📅 2024-yil 5-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 5 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 ноября 2024 г. · Постановления Президента
Официальный текст. Официальный документ. Редакционные примечания не включены.
📅 5 November 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Навоий вилоятида микро ва кичик гидроэлектр станцияларини қуришга оид қўшимча чора-тадбирлар тўғрисида
Навоий вилоятида қайта тикланувчи энергия манбаларини ишлаб чиқариш имкониятларидан кенг фойдаланиш, ҳудудда микро ва кичик гидроэлектр станциялари қурилишига хусусий секторни жалб қилиш орқали «яшил» энергия ишлаб чиқариш қувватларини ошириш мақсадида:
1. Навоий вилояти ҳудудидан оқиб ўтувчи Зарафшон ва Оқдарё дарёлари, сойлар ҳамда каналлар атрофида микро ва кичик гидроэлектр станцияларини қуриш бўйича инвестиция лойиҳаларини (кейинги ўринда — инвестиция лойиҳалари) молиялаштириш учун:
Тикланиш ва тараққиёт жамғармаси «Туронбанк» АТБга 3 йиллик имтиёзли давр билан 7 йил муддатга йиллик 8 фоиз ставкада 10 миллион АҚШ доллари эквивалентидаги кредит линиясини ажратсин ва ушбу маблағлар банкнинг субординар қарзи сифатида расмийлаштирилсин;
«Туронбанк» АТБ ушбу кредит линияси ҳисобидан тадбиркорлик субъектларига инвестиция лойиҳалари доирасида маҳаллий ишлаб чиқарувчилардан технологик ускуналарни сотиб олиш учун миллий валютада 3 йилгача имтиёзли давр билан 7 йил муддатгача йиллик 12 фоиз ставкада кредитлар ажратилишини таъминласин.
2. Энергетика вазирлиги Сув хўжалиги вазирлиги, «Ўзбекгидроэнерго» АЖ, Навоий вилояти ҳокимлиги билан биргаликда бир ой муддатда вилоят ҳудудидан оқиб ўтувчи дарё, сой ва каналлар кўрсаткичлари асосида микро ва кичик гидроэлектр станциялари қуриш мумкин бўлган майдонларни ўрганиб чиқиб, тадбиркорлар учун манзилли лойиҳа таклифларини ишлаб чиқсин ҳамда эълон қилсин.
«Ўзбекгидроэнерго» АЖ тадбиркорлик субъектларига микро ва кичик гидроэлектр станцияларини қуриш бўйича лойиҳа ҳужжатларини ишлаб чиқишда кўмаклашсин ҳамда танланган техник ва технологик ечимлар тегишли тармоқнинг илмий-техник кенгаши томонидан кўриб чиқилишини таъминласин.
3. «Ҳудудий электр тармоқлари» АЖнинг Энергосавдо филиали, Энергетика бозорини ривожлантириш ва тартибга солиш агентлиги тадбиркорлик субъектлари томонидан микро ва кичик гидроэлектр станцияларида ишлаб чиқарилган электр энергиясининг давлат томонидан харид қилинишини таъминласин.
4. Мазкур қарор ижросини самарали ташкил қилишга масъул ва шахсий жавобгар этиб энергетика вазири Ж.Т. Мирзамаҳмудов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 5 ноябрь,
ПҚ-383-сон
Oʻzbekiston Respublikasi Prezidentining
qarori
Navoiy viloyatida mikro va kichik gidroelektr stansiyalarini qurishga oid qoʻshimcha chora-tadbirlar toʻgʻrisida
Navoiy viloyatida qayta tiklanuvchi energiya manbalarini ishlab chiqarish imkoniyatlaridan keng foydalanish, hududda mikro va kichik gidroelektr stansiyalari qurilishiga xususiy sektorni jalb qilish orqali “yashil” energiya ishlab chiqarish quvvatlarini oshirish maqsadida:
1. Navoiy viloyati hududidan oqib oʻtuvchi Zarafshon va Oqdaryo daryolari, soylar hamda kanallar atrofida mikro va kichik gidroelektr stansiyalarini qurish boʻyicha investitsiya loyihalarini (keyingi oʻrinda — investitsiya loyihalari) moliyalashtirish uchun:
Tiklanish va taraqqiyot jamgʻarmasi “Turonbank” ATBga 3 yillik imtiyozli davr bilan 7 yil muddatga yillik 8 foiz stavkada 10 million AQSH dollari ekvivalentidagi kredit liniyasini ajratsin va ushbu mablagʻlar bankning subordinar qarzi sifatida rasmiylashtirilsin;
“Turonbank” ATB ushbu kredit liniyasi hisobidan tadbirkorlik subyektlariga investitsiya loyihalari doirasida mahalliy ishlab chiqaruvchilardan texnologik uskunalarni sotib olish uchun milliy valyutada 3 yilgacha imtiyozli davr bilan 7 yil muddatgacha yillik 12 foiz stavkada kreditlar ajratilishini taʼminlasin.
