📅 2024-yil 4-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 ноября 2024 г. · Постановления Президента
Официальный текст. Официальный документ. Редакционные примечания не включены.
📅 4 November 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
МАНЗИЛЛИ ДАСТУР
Сув спорти турларини ривожлантириш чора-тадбирлари тўғрисида
Юртимизда ёшларнинг сув спорти турларига бўлган қизиқиши ҳамда сув спорти турлари оммавийлигини ошириш, бу орқали иқтидорли спортчиларни аниқлаш, танлаш, саралаш (селекция) ва мақсадли тайёрлаш тизимини такомиллаштириш, ушбу соҳада малакали мутахассислар ва ҳакамлар тайёрлаш орқали миллий терма жамоаларимизнинг нуфузли спорт мусобақаларида юқори натижаларга эришишини таъминлаш мақсадида:
1. Қуйидагилар сув полоси, сузиш, синхрон сузиш, сувга сакраш спорт турларини (кейинги ўринларда — сув спорти турлари) ривожлантиришнинг асосий йўналишлари этиб белгилансин:
сув спорти турларини аҳоли ўртасида оммавий спорт турларидан бирига айлантириш, иқтидорли спортчиларни аниқлаш, танлаш ва саралаш (селекция) ҳамда уларни профессионал спортчилар сифатида тайёрлашни тизимли йўлга қўйиш;
сув спорти турлари бўйича юқори маҳоратли спортчилар қамровини кенгайтириш, сув спорти турлари бўйича профессионал тренерлар, спорт тиббиёти ходимлари ҳамда бошқа мутахассисларни тайёрлаш тизимини такомиллаштириш;
сув спорти турлари бўйича халқаро талабларга мувофиқ замонавий сув спорти иншоотларини қуриш, реконструкция қилиш ҳамда моддий-техника базасини мустаҳкамлаш;
спортчиларни витаминлар, асбоб-ускуналар, экипировка ва бошқа зарур воситалар билан мунтазам таъминлаб бориш;
сув спорти турларини соғлом турмуш тарзининг муҳим таркибий қисми ва ёшларни баркамол инсон этиб тарбиялашга хизмат қиладиган спорт тури сифатида тарғиб қилиб бориш.
2. Белгилансинки:
зарур спорт инфратузилмаси мавжуд бўлган олимпия ва паралимпия спорт турларига тайёрлаш марказларида сув полоси ва синхрон сузиш гуруҳлари ташкил этилади;
Андижон ҳамда Қарши олимпия ва паралимпия спорт турларига тайёрлаш марказларида сувга сакраш спорт турини янада ривожлантиришга алоҳида эътибор қаратилади;
Ўзбекистон давлат жисмоний тарбия ва спорт университети «Сув спорти, эшкак эшиш турлари назарияси ва услубиёти» кафедраси негизида сув спорти турлари йўналишларини ўз ичига олган «Сув спорти турлари назарияси ва услубиёти» ҳамда «Эшкак эшиш спорт турлари назарияси ва услубиёти» кафедралари ташкил этилади.
3. Белгилаб қўйилсинки, 2025 йилдан бошлаб ҳар йили сув спорти турлари бўйича қуйидаги спорт мусобақалари ўтказиб борилади:
синхрон сузиш спорт тури бўйича Тошкент шаҳрида «Сув париси» халқаро турнири;
сузиш спорт тури бўйича Самарқанд вилоятида «Silk Water» халқаро турнири;
республиканинг барча ҳудудларида ёз мавсумида ўтказиладиган «World Aquatics Day» оммавий спорт фестивали;
сув спорти турлари бўйича Ўзбекистон чемпионатлари.
Спорт вазирлиги Ўзбекистон сузиш федерацияси билан биргаликда ушбу бандда кўрсатилган мусобақаларни 2025 йил 1 январдан бошлаб Спорт ва оммавий жисмоний тарбия тадбирларининг республика календарь режасига киритсин.
4. Спорт соҳасига ажратилаётган Давлат бюджети маблағларидан самарали фойдаланиш ва ўзини ўзи молиялаштириш тизимига босқичма-босқич ўтиш мақсадида Спорт вазирлиги тизимидаги спорт мактаблари ва ихтисослаштирилган спорт мактабларининг сув ҳавзаларини сақлаш билан боғлиқ харажатларни молиялаштиришнинг қуйидаги тизими жорий этилади:
а) 2026 йил 1 январдан бошлаб пуллик хизматларни кўрсатиш учун етарли имкониятларга эга сузиш ҳавзалари:
ўзини ўзи молиялаштириш тартибига ўтказилади;
спорт мактаби ва ихтисослаштирилган спорт мактабига сув ҳавзаларида жорий этиладиган пуллик хизматлар учун тўловлар миқдорини мустақил белгилаш ҳуқуқи берилади;
пуллик хизматлардан тушумлар, биринчи навбатда, фойдаланилган коммунал тўловлар харажатларига йўналтирилади ҳамда спорт мактаблари ва ихтисослаштирилган спорт мактабларига маблағларнинг қолган қисмидан мустақил фойдаланиш ҳуқуқи берилади;
спорт мактаблари ва ихтисослаштирилган спорт мактабларининг ўзини ўзи молиялаштиришга ўтказилган сузиш ҳавзаларида спорт турлари бўйича мавжуд гуруҳлар билан шуғулланаётган тренерларнинг иш ҳақи ва унга тенглаштирилган тўловлар Давлат бюджети маблағлари ҳисобидан, сузиш ҳавзасининг бошқа ходимларига тўловлар пуллик тушумлар ҳисобидан амалга оширилади;
б) даромадлари харажатларини қопламайдиган ва реконструкцияга муҳтож сув ҳавзалари давлат-хусусий шериклик шартлари асосида хусусий инвесторларга берилади.
