📅 2024-yil 5-noyabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 5 ноябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 5 ноября 2024 г. · Законы и кодексы
Официальный текст. Официальный документ. Редакционные примечания не включены.
📅 5 November 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг Солиқ ҳамда Божхона кодексларига ўзгартириш ва қўшимчалар киритиш тўғрисида
Қонунчилик палатаси томонидан 2024 йил 20 августда қабул қилинган Сенат томонидан 2024 йил 23 октябрда маъқулланган
Бугунги кунда замонавий ахборот-коммуникация технологияларининг жорий этилиши барча фаолият соҳаларини такомиллаштиришга самарали таъсир кўрсатмоқда.
Кейинги йилларда мамлакатимизда амалга оширилаётган кенг кўламли рақамлаштириш жараёни доирасида ижтимоий-иқтисодий соҳалар билан бир қаторда тезкор-қидирув фаолиятига ҳам замонавий ахборот-коммуникация технологиялари кенг жорий этилишини қўллаб-қувватлаш бўйича тизимли ишлар амалга оширилмоқда.
Хусусан, тезкор-қидирув тадбирлари тизимларининг техник воситаларини республика ҳудудига олиб киришда телекоммуникациялар операторларига солиқ ва божхона имтиёзлари берилди.
Шу билан бирга амалиётда ушбу солиқ ва божхона имтиёзларини қўллашдаги мавжуд камчиликлар натижасида бугунги кунда айрим идоралар томонидан тезкор-қидирув тадбирлари тизимларининг техник воситаларини олиб киришда мазкур имтиёзлардан тўлиқ фойдаланиш имкониятлари чекланмоқда.
Ушбу Қонун билан Ўзбекистон Республикасининг Солиқ кодексига махсус ваколатли давлат органи томонидан олинадиган тезкор қидирув тадбирлари тизими техник воситаларининг республика ҳудудига олиб кирилишини солиқ солишдан озод қилишни назарда тутувчи қўшимчалар, шунингдек мазкур техник воситалар акциз солиғи солинадиган объект ҳисобланмаслигига доир қўшимча киритилмоқда.
Бундан ташқари Ўзбекистон Республикасининг Божхона кодексига юқорида кўрсатилган техник воситаларни бож тўлашдан озод қилиш тарзида тариф имтиёзлари берилишини назарда тутувчи қўшимча киритилмоқда. Шунингдек ҳарбий хизмат назарда тутилган бошқа идоралар ҳарбий юкларининг божхона расмийлаштируви учун божхона йиғимини тўлашдан озод қилинади.
Ушбу Қонун белгиланган солиқ ва божхона имтиёзларидан тезкор-қидирув тадбирлари тизимларининг техник воситаларини республика ҳудудига олиб киришда фойдаланиш тартибини янада такомиллаштиришга ҳамда тезкор-қидирув тадбирлари самарадорлигини оширишга хизмат қилади.
1-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодексига (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда; 2023 йил, № 6, 444, 446-моддалар, № 7, 540-модда, № 12, 1011-модда; 2024 йил, № 2, 106, 110, 111-моддалар, № 4, 346-модда, № 5, 458, 459-моддалар) қуйидаги ўзгартириш ва қўшимчалар киритилсин:
1) 246-модда :
10-бандидаги «ваколатли давлат органининг» деган сўзлар «махсус ваколатли давлат органининг» деган сўзлар билан алмаштирилсин;
қуйидаги мазмундаги 10 1 -банд билан тўлдирилсин:
«10 1 ) махсус ваколатли давлат органи томонидан олинадиган тезкор-қидирув тадбирлари тизимининг техник воситалари»;
2) 284-модда иккинчи қисми :
6-банди қуйидаги таҳрирда баён этилсин:
«6) махсус ваколатли давлат органининг ёзма равишдаги тасдиғи мавжуд бўлган тақдирда, телекоммуникациялар операторлари ҳамда тезкор-қидирув тадбирлари тизимларининг техник воситаларини сертификатлаштириш бўйича махсус орган томонидан олинадиган тезкор-қидирув тадбирлари тизимининг техник воситалари»;
қуйидаги мазмундаги 6 1 -банд билан тўлдирилсин:
«6 1 ) махсус ваколатли давлат органи томонидан олинадиган тезкор-қидирув тадбирлари тизимининг техник воситалари».
