UzbekAI

Ўзбекистон Республикаси Иқтисодиёт ва молия вазирлиги Ўзбекистон Республикаси Вазирлар Маҳкамаси ҳузуридаги Солиқ қўмитасининг

Қарори

ЙЎРИҚНОМА

ЖУРНАЛИ

ҲИСОБОТ

РЎЙХАТИ

Ўзбекистон Республикасида тамаки маҳсулотлари ва алкоголли ичимликларга акциз маркаларини қўллаш тартиби тўғрисидаги йўриқномани тасдиқлаш ҳақида

Ўзбекистон Республикасининг Солиқ кодекси ва Ўзбекистон Республикаси Вазирлар Маҳкамасининг 1996 йил 14 августдаги 285-сон «Ўзбекистон Республикаси ҳудудида тамаки маҳсулотларига ва спиртли ичимликларга акциз маркаларини жорий этиш тартиби тўғрисида»ги қарорига мувофиқ Ўзбекистон Республикаси Иқтисодиёт ва молия вазирлиги ҳамда Вазирлар Маҳкамаси ҳузуридаги Солиқ қўмитаси қарор қиладилар:

1. Ўзбекистон Республикасида тамаки маҳсулотлари ва алкоголли ичимликларга акциз маркаларини қўллаш тартиби тўғрисидаги йўриқнома 1-иловага мувофиқ тасдиқлансин.

2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.

3. Мазкур қарор Ўзбекистон Республикаси Марказий банки билан келишилган.

4. Мазкур қарор расмий эълон қилинган кундан эътиборан кучга киради.

Келишилди:

Ўзбекистон Республикаси Иқтисодиёт ва молия вазирлигининг 2024 йил 23 сентябрдаги 178-сон ва Вазирлар Маҳкамаси ҳузуридаги Солиқ қўмитасининг 2024 йил 13 сентябрдаги 2024-17-сон қарорига 1-ИЛОВА

Ўзбекистон Республикасида тамаки маҳсулотлари ва алкоголли ичимликларга акциз маркаларини қўллаш тартиби тўғрисидаги

Ушбу Йўриқнома акциз маркаларини бериш, қайд этиш, сақлаш ва қайтариш, шунингдек Ўзбекистон Республикасида ишлаб чиқарилаётган ва унинг ҳудудига олиб келинаётган, акциз маркалари билан мажбурий маркаланиши лозим бўлган тамаки маҳсулотлари ва алкоголли ичимликларнинг акциз маркалари (бундан табиий ва кўпикланадиган винолар, пиво ва пиво ичимликлари мустасно) билан маркаланиши устидан назорат ўрнатиш тартибини белгилайди.

1-боб. Акциз маркаларини буюртма қилиш ва уларни бериш

1. Акциз маркалари билан маркаланадиган тамаки маҳсулотлари ва алкоголли ичимликларни ишлаб чиқарувчи корхоналар (бундан буён матнда ишлаб чиқарувчи корхоналар деб юритилади) Ўзбекистон Республикаси Марказий банки ҳузуридаги «Давлат белгиси» МЧЖга (бундан буён матнда «Давлат белгиси» МЧЖ деб юритилади) мазкур Йўриқноманинг 1-иловасига мувофиқ шаклда акциз маркаларининг турлари бўйича зарур миқдорини харид қилишга (алкоголли маҳсулот бўйича истеъмол идишига қуйиладиган маҳсулотнинг ҳажмини литрда кўрсатган ҳолда) буюртманома билан мурожаат этадилар.

2. Ўзбекистон Республикасига акциз маркалари билан маркаланадиган тамаки маҳсулотлари ва алкоголли ичимликларни олиб кирувчи импортчилар (бундан буён матнда импортчилар деб юритилади) Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг (бундан буён матнда Божхона қўмитаси деб юритилади) ҳудудий органларига акциз маркаларининг турлари бўйича зарур миқдорини харид қилишга (алкоголли ичимлик бўйича — истеъмол идишига қуйиладиган маҳсулотнинг ҳажмини литрларда кўрсатган ҳолда) мазкур Йўриқноманинг 1а-иловасига мувофиқ шаклда буюртманома топширадилар. Божхона қўмитасининг ҳудудий органлари тақдим этилган буюртманомалар асосида акциз маркалари билан маркаланадиган тамаки маҳсулотлари ва алкоголли ичимликлар учун акциз маркаларига йиғма буюртманома тузадилар ва ёзма шаклда Божхона қўмитасига тақдим этадилар. «Давлат белгиси» МЧЖга акциз маркаларини буюртма қилиш Божхона қўмитаси томонидан амалга оширилади.

Бунда, янги намунадаги акциз маркаларини харид қилиш учун «Давлат белгиси» МЧЖга импорт қилувчилар мустақил равишда мурожаат қилишлари ҳам мумкин.

3. Акциз маркаларини олиш учун:

акциз тўланадиган маҳсулот ишлаб чиқарувчи корхоналар «Давлат белгиси» МЧЖга 3 нусхада буюртманома тақдим этадилар. Буюртманоманинг «Акциз маркалари учун ҳақ тўланган» деган штампи босилган ва «Давлат белгиси» МЧЖнинг масъул шахси имзоси билан тасдиқланган биринчи ва иккинчи нусхалари ишлаб чиқарувчи корхоналарга қайтарилади;

акциз тўланадиган маҳсулот импортчилари Божхона қўмитасининг ҳудудий органларига 3 нусхада буюртманома тақдим этадилар. Буюртманоманинг Божхона қўмитаси ҳудудий органининг «Акциз маркалари учун ҳақ тўланган» деган штампи босилган ва Божхона қўмитаси ҳудудий органининг масъул ходими имзоси билан тасдиқланган биринчи ва иккинчи нусхалари импортчиларга қайтарилади.

Божхона қўмитаси ҳудудий органининг ходими маркаларни харид қилишга буюртманома қабул қилганда импортчини мазкур Йўриқномага 2-иловага кўра шаклда импортчининг кодини кўрсатган ҳолда махсус журналда рўйхатдан ўтказади.

4. Импортчилар Божхона қўмитасининг ҳудудий органларига «Давлат белгиси» МЧЖнинг тегишли банк ҳисобварағига маблағлар ўтказилганлигини тасдиқловчи тўлов ҳужжатини тақдим этадилар.

Акциз маркаларини сотиб олувчи импортчининг тўлов ҳужжатида «Тўловнинг мақсади» устунида «Акциз маркалари учун тўланди» деган ёзув бўлиши керак.

5. Маркаланадиган акцизли маҳсулот ишлаб чиқарувчи ва импорт қилувчи корхоналарга акциз маркаларини бериш «Агробанк» АТБнинг минтақавий бўлинмалари томонидан буюртманома асосида амалга оширилади.

6. Акциз маркаларини «Агробанк» АТБнинг минтақавий бўлинмалари буюртманомада ишлаб чиқарувчи корхоналар бўйича «Давлат белгиси» МЧЖнинг ва импортчилар бўйича Божхона қўмитаси ҳудудий органларининг белгилари қуйидаги ҳужжатлар мавжуд бўлганида берадилар:

алкоголли ичимликларни маҳаллий ишлаб чиқарувчиларга — акциз маркаларининг буюртирилаётган миқдори номинал қийматининг 50 фоизи тўланганлиги тўғрисида;

тамаки маҳсулотларини маҳаллий ишлаб чиқарувчиларга — акциз маркалари буюртирилаётган миқдорининг тўлиқ номинал қиймати тўланганлиги тўғрисида;

алкоголли ичимликлар ва тамаки маҳсулотларини импорт қилувчиларга — акциз маркалари буюртирилаётган миқдорининг тўлиқ номинал қиймати ва акциз солиғининг бутун суммаси тўланганлиги тўғрисида.

Акциз солиғи тўланаётганида акциз маркаларининг қиймати ҳисобга киритилмайди.

Акциз маркаларининг номинал қийматини Ўзбекистон Республикаси Иқтисодиёт ва молия вазирлиги «Давлат белгиси» МЧЖнинг ҳисоб-китоблари бўйича тасдиқлайди.

7. Ишлаб чиқарувчи корхоналар ва импортчилар «Давлат белгиси» МЧЖнинг белгиси қўйилган акциз маркаларини харид қилиш учун буюртманома билан «Агробанк» АТБнинг минтақавий бўлинмасига мурожаат қиладилар. Банк ходими ишлаб чиқарувчи корхонага ёки импортчига буюртманомада кўрсатилган миқдордаги акциз маркаларини беради ва бу ҳақда акциз маркаларини олиш буюртманомасида қайд этади. Буюртманоманинг бир нусхаси банк ходимида қолади, бошқаси эса ишлаб чиқарувчи корхонага ёки импортчига қайтарилади.

8. Акциз маркаларини «Агробанк» АТБнинг тегишли минтақавий бўлинмасигача ташиш ва уларни сақлаш билан боғлиқ харажатлар акциз маркаларининг номинал қийматига киритилмайди ва ишлаб чиқарувчи корхоналар ҳамда импортчилар томонидан устама тарзида акциз маркалари қийматидан юқори қийматда тўланади, устама миқдорини «Агробанк» АТБнинг минтақавий бўлинмалари тузилган шартномага мувофиқ мустақил равишда белгилайдилар. Устама суммаси ишлаб чиқарувчи корхоналар ҳамда импортчилар томонидан алоҳида тўланади ва акциз маркаларини олишда «Агробанк» АТБнинг бўлимлари ҳисобварағига ўтказилади.

Ушбу харажатлар, шунингдек акциз маркаларининг номинал қиймати ва акциз товарларни маркалаш билан боғлиқ харажатлар ишлаб чиқарувчи корхоналар ҳамда импортчиларнинг давр харажатларига киритилади.

9. Акциз маркаларини Ўзбекистон Республикасидан ташқарига олиб чиқиш БЮДни тўлдирган ҳолда амалга оширилади. Импорт қилинадиган акциз товарларни божхона расмийлаштируви ишлари учун олиб келиш импортчилар томонидан акциз маркалари сотиб олинган ва қайд этилган ҳудуддагина амалга оширилади.

10. Республикага келтирилаётган, акциз маркалари билан маркаланган акциз товарларни маркаларни импортчилар сотиб олмаган ва қайд этмаган бошқа ҳудуд орқали божхона расмийлаштирувидан ўтказиш тақиқланади. Бунинг учун жавобгарлик Божхона қўмитаси ҳудудий органларининг зиммасига тушади.

2-боб. Акциз маркалари билан маркалаш тартиби

11. Акциз товарларни ишлаб чиқарувчи корхоналар Ўзбекистон Республикаси ҳудудида сотиш учун мўлжалланаётган тайёр маҳсулотларга акциз маркаларини ишлаб чиқариш жараёнида ёки корхона ҳудудининг бошқа мослаштирилган жойида маркалаш учун белгиланган технология асосида ёпиштирадилар.

12. Импорт бўйича келтирилаётган акциз товарларни акциз маркалари билан маркалаш импортчилар томонидан амалга оширилади.

13. Ўзбекистон Республикасининг акциз маркалари билан маркаланмаган акциз товарларни Ўзбекистон Республикаси ҳудудида сотиб олиш ва сотиш ман этилади.

14. Қуйидаги акциз товарларни маркалаш мажбурий эмас:

республикадан ташқарига экспорт қилинаётган;

божсиз савдо қилувчи дўконлар учун республика ҳудудига келтирилаётган;

Ўзбекистон Республикаси Вазирлар Маҳкамасининг рухсатномаси бўлган тақдирда, кўргазмалар ўтказиш учун келтирилаётган;

халқаро транзит бўйича Ўзбекистон Республикаси ҳудудига олиб келинаётган ва олиб чиқишга мўлжалланган;

жисмоний шахслар томонидан Ўзбекистон Республикаси ҳудудига Ўзбекистон Республикасининг қонунида белгиланган акцизсиз олиб кириш меъёрлари доирасида келтирилаётган.

15. Кўргазмалар ўтказиш учун республикага келтирилаётган акциз товарлар, агар улар Ўзбекистон Республикаси ҳудудида сотиладиган бўлса, кўргазмалар тугаганидан сўнг Ўзбекистон Республикасининг акциз маркалари билан мажбурий тарзда маркаланади ва улар бўйича умумий белгиланган тартибда акциз солиғи тўланади.

16. Тамаки маҳсулотининг пачкаси очилган тақдирда акциз маркаси йиртилиши лозим.

