт вазирлиги ҳузуридаги Транспорт ва логистикани ривожлантириш жамғармаси маблағлари ҳисобидан қопланади.

6. Автомобиль йўллари қўмитаси Рақамли технологиялар вазирлиги, Ички ишлар вазирлиги ва Адлия вазирлиги билан биргаликда икки ой муддатда оғирлик ва габарит назорати билан боғлиқ барча жараёнларни қамраб олган, ўзаро ҳамкорлик қилиш имкониятига эга идоралараро электрон ахборот тизимининг ишлаб чиқилиши ва ишга туширилишини таъминласин.

Бунда электрон ахборот тизими:

Иқтисодиёт ва молия вазирлиги ҳузуридаги Автомобиль йўлларини ривожлантириш мақсадли жамғармаси ва қонунчилик ҳужжатларида тақиқланмаган бошқа манбалар ҳисобидан ишлаб чиқилади;

«Рақамли ҳукумат» тизимининг идоралараро интеграциялашув платформаси орқали Ички ишлар вазирлигининг ахборот тизимлари ва маълумотлар базалари ягона реестрида мавжуд тизимларга ҳамда Адлия вазирлигининг «Лицензия» ахборот тизимига интеграция қилинади.

7. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.

8. Ушбу қарорнинг 3 ва 5-бандлари , қарорга 1 , 2-иловалар ҳамда 3-илованинг 14 ва 15-бандлари расмий эълон қилинган кундан эътиборан уч ой ўтгач кучга киради.

9. Автомобиль йўллари қўмитаси Ўзбекистон Миллий ахборот агентлиги, Ўзбекистон Миллий телерадиокомпанияси ҳамда манфаатдор вазирлик ва идоралар билан биргаликда ушбу қарорнинг мазмун-моҳиятини оммавий ахборот воситалари, ижтимоий тармоқлар ва расмий веб-сайтларда кенг ёритсин.

10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов, транспорт вазири И.Р. Махкамов ҳамда ички ишлар вазири П.Р. Бобожонов зиммасига юклансин.

Вазирлар Маҳкамасининг 2024 йил 28 октябрдаги 710-сон қарорига 1-ИЛОВА

Автомобиль йўлларида оғирлик ва габарит назорати бўйича стационар ва кўчма шохобчаларни тадбиркорлик субъектлари томонидан ташкил этиш тартиби тўғрисидаги

1-боб. Умумий қоидалар

1. Ушбу Низом Ўзбекистон Республикасининг автомобиль йўлларида автотранспорт воситаларининг оғирлик ва габарит параметрларини назорат қилишнинг стационар ва кўчма шохобчаларини тадбиркорлик субъектлари томонидан ўрнатиш ва эксплуатация қилиш тартибини белгилайди.

2. Ушбу Низомда қуйидаги тушунчалар қўлланилади:

ахборот тизими — Транспорт вазирлиги ҳузуридаги Автомобиль йўллари қўмитасининг (кейинги ўринларда — Автомобиль йўллари қўмитаси) оғирлик ва габарит назорати билан боғлиқ барча жараёнларни қамраб олган, идоралараро электрон ўзаро ҳамкорлик қилиш имкониятига эга рақамлаштирилган ахборот тизими;

дислокация — автомобиль йўлларида ўлчов-назорат шохобчалари ўрнатиладиган жой (ҳудуд);

Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг Ягона автоматлаштирилган ахборот-таҳлил тизими — йўл ҳаракати соҳасидаги маъмурий ҳуқуқбузарликларга доир ишларни ҳисобга олиш, кўриб чиқиш ва қоидабузарга нисбатан маъмурий тартибда жарима қўллаш тўғрисидаги қарорни шакллантирувчи компьютерлашган автоматик ахборот тизими;

кўчма назорат шохобчаси — автотранспорт воситаларининг вазн параметрларини қайд этувчи сертификатланган назорат-ўлчаш техник ускунаси билан жиҳозланган махсус транспорт воситаси;

махсус автоматлаштирилган ўлчаш воситалари билан жиҳозланган стационар шохобча (кейинги ўринларда — стационар шохобча) — метрологик текширишдан ўтган, фото ва видео суратга олувчи, автоматик режимда ишловчи, ҳаракатланаётган автотранспорт воситаларининг тури, русуми, рўйхатдан ўтган давлат рақами белгисини, вазн ва (ёки) габарит параметрларини қайд этувчи сертификатланган махсус назорат-ўлчаш техник ускунаси билан жиҳозланган шохобча;

минимал қиймат (бошланғич нарх) — автомобиль йўлларида стационар шохобчалар ўрнатиладиган жойларнинг (ҳудудларнинг) электрон онлайн аукцион савдоларига қўйилган дастлабки нархи;

«Лицензия» ахборот тизими — лицензиялаш, рухсат бериш ва хабардор қилиш тартиб-таомиллари билан боғлиқ барча жараёнларни қамраб олган, идоралараро электрон ўзаро ҳамкорлик қилиш имкониятига эга, лицензиялаш ва рухсатнома олиш соҳасида интерактив хизматлар кўрсатиш ахборот тизими;

оператор — электрон онлайн аукцион савдоларини ташкил этиш ва ўтказишга ваколатли бўлган Давлат активларини бошқариш агентлиги ҳузуридаги «Электрон онлайн-аукционларни ташкил этиш» АЖ;

оғирлик ва габарит назорати — транспорт воситасининг габаритларини (узунлиги, эни, баландлиги), ҳар бир ўқига тушувчи оғирликни, умумий (тўлиқ) массасини, ўқлари сонини ва улар орасидаги масофаларни аниқлаш;

тадбиркорлик субъекти — ўлчов-назорат шохобчалари ўрнатиладиган жойлар (ҳудудлар) белгиланган тартибда йигирма йил муддатга ижара ҳуқуқи асосида бериладиган юридик шахс;

ўлчов-назорат шохобчаси — махсус автоматлаштирилган ўлчаш воситалари билан жиҳозланган стационар шохобча ҳамда кўчма назорат шохобчасидан иборат комплекс;

ўлчов ускунаси — транспорт воситасининг оғирлик ва (ёки) габарит ўлчамларини назоратдан ўтказувчи ва ўлчов натижаларига кўра транспорт воситасининг белгиланган кўрсаткичларини аниқлаб бера оладиган ускуна;

«E-auksion» электрон савдо платформаси — электрон онлайн аукцион савдоларини ташкил этиш ва ўтказиш учун зарур маълумотларни киритиш, сақлаш ва қайта ишлаш имкониятини, шунингдек, манфаатдор шахсларнинг электрон онлайн аукцион савдолари жараёнида бевосита иштирок этишини таъминлайдиган ахборот тизими.

3. Автомобиль йўлларида ўлчов-назорат шохобчаларининг тадбиркорлик субъектлари томонидан ўрнатилиши қуйидаги принципларга асосланади:

жамоат манфаатларининг устуворлиги;

қонунийлик;

шаффофлик;

коррупция ҳолатлари ва манфаатлар тўқнашувига йўл қўймаслик.

4. Тадбиркорлик субъектлари томонидан автомобиль йўлларида махсус автоматлаштирилган ўлчов воситалари билан жиҳозланган оғирлик ва габарит назорати бўйича стационар шохобчаларни ўрнатиш бўйича ҳужжатлар лойиҳасини келишиш ва ўрнатиш ушбу Низомга 1-иловага мувофиқ схема асосида амалга оширилади.

2-боб. Электрон онлайн аукцион савдоларини ташкил этишга доир талаблар

5. Стационар шохобчалар ўрнатиладиган жойлар (ҳудудлар) тадбиркорлик субъектларига электрон онлайн аукцион савдолари орқали йигирма йил муддатга ижара ҳуқуқи асосида берилади.

6. Стационар шохобчалар ўрнатилиши мумкин бўлган жойларни (ҳудудларни) электрон онлайн аукцион савдоларига чиқариш мақсадида Автомобиль йўллари қўмитаси томонидан тақдим этиладиган жойнинг (ҳудуднинг) дислокацияси, минимал қиймати (бошланғич нархи) ва мазкур ҳудуддаги транспорт оқими тўғрисидаги маълумотлар (хабарнома) «E-auksion» электрон савдо платформасидаги алоҳида веб-саҳифада аукцион савдоларидан камида ўттиз кун олдин эълон қилиб борилади.

«E-auksion» электрон савдо платформасида электрон онлайн аукцион савдоларини ташкил этиш ҳамда ўтказиш Вазирлар Маҳкамасининг 2022 йил 12 январдаги 18-сон қарори билан тасдиқланган «E-auksion» электрон савдо платформасида электрон онлайн-аукцион ва танловларни ташкил этиш ҳамда ўтказиш тартиби тўғрисидаги низом асосида амалга оширилади.

7. Автомобиль йўллари қўмитаси операторга электрон онлайн-аукцион савдоларини ташкил этиш ва ўтказиш тўғрисидаги буюртма билан бирга қуйидаги ахборот ва ҳужжатларни тақдим этади:

стационар шохобчалар ўрнатилиши режалаштирилган жойни (ҳудудни) электрон онлайн-аукцион савдога чиқаришга асос бўлган ҳужжатлар;

стационар шохобчалар ўрнатиладиган жойни (ҳудудни) электрон онлайн аукцион савдоларга қўйишда унинг минимал қиймати (бошланғич нархи);

стационар шохобчалар ўрнатиладиган жойнинг (ҳудуднинг) туташ ер участкалари билан бирга фотосурати (камида 4 та);

стационар шохобчалар ўрнатиладиган жойнинг (ҳудуднинг) геолокацияси;

тадбиркорлик субъектига юкланган мажбуриятлар ҳақидаги маълумотлар;

Автомобиль йўллари қўмитаси ёки унинг ваколатли ташкилоти (буюртмачи) ҳақидаги маълумот (почта ва электрон манзили, телефон рақами);

мазкур ҳудуддаги транспорт оқими тўғрисидаги маълумотлар.

8. Мазкур Низомда назарда тутилган мажбуриятлар тадбиркорлик субъектлари томонидан бажарилмаган тақдирда, стационар шохобчалар ўрнатиладиган жойлар (ҳудудлар) электрон онлайн-аукцион савдоларида қайтадан сотувга қўйилади ва тадбиркорлик субъектлари томонидан сарфланган харажатлар қоплаб берилмайди.

3-боб. Оғирлик ва габарит назорати бўйича стационар шохобчаларни ўрнатишга доир талаблар

9. Тадбиркорлик субъекти стационар шохобча ўрнатиладиган жой (ҳудуд) унга берилгандан сўнг ўн икки ой муддат ичида назорат шохобчасини ўрнатиб, ишга туширади.

10. Тадбиркорлик субъектлари томонидан стационар шохобчалар фойдаланишга топширилгандан сўнг ва эксплуатация қилиш жараёнида автомобиль йўлларини таъмирлаш, қуриш ва қайта қуриш натижасида ушбу шохобчаларни демонтаж ва қайта монтаж қилиш ишлари амалга оширилиши талаб этилган тақдирда, мазкур ишлар билан боғлиқ барча харажатлар Иқтисодиёт ва молия вазирлиги ҳузуридаги Автомобиль йўлларини ривожлантириш мақсадли жамғармаси маблағлари ҳисобидан амалга оширилади.

11. Электрон онлайн-аукцион савдоларида ғолиб бўлган тадбиркорлик субъектлари томонидан уларга берилган жойларда (ҳудудларда) стационар шохобчалар мазкур Низом ва унга 2-иловадаги Тадбиркорлик субъектлари томонидан ўрнатиладиган оғирлик ва габарит назорати бўйича стационар ҳамда кўчма шохобчаларга умумий техник талабларга (кейинги ўринларда — техник талаблар) мувофиқ ўрнатилади.

12. Стационар шохобчаларни лойиҳалаштириш, экспертизадан ўтказиш, ваколатли давлат органлари билан келишиш ва ўрнатиш, электр тармоғига улаш ҳамда муҳандислик инфратузилмасини яратиш ишлари тадбиркорлик субъектлари томонидан амалга оширилади.

13. Стационар шохобчалар тадбиркорлик субъектлари ҳисобидан ахборот тизимига мажбурий тартибда ва техник талаблар асосида интеграция қилинади ҳамда узлуксиз ва ҳимояланган алоқа каналлари ташкил этилади.

14. Стационар шохобчаларда ўрнатиладиган ускуналар автотранспорт воситаларининг эркин ҳаракатланишига тўсқинлик қилмаслиги зарур.

15. Стационар шохобчалар ўрнатилгандан сўнг беш кун муддатга синов тариқасида ишга туширилади.

Синов даврида нуқсонлар аниқланмаганда стационар шохобчалар Автомобиль йўллари қўмитаси ва Транспорт вазирлиги ҳузуридаги Транспорт назорати инспекциясининг (кейинги ўринларда — Транспорт назорати инспекцияси) ижобий хулосаси бўлган тақдирда, уч кун ичида фойдаланишга рухсат берилади.

Нуқсонлар аниқланганда, тадбиркорлик субъектига уларни бартараф этиш учун ўттиз кундан иборат муддат берилади.

Стационар шохобчалар белгиланган муддатда ўрнатилмаган ҳамда нуқсонлар бартараф этилмаган тақдирда, тадбиркорлик субъектига берилган жойдан (ҳудуддан) фойдаланиш ҳуқуқини суд тартибида бекор қилиш бўйича чоралар кўрилади.

4-боб. Вазн назорати бўйича кўчма назорат шохобчаларини ўрнатишга доир талаблар

16. Мазкур Низомга мувофиқ стационар шохобчани ишга туширган тадбиркорлик субъектига шу ҳудуд атрофида транспорт воситалари айланиб ўтиши мумкин бўлган автомобиль йўлларига Автомобиль йўллари қўмитаси ва Транспорт назорати инспекцияси билан келишилган ҳолда тасдиқланган дислокация ва умумий техник талаблар асосида кўчма назорат шохобчаларини ўрнатишга рухсат берилади.

17. Тадбиркорлик субъектлари томонидан уларга берилган жойларда (ҳудудларда) тасдиқланган дислокация ва умумий техник талаблар асосида кўчма назорат шохобчалари ўрнатилади ҳамда уларнинг хизмат қилиш муддати ва бошқа манзилга кўчирилиши тадбиркорлик субъектининг таклифига асосан Автомобиль йўллари қўмитаси ва Транспорт назорати инспекцияси розилиги билан амалга оширилади.

18. Кўчма назорат шохобчалари тадбиркорлик субъектлари ҳисобидан ахборот тизимига мажбурий тартибда ва техник талаблар асосида интеграция қилинади ҳамда узлуксиз ва ҳимояланган алоқа каналлари ташкил этилади.

19. Кўчма назорат шохобчаларида қайд этилган маълумотлар ахборот тизимига автоматлаштирилган ҳолда инсон омилисиз узатилиши лозим.

20. Кўчма назорат шохобчалари ўрнатган тадбиркорлик субъектларига Ички ишлар вазирлиги Жамоат хавфсизлиги департаментининг Йўл ҳаракати хавфсизлиги хизмати билан келишилган ҳолда, шохобчага кириш жойида тўла вазни 12 тоннадан юқори бўлган N 3 ва O 4 тоифага кирувчи автотранспорт воситаларини шохобчага йўналтирувчи тегишли йўл белгилари, ушбу йўл белгиларига риоя қилмаган ҳолда, шохобча орқали ҳаракатланмаган юк автотранспорт воситаларига нисбатан қоидабузарликни аниқлайдиган фото ва видео қайд этиш дастурий-техник воситаларини ўрнатишга рухсат берилади.

Бунда фото ва видео қайд этиш дастурий-техник воситалари орқали аниқланган қоидабузарлик эвазига келиб тушган маблағлар қуйидагича тақсимланади:

дастлабки 2 йил давомида:

40 фоизи — тадбиркорлик субъектига;

50 фоизи — Транспорт вазирлиги ҳузуридаги Транспорт ва логистикани ривожлантириш жамғармасига;

10 фоизи — Ўзбекистон Республикасининг республика бюджетига;

2 йил ўтганидан сўнг:

30 фоизи — тадбиркорлик субъектига;

50 фоизи — Транспорт вазирлиги ҳузуридаги Транспорт ва логистикани ривожлантириш жамғармасига;

20 фоизи — Ўзбекистон Республикасининг республика бюджетига йўналтирилади.

21. Кўчма назорат шохобчаларида ўрнатиладиган ускуналар, тезликни камайтиришга ва юк автомобиллари ҳаракатланадиган йўл белгилари, қоидабузарликни ёзиб олишга мўлжалланган фото ва видео қайд этиш дастурий-техник воситалари автотранспорт воситаларининг эркин ҳаракатланишига тўсқинлик қилмаслиги лозим.

22. Кўчма назорат шохобчалари ўрнатилгандан сўнг беш кун муддатга синов тариқасида ишга туширилади.

Синов даврида нуқсонлар аниқланмаганда, кўчма назорат шохобчаларидан Транспорт назорати инспекциясининг ижобий хулосаси бўлган тақдирда, уч кун ичида фойдаланишга рухсат берилади.

23. Нуқсонлар аниқланганда, тадбиркорлик субъектига уларни бартараф этиш учун ўн кундан иборат муддат берилади.

Белгиланган муддатда нуқсонлар бартараф этилмаган тақдирда, тадбиркорлик субъектига берилган жойдан (ҳудуддан) фойдаланиш ҳуқуқини суд тартибида бекор қилиш бўйича чоралар кўрилади.

5-боб. Тадбиркорлик субъектлари томонидан ўрнатилган ўлчов-назорат шохобчаларининг фаолият юритиш тартиби

24. Стационар шохобча тўлиқ автоматик тизимда ишлайдиган ўлчов ускуналари мажмуасидан иборат бўлади. Техник талаблар асосида ўлчов ускуналари автомобиль йўлининг қатнов қисмига ўрнатилади.

25. Стационар шохобча доимий ва узлуксиз режимда ишлаши ҳамда узилишлар рўй берганда оффлайн тарзда маълумотларни тўплаш ва сақлаш, тизимнинг фаолияти қайта тикланганда, олинган ушбу маълумотларни тақдим этиш имкониятига эга бўлиши зарур.

26. Ўлчов-назорат шохобчасининг ўлчов ускуналари ва дастурий-техник воситалари Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг ўлчаш воситаларини метрологик аттестациялаш сертификатига эга бўлиши ҳамда техник жиҳатдан тартибга солиш соҳасидаги норматив ҳужжатларда белгиланган муддатларда қайта қиёслашдан ўтказилиши шарт.

Ўлчов-назорат шохобчасининг белгиланган муддатларда қайта қиёслашдан ўтказилиши бўйича жавобгарлик тадбиркорлик субъектлари зиммасига юкланади.

27. Ўлчов-назорат шохобчаси ёрдамида қайд этилган қоидабузарликларнинг ўлчов натижалари ва фото маълумотлари 365 кун, видео маълумотлари 90 кун давомида маълумотларни сақлаш ва қайта ишлаш серверларида сақланади ҳамда белгиланган муддат тугагандан сўнг ўчириб юборилади.

28. Ўлчов-назорат шохобчасида аниқланган қоидабузарликлар тўғрисидаги маълумотлар ҳимояланган алоқа каналлари орқали ахборот тизимининг марказий сервер қурилмасига узатилади.

29. Ўлчов-назорат шохобчасининг узлуксиз ишлашини таъминлаш учун 24 соатдан кам бўлмаган муқобил захира электр таъминоти тизими бўлиши лозим.

30. Ўлчов-назорат шохобчасини ўрнатишда ва эксплуатация қилиш жараёнида транспорт воситалари ва ҳаракатнинг бошқа иштирокчиларининг ҳаракат хавфсизлиги тўлиқ таъминланиши шарт.

31. Куннинг қоронғу вақтида ўлчов-назорат шохобчалари сунъий ёритиш мосламалари билан ёритилиши лозим.

32. Стационар шохобчаларда автоматлашган режимда автотранспорт воситасининг оғирлиги ва габаритини ўлчаш жараёнида қуйидагилар амалга оширилиши керак:

автотранспорт воситасининг ҳар бир ўқига тушувчи оғирликларни ўлчаш;

автотранспорт воситасининг умумий (тўлиқ) массасини, шунингдек, ҳар бир ўқига тушувчи оғирликларни қўшиш йўли билан ўлчаш;

автотранспорт воситасининг габаритларини (узунлиги, эни, баландлиги) ўлчаш;

автотранспорт воситасининг ўқлари сонини ва ўқлар орасидаги масофаларни ўлчаш;

автотранспорт воситасининг давлат рақами белгисини аниқлаш ва фотосуратга олиш;

автотранспорт воситасининг оғирлигини ўлчаш қурилмаси (датчиги) орқали ўтиш вақтида умумий кўринишини (ён кўринишини) фото қайд этиш (транспорт воситасининг чегаралари, юк тури, ўқлар сони аниқ кўрсатилган транспорт воситасининг умумий фотосуратини олиш).

33. Кўчма назорат шохобчаларида автотранспорт воситасининг оғирлик параметрларини ўлчаш жараёнида қуйидагилар амалга оширилиши керак:

автотранспорт воситасининг ҳар бир ўқига тушувчи оғирликларни ўлчаш;

автотранспорт воситасининг ўқлари сонини ва ўқлар орасидаги масофаларни ўлчаш;

автотранспорт воситасининг давлат рақами белгисини аниқлаш ва фотосуратга олиш;

34. Ўлчов-назорат шохобчаси фаолияти давомида мазкур Низомнинг 5-бобида назарда тутилган ахборот хавфсизлиги талаблари бузилганда, ахборот тизимига юборилаётган маълумотларнинг ҳаққонийлиги юзасидан шубҳа туғилганда ёки маълумотлар юборилишида беш кундан ортиқ узилишлар кузатилганда, Автомобиль йўллари қўмитаси ва Транспорт назорати инспекцияси томонидан ўлчов-назорат шохобчасининг фаолиятига боғлиқ қуйидаги ҳолатлар ўрганилади:

алоқа линияси созлиги ва тизимга юборилаётган маълумотлар тўғрилиги;

тизимнинг электр қуввати билан таъминланганлиги, қўшимча электр таъминоти қурилмаси мавжудлиги ҳамда техника хавфсизлиги қоидаларига риоя қилиниш ҳолати;

тизимнинг узлуксиз ишлашини таъминлаш учун 24 соатдан кам бўлмаган муқобил захира электр таъминоти тизими мавжудлиги ва унинг ишчи ҳолати;

ўлчов-назорат шохобчасининг ўлчов ускуналари ва дастурий-техник воситалари Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг ўлчаш воситаларини метрологик аттестациялаш сертификатига эга бўлиши ҳамда техник жиҳатдан тартибга солиш соҳасидаги норматив ҳужжатларда белгиланган муддатларда қайта қиёслашдан ўтказилганлиги;

ўлчов-назорат шохобчасининг ўлчов ускуналари ва барча қурилмаларининг созлиги;

тизим ўлчов воситаларининг тўғри ишлаши;

автотранспорт воситаларининг давлат рақам белгиларини тўғри қайд этилиши;

тизимга ҳар қандай кўринишдаги қўшимча қурилма ва воситаларнинг уланмаганлиги;

нуқсонлар аниқланганда, тадбиркорлик субъектига уларни бартараф этиш учун ўттиз кунгача бўлган муддат берилади. Бунда:

Автомобиль йўллари қўмитаси ва Транспорт назорати инспекциясига белгиланган муддатни ҳар тарафлама асослантириб бериш юкланади;

тадбиркорлик субъекти аниқланган камчиликларни тўлиқ бартараф қилгунга қадар ўлчов-назорат шохобчаси фаолиятини вақтинча тўхтатиб туради.

Кўриладиган чоралар бўйича эътирозлар мавжуд бўлган тақдирда тадбиркорлик субъекти қонунчилик ҳужжатларига мувофиқ суд органларига мурожаат қилишга ҳақли.

6-боб. Тадбиркорлик субъектлари томонидан ўрнатилган ўлчов-назорат шохобчаларининг дастурий-техник воситалари ва ахборот коммуникация тизимларида ахборот хавфсизлигини таъминлаш

35. Автомобиль йўллари қўмитасининг ёзма рухсатисиз тизимга қўшимча қурилма ва воситаларни улаш қатъиян ман этилади.

36. Автомобиль йўллари қўмитасининг маълумотлар узатиш тармоғига ахборот хавфсизлиги талабларига зид равишда ноқонуний уланиш ёки уланишга уриниш тақиқланади.

37. Ўлчов-назорат шохобчасидаги барча маълумотлар хизмат доирасида фойдаланиш учун қўлланилади.

Тадбиркорлик субъекти ўлчов-назорат шохобчасидаги маълумотлар Автомобиль йўллари қўмитасининг рухсатисиз ошкор бўлмаслиги, ўлчов-назорат шохобчасига хизмат кўрсатиш билан шуғулланадиган техник мутахассислар томонидан хизмат доирасида фойдаланиладиган маълумотларни ошкор этмаслигини таъминлаш учун масъул ҳисобланиб, ахборот хавфсизлигини таъминлаш ва белгиланган талабларга риоя қилиш мажбуриятини олади.

38. Рақамли технологиялар вазирлиги ҳамда «Киберхавфсизлик маркази» ДУК тадбиркорлик субъектлари томонидан ўрнатилган ўлчов-назорат шохобчаларининг дастурий-техник воситаларини мунтазам равишда ахборот ва киберхавфсизлик ҳолати бўйича ўрганишлар ўтказиш, шунингдек, ахборот ва киберхавфсизлик ҳодисалари ва таҳдидларини мониторинг қилиш ишларини амалга оширади.

7-боб. Тадбиркорлик субъектлари ва Автомобиль йўллари қўмитасининг ҳуқуқ ва мажбуриятлари

39. Тадбиркорлик субъектлари қуйидаги ҳуқуқларга эга:

«E-auksion» электрон савдо платформасида эълон қилинган электрон онлайн аукцион савдолари орқали стационар шохобчаларни ўрнатиш жойлари (ҳудудлари) савдосида иштирок этиш;

стационар шохобчаларни жорий этиш лойиҳасини амалга ошириш учун зарур ахборотларни Автомобиль йўллари қўмитасидан олиш;

стационар шохобчасида лойиҳа-тадқиқот ишларини амалга ошириш юзасидан тегишли ташкилотлар билан шартнома имзолаш;

шартнома талаблари бузилган тақдирда, уни суд тартибида бекор қилишни талаб этиш;

стационар шохобчага етказилган зарарни айбдор шахслардан ундириш.

Тадбиркорлик субъекти қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

40. Тадбиркорлик субъектларига қуйидаги мажбуриятлар юкланади:

ўлчов-назорат шохобчаларининг ускуналари ва дастурий-техник воситаларини техник талабларга мувофиқ харид қилиш;

стационар шохобча доимий ва узлуксиз режимда соз ҳолда ишлашини таъминлаш;

ўлчов-назорат шохобчасида нуқсонлар аниқланганда, ўттиз кун ичида уни бартараф этиш бўйича барча зарур чораларни кўриш;

мазкур Низом талабларига қатъи риоя қилиш;

ўлчов-назорат шохобчасининг фаолиятида юзага келган хатоликлар оқибатида юридик ва жисмоний шахсларга етказилган зарарни қоплаш.

Тадбиркорлик субъектларига қонунчилик ҳужжатларига мувофиқ бошқа мажбуриятлар ҳам юкланиши мумкин.

41. Автомобиль йўллари қўмитаси қуйидаги ҳуқуқларга эга:

тадбиркорлик субъекти томонидан жорий этилган ўлчов-назорат шохобчаси фаолиятининг мониторингини юритиш;

ўлчов-назорат шохобчасидан фойдаланиш ва унга техник хизмат кўрсатиш ҳамда қоидабузарликларни аниқлашда холисликни қонунчиликда белгиланган тартибда ўрганиш;

ўлчов-назорат шохобчасида аниқланган камчилик ва хатоликларнинг бартараф этилишини талаб қилиш;

тадбиркорлик субъекти айби билан етказилган зарарни қоплашни талаб қилиш;

тадбиркорлик субъекти ушбу Низомда белгиланган талабларни лозим даражада бажармаган ёки Автомобиль йўллари қўмитасининг асосли эътирозларини бартараф этмаган тақдирда, мазкур ўлчов-назорат шохобчаси томонидан юборилаётган маълумотлар ахборот тизимига қабул қилинишини тўхтатиш;

тадбиркорлик субъекти томонидан Автомобиль йўллари қўмитасининг асосли эътирозлари белгиланган муддатда бартараф этилмаган тақдирда, унга берилган жойдан (ҳудуддан) фойдаланиш ҳуқуқини суд тартибида бекор қилиш бўйича чоралар кўриш;

берилган жойдан (ҳудуддан) фойдаланиш ҳуқуқи бекор қилинган жойни (ҳудудни) «E-auksion» электрон савдо платформасида қайта эълон қилиш учун тақдим этиш.

Автомобиль йўллари қўмитаси қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

42. Автомобиль йўллари қўмитасига қуйидаги мажбуриятлар юкланади:

электрон онлайн аукцион савдоларни ўтказиш билан боғлиқ ҳужжатларнинг қонунчилик ҳужжатларига мувофиқлигини таъминлаш;

электрон онлайн-аукцион савдолари ўтказиш билан боғлиқ ҳужжатларни «Электрон онлайн-аукционларни ташкил этиш» АЖга ўз вақтида тақдим этиш;

ахборот тизимига тадбиркорлик субъекти томонидан жорий этилган ўлчов-назорат шохобчасидан келиб тушган маълумотларни «Лицензия» ахборот тизимидаги катта ҳажмли ва (ёки) оғир вазнли транспорт воситаларининг ҳаракатланиши учун расмийлаштирилган рухсатномалар базаси билан таққосланишини ва таққослаш натижаларига кўра қоидабузарлар тўғрисидаги маълумотлар Ички ишлар вазирлигининг ахборот тизимлари ва маълумотлар базалари ягона реестрида мавжуд тизимларга узатилишини таъминлаш;

ўлчов-назорат шохобчаси самарадорлиги ва сифатини баҳоловчи аниқ кўрсаткичлар билан белгиланган (умумлаштирилган) маълумотларни Иқтисодиёт ва молия вазирлиги ҳамда Транспорт вазирлигига тақдим этиш;

ушбу Низомда белгиланган мажбуриятларини лозим даражада бажармаётган тадбиркорлик субъектларининг фаолиятини белгиланган тартибда суд орқали тўхтатиш ёки бекор қилиш чораларини кўриш;

оператор билан веб-порталда электрон онлайн аукцион савдоларини ташкил этиш ва ўтказиш бўйича хизматлар кўрсатиш юзасидан шартнома тузиш;

стационар шохобчалар ўрнатилиши мумкин бўлган жойлар (ҳудудлар) ҳақидаги маълумотларни камида ўттиз кун олдин ўзининг расмий веб-сайтида эълон қилиш.