2-модда. Ўзбекистон Республикасининг 2016 йил 20 январда қабул қилинган ЎРҚ-400-сонли Қонуни билан тасдиқланган Ўзбекистон Республикасининг Божхона кодексига (Ўзбекистон Республикаси Олий Мажлиси палаталарининг Ахборотномаси, 2016 йил, 1-сонга илова; 2017 йил, № 9, 510-модда; 2018 йил, № 4, 224-модда, № 7, 433-модда, № 10, 670-модда; 2019 йил, № 1, 5-модда, № 2, 47-модда, № 5, 267-модда, № 9, 589-модда, № 10, 671-модда, № 12, 880-модда; 2020 йил, № 10, 593-модда; 2021 йил, 4-сонга илова, № 10, 969-модда; 2022 йил, № 2, 75-модда, № 7, 666-модда, № 12, 1190-модда; 2023 йил, № 12, 1010, 1011-моддалар; 2024 йил, № 1, 5-модда, № 2, 111, 113-моддалар) қуйидаги ўзгартиришлар ва қўшимча киритилсин:
1) 297-модданинг иккинчи қисми :
14-бандидаги «ваколатли давлат органининг» деган сўзлар «махсус ваколатли давлат органининг» деган сўзлар билан алмаштирилсин;
қуйидаги мазмундаги 14 1 -банд билан тўлдирилсин:
«14 1 ) махсус ваколатли давлат органи томонидан олинадиган тезкор-қидирув тадбирлари тизимининг техник воситалари»;
2) 299-модданинг 7-банди қуйидаги таҳрирда баён этилсин:
«Ўзбекистон Республикаси Мудофаа вазирлигининг, Давлат хавфсизлик хизматининг, Ўзбекистон Республикаси Президенти давлат хавфсизлик хизматининг, Ўзбекистон Республикаси Миллий гвардиясининг, Ички ишлар вазирлигининг, Фавқулодда вазиятлар вазирлигининг ҳамда Иқтисодиёт ва молия вазирлиги ҳузуридаги Божхона қўмитасининг ҳарбий юклари, шунингдек бошқа ҳарбий хизмат назарда тутилган ўзга идораларнинг ҳарбий юклари».
3-модда. Ўзбекистон Республикаси Вазирлар Маҳкамаси ҳузуридаги Солиқ қўмитаси, Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 5 ноябрь,
ЎРҚ-992-сон
Oʻzbekiston Respublikasining Qonuni
Oʻzbekiston Respublikasining Soliq hamda Bojxona kodekslariga oʻzgartirish va qoʻshimchalar kiritish toʻgʻrisida
Qonunchilik palatasi tomonidan 2024-yil 20-avgustda qabul qilingan Senat tomonidan 2024-yil 23-oktabrda maʼqullangan
Bugungi kunda zamonaviy axborot-kommunikatsiya texnologiyalarining joriy etilishi barcha faoliyat sohalarini takomillashtirishga samarali taʼsir koʻrsatmoqda.
Keyingi yillarda mamlakatimizda amalga oshirilayotgan keng koʻlamli raqamlashtirish jarayoni doirasida ijtimoiy-iqtisodiy sohalar bilan bir qatorda tezkor-qidiruv faoliyatiga ham zamonaviy axborot-kommunikatsiya texnologiyalari keng joriy etilishini qoʻllab-quvvatlash boʻyicha tizimli ishlar amalga oshirilmoqda.
Xususan, tezkor-qidiruv tadbirlari tizimlarining texnik vositalarini respublika hududiga olib kirishda telekommunikatsiyalar operatorlariga soliq va bojxona imtiyozlari berildi.
Shu bilan birga amaliyotda ushbu soliq va bojxona imtiyozlarini qoʻllashdagi mavjud kamchiliklar natijasida bugungi kunda ayrim idoralar tomonidan tezkor-qidiruv tadbirlari tizimlarining texnik vositalarini olib kirishda mazkur imtiyozlardan toʻliq foydalanish imkoniyatlari cheklanmoqda.
Ushbu Qonun bilan Oʻzbekiston Respublikasining Soliq kodeksiga maxsus vakolatli davlat organi tomonidan olinadigan tezkor qidiruv tadbirlari tizimi texnik vositalarining respublika hududiga olib kirilishini soliq solishdan ozod qilishni nazarda tutuvchi qoʻshimchalar, shuningdek mazkur texnik vositalar aksiz soligʻi solinadigan obyekt hisoblanmasligiga doir qoʻshimcha kiritilmoqda.
Bundan tashqari Oʻzbekiston Respublikasining Bojxona kodeksiga yuqorida koʻrsatilgan texnik vositalarni boj toʻlashdan ozod qilish tarzida tarif imtiyozlari berilishini nazarda tutuvchi qoʻshimcha kiritilmoqda. Shuningdek harbiy xizmat nazarda tutilgan boshqa idoralar harbiy yuklarining bojxona rasmiylashtiruvi uchun bojxona yigʻimini toʻlashdan ozod qilinadi.