Бунда, спорт мактаблари ва ихтисослаштирилган спорт мактабларининг давлат-хусусий шериклик асосида хусусий инвесторларга берилган сув ҳавзаларида спорт турлари бўйича мавжуд гуруҳларнинг машғулотларини мазкур сузиш ҳавзаларида беғараз асосда ўтказиб борилиши таъминланади ҳамда ушбу талаб тегишли давлат-хусусий шериклик битимларида кўзда тутилади;
в) даромадлари харажатларини қопламаган ёки давлат-хусусий шериклик шартлари асосида хусусий инвесторлар томонидан қизиқиш билдирилмаган сув ҳавзалари электрон онлайн-аукцион савдоларига қўйилади ҳамда уларни сотишдан тушадиган маблағлар электрон савдо майдончаси оператори тўловини чегириб ташлаган ҳолда, тўлиқ ҳажмда Спортни қўллаб-қувватлаш жамғармасига туширилади;
г) сув ҳавзаларини ўзини ўзи молиялаштиришга ўтказиш натижасида тежаб қолинадиган бюджет маблағлари сув спорти турлари бўйича спортчиларни витаминлар, асбоб-ускуналар, экипировка ва бошқа зарур воситалар билан таъминлашга, шунингдек, сув спорти турлари бўйича кадрлар малакасини ошириб боришга мақсадли йўналтирилади;
д) ихтисослаштирилган спорт мактабларига тегишли бўлган сув ҳавзалари электрон онлайн-аукцион савдоларига чиқарилган ҳолларда уларнинг ўқувчи-спортчилари тегишли ҳудуддаги олимпия ва паралимпия спорт турларига тайёрлаш марказларининг сузиш ҳавзаларида беғараз асосда шуғуллантирилади.
5. Спорт вазирлиги:
уч ой муддатда вазирлик тизимидаги спорт мактаблари ва ихтисослаштирилган спорт мактабларининг сув ҳавзаларини хатловдан ўтказиш чораларини кўрсин;
2025 йил 1 июнга қадар давлат-хусусий шериклик шартлари асосида хусусий инвесторга бериладиган сув ҳавзалари рўйхатини шакллантирсин ҳамда ўзининг расмий веб-сайтида тегишли эълонлар жойлаштирилишини таъминласин;
2026 йил 1 январдан бошлаб ўзини ўзи молиялаштиришга ўтказиладиган сув ҳавзалари фаолияти мазкур қарор асосида ташкил этилиши бўйича зарур чора-тадбирларни амалга оширсин;
даромадлари харажатларини қопламайдиган ёки давлат-хусусий шериклик шартлари асосида хусусий инвесторлар томонидан қизиқиш билдирилмаган сув ҳавзалари рўйхатини шакллантириб, Давлат мулкини хусусийлаштириш дастурига киритиш масаласини кўриб чиқиш учун Давлат активларини бошқариш агентлигига тақдим этилишини таъминласин.
6. Сув спорти турларини кенг тарғиб қилиш ва оммалаштириш, аҳолининг ушбу спорт турларига қизиқишини ошириш мақсадида тажриба тариқасида 2026 йилдан бошлаб Тошкент шаҳри ва Сирдарё вилоятидаги маҳаллаларда 6х15 метр ўлчамли сузиш ҳавзалари барпо этилади.
Бунда, мазкур сузиш ҳавзалари тегишли ҳудуддаги спорт мактаблари балансига ўтказиб берилади ҳамда уларни сақлаш харажатлари спорт мактабининг бюджетдан ташқари маблағлари ҳисобидан амалга оширилади.
Спорт вазирлиги:
6х15 метр ўлчамли сузиш ҳавзаларини барпо этишни молиялаштиришнинг қўшимча имкониятларини яратиш мақсадида халқаро ва хорижий ташкилотларнинг техник кўмак (грант) маблағларини жалб қилиш чораларини кўрсин;
тажриба натижалари асосида 2028 йилдан бошлаб ушбу намуна асосида республиканинг бошқа ҳудудларида ҳам бундай сузиш ҳавзаларини барпо этиш тўғрисида Вазирлар Маҳкамасига таклиф киритсин.
7. Сув спорти турлари билан шуғулланиш имкониятларини кенгайтириш мақсадида Спорт вазирлиги Ўзбекистон Миллий олимпия қўмитаси ва Ўзбекистон сузиш федерацияси билан биргаликда 2025 йил 1 июнга қадар давлат таълим муассасаларида сув спорти бўйича амалий машғулотларни олиб бориш учун кўчма бассейнлардан фойдаланиш амалиётини йўлга қўйишнинг мақсадга мувофиқлиги бўйича Вазирлар Маҳкамасига таклиф киритсин.
8. 2025 — 2027 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида сув спорти турлари инфратузилмасини яхшилаш бўйича манзилли дастур иловага мувофиқ тасдиқлансин.
9. Спорт вазирлиги, «Навоий кон-металлургия комбинати» АЖ ва Ўзбекистон сузиш федерациясининг сув спорти турлари бўйича миллий терма жамоалар спортчилари йил давомида узлуксиз ўқув-машғулот йиғинларини ўтказиб бориши учун Тошкент вилояти, Чирчиқ шаҳар, Спортчилар кўчасида жойлашган Ўзбекистон давлат жисмоний тарбия ва спорт университетининг 50х25 м ўлчамли очиқ сузиш ҳавзасини «Навоий кон-металлургия комбинати» АЖнинг ҳомийлик маблағлари ҳисобидан реконструкция қилиш (ёпиқ ҳавзага айлантириш) ҳамда ёпиқ сузиш ҳавзасини мукаммал таъмирлаш тўғрисидаги таклифлари маъқуллансин.