Автомобиль йўллари қўмитасига қонунчилик ҳужжатларига мувофиқ бошқа мажбуриятлар ҳам юкланиши мумкин.

8-боб. Якунловчи қоидалар

43. Автомобиль йўллари қўмитаси ва тадбиркорлик субъектлари қонунчилик ҳужжатларида белгиланган тартибда ўзаро ҳамкорлик қилади.

44. Ўзбекистон Республикаси Президенти ва қўриқланадиган бошқа шахсларнинг (шу жумладан, хорижий давлат раҳбарлари) хавфсизлигини таъминлашда, шунингдек, махсус ва оммавий тадбирлар ҳамда ўқув-тактик машғулотларни ўтказишда Ички ишлар вазирлиги томонидан ўлчов-назорат шохобчаси фаолиятини вақтинча чеклаш ёки бошқа чоралар кўрилиши мумкин.

45. Тадбиркорлик субъектлари томонидан ўлчов-назорат шохобчаларини ўрнатиш бўйича келиб чиқадиган низолар қонунчилик ҳужжатларида белгиланган тартибда ҳал этилади.

46. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Автомобиль йўлларида оғирлик ва габарит назорати бўйича стационар ва кўчма шохобчаларни тадбиркорлик субъектлари томонидан ташкил этиш тартиби тўғрисидаги низомга 1-ИЛОВА

Тадбиркорлик субъектлари томонидан автомобиль йўлларида махсус автоматлаштирилган ўлчов воситалари билан жиҳозланган оғирлик ва габарит назорати бўйича стационар шохобчаларни ўрнатиш бўйича ҳужжатлар лойиҳасини келишиш ва ўрнатиш

Босқичлар Субъектлар Тадбирлар Муддатлар 1-босқич Транспорт вазирлиги ҳузуридаги Автомобиль йўллари қўмитаси 1. Давлат активларини бошқариш агентлиги ҳузуридаги «Электрон онлайн-аукционларни ташкил этиш» АЖ (кейинги ўринларда — оператор) билан электрон аукционларни ўтказиш бўйича хизмат кўрсатишга шартнома тузади. 1. Электрон буюртма бериш санасига қадар. 2. Стационар шохобчалар ўрнатиладиган жойларни (ҳудудларни) аукционга қўйиш учун операторга электрон буюртма ва объектни тавсифлайдиган ҳужжатларни электрон (сканер қилинган) шаклда илова қилиб юборади. 2. Тарафлар томонидан шартнома имзолангандан сўнг. 2-босқич Давлат активларини бошқариш агентлиги ҳузуридаги «Электрон онлайн-аукционларни ташкил этиш» АЖ 1. Стационар шохобчалари ўрнатиладиган жойлар (ҳудудлар) бўйича электрон аукцион ўтказилиши ҳақида «E-auksion» электрон савдо платформасига хабарнома жойлаштиради. 1. Электрон аукцион ўтказиладиган кундан камида 30 кун олдин. 2. «E-auksion» электрон савдо платформасида рўйхатдан ўтган барча тадбиркорлик субъектларига автоматик тарзда иштирокчи кабинетини яратади. 2. «E-auksion» электрон савдо платформасида аккаунт активлаштирилганда. 3. Тадбиркорлик субъектларидан электрон аукционда иштирок этиш бўйича электрон аризаларни қабул қилади. 3. Хабарнома жойлаштирилган кундан бошлаб электрон аукцион ўтказилиши белгиланган кунга қадар. 3-босқич Тадбиркорлик субъекти 1. Тизим ўрнатилиши мумкин бўлган жойлар (ҳудудлар) ҳақида Автомобиль йўллари қўмитаси расмий веб-сайти ва оммавий ахборот воситаларидан маълумот олади. 1. Хабарнома эълон қилинган кундан бошлаб. 2. Тадбиркорлик субъекти «E-auksion» электрон савдо платформасида рўйхатдан ўтади. 2. Аукционда иштирок этиш учун аризаларни бериш муддати якунлангунга қадар. 3. Хабарномада кўрсатилган кафолат суммаси миқдоридан кам бўлмаган маблағни киритган ҳолда аризани электрон кўринишда тўлдиради ва электрон рақамли имзо билан тасдиқлаб юборади. 3. Аукционда иштирок этиш учун аризаларни бериш муддати якунлангунга қадар. 4-босқич Давлат активларини бошқариш агентлиги ҳузуридаги «Электрон онлайн-аукционларни ташкил этиш» АЖ 1. Аукционни унда иштирок этишга ариза берган икки ва ундан ортиқ иштирокчи мавжуд бўлганда, оператор веб-порталида автоматик тарзда ўтказади. 1. Оператор веб-порталида эълон қилинган вақтда бошланади ва ғолиб аниқлангунга қадар давом этади. 2. Электрон онлайн-аукционларда ғолиб бўлган тадбиркорлик субъектига QR-кодини қўллаш орқали аукцион натижалари тўғрисидаги баённомани расмийлаштиради ва тақдим этади. 2. Объект қиймати (оператор хизмат ҳақига етарли маблағ) тўлангандан сўнг кейинги иш кунидан кечиктирмай. 3. Баённомани аукцион ғолиби ва ваколатли органнинг кабинетига юборади. 3. Баённома расмийлаштирилгандан сўнг. 4. Аукцион натижаларини операторнинг веб-порталида эълон қилади. 4. Аукцион якунланган заҳоти. 5-босқич Транспорт вазирлиги ҳузуридаги Автомобиль йўллари қўмитаси Жойни (ҳудудни) аукцион натижалари тўғрисидаги баённомага мувофиқ ғолиб бўлган тадбиркорлик субъектига шартнома асосида 20 йил муддатга берилади. Баённома расмийлаштирилгандан сўнг 5 иш куни мобайнида 6-босқич Тадбиркорлик субъекти Тадбиркорлик субъекти қуйидаги идоралардан жой (ҳудуд) бўйича техник шарт олади: 1. Автомобиль йўллари қўмитасининг Қорақалпоғистон Республикаси ва вилоятлар автомобиль йўллари бошқармаси. 2. «Ўзбектелеком» АК филиали. 3. «Ҳудудий электр тармоқлари» АЖнинг ҳудудий корхонаси Зарур бўлганда 7-босқич Тадбиркорлик субъекти Техник шартлар ва талаб этилган бошқа ҳужжатлар билан лойиҳалаш идораларига мурожаат қилади. 3 иш куни мобайнида 8-босқич Лойиҳалаш идораси Тегишли ташкилот ва идоралар билан лойиҳа ҳужжатларини белгиланган тартибда келишади. Лойиҳа ҳужжатларини ишлаб чиқади ҳамда тадбиркорлик субъектига тақдим этади. 15 иш куни мобайнида 9-босқич Тадбиркорлик субъекти Лойиҳа ҳужжатларини экспертизадан ўтказиш мақсадида экспертиза фаолиятини олиб бориш ҳуқуқига эга бўлган ташкилотга белгиланган тартибда тақдим этади. 3 иш куни мобайнида 10-босқич Лойиҳага экспертиза хулосасини берувчи ташкилот Лойиҳа ҳужжатларини белгиланган тартибда экспертизадан ўтказиб, тадбиркорлик субъектига эътироз ва таклифлар ёки ижобий хулоса тақдим этади. 30 кун мобайнида 11-босқич Тадбиркорлик субъекти 1. Тасдиқланган лойиҳа ҳужжатлари асосида қурилиш-монтаж ишларини амалга оширади. 1. Стационар шохобчаси ўрнатиладиган жой (ҳудуд) тадбиркорлик субъектига берилгандан сўнг, 12 ой муддат ичида 2. Қурилиш-монтаж ишлари якунлангандан сўнг ишчи ҳужжатлар ва далолатномаларни расмийлаштиради. 2. Қурилиш-монтаж ишлари якунлангандан сўнг 5 иш куни мобайнида. 3. Тизимни ишга тушириш юзасидан тегишли ҳужжатларни расмийлаштиради. 3. Қурилиш-монтаж ишлари якунлангандан сўнг 10 иш куни мобайнида. 4. Стационар шохобчаси ўрнатилгандан сўнг синов тариқасида ишга туширади. 4. Қурилиш-монтаж ишлари якунлангандан сўнг 5 кун мобайнида. 12-босқич Транспорт вазирлиги ҳузуридаги Автомобиль йўллари қўмитаси, Транспорт назорати инспекцияси Синов муддатида Стационар шохобчасида аниқланган камчиликлар таҳлил қилинади ва ижобий хулосага асосан фойдаланишга топширилади. Синов тариқасида ишга туширилганидан сўнг 5 кун мобайнида

Автомобиль йўлларида оғирлик ва габарит назорати бўйича стационар ва кўчма шохобчаларни тадбиркорлик субъектлари томонидан ташкил этиш тартиби тўғрисидаги низомга 2-ИЛОВА

Тадбиркорлик субъектлари томонидан ўрнатиладиган оғирлик ва габарит назорати бўйича стационар ҳамда кўчма шохобчаларга доир

1-боб. Умумий талаблар

1. Тадбиркорлик субъектлари томонидан автомобиль йўлларида ўрнатиладиган оғирлик ва габарит назорати бўйича стационар ҳамда кўчма шохобчаларни ушбу ҳужжатда кўрсатилган ва шаҳарсозлик нормалари ҳамда қоидалари асосида жорий этилади.

2. Тадбиркорлик субъектлари мазкур ҳужжатда келтирилган талаблар ва Oʻz DSt 1987:2018 стандарти асосида назорат шохобчасини жорий қилиш бўйича техник топшириқ ҳужжатларини ишлаб чиқади ҳамда Рақамли технологиялар вазирлиги билан келишади ва Давлат хавфсизлик хизмати ҳузуридаги «Киберхавфсизлик маркази» давлат унитар корхонасидан экспертиза хулосасини олади.

3. Оғирлик ва габарит назорати бўйича стационар ва кўчма назорат шохобчалар доирасида қуйидагилар жорий этилади:

автотранспорт воситаларининг оғирлик ва габарит назорати бўйича стационар шохобчалар тизими;

автотранспорт воситаларининг оғирлик назорати бўйича кўчма назорат шохобчалар тизими.

2-боб. Оғирлик ва габарит назорати бўйича стационар шохобчаларга қўйиладиган умумий техник талаблар

4. Стационар шохобчасига қўйиладиган умумий техник талаблар қуйидагилардан иборат:

автоматик режимда оғирлик (умумий масса, ўқларга тушадиган оғирликлар, ўқлар сони) ва габарит (транспорт воситасининг узунлиги, эни, баландлиги, ўқлари орасидаги масофалар) кўрсаткичларни йиғиш ва назорат шохобчаси ҳудудидан ўтадиган барча юк автотранспорт воситалари тўғрисидаги маълумотлар;

назорат вақтидаги автотранспорт воситасининг умумий фотосурати, тарозида тортиш видеоси, давлат рақамини автоматик таниб олиш (олд ва орқа), автотранспорт воситасининг узунлиги, эни ва баландлигини кўриш имконини берувчи фото ва видео қайд этиш техник воситалари;

юк ташувчига ҳаракат тезлигини ва ўлчов натижаларини кўрсатиш;

назоратдан ўтган ҳар бир автотранспорт воситасининг ўлчов натижаларини ҳамда фото ва видео маълумотларини Транспорт вазирлиги ҳузуридаги Автомобиль йўллари қўмитасининг ахборот тизимига (кейинги ўринларда — ахборот тизими) юбориш;

назорат шохобчасидан сутканинг кундузги ва тунги вақтларида ўтувчи автотранспорт воситаларининг энг камида 98 фоизининг давлат рақами белгисини аниқлаш ва қайд этиш воситаси орқали Вазирлар Маҳкамасининг 2007 йил 27 июндаги 131-сон қарори билан тасдиқланган Автотранспорт воситаларига бериладиган рўйхатдан ўтказиш давлат рақами белгиларининг ҳудудий кодлари тақсимотида кўрсатилган давлат рақами белгиларини аниқлаш.

5. Стационар шохобча элементларининг архитектураси назорат шохобчаларида автотранспорт воситаларининг оғирлик ва габарит ўлчамларини ва ўқлар орасидаги масофаларни тезкор, кеча-кундуз ўлчашни ва ўлчов натижаларини ахборот тизимининг марказий серверига узатишни назарда тутиши керак.

6. Лойиҳалаштириш жараёнида стационар шохобча таркибий қисмлари ва элементлари ўзаро таъсирининг умумий схемаси, шунингдек, уларни амалга ошириш вақти аниқланади.

7. Автомобиль йўлининг ҳаракат қатнов қисми сатҳидан баландликда ўрнатилиши керак бўлган барча жиҳозлар камида 5,9 метр баландликда ўрнатилиши лозим. Стационар шохобча ўрнатилган жойдан катта ҳажмли автотранспорт воситаси (баландлиги 5,5 метрдан ортиқ) ҳаракатланиши вақтида йўл сатҳидан баландликда ўрнатилган жиҳозларни ва ускуналарни вақтинча ечиб туриш имконияти мавжуд бўлиши талаб этилади.

8. Стационар шохобча тўлиқ автоматлаштирилган бўлиши ва инсон омилисиз ишлаши керак.

9. Стационар шохобчанинг таркиби ва ускуналарига қўйиладиган техник талаблар:

оғирлик ва габарит ўлчамларни ўлчаш, автотранспорт воситаларининг ўқлари сони ва улар орасидаги масофани аниқлаш, фото ва видео қайд этиш, давлат рақами белгиларини (олд ва орқа) таниб олиш учун ускуналар, назоратдан ўтиш жараёнида талаб қилинадиган ҳаракатланиш тезлигини ҳамда назоратдан ўтиш қоидаларини акс эттирувчи ҳар қандай ёруғликда (қоронғуликда) ва об-ҳаво шароитида кўринадиган маълумотлар таблоси, куннинг қоронғу вақтида ёритиш ускуналари ҳамда ёрдамчи ускуналар билан жиҳозланган бўлиши;

автотранспорт воситасининг оғирлик ва габарит кўрсаткичларини белгиланган аниқликда 120 км/соатдан ошмайдиган тезликда ўлчашни таъминлаши;

ҳаракатланаётган автотранспорт воситаларининг умумий массасини ўлчашда максимал оғирлик, шунингдек, ўқларга тушадиган оғирликларни қўшиш йўли билан 20 х N (ўқлар сони) тоннагача, автотранспорт воситасининг ўқига тушадиган максимал оғирлик 20 тоннагача, автотранспорт воситасининг ўқига тушадиган минимал оғирлик 1,5 тоннагача ўлчаш имкониятларга эга бўлиши ва нисбий хатоликнинг рухсат этилган чегаралари 5 км/соатгача икки фоиз, 5 дан 120 км/соатгача ўн фоизгача бўлиши;

ҳаракатдаги автотранспорт воситаларини габарит ўлчамларини ўлчашда узунлиги 32 метргача, эни 3,5 метргача, баландлиги 5 метргача ўлчаш имкониятларга эга бўлиши ва нисбий хатоликнинг рухсат этилган чегаралари узунлигини ўлчашда 0,6 метр, энини ўлчашда 0,1 метр, баландлигини ўлчашда 0,06 метр бўлиши лозим.

3-боб. Оғирлик назорати бўйича кўчма шохобчаларга қўйиладиган умумий техник талаблар

10. Кўчма назорат шохобчаларга қўйиладиган умумий техник талаблар қуйидагилардан иборат:

оғирлик (умумий масса, ўқларга тушадиган оғирликлар, ўқлар сони) кўрсаткичларни йиғиш ва ҳудудидан ўтиб кетадиган юк автотранспорт воситалари тўғрисида маълумотлар (назорат вақтидаги автотранспорт воситасининг умумий фотосурати, тарозида тортиш видеоси), давлат рақами белгисини автоматик таниб олиш (олд ва орқа) ускуналари, автотранспорт воситасининг узунлиги, эни ва баландлигини кўриш имконини берувчи фото ва видео қайд этиш ускунаси;

назоратдан ўтган ҳар бир автотранспорт воситасининг ўлчов натижаларини ҳамда фото ва видео маълумотларини ахборот тизимига юбориш;

кўчма назорат шохобчасидан сутканинг кундузги ва тунги вақтларида ўтувчи автотранспорт воситаларини энг камида 98 фоиз давлат рақам белгисини аниқлаш ва қайд этиш воситалари орқали Вазирлар Маҳкамасининг 2007 йил 27 июндаги 131-сон қарори билан тасдиқланган Автотранспорт воситаларига бериладиган рўйхатдан ўтказиш давлат рақами белгиларининг ҳудудий кодлари тақсимотида кўрсатилган давлат рақам белгиларини аниқлаш.

11. Кўчма назорат шохобчаси қуйидаги ускуналар билан жиҳозланган бўлиши талаб этилади:

вазн ўлчаш ускуналари;

автотранспорт воситаларининг ўқлари сони ва улар орасидаги масофани аниқлаш ускуналари;

фото ва видео қайд этиш техник воситалари;

давлат рақами белгиларини (олд ва орқа) таниб олиш учун ускуналар;

кўчма назорат шохобчаси яқинлашаётгани, назоратдан ўтиш жараёнида талаб қилинадиган ҳаракатланиш тезлигини ва назоратдан ўтиш қоидаларини акс эттирувчи ҳар қандай ёруғликда (қоронғуликда) ва об-ҳаво шароитида кўринадиган маълумотлар таблоси;

ўлчов ускунаси натижаларига кўра умумий вазни, ҳар бир ўққа тушувчи оғирлиги ва автотранспорт воситасининг давлат рақами белгисини (олд томон) кўрсатадиган монитор (эни камида 2000 мм, баландлиги камида 1500 мм);

автотранспорт воситасининг ҳаракат тезлигини ўлчовчи ускуна;

куннинг қоронғу вақтида ёритиш ускуналари;

ёрдамчи ускуналар.

4-боб. Оғирлик ва габарит назорати бўйича стационар ва кўчма шохобчалардан ўтган автотранспорт воситалари тўғрисидаги маълумотларни қайта ишлаш ҳамда сақлашга доир талаблар

12. Маълумотлар базасида қуйидаги қайд этилган маълумотлар сақланиши ва ахборот тизимига тақдим этилиши шарт:

сана, вақти;

автотранспорт воситасининг давлат рақам белгиси (олд ва орқа);

автотранспорт воситасининг тури (якка ёки мингашмали (тиркамали) автопоезд);

стационар шохобчаларда автотранспорт воситасининг габарит кўрсаткичлари (узунлиги, эни ва баландлиги);

автотранспорт воситасининг умумий массаси;

автотранспорт воситасининг ҳар бир ўққа тушадиган оғирлиги (алоҳида);

автотранспорт воситасининг ўқлари орасидаги масофаси ва ўқлар сони;

тарозида тортиш пайтида автотранспорт воситасининг умумий фотосурати;

автотранспорт воситасининг ўлчов воситасидан ўтаётгани акс этган видео лавҳа.

13. Ахборот тизимига техник талаблар асосида интеграция қилиниши ва ўзаро ишлаш имкониятига эга бўлиши талаб этилади.

14. Назорат шохобчасининг маълумотларни қайта ишлаш ва сақлаш дастурий таъминотида (кейинги ўринларда — дастурий таъминот) амалга оширилган ҳар қандай амалий буйруқлар тўғрисидаги маълумотлар (log файллар) сақланиши лозим.

15. Назорат шохобчасида қайд этилган қоидабузарлик ҳамда автотранспорт воситалари тўғрисидаги маълумотлар билан Автомобиль йўллари қўмитаси ходимларига масофадан туриб ишлаш имкониятининг мавжуд бўлиши талаб этилади.

16. Назорат шохобчаси доимий ва узлуксиз режимда ишлаши ҳамда узилишлар рўй берганда оффлайн тарзда маълумотларни тўплаш ва сақлаш учун махсус қурилма ўрнатиш, унинг ёрдамида маълумотларни қайта ишлаш ва сақлаш назорат шохобчасининг фаолияти қайта тикланганда ушбу олинган маълумотларни тақдим этиш имкониятига эга бўлиши талаб этилади.

5-боб. Алоқа тармоғига қўйиладиган талаблар

17. Алоқа тармоқлари оптик толали тармоқ технологиялари (коммутатор, маршрутизатор ва бошқалар) ёрдамида ташкил этилиб, тармоқнинг сўнгги нуқталарига қадар узлуксиз хизмат кўрсатиши учун етарли ўтказувчанликни таъминлаши лозим.

18. Назорат шохобчасидан ўтган автотранспорт воситалари тўғрисидаги фото ва видео маълумотлар VPN (Virtual Private Network — виртуал хусусий тармоқ) алоқа канали орқали ахборот тизимининг марказий сервер қурилмасига узатилиши лозим.

6-боб. Ахборот хавфсизлигига бўлган талаблар

19. Ахборот хавфсизлиги дастурий таъминоти маълумотларни қайта ишлаш ва сақлаш тизимидаги ахборотни ҳамда уни қайта ишловчи воситаларни ҳимоя қилиш учун мўлжалланган.

20. Ахборот хавфсизлиги дастурий таъминоти қуйидагиларни ўз ичига олиши талаб этилади:

маълумотларни сақлаш;

рўйхатга олиш ва ҳисобга олиш;

яхлитликни таъминлаш;

хавфсизлик девори;

рухсатсиз киришларни аниқлаш;

антивирус ҳимояси.

21. Ушбу Техник талабларнинг 20-бандида назарда тутилган талаблар Буюртмачи билан келишилган холда техник дизайн босқичида аниқланиши ва ўзгартирилиши мумкин.

22. Ахборотни муҳофаза қилишда ишлатиладиган дастурий таъминот учун OʻzDSt 2816:2014 «Ахборот технологиялари. Эълон қилинмаган имкониятлар устидан назорат даражаси ахборотини ҳимоялаш воситаси дастурий таъминот классификатори» стандарти талабига асосан назорат қилишнинг учинчи даражаси таъминланиши талаб этилади.

23. Назорат шохобчасининг аппарат ва дастурий қисмларининг ўзаро боғлиқлиги ҳамда интеграциялашган ҳолда ишлашини таъминлаш техник лойиҳалаш босқичида амалга оширилиши зарур.

24. Дастурий таъминот ахборот тизими билан интеграциялаш тартиби ҳамда уларнинг ўзаро бир-бири билан боғланиш интерфейслари тўғрисида ечимлар техник лойиҳалаштириш даврида қабул қилинади.

25. Ахборот хавфсизлиги дастурий таъминотининг уланиш объектларини ва маълумотларини потенциал хавфлардан, беихтиёр ҳаракатлардан ва ташқи ҳужумлардан ҳимоя қилишни таъминлаш зарур.

26. Ахборот хавфсизлиги дастурий таъминоти қуйидаги талабларга жавоб бериши шарт:

маълумотлар базасига рухсатсиз киришдан ҳимоялаш;

дастурий таъминот ва фойдаланувчилар фаолиятини рўйхатдан ўтказиш ҳамда ҳисобга олиш;

ахборотни алоқа каналлари орқали узатиш, сақлаш ва қайта ишлаш жараёнида рухсатсиз модификациядан ҳимоялаш;

дастурий таъминот ресурсларига киришни бошқариш;

алоқа каналларидан узатилаётган маълумотларни криптографик усуллар орқали конфиденциаллигини таъминлаш;

вируслардан ҳимоялаш;

дастурий таъминот ноқонуний киришдаги маълумотларни таҳлил қилиш;

дастурий таъминот конфигурациясида юзага келган хатоликлар ва камчиликларни аниқлаш.

7-боб. Ташқи таъсирлардан ҳимоя қилиш учун талаблар

27. Назорат шохобчаси ускуналарини ташқи таъсирлардан ҳимоя қилиш комплекс ресурсларни яратиш лозим.

28. Очиқ ҳавода ўрнатилган ташқи мосламалар бузилишга чидамли корпуслар ёки тўсиқлар билан ҳимояланган бўлиши ва -40 дан +60°С гача ҳароратда ишлашини таъминлаш талаб этилади.

29. Алоқа линиялари ва жиҳозлари момақалдироқ ва бошқа салбий табиий ҳодисаларда керакли кўрсаткичларни сақлаб туришлари керак.

Вазирлар Маҳкамасининг 2024 йил 28 октябрдаги 710-сон қарорига 2-ИЛОВА

1-боб. Умумий қоидалар

1. Мазкур Низом маҳаллий юк ташувчилар томонидан белгиланган меъёрлардан ортиқ бўлган катта ҳажмли ва (ёки) оғир вазнли автотранспорт воситаларининг автомобиль йўлларида ҳаракатланиши (фойдаланиши) учун тўловларни амалга ошириш ҳамда бундай автотранспорт воситаларининг умумий фойдаланишдаги автомобиль йўлларида ҳаракатланиш ва юк ташиш қоидаларини бузганлик натижасида етказилган зарарни қоплаш тартибини белгилайди.

2. Ушбу Низомда қуйидаги асосий тушунчалардан фойдаланилади:

автотранспорт воситалари — йўловчилар, багаж, юкларни ташишга ҳамда махсус ишларни бажаришга мўлжалланган автомобиллар, шу жумладан шатакли автомобиллар, тиркама ва ярим тиркамалар ҳамда уларнинг таркибларидан иборат транспорт воситалари (тиркамали юк автомобили ёки ярим тиркамали шатакчи автомобиль);

автотранспорт воситаси ҳажм ўлчамлари — транспорт воситасининг юк билан ёки юксиз ҳолатида эни, узунлиги ва баландлик ўлчамлари.

ваколатли орган — Транспорт вазирлиги ҳузуридаги Автомобиль йўллари қўмитаси (кейинги ўринларда — Автомобиль йўллари қўмитаси);

катта ҳажмли автотранспорт воситаси — юкланган ёки юксиз ҳолда ўлчамларининг (баландлиги, кенглиги ёки узунлиги) бирорта кўрсаткичи уларнинг Ўзбекистон Республикаси ҳудудидаги автомобиль йўлларида ҳаракатланиши учун белгиланган меъёрий ўлчамлардан катта бўлган транспорт воситаси;

маҳаллий юк ташувчи — Ўзбекистон Республикаси ҳудудида рўйхатга олинган, мулк ҳуқуқи билан ёки бошқа қонуний асосларда унга тегишли автотранспорт воситасидан юк ёки йўловчиларни ташишда фойдаланувчи юридик ёки жисмоний шахс;

оғир вазнли автотранспорт воситаси — ҳар қандай вазн кўрсаткичларидан бири Ўзбекистон Республикаси автомобиль йўлларида ҳаракатланиши учун белгиланган меъёрий ўлчовлардан вазни (умумий вазн ва ўққа тушувчи оғирлик) ортиқ бўлган автотранспорт воситаси;

рухсатнома — Ўзбекистон Республикаси ҳудудида келишилган аниқ йўналиш бўйича катта ҳажмли ва оғир вазнли автотранспорт воситаларининг ҳаракатланиш ҳуқуқини берувчи ҳужжат;

3. Автомобиль йўллари, кўприклар ва йўл ўтказгичларнинг хизмат кўрсатиш муддатидан аввал бузилиши ҳамда йўналиш бўйича ҳаракатланишга тўсқинлик қилувчи оғир вазнли ва катта ҳажмли автотранспорт воситаларининг юриши учун тўловлар уларни сақлаш, таъмирлаш, ўтказиб юборишларни ташкил этиш ва ҳаракат хавфсизлигини таъминлаш бўйича қўшимча иш ҳажмларини қоплаш харажатлари билан аниқланади.

Оғир вазнли ва катта ҳажмли автотранспорт воситаларининг умумий фойдаланишдаги йўллар бўйлаб юриши учун тўловга қуйидагилар киради:

рухсатномани расмийлаштириш учун тўлов;

автотранспорт воситасининг умумий ҳақиқий вазни белгиланган меъёрдан ошиб кетганлиги учун тўлов;

ғилдирак ўқи ҳақиқий юкламаларининг белгиланган меъёрлардан ошиб кетганлиги учун тўлов;

автотранспорт воситаси ҳажм ўлчамларининг йўл қўйиладиган меъёрлардан ошиб кетганлиги учун тўлов.

4. Йўл ҳаракати қоидаларига ёхуд юк ташувларини амалга ошириш шартларига риоя қилмаслик туфайли йўлларга ва йўл иншоотларига зарар етказганлик учун автотранспорт воситаси эгаси қонунчилик ҳужжатларига мувофиқ жавобгар бўлади.

5. Агар рухсатнома талаблари ва йўл ҳаракати қоидаларига риоя этган ҳолда, оғир вазнли ва катта ҳажмли автотранспорт воситалари юриши натижасида йўлларга ва йўл иншоотларига ҳаракатни чеклашга олиб келадиган зарар етказилса, у ҳолда жавобгарлик ва зарарни тўлаш қонунчилик ҳужжатларига мувофиқ рухсатнома ва қатнов маршрутини келишиб берган ташкилотларга юкланади.