Тамаки маҳсулотларининг акциз маркаси қуйидаги тарзда ёпиштирилиши керак:

1) юмшоқ пачканинг юқори томонни ёпувчи акциз маркасидаги матн ёки расм пачканинг олд томонидаги йўналишда кўриниши керак ва пачканинг ўртасида (ўнг ва чап четидан, орқа ва олд томонидан бир хил масофада) жойлаштирилган бўлиши керак. Пачка целлофан билан қопланиши кўзда тутилган бўлса, пачкага ёпиштирилган акциз маркаси устидан ўралиши лозим;

2) қопқоғи очиладиган пачкада акциз акциз маркаси орқа томонида жойлаштирилган бўлиши, бурчакни ёпиши ва пачканинг ён томонига ҳам ўтган бўлиши зарур. Пачка целлофан билан (агар шу нарса кўзда тутилган бўлса) пачкага ёпиштирилган акциз маркаси устидан ўралиши лозим;

3) конверт шаклидаги (масалан, «Саратон», «Астра», «Прима») пачкада пачка устидаги акциз маркаси очиладиган қопқоқни бирлаштириш маркази бўйлаб орқа томонида жойлаштирилиши керак, ўнг ва чап четидан, орқа ва олд томонидан бир хил масофада бўлиши лозим.

Юқорида айтиб ўтилган тартибни бузган ҳолда (масалан, целлофан плёнкани қирқиб, унинг ичига акциз маркаси ёпиштирилганда, марка целлофан устидан ёпиштирилганда, бошқа ишлаб чиқарувчилар ёки импортчиларнинг маркалари ёпиштирилганда) акциз маркалари ёпиштирилган тамаки маҳсулотлари маркаланмаган ҳисобланади ва улар белгиланган тартибда олиб қўйилади ҳамда йўқ қилинади.

17. Алкоголли ичимликларни маркалашда акциз маркаси идишнинг зич қилиб ёпиладиган қопқоқчалари (ёки полиэтилен тиқинлари) устидан очиладиган томонга бир меъёрда ёпишган ҳолда ва қопқоқ очилганда йиртиладиган қилиб ёпиштирилади.

18. Акциз маркаларини ёпиштиришда товардан олинганда унинг йиртилмаслигига имкон бермайдиган елимдан фойдаланиш лозим. Акциз маркаларини ёпиштириш учун қўлланиладиган елим қуриб қолмаслиги ва товардан кўчиб кетмаслиги учун юқори ва паст ҳароратларга, турли намлик даражаларига чидамли бўлиши; маркадан қайта фойдаланиш учун идишни ёки пачкани очишда шикастланган маркаларни бутун маркаларга йиғиб бўлмаслик кафолатини таъминлаши керак.

Бошқа ишлаб чиқарувчилар ёки импортчиларнинг ёхуд алкоголли ичимликлар бошқа товар гуруҳларининг акциз маркалари ёпиштирилган, идишнинг литражига мувофиқ келмайдиган, шунингдек мазкур бандда ва ушбу Йўриқноманинг 17-бандида назарда тутилган тартибни бузган ҳолда акциз маркалари ёпиштирилган алкоголли ичимликлар маркаланмаган деб ҳисобланади ва белгиланган тартибда олиб қўйилиши ҳамда йўқ қилиниши керак.

19. Ишлаб чиқарувчилар ёки импортчилар сотиб олган акциз маркаларини қайта сотиш, ўзга шахсларга бошқача шаклларда бериш ёки сотиш мумкин эмас, солиқ органи ёки Божхона қўмитаси ҳудудий органининг қайтариб бериши бундан мустасно.

3-боб. Акциз солиғини тўлаш ва бюджет билан ҳисоб-китоб қилиш тартиби

20. Акцизли товарлар ишлаб чиқарувчи корхоналар акциз солиғи бўйича бюджет билан ҳисоб-китобларни қонунчиликка мувофиқ амалга оширадилар.

Импортчилар акциз солиғини импорт қилинаётган товарнинг контракт қийматидан ва белгиланган ставкалардан келиб чиқиб ҳисоблайдилар ва тўлайдилар. Товар Ўзбекистон Республикаси ҳудудига олиб кирилаётганда акциз солиғини қайта ҳисоблаш акциз маркаларини сотиб олишда илгари тўланган акциз солиғини киритган ҳолда олиб келинаётган товарнинг божхона қийматидан келиб чиқиб амалга оширилади. Тўланган акциз солиғи фақат контракт бекор қилинганда, фойдаланилмаган (шу жумладан шикастланган) акциз маркаларини топшириш шарти билан қайтарилади.

Акциз маркалари акциз солиғи тўланганлигига далил бўлади.

21. Солиқ органлари ва Божхона қўмитасининг ҳудудий органлари акциз солиғини ҳисоблаш учун ишлаб чиқарувчи корхоналар ва импортчилар томонидан ҳисоб-китоблар ўз вақтида топширилишини назорат қиладилар, ҳисобга оладилар ва акциз солиғи суммаларининг тушумига доир ҳисоботларни тузадилар.

4-боб. Акциз маркаларини қайд этиш, ҳисоб-китоб ва назорат қилиш тартиби

22. Қатъий ҳисоботдаги бланкалар учун бўлгани сингари акциз маркалари учун ҳам бухгалтерлик ҳисоб-китоби қоидалари қўлланилади. Акциз маркаларига ишлаб чиқарувчи корхоналар ва импортчиларнинг кодлари ёзилади.

Алкоголли ичимликлар ва тамаки маҳсулотлари ишлаб чиқарувчи корхоналар учун кодлар шундай маҳсулот ишлаб чиқариш ҳуқуқи учун қонунда белгиланган тартибда бериладиган лицензиялар бўлгандагина берилади.

Ўзбекистон Республикаси ҳудудига майда туркумдаги (10 минг пачка, донадан кам миқдорда) акциз товарларни олиб келаётган импортчилар учун ягона код рақамлари — тамаки маҳсулотлари учун IM 9898 ва алкоголли ичимликлар учун IM 98098 рақамлари берилади.

23. Акциз маркаларининг сақланиши ва улардан мақсад бўйича фойдаланилиши учун масъулият акциз товарлар ишлаб чиқарувчи корхоналар ва импортчилар зиммасига юкланади.

24. Акциз маркалари хизматлар ва ташиш харажатлари учун банк устамасини ҳисобга олмаган ҳолда номинал қиймат бўйича ишлаб чиқарувчи корхоналар ва импортчилар томонидан ҳисобга олинади.

25. Солиқ органи (солиқ тўловчининг ҳисобга олинган солиқ органи) (кейинги ўринларда солиқ органи) ва Божхона қўмитасининг ҳудудий органи бошлиғининг буйруқлари билан акциз маркаларини ҳисобга олиш ва назорат қилиш учун жавобгар шахс тайинланади. Акциз маркаларини ҳисобга олиш ва назорат қилиш уларнинг сони ва қиймати бўйича юритилади.

26. Акциз товарларни ишлаб чиқарувчи корхоналар ва импортчилар ҳар чоракда, ҳисобот чорагидан кейинги ойнинг 5 санасидан кечиктирмай мазкур йўриқномага 3-иловага мувофиқ акциз маркаларининг ҳаракати тўғрисидаги ҳисоботни солиқ органига ёки Божхона қўмитасининг ҳудудий органига тақдим этадилар.

27. Солиқ органи ва Божхона қўмитасининг ҳудудий органлари акциз маркаларидан тўғри фойдаланилиши ва уларнинг рўйхатдан чиқариб ташланиши устидан доимий назоратни амалга оширишлари керак.

28. Солиқ органлари ва Божхона қўмитасининг ҳудудий органлари ўтган ойдан кейинги ойнинг ҳар биринчи кунида «Агробанк» АТБнинг минтақавий бўлинмаларида ишлаб чиқарувчи корхоналар ва импортчилар томонидан берилган (сотилган) акциз маркаларининг миқдорини солиштирадилар.

29. Солиқ органлари ҳар чоракда, ўтган чоракдан кейинги ойнинг ҳар 10-кунида жорий чоракнинг биринчи кунидаги ҳолатига кўра акциз маркаларининг акциз товарлар ишлаб чиқарувчи корхоналар бўйлаб ҳаракати тўғрисидаги ҳисоботни Солиқ қўмитасига тақдим этадилар. Божхона қўмитасининг ҳудудий органлари ҳам худди шу тартибда импортчилар бўйича Божхона қўмитасига ҳисобот тақдим этадилар. Мазкур ҳисоботлар 4-иловадаги шакл бўйича топширилади.

30. Акциз маркаларининг тушуми ва ишлаб чиқарувчи корхоналар ва импортчиларга берилишини ҳисобга олиш тартиби «Агробанк» АТБнинг минтақавий бўлинмаларида «Агробанк» АТБ томонидан белгиланади.

Қопқоғи очилмаган идишлардаги ёки пачкадаги акциз маркаларининг сони ишлаб чиқарувчиларда ёки импортчиларда шубҳа уйғотса, уларни текшириш «Давлат белгиси» МЧЖ ва «Агробанк» АТБнинг минтақавий бўлинмалари вакилларининг мажбурий ҳозирлигида амалга оширилади. «Агробанк» АТБнинг минтақавий бўлинмалари ишлаб чиқарувчиларга ёки импортчиларга топширилгунга қадар, шунингдек «Давлат белгиси» МЧЖ акциз маркаларини банкларга топширгунга қадар уларнинг йиртилмасдан сақланишини таъминлашлари шарт.

5-боб. Ишлаб чиқарувчи корхоналар ва импортчиларнинг акциз маркаларини ҳисобга олишлари ва сақлашлари

31. Акциз товарларни ишлаб чиқарувчи корхоналар ёки импортчилар акциз маркаларининг тўғри ҳисобга олинишини, улардан фойдаланилишини (миқдори ва қиймати бўйича), йиртилган маркаларни белгиланган тартибда рўйхатдан чиқариб ташлашга қадар сақланишини таъминлашлари, уларнинг назоратдан чиқиб кетишига йўл қўймасликлари керак.

Сотиб олинган акциз маркалари номинал қиймати бўйича «Қатъий ҳисобот бланкалари» 006-баланс ҳисобварағига кирим қилинади. Маркаларнинг сарфланиши ва кирим қилиниши қатъий ҳисобот бланкалари учун бўлганидек тартибда олиб борилади.

Акциз товарларни бир вақтнинг ўзида ишлаб чиқарувчи ва импорт қилувчи ишлаб чиқариш корхоналари ишлаб чиқарилаётган ва импорт қилинаётган маҳсулотлар бўйича акциз маркаларининг ҳаракатини алоҳида қайд этиб боришлари керак.

Шу мақсадда ишлаб чиқариш ҳамда импорт қилувчи корхоналар махсус буйруқ чиқарадилар ва унда моддий жавобгар шахс ҳамда акциз маркаларини сақлаш ва сарфлаш қоидалари белгилаб берилади.

6-боб. Акциз маркаларини ҳисобдан чиқариш ва қайтариш тартиби

32. Акциз товарларни маркалаётганда акциз маркалари йиртилиб кетган тақдирда тайёрловчи корхоналар (импортчилар) барча йиртилиб кетган маркаларни солиқ органига ёки Божхона қўмитасининг ҳудудий органларига топширишлари, бунда йиртилган акциз маркаларини йўқ қилиб юбориш учун қабул қилишни сўраб ариза беришлари керак.

33. Йиртилган акциз маркалари қуйидаги қоидаларга риоя қилган ҳолда алоҳида варақларга 10 тадан ёпиштирилиши керак:

акциз маркаларини ёпиштириш бурмаларсиз ва ғадир-будирликларсиз амалга оширилиши лозим;

маркалар шундай ёпиштирилиши керакки, марканинг марказий қисми ва рақамли реквизитлар аниқ кўриниб туриши лозим;

маркалар йиртилганда унинг айрим қисмлари бирлаштирилиши керак;

қайтариб юборилаётган ҳар бир йиртилган марканинг умумий қисми унинг дастлабки ўлчовининг камида 2/3 қисмини ташкил этиши керак.

34. Ишлаб чиқарувчи корхоналарга (импорт қилувчиларга) йиртилган акциз маркалари бўйича уларнинг номинал қиймати қайтарилмайди, йиртилганлари ўрнига янги маркалар берилмайди. Зарарлар корхона (импорт қилувчи) фаолиятининг натижаларига киритилади.