2. Energetika vazirligi Suv xoʻjaligi vazirligi, “Oʻzbekgidroenergo” AJ, Navoiy viloyati hokimligi bilan birgalikda bir oy muddatda viloyat hududidan oqib oʻtuvchi daryo, soy va kanallar koʻrsatkichlari asosida mikro va kichik gidroelektr stansiyalari qurish mumkin boʻlgan maydonlarni oʻrganib chiqib, tadbirkorlar uchun manzilli loyiha takliflarini ishlab chiqsin hamda eʼlon qilsin.
“Oʻzbekgidroenergo” AJ tadbirkorlik subyektlariga mikro va kichik gidroelektr stansiyalarini qurish boʻyicha loyiha hujjatlarini ishlab chiqishda koʻmaklashsin hamda tanlangan texnik va texnologik yechimlar tegishli tarmoqning ilmiy-texnik kengashi tomonidan koʻrib chiqilishini taʼminlasin.
3. “Hududiy elektr tarmoqlari” AJning Energosavdo filiali, Energetika bozorini rivojlantirish va tartibga solish agentligi tadbirkorlik subyektlari tomonidan mikro va kichik gidroelektr stansiyalarida ishlab chiqarilgan elektr energiyasining davlat tomonidan xarid qilinishini taʼminlasin.
4. Mazkur qaror ijrosini samarali tashkil qilishga masʼul va shaxsiy javobgar etib energetika vaziri J.T. Mirzamahmudov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 5-noyabr,
PQ-383-son
Президента Республики Узбекистан
Постановление
О дополнительных мерах по строительству микро- и малых гидроэлектростанций в Навоийской области
В целях широкого использования возможностей производства возобновляемых источников энергии в Навоийской области, увеличения мощностей производства «зеленой» энергии путем вовлечения частного сектора в строительство микро- и малых гидроэлектростанций в регионе:
1. Для финансирования инвестиционных проектов по строительству микро- и малых гидроэлектростанций вокруг рек Зарафшан и Акдарья, саев и каналов, протекающих через территорию Навоийской области (далее — инвестиционные проекты):
Фонду реконструкции и развития выделить АКБ «Туронбанк» кредитную линию в эквиваленте 10 миллионов долларов США сроком на 7 лет, включая льготный период 3 года, по ставке 8 процентов годовых и оформить данные средства в качестве субординарного долга банка;
АКБ «Туронбанк» за счет данной кредитной линии обеспечить выделение субъектам предпринимательства кредитов в национальной валюте сроком до 7 лет, включая льготный период до трех лет, по ставке 12 процентов годовых на закупку технологического оборудования у местных производителей в рамках инвестиционных проектов.
2. Министерству энергетики совместно с Министерством водного хозяйства, АО «Узбекгидроэнерго» и хокимиятом Навоийской области в месячный срок изучить площади, на которых возможно строительство микро- и малых гидроэлектростанций на основе показателей рек, саев и каналов, протекающих через территорию области, разработать и объявить адресные проектные предложения для предпринимателей.
АО «Узбекгидроэнерго» оказать субъектам предпринимательства содействие в разработке проектной документации по строительству микро- и малых гидроэлектростанций а также обеспечить рассмотрение соответствующим отраслевым научно-техническим советом отобранных технических и технологических решений.
3. Филиалу Энергосавдо АО «Региональные электрические сети», Агентству по развитию и регулированию рынка энергетики обеспечить закупку государством электроэнергии, произведенной субъектами предпринимательства на микро- и малых гидроэлектростанциях.
4. Возложить на министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
5 ноября 2024 г.,
№ ПП-383