2-боб. Оғир вазнли ва катта ҳажмли транспорт воситаларининг Ўзбекистон Республикасининг умумий фойдаланишдаги автомобиль йўллари бўйлаб юриб ўтганлиги учун тўлов

6. Транспорт воситасининг умумий ҳақиқий массаси рухсат берилганига нисбатан ошганлиги учун тўланадиган тўлов 1-жадвалда келтирилган тарифларга мувофиқ белгиланади.

1-жадвал Умумий ҳақиқий вазннинг йўл қўйиладиган вазнга нисбатан ортиқчалик миқдори, тоннада Юриладиган 1 км масофа учун тариф, сўмда (базавий ҳисоблаш миқдорига нисбатан фоизда) 0 дан 5 гача 0,08 5 дан 10 гача 0,12 10 дан 15 гача 0,24 15 дан 20 гача 0,42 20 дан 25 гача 0,63 25 дан 30 гача 0,97 30 дан 35 гача 1,39 35 дан 40 гача 1,94 40 дан 45 гача 2,66 45 дан 50 гача 3,59 50 ва ундан юқори 4,22

Оғир вазнли автотранспорт воситаларининг автомобиль йўлларидан ўтишида ўққа тушадиган ҳақиқий оғирликнинг (Оф) рухсат берилганга (Од) нисбатан ошганлиги учун тўлов ҳар бир ортиқча юкланган ўқ учун 2-жадвалда келтирилган тарифларга мувофиқ ундирилади.

2-жадвал Ғилдирак ўқи ҳақиқий юкламасининг йўл қўйиладиган юкламага нисбати (Оф/Од) Ҳар бир ўқнинг йўл қўйиладиган юкламадан ортиқча юкламага 1 км учун тариф, сўмда (базавий ҳисоблаш миқдорига нисбатан фоизда) 1,01 дан 1,05 гача 0,23 1,05 дан 1,10 гача 0,25 1,10 дан 1,15 гача 0,59 1,15 дан 1,20 гача 0,76 1,20 дан 1,25 гача 0,89 1,25 дан 1,30 гача 1,06 1,30 дан 1,35 гача 1,27 1,35 дан 1,40 гача 1,48 1,40 дан 1,45 гача 1,73 1,45 дан 1,50 гача 2,03 1,50 дан 1,55 гача 2,32 1,55 дан 1,60 гача 2,70 1,60 дан 1,65 гача 3,08 1,65 дан 1,70 гача 3,59 1,70 дан 1,75 гача 4,01 1,75 дан 1,80 гача 4,55 1,80 дан 1,85 гача 5,15 1,85 дан 1,90 гача 5,82 1,90 дан 1,95 гача 6,50 1,95 дан 2,00 гача 7,30 2,00 ва ундан юқори 8,44

7. Автотранспорт воситалари ҳажмларининг ортиқчалиги учун тўлов юриб ўтилган 1 км йўл учун базавий ҳисоблаш миқдорининг (БҲМ) 0,32 фоизи миқдорида ундирилади.

8. Оғир вазнли ва катта ҳажмли транспорт воситалари ўтиши учун аризаларни кўриб чиқиш, йўналишни келишиш ва рухсатнома бериш учун тўланадиган тўловнинг миқдори «Лицензия» ахборот тизимида қуйидаги тарзда белгиланади:

100 кмга қадар БҲМ нинг 54 фоизи миқдорида;

ҳар бир кейинги километр учун БҲМ нинг 0,24 фоизи миқдорида.

3-боб. Катта ҳажмли ва оғир вазнли автотранспорт воситаларининг умумий фойдаланишдаги автомобиль йўлларида ҳаракатланиш ва юк ташиш қоидаларини бузганлик натижасида етказилган зарарни қоплаш учун тўловлар

9. Катта ҳажмли ва оғир вазнли автотранспорт воситалари Автомобиль йўллари қўмитаси томонидан расмийлаштирилган рухсатнома билан ҳаракатланишига рухсат берилади.

10. Автотранспорт воситасининг параметрлари рухсатномада белгиланган параметрлардан ортиқ бўлиши ва/ёки рухсатномада белгиланган ҳаракат йўналишидан оғиш ёки четга чиқиш ҳолати аниқланган тақдирда, автомобиль йўлларига зарар етказган деб ҳисоблаш учун асос бўлади.

11. Катта ҳажмли ва оғир вазнли автотранспорт воситалари рухсатномасиз ҳаракатланиши ва юк ташиш қоидаларини бузганлик натижасида автомобиль йўллари қопламасига ва конструкциясига етказилган зарар миқдори ҳар бир босиб ўтган километр масофа учун қуйидагича ҳисобланади:

автотранспорт воситасининг умумий оғирлиги 50 тоннагача бўлганда — базавий ҳисоблаш миқдорининг ўттиз фоизи миқдорида;

автотранспорт воситасининг умумий оғирлиги 80 тоннагача бўлганда — базавий ҳисоблаш миқдорининг бир баробари миқдорида;

автотранспорт воситасининг умумий оғирлиги 80 тонна ва ундан юқори бўлганда — базавий ҳисоблаш миқдорининг уч баробари миқдорида.

Босиб ўтилган масофани аниқлаш имкони бўлмаган тақдирда етказилган зарар миқдорлари икки юз километр учун ундирилади.

12. Катта ҳажмли ва оғир вазнли автотранспорт воситаларининг рухсатномасиз ҳаракатланиши, рухсатномада белгиланган ҳаракат йўналишидан оғиши ёки четга чиқиши ва юк ташиш қоидаларини бузганлиги натижасида йўл ўтказгич ва кўприк иншоотларига ва бошқа йўл элементларига етказилган зарар мазкур иншоотни диагностика қилиш натижаларига кўра ишлаб чиқилган лойиҳада кўзда тутилган ҳисоб-китобларга кўра аниқланади ва ундирилади.

13. Етказилган зарар юк ташувчи томонидан тўлиқ бартараф этилганда ёки йўл ташкилотига тўлиқ қоплаб берилган тақдирда, ундирилган ҳисобланади.

14. Катта ҳажмли ва оғир вазнли автотранспорт воситаларининг умумий фойдаланишдаги автомобиль йўлларида ҳаракатланиш ва юк ташиш қоидаларини бузганлик натижасида етказилган зарар Транспорт вазирлиги ҳузуридаги Транспорт назорати инспекцияси ҳамда Автомобиль йўллари қўмитаси томонидан белгиланган тартибда ундирилади.

4-боб. Якунловчи қоидалар

15. Катта ҳажмли ва оғир вазнли автотранспорт воситаларини Ички ишлар вазирлиги Жамоат хавфсизлиги департаментининг Йўл ҳаракати хавфсизлиги хизмати патруль автомобилларининг кузатиб борганлиги учун тўлов ушбу Низом билан тартибга солинмайди.

Ушбу тўлов автотранспорт воситалари эгаларидан Ички ишлар вазирлиги Жамоат хавфсизлиги департаментининг Йўл ҳаракати хавфсизлиги хизмати билан тузилган шартнома асосида ундирилади.

16. Мазкур Низомда назарда тутилган оғир вазнли ва катта ҳажмли автотранспорт воситаларининг умумий фойдаланишдаги автомобиль йўллар бўйлаб ҳаракатланиши учун тўловлар «Лицензия» ахборот тизимида тўлов кунидаги Ўзбекистон Республикасида белгиланган базавий ҳисоблаш миқдорига нисбатан ундирилади.

17. Юк ташувчига нисбатан маъмурий жавобгарлик чоралари қўлланилганда, уни автомобиль йўли ва йўл иншоотларига етказилган зарарни қоплашдан озод этмайди.

18. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Вазирлар Маҳкамасининг 2024 йил 28 октябрдаги 710-сон қарорига 3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Автомобилда хорижий юк ташувчиларнинг Ўзбекистон Республикаси ҳудудига киришлари, бўлишлари, юк олиб ўтишлари ва ундан чиқиб кетишлари тартиби тўғрисида» 1995 йил 11 январдаги 11-сон қарорида :

а) 4-банд қуйидаги таҳрирда баён этилсин:

«4. Ўзбекистон Республикаси Ички ишлар вазирлиги республика ҳудуди орқали ўтувчи транспорт воситаларининг ҳудудга кирган кунидан бошлаб 5 кундан ортиқ бўлмаган муддатда (катта ҳажмли ва (ёки) оғир вазнли автотранспорт воситаларининг автомобиль йўлларида ҳаракатланишига махсус рухсатномада бошқа муддат белгиланмаган бўлса) чиқиб кетишларини таъминлаган ҳолда, уларнинг юк олиб ўтишлари устидан қаттиқ назорат ўрнатсин, шунингдек, берилган буюртманомаларга мувофиқ автомобиль транспортида ташиладиган махсус юкларни кузатиб боришни амалга оширсин»;

б) 15-банднинг иккинчи хатбошисидаги «юришидан» сўзи «ҳаракатланиши учун йиғимлар «Лицензия» ахборот тизими орқали ундирилади ва» сўзлари билан алмаштирилсин;

в) 6-иловада :

4-банд қуйидаги таҳрирда баён этилсин:

«4. Агар рухсатнома талаблари ва йўл ҳаракати қоидаларига риоя этган ҳолда, оғир вазнли ва катта ҳажмли автотранспорт воситалари юриши натижасида йўлларга ҳамда йўл иншоотларига ҳаракатни чеклашга олиб келадиган зарар етказилса, у ҳолда жавобгарлик ва зарарни тўлаш қонунчилик ҳужжатларига мувофиқ рухсатнома ҳамда қатнов маршрутини келишиб берган ташкилотларга юкланади»;

8-банднинг биринчи хатбошиси қуйидаги таҳрирда баён этилсин:

«8. Оғир юкли ва йирик габаритли транспорт воситалари ўтиши учун аризаларни кўриб чиқиш, йўналишни келишиш ҳамда рухсатнома бериш учун тўланадиган тўловнинг миқдори «Лицензия» ахборот тизимида қуйидаги тарзда ҳисобланади:»;

9-банд қуйидаги таҳрирда баён этилсин:

«9. Мазкур Низомда назарда тутилган тўловларни миллий валюта «сўм»да рухсатнома берилган кундаги Ўзбекистон Республикаси Марказий банкининг курси бўйича «Лицензия» ахборот тизими орқали ундирилади».

2. Вазирлар Маҳкамасининг «Автомобиль ёнилғиси қуйиш шохобчаларининг ишини такомиллаштириш ва республика истеъмолчиларини нефть маҳсулотлари билан таъминлашни яхшилаш чора-тадбирлари тўғрисида» 1998 йил 18 сентябрдаги 397-сон қарорининг 4-бандида :

иккинчи ва учинчи хатбошилар чиқариб ташлансин;

учинчи ва тўртинчи хатбошилар тегишлича иккинчи ва учинчи хатбошилар деб ҳисоблансин.

3. Вазирлар Маҳкамасининг 2006 йил 1 ноябрдаги 226-сон қарори билан тасдиқланган Автомобиль йўлларини таъмирлаш ва сақлаш ишлари таснифининг 31-банди ўн иккинчи хатбошиси қуйидаги таҳрирда баён этилсин:

«автомобиль йўлларида вазн ва ҳажм параметрлари назорати бўйича стационар ва кўчма шохобчаларни сақлаш, шунингдек, автотранспорт воситаларининг рухсат этилган вазн ва габарит параметрларига риоя этилиши устидан назорат қилиш учун Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати ходимларини шартнома асосида жалб этиш».

5. Вазирлар Маҳкамасининг 2011 йил 26 декабрдаги 342-сон қарори билан тасдиқланган Катта ҳажмли ва оғир вазнли юкларни автомобиль транспортида ташишда ҳаракат хавфсизлигини таъминлаш қоидаларида :

а) 5-бандда :

биринчи хатбоши «катта ҳажмли» сўзларидан кейин «ва (ёки) оғир вазнли» сўзлари билан тўлдирилсин;

тўртинчи хатбоши қуйидаги таҳрирда баён этилсин:

«вазн ва ҳажм параметрларини аниқлашда ўлчаш асбобининг автотранспорт воситаларини тўхтаб турган ёки 5 км/соатгача тезлик билан ҳаракатланаётганда беш фоиз, 5 км/соатдан юқори тезликда ҳаракатланаётганда — ўн фоиз фарқ билан ишлашига йўл қўйилади ва у юк ташувчи фойдасига талқин қилинади»;

б) 7-банднинг биринчи хатбошисидаги «ёки мақсадга мувофиқ» сўзлари чиқариб ташлансин;

в) 18-банд ўз кучини йўқотган деб ҳисоблансин;

г) 29-банднинг иккинчи ва учинчи хатбошилари чиқариб ташлансин;

д) 32-банднинг тўртинчи хатбошиси чиқариб ташлансин;

е) 54-банд ўз кучини йўқотган деб ҳисоблансин;

ж) Қоидаларга 2-илованинг изоҳ қисми қуйидаги таҳрирда баён этилсин:

6. Вазирлар Маҳкамасининг 2014 йил 9 июлдаги 184-сон қарори билан тасдиқланган Қутқарув хизматлари, қутқарув тузилмалари ва қутқарувчиларни аттестациядан ўтказиш, қутқарув хизматлари ва қутқарув тузилмаларини ҳисобга олиш рўйхатидан ўтказиш тартиби тўғрисидаги низомга 1-илованинг ўн тўртинчи хатбошисидаги «ва «Ўзтемирйўлназорат» инспекцияси» сўзлари «ҳузуридаги Транспорт назорати инспекцияси» сўзлари билан алмаштирилсин.

7. Вазирлар Маҳкамасининг «Аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш, фуқаро муҳофазаси, шунингдек кемалар, шу жумладан кичик ҳажмли кемалардан хавфсиз фойдаланиш соҳасида давлат назоратини олиб бориш тартиби тўғрисидаги низомни тасдиқлаш ҳақида» 2017 йил 19 сентябрдаги 744-сон қарорида :

а) номи ва 1-банддаги «кемалар, шу жумладан» сўзлари чиқариб ташлансин;

б) иловада :

номи , 1 ва 4-бандлардаги «кемалар, шу жумладан» сўзлари чиқариб ташлансин;

5-бандда :

бешинчи хатбоши қуйидаги таҳрирда баён этилсин:

«кичик ҳажмли кемалардан хавфсиз фойдаланиш, шунингдек, сув объектларида кемалардан ва улар турадиган базалардан (иншоотлардан) фойдаланишда фуқароларнинг хавфсизлигини таъминлаш юзасидан самарали назоратни амалга ошириш»;

тўққизинчи хатбошидаги «кемалар, шу жумладан» сўзлари чиқариб ташлансин;

7-банд , 9-банднинг тўртинчи хатбошиси , 14-банднинг еттинчи хатбошиси , 20-банд , 21-банднинг биринчи хатбошиси ва 33-банддаги «кемалар, шу жумладан» сўзлари чиқариб ташлансин;

5-бобнинг номидаги «Кемалар, шу жумладан кичик ҳажмли» сўзлари «Кичик ҳажмли» сўзлари билан алмаштирилсин;

39-банднинг биринчи хатбошисидаги «кемалар, шу жумладан» сўзлари чиқариб ташлансин;

40-банддаги «Кемалар, шу жумладан кичик ҳажмли» сўзлари «Кичик ҳажмли» сўзлари билан алмаштирилсин;

42-банднинг иккинчи хатбошисидаги «кемалар, шу жумладан» сўзлари чиқариб ташлансин;

43-банддаги «тўхтаб» ва «шунингдек, кемачиликни тартибга солувчи қоидаларни» сўзлари чиқариб ташлансин;

44 ва 46-бандлардаги «тўхтаб» сўзи чиқариб ташлансин;

Низомга иловада :

илова белгисидаги «кемалар, шу жумладан» сўзлари чиқариб ташлансин;

номидаги «кемалар, шу жумладан» сўзлари чиқариб ташлансин;

матнидаги «кемалардан, шу жумладан» ҳамда «кемалар, шу жумладан» сўзлари чиқариб ташлансин.

8. Вазирлар Маҳкамасининг «Туси ўзгартирилган (қорайтирилган) ойнали автотранспорт воситаларидан фойдаланишни тартибга солиш чора-тадбирлари тўғрисида» 2018 йил 18 июлдаги 547-сон қарорининг 2-бандида :

«а» кичик банд «М2, М3 тоифага оид III класс автотранспорт воситалари» сўзларидан кейин «(туристик фаолиятни амалга ошириш учун лицензияга эга бўлган субъектларнинг М2, М3 тоифага оид III класс автотранспорт воситалари, шунингдек, минивенлари бундан мустасно)» сўзлари билан тўлдирилсин;

қуйидаги мазмундаги «г 1 » кичик банд билан тўлдирилсин:

«г 1 ) туристик фаолиятни амалга ошириш учун лицензияга эга бўлган субъектларнинг М2, М3 тоифага оид III класс автотранспорт воситалари, шунингдек, минивенлар ён ойналарининг тусини ўзгартиришга (қорайтиришга) рухсатнома бериш учун бир марталик тўлов ставкалари ушбу банднинг «г» кичик бандига мувофиқ белгиланади».

9. Вазирлар Маҳкамасининг 2019 йил 19 апрелдаги 336-сон қарори билан тасдиқланган Ўзбекистон Республикаси Транспорт вазирлиги тўғрисидаги низомнинг 13-бандида :

«ж» кичик банди еттинчи ва саккизинчи хатбошилари чиқариб ташлансин;

тўққизинчи — ўн еттинчи хатбошилар еттинчи — ўн бешинчи хатбошилар деб ҳисоблансин.

10. Вазирлар Маҳкамасининг 2019 йил 24 майдаги 429-сон қарори билан тасдиқланган Ўзбекистон Республикаси Транспорт вазирлиги ҳузуридаги Транспорт ва логистикани ривожлантириш жамғармаси тўғрисидаги низомнинг 3-бандида :

бешинчи хатбошидаги «100» рақами «60» рақами билан алмаштирилсин;

қуйидаги мазмундаги еттинчи — ўнинчи хатбошилар билан тўлдирилсин:

«тегишли рухсатномасиз оғир вазнли, йирик габаритли, хавфли юкларни ташиш ва юк билан ёки юксиз ҳолдаги габарит ўлчамлари белгиланган нормалардан ортиқ бўлган транспорт воситаларида йўлга чиқиш учун ундириладиган жарималар суммасининг 10 фоизи;

юк кўтариш қуввати 10 тоннадан юқори бўлган юк автотранспорти воситалари ва тиркамаларининг автомобиль йўллари бўйлаб ҳаракатланиши ҳуқуқи учун йиғимнинг 10 фоизи;

тадбиркорлик субъектларига тегишли ўлчов назорат шохобчалари қайд этган тегишли рухсатномасиз оғир вазнли, йирик габаритли, хавфли юкларни ташиш ва юк билан ёки юксиз ҳолдаги габарит ўлчамлари белгиланган нормалардан ортиқ бўлган транспорт воситаларида йўлга чиқиш учун ундириладиган жарималар суммасининг 15 фоизи;

тадбиркорлик субъектларига тегишли кўчма ўлчов назорат шохобчаларида ўрнатилган фото ва видео қайд этиш дастурий-техник воситалари орқали аниқланган шохобчага кириш жойида тўла вазни 12 тоннадан юқори бўлган N 3 ва О 4 тоифага кирувчи автотранспорт воситаларини йўналтирувчи йўл белгиларига риоя қилмаган ҳолда шохобча орқали ҳаракатланмаган юк автотранспорт воситалари учун қўлланилган жарима суммасининг 50 фоизи»;

еттинчи — ўнинчи хатбошилар тегишлича ўн биринчи — ўн тўртинчи хатбошилар деб ҳисоблансин.

11. Вазирлар Маҳкамасининг 2019 йил 21 ноябрдаги 924-сон қарори билан тасдиқланган Ўзбекистон Республикаси Транспорт вазирлиги ҳузуридаги Автомобиль йўллари' қўмитаси фаолиятини ривожлантириш ва қўллаб-қувватлаш жамғармаси тўғрисидаги низомда :

а) 4-бандда :

«а» кичик банддаги «40» рақами «25» рақами билан алмаштирилсин;

«в» кичик банддаги «90» рақами «80» рақами билан алмаштирилсин;

қуйидаги мазмундаги «л 1 », «л 2 » ва «л 3 » кичик бандлар билан тўлдирилсин:

«л 1 ) юк кўтариш қуввати 10 тоннадан юқори бўлган юк автотранспорти воситалари ва тиркамаларининг автомобиль йўллари бўйлаб ҳаракатланиши ҳуқуқи учун йиғимнинг 90 фоизи;

л 2 ) тадбиркорлик субъектларига тегишли ўлчов-назорат шохобчалари орқали қайд этилган йўл ҳаракати қоидалари бузилганлиги учун дастлабки 2 йил давомида ундирилган жарималар суммасидан тушган маблағларнинг 35 фоизи, ишга туширилганидан 2 йил ўтганидан сўнг 45 фоизи;

л 3 ) махсус кўрикдан ўтказиш ва техник хулоса ишлаб чиқиш хизматлари учун тўловлардан келиб тушган маблағларнинг 50 фоизи»;

б) 8-бандда :

саккизинчи хатбоши қуйидаги таҳрирда баён этилсин:

«Қўмитага юкланган вазифаларни бажариш учун консалтинг ва бошқа ташкилотлардан хорижий мутахассисларни ўрнатилган тартибда шартнома асосида жалб қилиш ҳамда маҳаллий мутахассисларни, маслаҳатчиларни шартнома асосида жалб қилиш, шунингдек, Қўмита эксперт-таҳлил гуруҳи фаолиятини молиялаштириш»;

йигирма биринчи хатбоши «постини ташкил этиш» сўзларидан кейин «, шунингдек, автотранспорт воситаларининг рухсат этилган вазн ва габарит параметрларига риоя этилиши устидан назорат қилиш учун Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати ходимларини шартнома асосида жалб этиш» сўзлари билан тўлдирилсин.

12. Вазирлар Маҳкамасининг 2020 йил 19 майдаги 295-сон қарори Ўзбекистон Республикаси Транспорт вазирлиги ҳузуридаги Автомобиль йўллари қўмитаси тўғрисидаги низомнинг 13-банди тўққизинчи хатбошиси қуйидаги таҳрирда баён этилсин:

«йўл хўжалиги соҳасини тартибга солиш масалаларини муҳокама қилиш учун экспертларни жалб қилиш, шунингдек, соҳадаги ислоҳотлар ижросини экспертлик жиҳатдан таъминлашнинг янги, самарали ва сифатли тизимини яратиш доирасида норматив-ҳуқуқий ҳужжатлар лойиҳаларини ишлаб чиқиш учун малакали мутахассислардан иборат эксперт-таҳлил гуруҳларини қонунчилик ҳужжатларида белгиланган тартибда ташкил этиш».

13. Вазирлар Маҳкамасининг «Транспорт воситаларининг вазн ва ҳажм параметрларини назорат қилишни жорий этиш чора-тадбирлари тўғрисида» 2020 йил 28 майдаги 337-сон қарорида :

а) 1-иловада :

3-банднинг тўртинчи хатбошисидаги «денгиз контейнерлари;» сўзлари чиқариб ташлансин;

4-бандда :

«а» кичик банддаги «ҳамда тўхтатилган транспорт воситаларини тўхтатиш сабаблари бартараф этилгунга қадар жойлаштириш учун тўхташ жойи» сўзлари чиқариб ташлансин;

«д» ва «е» кичик бандлар ўз кучини йўқотган деб ҳисоблансин;

«ж» кичик банддаги «кўчма» сўзи «стационар» сўзи билан алмаштирилсин;

«з» кичик банд қуйидаги таҳрирда баён этилсин:

«з) куну тун режимида ишлайдиган ходимлар учун мўлжалланган ва маълумот алмашиш алоқа воситалари билан жиҳозланган хона»;

5-бандда :

биринчи хатбоши «автоматлаштирилган» сўзидан кейин «(WIM тизими)» сўзлари билан тўлдирилсин;

«а» кичик банддаги «аниқловчи, ўқдаги ғилдираклар сонини» сўзлари чиқариб ташлансин;

«д» кичик банд ўз кучини йўқотган деб ҳисоблансин;

«е» кичик банд қуйидаги таҳрирда баён этилсин:

«е) маълумот алмашиш алоқа воситалари»;

6-банднинг «в» , «д» ва «е» кичик бандлари ўз кучини йўқотган деб ҳисоблансин;

16-банднинг биринчи хатбошиси «Автомобиль йўлларида» сўзларидан кейин «кўчма ва стационар пунктларида» сўзлари билан тўлдирилсин;

19-банд қуйидаги таҳрирда баён этилсин:

«19. Кўчма ва стационар пунктларида:

Ўзбекистон Республикаси Транспорт вазирлиги ҳузуридаги Транспорт назорати инспекцияси инспекторлари (кейинги ўринларда — Инспектор) республика ҳудудида;

Божхона қўмитаси Ўзбекистон Республикаси давлат чегараси ўтиш пунктларида қуйидагилардан иборат инструментал вазн ва ҳажм назоратини амалга оширади:

транспорт воситасининг ҳажмларини ўлчаш (оғирлик, узунлик, кенглик ва баландлик кабилар);

ўқлар ўртасидаги масофани ўлчаш;

ўқларга тушадиган оғирликни ўлчаш;

умумий оғирлигини ўлчаш ва бошқалар»;

23-бандда :

биринчи хатбоши қуйидаги мазмундаги жумла билан тўлдирилсин:

«Автоматлаштирилган пунктлар бундан мустасно»;

олтинчи ва еттинчи хатбошилар чиқариб ташлансин;

26-банд қуйидаги таҳрирда баён этилсин:

«26. Катта ҳажмли ва оғир вазнли транспорт воситаси эгасида (фойдаланувчида) автомобиль йўлларидан ўтиш учун махсус рухсатнома мавжуд бўлмаган ёки рухсатномада белгиланган ҳаракат йўналишидан четланган, шунингдек, йўл ҳаракатлари шартлари бузилган тақдирда, инспектор транспорт воситаси ҳаракатини тўхтатади ва баённома расмийлаштиради.

Автоматлаштирилган пунктларида аниқланган ҳолатлар бўйича автомат тарзда баённома расмийлаштирилади»;

б) 2-иловада :

4-банд қуйидаги таҳрирда баён этилсин:

«4. Юк ташувчи (буюртмачи) ёки уларнинг вакиллари махсус рухсатнома олиш учун «Лицензия» ахборот тизими орқали мурожаат этишлари зарур»;

7-банд қуйидаги таҳрирда баён этилсин:

«7. Махсус кўрик ўтказиш ишлари катта ҳажмли ва оғир вазнли транспорт воситаларининг умумий оғирлиги, ўқи бўйича оғирлиги ва ҳажм ўлчамларидан келиб чиқиб бир ойгача бўлган муддатда амалга оширилади, белгиланган меъёрлардан уч баробар ортиқ юклар бундан мустасно»;

11 , 12 ва 13-бандлар қуйидаги таҳрирда баён этилсин:

«11. Бир йўналишда махсус кўрик ўтказилгандан сўнг такроран 15 кун ичида қайта махсус кўрикдан ўтказиш талаб этилмайди, белгиланган меъёрлардан уч баробар ортиқ юклар бундан мустасно.

12. Техник хулоса қуйида келтирилган шартларнинг ҳеч бўлмаганда биттаси мавжуд бўлган ҳолларда ишлаб чиқилади:

катта ҳажмли ва оғир вазнли транспорт воситаларининг умумий оғирлиги 70 тоннадан ошса;

катта ҳажмли ва оғир вазнли транспорт воситаларининг узунлиги 24 метрдан ошса;

катта ҳажмли ва оғир вазнли транспорт воситаларининг кенглиги 3,5 метрдан ошса;

катта ҳажмли ва оғир вазнли транспорт воситаларининг баландлиги 4,5 метрдан ошса;

умумий фойдаланишдаги автомобиль йўллари учун автотранспорт воситасининг (автопоезднинг) битта ўқига тушган оғирлик миқдори 13 тоннадан ортиқ бўлганда.

13. Автомобиль йўлларини махсус кўрикдан ўтказиш ва техник хулоса ишлаб чиқиш хизматлари учун тўловлар юк ташувчи (буюртмачи) ёки уларнинг вакиллари билан автомобиль йўллари соҳасидаги махсус ваколатли орган ёки у ваколат берган ташкилот ўртасида тузилган шартнома асосида йўналишнинг ҳар бир километр масофаси учун транспорт воситасининг юк билан умумий оғирлиги:

100 тоннагача бўлган транспорт воситалари учун базавий ҳисоблаш миқдорининг ўн беш фоизи;

100 тонна ва ундан ортиқ бўлган транспорт воситалари учун базавий ҳисоблаш миқдорининг йигирма фоизи миқдорида ҳисоб-китоб қилинади.

Махсус кўрикдан ўтказиш ва техник хулоса ишлаб чиқиш хизматлари учун тўловлардан келиб тушган маблағларнинг эллик фоизи Транспорт вазирлиги ҳузуридаги Автомобиль йўллари қўмитаси фаолиятининг ривожлантириш ва қўллаб-қувватлаш жамғармасига йўналтирилади».