10. Замонавий илмий ютуқлар ва инновацион технологиялардан фойдаланган ҳолда соҳа мутахассисларининг касбий маҳоратини доимий ошириб бориш мақсадида, сув ҳавзаларини ўзини ўзи молиялаштиришга ўтказиш натижасида тежаб қолинадиган бюджет маблағлари ҳамда ҳомийлик хайриялари ҳисобидан:
маҳаллий ва хорижий мутахассислар иштирокида тренерлар, ҳакамлар ва бошқа мутахассисларни қайта тайёрлаш ҳамда уларнинг малакасини ошириб бориш йўлга қўйилади. Бунда, спортчиларни тайёрлаш жараёнига рақамли технологияларни жорий этишга алоҳида эътибор қаратилади;
2025 — 2027 йилларда миллий терма жамоалар тренерлари, шунингдек, олимпия ва паралимпия спорт турларига тайёрлаш марказларида сув спорти турлари бўйича фаолият юритаётган тренерлар хорижий давлатларга қисқа муддатли стажировкага юборилади.
Спорт вазирлиги Ўзбекистон Миллий олимпия қўмитаси ва Ўзбекистон сузиш федерацияси билан биргаликда икки ой муддатда сув спорти турлари бўйича тренерлар, ҳакамлар ва бошқа мутахассисларни қайта тайёрлаш ҳамда уларнинг малакасини ошириб бориш, шунингдек, тренерларни хорижий давлатларга қисқа муддатли стажировкага юбориш режасини тасдиқласин.
11. Соғлиқни сақлаш вазирлиги ҳамда Спорт вазирлиги Ўзбекистон сузиш федерацияси билан биргаликда сузиш ҳавзаларида санитария қоидалари, нормалари ва гигиена нормативлари бажарилиши бўйича доимий равишда тушунтириш ишларини олиб борсин.
12. Ўзбекистон Миллий ахборот агентлиги ва Ўзбекистон Миллий телерадиокомпанияси мазкур қарорнинг мазмун-моҳияти ва амалий аҳамиятини ёритишга оид мақолалар эълон қилиниши, брифинглар, тематик телекўрсатувлар тайёрланишини ташкил этсин.
13. Спорт вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
14. Мазкур қарорнинг ижросини самарали ташкил қилишга масъул ва шахсий жавобгар этиб спорт вазири А.И. Икрамов ва Ўзбекистон Миллий олимпия қўмитаси Бош котиби О.О. Касимов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси департаменти раҳбари О.Қ. Абдурахманов зиммасига юклансин.
Ўзбекистон Республикаси Президентининг 2024 йил 4 ноябрдаги ПҚ-382-сон қарорига ИЛОВА
2025 — 2027 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида сув спорти турлари инфратузилмасини яхшилаш бўйича
Т/р Сув спорти иншооти Чора-тадбир номи Муддат 1. Республика олимпия ва паралимпия спорт турларига тайёрлаш марказига қарашли 50х25 м ўлчамли ёпиқ сузиш ҳавзаси Мукаммал таъмирлаш 2026-2027 йй. 2. Нукус олимпия ва паралимпия спорт турларига тайёрлаш марказига қарашли 25х11 м ўлчамли ёпиқ сузиш ҳавзаси Реконструкция қилиш 2025-2026 йй. 3. Андижон олимпия ва паралимпия спорт турларига тайёрлаш марказига қарашли 50х25 м ўлчамли ёпиқ сузиш ҳавзаси Мукаммал таъмирлаш 2026-2027 йй. 4. Бухоро олимпия ва паралимпия спорт турларига тайёрлаш марказига қарашли 25х11 м ўлчамли очиқ сузиш ҳавзаси Мукаммал таъмирлаш 2026-2027 йй. 5. Қарши олимпия ва паралимпия спорт турларига тайёрлаш марказига қарашли 50х25 м ўлчамли ёпиқ сузиш ҳавзаси Мукаммал таъмирлаш 2026-2027 йй. 6. Наманган олимпия ва паралимпия спорт турларига тайёрлаш маркази учун янги 50х25 м ўлчамли ёпиқ сузиш ҳавзаси Янгидан барпо этиш 2025-2026 йй. 7. Тойлоқ олимпия ва паралимпия спорт турларига тайёрлаш марказига қарашли 25х13 м ўлчамли ёпиқ сузиш ҳавзаси Мукаммал таъмирлаш 2025-2026 йй. 8. Термиз олимпия ва паралимпия спорт турларига тайёрлаш марказига қарашли 25х11 м ўлчамли ёпиқ сузиш ҳавзаси Мукаммал таъмирлаш 2025-2026 йй. 9. Фарғона олимпия ва паралимпия спорт турларига тайёрлаш марказига қарашли 50х21 м ўлчамли ёпиқ сузиш ҳавзаси Мукаммал таъмирлаш 2026-2027 йй. 10. Урганч олимпия ва паралимпия спорт турларига тайёрлаш марказига қарашли 50х25 м ўлчамли очиқ сузиш ҳавзаси Реконструкция қилиш ( ёпиқ сув ҳавзаси сифатида ) 2026-2027 йй.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 4 ноябрь,
ПҚ-382-сон
Oʻzbekiston Respublikasi Prezidentining
qarori
MANZILLI DASTUR
Suv sporti turlarini rivojlantirish chora-tadbirlari toʻgʻrisida
Yurtimizda yoshlarning suv sporti turlariga boʻlgan qiziqishi hamda suv sporti turlari ommaviyligini oshirish, bu orqali iqtidorli sportchilarni aniqlash, tanlash, saralash (seleksiya) va maqsadli tayyorlash tizimini takomillashtirish, ushbu sohada malakali mutaxassislar va hakamlar tayyorlash orqali milliy terma jamoalarimizning nufuzli sport musobaqalarida yuqori natijalarga erishishini taʼminlash maqsadida:
1. Quyidagilar suv polosi, suzish, sinxron suzish, suvga sakrash sport turlarini (keyingi oʻrinlarda — suv sporti turlari) rivojlantirishning asosiy yoʻnalishlari etib belgilansin:
suv sporti turlarini aholi oʻrtasida ommaviy sport turlaridan biriga aylantirish, iqtidorli sportchilarni aniqlash, tanlash va saralash (seleksiya) hamda ularni professional sportchilar sifatida tayyorlashni tizimli yoʻlga qoʻyish;
suv sporti turlari boʻyicha yuqori mahoratli sportchilar qamrovini kengaytirish, suv sporti turlari boʻyicha professional trenerlar, sport tibbiyoti xodimlari hamda boshqa mutaxassislarni tayyorlash tizimini takomillashtirish;
suv sporti turlari boʻyicha xalqaro talablarga muvofiq zamonaviy suv sporti inshootlarini qurish, rekonstruksiya qilish hamda moddiy-texnika bazasini mustahkamlash;
sportchilarni vitaminlar, asbob-uskunalar, ekipirovka va boshqa zarur vositalar bilan muntazam taʼminlab borish;
suv sporti turlarini sogʻlom turmush tarzining muhim tarkibiy qismi va yoshlarni barkamol inson etib tarbiyalashga xizmat qiladigan sport turi sifatida targʻib qilib borish.
2. Belgilansinki:
zarur sport infratuzilmasi mavjud boʻlgan olimpiya va paralimpiya sport turlariga tayyorlash markazlarida suv polosi va sinxron suzish guruhlari tashkil etiladi;
Andijon hamda Qarshi olimpiya va paralimpiya sport turlariga tayyorlash markazlarida suvga sakrash sport turini yanada rivojlantirishga alohida eʼtibor qaratiladi;
Oʻzbekiston davlat jismoniy tarbiya va sport universiteti “Suv sporti, eshkak eshish turlari nazariyasi va uslubiyoti” kafedrasi negizida suv sporti turlari yoʻnalishlarini oʻz ichiga olgan “Suv sporti turlari nazariyasi va uslubiyoti” hamda “Eshkak eshish sport turlari nazariyasi va uslubiyoti” kafedralari tashkil etiladi.
3. Belgilab qoʻyilsinki, 2025-yildan boshlab har yili suv sporti turlari boʻyicha quyidagi sport musobaqalari oʻtkazib boriladi:
sinxron suzish sport turi boʻyicha Toshkent shahrida “Suv parisi” xalqaro turniri;
suzish sport turi boʻyicha Samarqand viloyatida “Silk Water” xalqaro turniri;
respublikaning barcha hududlarida yoz mavsumida oʻtkaziladigan “World Aquatics Day” ommaviy sport festivali;
suv sporti turlari boʻyicha Oʻzbekiston chempionatlari.
Sport vazirligi Oʻzbekiston suzish federatsiyasi bilan birgalikda ushbu bandda koʻrsatilgan musobaqalarni 2025-yil 1-yanvardan boshlab Sport va ommaviy jismoniy tarbiya tadbirlarining respublika kalendar rejasiga kiritsin.
4. Sport sohasiga ajratilayotgan Davlat budjeti mablagʻlaridan samarali foydalanish va oʻzini oʻzi moliyalashtirish tizimiga bosqichma-bosqich oʻtish maqsadida Sport vazirligi tizimidagi sport maktablari va ixtisoslashtirilgan sport maktablarining suv havzalarini saqlash bilan bogʻliq xarajatlarni moliyalashtirishning quyidagi tizimi joriy etiladi:
a) 2026-yil 1-yanvardan boshlab pullik xizmatlarni koʻrsatish uchun yetarli imkoniyatlarga ega suzish havzalari:
oʻzini oʻzi moliyalashtirish tartibiga oʻtkaziladi;
sport maktabi va ixtisoslashtirilgan sport maktabiga suv havzalarida joriy etiladigan pullik xizmatlar uchun toʻlovlar miqdorini mustaqil belgilash huquqi beriladi;
pullik xizmatlardan tushumlar, birinchi navbatda, foydalanilgan kommunal toʻlovlar xarajatlariga yoʻnaltiriladi hamda sport maktablari va ixtisoslashtirilgan sport maktablariga mablagʻlarning qolgan qismidan mustaqil foydalanish huquqi beriladi;
sport maktablari va ixtisoslashtirilgan sport maktablarining oʻzini oʻzi moliyalashtirishga oʻtkazilgan suzish havzalarida sport turlari boʻyicha mavjud guruhlar bilan shugʻullanayotgan trenerlarning ish haqi va unga tenglashtirilgan toʻlovlar Davlat budjeti mablagʻlari hisobidan, suzish havzasining boshqa xodimlariga toʻlovlar pullik tushumlar hisobidan amalga oshiriladi;
b) daromadlari xarajatlarini qoplamaydigan va rekonstruksiyaga muhtoj suv havzalari davlat-xususiy sheriklik shartlari asosida xususiy investorlarga beriladi.
