📅 2024-yil 4-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 ноября 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 4 November 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг темир йўл транспортида ёки шаҳарлараро автобусда бепул фойдаланиши учун қўшимча чора-тадбирлари тўғрисида
Ўзбекистон Республикаси Президентининг «Ўзгалар парваришига муҳтож кексалар ва ногиронлиги бўлган шахсларга ижтимоий хизмат ва ёрдам кўрсатиш тизимини такомиллаштириш чора-тадбирлари тўғрисида» 2023 йил 27 декабрдаги ПҚ-410-сон қарорига мувофиқ Вазирлар Маҳкамаси қарор қилади:
1. Қуйидагилар:
а) Ўзбекистон Республикаси Президентининг «Ўзгалар парваришига муҳтож кексалар ва ногиронлиги бўлган шахсларга ижтимоий хизмат ва ёрдам кўрсатиш тизимини такомиллаштириш чора-тадбирлари тўғрисида» 2023 йил 27 декабрдаги ПҚ-410-сон қарорига мувофиқ:
«Инсон» ижтимоий хизматлар маркази томонидан «Ягона миллий ижтимоий ҳимоя» ахборот тизимида ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг реестри (кейинги ўринларда — реестр) юритилиши;
реестрга киритилган ёлғиз кексалар ва ногиронлиги бўлган шахсларга ва уларга бевосита ҳамроҳлик қилувчи бир нафар шахсга бир йилда бир марта темир йўл ёки шаҳарлараро автобус учун бепул чипталар (бориш ва қайтиш учун) ажратилиши белгиланганлиги;
реестрга киритилган ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларни шаҳар йўловчилар транспортида (йўналишли ва йўналишсиз таксидан ташқари) бепул юриш ҳуқуқини берувчи имтиёзли транспорт карталари бериладиган шахслар тоифасига киритиш вазифаси юкланганлиги;
б) Ўзбекистон Республикаси Президентининг «Аҳолига сифатли ижтимоий хизмат ва ёрдам кўрсатиш ҳамда унинг самарали назорат тизимини йўлга қўйиш бўйича комплекс чора-тадбирлар тўғрисида» 2023 йил 1 июндаги ПФ-82-сон Фармонига мувофиқ «Ижтимоий ҳимоя ягона реестри» ахборот тизими Ўзбекистон Республикаси Президенти ҳузуридаги Ижтимоий ҳимоя миллий агентлигига ўтказилганлиги маълумот учун қабул қилинсин.
2. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар реестрига киритилган шахсларга темир йўл транспортида ёки шаҳарлараро автобус учун бепул чипталар бериш тартиби тўғрисидаги низом иловага мувофиқ тасдиқлансин.
3. Рақамли технологиялар вазирлиги бир ой муддатда Транспорт вазирлиги, Ижтимоий ҳимоя миллий агентлиги ҳамда манфаатдор ташкилотлар билан биргаликда «Ўзбекистон темир йўллари» АЖнинг ваколатли бўлинмалари, шаҳарлараро қатновчи автобуслар автовокзал ва автостанцияларидаги масъул ходимларнинг «Ягона миллий ижтимоий ҳимоя» ахборот тизимида ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар реестридан фойдаланиш имкониятини яратсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда транспорт вазири И.Р. Махкамов зиммасига юклансин.
Вазирлар Маҳкамасининг 2024 йил 4 ноябрдаги 733-сон қарорига ИЛОВА
Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар реестрига киритилган шахсларга темир йўл транспортида ёки шаҳарлараро автобус учун бепул чипталар бериш тартиби тўғрисида
1-боб. Умумий қоидалар
1. Ушбу Низом «Ягона миллий ижтимоий ҳимоя» ахборот тизимида ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар реестрига (кейинги ўринларда — реестр) киритилган шахсларга темир йўл транспортида ёки шаҳарлараро автобус учун бепул чипталар (бориш ва қайтиш учун) бериш тартибини белгилайди.
2. Реестр Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан юритилади.
3. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар бепул чиптани расмийлаштиришда масъул ходимга ўзининг шахсини тасдиқловчи ҳужжатини кўрсатиши шарт.
Шахсни тасдиқловчи ҳужжат чиптани олиш вақтида, шунингдек, темир йўл ёки шаҳарлараро автобусда фойдаланиш вақтида амал қилиш муддати ўтмаган бўлиши керак.