14. Вазирлар Маҳкамасининг «Кема ҳайдовчиларини тайёрлаш, қайта тайёрлаш ва уларнинг малакасини ошириш чора-тадбирлари тўғрисида» 2020 йил 4 июлдаги 421-сон қарорида :

а) 2-банднинг «а» кичик банди иккинчи хатбошиси «Транспорт вазирлиги» сўзларидан кейин «ҳузуридаги Транспорт назорати инспекцияси» сўзлари билан тўлдирилсин;

б) иловада :

29-банднинг биринчи хатбошисидаги «Транспорт вазирлиги ва Фавқулодда вазиятлар вазирлигининг ҳудудий фавқулодда вазиятлар бошқармаларида» сўзлари «Транспорт вазирлиги ҳузуридаги Транспорт назорати инспекцияси ва Фавқулодда вазиятлар вазирлигининг ҳудудий бошқармаларида» сўзлари билан алмаштирилсин;

35-банднинг иккинчи хатбошисидаги «Транспорт вазирлигининг тегишли ҳудудий бошқармалари» сўзлари «Транспорт вазирлиги ҳузуридаги Транспорт назорати инспекциясининг тегишли ҳудудий бўлинмалари» сўзлари билан алмаштирилсин;

37-банднинг иккинчи хатбошиси «Транспорт вазирлиги» сўзларидан кейин «ҳузуридаги Транспорт назорати инспекцияси бошлиғи» сўзлари билан тўлдирилсин;

43-банднинг иккинчи хатбошиси «Транспорт вазирлиги» сўзларидан кейин «ҳузуридаги Транспорт назорати инспекцияси» сўзлари билан тўлдирилсин;

61-банддаги «Фавқулодда вазиятлар вазирлиги ва Транспорт вазирлигининг ҳудудий бошқармалари» сўзлари «Фавқулодда вазиятлар вазирлигининг ҳудудий бошқармалари ва Транспорт вазирлиги ҳузуридаги Транспорт назорати инспекциясининг» сўзлари билан алмаштирилсин;

Низомга 7-илованинг «Ўзбекистон Республикаси Транспорт вазирлиги томонидан бериладиган Кема ҳайдовчиси гувоҳномасининг намунаси ва тавсифи» бўлимида:

«Гувоҳноманинг ички томони» кичик бўлими қуйидаги таҳрирда баён этилсин:

»;

тавсиф қисмининг ўн олтинчи хатбошидаги «TRANSPORT VAZIRLIGI», иккинчи ва учинчи сатрларда «МИНИСТЕРСТВО ТРАНСПОРТА» сўзлари «TRANSPORT VAZIRLIGI HUZURIDAGI TRANSPORT NAZORATI INSPEKTSIYASI», иккинчи ва учинчи сатрларда «ИНСПЕКЦИЯ ПО НАДЗОРУ В СФЕРЕ ТРАНСПОРТА ПРИ МИНИСТЕРСТВЕ ТРАНСПОРТА» сўзлари билан алмаштирилсин.

15. Вазирлар Маҳкамасининг 2022 йил 22 февралдаги 86-сон қарори билан тасдиқланган Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомга 25-илованинг 7 — 12-позициялари қуйидаги таҳрирда баён этилсин:

« 7. Рухсат этиш хусусиятига эга ҳужжат берилганлиги учун ундириладиган йиғим: а) Маҳаллий юк ташувчилар учун: 100 км га қадар БҲМ нинг 54 фоизи миқдорида; ҳар бир кейинги километр учун БҲМ нинг 0,24 фоизи миқдорида. Транспорт воситасининг умумий ҳақиқий массаси рухсат берилганига нисбатан ошганлиги учун тўланадиган тўлов: Умумий ҳақиқий вазннинг йўл қўйиладиган вазнга нисбатан ортиқчалик миқдори, тоннада Юриладиган 1 км масофа учун тариф, сўмда (базавий ҳисоблаш миқдорига нисбатан фоизда) 0 дан 5 гача 0,08 5 дан 10 гача 0,12 10 дан 15 гача 0,24 15 дан 20 гача 0,42 20 дан 25 гача 0,63 25 дан 30 гача 0,97 30 дан 35 гача 1,39 35 дан 40 гача 1,94 40 дан 45 гача 2,66 45 дан 50 гача 3,59 50 ва ундан юқори 4,22 Оғир вазнли транспорт воситаларининг автомобиль йўлларидан ўтишида ўққа тушадиган ҳақиқий оғирликнинг (Оф) рухсат берилганга (Од) нисбатан ошганлиги учун тўлов: Ғилдирак ўқи ҳақиқий юкламасининг йўл қўйиладиган юкламага нисбати (Оф/Од) Ҳар бир ўқнинг йўл қўйиладиган юкламадан ортиқча юкламага 1 км учун тариф, сўмда (базавий ҳисоблаш миқдорига нисбатан фоизда) 1,01 дан 1,05 гача 0,23 1,05 дан 1,10 гача 0,25 1,10 дан 1,15 гача 0,59 1,15 дан 1,20 гача 0,76 1,20 дан 1,25 гача 0,89 1,25 дан 1,30 гача 1,06 1,30 дан 1,35 гача 1,27 1,35 дан 1,40 гача 1,48 1,40 дан 1,45 гача 1,73 1,45 дан 1,50 гача 2,03 1,50 дан 1,55 гача 2,32 1,55 дан 1,60 гача 2,70 1,60 дан 1,65 гача 3,08 1,65 дан 1,70 гача 3,59 1,70 дан 1,75 гача 4,01 1,75 дан 1,80 гача 4,55 1,80 дан 1,85 гача 5,15 1,85 дан 1,90 гача 5,82 1,90 дан 1,95 гача 6,50 1,95 дан 2,00 гача 7,30 2,00 ва ундан юқори 8,44 Автотранспорт воситалари ҳажмларининг ортиқчалиги учун тўлов юриб ўтилган 1 км йўл учун базавий ҳисоблаш миқдорининг (БҲМ) нинг 0,32 фоизи миқдорида ундирилади; б) хорижий юк ташувчилар учун: 100 км га қадар — 25 АҚШ доллари; ҳар бир кейинги километр учун — 0,11 АҚШ доллари миқдорида. Транспорт воситасининг умумий ҳақиқий массаси рухсат берилганига нисбатан ошганлиги учун тўланадиган тўлов: Умумий ҳақиқий вазннинг йўл қўйиладиган вазнга нисбатан ортиқча миқдори, тоннада Юриладиган 1 км масофа учун тариф, АҚШ доллари 0 дан 5 гача 0,04 5 дан 10 гача 0,06 10 дан 15 гача 0,12 15 дан 20 гача 0,20 20 дан 25 гача 0,30 25 дан 30 гача 0,46 30 дан 35 гача 0,66 35 дан 40 гача 0,92 40 дан 45 гача 1,26 45 дан 50 гача 1,70 50 ва ундан юқори 2,00 Оғир юкли транспорт воситаларининг автомобиль йўлларидан ўтишида ўққа тушадиган ҳақиқий оғирликнинг (Оф) рухсат берилганга (Од) нисбатан ошганлиги учун ҳар бир ортиқча юкланган ўқ учун тўлов: Ғилдирак ўқи ҳақиқий юкламасининг йўл қўйиладиган юкламага нисбати (Оф/Од) Ҳар бир ўқнинг йўл қўйиладиган юкламадан ортиқча юклама билан юрилган масофа учун тариф, АҚШ доллари 1,01 дан 1,05 гача 0,11 1,05 дан 1,10 гача 0,12 1,10 дан 1,15 гача 0,28 1,15 дан 1,20 гача 0,36 1,20 дан 1,25 гача 0,42 1,25 дан 1,30 гача 0,50 1,30 дан 1,35 гача 0,60 1,35 дан 1,40 гача 0,70 1,40 дан 1,45 гача 0,82 1,45 дан 1,50 гача 0,96 1,50 дан 1,55 гача 1,10 1,55 дан 1,60 гача 1,28 1,60 дан 1,65 гача 1,46 1,65 дан 1,70 гача 1,70 1,70 дан 1,75 гача 1,90 1,75 дан 1,80 гача 2,16 1,80 дан 1,85 гача 2,44 1,85 дан 1,90 гача 2,76 1,90 дан 1,95 гача 3,08 1,95 дан 2,00 гача 3,46 2,00 ва ундан юқори 4,00 Транспорт воситалари ҳажмларининг ортиқчалиги учун тўлов юриб ўтилган 1 км йўл учун 0,15 АҚШ доллари миқдорида ундирилади. Рухсат этиш хусусиятига эга ҳужжатни берганлик учун йиғим қуйидаги тартибда тақсимланади: 2 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига; 2 фоизи — Ягона интерактив давлат хизматлари портали орқали давлат хизматларини кўрсатганлик учун, шунингдек, 0,5 фоизи Ягона биллинг тизими орқали давлат хизматларини кўрсатганлик учун Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига; 96 фоизи — ваколатли органнинг ҳисобварағига йўналтирилади. 8. Аризани кўриб чиқиш муддати: 3 иш куни, бунда рухсатномани расмийлаштириш икки кунда, келишиш жараёнлари бир кунда амалга оширилади (амалдаги қонунчиликка мувофиқ махсус кўрик ўтказилиши талаб этилган ҳолларда бир ой). 9. Рухсат этишга оид талаб ва шартлар: а) Вазирлар Маҳкамасининг 2011 йил 26 декабрдаги 342-сон қарори билан тасдиқланган Катта ҳажмли ва оғир вазнли юкларни автомобиль транспортида ташишда ҳаракат хавфсизлигини таъминлаш қоидалари талабларига риоя қилиш; б) рухсат этиладиган энг юқори тезлик 50 км/соатдан ошмаслиги, тезликни чегараловчи белги транспорт воситасига йўл ҳаракати қоидаларида белгиланган тарзда ўрнатилганлиги;* в) ҳайдовчилар тегишли тоифадаги транспорт воситасини бошқариш ҳуқуқига эга бўлиши ва тасдиқланган йўналишга қатъи риоя қилиши;* 10. Рухсат этиш хусусиятига эга ҳужжатни беришда келишиладиган органлар: Ваколатли органнинг йўналиш (маршрут) чизмаси қуйидаги органлар томонидан 2 иш кунида келишилади: а) Ички ишлар вазирлиги Йўл ҳаракати хавфсизлиги бош бошқармаси билан — Ўзбекистон Республикасидан ташқарига ёки ташқаридан мамлакат ҳудудига юкларни ташишда, шунингдек, мамлакат ҳудудидан юкларни транзит ташишда; б) ҳудудий йўл ҳаракати хавфсизлиги бошқармалари билан — Қорақалпоғистон Республикаси, Тошкент шаҳри ва вилоят ҳудудида ва вилоятлараро юк ташишни амалга оширишда; в) шаҳар (туман ) электр транспорти, электр тармоғи ва бошқа алоқадор ташкилотлар билан — юкнинг баландлиги йўл сатҳидан 4,5 метрдан юқори бўлган тақдирда; г) темир йўл органлари билан — юк ташиш йўналиши темир йўл билан бир сатҳда кесишганда, транспорт воситасининг юк билан ёки юксиз кенглиги 5 метрдан, йўл сатҳидан баландлиги 4,5 метрдан, бир тиркамали (ярим тиркамали) автопоезднинг узунлиги 20 метрдан, икки ва ундан ортиқ тиркамали автопоезднинг узунлиги 24 метрдан ортиқ бўлса, шунингдек, транспорт воситасининг умумий оғирлиги 52 тоннадан юқори ёки ҳаракатланиш тезлиги соатига 5 километрдан кам бўлса, юк ташиш йўналиши темир йўл кўприги, темир йўл ўтказгичи остидан ўтганда, транспорт воситасининг кенглиги юки билан ёки юксиз 5 метрдан ортиқ, баландлиги йўл сатҳидан 4,35 метрдан ортиқ бўлса. 11. Рухсат этиш хусусиятига эга ҳужжатнинг амал қилиш муддати: 30 кун муддатга белгиланган йўналиш бўйлаб бир марта юк ташиш учун берилади, бунда республика ҳудудига кириш ва қайтиб чиқиб кетиш кўзда тутилиши мумкин. Форс-мажор ҳолатлари юз берганда, ушбу муддат форс-мажор ҳолатлари амал қилган муддатга узайтирилади. 12. Изоҳ: I. Катта ҳажмли юк — ўлчамлари (баландлиги, кенглиги ёки узунлиги)нинг бирорта кўрсаткичи уларни Ўзбекистон Республикаси ҳудудидаги автомобиль йўлларида ташишда мазкур паспортда баён этилган меъёрий ўлчамлардан катта бўлган юк. Оғир вазнли юк — Ўзбекистон Республикаси ҳудудидаги автомобиль йўлларида ташишда транспорт воситасининг ғилдирак ўқига тушадиган оғирлиги мазкур паспортда баён этилган меъёрий миқдорлардан ортиқ бўлган юк. II. Автотранспорт воситасининг габарит ўлчамлари ҳақиқий кўрсаткичлари чизиқли-ўлчаш асбоби ёрдамида, тўлиқ масса ва ўққа тушадиган оғирлиги эса турғун ёки кўчма турдаги автомобиль тарозилари ёрдамида ёхуд махсус автоматлаштирилган ўлчаш воситалари орқали ҳаракатланиши пайтида аниқланади. Чизиқли ўлчаш асбоби, шу жумладан, махсус автоматлаштирилган ўлчаш воситалари ва автомобиль тарозилари соз ҳолатда бўлиши ва сертификатларга ва (ёки) метрологик текшириш ўтказилганлиги тўғрисидаги давлат тамғасига эга бўлиши керак. Автотранспорт воситаларининг габарит ва вазн параметрлари аниқлашда ўлчаш асбобининг икки фоизли фарқ билан ишлашига йўл қўйилади ва у юк ташувчи фойдасига талқин қилинади. Агар ташиладиган юкнинг габарит ўлчамлари ва (ёки) унинг вазни белгиланган кўрсаткичлардан ўта юқори бўлганлиги ёхуд автомобиль тарозилари, махсус автоматлаштирилган ўлчаш воситаларининг йўқлиги (носозлиги) сабабли Ўзбекистон Республикаси Давлат чегараси орқали ўтказиш пунктларида автотранспорт воситасининг умумий массасини ва ўқларга тушадиган оғирлигини аниқлашнинг имкони бўлмаганда, зарур бўлган параметрлар товар-транспорт ҳужжатларида кўрсатилган маълумотлар асосида аниқланиши мумкин. III. Ўзбекистон Республикаси Давлат чегарасидан ташқарига ёки Давлат чегараси ташқарисидан мамлакат ҳудудига юкларни ташишда, шунингдек, мамлакат ҳудудидан юкларни транзит ташишда ваколатли органлардан олинган ва келишилган рухсатнома ҳамда йўналиш чизмалари тўғрисидаги маълумотлар, уларнинг берилиши билан бир вақтда катта ҳажмли ва оғир вазнли автотранспорт воситаларини Ўзбекистон Республикаси Давлат чегараси орқали ўтказиш учун йўлга эгалик қилувчи юридик шахслар томонидан Божхона қўмитасига реал вақт режимида электрон шаклда киритилади ва уларга асосан белгиланган тартибда ҳаракатланишни бошлашга рухсат берилади. Божхона органлари томонидан автотранспорт воситасининг махсус рухсатномада кўрсатилган оғирлик габарит параметрларидан ортиқ эканлиги аниқланган тақдирда, бундай автотранспорт воситасини Ўзбекистон Республикаси Давлат чегараси орқали ўтказишга йўл қўйилмайди ва унинг келгусидаги ҳаракатланиши янги махсус рухсатномага мувофиқ амалга оширилади. IV. Хорижий юк ташувчилардан тўловлар миллий валюта «сўм»да бевосита божхона постларида тижорат банклари томонидан тўлов кунидаги Ўзбекистон Республикаси Марказий банкининг курси бўйича ундирилади. V. Автомобиль йўлларини махсус кўрикдан ўтказиш ва техник хулоса ишлаб чиқиш хизматлари учун тўловлар юк ташувчи (буюртмачи) ёки уларнинг вакиллари билан ваколатли орган ўртасида тузилган шартнома асосида йўналишнинг ҳар бир километр масофаси учун транспорт воситасининг юк билан умумий оғирлиги: 100 тоннагача бўлган транспорт воситалари учун базавий ҳисоблаш миқдорининг ўн беш фоизи; 100 тонна ва ундан ортиқ бўлган транспорт воситалари учун базавий ҳисоблаш миқдорининг йигирма фоизи миқдорида ҳисоб-китоб қилинади. Муддати ўтган, бироқ рухсатномадан фойдаланмаган ҳолатларда ҳаракатланиш йўналишини ва юкни ўзгартирмаган ҳолда рухсатномани бепул қайта расмийлаштиришга йўл қўйилади. Бунда рухсатномадан фойдаланилмаганлигини Божхона қўмитаси томонидан электрон тизим орқали тақдим этилган маълумотлар асосида аниқланади. * Қўпол равишда бузиш деб ҳисобланадиган талаб ва шартлар. ».

16. Вазирлар Маҳкамасининг 2022 йил 25 мартдаги 133-сон қарори билан тасдиқланган Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисидаги низомга 5-илованинг 9-позицияси учинчи устуни қуйидаги мазмундаги «в» кичик банд билан тўлдирилсин:

«в) норуда фойдали қазилма конида автотранспорт воситаларининг оғирлик параметрларини ўлчашга мўлжалланган тарозиларни ўрнатиш ҳамда юк автотранспорт воситалари меъёр талабларида юкланиши ва йўлга чиқиши бўйича мажбуриятлар».

17. Вазирлар Маҳкамасининг 2022 йил 7 апрелдаги 167-сон қарори билан тасдиқланган Дарё транспортида давлат хизматлари кўрсатишнинг маъмурий регламентида :

а) 2-бандда :

олтинчи хатбошидаги «Транспорт вазирлигининг» сўзлари «Транспорт вазирлиги ҳузуридаги Транспорт назорати инспекциясининг» сўзлари билан алмаштирилсин;

еттинчи хатбоши қуйидаги таҳрирда баён этилсин:

« ҳудудий кемачилик регистри инспектори — Транспорт вазирлиги ҳузуридаги Транспорт назорати инспекциясининг Қорақалпоғистон Республикаси, Сурхондарё, Хоразм ва Тошкент вилоятлари ҳудудий бўлинмаларининг кемаларни классификация ва техник назорат қилиш ваколати берилган мансабдор шахслари»;

б) 7 ва 8-бандлар қуйидаги таҳрирда баён этилсин:

«7. Кемани рўйхатга/қайта рўйхатга олиш ва тегишли техник кўрикларни ўтказиш кема эгаси ва Транспорт вазирлиги ҳузуридаги Транспорт назорати инспекциясининг Қорақалпоғистон Республикаси, Сурхондарё, Хоразм ва Тошкент вилоятлари ҳудудий бўлинмалари билан ўзаро тузилган шартномалар асосида амалга оширилади.

8. Кемани рўйхатга/қайта рўйхатга олиш ва уни техник кўрикдан ўтказиш тўғрисида ариза кема эгаси томонидан Ягона интерактив давлат хизматлари портали ёки Транспорт вазирлиги ҳузуридаги Транспорт назорати инспекциясининг веб-сайти орқали ёхуд бевосита ўзлари жойлашган манзил бўйича Транспорт назорати инспекциясининг тегишли ҳудудий бўлинмаларига тақдим этилади»;

в) 9-банддаги «тегишли Транспорт бошқармасига» сўзлари «Транспорт вазирлиги ҳузуридаги Транспорт назорати инспекциясининг тегишли ҳудудий бўлинмаларига» сўзлари билан алмаштирилсин;

г) 10-банднинг олтинчи хатбошисидаги «Транспорт вазирлиги ва Давлат божхона қўмитасининг» сўзлари «Транспорт вазирлиги ҳузуридаги Транспорт назорати инспекцияси ва Иқтисодиёт ва молия вазирлиги ҳузуридаги Божхона қўмитасининг» сўзлари билан алмаштирилсин;

д) 13-банднинг биринчи хатбошиси ва 23-банднинг учинчи хатбошисидаги «Транспорт вазирлигининг» сўзлари «Транспорт вазирлиги ҳузуридаги Транспорт назорати инспекциясининг» сўзлари билан алмаштирилсин;

е) 2-иловада :

биринчи хатбошидаги «Transport vazirligining Kemachilik registri va Kemachilik inspeksiyasi» сўзлари «Transport vazirligi huzuridagi Transport nazorati inspeksiyasining Kemachilik registri» сўзлари билан алмаштирилсин;

иккинчи хатбошидаги «и Судоходной инспекции Министерства транспорта» сўзлари «Инспекции по надзору в сфере транспорта при Министерстве транспорта» сўзлари билан алмаштирилсин;

учинчи хатбошидаги «and Shipping Inspection of the Ministry of Transport» сўзлари «of the Inspection of transport supervision under Ministry of Transport of the» сўзлари билан алмаштирилсин;

ж) 4-илованинг матнида :

«ТРАНСПОРТ ВАЗИРЛИГИ» сўзларидан кейин «ҲУЗУРИДАГИ ТРАНСПОРТ НАЗОРАТИ ИНСПЕКЦИЯСИ» сўзлари билан тўлдирилсин;

«Ўзбекистон Республикаси Транспорт вазирлигининг» сўзлари чиқариб ташлансин;

з) 5-илованинг матни «ТРАНСПОРТ ВАЗИРЛИГИ» сўзларидан кейин «ҲУЗУРИДАГИ ТРАНСПОРТ НАЗОРАТИ ИНСПЕКЦИЯСИ» сўзлари билан тўлдирилсин;

и) 6-иловада :

«Ўзбекистон Республикаси Транспорт вазирлиги» сўзлари чиқариб ташлансин;

к) 7 ва 8-иловаларнинг матнлари «ТРАНСПОРТ ВАЗИРЛИГИ» сўзларидан кейин «ҲУЗУРИДАГИ ТРАНСПОРТ НАЗОРАТИ ИНСПЕКЦИЯСИ» сўзлари билан тўлдирилсин.

18. Вазирлар Маҳкамасининг «Ўзбекистон Республикаси кемачилиги соҳасида хавфсизликни таъминлашга оид чора-тадбирлар тўғрисида» 2023 йил 11 сентябрдаги 462-сон қарорида :

а) 1-иловада 2-бандида :

тўртинчи хатбошидаги «Транспорт вазирлигининг» сўзлари «Транспорт вазирлиги ҳузуридаги Транспорт назорати инспекциясининг» сўзлари билан алмаштирилсин;

ўн бешинчи хатбошидаги «Транспорт вазирлиги ва унинг ҳудудий транспорт бошқармаларидаги дарё» сўзлари «Транспорт вазирлиги ҳузуридаги Транспорт назорати инспекцияси ва унинг ҳудудий бўлинмаларидаги сув» сўзлари билан алмаштирилсин;

б) 2-илованинг 2-банди иккинчи хатбошиси ва 207-банди биринчи хатбошисидаги «Транспорт вазирлигининг» сўзлари «Транспорт вазирлиги ҳузуридаги Транспорт назорати инспекциясининг» сўзлари билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2024 йил 28 октябрь,

710-сон

(Қонунчилик маълумотлари миллий базаси, 31.10.2024 й., 09/24/710/0867-сон; 22.05.2025 й., 09/25/325/0460-сон; 25.06.2025 й., 09/25/381/0539-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

TEXNIK TALABLAR

NIZOM

Avtomobil yoʻllari boʻylab katta hajmli va ogʻir vaznli avtotransport vositalarining harakatlanish tartibini takomillashtirish chora-tadbirlari toʻgʻrisida

Oʻzbekiston Respublikasi Prezidentining “Yoʻl xoʻjaligi sohasini yanada takomillashtirish chora-tadbirlari toʻgʻrisida” 2023-yil 10-oktabrdagi PQ-330-son qarori ijrosini taʼminlash, shuningdek, avtotransport vositalarining xavfsiz harakatlanishini taʼminlash hamda belgilangan ogʻirlik va gabarit meʼyorlariga qoʻyilgan talablarni yanada kuchaytirish, respublikadagi barcha toifadagi avtomobil yoʻllari, koʻpriklar va yoʻl oʻtkazgichlarning xizmat koʻrsatish muddatini uzaytirish, ularni saqlash xarajatlarini qisqartirish maqsadida Vazirlar Mahkamasi qaror qiladi:

1. Quyidagilar:

Vazirlar Mahkamasining “Oʻzbekiston Respublikasi hududidagi avtomobil yoʻllarida xavfsizlikni taʼminlash va tashkil etish chora-tadbirlari toʻgʻrisida” 2011-yil 26-dekabrdagi 342-son qarori bilan avtotransport vositalarining ruxsat etilgan ogʻirlik va gabarit parametrlari belgilanganligi hamda umumiy foydalanishdagi avtomobil yoʻllari boʻylab katta hajmli va ogʻir vaznli avtotransport vositalarining harakatlanishi tartibga solinganligi;

Vazirlar Mahkamasining “Avtomobilda xorijiy yuk tashuvchilarning Oʻzbekiston Respublikasi hududiga kirishlari, boʻlishlari, yuk olib oʻtishlari va undan chiqib ketishlari tartibi toʻgʻrisida” 1995-yil 11-yanvardagi 11-son qarori bilan xorijiy davlatlarning katta hajmli va ogʻir vaznli avtotransport vositalarini Oʻzbekiston Respublikasi hududi boʻylab yurishi uchun toʻlovlar belgilanganligi maʼlumot uchun qabul qilinsin.

2. Transport vazirligi, Iqtisodiyot va moliya vazirligi, Ichki ishlar vazirligi, Investitsiyalar, sanoat va savdo vazirligi hamda Vazirlar Mahkamasi huzuridagi Oʻzbekiston texnik jihatdan tartibga solish agentligining quyidagi takliflari maʼqullansin:

avtomobil yoʻllarida vazn va hajm parametrlari nazorati boʻyicha zamonaviy oʻlchov vositalari bilan jihozlangan statsionar va koʻchma shoxobchalar (keyingi oʻrinlarda — oʻlchov-nazorat shoxobchalari) oʻrnatish va ulardan foydalanish sohasiga xususiy sektorni keng jalb qilish;

oʻlchov-nazorat shoxobchalari oʻrnatiladigan joylarni elektron onlayn auksion savdolarida gʻolib boʻlgan tadbirkorlik subyektlariga yigirma yil muddatga ijara asosida va boshqa tadbirkorlik subyektiga oʻtkazish huquqi bilan berish.

3. Shunday tartib oʻrnatilsinki, unga muvofiq:

a) Transport vazirligi huzuridagi Avtomobil yoʻllari qoʻmitasi (keyingi oʻrinlarda — Avtomobil yoʻllari qoʻmitasi):

oʻlchov-nazorat shoxobchalari oʻrnatiladigan joylarni (hududlarni) Ichki ishlar vazirligi Jamoat xavfsizligi departamentining Yoʻl harakati xavfsizligi xizmati (keyingi oʻrinlarda — Yoʻl harakati xavfsizligi xizmati) va Transport vazirligi huzuridagi Transport nazorati inspeksiyasi (keyingi oʻrinlarda — Transport nazorati inspeksiyasi) bilan kelishgan holda belgilaydi va mazkur joylar (hududlar) elektron onlayn auksion savdolarida gʻolib boʻlgan tadbirkorlik subyektlariga belgilangan talablar bilan ijara huquqi asosida beriladi.

Bunda ushbu joylar (hududlar) atrofida transport vositalari aylanib oʻtishi mumkin boʻlgan avtomobil yoʻllariga tasdiqlangan dislokatsiya va umumiy texnik talablar asosida koʻchma shoxobchalar tashkil etilishiga ruxsat beriladi;

tadbirkorlik subyektlari bilan hamkorlik qiladi va Transport nazorati inspeksiyasi bilan birgalikda tadbirkorlik subyektlari tomonidan oʻrnatilgan oʻlchov-nazorat shoxobchalarini muntazam ravishda nazorat qilib boradi;

b) tadbirkorlik subyektlari:

oʻlchov-nazorat shoxobchalarining uskunalari va dasturiy-texnik vositalarini belgilangan texnik talablarga muvofiq xarid qiladi va oʻrnatadi;

oʻlchov-nazorat shoxobchalarini oʻziga ijara huquqi asosida berilgan avtomobil yoʻli joyida (hududida) oʻz mablagʻlari hisobidan muhandislik-kommunikatsiya tarmoqlariga ulanish va saqlash ishlarini amalga oshiradi hamda foydalanish xarajatlarini qoplaydi;

v) Vazirlar Mahkamasi huzuridagi Oʻzbekiston texnik jihatdan tartibga solish agentligi, Iqtisodiyot va moliya vazirligi huzuridagi Bojxona qoʻmitasi belgilangan meʼyordan ortiq yuklarni tashish uchun moʻljallangan avtotransport vositalari respublika hududiga chet davlatlardan import qilinishida Vazirlar Mahkamasining 2017-yil 25-apreldagi 237-son qarori bilan tasdiqlangan Muomalaga chiqarilayotgan gʻildirakli transport vositalarining xavfsizligi toʻgʻrisidagi umumiy texnik reglament talablariga qatʼiy rioya etilishini taʼminlaydi;

g) Transport nazorati inspeksiyasi avtomobil yoʻllarida belgilangan meʼyordan ortiq yuk bilan harakatlanayotgan avtotransport vositalari ustidan qatʼiy nazorat oʻrnatadi;

d) noruda foydali qazilmalarni oʻz ichiga olgan yer qaʼri uchastkasidan (karyerlardan) foydalanuvchilar yuk avtotransport vositalari ogʻirlik meʼyorlariga rioya qilgan holda yuklanishi va ogʻirlik meʼyorlardan ortiq boʻlganlarini yer qaʼri uchastkalari hamda ishlab chiqarish korxonalari hududidan avtomobil yoʻllariga chiqmasligini taʼminlashga masʼul boʻladi.

Bunda:

2025-yil 27-yanvardan boshlab noruda foydali qazilmalarni qazib olish uchun ruxsatnomasi mavjud tadbirkorlik subyektlari hamda yer qaʼri uchastkasidan foydalanish huquqini beradigan ruxsatnoma va/yoki alohida bitimlarning yer qaʼri uchastkalaridan foydalanish talab va shartlarida ruxsatnoma egasi tomonidan noruda foydali qazilma konida avtotransport vositalarining ogʻirlik parametrlarini oʻlchashga moʻljallangan tarozilarni oʻrnatish hamda yuk avtotransport vositalari meʼyor talablarida yuklanishi va yoʻlga chiqishi boʻyicha majburiyatlar kiritiladi;

Transport nazorati inspeksiyasi tomonidan noruda foydali qazilma konida yuk avtotransport vositalariga meʼyordan ortiq yuk yuklanib, avtomobil yoʻllarida harakatlanganligi holatlari aniqlangan taqdirda, Togʻ-kon sanoati va geologiya vazirligi belgilangan tartibda ruxsatnoma egalariga nisbatan yer qaʼri uchastkalaridan foydalanish huquqini cheklash, toʻxtatib quyish yoki muddatidan oldin bekor qilishga oid taʼsir choralarini koʻradi.