35. Солиқ органи ёки Божхона қўмитаси ҳудудий органининг акциз маркалари билан ишлаш вазифаси юклатилган мансабдор шахси ишлаб чиқарувчи корхона ёки импортчининг акциз маркалари учун моддий жавобгар шахси иштирокида йиртилган маркаларни рўйхатдан чиқариш (йўқ қилиш) учун 2 нусхада далолатнома тузади, унга ўзи имзо чекади ва Солиқ органининг ёки Божхона қўмитаси ҳудудий органининг раҳбариятига йўқ қилиш тўғрисида қарор қабул қилиш учун тақдим этади. Йўқ қилиш тўғрисида қарор қабул қилинганидан кейин далолатноманинг бир нусхаси ишлаб чиқарувчи корхонага ёки импортчига топширилади, сўнг эса ҳисобот бўйича рўйхатдан чиқарилади.

36. Рўйхатдан чиқарилган акциз маркаларини йўқ қилиш солиқ органининг ёки Божхона қўмитаси ҳудудий органи бошлиғининг буйруғи билан тайинланадиган, камида уч кишидан иборат комиссияси (комиссия таркибига солиқ органининг ходими ҳам киритилади) томонидан махсус машиналарда ёқиб юбориш ёки майдалаб ташлаш билан амалга оширилади ва бу ҳақда далолатномага тегишли ёзув ёзилади ва у комиссия аъзолари томонидан имзоланади.

37. Фойдаланилмаган акциз маркаларини қайтариш акциз товарларни ишлаб чиқарувчи корхоналар томонидан юридик шахс сифатида фаолият тўхтатилганда, банкрот бўлганда, лицензиянинг амал қилиши тўхтатиб турилган ёки тугатилган ёхуд ишлаб чиқарувчи корхонанинг тегишли маҳсулотни ишлаб чиқаришга лицензиясининг амал қилиши бекор қилинганда ёки импортчи томонидан контракт бекор қилинганда ва акциз маркалари давлат стандартлари талабларига номувофиқ келганда амалга оширилиши мумкин. Бунда акциз маркаларини тайёрлаш бўйича давлат стандартлари талаблари бузилган тақдирда жавобгарлик «Давлат белгиси» МЧЖ зиммасига юклатилади ва қайтарилган акциз маркаларининг номинал қиймати унинг хўжалик фаолияти натижаларига киритилади.

Фойдаланилмаган акциз маркаларини қайтариш учун ишлаб чиқарувчи корхона ёки импортчи солиқ органининг ёки Божхона қўмитаси ҳудудий органининг бошлиғи номига ариза беради ва унда қайтариш сабабларини, шунингдек акциз маркаларининг сони ва турларини кўрсатади.

Акциз маркаларини қайтариш солиқ органи ёки Божхона қўмитаси ҳудудий органи томонидан ёзиб бериладиган қайтариш тўғрисидаги квитанцияга мувофиқ ( 4-илова ) улар илгари сотиб олинган «Агробанк» АТБнинг минтақавий бўлимида амалга оширилади. Қайтариш тўғрисидаги квитанция 3 нусхада ёзилади, бир нусхаси солиқ органига ёки Божхона қўмитасининг ҳудудий органида қолдирилади, иккинчи нусхаси акциз маркалари билан бирга банкка топширилади ва учинчи нусха ишлаб чиқарувчи корхонада, импортчида сақланади. Ишлаб чиқарувчи корхона, импортчи акциз маркаларини банк қабул қилганидан сўнг бу ҳақда солиқ органи ёки Божхона қўмитасининг ҳудудий органига қайд этиш учун хабар қилиши лозим. Юридик шахс сифатида ўз фаолиятини тўхтатган ёки контрактни бекор қилган банкрот бўлган ишлаб чиқарувчи корхонага ёки импортчига, шунингдек тегишли маҳсулотни ишлаб чиқаришга лицензиясининг амал қилиши тўхтатиб турилган ёки тугатилган ёхуд лицензияси бекор қилинган ишлаб чиқарувчи корхонага топширилган акциз маркаларининг номинал қиймати қайтарилмайди.

Ностандарт акциз маркаларини сотиб олган ва уларни «Агробанк» АТБнинг бўлинмаларига қайтарган ишлаб чиқарувчи корхоналарга ёки импортчиларга тегишли миқдорда янги акциз маркалари берилади.

«Агробанк» АТБ ностандарт, шунингдек буюртирилган миқдордан ортиқча олинган акциз маркаларини йўқ қилиб ташлаш учун «Давлат белгиси» МЧЖга қайтаради ва бу ҳақда Солиқ қўмитасига ва Божхона қўмитасига хабар қилади. «Давлат белгиси» МЧЖ янги маркаларни бериш орқали топширилган ностандарт акциз маркаларини «Агробанк» АТБга беради. Бунда ишлаб чиқарувчи корхоналарга ёки импортчиларга қопланган акциз маркалари текинга, «Давлат белгиси» МЧЖ ҳисобидан берилади.

38. «Агробанк» АТБнинг минтақавий бўлинмалари харидорлар топширган акциз маркалари миқдорини уларнинг турларига кўра кирим қилишлари ва уларни йўқ қилиб юборишга тайёрлашлари шарт.

Кирим қилинган акциз маркалари «Агробанк» АТБнинг минтақавий бўлинмаларида мазкур банднинг биринчи хатбошисида ва 39-бандда кўзда тутилган тартибда йўқ қилинади. Комиссия таркибига банк вакили ҳам киритилади.

7-боб. Акциз товарларни акциз маркалари билан маркалаш учун жавобгарлик

39. Ўзбекистон Республикасининг акциз маркалари билан маркаланиши лозим бўлган ишлаб чиқарилаётган ва импорт қилинаётган акциз товарларни маркалаш учун жавобгарлик ишлаб чиқарувчи корхоналар ва импортчилар зиммасига тушади.

40. Ишлаб чиқарувчи корхоналар ва импортчилар Ўзбекистон Республикаси ҳудудида сотилаётган ва унинг ҳудудига олиб келинаётган акциз товарларни мажбурий маркалашни таъминлашлари шарт.

41. Ўзбекистон Республикаси ҳудудида маркаланиши лозим бўлган акциз товарларнинг уларга акциз маркаларини ёпиштирмай оборотга киритилиши тақиқланган.

42. Ушбу Йўриқноманинг талаблари бузилишига йўл қўйган хўжалик юритувчи субъектлар Ўзбекистон Республикасининг амалдаги қонунига мувофиқ жавобгар бўладилар.

9-боб. Акциз маркаларининг турлари ва белгилари

43. Акциз маркалари ишлаб чиқарилаётган ва импорт қилинаётган акцизли товарларнинг турларига қараб қуйидаги турларга бўлинадилар:

Акциз тўланадиган товарлар Ҳарфли белги Кодли белги ТАМАКИ МАҲСУЛОТЛАРИ Импорт қилинган: IMPORT, TAMAKI MA H SULOTLARI IM Импорт қилувчининг коди IMPORT, TAMAKI MA H SULOTLARI IM 9898 Мамлакатимизда ишлаб чиқарилган: TAMAKI MA H SULOTLARI O ʻ Z Корхона коди АЛКОГОЛЛИ ИЧИМЛИКЛАР Импорт қилинган: IMPORT, AROQ IM Импорт қилувчининг коди IMPORT, AROQ IM 98098 IMPORT, KO N YAK IM Импорт қилувчининг коди IMPORT, KO N YAK IM 98098 IMPORT, VI N O IM Импорт қилувчининг коди IMPORT, VI N O IM 98098 IMPORT, SPIRTLI IC H IMLIKLAR IM Импорт қилувчининг коди IMPORT, SPIRTLI IC H IMLIKLAR IM 98098 Мамлакатимизда ишлаб чиқарилган: AROQ O ʻ Z Корхона коди KO N YAK O ʻ Z Корхона коди VI N O O ʻ Z Корхона коди SPIRTLI IC H IMLIKLAR O ʻ Z Корхона коди

Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисида йўриқнома 1-ИЛОВА

«Давлат белгиси» МЧЖнинг директорига ___________________________________ (Ф.И.О.) 20__ й. «___» ____________да _______-сон билан рўйхатга олинган Акциз маркаларини харид қилишга БУЮРТМАНОМА _________________________________________________________________________________________ (ташкилотнинг тўлиқ номи, манзили, банк реквизитлари) _________________________________________________________________________________________ акциз маркаларини қуйидаги миқдорда босиб чиқаришингизни сўрайди: __________________ сўмлик __________________ дона/литр * миқдоридаги _______________________, (марка тури) __________________сўмлик __________________ дона/литр * миқдоридаги ________________________, (марка тури) __________________сўмлик __________________ дона/литр * миқдоридаги ________________________, (марка тури) __________________сўмлик __________________ дона/литр * миқдоридаги ________________________, (марка тури) Умумий миқдори ____________________________________________________________ сўмлик. (сўз билан) Кўрсатилган миқдордаги акциз маркалари ______________________________________________________________________________________ ни (товар номи, шишалар, сигарет пачкалари сони) маркалаш учун зарур. Акциз маркаларини харид қилиш учун _______________________ ҳисоб рақамига пул маблағи ўтказилган. 20__ й. «___» ____________даги ________________ сўмлик тўлов ҳужжати. Ташкилот раҳбари __________________________________________________________________ (Ф.И.О., имзо) М.Ў. (муҳр мавжуд бўлганда) Бош бухгалтер ________________________________________________________________ (Ф.И.О., имзо) «Давлат белгиси» МЧЖнинг тегишли банк ҳисоб рақамига маблағ ўтказилгани тўғрисидаги белгиси, масъул шахс имзоси, сана, муҳр. Акциз маркаларини берган банк ходимининг имзоси ва штамп белгиси _________________________________________________________________________________________ (фамилияси, исми, отасининг исми) 20__ й. «___» ____________даги _________-сон ишончнома. Паспорт серияси _____ № ___________, ___________ томонидан берилган. Олинди ___________________________________________________________________________ (акциз маркаларини олувчининг лавозими, исми-шарифи) 20__ й. «___» ____________да олдим. Имзо ___________________________ (акциз маркаларини олувчининг имзоси)

Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисида йўриқнома 1а-ИЛОВА

______________________________________________________ бошлиғига (БҚ ҳудудий органининг номи) 20__ й. «___» ____________да ____________-сон билан рўйхатга олинган (БҚ ҳудудий органи томонидан тўлдирилади) Акциз маркаларини харид қилишга БУЮРТМАНОМА _________________________________________________________________________________________ (ташкилотнинг тўлиқ номи, манзили, банк реквизитлари) _________________________________________________________________________________________ қуйидаги миқдорда акциз маркаларини буюртиришни сўрайди: _________________ сўмлик ___________________ дона/литр * миқдоридаги _______________________, (марка тури) _________________сўмлик ___________________ дона/литр * миқдоридаги _______________________, (марка тури) _________________сўмлик ___________________ дона/литр * миқдоридаги _______________________, (марка тури) _________________сўмлик ___________________ дона/литр * миқдоридаги _______________________, (марка тури) Умумий миқдори __________________________________________________________ сўмлик. (сўз билан) Кўрсатилган миқдордаги акциз маркалари _____________________________________________________________________________________ ни (товар номи, шишалар, сигарет пачкалари сони) маркалаш учун зарур. Акциз маркаларини харид қилиш учун _______________________ ҳисоб рақамига пул маблағи ўтказилган. 20__ й. «___» ____________даги ________________ сўмлик тўлов ҳужжати. Импорт қилинаётган товарлар бўйича акциз солиғи _______________________ сўм миқдорида ____________________ ҳисоб рақамига тўланган, 20__ й. «___» ____________даги ________________-сон тўлов ҳужжати. Ташкилот раҳбари _________________________________________________________________ (Ф.И.О., имзо) М.Ў. (муҳр мавжуд бўлганда) Бош бухгалтер _________________________________ (Ф.И.О., имзо) Акциз маркаларини берган банк ходимининг имзоси ва штамп белгиси Божхона қўмитаси ҳудудий органининг «Давлат белгиси» МЧЖнинг тегишли банк ҳисоб рақамига маблағ ўтказилганлиги тўғрисидаги белгиси, масъул шахс имзоси, сана, муҳр. Акциз маркаларини берган банк ходимининг имзоси ва штамп белгиси _________________________________________________________________________________________ (фамилияси, исми, отасининг исми) 20__ й. «___» ____________ даги _________-сон ишончнома. Паспорт серияси _____ № ___________, ___________ томонидан берилган. Олинди ___________________________________________________________________________ (акциз маркаларини олувчининг лавозими, исми-шарифи) 20__ й. «___» ____________ да олдим.

Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисида йўриқнома 2-ИЛОВА

Акциз маркалари билан маркаланиши лозим бўлган акциз тўланадиган товарлар импортчиларини қайд этиш

Т/р Импорт қилувчи номи Марка сотиб олиш учун буюртма берилган сана ва рўйхат рақами Буюртирилган акциз маркалари Импорт қилувчи коди Акциз маркаси ҳақи тўланганлиги тўлов ҳужжати рақами ва санаси Акциз маркалари учун тўлов суммаси, минг сўмда «Давлат белгиси» МЧЖнинг тегишли банк ҳисобварағига пул маблағлари ўтказилган сана марка тури сони 1 2 3 4 5 6 7 8 9

Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисида йўриқнома 3-ИЛОВА

Тамаки маҳсулотлари ва алкоголли ичимликлар бўйича акциз маркаларининг ҳаракати тўғрисида

______________________ ___ ______ (Қорақалпоғистон Республикаси, вилоятлар ва Тошкент шаҳри) бўйича (ишлаб чиқарувчи корхоналар ёки импортчилар номи) 20___ _____ ойи учун аниқ кўрсатилиши керак Марка турлари Ҳисобот даври бошидаги қолдиқ Ҳисобот даврида тушди Ҳисобот даврида харажат қилинди Ҳисобот даврида зарарланди ва ҳисобдан чиқарилди Ҳисобот даври охиридаги қолдиқ сана дона сўмлардаги номинал қиймат сана дона сўмлардаги номинал қиймат сана дона сўмлардаги номинал қиймат сана дона сўмлардаги номинал қиймат сана дона сўмлардаги номинал қиймат 1 2 3 4 4 5 6 7 8 9 10

Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисида йўриқнома 4-ИЛОВА

_________________________________________________________________________________________ _________________________________________________________________________________________ (солиқ ёки божхона ҳудудий органининг номи кўрсатилади) Акциз маркаларини қайтариш КВИТАНЦИЯСИ _________________________________________________________________________________________ _________________________________________________________________________________________ (ишлаб чиқарувчи ёки импорт қилувчи ташкилотнинг тўлиқ номи, манзили, банк реквизитлари) 20__ йил _________________________даги _____________________сон рўйхат рақами (солиқ ёки божхона ҳудудий органи томонидан тўлдирилади) (банк номи) _________________ __________________________ дона миқдорида _______________________ сўмга, (марка тури) _________________ __________________________ дона миқдорида _______________________ сўмга, (марка тури) _________________ __________________________ дона миқдорида _______________________ сўмга, (марка тури) _________________ __________________________ дона миқдорида _______________________ сўмга, (марка тури) _________________ __________________________ дона миқдорида _______________________ сўмга, (марка тури) _________________ __________________________ дона миқдорида _______________________ сўмга. (марка тури) Жами ____________________________________________________________________________________сўм (сўз билан) _________________________________________________________________________________________ Акциз маркаларини қабул қилган банк ходимининг имзоси _________________________________________________________________________________________ _________________________________________________________________________________________ (исми шарифи аниқ кўрсатилади) Штамп белгиси Акциз маркаларини топширган шахс имзоси_____________________________________________ _________________________________________________________________________________________ (исми шарифи аниқ кўрсатилади) М.Ў. Солиқ ёки божхона ҳудудий органининг муҳри, масъул шахснинг имзоси, сана М.Ў. (муҳр мавжуд бўлганда) олувчи ташкилотнинг муҳри, раҳбар имзоси, сана

Ўзбекистон Республикаси Иқтисодиёт ва молия вазирлигининг 2024 йил 23 сентябрдаги 178-сон ва Вазирлар Маҳкамаси ҳузуридаги Солиқ қўмитасининг 2024 йил 13 сентябрдаги 2024-17-сон қарорига 2-ИЛОВА

Ўз кучини йўқотган деб топилаётган идоравий норматив-ҳуқуқий ҳужжатлар

1. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 1998 йил 10 декабрдаги 04-02-05/809-сон, 1998 йил 10 декабрдаги 98-156-сон, 1998 йил 6 декабрдаги 02/8-42-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисида йўриқнома » (рўйхат рақами 589, 1999 йил 7 январь) (Ўзбекистон Республикаси вазирликлари, давлат қўмиталари ва идораларининг норматив ҳужжатлари ахборотномаси, 1999 й., 2-сон, 2000 й. 16-сон, 2003 й., 21-22-сон; Ўзбекистон Республикаси қонун ҳужжатлари тўплами, 2007 й., 7-8-сон, 74-модда, 2009 й., 13-сон, 2011 й., 148-сон, 13-сон, 2011 йил, 12-13-сон, м. 128-сон, 51-модда. 548; 2013 йил, № 2, м. 28; 2017 йил, 12-сон, м. 190-сон, 37-модда. 1019).

2. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 2000 йил 24 июлдаги 82-сон, 2000 йил 6 июлдаги 2000-49-сон, 2000 йил 19 июлдаги 2/8-46-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисидаги йўриқномага 1-сон ўзгартириш»ги ўзгартиришлар ва қўшимчалари (рўйхат рақами 589-1, 2000 йил 30 август) (Ўзбекистон Республикаси вазирликлари, давлат қўмиталари ва идораларининг норматив ҳужжатлари ахборотномаси, 2000 й., 16-сон).

3. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 2003 йил 14 ноябрдаги 110-сон, 2003-69-сон ва 01-02/8-38-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисидаги йўриқномага ўзгартириш ва қўшимчалар киритиш тўғрисида»ги қарори (рўйхат рақами 589-2, 2003 йил 27 ноябрь) (Ўзбекистон Республикаси вазирликлари, давлат қўмиталари ва идораларининг норматив ҳужжатлари ахборотномаси, 2003 й., 21-22-сон).

4. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 2007 йил 8 январдаги 4-сон, 2007-02-сон ва 01-02/8-2-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисидаги йўриқномага ўзгартириш ва қўшимчалар киритиш ҳақида»ги қарори (рўйхат рақами 589-3, 2007 йил 13 февраль) (Ўзбекистон Республикаси қонун ҳужжатлари тўплами, 2007 й., 7-8-сон, 74-модда).

5. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 2009 йил 13 мартдаги 33-сон, 2009-15-сон ва 01-02/8-6-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисидаги йўриқномага ўзгартириш ва қўшимчалар киритиш ҳақида»ги қарори (рўйхат рақами 589-4, 2009 йил 20 март) (Ўзбекистон Республикаси қонун ҳужжатлари тўплами, 2009 й., 13-сон, 148-модда).

6. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 2011 йил 14 мартдаги 22-сон, 2011-11-сон ва 01-02/8-2-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисидаги йўриқномага ўзгартириш ва қўшимчалар киритиш ҳақида»ги қарори (рўйхат рақами 589-5, 2011 йил 29 март) (Ўзбекистон Республикаси қонун ҳужжатлари тўплами, 2011 й., 12-13-сон, 128-модда).

7. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 2011 йил 29 ноябрдаги 73-сон, 2011-32-сон ва 01-02/8-23-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисидаги йўриқномага ўзгартириш ва қўшимчалар киритиш ҳақида»ги қарори (рўйхат рақами 589-6, 2011 йил 21 декабрь) (Ўзбекистон Республикаси қонун ҳужжатлари тўплами, 2011 й., 51-сон, 548-модда).

8. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 2012 йил 12 декабрь 88-сон, 2012-34-сон ва 01-02/8-34-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисидаги йўриқномага ўзгартириш ва қўшимчалар киритиш ҳақида»ги қарори (рўйхат рақами 589-7, 2013 йил 9 январь) (Ўзбекистон Республикаси қонун ҳужжатлари тўплами, 2013 й., 2-сон, 28-модда).

9. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 2017 йил 16 март 28-сон, 2017-12-сон ва 01-02/8-14-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисидаги йўриқномага ўзгартириш ва қўшимчалар киритиш ҳақида»ги қарори (рўйхат рақами 589-8, 2017 йил 23 март) (Ўзбекистон Республикаси қонун ҳужжатлари тўплами, 2017 й., 12-сон, 190-модда).

10. Ўзбекистон Республикаси Молия вазирлигининг, Ўзбекистон Республикаси Давлат солиқ қўмитасининг, Ўзбекистон Республикаси Давлат божхона қўмитасининг 2017 йил 29 август 129-сон, 2017-47-сон ва 01-02/8-36-сон «Ўзбекистон Республикасида тамаки маҳсулотлари ва алкоголли ичимликларига акциз маркаларини қўллаш тартиби тўғрисидаги йўриқномага ўзгартириш ва қўшимчалар киритиш ҳақида»ги қарори (рўйхат рақами 589-9, 2017 йил 12 сентябрь) (Ўзбекистон Республикаси қонун ҳужжатлари тўплами, 2017 й., 37-сон, 1019-модда).

Иқтисодиёт ва молия вазири Д. КУЧКАРОВ

Солиқ қўмитаси раиси Ш. КУДБИЕВ

Марказий банк раиси M. НУРМУРАТОВ

Тошкент ш.,

2024 йил 23 сентябрь,

Тошкент ш.,

2024 йил 13 сентябрь,

2024 йил 29 август

178-сон

2024-17-сон

(Қонунчилик маълумотлари миллий базаси, 01.11.2024 й., 10/24/3566/0875-сон; 04.05.2026 й., 10/26/3566-1/0446-сон)

lex.uz

Oʻzbekiston Respublikasi Iqtisodiyot va moliya vazirligi Oʻzbekiston Respublikasi Vazirlar Mahkamasi huzuridagi Soliq qoʻmitasining

Qarori

YOʻRIQNOMA

JURNALI

HISOBOT

ROʻYXATI

Oʻzbekiston Respublikasida tamaki mahsulotlari va alkogolli ichimliklarga aksiz markalarini qoʻllash tartibi toʻgʻrisidagi yoʻriqnomani tasdiqlash haqida

Oʻzbekiston Respublikasining Soliq kodeksi va Oʻzbekiston Respublikasi Vazirlar Mahkamasining 1996-yil 14-avgustdagi 285-son “Oʻzbekiston Respublikasi hududida tamaki mahsulotlariga va spirtli ichimliklarga aksiz markalarini joriy etish tartibi toʻgʻrisida”gi qaroriga muvofiq Oʻzbekiston Respublikasi Iqtisodiyot va moliya vazirligi hamda Vazirlar Mahkamasi huzuridagi Soliq qoʻmitasi qaror qiladilar:

1. Oʻzbekiston Respublikasida tamaki mahsulotlari va alkogolli ichimliklarga aksiz markalarini qoʻllash tartibi toʻgʻrisidagi yoʻriqnoma 1-ilovaga muvofiq tasdiqlansin.

2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

3. Mazkur qaror Oʻzbekiston Respublikasi Markaziy banki bilan kelishilgan.

4. Mazkur qaror rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi Iqtisodiyot va moliya vazirligining 2024-yil 23-sentabrdagi 178-son va Vazirlar Mahkamasi huzuridagi Soliq qoʻmitasining 2024-yil 13-sentabrdagi 2024-17-son qaroriga 1-ILOVA

Oʻzbekiston Respublikasida tamaki mahsulotlari va alkogolli ichimliklarga aksiz markalarini qoʻllash tartibi toʻgʻrisidagi

Ushbu Yoʻriqnoma aksiz markalarini berish, qayd etish, saqlash va qaytarish, shuningdek Oʻzbekiston Respublikasida ishlab chiqarilayotgan va uning hududiga olib kelinayotgan, aksiz markalari bilan majburiy markalanishi lozim boʻlgan tamaki mahsulotlari va alkogolli ichimliklarning aksiz markalari (bundan tabiiy va koʻpiklanadigan vinolar, pivo va pivo ichimliklari mustasno) bilan markalanishi ustidan nazorat oʻrnatish tartibini belgilaydi.

1-bob. Aksiz markalarini buyurtma qilish va ularni berish

1. Aksiz markalari bilan markalanadigan tamaki mahsulotlari va alkogolli ichimliklarni ishlab chiqaruvchi korxonalar (bundan buyon matnda ishlab chiqaruvchi korxonalar deb yuritiladi) Oʻzbekiston Respublikasi Markaziy banki huzuridagi “Davlat belgisi” MCHJga (bundan buyon matnda “Davlat belgisi” MCHJ deb yuritiladi) mazkur Yoʻriqnomaning 1-ilovasiga muvofiq shaklda aksiz markalarining turlari boʻyicha zarur miqdorini xarid qilishga (alkogolli mahsulot boʻyicha isteʼmol idishiga quyiladigan mahsulotning hajmini litrda koʻrsatgan holda) buyurtmanoma bilan murojaat etadilar.