Ushbu Qonun belgilangan soliq va bojxona imtiyozlaridan tezkor-qidiruv tadbirlari tizimlarining texnik vositalarini respublika hududiga olib kirishda foydalanish tartibini yanada takomillashtirishga hamda tezkor-qidiruv tadbirlari samaradorligini oshirishga xizmat qiladi.
1-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda, № 12, 1011-modda; 2024-yil, № 2, 106, 110, 111-moddalar, № 4, 346-modda, № 5, 458, 459-moddalar) quyidagi oʻzgartirish va qoʻshimchalar kiritilsin:
1) 246-modda :
10-bandidagi “vakolatli davlat organining” degan soʻzlar “maxsus vakolatli davlat organining” degan soʻzlar bilan almashtirilsin;
quyidagi mazmundagi 10 1 -band bilan toʻldirilsin:
“10 1 ) maxsus vakolatli davlat organi tomonidan olinadigan tezkor-qidiruv tadbirlari tizimining texnik vositalari”;
2) 284-modda ikkinchi qismi :
6-bandi quyidagi tahrirda bayon etilsin:
“6) maxsus vakolatli davlat organining yozma ravishdagi tasdigʻi mavjud boʻlgan taqdirda, telekommunikatsiyalar operatorlari hamda tezkor-qidiruv tadbirlari tizimlarining texnik vositalarini sertifikatlashtirish boʻyicha maxsus organ tomonidan olinadigan tezkor-qidiruv tadbirlari tizimining texnik vositalari”;
quyidagi mazmundagi 6 1 -band bilan toʻldirilsin:
“6 1 ) maxsus vakolatli davlat organi tomonidan olinadigan tezkor-qidiruv tadbirlari tizimining texnik vositalari”.
2-modda. Oʻzbekiston Respublikasining 2016-yil 20-yanvarda qabul qilingan OʻRQ-400-sonli Qonuni bilan tasdiqlangan Oʻzbekiston Respublikasining Bojxona kodeksiga (Oʻzbekiston Respublikasi Oliy Majlisi palatalarining Axborotnomasi, 2016-yil, 1-songa ilova; 2017-yil, № 9, 510-modda; 2018-yil, № 4, 224-modda, № 7, 433-modda, № 10, 670-modda; 2019-yil, № 1, 5-modda, № 2, 47-modda, № 5, 267-modda, № 9, 589-modda, № 10, 671-modda, № 12, 880-modda; 2020-yil, № 10, 593-modda; 2021-yil, 4-songa ilova, № 10, 969-modda; 2022-yil, № 2, 75-modda, № 7, 666-modda, № 12, 1190-modda; 2023-yil, № 12, 1010, 1011-moddalar; 2024-yil, № 1, 5-modda, № 2, 111, 113-moddalar) quyidagi oʻzgartirishlar va qoʻshimcha kiritilsin:
1) 297-moddaning ikkinchi qismi :
14-bandidagi “vakolatli davlat organining” degan soʻzlar “maxsus vakolatli davlat organining” degan soʻzlar bilan almashtirilsin;
quyidagi mazmundagi 14 1 -band bilan toʻldirilsin:
“14 1 ) maxsus vakolatli davlat organi tomonidan olinadigan tezkor-qidiruv tadbirlari tizimining texnik vositalari”;
2) 299-moddaning 7-bandi quyidagi tahrirda bayon etilsin:
“Oʻzbekiston Respublikasi Mudofaa vazirligining, Davlat xavfsizlik xizmatining, Oʻzbekiston Respublikasi Prezidenti davlat xavfsizlik xizmatining, Oʻzbekiston Respublikasi Milliy gvardiyasining, Ichki ishlar vazirligining, Favqulodda vaziyatlar vazirligining hamda Iqtisodiyot va moliya vazirligi huzuridagi Bojxona qoʻmitasining harbiy yuklari, shuningdek boshqa harbiy xizmat nazarda tutilgan oʻzga idoralarning harbiy yuklari”.
3-modda. Oʻzbekiston Respublikasi Vazirlar Mahkamasi huzuridagi Soliq qoʻmitasi, Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 5-noyabr,
OʻRQ-992-son
Закон Республики Узбекистан
О внесении изменений и дополнений в Налоговый и Таможенный кодексы Республики Узбекистан
Принят Законодательной палатой 20 августа 2024 года Одобрен Сенатом 23 октября 2024 года
В настоящее время внедрение современных информационно-коммуникационных технологий оказывает эффективное воздействие на совершенствование всех сфер деятельности.
За последние годы в рамках реализуемого в стране обширного процесса по цифровизации наряду с социально-экономическими сферами также осуществляются системные работы по поддержке широкого внедрения современных информационно-коммуникационных технологий в оперативно-розыскную деятельность.