4. Quyidagilar:

Avtomobil yoʻllarida ogʻirlik va gabarit nazorati boʻyicha statsionar va koʻchma shoxobchalarni tadbirkorlik subyektlari tomonidan tashkil etish tartibi toʻgʻrisidagi nizom 1-ilovaga muvofiq;

Mahalliy yuk tashuvchilarning katta hajmli va ogʻir vaznli avtotransport vositalarining avtomobil yoʻllari boʻylab harakatlanishi uchun toʻlovlarni amalga oshirish hamda harakatlanish va yuk tashish qoidalarini buzganlik natijasida yetkazilgan zararni qoplash tartibi toʻgʻrisidagi nizom 2-ilovaga muvofiq tasdiqlansin.

5. Belgilansinki:

a) elektron onlayn auksion savdolariga qoʻyish uchun oʻlchov-nazorat shoxobchalari oʻrnatiladigan joylarning minimal qiymati (boshlangʻich narxi):

xalqaro ahamiyatdagi avtomobil yoʻllarida — bazaviy hisoblash miqdorining 50 baravari;

davlat ahamiyatidagi avtomobil yoʻllarida — bazaviy hisoblash miqdorining 40 baravari;

mahalliy ahamiyatdagi avtomobil yoʻllarida — bazaviy hisoblash miqdorining 30 baravari miqdorida belgilanadi.

Elektron onlayn-auksion savdolaridan tushgan mablagʻlar elektron savdo maydoni operatori xarajatlarini chegirib tashlangan holda, Transport vazirligi huzuridagi Avtomobil yoʻllari qoʻmitasi faoliyatini rivojlantirish va koʻllab-quvvatlash jamgʻarmasiga (keyingi oʻrinlarda — Jamgʻarma) yoʻnaltiriladi;

b) ishga tushirilgan oʻlchov nazorat shoxobchalari orqali qayd etilgan yuk tashish qoidalari (tegishli ruxsatnomasiz ogʻir vaznli, yirik gabaritli, yuk bilan yoki yuksiz holdagi gabarit oʻlchamlari, shuningdek, umumiy haqiqiy vazni, oʻqqa tushuvchi ogʻirligi belgilangan normalardan ortiq boʻlgan transport vositalarida yoʻlga chiqish, xuddi shuningdek, ruxsatnomada koʻrsatilgan harakat yoʻnalishidan chetga chiqish) buzilganligi uchun undirilgan jarimalar summasidan tushgan mablagʻlarning:

dastlabki 2 yil davomida:

40 foizi — tadbirkorlik subyektiga;

35 foizi — Jamgʻarmaga;

15 foizi — Transport vazirligi huzuridagi Transport va logistikani rivojlantirish jamgʻarmasiga;

10 foizi — Oʻzbekiston Respublikasining respublika budjetiga;

2 yil oʻtganidan soʻng:

30 foizi — tadbirkorlik subyektiga;

45 foizi — Jamgʻarmaga;

15 foizi — Transport vazirligi huzuridagi Transport va logistikani rivojlantirish jamgʻarmasiga;

10 foizi — Oʻzbekiston Respublikasining respublika budjetiga yoʻnaltiriladi.

Bunda fuqarolarga yuboriladigan jarimalar boʻyicha pochta, internet va SMS xabarnomalar uchun sarflanadigan hamda jarimalarni saralash va ular boʻyicha qaror qabul qilish ishlariga shartnoma asosida jalb etiladigan maʼmuriy amaliyot xodimlari uchun sarflanadigan xarajatlar Transport vazirligi huzuridagi Transport va logistikani rivojlantirish jamgʻarmasi mablagʻlari hisobidan qoplanadi.

6. Avtomobil yoʻllari qoʻmitasi Raqamli texnologiyalar vazirligi, Ichki ishlar vazirligi va Adliya vazirligi bilan birgalikda ikki oy muddatda ogʻirlik va gabarit nazorati bilan bogʻliq barcha jarayonlarni qamrab olgan, oʻzaro hamkorlik qilish imkoniyatiga ega idoralararo elektron axborot tizimining ishlab chiqilishi va ishga tushirilishini taʼminlasin.

Bunda elektron axborot tizimi:

Iqtisodiyot va moliya vazirligi huzuridagi Avtomobil yoʻllarini rivojlantirish maqsadli jamgʻarmasi va qonunchilik hujjatlarida taqiqlanmagan boshqa manbalar hisobidan ishlab chiqiladi;

“Raqamli hukumat” tizimining idoralararo integratsiyalashuv platformasi orqali Ichki ishlar vazirligining axborot tizimlari va maʼlumotlar bazalari yagona reyestrida mavjud tizimlarga hamda Adliya vazirligining “Litsenziya” axborot tizimiga integratsiya qilinadi.

7. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

8. Ushbu qarorning 3 va 5-bandlari , qarorga 1 , 2-ilovalar hamda 3-ilovaning 14 va 15-bandlari rasmiy eʼlon qilingan kundan eʼtiboran uch oy oʻtgach kuchga kiradi.

9. Avtomobil yoʻllari qoʻmitasi Oʻzbekiston Milliy axborot agentligi, Oʻzbekiston Milliy teleradiokompaniyasi hamda manfaatdor vazirlik va idoralar bilan birgalikda ushbu qarorning mazmun-mohiyatini ommaviy axborot vositalari, ijtimoiy tarmoqlar va rasmiy veb-saytlarda keng yoritsin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov, transport vaziri I.R. Maxkamov hamda ichki ishlar vaziri P.R. Bobojonov zimmasiga yuklansin.

Vazirlar Mahkamasining 2024-yil 28-oktabrdagi 710-son qaroriga 1-ILOVA

Avtomobil yoʻllarida ogʻirlik va gabarit nazorati boʻyicha statsionar va koʻchma shoxobchalarni tadbirkorlik subyektlari tomonidan tashkil etish tartibi toʻgʻrisidagi

1-bob. Umumiy qoidalar

1. Ushbu Nizom Oʻzbekiston Respublikasining avtomobil yoʻllarida avtotransport vositalarining ogʻirlik va gabarit parametrlarini nazorat qilishning statsionar va koʻchma shoxobchalarini tadbirkorlik subyektlari tomonidan oʻrnatish va ekspluatatsiya qilish tartibini belgilaydi.

2. Ushbu Nizomda quyidagi tushunchalar qoʻllaniladi:

axborot tizimi — Transport vazirligi huzuridagi Avtomobil yoʻllari qoʻmitasining (keyingi oʻrinlarda — Avtomobil yoʻllari qoʻmitasi) ogʻirlik va gabarit nazorati bilan bogʻliq barcha jarayonlarni qamrab olgan, idoralararo elektron oʻzaro hamkorlik qilish imkoniyatiga ega raqamlashtirilgan axborot tizimi;

dislokatsiya — avtomobil yoʻllarida oʻlchov-nazorat shoxobchalari oʻrnatiladigan joy (hudud);

Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining Yagona avtomatlashtirilgan axborot-tahlil tizimi — yoʻl harakati sohasidagi maʼmuriy huquqbuzarliklarga doir ishlarni hisobga olish, koʻrib chiqish va qoidabuzarga nisbatan maʼmuriy tartibda jarima qoʻllash toʻgʻrisidagi qarorni shakllantiruvchi kompyuterlashgan avtomatik axborot tizimi;

koʻchma nazorat shoxobchasi — avtotransport vositalarining vazn parametrlarini qayd etuvchi sertifikatlangan nazorat-oʻlchash texnik uskunasi bilan jihozlangan maxsus transport vositasi;

maxsus avtomatlashtirilgan oʻlchash vositalari bilan jihozlangan statsionar shoxobcha (keyingi oʻrinlarda — statsionar shoxobcha) — metrologik tekshirishdan oʻtgan, foto va video suratga oluvchi, avtomatik rejimda ishlovchi, harakatlanayotgan avtotransport vositalarining turi, rusumi, roʻyxatdan oʻtgan davlat raqami belgisini, vazn va (yoki) gabarit parametrlarini qayd etuvchi sertifikatlangan maxsus nazorat-oʻlchash texnik uskunasi bilan jihozlangan shoxobcha;

minimal qiymat (boshlangʻich narx) — avtomobil yoʻllarida statsionar shoxobchalar oʻrnatiladigan joylarning (hududlarning) elektron onlayn auksion savdolariga qoʻyilgan dastlabki narxi;

“Litsenziya” axborot tizimi — litsenziyalash, ruxsat berish va xabardor qilish tartib-taomillari bilan bogʻliq barcha jarayonlarni qamrab olgan, idoralararo elektron oʻzaro hamkorlik qilish imkoniyatiga ega, litsenziyalash va ruxsatnoma olish sohasida interaktiv xizmatlar koʻrsatish axborot tizimi;

operator — elektron onlayn auksion savdolarini tashkil etish va oʻtkazishga vakolatli boʻlgan Davlat aktivlarini boshqarish agentligi huzuridagi “Elektron onlayn-auksionlarni tashkil etish” AJ;

ogʻirlik va gabarit nazorati — transport vositasining gabaritlarini (uzunligi, eni, balandligi), har bir oʻqiga tushuvchi ogʻirlikni, umumiy (toʻliq) massasini, oʻqlari sonini va ular orasidagi masofalarni aniqlash;

tadbirkorlik subyekti — oʻlchov-nazorat shoxobchalari oʻrnatiladigan joylar (hududlar) belgilangan tartibda yigirma yil muddatga ijara huquqi asosida beriladigan yuridik shaxs;

oʻlchov-nazorat shoxobchasi — maxsus avtomatlashtirilgan oʻlchash vositalari bilan jihozlangan statsionar shoxobcha hamda koʻchma nazorat shoxobchasidan iborat kompleks;

oʻlchov uskunasi — transport vositasining ogʻirlik va (yoki) gabarit oʻlchamlarini nazoratdan oʻtkazuvchi va oʻlchov natijalariga koʻra transport vositasining belgilangan koʻrsatkichlarini aniqlab bera oladigan uskuna;

“E-auksion” elektron savdo platformasi — elektron onlayn auksion savdolarini tashkil etish va oʻtkazish uchun zarur maʼlumotlarni kiritish, saqlash va qayta ishlash imkoniyatini, shuningdek, manfaatdor shaxslarning elektron onlayn auksion savdolari jarayonida bevosita ishtirok etishini taʼminlaydigan axborot tizimi.

3. Avtomobil yoʻllarida oʻlchov-nazorat shoxobchalarining tadbirkorlik subyektlari tomonidan oʻrnatilishi quyidagi prinsiplarga asoslanadi:

jamoat manfaatlarining ustuvorligi;

qonuniylik;

shaffoflik;

korrupsiya holatlari va manfaatlar toʻqnashuviga yoʻl qoʻymaslik.

4. Tadbirkorlik subyektlari tomonidan avtomobil yoʻllarida maxsus avtomatlashtirilgan oʻlchov vositalari bilan jihozlangan ogʻirlik va gabarit nazorati boʻyicha statsionar shoxobchalarni oʻrnatish boʻyicha hujjatlar loyihasini kelishish va oʻrnatish ushbu Nizomga 1-ilovaga muvofiq sxema asosida amalga oshiriladi.

2-bob. Elektron onlayn auksion savdolarini tashkil etishga doir talablar

5. Statsionar shoxobchalar oʻrnatiladigan joylar (hududlar) tadbirkorlik subyektlariga elektron onlayn auksion savdolari orqali yigirma yil muddatga ijara huquqi asosida beriladi.

6. Statsionar shoxobchalar oʻrnatilishi mumkin boʻlgan joylarni (hududlarni) elektron onlayn auksion savdolariga chiqarish maqsadida Avtomobil yoʻllari qoʻmitasi tomonidan taqdim etiladigan joyning (hududning) dislokatsiyasi, minimal qiymati (boshlangʻich narxi) va mazkur hududdagi transport oqimi toʻgʻrisidagi maʼlumotlar (xabarnoma) “E-auksion” elektron savdo platformasidagi alohida veb-sahifada auksion savdolaridan kamida oʻttiz kun oldin eʼlon qilib boriladi.

“E-auksion” elektron savdo platformasida elektron onlayn auksion savdolarini tashkil etish hamda oʻtkazish Vazirlar Mahkamasining 2022-yil 12-yanvardagi 18-son qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizom asosida amalga oshiriladi.

7. Avtomobil yoʻllari qoʻmitasi operatorga elektron onlayn-auksion savdolarini tashkil etish va oʻtkazish toʻgʻrisidagi buyurtma bilan birga quyidagi axborot va hujjatlarni taqdim etadi:

statsionar shoxobchalar oʻrnatilishi rejalashtirilgan joyni (hududni) elektron onlayn-auksion savdoga chiqarishga asos boʻlgan hujjatlar;

statsionar shoxobchalar oʻrnatiladigan joyni (hududni) elektron onlayn auksion savdolarga qoʻyishda uning minimal qiymati (boshlangʻich narxi);

statsionar shoxobchalar oʻrnatiladigan joyning (hududning) tutash yer uchastkalari bilan birga fotosurati (kamida 4 ta);

statsionar shoxobchalar oʻrnatiladigan joyning (hududning) geolokatsiyasi;

tadbirkorlik subyektiga yuklangan majburiyatlar haqidagi maʼlumotlar;

Avtomobil yoʻllari qoʻmitasi yoki uning vakolatli tashkiloti (buyurtmachi) haqidagi maʼlumot (pochta va elektron manzili, telefon raqami);

mazkur hududdagi transport oqimi toʻgʻrisidagi maʼlumotlar.

8. Mazkur Nizomda nazarda tutilgan majburiyatlar tadbirkorlik subyektlari tomonidan bajarilmagan taqdirda, statsionar shoxobchalar oʻrnatiladigan joylar (hududlar) elektron onlayn-auksion savdolarida qaytadan sotuvga qoʻyiladi va tadbirkorlik subyektlari tomonidan sarflangan xarajatlar qoplab berilmaydi.

3-bob. Ogʻirlik va gabarit nazorati boʻyicha statsionar shoxobchalarni oʻrnatishga doir talablar

9. Tadbirkorlik subyekti statsionar shoxobcha oʻrnatiladigan joy (hudud) unga berilgandan soʻng oʻn ikki oy muddat ichida nazorat shoxobchasini oʻrnatib, ishga tushiradi.

10. Tadbirkorlik subyektlari tomonidan statsionar shoxobchalar foydalanishga topshirilgandan soʻng va ekspluatatsiya qilish jarayonida avtomobil yoʻllarini taʼmirlash, qurish va qayta qurish natijasida ushbu shoxobchalarni demontaj va qayta montaj qilish ishlari amalga oshirilishi talab etilgan taqdirda, mazkur ishlar bilan bogʻliq barcha xarajatlar Iqtisodiyot va moliya vazirligi huzuridagi Avtomobil yoʻllarini rivojlantirish maqsadli jamgʻarmasi mablagʻlari hisobidan amalga oshiriladi.

11. Elektron onlayn-auksion savdolarida gʻolib boʻlgan tadbirkorlik subyektlari tomonidan ularga berilgan joylarda (hududlarda) statsionar shoxobchalar mazkur Nizom va unga 2-ilovadagi Tadbirkorlik subyektlari tomonidan oʻrnatiladigan ogʻirlik va gabarit nazorati boʻyicha statsionar hamda koʻchma shoxobchalarga umumiy texnik talablarga (keyingi oʻrinlarda — texnik talablar) muvofiq oʻrnatiladi.

12. Statsionar shoxobchalarni loyihalashtirish, ekspertizadan oʻtkazish, vakolatli davlat organlari bilan kelishish va oʻrnatish, elektr tarmogʻiga ulash hamda muhandislik infratuzilmasini yaratish ishlari tadbirkorlik subyektlari tomonidan amalga oshiriladi.

13. Statsionar shoxobchalar tadbirkorlik subyektlari hisobidan axborot tizimiga majburiy tartibda va texnik talablar asosida integratsiya qilinadi hamda uzluksiz va himoyalangan aloqa kanallari tashkil etiladi.

14. Statsionar shoxobchalarda oʻrnatiladigan uskunalar avtotransport vositalarining erkin harakatlanishiga toʻsqinlik qilmasligi zarur.

15. Statsionar shoxobchalar oʻrnatilgandan soʻng besh kun muddatga sinov tariqasida ishga tushiriladi.

Sinov davrida nuqsonlar aniqlanmaganda statsionar shoxobchalar Avtomobil yoʻllari qoʻmitasi va Transport vazirligi huzuridagi Transport nazorati inspeksiyasining (keyingi oʻrinlarda — Transport nazorati inspeksiyasi) ijobiy xulosasi boʻlgan taqdirda, uch kun ichida foydalanishga ruxsat beriladi.

Nuqsonlar aniqlanganda, tadbirkorlik subyektiga ularni bartaraf etish uchun oʻttiz kundan iborat muddat beriladi.

Statsionar shoxobchalar belgilangan muddatda oʻrnatilmagan hamda nuqsonlar bartaraf etilmagan taqdirda, tadbirkorlik subyektiga berilgan joydan (hududdan) foydalanish huquqini sud tartibida bekor qilish boʻyicha choralar koʻriladi.

4-bob. Vazn nazorati boʻyicha koʻchma nazorat shoxobchalarini oʻrnatishga doir talablar

16. Mazkur Nizomga muvofiq statsionar shoxobchani ishga tushirgan tadbirkorlik subyektiga shu hudud atrofida transport vositalari aylanib oʻtishi mumkin boʻlgan avtomobil yoʻllariga Avtomobil yoʻllari qoʻmitasi va Transport nazorati inspeksiyasi bilan kelishilgan holda tasdiqlangan dislokatsiya va umumiy texnik talablar asosida koʻchma nazorat shoxobchalarini oʻrnatishga ruxsat beriladi.

17. Tadbirkorlik subyektlari tomonidan ularga berilgan joylarda (hududlarda) tasdiqlangan dislokatsiya va umumiy texnik talablar asosida koʻchma nazorat shoxobchalari oʻrnatiladi hamda ularning xizmat qilish muddati va boshqa manzilga koʻchirilishi tadbirkorlik subyektining taklifiga asosan Avtomobil yoʻllari qoʻmitasi va Transport nazorati inspeksiyasi roziligi bilan amalga oshiriladi.

18. Koʻchma nazorat shoxobchalari tadbirkorlik subyektlari hisobidan axborot tizimiga majburiy tartibda va texnik talablar asosida integratsiya qilinadi hamda uzluksiz va himoyalangan aloqa kanallari tashkil etiladi.

19. Koʻchma nazorat shoxobchalarida qayd etilgan maʼlumotlar axborot tizimiga avtomatlashtirilgan holda inson omilisiz uzatilishi lozim.

20. Koʻchma nazorat shoxobchalari oʻrnatgan tadbirkorlik subyektlariga Ichki ishlar vazirligi Jamoat xavfsizligi departamentining Yoʻl harakati xavfsizligi xizmati bilan kelishilgan holda, shoxobchaga kirish joyida toʻla vazni 12 tonnadan yuqori boʻlgan N 3 va O 4 toifaga kiruvchi avtotransport vositalarini shoxobchaga yoʻnaltiruvchi tegishli yoʻl belgilari, ushbu yoʻl belgilariga rioya qilmagan holda, shoxobcha orqali harakatlanmagan yuk avtotransport vositalariga nisbatan qoidabuzarlikni aniqlaydigan foto va video qayd etish dasturiy-texnik vositalarini oʻrnatishga ruxsat beriladi.

Bunda foto va video qayd etish dasturiy-texnik vositalari orqali aniqlangan qoidabuzarlik evaziga kelib tushgan mablagʻlar quyidagicha taqsimlanadi:

dastlabki 2 yil davomida:

40 foizi — tadbirkorlik subyektiga;

50 foizi — Transport vazirligi huzuridagi Transport va logistikani rivojlantirish jamgʻarmasiga;

10 foizi — Oʻzbekiston Respublikasining respublika budjetiga;

2 yil oʻtganidan soʻng:

30 foizi — tadbirkorlik subyektiga;

50 foizi — Transport vazirligi huzuridagi Transport va logistikani rivojlantirish jamgʻarmasiga;

20 foizi — Oʻzbekiston Respublikasining respublika budjetiga yoʻnaltiriladi.

21. Koʻchma nazorat shoxobchalarida oʻrnatiladigan uskunalar, tezlikni kamaytirishga va yuk avtomobillari harakatlanadigan yoʻl belgilari, qoidabuzarlikni yozib olishga moʻljallangan foto va video qayd etish dasturiy-texnik vositalari avtotransport vositalarining erkin harakatlanishiga toʻsqinlik qilmasligi lozim.

22. Koʻchma nazorat shoxobchalari oʻrnatilgandan soʻng besh kun muddatga sinov tariqasida ishga tushiriladi.

Sinov davrida nuqsonlar aniqlanmaganda, koʻchma nazorat shoxobchalaridan Transport nazorati inspeksiyasining ijobiy xulosasi boʻlgan taqdirda, uch kun ichida foydalanishga ruxsat beriladi.

23. Nuqsonlar aniqlanganda, tadbirkorlik subyektiga ularni bartaraf etish uchun oʻn kundan iborat muddat beriladi.

Belgilangan muddatda nuqsonlar bartaraf etilmagan taqdirda, tadbirkorlik subyektiga berilgan joydan (hududdan) foydalanish huquqini sud tartibida bekor qilish boʻyicha choralar koʻriladi.

5-bob. Tadbirkorlik subyektlari tomonidan oʻrnatilgan oʻlchov-nazorat shoxobchalarining faoliyat yuritish tartibi

24. Statsionar shoxobcha toʻliq avtomatik tizimda ishlaydigan oʻlchov uskunalari majmuasidan iborat boʻladi. Texnik talablar asosida oʻlchov uskunalari avtomobil yoʻlining qatnov qismiga oʻrnatiladi.

25. Statsionar shoxobcha doimiy va uzluksiz rejimda ishlashi hamda uzilishlar roʻy berganda offlayn tarzda maʼlumotlarni toʻplash va saqlash, tizimning faoliyati qayta tiklanganda, olingan ushbu maʼlumotlarni taqdim etish imkoniyatiga ega boʻlishi zarur.

26. Oʻlchov-nazorat shoxobchasining oʻlchov uskunalari va dasturiy-texnik vositalari Vazirlar Mahkamasi huzuridagi Oʻzbekiston texnik jihatdan tartibga solish agentligining oʻlchash vositalarini metrologik attestatsiyalash sertifikatiga ega boʻlishi hamda texnik jihatdan tartibga solish sohasidagi normativ hujjatlarda belgilangan muddatlarda qayta qiyoslashdan oʻtkazilishi shart.

Oʻlchov-nazorat shoxobchasining belgilangan muddatlarda qayta qiyoslashdan oʻtkazilishi boʻyicha javobgarlik tadbirkorlik subyektlari zimmasiga yuklanadi.

27. Oʻlchov-nazorat shoxobchasi yordamida qayd etilgan qoidabuzarliklarning oʻlchov natijalari va foto maʼlumotlari 365 kun, video maʼlumotlari 90 kun davomida maʼlumotlarni saqlash va qayta ishlash serverlarida saqlanadi hamda belgilangan muddat tugagandan soʻng oʻchirib yuboriladi.

28. Oʻlchov-nazorat shoxobchasida aniqlangan qoidabuzarliklar toʻgʻrisidagi maʼlumotlar himoyalangan aloqa kanallari orqali axborot tizimining markaziy server qurilmasiga uzatiladi.

29. Oʻlchov-nazorat shoxobchasining uzluksiz ishlashini taʼminlash uchun 24 soatdan kam boʻlmagan muqobil zaxira elektr taʼminoti tizimi boʻlishi lozim.

30. Oʻlchov-nazorat shoxobchasini oʻrnatishda va ekspluatatsiya qilish jarayonida transport vositalari va harakatning boshqa ishtirokchilarining harakat xavfsizligi toʻliq taʼminlanishi shart.

31. Kunning qorongʻu vaqtida oʻlchov-nazorat shoxobchalari sunʼiy yoritish moslamalari bilan yoritilishi lozim.

32. Statsionar shoxobchalarda avtomatlashgan rejimda avtotransport vositasining ogʻirligi va gabaritini oʻlchash jarayonida quyidagilar amalga oshirilishi kerak:

avtotransport vositasining har bir oʻqiga tushuvchi ogʻirliklarni oʻlchash;

avtotransport vositasining umumiy (toʻliq) massasini, shuningdek, har bir oʻqiga tushuvchi ogʻirliklarni qoʻshish yoʻli bilan oʻlchash;

avtotransport vositasining gabaritlarini (uzunligi, eni, balandligi) oʻlchash;

avtotransport vositasining oʻqlari sonini va oʻqlar orasidagi masofalarni oʻlchash;

avtotransport vositasining davlat raqami belgisini aniqlash va fotosuratga olish;

avtotransport vositasining ogʻirligini oʻlchash qurilmasi (datchigi) orqali oʻtish vaqtida umumiy koʻrinishini (yon koʻrinishini) foto qayd etish (transport vositasining chegaralari, yuk turi, oʻqlar soni aniq koʻrsatilgan transport vositasining umumiy fotosuratini olish).

33. Koʻchma nazorat shoxobchalarida avtotransport vositasining ogʻirlik parametrlarini oʻlchash jarayonida quyidagilar amalga oshirilishi kerak:

avtotransport vositasining har bir oʻqiga tushuvchi ogʻirliklarni oʻlchash;

avtotransport vositasining umumiy (toʻliq) massasini, shuningdek, har bir oʻqiga tushuvchi ogʻirliklarni qoʻshish yoʻli bilan oʻlchash;

avtotransport vositasining oʻqlari sonini va oʻqlar orasidagi masofalarni oʻlchash;

avtotransport vositasining davlat raqami belgisini aniqlash va fotosuratga olish;

34. Oʻlchov-nazorat shoxobchasi faoliyati davomida mazkur Nizomning 5-bobida nazarda tutilgan axborot xavfsizligi talablari buzilganda, axborot tizimiga yuborilayotgan maʼlumotlarning haqqoniyligi yuzasidan shubha tugʻilganda yoki maʼlumotlar yuborilishida besh kundan ortiq uzilishlar kuzatilganda, Avtomobil yoʻllari qoʻmitasi va Transport nazorati inspeksiyasi tomonidan oʻlchov-nazorat shoxobchasining faoliyatiga bogʻliq quyidagi holatlar oʻrganiladi:

aloqa liniyasi sozligi va tizimga yuborilayotgan maʼlumotlar toʻgʻriligi;

tizimning elektr quvvati bilan taʼminlanganligi, qoʻshimcha elektr taʼminoti qurilmasi mavjudligi hamda texnika xavfsizligi qoidalariga rioya qilinish holati;

tizimning uzluksiz ishlashini taʼminlash uchun 24 soatdan kam boʻlmagan muqobil zaxira elektr taʼminoti tizimi mavjudligi va uning ishchi holati;

oʻlchov-nazorat shoxobchasining oʻlchov uskunalari va dasturiy-texnik vositalari Vazirlar Mahkamasi huzuridagi Oʻzbekiston texnik jihatdan tartibga solish agentligining oʻlchash vositalarini metrologik attestatsiyalash sertifikatiga ega boʻlishi hamda texnik jihatdan tartibga solish sohasidagi normativ hujjatlarda belgilangan muddatlarda qayta qiyoslashdan oʻtkazilganligi;

oʻlchov-nazorat shoxobchasining oʻlchov uskunalari va barcha qurilmalarining sozligi;

tizim oʻlchov vositalarining toʻgʻri ishlashi;

avtotransport vositalarining davlat raqam belgilarini toʻgʻri qayd etilishi;

tizimga har qanday koʻrinishdagi qoʻshimcha qurilma va vositalarning ulanmaganligi;

nuqsonlar aniqlanganda, tadbirkorlik subyektiga ularni bartaraf etish uchun oʻttiz kungacha boʻlgan muddat beriladi. Bunda:

Avtomobil yoʻllari qoʻmitasi va Transport nazorati inspeksiyasiga belgilangan muddatni har taraflama asoslantirib berish yuklanadi;

tadbirkorlik subyekti aniqlangan kamchiliklarni toʻliq bartaraf qilgunga qadar oʻlchov-nazorat shoxobchasi faoliyatini vaqtincha toʻxtatib turadi.

Belgilangan muddatda nuqsonlar bartaraf etilmagan taqdirda, tadbirkorlik subyektiga berilgan joydan (hududdan) foydalanish huquqini sud tartibida bekor qilish boʻyicha choralar koʻriladi.

Koʻriladigan choralar boʻyicha eʼtirozlar mavjud boʻlgan taqdirda tadbirkorlik subyekti qonunchilik hujjatlariga muvofiq sud organlariga murojaat qilishga haqli.

6-bob. Tadbirkorlik subyektlari tomonidan oʻrnatilgan oʻlchov-nazorat shoxobchalarining dasturiy-texnik vositalari va axborot kommunikatsiya tizimlarida axborot xavfsizligini taʼminlash

35. Avtomobil yoʻllari qoʻmitasining yozma ruxsatisiz tizimga qoʻshimcha qurilma va vositalarni ulash qatʼiyan man etiladi.

36. Avtomobil yoʻllari qoʻmitasining maʼlumotlar uzatish tarmogʻiga axborot xavfsizligi talablariga zid ravishda noqonuniy ulanish yoki ulanishga urinish taqiqlanadi.

37. Oʻlchov-nazorat shoxobchasidagi barcha maʼlumotlar xizmat doirasida foydalanish uchun qoʻllaniladi.

Tadbirkorlik subyekti oʻlchov-nazorat shoxobchasidagi maʼlumotlar Avtomobil yoʻllari qoʻmitasining ruxsatisiz oshkor boʻlmasligi, oʻlchov-nazorat shoxobchasiga xizmat koʻrsatish bilan shugʻullanadigan texnik mutaxassislar tomonidan xizmat doirasida foydalaniladigan maʼlumotlarni oshkor etmasligini taʼminlash uchun masʼul hisoblanib, axborot xavfsizligini taʼminlash va belgilangan talablarga rioya qilish majburiyatini oladi.