Bunda, sport maktablari va ixtisoslashtirilgan sport maktablarining davlat-xususiy sheriklik asosida xususiy investorlarga berilgan suv havzalarida sport turlari boʻyicha mavjud guruhlarning mashgʻulotlarini mazkur suzish havzalarida begʻaraz asosda oʻtkazib borilishi taʼminlanadi hamda ushbu talab tegishli davlat-xususiy sheriklik bitimlarida koʻzda tutiladi;
v) daromadlari xarajatlarini qoplamagan yoki davlat-xususiy sheriklik shartlari asosida xususiy investorlar tomonidan qiziqish bildirilmagan suv havzalari elektron onlayn-auksion savdolariga qoʻyiladi hamda ularni sotishdan tushadigan mablagʻlar elektron savdo maydonchasi operatori toʻlovini chegirib tashlagan holda, toʻliq hajmda Sportni qoʻllab-quvvatlash jamgʻarmasiga tushiriladi;
g) suv havzalarini oʻzini oʻzi moliyalashtirishga oʻtkazish natijasida tejab qolinadigan budjet mablagʻlari suv sporti turlari boʻyicha sportchilarni vitaminlar, asbob-uskunalar, ekipirovka va boshqa zarur vositalar bilan taʼminlashga, shuningdek, suv sporti turlari boʻyicha kadrlar malakasini oshirib borishga maqsadli yoʻnaltiriladi;
d) ixtisoslashtirilgan sport maktablariga tegishli boʻlgan suv havzalari elektron onlayn-auksion savdolariga chiqarilgan hollarda ularning oʻquvchi-sportchilari tegishli hududdagi olimpiya va paralimpiya sport turlariga tayyorlash markazlarining suzish havzalarida begʻaraz asosda shugʻullantiriladi.
5. Sport vazirligi:
uch oy muddatda vazirlik tizimidagi sport maktablari va ixtisoslashtirilgan sport maktablarining suv havzalarini xatlovdan oʻtkazish choralarini koʻrsin;
2025-yil 1-iyunga qadar davlat-xususiy sheriklik shartlari asosida xususiy investorga beriladigan suv havzalari roʻyxatini shakllantirsin hamda oʻzining rasmiy veb-saytida tegishli eʼlonlar joylashtirilishini taʼminlasin;
2026-yil 1-yanvardan boshlab oʻzini oʻzi moliyalashtirishga oʻtkaziladigan suv havzalari faoliyati mazkur qaror asosida tashkil etilishi boʻyicha zarur chora-tadbirlarni amalga oshirsin;
daromadlari xarajatlarini qoplamaydigan yoki davlat-xususiy sheriklik shartlari asosida xususiy investorlar tomonidan qiziqish bildirilmagan suv havzalari roʻyxatini shakllantirib, Davlat mulkini xususiylashtirish dasturiga kiritish masalasini koʻrib chiqish uchun Davlat aktivlarini boshqarish agentligiga taqdim etilishini taʼminlasin.
6. Suv sporti turlarini keng targʻib qilish va ommalashtirish, aholining ushbu sport turlariga qiziqishini oshirish maqsadida tajriba tariqasida 2026-yildan boshlab Toshkent shahri va Sirdaryo viloyatidagi mahallalarda 6x15 metr oʻlchamli suzish havzalari barpo etiladi.
Bunda, mazkur suzish havzalari tegishli hududdagi sport maktablari balansiga oʻtkazib beriladi hamda ularni saqlash xarajatlari sport maktabining budjetdan tashqari mablagʻlari hisobidan amalga oshiriladi.
Sport vazirligi:
6x15 metr oʻlchamli suzish havzalarini barpo etishni moliyalashtirishning qoʻshimcha imkoniyatlarini yaratish maqsadida xalqaro va xorijiy tashkilotlarning texnik koʻmak (grant) mablagʻlarini jalb qilish choralarini koʻrsin;
tajriba natijalari asosida 2028-yildan boshlab ushbu namuna asosida respublikaning boshqa hududlarida ham bunday suzish havzalarini barpo etish toʻgʻrisida Vazirlar Mahkamasiga taklif kiritsin.
7. Suv sporti turlari bilan shugʻullanish imkoniyatlarini kengaytirish maqsadida Sport vazirligi Oʻzbekiston Milliy olimpiya qoʻmitasi va Oʻzbekiston suzish federatsiyasi bilan birgalikda 2025-yil 1-iyunga qadar davlat taʼlim muassasalarida suv sporti boʻyicha amaliy mashgʻulotlarni olib borish uchun koʻchma basseynlardan foydalanish amaliyotini yoʻlga qoʻyishning maqsadga muvofiqligi boʻyicha Vazirlar Mahkamasiga taklif kiritsin.
8. 2025 — 2027-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida suv sporti turlari infratuzilmasini yaxshilash boʻyicha manzilli dastur ilovaga muvofiq tasdiqlansin.
9. Sport vazirligi, “Navoiy kon-metallurgiya kombinati” AJ va Oʻzbekiston suzish federatsiyasining suv sporti turlari boʻyicha milliy terma jamoalar sportchilari yil davomida uzluksiz oʻquv-mashgʻulot yigʻinlarini oʻtkazib borishi uchun Toshkent viloyati, Chirchiq shahar, Sportchilar koʻchasida joylashgan Oʻzbekiston davlat jismoniy tarbiya va sport universitetining 50x25 m oʻlchamli ochiq suzish havzasini “Navoiy kon-metallurgiya kombinati” AJning homiylik mablagʻlari hisobidan rekonstruksiya qilish (yopiq havzaga aylantirish) hamda yopiq suzish havzasini mukammal taʼmirlash toʻgʻrisidagi takliflari maʼqullansin.