В частности, операторам телекоммуникации предоставлены налоговые и таможенные льготы при ввозе на территорию республики технических средств систем оперативно-розыскных мероприятий.
Вместе с тем в результате имеющихся недостатков при применении на практике данных налоговых и таможенных льгот, на сегодняшний день при ввозе некоторыми ведомствами технических средств систем оперативно-розыскных мероприятий ограничиваются возможности полного использования данных льгот.
Настоящим Законом в Налоговый кодекс Республики Узбекистан вносятся дополнения, предусматривающие освобождение от налогообложения ввоза на территорию республики технических средств системы оперативно-розыскных мероприятий, приобретаемых специально уполномоченным государственным органом, а также дополнение, согласно которому данные технические средства не являются объектом налогообложения акцизным налогом.
Кроме того в Таможенный кодекс Республики Узбекистан вносится дополнение, предусматривающее предоставление тарифных льгот в виде освобождения от уплаты таможенной пошлины вышеуказанных технических средств. Также освобождаются от уплаты таможенного сбора за таможенное оформление военные грузы других ведомств, в которых предусмотрена военная служба.
Настоящий Закон послужит дальнейшему совершенствованию порядка использования установленных налоговых и таможенных льгот при ввозе на территорию республики технических средств систем оперативно-розыскных мероприятий и повышению эффективности оперативно-розыскных мероприятий.
Статья 1. Внести в Налоговый кодекс Республики Узбекистан, утвержденный в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1199; 2022 г., № 2, ст. 79, № 3, ст.ст. 215, 216, № 5, ст.ст. 461, 464, 467, № 6, ст. 570, № 7, ст.ст. 664, 666, № 12, ст. 1190; 2023 г., № 6, ст.ст. 444, 446, № 7, ст. 540, № 12, ст. 1011; 2024 г., № 2, ст.ст. 106, 110, 111, № 4, ст. 346, № 5, ст.ст. 458, 459), следующие изменения и дополнения:
1) в статье 246 :
в пункте 10 слова «уполномоченного государственного органа» заменить словами «специально уполномоченного государственного органа»;
дополнить пунктом 10 1 следующего содержания:
«10 1 ) технических средств системы оперативно-розыскных мероприятий, приобретаемых специально уполномоченным государственным органом»;
2) в части второй статьи 284:
пункт 6 изложить в следующей редакции:
«6) технические средства систем оперативно-розыскных мероприятий, приобретаемых операторами телекоммуникаций и специальным органом по сертификации технических средств систем оперативно-розыскных мероприятий, при наличии письменного подтверждения специально уполномоченного государственного органа»;
дополнить пунктом 6 1 следующего содержания:
«6 1 ) технические средства системы оперативно-розыскных мероприятий, приобретаемых специально уполномоченным государственным органом».
Статья 2. Внести в Таможенный кодекс Республики Узбекистан, утвержденный Законом Республики Узбекистан от 20 января 2016 года № ЗРУ-400 (Ведомости палат Олий Мажлиса Республики Узбекистан, 2016 г., приложение к № 1; 2017 г., № 9, ст. 510; 2018 г., № 4, ст. 224, № 7, ст. 433, № 10, ст. 670; 2019 г., № 1, ст. 5, № 2, ст. 47, № 5, ст. 267, № 9, ст. 589, № 10, ст. 671, № 12, ст. 880; 2020 г., № 10, ст. 593; 2021 г., приложение к № 4, № 10, ст. 969; 2022 г., № 2, ст. 75, № 7, ст. 666, № 12, ст. 1190; 2023 г., № 12, ст.ст. 1010, 1011; 2024 г., № 1, ст. 5, № 2, ст.ст. 111, 113), следующие изменения и дополнение:
1) в части второй статьи 297:
в пункте 14 слова «уполномоченного государственного органа» заменить словами «специально уполномоченного государственного органа»;
дополнить пунктом 14 1 следующего содержания:
«14 1 ) технических средств системы оперативно-розыскных мероприятий, приобретаемых специально уполномоченным государственным органом»;
2) пункт 7 статьи 299 изложить в следующей редакции:
«военные грузы Министерства обороны, Службы государственной безопасности, Государственной службы безопасности Президента Республики Узбекистан, Национальной гвардии, Министерства внутренних дел, Министерства по чрезвычайным ситуациям, Таможенного комитета при Министерстве экономики и финансов Республики Узбекистан, а также военные грузы других ведомств, в которых предусмотрена военная служба».
Статья 3. Налоговому комитету при Кабинете Министров Республики Узбекистан, Таможенному комитету при Министерстве экономики и финансов Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 5. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
5 ноября 2024 г.,
№ ЗРУ-992