38. Raqamli texnologiyalar vazirligi hamda “Kiberxavfsizlik markazi” DUK tadbirkorlik subyektlari tomonidan oʻrnatilgan oʻlchov-nazorat shoxobchalarining dasturiy-texnik vositalarini muntazam ravishda axborot va kiberxavfsizlik holati boʻyicha oʻrganishlar oʻtkazish, shuningdek, axborot va kiberxavfsizlik hodisalari va tahdidlarini monitoring qilish ishlarini amalga oshiradi.

7-bob. Tadbirkorlik subyektlari va Avtomobil yoʻllari qoʻmitasining huquq va majburiyatlari

39. Tadbirkorlik subyektlari quyidagi huquqlarga ega:

“E-auksion” elektron savdo platformasida eʼlon qilingan elektron onlayn auksion savdolari orqali statsionar shoxobchalarni oʻrnatish joylari (hududlari) savdosida ishtirok etish;

statsionar shoxobchalarni joriy etish loyihasini amalga oshirish uchun zarur axborotlarni Avtomobil yoʻllari qoʻmitasidan olish;

statsionar shoxobchasida loyiha-tadqiqot ishlarini amalga oshirish yuzasidan tegishli tashkilotlar bilan shartnoma imzolash;

shartnoma talablari buzilgan taqdirda, uni sud tartibida bekor qilishni talab etish;

statsionar shoxobchaga yetkazilgan zararni aybdor shaxslardan undirish.

Tadbirkorlik subyekti qonunchilik hujjatlariga muvofiq boshqa huquqlarga ham ega boʻlishi mumkin.

40. Tadbirkorlik subyektlariga quyidagi majburiyatlar yuklanadi:

oʻlchov-nazorat shoxobchalarining uskunalari va dasturiy-texnik vositalarini texnik talablarga muvofiq xarid qilish;

statsionar shoxobcha doimiy va uzluksiz rejimda soz holda ishlashini taʼminlash;

oʻlchov-nazorat shoxobchasida nuqsonlar aniqlanganda, oʻttiz kun ichida uni bartaraf etish boʻyicha barcha zarur choralarni koʻrish;

mazkur Nizom talablariga qatʼi rioya qilish;

oʻlchov-nazorat shoxobchasining faoliyatida yuzaga kelgan xatoliklar oqibatida yuridik va jismoniy shaxslarga yetkazilgan zararni qoplash.

Tadbirkorlik subyektlariga qonunchilik hujjatlariga muvofiq boshqa majburiyatlar ham yuklanishi mumkin.

41. Avtomobil yoʻllari qoʻmitasi quyidagi huquqlarga ega:

tadbirkorlik subyekti tomonidan joriy etilgan oʻlchov-nazorat shoxobchasi faoliyatining monitoringini yuritish;

oʻlchov-nazorat shoxobchasidan foydalanish va unga texnik xizmat koʻrsatish hamda qoidabuzarliklarni aniqlashda xolislikni qonunchilikda belgilangan tartibda oʻrganish;

oʻlchov-nazorat shoxobchasida aniqlangan kamchilik va xatoliklarning bartaraf etilishini talab qilish;

tadbirkorlik subyekti aybi bilan yetkazilgan zararni qoplashni talab qilish;

tadbirkorlik subyekti ushbu Nizomda belgilangan talablarni lozim darajada bajarmagan yoki Avtomobil yoʻllari qoʻmitasining asosli eʼtirozlarini bartaraf etmagan taqdirda, mazkur oʻlchov-nazorat shoxobchasi tomonidan yuborilayotgan maʼlumotlar axborot tizimiga qabul qilinishini toʻxtatish;

tadbirkorlik subyekti tomonidan Avtomobil yoʻllari qoʻmitasining asosli eʼtirozlari belgilangan muddatda bartaraf etilmagan taqdirda, unga berilgan joydan (hududdan) foydalanish huquqini sud tartibida bekor qilish boʻyicha choralar koʻrish;

berilgan joydan (hududdan) foydalanish huquqi bekor qilingan joyni (hududni) “E-auksion” elektron savdo platformasida qayta eʼlon qilish uchun taqdim etish.

Avtomobil yoʻllari qoʻmitasi qonunchilik hujjatlariga muvofiq boshqa huquqlarga ham ega boʻlishi mumkin.

42. Avtomobil yoʻllari qoʻmitasiga quyidagi majburiyatlar yuklanadi:

elektron onlayn auksion savdolarni oʻtkazish bilan bogʻliq hujjatlarning qonunchilik hujjatlariga muvofiqligini taʼminlash;

elektron onlayn-auksion savdolari oʻtkazish bilan bogʻliq hujjatlarni “Elektron onlayn-auksionlarni tashkil etish” AJga oʻz vaqtida taqdim etish;

axborot tizimiga tadbirkorlik subyekti tomonidan joriy etilgan oʻlchov-nazorat shoxobchasidan kelib tushgan maʼlumotlarni “Litsenziya” axborot tizimidagi katta hajmli va (yoki) ogʻir vaznli transport vositalarining harakatlanishi uchun rasmiylashtirilgan ruxsatnomalar bazasi bilan taqqoslanishini va taqqoslash natijalariga koʻra qoidabuzarlar toʻgʻrisidagi maʼlumotlar Ichki ishlar vazirligining axborot tizimlari va maʼlumotlar bazalari yagona reyestrida mavjud tizimlarga uzatilishini taʼminlash;

oʻlchov-nazorat shoxobchasi samaradorligi va sifatini baholovchi aniq koʻrsatkichlar bilan belgilangan (umumlashtirilgan) maʼlumotlarni Iqtisodiyot va moliya vazirligi hamda Transport vazirligiga taqdim etish;

ushbu Nizomda belgilangan majburiyatlarini lozim darajada bajarmayotgan tadbirkorlik subyektlarining faoliyatini belgilangan tartibda sud orqali toʻxtatish yoki bekor qilish choralarini koʻrish;

operator bilan veb-portalda elektron onlayn auksion savdolarini tashkil etish va oʻtkazish boʻyicha xizmatlar koʻrsatish yuzasidan shartnoma tuzish;

statsionar shoxobchalar oʻrnatilishi mumkin boʻlgan joylar (hududlar) haqidagi maʼlumotlarni kamida oʻttiz kun oldin oʻzining rasmiy veb-saytida eʼlon qilish.

Avtomobil yoʻllari qoʻmitasiga qonunchilik hujjatlariga muvofiq boshqa majburiyatlar ham yuklanishi mumkin.

8-bob. Yakunlovchi qoidalar

43. Avtomobil yoʻllari qoʻmitasi va tadbirkorlik subyektlari qonunchilik hujjatlarida belgilangan tartibda oʻzaro hamkorlik qiladi.

44. Oʻzbekiston Respublikasi Prezidenti va qoʻriqlanadigan boshqa shaxslarning (shu jumladan, xorijiy davlat rahbarlari) xavfsizligini taʼminlashda, shuningdek, maxsus va ommaviy tadbirlar hamda oʻquv-taktik mashgʻulotlarni oʻtkazishda Ichki ishlar vazirligi tomonidan oʻlchov-nazorat shoxobchasi faoliyatini vaqtincha cheklash yoki boshqa choralar koʻrilishi mumkin.

45. Tadbirkorlik subyektlari tomonidan oʻlchov-nazorat shoxobchalarini oʻrnatish boʻyicha kelib chiqadigan nizolar qonunchilik hujjatlarida belgilangan tartibda hal etiladi.

46. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Avtomobil yoʻllarida ogʻirlik va gabarit nazorati boʻyicha statsionar va koʻchma shoxobchalarni tadbirkorlik subyektlari tomonidan tashkil etish tartibi toʻgʻrisidagi nizomga 1-ILOVA

Tadbirkorlik subyektlari tomonidan avtomobil yoʻllarida maxsus avtomatlashtirilgan oʻlchov vositalari bilan jihozlangan ogʻirlik va gabarit nazorati boʻyicha statsionar shoxobchalarni oʻrnatish boʻyicha hujjatlar loyihasini kelishish va oʻrnatish

Bosqichlar Subyektlar Tadbirlar Muddatlar 1-bosqich Transport vazirligi huzuridagi Avtomobil yoʻllari qoʻmitasi 1. Davlat aktivlarini boshqarish agentligi huzuridagi “Elektron onlayn-auksionlarni tashkil etish” AJ (keyingi oʻrinlarda — operator) bilan elektron auksionlarni oʻtkazish boʻyicha xizmat koʻrsatishga shartnoma tuzadi. 1. Elektron buyurtma berish sanasiga qadar. 2. Statsionar shoxobchalar oʻrnatiladigan joylarni (hududlarni) auksionga qoʻyish uchun operatorga elektron buyurtma va obyektni tavsiflaydigan hujjatlarni elektron (skaner qilingan) shaklda ilova qilib yuboradi. 2. Taraflar tomonidan shartnoma imzolangandan soʻng. 2-bosqich Davlat aktivlarini boshqarish agentligi huzuridagi “Elektron onlayn-auksionlarni tashkil etish” AJ 1. Statsionar shoxobchalari oʻrnatiladigan joylar (hududlar) boʻyicha elektron auksion oʻtkazilishi haqida “E-auksion” elektron savdo platformasiga xabarnoma joylashtiradi. 1. Elektron auksion oʻtkaziladigan kundan kamida 30 kun oldin. 2. “E-auksion” elektron savdo platformasida roʻyxatdan oʻtgan barcha tadbirkorlik subyektlariga avtomatik tarzda ishtirokchi kabinetini yaratadi. 2. “E-auksion” elektron savdo platformasida akkaunt aktivlashtirilganda. 3. Tadbirkorlik subyektlaridan elektron auksionda ishtirok etish boʻyicha elektron arizalarni qabul qiladi. 3. Xabarnoma joylashtirilgan kundan boshlab elektron auksion oʻtkazilishi belgilangan kunga qadar. 3-bosqich Tadbirkorlik subyekti 1. Tizim oʻrnatilishi mumkin boʻlgan joylar (hududlar) haqida Avtomobil yoʻllari qoʻmitasi rasmiy veb-sayti va ommaviy axborot vositalaridan maʼlumot oladi. 1. Xabarnoma eʼlon qilingan kundan boshlab. 2. Tadbirkorlik subyekti “E-auksion” elektron savdo platformasida roʻyxatdan oʻtadi. 2. Auksionda ishtirok etish uchun arizalarni berish muddati yakunlangunga qadar. 3. Xabarnomada koʻrsatilgan kafolat summasi miqdoridan kam boʻlmagan mablagʻni kiritgan holda arizani elektron koʻrinishda toʻldiradi va elektron raqamli imzo bilan tasdiqlab yuboradi. 3. Auksionda ishtirok etish uchun arizalarni berish muddati yakunlangunga qadar. 4-bosqich Davlat aktivlarini boshqarish agentligi huzuridagi “Elektron onlayn-auksionlarni tashkil etish” AJ 1. Auksionni unda ishtirok etishga ariza bergan ikki va undan ortiq ishtirokchi mavjud boʻlganda, operator veb-portalida avtomatik tarzda oʻtkazadi. 1. Operator veb-portalida eʼlon qilingan vaqtda boshlanadi va gʻolib aniqlangunga qadar davom etadi. 2. Elektron onlayn-auksionlarda gʻolib boʻlgan tadbirkorlik subyektiga QR-kodini qoʻllash orqali auksion natijalari toʻgʻrisidagi bayonnomani rasmiylashtiradi va taqdim etadi. 2. Obyekt qiymati (operator xizmat haqiga yetarli mablagʻ) toʻlangandan soʻng keyingi ish kunidan kechiktirmay. 3. Bayonnomani auksion gʻolibi va vakolatli organning kabinetiga yuboradi. 3. Bayonnoma rasmiylashtirilgandan soʻng. 4. Auksion natijalarini operatorning veb-portalida eʼlon qiladi. 4. Auksion yakunlangan zahoti. 5-bosqich Transport vazirligi huzuridagi Avtomobil yoʻllari qoʻmitasi Joyni (hududni) auksion natijalari toʻgʻrisidagi bayonnomaga muvofiq gʻolib boʻlgan tadbirkorlik subyektiga shartnoma asosida 20 yil muddatga beriladi. Bayonnoma rasmiylashtirilgandan soʻng 5 ish kuni mobaynida 6-bosqich Tadbirkorlik subyekti Tadbirkorlik subyekti quyidagi idoralardan joy (hudud) boʻyicha texnik shart oladi: 1. Avtomobil yoʻllari qoʻmitasining Qoraqalpogʻiston Respublikasi va viloyatlar avtomobil yoʻllari boshqarmasi. 2. “Oʻzbektelekom” AK filiali. 3. “Hududiy elektr tarmoqlari” AJning hududiy korxonasi Zarur boʻlganda 7-bosqich Tadbirkorlik subyekti Texnik shartlar va talab etilgan boshqa hujjatlar bilan loyihalash idoralariga murojaat qiladi. 3 ish kuni mobaynida 8-bosqich Loyihalash idorasi Tegishli tashkilot va idoralar bilan loyiha hujjatlarini belgilangan tartibda kelishadi. Loyiha hujjatlarini ishlab chiqadi hamda tadbirkorlik subyektiga taqdim etadi. 15 ish kuni mobaynida 9-bosqich Tadbirkorlik subyekti Loyiha hujjatlarini ekspertizadan oʻtkazish maqsadida ekspertiza faoliyatini olib borish huquqiga ega boʻlgan tashkilotga belgilangan tartibda taqdim etadi. 3 ish kuni mobaynida 10-bosqich Loyihaga ekspertiza xulosasini beruvchi tashkilot Loyiha hujjatlarini belgilangan tartibda ekspertizadan oʻtkazib, tadbirkorlik subyektiga eʼtiroz va takliflar yoki ijobiy xulosa taqdim etadi. 30 kun mobaynida 11-bosqich Tadbirkorlik subyekti 1. Tasdiqlangan loyiha hujjatlari asosida qurilish-montaj ishlarini amalga oshiradi. 1. Statsionar shoxobchasi oʻrnatiladigan joy (hudud) tadbirkorlik subyektiga berilgandan soʻng, 12 oy muddat ichida 2. Qurilish-montaj ishlari yakunlangandan soʻng ishchi hujjatlar va dalolatnomalarni rasmiylashtiradi. 2. Qurilish-montaj ishlari yakunlangandan soʻng 5 ish kuni mobaynida. 3. Tizimni ishga tushirish yuzasidan tegishli hujjatlarni rasmiylashtiradi. 3. Qurilish-montaj ishlari yakunlangandan soʻng 10 ish kuni mobaynida. 4. Statsionar shoxobchasi oʻrnatilgandan soʻng sinov tariqasida ishga tushiradi. 4. Qurilish-montaj ishlari yakunlangandan soʻng 5 kun mobaynida. 12-bosqich Transport vazirligi huzuridagi Avtomobil yoʻllari qoʻmitasi, Transport nazorati inspeksiyasi Sinov muddatida Statsionar shoxobchasida aniqlangan kamchiliklar tahlil qilinadi va ijobiy xulosaga asosan foydalanishga topshiriladi. Sinov tariqasida ishga tushirilganidan soʻng 5 kun mobaynida

Avtomobil yoʻllarida ogʻirlik va gabarit nazorati boʻyicha statsionar va koʻchma shoxobchalarni tadbirkorlik subyektlari tomonidan tashkil etish tartibi toʻgʻrisidagi nizomga 2-ILOVA

Tadbirkorlik subyektlari tomonidan oʻrnatiladigan ogʻirlik va gabarit nazorati boʻyicha statsionar hamda koʻchma shoxobchalarga doir

1-bob. Umumiy talablar

1. Tadbirkorlik subyektlari tomonidan avtomobil yoʻllarida oʻrnatiladigan ogʻirlik va gabarit nazorati boʻyicha statsionar hamda koʻchma shoxobchalarni ushbu hujjatda koʻrsatilgan va shaharsozlik normalari hamda qoidalari asosida joriy etiladi.

2. Tadbirkorlik subyektlari mazkur hujjatda keltirilgan talablar va Oʻz DSt 1987:2018 standarti asosida nazorat shoxobchasini joriy qilish boʻyicha texnik topshiriq hujjatlarini ishlab chiqadi hamda Raqamli texnologiyalar vazirligi bilan kelishadi va Davlat xavfsizlik xizmati huzuridagi “Kiberxavfsizlik markazi” davlat unitar korxonasidan ekspertiza xulosasini oladi.

3. Ogʻirlik va gabarit nazorati boʻyicha statsionar va koʻchma nazorat shoxobchalar doirasida quyidagilar joriy etiladi:

avtotransport vositalarining ogʻirlik va gabarit nazorati boʻyicha statsionar shoxobchalar tizimi;

avtotransport vositalarining ogʻirlik nazorati boʻyicha koʻchma nazorat shoxobchalar tizimi.

2-bob. Ogʻirlik va gabarit nazorati boʻyicha statsionar shoxobchalarga qoʻyiladigan umumiy texnik talablar

4. Statsionar shoxobchasiga qoʻyiladigan umumiy texnik talablar quyidagilardan iborat:

avtomatik rejimda ogʻirlik (umumiy massa, oʻqlarga tushadigan ogʻirliklar, oʻqlar soni) va gabarit (transport vositasining uzunligi, eni, balandligi, oʻqlari orasidagi masofalar) koʻrsatkichlarni yigʻish va nazorat shoxobchasi hududidan oʻtadigan barcha yuk avtotransport vositalari toʻgʻrisidagi maʼlumotlar;

nazorat vaqtidagi avtotransport vositasining umumiy fotosurati, tarozida tortish videosi, davlat raqamini avtomatik tanib olish (old va orqa), avtotransport vositasining uzunligi, eni va balandligini koʻrish imkonini beruvchi foto va video qayd etish texnik vositalari;

yuk tashuvchiga harakat tezligini va oʻlchov natijalarini koʻrsatish;

nazoratdan oʻtgan har bir avtotransport vositasining oʻlchov natijalarini hamda foto va video maʼlumotlarini Transport vazirligi huzuridagi Avtomobil yoʻllari qoʻmitasining axborot tizimiga (keyingi oʻrinlarda — axborot tizimi) yuborish;

nazorat shoxobchasidan sutkaning kunduzgi va tungi vaqtlarida oʻtuvchi avtotransport vositalarining eng kamida 98 foizining davlat raqami belgisini aniqlash va qayd etish vositasi orqali Vazirlar Mahkamasining 2007-yil 27-iyundagi 131-son qarori bilan tasdiqlangan Avtotransport vositalariga beriladigan roʻyxatdan oʻtkazish davlat raqami belgilarining hududiy kodlari taqsimotida koʻrsatilgan davlat raqami belgilarini aniqlash.

5. Statsionar shoxobcha elementlarining arxitekturasi nazorat shoxobchalarida avtotransport vositalarining ogʻirlik va gabarit oʻlchamlarini va oʻqlar orasidagi masofalarni tezkor, kecha-kunduz oʻlchashni va oʻlchov natijalarini axborot tizimining markaziy serveriga uzatishni nazarda tutishi kerak.

6. Loyihalashtirish jarayonida statsionar shoxobcha tarkibiy qismlari va elementlari oʻzaro taʼsirining umumiy sxemasi, shuningdek, ularni amalga oshirish vaqti aniqlanadi.

7. Avtomobil yoʻlining harakat qatnov qismi sathidan balandlikda oʻrnatilishi kerak boʻlgan barcha jihozlar kamida 5,9 metr balandlikda oʻrnatilishi lozim. Statsionar shoxobcha oʻrnatilgan joydan katta hajmli avtotransport vositasi (balandligi 5,5 metrdan ortiq) harakatlanishi vaqtida yoʻl sathidan balandlikda oʻrnatilgan jihozlarni va uskunalarni vaqtincha yechib turish imkoniyati mavjud boʻlishi talab etiladi.

8. Statsionar shoxobcha toʻliq avtomatlashtirilgan boʻlishi va inson omilisiz ishlashi kerak.

9. Statsionar shoxobchaning tarkibi va uskunalariga qoʻyiladigan texnik talablar:

ogʻirlik va gabarit oʻlchamlarni oʻlchash, avtotransport vositalarining oʻqlari soni va ular orasidagi masofani aniqlash, foto va video qayd etish, davlat raqami belgilarini (old va orqa) tanib olish uchun uskunalar, nazoratdan oʻtish jarayonida talab qilinadigan harakatlanish tezligini hamda nazoratdan oʻtish qoidalarini aks ettiruvchi har qanday yorugʻlikda (qorongʻulikda) va ob-havo sharoitida koʻrinadigan maʼlumotlar tablosi, kunning qorongʻu vaqtida yoritish uskunalari hamda yordamchi uskunalar bilan jihozlangan boʻlishi;

avtotransport vositasining ogʻirlik va gabarit koʻrsatkichlarini belgilangan aniqlikda 120 km/soatdan oshmaydigan tezlikda oʻlchashni taʼminlashi;

harakatlanayotgan avtotransport vositalarining umumiy massasini oʻlchashda maksimal ogʻirlik, shuningdek, oʻqlarga tushadigan ogʻirliklarni qoʻshish yoʻli bilan 20 x N (oʻqlar soni) tonnagacha, avtotransport vositasining oʻqiga tushadigan maksimal ogʻirlik 20 tonnagacha, avtotransport vositasining oʻqiga tushadigan minimal ogʻirlik 1,5 tonnagacha oʻlchash imkoniyatlarga ega boʻlishi va nisbiy xatolikning ruxsat etilgan chegaralari 5 km/soatgacha ikki foiz, 5 dan 120 km/soatgacha oʻn foizgacha boʻlishi;

harakatdagi avtotransport vositalarini gabarit oʻlchamlarini oʻlchashda uzunligi 32 metrgacha, eni 3,5 metrgacha, balandligi 5 metrgacha oʻlchash imkoniyatlarga ega boʻlishi va nisbiy xatolikning ruxsat etilgan chegaralari uzunligini oʻlchashda 0,6 metr, enini oʻlchashda 0,1 metr, balandligini oʻlchashda 0,06 metr boʻlishi lozim.

3-bob. Ogʻirlik nazorati boʻyicha koʻchma shoxobchalarga qoʻyiladigan umumiy texnik talablar

10. Koʻchma nazorat shoxobchalarga qoʻyiladigan umumiy texnik talablar quyidagilardan iborat:

ogʻirlik (umumiy massa, oʻqlarga tushadigan ogʻirliklar, oʻqlar soni) koʻrsatkichlarni yigʻish va hududidan oʻtib ketadigan yuk avtotransport vositalari toʻgʻrisida maʼlumotlar (nazorat vaqtidagi avtotransport vositasining umumiy fotosurati, tarozida tortish videosi), davlat raqami belgisini avtomatik tanib olish (old va orqa) uskunalari, avtotransport vositasining uzunligi, eni va balandligini koʻrish imkonini beruvchi foto va video qayd etish uskunasi;

nazoratdan oʻtgan har bir avtotransport vositasining oʻlchov natijalarini hamda foto va video maʼlumotlarini axborot tizimiga yuborish;

koʻchma nazorat shoxobchasidan sutkaning kunduzgi va tungi vaqtlarida oʻtuvchi avtotransport vositalarini eng kamida 98 foiz davlat raqam belgisini aniqlash va qayd etish vositalari orqali Vazirlar Mahkamasining 2007-yil 27-iyundagi 131-son qarori bilan tasdiqlangan Avtotransport vositalariga beriladigan roʻyxatdan oʻtkazish davlat raqami belgilarining hududiy kodlari taqsimotida koʻrsatilgan davlat raqam belgilarini aniqlash.

11. Koʻchma nazorat shoxobchasi quyidagi uskunalar bilan jihozlangan boʻlishi talab etiladi:

vazn oʻlchash uskunalari;

avtotransport vositalarining oʻqlari soni va ular orasidagi masofani aniqlash uskunalari;

foto va video qayd etish texnik vositalari;

davlat raqami belgilarini (old va orqa) tanib olish uchun uskunalar;

koʻchma nazorat shoxobchasi yaqinlashayotgani, nazoratdan oʻtish jarayonida talab qilinadigan harakatlanish tezligini va nazoratdan oʻtish qoidalarini aks ettiruvchi har qanday yorugʻlikda (qorongʻulikda) va ob-havo sharoitida koʻrinadigan maʼlumotlar tablosi;

oʻlchov uskunasi natijalariga koʻra umumiy vazni, har bir oʻqqa tushuvchi ogʻirligi va avtotransport vositasining davlat raqami belgisini (old tomon) koʻrsatadigan monitor (eni kamida 2000 mm, balandligi kamida 1500 mm);

avtotransport vositasining harakat tezligini oʻlchovchi uskuna;

kunning qorongʻu vaqtida yoritish uskunalari;

yordamchi uskunalar.

4-bob. Ogʻirlik va gabarit nazorati boʻyicha statsionar va koʻchma shoxobchalardan oʻtgan avtotransport vositalari toʻgʻrisidagi maʼlumotlarni qayta ishlash hamda saqlashga doir talablar

12. Maʼlumotlar bazasida quyidagi qayd etilgan maʼlumotlar saqlanishi va axborot tizimiga taqdim etilishi shart:

sana, vaqti;

avtotransport vositasining davlat raqam belgisi (old va orqa);

avtotransport vositasining turi (yakka yoki mingashmali (tirkamali) avtopoyezd);

statsionar shoxobchalarda avtotransport vositasining gabarit koʻrsatkichlari (uzunligi, eni va balandligi);

avtotransport vositasining umumiy massasi;

avtotransport vositasining har bir oʻqqa tushadigan ogʻirligi (alohida);

avtotransport vositasining oʻqlari orasidagi masofasi va oʻqlar soni;

tarozida tortish paytida avtotransport vositasining umumiy fotosurati;

avtotransport vositasining oʻlchov vositasidan oʻtayotgani aks etgan video lavha.

13. Axborot tizimiga texnik talablar asosida integratsiya qilinishi va oʻzaro ishlash imkoniyatiga ega boʻlishi talab etiladi.

14. Nazorat shoxobchasining maʼlumotlarni qayta ishlash va saqlash dasturiy taʼminotida (keyingi oʻrinlarda — dasturiy taʼminot) amalga oshirilgan har qanday amaliy buyruqlar toʻgʻrisidagi maʼlumotlar (log fayllar) saqlanishi lozim.

15. Nazorat shoxobchasida qayd etilgan qoidabuzarlik hamda avtotransport vositalari toʻgʻrisidagi maʼlumotlar bilan Avtomobil yoʻllari qoʻmitasi xodimlariga masofadan turib ishlash imkoniyatining mavjud boʻlishi talab etiladi.

16. Nazorat shoxobchasi doimiy va uzluksiz rejimda ishlashi hamda uzilishlar roʻy berganda offlayn tarzda maʼlumotlarni toʻplash va saqlash uchun maxsus qurilma oʻrnatish, uning yordamida maʼlumotlarni qayta ishlash va saqlash nazorat shoxobchasining faoliyati qayta tiklanganda ushbu olingan maʼlumotlarni taqdim etish imkoniyatiga ega boʻlishi talab etiladi.

5-bob. Aloqa tarmogʻiga qoʻyiladigan talablar

17. Aloqa tarmoqlari optik tolali tarmoq texnologiyalari (kommutator, marshrutizator va boshqalar) yordamida tashkil etilib, tarmoqning soʻnggi nuqtalariga qadar uzluksiz xizmat koʻrsatishi uchun yetarli oʻtkazuvchanlikni taʼminlashi lozim.

18. Nazorat shoxobchasidan oʻtgan avtotransport vositalari toʻgʻrisidagi foto va video maʼlumotlar VPN (Virtual Private Network — virtual xususiy tarmoq) aloqa kanali orqali axborot tizimining markaziy server qurilmasiga uzatilishi lozim.

6-bob. Axborot xavfsizligiga boʻlgan talablar

19. Axborot xavfsizligi dasturiy taʼminoti maʼlumotlarni qayta ishlash va saqlash tizimidagi axborotni hamda uni qayta ishlovchi vositalarni himoya qilish uchun moʻljallangan.

20. Axborot xavfsizligi dasturiy taʼminoti quyidagilarni oʻz ichiga olishi talab etiladi:

maʼlumotlarni saqlash;

roʻyxatga olish va hisobga olish;

yaxlitlikni taʼminlash;

xavfsizlik devori;

ruxsatsiz kirishlarni aniqlash;

antivirus himoyasi.

21. Ushbu Texnik talablarning 20-bandida nazarda tutilgan talablar Buyurtmachi bilan kelishilgan xolda texnik dizayn bosqichida aniqlanishi va oʻzgartirilishi mumkin.

22. Axborotni muhofaza qilishda ishlatiladigan dasturiy taʼminot uchun OʻzDSt 2816:2014 “Axborot texnologiyalari. Eʼlon qilinmagan imkoniyatlar ustidan nazorat darajasi axborotini himoyalash vositasi dasturiy taʼminot klassifikatori” standarti talabiga asosan nazorat qilishning uchinchi darajasi taʼminlanishi talab etiladi.

23. Nazorat shoxobchasining apparat va dasturiy qismlarining oʻzaro bogʻliqligi hamda integratsiyalashgan holda ishlashini taʼminlash texnik loyihalash bosqichida amalga oshirilishi zarur.

24. Dasturiy taʼminot axborot tizimi bilan integratsiyalash tartibi hamda ularning oʻzaro bir-biri bilan bogʻlanish interfeyslari toʻgʻrisida yechimlar texnik loyihalashtirish davrida qabul qilinadi.

25. Axborot xavfsizligi dasturiy taʼminotining ulanish obyektlarini va maʼlumotlarini potensial xavflardan, beixtiyor harakatlardan va tashqi hujumlardan himoya qilishni taʼminlash zarur.