10. Zamonaviy ilmiy yutuqlar va innovatsion texnologiyalardan foydalangan holda soha mutaxassislarining kasbiy mahoratini doimiy oshirib borish maqsadida, suv havzalarini oʻzini oʻzi moliyalashtirishga oʻtkazish natijasida tejab qolinadigan budjet mablagʻlari hamda homiylik xayriyalari hisobidan:
mahalliy va xorijiy mutaxassislar ishtirokida trenerlar, hakamlar va boshqa mutaxassislarni qayta tayyorlash hamda ularning malakasini oshirib borish yoʻlga qoʻyiladi. Bunda, sportchilarni tayyorlash jarayoniga raqamli texnologiyalarni joriy etishga alohida eʼtibor qaratiladi;
2025 — 2027-yillarda milliy terma jamoalar trenerlari, shuningdek, olimpiya va paralimpiya sport turlariga tayyorlash markazlarida suv sporti turlari boʻyicha faoliyat yuritayotgan trenerlar xorijiy davlatlarga qisqa muddatli stajirovkaga yuboriladi.
Sport vazirligi Oʻzbekiston Milliy olimpiya qoʻmitasi va Oʻzbekiston suzish federatsiyasi bilan birgalikda ikki oy muddatda suv sporti turlari boʻyicha trenerlar, hakamlar va boshqa mutaxassislarni qayta tayyorlash hamda ularning malakasini oshirib borish, shuningdek, trenerlarni xorijiy davlatlarga qisqa muddatli stajirovkaga yuborish rejasini tasdiqlasin.
11. Sogʻliqni saqlash vazirligi hamda Sport vazirligi Oʻzbekiston suzish federatsiyasi bilan birgalikda suzish havzalarida sanitariya qoidalari, normalari va gigiyena normativlari bajarilishi boʻyicha doimiy ravishda tushuntirish ishlarini olib borsin.
12. Oʻzbekiston Milliy axborot agentligi va Oʻzbekiston Milliy teleradiokompaniyasi mazkur qarorning mazmun-mohiyati va amaliy ahamiyatini yoritishga oid maqolalar eʼlon qilinishi, brifinglar, tematik telekoʻrsatuvlar tayyorlanishini tashkil etsin.
13. Sport vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur qarorning ijrosini samarali tashkil qilishga masʼul va shaxsiy javobgar etib sport vaziri A.I. Ikramov va Oʻzbekiston Milliy olimpiya qoʻmitasi Bosh kotibi O.O. Kasimov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidentining 2024-yil 4-noyabrdagi PQ-382-son qaroriga ILOVA
2025 — 2027-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida suv sporti turlari infratuzilmasini yaxshilash boʻyicha
T/r Suv sporti inshooti Chora-tadbir nomi Muddat 1. Respublika olimpiya va paralimpiya sport turlariga tayyorlash markaziga qarashli 50x25 m oʻlchamli yopiq suzish havzasi Mukammal taʼmirlash 2026-2027 yy. 2. Nukus olimpiya va paralimpiya sport turlariga tayyorlash markaziga qarashli 25x11 m oʻlchamli yopiq suzish havzasi Rekonstruksiya qilish 2025-2026 yy. 3. Andijon olimpiya va paralimpiya sport turlariga tayyorlash markaziga qarashli 50x25 m oʻlchamli yopiq suzish havzasi Mukammal taʼmirlash 2026-2027 yy. 4. Buxoro olimpiya va paralimpiya sport turlariga tayyorlash markaziga qarashli 25x11 m oʻlchamli ochiq suzish havzasi Mukammal taʼmirlash 2026-2027 yy. 5. Qarshi olimpiya va paralimpiya sport turlariga tayyorlash markaziga qarashli 50x25 m oʻlchamli yopiq suzish havzasi Mukammal taʼmirlash 2026-2027 yy. 6. Namangan olimpiya va paralimpiya sport turlariga tayyorlash markazi uchun yangi 50x25 m oʻlchamli yopiq suzish havzasi Yangidan barpo etish 2025-2026 yy. 7. Toyloq olimpiya va paralimpiya sport turlariga tayyorlash markaziga qarashli 25x13 m oʻlchamli yopiq suzish havzasi Mukammal taʼmirlash 2025-2026 yy. 8. Termiz olimpiya va paralimpiya sport turlariga tayyorlash markaziga qarashli 25x11 m oʻlchamli yopiq suzish havzasi Mukammal taʼmirlash 2025-2026 yy. 9. Fargʻona olimpiya va paralimpiya sport turlariga tayyorlash markaziga qarashli 50x21 m oʻlchamli yopiq suzish havzasi Mukammal taʼmirlash 2026-2027 yy. 10. Urganch olimpiya va paralimpiya sport turlariga tayyorlash markaziga qarashli 50x25 m oʻlchamli ochiq suzish havzasi Rekonstruksiya qilish ( yopiq suv havzasi sifatida ) 2026-2027 yy.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 4-noyabr,
PQ-382-son
Президента Республики Узбекистан
Постановление
АДРЕСНАЯ ПРОГРАММА
О мерах по развитию водных видов спорта
В стране в целях повышения интереса молодежи к водным видам спорта, их популяризации, совершенствования посредством этого системы выявления, отбора, селекции и целевой подготовки талантливых спортсменов, а также обеспечения достижения нашими национальными сборными командами высоких результатов на престижных спортивных соревнованиях путем подготовки квалифицированных специалистов и судей в данной сфере:
1. Определить основными направлениями развития видов спорта водное поло, плавание, синхронное плавание, прыжки в воду (далее — водные виды спорта):
превращение водных видов спорта в один из массовых видов спорта среди населения, организацию на системной основе выявления, отбора и селекции талантливых спортсменов, а также их подготовки в качестве профессиональных спортсменов;
расширение охвата высококвалифицированных спортсменов по водным видам спорта, совершенствование системы подготовки профессиональных тренеров, работников спортивной медицины и других специалистов по водным видам спорта;
строительство, реконструкцию, укрепление материально-технической базы современных объектов водных видов спорта в соответствии с международными требованиями;
регулярное обеспечение спортсменов витаминами, снаряжением, экипировкой и другими необходимыми средствами;
пропаганду водных видов спорта как важной составной части здорового образа жизни и видов спорта, служащих делу воспитания молодежи в качестве гармонично развитых личностей.