Амал қилиш муддати ўтган шахсни тасдиқловчи ҳужжат асосида бепул чипталарни расмийлаштиришга, темир йўл ёки шаҳарлараро автобусда олиб юриш хизматларини кўрсатишга йўл қўйилмайди.
4. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар танловига кўра темир йўл ёки шаҳарлараро автобус учун бепул чипталардан бир йилда фақат бир марта фойдаланиши мумкин.
Бунда бориш ва қайтиш учун бепул чипта олишда исталган транспорт (темир йўл ёки автобус) туридан фойдаланиши мумкин.
5. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларни кузатиб бораётган бир нафар шахс ҳам бориш ҳамда қайтиш учун бепул чипта олиш ҳуқуқига эга.
Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар ҳамда уларни кузатиб бораётган шахслар тўғрисида маълумотлар Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан тақдим этилади.
6. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг темир йўл транспортида ёки шаҳарлараро автобусларда бепул юриш ушбу Низомга иловага мувофиқ схема асосида амалга оширилади.
2-боб. Бепул юришга чипталарни бериш ҳамда уларнинг ҳисобини юритиш
7. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларга бепул юриш чипталари «Ўзбекистон темир йўллари» АЖнинг ваколатли бўлинмалари, шаҳарлараро қатновчи автобуслар автовокзал ва автостанциялари масъул ходимлари томонидан реестр ёрдамида шахсни тасдиқловчи ҳужжатни солиштириш йўли билан берилади.
8. «Инсон» ижтимоий хизматлар маркази томонидан туман (шаҳар) «Инсон» ижтимоий хизматлар марказларида ҳамда оммавий ахборот воситалари ва ижтимоий тармоқларда ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларга бепул юришга чипталарни берувчи «Ўзбекистон темир йўллари» АЖнинг ваколатли бўлинмалари, шаҳарлараро қатновчи автобуслар автовокзал ва автостанциялари тўғрисидаги батафсил ахборот жойлаштирилади.
9. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларга бепул юришга чипталарни берувчи «Ўзбекистон темир йўллари» АЖнинг ваколатли бўлинмалари, шаҳарлараро қатновчи автобуслар автовокзал ва автостанциялари масъул ходимлари реестрга киритилган имтиёзли шахслар тўғрисидаги маълумотларни электрон ҳамкорлик йўли билан «Ягона миллий ижтимоий ҳимоя» ахборот тизимидан олади.
10. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларга темир йўл транспортида бепул юришлари учун купели вагон тарифи бўйича чипталар берилади.
Бунда бошқа юқори тарифдаги чипталар олинганда нархлар ўртасидаги фарқ йўловчи ва уларга ҳамроҳлик қилувчи шахслар томонидан қопланади.
11. «Ўзбекистон темир йўллари» АЖнинг ваколатли бўлинмалари, шаҳарлараро қатновчи автобуслар автовокзал ва автостанциялари масъул ходимлари ушбу Низомга мувофиқ тақдим этилган чипталар ҳисобини юритадилар ҳамда чипталарнинг нусхаларини ёки йўналиш қайдномасини (электрон йўлкира ҳужжатлари учун) илова қилган ҳолда, ташишнинг имтиёзли ва амалдаги қиймати кўрсатилиб расмийлаштирилган ҳужжатларнинг онлайн реестрини шакллантирадилар.
3-боб. Бепул юришга харажатларни қоплаш
12. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг бепул юриши учун чипталар билан таъминлаш харажатлари Ижтимоий ҳимоя миллий агентлигининг ижтимоий ҳимоя давлат жамғармаси маблағлари ҳисобидан қопланади.
13. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг бепул юриши учун чипталар билан таъминлаш харажатларини қоплаш учун «Ўзбекистон темир йўллари» АЖнинг ваколатли бўлинмалари ҳамда шаҳарлараро қатновчи автобуслар автовокзал ва автостанциялари ҳар чоракда ҳисобот давридан кейинги ойнинг 20-кунигача бўлган муддатда Ўзбекистон Республикаси Президенти ҳузуридаги Ижтимоий ҳимоя миллий агентлигига ушбу Низомга мувофиқ тақдим этилган чипталарнинг нусхаларини ёки йўналиш қайдномасини (электрон йўлкира ҳужжатлари учун), шунингдек, зарур маблағларга бўлган эҳтиёжнинг ҳисоб-китобини илова қилган ҳолда, ташишнинг имтиёзли ва амалдаги қиймати кўрсатилиб расмийлаштирилган ҳужжатлар реестрларини тақдим этади.