26. Axborot xavfsizligi dasturiy taʼminoti quyidagi talablarga javob berishi shart:

maʼlumotlar bazasiga ruxsatsiz kirishdan himoyalash;

dasturiy taʼminot va foydalanuvchilar faoliyatini roʻyxatdan oʻtkazish hamda hisobga olish;

axborotni aloqa kanallari orqali uzatish, saqlash va qayta ishlash jarayonida ruxsatsiz modifikatsiyadan himoyalash;

dasturiy taʼminot resurslariga kirishni boshqarish;

aloqa kanallaridan uzatilayotgan maʼlumotlarni kriptografik usullar orqali konfidensialligini taʼminlash;

viruslardan himoyalash;

dasturiy taʼminot noqonuniy kirishdagi maʼlumotlarni tahlil qilish;

dasturiy taʼminot konfiguratsiyasida yuzaga kelgan xatoliklar va kamchiliklarni aniqlash.

7-bob. Tashqi taʼsirlardan himoya qilish uchun talablar

27. Nazorat shoxobchasi uskunalarini tashqi taʼsirlardan himoya qilish kompleks resurslarni yaratish lozim.

28. Ochiq havoda oʻrnatilgan tashqi moslamalar buzilishga chidamli korpuslar yoki toʻsiqlar bilan himoyalangan boʻlishi va -40 dan +60°S gacha haroratda ishlashini taʼminlash talab etiladi.

29. Aloqa liniyalari va jihozlari momaqaldiroq va boshqa salbiy tabiiy hodisalarda kerakli koʻrsatkichlarni saqlab turishlari kerak.

Vazirlar Mahkamasining 2024-yil 28-oktabrdagi 710-son qaroriga 2-ILOVA

1-bob. Umumiy qoidalar

1. Mazkur Nizom mahalliy yuk tashuvchilar tomonidan belgilangan meʼyorlardan ortiq boʻlgan katta hajmli va (yoki) ogʻir vaznli avtotransport vositalarining avtomobil yoʻllarida harakatlanishi (foydalanishi) uchun toʻlovlarni amalga oshirish hamda bunday avtotransport vositalarining umumiy foydalanishdagi avtomobil yoʻllarida harakatlanish va yuk tashish qoidalarini buzganlik natijasida yetkazilgan zararni qoplash tartibini belgilaydi.

2. Ushbu Nizomda quyidagi asosiy tushunchalardan foydalaniladi:

avtotransport vositalari — yoʻlovchilar, bagaj, yuklarni tashishga hamda maxsus ishlarni bajarishga moʻljallangan avtomobillar, shu jumladan shatakli avtomobillar, tirkama va yarim tirkamalar hamda ularning tarkiblaridan iborat transport vositalari (tirkamali yuk avtomobili yoki yarim tirkamali shatakchi avtomobil);

avtotransport vositasi hajm oʻlchamlari — transport vositasining yuk bilan yoki yuksiz holatida eni, uzunligi va balandlik oʻlchamlari.

vakolatli organ — Transport vazirligi huzuridagi Avtomobil yoʻllari qoʻmitasi (keyingi oʻrinlarda — Avtomobil yoʻllari qoʻmitasi);

katta hajmli avtotransport vositasi — yuklangan yoki yuksiz holda oʻlchamlarining (balandligi, kengligi yoki uzunligi) birorta koʻrsatkichi ularning Oʻzbekiston Respublikasi hududidagi avtomobil yoʻllarida harakatlanishi uchun belgilangan meʼyoriy oʻlchamlardan katta boʻlgan transport vositasi;

mahalliy yuk tashuvchi — Oʻzbekiston Respublikasi hududida roʻyxatga olingan, mulk huquqi bilan yoki boshqa qonuniy asoslarda unga tegishli avtotransport vositasidan yuk yoki yoʻlovchilarni tashishda foydalanuvchi yuridik yoki jismoniy shaxs;

ogʻir vaznli avtotransport vositasi — har qanday vazn koʻrsatkichlaridan biri Oʻzbekiston Respublikasi avtomobil yoʻllarida harakatlanishi uchun belgilangan meʼyoriy oʻlchovlardan vazni (umumiy vazn va oʻqqa tushuvchi ogʻirlik) ortiq boʻlgan avtotransport vositasi;

ruxsatnoma — Oʻzbekiston Respublikasi hududida kelishilgan aniq yoʻnalish boʻyicha katta hajmli va ogʻir vaznli avtotransport vositalarining harakatlanish huquqini beruvchi hujjat;

3. Avtomobil yoʻllari, koʻpriklar va yoʻl oʻtkazgichlarning xizmat koʻrsatish muddatidan avval buzilishi hamda yoʻnalish boʻyicha harakatlanishga toʻsqinlik qiluvchi ogʻir vaznli va katta hajmli avtotransport vositalarining yurishi uchun toʻlovlar ularni saqlash, taʼmirlash, oʻtkazib yuborishlarni tashkil etish va harakat xavfsizligini taʼminlash boʻyicha qoʻshimcha ish hajmlarini qoplash xarajatlari bilan aniqlanadi.

Ogʻir vaznli va katta hajmli avtotransport vositalarining umumiy foydalanishdagi yoʻllar boʻylab yurishi uchun toʻlovga quyidagilar kiradi:

ruxsatnomani rasmiylashtirish uchun toʻlov;

avtotransport vositasining umumiy haqiqiy vazni belgilangan meʼyordan oshib ketganligi uchun toʻlov;

gʻildirak oʻqi haqiqiy yuklamalarining belgilangan meʼyorlardan oshib ketganligi uchun toʻlov;

avtotransport vositasi hajm oʻlchamlarining yoʻl qoʻyiladigan meʼyorlardan oshib ketganligi uchun toʻlov.

4. Yoʻl harakati qoidalariga yoxud yuk tashuvlarini amalga oshirish shartlariga rioya qilmaslik tufayli yoʻllarga va yoʻl inshootlariga zarar yetkazganlik uchun avtotransport vositasi egasi qonunchilik hujjatlariga muvofiq javobgar boʻladi.

5. Agar ruxsatnoma talablari va yoʻl harakati qoidalariga rioya etgan holda, ogʻir vaznli va katta hajmli avtotransport vositalari yurishi natijasida yoʻllarga va yoʻl inshootlariga harakatni cheklashga olib keladigan zarar yetkazilsa, u holda javobgarlik va zararni toʻlash qonunchilik hujjatlariga muvofiq ruxsatnoma va qatnov marshrutini kelishib bergan tashkilotlarga yuklanadi.

2-bob. Ogʻir vaznli va katta hajmli transport vositalarining Oʻzbekiston Respublikasining umumiy foydalanishdagi avtomobil yoʻllari boʻylab yurib oʻtganligi uchun toʻlov

6. Transport vositasining umumiy haqiqiy massasi ruxsat berilganiga nisbatan oshganligi uchun toʻlanadigan toʻlov 1-jadvalda keltirilgan tariflarga muvofiq belgilanadi.

1-jadval Umumiy haqiqiy vaznning yoʻl qoʻyiladigan vaznga nisbatan ortiqchalik miqdori, tonnada Yuriladigan 1 km masofa uchun tarif, soʻmda (bazaviy hisoblash miqdoriga nisbatan foizda) 0 dan 5 gacha 0,08 5 dan 10 gacha 0,12 10 dan 15 gacha 0,24 15 dan 20 gacha 0,42 20 dan 25 gacha 0,63 25 dan 30 gacha 0,97 30 dan 35 gacha 1,39 35 dan 40 gacha 1,94 40 dan 45 gacha 2,66 45 dan 50 gacha 3,59 50 va undan yuqori 4,22

Ogʻir vaznli avtotransport vositalarining avtomobil yoʻllaridan oʻtishida oʻqqa tushadigan haqiqiy ogʻirlikning (Of) ruxsat berilganga (Od) nisbatan oshganligi uchun toʻlov har bir ortiqcha yuklangan oʻq uchun 2-jadvalda keltirilgan tariflarga muvofiq undiriladi.

2-jadval Gʻildirak oʻqi haqiqiy yuklamasining yoʻl qoʻyiladigan yuklamaga nisbati (Of/Od) Har bir oʻqning yoʻl qoʻyiladigan yuklamadan ortiqcha yuklamaga 1 km uchun tarif, soʻmda (bazaviy hisoblash miqdoriga nisbatan foizda) 1,01 dan 1,05 gacha 0,23 1,05 dan 1,10 gacha 0,25 1,10 dan 1,15 gacha 0,59 1,15 dan 1,20 gacha 0,76 1,20 dan 1,25 gacha 0,89 1,25 dan 1,30 gacha 1,06 1,30 dan 1,35 gacha 1,27 1,35 dan 1,40 gacha 1,48 1,40 dan 1,45 gacha 1,73 1,45 dan 1,50 gacha 2,03 1,50 dan 1,55 gacha 2,32 1,55 dan 1,60 gacha 2,70 1,60 dan 1,65 gacha 3,08 1,65 dan 1,70 gacha 3,59 1,70 dan 1,75 gacha 4,01 1,75 dan 1,80 gacha 4,55 1,80 dan 1,85 gacha 5,15 1,85 dan 1,90 gacha 5,82 1,90 dan 1,95 gacha 6,50 1,95 dan 2,00 gacha 7,30 2,00 va undan yuqori 8,44

7. Avtotransport vositalari hajmlarining ortiqchaligi uchun toʻlov yurib oʻtilgan 1 km yoʻl uchun bazaviy hisoblash miqdorining (BHM) 0,32 foizi miqdorida undiriladi.

8. Ogʻir vaznli va katta hajmli transport vositalari oʻtishi uchun arizalarni koʻrib chiqish, yoʻnalishni kelishish va ruxsatnoma berish uchun toʻlanadigan toʻlovning miqdori “Litsenziya” axborot tizimida quyidagi tarzda belgilanadi:

100 kmga qadar BHM ning 54 foizi miqdorida;

har bir keyingi kilometr uchun BHM ning 0,24 foizi miqdorida.

3-bob. Katta hajmli va ogʻir vaznli avtotransport vositalarining umumiy foydalanishdagi avtomobil yoʻllarida harakatlanish va yuk tashish qoidalarini buzganlik natijasida yetkazilgan zararni qoplash uchun toʻlovlar

9. Katta hajmli va ogʻir vaznli avtotransport vositalari Avtomobil yoʻllari qoʻmitasi tomonidan rasmiylashtirilgan ruxsatnoma bilan harakatlanishiga ruxsat beriladi.

10. Avtotransport vositasining parametrlari ruxsatnomada belgilangan parametrlardan ortiq boʻlishi va/yoki ruxsatnomada belgilangan harakat yoʻnalishidan ogʻish yoki chetga chiqish holati aniqlangan taqdirda, avtomobil yoʻllariga zarar yetkazgan deb hisoblash uchun asos boʻladi.

11. Katta hajmli va ogʻir vaznli avtotransport vositalari ruxsatnomasiz harakatlanishi va yuk tashish qoidalarini buzganlik natijasida avtomobil yoʻllari qoplamasiga va konstruksiyasiga yetkazilgan zarar miqdori har bir bosib oʻtgan kilometr masofa uchun quyidagicha hisoblanadi:

avtotransport vositasining umumiy ogʻirligi 50 tonnagacha boʻlganda — bazaviy hisoblash miqdorining oʻttiz foizi miqdorida;

avtotransport vositasining umumiy ogʻirligi 80 tonnagacha boʻlganda — bazaviy hisoblash miqdorining bir barobari miqdorida;

avtotransport vositasining umumiy ogʻirligi 80 tonna va undan yuqori boʻlganda — bazaviy hisoblash miqdorining uch barobari miqdorida.

Bosib oʻtilgan masofani aniqlash imkoni boʻlmagan taqdirda yetkazilgan zarar miqdorlari ikki yuz kilometr uchun undiriladi.

12. Katta hajmli va ogʻir vaznli avtotransport vositalarining ruxsatnomasiz harakatlanishi, ruxsatnomada belgilangan harakat yoʻnalishidan ogʻishi yoki chetga chiqishi va yuk tashish qoidalarini buzganligi natijasida yoʻl oʻtkazgich va koʻprik inshootlariga va boshqa yoʻl elementlariga yetkazilgan zarar mazkur inshootni diagnostika qilish natijalariga koʻra ishlab chiqilgan loyihada koʻzda tutilgan hisob-kitoblarga koʻra aniqlanadi va undiriladi.

13. Yetkazilgan zarar yuk tashuvchi tomonidan toʻliq bartaraf etilganda yoki yoʻl tashkilotiga toʻliq qoplab berilgan taqdirda, undirilgan hisoblanadi.

14. Katta hajmli va ogʻir vaznli avtotransport vositalarining umumiy foydalanishdagi avtomobil yoʻllarida harakatlanish va yuk tashish qoidalarini buzganlik natijasida yetkazilgan zarar Transport vazirligi huzuridagi Transport nazorati inspeksiyasi hamda Avtomobil yoʻllari qoʻmitasi tomonidan belgilangan tartibda undiriladi.

4-bob. Yakunlovchi qoidalar

15. Katta hajmli va ogʻir vaznli avtotransport vositalarini Ichki ishlar vazirligi Jamoat xavfsizligi departamentining Yoʻl harakati xavfsizligi xizmati patrul avtomobillarining kuzatib borganligi uchun toʻlov ushbu Nizom bilan tartibga solinmaydi.

Ushbu toʻlov avtotransport vositalari egalaridan Ichki ishlar vazirligi Jamoat xavfsizligi departamentining Yoʻl harakati xavfsizligi xizmati bilan tuzilgan shartnoma asosida undiriladi.

16. Mazkur Nizomda nazarda tutilgan ogʻir vaznli va katta hajmli avtotransport vositalarining umumiy foydalanishdagi avtomobil yoʻllar boʻylab harakatlanishi uchun toʻlovlar “Litsenziya” axborot tizimida toʻlov kunidagi Oʻzbekiston Respublikasida belgilangan bazaviy hisoblash miqdoriga nisbatan undiriladi.

17. Yuk tashuvchiga nisbatan maʼmuriy javobgarlik choralari qoʻllanilganda, uni avtomobil yoʻli va yoʻl inshootlariga yetkazilgan zararni qoplashdan ozod etmaydi.

18. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2024-yil 28-oktabrdagi 710-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Avtomobilda xorijiy yuk tashuvchilarning Oʻzbekiston Respublikasi hududiga kirishlari, boʻlishlari, yuk olib oʻtishlari va undan chiqib ketishlari tartibi toʻgʻrisida” 1995-yil 11-yanvardagi 11-son qarorida :

a) 4-band quyidagi tahrirda bayon etilsin:

“4. Oʻzbekiston Respublikasi Ichki ishlar vazirligi respublika hududi orqali oʻtuvchi transport vositalarining hududga kirgan kunidan boshlab 5 kundan ortiq boʻlmagan muddatda (katta hajmli va (yoki) ogʻir vaznli avtotransport vositalarining avtomobil yoʻllarida harakatlanishiga maxsus ruxsatnomada boshqa muddat belgilanmagan boʻlsa) chiqib ketishlarini taʼminlagan holda, ularning yuk olib oʻtishlari ustidan qattiq nazorat oʻrnatsin, shuningdek, berilgan buyurtmanomalarga muvofiq avtomobil transportida tashiladigan maxsus yuklarni kuzatib borishni amalga oshirsin”;

b) 15-bandning ikkinchi xatboshisidagi “yurishidan” soʻzi “harakatlanishi uchun yigʻimlar “Litsenziya” axborot tizimi orqali undiriladi va” soʻzlari bilan almashtirilsin;

v) 6-ilovada :

4-band quyidagi tahrirda bayon etilsin:

“4. Agar ruxsatnoma talablari va yoʻl harakati qoidalariga rioya etgan holda, ogʻir vaznli va katta hajmli avtotransport vositalari yurishi natijasida yoʻllarga hamda yoʻl inshootlariga harakatni cheklashga olib keladigan zarar yetkazilsa, u holda javobgarlik va zararni toʻlash qonunchilik hujjatlariga muvofiq ruxsatnoma hamda qatnov marshrutini kelishib bergan tashkilotlarga yuklanadi”;

8-bandning birinchi xatboshisi quyidagi tahrirda bayon etilsin:

“8. Ogʻir yukli va yirik gabaritli transport vositalari oʻtishi uchun arizalarni koʻrib chiqish, yoʻnalishni kelishish hamda ruxsatnoma berish uchun toʻlanadigan toʻlovning miqdori “Litsenziya” axborot tizimida quyidagi tarzda hisoblanadi:”;

9-band quyidagi tahrirda bayon etilsin:

“9. Mazkur Nizomda nazarda tutilgan toʻlovlarni milliy valyuta “soʻm”da ruxsatnoma berilgan kundagi Oʻzbekiston Respublikasi Markaziy bankining kursi boʻyicha “Litsenziya” axborot tizimi orqali undiriladi”.

2. Vazirlar Mahkamasining “Avtomobil yonilgʻisi quyish shoxobchalarining ishini takomillashtirish va respublika isteʼmolchilarini neft mahsulotlari bilan taʼminlashni yaxshilash chora-tadbirlari toʻgʻrisida” 1998-yil 18-sentabrdagi 397-son qarorining 4-bandida :

ikkinchi va uchinchi xatboshilar chiqarib tashlansin;

uchinchi va toʻrtinchi xatboshilar tegishlicha ikkinchi va uchinchi xatboshilar deb hisoblansin.

3. Vazirlar Mahkamasining 2006-yil 1-noyabrdagi 226-son qarori bilan tasdiqlangan Avtomobil yoʻllarini taʼmirlash va saqlash ishlari tasnifining 31-bandi oʻn ikkinchi xatboshisi quyidagi tahrirda bayon etilsin:

“avtomobil yoʻllarida vazn va hajm parametrlari nazorati boʻyicha statsionar va koʻchma shoxobchalarni saqlash, shuningdek, avtotransport vositalarining ruxsat etilgan vazn va gabarit parametrlariga rioya etilishi ustidan nazorat qilish uchun Ichki ishlar vazirligi Jamoat xavfsizligi departamenti Yoʻl harakati xavfsizligi xizmati xodimlarini shartnoma asosida jalb etish”.

5. Vazirlar Mahkamasining 2011-yil 26-dekabrdagi 342-son qarori bilan tasdiqlangan Katta hajmli va ogʻir vaznli yuklarni avtomobil transportida tashishda harakat xavfsizligini taʼminlash qoidalarida :

a) 5-bandda :

birinchi xatboshi “katta hajmli” soʻzlaridan keyin “va (yoki) ogʻir vaznli” soʻzlari bilan toʻldirilsin;

toʻrtinchi xatboshi quyidagi tahrirda bayon etilsin:

“vazn va hajm parametrlarini aniqlashda oʻlchash asbobining avtotransport vositalarini toʻxtab turgan yoki 5 km/soatgacha tezlik bilan harakatlanayotganda besh foiz, 5 km/soatdan yuqori tezlikda harakatlanayotganda — oʻn foiz farq bilan ishlashiga yoʻl qoʻyiladi va u yuk tashuvchi foydasiga talqin qilinadi”;

b) 7-bandning birinchi xatboshisidagi “yoki maqsadga muvofiq” soʻzlari chiqarib tashlansin;

v) 18-band oʻz kuchini yoʻqotgan deb hisoblansin;

g) 29-bandning ikkinchi va uchinchi xatboshilari chiqarib tashlansin;

d) 32-bandning toʻrtinchi xatboshisi chiqarib tashlansin;

e) 54-band oʻz kuchini yoʻqotgan deb hisoblansin;

j) Qoidalarga 2-ilovaning izoh qismi quyidagi tahrirda bayon etilsin:

6. Vazirlar Mahkamasining 2014-yil 9-iyuldagi 184-son qarori bilan tasdiqlangan Qutqaruv xizmatlari, qutqaruv tuzilmalari va qutqaruvchilarni attestatsiyadan oʻtkazish, qutqaruv xizmatlari va qutqaruv tuzilmalarini hisobga olish roʻyxatidan oʻtkazish tartibi toʻgʻrisidagi nizomga 1-ilovaning oʻn toʻrtinchi xatboshisidagi “va “Oʻztemiryoʻlnazorat” inspeksiyasi” soʻzlari “huzuridagi Transport nazorati inspeksiyasi” soʻzlari bilan almashtirilsin.

7. Vazirlar Mahkamasining “Aholini va hududlarni tabiiy hamda texnogen xususiyatli favqulodda vaziyatlardan muhofaza qilish, fuqaro muhofazasi, shuningdek kemalar, shu jumladan kichik hajmli kemalardan xavfsiz foydalanish sohasida davlat nazoratini olib borish tartibi toʻgʻrisidagi nizomni tasdiqlash haqida” 2017-yil 19-sentabrdagi 744-son qarorida :

a) nomi va 1-banddagi “kemalar, shu jumladan” soʻzlari chiqarib tashlansin;

b) ilovada :

nomi , 1 va 4-bandlardagi “kemalar, shu jumladan” soʻzlari chiqarib tashlansin;

5-bandda :

beshinchi xatboshi quyidagi tahrirda bayon etilsin:

“kichik hajmli kemalardan xavfsiz foydalanish, shuningdek, suv obyektlarida kemalardan va ular turadigan bazalardan (inshootlardan) foydalanishda fuqarolarning xavfsizligini taʼminlash yuzasidan samarali nazoratni amalga oshirish”;

toʻqqizinchi xatboshidagi “kemalar, shu jumladan” soʻzlari chiqarib tashlansin;

7-band , 9-bandning toʻrtinchi xatboshisi , 14-bandning yettinchi xatboshisi , 20-band , 21-bandning birinchi xatboshisi va 33-banddagi “kemalar, shu jumladan” soʻzlari chiqarib tashlansin;

5-bobning nomidagi “Kemalar, shu jumladan kichik hajmli” soʻzlari “Kichik hajmli” soʻzlari bilan almashtirilsin;

39-bandning birinchi xatboshisidagi “kemalar, shu jumladan” soʻzlari chiqarib tashlansin;

40-banddagi “Kemalar, shu jumladan kichik hajmli” soʻzlari “Kichik hajmli” soʻzlari bilan almashtirilsin;

42-bandning ikkinchi xatboshisidagi “kemalar, shu jumladan” soʻzlari chiqarib tashlansin;

43-banddagi “toʻxtab” va “shuningdek, kemachilikni tartibga soluvchi qoidalarni” soʻzlari chiqarib tashlansin;

44 va 46-bandlardagi “toʻxtab” soʻzi chiqarib tashlansin;

Nizomga ilovada :

ilova belgisidagi “kemalar, shu jumladan” soʻzlari chiqarib tashlansin;

nomidagi “kemalar, shu jumladan” soʻzlari chiqarib tashlansin;

matnidagi “kemalardan, shu jumladan” hamda “kemalar, shu jumladan” soʻzlari chiqarib tashlansin.

8. Vazirlar Mahkamasining “Tusi oʻzgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari toʻgʻrisida” 2018-yil 18-iyuldagi 547-son qarorining 2-bandida :

“a” kichik band “M2, M3 toifaga oid III klass avtotransport vositalari” soʻzlaridan keyin “(turistik faoliyatni amalga oshirish uchun litsenziyaga ega boʻlgan subyektlarning M2, M3 toifaga oid III klass avtotransport vositalari, shuningdek, minivenlari bundan mustasno)” soʻzlari bilan toʻldirilsin;

quyidagi mazmundagi “g 1 ” kichik band bilan toʻldirilsin:

“g 1 ) turistik faoliyatni amalga oshirish uchun litsenziyaga ega boʻlgan subyektlarning M2, M3 toifaga oid III klass avtotransport vositalari, shuningdek, minivenlar yon oynalarining tusini oʻzgartirishga (qoraytirishga) ruxsatnoma berish uchun bir martalik toʻlov stavkalari ushbu bandning “g” kichik bandiga muvofiq belgilanadi”.

9. Vazirlar Mahkamasining 2019-yil 19-apreldagi 336-son qarori bilan tasdiqlangan Oʻzbekiston Respublikasi Transport vazirligi toʻgʻrisidagi nizomning 13-bandida :

“j” kichik bandi yettinchi va sakkizinchi xatboshilari chiqarib tashlansin;

toʻqqizinchi — oʻn yettinchi xatboshilar yettinchi — oʻn beshinchi xatboshilar deb hisoblansin.

10. Vazirlar Mahkamasining 2019-yil 24-maydagi 429-son qarori bilan tasdiqlangan Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi toʻgʻrisidagi nizomning 3-bandida :

beshinchi xatboshidagi “100” raqami “60” raqami bilan almashtirilsin;

quyidagi mazmundagi yettinchi — oʻninchi xatboshilar bilan toʻldirilsin:

“tegishli ruxsatnomasiz ogʻir vaznli, yirik gabaritli, xavfli yuklarni tashish va yuk bilan yoki yuksiz holdagi gabarit oʻlchamlari belgilangan normalardan ortiq boʻlgan transport vositalarida yoʻlga chiqish uchun undiriladigan jarimalar summasining 10 foizi;

yuk koʻtarish quvvati 10 tonnadan yuqori boʻlgan yuk avtotransporti vositalari va tirkamalarining avtomobil yoʻllari boʻylab harakatlanishi huquqi uchun yigʻimning 10 foizi;

tadbirkorlik subyektlariga tegishli oʻlchov nazorat shoxobchalari qayd etgan tegishli ruxsatnomasiz ogʻir vaznli, yirik gabaritli, xavfli yuklarni tashish va yuk bilan yoki yuksiz holdagi gabarit oʻlchamlari belgilangan normalardan ortiq boʻlgan transport vositalarida yoʻlga chiqish uchun undiriladigan jarimalar summasining 15 foizi;

tadbirkorlik subyektlariga tegishli koʻchma oʻlchov nazorat shoxobchalarida oʻrnatilgan foto va video qayd etish dasturiy-texnik vositalari orqali aniqlangan shoxobchaga kirish joyida toʻla vazni 12 tonnadan yuqori boʻlgan N 3 va O 4 toifaga kiruvchi avtotransport vositalarini yoʻnaltiruvchi yoʻl belgilariga rioya qilmagan holda shoxobcha orqali harakatlanmagan yuk avtotransport vositalari uchun qoʻllanilgan jarima summasining 50 foizi”;

yettinchi — oʻninchi xatboshilar tegishlicha oʻn birinchi — oʻn toʻrtinchi xatboshilar deb hisoblansin.

11. Vazirlar Mahkamasining 2019-yil 21-noyabrdagi 924-son qarori bilan tasdiqlangan Oʻzbekiston Respublikasi Transport vazirligi huzuridagi Avtomobil yoʻllari' qoʻmitasi faoliyatini rivojlantirish va qoʻllab-quvvatlash jamgʻarmasi toʻgʻrisidagi nizomda :

a) 4-bandda :

“a” kichik banddagi “40” raqami “25” raqami bilan almashtirilsin;

“v” kichik banddagi “90” raqami “80” raqami bilan almashtirilsin;

quyidagi mazmundagi “l 1 ”, “l 2 ” va “l 3 ” kichik bandlar bilan toʻldirilsin:

“l 1 ) yuk koʻtarish quvvati 10 tonnadan yuqori boʻlgan yuk avtotransporti vositalari va tirkamalarining avtomobil yoʻllari boʻylab harakatlanishi huquqi uchun yigʻimning 90 foizi;

l 2 ) tadbirkorlik subyektlariga tegishli oʻlchov-nazorat shoxobchalari orqali qayd etilgan yoʻl harakati qoidalari buzilganligi uchun dastlabki 2 yil davomida undirilgan jarimalar summasidan tushgan mablagʻlarning 35 foizi, ishga tushirilganidan 2 yil oʻtganidan soʻng 45 foizi;

l 3 ) maxsus koʻrikdan oʻtkazish va texnik xulosa ishlab chiqish xizmatlari uchun toʻlovlardan kelib tushgan mablagʻlarning 50 foizi”;

b) 8-bandda :

sakkizinchi xatboshi quyidagi tahrirda bayon etilsin:

“Qoʻmitaga yuklangan vazifalarni bajarish uchun konsalting va boshqa tashkilotlardan xorijiy mutaxassislarni oʻrnatilgan tartibda shartnoma asosida jalb qilish hamda mahalliy mutaxassislarni, maslahatchilarni shartnoma asosida jalb qilish, shuningdek, Qoʻmita ekspert-tahlil guruhi faoliyatini moliyalashtirish”;

yigirma birinchi xatboshi “postini tashkil etish” soʻzlaridan keyin “, shuningdek, avtotransport vositalarining ruxsat etilgan vazn va gabarit parametrlariga rioya etilishi ustidan nazorat qilish uchun Ichki ishlar vazirligi Jamoat xavfsizligi departamenti Yoʻl harakati xavfsizligi xizmati xodimlarini shartnoma asosida jalb etish” soʻzlari bilan toʻldirilsin.

12. Vazirlar Mahkamasining 2020-yil 19-maydagi 295-son qarori Oʻzbekiston Respublikasi Transport vazirligi huzuridagi Avtomobil yoʻllari qoʻmitasi toʻgʻrisidagi nizomning 13-bandi toʻqqizinchi xatboshisi quyidagi tahrirda bayon etilsin:

“yoʻl xoʻjaligi sohasini tartibga solish masalalarini muhokama qilish uchun ekspertlarni jalb qilish, shuningdek, sohadagi islohotlar ijrosini ekspertlik jihatdan taʼminlashning yangi, samarali va sifatli tizimini yaratish doirasida normativ-huquqiy hujjatlar loyihalarini ishlab chiqish uchun malakali mutaxassislardan iborat ekspert-tahlil guruhlarini qonunchilik hujjatlarida belgilangan tartibda tashkil etish”.