2. Установить, что:
в центрах по подготовке к олимпийским и паралимпийским видам спорта, имеющих необходимую спортивную инфраструктуру, создаются группы по водному поло и синхронному плаванию;
в Андижанском и Каршинском центрах по подготовке к олимпийским и паралимпийским видам спорта будет уделяться особое внимание дальнейшему развитию вида спорта прыжки в воду;
в Узбекском государственном университете физической культуры и спорта на базе кафедры «Теория и методика водных и гребных видов спорта» создаются кафедры по направлениям водных видов спорта «Теория и методика водных видов спорта» и «Теория и методика гребных видов спорта».
3. Определить, что начиная с 2025 года ежегодно проводятся следующие спортивные соревнования по водным видам спорта:
международный турнир по виду спорта синхронное плавание «Русалка» в городе Ташкенте;
международный турнир по виду спорта плавание «Silk Water» в Самаркандской области;
массовый спортивный фестиваль «World Aquatics Day», проводимый во всех регионах республики в летнем сезоне;
чемпионаты Узбекистана по водным видам спорта.
Министерству спорта совместно с Федерацией плавания Узбекистана включить с 1 января 2025 года соревнования, указанные в настоящем пункте, в Республиканский календарный план спортивных и физкультурно-массовых мероприятий.
4. В целях эффективного использования средств Государственного бюджета, выделяемых на сферу спорта, а также поэтапного перехода к системе самофинансирования внедряется система финансирования расходов, связанных с содержанием плавательных бассейнов спортивных школ и специализированных спортивных школ в системе Министерства спорта, в соответствии с которой:
а) начиная с 1 января 2026 года плавательные бассейны, имеющие возможности, достаточные для оказания платных услуг:
переводятся на систему самофинансирования;
спортивные школы и специализированные спортивные школы наделяются правом самостоятельного установления размеров платы за внедряемые платные услуги в плавательных бассейнах;
поступления от платных услуг направляются в первую очередь на расходы по коммунальным платежам, и спортивным школам и специализированным спортивным школам предоставляется право на самостоятельное использование оставшейся части средств;
заработная плата и приравненные к ней выплаты тренерам, занимающимся с действующими группами по видам спорта в плавательных бассейнах, переведенных на самофинансирование, спортивных школ и специализированных спортивных школ, выплачиваются за счет средств Государственного бюджета, а выплаты другим работникам таких бассейнов осуществляются за счет поступивших средств;
б) плавательные бассейны, доходы которых не покрывают их расходов и нуждающиеся в реконструкции, передаются частным инвесторам на основе условий государственно-частного партнерства.
При этом, обеспечивается безвозмездное проведение занятий с действующими группами по видам спорта в плавательных бассейнах спортивных школ и специализированных спортивных школ, переданных частным инвесторам на основе условий государственно-частного партнерства, и данное требование предусматривается в соответствующих соглашениях о государственно-частном партнерстве;
в) плавательные бассейны, доходы которых не покрывают их расходов либо к которым не проявили интерес частные инвесторы на основе условий государственно-частного партнерства, выставляются на электронные онлайн-аукционные торги, и средства от их реализации, за вычетом оплаты оператору электронной торговой площадки, перечисляются в Фонд поддержки спорта в полном объеме;
г) бюджетные средства, сэкономленные в результате перевода плавательных бассейнов на самофинансирование, направляются в целевом порядке на обеспечение спортсменов по водным видам спорта витаминами, снаряжением, экипировкой и другими необходимыми средствами, а также повышение квалификации кадров по водным видам спорта;
д) в случае выставления плавательных бассейнов специализированных спортивных школ на электронные онлайн-аукционные торги их учащиеся-спортсмены занимаются в плавательных бассейнах центров по подготовке к олимпийским и паралимпийским видам спорта на соответствующей территории на безвозмездной основе.
5. Министерству спорта:
в трехмесячный срок принять меры по проведению инвентаризации плавательных бассейнов спортивных школ и специализированных спортивных школ в системе Министерства;
в срок до 1 июня 2025 года составить перечень плавательных бассейнов, передаваемых частным инвесторам на основе условий государственно-частного партнерства, и обеспечить размещение соответствующих объявлений на своем официальном веб-сайте;
осуществить необходимые меры по организации деятельности плавательных бассейнов, переводимых с 1 января 2026 года на самофинансирование, в соответствии с настоящим постановлением;
составить перечень плавательных бассейнов, доходы которых не покрывают их расходов либо к которым не проявили интерес частные инвесторы на основе условий государственно-частного партнерства, и обеспечить представление указанного перечня в Агентство по управлению государственными активами для рассмотрения вопроса включения в Программу приватизации государственного имущества.
6. В целях широкой пропаганды и популяризации водных видов спорта, повышения интереса населения к данным видам спорта начиная с 2026 года в махаллях города Ташкента и Сырдарьинской области в порядке эксперимента будут созданы плавательные бассейны размером 6х15 метров.
При этом, данные плавательные бассейны передаются на баланс спортивных школ, расположенных на соответствующей территории, а расходы по их содержанию осуществляются за счет внебюджетных средств этих спортивных школ.