2. Oʻzbekiston Respublikasiga aksiz markalari bilan markalanadigan tamaki mahsulotlari va alkogolli ichimliklarni olib kiruvchi importchilar (bundan buyon matnda importchilar deb yuritiladi) Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining (bundan buyon matnda Bojxona qoʻmitasi deb yuritiladi) hududiy organlariga aksiz markalarining turlari boʻyicha zarur miqdorini xarid qilishga (alkogolli ichimlik boʻyicha — isteʼmol idishiga quyiladigan mahsulotning hajmini litrlarda koʻrsatgan holda) mazkur Yoʻriqnomaning 1a-ilovasiga muvofiq shaklda buyurtmanoma topshiradilar. Bojxona qoʻmitasining hududiy organlari taqdim etilgan buyurtmanomalar asosida aksiz markalari bilan markalanadigan tamaki mahsulotlari va alkogolli ichimliklar uchun aksiz markalariga yigʻma buyurtmanoma tuzadilar va yozma shaklda Bojxona qoʻmitasiga taqdim etadilar. “Davlat belgisi” MCHJga aksiz markalarini buyurtma qilish Bojxona qoʻmitasi tomonidan amalga oshiriladi.

Bunda, yangi namunadagi aksiz markalarini xarid qilish uchun “Davlat belgisi” MCHJga import qiluvchilar mustaqil ravishda murojaat qilishlari ham mumkin.

3. Aksiz markalarini olish uchun:

aksiz toʻlanadigan mahsulot ishlab chiqaruvchi korxonalar “Davlat belgisi” MCHJga 3 nusxada buyurtmanoma taqdim etadilar. Buyurtmanomaning “Aksiz markalari uchun haq toʻlangan” degan shtampi bosilgan va “Davlat belgisi” MCHJning masʼul shaxsi imzosi bilan tasdiqlangan birinchi va ikkinchi nusxalari ishlab chiqaruvchi korxonalarga qaytariladi;

aksiz toʻlanadigan mahsulot importchilari Bojxona qoʻmitasining hududiy organlariga 3 nusxada buyurtmanoma taqdim etadilar. Buyurtmanomaning Bojxona qoʻmitasi hududiy organining “Aksiz markalari uchun haq toʻlangan” degan shtampi bosilgan va Bojxona qoʻmitasi hududiy organining masʼul xodimi imzosi bilan tasdiqlangan birinchi va ikkinchi nusxalari importchilarga qaytariladi.

Bojxona qoʻmitasi hududiy organining xodimi markalarni xarid qilishga buyurtmanoma qabul qilganda importchini mazkur Yoʻriqnomaga 2-ilovaga koʻra shaklda importchining kodini koʻrsatgan holda maxsus jurnalda roʻyxatdan oʻtkazadi.

4. Importchilar Bojxona qoʻmitasining hududiy organlariga “Davlat belgisi” MCHJning tegishli bank hisobvaragʻiga mablagʻlar oʻtkazilganligini tasdiqlovchi toʻlov hujjatini taqdim etadilar.

Aksiz markalarini sotib oluvchi importchining toʻlov hujjatida “Toʻlovning maqsadi” ustunida “Aksiz markalari uchun toʻlandi” degan yozuv boʻlishi kerak.

5. Markalanadigan aksizli mahsulot ishlab chiqaruvchi va import qiluvchi korxonalarga aksiz markalarini berish “Agrobank” ATBning mintaqaviy boʻlinmalari tomonidan buyurtmanoma asosida amalga oshiriladi.

6. Aksiz markalarini “Agrobank” ATBning mintaqaviy boʻlinmalari buyurtmanomada ishlab chiqaruvchi korxonalar boʻyicha “Davlat belgisi” MCHJning va importchilar boʻyicha Bojxona qoʻmitasi hududiy organlarining belgilari quyidagi hujjatlar mavjud boʻlganida beradilar:

alkogolli ichimliklarni mahalliy ishlab chiqaruvchilarga — aksiz markalarining buyurtirilayotgan miqdori nominal qiymatining 50 foizi toʻlanganligi toʻgʻrisida;

tamaki mahsulotlarini mahalliy ishlab chiqaruvchilarga — aksiz markalari buyurtirilayotgan miqdorining toʻliq nominal qiymati toʻlanganligi toʻgʻrisida;

alkogolli ichimliklar va tamaki mahsulotlarini import qiluvchilarga — aksiz markalari buyurtirilayotgan miqdorining toʻliq nominal qiymati va aksiz soligʻining butun summasi toʻlanganligi toʻgʻrisida.

Aksiz soligʻi toʻlanayotganida aksiz markalarining qiymati hisobga kiritilmaydi.

Aksiz markalarining nominal qiymatini Oʻzbekiston Respublikasi Iqtisodiyot va moliya vazirligi “Davlat belgisi” MCHJning hisob-kitoblari boʻyicha tasdiqlaydi.

7. Ishlab chiqaruvchi korxonalar va importchilar “Davlat belgisi” MCHJning belgisi qoʻyilgan aksiz markalarini xarid qilish uchun buyurtmanoma bilan “Agrobank” ATBning mintaqaviy boʻlinmasiga murojaat qiladilar. Bank xodimi ishlab chiqaruvchi korxonaga yoki importchiga buyurtmanomada koʻrsatilgan miqdordagi aksiz markalarini beradi va bu haqda aksiz markalarini olish buyurtmanomasida qayd etadi. Buyurtmanomaning bir nusxasi bank xodimida qoladi, boshqasi esa ishlab chiqaruvchi korxonaga yoki importchiga qaytariladi.

8. Aksiz markalarini “Agrobank” ATBning tegishli mintaqaviy boʻlinmasigacha tashish va ularni saqlash bilan bogʻliq xarajatlar aksiz markalarining nominal qiymatiga kiritilmaydi va ishlab chiqaruvchi korxonalar hamda importchilar tomonidan ustama tarzida aksiz markalari qiymatidan yuqori qiymatda toʻlanadi, ustama miqdorini “Agrobank” ATBning mintaqaviy boʻlinmalari tuzilgan shartnomaga muvofiq mustaqil ravishda belgilaydilar. Ustama summasi ishlab chiqaruvchi korxonalar hamda importchilar tomonidan alohida toʻlanadi va aksiz markalarini olishda “Agrobank” ATBning boʻlimlari hisobvaragʻiga oʻtkaziladi.

Ushbu xarajatlar, shuningdek aksiz markalarining nominal qiymati va aksiz tovarlarni markalash bilan bogʻliq xarajatlar ishlab chiqaruvchi korxonalar hamda importchilarning davr xarajatlariga kiritiladi.

9. Aksiz markalarini Oʻzbekiston Respublikasidan tashqariga olib chiqish BYDni toʻldirgan holda amalga oshiriladi. Import qilinadigan aksiz tovarlarni bojxona rasmiylashtiruvi ishlari uchun olib kelish importchilar tomonidan aksiz markalari sotib olingan va qayd etilgan hududdagina amalga oshiriladi.

10. Respublikaga keltirilayotgan, aksiz markalari bilan markalangan aksiz tovarlarni markalarni importchilar sotib olmagan va qayd etmagan boshqa hudud orqali bojxona rasmiylashtiruvidan oʻtkazish taqiqlanadi. Buning uchun javobgarlik Bojxona qoʻmitasi hududiy organlarining zimmasiga tushadi.

2-bob. Aksiz markalari bilan markalash tartibi

11. Aksiz tovarlarni ishlab chiqaruvchi korxonalar Oʻzbekiston Respublikasi hududida sotish uchun moʻljallanayotgan tayyor mahsulotlarga aksiz markalarini ishlab chiqarish jarayonida yoki korxona hududining boshqa moslashtirilgan joyida markalash uchun belgilangan texnologiya asosida yopishtiradilar.

12. Import boʻyicha keltirilayotgan aksiz tovarlarni aksiz markalari bilan markalash importchilar tomonidan amalga oshiriladi.

13. Oʻzbekiston Respublikasining aksiz markalari bilan markalanmagan aksiz tovarlarni Oʻzbekiston Respublikasi hududida sotib olish va sotish man etiladi.

14. Quyidagi aksiz tovarlarni markalash majburiy emas:

respublikadan tashqariga eksport qilinayotgan;

bojsiz savdo qiluvchi doʻkonlar uchun respublika hududiga keltirilayotgan;

Oʻzbekiston Respublikasi Vazirlar Mahkamasining ruxsatnomasi boʻlgan taqdirda, koʻrgazmalar oʻtkazish uchun keltirilayotgan;

xalqaro tranzit boʻyicha Oʻzbekiston Respublikasi hududiga olib kelinayotgan va olib chiqishga moʻljallangan;

jismoniy shaxslar tomonidan Oʻzbekiston Respublikasi hududiga Oʻzbekiston Respublikasining qonunida belgilangan aksizsiz olib kirish meʼyorlari doirasida keltirilayotgan.

15. Koʻrgazmalar oʻtkazish uchun respublikaga keltirilayotgan aksiz tovarlar, agar ular Oʻzbekiston Respublikasi hududida sotiladigan boʻlsa, koʻrgazmalar tugaganidan soʻng Oʻzbekiston Respublikasining aksiz markalari bilan majburiy tarzda markalanadi va ular boʻyicha umumiy belgilangan tartibda aksiz soligʻi toʻlanadi.

16. Tamaki mahsulotining pachkasi ochilgan taqdirda aksiz markasi yirtilishi lozim.

Tamaki mahsulotlarining aksiz markasi quyidagi tarzda yopishtirilishi kerak:

1) yumshoq pachkaning yuqori tomonni yopuvchi aksiz markasidagi matn yoki rasm pachkaning old tomonidagi yoʻnalishda koʻrinishi kerak va pachkaning oʻrtasida (oʻng va chap chetidan, orqa va old tomonidan bir xil masofada) joylashtirilgan boʻlishi kerak. Pachka sellofan bilan qoplanishi koʻzda tutilgan boʻlsa, pachkaga yopishtirilgan aksiz markasi ustidan oʻralishi lozim;

2) qopqogʻi ochiladigan pachkada aksiz aksiz markasi orqa tomonida joylashtirilgan boʻlishi, burchakni yopishi va pachkaning yon tomoniga ham oʻtgan boʻlishi zarur. Pachka sellofan bilan (agar shu narsa koʻzda tutilgan boʻlsa) pachkaga yopishtirilgan aksiz markasi ustidan oʻralishi lozim;

3) konvert shaklidagi (masalan, “Saraton”, “Astra”, “Prima”) pachkada pachka ustidagi aksiz markasi ochiladigan qopqoqni birlashtirish markazi boʻylab orqa tomonida joylashtirilishi kerak, oʻng va chap chetidan, orqa va old tomonidan bir xil masofada boʻlishi lozim.

Yuqorida aytib oʻtilgan tartibni buzgan holda (masalan, sellofan plyonkani qirqib, uning ichiga aksiz markasi yopishtirilganda, marka sellofan ustidan yopishtirilganda, boshqa ishlab chiqaruvchilar yoki importchilarning markalari yopishtirilganda) aksiz markalari yopishtirilgan tamaki mahsulotlari markalanmagan hisoblanadi va ular belgilangan tartibda olib qoʻyiladi hamda yoʻq qilinadi.

17. Alkogolli ichimliklarni markalashda aksiz markasi idishning zich qilib yopiladigan qopqoqchalari (yoki polietilen tiqinlari) ustidan ochiladigan tomonga bir meʼyorda yopishgan holda va qopqoq ochilganda yirtiladigan qilib yopishtiriladi.

18. Aksiz markalarini yopishtirishda tovardan olinganda uning yirtilmasligiga imkon bermaydigan yelimdan foydalanish lozim. Aksiz markalarini yopishtirish uchun qoʻllaniladigan yelim qurib qolmasligi va tovardan koʻchib ketmasligi uchun yuqori va past haroratlarga, turli namlik darajalariga chidamli boʻlishi; markadan qayta foydalanish uchun idishni yoki pachkani ochishda shikastlangan markalarni butun markalarga yigʻib boʻlmaslik kafolatini taʼminlashi kerak.

Boshqa ishlab chiqaruvchilar yoki importchilarning yoxud alkogolli ichimliklar boshqa tovar guruhlarining aksiz markalari yopishtirilgan, idishning litrajiga muvofiq kelmaydigan, shuningdek mazkur bandda va ushbu Yoʻriqnomaning 17-bandida nazarda tutilgan tartibni buzgan holda aksiz markalari yopishtirilgan alkogolli ichimliklar markalanmagan deb hisoblanadi va belgilangan tartibda olib qoʻyilishi hamda yoʻq qilinishi kerak.

19. Ishlab chiqaruvchilar yoki importchilar sotib olgan aksiz markalarini qayta sotish, oʻzga shaxslarga boshqacha shakllarda berish yoki sotish mumkin emas, soliq organi yoki Bojxona qoʻmitasi hududiy organining qaytarib berishi bundan mustasno.