13. Vazirlar Mahkamasining “Transport vositalarining vazn va hajm parametrlarini nazorat qilishni joriy etish chora-tadbirlari toʻgʻrisida” 2020-yil 28-maydagi 337-son qarorida :

a) 1-ilovada :

3-bandning toʻrtinchi xatboshisidagi “dengiz konteynerlari;” soʻzlari chiqarib tashlansin;

4-bandda :

“a” kichik banddagi “hamda toʻxtatilgan transport vositalarini toʻxtatish sabablari bartaraf etilgunga qadar joylashtirish uchun toʻxtash joyi” soʻzlari chiqarib tashlansin;

“d” va “e” kichik bandlar oʻz kuchini yoʻqotgan deb hisoblansin;

“j” kichik banddagi “koʻchma” soʻzi “statsionar” soʻzi bilan almashtirilsin;

“z” kichik band quyidagi tahrirda bayon etilsin:

“z) kunu tun rejimida ishlaydigan xodimlar uchun moʻljallangan va maʼlumot almashish aloqa vositalari bilan jihozlangan xona”;

5-bandda :

birinchi xatboshi “avtomatlashtirilgan” soʻzidan keyin “(WIM tizimi)” soʻzlari bilan toʻldirilsin;

“a” kichik banddagi “aniqlovchi, oʻqdagi gʻildiraklar sonini” soʻzlari chiqarib tashlansin;

“d” kichik band oʻz kuchini yoʻqotgan deb hisoblansin;

“e” kichik band quyidagi tahrirda bayon etilsin:

“e) maʼlumot almashish aloqa vositalari”;

6-bandning “v” , “d” va “e” kichik bandlari oʻz kuchini yoʻqotgan deb hisoblansin;

16-bandning birinchi xatboshisi “Avtomobil yoʻllarida” soʻzlaridan keyin “koʻchma va statsionar punktlarida” soʻzlari bilan toʻldirilsin;

19-band quyidagi tahrirda bayon etilsin:

“19. Koʻchma va statsionar punktlarida:

Oʻzbekiston Respublikasi Transport vazirligi huzuridagi Transport nazorati inspeksiyasi inspektorlari (keyingi oʻrinlarda — Inspektor) respublika hududida;

Bojxona qoʻmitasi Oʻzbekiston Respublikasi davlat chegarasi oʻtish punktlarida quyidagilardan iborat instrumental vazn va hajm nazoratini amalga oshiradi:

transport vositasining hajmlarini oʻlchash (ogʻirlik, uzunlik, kenglik va balandlik kabilar);

oʻqlar oʻrtasidagi masofani oʻlchash;

oʻqlarga tushadigan ogʻirlikni oʻlchash;

umumiy ogʻirligini oʻlchash va boshqalar”;

23-bandda :

birinchi xatboshi quyidagi mazmundagi jumla bilan toʻldirilsin:

“Avtomatlashtirilgan punktlar bundan mustasno”;

oltinchi va yettinchi xatboshilar chiqarib tashlansin;

26-band quyidagi tahrirda bayon etilsin:

“26. Katta hajmli va ogʻir vaznli transport vositasi egasida (foydalanuvchida) avtomobil yoʻllaridan oʻtish uchun maxsus ruxsatnoma mavjud boʻlmagan yoki ruxsatnomada belgilangan harakat yoʻnalishidan chetlangan, shuningdek, yoʻl harakatlari shartlari buzilgan taqdirda, inspektor transport vositasi harakatini toʻxtatadi va bayonnoma rasmiylashtiradi.

Avtomatlashtirilgan punktlarida aniqlangan holatlar boʻyicha avtomat tarzda bayonnoma rasmiylashtiriladi”;

b) 2-ilovada :

4-band quyidagi tahrirda bayon etilsin:

“4. Yuk tashuvchi (buyurtmachi) yoki ularning vakillari maxsus ruxsatnoma olish uchun “Litsenziya” axborot tizimi orqali murojaat etishlari zarur”;

7-band quyidagi tahrirda bayon etilsin:

“7. Maxsus koʻrik oʻtkazish ishlari katta hajmli va ogʻir vaznli transport vositalarining umumiy ogʻirligi, oʻqi boʻyicha ogʻirligi va hajm oʻlchamlaridan kelib chiqib bir oygacha boʻlgan muddatda amalga oshiriladi, belgilangan meʼyorlardan uch barobar ortiq yuklar bundan mustasno”;

11 , 12 va 13-bandlar quyidagi tahrirda bayon etilsin:

“11. Bir yoʻnalishda maxsus koʻrik oʻtkazilgandan soʻng takroran 15 kun ichida qayta maxsus koʻrikdan oʻtkazish talab etilmaydi, belgilangan meʼyorlardan uch barobar ortiq yuklar bundan mustasno.

12. Texnik xulosa quyida keltirilgan shartlarning hech boʻlmaganda bittasi mavjud boʻlgan hollarda ishlab chiqiladi:

katta hajmli va ogʻir vaznli transport vositalarining umumiy ogʻirligi 70 tonnadan oshsa;

katta hajmli va ogʻir vaznli transport vositalarining uzunligi 24 metrdan oshsa;

katta hajmli va ogʻir vaznli transport vositalarining kengligi 3,5 metrdan oshsa;

katta hajmli va ogʻir vaznli transport vositalarining balandligi 4,5 metrdan oshsa;

umumiy foydalanishdagi avtomobil yoʻllari uchun avtotransport vositasining (avtopoyezdning) bitta oʻqiga tushgan ogʻirlik miqdori 13 tonnadan ortiq boʻlganda.

13. Avtomobil yoʻllarini maxsus koʻrikdan oʻtkazish va texnik xulosa ishlab chiqish xizmatlari uchun toʻlovlar yuk tashuvchi (buyurtmachi) yoki ularning vakillari bilan avtomobil yoʻllari sohasidagi maxsus vakolatli organ yoki u vakolat bergan tashkilot oʻrtasida tuzilgan shartnoma asosida yoʻnalishning har bir kilometr masofasi uchun transport vositasining yuk bilan umumiy ogʻirligi:

100 tonnagacha boʻlgan transport vositalari uchun bazaviy hisoblash miqdorining oʻn besh foizi;

100 tonna va undan ortiq boʻlgan transport vositalari uchun bazaviy hisoblash miqdorining yigirma foizi miqdorida hisob-kitob qilinadi.

Maxsus koʻrikdan oʻtkazish va texnik xulosa ishlab chiqish xizmatlari uchun toʻlovlardan kelib tushgan mablagʻlarning ellik foizi Transport vazirligi huzuridagi Avtomobil yoʻllari qoʻmitasi faoliyatining rivojlantirish va qoʻllab-quvvatlash jamgʻarmasiga yoʻnaltiriladi”.

14. Vazirlar Mahkamasining “Kema haydovchilarini tayyorlash, qayta tayyorlash va ularning malakasini oshirish chora-tadbirlari toʻgʻrisida” 2020-yil 4-iyuldagi 421-son qarorida :

a) 2-bandning “a” kichik bandi ikkinchi xatboshisi “Transport vazirligi” soʻzlaridan keyin “huzuridagi Transport nazorati inspeksiyasi” soʻzlari bilan toʻldirilsin;

b) ilovada :

29-bandning birinchi xatboshisidagi “Transport vazirligi va Favqulodda vaziyatlar vazirligining hududiy favqulodda vaziyatlar boshqarmalarida” soʻzlari “Transport vazirligi huzuridagi Transport nazorati inspeksiyasi va Favqulodda vaziyatlar vazirligining hududiy boshqarmalarida” soʻzlari bilan almashtirilsin;

35-bandning ikkinchi xatboshisidagi “Transport vazirligining tegishli hududiy boshqarmalari” soʻzlari “Transport vazirligi huzuridagi Transport nazorati inspeksiyasining tegishli hududiy boʻlinmalari” soʻzlari bilan almashtirilsin;

37-bandning ikkinchi xatboshisi “Transport vazirligi” soʻzlaridan keyin “huzuridagi Transport nazorati inspeksiyasi boshligʻi” soʻzlari bilan toʻldirilsin;

43-bandning ikkinchi xatboshisi “Transport vazirligi” soʻzlaridan keyin “huzuridagi Transport nazorati inspeksiyasi” soʻzlari bilan toʻldirilsin;

61-banddagi “Favqulodda vaziyatlar vazirligi va Transport vazirligining hududiy boshqarmalari” soʻzlari “Favqulodda vaziyatlar vazirligining hududiy boshqarmalari va Transport vazirligi huzuridagi Transport nazorati inspeksiyasining” soʻzlari bilan almashtirilsin;

Nizomga 7-ilovaning “Oʻzbekiston Respublikasi Transport vazirligi tomonidan beriladigan Kema haydovchisi guvohnomasining namunasi va tavsifi” boʻlimida:

“Guvohnomaning ichki tomoni” kichik boʻlimi quyidagi tahrirda bayon etilsin:

“

”;

tavsif qismining oʻn oltinchi xatboshidagi “TRANSPORT VAZIRLIGI”, ikkinchi va uchinchi satrlarda “MINISTERSTVO TRANSPORTA” soʻzlari “TRANSPORT VAZIRLIGI HUZURIDAGI TRANSPORT NAZORATI INSPEKTSIYASI”, ikkinchi va uchinchi satrlarda “INSPEKSIYA PO NADZORU V SFERE TRANSPORTA PRI MINISTERSTVE TRANSPORTA” soʻzlari bilan almashtirilsin.

15. Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomga 25-ilovaning 7 — 12-pozitsiyalari quyidagi tahrirda bayon etilsin:

“ 7. Ruxsat etish xususiyatiga ega hujjat berilganligi uchun undiriladigan yigʻim: a) Mahalliy yuk tashuvchilar uchun: 100 km ga qadar BHM ning 54 foizi miqdorida; har bir keyingi kilometr uchun BHM ning 0,24 foizi miqdorida. Transport vositasining umumiy haqiqiy massasi ruxsat berilganiga nisbatan oshganligi uchun toʻlanadigan toʻlov: Umumiy haqiqiy vaznning yoʻl qoʻyiladigan vaznga nisbatan ortiqchalik miqdori, tonnada Yuriladigan 1 km masofa uchun tarif, soʻmda (bazaviy hisoblash miqdoriga nisbatan foizda) 0 dan 5 gacha 0,08 5 dan 10 gacha 0,12 10 dan 15 gacha 0,24 15 dan 20 gacha 0,42 20 dan 25 gacha 0,63 25 dan 30 gacha 0,97 30 dan 35 gacha 1,39 35 dan 40 gacha 1,94 40 dan 45 gacha 2,66 45 dan 50 gacha 3,59 50 va undan yuqori 4,22 Ogʻir vaznli transport vositalarining avtomobil yoʻllaridan oʻtishida oʻqqa tushadigan haqiqiy ogʻirlikning (Of) ruxsat berilganga (Od) nisbatan oshganligi uchun toʻlov: Gʻildirak oʻqi haqiqiy yuklamasining yoʻl qoʻyiladigan yuklamaga nisbati (Of/Od) Har bir oʻqning yoʻl qoʻyiladigan yuklamadan ortiqcha yuklamaga 1 km uchun tarif, soʻmda (bazaviy hisoblash miqdoriga nisbatan foizda) 1,01 dan 1,05 gacha 0,23 1,05 dan 1,10 gacha 0,25 1,10 dan 1,15 gacha 0,59 1,15 dan 1,20 gacha 0,76 1,20 dan 1,25 gacha 0,89 1,25 dan 1,30 gacha 1,06 1,30 dan 1,35 gacha 1,27 1,35 dan 1,40 gacha 1,48 1,40 dan 1,45 gacha 1,73 1,45 dan 1,50 gacha 2,03 1,50 dan 1,55 gacha 2,32 1,55 dan 1,60 gacha 2,70 1,60 dan 1,65 gacha 3,08 1,65 dan 1,70 gacha 3,59 1,70 dan 1,75 gacha 4,01 1,75 dan 1,80 gacha 4,55 1,80 dan 1,85 gacha 5,15 1,85 dan 1,90 gacha 5,82 1,90 dan 1,95 gacha 6,50 1,95 dan 2,00 gacha 7,30 2,00 va undan yuqori 8,44 Avtotransport vositalari hajmlarining ortiqchaligi uchun toʻlov yurib oʻtilgan 1 km yoʻl uchun bazaviy hisoblash miqdorining (BHM) ning 0,32 foizi miqdorida undiriladi; b) xorijiy yuk tashuvchilar uchun: 100 km ga qadar — 25 AQSH dollari; har bir keyingi kilometr uchun — 0,11 AQSH dollari miqdorida. Transport vositasining umumiy haqiqiy massasi ruxsat berilganiga nisbatan oshganligi uchun toʻlanadigan toʻlov: Umumiy haqiqiy vaznning yoʻl qoʻyiladigan vaznga nisbatan ortiqcha miqdori, tonnada Yuriladigan 1 km masofa uchun tarif, AQSH dollari 0 dan 5 gacha 0,04 5 dan 10 gacha 0,06 10 dan 15 gacha 0,12 15 dan 20 gacha 0,20 20 dan 25 gacha 0,30 25 dan 30 gacha 0,46 30 dan 35 gacha 0,66 35 dan 40 gacha 0,92 40 dan 45 gacha 1,26 45 dan 50 gacha 1,70 50 va undan yuqori 2,00 Ogʻir yukli transport vositalarining avtomobil yoʻllaridan oʻtishida oʻqqa tushadigan haqiqiy ogʻirlikning (Of) ruxsat berilganga (Od) nisbatan oshganligi uchun har bir ortiqcha yuklangan oʻq uchun toʻlov: Gʻildirak oʻqi haqiqiy yuklamasining yoʻl qoʻyiladigan yuklamaga nisbati (Of/Od) Har bir oʻqning yoʻl qoʻyiladigan yuklamadan ortiqcha yuklama bilan yurilgan masofa uchun tarif, AQSH dollari 1,01 dan 1,05 gacha 0,11 1,05 dan 1,10 gacha 0,12 1,10 dan 1,15 gacha 0,28 1,15 dan 1,20 gacha 0,36 1,20 dan 1,25 gacha 0,42 1,25 dan 1,30 gacha 0,50 1,30 dan 1,35 gacha 0,60 1,35 dan 1,40 gacha 0,70 1,40 dan 1,45 gacha 0,82 1,45 dan 1,50 gacha 0,96 1,50 dan 1,55 gacha 1,10 1,55 dan 1,60 gacha 1,28 1,60 dan 1,65 gacha 1,46 1,65 dan 1,70 gacha 1,70 1,70 dan 1,75 gacha 1,90 1,75 dan 1,80 gacha 2,16 1,80 dan 1,85 gacha 2,44 1,85 dan 1,90 gacha 2,76 1,90 dan 1,95 gacha 3,08 1,95 dan 2,00 gacha 3,46 2,00 va undan yuqori 4,00 Transport vositalari hajmlarining ortiqchaligi uchun toʻlov yurib oʻtilgan 1 km yoʻl uchun 0,15 AQSH dollari miqdorida undiriladi. Ruxsat etish xususiyatiga ega hujjatni berganlik uchun yigʻim quyidagi tartibda taqsimlanadi: 2 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga; 2 foizi — Yagona interaktiv davlat xizmatlari portali orqali davlat xizmatlarini koʻrsatganlik uchun, shuningdek, 0,5 foizi Yagona billing tizimi orqali davlat xizmatlarini koʻrsatganlik uchun Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga; 96 foizi — vakolatli organning hisobvaragʻiga yoʻnaltiriladi. 8. Arizani koʻrib chiqish muddati: 3 ish kuni, bunda ruxsatnomani rasmiylashtirish ikki kunda, kelishish jarayonlari bir kunda amalga oshiriladi (amaldagi qonunchilikka muvofiq maxsus koʻrik oʻtkazilishi talab etilgan hollarda bir oy). 9. Ruxsat etishga oid talab va shartlar: a) Vazirlar Mahkamasining 2011-yil 26-dekabrdagi 342-son qarori bilan tasdiqlangan Katta hajmli va ogʻir vaznli yuklarni avtomobil transportida tashishda harakat xavfsizligini taʼminlash qoidalari talablariga rioya qilish; b) ruxsat etiladigan eng yuqori tezlik 50 km/soatdan oshmasligi, tezlikni chegaralovchi belgi transport vositasiga yoʻl harakati qoidalarida belgilangan tarzda oʻrnatilganligi;* v) haydovchilar tegishli toifadagi transport vositasini boshqarish huquqiga ega boʻlishi va tasdiqlangan yoʻnalishga qatʼi rioya qilishi;* 10. Ruxsat etish xususiyatiga ega hujjatni berishda kelishiladigan organlar: Vakolatli organning yoʻnalish (marshrut) chizmasi quyidagi organlar tomonidan 2 ish kunida kelishiladi: a) Ichki ishlar vazirligi Yoʻl harakati xavfsizligi bosh boshqarmasi bilan — Oʻzbekiston Respublikasidan tashqariga yoki tashqaridan mamlakat hududiga yuklarni tashishda, shuningdek, mamlakat hududidan yuklarni tranzit tashishda; b) hududiy yoʻl harakati xavfsizligi boshqarmalari bilan — Qoraqalpogʻiston Respublikasi, Toshkent shahri va viloyat hududida va viloyatlararo yuk tashishni amalga oshirishda; v) shahar (tuman ) elektr transporti, elektr tarmogʻi va boshqa aloqador tashkilotlar bilan — yukning balandligi yoʻl sathidan 4,5 metrdan yuqori boʻlgan taqdirda; g) temir yoʻl organlari bilan — yuk tashish yoʻnalishi temir yoʻl bilan bir sathda kesishganda, transport vositasining yuk bilan yoki yuksiz kengligi 5 metrdan, yoʻl sathidan balandligi 4,5 metrdan, bir tirkamali (yarim tirkamali) avtopoyezdning uzunligi 20 metrdan, ikki va undan ortiq tirkamali avtopoyezdning uzunligi 24 metrdan ortiq boʻlsa, shuningdek, transport vositasining umumiy ogʻirligi 52 tonnadan yuqori yoki harakatlanish tezligi soatiga 5 kilometrdan kam boʻlsa, yuk tashish yoʻnalishi temir yoʻl koʻprigi, temir yoʻl oʻtkazgichi ostidan oʻtganda, transport vositasining kengligi yuki bilan yoki yuksiz 5 metrdan ortiq, balandligi yoʻl sathidan 4,35 metrdan ortiq boʻlsa. 11. Ruxsat etish xususiyatiga ega hujjatning amal qilish muddati: 30 kun muddatga belgilangan yoʻnalish boʻylab bir marta yuk tashish uchun beriladi, bunda respublika hududiga kirish va qaytib chiqib ketish koʻzda tutilishi mumkin. Fors-major holatlari yuz berganda, ushbu muddat fors-major holatlari amal qilgan muddatga uzaytiriladi. 12. Izoh: I. Katta hajmli yuk — oʻlchamlari (balandligi, kengligi yoki uzunligi)ning birorta koʻrsatkichi ularni Oʻzbekiston Respublikasi hududidagi avtomobil yoʻllarida tashishda mazkur pasportda bayon etilgan meʼyoriy oʻlchamlardan katta boʻlgan yuk. Ogʻir vaznli yuk — Oʻzbekiston Respublikasi hududidagi avtomobil yoʻllarida tashishda transport vositasining gʻildirak oʻqiga tushadigan ogʻirligi mazkur pasportda bayon etilgan meʼyoriy miqdorlardan ortiq boʻlgan yuk. II. Avtotransport vositasining gabarit oʻlchamlari haqiqiy koʻrsatkichlari chiziqli-oʻlchash asbobi yordamida, toʻliq massa va oʻqqa tushadigan ogʻirligi esa turgʻun yoki koʻchma turdagi avtomobil tarozilari yordamida yoxud maxsus avtomatlashtirilgan oʻlchash vositalari orqali harakatlanishi paytida aniqlanadi. Chiziqli oʻlchash asbobi, shu jumladan, maxsus avtomatlashtirilgan oʻlchash vositalari va avtomobil tarozilari soz holatda boʻlishi va sertifikatlarga va (yoki) metrologik tekshirish oʻtkazilganligi toʻgʻrisidagi davlat tamgʻasiga ega boʻlishi kerak. Avtotransport vositalarining gabarit va vazn parametrlari aniqlashda oʻlchash asbobining ikki foizli farq bilan ishlashiga yoʻl qoʻyiladi va u yuk tashuvchi foydasiga talqin qilinadi. Agar tashiladigan yukning gabarit oʻlchamlari va (yoki) uning vazni belgilangan koʻrsatkichlardan oʻta yuqori boʻlganligi yoxud avtomobil tarozilari, maxsus avtomatlashtirilgan oʻlchash vositalarining yoʻqligi (nosozligi) sababli Oʻzbekiston Respublikasi Davlat chegarasi orqali oʻtkazish punktlarida avtotransport vositasining umumiy massasini va oʻqlarga tushadigan ogʻirligini aniqlashning imkoni boʻlmaganda, zarur boʻlgan parametrlar tovar-transport hujjatlarida koʻrsatilgan maʼlumotlar asosida aniqlanishi mumkin. III. Oʻzbekiston Respublikasi Davlat chegarasidan tashqariga yoki Davlat chegarasi tashqarisidan mamlakat hududiga yuklarni tashishda, shuningdek, mamlakat hududidan yuklarni tranzit tashishda vakolatli organlardan olingan va kelishilgan ruxsatnoma hamda yoʻnalish chizmalari toʻgʻrisidagi maʼlumotlar, ularning berilishi bilan bir vaqtda katta hajmli va ogʻir vaznli avtotransport vositalarini Oʻzbekiston Respublikasi Davlat chegarasi orqali oʻtkazish uchun yoʻlga egalik qiluvchi yuridik shaxslar tomonidan Bojxona qoʻmitasiga real vaqt rejimida elektron shaklda kiritiladi va ularga asosan belgilangan tartibda harakatlanishni boshlashga ruxsat beriladi. Bojxona organlari tomonidan avtotransport vositasining maxsus ruxsatnomada koʻrsatilgan ogʻirlik gabarit parametrlaridan ortiq ekanligi aniqlangan taqdirda, bunday avtotransport vositasini Oʻzbekiston Respublikasi Davlat chegarasi orqali oʻtkazishga yoʻl qoʻyilmaydi va uning kelgusidagi harakatlanishi yangi maxsus ruxsatnomaga muvofiq amalga oshiriladi. IV. Xorijiy yuk tashuvchilardan toʻlovlar milliy valyuta “soʻm”da bevosita bojxona postlarida tijorat banklari tomonidan toʻlov kunidagi Oʻzbekiston Respublikasi Markaziy bankining kursi boʻyicha undiriladi. V. Avtomobil yoʻllarini maxsus koʻrikdan oʻtkazish va texnik xulosa ishlab chiqish xizmatlari uchun toʻlovlar yuk tashuvchi (buyurtmachi) yoki ularning vakillari bilan vakolatli organ oʻrtasida tuzilgan shartnoma asosida yoʻnalishning har bir kilometr masofasi uchun transport vositasining yuk bilan umumiy ogʻirligi: 100 tonnagacha boʻlgan transport vositalari uchun bazaviy hisoblash miqdorining oʻn besh foizi; 100 tonna va undan ortiq boʻlgan transport vositalari uchun bazaviy hisoblash miqdorining yigirma foizi miqdorida hisob-kitob qilinadi. Muddati oʻtgan, biroq ruxsatnomadan foydalanmagan holatlarda harakatlanish yoʻnalishini va yukni oʻzgartirmagan holda ruxsatnomani bepul qayta rasmiylashtirishga yoʻl qoʻyiladi. Bunda ruxsatnomadan foydalanilmaganligini Bojxona qoʻmitasi tomonidan elektron tizim orqali taqdim etilgan maʼlumotlar asosida aniqlanadi. * Qoʻpol ravishda buzish deb hisoblanadigan talab va shartlar. ”.

16. Vazirlar Mahkamasining 2022-yil 25-martdagi 133-son qarori bilan tasdiqlangan Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisidagi nizomga 5-ilovaning 9-pozitsiyasi uchinchi ustuni quyidagi mazmundagi “v” kichik band bilan toʻldirilsin:

“v) noruda foydali qazilma konida avtotransport vositalarining ogʻirlik parametrlarini oʻlchashga moʻljallangan tarozilarni oʻrnatish hamda yuk avtotransport vositalari meʼyor talablarida yuklanishi va yoʻlga chiqishi boʻyicha majburiyatlar”.

17. Vazirlar Mahkamasining 2022-yil 7-apreldagi 167-son qarori bilan tasdiqlangan Daryo transportida davlat xizmatlari koʻrsatishning maʼmuriy reglamentida :

a) 2-bandda :

oltinchi xatboshidagi “Transport vazirligining” soʻzlari “Transport vazirligi huzuridagi Transport nazorati inspeksiyasining” soʻzlari bilan almashtirilsin;

yettinchi xatboshi quyidagi tahrirda bayon etilsin:

“ hududiy kemachilik registri inspektori — Transport vazirligi huzuridagi Transport nazorati inspeksiyasining Qoraqalpogʻiston Respublikasi, Surxondaryo, Xorazm va Toshkent viloyatlari hududiy boʻlinmalarining kemalarni klassifikatsiya va texnik nazorat qilish vakolati berilgan mansabdor shaxslari”;

b) 7 va 8-bandlar quyidagi tahrirda bayon etilsin:

“7. Kemani roʻyxatga/qayta roʻyxatga olish va tegishli texnik koʻriklarni oʻtkazish kema egasi va Transport vazirligi huzuridagi Transport nazorati inspeksiyasining Qoraqalpogʻiston Respublikasi, Surxondaryo, Xorazm va Toshkent viloyatlari hududiy boʻlinmalari bilan oʻzaro tuzilgan shartnomalar asosida amalga oshiriladi.

8. Kemani roʻyxatga/qayta roʻyxatga olish va uni texnik koʻrikdan oʻtkazish toʻgʻrisida ariza kema egasi tomonidan Yagona interaktiv davlat xizmatlari portali yoki Transport vazirligi huzuridagi Transport nazorati inspeksiyasining veb-sayti orqali yoxud bevosita oʻzlari joylashgan manzil boʻyicha Transport nazorati inspeksiyasining tegishli hududiy boʻlinmalariga taqdim etiladi”;

v) 9-banddagi “tegishli Transport boshqarmasiga” soʻzlari “Transport vazirligi huzuridagi Transport nazorati inspeksiyasining tegishli hududiy boʻlinmalariga” soʻzlari bilan almashtirilsin;

g) 10-bandning oltinchi xatboshisidagi “Transport vazirligi va Davlat bojxona qoʻmitasining” soʻzlari “Transport vazirligi huzuridagi Transport nazorati inspeksiyasi va Iqtisodiyot va moliya vazirligi huzuridagi Bojxona qoʻmitasining” soʻzlari bilan almashtirilsin;

d) 13-bandning birinchi xatboshisi va 23-bandning uchinchi xatboshisidagi “Transport vazirligining” soʻzlari “Transport vazirligi huzuridagi Transport nazorati inspeksiyasining” soʻzlari bilan almashtirilsin;

e) 2-ilovada :

birinchi xatboshidagi “Transport vazirligining Kemachilik registri va Kemachilik inspeksiyasi” soʻzlari “Transport vazirligi huzuridagi Transport nazorati inspeksiyasining Kemachilik registri” soʻzlari bilan almashtirilsin;

ikkinchi xatboshidagi “i Sudoxodnoy inspeksii Ministerstva transporta” soʻzlari “Inspeksii po nadzoru v sfere transporta pri Ministerstve transporta” soʻzlari bilan almashtirilsin;

uchinchi xatboshidagi “and Shipping Inspection of the Ministry of Transport” soʻzlari “of the Inspection of transport supervision under Ministry of Transport of the” soʻzlari bilan almashtirilsin;

j) 4-ilovaning matnida :

“TRANSPORT VAZIRLIGI” soʻzlaridan keyin “HUZURIDAGI TRANSPORT NAZORATI INSPEKSIYASI” soʻzlari bilan toʻldirilsin;

“Oʻzbekiston Respublikasi Transport vazirligining” soʻzlari chiqarib tashlansin;

z) 5-ilovaning matni “TRANSPORT VAZIRLIGI” soʻzlaridan keyin “HUZURIDAGI TRANSPORT NAZORATI INSPEKSIYASI” soʻzlari bilan toʻldirilsin;

i) 6-ilovada :

“TRANSPORT VAZIRLIGI” soʻzlaridan keyin “HUZURIDAGI TRANSPORT NAZORATI INSPEKSIYASI” soʻzlari bilan toʻldirilsin;

“Oʻzbekiston Respublikasi Transport vazirligi” soʻzlari chiqarib tashlansin;

k) 7 va 8-ilovalarning matnlari “TRANSPORT VAZIRLIGI” soʻzlaridan keyin “HUZURIDAGI TRANSPORT NAZORATI INSPEKSIYASI” soʻzlari bilan toʻldirilsin.

18. Vazirlar Mahkamasining “Oʻzbekiston Respublikasi kemachiligi sohasida xavfsizlikni taʼminlashga oid chora-tadbirlar toʻgʻrisida” 2023-yil 11-sentabrdagi 462-son qarorida :

a) 1-ilovada 2-bandida :

toʻrtinchi xatboshidagi “Transport vazirligining” soʻzlari “Transport vazirligi huzuridagi Transport nazorati inspeksiyasining” soʻzlari bilan almashtirilsin;

oʻn beshinchi xatboshidagi “Transport vazirligi va uning hududiy transport boshqarmalaridagi daryo” soʻzlari “Transport vazirligi huzuridagi Transport nazorati inspeksiyasi va uning hududiy boʻlinmalaridagi suv” soʻzlari bilan almashtirilsin;

b) 2-ilovaning 2-bandi ikkinchi xatboshisi va 207-bandi birinchi xatboshisidagi “Transport vazirligining” soʻzlari “Transport vazirligi huzuridagi Transport nazorati inspeksiyasining” soʻzlari bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 28-oktabr,

710-son

(Qonunchilik maʼlumotlari milliy bazasi, 31.10.2024-y., 09/24/710/0867-son; 22.05.2025-y., 09/25/325/0460-son; 25.06.2025-y., 09/25/381/0539-son)

lex.uz