Министерству спорта:
принять меры по привлечению средств технического содействия (грантов) международных и зарубежных организаций на цели создания дополнительных возможностей для финансирования строительства плавательных бассейнов размером 6х15 метров;
внести по результатам эксперимента в Кабинет Министров предложение о строительстве начиная с 2028 года плавательных бассейнов данного образца также в других регионах республики.
7. В целях расширения возможности занятия водными видами спорта Министерству спорта совместно с Национальным олимпийским комитетом Узбекистана и Федерацией плавания Узбекистана в срок до 1 июня 2025 года внести в Кабинет Министров предложение о целесообразности внедрения практики эксплуатации передвижных плавательных бассейнов для проведения практических занятий по водным видам спорта в государственных образовательных учреждениях.
8. Утвердить адресную программу по улучшению инфраструктуры водных видов спорта согласно приложению в рамках Программы развития социальной и производственной инфраструктуры Республики Узбекистан на 2025 — 2027 годы.
9. Одобрить предложения Министерства спорта, АО «Навоийский горно-металлургический комбинат» и Федерации плавания Узбекистана, предусматривающие реконструкцию (перепрофилирование в крытый бассейн) открытого плавательного бассейна, а также капитальный ремонт крытого плавательного бассейна размером 50х25 метров Узбекского государственного университета физической культуры и спорта, расположенного по улице Спортчилар города Чирчика Ташкентской области, за счет спонсорских средств АО «Навоийский горно-металлургический комбинат» для проведения непрерывных учебно-тренировочных сборов спортсменов национальных сборных команд по водным видам спорта в течение года.
10. В целях повышения на постоянной основе профессионального мастерства специалистов сферы с использованием современных научных достижений и инновационных технологий за счет бюджетных средств, сэкономленных в результате перевода плавательных бассейнов на самофинансирование, а также благотворительных пожертвований:
налаживаются переподготовка и повышение квалификации тренеров, судей и других специалистов с участием отечественных и зарубежных специалистов. При этом, особое внимание будет уделяться внедрению цифровых технологий в процесс подготовки спортсменов;
тренеры национальных сборных команд, а также тренеры по водным видам спорта, осуществляющие деятельность в центрах по подготовке к олимпийским и паралимпийским видам спорта, будут направляться на краткосрочную стажировку в зарубежные государства в 2025 — 2027 годах.
Министерству спорта совместно с Национальным олимпийским комитетом Узбекистана и Федерацией плавания Узбекистана в двухмесячный срок утвердить план переподготовки и повышения квалификации тренеров, судей и других специалистов по водным видам спорта, а также направления тренеров на краткосрочную стажировку в зарубежные государства.
11. Министерству здравоохранения и Министерству спорта совместно с Федерацией плавания Узбекистана проводить на постоянной основе разъяснительную работу о соблюдении санитарных правил и норм, гигиенических нормативов в плавательных бассейнах.
12. Национальному информационному агентству Узбекистана и Национальной телерадиокомпании Узбекистана организовать опубликование статей, подготовку брифингов, тематических телепередач по освещению сути и содержания, практической значимости настоящего постановления.
13. Министерству спорта совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
14. Возложить на министра спорта А.И. Икрамова и генерального секретаря Национального олимпийского комитета Узбекистана О.О. Касимова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и руководителя Департамента Администрации Президента Республики Узбекистан О.К. Абдурахманова.
ПРИЛОЖЕНИЕ к постановлению Президента Республики Узбекистан от 4 ноября 2024 года № ПП-382
по улучшению инфраструктуры водных видов спорта в рамках Программы развития социальной и производственной инфраструктуры Республики Узбекистан на 2025 — 2027 годы
№ Объекты водного спорта Наименование мер Сроки 1. Крытый плавательный бассейн размером 50х25 метров при Республиканском центре по подготовке к олимпийским и паралимпийским видам спорта Капитальный ремонт 2026-2027 гг. 2. Крытый плавательный бассейн размером 25х11 метров при Нукусском центре по подготовке к олимпийским и паралимпийским видам спорта Реконструкция 2025-2026 гг. 3. Крытый плавательный бассейн размером 50х25 метров при Андижанском центре по подготовке к олимпийским и паралимпийским видам спорта Капитальный ремонт 2026-2027 гг. 4. Открытый плавательный бассейн размером 25х11 метров при Бухарском центре по подготовке к олимпийским и паралимпийским видам спорта Капитальный ремонт 2026-2027 гг. 5. Крытый плавательный бассейн размером 50х25 метров при Каршинском центре по подготовке к олимпийским и паралимпийским видам спорта Капитальный ремонт 2026-2027 гг. 6. Новый крытый плавательный бассейн размером 50х25 метров для Наманганского центра по подготовке к олимпийским и паралимпийским видам спорта Новое строительство 2025-2026 гг. 7. Крытый плавательный бассейн размером 25х13 метров при Тайлакском центре по подготовке к олимпийским и паралимпийским видам спорта Капитальный ремонт 2025-2026 гг. 8. Крытый плавательный бассейн размером 25х11 метров при Термезском центре по подготовке к олимпийским и паралимпийским видам спорта Капитальный ремонт 2025-2026 гг. 9. Крытый плавательный бассейн размером 50х21 метров при Ферганском центре по подготовке к олимпийским и паралимпийским видам спорта Капитальный ремонт 2026-2027 гг. 10. Открытый плавательный бассейн размером 50х25 метров при Ургенчском центре по подготовке к олимпийским и паралимпийским видам спорта Реконструкция ( в качестве крытого плавательного бассейна ) 2026-2027 гг.
Президент Республики Узбекистан Ш. МИРЗИЁЕВ
г. Ташкент,
4 ноября 2024 г.,
№ ПП-382