3-bob. Aksiz soligʻini toʻlash va budjet bilan hisob-kitob qilish tartibi

20. Aksizli tovarlar ishlab chiqaruvchi korxonalar aksiz soligʻi boʻyicha budjet bilan hisob-kitoblarni qonunchilikka muvofiq amalga oshiradilar.

Importchilar aksiz soligʻini import qilinayotgan tovarning kontrakt qiymatidan va belgilangan stavkalardan kelib chiqib hisoblaydilar va toʻlaydilar. Tovar Oʻzbekiston Respublikasi hududiga olib kirilayotganda aksiz soligʻini qayta hisoblash aksiz markalarini sotib olishda ilgari toʻlangan aksiz soligʻini kiritgan holda olib kelinayotgan tovarning bojxona qiymatidan kelib chiqib amalga oshiriladi. Toʻlangan aksiz soligʻi faqat kontrakt bekor qilinganda, foydalanilmagan (shu jumladan shikastlangan) aksiz markalarini topshirish sharti bilan qaytariladi.

Aksiz markalari aksiz soligʻi toʻlanganligiga dalil boʻladi.

21. Soliq organlari va Bojxona qoʻmitasining hududiy organlari aksiz soligʻini hisoblash uchun ishlab chiqaruvchi korxonalar va importchilar tomonidan hisob-kitoblar oʻz vaqtida topshirilishini nazorat qiladilar, hisobga oladilar va aksiz soligʻi summalarining tushumiga doir hisobotlarni tuzadilar.

4-bob. Aksiz markalarini qayd etish, hisob-kitob va nazorat qilish tartibi

22. Qatʼiy hisobotdagi blankalar uchun boʻlgani singari aksiz markalari uchun ham buxgalterlik hisob-kitobi qoidalari qoʻllaniladi. Aksiz markalariga ishlab chiqaruvchi korxonalar va importchilarning kodlari yoziladi.

Alkogolli ichimliklar va tamaki mahsulotlari ishlab chiqaruvchi korxonalar uchun kodlar shunday mahsulot ishlab chiqarish huquqi uchun qonunda belgilangan tartibda beriladigan litsenziyalar boʻlgandagina beriladi.

Oʻzbekiston Respublikasi hududiga mayda turkumdagi (10 ming pachka, donadan kam miqdorda) aksiz tovarlarni olib kelayotgan importchilar uchun yagona kod raqamlari — tamaki mahsulotlari uchun IM 9898 va alkogolli ichimliklar uchun IM 98098 raqamlari beriladi.

23. Aksiz markalarining saqlanishi va ulardan maqsad boʻyicha foydalanilishi uchun masʼuliyat aksiz tovarlar ishlab chiqaruvchi korxonalar va importchilar zimmasiga yuklanadi.

24. Aksiz markalari xizmatlar va tashish xarajatlari uchun bank ustamasini hisobga olmagan holda nominal qiymat boʻyicha ishlab chiqaruvchi korxonalar va importchilar tomonidan hisobga olinadi.

25. Soliq organi (soliq toʻlovchining hisobga olingan soliq organi) (keyingi oʻrinlarda soliq organi) va Bojxona qoʻmitasining hududiy organi boshligʻining buyruqlari bilan aksiz markalarini hisobga olish va nazorat qilish uchun javobgar shaxs tayinlanadi. Aksiz markalarini hisobga olish va nazorat qilish ularning soni va qiymati boʻyicha yuritiladi.

26. Aksiz tovarlarni ishlab chiqaruvchi korxonalar va importchilar har chorakda, hisobot choragidan keyingi oyning 5 sanasidan kechiktirmay mazkur yoʻriqnomaga 3-ilovaga muvofiq aksiz markalarining harakati toʻgʻrisidagi hisobotni soliq organiga yoki Bojxona qoʻmitasining hududiy organiga taqdim etadilar.

27. Soliq organi va Bojxona qoʻmitasining hududiy organlari aksiz markalaridan toʻgʻri foydalanilishi va ularning roʻyxatdan chiqarib tashlanishi ustidan doimiy nazoratni amalga oshirishlari kerak.

28. Soliq organlari va Bojxona qoʻmitasining hududiy organlari oʻtgan oydan keyingi oyning har birinchi kunida “Agrobank” ATBning mintaqaviy boʻlinmalarida ishlab chiqaruvchi korxonalar va importchilar tomonidan berilgan (sotilgan) aksiz markalarining miqdorini solishtiradilar.

29. Soliq organlari har chorakda, oʻtgan chorakdan keyingi oyning har 10-kunida joriy chorakning birinchi kunidagi holatiga koʻra aksiz markalarining aksiz tovarlar ishlab chiqaruvchi korxonalar boʻylab harakati toʻgʻrisidagi hisobotni Soliq qoʻmitasiga taqdim etadilar. Bojxona qoʻmitasining hududiy organlari ham xuddi shu tartibda importchilar boʻyicha Bojxona qoʻmitasiga hisobot taqdim etadilar. Mazkur hisobotlar 4-ilovadagi shakl boʻyicha topshiriladi.

30. Aksiz markalarining tushumi va ishlab chiqaruvchi korxonalar va importchilarga berilishini hisobga olish tartibi “Agrobank” ATBning mintaqaviy boʻlinmalarida “Agrobank” ATB tomonidan belgilanadi.

Qopqogʻi ochilmagan idishlardagi yoki pachkadagi aksiz markalarining soni ishlab chiqaruvchilarda yoki importchilarda shubha uygʻotsa, ularni tekshirish “Davlat belgisi” MCHJ va “Agrobank” ATBning mintaqaviy boʻlinmalari vakillarining majburiy hozirligida amalga oshiriladi. “Agrobank” ATBning mintaqaviy boʻlinmalari ishlab chiqaruvchilarga yoki importchilarga topshirilgunga qadar, shuningdek “Davlat belgisi” MCHJ aksiz markalarini banklarga topshirgunga qadar ularning yirtilmasdan saqlanishini taʼminlashlari shart.

5-bob. Ishlab chiqaruvchi korxonalar va importchilarning aksiz markalarini hisobga olishlari va saqlashlari

31. Aksiz tovarlarni ishlab chiqaruvchi korxonalar yoki importchilar aksiz markalarining toʻgʻri hisobga olinishini, ulardan foydalanilishini (miqdori va qiymati boʻyicha), yirtilgan markalarni belgilangan tartibda roʻyxatdan chiqarib tashlashga qadar saqlanishini taʼminlashlari, ularning nazoratdan chiqib ketishiga yoʻl qoʻymasliklari kerak.

Sotib olingan aksiz markalari nominal qiymati boʻyicha “Qatʼiy hisobot blankalari” 006-balans hisobvaragʻiga kirim qilinadi. Markalarning sarflanishi va kirim qilinishi qatʼiy hisobot blankalari uchun boʻlganidek tartibda olib boriladi.

Aksiz tovarlarni bir vaqtning oʻzida ishlab chiqaruvchi va import qiluvchi ishlab chiqarish korxonalari ishlab chiqarilayotgan va import qilinayotgan mahsulotlar boʻyicha aksiz markalarining harakatini alohida qayd etib borishlari kerak.

Shu maqsadda ishlab chiqarish hamda import qiluvchi korxonalar maxsus buyruq chiqaradilar va unda moddiy javobgar shaxs hamda aksiz markalarini saqlash va sarflash qoidalari belgilab beriladi.

6-bob. Aksiz markalarini hisobdan chiqarish va qaytarish tartibi

32. Aksiz tovarlarni markalayotganda aksiz markalari yirtilib ketgan taqdirda tayyorlovchi korxonalar (importchilar) barcha yirtilib ketgan markalarni soliq organiga yoki Bojxona qoʻmitasining hududiy organlariga topshirishlari, bunda yirtilgan aksiz markalarini yoʻq qilib yuborish uchun qabul qilishni soʻrab ariza berishlari kerak.

33. Yirtilgan aksiz markalari quyidagi qoidalarga rioya qilgan holda alohida varaqlarga 10 tadan yopishtirilishi kerak:

aksiz markalarini yopishtirish burmalarsiz va gʻadir-budirliklarsiz amalga oshirilishi lozim;

markalar shunday yopishtirilishi kerakki, markaning markaziy qismi va raqamli rekvizitlar aniq koʻrinib turishi lozim;

markalar yirtilganda uning ayrim qismlari birlashtirilishi kerak;

qaytarib yuborilayotgan har bir yirtilgan markaning umumiy qismi uning dastlabki oʻlchovining kamida 2/3 qismini tashkil etishi kerak.

34. Ishlab chiqaruvchi korxonalarga (import qiluvchilarga) yirtilgan aksiz markalari boʻyicha ularning nominal qiymati qaytarilmaydi, yirtilganlari oʻrniga yangi markalar berilmaydi. Zararlar korxona (import qiluvchi) faoliyatining natijalariga kiritiladi.

35. Soliq organi yoki Bojxona qoʻmitasi hududiy organining aksiz markalari bilan ishlash vazifasi yuklatilgan mansabdor shaxsi ishlab chiqaruvchi korxona yoki importchining aksiz markalari uchun moddiy javobgar shaxsi ishtirokida yirtilgan markalarni roʻyxatdan chiqarish (yoʻq qilish) uchun 2 nusxada dalolatnoma tuzadi, unga oʻzi imzo chekadi va Soliq organining yoki Bojxona qoʻmitasi hududiy organining rahbariyatiga yoʻq qilish toʻgʻrisida qaror qabul qilish uchun taqdim etadi. Yoʻq qilish toʻgʻrisida qaror qabul qilinganidan keyin dalolatnomaning bir nusxasi ishlab chiqaruvchi korxonaga yoki importchiga topshiriladi, soʻng esa hisobot boʻyicha roʻyxatdan chiqariladi.

36. Roʻyxatdan chiqarilgan aksiz markalarini yoʻq qilish soliq organining yoki Bojxona qoʻmitasi hududiy organi boshligʻining buyrugʻi bilan tayinlanadigan, kamida uch kishidan iborat komissiyasi (komissiya tarkibiga soliq organining xodimi ham kiritiladi) tomonidan maxsus mashinalarda yoqib yuborish yoki maydalab tashlash bilan amalga oshiriladi va bu haqda dalolatnomaga tegishli yozuv yoziladi va u komissiya aʼzolari tomonidan imzolanadi.

37. Foydalanilmagan aksiz markalarini qaytarish aksiz tovarlarni ishlab chiqaruvchi korxonalar tomonidan yuridik shaxs sifatida faoliyat toʻxtatilganda, bankrot boʻlganda, litsenziyaning amal qilishi toʻxtatib turilgan yoki tugatilgan yoxud ishlab chiqaruvchi korxonaning tegishli mahsulotni ishlab chiqarishga litsenziyasining amal qilishi bekor qilinganda yoki importchi tomonidan kontrakt bekor qilinganda va aksiz markalari davlat standartlari talablariga nomuvofiq kelganda amalga oshirilishi mumkin. Bunda aksiz markalarini tayyorlash boʻyicha davlat standartlari talablari buzilgan taqdirda javobgarlik “Davlat belgisi” MCHJ zimmasiga yuklatiladi va qaytarilgan aksiz markalarining nominal qiymati uning xoʻjalik faoliyati natijalariga kiritiladi.

Foydalanilmagan aksiz markalarini qaytarish uchun ishlab chiqaruvchi korxona yoki importchi soliq organining yoki Bojxona qoʻmitasi hududiy organining boshligʻi nomiga ariza beradi va unda qaytarish sabablarini, shuningdek aksiz markalarining soni va turlarini koʻrsatadi.

Aksiz markalarini qaytarish soliq organi yoki Bojxona qoʻmitasi hududiy organi tomonidan yozib beriladigan qaytarish toʻgʻrisidagi kvitansiyaga muvofiq ( 4-ilova ) ular ilgari sotib olingan “Agrobank” ATBning mintaqaviy boʻlimida amalga oshiriladi. Qaytarish toʻgʻrisidagi kvitansiya 3 nusxada yoziladi, bir nusxasi soliq organiga yoki Bojxona qoʻmitasining hududiy organida qoldiriladi, ikkinchi nusxasi aksiz markalari bilan birga bankka topshiriladi va uchinchi nusxa ishlab chiqaruvchi korxonada, importchida saqlanadi. Ishlab chiqaruvchi korxona, importchi aksiz markalarini bank qabul qilganidan soʻng bu haqda soliq organi yoki Bojxona qoʻmitasining hududiy organiga qayd etish uchun xabar qilishi lozim. Yuridik shaxs sifatida oʻz faoliyatini toʻxtatgan yoki kontraktni bekor qilgan bankrot boʻlgan ishlab chiqaruvchi korxonaga yoki importchiga, shuningdek tegishli mahsulotni ishlab chiqarishga litsenziyasining amal qilishi toʻxtatib turilgan yoki tugatilgan yoxud litsenziyasi bekor qilingan ishlab chiqaruvchi korxonaga topshirilgan aksiz markalarining nominal qiymati qaytarilmaydi.