14. Ўзбекистон Республикаси Президенти ҳузуридаги Ижтимоий ҳимоя миллий агентлиги ажратиш учун зарур маблағларга эҳтиёжнинг ҳисоб-китобларини олгандан кейин беш иш куни мобайнида ушбу маблағларни тегишлича «Ўзбекистон темир йўллари» АЖнинг ваколатли бўлинмалари ҳамда шаҳарлараро қатновчи автобуслар автовокзал ва автостанцияларининг ҳисобварақларига ўтказади.
4-боб. Якунловчи қоидалар
15. Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар бепул юришлари учун чипталар билан ўз вақтида ва мақсадли таъминлаш юзасидан масъулият ушбу Низомга мувофиқ «Ўзбекистон темир йўллари» АЖ ҳамда шаҳарлараро қатновчи автобуслар автовокзал ва автостанциялари раҳбарлари зиммасига юкланади.
16. Реестрга киритилган ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар тўғрисидаги маълумотларнинг ҳақиқийлиги учун жавобгарлик Ўзбекистон Республикаси Президенти ҳузуридаги Ижтимоий ҳимоя миллий агентлигига юкланади.
17. Ушбу Низомга мувофиқ ажратиладиган бюджет маблағлари сарфланишининг асосланганлиги Давлат молиявий назорати инспекцияси ва унинг ҳудудий бошқармалари томонидан назорат қилинади.
18. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар реестрига киритилган шахсларга темир йўл транспортида ёки шаҳарлараро автобус учун бепул чипталар бериш тартиби тўғрисидаги низомга ИЛОВА
Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг темир йўл транспортида ёки шаҳарлараро автобусларда юриш тадбирлари
Босқичлар Субъектлар Тадбирлар Муддатлар 1-босқич «Инсон» ижтимоий хизматлар маркази Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар реестрига (кейинги ўринларда — реестр) киритилган шахсларга бепул юришга чипталарни берувчи «Ўзбекистон темир йўллари» АЖнинг ваколатли бўлинмалари, шаҳарлараро қатновчи автобуслар автовокзал ва автостанциялари тўғрисидаги батафсил ахборотни туман (шаҳар) «Инсон» ижтимоий хизматлар марказларида ҳамда оммавий ахборот воситалари ва ижтимоий тармоқларга жойлаштиради. Доимий 2-босқич Реестрга киритилган шахслар Бепул юришга чиптани олиш (сотиб олиш) учун Ўзбекистон темир йўллари» АЖнинг ваколатли бўлинмалари, шаҳарлараро қатновчи автобуслар автовокзал ва автостанциялари кассаларига мурожаат қиладилар. Бир йилда бир марта 3-босқич Ўзбекистон темир йўллари» АЖ, шаҳарлараро қатновчи автобуслар автовокзал ва автостанциялари 1. Реестрга киритилган ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар тўғрисидаги маълумотларни электрон ҳамкорлик йўли билан «Ягона миллий ижтимоий ҳимоя» ахборот тизимидан олган ҳолда бепул чипталар расмийлаштиради. Мурожаатга кўра 2. Ўзбекистон Республикаси Президенти ҳузуридаги Ижтимоий ҳимоя миллий агентлигига тақдим этилган чипталарнинг нусхаларини ёки йўналиш қайдномасини (электрон йўлкира ҳужжатлари учун), шунингдек, зарур маблағларга бўлган эҳтиёжнинг ҳисоб-китобини илова қилган ҳолда, ташишнинг имтиёзли ва амалдаги қиймати кўрсатилиб расмийлаштирилган ҳужжатлар реестрларини тақдим этадилар. Ҳар чоракда ҳисобот давридан кейинги ойнинг 20-кунигача бўлган муддатда 4-босқич Ўзбекистон Республикаси Президенти ҳузуридаги Ижтимоий ҳимоя миллий агентлиги Ажратиш учун зарур маблағларга эҳтиёжнинг ҳисоб-китобларини олгандан кейин ушбу маблағларни тегишлича «Ўзбекистон темир йўллари» АЖнинг ваколатли бўлинмалари ҳамда шаҳарлараро қатновчи автобуслар автовокзал ва автостанцияларининг ҳисобварақларига ўтказади. 5 иш куни мобайнида
Ўзбекистон Республикасининг Бош вазири А. АРИПОВ
Тошкент ш.,
2024 йил 4 ноябрь,
733-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning temir yoʻl transportida yoki shaharlararo avtobusda bepul foydalanishi uchun qoʻshimcha chora-tadbirlari toʻgʻrisida