Nostandart aksiz markalarini sotib olgan va ularni “Agrobank” ATBning boʻlinmalariga qaytargan ishlab chiqaruvchi korxonalarga yoki importchilarga tegishli miqdorda yangi aksiz markalari beriladi.

“Agrobank” ATB nostandart, shuningdek buyurtirilgan miqdordan ortiqcha olingan aksiz markalarini yoʻq qilib tashlash uchun “Davlat belgisi” MCHJga qaytaradi va bu haqda Soliq qoʻmitasiga va Bojxona qoʻmitasiga xabar qiladi. “Davlat belgisi” MCHJ yangi markalarni berish orqali topshirilgan nostandart aksiz markalarini “Agrobank” ATBga beradi. Bunda ishlab chiqaruvchi korxonalarga yoki importchilarga qoplangan aksiz markalari tekinga, “Davlat belgisi” MCHJ hisobidan beriladi.

38. “Agrobank” ATBning mintaqaviy boʻlinmalari xaridorlar topshirgan aksiz markalari miqdorini ularning turlariga koʻra kirim qilishlari va ularni yoʻq qilib yuborishga tayyorlashlari shart.

Kirim qilingan aksiz markalari “Agrobank” ATBning mintaqaviy boʻlinmalarida mazkur bandning birinchi xatboshisida va 39-bandda koʻzda tutilgan tartibda yoʻq qilinadi. Komissiya tarkibiga bank vakili ham kiritiladi.

7-bob. Aksiz tovarlarni aksiz markalari bilan markalash uchun javobgarlik

39. Oʻzbekiston Respublikasining aksiz markalari bilan markalanishi lozim boʻlgan ishlab chiqarilayotgan va import qilinayotgan aksiz tovarlarni markalash uchun javobgarlik ishlab chiqaruvchi korxonalar va importchilar zimmasiga tushadi.

40. Ishlab chiqaruvchi korxonalar va importchilar Oʻzbekiston Respublikasi hududida sotilayotgan va uning hududiga olib kelinayotgan aksiz tovarlarni majburiy markalashni taʼminlashlari shart.

41. Oʻzbekiston Respublikasi hududida markalanishi lozim boʻlgan aksiz tovarlarning ularga aksiz markalarini yopishtirmay oborotga kiritilishi taqiqlangan.

42. Ushbu Yoʻriqnomaning talablari buzilishiga yoʻl qoʻygan xoʻjalik yurituvchi subyektlar Oʻzbekiston Respublikasining amaldagi qonuniga muvofiq javobgar boʻladilar.

9-bob. Aksiz markalarining turlari va belgilari

43. Aksiz markalari ishlab chiqarilayotgan va import qilinayotgan aksizli tovarlarning turlariga qarab quyidagi turlarga boʻlinadilar:

Aksiz toʻlanadigan tovarlar Harfli belgi Kodli belgi TAMAKI MAHSULOTLARI Import qilingan: IMPORT, TAMAKI MA H SULOTLARI IM Import qiluvchining kodi IMPORT, TAMAKI MA H SULOTLARI IM 9898 Mamlakatimizda ishlab chiqarilgan: TAMAKI MA H SULOTLARI O ʻ Z Korxona kodi ALKOGOLLI ICHIMLIKLAR Import qilingan: IMPORT, AROQ IM Import qiluvchining kodi IMPORT, AROQ IM 98098 IMPORT, KO N YAK IM Import qiluvchining kodi IMPORT, KO N YAK IM 98098 IMPORT, VI N O IM Import qiluvchining kodi IMPORT, VI N O IM 98098 IMPORT, SPIRTLI IC H IMLIKLAR IM Import qiluvchining kodi IMPORT, SPIRTLI IC H IMLIKLAR IM 98098 Mamlakatimizda ishlab chiqarilgan: AROQ O ʻ Z Korxona kodi KO N YAK O ʻ Z Korxona kodi VI N O O ʻ Z Korxona kodi SPIRTLI IC H IMLIKLAR O ʻ Z Korxona kodi

Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisida yoʻriqnoma 1-ILOVA

“Davlat belgisi” MCHJning direktoriga ___________________________________ (F.I.O.) 20__ y. “___” ____________da _______-son bilan roʻyxatga olingan Aksiz markalarini xarid qilishga BUYURTMANOMA _________________________________________________________________________________________ (tashkilotning toʻliq nomi, manzili, bank rekvizitlari) _________________________________________________________________________________________ aksiz markalarini quyidagi miqdorda bosib chiqarishingizni soʻraydi: __________________ soʻmlik __________________ dona/litr * miqdoridagi _______________________, (marka turi) __________________soʻmlik __________________ dona/litr * miqdoridagi ________________________, (marka turi) __________________soʻmlik __________________ dona/litr * miqdoridagi ________________________, (marka turi) __________________soʻmlik __________________ dona/litr * miqdoridagi ________________________, (marka turi) Umumiy miqdori ____________________________________________________________ soʻmlik. (soʻz bilan) Koʻrsatilgan miqdordagi aksiz markalari ______________________________________________________________________________________ ni (tovar nomi, shishalar, sigaret pachkalari soni) markalash uchun zarur. Aksiz markalarini xarid qilish uchun _______________________ hisob raqamiga pul mablagʻi oʻtkazilgan. 20__ y. “___” ____________dagi ________________ soʻmlik toʻlov hujjati. Tashkilot rahbari __________________________________________________________________ (F.I.O., imzo) M.Oʻ. (muhr mavjud boʻlganda) Bosh buxgalter ________________________________________________________________ (F.I.O., imzo) “Davlat belgisi” MCHJning tegishli bank hisob raqamiga mablagʻ oʻtkazilgani toʻgʻrisidagi belgisi, masʼul shaxs imzosi, sana, muhr. Aksiz markalarini bergan bank xodimining imzosi va shtamp belgisi _________________________________________________________________________________________ (familiyasi, ismi, otasining ismi) 20__ y. “___” ____________dagi _________-son ishonchnoma. Pasport seriyasi _____ № ___________, ___________ tomonidan berilgan. Olindi ___________________________________________________________________________ (aksiz markalarini oluvchining lavozimi, ismi-sharifi) 20__ y. “___” ____________da oldim. Imzo ___________________________ (aksiz markalarini oluvchining imzosi)

Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisida yoʻriqnoma 1a-ILOVA

______________________________________________________ boshligʻiga (BQ hududiy organining nomi) 20__ y. “___” ____________da ____________-son bilan roʻyxatga olingan (BQ hududiy organi tomonidan toʻldiriladi) Aksiz markalarini xarid qilishga BUYURTMANOMA _________________________________________________________________________________________ (tashkilotning toʻliq nomi, manzili, bank rekvizitlari) _________________________________________________________________________________________ quyidagi miqdorda aksiz markalarini buyurtirishni soʻraydi: _________________ soʻmlik ___________________ dona/litr * miqdoridagi _______________________, (marka turi) _________________soʻmlik ___________________ dona/litr * miqdoridagi _______________________, (marka turi) _________________soʻmlik ___________________ dona/litr * miqdoridagi _______________________, (marka turi) _________________soʻmlik ___________________ dona/litr * miqdoridagi _______________________, (marka turi) Umumiy miqdori __________________________________________________________ soʻmlik. (soʻz bilan) Koʻrsatilgan miqdordagi aksiz markalari _____________________________________________________________________________________ ni (tovar nomi, shishalar, sigaret pachkalari soni) markalash uchun zarur. Aksiz markalarini xarid qilish uchun _______________________ hisob raqamiga pul mablagʻi oʻtkazilgan. 20__ y. “___” ____________dagi ________________ soʻmlik toʻlov hujjati. Import qilinayotgan tovarlar boʻyicha aksiz soligʻi _______________________ soʻm miqdorida ____________________ hisob raqamiga toʻlangan, 20__ y. “___” ____________dagi ________________-son toʻlov hujjati. Tashkilot rahbari _________________________________________________________________ (F.I.O., imzo) M.Oʻ. (muhr mavjud boʻlganda) Bosh buxgalter _________________________________ (F.I.O., imzo) Aksiz markalarini bergan bank xodimining imzosi va shtamp belgisi Bojxona qoʻmitasi hududiy organining “Davlat belgisi” MCHJning tegishli bank hisob raqamiga mablagʻ oʻtkazilganligi toʻgʻrisidagi belgisi, masʼul shaxs imzosi, sana, muhr. Aksiz markalarini bergan bank xodimining imzosi va shtamp belgisi _________________________________________________________________________________________ (familiyasi, ismi, otasining ismi) 20__ y. “___” ____________ dagi _________-son ishonchnoma. Pasport seriyasi _____ № ___________, ___________ tomonidan berilgan. Olindi ___________________________________________________________________________ (aksiz markalarini oluvchining lavozimi, ismi-sharifi) 20__ y. “___” ____________ da oldim.

Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisida yoʻriqnoma 2-ILOVA

Aksiz markalari bilan markalanishi lozim boʻlgan aksiz toʻlanadigan tovarlar importchilarini qayd etish

T/r Import qiluvchi nomi Marka sotib olish uchun buyurtma berilgan sana va roʻyxat raqami Buyurtirilgan aksiz markalari Import qiluvchi kodi Aksiz markasi haqi toʻlanganligi toʻlov hujjati raqami va sanasi Aksiz markalari uchun toʻlov summasi, ming soʻmda “Davlat belgisi” MCHJning tegishli bank hisobvaragʻiga pul mablagʻlari oʻtkazilgan sana marka turi soni 1 2 3 4 5 6 7 8 9

Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisida yoʻriqnoma 3-ILOVA

Tamaki mahsulotlari va alkogolli ichimliklar boʻyicha aksiz markalarining harakati toʻgʻrisida

______________________ ___ ______ (Qoraqalpogʻiston Respublikasi, viloyatlar va Toshkent shahri) boʻyicha (ishlab chiqaruvchi korxonalar yoki importchilar nomi) 20___ _____ oyi uchun aniq koʻrsatilishi kerak Marka turlari Hisobot davri boshidagi qoldiq Hisobot davrida tushdi Hisobot davrida xarajat qilindi Hisobot davrida zararlandi va hisobdan chiqarildi Hisobot davri oxiridagi qoldiq sana dona soʻmlardagi nominal qiymat sana dona soʻmlardagi nominal qiymat sana dona soʻmlardagi nominal qiymat sana dona soʻmlardagi nominal qiymat sana dona soʻmlardagi nominal qiymat 1 2 3 4 4 5 6 7 8 9 10

Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisida yoʻriqnoma 4-ILOVA

_________________________________________________________________________________________ _________________________________________________________________________________________ (soliq yoki bojxona hududiy organining nomi koʻrsatiladi) Aksiz markalarini qaytarish KVITANSIYASI _________________________________________________________________________________________ _________________________________________________________________________________________ (ishlab chiqaruvchi yoki import qiluvchi tashkilotning toʻliq nomi, manzili, bank rekvizitlari) 20__ yil _________________________dagi _____________________son roʻyxat raqami (soliq yoki bojxona hududiy organi tomonidan toʻldiriladi) (bank nomi) _________________ __________________________ dona miqdorida _______________________ soʻmga, (marka turi) _________________ __________________________ dona miqdorida _______________________ soʻmga, (marka turi) _________________ __________________________ dona miqdorida _______________________ soʻmga, (marka turi) _________________ __________________________ dona miqdorida _______________________ soʻmga, (marka turi) _________________ __________________________ dona miqdorida _______________________ soʻmga, (marka turi) _________________ __________________________ dona miqdorida _______________________ soʻmga. (marka turi) Jami ____________________________________________________________________________________soʻm (soʻz bilan) _________________________________________________________________________________________ Aksiz markalarini qabul qilgan bank xodimining imzosi _________________________________________________________________________________________ _________________________________________________________________________________________ (ismi sharifi aniq koʻrsatiladi) Shtamp belgisi Aksiz markalarini topshirgan shaxs imzosi_____________________________________________ _________________________________________________________________________________________ (ismi sharifi aniq koʻrsatiladi) M.Oʻ. Soliq yoki bojxona hududiy organining muhri, masʼul shaxsning imzosi, sana M.Oʻ. (muhr mavjud boʻlganda) oluvchi tashkilotning muhri, rahbar imzosi, sana

Oʻzbekiston Respublikasi Iqtisodiyot va moliya vazirligining 2024-yil 23-sentabrdagi 178-son va Vazirlar Mahkamasi huzuridagi Soliq qoʻmitasining 2024-yil 13-sentabrdagi 2024-17-son qaroriga 2-ILOVA

Oʻz kuchini yoʻqotgan deb topilayotgan idoraviy normativ-huquqiy hujjatlar

1. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 1998-yil 10-dekabrdagi 04-02-05/809-son, 1998-yil 10-dekabrdagi 98-156-son, 1998-yil 6-dekabrdagi 02/8-42-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisida yoʻriqnoma ” (roʻyxat raqami 589, 1999-yil 7-yanvar) (Oʻzbekiston Respublikasi vazirliklari, davlat qoʻmitalari va idoralarining normativ hujjatlari axborotnomasi, 1999-y., 2-son, 2000-y. 16-son, 2003-y., 21-22-son; Oʻzbekiston Respublikasi qonun hujjatlari toʻplami, 2007-y., 7-8-son, 74-modda, 2009-y., 13-son, 2011-y., 148-son, 13-son, 2011-yil, 12-13-son, m. 128-son, 51-modda. 548; 2013-yil, № 2, m. 28; 2017-yil, 12-son, m. 190-son, 37-modda. 1019).

2. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 2000-yil 24-iyuldagi 82-son, 2000-yil 6-iyuldagi 2000-49-son, 2000-yil 19-iyuldagi 2/8-46-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisidagi yoʻriqnomaga 1-son oʻzgartirish”gi oʻzgartirishlar va qoʻshimchalari (roʻyxat raqami 589-1, 2000-yil 30-avgust) (Oʻzbekiston Respublikasi vazirliklari, davlat qoʻmitalari va idoralarining normativ hujjatlari axborotnomasi, 2000-y., 16-son).

3. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 2003-yil 14-noyabrdagi 110-son, 2003-69-son va 01-02/8-38-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisidagi yoʻriqnomaga oʻzgartirish va qoʻshimchalar kiritish toʻgʻrisida”gi qarori (roʻyxat raqami 589-2, 2003-yil 27-noyabr) (Oʻzbekiston Respublikasi vazirliklari, davlat qoʻmitalari va idoralarining normativ hujjatlari axborotnomasi, 2003-y., 21-22-son).

4. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 2007-yil 8-yanvardagi 4-son, 2007-02-son va 01-02/8-2-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida”gi qarori (roʻyxat raqami 589-3, 2007-yil 13-fevral) (Oʻzbekiston Respublikasi qonun hujjatlari toʻplami, 2007-y., 7-8-son, 74-modda).

5. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 2009-yil 13-martdagi 33-son, 2009-15-son va 01-02/8-6-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida”gi qarori (roʻyxat raqami 589-4, 2009-yil 20-mart) (Oʻzbekiston Respublikasi qonun hujjatlari toʻplami, 2009-y., 13-son, 148-modda).

6. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 2011-yil 14-martdagi 22-son, 2011-11-son va 01-02/8-2-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida”gi qarori (roʻyxat raqami 589-5, 2011-yil 29-mart) (Oʻzbekiston Respublikasi qonun hujjatlari toʻplami, 2011-y., 12-13-son, 128-modda).

7. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 2011-yil 29-noyabrdagi 73-son, 2011-32-son va 01-02/8-23-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida”gi qarori (roʻyxat raqami 589-6, 2011-yil 21-dekabr) (Oʻzbekiston Respublikasi qonun hujjatlari toʻplami, 2011-y., 51-son, 548-modda).

8. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 2012-yil 12-dekabr 88-son, 2012-34-son va 01-02/8-34-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida”gi qarori (roʻyxat raqami 589-7, 2013-yil 9-yanvar) (Oʻzbekiston Respublikasi qonun hujjatlari toʻplami, 2013-y., 2-son, 28-modda).

9. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 2017-yil 16-mart 28-son, 2017-12-son va 01-02/8-14-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida”gi qarori (roʻyxat raqami 589-8, 2017-yil 23-mart) (Oʻzbekiston Respublikasi qonun hujjatlari toʻplami, 2017-y., 12-son, 190-modda).

10. Oʻzbekiston Respublikasi Moliya vazirligining, Oʻzbekiston Respublikasi Davlat soliq qoʻmitasining, Oʻzbekiston Respublikasi Davlat bojxona qoʻmitasining 2017-yil 29-avgust 129-son, 2017-47-son va 01-02/8-36-son “Oʻzbekiston Respublikasida tamaki mahsulotlari va alkogolli ichimliklariga aksiz markalarini qoʻllash tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida”gi qarori (roʻyxat raqami 589-9, 2017-yil 12-sentabr) (Oʻzbekiston Respublikasi qonun hujjatlari toʻplami, 2017-y., 37-son, 1019-modda).

Iqtisodiyot va moliya vaziri D. KUCHKAROV

Soliq qoʻmitasi raisi Sh. KUDBIYEV

Markaziy bank raisi M. NURMURATOV

Toshkent sh.,

2024-yil 23-sentabr,

Toshkent sh.,

2024-yil 13-sentabr,

2024-yil 29-avgust

178-son

2024-17-son

(Qonunchilik maʼlumotlari milliy bazasi, 01.11.2024-y., 10/24/3566/0875-son; 04.05.2026-y., 10/26/3566-1/0446-son)

lex.uz

Министерства экономики и финансов Республики Узбекистан Налогового комитета при Кабинете Министров Республики Узбекистан

Постановление

ПЕРЕЧЕНЬ

О порядке применения акцизных марок в Республике Узбекистан на табачные изделия и алкогольные напитки

В соответствии с Налоговым кодексом Республики Узбекистан и постановлением Кабинета Министров Республики Узбекистан от 14 августа 1996 года № 285 «О порядке введения акцизных марок на табачные изделия и алкогольные напитки на территории Республики Узбекистан», Министерство экономики и финансов и Налоговый комитет при Кабинете Министров Республики Узбекистан постановляют:

1. Утвердить о порядке применения акцизных марок в Республике Узбекистан на табачные изделия и алкогольные напитки согласно приложению № 1 * .

2. Признать утратившими силу некоторые ведомственные нормативно-правовые акты согласно приложению № 2 .

3. Настоящее постановление согласовано с Центральным банком Республики Узбекистан.

4. Настоящее постановление вступает в силу со дня его официального опубликования.

Согласовано:

ПРИЛОЖЕНИЕ № 2 к постановлению Министерства экономики и финансов Республики Узбекистан от 23 сентября 2024 года № 178 и Налогового комитета при Кабинете Министров Республики Узбекистан от 13 сентября 2024 года № 2024-17

ведомственных нормативно-правовых актов, признаваемых утратившими силу

1. Инструкция Министерства финансов, Государственного налогового комитета и Государственного таможенного комитета Республики Узбекистан от 10 декабря 1998 года №№ 04-02-05/809, 98-156 и от 6 декабря № 02/8-42 «О порядке применения акцизных марок в Республике Узбекистан на табачные изделия и алкогольные напитки» (рег. № 589 от 7 января 1999 года) (Бюллетень нормативных актов министерств, государственных комитетов и ведомств Республики Узбекистан, 1999 г., № 2; 2000 г., № 16; 2003 г., № 21-22; Собрание законодательства Республики Узбекистан, 2007 г., № 7-8, ст. 74; 2009 г., № 13, ст. 148; 2011 г., № 12-13, ст. 128, № 51, ст. 548; 2013 г., № 2, ст. 28; 2017 г., № 12, ст. 190, № 37, ст. 1019)

2. Изменение № 1 Министерства финансов, Государственного налогового комитета и Государственного таможенного комитета Республики Узбекистан от 24 июля 2000 года № 82, от 6 июля 2000 года № 2000-49, от 19 июля 2000 № 2/8-46 «К инструкции о порядке применения акцизных марок в Республике Узбекистан на табачные изделия и алкогольные напитки» (рег. № 589-1 от 30 августа 2000 года) (Бюллетень нормативных актов министерств, государственных комитетов и ведомств Республики Узбекистан, 2000 г., № 16).

3. Постановление Министерства финансов, Государственного налогового комитета и Государственного таможенного комитета Республики Узбекистан от 14 ноября 2003 года №№ 110, 2003-69 и 01-02/8-38 «О внесении изменений и дополнений в Инструкцию о порядке применения акцизных марок в Республике Узбекистан на табачные изделия и алкогольные напитки» (рег. № 589-2 от 27 ноября 2003 года) (Бюллетень нормативных актов министерств, государственных комитетов и ведомств Республики Узбекистан, 2003 г., № 21-22).

4. Постановление Министерства финансов, Государственного налогового комитета и Государственного таможенного комитета Республики Узбекистан от 8 января 2007 года №№ 4, 2007-02 и 01-02/8-2 «О внесении изменений и дополнений в Инструкцию о порядке применения акцизных марок в Республике Узбекистан на табачные изделия и алкогольные напитки» (рег. № 589-3 от 13 февраля 2007 года) (Собрание законодательства Республики Узбекистан, 2007 г., № 7-8, ст. 74).

5. Постановление Министерства финансов, Государственного налогового комитета и Государственного таможенного комитета Республики Узбекистан от 13 марта 2009 года №№ 33, 2009-15 и 01-02/8-6 «О внесении изменений и дополнений в Инструкцию о порядке применения акцизных марок в Республике Узбекистан на табачные изделия и алкогольные напитки» (рег. № 589-4 от 20 марта 2009 года) (Собрание законодательства Республики Узбекистан, 2009 г., № 13, ст. 148)

6. Постановление Министерства финансов, Государственного налогового комитета и Государственного таможенного комитета Республики Узбекистан от 14 марта 2011 года №№ 22, 2011-11 и 01-02/8-2 «О внесении изменений в Инструкцию о порядке применения акцизных марок в Республике Узбекистан на табачные изделия и алкогольные напитки» (рег. № 589-5 от 29 марта 2011 года) Собрание законодательства Республики Узбекистан, 2011 г., № 12-13, ст. 128).

7. Постановление Министерства финансов, Государственного налогового комитета и Государственного таможенного комитета Республики Узбекистан от 29 ноября 2011 года №№ 73, 2011-32 и 01-02/8-23 «О внесении изменений в Инструкцию о порядке применения акцизных марок в Республике Узбекистан на табачные изделия и алкогольные напитки» (рег. № 589-6 от 21 декабря 2011 года) (Собрание законодательства Республики Узбекистан, 2011 г., № 51, ст. 548).

8. Постановление Министерства финансов, Государственного налогового комитета и Государственного таможенного комитета Республики Узбекистан от 12 декабря 2012 года №№ 88, 2012-34 и 01-02/8-34 «О внесении изменений в Инструкцию о порядке применения акцизных марок в Республике Узбекистан на табачные изделия и алкогольные напитки» (рег. № 589-7 от 9 января 2013 года) (Собрание законодательства Республики Узбекистан, 2013 г., № 2, ст. 28).

9. Постановление Министерства финансов, Государственного налогового комитета и Государственного таможенного комитета Республики Узбекистан от 16 марта 2017 года №№ 28, 2017-12 и 01-02/8-14 «О внесении изменений в Инструкцию о порядке применения акцизных марок в Республике Узбекистан на табачные изделия и алкогольные напитки» (рег. № 589-8 от 23 марта 2017 года) (Собрание законодательства Республики Узбекистан, 2017 г., № 12, ст. 190).

10. Постановление Министерства финансов, Государственного налогового комитета и Государственного таможенного комитета Республики Узбекистан от 19 августа 2017 года №№ 129, 2017-47 и 01-02/8-36 «О внесении изменения в пункт 27 Инструкции о порядке применения акцизных марок в Республике Узбекистан на табачные изделия и алкогольные напитки» (рег. № 589-9 от 12 сентября 2017 года) (Собрание законодательства Республики Узбекистан, 2017 г., № 37, ст. 1019).

Министр экономики и финансов Д. КУЧКАРОВ

Председатель налогового комитета Ш. КУДБИЕВ

Председатель Центрального банка М. НУРМУРАТОВ

г. Ташкент,

23 сентября 2024 г.,

г. Ташкент,

13 сентября 2024 г.,

29 августа 2024 г.

№ 178

№ 2024-17

(Национальная база данных законодательства, 01.11.2024 г., № 10/24/3566/0875)

lex.uz