Oʻzbekiston Respublikasi Prezidentining “Oʻzgalar parvarishiga muhtoj keksalar va nogironligi boʻlgan shaxslarga ijtimoiy xizmat va yordam koʻrsatish tizimini takomillashtirish chora-tadbirlari toʻgʻrisida” 2023-yil 27-dekabrdagi PQ-410-son qaroriga muvofiq Vazirlar Mahkamasi qaror qiladi:
1. Quyidagilar:
a) Oʻzbekiston Respublikasi Prezidentining “Oʻzgalar parvarishiga muhtoj keksalar va nogironligi boʻlgan shaxslarga ijtimoiy xizmat va yordam koʻrsatish tizimini takomillashtirish chora-tadbirlari toʻgʻrisida” 2023-yil 27-dekabrdagi PQ-410-son qaroriga muvofiq:
“Inson” ijtimoiy xizmatlar markazi tomonidan “Yagona milliy ijtimoiy himoya” axborot tizimida oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning reyestri (keyingi oʻrinlarda — reyestr) yuritilishi;
reyestrga kiritilgan yolgʻiz keksalar va nogironligi boʻlgan shaxslarga va ularga bevosita hamrohlik qiluvchi bir nafar shaxsga bir yilda bir marta temir yoʻl yoki shaharlararo avtobus uchun bepul chiptalar (borish va qaytish uchun) ajratilishi belgilanganligi;
reyestrga kiritilgan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarni shahar yoʻlovchilar transportida (yoʻnalishli va yoʻnalishsiz taksidan tashqari) bepul yurish huquqini beruvchi imtiyozli transport kartalari beriladigan shaxslar toifasiga kiritish vazifasi yuklanganligi;
b) Oʻzbekiston Respublikasi Prezidentining “Aholiga sifatli ijtimoiy xizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida” 2023-yil 1-iyundagi PF-82-son Farmoniga muvofiq “Ijtimoiy himoya yagona reyestri” axborot tizimi Oʻzbekiston Respublikasi Prezidenti huzuridagi Ijtimoiy himoya milliy agentligiga oʻtkazilganligi maʼlumot uchun qabul qilinsin.
2. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar reyestriga kiritilgan shaxslarga temir yoʻl transportida yoki shaharlararo avtobus uchun bepul chiptalar berish tartibi toʻgʻrisidagi nizom ilovaga muvofiq tasdiqlansin.
3. Raqamli texnologiyalar vazirligi bir oy muddatda Transport vazirligi, Ijtimoiy himoya milliy agentligi hamda manfaatdor tashkilotlar bilan birgalikda “Oʻzbekiston temir yoʻllari” AJning vakolatli boʻlinmalari, shaharlararo qatnovchi avtobuslar avtovokzal va avtostansiyalaridagi masʼul xodimlarning “Yagona milliy ijtimoiy himoya” axborot tizimida oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar reyestridan foydalanish imkoniyatini yaratsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda transport vaziri I.R. Maxkamov zimmasiga yuklansin.
Vazirlar Mahkamasining 2024-yil 4-noyabrdagi 733-son qaroriga ILOVA
Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar reyestriga kiritilgan shaxslarga temir yoʻl transportida yoki shaharlararo avtobus uchun bepul chiptalar berish tartibi toʻgʻrisida
1-bob. Umumiy qoidalar
1. Ushbu Nizom “Yagona milliy ijtimoiy himoya” axborot tizimida oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar reyestriga (keyingi oʻrinlarda — reyestr) kiritilgan shaxslarga temir yoʻl transportida yoki shaharlararo avtobus uchun bepul chiptalar (borish va qaytish uchun) berish tartibini belgilaydi.
2. Reyestr Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan yuritiladi.
3. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar bepul chiptani rasmiylashtirishda masʼul xodimga oʻzining shaxsini tasdiqlovchi hujjatini koʻrsatishi shart.
Shaxsni tasdiqlovchi hujjat chiptani olish vaqtida, shuningdek, temir yoʻl yoki shaharlararo avtobusda foydalanish vaqtida amal qilish muddati oʻtmagan boʻlishi kerak.
Amal qilish muddati oʻtgan shaxsni tasdiqlovchi hujjat asosida bepul chiptalarni rasmiylashtirishga, temir yoʻl yoki shaharlararo avtobusda olib yurish xizmatlarini koʻrsatishga yoʻl qoʻyilmaydi.
4. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar tanloviga koʻra temir yoʻl yoki shaharlararo avtobus uchun bepul chiptalardan bir yilda faqat bir marta foydalanishi mumkin.
Bunda borish va qaytish uchun bepul chipta olishda istalgan transport (temir yoʻl yoki avtobus) turidan foydalanishi mumkin.
5. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarni kuzatib borayotgan bir nafar shaxs ham borish hamda qaytish uchun bepul chipta olish huquqiga ega.
Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar hamda ularni kuzatib borayotgan shaxslar toʻgʻrisida maʼlumotlar Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan taqdim etiladi.
6. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning temir yoʻl transportida yoki shaharlararo avtobuslarda bepul yurish ushbu Nizomga ilovaga muvofiq sxema asosida amalga oshiriladi.
2-bob. Bepul yurishga chiptalarni berish hamda ularning hisobini yuritish
7. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga bepul yurish chiptalari “Oʻzbekiston temir yoʻllari” AJning vakolatli boʻlinmalari, shaharlararo qatnovchi avtobuslar avtovokzal va avtostansiyalari masʼul xodimlari tomonidan reyestr yordamida shaxsni tasdiqlovchi hujjatni solishtirish yoʻli bilan beriladi.
8. “Inson” ijtimoiy xizmatlar markazi tomonidan tuman (shahar) “Inson” ijtimoiy xizmatlar markazlarida hamda ommaviy axborot vositalari va ijtimoiy tarmoqlarda oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga bepul yurishga chiptalarni beruvchi “Oʻzbekiston temir yoʻllari” AJning vakolatli boʻlinmalari, shaharlararo qatnovchi avtobuslar avtovokzal va avtostansiyalari toʻgʻrisidagi batafsil axborot joylashtiriladi.
9. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga bepul yurishga chiptalarni beruvchi “Oʻzbekiston temir yoʻllari” AJning vakolatli boʻlinmalari, shaharlararo qatnovchi avtobuslar avtovokzal va avtostansiyalari masʼul xodimlari reyestrga kiritilgan imtiyozli shaxslar toʻgʻrisidagi maʼlumotlarni elektron hamkorlik yoʻli bilan “Yagona milliy ijtimoiy himoya” axborot tizimidan oladi.
10. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarga temir yoʻl transportida bepul yurishlari uchun kupeli vagon tarifi boʻyicha chiptalar beriladi.
Bunda boshqa yuqori tarifdagi chiptalar olinganda narxlar oʻrtasidagi farq yoʻlovchi va ularga hamrohlik qiluvchi shaxslar tomonidan qoplanadi.
11. “Oʻzbekiston temir yoʻllari” AJning vakolatli boʻlinmalari, shaharlararo qatnovchi avtobuslar avtovokzal va avtostansiyalari masʼul xodimlari ushbu Nizomga muvofiq taqdim etilgan chiptalar hisobini yuritadilar hamda chiptalarning nusxalarini yoki yoʻnalish qaydnomasini (elektron yoʻlkira hujjatlari uchun) ilova qilgan holda, tashishning imtiyozli va amaldagi qiymati koʻrsatilib rasmiylashtirilgan hujjatlarning onlayn reyestrini shakllantiradilar.
3-bob. Bepul yurishga xarajatlarni qoplash
12. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning bepul yurishi uchun chiptalar bilan taʼminlash xarajatlari Ijtimoiy himoya milliy agentligining ijtimoiy himoya davlat jamgʻarmasi mablagʻlari hisobidan qoplanadi.
13. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning bepul yurishi uchun chiptalar bilan taʼminlash xarajatlarini qoplash uchun “Oʻzbekiston temir yoʻllari” AJning vakolatli boʻlinmalari hamda shaharlararo qatnovchi avtobuslar avtovokzal va avtostansiyalari har chorakda hisobot davridan keyingi oyning 20-kunigacha boʻlgan muddatda Oʻzbekiston Respublikasi Prezidenti huzuridagi Ijtimoiy himoya milliy agentligiga ushbu Nizomga muvofiq taqdim etilgan chiptalarning nusxalarini yoki yoʻnalish qaydnomasini (elektron yoʻlkira hujjatlari uchun), shuningdek, zarur mablagʻlarga boʻlgan ehtiyojning hisob-kitobini ilova qilgan holda, tashishning imtiyozli va amaldagi qiymati koʻrsatilib rasmiylashtirilgan hujjatlar reyestrlarini taqdim etadi.
14. Oʻzbekiston Respublikasi Prezidenti huzuridagi Ijtimoiy himoya milliy agentligi ajratish uchun zarur mablagʻlarga ehtiyojning hisob-kitoblarini olgandan keyin besh ish kuni mobaynida ushbu mablagʻlarni tegishlicha “Oʻzbekiston temir yoʻllari” AJning vakolatli boʻlinmalari hamda shaharlararo qatnovchi avtobuslar avtovokzal va avtostansiyalarining hisobvaraqlariga oʻtkazadi.
4-bob. Yakunlovchi qoidalar
15. Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar bepul yurishlari uchun chiptalar bilan oʻz vaqtida va maqsadli taʼminlash yuzasidan masʼuliyat ushbu Nizomga muvofiq “Oʻzbekiston temir yoʻllari” AJ hamda shaharlararo qatnovchi avtobuslar avtovokzal va avtostansiyalari rahbarlari zimmasiga yuklanadi.
16. Reyestrga kiritilgan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar toʻgʻrisidagi maʼlumotlarning haqiqiyligi uchun javobgarlik Oʻzbekiston Respublikasi Prezidenti huzuridagi Ijtimoiy himoya milliy agentligiga yuklanadi.
17. Ushbu Nizomga muvofiq ajratiladigan budjet mablagʻlari sarflanishining asoslanganligi Davlat moliyaviy nazorati inspeksiyasi va uning hududiy boshqarmalari tomonidan nazorat qilinadi.
18. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar reyestriga kiritilgan shaxslarga temir yoʻl transportida yoki shaharlararo avtobus uchun bepul chiptalar berish tartibi toʻgʻrisidagi nizomga ILOVA
Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning temir yoʻl transportida yoki shaharlararo avtobuslarda yurish tadbirlari
Bosqichlar Subyektlar Tadbirlar Muddatlar 1-bosqich “Inson” ijtimoiy xizmatlar markazi Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar reyestriga (keyingi oʻrinlarda — reyestr) kiritilgan shaxslarga bepul yurishga chiptalarni beruvchi “Oʻzbekiston temir yoʻllari” AJning vakolatli boʻlinmalari, shaharlararo qatnovchi avtobuslar avtovokzal va avtostansiyalari toʻgʻrisidagi batafsil axborotni tuman (shahar) “Inson” ijtimoiy xizmatlar markazlarida hamda ommaviy axborot vositalari va ijtimoiy tarmoqlarga joylashtiradi. Doimiy 2-bosqich Reyestrga kiritilgan shaxslar Bepul yurishga chiptani olish (sotib olish) uchun Oʻzbekiston temir yoʻllari” AJning vakolatli boʻlinmalari, shaharlararo qatnovchi avtobuslar avtovokzal va avtostansiyalari kassalariga murojaat qiladilar. Bir yilda bir marta 3-bosqich Oʻzbekiston temir yoʻllari” AJ, shaharlararo qatnovchi avtobuslar avtovokzal va avtostansiyalari 1. Reyestrga kiritilgan oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar toʻgʻrisidagi maʼlumotlarni elektron hamkorlik yoʻli bilan “Yagona milliy ijtimoiy himoya” axborot tizimidan olgan holda bepul chiptalar rasmiylashtiradi. Murojaatga koʻra 2. Oʻzbekiston Respublikasi Prezidenti huzuridagi Ijtimoiy himoya milliy agentligiga taqdim etilgan chiptalarning nusxalarini yoki yoʻnalish qaydnomasini (elektron yoʻlkira hujjatlari uchun), shuningdek, zarur mablagʻlarga boʻlgan ehtiyojning hisob-kitobini ilova qilgan holda, tashishning imtiyozli va amaldagi qiymati koʻrsatilib rasmiylashtirilgan hujjatlar reyestrlarini taqdim etadilar. Har chorakda hisobot davridan keyingi oyning 20-kunigacha boʻlgan muddatda 4-bosqich Oʻzbekiston Respublikasi Prezidenti huzuridagi Ijtimoiy himoya milliy agentligi Ajratish uchun zarur mablagʻlarga ehtiyojning hisob-kitoblarini olgandan keyin ushbu mablagʻlarni tegishlicha “Oʻzbekiston temir yoʻllari” AJning vakolatli boʻlinmalari hamda shaharlararo qatnovchi avtobuslar avtovokzal va avtostansiyalarining hisobvaraqlariga oʻtkazadi. 5 ish kuni mobaynida
Oʻzbekiston Respublikasining Bosh vaziri A. ARIPOV
Toshkent sh.,
2024-yil 4-noyabr,
733-son